رواية السجينة الفصل العاشر 10 - بقلم شـــروق الــسامــرائي

#السجينة💔💔💔
الجزء الحادي عشر.....
زهرة:من بعد وفاة مالك اني انتكست
صحتي وصارت يوم عن يوم اضعف اكثر
وعلاقتي خربت وية اقرب الناس الي،،الي
همة ولدي ما اعرف شديصير بحالي اني
مجنت هيج ولا مالك يريدني هيج اتصرف
المفروض بغيابه الم ولدي لحضني لكن اني
سويت العكس ومو بس هذا حماية كمال
جان روحه لمالك واني الي كسرته هو واهله
شلون وليش ما ادري بس شي بداخلي
يكلي دمري الكل همة السبب بموتت مالك
ولدي كاموا ميكعدون ابد بالبيت يجون ع كد
نومتهم واكلهم كل واحد بوقت مو سوة
وينك مالك تعال شوف بيتك شلون انهجم
بعدك،،،
واخر شي صار هجمت بيت ابني بيدي ساعة
اكول اني غلطانة وهي متستاهل وساعة
اكول لا خل تولي مازن نطاها عين زيادة
وتفرعنت شنو الصح ومنو الصح ما ادري،،،،،،
ظليت كاعدة بغرفتي ع كرسي هزاز واتفرج
ع الحديقة،،هذي جانت كعدة مالك المفضلة
وقت الهدوء والسكينة لكن وين السكينة
واني حرب ناشبة بداخلي عليمن وليش
هم ما ادري بس شي بداخلي يكول
ثوري،،،،
ضرغام:صادف اليوم تأخرت بالشغل ورجعت
العصر للبيت،،البيت هدوء خالي من الحياة
يومية البيت يشع حياة حركة حوراء وجهالهة
يكمزون منا ومنا ومازن صوته وضحكته
العالية وامي كل شوية عايطة بواحد
من الجهال،،كله هسة ماكو صاير يخنك
الولد تالي الليل
يطبون امي بس بغرفته واذا كعدت ادور
حجة حتى تتعارك شنو فلمهة ما ادري
كعدت بالمطبخ غرفة امي تصير مقابيل
المطبخ بابهة جانت مفتوحة وجانت امي كاعدة
بمكان ابوية الله يرحمه بس استغربت تحجي
وتأشر وية نفسهة كلش خفت عليهة
هي منا تصرفاتهة مو طبيعية هسة
صدك مناقصنة غير هذا تصرفهة،،،،
طب سجاد للمطبخ يثاوب ويفرك بوجه
سجاد:هلا الله يساعدك اشو مجيت ع الغدة،،
ضرغام:هلا بيك صار عندي شغل وتأخرت
بيه،،اكلك تعال اندار شوف امي،،،
سجاد:شبيهة،،انداريت شفتهة كاعدة تحجي
وية روحهة،،لابربك ترى الموضوع وصل
حده داكولكم والله اكو شي مو طبيعي بيهة
خل نوديهة دكتور شيخ شي خما نظل
نتفرج عليهة،،،،
مازن:طبيت للبيت لكيت الولد بالمطبخ،،،
السلام عليكم،،خير شبيكم،،
ضرغام&سجاد:وعليكم السلام،،،
سجاد:امي ودرت مازن،،
مازن:لا يولد امي بيهة شي صدكوني يعني
معقولة زهرة العاقلة الفاهمة المتدينة
تخاف ربهة هيج تتصرف،،،
سجاد:واني هم داكول خل نوديهة دكتور
اوشيخ،،،
ضرغام:ماشي خلوهة علية اني اعرف رجال
جبير بالعمر من اهل الله،،سبحان الله
هواية ناس تروحلهة بمختلف المشاكل
وشغله كله بالقران والرقية ومياخذ شي
ولايطلب بلسانه بس اكو ناس متمكنة هي
تهديهة والا يلحون علية يلة،،،
سجاد:اي شتنتظر كوم خل ناخذهة،،،
ضرغام:كمت لحيلي خل اروح احجي وياها،،،
مازن:لحظة انت توك راجع اكلك لكمة ارتاح
خليهة ع باجر او دلينة نروح اني وسجاد،،،
ضرغام:لا متسوة مالي نفس لشي،،،
كمت رحت لغرفتهة دكيت الباب وفتت
كواج الله يمة شلونج وبستهة من راسهة،،،
بالهة ابد مو يمي عبالك احد يمهة او يحجي
وياها،،،اكلج يوم،،،
زهرة:هااااا ضرغام شوكت جيت اشو مشفتك
ضرغام:استغفرالله،،،حبيبتي كومي ويانة
راح نطلع احنة والولد نغيرجو والهوى حلووو
زهرة:كمت بنرفزة وافرك بأيدي،،اطلع
وليش اطلع وين تريدون تودوني تريدون
تذبوني بالشارع مو،،،،
ضرغام:تخبلت من حجت هيج،،كمت حضنتهة
يمة صدك تحجين منو الي يكدر يمسج
بشعرة يمة احنة ولدج اني ضرغام
شلون تحجين هيج،،،،
زهرة:كمت اصيح انتو كلكم جذابين انتو
تكرهوني وتريدون تذبوني بالشارع،،،
سجاد:لك كوم مازن خل نشوف شكو،،،
طبينة وسمعناها شلون تبجي وتنهزم من
عدنة خايفة شلون اجاهة هذا الاحساس ان
احنة نريد نتبرة منهة،،،كلش انقهرنة ع
حالهة وبيومهة دمعتنة منشفت عليهة وتناوبنة
يم غرفتهة لان خفنة لتروح تنهزم باليل
لان الواضح امي خسرت اخر ذرة عقل عدهة،،،
وضرغام يلتجأ لعمي كمال لان حالة امي
مو طبيعية،،،،
ضرغام:مريت من الصبح ع عمي بس
استحيت ادخل حجيت وياه من الباب هو عنده
معرفة بالامور النفسية والروحانية تعلم
هو وابوية من جدي بس محد مارسهة
بعد جدي،،،،
كمال:تدلل ابني زين بس فوت علما اغير
ملابسي،،،
ضرغام:لا عمي تسلم انتظرك بالسيارة،،،
كمال:هاي هي ابني براحتك ما اتأخر،،
لبست ع السريع ورحت وية ضرغام،،،
وليدي ليش هيج البيت اظلم،،،شفت مازن وسجاد
كاعدين ع الدرج،،خير شباب شبيكم،،
مازن:والله عمي ما ادري راح اتخبل قبل
شوية كبت علينة بس تصيح وتغلط حتى
سبتنة لان الاضوية مشتغلة الا طفينة
القريب ع غرفتهة يلة سكتت،،،
كمال:امشي كدامي ضرغام افتح الباب،،،
ضرغام:تقدمت ع باب الغرفة شغلت الاضوية
الي بالممر فتحت الباب غرفتهة ظلمة
فتحت الضوة هي رأسا عاطت عيطة صدك خبلتني
النوب كلهة بجفة ومنظرهة بجفة كاعدة
ع الكرسي الهزاز وحاطة صورة ابوية الجبيرة
بحضنهة ولازمة المكص وتكص بشعرهة
وتلفه ع الصورة صدك منظر مرعب
جبت شيلتهة ذبيتهة ع راسهة وهي رجعت
مدري شتحجي وية الصورة،،،،
كمال:دخلت للغرفة منظرهة يقهر هاي
العاقلة ام كلب الجبير،،،حجيت بصوت عالي
هاااا يا ام ضرغام كواج الله شلونج ان شاءالله
بخير،،،،
زهرة:ظليت مستغربة انت منووو وشلون
تدخل هيج،،،
سجاد:ظلينة صافنين امي معرفت عمي
لكم شنو الفلم،،،
كمال:اشش شباب،،زهرة امشي وياية،،،
زهرة:هاااا جابوك ولد مالك حتى تذبني
بالشارع اني ادري من زمان همة ولده
ميحبوني حتى تدري تزوجني غصب عنهم
ضرغام:يمة احنة ولدج اني ضرغام وهذولة
سجاد ومازن،،،
زهرة:اي ادري بس انتو مو ولدي انتو ولد
مالك،،،
كمال:ليش انتي منوووو،،
زهرة:اني حسنة شنووووو مالك محاجيلكم
علية،،،
ضرغام:اهنا كلنة انصدمنة من جواب امي
مندري انجنت لو عدهة انفصام لو ممسوسة،،،
كمال:استغفرالله ولاحول ولاقوة الا بالله،،
تعالوا يا ولد،،،طلعنة وسدينة الباب،،
تعالوا كعدوا كبالي،،،ترى امكم يا اما
مسحورة او ممسوسة ومحتاجة احد
فاهم وامارس بهيج امور لان اذا بقت هيج
تدهور امورهة اكثر،،
ضرغام:حجيت لعمي ع هذا الرجال وشلون
امي رفضت،،وانت تدري يا عمي ما اريد
تصير هوسة واحد يشوف وضعهة او يعرف
عن حالتهة شي بعد الحجي شيخلصه،،،
كمال:اي صحيح حقك امشي خل نروح اني
وياك بلكت يقتنع ويجي لهنا وانتو خلوا
عينكم عليهة،،،،،
ضرغام:طلعنة اني وعمي ورحنة لبيت الرجال
واستقبلنة ابنه وحجينة وياها بالبداية رفض
وعمي خطية لح علية وكله احنة من بيت
زامل المختار وراها عرفنة وقبل يجي
وتوجهنة لبيتنة طب الرجال برجله اليمنى
وظل يفتر بالبيت،تقرب من غرفة امي
واشر هاي غرفة الحجية???
ضرغام:اي عمي،،،
ماشي وليدي افتح الباب وانطي خبر للوالدة
ضرغام:صار عمي،،دخلت للغرفة شفتهة
ع نفس كعدتهة وهم تحجي وية نفسهة،،،
يمة يالغالية اجة صديق ابوية رجال جبير
بالعمر عندهة موضوع وياج،،،
زهرة:جنت كلش تعبانة من التفكير وداحس
بوليدي تعبانين بسببي،،بس اكو شي ثاني
يمنعني عنهم ،،،
كمت لحيلي بدون كلام عدلت حجابي وطلعت
للاستقبال جانوا الولد كلهم موجودين وياهم
ابو مخلد ورجال ما اعرفه بس اول مخطيت
خطوة داخل الاستقبال كلش اختنكت،،
درت وجهي حتى اطلع ضرغام صار بوجهي،،
وخر ضرغام اريد ارجع لغرفتي تعبانة
ضرغام:بس عيب حجية بعدج مشفتي خطارج
شرايد،،،
زهرة:حاولت اطلع بس مخلوني الولد
كعدت يمهم وبدة الرجال يقرة قران
ويحجي وياية كمت ابجي وشفت الولد عيونهم
كلهة دموع كلش حزت بكلبي دمعتهم
شلون هيج اسوي بيهم المفروض احتضنهم
بعد وفاة ابوهم مو اذيهم اكثر،،،،
ظل الرجال يمنة اكثر من3ساعات بحيث
كلش تعب هو واني حسيت براحة وعبالك
صارلي دهر منايمة واول مرة بعد وفاة
مالك احس بهيج خفة حنت قبل احس جبال
كاتمة ع نفسي وكاسرة ظهري،،،،
ابني هسة خل الوالدة ترتاح وهذا المي
خل تشرب منه يومية كلاص وتمسح بيه
وجهة وجسمهة،،،
ضرغام:اشرلت لسجاد،،
سجاد:كومي يمة سندتهة بس تبحي ومترفع
عينهة اخذتهة للغرفة كالت شغلي قران ما اريد
صنطة شغلتلهة قران وكعدت يم راسهة
ماكو دقايق وغفت غطيتهة زين وطفيت
الضوة وخليت صوت التلفزيون مو كلش
عالي،،،،
ضرغام:خير عمي بشرني خما شغلة صعبة،،
لا ابني الحمدلله سهلة بأذن رب العالمين
بس هي الظاهر وفاة الحجي الله يرحمه
جان صدمة وأذتهة نفسيا والتجأت للعزلة
والوحدة والعياذ بالله وسوسة الشيطان
صارت اقوى وصار عدهة مس خفيف
بسبب العزلة والظلمة واهم شغلة نست
ان هذا تمر الله وصار لكن هي مبين
عليهة مرة مأمنة وعدهة ايمان قوي
فمصار بيهة شي ولا استجابت للوسوسات
بداخلهة وهاي الجلسة كلش كافية الهة
وهذا المي جبته وياية مرقي وسووا مثل
موصيتكم وخلوا البيت دائما طاهر ونظيف
كثروا الصلاة والاستغفار وان شاءالله تلكون
الخير بأذن الله،،،
كمال:رحمة الله والديك حجي منعرف شلون
نشكرك تعبناك،،،
لا ابني بالعكس ربك سبحانه نطاني نعمة
وبركة وهاي اقل شي اكدر اعبر عن شكري
وامتناني لله سبحانه ع هاي النعمة،،،
كمال:الله يزيدك ويبارك بيك،،بس عندي يمك
طلب واتمنى متخجلني،،،
كول ابني وان شاءالله اذا اكدر عليه ما اقصر،،
كمال:عندي صوغة الك وللاهل اتمنى متفشلني
وتردهة،،
ابني بس ...
ضرغام:ندري عمي والله لوجه الله تعالى
تسوي،،واحنة هم ان شاءالله الله يقدرنة
ونرد افضالك علينة،،،
والحمدلله بالكوة قنع الرجال حملناه صوغة
لبيته اشكال،،تمور،،وقطع اقمشة ومواد غذائية
همة حالهم ع كدهم والحمدلله قبل
وصلناه اني وعمي ورجعنة مقبل عمي
يدخل للبيت عرفته بعده ماخذ ع خاطره بس
تحجج عنده شغل ومن هالحجي،،،،
دخلت للبيت لكيت امي كاعدة بالمطبخ
ويمهة الولد وخالين اكل وامي
تضحك وتسولف تقدمت عليهة بست ايدهة
وراسهة،وكعدت وياهم اطلنة سوة
زهرة:صدك مازن اشو مجبت حوراء صارلهة
كم يوم والله اشتاقيتلهة هي والجهال،،
مازن:ظليت صافن شنو معقولة امي ناسية
ان هي تعاركت وياها وبسببهة عافت البيت،،،
ظليت اباوع لسجاد وضرغام،،
ضرغام:لزمت ايد امي،،حجية حوراء زعلانة
يم امهة،،
زهرة:ليش ياستار ولك مازن شسويت هالمرة،،
مازن:يمة مو.....
ضرغام:لحظة مازن،،يمة متتذكرين شصار
قبل يومين،،،
زهرة:ظلت عيوني تتنقل بينهم ليش شكو
شصاير،،،
ضرغام:يمة انتي قبل فترة كلش تغيرتي
وبديت اسولفلهة الي صار وشلون بدت
المشاكل وعن بيت عمي وشلون كطعوا
رجلهم وهي خطية ظلت تبجي وتخربطت
صعد عدهة الضغط وديناها للمستشفى
والحمدلله مابيهة شي مرت ايام وامي
هادئة التجأت للصلاة والقران بس حجيهة
قليل واكلهة قليل حرنة وياها شلون
نطلع من شغلة نطب بشغلة وهم رحت
لنفس الرجال وحجيتله الصار و وضع امي
حاليا،،،،
ميخالف ابني خلوهة براحتهة هذا وضعهة
طبيعي لان بدت تصحى وتوعى ع الي
جانت غافلة عنه،،خليهة مدام قرآن بيدهة
وتصلي ماعليهة شي بس حاولوا قدر
الامكان متبقى وحدة وان شاءالله شوية شوية
ترجع مثل قبل واحسن وانتو هم حاولوا
وياها ترجع علاقتهة بكل شخص اذته
حتى هي ترتاح،،،،
ضرغام:طلعت من يم الرجال واني مرتاح
ع وضع امي رحت للشط ركنت السيارة
ونزلت هذا مكاني المفضل ارتاح من اكعد
هنا،،،،واخذتني الصفنة لذيج العيون الي
ماليها الدمع،،،،
ضرغام هم يجي يوم وتنساني????
اوووووووف تعالي شوفي حالي هاي
مرت سنتين ومكدرت انساج لحظة لج
شسويتي بحالي معقولة هيج الحب صدك
يجي من نظرة اسرتني اسر بحبهة ملكت
كلبي وعقلي وكياني وكل شبر بيه يصيح
بأسمهة،،رفعت راسي للسما،،
ربي ادعيك بكل حرف من حروف اسمائك
تجمعني بيهة صارت حبم بالنسبة الي
وصعب تحقيقه بس يا الهي ماكو
شي صعب تحت رحمتك،،،فززني صوت
التليفون،،شلته سجاد ظل بالي ع امي
هااااا سجاد خما امي...لك شبيك تصيح
زمال خل افهم،،ماشي جاي للبيت،،دانجب
عاد مو كتلك جاي،،،
سجاد:جنة كاعدين اني ومازن وامي نتفرج مسرحية
مال عادل امام وخالين كرزات ونضحك
دك تايفوني رقم غريب كمت للحديقة،،،،
الووووووووو،،
سمرة:الووووو،،شلونك سجاد،،
سجاد:الحمدلله،،منووووو
سمرة:بداخلي طبعا ابو بنات حقك متعرف
الصوت الله العالم زية كم وحدة تحجي باليوم
سجاد:الووووووو،،
سمرة:هاااا الوووو سجاد اني سمرة،،،
سجاد:هلااا بنت عمي شلونج،،عذريني معرفتج
اول مرة اسمع صوتج بالتليفون،،،
سمرة:لا عادي مصار شي،،المهم اني
خابرتك عندي موضوع وياك،،،
سجاد:اي امري،،،
سمرة:شكرا،،ميأمر عليك ظالم بس قبل
كلشي هذا الحجي بينه ما اريد اي احد
يسمع بيه لا اهلي ولا اهلك،،،
سجاد:انخطف لوني ،،ولج احجي شكووو
مو وكعتي كلبي،،،
سمرة:بالاول توعدني مهما صار متحجي الي
يدور بينة هسة،،،،
سجاد:اللهم طولج يا روح تحجين لو اجيج...
سمرة:اوك هاي هي خلص راح احجي،،،،
شوف سجاد انت تعرف معزتك عندي انت
والولد وحتى عمة زهرة،،،،
سجاد:انقبض كلبي من حجت هيج ما ادري
ليش،،،اي وبعدين مراح تخشين كبل
بالموضوع،،،،
سمرة:سجاد اني ما اريدك تزعل مني
انت حسبة اخوية،،،وابوية حجالي
ذاك اليوم من اجاكم وحجالكم عن ماهر ابن....
سجاد:بصياح،،اي شبيه قندرة فضيني
عاد من وراج راح اكره حتى روحي موبس
خوالي،،،
سمرة:اهدأ ياعيني شبيك كتلك انت مثل اخوية،،
سجاد:بعصبية،،لج بايا اخوج شنووو ابوج
اسمه كمال واني مالك امج عفاف واني
زهرة،،رحمة للنبي العربي متكليلي منين
لزكتيلي اخوية واخوية،،،
سمرة:سجاد هسة انت ليش عصبي خل
نتفاهم،،،
سجاد:مراح انطق بحرف،،كتيهن كلهن
وخلصيني شرايدة بالضبط،،،،
سمرة:شوف اني تعبت وطلعت هالمعدل
وانقبلت بالكلية الي احلم بيهة وابوية مديخليني
ادخل اقسام فخطوبتي من ماهر هم
راح تسهل موضوع الدراسة وهم اني
شفته للولد اخلاق وشكله مقبول وكلش
حباب،،،
سجاد:وانتي حضرتج شمدريج حباب،،هاااا
بصياح جاوبي سمرة خاتون،،،
سمرة:اهوووو راح تظل تصيح انت،،،
سجاد:باع هاي اني جد جدي مستلك وهي
تكولي تصيح،،باعي لج من الاخير تنسين
ماهر للاخير فاهمة ولا تكليلي كلية ومدري
شنووو تردين تحققين حلمج عادي ماكو
اشكال نزوج واخذج لبغداد لحد متاخذين
الشهادة نرجع نستقر هنا،،بس سالفة ماهر
انسيهة،،،
سمرة:بس كتلك اني حاسبتك مثل اخوية،،،
سجاد:صرت نار وبس اصيح لج بابا اني
مو اخوج وعادي من نزوج اني اعلمج شلون
اصير رجلج مو اخوج،،بعدين تعالي اكلج
لعد ماهر افندي شلون محسبتيه اخوج،،،
بالقران ياسمرة اذا شكيت اكو شي صاير
لا اكتلج خلاص فاهمة،،وهاااا كبل لا اروح
سامعة عن النهوة اني ارجعج بيج بالزمن
اذا ظلت سالفة ماهر براسج صدكيني وثقي
بالله ياسمرة لا انهي عليج كدام الكل عود
ذاك الوكت كولي كلية وماهر،،،وسديته
بوجهة،،شكد جنت مرتاح طلعت الراحة
من عيوني،،،،دكيت ع جدتي،،
وافتهمت منهة ان كاهر شايفهة بالسنوية
مالت ابوية ومنعجب بيهة،،وحاجي
لخالي وخالي سئل جدتي وكالتله ان هي
كبل جان ابوية رايدهة الي فخالي مخابر
امي حتى يتأكد والعينتين كايلتله هو يحب
وحدة وجان مجبور عليهة وهسة المرحوم
راح ما اكدر اجبره ياخذ وحدة غصب عنه
وخالي معتمد ع حجاية امي وجاي للبصرة
ومحاجي عمي وعمي كايلة نأجلهة لان امتحانات
وهاي الامور،،والي حركني اكثر جدتي
كالت هالاسبوع يجون يطلبوهة رسمي،،،
دكيت ع ضرغام وهم صرت عصبي ورة
نص ساعة اجة شافني بالحديقة اجاني،،
ضرغام:لك انت شوكت يصير براسك خير
شنووو مخابرني وتصيح،،،
سجاد:ضرغام سمرة راح تروح من ايدي
ضرغام:ضحكت،صدك جذب سجاد ابو البنات
الي مدوخ عقولهن هسة كاعد وحاط
ايده ع خده من ورة بنية،،،
سجاد:ضرغام تنصب علية لو شنوو انت
كو كلت خليهة علية،،،
ضرغام:اي وشصار هسة اني حجيت وية
عمي كتله اجله.....
سجاد:جدتي وجدي وخوالي هالاسبوع
جايين يطلبوهة رسمي،،،
ضرغام:شنووو متأكد منيلك هالحجي،،
سجاد:قبل لا اخابرك خابرت جدتي وفهمت
منهة،،
ضرغام:زين همة مو يدرون ان ابوي حاجزهة
الك،،،
سجاد:فركت وجهي،،اي مو خالي سامع هيج
ومخابر امي يتأكد،،وحجيت التفاصيل لضرغام
ضرغام:صفنت معناها حجي سمرة جان صحيح
مو مجرد متأثرة ع عمي لان نفس الحجي
الي كاله سجاد سمرة حجته بالحرف،،،،
سجاد:هاااا ضرغام شسوي هسة،،،
ضرغام:لا اني راح احجي وية عمي واحاجي
جدتي هم وشوف شلون ترهم الله كريم،،
عفته وفتت اوووووف منين اتلكاها واني
منو راح يشيل همي ويحلي عقدتي،،،،،
🍃💞وصعبـةّ انسـاك،،،،
وانة منين ما التفت،،،،
الگـةّ وياك عافيتي،،،،
#أعوفك ....#واختنگ ...#والگاك
نسمـةّ تغازل بريتي
#أضيعك....#وارتبك...#واحتار
شنهي وياك #تاليتي..،💞🍃
يتببببببببببببببببببع