تحميل رواية «الصياد» PDF

في اليوم التالي

شبراوي: ادخل

فارس: أنا جاي اقولك متزعلش مني بسبب اللي حصل امبارح

شبراوي: ياعم فارس الحمد لله انها جت على كده أنا قولت عزيز بيه مش هيكفيه فقد دفعه ( وبيضحك)

فارس: لا ياعم الحمد لله انها جت على كده

شبراوي: الحمد لله

فارس: ياعم أنا مش بكلمك سيب التليفون وخليك معايا عيب عليك

شبراوي: لا استنا لحسن الموضوع ده قالب القاهره

فارس : موضوع اي ده وريني كده

شبراوي: تعالي اقعد جمبي اتفرج

فارس: وريني كده في اي

شبراوي: واحد صاحبي بعتلي الفيديو ده انت عارف مين ده

فارس: هعرف ازاي ياعم ده وشه غرقان دم يا ساتر ده مدبوح

شبراوي: ياض ده على قدري اللي كان ماسك اركان حرب من خمس سنين

فارس: ( بصدمه كبيرة) على قدري اي انت بتتكلم بجد

شبراوي: اه والله

فارس: بعد اذنك

شبراوي: رايح فين

فارس: ( خرج من المكتب على مكتب قائد الكتيبة)

قائد الكتيبة: اتفضل

فارس: بعد اذنك يا فندم

قائد الكتيبة: من على الباب كده طب ادخل اقعد

فارس: تحت امرك يا فندم

قائد الكتيبة: عايز اي يا فارس

فارس: ممكن انزل اجازه ٢٤ ساعه

قائد الكتيبة: هو مينفعش بس تمام الساعه معاك كام

فارس: سبعه وربع صباحاً

قائد الكتيبة: سبعه وربع صباحاً تكون قصادي

فارس: تحت امرك يا فندم

قائد الكتيبة: انصراف

فارس: ( مش عارف ليه طلبت اجازه وليه اول ما سمعت حسيت اني عايز اشوف فاطمه حتا وان كان من بعيد عبال ما وصلت القاهره كانت الساعه تلاته العصر كان الدفنه انتهت وكل حاجه انتهت رجعت على البيت اشوف العراقي لان الوقت مش هيكون سامح اني أخرج من عند فاطمه على اي مكان تاني غير القطاع )

عراقي: حمدالله على السلامه يا بطل

فارس: وحشني يا عراقي

عراقي : اقعد تعالي عايز اتكلم معاك شويه

فارس: يا سلام تحت امرك بس الأول سمعت اللي حصل

عراقي : اي اللي حصل

فارس: على قدري

عراقي: اه عرفت اللي حصل

فارس: أنا قولت انك ممكن تزعل عليه أنا عارف انك كنت موجود في فتره وجود على قدري اربع سنين

عراقي: ازعل عليه ليه يعني هو احسن من اللي راحوا

فارس: بس ده مش كلامك

عراقي : سيبك منه خليك في المهم

فارس: قول المهم يا عراقي رغم اني مستغرب رد فعلك

عراقي : الوقتي بقيت انت و وائل في سيناء والموضوع هناك مش سهل أنا خلاص مش قادر

فارس: يعني اي يا عراقي مش فاهم

عراقي: يعني لو انت حابب تخدم في سيناء يبقا وائل يرجع ولو وائل مش عايز يرجع يبقا انت ترجع

فارس: ولو وائل رفض و انا كمان رفضت

عراقي : انت عارف أن أنا مسوتش معاش انت عارف أن أنا طلبت وقت راحه اجازه بدون مرتب

فارس: ( بيضحك) ايوه يعني عايز اي يا عراقي

عراقي : لو انت و وائل مفيش نيه حد منكم يرجع يبقا الله المعين ألبس بدلتي العسكرية ومعاكم زاي ما تيجي إنما اللي أنا في أنا مش قادر أستحمل خلاص

فارس: وانت حمل الكلام ده يا عراقي

عراقي: اللواء أدم عبد الحي بقا خلاص مفيش عراقي منا لو رجعت هرجع على مكتب مفيش مهمات تانيه

فارس: اتكلم مع وائل يا عراقي إنما أنا مش ناوي ارجع القاهره إلا لما سيناء ترجع تاني زاي زمان

عراقي: رايح فين

فارس: مشوار مهم ممكن ارجع منه على القطاع

عراقي : انت في المكان الغلط يا فارس احنا ملناش في اللي انت راجع من سيناء علشانه

فارس: مش اللي في دماغك يا عراقي أنا بس حبيت ( وسكت شويه ) هو أنا رجعت ليه

عراقي: يبقا تروح مشوارك يا عم الصياد

فارس: سلام يا عراقي

عراقي : فارس وائل امانه في رقبتك خليك جمبه وائل دماغه ناشفه مبيسمعش من حد ولو سبته ل دماغه محدش هيعرف يوقفه

فارس: متقلقش على عيالك يا عراقي الناس كلها تخلف رجاله إلا عراقي يخلف اي

عراقي: ابطال

فارس: سلام

عراقي: سلام

في جانب آخر

عادل: حمدالله على السلامه يا وائل

وائل: قولت خلصت خلاص والله يا عادل

عادل: ياعم الحمد لله انك لسه فيك الروح

وائل: فارس فين

عادل: رجع القطاع بعد ما جابك هنا و اطمأن عليك

وائل: الحمد لله أن محدش فيكم وقع

عادل: عايز الحق مينفعش انتوا الاتنين تخدموا في سيناء لازم حد منكم يرجع القاهره

وائل: مفيش رجوع يا عادل أنا هدفن هنا

عادل: ياعم بعد الشر عليك

وائل: أنا مش سايب سيناء أنا راجل صاعقه عايزني اهرب

عادل: مش هروب بس صدقني يا انت هتموت بسبب اخوك يا اخوك هيموت بسببك امبارح اخوك دخل الكمين بطريقة اقسم بالله لو عسكري مرور ما هيدخل اشتباك بالمنظر ده والله لو ما كان ستر ربنا كان مات امبارح وانت عارف أخوك عمل كده بسبب خوفه عليك مش كل مره تسلم يا صاحبي فكر في كلامي

وائل: فكرت يا عادل وده اخر كلام عندي أنا مش ماشي من سيناء

عادل: يبقا ربنا يستر أنا راجع القطاع لحسن أتأخرت اوي

وائل: ربنا معاكم

في جانب آخر

فارس : ( أول ما وصلت كان البيت نوره مقفول وقفت بعيد عن البيت مش عارف ادخل ل فاطمه بمناسبة اي قلقان اتقابل مقابلة وحشه علشان كده قولت كفايه اشوف فاطمه من بعيد وصلت ل مكان عالي وقفت في وبدأت أراقب المنزل من بعيد علشان اشوف فاطمه أثناء وجودي جت عربيه نزل منها اربع أشخاص و العربيه مشيت من قصاد البيت شكلهم أفراد حراسه بس لحظت أنهم مش متعودين على المكان نظرات العيون بتقول ان الناس دي اول مره تيجي المكان ده وفجأة لقيت واحد منهم بص حواليه وأشار ل واحد منهم يدخل البيت

القصر كان مقفول شكله مفيش في حد حتا فاطمه مش موجوده تقريبا وفجأة النور اشتغل داخل المنزل لمحت طيف فاطمه خارجه من غرفه تأكدت أنها في خطر نزلت من مكاني دخلت القصر من خلف الاسوار

بمجرد دخولي وقفت ورا الباب سامع صوت خطوات واحد داخل البيت طلعت إلي الطابق الثاني كانت فاطمه في غرفتها سامع صوت بكاء وباب القصر اتفتح دخل منه الشخص ده وسمعت صوت شد اجزاء في طريق السلم الداخلي وهو طالع قفل نور السلم شوفت خيال فاطمه وقفه على باب غرفتها عايزه تخرج تعرف اي سبب قفل نور السلم وكان الولد على مقربه من باب غرفه فاطمه خدته من ضهره وقفلت بوقه علشان ميصدرش اي صوت يقلق فاطمه وطلعت بي سطح المنزل كان اغما عليه من كتمه نفسه بتحصل حاله اغماء خفيفه بس بيكون على قيد الحياة خدت منه السلاح ولما كشفت وشه عرفت أنه تبع الجماعه وتقريباً نفس العناصر اللي كانت خطفه فاطمه علي حدود ليبيا نزلت بسرعه خوفاً من صعود حد الي فاطمه كان نور السلم اتفتح وفاطمه في غرفتها فتحت باب غرفه فاطمه بكل هدوء ملقيتش فاطمه جوه الغرفه سمعت صوت من داخل حمام الغرفه روحت تجاه شباك الغرفه لقيت العيال التلاته في واحد منهم مش موجود معنا كده أن في حد تاني في البيت أول ما سمعت صوت باب الحمام بيفتح وقفت ورا الباب وكتمت فم فاطمه علشان محدش يسمع صوتها يعرف أن في حد معاها )

فارس: اهدي هسيبك متتكلميش خالص إحنا مش لوحدنا في ناس غريبه في البيت

فاطمه: ( ما بين الصدمه و اللهفه مش فاهمه حاجه هزت راسها وسكتت )

فارس: تمام تعالي معايا

( وخد فاطمه وطلع السطح علشان يهرب بيها كان الولد فاق ومش موجود وفجأة سمع فارس صوت العناصر داخل المنزل قفل باب السطح عليهم )

فارس: اطلعي على كتفي ب رجلك

فاطمه: مش هعرف

فارس: لا لازم تعرفي تعالي ( ورفع فاطمه الي مكان أمن )

فارس: اوعي تنزلي من هنا

فاطمه: هو في اي

فارس: هقولك كل حاجه بس اهدي شويه وخليكي هنا ( وفجأة سمع صوت العربية رجعت تاني تحت البيت خدت العناصر و أختفت من المكان )

فاطمه : مين دول يا فارس

فارس: احنا لازم نمشي من هنا حالا المكان ده مش أمان ليكي تعالي ورايا ( ولسه هينزل من على مكان أعلا من مستوي السطح شاف حاجه وقعه على الأرض)

فاطمه: فارس بتعمل اي

فارس: عراقي

فاطمه: عراقي مين

فارس: ياله نمشي من هنا بسرعه ( وخد فاطمه من المنزل رجع بيها الي خرج بيها بره القاهره)

فاطمه: ممكن افهم في اي انت كنت في البيت بتعمل اي

فارس: مش مهم المهم اني كنت موجود

فاطمه: هو أنا كنت هتخطف تاني يا فارس فهمني علشان أبقا عارفه

فارس: انتي لازم تختفي خالص يا فاطمة

فاطمه: اروح فين

فارس: سيبي البلد كلها مينفعش تفضلي هنا

فاطمه: لي كل ده هو أنا عملت اي

فارس: مش مهم تعرفي حاجه بس خلاص وجودك بقا في خطر على حياتك الناس دي مش هتسيبك

فاطمه: ( بدأت تبكي من خوفها )

فارس: ( حس بالضعف تجاه فاطمه بس مش عارف يعمل اي علشان يكون مطمئن عليها وبدأ في تهدئة فاطمه )

فاطمه: أنا مرعوبه يا فارس أنا مش متخيله اني ممكن اروح عند الناس دي تاني

فارس: اي ده انتي عامله الطلقه بتاعتي سلسلة

فاطمه: ها لأ فين دي

فارس: اهي

فاطمه: لا مكنتش اقصد

فارس: (مبتسم) وبعدين معاكي

فاطمه: علشان خاطري بلاش تسبني يا فارس مش بطمن غير وأنا جمبك

فارس : فاطمه أنا انتقلت جنوب سيناء يعني بيني وبينك ٨ ساعات مقدرش اكون جمبك شغلي ميسمحش ب كده

فاطمه: خلاص أنا ممكن انقل نفسي في جنوب سيناء بس اكون معاك

فارس: وبعدين هتعملي اي هناك الوضع هناك اصعب من هنا ثما انتي هنا بتهربي منهم عايزه تروحي بيتهم وتقعدي في

فاطمه: أنا طول ما انت حوالين مني انا مش خايفه

فارس: يبقا لله الأمر من قبل ومن بعد اربطي حزامك

فاطمه: هنروح فين

فارس: مش قولتي عايزه تبقي جامبي خلاص يبقا العمر واحد و الرب واحد

فارس: هو أنا صحيح طول عمري بكرهه الوسطه بس مفيش مانع تقولي الاختبارات شكلها اي

الأب: بس بشرط

فارس: اي

الأب: أول ما تدخل من باب الوحده تقول ل قائد الكتيبة أبوك يبقا مين

فارس: طب سلام أنا علشان ألحق طريقي

الأب: ياض هو أنا عار عليك

فارس: انت عارف انك افضل ظابط فات على الجيش المصري بس أنا هعدي تاريخك ومش عايز حد ينسب اي حاجه ليا اني وصلت ليها بس لمجرد انك ولدي سلام يا آدم بيه

أدم : سلام يا عسكري

بعد وصول فارس الي الكتيبه وبدأ في دورات التدريب وظهر تميز فارس من بين أصدقائه في التصويب بكل انواع الاسلحة وفي كل الأهداف

قائد الكتيبة: ( بدأ يعطي اشاره الي كام فرد منهم كان فارس ) تعالى يابني وانت كمان وانت واللي جانبه محمد بيه

محمد بيه : تحت امرك يا فندم

قائد الكتيبة: تاخد الشباب دوره تدريبيه مع فرقه ١١٢ معادا العسكري ده اسمك اي يابني

فارس : فارس يا فندم

قائد الكتيبة: اسمك ثلاثي يا عسكري

فارس : فارس أدم عبد الحي يا فندم

قائد الكتيبة: يروح دوره تدريبيه في فرقه ٧٧٧

محمد بيه : تحت امرك يا فندم

فارس: بعد اذنك يا فندم

قائد الكتيبة: اتكلم

فارس: أنا عايز اخد دوره تدريبيه مع ٩٩٩

قائد الكتيبة: وانت تعرف اي عن تلات تسعات علشان تطلب تاخد معاهم فرقه

فارس: أسف يا فندم

قائد الكتيبة: نفذ الأمر يا محمد بيه ولو فعلاً خدت فرقه وطلعت مركز أول مع المجموعة بأيدي هخدك تلات تسعات

فارس: أن شاء الله يا فندم

محمد بيه : تعال يا فارس بقا حد يطلب يروح تلات تسعات انت مجنون يابني ولا أي

فارس : ليه بس يا فندم هو أنا قولت اي

محمد بيه: تلات تسعات هيا اللي بتطلب رجالاتها مش الرجاله هيا اللي بتطلب وبعدين خلي بالك انت هتكون قناص كبير جدا انت اول فرقتك في القناصه وده مطلوب في تلات سبعات علشان كده هناك هتكون ليك مستقبل تاني خالص

فارس: بس أنا عايز مستقبلي يكون في ٩٩٩

محمد بيه : برضوه

قائد الكتيبة: ( بيكلم محمد بيه في جهاز اللاسلكي) محمد بيه

محمد بيه: تحت امرك يا فندم

قائد الكتيبة: عايز فارس أدم عبد الحي حالا على مكتبي لوحده

محمد بيه: تحت امرك يا فندم

فارس: في اي

محمد بيه: نفذ الأمر يا عسكري بالخطوه السريعه

فارس : ( معملتش حاجه ومش عارف اي سبب طلب قائد الكتيبة اني اروح على مكتبه بس ربنا يستر )

قائد الكتيبة: ادخل

فارس: تحت امرك يا فندم

قائد الكتيبة: فارس أدم عبد الحي إبن اللواء أدم عبد الحي قائد قوات ٩٩٩ الشهير بي العراقي

فارس: ( محبط بعد معرفه قائد الكتيبة أنه ابن العراقي)

قائد الكتيبة: أنا طلبت معلومات عنك اول ما دخلت مكتبي لانك لافت للنظر جدا اسلوبك في القتال القنص خفه الحركه حتا طلبك انك تدخل تلات تسعات كل ده بالنسبة ليا كان مصدر قلق بس بما انك ابن اللواء أدم عبد الحي ف مش هكون مستغرب من اي حاجه تعملها

فارس: بعد اذن حضرتك يا فندم ممكن يكون سر ما بنا

قائد الكتيبة: ( مستغرب من رد فارس)

فارس: مش عايز حد يستثني فارس من اي حاجه لمجرد أن أبوه اللواء عراقي

قائد الكتيبة: شكل ٩٩٩ علي ميعاد تاني مع بطل جديد بس بما انك أخترت توصل لوحدك ومن غير ما تطلع على كتف أبوك احب اقولك حاجه مهما جدا اللي ابوك عمله في تاريخ الفرقه حط ٩٩٩ مصر من اقوي فرق ٩٩٩ في العالم أتمنا في يوم من الأيام يقولوا أن بطل ٩٩٩ فارس أدم عبد الحي خارج من كتيبه ١٠١ من تحت أيد القائد سالم محمد نصر

فارس : أوعد حضرتك اني مش هنسا أبدا انك حفظت سري ووقفت جمبي لحد ما وصلت للفرقه اللي بحلم بيها طول عمري

قائد الكتيبة: أتفضل

فارس: تمام يا فندم

فارس : ( وخرجت من مكتب سالم بيه قائد الكتيبة وفي اليوم التالي كنت في فرقه ٧٧٧ والحمد لله بعد مرور شهر كنت واخد اول فرقه وخرجت منها على فرقه قوات خاصة وكل فرقه منهم كنت بطلع منها اول فرقه بسبب التدريبات اللي كنت عايش فيها طول عمري مع العراقي أصل العراقي قصه كبيره اوي فخر الجيش المصري ودخلت قوات التدخل السريع المنقسمه من الجيش المصري ودخلت فرقه سيل مصر في جنوب سيناء ومنهم على مشروع حرب بين مصر و أمريكا الحمد لله بشهادة الجميع أثبت اني أستحق الإنضمام الي مجموعة تلات تسعات بس مفيش تكليف وصلي ودي كانت اكتر حاجه قلقاني جدا معقول بعد كل الفرق دي وبعد كل الترقيات دي ومفيش تكليف جالي ده أنا دخلت مشروع حرب يعني المفروض اني وصلت للقمه ازاي مفيش اي تكليف يوصلي من الفرقه فتره الاجازه كانت بالنسبالي تدريب من جديد بس تدريب مع العراقي اللي كان هو مثلي الأعلى مش مجرد أب)

فارس: عراقي تفتكر أنا ليه لحد الوقتي مفيش تكليف جالي من تلات تسعات

عراقي : استمر وخليك تملي جاهز ومركز لانك هتطلب هتطلب بس انت الوقتي في مرحله تقييم

فارس: تفتكر لو طلبوني هاخد معاهم فرقه ولا صعب

عراقي : تعرف أول مره ادخل ٩٩٩

فارس: لا نقعد بقا علشان الموضوع ده لازم أسمعه

عراقي : اقعد

فارس: احكي

عراقي : كان اصعب ٤٥ يوم في حياتي مكنتش فاهم أنا ليه عمال اخد الفرق دي لحد ما فهمت كل حاجه هناك

مكالمه هاتفيه الي فارس

فارس: بعد اذنك يا قائد

عراقي : رد

فارس: ألو

محمد بيه: حالا تكون في الكتيبة

فارس: بس أنا في اجازه يا محمد بيه

محمد بيه: عارف نفذ الأمر

فارس: تمام يا فندم

عراقي: في اي

فارس: طلبني في الكتيبة حالا

عراقي: يبقا نكمل موضوعنا في الاجازه الجايه

فارس: بس اكيد نكمل لأن الموضوع ده مهم جدا جدا عندي سلام

عراقي: سلام

فارس: ( حضرت الشنطه وعلى الكتيبة فعلاً ولما وصلت هناك لقيت محمد بيه سايب خبر بأنضمامي الي قاعه البانوراما القاعه دي خاصه ب المداهمات )

محمد بيه : المقدم فارس هيكون قائد المجموعه

فارس: خير يا فندم

محمد بيه: فيه سفينه في المياه الإقليمية خطفت عشرين عسكري مصري المطلوب الدخول الى السفينه وفك اسر كل العساكر والخروج من السفينة بدون أطلاق رصاصه واحده لسلامة المجموعة والعساكر

فارس : خطت حضرتك اي يا فندم

محمد بيه: قبل ما تسمع الخطه اكيد تعرف المجموعة اللي معاك كويس يا فارس انتو كنتوا مع بعض في كل فرقه تقريباً دخلتوها

فارس: طبعاً يا فندم كل الزملاء عارفين بعض

محمد بيه: على خيره الله نبدا بالخطه

فارس: ( بعد ما اخدنا الخطه التنفيذ كان في الساعه ١٤ بعد نصف الليل يعني الساعه اتنين بعد منتصف الليل

وأثناء المداهمة دي تقريباً هنحتاج ننفذ كل الفرق اللي أخدنها حتا الغطس تحت الماء لمسافة اتنين كيلومتر لمواجهة السفينه بعنصر مفاجأة وفعلاً وصلنا السفيه ومعايا المجموعة المكونه من سبع أفراد تسللت الي السفينه بحسب الخطه كنا في مجموعتين مجموعه تأمين ومجموعة إخلاء الرهائن وأنا كنت في مجموعة إخلاء الرهائن بس الغريب السفينه كانت فاضيه تماماً مفيش فيها ولا حتا فرد حراسه من الطابق الأول إلي الطابق التالت مفيش حد وبعد وصولي الطابق الثالث سمعت صوت من جهاز اللاسلكي وكان من الظابط خالد مستنجد بيا أنه وقع في كمين ومعاه كل أفراد المجموعة أغلقت للاسلكي علشان صوت الإشارة هيكشف مكاني وفجأة انفتحت النار عليا من كل مكان ومكنتش شايف حد معقول تكون اشباح اللي بتضرب عليا النار افتكرت عراقي لما كانت بستخبا منه وادخل عليه بدون ما يشعر وأنا طفل ويعرف مكاني بدون حتا ما يشوفني كان يقولي أحنا في الجيش مش بنشوف بعض إحنا بنشم ريحه الخطر بدأت اتعامل معاهم بنفس الأسلوب ده ودخلت غرفه مغلقه اللي كان فيها العساكر المخطوفه بس الاغراب اني لقيت العساكر دي عباره عن تماثيل لعبه أتصدمت اكتر لما عرفت أن خزينة سلاحي تم أستبدالها ب طلق صوت مش طلق ناري حتا السلاح الأبيض كان سلاح أبيض تقليد وغير صالح نهائي لأي اشتباك وأخيراً قدرت ألمح طيف واحد من أفراد السفينه تسللت تجاه الشخص ده وحطيت السلاح على رقبته وطلبت منه اعرف مكان العساكر و غرفت تحكم السفينه وخدني فعلاً الي غرفه تحكم السفينه وهناك ضغط على كل مصابيح الإنارة وبمجرد ما انفتح النور تفاجأت بوجود فرقه من الجيش المصري مقنعه شكلها يدق الرعب في القلوب خرج من وسطهم قائد الفرقه وقالي

قائد الكتيبة: أهلا بيك وسطنا

فارس: انتو مين

قائد الكتيبة: انت مش كنت عايز التكليف يجيلك من فرقه تلات تسعات

فارس: اه

قائد الكتيبة: إحنا فرقه ٢٠١ اشتباك سريع من كتيبة ٩٩٩ وكل اللي حصل ده كان اختبار ليك و لباقي زملائك بس الفرقه اللي كانت معاك كلها رجعت الكتيبة تاني بعد ما فشلت في عبور السفينه وفك اسر العساكر بس انت قدرت تنجح في الاختبار علشان كده هتكمل معانا

فارس: ( بفرحه كبيرة) إحنا رايحين فين

قائد الكتيبة: عندك ٤٥ يوم تدريب نجحت في الاختبارات هتعرف باقي فرقتك علشان تكون أد مداهمات كتيبه ٩٩٩

فارس: ( ومن هنا بدأت في حياه جديده وتدريبات جديده وفرق جديده كل حاجه عدت في الجيش في كفه والتدريب هنا وضع تاني مفيش مجال للخطأ في تمرينات عندنا بتكون على ألغام ومتفجرات حقيقية بتتعامل مع تكفيريين حقيقي مداهمات لحظات بشعر أن اللي يموت هنا مننا محدش هيشعر بيه من شده التدريبات متخيل يعني اي تطلع في نص الليل تدخل أرض صحراء مفيش فيها غير ألغام وانت والمطلوب منك ترجع الكتيبه في وقت محدد من قائد الكتيبة ولو أتأخرت عن الوقت ده بيكون عليك جز على حسب تأخير المده أنا فاكر في تدريب من التدريبات كنا بنتدرب زاي الكلاب بالظبط لتقويه حاسه الشم عندنا ممكن تقعد في غرفه مظلمه ٢٤ ساعه معصوم العين تتعامل مع أهدافك في الظلام فك السلاح تركيبه حتا التصويب بيكون في اتباع الصوت مفيش نور مطلوب منك تعمل كل ده في الظلام الدامس ممكن تدخل غرفه فيها ٥ أو ٦ أفرد تكفيرية المطلوب منك تتعامل وتطلع من الغرفه دي بدون أطلاق رصاصه واحده ولا منك ولا منهم تجاهك يعني تعود نفسك ازاي لو دخلت مكان زاي كده محدش يعرف اني دخلت أو خرجت ل سريه المهمه والحفاظ على زملائك وكل فرد من أفراد الكتيبه بيكون عنده موهبه قتاليه في شيء معين بيتم تهيئه الفرد مننا على أنه يكون انسان خارق يعني ممكن يكون عندك مواهبه قتاليه أو في التخفي خفيف الحركه أنا بقا موهبتي كانت القنص عندي موهبه مش طبيعيه اي قناص في العالم يقدر يسقط هدفه الثابت خلال أربع دقائق من بدأ التصويب لحد اصابه الهدف ولو قناص محترف ممكن يعمل كده في وقت اقل تلات دقائق

في الكتيبه قدروا يطوروا من موهبتي بالتدريب والعمل الشاق لدرجه اني اقدر على اصابه الأهداف الثابته في دقيقه و اربع ثواني ولو هدف متحرك اقدر أصيبه في تلات دقائق وده أمر مستحيل

اي قناص محترف يقدر يصيب الهدف المتحرك في عشر دقائق يعني وصلت ل اني اكون في سرعه اربع قناصين في وقت واحد مع بعض يعني دخولي مداهمه وسط فرقه أطلع منهم مرتاح في اقل من سبع دقائق رغم أن اصعب الأهداف هو اصابه قناص زايك لانه بيكون حاسب لكل حاجه كويس جدا بندقيه غول ١٤ملي ونص تقدر تصيب لحد اتنين كيلومتر ونص كنت بطلع مداهمات بيها على بعد تلاته كيلو متر ونص وده شيء فوق الاعجاز علشان كده خدت لقب الصياد داخل وخارج الكتيبه

بمجرد ما بتنتهي فتره تدريبك وتبقا فرد من الكتيبة ٩٩٩ بيكون في خوف عليك شديد مينفعش حد يعرف هويتك مينفعش يتعرف على طبيعه عملك مينفعش تظهر قوتك مهما كانت الظروف مينفعش تحط نفسك في موقف يضطرك انك تكشف انك من كتيبه ٩٩٩ لانك بتكون مستهدف وانت بالنسبة للجيش المصري فرد مهم جدا لأن تدريباتك وقفت على الدولة بمبالغ كبيرة جدا غير انك شخص مميز لانك عديت المراحل دي كلها

وبعد مرور سنه

دخلت مشروع حرب بين مصر و روسيا

كانت فرقه مفرقعات و فرقه صاعقه تلات ٩٩٩ وفرقه ٧٧٧ وفرقه اشتباك سريع كل فرقه بتكون في مشروع حرب قصاد فرقه نفسها في الجيش الروسي كل حاجه متاحه معادا ضرب النار الحر في منطقة الرأس لأن جميع اجزاء الجسم بتكون مؤمنه معادا الرأس أضعف تأمين لذالك ممنوع ضرب الرءوس

فرقه ٩٩٩ في مصر غير اي فرقه في العالم ٩٩٩ تدريبات الفرقه في مصر بتكون جديا جدا شرسه فيها قوه عقليه شديدة جدا قبل القوه الجسدية الفرق كبير جدا اثناء مشروع الحرب اللي محدش كان مصدقه من مكتب القائد الروسي أن الفرقه كانت معاها قناص واحد مصري قصاد فرقه فيها اربع قناصين من الجانب الروسي اللي بيحصل على بندقية قنص أورسيس الفتاكه قصاد بندقية غول واحده فقط بس اللي اتعلمته في الجيش المصري مفيش جيش في العالم يقدر يتخطى وحشيته

بعد مشروع الحرب أخدت فرقه كمان مصريه روسيه بس الغريب مستلمتش الفرقه قائد الكتيبة قالي نص صريح تسليم الفرقة بعد الرجوع من الاجازه وأخيراً لحظات مع العائلة من جديد بعد غياب دام تلات سنوات في حروب ومداهمات مستمره على مدار ثلاث سنوات

نسر : توصل بالسلامه يا جوبا مصر

فارس : اسمي الصياد ياعم ولا تحب تشوف واحده في نص دماغك علشان تصدق

النسر : لا أنا صعب عليك يا جوبا مصر

فارس: هو أنا خدت فرقه إلا بعد ما خدتكم بالدور

النسر : بعد الإجازة سمعت انك هتستلم الفرقه الف مبروك يا فارس

فارس: حبيبي يا نسر الحمد لله ربك كبير

النسر : أشوفك على خير

فارس: سلام وشكراً على العصير يا نسر

فارس: ( أخدت عربيتي وراجع من الوحده من جنوب سيناء الي المنزل في القاهره وبعد ساعة من الطريق فجأة لقيت اربع عربيات دفع رباعي طالعه قصادي مفيش مفر منهم ولا شمال ولا يمين وفجأة حاسس اني مش طبيعي جسمي كله في رعشه اعصابي وقعه جدا لدرجة اني أستسلمت بدون ما اضرب رصاصة واحدة من سلاحي فوقت بعد ساعه ونص من وقت الإغماء

فارس : أنا فين

رابح : معقول يعني عمال اسمع الصياد و اسمع قصص وحكايات عنك والآخر أجيبك بالسهوله دي دانا لو نازل اجيب عيل من حاره كنت تعبت عن كده

فارس : فكني ونشوف مين هيتعب مين

رابح : ما تفك نفسك انت مش أخدت كل ده في الجيش

فارس: انت عايز اي

رابح : اسمع أنا عايز اعرف مقر الكتيبه الحلوه اللي انت منها وخلي بالك هتتكلم هتتكلم تمام سلام الوقتي

فارس : (أسبوع من التعذيب ليل نهار مكبل ب جنزير حديد كبير جدا كان لازم أعتمد على نفسي علشان أخرج من هنا اول حاجه كان لازم أعرفها مكاني فين علشان وقت ما اخرج من هنا اعرف اتجاهات طريق الرجوع بدأت أحسب كل حاجه بتحصل في يومي هنا

الاكل والشرب بيجيلي مره واحده في اليوم المياه مياه تحليه بس درجه التحليه فيها عاليه جدا يعني أنا لسه في سيناء مرجعتش القاهره ولا خرجت بره سيناء لأن اقرب محطه تحليه مننا في سيناء

مواعيد الاكل الساعه اربعه و الاكل بيدخلي سخن يعني اول ما العربية بتوصل الاكل بيدخلي بقيت اسمع اصوات الأشخاص حوالين مني نفس الأصوات ليل نهار مش بتتغير

معادا صوت واحد الصوت ده صوت صاحب العربية اللي بيجي فيها الاكل صوت مش غريب علي ودني أنا فاكر صاحب الصوت ده كان راكب عربيه دفع رباعي فات عليا في الكمين دخلت عليه سألته رايح فين وجاي منين قالي معايا أكل لأهل الله لما سألته جاي منين قالي من كنعان رايح فين قالي أهل الله في كل حته لو الاكل ده خارج سخن من كنعان وجالي هنا بدرجه الحراره دي يبقا استغرق في الطريق أقل من نص ساعة يعني أنا هنا المفروض اكون في ديمونه بدأت أراقب كل الأصوات اللي بسمعها حتا غرفه التعذيب اللي كنت بدخل فيها كنت بتعذب فيها اسوء تعذيب لمده اسبوع كامل وأخيراً سمعت صوت طائرة حربية على بعد اتنين كيلومتر من سطح الأرض يعني أنا فعلاً في ديمونه

رابح : بقالك اسبوع بتتعذب مزهقتش يا عم الصياد طب رد عليا ياعم الصامت اسبوع مش عايز حتا ترد السلام أنا جبتلك حاجه هتخليك تتكلم على طول

( وراح تجاه الباب )

فارس: احنا في ديمونه

رابح : ( مبتسم) ياه أخيراً أتكلمت أنا كنت فاكرك أخرس هطلع اجدع منك ( وشد كرسي قصاد فارس وشال من على عيونه الغمامه ) اه احنا في ديمونه قولي بقا عرفت منين

فارس: ( مبتسم ورجع في سكوته من تاني)

رابح : حتا لو جبتلك الهديه اللي قولتلك عليها مش هتتكلم

فارس : هديه اي

رابح : ( أشار إلى الحارس ) هاته

فارس : ( لقيت واحد داخل متكبل بالحديد على رأسه غمامه مغطي وجهه كامل )

رابح : هاته هنا

فارس : ( يترقب في صمت عايز يعرف مين الشخص اللي تحت القناع)

رابح : هسيبك مع ابوك شويه يمكن تتكلم

فارس: عراقي

عراقي : انت كويس

رابح : لا لا مش بحب اللحظات دي عيش مع ابنك علشان لو ما عرفتش اللي عايزه من ابنك انتو الاتنين أموات سلام مؤقت

عراقي : هو عايز اي

فارس : عايز يعرف مكان الكتيبه

عراقي : و هتعمل اي

فارس : أنا كنت خارج بس الوقتي مبقاش ينفع

عراقي : هتعمل اي

فارس : انت جيت ازاي هنا يا عراقي

عراقي : زاي ما انت جيت

فارس : في كاميرا ورايا يا عراقي

عراقي : لأ

فارس: لا في يا عراقي عايزك تعرف مكانها

عراقي: عرفت منين أن في

فارس : مع أول شعاع الشمس بتكشف الضوء الأحمر بتاع التسجيل بتاعها أنا متأكد أنها ورا ضهري بس مش قادر اوصل ليها

عراقي : هيا الكتيبه بتاعتك فين يا فارس

فارس : بتسأل ليه يا عراقي

عراقي : هكون بسأل ليه

فارس : مش عارف مكانها يا عراقي

عراقي : ازاي هو في مقاتل ميعرفش مكان الكتيبه

فارس: أنا

عراقي : تمام تمام انت خايف تقولي

فارس : عراقي أنا فكيت الجنزير متقلقش هنخرج من هنا

عراقي : أقلق من اي أنا جاي هنا علشان أشوفك أنا لو عايز أخرج والوقتي حالا هخرج وانت عارف

فارس: وأنا عارف انك أد الكلام يا عراقي بس انت عارف احنا فين

عراقي : ديمونه

فارس : عرفت منين انت مش كنت متغمي

عراقي : يعني انت مكنتش تعرف إحنا فين

فارس : لا كنت عارف بس انت أكدت عليا

عراقي : بقالك هنا أد اي يا فارس

فارس : اسبوع

عراقي : متأخر اوي يا فارس

فارس: يعني اي

عراقي : أنا قعدت هنا تسع ساعات وخرجت من الباب ده

فارس : يعني اي

عراقي : دا اخر اختبار بتمر بي علشان تاخد الفرقه

فارس: مش فاهم حاجه

عراقي : كنت في كمين ابو زوين وفجأة طلع عليا خمس عربيات دفع رباعي مليانين ناس لبسه أقنعه فجأة لقيت نفسي مش قادر لا أهجم ولا ارجع جسمي كله بيتنفض عرفت اني أخدت حاجه من حد علشان اقع في الكمين دخلت على الكرسي ده مكانك بالظبط

فارس: وبعدين

عراقي : طلبوا مني مقر الكتيبة اي معلومه عن الكتيبه رفضت اقول اي حاجه دخلت غرفه التعذيب اربع ساعات متواصلة تعذيب مميت في خلال الأربع ساعات دول كنت عرفت مكاني فين من خلال اصوات الطيارات الحربية اللي فوق دماغي خرجت من غرفه التعذيب حددت أهدافي وقدرت أخرج من الباب ده

فارس: يعني بقالي اسبوع في لعبه

عراقي: انت عارف يعني اي ٩٩٩ يعني اسرار الدوله كلها معاك يعني تعرف معلومات مينفعش مهما تتعرض ل ضغط تقولها علشان كده ضغطوا عليك بس انت متكلمتش بعد كده جيت أنا سألتك فين مقر الكتيبة علشان تعترف لاني ابوك بس انت نجحت وخبيت عني مكان زملائك وده المطلوب منك علشان طبيعه شغلك مينفعش حتا أهلك تعرفه

فارس: بس اذاي دخلت غرفه التعذيب اربع ساعات أنا اكبر مده دخلت فيها كانت ساعه

عراقي : علشان قائد الكتيبة كان عارف أن أنا مش هيطلع عليا الصبح هنا وهرب بأسرع وقت علشان كده البرنامج اللي حصل معاك في اسبوع حصل معايا في يوم اكبر قدر ممكن من التعذيب لاني مش هاخد وقت هنا

فارس: يعني أنا فشلت في الاختبار

عراقي : لا انت نجحت في الاختبار لانك متكلمتش بس فشلت تخرج من هنا وده حاجه محتاجه تدريب اكبر من التدريبات اللي أخدتها

فارس: ( فك الجنزير من على جسمه وقام وقف) بس أنا كنت

عراقي: ( قطع كلام فارس وقام وقف) مبروك عليك الفرقه

وفجأة دخلت مجموعه فارس ومعاهم قائد الكتيبة

قائد الكتيبة: متجيش على فارس يا عراقي انت كنت استثنائي بلاش تقيس نجاح فارس ب نجاحك كل واحد لي طاقه

فارس: العصير اللي شربته من النسر كان في حاجه

عراقي : انت راجل قناص يعني ممنوع تدي الأمان لأي شخص مهما كان هو مين

فارس: تحت امرك يا آدم بيه

فارس: ( رغم اني نجحت وأخدت فرقه إلا أني كنت زعلان جدا حاسس اني ضاغط نفسي علشان حاتط نجاح العراقي اللي حصل على مدار تسع سنين عايز أعمله في كام يوم أول يوم دخلت مكتبي وهناك في مكان ل عظماء ٩٩٩ نزلت حبيت اروح هناك الفخر كله لما لقيت صوره عراقي وتحت منها أنجزات عراقي وقتها عرفت اني أبن راجل عظيم بجد مش كلام مع مرور الوقت كنت بحس اني تطورت اكتر و أكتر

في جانب آخر

قائد الكتيبة: خالد بيه الموضوع منتهي الولد ده لازم يجي

خالد بيه : يا فندم أنا معنديش مانع بس ده موضوع أمن وطني مش فرقه ٩٩٩

قائد الكتيبة: لا بقا اذاي أمن وطني لما كل مره تنزل تجيب الولد ترجع من غيره ثما خلي بالك الولد ده ماشي على طول لبس حزام ناسف يعني مينفعش يتجاب إلا بطريقه واحده

خالد بيه : يتخطف

قائد الكتيبة: بالظبط

خالد بيه : اللي حضرتك تشوفه يا قاسم بيه

قائد الكتيبة: مين عندك في الأبطال يقدر يجيب الواد ده من غير نقطه دم مش عايز اعمل بلبله

خالد بيه: تمام يا فندم تحت امرك

قائد الكتيبة: معلومات كافيه عن الواد بكره يكون في مبني الأمن الوطني

خالد بيه: التسليم هيكون ازاي

قائد الكتيبة: ياخد المنوم والأمن الوطني يطلع يستلمه من بيته

خالد بيه: تحت امرك يا فندم

قائد الكتيبة: مين هيعمل المهمة دي أنا عارف أن الفرقه بره الحدود

خالد بيه: الصياد

قائد الكتيبة: على خيره الله بس اهم حاجه يا خالد الواد ده لابس حزام ناسف

خالد بيه: متقلقش يا قاسم بيه

قائد الكتيبة: حياه المدنيين اهم حاجه عندي

خالد بيه: تحت امرك يا فندم بعد اذنك

قائد الكتيبة: اتفضل

في جانب آخر

خالد بيه: ( على جهاز اللاسلكي) مقدم فارس عايزك على مكتبي

فارس : تحت امرك يا فندم

بعد ذهاب المقدم فارس مكتب خالد بيه

فارس: تحت امرك يا فندم

خالد بيه: محمد علي الشهره أبو حمزه مطلوب في الأمن الوطني بس محدش عارف يجيب الود ده لانه على طول لابس حزام ناسف معندوش اي مشكله يفجر نفسه في اي مكان

فارس: علشان كده محدش عارف يجيبه

خالد بيه: المطلوب منك تخطف الواد ده ياخد المنوم الأمن الوطني يطلع يستلمه من بيته

خالد بيه: الساعه معاك كام

فارس : اتنين

خالد بيه: الأمن الوطني هيكون في بيت ابو حمزه الساعه أربعه يكون نايم وتخلي البيت وترجع الوحده

فارس: تحت امرك يا فندم

خالد بيه: صياد أرواح الناس اهم حاجه

فارس: ( تحيه السلام وخرج من المكتب قلع الميري ولبس المدني وخد الشنطه اللي بيكون فيها كل حاجه تخص المهمه )

فارس: نزلت منطقه ابو حمزه تلاته على باب البيت من تحت الظاهر ابو حمزه مهم عندهم اوي مينفعش اطلع من البيت لازم اطلع من البيت اللي جمبه ومن السطح انزل عليه وعلشان أنا غريب عن المنطقة حد من الرجاله اللي كان على الباب خرج ورا مني يطمئن لانهم مش مطمئنين دخلت البيت أخدت ساتر لحد ما دخل العنصر التكفيري وتعاملت معاه وخدت منه جهاز اللاسلكي الخاص بيهم وخدت منه المفجر بتاعه وخدت الحزام الناسف اللي كان حوالين وسطه وطلعت سطح المبنى بداء باقي الأفراد تطلب رد العنصر اللي مات عايزين يعرفوا أنا مين مبقاش قصادي وقت لازم ادخل على ابو حمزه قبل ما القلق يزيد ويهرب من بيته نزلت من ضهر المبنى الي غرفه نوم ابو حمزه كان في المطبخ بمجرد ما دخلت دون أن يشعر أخدت أيده ورا ضهره تجنب لأي غدر منه وتفجير نفسه

ابو حمزه: انت مين

الصياد : اسكت يا روح امك فاكرها تكيه ماشي وسط الناس بالحزام الناسف

ابو حمزه : الرجاله تحت لبسه نفس الحزام فكني يا هحرق المنطقة دي كلها انت حر ذمب الناس في رقبتك

الصياد: دي مشكلتي مش مشكلتك أنطق ألواد ده اسمه اي ( وطلع صوره العنصر اللي مات على أيده ل ابو حمزه )

ابو حمزه : ابو مصعب قتلت ابو مصعب يا عدو الله

الصياد: رد على اللاسلكي قول ابو مصعب عندك هنا كلمه زيادة هاخد روحك ( وحط السلاح على رقبه ابو حمزه)

ابو حمزه: اوعا سلاحك هموت

الصياد : خود قول زاي ما قولتلك

ابو حمزه: يا ابو غريب أنا ابو حمزه ابو مصعب عندي الدار أمن

ابو غريب : في حاجه

ابو حمزه: الدار أمان بدكم شيء

ابو غريب : المفجر مع ابو مصعب واحنا بدون سلاح

الصياد : (هز رأسه)

ابو حمزه: تمام تمام شويه ويكون وياكم

الصياد: ( قفل اللاسلكي وطلع ابره من شنطته)

ابو حمزه: واش تعمل يا عدو الله

الصياد: منتا كنت بتتكلم مصري من خمس دقائق ولا انت عبيط ( وضرب الابره في رقبته)

بعد مرور نصف ساعة كان الأمن الوطني على باب ابو حمزه

الصياد: محدش يلمس الباب الباب متأستك

مؤمن بيه : انت مين

الصياد: أنا المقدم فارس محدش يلمس الباب يا رجاله ثواني ( كان لازم أفك المفجر من على الباب و أخلي المكان قبل دخول الأمن الوطني مينفعش حد يتعرف على شكلي ولا شخصي أضطريت اقول اسمي لأنهم كانوا هيكسروا الباب ولو ده حصل كلنا بقينا في خطر فكيت المفجر وقبل الإخلاء ضربت رصاصة في مفتاح الباب كا علامه ل دخول الأمن الوطني وكنت اختفيت من المكان كله

مؤمن بيه: هو فين

زكريا بيه : الواد اختفى لو مكنتش سمعت صوته كنت قولت أنه مكنش في حد هنا

مؤمن : هات الكلب ده والعيال اللي تحت في العربيه واطلع بيهم العيال دي خيط كويس اوي

في جانب آخر

قائد الكتيبة: خالد بيه

خالد بيه: تحت امرك يا فندم

قائد الكتيبة: العملية انتهت ب سلام الله اكبر عليكم يا رجاله

خالد بيه: الحمد لله يا قاسم بيه كله بفضل الله وتعليمات معاليك

قائد الكتيبة: المقدم فارس جاب الواد ومن غير نقطه دم واحده وخد المفجر من العيال بكل سهوله الله اكبر عليه

خالد بيه: أبن العراقي يا قاسم بيه

قائد الكتيبة: جمايلك كترت علينا اوي يا عراقي

خالد بيه: تحت امرك يا فندم

قائد الكتيبة: أول ما المقدم فارس يرجع عايزه على مكتبي

خالد بيه: تحت امرك يا فندم

فارس: ( ودي كانت أول مهما أطلع فيها لوحدي من غير اي حد من القطاع كان ليها صدا كبير في القطاع الخوف من أن ابو حمزه يفجر نفسه في المدنيين كان كبير جدا علشان كده المهمة دي حتط أسمي في مكانه حلوه اوي ف القطاع )

بعد مرور أربع شهور

خالد بيه: الدكتورة فاطمة علي مخطوفه

من أسبوع ونص بعد التحقيق أكتشفنا أنها كانت على علاقه ببنت ليها ميول تكفيرية البنت دي طلبت من الدكتورة فاطمة المساعدة بحجه أن والد البنت دي تعبان جدا وفعلاً الدكتورة فاطمة راحت تقف جمب والد صديقاتها اللي مكانتش تعرفه أنها في كمين بمجرد دخول البنت البيت اتعمل عليها. الكمين وطلعت من مصر على حدود ليبيا

الصياد: وليه واحده زاي الدكتورة فاطمة

خالد بيه: علشان أمير الجماعة عنده مشكله كبيره في القلب وعلي فكرة الدكتورة فاطمة علي اكبر دكتوره قلب في مصر بنت الوزير علي ناجي وزير الدفاع السابق

الصياد: وزير الدفاع

خالد بيه: بالظبط كده المهم أن طبعاً امير الجماعة ميقدرش يروح اي مستشفى في اي مكان في العالم لانه علي قوائم الممنوعين من السفر إلي اي مكان مفيش حل معاهم إلا انهم يعملوا كده

الصياد: والمطلوب

خالد بيه: هيكون معاك الظابط نسر مطلوب منك ترجع الدكتورة فاطمة من داخل الخليه و تصفي امير الجماعة علشان قلبه ميوجعهوش تاني ويخطف بناتنا

الصياد: تحت امرك يا فندم

باب المكتب بيخبط

خالد بيه: اتفضل

النسر : حضرتك طلبتني

خالد بيه: على خيره الله اقعد يا نسر

النسر : ( بص ل الصياد) الموضوع كبير ولا اي

الصياد: ليبيا

النسر : تاني

خالد بيه: فارس معاك فايز عايز خطتكم في الهجوم والانسحاب علشان نعتمد ونبدأ في المهمه

الصياد: تحت امرك يا فندم

المكان غرفة الاجتماعات المغلقة قطاع ٩٩٩

خالد بيه: قول خطتك في الاقتحام يا فارس بيه

فارس: بعد ما تابعت الملف والصور المرفقة في الملف تأكدت أن الدكتورة فاطمة محتجزه في مزرعة مساحتها أربعه فدان المزرعه دي على شكل دائرة مقسمة نصين النص الأول عبارة عن بحيره كبيره والنص التاني مزرعه

قائد الكتيبة: وانت شايف الاقتحام يكون منين يا فارس

فارس: حضرتك أضعف مكان في المزرعه هو البحيره لأن تأمين المساحة كلها يحتاج عناصر كتيره جدا ف الخليه عامله اربع ابراج مراقبه منهم تلات ابراج كل مهمتهم تأمين البحيره ولأن الخليه متأكدة من أن مفيش اي هجوم ممكن يحصل من البحيره اكتفت ب التلات ابراج أما الجزء التاني اللي هو المزرعه فيها عناصر تأمين في كل مكان بخلاف البرج الرابع اللي كاشف كل مكان في المزرعه

محمد بيه: برافو عليك يا فارس

فارس : تعليمك يا فندم أن شاء الله هنطلع من البحيره هيكون الظابط نسر بياخد وضعه المناسب اللي هو البرج رقم اربعه أثناء ما الظابط نسر متواجد بالقرب من البرج هكون أنا ضربت القناص اللي في البرج علشان يطلع ياخد مكانه النسر وقتها هكون أنا داخل المزرعه والظابط نسر معايا خطوه ب خطوه كاشف المكان كله

خالد بيه: ماشاء الله عليك يا صياد ربنا معاكم أن شاء الله

فارس:: نتوكل على الله

قائد الكتيبة: ربنا معاكم

فارس: ( بدأنا في طريق الذهاب الي الحدود الليبية الرحله تبدأ في طياره حربيه نعمل أسقاط قبل البحيره ب اتنين كيلو لضمان عدم كشف الابراج لينا السقوط بيكون على شاطيء البحيره ومن هناك تبدأ المهمه)

فارس: نسر الحركه بحساب مش عايزك تعمل اي حاجه غير بأشاره مني أنا عايز ندخل المزرعه ونطلع منها من غير رصاصه واحده

نسر : تحت امرك يا قائد بس ممكن سؤال

الصياد: نعم

نسر : عيني جت على الذخيرة بتاعتك لقيتك ناحت اسم الصياد على كل رصاصه عملت كده ازاي وليه

الصياد: لما نرجع الوحده هقولك الوقتي ياله نعدي البحيره

نسر : توكلنا على الله

الصياد: ( كان لازم نطلع من البحيره من غير ما اي حد من الابراج التلاته يكشف وجودنا بمجرد الوصول إلى حدود البحيره كان هناك فرد تكفيري لتمشيط البحيره لازم نتعامل معاه قبل الدخول إلى المزرعه ركبت كاتم الصوت وطلعت بالقرب من العنصر وضربته طلقه أسقطته )

نسر : الواد ده لازم يختفي لو حد شافه هنتكشف

الصياد: ارفع معايا ندخل بيه المزرعه

نسر : صح

فجأة اللاسلكي بتاع الولد التكفيري اشتغل

أبو زياد : يا ابطال عندي خبر حلو لكو اليوم عنا ضيفين من العيار الثقيل منهم ولد ابن الطاغوت عراقي الولد اسمه فارس لقبه الصياد وله من اسمه نصيب هو من أوقع اخوكم في الله الشيخ ابو حمزه الضربه اليوم ستكون موجعه عليكم بالبحيرة الهجوم سيأتي من البحيره ومن تليها الذهاب إلى الدكتورة فاطمة لتحريرها اتركوا يدخل من البحيره ولا تقربوا عليه ومن هناك نستلمه نحنا اليوم رزقنا الله غزوه من غير حول لنا ولا قوه اليوم موعدكم الجنه

اصوت تهليل عاليه جدا

نسر : الكلام ده معنا اي إحنا وقعنا

الصياد: الخطه كلها عنده زاي ما يكون كان قاعد وسطنا في غرفه العمليات

النسر : نخلي ونرجع الوحده ده اقرب حل يا فارس بيه

الصياد: أنا مش راجع من غير الهدف اللي جيت من أجله

نسر : طب نرجع للقائد يا فندم

الصياد: اخاف ارجع يكون في حد وسطنا منهم يعرف مكان وجودنا

نسر : معقول

الصياد: نسر اسمع

نسر : معاك يا فندم

الصياد: العناصر كلها الوقتي واخده وضع التأمين على البحيره يعني خلاص الخطه مبقتش تنفع بس في حاجه تانيه ممكن نعملها

النسر: معاك يا فندم

الصياد: هتاخد اللاسلكي بتاع الواد ده تقفله تفتحه بس وقت ما هقولك في السماعه اللي في ودنك الوقتي كل اللي عايزه منك تروح على البرج رقم تلاته

نسر : والعنصر اللي على البرج

الصياد: هضربه من هنا تطلع تاخد مكانه وقتها هقولك باقي الخطه الوقتي أنا مستني منك اشاره انك بقيت تحت برج تلاته

النسر : تمام يا فندم

الصياد: نسر إحنا جينا لحد هنا كان لينا أفضلية عليهم وهيا عنصر المفاجأة بس بما انهم عارفين يبقا الأفضلية ليهم إحنا خلاص جيين وهما مستنين بلاش تعمل حاجه من دماغك علشان عايز ارجع بيك الكتيبه

نسر : تحت امرك يا فندم

في جانب آخر

ابو زياد: شغلوا الضوء تجاه البحيره اللي يلاقي الصياد لا يقتله بدي اخذه حي ابو عمر

ابو عمر: السمع والطاعة يا مولانا الشيخ

ابو زياد: بارك الله فيك وفي جميع الأخوة واكرم الله مجلس ابو حمزه

في جانب آخر

النسر : صياد أنا تحت البرج

الصياد: أستنا ( وخد وضع التصويب وفي نفس واحد ) أطلع يا نسر المكان خالي

نسر : تمام يا فندم

الصياد: ( بص على ساعته)

نسر : تم يا قائد

الصياد: افتح الضرب اتجاه الساعه ١١ وافتح اللاسلكي بتاع الخليه قول فيه اني موجود على التل في اتجاه الضرب

نسر : تحت امرك يا فندم

الصياد: ( فعلاً بدأ الضرب ب اتجاه اللي قولت عليه للنسر وطبعاً بعد ما كل الخليه عرفت اني هناك تم التحرك على هناك على طول وبكده يكون المكان الشمالي من المزرعه فاضي اقدر ادخل منه )

في جانب آخر

أبو زياد: ما حدا يقتله قولت بدي ياه حي برج تلاته برج تلاته

نسر : حياك الله ابو زياد

ابو زياد: ما تضرب نار أمن مكانه وخليك في المراقبة أوقفوا ضرب النار

نسر : على مرمايا يا ابو زياد

ابو زياد: راقبه فقط

نسر: هو في اتجاه الغرب تجاه التل ناحيه البحيره

الصياد: ( الوقتي جه ميعاد ضرب البرج رقم اربعه علشان يطمئنه أن الخطه ماشيه زاي ما هما فاكرين وفعلاً ضربت البرج )

الصياد: نسر نسر

النسر : معاك يا قائد

الصياد: افتح اللاسلكي عرف الخليه أن البرج رقم اربعه أضرب

النسر : تحت امرك يا فندم

النسر : برج اربعه يا برج اربعه الضرب تجاهك أمن على حالك

برج اتنين : ابو زياد ابو الحكم أستشهد

ابو زياد: قتلانا في الجنه قتلاهم في النار اصبروا و صابروا لن يفلت منا ابن الطاغيه

الصياد: ( دخلت المزرعه وكانت فاضيه تماماً كل الأفراد والعناصر خرجت تجاه البحيره ل تأمين الهجوم عليهم بعد ما تأكدوا أننا فعلاً دخلنا من هناك ) نسر نسر

النسر : معاك يا قائد

الصياد: أنا داخل النفق افتح النار على اتجاه الساعه أربعه

النسر : تحت امرك يا قائد

الصياد: ( مجموعة العناصر اللي في النفق هما اقرب ناس في اتجاه الساعه أربعه وبكده يطلعوا يشوفوا الضرب ده جاي منين واقدر ادخل أنا النفق وفعلاً دخلت النفق )

الدكتوره فاطمه: انت مين

الصياد: أنا المقدم فارس من الجيش المصري امشي ورايا بسرعه

الدكتوره فاطمه: الحمد لله يارب الحمد لله

النسر : صياد متطلعش من النفق المجموعة رجعت كلها

الصياد : ارجعي تاني بسرعه

الدكتوره فاطمه: ارجع اي انت هتسبني هنا

الصياد: اسيبك اي لا طبعاً بس أنا كده بعرضك للخطر انتي وانا ارجعي مكانك اوعي تخرجي إلا بأشاره مني

الدكتوره: بس

الصياد: مفيش وقت ادخلي بسرعه

النسر : صياد العيال في الممر أنجز خدلك ساتر

الصياد: ( رجعت الدكتورة مكانها وخدت ساتر وبدأت أشتبك مع العناصر عنصر عنصر وكان عددهم سبع أفراد ورجعت من تاني ل الدكتورة)

الدكتوره: ارجوك خدني من هنا

الصياد: اسمعي انتي بالنسبه ليهم صيد مهم محدش هيضرب عليكي نار أنا عايزك اول ما تسمعي صوت طلقتي في الباب ده تخرجي من الممر ده تجري على طول زاي ما انتي اوعي تقفي

الدكتوره: وانت

الصياد: أنا هكون مأمن خروجك من هنا وثقه فيا

الدكتوره: معنديش حل تاني

الصياد: اوعي تتحركي قبل ما تسمعي صوت الطلقه وتشوفي مكان الطلقه هنا بالظبط (ورسم دائرة على الباب ) لو الطلقه جت في اي مكان بره الدائرة يبقا مش أنا متخرجيش إلا لو جت هنا تمام

الدكتوره: تمام

نسر : يا قائد رد عليا

الصياد: أنا هركب البرج رقم اربعه يا نسر عايزك تضرب اتجاه الساعه ١٤

نسر : تحت امرك

الصياد: ( كده أنا غيرت مسار الخريطه كلها الضرب كله بقا تجاه البحيره وركبت البرج وفعلاً ضربت طلقتي تجاه الدائرة وخرجت الدكتورة تجري من جوه الممر وأنا وقف علي أعلا مكان في المزرعه كاشف كل حاجه بقيت واخد وضع التصويب تجاه أي حد يقترب من الدكتورة سقط اكتر من ١٢ عنصر عبال ما دخلت المزرعه )

الصياد: نسر اخلي اخلي

نسر : تمام يا فندم

الصياد : ( نزلت ورا الدكتورة فاطمة المزرعه وخدتها ورا ضهري وكان النسر على وصول التعامل كان شديد جدا جدا علينا بعد ما اتكشف مكاني أثناء نزول نسر من على البرج )

النسر : الذخيره خلصت يا صياد

الصياد: شتت نفسك عني يا نسر أنا مأمن ضهرك انت والدكتوره

نسر : تحت امرك يا فندم

الدكتوره: هو رايح فين

نسر :امشي معايا هو عارف هو بيعمل اي

الصياد: اقفل اللاسلكي بتاعك يا نسر الضوء كاشف مكانك في نص بوصه فوق دماغك هيفرتكه

النسر : اعمل اي

الصياد: اثبت مكانك هضربه الأول وكمل

الدكتوره: أنا خايفه إحنا هنموت

الصياد: كمل بسرعه

نسر : ( طلع ابره من شنطته حقن الدكتورة)

الصياد: خد الدكتورة تجاه الساعه سبعه

نسر : تحت امرك يا فندم

الصياد: ( فضلت متابع خروج نسر والدكتوره لحد ما خرجم من المزرعه وسط سير من إطلاق النار عشوائي لأن محدش قادر يوصل ل المكان اللي احنا فيه من العتمه )

نسر : صياد احنا في البحيره اطلع بسرعه

الصياد: أنا بخلي وخارج يا نسر انزل البحيره

نسر : تحت امرك يا فندم

الصياد: خرجت من البحيره أثناء الضرب العشوائي كان حد رصد مكان نسر وضرب طلقه اتجاه البحيره ضربته طلقه وقع على الأرض)

النسر : صياد صياد أنا انصبت تعاله بسرعه الحقني

الصياد: تابع السير أنا جاي حالا

الصياد: ( كان لازم أخرج بأي شكل على البحيره خرجت بكل عشوائية بس الحمد لله محصلش اي اصابه بس كان لازم الحق نسر العوم مسافه كبيرة ومعاه الدكتورة فاطمة هيكون صعب جدا عليه لأنه مصاب وفعلا قدرت اوصل ل نسر )

الصياد : هات الدكتورة

نسر: خد كتفي يا صياد الطلقه جت في كتفي

الصياد: طلع المضاد من الشنطه الدكتورة لازم تفوق

نسر : مش قادر أيدي وقفت

الصياد : قرب مني انا هحاول اخد المضاد من الشنطه

نسر : مش قادر يا قائد مش قادر والله

فارس : نسر نسر فوق معايا الدكتورة خدت الابره اول ما تفوق من المضاد هقدر أخرج بيكم من البحيره

نسر : حاسس اني هغرق مش قادر الطلقه وقفت دراعي كله

فارس : محدش هيغرق ولا حد هيموت أنا جمبك

نسر : لو لقتني هكون حمل عليك سبني يا فندم أنا لو ليا عمر هرجع لو مش مكتوب ليا ارجع يبقا على الأقل انت والدكتوره رجعتم

فارس: نسر الطلقه في دراعك مش في قلبك أن شاء الله هنرجع الوحده مع بعض

الدكتوره: ( بدأت تفوق من تأثير المخدر اللي كانت في ) اوعا سبني

فارس: لو سبتك هتقدري تكملي لحد الضفه التانيه

الدكتوره: مش بعرف اعوم أصلا

فارس : أما اي سبني دي

نسر : كده هنموت كلنا يا قائد سبني هنا انا حاسس اني هفقد الوعي مش قادر

فارس : (فتح اللاسلكي) خالد بيه يا رجاله اي حد سامعني يرد عليا

خالد بيه: كلنا سامعينك يا صياد عملت اي

فارس : الحمد الله يافندم المهمه انتهت الدكتورة معايا

خالد بيه: الحمد لله انتوا بخير

فارس : ظابط نسر خد طلقه في كتفه أنا في نص البحيره معايا النسر والدكتورة الاتنين واخدهم سحب ابعتلي دعم حدد مكاني في الخريطة

خالد بيه: فارس فارس اسمعني أنا لو بعتلك اي دعم هبقا بضرك كده اي دعم لو جه ومكانك أترصد يبقا انت والنسر والدكتوره في خطر اخلي بأي شكل يا فارس أنا عارف أن الدعم قريب منك جدا بس دخوله المفاجئ هيأثر عليكم وممكن نخسر حد منكم

فارس : نسر نسر رد عليا نسر

الدكتوره: (برعب كبير) شكله مات نزف دم كتير

خالد بيه: فارس في اي عندك

فارس : نسر اغما عليه نتيجه النزيف الكتير

علي قدري: ( والد الدكتورة فاطمة ورئيس أركان حرب سابق شد اللاسلكي من ايد خالد بيه) سيب كده فاطمه فاطمه

فاطمه : بابا (وبتبكي)

علي بيه: انتي كويسه يا حبيبتي

فاطمه: اه يابابا بس في واحد معانا مات

فارس : يا علي بيه مش وقته أنا مش هقدر اسحب النسر والدكتورة كيلو متر عوم يا خالد بيه ابعت الدعم ومهما كانت النتيجة أنا متحمل عواقب اللي بعمله

علي بيه : مش بتقول أنه مات

فارس : وبعدين

علي بيه: اخلي يا سيده المقدم وهات الدكتورة وارجع الوحده

خالد بيه: حضرتك بتقول اي

قاسم بيه: خالد علي بيه عنده حق الدكتورة بتقولك الظابط نسر مات يبقا من باب أوله يرجع الصياد ومعاه الدكتورة

خالد بيه: (بص ل قائد الكتيبة مش مصدق اللي سمعه )

قائد الكتيبة: ما تنفذ الأمر يا خالد بيه

خالد بيه: فارس سيب النسر أنا هبعت دعم ياخد جثمانه

فارس : أسيب مين يا فندم

خالد بيه: نفذ الأمر يا فارس أنا خايف عليك

فارس: مش هتخاف عليا اكتر من نفسي أنا مش هسيب نسر (وقفل اللاسلكي)

الدكتوره فاطمه: انت بتحكم علينا كلنا نموت هنا مش هتقدر تسحبنا اكتر من كده

فارس: لو مكتوب لينا نرجع يبقا هنرجع مع بعض ولو مش مكتوب يبقا أهلا بالموت بس أسيب نسر للسمك على جثتي

فاطمه: ( خوفت اتكلم لاني لقيته شكله اتغير حسيت أنه لو فعلاً اتكلمت تاني ممكن يسبني أنا بس هياخد زميله رغم أنه بيموت وفي آخر أنفاسه ) انت بتعمل اي

فارس : أديله الابره دي توقف النزيف

فاطمه: مش هينزف تاني طول ما احنا في البحيره لأن درجه الرطوبة عاليه الدم في حاله رقود سيب الابره لحد ما نطلع من هنا اوعدك هعملك اللي انت عايزه والله

فارس: ( فلاش باك تذكر موقف قديم )

فارس: لو رجع بيك الزمن يا عراقي كنت سبت مطر ورجعت الوحده

عراقي :انت عارف لو رجع بيا الزمن هعمل اللي عملته تاني ويمكن اعمل اكتر من كده

فارس: بس انت فقدت رتبة وطلع عليك كلام انك مهمل ومش بتسمع كلام القاده وعرضت زميلك للخطر

عراقي: مش مهم بس طلعت صح ومطر عاش

فارس: بس انت بتقول انك خليت المجموعة تخلي ورجعت لوحدك وكنت عارف انك هتموت جوه النفق

عراقي: لما مطر وقع وهو كان وقف جمبي سمعت صوت في اللاسلكي قالي اخلي اخلي يا عراقي النفق هيضرب لقيت رجالتي كلها بتقولي هتعمل اي للحظه بقيت فعلاً وقف مش عارف اعمل اي بس سمعت اللاسلكي بتاع عيل تكفيري لسه قاتله بأيدي اللاسلكي بتاعه شغال لقيت صوت واحد بيقول طلعوا شهدائنا من النفق تفتكر لما هما يخافوا على شويه عيال مجرمه أنا كنت هسيب اخويا وزميلي مطر ده بطل من ابطال ٩٩٩

فارس: انت صح

عراقي: وعلى فكره اخر مأمورية كنت فيها انا فعلا كنت هموت لولا مطر عمل نفس اللي عملته ورفض يخلي من غير ما يطلع بيا

فاطمه: فارس فارس

فارس: خلاص يا دكتوره قربنا أن شاء الله هنطلع من هنا

فاطمه: كتفك بص على كتفك انت مش حاسس

فارس: ( بصيت على كتفي لقيت عضمه من كتفي اتحركت من مكانها وكنت على مشارف الضفه التانيه)

فاطمه: أنا حاسه ان في ارض تحت مني

فارس: مش قادر أسحبك اكتر من كده حاولي تعتمدي على نفسك

فاطمه: هقدر أن شاء الله

فارس: لا سيبي نسر أنا مش هسيبه لحد

فاطمه: أنا معاك مش ضدك انت صح مينفعش نسيبه للسمك ياكله

فارس: نسر عايش والله لسه في الروح

فاطمه: ايوه فعلاً بس لازم نحقنه أول ما نطلع من البحيره وعايزه اعرف الشنطه اللي معاك دي فيها اي يمكن يكون فيها حاجه تنفعنا

فارس: نطلع بس

فاطمه: ( حسيت أنه مش مصدق أننا وصلنا وأننا نقدر نقف على الأرض حسيت أنه استسلم لفكره أنه يفضل يسحب فينا لحد ما هو نفسه يموت مش مصدقه اللي بيحصل كتفه اتخلع خالص مش واخد وضعه الطبيعي ماسك زميله رافض يسبني اسحبه عمال يسحب في ولسه بيسبح في البحيره لحد ما لقي نفسه قاعد على شاطيء البحيره)

فارس: خدي الشنطه من على كتفي

فاطمه: سبني اساعدك اسمع كلامي انت ليه واخد موقف ضدي

فارس: (هز رأسه)

فاطمه: أنا هحقنه الوقتي مضاد النزيف بس لازم الرصاصة تطلع

فارس: أنا هطلعله الرصاصة

فاطمه: ازاي واحنا في المكان ده لازم يكون المكان مؤهل ل كده والأدوات لازم تتعقم

فارس: اتعلمنا في التدريبات نسعف بعض

فاطمه: طب لو متأكد من اللي هتعمله ابتدي

فارس : ( أخرج مشرط من الشنطه وبدأ يعمل تجويف حوالين الطلقه بشكل دائري لحد ما وصل مكان الطلقه وفعلاً قدر يخرج الطلقه)

فاطمه: هيسخن خلي بالك

نسر : مش قادر يا قائد بموت اه

فارس: شوفتي أنه لسه في الروح

فاطمه : مصدقاك بس اعمل اي أنا مش زايك مقدرش اختار حياه حد علي حياتي انت تقدر

فارس : في ابره في الشنطه علشان هيسخن

فاطمه: دي مش شنطه ظابط جيش دي شنطه دكتور

فارس: الشنطه لازم يكون فيها كل حاجه كل اللي احنا في ده وارد

فاطمه: اقلع هدومك من فوق دراعك لازم يترد حالا كتفك هيتأثر وممكن يحصل إعاقة

فارس: مش عارف اقلع

فاطمه: ممكن تديني فرصة

فارس: ( هز رأسه)

فاطمه: ( طلعت ابره من الشنطه)

فارس: لا مينفعش اخد مخدر

فاطمه: م انا مش هعرف أرد كتفك وانت فايق كده مش هتتحمل

فارس: لو حصل هجوم علينا وأنا واخد المخدر هنموت كلنا هنا ردي كتفي هتحمل

فاطمه: ( سمعت كلامه وبدأت فعلاً اكشف دراعه بقيت مرعوبه من منظر جسمه اللي مفيش في مكان إلا وفي جروح وكمان لاني مدركه الوجع اللي هيحس بيه أثناء رد كتفه بس مضطرة اعمل كده وفعلاً رديت دراعه ب صعوبه شديده بسبب التأثر العضلي من السباحة مسافة كبيرة جدا)

فاطمه: حقك عليا أنا اسفه لو تعبك

فارس: مفيش حاجه تعباني أد ما تعبان بسبب نسر انتي عارفه أول ما دخلت المزرعه علشان اجيب اكتشفت أن خطتي كلها عندهم خرجت منين بقا مش عارف ومش عايز اعرف بس لقيت النسر قالي هنعمل اي يا قائد نخلي قولتله لأ يا نسر في خطه بديله قالي معاك يا قائد عايزاني اسيبه وارجع يعني أنا دخلت جبتك من وسطهم وارجع من غير زميلي هقول ل رجالتي اي هقول ل نفسي اي لما أسيب اخويا في البحر السمك يأكله

فاطمه: حقك عليا أنا اسفه

فارس: أن شاء الله مع اول ضوء الشمس يكون نسر فاق نتحرك من هنا ارجوكي لحد ما كل ده يحصل خدي ساتر جمب نسر وأنا هاخد ساتر تجاه البحيره ممكن يحصل أي هجوم علينا

فاطمه: متسبناش لوحدنا هنا

فارس:أسيبكم ازاي تفتكري بعد كل ده ممكن أسيب حد منكم أنا مش قولتلك قبل كده لو على موتي مش طالع من هنا إلا بيكم انتوا الاتنين

فاطمه: ( فات اكتر من ساعتين سبني جمب زميله وهو اختفى مرعوبه الجو هدوء خالص شكل البحيره مرعب وكمان صاحبه عمال يقول كلام غريب بيخطرف من السخونة بس الأغرب لما يكون واحد في الحاله دي وكل اللي فارق معاه ارجع الوحده وفارس يرجع معايا رغم أنه بيقول كلام كتير بس مش فاهمه منه إلا سبني وامشي يا قائد أنا حمل عليك قال الجمله دي ولا مليون مره الناس دي عندها صبر وجلد ازاي واحد يعيش حياه زاي كده الموضوع صعب اوي أنا اللي شوفته النهارده كفيل يخلي حياتي كلها كابوس اي كم الجثث ده وضرب النار ده كله الناس دي عايشه كده ازاي بجد )

في جانب آخر

علي قدري : باعت ظابط مجنون يجيب بنتي مكنش هو ده عشمي فيك يا قاسم

قائد الكتيبة: على بيه بنت حضرتك بخير انت سمعت صوتها بنفسك

علي بيه: سمعت اي الاستاذ قافل جهاز الاتصال بالوحده أنا عمري ما كنت أتخيل أن عدم الانضباط ده يحصل و سطكم هنا وكمان في وجودك يا قاسم الله يرحم ايامك يا سيادة اللواء

قائد الكتيبة: سياده اللواء مين

على قدري: للأسف يا قاسم مهما عملت هتفضل اجمل واقوى ايام عدت على ٩٩٩ كانت تحت لواء أدم عبد الحي والله ما كان يجرء ظابط ولا مقدم ولا عسكري ولا حتا مين يعمل كده

خالد بيه: على بيه إحنا مش مقصرين مع حضرتك في اي حاجه انت ليه واخد الموضوع بصفه شخصيه انت عايز بنتك على حساب ظابط مصري

قاسم بيه: لحظه واحده

على قدري: بتكلم مين أن شاء الله يا قاسم بيه تكونش حضرتك بتكلم الصياد على المحمول ( وبيضحك ضحكه غل)

قاسم بيه : ألو ازيك يا سيده اللواء

العراقي: ابني في حاجه يا قاسم

قاسم بيه: لحد الوقتي الحمد لله كل حاجه تحت السيطره بس في مشكله حصلت معانا عايز رأي سيادتك فيها

عراقي : اتفضل

علي قدري: اسمع يا عراقي هيقولك اي

عراقي: مين اللي اتكلم جمبك يا قاسم

قائد الكتيبة: علي بيه قدري رئيس أركان الحرب السابق

عراقي : أهلا أهلا يا فندم خير يا قاسم في اي عندك

قائد الكتيبة: خالد فيصل مع حضرتك يحكيلك اللي حصل

عراقي : هات خالد

خالد بيه: معلش لو قلقنا حضرتك يا فندم بس المقدم فارس في مهمه بنت علي بيه مخطوفه في خليه إرهابية على حدود ليبيا ومعاه الظابط نسر أثناء الإخلاء الظابط نسر خد طلقه على مستوي الكتف وتقريباً في اخر أنفاسه حسب كلام فارس

عراقي: طبعاً طلبت منه يخلي ويسيب نسر

خالد بيه: بالظبط

عراقي: مين بالظبط اللي قالك تقول كده ل فارس

خالد بيه: قاسم بيه

عراقي : غريبه اوي أنها تيجي منك انت يا قاسم

على قدري: وغريبه ليه يا سيده اللواء

عراقي : علشان أنا نفسي وقعت في نفس الموقف ده مع قاسم وطلبوا مني اخلي فاكر يا مطر ولا نسيت

قاسم بيه: فاكر يا سيده اللواء

عراقي: اسمي عراقي يا قاسم مبحبش سيادة اللواء ولا الكلام الكبير ده

على قدري: يعني انت شايف يا عراقي أن اللي عامله المقدم المهمل ده صح

عراقي: لو كان عمل غير كده اقسم بالله ما كنت دخلته بيتي يا علي بيه

على بيه : يدخل بيتك بتاع اي يا سيده اللواء هيا الكتيبه بقت تضار من بيتك ولا اي

عراقي: مش هتعرف قائد الكتيبة شغله يا علي بيه احترم حدودك أن كان قاسم بيه أو خالد بيه سمح لحضرتك تدخل قاعه زاي اللي انت بتكلمني منها دي ف ده علشان حضرتك واحد منا إنما تتخطى حدودك وتشتم مقدم من أبطال ٩٩٩ صدقني لو كنت عندك لكنت حبستك

على قدري: يا آدم بيه أنا مش

عراقي: ( قطع كلام على بيه) أنا مش أدم بيه أنا العراقي يا علي انت راجل اركان حرب عيشت من عمرك أربعين سنة قاعد على كرسي أنا راجل حربي من الدرجه الاولى اللي قاعدين معاك دول مش عيال ولا أطفال علشان تسمع حد منهم الكلام اللي قاعدين معاك دول ابطال يا علي بنتك مش مع ظابط مهمل ولا مع مقدم رفض أمر القائد بنتك مع اتنين ابطال اتنين رموا الدنيا ورا ضهرهم علشان علم بلدك يفضل فوق انت قاعد على كرسي مستني بنتك والمقدم فارس على الحدود وسط ضرب النار وسط شويه كفره محدش منهم يعرف ربنا باختصار شديد انت على كرسي مستني بنتك وأنا في البيت مستني اسمع خبر حلو عن المقدم البطل فارس أدم عبد الحي

على قدري: ( تغير لون وشه اول ما عرف أن فارس يكون ابن العراقي) هو فارس بيه ابن حضرتك

عراقي: معنديش بهوات يا علي المقدم فارس ابني الكبير مقدم ٩٩٩ و الظابط وائل بطل من ابطال الصاعقه المصريه والرائد الشهيد محمد العراقي أمن وطني معنديش بهوات يا علي الناس بتخلف رجاله إلا عراقي يجي من ضهره ابطال أياك اسمع منك او من غيرك كلمه على فارس اقسم بالله ألبس بدلتي العسكرية من تاني ولا اخلي اخضر ولا يابس وانت عارف مين العراقي يا علي

على قدري: أنا مش قاعد معاكم غير لما بنتي ترجع وحقي يرجع أنا أتهنت في مكتبك يا قاسم بيه

خالد بيه: ( بعد خروج على قدري) ربنا يخليك لينا يا سيادة اللواء

عراقي: خالد انت وقاسم اوعا حد يمس عسكري من أولادك انت بتتعامل مع ثروه قوميه إحنا مش كل يوم نلاقي بطل يليق بفرقه ٩٩٩ إحنا بنتعب عبال ما نجمع ١٤ راجل نعمل منهم فرقه حافظ على اولادك يا قاسم

قائد الكتيبة: تحت امرك يا عراقي أنا فعلاً كنت غلطان لما سمعت كلام على قدري وطلبت من الصياد يسيب النسر ويخلي

عراقي : ( بفرحه اب وقلق عليه ) هو الصياد ده فارس ابني يا مطر

قائد الكتيبة: ايوه يا عراقي صدقني يا حبيبي ابنك اقسم بالله بطل من الأبطال اللي هنفتخر بيهم كلنا الله اكبر عليه يا عراقي قلبه صلب طالع ل أبوه تفكيره سريع تطور بطريقة مبهجه يا عراقي

عراقي : الله ينور عليكم كلكم الصياد مش ابني لوحدي يا مطر الصياد ابن ٩٩٩ ربنا معاهم أن شاء الله ومعاكم بس اوعا تنسا يا خالد أول ما يرجع الوحده تتصل بيا لاني مش هعرف اقعد طول ما أنا قلقان على فارس

خالد بيه: تحت امرك يا عراقي

عراقي : في رعاية الله

قائد الكتيبة: خالد تواصل ب فارس بأي شكل وجدد الثقه فيه قوله كلنا مستنين ابننا وأخوه والدكتوره فاطمه

خالد بيه: شكراً ليك يا فندم بعد اذنك

في جانب آخر

فاطمه: ( مش قادره اصبر اكتر من كده لقيت نفسي قومت ادور على فارس الخوف ملأ قلبي وكمان زميل فارس محتاج اي حاجه يشربها فقد دم كتير بقيت عمال ادور عليه في كل مكان هو راح فين خايفه يكون سبني ومشي )

فارس: دكتوره فاطمه قومتي من مكانك ليه بس

فاطمه: انت فين ( عمال تلف حوالين نفسها تبحث عن الصوت )

فارس: ( نزل من على شجره وساب البندقية بتاعته على الشجره )

فاطمه: انت هنا من امتا

فارس: من ساعه ما سبتك مع نسر

فاطمه: أنا خايفه اوي

فارس: تعالي متقلقيش أنا عيني عليكم وعلى البحيره مش عايزك تخافي ( وطلع مصحف صغير ) امسكي

فاطمه: شكراً

فارس: المصحف ده غالي عليا اوي خلي بالك منه لحد ما ترجعي القاهره وسط أهلك و بلدك وهاخده منك تاني

فاطمه: حاضر بس في مشكله

فارس: خير

فاطمه: زميلك فقد دم كتير ومحتاج أي سوائل هنتصرف اذاي

فارس: أنا هتصرف متشغليش بالك الحمد لله في هنا أشجار كتير هتعامل

فاطمه: طب اوعا تتأخر عليا أنا مش قادره استنا اكتر من كده من خوفي

فارس : حاضر ( وفعلاً روحت وسط الغابه أستغرق الوقت مني بالظبط ١٢ دقيقه رجعت وكنت سايب علامات علشان لو حد دخل عليهم قبل ما ارجع اعرف واول ما اقتربت منهم لقيت أن فعلاً في حد دخل المكان قبلي السلاح بتاعي كان فوق شجره كنت عامل عليها برج حراسه طلعت فوق الشجره من غير ما حد ياخد باله مني لقيت اربعه مسلحين مجهولين بس اكيد دول من تمشيط الحدود ولقيت واحد منهم ماسك المصحف بتاعي اللي كان مع الدكتورة فاطمة)

فاطمه: مفيش حد تاني معانا أنا والظابط ده بس

عنصر : يعني انتي طلعتي من البحيره لوحدك بالظابط ردي

عنصر آخر : إحنا نرجع بيهم الي ابو زياد وهناك نعرف مين كان معاهم

فاطمه: لا ارجوك بالله عليكم بلاش نرجع هناك تاني

عنصر: ابو العز ياله نرجع بيهم

ابو العز : ونرجع ازاي بالظابط ده شكله بيموت

العنصر: نقتله ونرميه للسمك

فارس: ( كنت أخدت وضع التصويب بس لقرب المسافة لا يمكن اقدر أسقط الاربعه ورا بعض بدأت مع الأقرب ثما الأقرب )

العنصر: ( مسك فاطمه) كذابه بتقولي لوحدكم أما مين اللي بيضرب علينا نار ده

فاطمه: مش عارفه

ابو العز : فوق الشجره اضرب على الشجره يا سعد

فارس: ( كنت أسقطت اتنين وباقي اثنين مع ضربهم نار على الشجره وقعت من البرج اشتبكت مع ابو العز خد طلقه في رأسه والعنصر الآخر ساحب فاطمه تجاه البحيره أصبته في رجله طلقه وفي رأسه الاخره)

فاطمه: ( لقيت نفسي بجري استخبا ورا فارس ) احنا لازم نمشي من هنا ابوس ايدك أنا مرعوبه اعمل اي حاجه انت مش مستوعب ليه انك نفسك مبقيتش قادر تعمل حاجه انت كل اللي بتعمله ده حلاوه روح

فارس : احنا فعلا لازم نخلي من هنا بس نسر ياخد السوائل وهروح بيكم مكان أمن أنا لسه راجع منه مهما يحصل محدش هيعرف يوصل ليه

فاطمه: ماشي بس بسرعه

فارس: ( كانت درجه حراره نسر عاليه جدا جسمه بدأ يتشنج قلعت معظم لبسي الثقيل وبدأت أتقل عليه أعطيته السوائل ورفعته على كتفي ) امشي معايا تعالي

فاطمه: طب افتح اللاسلكي يمكن حد يقدر يوصلنا

فارس: معلش يا دكتوره فاطمه الشمس خلاص على وشك اهو وأن شاء الله هقدر أخرج بيكم

فاطمه: طب ما ممكن الموضوع يزداد سوء لما النهار يطلع

فارس: هو ده اللي أنا قلقان منه خصوصاً بعد ما وصل لينا أربعة منهم أن كنت متخيل محدش منهم يقدر يوصل ولا يطلع من البحيره

فاطمه: خلاص يبقا لو النهار طلع اكيد هيقدروا يعملوا كده

فارس: ( ساب نسر على الأرض) هاتي الشنطه

فاطمه: خد

فارس: ( فتح خريطه الموقع) اقرب طريق ممكن نطلع عليه بعد كيلو متر من هنا خليج العقبة

فاطمه: كيلو ده كتير

فارس: لا أن شاء الله مش كتير بس في مشكله واحده ممكن تقابلنا

فاطمه: اي هيا

فارس: في وحده عسكرية على حدود الطريق و المزرعه أول ما نوصل هناك هنتسلم

فاطمه: طب ما طالما جيش يبقا اي المانع وهناك هما يرجعونا مصر

فارس: انتي تنزلي مصر بس أنا والنسر ممكن

فاطمه: ممكن أي بس

فارس: ياله بينا وهناك هتصرف

فاطمه: ياله

فارس: ( قبل مشارف العقبه فتحت جهاز اللاسلكي بتاعي)

في جانب آخر

خالد بيه: قاسم بيه جهاز الصياد اتفتح

قائد الكتيبة: كلمه بسرعه

خالد بيه: فارس يا فارس رد عليا لو سامعني طمني عليكم

فارس: خالد بيه أنا طالع العقبه هسلم نفسي في الوحده العسكرية هناك مفيش قصادي حل تاني

خالد بيه: مكانك يا فارس انت عارف انت بتعمل اي وبعدين مين قالك أن دي وحده عسكرية الخليه وخده الضفه كلها لي حسابها مش بعيد تكون رايح تسلم نفسك ليهم اعمل ل نفسك نقطه ارتكاز أنا جبت موقعك

فارس: مش هقدر اقعد هنا اكتر من نص ساعة

خالد بيه: الدعم مش محتاج اكتر من كده

قائد الكتيبة: دعم

خالد بيه: بعد اذنك يا فندم أنا المسؤول عن خطوره اللي هعمله بعد اذنك سيب الدعم يتدخل الموضوع اكبر من قدرات الصياد أنا مش عايز اخسره واخسر النسر والدكتورة

فارس: يا قاسم بيه الدعم لو دخل صدقني مفيش حاجه اخسرها اكتر من كده أنا عملت كل حاجه اقدر أعملها

خالد بيه: فارس تمركز مكانك الدعم في طريقه ليك نص ساعة تخلي وترجع الوحده ومعاك الدكتورة والنسر

فارس: تحت امرك يا فندم

فاطمه: ( سجدت في الأرض) الحمد يارب الحمد لله

فارس: ( ساب النسر على الأرض وخد سلاحه في حضنه وجلس تحت شجره )

فاطمه: مالك زعلان ليه

فارس: مش زعلان

فاطمه: ( ظهر عليه الإجهاد والتوتر النفسي نتيجة الضغط الشديد اللي تعرض ليه الموضوع كان مستحيل حاسه أنه بيفقد الوعي بس عقله رافض فكره أنه يفقد الوعي ويترك مسؤوليته اقتربت منه وكان أول مره يسمحلي بالمساعدة بالشكل ده)

فاطمه: طب انت حاسس ب اي قولي طيب انت لو حصلك حاجه احنا التلاته هنموت هنا

فارس: متقلقيش الدعم جاي أن شاء الله حتا لو حصلي اي حاجه ( وأشار إلى مكان وراء الأشجار) ادخلي جوه هنا

فاطمه: ليه

فارس: ادخلي لحد الدعم ما يرجع نامي على الأرض مهما يحصل اوعي ترفعي راسك لحد ما الدعم يوصل

فاطمه: أنا سامعه أصوت شكلهم هما

فارس: احنا ملناش اصوات يا فاطمة روحي مكان ما قولتلك بسرعه بسرعه

فاطمه: ( روحت استخبيت مكان ما قالي كنت شايفه بس محدش ياخد باله من مكاني لقيته بقا عمال يسحف ورا شجره وهو نايم على الأرض وفعلاً طلع اتنين مسلحين ماشيين في المزرعه أول ما واحد منهم لمح النسر على الأرض جاه جري علشان يعرف مين ده كان فارس ضربه طلقه وقع على الأرض صاحبه سمع صوت الطلقه بقا بيضرب نار عشوائي على المكان وده كان سبب أن فارس يطلع من مكانه الأمن علشان يسحب النسر اللي كان كل الضرب في تجاهه وده كان سبب أن فارس خد طلقه في رجله وهو بيسحب النسر اول ما شوفت فارس اتصاب عرفت أننا خلاص انتهينا هو صحيح قدر يسحب النسر بعيد عن إطلاق النار وبدأ يتعامل معاهم من تاني بس خلاص شايفه قصادي واحد ميت بجد وقفته ورا الشجرة اللي بتقول اضرب رصاصه الرحمه طريقته في الخروج والدخول ورا الشجرة أثناء الضرب كل دي حاجات بتقول أن فارس خلاص عايز ينهي الموضوع بالشهادة

لقيت ضهره للشجره وتقريباً الذخيرة خلصت طلع مصحفه من جيبه وعليه آثار دم الولد اللي خده مني قبل ما يقتله فارس خلاص مشهد النهايه بيتحقق قصاد عيني مقدرتش امسك نفسي مشهد مشفتش شبهه إلا في الأفلام شد زميله بين أقدامه وكأنه بيقوله حتا لو موت هخدك معايا وفجأة سمعت صوت أطلق نار مهيب جاي من كل مكان لا يمكن يكون شخص واحد قادر على إطلاق كم الرصاص ده ولقيت صوت طياره بتقترب من المكان اللي احنا فيه

فاطمه:( أول ما الطائره طلع منها سلم نزل عليه حد تقريباً ظابط قومت من مكاني جريت على فارس اول ما شافني قصاد عينه شدني وقعت على الأرض خدني أنا والنسر بين أقدامه بقيت اصرخ اقوله الدعم وصل قوم نخرج من هنا ماسك فينا مش مستوعب كلامي صوت إطلاق النار كان عالي جدا وفجأة ظهر عليه عدم التوازن وبدأ يغيب عن الوعي لحد ما فعلاً وقعت من ايده اخر رصاصة معاه و سلاحه وأيده التانيه علي رأسي ورجليه على نسر )

عادل : محمد غطي ضهري الصياد والنسر معايا

محمد : اسحبهم يا عادل أنا معاك والرجاله غربلت المزرعه متقلقش

عادل: يا دكتوره بعد اذنك اوعي ايدك اطلعي الطياره بسرعه

فاطمه: وهما

عادل: إحنا جينا علشانكم كلكم اطلعي الطياره

فاطمه: ( مش عارفه ليه رغم اني كنت مستنيا اللحظه دي بس مش قادره أطلع الطيارة من غيرهم خايفه حد يقولهم سيبوهم و أطلعوا الطياره كان في ظابط عمال يزعق فيا جامد علشان رافضة اطلع الطيارة قبلهم بس برضوه عملت اللي في دماغي ومطلعتش الطيارة إلا بعد ما فارس دخل الطياره كان حالته الصحية صعبة جدا أول ما دخلت الطياره خدت شنطه من ظابط معاهم فيها مستلزمات طبيه بس للاسف معرفتش أطلع الرصاصة من رجل فارس رجعنا على مطار غريب اول مره ادخله عرفت هناك أن ده مطار حربي كان في عربيه إسعاف منتظره وصولنا طلبوا مني اركب عربيه سوداء كبيرة رفضت طلبت اروح المستشفى معاهم وقولت اني معايا حاجات خاصه بالمقدم فارس طلبوا مني الحاجات دي رفضت قولتلهم أنا اللي هديله الحجات دي وهناك قابلت قائد فارس اسمه خالد بيه كان راجل قمه في الذوق شكله بيحب فارس جدآ وافق على ركوبي عربيه الإسعاف بمجرد الوصول دخل فارس و النسر كل واحد منهم غرفه عمليات)

الدكتور: تخصص حضرتك اي

فاطمه: قلب

الدكتور: تقدري تدخلي غرفه عمليات الوقتي حالا

فاطمه: فارس ماله

الدكتور: لا الظابط نسر النزيف الحاد اللي حصل اثر على قلبه استشاري القلب بتاعنا في عمليه مستعجله تقدري تاخدي مكانه مع الظابط نسر

فاطمه: معنديش مانع ( ودخلت معاهم غرفه العمليات كأني اول مره ادخل غرفه عمليات في حياتي بيني وبين فارس حائط زجاج مش عارفه أركز في العمليه خايفه يكون فارس حصله حاجه مش عارفه ليه خايفه عليه بالشكل ده مع أن حاله الظابط نسر كانت اصعب بكتير اوي بس الحمد لله قدرنا نرجع ضغط الدم في القلب بشكل طبيعي وتنظيف مكان الرصاصة من تاني وخرج من العمليات وكان فارس خرج قبله ب ربع ساعة أول ما خرجت كان خالد بيه وقف منتظر خروجي )

خالد بيه: نسر عمل اي

فاطمه: فارس كويس

خالد بيه: الحمد لله تمام خرج من ربع ساعة و اطمأنت عليه نسر عمل اي

فاطمه : كويس جدا هيا غرفه فارس فين

خالد بيه: غرفه ١٢ بعد اذنك ادخل اشوف نسر

فاطمه: لالا خليك هو خارج بس قصاده ساعه عبال ما يفوق من البنج بعد اذنك اروح اشوف فارس

خالد بيه: معلش بس يا دكتوره كلمي والد حضرتك علشان يطمئن عليكي

فاطمه: حاضر بس اشوف فارس وهكلم بابا معلش بعد اذنك ( وراحت غرفه فارس)

الدكتور: عملتي اي يا دكتوره فاطمه

فاطمه: الحمد لله بقا تمام قصاده ساعه عبال ما يفوق اخبار فارس اي

الدكتور: الرصاصة كانت هتعمل تأثير على العظم بس الحمد لله جت سليمه

فاطمه: المهم كتفه عملت اشاعه على كتفه لحسن يحصل نسبه عجز

الدكتور: لا متقلقيش اللي رد كتفه رده تمام التمام

فاطمه: طب كويس الحمد لله يعني ممكن ادخل اطمأن عليه

الدكتور: انتي عارفه أنه تحت تأثير البنج يعني مش اقل من ساعه لحد ما تقدري تتكلمي معاه

فاطمه: اه منا عارفه خلاص هعمل كام مكالمه كده لحد ما يتحسن

الدكتور: تمام بعد اذنك وحمدالله على سلامة حضرتك

فاطمه: الله يسلمك ( بعد ما خرج الدكتور من عندي فتحت باب غرفه فارس ودخلت عليه كان تحت تأثير البنج مفيش حاجه ممكن تتقال توفي حقك في كل حاجه عملتها معايا أنا لو بعد مليون سنه حد سألني عن احسن إنسان أو راجل قابلته في حياتي مش هحتاج افكر ثانيه واحده انت فعلاً قائد انت غير طبيعي الرصاصة دي هحتفظ بيها طول حياتي كفايه أنها عليها أسمك والمصحف بتاعك معايا بس اول ما تقف قصادي واطمئن عليك قبل ما ارجع حياتي هديك المصحف ربنا يحفظك يارب )

في جانب آخر

خالد بيه: متقلقش يا عراقي والله فارس بخير

عراقي: اقلق عليه ازاي وهو وسط إخوته البنت رجعت

خالد بيه: رجعت وهيا كمان اللي انقذت الظابط نسر في غرفه العمليات

عراقي: الله اكبر عليكم يا رجاله تمام التمام يا خالد ولادنا اهم حاجه يا خالد ولادنا لازم نحافظ عليهم مفيش حاجه اسمها اخلي وسيب اخوك أنا لو هموت جمب اخويا اكرم من اني أسيبه لوحده

خالد : عندك حق يا عراقي

عراقي: غرفه الصياد فين

خالد بيه: رقم ١٢

عراقي: بعد اذنك ( وراح تجاه الغرفه كانت فاطمه خارجه من الغرفه )

فاطمه: حضرتك رايح فين

عراقي : انتي اكيد الدكتورة فاطمة

فاطمه: مين حضرتك

عراقي: أنا والد المقدم فارس

فاطمه: ياخبر حضرتك والد فارس أنا أسفه اتفضل ادخل

في أثناء الحديث كان وصل على قدري

على قدري: أنا مش هسكت يا عراقي البنت لسه راجعه من مصيبه بدال ما ترجع بيت اهلها أو حتا ترجع الوحده ترجع على المستشفى علشان ابنك والظابط اللي معاه

عراقي: على بيه مفيش حاجه حصلت لكل ده بنت حضرتك جت لحد هنا بمزاجها محدش ضغط على حد

فاطمه: بابا اهدا أنا اللي طلبت اجي ومحدش كان موافق بس أنا معايا حاجات تخص المقدم فارس علشان كده كان لازم اجي

عراقي: حاجات اي

فاطمه: معلش بعد اذن حضرتك أنا اللي هدي فارس الحاجات دي اول ما يقوم بالسلامة

علي قدري: هو انتي ناويه تقعدي هنا لحد ما يفوق

فاطمه: اه

عراقي : هدي نفسك يا علي بيه ( وشد ايه علشان يتكلم معاه بعيد)

علي قدري: عراقي انت أهنتني قصاد قاسم وخالد اهانه لا يمكن تقبلها

عراقي: ( وسط الحديث شاف ساعه ف ايد على قدري شكلها مش غريب عليه ) الساعه دي جبتها منين يا علي بيه

علي قدري: اي سبت كل حاجه ومسكت في الساعه اشمعنا يا عراقي

عراقي: الساعه دي مش غريبه عليا

علي قدري: مش فاهم هكون سرقتها من بيتكم يعني يا عراقي

عراقي: بعد اذنك يا علي ادخل اشوف ابني حمدالله على سلامه بنتك

ودخل غرفه فارس كان فاق

عراقي: حمدالله على سلامتك يا صياد

فارس: قولت مش هشوفك تاني يا عراقي

عراقي: ياما قولت كده برضوه وكنت برجع و اديني قصادك اهو عجوز خمسيني واقف على رجلي وشكلي هموت على سريري بعد كل ده

فارس: عجوز اي بس يا عراقي دا انت شباب عني

عراقي: عارف لو كنت سبت النسر ورجعت مكنتش عرفتك تاني

فارس: تعرف أول ما خالد بيه قالي اخلي وسيب النسر افتكرت مين

عراقي: مين

فارس: افتكرت العراقي علشان كده قولت مهما يحصل مش هسيب النسر مع أن لو العراقي مكاني كان سابه خلي بالك ( وبيضحك)

عراقي : لا لا دنت كده متعرفش العراقي فوق يا حبيبي انا لوحدي كتيبه ياض

فارس: بهزر معاك أنا عارف انك قد الدنيا يا عراقي

عراقي: قوم بقا علشان ترجع الوحده بتاعتك لسه عندك شغل كتير لازم تعمله

فارس: نسر عمل اي

عراقي: زاي الفل والدكتورة فاطمه كمان هيا اللي عملت العملية ل النسر

فارس: والله البت دي أعصابها حديد

باب الغرفه اتفتح

فاطمه: طبعاً قلبها حديد مش كفايه كنت معاك

فارس: حمدالله على سلامتك يا دكتوره

فاطمه: البركه فيك يا فارس

فارس: عراقي ابويا

فاطمه: اتعرفت عليه بره

عراقي: انتي لسه هنا والدك عامل مشكله ارجعي معاه البيت يا فاطمة

فارس : انتي جيتي هنا ليه صحيح

فاطمه: الله مش عايز المصحف بتاعك يعني

عراقي : ( أول ما شاف المصحف) طب أنا خارج بره

فاطمه: ( بعد خروج عراقي) هو زعل من اي

فارس: لا متقلقيش مفيش حاجه أصل المصحف ده بتاع الشهيد محمد أدم عبد الحي اخويا الوسطاني

فاطمه: هو انت عندك اخ متوفي

فارس: الله يرحمه كان في الأمن الوطني وعندي كمان الأصغر وائل في الصاعقه المصريه

فاطمه: ده بجد

فارس: تخيلي

فاطمه: أنا مش متخيله أن ممكن واحد يسيب أولاده كده بينام اذاي وكل واحد منكم في حته اصعب من التانيه

فارس: اصل عراقي مكنش مهندس كهربائي

فاطمه: مش القصد هو صحيح كان شغال اي

فارس: كان شغال زاي شغلي كده بالظبط بس هو كان جامد شويتين تلاته كده

فاطمه: أجمد منك

فارس: يمكن اربع خمس مرات كمان

فاطمه: أنا أصلا مستغربه أنه أبوك شكله صغير في السن اوي

فارس: لسه كنت بقوله كده والله

فاطمه: ممكن اوريك حاجه بس توعدني تخليها معايا

فارس: اي هيا

فاطمه: ( طلعت الرصاصة)

فارس: دي اللي كانت في رجلي

فاطمه: دي بتاعتك انت عليها أسمك

فارس: جبتيها منين

فاطمه: وقعت من ايدك قبل ما نركب الطياره

فارس: خليها معاكي بس حافظي عليها كويس جدا

فاطمه: انت ليه بتكتب اسمك على الرصاصة

فارس: مش كفايه أن اللي خد الرصاصة مشفش وشي يبقا اللي طلع الرصاصة من جسمه يعرف اسمي

فاطمه: ( بتضحك) هو انت على طول شغلك كده

فارس: تخيلي

فاطمه: مش بتخاف

فارس: لو بخاف كان زمان موت من زمان اوي وبعدين هاتي ايدك خليني اروح اشوف نسر مش زمانه فاق

فاطمه: اه فاق استنا اجيب كرسي وأجيلك

فارس: لا مش عايز كرسي هاتي ايدك أنا مش بحب اقعد على الكرسي ده

فاطمه: تعالى

بعد خروج فارس وهو ساند علي فاطمة

على قدري: اي مش الحمد لله ترجعي معايا بقا

فاطمه: بابا المقدم فارس اللي انقذني اهو

على قدري: قصدك اللي كسر أمر القائد بتاعه

فارس: بالظبط كده يا علي بيه أنا المقدم فارس اللي كسر أمر القائد بتاعه

فاطمه: بابا انت بتقول اي هو حضرتك مش واخد بالك اني رجعت بالسلامة والظابط نسر الحمد لله عايش ولو كان فارس سمع الكلام كان زمان نسر السمك أكله

فارس: حمدالله على سلامتك يا دكتوره فاطمه بعد اذنكم عراقي يا عراقي

عراقي: خرجت ليه

فارس: عايز اروح ل النسر

عراقي: تعالى

فاطمه : ( بعد ما راح فارس و عراقي ) انت لي بتعمل معاهم كده على فكره الناس دي مش شغاله عندنا الناس دي بتعمل حاجات فوق طاقه البشر علشان بس اسم بلادهم انت لو كنت شوفت المقدم فارس شاف اي علشان اختار يرجع بينا كلنا مكنتش عملت معاه كده ياريت كل الناس عندهم وفاق المقدم فارس

على قدري: خلصتي

فاطمه: وبعدين

على قدري: على البيت ياله قدامي

في جانب آخر

عراقي : اهلا اهلا

النسر : اللواء بنفسه اقسم بالله لو كنت قادر اقوم كنت وقفت لحضرتك

عراقي: لسه بكاش كنت سبته ياض يا فارس

فارس: الواد ولا حتا قالي اقعد يا فارس

نسر : مقدرش يا قائد دا انت عملت معايا اللي محدش يعمله بس مش غريبه انك تعمل كده ما انت ابن العراقي من ساعه ما دخلت ٩٩٩ اسمع حكاوي عن اللواء أدم اقسم بالله مش ابويا بس بكون فخور اني بنتمي ل مكان العراقي كان في بس اللي عمله فارس معايا خلاني فخور اكتر ان اسمي اتكتب جمب اسمه في المهمه دي

عراقي: اللي عمله اخوك لو كنت انت مكانه كنت عملته يا نسر لازم تموت على اخوك يا نسر اكسر اي أمر يقولك سيب اخوك لو كنت متأكد انك هتموت جمبه موت بس اوعا تسيب اخوك وتهرب

فارس: ( بص ل عراقي) نفسي اطلع معاك طلعه

عراقي: بلاش أنا أنا مجنون ياعم الصياد ( وبيضحك)

فارس: مش مهم المهم اسمي يتكتب جمب اسمك في مهمه واحده حتا لو هننزل نجيب عيل من على أول الشارع

في جانب آخر

المتصل: الواد كان عندك في ارضك وسك رجالك وتقولي غدر بيكم

ابو زياد: والله ما دائم هاكله أكل والله مهما كلفني الأمر رجاله و سلاح

المتصل : انت تعرف أنا عملت اي علشان ابعتلك الواد ده لحد عندك يا غبي أنا ضحيت بأغلي ما عندي يا حتت حيوان أنا قولتلك الخطه كامله خليتك قاعد وعارف الفيلم قبل ما يبدأ الود رجع وقف علي رجله وكلها اسبوع وينزل جنوب سيناء وشوف اللي هيحصل انت ضيعت من ايدك اهم هدف ممكن يسبب لنا صداع سنين وسنين انت عارف الواد ده عنده كام سنه على كل ده عارف الواد ده قصاده كام سنه خدمه عارف في كام واحد هيموت على ايده أنا لو كنت عندك اقسم بالله كنت اقتصيت منك يا ابو زياد على دم اللي راحوا واللي هيروح بسبب أهمالك

ابو زياد: والله ما اتركه والله بتتعوض وبره الحدود والله ما اكون ابو زياد إلا ازاي جبتلك خبر هذا الكلب

المتصل: غور غور ( وقفل المكالمه)

فارس : ( باب الغرفه بيخبط) ادخل

عراقي: عامل اي يا بطل

فارس: انت لسه مرجعتش البيت يا عراقي

عراقي: لا لسه قولت اقعد معاك النهارده

فارس: مالك يا عراقي شكلك مش عاجبني في اي

عراقي: مفيش حاجه انت عايز تشوف شغلك عليا ياعم ولا اي

فارس: العفو يا عم الكوكب هو أنا أقدر

عراقي: أما اي طيب

فارس: عراقي قول للحارس بره محدش يدخل علينا و اقفل الباب وتعالى اقولك حاجه

عراقي: بس كده لحظه واحده ياعم الصياد ( وخرج للحارس طلب منه محدش يدخل عليهم وقفل الباب ورجع شد كرسي جمب سرير فارس ) احكيلي في اي

فارس: بعد ما عديت البحيره لقيت عيل من العيال اللي كانت بتمشط البحيره بعد ما اتعملت معاه جهاز اللاسلكي بتاعه كان شغال جمب مننا سمعت صوت قائد الجماعة اسمه أبو زياد المهم الراجل ده قال كلام خطير اوي يا عراقي

عراقي : قال اي

فارس: عارفني و عارفك قال تفاصل التفاصيل في الخطه اللي أنا بنفسي حاطتها في الاقتحام ولا كأنه كان معانا وأنا بقول الخطه كل حاجه بالحرف يا عراقي لدرجه ان النسر قالي نخلي أنا نفسي للحظه كنت خلاص هقول للنسر نخلي بس أنا مروحتش كل المسافة دي علشان ارجع فاضي

عراقي : انت طبعاً خايف تقول الكلام ده ل خالد أو قاسم لأنهم هيخدوا عليك بدال ما يمشوا ورا كلامك

فارس: بالظبط كده بس هو ممكن يكون ما بنا خاين يا عراقي

عراقي: ممكن عادي يا فارس احنا مش ملائكة

فارس: بس هو اذاي اقوي جهاز سري في الجيش المصري يكون مخترق انت مدرك مدي خطوره اللي ممكن يحصل بسبب الفرد اللي ما بنا ده

عراقي: ركز على شغلك يا فارس ملكش دعوه بأي كلام تاني

فارس: انت شايف كده يعني بلاش اتكلم مع حد

عراقي : بالظبط كده بلاش تتكلم مع حد وكمان ياريت النسر ميتكلمش مع حد

فارس: انت قاعد لحد الوقتي ليه يا عراقي

عراقي : مش مرتاح حاسس ان في حاجه

فارس: حاجه زاي اي اللي ممكن تحصل هنا

عراقي : ما ده اللي يقلقني أصل أنا مش حاسس ان في خائن لا أنا متأكد أن في حد عايزك انت بالذات

فارس: ليه انا بالذات

عراقي : تعرف أن المهمه اللي كنت فيها على الحدود كانت بأسم المقدم صالح بس انت أطلبت ب الإسم

فارس: ليه

عراقي : يبان ليك أنها حاجه حلوه الثقه فيك مش حاجه وحشه بس هنا السؤال ليه انت ومش صالح ليه الخطه تتكشف ليه الدعم يتأخر عليك لدرجه ان نسر كان خلاص دقائق ويموت ليه حاجات كتير حصلت في المهمه دي

فارس: متقلقش يا عراقي أنا مش هموت و أسيبك

عراقي : أنا مش قلقان عليك عارفك راجل أنا بس مش عايز ولا بلاش نام احسن تصبح على خير

فارس: اي ده يا عراقي بتخبي على صاحبك

عراقي: نام يا عم الصياد النوم حلو ليك علشان ترجع ل شغلك بسرعه

فارس: تحت امرك يا قائد

عراقي : تصبح على خير

فارس: وانت من أهل الخير

بعد مرور شهر ونصف من مده علاج الصياد

فارس: ( جالي أمر مباشر من قائد الكتيبة بسرعه توجيهي الي جنوب سيناء من غير ما اعرف اي تفاصيل انتقلت فعلاً الي قطاع جنوب سيناء وهناك كان قائد الكتيبة في انتظاري اول ما وصلت دخلت مكتبه على طول )

قائد الكتيبة: ادخل

فارس : مساء الخير يا فندم

قائد الكتيبة: المقدم فارس نورت القطاع

فارس: منور بيكم يا عزيز بيه

قائد الكتيبة: شكلك لسه واصل حالا

فارس: يادوب لسه داخل القطاع عرفت أن حضرتك في انتظاري

قائد الكتيبة: اللواء أدم أخباره اي

فارس: الحمد لله تمام

قائد الكتيبة: ( باب المكتب بيخبط) ادخل

فلسطيني: تحت امرك يا فندم

قائد الكتيبة: ادخل يا فلسطيني المقدم فارس الرائد فلسطيني

فلسطيني: ازيك يا فارس

فارس : الحمد لله تمام

قائد الكتيبة: انتوا هتكونوا مع بعض الفتره الجايه كتير عندكم شغل كتير اوي هنا

فلسطيني: تحت امرك يا فندم

فارس: شرف ليا اخدم مع حضرتك ومع فلسطيني

فلسطيني: شرف ليا أنا دنتا مكسر الدنيا ياعم

فارس: لا بقا ازاي الشغل في جنوب سيناء هنا اكتر طبعاً

قائد الكتيبة: تمام وعلشان كده أنا هدخل في الموضوع على طول

فارس: اتفضل يا فندم

قائد الكتيبة: شوف ياعم فارس بقالنا شهر ونص في عيل قناص ابن كلب كل يوم يسقط عسكري أو ظابط في الكمائن الواد ده عامل زاي الزئبق ابن الجزمه محدش يعرف بعد ما بيخلص بيختفي يغور فين

فارس: اكيد عامل حساب خروجه من دائرة التصويب قبل ما يكون واخد وضع الاستعداد اكيد مش هيرمي نفسه في النار كده على طول

قائد الكتيبة: بالظبط كده وده سبب أن الواد ده عامل قلق هنا ابن الكلب

فلسطيني: طب اي عرف حضرتك أنه هو هو نفس الواد ليه مش قناص تاني

فارس : فعلاً يا فندم أنا كنت لسه هسأل نفس السؤال

قائد الكتيبة: علشان كل زوايا تصويب الواد ده نفس الطريقة نفس عيار الرصاصة نفس المسافة كل حاجه مبتتغيرش

فارس: المسافة دي كام يا عزيز بيه

قائد الكتيبة: كيلو ونص

فارس: الرصاصة اي

قائد الكتيبة: تسعه ملي

فارس: الواد ده معاه بندقيه كلاشنكوف قديمه

فلسطيني: دي حاجه حلوه ولا وحشه

فارس: لو الهدف بتاعه قريب يبقا حاجه حلوه جدا انما لو الهدف بعيد يبقا صعب عليه قنصه

فلسطيني: ابعد من كيلو ونص يا فارس

فارس: اه طبعا في أهداف بتكون على بعد تلاته كيلو و اكتر كمان

فلسطيني: شكلنا هنشوف حارب قناصه على البارد

قائد الكتيبة: دي كل التحريات عنه

فلسطيني: شكراً يا فندم ياله بينا يا فارس

فارس: بعد اذنك يا فندم

قائد الكتيبة: ربنا معاكم

بعد خروج فلسطيني وفارس من المكتب

فارس: اسمك اي يا فلسطيني

فلسطيني: عمران

فارس: عاشت الأسامي

فلسطيني: أنا عارف انك الصياد عرفت فارس دي لما دخلت المكتب

فارس: خليها في سرك بقا بلاش منها تاني

فلسطيني: فارس ولا الصياد

فارس: لا طبعا فارس

فلسطيني: ماشي يا صياد

الصياد: وريني كده بقا علشان نحدد مكان الواد ده

فلسطيني: اتفضل عبال ما اطلب القهوه واجي

الصياد: تمام ( خدت الخرائط ودخلت مكتبي في الوحده وبدأت اشتغل عليهم الواد ده مقسم سيناء الي دوائر وكل دائرة فيها خمس كمائن كل يوم ليه كمين يعسكر جمبه لحد ما يضرب ضربته بس العشوائية اللي شغال بيها مش مفهومه بياخد الكمائن عكس بعض يعني لو خد كمين من الغرب تاني يوم ياخد من أقصى الشرق وعلي كده هو شايف أنه كده عامل لينا حيره )

فلسطيني: أتأخرت عليك

الصياد: فلسطيني هو بين نقطه القنطره و نقطه الساعي غرب سيناء وقت أد اي

فلسطيني: ساعه ونص

فارس : لا دي صعبه اوي مينفعش ساعه ونص

فلسطيني: مش فاهم حاجه

الصياد: اقعد اقعد

فلسطيني: قولي بقا عملت اي ياعم في ليبيا

انت ياعم عم الصياد من أولها مش عايز ترد علينا

الصياد: فلسطيني هو بين برج الريان وبين نقطه تفتيش الواحه أد اي تقريباً مسافة

فلسطيني: اقل من عشر دقائق

الصياد: اقل من عشر دقائق

فلسطيني: اه

الصياد: قوم بسرعه ( وخرج من المكتب )

فلسطيني: ياعم طب فهمني إحنا بنجري ليه

الصياد: عايز أطلع البرج حالا في حد هيموت في كمين الواحه النهارده

فلسطيني: عرفت منين

الصياد: هقولك بعدين المهم نلحق ( ملحقتش اخد سلاحي نزلت مع فلسطيني على طول تجاه البرج بين الوحده والبرج ساعه بالعربيه لازم قبل ما اطلع البرج أفوت من نقطه تفتيش الواحه خدت ساعه إلا ربع عبال ما وصلت مفيش وقت كمان يضيع نزلت من العربيه )

الصياد: فين ظابط النقطه

عسكري : عايزه ليه

الصياد: اخلي النقطه بسرعه ادخل جوه الساتر فين ظابط النقطه

ظابط النقطه.: اي يابني في اي

الصياد: في مشكله ممكن ( وفجأة سقط العسكري اللي كنت بطلب منه يدخل الساتر بطلق ناري في الرأس)

فلسطيني: ( كان في طريقه الي البرج )

الصياد: فلسطيني الواد وقع عسكري من الكمين اطلع البرج يا فلسطيني

فلسطيني: أنا تحت البرج يا فارس اخلي كل النقطه اللي عندك محدش يعرف الواد ده ممكن يعمل اي تاني

فارس: خلاص يا فلسطيني مفيش حاجه تانيه هتتعمل

فلسطيني: أنا في البرج

فارس: ارجع يا فلسطيني الواد هرب

فلسطيني: البرج فاضي يا فارس

فارس: ( حط ايده علي رقبه الظابط وبصوت عالي) قولتلك اخلي النقطه مسمعتش كلامي ليه

ظابط النقطه: ( بقلق شديد) حضرتك مين

فارس: بلا حضرتك بلا زفت ارجع يا فلسطيني ارجع

فلسطيني: حاضر يا صياد اهدا اهدا اللي انت شايفه ده كل يوم بيحصل

فارس: ( شاف قصاده برج عالي بس على اخر مرمى البصر ساب اللاسلكي وبص ل ظابط نقطة التفتيش) البرج اللي هناك ده فين

ظابط النقطه: ده برج المناره البيضاء

فارس: في وحده تفتيش هناك

ظابط النقطه: قصاد البرج لا بس بعد البحر الناحية التانية في

فارس: فلسطيني انت بقيت فين

فلسطيني: خلاص أنا عندك اهو

فارس: عايز ارجع الوحده

فلسطيني: ماشي يا فارس جاي ثانيه هكون قصادك

بعد وصول فلسطيني

فلسطيني: اي عملت اي

فارس: عايز ارجع الوحده سلاحي هناك وبعدين عايز ارجع عند نقطة التفتيش اللي ورا البحر وأشار عليها )

فلسطيني: عايز نقطه الأرض البيضاء

فارس: بالظابط

فلسطيني: ماشي سهله اركب

فارس: ( رجعت الوحده أخدت سلاحي ورجعت أخدت مكاني في تجاه برج الفناره البيضاء وطلبت من فلسطيني يكون أقرب للبرج على قدر المستطاع وفعلاً خد ساتر بالقرب من البرج أكثر من ١٢ ساعه متواصله بس للأسف مفيش جديد الواد مش عايز يظهر )

فلسطيني: اي يا فارس احنا جينا في المكان الغلط ولا اي

فارس: لا صدقني الواد ده النهارده هيكون هنا

فلسطيني: احنا هنا من امبارح

فارس: عيني على البرج متقلقش

فلسطيني: كاشف البرج كله طيب ولا عندك مشكله في حاجه

فارس: مفيش مكان ممكن يطول منه نقطه التفتيش إلا المكان اللي أنا مستنظره في

فلسطيني: متأكد

فارس: الواد معاه كلاشنكوف اس اكتر من كيلو ونص يبقا بلح ولا ليه لازمه علشان كده ميقدرش يصوب من مكان تاني

فلسطيني: طب اي أنا هموت من البرد الود ابن الكلب ده مش جاي ولا اي ( وبيضحك)

فارس: اهدا يا فلسطيني اهدا

فلسطيني: في اي

فارس: ( حسيت أن في حاجه غير طبيعية بتحصل على البرج بس مش شايف اي حاجه جديده وفجأة ظهر كلاشنكوف اس ١٤ ) فلسطيني

فلسطيني: اي وصل

فارس: الواد فوق اطلع بسرعه

فلسطيني: رقد أمه أنا طالع

فارس: ( خدت وضع التصويب وقولت انتظر يا فلسطيني يلحق يطلع يا هضرب عليه قبل ما يوقع حد من النقطه بس للاسف خلاص الواد كان رسم رسمته وحضر نفسه وبياخد نفس علشان يضرب كنت سابق أنا وضربته طلقه على مستوي الكتف وفضلت مراقب في عدسه سلاحي لو خرج من مكانه خوفاً من أنه يقدر يهرب )

فلسطيني: فارس: الواد على الأرض قصادي اخلي

فارس: عايش

فلسطيني: الحمد لله

فارس: أنا جاي اوعا يفلت منك

فلسطيني: طب ياله بسرعه اخلي

فارس: ( يادوب قومت من مكاني سمعت صوت طلق ناري خارج من بندقية آلية ب كاتم صوت جت جمب رجلي ومن بعدها رصاصه تانيه في نفس الاتجاه )

فلسطيني: فارس انت مكانك بتعمل اي

فارس: فلسطيني خد ساتر الواد متأمن بقناص تاني وحدد مكاني أنا واخد ساتر لو رفعت راسك الواد ده مش هيسيبك اوعا تنزل يا فلسطيني خد ساتر وخلي الواد معاك الواد ده مهم عندهم اوي خلي بالك

فلسطيني:

فارس : فلسطيني كلبش الواد اللي معاك

فلسطيني: مكلبشه متقلقش

فارس: عايزك تركب مكان الواد القناص ده واضرب في اتجاه الساعه أربعه

فلسطيني: هتعمل اي يا فارس

فارس : هطلع أجيب الواد ده

فلسطيني: استنا أول ما تسمع ضرب النار اتحرك

فارس : ماشي ( أول ما بدأ فلسطيني في إطلاق النار تجاه القناص عرفت اطلع أنا من مكاني اللي كان محدده القناص وبدأت اقترب منه شويه شويه من غير ما ياخد باله لحد ما وصلت إلي مكان القناص قفلت جهاز اللاسلكي علشان ميسمعش اي صوت يلفت انتباه عايز اخطفه من غير ما ياخد باله وفعلاً قدرت اوصل )

فارس: أرمي سلاحك وانزل على الأرض

العنصر : ( رما سلاحه ولف وشه ل فارس وطلع من جيبه مفجر ) والله بفجر نفسي وياك يا عدو الله

فارس: أرمي ياله اللي في أيدك ده

العنصر : والله بفجر نفسي وياك أرمي سلاحك وانزل من هون

فارس: ( اقترب من العنصر وحط ايده علي جهاز المفجر ) طب ياله بقا طالما انت نفسك تشوف حور العين يا روح امك

العنصر: بعد يدك يا مجنون ابعد عني بدك اي راح سيبك واتركني لحالي

فارس: وحيات امك منا سايبك دوس بدال ما افرتك راسك هنا مش أنا عدو الله وانت المجاهد في سبيل الله خلي قلبك حلو ودوس

العنصر: اشهد ان لا اله الا الله وأن محمدا رسول الله

فارس: ( في لحظه صمت تشاهد في السر)

العنصر: ما بدي ما بدي

فارس: ( ضرب العنصر وخد منه المفجر وفتح اللاسلكي)

فلسطيني: فارس قفلت الجهاز ليه

فارس: هات الواد والعربيه وتعالي اخوه معايا

فلسطيني: تسلم ايدك يا صياد انزل أنا جايلك

فارس: هات ياض اللاسلكي بتاعك ده قفله ليه ياروح امك خايف على مين ( وكلبش ايد الولد فتح اللاسلكي)

معاذ : يا ابو عمر ايش سار وياك

الصياد: سار اني خدت الاتنين

معاذ : مين انت يا عدو الله

الصياد: أنا الصياد مش عيب عليك عايش تحت الأرض وتضحك على عيل عنده ١٩ سنه تقوله لو قتل عسكري غلبان هيدخل الجنه

معاذ : والله ما اتركك حي والله بحرق عليك سيناء

الصياد: ولا ولا بطل كدب انت ملكش لازمه انت حتت اهبل مستخبي تحت الانفاق اللي هتتهد فوق راسك

ابو زياد: ( خد اللاسلكي من ايد معاذ ) حسابك طول معي يابن العراقي

الصياد: ولسه كمان وغلوتك عندي ل ترجع الحدود تاني مكان ما كنت

ابو زياد: ويش تعرف مين وياك يابن العراقي

الصياد: طبعاً مش لسه مديك على قفاك في أرضك وخدت منك اللي أنا عايزه تقوم يا اهبل تيجي ارضي وعايز تحط عليا

ابو زياد: والله ما بتركك والله مهما كلفني أمرك ما بتركك والله يا راسي ب رأسك يا ولد الشوم

الصياد: ياله ياض يا اهبل هاخد العيال دي وليك عندي كل يوم تسمع صوتي على للاسلكي بتاع العيال اللي بتسرحهم غور ياض ( وقفل اللاسلكي)

بعد الرجوع إلى الكتيبة

قائد الكتيبة: الله اكبر عليكم يا رجاله هو ده الكلام ضربه في مقتل دي

فلسطيني: الفتره الجايه أن شاء الله هتكون سواد عليهم هيخسروا كتير اوي احنا معانا كنز ( وحط ايده علي كتف فارس )

قائد الكتيبة: والله يا فارس أنا لما سمعت عنك دعيت ربنا أن طلبي يتقبل وتيجي سيناء انت فعلاً مكانك هنا مش في العاصمة

فارس: ربنا يخليك يا فندم شرف ليا اخدم معاكم في سيناء

في جانب آخر

على قدري: انتي مفيش حاجه تتكلمي فيها يا فاطمة إلا فارس واللي عمله فارس

فاطمه: انت مش متخيل يا بابا عمل اي أنا كنت فاكره أن كل دي مجرد افلام ومفيش حاجه. كده خالص الأكشن والمغامرات دي معقول كل ده طبيعي

على قدري : اه طبعاً طبيعي مش راجل جيش

فاطمه: يعني حضرتك كنت كده

على قدري: أنا مكنتش ٩٩٩ إن كنت اركان حرب يعني أنا أساس الحروب إنما فارس مش بتاع حروب

فاطمه: يعني اي مش بتاع حروب ده كان ماسك السلاح واي جامد اوي

على قدري: ايوه يا حبيبتي لأن مهمه فارس واللي زاي فارس في ٩٩٩ أنهم ينفذوا عمليات خارج الحدود خلف خطوط العدو ودي حجات خطورتها شديدة جدا علشان كده بنحافظ على الشباب دي مش بندخل بيهم حروب مش بنحطهم في حاجات نقدر نعملها من غيرهم إنما الحاجات اللي لا أمن وطني ولا صاعقه ولا داخلية عارفين تنفذها نبعت بقا نجيب فرقه ٩٩٩ تعمل المطلوب وترجع تاني وحدتها

فاطمه: طيب يعني جامد اهو أما بتقولي مش بتاع حرب ازاي

على قدري: جامد ياستي وكل حاجه بس نفسي نقفل الموضوع ده بقا وناكل لقمه أنا جعان جدا

فاطمه: طب اخر سؤال

على قدري: نعم

فاطمه: هو ليه فارس اسمه الصياد و الظابط اللي معاه اسمه النسر واكيد ليه اسم طبيعي صح

على قدري: اللقب بيكون جزء من طبيعه الشخص يعني النسر اسمه نسر لانه خفيف الحركه يقدر يوصل ويدخل أماكن مش اي واحد يقدر يعملها الصياد يعني القناص وبرضوه بيكون قادر على قنص أهداف صعبه جدا ومن مسافات بعيدة ممكن ناكل بقا

فاطمه: ممكن

في جانب آخر

فارس: ألو

وائل: والله عيب تبقا في سيناء واعرف من العراقي

فارس: طب اديك عرفت حتا قولتلي مستنيك النهارده نتعشا سوا

وائل: ياعم انت الكبير المفروض تعملي اضافه اجي اتعشا عندك الميز عندي هنا ناشف اوي أنا عارف انكم بتتعاملوا معامله بشواتي خالص الميز في لحمه وفراخ وحاجات تفتح النفس اخوك بيموت هنا ياعم

فارس: لا ياعم بعد الشر عليك مستنيك النهارده فوت عليا بالعربيه

وائل: اي ده مش هدخل القطاع ولا اي

فارس: هو أنا رئيس أركان حرب علشان أدخلك القطاع منتا عارف الدنيا هو انت مهندس ديكور

وائل: ياعم خلاص خلاص كنت فاكر اخويا الكبير مسيطر

فارس: ولا اظبط نفسك

وائل: أنا ساعه و هكون عندك

فارس: ماشي سلام

باب المكتب بيخبط

فارس: ادخل

قائد الكتيبة: فارس معلش عايزك

فارس: تحت امرك يا فندم اتفضل

قائد الكتيبة: لا في غرفة الاجتماعات وهات معاك فلسطيني

فارس: تحت امرك يا فندم

بعد مرور عشر دقائق كان دخل فارس ومعاه فلسطيني الي غرفه العمليات

فارس: تحت امرك يا فندم

قائد الكتيبة: اللي قصادك على الشاشة ده يا فارس ابو زياد محرك الجماعة ده زاي ما بيقولوا كده حجر الأساس

فارس: عارفه يا فندم

قائد الكتيبة: وهو كمان عارفك كويس اوي علشان كده احنا رصدنا خط سير ابو زياد وقدرنا نوصل ل طريق ابو زياد

فارس: حلو اوي

قائد الكتيبة: للأسف مش حلو

فارس: ليه يا فندم

قائد الكتيبة: شايف الانفاق اللي تحت الأرض دي كلها

فارس: هو تحت في الانفاق دي

قائد الكتيبة: بالظبط كده

فلسطيني: طب ما نضرب الانفاق دي ونخلص منه

قائد الكتيبة: مينفعش للأسف

فارس: ليه

قائد الكتيبة: لانه معاه بعض شباب جنوب سيناء وشباب غير تابعه لأي جماعات وخدهم دروع بشرية علشان منقدرش نضرب الانفاق دي

فارس: حضرتك عايز حد ينزل الانفاق دي

قائد الكتيبة: لا طبعاً أنا كده مش عايز حد أنا كده عايز شهيد اللي بينزل مش بيطلع يا فارس

فارس: مش فاهم حضرتك عايز اي

قائد الكتيبة: عايز الصياد يقولي اجيب ابو زياد ازاي

فارس: دي فزوره

قائد الكتيبة: تليفونك يا فارس بيه اقفل تليفونك في الاجتماعات

فارس: أنا آسف يا فندم ده وائل اخويا ظابط في الصاعقه بيخدم في سيناء و مستنيني قصاد القطاع علشان كده مرضتش اقفل التليفون

قائد الكتيبة: خلاص متقفلش التليفون انزل شوف اخوك و أعرض الأمر على عراقي شوف رأيه اي يمكن يديك حل ولو غلبت اقولك أنا الحل

فارس: (مبتسم) بعد اذنك يا فندم

فلسطيني: اقدر أخرج أنا كمان

قائد الكتيبة: لا انت عندك مهما الوقتي مع شبراوي

فلسطيني: ( مال على فارس وبصوت واطي) هو أنا حظي النهارده مع المجانين كلهم

فارس: هو الشبراوي ده كمان مجنون

فلسطيني: ده في الضياع

قائد الكتيبة: فارس شوف رايح فين انت وانت ركز معايا

فلسطيني: تحت امرك يا فندم

بعد نزول فارس

قائد الكتيبة: اقعد يا شبراوي

شبراوي : تحت امرك يا فندم

قائد الكتيبة: معاك فلسطيني هتنزل منطقه تل الوادي فلسطيني موجود هناك بقاله اكتر من خمس سنين يعني الجزء ده كله بتاعه

فلسطيني: تمام يا فندم

قائد الكتيبة: في هنا ( وأشار على منزل في الخريطة) ١٣ طفل محتجزين داخل المنزل الهدف من ورا احتجاز الأطفال اي غير معلوم بس المسؤول عن المنزل راجل عنده ٤٠ سنه بعض الناس بتقول أنه تابع ل مجموعات إرهابية

شبراوي : طب وليه أطفال

قائد الكتيبة: ده اللي هعرفه منك بعد ما ترجع بالسلامه ومعاك الأطفال

شبراوي: تحت امرك يا فندم

قائد الكتيبة: شبراوي المرادي من غير نقطه دم تدخل البيت وتخرج مش عايز نقطه دم واحده

شبراوي : تحت امرك يا فندم

قائد الكتيبة: ربنا معاكم

في جانب آخر

وائل: مش عارف بس تحس ان في حاجه كبيره بتتجهز

فارس : ليه

وائل: بقالنا شهر كده مفيش هجوم على الكمائن ولا في عيال بتفجر عربيات الوقتي في موضه جديده قناصين ومن بعيد ل بعيد يطلع العيل من دول يسقط العسكري أو الظابط ويرجع مكانه حاجه اخر حزن والله

فارس: انت بتنزل كمائن يا وائل

وائل: أنا واقف في نقطة تفتيش الواحه عند الرمله البيضاء

فارس: ( ساب الأكل) فين

وائل: اي ياعم مالك في اي

فارس: أنا كنت هناك النهارده

وائل: ليه في اي

فارس: ما انت عارف مينفعش اقولك ليه بس الحمد لله اني كنت هناك لا كان زمانك في الضياع

وائل: والله كل يوم نطلع من الكتيبة نودع بعض ولا كأننا مش هنشوف بعض تاني الموضوع بقا قلق خالص

فارس: هو انت حد يعرف انك ابن العراقي

وائل: قائد الكتيبة و كام واحد يتعدوا على صوابع الايد الوحده

فارس: وائل مينفعش حد يعرف اني شوفتك ولا يعرف انك اخويا أنا خايف عليك

وائل: في اي يا عم فارس لو على حق الاكل ادفع أنا ياعم ( وبيضحك)

فارس: ياعم أنا مش بهزر والله

وائل: مالك يا ابن العراقي عملت اي

فارس: خليها على الله بس مش عايز حد يعرف حاجه عن ابوك أو عني ولا كانك تعرفنا اتفقنا

وائل: اللي تشوفه سبني أكل بقا

فارس: اتفضل

في جانب آخر

فاطمه: بابا أنا نازله رايحه المستشفى عايز حاجه

على قدري: لا يا حبيبتي خلي بالك من نفسك

فاطمه: سلام

على قدري: خدي حد من الحراسة معاكي

فاطمه: يعني هما بيسبوني

على قدري: معلش كده اضمن

فاطمه: ماشي سلام

على قدري: سمير

سمير: تحت امرك يا فندم

على قدري: مع الدكتورة فاطمة

سمير: وحضرتك

على قدري: يعني الكتيبة اللي بره دي مش ماليه عينك ثما الوقت متاخر جدا أخاف على البنت

سمير: تحت امرك يا فندم

فاطمه: أشوفك الصبح تصبح على خير

على قدري: وانتي من اهل الخير يا حبيبتي

بعد طلوع على قدري الي غرفته للنوم قفل الانوار سمع صوت شد اجزاء سلاح جمبه فتح النور بسرعه ولف وشه

على قدري: