فيصل...وصيت زينب تجيب حنان ويانة بالزفة ...رغم اني جنت ضايج منها لان ماسمعت الكلام وبدلت ملابسها...بس هية لازم تخالف ...اليوم هم ماسمعت الكلام وراحت وية ولد شاب عرفت بعدين يصير ابن خالها واشوف الضحك والسوالف وياه ...شطت وبعد ماكدرت اتحمل رحت جريتها من الزفة واخذت زينب وطلعت لبيتنا نزلت زينب وبقيت حنان ورجعت طلعت بالسيارة وهاي تتوسل
حنان...جرني فيصل للسيارة ومكدرت احجي زينب كاعدة وهو صاير اعصاب من وصلنا قفل الباب من ردت انزل ونزل زينب وساق سريع اني تخبلت هذا وين رايح...عفية فيصل وين رايح
فيصل...جنت اعصاب وماعرف شلون اصرف وياها ..طلعت كبل بالسيارة بدون تفكير...وكفت على الجدارية جانت هواي اعراس وهوسة...نزلت جريتها من ايدها وصعدتها لكدام
حنان...شبيك شنو هالخبال..التف علي..ولزمني من جتفي حيل
فيصل...باعي علي ...دير بالج يوم تجاوزين ...ومن احجي حجاية تنسمع..مو طفلة انتي وتعاندي
حنان...اخ جتفي فيصل...ليش ماخذلك لعابة لازم اسمع وانفذ وشخصيتي وين
فيصل..خفف ضغطه على جتفي...حنان ناقشيني بس لا تعاندين مثل الجهال ...حنو اكو هواي امور الرجل افهم بيها لان طالع ومختلط ويعرف نظرة الاخرين..ولان اخاف عليج انصحج...
حنان...اعرف بس انت تفرض علي ...رفع ايده من جتفي لخدي وبدة يتلمسه بظهر ايده
فيصل...حبيبة نحتاج وكت وراح تعرفين طريقتي وتتعلمين علي...وانتي بعدج صغيرة ..صفنت عليها..شكد ناعم خدها عبالك خد طفل ونسيت نفسي ...جان واحد يباوع بعين الثاني ورحنا لعالم خاص بينا .ودك تلفوني ...جنت بحلم وصحيت...شفت زينب تتصل
حنان..حسيت مفاصلي رتخت بلمسة ايده على خدي وكمت ماعرف اجاوبه فزينا على صوت تلفونه
حنان...خير اكو شي
فيصل..لا بس اهلج اجو خلي ارجعج
حنان...عزة شراح اكوللهم
فيصل...عبالهم بعدج يم زينب
بعدها باسبوع تقدم وصارت قراية الفاتحة مالتنا وحسيت امه ماعاجبها ورحنا اشترينا النيشان كدامهم جان فيصل يتصرف عادي وقليل يحجي وياي وقررنا نسوي كعدة مهر ونعقد شيخ وبعد السادس نزوج
يوم المهر لبست بدل عدلة وكصيفة على الجسم واجى السيد اعقد لنا ومن طلع دخل فيصل لبسني الذهب وماقبل يبقى هواي راسا طلع بس باسني من كصتي وشاورني شطالعة اليوم كمر حبيبة ...
جان هاي نهاية العطلة من بدت المدارس كام يوصلنا الصبح والظهر خلى خط لنا وبالليل نحجي بالتلفون بس مايقبل نطول يكول ماربد الهيج عن دراستج ..وطبعا جان مايقبل يجيني للبيت ...وهالشي يضوجني
فيصل...حبيبة...اعرف بس نكوم نكعد سوة استعجل على الزواج
حنان...اني جنت ثولة اصفن عليه..شنو علاقة كعدتنا بالزواج
فيصل..من تكبرين تفتهمين...ويظل يضحك ...هذا العاجبني بيج برائتج
بس بدت مشاكلي وية مرت علي دائما اتعارك وياها...يمكن جنت اغار على علي منها ..لان جنت حيل متعلقة بيه...وهي مرته حبابة وجانت تفوتلي هواي شغلات رغم اني جنت اتحارش بيها...
خلصت الخامس وبالعطلة قررنا نخطب لحسن بنت خالي ...فيصل كال اطلع وياج اشتريلج فستان الخطوبة...طبعا فيصل جان ينطيني مصرف اسبوعي .اول مرة انطاني مقبلت وتعارك وياي كال صرتي مسؤولي.
طلعنا واشترالي فستان طويل ...وبيوم الخطوبة مرت علي سوت مكياجي وشعري..ولبست الفستان وصعدت وية فيصل وزينب وامه...واول مرة نصعد سووة..راسا امه صعدت لكدام يمه...اني هم غلست ...هو طول الطريق يباوعلي بالمراة ويغمز ...
ام فيصل...يمة باوع لطريقك ...ماطايرة الدنيا...هو تبسم بس اني ضجت كلما تشوفني تذب حجاية ..قبل ماتخلص الحفلة دكلي فيصل اطلعو خلي نرجع
حنان...بعد ماخلصت الحفلة
فيصل ...ميخالف اريدج بشغلة
من دنرجع بالطريق امه كالت ...يمة شعندك مستعجل طلعتنا..هو ضحك
فيصل....عندي واجب جنت مأجله ..بس بعد ماكدر ..باوعلي بالمراية وغمزلي
من وصلنا ...كال تعاي اشوفج غرفتي امه ظلت تباوعله..
ام فيصل...مو كلت عندك شغل
فيصل...اي يوم فد شوي خلي يجون اهل حنان
ام فيصل..خليها يمنا وروح لشغلك
فيصل ...شوي النوب واشرلي براسه
كمش ايدي واحنة دنصعد الدرج ...دخلنا للغرفة...غرفته رجولية بحتة بلونها الجوزي الطوخ والعطور مالية ميز التواليت والجرباية الي غطاها مخربط عليها ...والخولي المبلل ومشمور على الجرباية ...والتركسود مال واحد مستعجل شامره على الزاوية...ظلت عيوني تتبع تفاصيل الغرفة ..اجيت وكفت كدام ميز التواليت اتفرج على العطور ..هو صار وراي ..
وشتميت عطره الي تخلل مسامات بشرتي
حنان ...شنو العطر الي خاله هسة..مد ايده من وراي ومن انحنى ..لفحت انفاسه ركبتي..
فيصل..هذا .عجبج
حنان هزيت راسي..دفع شعري عن ركبتي..واشتمها ...اني جسمي كزبر من حركته
فيصل...بس مو بجمال عطرج..دارني باتجاهه ...تعرفين ابد مانسيت ملمس خدج ..وظل يتلمس بخدي...غمضت عيني واني بغير عالم ..ماحسيت بس دفو شفايفها على خدي ..فزيت وفتحت عيني...فيصل ..نطقت اسمه بس الصوت مو صوتي
فيصل...عرفتي ليش ماجي نكعد وحدنا...حاوط خصري باطراف اصابعه وسحبني باتجاه ..خليت ايدي على صدره احاول ادفعه بس ايدي جمدت على صدره واني احس بدفو الي اخترق قميصه ..واتحسس دكات الكلبه السريعة كانها تسابق دكات كلبي بقت نظرات موجها نحو فتحة قميصه
سمعت بحة صوته وهو يكول ارفعي راسج...رفعته ونصدمت عيني بعينه الناعسة وهي تتامل ملامحي
همس فيصل...احبج....حسيته يكولوها من كل كلبه ..خليت راسي على صدره وايديه حاوطتني ...فيصل ماتتغير علي بعدين..ليش تكولين هيج..
ماعرف ابسط سوالف البنات ...وماعرف اجامل ...طول عمري اشوف اخوتي شلون يتصرفون واتصرف مثلهم...اخاف بعدين تمل...وتبدي دور طلع بنات وتميع ...حسيت جسمي نهز ويه ضحكته ورفعت راسي...
فيصل... حنو اني حبيتج مثل ما انتي ...ليش اتغير..وعد مني ماتشوفين غير كل خير ...بسمتها بهاللحظة دخلت كلبي .بعد ماتحملت دنكت عليها اذوك طعم شفايفها ....لحد ماحسيت نفسنا نكطع ..وللحكاية تكملة
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!