حنان...ليلتها ماكدرت انام افكر بالصار ...فيصل هواي شاغل تفكيري هالايام...بس هو ليش يتصرف هيج وياي شعليه نخطبت لو لا...ماصدك معجب بيه...هالشخصية والوسامة راح يباوع علي ..وبعدين هو كل مايشوفني يرزل...اوي مادوخ نفسي
فيصل ...انتظرت نزلت علي لان تخرج والتحق بالعسكرية ...وكتله اريدك بموضوع بس مو هنا وطلعنا سوة...علي خوية صح ماصار من تعارفنا كم سنة ...بس اعتبرك اكثر من اخوية وصديقي لان الصداقة ماتنقاس بالسنوات
علي...واني هم الشاهد الله ..بس شنو سبب هالموضوع
فيصل...والله منحرج منك ...بس ماريد اخون الثقة بينا...علي خيي اني اريد اتقدم لرضعيتك ...اعرف قبل ماتحجي بعدها صغيرة ..بس انطوني كلمة ومن تتخرج نخلص كلشي وتخلص كلية يمي..
علي...تفاجات بطلب فيصل ولا جان ابالي هالشي ...وافتهمت من خلال حجيه هو عينه عليها ...فيصل انطيني مجال اشوف اهلي والبنية...والله يقدم الخير...رجعت للبيت دايخ...فيصل خوش ولد ومايتعوض...بس شخصية ...واختي اعرفه لسانها طويل وماتسكت ...شخصيتين متناقضة ...وبنفس الوقت خلاني افكر اذا هو وأمنه بيه وخلى عينه عليها ولان خوش انسان اجى من الباب ...لعد شلون الباقي...حجيت وية ابوي ...كال والله خوش ولد بس البنية بعدها صغيرة وهاي مو اول مرة يجون عليها ...
علي...يابة مايزوجون الا بعد ماتخلص سادس يعني كبرت بوقتها وهم الولد يريدها تكمل كلية...اني اريد اطمن عليها وهاي خوش قسمة وهم قريبين علينا...كال خلي افكر...امي من سمعت كيفت لان اصلا جانت عاجبها فيصل...بقت حنان شلون...يومين ابوي هم اقتنع وكال انت احجي وية اختك وشوف رايها
علي....تعاي حنو اريد احجي وياج...
حنان...خير علاوي
علي...تعرفين ان شكد احبج ...ما اعتبرج اختي لا بنتي
حنان...على كيفك هو انت اكبر مني ب٦ سنوات ...
علي...وج بابا شلون بيج
حنان...علو جيب من الاخير لا تظل تتلوك...اخ...كفخني
علي...انتي مال زواج ...وج اسبوع ويرجعج علينا...
حنان...زواجيش علي
علي...حبي جايج خوش نصيب...ولد درة مال الله
حنان...ما اريد ...اريد اكمل واتعين واعتمد على نفسي
علي...ميخالف حبي..هو يريدج تكملين وماكو زواج لحد ماتطلع نتائج السادس
حنان...انتو ليش هيج تسوون..عبالك تريدون بس تخلصون مني
علي...جرني لحضنه...مو عيب عليج ...لج انتي شمعة البيت ...بس احنة نريد نطمن عليج وية رجال يعرفج شنو ...ولو مو خوش نصيب اول واحد اوكف وياج ومااقبل
حنان...منو هذا صار ساعة تمجد بيه
علي...فيصل
حنان...ها منو...صدك تحجي فيصل فيصل اخو زينب
علي...اي شبيج مخروعة...
بلة هذا شكوله ..قابل احجيله شصار ....علي عفية مانتوالم هو وين واني وين وبعدين اكبر مني بهواي
علي...لا مو هواي ٨ سنوات او تسعة ..وبعدين فاهم ويكدر يتعامل وياج
حنان...هيج صعب التعامل وياي...علي ظل يقنع بية ...واني بداخلي فرحة ...بس خايفة ...اشو احنة كلما نشاوف نتعارك ...بس الامور بالمدة الاخيرة اخذت غير اتجاه بينا ....اخر شي كتله اجلها بعد عرسك...علي كال ابلغ فيصل موافقتنا...والامور نكملها بعد العرس
فيصل...بلغني علي بالموافقة ...حجيت وية امي تخبلت
ام فيصل ....يمة تعوف بنت خالتك جمال وكشخة وتاخذ بنية هم صغيرة وهم مامناسبة لك
فيصل...يعني شلون مامناسبة لي
ام فيصل ...يمة البنية مابيها عيب باخلاقها ...بس يمة ترادد وانت ماتحب واحد يردك بكلمة...
فيصل...يمة اني راح ازوج واعرف شلون اتعامل وياها
امي ماقتنعت بس ماكدرت تردني وبقت مسالة قراية الفاتحة بعد العرس
حنان...التهينا بتحضيرات عرس علاوي وتناسيت موضوع فيصل ...لحد يوم الحنة لبست فستان قصير اسود مضلع بابيض وشعري جان طولان هالمرة سويته تسريحة بسيطة وحذاء عالي وبنات خالتي خلولي مكياج ...شافتني زينب كالت خلي يجي فيصل ويشوفج ... الله عليج خلي اخذلج صورة
فيصل ...ساعدت علي بترتيبات الحنة ومن بدت الحنة اجاني مسج على الفايبر فتحته شفت زينب دازة صورة حنان ...طبعا حسيت اشتعلت نار ...ذولة ولد عمها وخالها اكيد يطبون جوة شلون هيج تلبس جان فستانها لحد الركبة وهية رجيلها مربوبة ...كتبت لزينب خلي تجي لباب المطبخ ..ودخلت داجيب مي هم البنات بالصالة ولازم محد تطلع منهن بس ام علي وخالته ينطون طلبات ..
حنان ...زينب طلبت اروح للمطبخ رايديني ..رحت واول مافتت شفت فيصل بالباب ردت ارجع صاحني ...وصلت يمه
فيصل...هاي شلابسة..
حنان..شبيه لبسي
فيصل...مفصل جسمج والطالع اكثر من المغطى
حنان..فيصل اهلي موجودين ويحاسبوني ...انت شعليك
فيصل..لج انتي بحكم خطيبتي
حنان...من اصير خطيبتك حاسبني وردت اروح جرني عليه ....عزة فيصل لا احد يجي شدسوي
فيصل...باعي حنان ماحب البنية ماتسمع كلام ...وترة ماسكتلج واعرف شلون اعاقبج
جان يحجي وهو واكف قريب كلش مني ولازم يدي ...ويهمس بالحجي..
روحي بدلي ملابسج ...حسيت انفاسه حارة صارت على خدي ...بعد ماكدرت اتحرك من مكاني ...
فيصل ...تقربت عليها...شميت عطرها ... من ودي اجرها لحظني ..كوة سيطرت على نفسي ونسحبت...اوووف شوكت تصيرين يمي..
حنان ...مابدلت ملابسي ماعرف عناد...لو تثبيت موقف حتى ماحس دسوي لخاطره...ثاني يوم بالزفة ...جان فيصل عصبي من شفته عرفت اكيد علمود ملابسي البارحة ....زينب كالت فيصل يكول خلي تجي ويانة بالسيارة...بس بنت خالي شافته وجلبت تروح وياه ...اني هم عفتهم ورحت بسيارة ابن خالي ..وبعد ماوصلنا العرسان للفندق وبعز الهوسة ماحس الا واحد سحبني
...وللحكاية تكملة
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!