نزلت وصحت بحنان...اصعدي بالسيارة...التفت على الولد الي ابتعد بسرعة وعرفت جان علمودها.
حنان...اجت رفل بعد ماطلعنا من الامتحان ...وكالت باعي للولد كتل نفسه ...بعدني ماجاوبت شفت فيصل اجى وصاح علي بعصبية...ماعرف شلون بلحظتها سمعت كلامه ورحت للسيارة...ومن صعد التفت علي
فيصل..شتريد منج هاي البنية
حنان....اريد افهم شي واحد انت شنو علاقتك ...شنو صلتك بيه تحاسبني...
فيصل....ليش تخليني اطلع من طوري ..بعدني ماكملت اجت زينب اظطريت اسكت...بس طول الطريق بودي انزل اهزها حتى اعرف شتريد منها رفل
حنان...برجعتنا فيصل يياوع بالمراية وعيون اطك شرار...هسة غير اعرف شبيه هالخبل
فيصل...وصلتها وصحت لزينب ....
فيصل...زينب اليوم شفت رفل هم واكفة وية حنان...مو كتلج حذريها منها
زينب...خوية شو انت حيل مركز وية حنان
فيصل...لا غير اخت صديقي وجيرانة وهم صديقتج
زينب...ترة خوش ابنية توكل على الله ...احسن ماتجيب زمن بنت خالي فيصل...ولي منه احسنلج
طبعا امي تريد تخطبلي بنت خالي ...صح البنية حلوة بس مااحبها ولا ارغبلها...هسة هاي شتحجي وياهة اتوكل ...والله ياالله
خلصت الامتحانات وبعد ماشفت حنان حتى من تجي على زينب تجي من ماموجود..احس افتقدتها وحتى اشتاقيت للملاسن مالتها..رجعت بالليل تعبان سمعت زينب تحجي وية امي على موضوع خطوبة ...
فيصل...منو نخطب..
ام فيصل ...محد يوم بعد البنية ماصايرة قسمتها حجي
فيصل...هي مني اذا زينب لا تحجين بالموضوع ورديهم بعدها صغيرة
زينب...اني اريد اكمل دراسة ...بس نحجي عن حنان
فيصل ..حسيت واحد ضربني على راسي من كالت هيج...ليش هي هم محسوبة على البنات ويتقدمولها...كلت الحجاية من نار الي بكلبي واربد اعرف التفاصيل
ام فيصل....لا يمة شبيها خوش البنية والناس تجي على السمعة الطيبة...وابوها خوش انسان خير...حتى اخوتها والله ماشفنا منهم العيبة ..ناس مستورة
فيصل...اني مشتعل نار وهي تحمد بيهم ...الله يسهل لهم
ظليت يومين العصر ماروح للصيرفة بلكت اكدر اشوفها ماريد اسال زينب...
حنان ..امي كالت تعاي سلمي اجو خطار وجيبي صينية التقديم ...طلعت للباب ورجعت علي كالت عود عدلي نفسج ورتبيها لا طلعين بكفشتج...ضحكت على سوالفها ...بقيت بالتراك اللبسته بس مشت شعري وشلته ورحت قدمت لكيت نسوان اثتين كصني من فوك لجوة..وبعدين عرفت خطابة ...ابنهم صديق حسن وشايفني مرة من موصلني...طلعنا ومن حجت امي لابوية كاللها سدي الموضوع بعدها صغيرة وهي هالوحدة مامستعجلين على زواجها...
مهيمن..هذا لازم اعمى من شاف حنان
حسن...ولك ليش
حسام...ايييي مانتبه رجال مو مرة هي
بسام...هذا امه داعية علي ساعة مغربية
حسن...بس يحجي وياها يمكن تكتله
حنان...اني بالمطبخ ويسمعوني....طاح حظكم احسن منكم دورون شكو وحدة مايعة مثلكم
حسن...وج هاي عليمن الغلط
حنان...انت ليش اخذت على نفسك الكل يحجي بس انت
مهيمن...اليوم كتلج عمل شعبي...ركضو وراي بالكوشات واني ساعة اضربهم ساعة اصيح...دخل ابوي عاط بينا
ابو علي...بلة ماتستحون كل واح شطوله
ثاني يوم رحت لزينب صار كم يوم ماشفتها ...دائما اروح من فيصل ماموجود لان من اشوفه يتخربط وضعي ...ولو صايرة اشتاقله بالفترة الاخيرة ...جنت بالصالة ودخل فيصل
شلونج حنان
حنان...الحمد لله...كل لزينب راح اروح...كمت وصلت للباب
فيصل ..اصبري حنان دقيقة ...رحت كلت زينب حنان طلعت وسلمت عليج..حتى مانجي اريد احجي وياها..حنان منو هذا الي متقدملج
حنان...شايل جنسيتك
فيصل...شسوين بيها
حنان...اريد اشوف صلة القرابة بينا حتى اعرف ليش كل ماتشوفني تدخل بشؤوني
فيصل...لج تكبرين ولسانج يطول وياج....الله يساعد الي ياخذج
حنان..هاي شغلة تخصه ما تخصك...داطلع جرني من ايدي ولطشني على الباب الي براي جان عصبي حيل
فيصل...يعني شنو وافقتي...احجي
حنان..اني خرسيت لان جان كامشني من زنودي ويحجي بعصبية وعينه بعيني ...حسيت عبالك كهرباء داتخترق جسمي وبقيت اباوع بوجه
فيصل ...جنت صاير نار واريد اعرف خاف قبلت ..اول مرة تبقى ساكت وماتجاوب ..ظليت اباوع بعينها اخذتني لغير عالم ..حسيت الهوى احتبس بينا ...كلبي دك سريع ...رفعت وحد من يدي وضليت امسد بخدها واني سارح بغير عالم ...لحظات سحرية جانت بس عيون تحجي...تمنيت تبقى قريبة هيج مني ...نفسي احظنها وية هاي الفكرة
...انتبهت لنفسي وابتعدت عنها ....شفتها طلعت بدون كلمة...بليلتها مانمت واني افكر وقررت شي واحد حتى اريح ضميري ...للحكاية تكملة
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!