رواية "الــيـل الـدامـس فـي الـجـحـيـم" الفصل الثالث 3 - بقلم ايـڤـانـي

بسم الله الرحمن الرحيم

نبدي البارت الثاني ويه ابطالنا الحلوينن

______________________________________

مر اول اسبوع واحلى اسبوع بحياتي اجه يوم زواج ورده من جعفر من الصبح گعدنا نحضر نفسنا ورحنه اني وميس وورده وشمس وميسره وجمره وخاله رقيه للصالون

- هلا بيجن عيوني مني العروس بيجن؟

ردت عليها عمه رقيه واشرت على ورده بدت تمكيجلها واجتي وحده ثانيه بدت بالبنات كملت ورده مكياجها وطلعت تخبللل حمره بلون احمر كاسر على الفستان صارت اميره بمعنه الكلمه خلصن البنات وكل وحده تكول للثانيه اني احلى منج من المكياج الي سونه صار دوري اخلي مكياج

شُجان- شنو تقترحون احط؟

ورده- باعي خليها حمره اوكفي يا لون جان الفستان؟

شُجان- ابيض بس على وردي هيج

ورده- ها اي تذكرت وردي فاتح خليها هيج مكياج خفيف يبرز ملامحها

وفعلا خلتلي احمر خدود وردي وخلتلي نقطه حمره حمره ووزعتها على شفتي وخلتلي بنهايه شفتي لون اطوخ صارت مثل الكوريين وخلتلي مسكاره كملت مكياجي والبنات ضلن صافنات اجتي عمه رقيه

رقيه- يمه صلاوات على النبي شنهاي الجمال كله عمي كسرتي على العروس

شُجان- صدك؟ جا خلي اغيره

ورده- خايبه انجبيي طالعههه تموتيننننن

شُجان- بنات حلو لو لا كولن؟

ميس- ولج طالعه حاته وعلي

شمس - والله كلش حلوه طالعه

ميسره- شكلج عادي ترا؟ على شنو هل مبالغه اصلا بالحالتين انتِ شكلج طبيعي

شمس- مو اكلكم تغااررر

ميسره- عشتو من منو اغارر من هاي ؟ لا الحمد الله اني حلوه وعشره يتمنون بس احجي وياهم مو مثل هاي لازگه بـ صهيد اربعه وعشرين ساعه

شُجان- احترمي نفسج لا اهينج اهنا وحق الخلقج اخرب معاني وجهج الي هسه اني ساكته بس علمود ميخرب العرس بس وحق الكفل زينب ادفنج بمكانج لان انتِ مو مال احترام

ميسره- لا والله يمه شوفيني جاي ارجف من الخوفف دروحي لج كلج عمرج 15 سنه شني اخاف منج قابل ؟

رقيه- كافيي بناتتت والله التفتح حلگها اشگها بالنص وعلي

ورده- ميسره كافي شُجان كافي

سكتت منها وضجت كلش شنو اربعه وعشرين ساعه لازگه بـ صهيد جنه طنطل اروح الزگ بطنطل ولا بـ صهيد كملنا وخابرت ورده على صهيد انزعجت لان هو راح يجي ، اجه وصعدت عمه رقيه بالصدر واني والباقيات الي ورا لا تكولون شلون كفت لان السياره بيها مقاعد بعد الي ورا فه كفت بقيت كاعده واباوع على الشارع واتذكر كلام ميسره الي زعلت كلش وباوعت على صهيد اشوفه مرگز وياي خزرته ورجعت اباوع على الشارع ، وصلنا واول ما نزلنا تعالت الهلاهل من عمه رحاب وعمه صابرين وبعد اكو هواي ناس ما اعرفهم دخلنا سلمت عليهم وطلعت رحت للبيت بدلت ملابسي ولبست الفستان حطيت عطر من الي اشترينا اني وورده لمن اخذنا صهيد عطره عباره عن مسك اماراتي كلش احب هاذ العطر خليت منه وخليت شالي بنفس لون الفسات على راسي بس مبين منه شعري كله طالع من ورا ما اهتميت لان عبالي محد بالبيت لبست اكسسوارات واخذت العبايه خليتها على راسي وردت اطلع وشفته گدامي

شُجان- اعوذ بالله منك

صهيد- شنهاي؟

شُجان- شني ؟

صهيد- شالج عدلي نص شعرج طالع

شُجان- شعليك؟

صهيد- هم صدك شعليه ؟

شُجان- اسئل روحك

صهيد- خايبه انجبي المهم انتظريني راح ابدل واجي نروح اني وياج لبيت جدي

تذكرت كلام ميسره عليَ وباوعت علي ورجعت خزرته

شُجان- ماريدد! اني اروح وحدي

صهيد- اكو ولد عفطيه خاف يتحرشون بيج ولو انتَ عبسي ياهو يجهبك

شُجان- لا والله؟ احلا من خلقتك

باس ايده وخلاها على خده وابتسملي وكال بكل ثقه

صهيد- فدوه لوجهي يخبل

شُجان- اهووو دوخررر

دفعته وطلعت من البيت متوجه لبيت جدو علوان شفت علي بنص الولد درت وجهي ورحت من الباب الثاني

علي- اوكفي شُجان

شُجان- شتريد؟

علي- احم طالعه حلوه اليوم

شُجان- شكرا

علي- ليش هيج بارده؟

شُجان- ما تولي مني؟ واصله لخشمي وحق الله اطلع الضيم البيه كله بيك

علي- اعصابج هسه شگليج اني؟

شُجان- لان انت مصختها وياي كافي حل عني صارلك اسبوع تفتر اهنا ويم بيت صهيد ودائما لمن اصعد للسطح اشوفك تباوع من جوه شنو الي تريده بالضبط ؟

علي- انتِ اريدج انتِ شُجان ما تتخيلين شگد حاولتت ارجع لبيتكم ما تتخيلين شگد حاولت ابينلج اني احبج شُجان احبج والله اعيشج اميره

شُجان- خرا عليك وعلى الاميره ولي مني ما تطيرر خالي يا حب يا صخام الوجه ولي ولي وبعد اذا اشوفك اهنا وحق الله اكول لصهيد عليك

علي - لا كلش خوفتيني من صهيد

صهيد- يعني متخاف مني؟

علي- طبعا ما اخاف منك

اجه عليَ وخلى ايده على جتفي

صهيد- عبسي هاذ زعجك؟

شُجان- معليك انت الثاني

وخر ايده مصدوم وهاذ علي ضل يضحك علي

علي - ههههه حللل

شُجان- انت هم انجب

صهيد- ههههه توكللل عليييي توكللل

باوعتلهم من فوك الي جوه واجتي ببالي فكره

شُجان- صهيد. علي. يمكن سمعت جدو علوان يصيحلكم؟

راحو ركض لان يدرون بي اذا ما يجونه يرزلهم طبيت للبيت بسرعه شفت ميسره تباوعلي وتخوزر

ميسره- شنو علاقتج بـ صهيد؟

شُجان- ماعندي اي علاقه بصخام

ميسره- صخام الي تحجين علي راح يصير زوجي

صفنت شجاي تحجي هاي؟

شُجان- وشسوي؟

ميسره- لا بس حبيت اكلج ورا عرس ورده جدو علوان راح يحجي ويه صهيد علمود يتزوجني

شُجان- وحده عديمه اخلاق وماعندج اي كرامه تسحلين روحج وتخرصينها علمود تتزوجين واحد جنه طنطل!

انزعجت مني وراحت بقيت وحدي بالمطبخ وسمعت صوت الهلاهل رحت لغرفه حجيه سعاد خليت عباتي بالكنتور وشالي خليته على جتفي وبقيت شعري مفتوح رحت يمهم جانو ملتمين كلهم عدا الزلم كلها برا يهوسون ، شفت اكو دي جي بنهايه الصاله مشغلين اغاني مو جوي ومحد يرگص عليها رحت شغلت اغنيه.
- انه معلم على الصدعات گلبي گلبي
گومي رگصي وارتاحي خلي الرگص رداحي.
اليله ما اعوفج بعد
ليله ليله صباحي
مشتاگ الج موت انه
والشوگ الج اذاني
وياج گاعد للصبح ليله ليله صباحي 

خليت الشال وشديته وبديت اهز بنصهن اطلع قهري من ميسره ضليت اهز وگابلتني شمس وجمره وگعدنا نرگص. تغيرت الاغنيه لـ " الهجع"  صحت بيهم يوگفونها ووگفو الاغنيه وهمه ما مفتهمين شبيه رحت بسرعه على المطبخ اخذت سچاچين اثنين وجعت شافو السچاچين افتهمت شمس شنو اريد اسوي وفتحت الاغنيه مرا ثانيه بديت ارگص الهجع

- ولك يلي خذيت الروح
ولك يلي خذيت الروح گلي شلون نتلاگه؟ 
ولك وسفه وهضيمه وعيب
وهاي الروح مشتاگه
عيني الهجع بويه الهجع
عيني الهجع بويه الهجع

بديت افر بشعري وارگص بالسچاچين وحجيه سعاد خايفه عليَ اندج بيهن

- منو هاي الي ترگص؟

سعاد- هاي حفيتي

- شو ما شايفينها

سعاد- اي تصير بت خال صهيد

- هاا كولي هيج من البدايه

سمعت صوت صهيد على جزء من الاغنيه

-عيني الهجع
مين علمج
رگص الهجع
بويه الهجع
عيني الهجع
گلبي الهجع

سويت نفسي ما اشوف صهيد واني ارگص صاح بالعلى صوت

صهيد- ولككك منووو علممكك الهجععع عبسييي

كلها انتبه علي ونص ضلو يرضحكون صحت بي

شُجان- اختككك علمتنيي

اشوفه هاذ گمز وصار گبالي

شُجان- اعوذ بالله منك

صهيد- شگلتي؟ 

شُجان- هاي شبيك؟  ما تحب تتشاقى جا بس انت تكلي عبسي بنص النسوان؟ 

درت وجهي على شمس لكيتها خاتله ورا البرده صحت بيها

شُجان- شمسسس شغلي اغاني خلي نفرح اليوم عرس وردهه

باوعتلي وشغلت اغاني وبديت ارگص وما مهتمه لـ صهيد الي انتبهت علي نضرات ميسره كلها حقد حسيت حتى من اذاناتها راح تطلع دخان من العصبيه
سمعت صهيد يصيح

صهيد- عنيي عبسي كافي راح يطبون الولد تسترن وانت بالذاتت عبسيي

گلبت عيوني وفتحت الشال مني وخليته على راسي طبو الولد وبالاخص بس الي نعرفهم ومن ضمنهم ولد ما اعرفه عرفته بعدين هاذ هو جعفر اجه وباس راس ورده وهيه خطيه مايعه من الخجل لبسها الحلقه وصارت الهلاهل باوعت. على ايدها ترجف خطيه من المستحه بس ادري بيهل جذابه تسوي نفسها مستحيه وهيه اصلا فرحانه صارو الولد يهوسون

كرار - موش اهل الولد احنه اهل البنيه موش اهل الولد

سلطان- اخونه خوش اخو يستاهل الهوسهه اخونه خوش اخو

كرار - كول اختنهههه ولكك

صاح سلام من بين الكل

سلام- جبنالك ورده تشم بيها بس كون الورده تداريها.

مسلم- طاح حضك على هيج گوله

سلام - بالله انطينه وحده منك؟ 

مسلم- مدري شگالج وانتِ غمزتيله
اجه العريس والگذله تهفيله

وبدو الولد يذبون هوسات ويبدچون اجه صهيد بنصهم

صهيد - اهاا اهنااا
انجب يل شامت
انجب يل شامت
شد ذراعه
وعرس بيه

ضلينه نضحك على هوسه صهيد اجتي مراه لابسه عبايه عرفتها ام جعفر بنص الولد لابسه عبايتها

ام جعفر - ياخيه تباركي عرس وليدي
وانه الحبيت جعفوري على طباعه
وانه الحبيت جعفوري على طباعه
وينطوني هلي لو اسوي طرگاعه
انه الحبيت جعفوري على طباعه
وكل غش ما بينا احنه قماش ابيض
حشف يابس گلبي صارله سنين

صهيد- وانههه الحبيتتتت جعفوريي

جعفر- فلكك صابكك المفروض تكولها لمرتكك شعليه اني؟ 

صهيد- هيهه وينن تحسس متگلييي

انصدمنا منه هاذ شجاي يحجي؟ 

صهيد- اشاقه يمعودين شبيكم

كمل العرس وزفو ورده وكلهم يبجون لان راح تروح عنهم

شُجان- صهيد وين بيت جعفر وورده؟ 

صهيد- ببغداد

شُجان- انخوك شو هاي بعيده

صهيد- اكلج يمكن سمعتج تكولين انخوك؟ 

استوعبت جفصت عدلت نفسي

شُجان- احم منو اني؟  لا ما كلت يلا صهيد خلي نروح تعبت

علوان - وين ترحين؟ 

شُجان- ويه صهيد للبيت؟

استغربت ليش يسئلني هاذ السؤال؟

علوان- البيت كله زلم تعالي وعيشي اهنا عندنا غرفه زايده اگعدي اهنا

صهيد- حجي بس...

علوان- ماكو بس تجي تعيش يمنا شُجان من باجر تجيبين غراضج وتجين اليوم تنامين اهناك بس باجر اودي عمج عباس يجي وياج يشيل الغراض

شُجان- بكيفك جدو

ما انكر ما زعلت بس ما بينت الهم طلعنا ورجعنه للبيت رحت للغرفه بسرعه قفلت الباب وبدلت ملابسي طبيت سبحت مشطت شعري وضفرته خليت عطر سمعت صوت الباب يندگ باوعت على الساعه لگيتها بالـ12:30. فتحت الباب ولكيت صهيد

صهيد- اريد احجي وياج

شُجان- تفضل

وخرت منه علمود يطب طب وسديت الباب

صهيد- ريحه الغرفه حلوه

شُجان- امم صح

صهيد- تردين ترحين؟ 

شُجان- اي

صهيد-  لاااا جا بعد منو احشش علي؟

شُجان- كبرر لفككك عبالي زعلان لان راح اروح

صهيد- نهايه غير متوقعه مو؟ 

شُجان- انجب

صهيد- بالخدمه عبسي

شُجان- اطلع برا

صهيد- ميت عليج اني؟ 

تذكرت ميسره كالت صهيد راح يخطبها ورا عرس ورده سئلته بتردد

شُجان- صهيد

صهيد- شرايين گلبه

شُجان- ايع المهم عندي سؤال

صهيد- راح اغلس على. الايع مالتج سئلي؟ 

شُجان- انت تحب؟

صهيد- العباس عليج هاي شكولات واحد يحب وينحب؟ 

شُجان- هسه جاوبب شبيكك

صهيد- اجاوب بس بشرط تگليلي ليش هاذ السؤال؟

شُجان- يلا بس احجي

صهيد- لا والله ما احب يلا احجي ليش

شُجان- اليوم ميسره كالت على الاساس انت تحبها وراح تحجي ويه جدو علوان علمود يزوجكم

صهيد- ميسره؟ ميسره مجرد بت عمي ما احبها

شُجان- اهااا

صهيد- شبيج؟  شني غرتي؟ 

شُجان- لاا عشتوو عليمن اغار عليك؟  والله يا الله امشي اطلع براا لكك اريد الم ملابسي

صهيد- صدك ذكرتيني

طلع برا الغرفه دقائق واجه شايل وياه جنطه سفر

صهيد- هاج هاي لمي بيها الغراض وخليها عندج لا ترجعينها

شُجان- شكرا

اخذتها منه وهو باوع عليَ وراح سديت الباب وبديت الم بالغراض شفت هديه بعلاگه حمره مكتوب عليها
* من ورده الى اختها الصغيره شُجان*
فتحتها ولكيت سيت النوم الاسود رفعته بايدي واني مصدومه وعلى صدمتي طب صهيد

صهيد- شُجان اريد .... شنهاي ولج؟ 

ضميته بسرعه ورجعته لمكانه

شُجان- احم هيج ماكو شي

صهيد- هاذ سيت نوم لو اني غلطان؟ 

شُجان- لا غلطان

صهيد- خلي اشوفه

شُجان- شگد حشري انت والله

صهيد- شُجان جاي احجي صدك عيب تلبسين هيج غير بس كدام رجلج

شُجان- يمعود لتلح مو الي هاذ مال ورده هيه مخلتيه اهنا ليش ما اعرف

اجه عليَ وسحب العلاگه وقره المكتوب اخذ السيت وطلع برا ما يهمني لان ببساطه ماريده كملت غراضي. وخليتهن على جه ورحت نمت واني نايمه اجاني عطر مألوف وحسيت بلمسات على خدي من گد ما نعسانه وعيوني تطفي ما ركزت زين

شُجان- مممم منو انت

- اششش محد حلم حلم هاذ حلم

شُجان- خوش

رجعت نمت.  گعدت الصبح وشميت نفس العطر تارس غرفتي ترس طلعت برا لگيت عمو عباس منتظرني

عباس- يلا بويه امشينه

شُجان- اي عمو بس اجيب الجنطه

درت وجهي لكيت كرار

كرار- لككك لاااا ابوو جاسمم راح يروحح ويعوفنهه

عباس - يا ابو جاسم هاذ؟ 

شُجان- اني

كرار- افااا عميي ما تعرف ابو جاسمم لكك هاذذ الضلعع الماينشلعع

شُجان- خايب انجب

كرار- مو صوجج صوجي اني جبت الجنطه مالتج

اخذتها منه

شُجان- فدوهه شكراااا كرارر الوردههه

كرار- دمشي لج شني مو بعينج هل شارب هاذ

شُجان- انجب جنه سره مال دود

كرار- وسفهههه عليجج شُجانووو

عباس - بعدين سولفو يلا يمعوده عندي شغل

شُجان- اسفه يلا بايي

اخذ عمو عباس الجنطه ووداها للبيت طبيت لگيت البيت مگلوب گلاب

سلطان- والله وحققق ابو الحسنيننن اخذذهااا يعنيي اخذهااا

علوان- ماااا تاخذذذ بتتت عصااممم عصاممم واحدد نذللل وحقيرر كتلكك ما تاخذهاا

سلطان- جدي هيه گوههه اني ما رايد. ميسره

صابرين- ليشش شبيهاا بنتيي؟ 

صهيد- عمه عليج الله سكتي

حاب - عمي ليش ما تزوجه الولد يريدها

علوان- اسكتي رحاب رحمه لابوج الطيب جااا احنهه نفتح الدفاترر القديمههه يريددد وهجج ولكمم يريدهاا تريددد تصيرر بيه جلطهه من وراكك

سلطان- انيي شعليهه بابوهاا اذا مو زينن اني رايد البنيهه

ما فهمت شنو السالفه شافتني شمس اخذتني على الغرفه

شمس - معليج بيهم هذول

شُجان- شبيها وهج؟

شمس - تعرفينها؟ 

شُجان- اي اعرفها جانت صديقتي

شمس - اي سلطان يحبها ويريد يتزوجها وجدي ما يقبل لان عنده عداوه ويه عمي عصام

شُجان- شنو هاي العداوه؟ 

شمس- محد يدري بيها من احفاده بس الباقين يدرون وعلى الاساس صهيد الوحيد يدري وما يحجي

شُجان- اهاا

سكتت وضلينا نرتب الملابس وكملت طلعت لگيت البيت هدوء رحت على الاستقبال شفت بيبي سعاد

سعاد - ها يمه شُجان اجيتي؟ 

شُجان- اي بيبي قبل شويه اجيت ورتبت غراضي بالغرفه

سعاد- اي همزين. اتمنى من گل گلبي تفرحين ويانا

شُجان- ان شاء الله

بقيت گاعدين نباوع على التلفزيون مادري شصار وما حبيت اسئل لان حستها هاي خصوصيه. كملت يومي طبيعي بس ما شفت لا صهيد ولا جدو علوان ولا الباقين رحت للغرفه فتحت التلفون الي اشترا الي صهيد لكيت رساله من ورد

ورده- شلونجج ولججج مشتاقتلجج كومهه كومه نااارر نااررر

رديت عليها

شُجان- الحمد الله زينه وانتِ شلونج؟

ورده- ولججح برب** ليش ما تسئليننن عليَ

شُجان- انجبي لج هو اليوم اول يوم الج ما تسكتين مني

ورده- ها شبيج؟ 

شُجان- ما بيه شي بس تعبانه اريد انام

ورده- يلا لعد روحي نامي بعدين اراسلج

سديت التلفون وغطيت بالنوم واني نايمه رجعت شميت نفس العطر ونفس المسات

- هيج يهون عليج تعوفيني؟

ماعرف منو هاذ صوته مو غريب عليَ بس من النعاس ما اركز بصوته فتحت عيوني شويه لگيت واحد ملثم ما مبين منه شي انصدمت ودفعته

شُجان- منو انت؟  !!!!

- لتصيحين احبج رايح

بقيت بمكاني مصدومه فتح الباب وراح رحت قفلت الباب بسرعه بقيت اتنفس سريع منو هاذ ليش صارله يومين يجي العطرر الي اشتمه مألوف والصوت حاولت اتذكر وين شميت العطر

شُجان- منو بيكم بالله عنده هاذ العطر

رجعت لفراشي واني اتذكر لمن كال احبج صوته جان خشن او يعني واضح مغير نبره صوته علمود ما اعرفه ماعرف شلون نمت،  گعدت للصبح على هوسه لبست شالي وطلعت برا

رحاب.- عمي هاذ الي صار شنسوي بعد بس ان شاء الله نجيكم كل فتره والثانيه

علوان- والله بكيفكم بعد ما اجبركم على شي

باقر  - بويه هم الولد والبنات كبرو وعيب نخليهم بييت واحد اني شفتلي بيت بكربلاء اهناك راح اروح احسلي

علوان- الي تشوفه مناسب

رحت على شمس اركض

شُجان- شنوو راحح ترحوننن؟

شمس- اي ولج هستوني ادري راح نروح لكربلاء نعيش

شُجان- شنوو انيي ابقه اهنااا وحديي؟ 

شمس- لا غير راح تبقه وياج كنان وميسره

شُجان- العباس عليج هذني الاثنين اذا اجتمعن سوه يسولي مشاكل وخصوصا ميسره تكرهني مدري شبيها

شمس- دعوفيها يمعوده ختولي

رحت حضنتها

شُجان- راح اشتاقلج

شمس- يگلبي حتى اني راح اشتاقلج والله

شُجان- عود هم تعالو مو تنسونه

شمس- لا ان شاء الله نجي

ابتسمت وطلعت من الغرفه رحت على المطبخ شفت عمه رحاب تودع عمه رقيه وعمه صابرين وعمه علياء

.... مرت الايام وعمو باقر  شال من البيت وراحت وياه شمس و مسلم. سلام رفض يروح وقرر يعيش ويه جده. وورا فتره عمي مصطفى فتح الموضوع ويه ابو يعيش ببيت وحده قريب من يمه. وجدو علوان ما يمنعهم راحو وعاشو ببيت وحدهم الي همه ميسره وعلي وحكيم الي بقى بالبيت بس عمه رقيه وبنتها كنان وعمو عباس وسلطان وحمزه. ما شفت صهيد شهر  كامل حسيت البيت ممل مابي اي روح صارلي شهرين وياهم لمن راحو بيت عمو باقر كل البيت صار ممل بيوم جنت انضف بالديوان طب صهيد بس متغير من اخر مرا شفته بيها لحيته كبرانه وعيونه صايرات حمر شافني ابتسم

صهيد- ليش ما تسئلين عليَ؟ 

شُجان- اني لو انت الي غبت شهر كامل مدري وين رحت وكل ما اسئل واحد يكلي صهيد مسافر هو واخوانه وين جنت؟ 

صهيد- بشغل وين يعني

شُجان- بس انت شغلك شهر

صهيد- كافي يمعوده لتزودينا عليَ الله يخليج ... وين جدي والباقين؟ 

شُجان- جدو عده فاتحه راح وبيبي راحت لبيت اخوها صارلها اسبوع باجر تجي وعمه رقيه راحت لبيت عمو باقر كم يوم وتجي

صهيد- وعمي عباس وين؟ 

شُجان راح ويه جدو للفاتحه بس سلطان وحمزه واثنينهم ما موجودين رايحن للزرع

صهيد- يعني بس انتِ اهنا

شُجان - اي

صهيد - همزين تعالي اريد احجي وياج

شُجان- احجي

صهيد- شُجان اذا ابوج رجع وكالج اريدج ترجعين وياه؟ 

بسرعه رديت بدون اي تردد واني اكمل تنضيف

شُجان- طبعا لا مراح ارجع وياه شهرين ما يسئل عليَ هل اني عايشه او ميته لو تنطبگ السماء على الارض ما ارجع لابوي.

سمعت صوته وراي وهو يبجي

نعمه- ااخخ لهل درجه شايله بگلبج عليَ؟ بنيتي ندمانن بگد شعر راسي والله

صهيد- حجي ما تسكت هو انت منيلك شعر شو اگرع

نعمه - هسه هو مثل خلي اكمل.

قاطعته قبل لا يكمل وحجيت بكل برود الارض بس بداخلي نااارر واشتعلت

شُجان- لتكمل ولا شي اني ما اريدك

نعمه- بس بويه اني رايدج اريدج وعلي مشتاقلج

شُجان- خوش هاذ الحجي وفره الك وانت صهيد زعلانه منك وابدد لتحاجيني بشي

ذبيت الماسحه ورحت لغرفتي سمعت صوت صهيد يسلم على ابوي واختفى صوت ابوي اسمع بس صوت صهيد

صهيد- شُجان افتحي الباب

شُجان- ما

صهيد- لتصيرينن طفلله وافتحي الباب

بقيت ساكته ضل يدك بالباب ما فتحته اله ما سمعت صوت الباب يمكن راح شسويله روحتهم فتحت الباب علمود اكمل تنضيف ورحت على الاستقبال لكيته موجود ردت اطفر بس لحگني ولزمني

صهيد- تعالي اريد احجييي وياجج لتصيرينن طفلههه شُجان!!!

ضل يصيح اول مرا اشوفه هيج يصيح استسلمت ورحت وياه گعدت على التخم وگعد گبالي

صهيد- باعي ابوج كالي زوجت بنتي؟  كتله اي

شُجان- شكتلتهههه!!!!؟؟؟؟

صهيد- وهرشش خلي اكمل كتله اي فه هو خلاج امانه عندي لان ابوج راح يروح لغيد دوله راح يسافر اليوم جان يريد يشوفج قبل لا يروح

شُجان- شعليه بي وين ميريد يروح خلي يروح مو باعني؟  معليه بي اعتبر ابوي مات من لمن سلمته الفلوس

صهييد- المن باعج؟ 

شُجان- الكك باعني الك

صهيد- بس ما سويتلج شي عيشتج مثل اختي ما سويتلج شي يزعلج

شُجان- صهيد سد السالفه ماريد نفتحها احسن وانسى موضوع ابوي عليك الله ..

حسيت بوجع ببطني لزمتها انتبه عليَ صهيد

صهيد- شمالج؟ 

شُجان- ماعرف بطني توجعني

صهيد- خاف حامل

تفلت علي وغمته

شُجان- تففف فال الله ولا فالك بيش طالبني

صهيد- مقبوله منج تردين اوديج للطبيب؟ 

شُجان- لا ماريد راح انضف تريد شي ؟

صهيد- لا ما اريد شي ... ها صدك هم بعدج تلتقين بعلي؟ 

شُجان- اخر مرا شفته بعرس ورده وسمعت على الاساس سافرو للمغرب

صهيد- اي صح نسيت بس سويلي جاي

هزيت براسي ورحت سويتله جاي انطيته اله وكملت تنظيف وجع بطني بقى يزيد عليَ واني ما اعرف شسوي وصلت لمرحله حتى ماگدر اتحرك رحت على صهيد

شُجان- صهيددد.

صهيد- شرايينن گلبه؟ 

شُجان- بطنيي توجعنيي راحح اموتتت

اجه عليَ شالني بسرعه ووداني بالسياره وداني لمضمد وفحصني

المضمد- ما بيها شي بابا يمكن هاي اثار الشهريه

شُجان- لا لان قبل اسبوع كملت

المضمد- جا ما بيها شي بطنج خويه اخذ بتك ووديها لطبيبه نسائيه تفحصها احسن

انصدمت وصهيد بقه صافن

صهيد- يلا امشي بنتي خلي اوديج

شُجان- لا تاخذ دور الاب امشي يمعود ترا بطني توجعني

صهيد- شحجيت اني امشي

رحنه لطبيبه نسائيه وجان كدامنه اثنين بنات يباوعن عليَ ويبسبسن

شُجان- صهيد؟

صهيد- شرايين گلبه

شُجان- شبيهن هذني يبسبسن؟ 

صهيد- غير وياج واحد حليو

شُجان- ايعع

صهيد- ياول غسلل لهل وجهه

صار دور البنات وطبن لمن طلعن طبيت اني راد صهيد يطب بس منعته

شُجان- هوب هوب هوب خالي وين طاب

صهيد- وياج؟

شُجان- انجب لك روح اهناك اگعد

طبيت وسديت الباب شافتني الطبيبه

الطبيبه- شنو اليوجعج ماما؟

شُجان- بطني توجعني

الطبيبه- نامي على السديه حبيبتي

نمت وبدت تخلي شي مثل الجل على بطني وضلت تفحص استغربت من وجه الدكتوره لان وجه ما يتفسر

الطبيبه- ماما ما بيها شي بطنج منين توجعج؟ 

شُجان- منا

اشرتلها الماكن اليوجعني ورجعت فحصته بس هل مرا انصدمت

الطبيبه- ماما ما بيها شي بطنج؟ 

شُجان- شنو ما بيها جا والوجع؟ 

- مادري والله. بس الحمد الله ما بيها شي تگدرين ترحين

نزلت من السديه واخذت كلينيس مسحت الجل طلعت لصهيد

صهيد- بشري بنيه ولد؟ 

شُجان- انجب

صهيد- شكالتج

شُجان- ماعرف كالت ما بيها شي بطنج

صهيد- خابرني جدي يسئل عليج كتله وياي وديتها للطبيب

شُجان- عزااا نسيتت احميي الاكل

صهيد- وكت اكلل يا بنت الحلال امشنا امشنا راح يصير الغروب

رجعنه للبيت ولمن طبيت استقبلنا سلطان

سلطان- ها. شُجان شبيج خويه؟

شُجان- ما بيه شي بس بطني توجعني

سلطان- سهله ان شاء الله ما بيج اغير العافيه

شُجان- شكرا

سلم على صهيد

صهيد- سلطان عضيدي

سلطان- بعد روحي اخوي الغالي

كرار - ابوو الشباببب عبسييي شلونككك ولكك

درت وجهي على كرار ولبتسمت

شُجان- الحمد الله زينه شلونك انت؟ 

كرار- بخير ابو جاسم الغالي

شُجان- على راسيي كرار الورده

صهيد- انعل ابوكم لابو الخلفكم همه امشو طبو جوه لا والعباس اطگ راس براس

طبينا جوه نضحك على صهيد لگيت ورده موجوده

ورده- شُجانووووو

شُجان- وردهههه شلونججج

ورده- الحمد الله ولج مشتاقتلجج كومهه كومه نارر ناررر

شُجان- والعباس اني اكثررر مشتاقتلج

طب صهيد راحت علي تسلم حضنته وباسته

ورده- صهيدي مشتاقتلكك يبعدددييي

صهيد- وردتي اني مشتاقلج اكثر يبعد اخوج

سلمت عليهم وعلى كرار طول الگعده وهيه متحمسه
اجتمعو العائله كلها لان اجو بيت عمو باقر وعمو مصطفى والبيت رجع هوسه وكله ضحك بقيت كاعده يم صهيد وورده نسولف وصهيد كلساع گارصني من خدي

صهيد- سمنانن عبسيي

وخرت ايده وخليت ايدي على خدي

شُجان- اويي شبيكك توجعع وبعدين صارر عندي بس خدود

ورده - اييي يمة فدوهه طالعهه تخبلينن يلوگلج الخدود

بقينه نضحك وورا شويه گامت ورده وراحت فتحت الباب طب جعفر زوج ورده سلم عليهم وگعد بصف ورده صار ترتيبه كالاتي صهيد اني ورده جعفر گامت ورده تحمحمت والكل انتبه الها

ورده- اني وجعفر حبينه نكللكم شي بنماسبه هيج اجواء

اشرت لجعفر يگوم كام وياها ولزم ايدها وباسها

جعفر - وردتكم راح تصير احلا امم بالدنيا

كلنا انصدمنه وبنفس الوقت فرحنه من كل گلبنا الها نط كرار من يمه

كرار - جا بعد اخوك ما تحملت بشهرين حبلتها جا غير تلزم روحك

شُجان- هم صدك جعفر شني الزم نفسك شويه

استوعبنا اني وكرار جفصنه بنص العائله بقو صافنين وخطيه ورده وجعفر استحو بس بعدين ضلو يضحكون وبدينا نباركلهم خلص اليوم الحلو ورجع وجع بطني رحت للغرفه علمود انسى الوجع ما نمت بقيت گاعده ورجعت شميت نفس العطر بس هل مرا انتضرت يقترب مني علمود اعرفه منو هاذ حسيت بي اقترب مني وبدا يلمس خدي بس قشعت لمن حسيت بي باس خدي

- صايره حلوه ههه غبت عنج صرتي حلوه

فتحت عيوني ولزمته ووگعته بالكاع وگعت اني هم صوت فوگاه علمود ما يشرد بقيت اباوع بعيونه الطالعه عيون بني شعره المبعثر

شُجان- هسه راح نعرف منو هاذ المعجب السري

شلت الثام واهنا الصدمه ما توقعتها بحياتي.....

_______________________________

صوتوو لان جاي اتعب بالكتابه باجر انزل بارت والجمعه انزل بارت بس السبت مراح انزل موعد نزول البارتات تلگونه على قناتي بالتلي

fjaoio هاذ اليوزر قناتي على التلي.

وبسس احبكمم فراشاتيي 💋💋