رواية #الشوق الجارف_والكبرياء الفصل السادس 6 - بقلم همس ليل

حنان...خير شرايد هالمرة
فيصل ...وج انتي ليش ماتعدلين اسلوبج
حنان...هسة اني جيت يمك لو انت الصحتني...هو اجى وكف كبالي
فيصل...هاي شلابس
حنان...فيصل احد كالك ماعندي اهل وانت تحاسبني
فيصل..اول مرة تكولين اسمي...جان مركز على وجهي ورفعت عيني له وتخربط كل كياني...جانت نظرته غريبة مافهمتها ...نزلت نظرته من عيني لشفايف واني ماعرف شصار بية...ورجعت نظراته لعيوني
فيصل...تدرين شكم واحد تغريه بهذا لبسج...وممكن انتي تتأذين
حنان ..ماطالعة بي برة..واني شكو... خلي يغض النظر ...ومحد يكدر يندك بية...ابتسم...وبدة يتقرب واني ارجع لورة لحد مانطخيت بالحايط
فيصل...ليش خايفة ...مو محد يكدر يندك بيج ...لا تهتفين شعارات انتي مو كدها...جان صوته بيه بحة بهاللحظة...ونظرته ذايبة...روحي حنان ودير بالج على نفسج....طلعت اركض بيومها مانمت واني اذكر نظراته وقربه مني
فيصل ....عمري ٢٥ متعين محاسب والعصر اشتغل مكتب صيرفة وية صديق..عندي ٣ اخوات اكبر مني مزوجات واثنين اخوة اصغر وزينب بين الاثنين .قبل كم سنة اجانا ورث وامي قررت تنطي حصص لاخواتي المزوجات ونشتري بيت اكبر ونرممه ونكعد بيه ويصير لنا احنة الولد...كالت خلوني بنصكم لحد ماموت عود كل واحد يطلع وحده...ولان هي حيل تعبت علينا بعد وفاة ابوي واحنة صغار ...وافقنا وعدناها بهالشي  ...نزلنا بيتنا الجديد وتعرفنا على بيت ابو علي وصار علي كلش صديقي...يوم اجت زينب تشتكي من موقف صار وية ولد بالشارع وشلون حسن وبنتهم دافعت عنها ورحنا تشكرنا منهم...وكلت ابقى فترة اراقبها بالروحة والجية خاف يترصدوهن...وجانت حنان وياها ...جان هاي اول مرة اشوفها بيها...بس شفتها لسان طويل وصلفة ...بعد ماكمت اخذهن اوصلهن ...حارت شسوت وجنت اخذها على كد عقلها ...
بس موقف الصراصر ابد ماانساه...بيومها جنت لازم اخذ موظفات وياي لواجب رايحاته وطلبن اوصلهن...ومن صعدنا شوي وصار مصايح بفلس كمت ماعرف اسوق اريد افتهم شكو بس اشوفهن يكمزن ويصيحن وكفت السيارة ونزلت اشوف شكو ...اباوع بس صراصر تمشي على الكشن...بيومها وديت السيارة غسل وطلعولي باكيت جان بيه كم صرصر ميت..وطبعا والبنات ماقصروا بالحجي..ومن رجعت صفنت عرفت ماكو غيرها...وثاني يوم ذبيتلها حجي بلكت تحس ودبطل هالتصرفات...بعدها ماشفتها لحد ما شفت زينب بالشارع وياها واكو ولد يتهدد عليهن نزلت شبعته بسط بس من شفت لبس حنان طار عقلي..صح هي تصرف مثل الولد بس جسمها قمة بالانوثة ومضيعته بملابس مرعبلة وعريضة زيادة....بيوم خطوبة علي شفتها طالعة تخبل...ماعرف صار بيه ضجت كلش وتخيلت كم واحد باوع عليها وكم واحد هسة عجبته ...ماكدرت اصبر ماحجي واكول لها ...بس من تقربت منها لخبطت احوالي ...اول مرة اباوع لعيونها ...نزلت نظراتي لشفايفها وحسيت البنية وضعها تخربط...بلحظتها ضجت من نفسي هاي امانة عندي وبعدين بكد زينب اختي يعني صغيرة علية ...استغفرت ربي وبعدتها عن تفكيري ...عيب علي جيرانة وعرض صديقي...
صرت يوميا عيني تجي على بابهم من اطلع اوصل زينب...بس ما اشوفها وكم مرة اجي اريد اسال زينب واتراجع...شبيه اني ..هي كلها مراهقة هيج شغلت بالي...وياي اشكال بنات وفوكها كل تصرفاتها ولادي.
يوم داوصل زينب وشفتها تمشي وية بنية ...بس البنية استغفر الله من ذنبها ماكو ولد بالمنطقة مامصادقها.....بلة شسويلها هاي
فيصل...زينب هاي مو رفل الي تمشي وية حنان
زينب...اي والله هاي شجابها وية حنان
فيصل بعد ماذبيت زينب ظليت افكر هاي تخوف ومو راحة اخاف تأثر على حنان  لو  اكو ولد دازها لان سمعت من الولد اذا عجبتهم بنية يدزون رفل عليها...بقيت الوب ساعة اكو شعلية..وساعة اكول لا بنت جيرانة وعشرة وهي بنية نظيفة...شفت علي برة رحت يمه ...وظلينا شوية نحجي..
فيصل...اليوم شفت رضيعتك من رحت للمدرسة...ليش ماتجي وية اختي
علي...يوميا مهيمن يوصلها بس اليوم عنده درس اضافي...خوية مانريد نكلفك
فيصل....وين التكلفة اشو اني واصل واصل لهناك ...والدنيا موزينة يمعود
علي...رحم الله واالديك...اني هم شايلة لها هم والله من مايوصلها مهيمن
حنان من يوم خطوبة علي صرت بعد اكثر اجنب فيصل رغم كل ماغمض عينه اذكر ذيج اللحظة الجمعتنا...اجتني رفل قبل كم يوم كالت اكو ولد كلش عاجبته ويريد يجي يخطبج....كتلها حبي هاي مشيها على غيري...بس ظلت مجلبة تروح وترجع تعيد بالموضوع واني مطنشتها...اجى علي كال بعد ترحين وية فيصل واخته...ردت ماقبل بس هو قفل النقااش
ظلت ابالي شغلة رفل شلون اعرف شرادت من حنان ...صحت زينب
فيصل ...زينب خاما تمشين وية رفل
زينب...لا طبعا شجابني عليها
فيصل...مو شفتها تمشي وية صاحبتج كلت خاف هم وياج
زينب ...لا مالي شغلة بيها
فيصل...هم حظري صاحبتج ...هي صح لسان طويل بس لا تنسين اخوها جيرانة واهلهاوخوش ناس
زينب...منو حنان لا تخاف عليها بمية رجال هاي
كمت اوصلهم يوميا ...احاول ماباوع لحنان هاي امانة ..بس لا اراديا عيني تجي عليها بالمراية مرات...
بالامتحانات النهائي...يوميا احد منا يرجعهن لان حسن عنده عطلة قراية مال سادس...جان يومي طلعت من وكت من الدوام وصلت شفت رفل واكفة يم حنان...ومن مسافة اكو ولد واكف يباوع عليهن...شطت للضالين ...ونزلت بدون شعور ومستعجل...وللحكاية تكملة