ثاني يوم كعدت من الصبح بدلت وطلعت على اساس انظف حذائي ...على كيفي فتحت الباب الخارجي ...شفت سيارة فيصل ..باوعت ماكو احد بالشارع...وهو موكفها قريب علينا ...دنكت وصرت بصف السيارة بحيث ماانشاف وبمسمار فشيت التاير الامامي ...رجعت بهدوء للبيت وصعدت لغرفتي ...صاحوني تعاي تاخرتي ...طبعا صار يومين مااكل بالبيت ...بس بالمدرسة اكل نستلة ولفة من الحانوت...اسمع امي تحجي
ام علي...يعني شلون تموت البنية من ورة عنادك
ابو علي...محد كايل لها لا تأكلين وهي هم بنتي واخاف عليها .ماريدها تطلع قليلة تربات
دخلت سلمت...ردت اطلع صاحني ابوي
ابو علي...تعاي تريكي...اكلي لفتج ترة ماتشوفين بعد مدرسة...
اني اكلت لان ارتاحيت اليوم راح اغثه...
دخل مهيمن...يلا حنو راح اوصلكم
ابو علي..ليش فيصل وين
مهيمن ...سيارته بنجر
طلعت شفت فيصل شايط للسما اني تبسمت وبلحظتها باوعلي...شفته عقج حاجبه...مشيت من يمه واني متقصدة ابين سعيدة
حنان...صباح الخير زوبة
زينب...صباح النور...لج شبيج سلمي ...ترى هو اصلا طالعة روحه على السيارة
حنان...قابل اني بنجرتها
واستمرت المناوشات ...يوم اشخط سيارته...يوم اشك الكشن ...تصرفات اشوفها طفولية بس بوقتها جنت احسها تبرد كلبي لان اشوفه شايط ...مرة حرت شسوي ....سمعته يكول لزينب باجر اوصلكم من وكت لان عندي توصيلة لبنات ويانة ....اني هنا قررت شسوي...
حنان...يمة شدعوة هيج البيت نظيف شو ولا صرصر ...
ام علي...شسوين بالصراصير
حنان..ها..مو خطية اخت صديقتي بايو وتريدهن للتشريح واحنة تبرعنة نجمعلها لان تخاف تكمشهن
بعدين ذكرت جيرانة حجت لامي كالت ذبينا نفط بالمجرة وطلعت الصراصر علينا...رحت ذبيت نفط وانتظرت شوي وماشوف لا طلعن من كل مكان ...ركضت اجمع بيهن بكارتون...طبعا اني ماخاف منهن....
جمعت تقريبا ١٢ واحد باكيت صغير وثاني يوم من ديوصلنا دفعته جوة الكشن وفتحته شوي حتى مايحس راسا...
مشى اليوم على خير لحد الليل دخل علي للغرف وسد الباب
علي....حنو تدرين انتي مابقى دخلين بال١٦
حنان...شنو يعني
علي...يعني صرتي جبيرة كفاية حتى تعرفين الصح من الغلط...وتبطلين سوالف الجهال
حنان...اني مو جاهل
علي...خليني اكمل....اكو بنات بكدج مزوجات ....انتي صح ربيتي بينا وتعلمتي طبع الولد...بس صار هسة وكت تعرفين اكو فرق بالتصرفات ....انتي نظيفة من الداخل بس تصرفات الولد الي تسويها راح تجيبلج سمعة بدون داعي
حنان...اشك حلكه الي يحجي علي
علي...لج بابا بطل هالاسلوب اني وين احجي وانتي وين ...
حنان...علي هسة شتريد
علي...شمسوية اليوم انتي
حنان...طبعا نسيت شغلة الصراصير...كتله مامسوية شي والله
علي...وفيصل والصراصر
حنان...بكلبي عزة شلون عرف....ياصراصر
علي....ترى هو حجالي ...بس ماكال انتي...ومن امي حجت انتي شلون هيجتي علينا الصراصر فتهمت الفلم ...اني راح اعديلج هالمرة...بس المرة التجي تصرفي غير شكل يصير....ترة طوختيها وجنة نعاملج بالحسنة عسى تفتهمين انو خلص كبرتي...بعد ماعيد الحجي...عافني وطلع
شكد كرهت فيصل من يوم دخل حياتي غير الكل علي..همزين راح نكعد مال المراجعة واخلص من شكله
ثاني يوم داروح للمدرسة ...وصلنا فيصل نزلت زينب بس بابي جان مقفول...حاولت افنح يرجع ينقفل
حنان...افتح الباب اريد انزل ...التف علي وكال دقايق احجي وياج
....شكو شتريد
فيصل...اني اعرف ليش دسوين كل هذا
حنان...اي بلة اتحفني
فيصل....تريدين تجذبين انتباهي لج
قاطعته....شنو شنو
فيصل ..بس كل الي دتسويه مايفيد لان ماباوع لوحدة هي اقرب لتكون ولد من بنية....والمرة التجي راح اعاقبج مثل ماعاقب اي ولد يتحارش بية...فتح الباب ..انزلي
حنان...والله يالله اجذب انتباهه...هم عاجبته نفسه...سمعته الحجي ومشيت واني ادردم...بس بداخلي اذتني حجايته حيل ...اني اعلمك مو ...وللحكاية تكملة
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!