بسم الله الرحمن الرحيم
اللهم صلى على محمد وآل محمد
______________________________________
انصدمت شنو؟ حادث؟ وگعت من الصدمه وماعرفت شسوي صهيد ميت لو عايش؟ اريد اعرف بي اذا هو ميت او عايش؟ وينه هو؟ صارله شي؟ ماريد يصيرله شي احبه ماگدر بدونه اغمى عليَ
عمه رقيه
گاعده جاي اخيط بالمخاديد واسمع تلفوني يدگ رحت وشفته صهيد جاوبت علي بفرحه
رقيه- هلاا يمه هلا يبعد طولي شلونك
- السلام عليكم
رقيه- وعليكم السلام
- خاله انتِ ام هل ولد
رقيه- اي؟
- اسف على راح اگوله بس ابنج سوه حادث
انصدمت وضليت ادگ على صدري
رقيه- يمهه ولييديي شبيي ويننن هسههه وينههه
- بالمستشفى **** قريب على ****
رقيه - بعد روحي ابقه يمه احنه من البصره بس لحد ما نجي بعد روحي لتعوفه اعتبره اخوك
- لا هاي هيه صارر من عيني خاله ما طلبتي شي
سديت التلفون ورحت ارگض على شجان فتحت الباب ولگيتها واگعه صرخت بأعلى صوتي واجه عباس يركض مصدوم وخايف واجه ابوي يركض ويه امي
سعاد - شكووو يمهه شكووو
رقيه- يمههه صهيددد مسوييي حادثث وشجاننن واگعهه بالگاعع ماعرفف شبيهمم
عباس - سلطانن روح جيبب السويجج وخابر على كرار ووهبان
راح عباس وشال شجان واجه سلطان فتح السياره مال عباس وصعدو شجان واني وامي لبسنا العبي والشالات ورحنه وياهم. وصلنا للمستشفى وخلو لشُجان مغذي لان هابط ضغطها انتظرناها شوي وگعدت مفزوزه
شُجان - صهيددد وينننن عمههه صهييددد ويننن
عباس - عمي بس اهدائي خابرنا الولد كال صهيد گعد وما بي شي
استغربت شوكت خابره؟ بس لمن غمزلنا عرفت بي يجذب عليها بس علمود تهداء
شُجان- لا ما اهداء عمي ابوس ايدكك وديني لبغداد وديني اريد اشوفه اني اريد اشوف صهيد مشتاقتله
تحجي وتبجي وگلوبنا متكسره خلص المغذي مالها وانطلقنا لبغداد وهبان وكرار راحو قبلنا واحنه وراهم
وشُجان بس تبجي
شُجان
حسيت انقبض گلبي اريد اشوف صهيد اريد اطمن علي بقيت هيج طول الطريق لحد ما وصلنا لبغداد نزلت اركض على المستشفى وادور على واحد من الولد لگيت كرار ورحت علي اركض
شُجان- كرار كرااررر وينه صهيدد ويننهه
كرار- بغرفه الانعاش لتخافين مابي شي
شُجان- شلوننن مابيي شيي اريد شوفهه
كرار- بس اهدائي وين البقيه
دخلو الباقين واخذانه للغرفه الي بيها صهيد لمن شفته وشفت المغذي وشغلات ماعرفها مركبينها بجسمه انهبطت حسيت رجليه بعد متشيلني گعدت على الكرسي وضليت ابجي
شُجان- شلونن شلونن ليش هيج صارر ووين هاذ الي دعمهه! !!
رقيه- بس اهدائي ماناقصناا والله
عباس- رجلها وتخاف علي
رقيه- يمه گطعتي گلوبنا هسه يصحى ويصير زين والله
بقينا شوي وطلع الدكتور
- الحمد الله على سلامه ابنكم حاليا تجاوز مرحله الخطر يعني ما علي شي الحمد الله ورا ننقله لغير غرفه للمراقبه اذا گعد الحمد الله
شُجان- واذا ما گعد؟
- احتمال يدخل غيبوبه
انصدمنا غيبوبه ؟
عباس - شجاي تحجي تكتور؟
- والله العظيم يعني الي دا اشوفه هو سبع وتجاوز هل مرحله بسهوله وبعد هو بقت يمه اذا يگعد او لا
عافنه وراح بدون ما يحجي شي ثاني مسحت دموعي وردت ادخل علي بس منعني عمي عباس
عباس- لا لطبين بعدين
شُجان- عمو الله يخليك خليني اشوفه بس اشوفهه والله ما اسوي شي بس اشوفه
دخلت جوه وحبست. دموعي گعدت يمه ولزمت ايده
شُجان- لتعوفني صهيد انت أملي بهاي الحياه لتعوفني وحدي وين اروح اذا عفتني؟ وين انطي وجهي اذا عفتني؟ انت كلشي بحياتي لتعوفني صهيد حباب لتعوفني
بقيت اتوسل بي انُ يگعد وميعوفني بوحدي حسيت اكو حركه باوعت ايده شوي تتحرك باوعت علي ماكو ميتحرك بس ايده الوحيده الي تتحرك
شُجان- صهيد حبيبي كوم اني يمك ما اعوفك بس كوم عليك الله كوم
للحظه فتح عيونه وضل بباوع صافن بقى ثواني والتفت علي ابتسم ابتسامه كلها تعب
صهيد- شجابج اهنا
شُجان- شنو شجابني اهنا ، تحس روحك صرت احسن؟
صهيد- احبنچ بعلي بس شوفتج خلتني اصير زين
جنچ هوا البصره وحگ هو علي
شُجان- بطلل هاي سوالفك راح اصيح للطبيب
طلعت اركض اصيح للطبيب واجه وفحصه وتأكد مابي شي وطلع بسلامه مرت يومين واحنه ببغداد نطمن على صحه صهيد ولمن صار احسن شوي اخذنا ورجعنا للبصره مرت اسبوعين على الحادث وصهيد تحسنت حالته بيوم جنت اغسل المواعين سمعت صوته يصيحلي ورحت ركض
شُجان- ها صهيد تحتاج شي؟
صهيد- اي
شُجان- گول؟
صهيد- ركصيلي
شُجان- ها؟
صهيد- شنو ها رجلج اني ركصيلي عادي
شُجان- اي بس جاي اغسل
صهيد- اهو خربتي واهسي روحي روحي
ماحبيته يزعل مني ورحت للكنتور اخذت فسان عندي طويل وضيگ حيل واخذت شال رحت طبيت سبحت ولبست الفستان نشفت شعري وشسورته خليت حمره لونها احمر وخليت كحل دخلت علي واني بهل منضر هو انصدم رحت يمه واني اطگ بعلجي سحبت تلفونه وطلعت اغاني وبديت اركص ومندمجه ويه الاغاني هو كام وياي وضل يركص مدري شبي حسيته شارب شي فجا كلي ركصي مادري مادري لمن خلصت الاغنيه اقترب مني ودفن وجه برگبتي وضل يشتم ويبوس بيها
شُجان- صهيد
صهيد- مممم
شجان- وخر مني
صهيد- تؤ
باوعلي وسحب شفتي ضل يقترب مني اكثر واكثر …… مرت الساعات واني نايمه بحضن صهيد باوعت للساعه لكيتها الساعه بالـ9 الصبح گمت بسرعه ولميت ملابسي من الگاع طبيت سبحت ونزلت اسوي ريوگ لوهبان وكرار سويت الريوك وخليته على الكاونتر رحت صعدت فوك لكيته متمدد
شُجان- شنو السالفه كومم يلا اليوم ورده رح تجيي
صهيد- هلا بيها
عفته ورحت بدلت ملابسي وكشخت ولبست الحلقه
ملاحظة ( شُجان وصهيد تزوجو بس ماسوو حفله او شي مجرد عقد وهاي هيه) انداريت وتأفئفت
صهيد- شمالج
شُجان- متحبني
صهيد- امم بدت رحمه الله
باوعتله مصدومه هاذ صدك يحجي؟ عفته واخذت عباتي والحجاب ونزلت لبستهن ورحت لبيت جده طلعتلي كنان
كنان- ويننن هل غيبه كبر لفج ليش ما تجين؟
شُجان- هو ابن خالج يخليني؟
كنان- شبيي ابن خالي؟
طبينا جوه سحبتها بسرعه قبل لا ندخل
شُجان- اكلج اكو هواي نعوله ياهو الجاي؟
كنان- وهرش همه منو؟ اجتي شمس راح جابها سلطان واجه وياه مسلم واجتي قبل شوي ورده وزوجها
فرحت حيل لان صارلي هواي مشايفه شمس وحيل مشتاقتلها
طبيت جوه اركض سمعت صوت سلام
سلام- قل اعوذ برب الفلق شبيج طبيتي هيج عبالك باتمان؟
انتبهت علي وتفشلت
شُجان- خاب دولي اريد شمس وينها؟ ها صدك هلو شلونكم يلا باي اروح لشموستي
بقو مصدومين ورحت لغرفه لكيت جمره طايره من الفرح استغربت منها شكو
جمره- لججج شجونهههه شجونههه
شُجان- البارحه شفتج خلي اسلم على ورده وشمس
غمتني ورحت سلمت على شمس وورده
شُجان- اي احجي؟
جمره- كرار
شُجان- شبي!
دنگت راسها مستحيه حجت شمس بعدم اهميه
شمس - المحروس اعترفلها البارحه واليوم يجون يخطبونها
فكيت حلكي شجاي يصير ليش اني اخر وحده ادري
شُجان- وانتِ شمس؟
باوعتلي بأستغراب وردت بضحك
شمس - شنو؟
سحبتها وطلعنا من الغرفه رحنه لغرفه عمه رقيه لان ادري بيها جوه
شُجان- اعترفتي لسلطان؟
شمس- يا سلطان شمدريج اقصد يعني سلطان مثل اخوي
شُجان- تلعبينها علي؟ ليش يجيبج هو؟ يعني شمعنى مو عمي عباس؟ ليش مو صهيد؟ ليش اله سلطان ؟ تحبيه اعترفي
شمس- لا باعي خلي اعترفلج
شُجان- اي
شمس - اسمعي لمن جنه اصغار جنت احب كرار بس شفت جمره تحبه وهو يحبها قررت انسى وما اهتمله ابدا بس وراها بفتره صرت احجي ويه سلطان ونتذكر طفولتنا ماجان ببالي ان سلطان يحبني واني گلت ان مستحيل يحبني لان هو يحب بنيه
شُجان- منيه
شمس- جان يحجيلي عليها واني اتحمس واكله اي روح اخطبها فه بده يكلي ان هل بنيه بعيده علي وعايشه بغير محافظة واني احبها حيل شجان ما تتصورين حسيت ان اني المقصدوه بس بعدين كلت لا يمكن مو اني فه هو البارحه راسلني وكال ان راح تجي ورده وتعالي نشوفج ومدري شنو فه اني گلت لابوي وقبل بس شرط اخذ وياي مسلم
شُجان- اي؟
شمس- اليوم كال راح اعلن على البنيه الاحبها وباجر يروحون يخطبوها او الاسبوع الجاي
شُجان- اذا ما تطلع انتِ تعالي اتفلي بوجهي
شمس- وين يمعوده اصلا مو اني واني هم ماحبه يعني اعتبره اخوي
ضحكنا ورجعنا للبنات وجانو مستغربات حيل من تصرفاتنا
كنان- اهو بناتتت
شُجان- شبيج انتِ الثانية
كنان- اريد اشوف وهبان
شمس- علمود يذبحونج مرا وحده
كنان- لا اريد اشوفه مشتاقتله
شُجان- اليوم يجي غير؟
جمره- اي طبعا يجي
شُجان- كنان ما اوصيج نامي بالمطبخ علمود تشوفينه
كنان- اهوو شبيج
جمره- هسه گضتها علينا اهو واهو شو ما عاجبج يو اني اصلا ليش ازعج مزاجي وياكم انتو خلي اروح احضر نفسي احسن
گامت منا وراحت تحضر نفسها وتغني ضحكنا عليها مخبله مدري شبيها والله نزلنا جوه ولكينا كلهم موجودين ومن ضمنهم وهبان لمن شافته كنان خجلت ودنگت راسها عود خجلانه سحبتها وگعدنا بالگاع وصهيد صار وراي وكنان صارت بصفي وشمس بالجهة الثانيه
صهيد- تجمعن وين الرابعه شو مختفيه؟
كرار- مستحيه
علوان- انلصم
سوه حركه انُ سكت صبت عمه رقيه الريوك واني وصهيد تريكنا لمن شبعت لزم ايدي مانعني اگوم همس
صهيد- لتگومين
شُجان- ليش
صهيد- كملي اكل
شُجان- شبعت
وخر ايده وسوه لفه وخلاها بيدي اشر اكلها لستحيت من الگاعدين واضطريت اكلها اكلتها وگلت بصوت علي
شُجان- الحمد الله سفره دايمه
گمت بسرعه ورحت غسلت رجعت وطلعت اني ناسيه تلفوني بالبيت رحت لصهيد
شُجان- صهيد صهيد
صهيد- ها
شُجان- انطيني تلفونك
صهيد- شتسوين بي؟
شُجان- تلفوني ناسيته
صهيد- اخذي بالجيب تلگينه تعالي اخذي
رفع ايده بمعنى تعالي اخذي رحت سحبت التلفون وضليت اگلب بي دخلت على كل البرامج ملل ماعرف شسوي طفيته ورجعته بجيبه گام هو وراح وبعدين التفت بدون ما شوفه احد اشرلي اجي رحت ورا بسرعه لگيته يغسل كمل ونشف ايده واجاني حاوط ايدي على خصري
صهيد- بعدك زعلان مني يحلو
شُجان- مزعلانه منك
صهيد- شو انطيني بوسه
شُجان- عزاا صهيدد عيب لا يطب علينا واحد شيگول علينا
صهيد- صهيد ومرته بالمطبخ يتباوسون
ادفع بي بس ما يندفع
صهيد- ما اوخر اله تنطيني بوسه
شُجان- مو اليومم بعدين
صهيد- اله هسه
شُجان- كتكوتيي مو اليومم
وخر مني ودار وجه عرفت بي يضحك تحمحم وابتسملي ورجع لااستقبال رجعت وجان بيده الجگاره يدخن
صهيد- اذا كملتو اريد احجي وياكم وويه عمه رقيه، شُجان بويه شيلي المواعين وغسليهن
هزيت راسي بـ اي وشلت السفره ورحت اغسل المواعين اجتني كنان
كنان- اكلج
شُجان- كولي؟
كنان- شسمه
شُجان- كولي؟
كنان- وهبان هم هيج يتصرف بالبيت؟
شُجان- مافهمت؟
كنان- اقصد هم يتشاقه هواي؟
شُجان- يعني ويه اخوانه اكيد
كنان- بس ليش هسه جاي يتشاقه ويه شمس؟
شُجان- ايااججج ان تفكرينن هيج تفكيرر كنان شمس ما تحب وهبان وتعتبره اخوهاا
كنان- اي اعرف، احم سكتي
اجتي شمس وبدت تساعدنا كملنا المواعين واني رحت گعدت يم صهيد وكنان وشمس بقو يسون جاي
صهيد- احم الله بالخير للكل
الكل- الله بالخير والعافيه
علوان- ها بويه احجي؟
صهيد- جدي اني اعتبر مثل ابو كرار مو صحيح؟
علوان- طبعا
صهيد- اني ربيت كرار وعلمته على الصح والغلط ومافد يوم ضم علي شي وربيته احسن تربيه وانتو الشاهدين على تربيه كرار صح تشوفونه تافه بس انتو تذكرو بالمواقف الجديه كرار رجال والنعم منه
علوان- كرار تربيتك وانت تربيت احسن تربيه كول بويه شنو غايتك من هل كلام
صهيد- عمي عباس جدي اني اجيت اطلب ايد بنتك جمره لاخوي كرار
صار سكوت دقائق وحجه عمي عباس
عباس- بويه انتو ولد اخوي والنعم منكم بس بنتي جمره بعدها صغيره
كرار- من رخصه صهيد عمي اني جايك من الباب واني احبها من واحنه صغار وهيه هسه يعني مو صغيره طبت 20 والفرق بينا بس ثلاث سنوات واني مثل ما تعرف ادرس جامعه محاماه وهاي اخر سنه ألي يعني ما ناقصني شي وهم جاي اشتغل ديلفري
عباس - اعذرني بس بنتي ما انطيها
باوعت لكرار نزل راسه واختفت الابتسامه طلع من البيت بسرعه گمت بسرعه اني وصهيد ورحنه ورا
صهيد- كرار!!!
صاح علي بس هو ما اهتم وراح للبيت
شُجان- صهيد صهيد روح بسرعه لكرار ليسوي شي بنفسه
راح يركض للبيت اجه وهبان يركض طبينا اثنينه جوه للبيت ولكينا البيت مگلوب كلاب صهيد حاضن كرار وكرار بحضنه يبجي ويصيح
كرار- صهيددد احبهاااا احبهاااا ليش يحرمنييي منهااا ليشششش
صهيد- اسمع اهداء كرار حبيبي يمكن ماكتوبه من نصيبك كرار اهداء هل فتره وبعدين ارجع اخطبها
عفتهم وحدهم وصعدت فوك كملت دروسي الجانت متراكمات علي طول الفتره الراحت كملت الدراسه ومرت الايام واجه راس السنه احنه ما نحتفل بي بس نسوي تجمع عائلي المدرسه انطتنا عطله اسبوع
صهيد- لتلحينن كافي
شُجان- حباببب شبيكك
صهيد- ماكو ممنوع
شُجان- عليك الله عليك الله
صهيد- گلتت ماكوو شجانن لتنعاندين! !!!
شُجان- شبيكك هو فستان
صهيد- صلوخ؟ بي فتحه؟ اشد گروني؟ وتتمرضين والدنيا بارده؟ لا انسي
شجان- ماقصد هيج بس
صهيد- لا ماكو تشترين فستان مستور وانجبي! !!!
شجان- ماحبككك! !!!
طلعت من الغرفه متنرفزه حيللل منه نزلت على السريع ولمن وصلت للبايه الاخيره حسيت بطني تلعب ركضت بسرعه للحمام وضليت اتقيء بشكل هستيري غسلت وجهي وايدي ورجليه طلعت من الحمام ولكيت كرار بوجهي
كرار- شجان شبيج؟
شجان- مابيه شي
كرار- سمعتج تتقيئين؟
شجان- اي بطني جانت توجعني
كرار- مابيج غير العافيه اشربي علاج
شجان- شكرا، هسه اروح اشرب
ابتسم ابتسامه خفيفه لمن رجعنا من بيتهم اخر مرا كرار بعد ابدا ما راح لبيت جده وحتى جمره ما يتواصل وياها ابدا هيه حسيتها ما اهتمت بس جاي اشوفها زعلانه ومرات تضحك وتسولف طبيعي ويانا
صعدت فوك علمود اشرب العلاج لكيته گاعد يخابر ما اهتميتله وصرت امشي على كيفي رحت للجرار وطلعت الحبوب شربت بقيت شوي وحسيت روحي تريد تطلع رحت للحمام وضليت اتقيء اكثر
صهيد- شجان بيج شي؟
شجان- صهيدد
صهيد- ها بويه
شجان- بطني توجعنييي
دخل للحمام وغسل وجهي وايدي وشالني
صهيد- تعالي اخذج للطبيب
شجان- وين اكو طبيب كاعد هسه
صهيد- معليج كاعدين روحي لبسي بسرعه
اخذت جبه وشال لبستهن بالگوه والدنبوس انبزيت بأصبعي واني جاي البس الشال
شجان- اوي
باوعلي وما اهتم استغربت من تصرفاته حيل متغير بقيت صافنه وهو اجه
صهيد- يلا امشي
سحبني ونزلنا جوه صعدت بالسياره واخذني للطبيب
لكيناها كاعده دخلت فحصتني وابتسمت
الدكتوره- مبروك حبيبتي انتِ حامل
حسيت بشعور غريب فرحه على حزن ماعرف اني صافنه وفرحانه حيل بس انتبهت صهيد ابدا ما فرحان وتشكر من الدكتوره وسحبني وطلعنا لمن صعدت السياره رجعني للبيت وطلع وما شفته ابدا ماحجيت شي لاحد وجهزت نفسي للعزيمه ولبست فستان مستور خليت مكياج خفيف لبست حجابي وتعطرت واخذت جنطتي ونزلت جوه شفته جاي بأتجاهي وساحبني مرجعني للغرفه
شجان- شبيك؟
صهيد- شجان سقطي الطفل
انصدمت منه حيل مستحيل يكون هاذ صهيد مستحيلل ضربته راجدي وانفجرت بوجه
شُجان- صهيدد لووو تموتتت گدامييي ما اسقط هل طفللل انتت هل اياامم ماعرفف شبيكك صهيدد انسى انسى يموتت هل طفللل فهمتتت ابنكككك هااذذذ ابنككك ليشش تريددد تموتههه صهيددد ماحبككك اكرهككك اكرهكك انسى بعد ارجعلكك انسى فهمتتت! !!!!!! ماحبككك
بقى صافن وما حجه شي بس صدمني لمن گال بعصبيه
صهيد- شُجانن وحق ربجج اذا طلعتيي من هاذ البيتت مالج رده الهه فهمتي؟ !!!
دفعته ولمن فتحت الباب گتله بكل هدوء
شُجان- طلگني
انصدم واجه علي دفعته ورجع سحبني وقفل الباب
صهيد- شنو؟
شُجان- طلگني ماريدك وابني اني اهتم بي واربي! !!
صهيد- تردين اطلگج؟
خفت منه لمن صارت ملامحه ملامح عصبيه وبدا يقترب مني
صهيد- تردين تطلگين؟ ليش؟
شُجان- انت ما تهتم بيه ابددد ولا فرحتت لمن عرفت بيه اني حاملل طلگني صهيد اني الغبيه الي تزوجتك
صهيد- غبيه لان تزوجتيني؟ شُجان اني مو قصه مافرحتت بس انتِ طفلههه ويجيج طفلل هايي قصه ثانيههه ماتعرفيننن اي شييي! !!!! انييي خايففف عليجج وانتِ بكللل بساطههه ترديينننن تطلگييننن؟ ؟؟؟؟؟؟ شجانننن كلمه طلگني اذا تكررت صدگي امد ايدي عليج فهمتي ؟؟؟
دفعني وراح فتح الباب لگه كرار ووهبان بالباب
وهبان- صهيد شبيك تصيح على مرتك؟ !!
كرار- شجان خويه شكو؟
محجيت شي وبقيت ساكته
صهيد- ماكو شي خلاف بسيط اني ومرتي
وهبان - صهيد! ! لتجذب سمعتك تريد تخلي شجان تسقط الطفل! !!!
ماهتمله وطلع تفشلت حيل وبقيت مدنگه راسي حجو كرار ووهبان وهمه بعدهم بالباب
وهبان- شجان احنه اخوتج واسفين على الي سواه صهيد بس همه يكونن لتسقطين هل طفل
كرار- شجان والله ماعرف شكول بس اني اعتذر بدال صهيد السواه غلط
شجان- انتو معليكم ماكو داعي تعتذرون لان هل شي مو بسببكم
كرار- لا تطلگين منه
سكتت ماعرفت شحجي
وهبان- شجان حتى لو جان الخلاف هيج لا تفكرين بالطلاگ ابدا هاذ مو الحل
ضلو يعتذرون وبعدين راحو بقيت اني ومارحت للتجمع العائلي حتى كرار ما راح راح ويه جماعته يحتفلون وحدهم بدلت ملابسي وبقيت كاعده مخليه ايدي على بطني وامسح عليها
شجان- ماعرف اذا انت ولد او بنيه بس لتخاف اني راح احميك مراح اخلي ابوك ياخذك مني انتَ الحلم الي من واني صغيره احلم بي مستحيل اخلي احد ياخذك مني
ابسمت وطاحت دموعي بلحضتها تذكرت امي هم جانت صغيره وجابتني على الدنيا تذكرت ايامنا وشلون جانت تلاعبني بجيت بحرگه حسيت بهاذ الوقت اريد امي اخذت تلفوني واتصلت على اقرب انسانه على گلبي
شجان- عمه عادي تجين
رقيه- شبي صوتج؟ وليش ما اجيتي ويه رجلج؟
شجان- عمه عليج الله تعالي احتاجج يمي
رقيه- هسه اجيج يبعد روحي بس لتبجين
سمعتها صاحت للبنات
رقيه- كنان شمس ورده حبيباتي الباقي عليجن صارت عندي شغله هسه بسرعه اجي وما اتأخر
شمس- وين ترحين عمه؟
رقيه- لبيت صهيد
كنان- يمه شجان بيها شي؟
رقيه- لا ما بيها شي لتخافين بس تريد اساعدها بشي
كنان- ماشي روحي حتى لو تتأخرين عادي
سدت الخط واني بقيت ابجي عمه رقيه عاملتني مثل بنتها بحيث اذا احتاج شي اروحلها سمعت صوت الباب ورحت اركض فتحت الباب بس ما لگيت عمه رقيه لكيت صهيد مسحت دموعي بسرعه وحجيت
شجان- شتريد؟
صهيد- بيتي
شجان- اي المطلوب شتريد مني؟
صهيد- ليش تبجين؟
شجان- شعليك؟
صهيد- ليش خابرتي عمه رقيه ليش ما خابرتيني؟
شجان- صهيد انت ما تهتم بيه وحتى لو اتصلت عليك مراح ترد دزيتلك اكثرر من رسالهه وانتت ممجاوبب كتلك احتاجك بس انت ولا عبالك دا اراسلك خابرت عمه رقيه لان هيه الي تهتملي اكثرر منككك كرهتك صهيد
عافني وطلع بدون ما يحجي شي رجعت للغرفه واتصلت بيه عمه رقيه
رقيه- شجان شصاير بينكم؟
شجان- شنو؟
رقيه- ليش صهيد اجه ويصيح؟
شجان- شنووو!!!!
رقيه- تعالي الله يخليج
اسمع صوته وهو يصيح سديت الخط ولبست حجابي والعبايه بسرعه رحت اركض وگفت شوي لان بدت بطني توجعني ما اهتميتت ورحت اركض لحد ما وصلت طبيت للبيت بس قبل لا اطب للاستقبال سمعته يصيح وحسيت من نبره صوته يريد يبجي
صهيد- انتووو ما تحسوننن بالجاييي يصيرر وياييي جدييي انتت تقبلهاااا تكليييي طلگنيييي جدييي هاييي روحييي من الدنياااا ليشش تريددد تطلككك ليششش؟ احبهاااااا احبهاااا ماگدررر بدونههااااا
علوان- بس اهداء ليشش تصيح؟
صهيد- ولكم تگلييي طلگنييي شلونن انييي ماگدرر اتنفسس بدونهااا جدي اقنعها كلها لا تطلگ مني اريدها
دخلت وجانت الانضار علي جنت حيلل عصبيه وحجيت بكل عصبيه
شجان- تريدني؟ تحبنييي؟ ؟؟ لكك انتت صارلكك هوايي هاملنييي صارلكك شهر هاملنييي ولاا تهتممم بيهههه ولمنن عرفتتت بيه…
هز راسه بـ لا بمعنى ما احجي حملي لاحد بس ما اهتميتله وكملت
شجان- لمنن عرفتت بيه حامل ما اهتميت! !! ولاا درتت الي بالل انت شنو من بشررر؟ ساعهه تحبنيي وساعهه تكرهنييي ساعه تخليني احبكك وساعه تخليني اكره الساعه التزوجتك بيهاا شنو تريده بالضبططط؟ ؟؟
انصدمو لمن عرفو بيه حامل ، حسيت بنفسي راح اوگع لان دخت حيل للحظه اجة عليَ صهيد وحضني اني من الانهيار العصبي الصار وگعت بحضن صهيد ومافتحت عيوني اله واني بالمستشفى
شجان- صهيد
ماجان احد موجود يمي جنت وحدي دخل علي صهيد ومنزل راسه حسيته اكو شي
شجان- صهيد شكو
اجة وگعد يمي مسح على راسي وابتسم
صهيد- لو ما متلاحگ جان مات الطفل
شجان- بسببك انتَ صهيد
وخرت ايدي من ايده ودرت وجهي منه دخلو البقيه الي همه الحجيه وعمه رقيه وجانت وياهم جمره صارلي هواي مشايفتها جانت ضعفانه حيل وصاير عدها هالات وعيونها حمره
رقيه- شلون صرتي؟
سعاد- الحمد الله على سلامتج يمه
شجان- بيبي كولي لحفيدج يطلع برا ماريد اشوف خلقته
سعاد- صهيد اطلع برا
صهيد- بس
صحت
شجان- ماكو بسس اطلعع برااا ماريد اشوفكك
طلع برا بدون ما يحجي شي واجتي گعدت بصفي بيبي سعاد
جمره- ليش هيج صار؟
شجان- مافهمت؟
جمره- اقصد علاقتكم ليش هيج صارت؟
شجان- ماعرف
سكتت هيه ماجاوبت واجتي رساله على تلفونها حسيتها انصدمت
جمره- عن اذنكم راح اطلع انتظركم برا
طلعت وبقينا بس اني وعمه رقيه والحجيه
رقيه- يمه شجونه احجيلي اني مثل امج شبيكم؟ وليش ما كلتيلنا انتِ حامل؟
شجان- ماقبل اكول لاحد وراد يسقط الطفل
لطمت بيبي سعاد على صدرها مصدومه
سعاد- يمه يريدج تسقطين الطفل؟
شجان- أي …… عمه بيبي حبابات ماريد ارجع ويه صهيد ماريد اشوفه بعد اريد ارجع وياكم
رقيه- شجونه احنه نرحب بيج وكل الهلا نخليج على راسنا بس صهيد صح عصبي بس ميسوي اي شي اضمنلج مراح يأذيج بشي
شجان- ماكدر اني ما اطيق اسمع اسمه مو انوبب ارجع اعيش وياه
سكتت لان دخل علي نزلت عيوني ماريد اشوفه
صهيد- متوقعه مني أذيج؟
شجان- اتوقع كلشي منك !
صهيد- صح ماردت هاذ الطفل بس لمن گلي الدكتور راد يموت اله شويه خفت شجان اسف
سعاد- بعدين تحجون البنيه هسه تعبانه
صهيد- شجان اني راح اروح ترا
شجان- روح الله وياك
صهيد- ماگلتي وين تروح؟
شجان- شعلي بيك؟
صهيد- على العموم اني رايح لبغداد شهرين يالله ارجع صار عندي شغل
حسيت اكو شي غلط وما ارتاحيت لنبره صوت صهيد وحسيت اكو شي ضامه علي ولازم اعزف شنو الموضوع طلع ورجع للبيت يجهز نفسه واني طلعوني من المستشفى بس رجعوني لبيت علون خلوني نايمه بغرفه الضيوف الجوه لان ميصير اصعد وانزل الدرج واني بعدني ببدايه الشهر جابلي كرار غراضي لان طلبت منه يجبهن اخذت تلفوني وفتحته لكيت كومه رسائل من صهيد
- اعتذر منج شُجاني اسف هواي
- شجان ماجنت بوعي جان كل همي اخوي كرار
- انتِ تعرفين الصار وكرار بعده ماطالع من الاكتئاب
- شجونه وداعتج اسف ماعيدها بعد
- لتحرميني منج ماگدر بدونج
رديت علي برساله وحده
- صهيد اني اعرف شنو الصار بكرار وكلنا نحاول نطلعه من حاله الاكتئاب البي بس مو معناها تهملني؟ انت تعرف شگد كسرنتي؟ تعرف بسببك ردت اخسر فرحتي؟ انت تدري شگد يهمني هل طفل؟ ليش؟ لان منك! صهيد اني احبك بس انت كسرتني ماريد اشوفك لمن تروح لو لمن ترجع
شافها ورد
- اسف لأن كسرتج طلعي خلي نتفاهم اني برا
- ماريدد روحح ارجعع للبيتت
- ما ارجع لحدد ما تطلعيننن فهمتي؟
- صهيد الدنيا بارده ارجع للبيت لا تتمرض
- شفتي؟ خايفه علي اذا خايفه لهاي الدرجه طلعي اريد اشوفج
- امري لالله وجايه
طفيت التلفون وطلعت على كيفي لبست بس الحجاب وطلعت جانت الساعه بالـ3 الفجر طلعت ولگيته واگف وداير وجه لابس قمصله جان الجو بارد دار وجه علي وابتسم
صهيد- لتحرميني من شوفت هل عيون
شجان- انت الي ردتها مو اني
صهيد- شجان
شجان- ها
صهيد- احبج
طلع من جيبه علبه بيها حلقه سحب ايدي ولبسنياها واخذ الحلقه القديمه
شجان- ليش ؟
صهيد- اذا ما عجبتج ارجعها
اخذت نفس ومارديت علي ردت ادخل جوه للبيت بس هو ماخلاني وسحبني وشالني
شجان- شجاي تسوي؟
صهيد- اخذج للبيت
شجان- رجعني كتلكك ماريددككك
صهيد- مو هيه بكيفج خيه؟
شجان- اييي بكيفيي خويهه
صهيد- عيدي كلمه خويه اشگج بالنص وحق الله
دخلني للبيت واخذني للغرفه سد الباب وقفله وخلا المفتاح فوك الكنتور علمود ما الوحه
صهيد- خلي نتفاهم
شجان- ماريد ويلا انطيني المفتاح اريد ارجع
صهيد- لا خلي نتفاهم! !
شجان- صوتك لتعلي! !!
صهيد- صار بس خلي نتفاهمم
رحت گعدت على الجربايه وخليت رجل على رجل وكتفت ايديه
شجان- يلا احجي؟
صهيد- شجان وعد ما ازعلج المرا الثانيه
شجان- اووو شگد صارتت وعودد ما وفيت بيهاا
صهيد- مثل؟
شجان- كتلي وعد ما اخليج تبجين بسببي ولا راح أاذيج بس هاي انتَ خليتني ابجي وأذيتني حيلل
اجه تقدم علي وحضني بقى يبجي ويعتذر
صهيد- شجان ماريد اخسرج للمرا الثانيه اسف اني انسان عصبي ما يتحمل وجانت علي ضغوطات من كل النواحي انتِ ودراستج وكرار وخطوبته ووهبان وشغلي الي كل يوم يتأجل لحد ما صارت شهرين او اكثر لازم اغيب حملج الي صدمني شجان حسي بيه اني جاي اتعب بيكم هواي اربي هاذ واعلم ذاك وادرسج منا واخطب لهاذ وانصح بذاك وهل شي غلط لتسوو وهل شي صح شجان انتِ تعرفين شگد تعبت بيكم؟ شجان احبكم ماگدر احس طاقه ماعندي اريد ابقى اهتم بيكم ماريد تروحون مني وتروحون للطريق الغلط انتِ تدرين شگ. تعبت من بعد وفاة امي وابوي؟ تعرفين شگد جان عمر كرار وورده؟ جانو صغار ووهبان جان بعده مراهق اهتميت بي وماخليته نفس المراهقين شيبوني تعبوني جدي من ناحيه عمي عباس من ناحيه عمي باقر والباقين من ناحيه ماعرف شنو جان لازم اسوي بهذيج الفتره شجان اني تعبت حيل.، اسف يروحي وعد ما تنعاد وهل طفل راح نربي سوه ماشي يروحي؟
بجيت من صدك بجيت ماعرف هل انسان عانه هواي واني ضلمته حضنته وضليت ابجي علي ماجنت ادري بكل هل حجي جان ضامه بگلبه هو ضحك ومسح دموعه ودموعي وباس عيوني
صهيد- ههه لتبجين باعي اني مابيه شي كبرتهم ووصلتهم للقمه هاذ وهبان مهندس وهاذ كرار محامي وورده معلمه هذول الربيتهم اني ماخاب ضني بيهم وانتِ انتِ روحي الثانيه راح اربيج واعتني بيج مثلهم وما اخليج تطلعين اي معدل والسلام اريد منج تطلعين دكتوره ماشي
شجان- اسفه صهيد ماجنت ادري بكل الصار بيك ولا جنت مقدره ضروفك اسفه حيل، وبعدين بعدلي ثلاث سنوات يالله اوصل للساس
ابتسم وگام
صهيد- يلا خلي ارجعج لا انوب يخافون او يقلقون عليج
ابتسمتله ورحت حضنته شميت عطره واحس بداخلي شعور الفرح نزل على بطني وباسها
صهيد- اتمنى تطلع بنيه اريدها بنيه حتى وين ما اروح تجي وياي وتگلي بابا احبك وتكون دلوعتي وأميرتي هم
ابتسمت ولزمت وجه وبست راسه
صهيد- احبچ شجان
شجان- احبك اكثر
فتح الباب ولمن ردت انزل رجع شالني
صهيد- موزين على امييراتي
ضحكت ونزلني الدج ورجعني للبيت ودعته وطبيت جوه على كيفي جانو نايمين الحمد الله رجعت لفراشي واني فرحانه حيل نمت وحسيت راحه لمن گعدت جانت الساعه بالـ1 الضهر گمت بسرعه ولميت فراشي ورجعته للغرفه اخذت تلفوني وغراضي وخليتهن بغرفه عمه رقيه تأكدت ماكو احد واتصلت على صهيد
صهيد- صباح الخير حبيبي اني بالطريق لبغداد
شجان- صباح النور بعدك ما وصلت؟
صهيد- يرادلي ساعه هيج واوصل ان شاء الله لمن اوصل اخابرج
شجان- ماشي
صهيد- شجان
شجان- ها
صهيد- اكلي علمود يتغذى الطفل وهمم لتنسين لا تصيرين عصبيه موزين عليج ولا كلساع تروحين لغرفه كنان لو جمره لان غرفهن فوك ابقي جوه لتروحين فوك ابدا ماشي ؟ ولا تتحركين هواي
شجان- هههه صهيدد احبك شكرا وراح التزم بيهن كلهن ماشي؟
صهيد- احبچ يبعد روحي انتِ التزمي بيهن عصفورتي
سد الخط واني رحت اغسل ورحت يمهم لكيتهم گاعدين
علوان- صباح الخير
شجان- صباح النور بس هسه دنيا الضهر
علوان- يلا لعيونج كلشي يرهم
ابتسمت وگعدت بصف جمره
جمره- تعالي شجونه اسويلج احلااا اكلل علمود هل نونو يتغذى واذا ما سويتله ابوه يموتنا كلنا ههههه
لاحظت جمره تتصرف بغرابه حيل گامت وسحبتني وياها بس مو للمطبخ لا رحنا ورا البيت علمود محد يسمعنا او يشوفنا لمن صرنا وحدنا حضنتني حيل
جمره- شجان كرار ليش هيج ميرد علي؟
شجان - ماعرف والله اصلا مجاي اشوفه هواي بالبيت اغلب وقته طالع لو بالشغل لو بغرفته يدرس لو طالع ويه اصدقائه
جمره- بس البارحه دزلي رساله
شجان- شنو؟ صدك؟
حسيتها تريد تبجي بس اخذت نفس وحجت بنبره بيها غصه
جمره- گال ان كل واحد بطريقه ونرجع مثل قبل اني بنت عمه وهو ابن عمي ويرجع علاقتا بينا بس ميرجع يتقدملي وراح ينساني ويتمنى ان اني هم انساه، شجان ماعرف ليش هيج يريد يسوي ؟ اربع سنوات احنه نحب بعض ليش هيج يعوفني
شجان- اسمعي كرار يعرف شنو يختار واني اعرف كرار زين كرار مؤمن بشي اسمه قضاء وقدر ومؤمن برب العالمين ان راح يعوضه ويعوضج بالاحسن من كرار فهمتي؟
جمره- شجان بس اني اريده هو احبه هو ماكدر اشوفه ويه غيري.
حضنتي وضلت تبجي ضليت اطبطب عليها واهديها وخرت مني ومسحت دموعها واخذت نفس عميق ورجعت ابتسمت سحبتني وهل مرا رحنا للمطبخ خلتني اگعد على كرسي وبدت تسويلي اكل
رقيه- وين جنتن؟ دورت عليجن البيت كلة
جمره- عمه جنه ندور على شغله البارحه ضاعت مني
رقيه- ولگيتيها؟
جمره- اي لكيتها
سوتلي بيض وجاي وخلت الصينية يمي ورجعت ابتسمت وضلت تضحك وتسولف وياي
جمره- احم شجان اذا جانت بنيه شنو راح تسمينها؟
شجان- ممم ماعرف احتمال اسميها حور
رقيه- شني حور سميها اسم حلو
جمره- عمه شدراج انتِ بأسماء هل وكت سميها حور
شجان- اسميها جمره على اسمج
جمره- ههههه تتذكورني بيها
شجان- شنو قصدج؟
جمره- اقصد يعني اذا تزوجت تتذكروني فهمتي؟
شجان- هههه اي بس ماريدها خبله مثلج
رقيه- سميها ريحانه
جمره- ريحانه وكرفس ههههه
رقيه- بطلي تحشيشاتج
جمره- شبيج عمه
شجان- اهوو ماعرف شنو اسميها خلي صهيد يختار احسن
جفصت بس اشوفهن عادي ما انصدمو
رقيه- صهيد اليوم الصبح اجه قبل لا يروح
شجان- صدك؟
رقيه- اي وكال ان اعتذر منج وانتِ قبلتي الاعتذار
شجان- اي صح تصالحنا
رقيه- وصانه عليج نهتم بيج هل فتره وما نخليج تحتاجين شي ولا نتعبج بشي هاذ يرعد علينا رعد اذا خليناج تشتغلين شي لو تشيلين شي
جمره- اللهه اريد واحد مثل صهودات
شجان- صهيد رقم واحد وماكو منه
جمره- المنتج غير متوفر هههه
شجان- ههههه صح عمه خابري صهيد
رقيه- اي هسه
طلعت تلفونها واتصلت علي جاوبها
صهيد- ها عمه شجان بيها شي؟
رقيه- هههه اهداء مابيها شي كل ما اخابرك وتكلي شجان بيها شي مابيها غير العافيه تريد تحجي وياك
اخذت التلفون وگمت شلت الصينيه وسحبتها مني جمره
جمره- روحي غسلي واحجي ويه صهيد لا انوب يرعد علينا رعد اذا شلتيها
ضحكت ورحت غسلت
صهيد- بوية بيج شي؟
شجان- هممم جؤ مابيه شي بس اكلك
صهيد- گولي؟
شجان- انت ضايج مني؟
صهيد- لا بويه عليمن؟
شجان - شگد راح تطول؟
صهيد- هنه شهرين هيج واجي
شجان- اوه هواي صهيد
صهيد- عصفورتي غمضي فتحي خلصن الشهرين
شجان- ههه ماريد تطول هوايي
صهيد- لا بويه ما اطول ، يلا رايح اني ارتاح اروح اسبح وانام كلش تعبان ومانايم من البارحة
شجان- ماشييي احبكك
سد الاتصال ورجعت التلفون لعمه رقيه ورحت گعدت بالاستقبال يمهم وجان موجود عمي عباس
عباس- شجونه عمو شلون صرتي ؟
شجان- الحمد الله زينه
عباس- مبروك على الحمل ان شاء الله الذريه الصالحة
شجان- ان شاء الله
ضلينا نسولف واني التهيت ومرت الايام ورجعت المدرسه ورجعت ادرس وجان بقالي بس شهرين وتبدي الامتحانات نصف السنه والتهيت بدراستي وبحملي ما قصرو وياي كلهم ساعدوني جمره تقريني وكنان تساعدني بحملي وعمه رقيه تنطيني نصائح وعمي عباس يشتريلي ملازم اذا احتاجيت واخابر صهيد بين فتره والثانيه شديت حيلي اكثر لمن قرب يوم الامتحانات المفروض صهيد يجي بي بس هو ما اجه خفت وخابرته ورد علي
صهيد- ها بويه
شجان- شوكت ترجع صارن شهرين
صهيد- اعذريني لازم ابقى اكثر الشغل مجاي يخلص لازم اكمل هل بيت شلع گلبي كل ما نريد نكمله ابو البيت يگللنا ضيفو بعد غرفه وانجبر اقبل لان اذا ما قبلت مراح يقبل يدفع لا ألي ولا للعمال
شجان- يعني شگد؟
صهيد- انتظريني شهر واجيج
شجان- ممم تمام يلا رايحه اقره باجر عندي امتحان
سديته قبل لا يجاوب وطفيت التلفون وبقيت سهرانه اقره صارت دنيا الصبح وحضرت نفسي بطني صارت شوي منفوخه لان دخلت بشهري الثالث لبست ملابس المدرسه وتجهزت راجعت كلشي قريته قبل لا اروح وتوكلت على الله قريت سورة الفاتحه لأم البنين وتوكلت على الله جان منتظرني كرار يوصلني بطريقه
كرار- شلونج شجان؟
شجان - خايفه
كرار- لا ان شاء الله ماكو شي وانتِ حافظي على هدوءج
شجان- ان شاء الله
كرار- جمره اقصد يعني الاهل شلونهم؟
شجان- الحمد الله زينين
كرار- شمس بعدها موجوده؟
شجان- لا راحت تكول عدها امتحانات تعرف سادس اعدادي لازم تدخل وزاري
كرار- وانتِ ثالث هم لازم تدخلين وزاري
ضحكنا ووصلني للمدرسه وراح دخلت واني ارجف وخايفه حيل دخلت للقاعه الامتحانيه ووزعو الدفاتر والاسئله سميت بأسم الله وبديت احل طلعت لمن كمت رجعت جسمي ليورا وبرز بطني المنفوخه
اجتني المدرسه تسئلني
- ماما شبيها بطنج ليش هيج منفوخه حيل؟
استحيت اكلها حامل
شجان- لا عادي ماكو شي
اجتي يمي وهمست
- اذا صاير شي كوليلي اني مثل امج شجونة
شجان- ست ماكو شي والله
راحت بس بقت تراقبني وضلت تبسبس هيه والمدرسه الثانيه ما اهتميلهم وكملنا وقت الامتحان ولازم نطلع
- شجان ابقي انتِ اريد احجي وياج والباقين كلكم اطلعو
طلعن الطالبات وهنه يباوعن الي ومستغربات شكو وليش المدرسه تريدني طلعن وسدت الباب واجتي يمي وگعدع بالرحله الكدامي
- اذا صاير وياج شي كوليلي شنو سبب انتفاخ بطنج؟
شجان- ههههه ست والله ماكو شي وطبيعي هل شي
ردت المدرسه الثانيه
- باعي اذا ما تحجين نروح نبلغ الاداره لان انتِ هل اشهر الراحت بطنج تنتفخ شوي شوي وترحين للحمامات وتتقيئين هواي وهل مسئله لازم نعرف بيها
شجان- ست الشغله عاديه مجرد جنت مريضه وبسبب انتفاخ بطني لانن ………
ماعرفت شحجي بس فجا طبت طالبه وصاحتلي
- شجان واحد بالباب اسمه صهيد ينتظرج
لمن سمعت اسمه فرحت حيل وردت اروح بس المدرسات لزمني
- وين ترحين؟
شجان- اروح لان الولد يصيحلي؟
- ولي امرج؟
شجان- اي
- ابوج اسمه مو صهيد
شجان- اعرف ست ممكن تخلوني اروح؟
غلست عليهن ولميت غراضي وطلعت رحت اركض لصهيد فرحت كلش ماگدرت احضنه بنص الشارع صعدنا بسرعن السياره
شجان- صهيديييي
صهيد- هاا يروحههه
شجان- اويي اويي مشتاقتلكك هواييي
صهيد- واني همم مشتاق لعصفورتي، ليش تأخرتي بويه؟
شجان- صار تحقيق ليش بطني هيج منفوخه
لاحظ بطني حيل منفوخه يعني مو مال وحده حامل بشهر الثالث عبالك بشهر الخامس طبطب على بطني وانطلقنا للبيت
شجان- ليش جذبت علي البارحه؟
صهيد- ردت اسويلج مفاجاءا
شجان- ياييي شگد احبك صهوديي
وصلنا للبيت وطبيت سلمت عليهم وكتلهم جاوبت بالامتحان طبيت جوه لميت ملابسي وبدلت ولميت الباقيات وغراضي كلها لميتها لان حرجع ويه صهيد للبيت نزلت جوه وصهيد اخذ الغراض وخلاهن بالسياره واني گعدت على التخم
سعاد- اكلج يمه شجان يمكن انتِ حامل بتؤم
ضحكنا كلنا
صهيد- الله وايدج حجيه يصيرون عندي ثلاث اميرات
سعاد- لا شوف هسه بطن مرتك منتفخ حيل فه هيه حامل بتؤم اكلج انتِ تشتهين الحلا لو الحموضه؟
شجان- حسب مرات اثنيهن
سعاد- اذا هيج لو اثنين ولد لو اثنين بنات لو ولد وبنيه
شجان- بيبي منيلج هل حجي
سعاد- شوفي هسه تعلميني؟ هاي شكل وحده حامل بطفل؟ لا بيبي هاي انتِ حامل بثنين ان شاء الله يتممها على خير
ستأذنا ورجعنا لبيتنا لزم ايدي وباسها
صهيد- شجان؟
شجان- همم
صهيد- اليوم اخير امتحان؟
شجان- لا اول امتحان
صهيد- اها خوش باجر شعندج؟
شجان- عربي
صهيد-وصلنا نزلي ارتاحي وسبحي ونامي ولمن تگعدين احصرج حصره اخلي المعلومات ما تطير من بالج
شجان- اوي اعصابك صهودي
نزلت وهو نزل الجنطه وطبينا جوه جان البيت نضيف استغربت ولكيت كرار لازم الماسحه ويمسح بالبيت ويغني
كرار- كان يا مكان
كان يا ماكان
كان يا ماكان الحب مالي بيتنا ومدفينا الحنان مدفينا الحنان زارنا الزمان سرق منا فرحتنا والراحه والامان الراحه والامان … حبيبي كان هنا مالي الدنيا عليا بالحب والهنى حبيبي يا انا يا اغلى من عينيا نسيت مين انا؟ انا الحُب الي كان نسيتو اوان نسيت اسمي كمان … ها انتو هنا؟ ماجنت ادري اسف
صهيد- عاشت ايدك البيت نضيف بس نصيحه مني لتسمع هواي اغاني
شجان- صوتك حلو كرار
صهيد- اي صوتك حلو بس وفره مانريدك تطلع مغني
شجان- ههه مجنت ادري بيك هيج معدل وتعرف تنضف
اجانه صوت وهبان وهو ينزل ويراسل بالتلفون
وهبان- شعبالج هو حتى طبخ يعرف يطبخ غير عافتنا هذيج البينه وراحتت
شجان- اهوو ذب بساميرر
وهبان- وجع ياهو وياج انتِ
شجان- نينينين
عيبت علي وهو فر ايده وغمني وصهيد وكرار يباوعون
صهيد- وهبان شمالك احترم
طلع وكرار كمل نتظيف البيت وراح لغرفته يحضر نفسه للجامعه
صهيد- اليوم انتَ ماخذ شجان
كرار- اي جان عندي شغله وصلت شجان ورحت وقبل شوي رجعت وكلت خلي انظف البيت احسن
راح كرار للجامعه وصعدنا للغرفه رحت سبحت واني بالحمام اباوع على بطني حسيت بشعور غريب معقوله كلام بيبي سعاد صحيح وطلع صدك حامل بتؤم؟ استبعدت كل الافكار وطلعت من الحمام ورحت نمت لمن گعدت لكيت البيت مكلوب كلاب والعائله كلها موجوده يمنا استغربت شكو انفتح علي الباب واجتي جمره تباوع علي وكاتمه دموعها.
جمره- شجان
شجان- شكو يمعوده شصاير؟
سدت الباب واجت گعدت يمي حضنتني وضلت تبجي بحرگه وتبجي وتناشغ
شجان- شكوو يمعوده شصايرر احد بي شيي؟
جمره- گلبيي البييي شجانن گلبييي الببيي شييي
شجان - دحجي يمعوده لتخوفينييي
جمره- كر...كرار ... كرار قرر ... يتزوج
ورجعت انهارت بالبجي
شجان- شنو منو شوكت ليش هاي اني وين؟ شصايررر بس احددد يفهمنييي
جمره- اسمعي كرار خابر جدو وكله اريد الكل موجودين اليوم بالبيت حتى عمي عباس ابوي جان لمن اجينا اهنا …… گال … اريد اتزوج واعتذر من ابوي وكله انتَ اده بمصلحه بنتك واني قررت اتزوج غيرها ……… شجانن تتخيلييينن يريدد يتزوجهااا ليشش اله هيههه ليش هيهه هو اصلااا لمنن احجي وياهه يكلييي هيه مثلل اختييي وما افكرر بيهااا صغيرهه بعدهااا شجاننن شلوننن شلوننن گلبييي يحبها ماريد اخسر صداقتي بيهاا واني احب كرار شلون گدرر بفتره بسيطة ينسانييي شلونن
حضنتها وما عرفت منو الي يريد يخطبها كرار وما توقعت مني من البنات توقعت كل بنات العائله من بنات الخال والخالات والعمام والعمات اله هاي اخرر وحده توقعت ياخذها كرار ………
________________________
يتبع …
سيلووو بناتتت نزل البارت العاشر لا تنسون تشتركون بقناتي على التلي اسمعو اكو شي مهم كلته بقناتي وراح تعرفون بي شوكت انزل بارتات واي سؤال تعالو على التلي احسن قناتي على التلي ------EVANE__77
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!