رواية "الــيـل الـدامـس فـي الـجـحـيـم" الفصل التاسع 9 - بقلم ايـڤـانـي

بسم الله الرحمن الرحيم

اللهم صلى على محمد وآل ومحمد
______________________________________

گعدت الساعه بالـ7 المغرب رحت صليت وطلعلت كتبي وگعدت اكتب المواد المتراكمه عليَ وقريت المواد الي عندي بيها تحضير طب عليَ صهيد واني اقره ضل يباوع عليَ وما حجه شي راح طب سبح وطلع

صهيد- شجان اريد اسئلج سؤال

شجان- اسئل

صهيد- انسي انسي ماكو شي

شجان- احجي هيج ماگدر اركز بالقرايه انوب لا اجفص

صهيد- اريد اروح لبغداد

شجان- شعندك؟

صهيد- عندي اهناك شغل لازم اكمله

شجان- صهيد اكلك صح هو اني اعرف تشتغلون بالزرع بس هم عندك شغل ثاني؟

صهيد- طبعا كلنا عندنا اشغال ثانيه عمي عباس ضابط وهبان يشتغل مهندس ويه سلطة لان  سلطان يشتغل مهندس نفط وهاذ كرار جامعه محاماه يعني محامي

شجان- وانت شنو؟

صهيد- اني مهندس معماري كل شهر او اسبوع اروح لبغداد لان هناك شغلي وعندي اهناك بيت ببغداد

شجان- يعني انت مو فلاح؟

صهيد- بابا اسمعي هاي گاع جدي وهو صار جبير ما يتحمل وحده وكلنا نساعده بيها وهم يعني هاذ الزرع كله ننطي للناس الفقراء ونص اني اخذ وياي لبغداد اوزعها على دار الايتام ونص الثاني نبيعه للمحلات

شجان- اهاا فهمت طبيعه شغلكم

صهيد- يلا رجعي ادرسي

رجعت وگعدت اقره بتركيز. كملت دراسه الساعه بالـ 12 ونص حسيت بنفسي راح اطفى من النوم رحت واني دايخه ضليت امشي على كيفي على الجربايه عثرت ووگعت على راسي بالـ ميز تعورت

شجان- اوويي راسي

صهيد- شبيج !!

اجه عليَ وجان خايف لزم مكان العوره وشافها صايره حمره

صهيد- غيرر. تنتبهينن

شجان- اويي شبيك صهيد ترا توجعع ان شاء الله انت توكعع وتشوفف الوجعع

انصدم مني ومن ردي اله ضحك وباس مكان العوره

صهيد- وهسه هم ان شاء الله اوگع؟

شجان- اي

باوعتله وهو صفن راح طفى الگلوب وراح للجربايه

شجان- هاي شنو. اوكفف مجاي اشوفف شيي افتحح الگلووبب يمعودد

فتح ضوه تلفونه وباوع عليَ

صهيد- دلمي غراضج بسرعه وتعالي نامي باجر وراج صباحي

رحت لميتهن وحسيتت احتريت حيل رحت للكنتور وطلعت دشداشه لونها احمر وبي شويه لون اسود باوعت على صهيد لگيته يباوع عليَ بتركيز

شجان- ها

صهيد- ياهو يمج بدلي بدلي

شجان- وانت تباوع عليَ؟

صهيد- بعد كم يوم كلشي اشوف بابا بدلي بدلي

شجان- والعباس ما اله اروح ابدل بالحمام

رحت طبيت للحمام وبدلت ورجعتله خليت عطر شويه وفتحت شعري وسويته ضفيره ورحت نمت

صهيد- اطفي الضوه؟

شجان- اي طفي جا شنسوي بي

طفى الضوه واجه يمي خلى راسه برگبتي وگعد يشتم بيها

صهيد - شحلاتج وشحلا عطرج

شجان- صهيدديي شبيك

صهيد- لكك هاذذ ابو سميرهه گعددد

شجان- منو هاذ ابو سميره

صهيد- هاذ الغاليي هاذذ الروح والريه ابو سميره

شجان- جني افتهمت منو هاذ

باوع عايَ وگعد يضحك بصوت عالي واني اسد بحلگه بيدي بس هو مستمر

شجان- ولكك صهيدد اسكتت يمعودد اخوانكك نايمينن

صهيد- ااههخخ يمه استغفر الله ربي بالله منو هاذ ابو سميره؟ 

شجان- صديقك غير؟ 

باسني من شفتي بوسه خفيفه ورجع باسني من خدي

صهيد- بنتي بريئه فديتها

شجان- شبيك كل ما صحتلك الفرصه اجيت وبستني شنهي خالي ما شايف روح عني اني طالبه ثالث

صهيد- بعد ما ابوسج والله وحلفتت بعد ما ابوسج

وخر مني واني هم وخرت منه شنهي ما شايف وكلساع زارگني ببوسه نمت بعيده عنه بس خفت اقتربت شويه منه

صهيد- خايفه؟ 

شجان- اسم الله الرحمن شوكت تنام انتَ

صهيد- من عبسي ينام

شجان- اي خايفه

دار وجه عليَ وفتح ايده

صهيد- تعالي لحضيني جا

رحت يحضنه وهو ابتسم ونمنا. ، گعدني الصبح ورحت بسرعه غسلت وبدلت ولبست حجابي شفت عطر من عطور صهيد عجبني عطرها خليت منه وسمعت صهيد يصيحلي بسرعه اخذت الجنطه وطلعت

صهيد- يلا بابا راح تتأخرين

شجان- اجيتكك با.. احم اجيت صهيد

صهيد- ردتي تكولين بابا؟

شجان- انسى يمعود يلا راح اتأخر

صعدنا بالسياره ووصلني للمدرسه قبل لا انزل صهيد صاحلي

صهسد- كولي بابا عادي مراح ازعل اعتبريني ابوج الثاني مو بس زوجج

ماعرفت شجاوب بسرعه نزلت ورحت للمدرسه رحت للصف وگعدت حجت البنيه اليمي

- اگلج شنو اسمج؟

شجان- شجان

- واني زينب

شجان- تشرفنا

زينب- اكلج منو هاذ الي يوصلج البارحه شفتج صعدتي وياه

شجان- ابن عمي

زينب- بس مبين علي صغير

شجان- لا مو صغير

زينب- على فكرا كلش غريب لان هو مبين عمره عشريني وحتى اليوم شفتج نزلتي من السياره

شجان- شنو انتِ تراقبيني؟ 

زينب- حلو

شجان- منو الحلوو ولج

زينب- الي يوصلج يوميه

شجان - احترميي نفسج متزوج

زينب- محسستني انتِ مرته

شجان- كافيي لتدخلينن! !!

على صيحتي طبت المدرسه

- هاي شكوو ليش تصيحين گومي لج

شجان- ست تدخل بحياتي وتكول على ابن عمي الي يوصلني حلو كتلها متزوج اتكلي محسستني انتِ مرته ست اني ما احب اي احد يدخل بحياتي

- شو لسانج طويل وتراددين

زينب- اي ست شفتي اني يطلعلي صوت؟ 

- وين انتِ اصلا فقيره ميطلعلج صوت امشي روحي للمديره وين المراقبه

زينب- ست المراقبه اليوم غايبه

- امشي اني اخذج للمديره زينب اوكفي على الصف

اخذتني المدرسه وطلعنا

- بنتي ميصير هيج تتطاولين ويه المدرسات انتِ جبيره المفروض تفتهمين

شجان- ست بس هيه ادخلت

- هو منو اصلا الي يوصلج؟

شجان- ابن عمي

- ليش وين ابوج؟

شجان- مات صارله شهرين

- الله يرحمه واسفه لان ذكرتج

شجان- لا عادي مصار شي

- بس لازم اوديج للمديره واخلي هاذ ابن عمج يجي

شجان- محافظة رقمه

- المديره عدها

طبينا للمديره والمدرسه حجتلها الصار والمديره ضلت ترزلني

- انطيني رقم ولي امرج

- ست ولي امرها هاذ الولد البارحه اجه وياها 

- هاا عندي رقمه هسه اخابر علي

بعيني الدمعه وضليت ابجي بالخلسه وخابرت صهيد بقى شويه واجه طب للمدريه لمن شافني ابجي استغرب

صهيد- شجان شبيج ليش تبجين شبيها؟ 

المديره- اعصابك عيني اعصابك

صهيد- شنو اعصابيي شبيهاا تبجي؟!!

شجان- ماصار شي

صهيد- جا ليش تبجين

المدرسه- عيني شتصير منك البنيه؟ 

شجان- ست كتلج ابن عمي

صهيد- زوجها

انصدمت المديره والمدرسه كذالك باوعت على صهيد بنضرات الي ليش تحجي

صهيد- هاا؟  خلي يدرون واذا؟  متزوجج على حسابهم؟ 

المديره- شبيك هسه انت كلبت المدرسه گلاب

صهيد- واحرگ المدرسه علمود مرتي

المدرسه- هسه على كيفك ويانا

حجتله المدرسه الصار بس هيه ما درت

صهيد- سمعتج منج دور اسمع من مرتي احجي

دار عليَ واني واگفه متوتره وحجيتله الصار

صهيد- يعني هسه الي افتهمه هاي البنيه مدخله بحياه مرتي ومرتي ما تحب احد يدخل بحياتها بشنو غلطت وصحتولي؟ 

شجان- ست اني ما غلطت بشي

المديره- رجعي للصف يلا

صهيد- لتصيحين عليها

المديره - استاذ احنه بمدرسه احترم

باوعت لصهيد وطلعت من غرفه المديره ورحت للصف اول ما طبيت للصف اجتي وحده وراي بسرعه راحت شاورت زينب وهيه انصدمت وضلت تباوع عليَ رحت گعدت على الرحله وما اهتميت صاحت زينب بصوت عالي

زينب- بناتتتت اسكتوو خلي احجيلكمم شييي

سمعت الصف صار هدوء

زينب- تدرون وياناا بنيه متزوجه؟

انصدمت هاي بس لا تقصدني ؟ والعباس اذا كالت اني اگوم انعنع ضلوعها سمعت وحده من البنات تسئلها منو

زينب- تعرفون البنيه البارحه الاجت؟ هايي الي گاعده يمي متزوجه وزوجها يوميه يجيبها

ماتحملت وگمت ضليت اضرب بيها

شجان- كتلجج لا تدخليننن بحياتيي شبيجج انتِ ما تفهمييننن

گعدت على بطنها وضربتها ولمن رادت تدافع عن نفسها اخذت ايدها وعضيتها وهيه ضلت تبجي والبنات يوخروني منها

شجان- والعباسس اليوم ما تفلتيننن منييي كتلجج لا تدخلينن بيهه لا تدخليننن معليجج بيههه

زينب- عوفونييي اليومم اكتلهاا

اجتي نفس المدرسه ولمن شافنتي بهيج حاله نزلتني اني وزينب الشي المستغربه منه لمن اريد اطب لغرفه المديره شفت صهيد طلع ولمن شاف خدي بي خراميش ويجري دم ركض علي

صهيد- شجان شجان شبيج بابا شبيج ليش هيج وجهج

شجان- كله من ورا هاي فضحتني گدام الطالبات وتكلهم اني متزوجه

گعدت ابجي والمدرسه تسحبني للمدريه دخل صهيد وراي وهو صاير اعصاب

صهيد- منو سمحلج تروحينن وتفضحينها؟  مالجج شغلل بيهاا شلجج غرض بيهاا اذا متزوجه او لا؟ 

زينب- عمو بس ردت اضحك الطالبات

صهيد- تضحكينن الطالباااتت بحسابب شجااانن انتِ وينن ابوج عنج!  احترميي شويه ماعندج اخلاق ابدا

المديره- اعصابك استاذ صهيد

صهيد- بقيتو بيه اعصاب متشوفونن وجه مرتيي شلون يجري دممم

زينب- جاا ومرتك ما قصرت هم ضربتني وشوف هاي العضه انجلبت علي صارت جنها جلب

راوته العضه وباوع عليَ دنگت راسي لان مستحيه

صهيد- لتگولين عليها جلب فهمتي؟  الي ما رباج عدل جلب فهمتي لو لا؟  تردين اربيج مرا ثانيه طيح الله حظ هيج تربيه سزز

المدرسه- عيني انقل مرتك لغير مدرسه احنه ما نتحمل هيج مشاكل من ثاني  يوم داومت بي وهيج

صهيد- ما ميت على مدرستكم بويه شجان روحي جيبي جنطتج وانعل ابو هيج مدرسه اني بعد ادخلج بمدرسه حكوميه؟  اتفلي بوجهي وانتِ حسابج عند ربج

زينب- بس اني مسويت شي

شجان- خرمشتينيي

زينب- جا انتِ عضيتيني وملختيني وطيحتي حظ حظي

صهيد- حل وياج،  يلاااا شجاننن لتصفنين روحي جيبي الجنطه

رحت بسرعه للصف اجيب الجنطه ولگيت البنات يباوعون عليَ

شجان- حسبي الله ونعم الوكيل بيج الي حجت لزينب وفضحتني حسبي الله على كل وحده بيجن

اخذت الجنطه وطلعت رحت لصهيد ولگيت البنيه تبجي عرفت انطوها فصل اسبوعين ودزو على ولي امرها واني وصهيد طلعنا من المدرسه

شجان- اسفه

صهيد- بعدين نحجي

شجان- صهيد

صاح

صهيد- بعدينن نحجي

صعدنا بالسياره واحنه بالطريق عبر طريق البيت

شجان- بس البيت مناك

صهيد- تخذج اسجلج بمدرسه اهليه

شجان- هيه البدت والله

صهيد- بنتي ما تغلط ولو غلطت غلطها بعيني صواب انتِ ما سويتي شي وقليل بحقها السويتي

شجان- بس انت زعلان مني

صهيد- منو گال اني زعلان منج؟  شجان اكو واحد يزعل من روحه؟

اخذني لمدرسه اهليه واتقفو على كلشي وثاني يوم يصير الدوام مالتي وانطوني الزي مالتهم ودفع صهيد كل التكاليف ورجعنا للبيت

كرار- شو رجعتي ؟

صهيد- انت شعندك اهنا مو المروض بالجامعه؟

كرار- ها؟ اي صح احم لاعندي محاضره وحده

صهيد- انطوك انذار مو

كرار- لا يمعود بس كتلك عندي محاضره وحده

صهيد- ديلا خوش وين شسمه وهبان؟

كرار- ماعرف راح للمطعم

صهيد- خوش

سحبني ورا ورحنا للغرفه رحت اني بدلت ملابسي وگعدت على الجربايه

صهيد- تعالي بابا خلي احجيلج شي وخلي ترجيه بأذنج

شجان- احجي

صهيد- باعي السويتي غلط كلش غلط بس اني ما احب اطلعج انتِ الغلطانه البنيه مشوهتها وضافرچ؟ شنو هاي؟  قرضيهن هسه گدامي وبعد ما اريد تسوين شي غلط فهمتي؟

شجان- بس ...

صهيد- لا بس ولا شي اضافرج بسرعه روحي قرضيهن لا اجي اني اقرضهن وين تلفونج؟ 

رحت على الميز وانطيته اله

صهيد- هاذ البرنامج شتسوين بي؟

باوعت لگيته الفيسبوك

شجان- حذفه ماريده

صهيد- رقمج بس اني وجمره وكنان وشمس واختي ورده وعمه رقيه والحجيه ماريد اي احد غريب

شجان- واخوانك؟

صهيد- بس اخواني الباقين ماكو بجهازج فهمتي؟

شجان- صار

صهيد- شجان اني لمصلحتج ماريد تنطين رقمج لأي احد

شجان- ليش؟

صهيد- ما تعرفين شراح تسويلج اني ما أامن بأي شخص

شجان- ماشي

صهيد- لتزعل مني عبسي

شجان- اهوو لتكول عبسيي طنطل

صهيد- اذا بطلتي تگولين طنطل ابطل اكول عبسي

عبست وجهي ورحت لبست حجابي ونزلت جوه ما لكيت احد ورحت للمطبخ گعدت اسوي غده ورا شوبه سمعت صوت الباب ردت افتح بس فتحه قبلي كرار وجانت مراه ووياها بنيه صغيره

كرار- اهلا وسهلا منو؟ 

- اني بيت ام عادل اذا تعرفني اريد اجي واشوف صهيد عندي حجايه وياه

كرار- هسه اشوفلج صهيد اذا موجود او لا

طب كرار ولمن شافني

كرار- صهيد موجود؟

شجان- اي موجود

كرار- صيحليله كليله ام عادل تريدك

شجان- مني هاي ؟

كرار- حتى اني اول مرا اشوفها

رحت صعدت على صهيد لگيته يخابر لمن شافني سد. التلفون

صهيد- ها

شجان- اكو مرا تريدك بالباب

صهيد- مراه؟

شجان- اي وعلى الاساس اسمها ام عادل مدري شنو

صهيد- هاا هاا عرفتها ام عادل بيتهم بالفرع الثاني

نزل صهيد وسلم عليها وعلى البنيه بأحترام رحت اني جبت العصير من الثلاجه وصبيت بگلاصات ورحت قدمته الهن

ام عادل- تعالي يمه گعدي يمنا اريدج بشغله

شجان- اي تفضلي؟ 

ام عادل- من رخصه صهيد بس احنه جاينج نخطبج لابنا عادل

شجان- ها!!؟

صهيد- حجيه شجان مرتي

ام عادل - جا انت مو تزوجت مريم؟ 

صهيد- طلگتها وتزوجت شجان

ام عادل - ياا اعذرنيي يمه والله ما جنت ادري

صهيد- ما صار شي

ام عادل - يلا احنه نترخص

صهيد- مرخوصه حجيه

راحت المراه والبنيه وصهيد يباوع عليَ

صهيد- توافقين؟ 

شجان-شنو ؟

صهيد- توافقيننن على ابنها عادلل؟ !!

شجان- شبيك صهيد

استغفر وراح للغرفه شلت الگلاصات وغسلتهن ورجعت للغرفه لگيته متمدد على الجربايه ولابس فانيله وشورت

شجان - شبيك قبل شويه؟؟؟

صهيد- قفلي الباب

شجان- يمه ليش

صهيد- قفلي الباب جاي اكلج

قفلت الباب ورحت يمه سحبني علي وصرت جواه

صهيد- ابو سميره ميتحمل بعد

شجان- منو هاذ ابو سميره؟

صهيد- هسه اراويج منو ابو سميره وشنو يگدر يسوي

شجان- صهيد لتحجي بالالغاز

اباوع علي ونزل الشوت مالته رحت مغمضه عيوني واحاول ادفع بي

شجان- الببسسس لككك ما تستحيي
صهيد- هاذ ابو سميره شفتي؟

شجان- شفتههه وياريتنيي ماعرفتتت منو هاذذ ابو صخااممم

صهيد- بعده ممسوي شي تعالي

سحبني علي وحاولت اقاوم بس ه فجاء ضل يهدي بيه وكأنُ طفله ويهدي بيها

صهيد- لتخافين مراح تتأذين اوعدج مراح اأذيج راذا تأذييتي كليلي حبيبي انتِ

باسني بخدي ورجع باوع بعيوني وباسني بشفتي ولمن اطمنت سلمت نفسي اله،  ورا ساعه واني نايمه بحضنه واحس راح اموت من الخجل شنو سوينه قبل شويه بقيت حاضنته حيل وضامه وجهي بصدره

شجان- فلكك شسوينااا قبل شويههه

صهيد- هاي بعد صارت امشي خلي نروح نسبح

شجان- سوههه!!!!!

صهيد- تر شفت كلشي ماكو داعي تستحين

شجان- لااا انت تسبح وحدك واني اسبح وحدي

صهيد- بكيفج

راح صهيد وطب سبح واني بقيت بمكاني احس ببطني توجعنيي وما خف الوجع مثل السجاجين وتدخل برحمي بقيت اون من الوجع وطلع صهيد يباوع عليَ ولمن شافني اون اجه عليَ ركض

صهيد- شجان شبيج؟ !!!

شجان- بطنيييي توجعنيي

صهيد- سهله سهله هسه يخف الألم

شجان- توجعنيي حيلل

صهيد- طبي سبحي بلگي شويه يصير زين

طبيت للحمام اسبح بس بعده الوجع طلعت من الحمام ولگيته يباوع عليَ وخايف

شجان- لتسوي نفسك خايف كله من وراك انتت

صهيد- شعليَ اني غير ابو سميره

شجان- انعللل ابو سميرهه والله اذا صارتتت مرا ثانيهه ازعل عليك

صهيد- تزعلين وين ترحين؟

شجان- اروح وين ما جان

اجه اقترب مني ولزم وجهي بين ايدي

صهيد- بعدج متوجعه؟

شجان- اي

حجيتها وبجيت من الوجع

شجان- بطنيي صهيددد اللهه ياخذذذ ابو سميرهه

صهيد- لا تدعينن علي ولج هاذ الغالي شلون اسوي زعاطيط بعدين؟ 

وخرت منه ورحت لبست ملابسي ولبست العبايه والشال واخذني صهيد للدكتوره النسائية بقيت اوت من الوجع ولمن وصل دورنا طبيت اني وصهيد

الدكتوره- سلام عليكم تفضلو اگعدي حبيبتي اهنا شنو مشكلتج؟

شجان- هاذذ

اشرت على صهيد وهيه ضحكت

الدكتوره- اقصد من شنو تعانين من وجع

جاوبها صهيد

صهيد- بطنها توجعها

الدكتوره- شنو اصير منها؟

صهسد- زوجها

الدكتوره- ماشي تعالي على السديه

رحت نمت وهيه بدت تفحصني

الدكتوره- بطنج ما بيها شي خلي افحص بالله رحمج

ضلت تفحص واستغربت

الدكتوره- ما بيج شي حبيبتي بس تعالي اسئكم كم سؤال

رجعت گعدت يم صهيد وهيه بدت تسئلنا

الدكتوره- كتلي انت زوجها مو؟ 

صهيد- اي

الدكتوره- خلينا نحجي صدك وبدون الغاز،  انت اليوم مقتربلها؟ 

صهيد- احم اي

الدكتوره- اول مرا لو شنو؟ 

صهيد- اي اول مرا

الدكتوره- ها مو اكول عادي حبيبتي هاي اوجاع طبيعيه شويه وتخف هسه اكتبلج مسكنات وتاخذيها لمن تحسين بوجع

كتبتلنا علاج وطلعنا. رجعنا للبيت وراح صهيد يجيب اكل من برا ورجع واجو كرار ووهبان اخذت منه الاكل ورحت سفطته بالصينية ورحت خليته بالگاع
گعدنا ناكل

صهيد -وهبان شلونك بالشغل؟ 

وهبان- الحمد الله زين

صهيد- دايم

وهبان- صاحبي گال لكيت شركه تحتاج مهندس لهاذه باجر اروح وأشوف

صهيد- موفق.

كملنا اكل وشلت الصينيه وغسلتها وكملت سويت جاي ورحت انطيتهم وگعدت يم صهيد
همسلي

صهيد- نروح لبيت جدي؟

ابتسمت بفرح

شجان- ايي حباب خلي نروح

صهيد- جا گومي يلا

رحت بسرعه للغرفه طلعت فستان طويل وردي وشال اسود ردت ابدل وطب صهيد

صهيد- ها يلا يلا راح اطلع

طلع واني فرحت لان تفهمني ورحت قفلت الباب وبدلت لمن كملت فتحت الباب ورجع طب اخذ ملابسه واني طلعت من الغرفه شويه وفتح الباب

صهيد- طبي

شجان- كملت يلا

صهيد- يلا جا

طلعنا وكرار ووهبان سابقينا يمهم گعدنا نتمشى وصهيد لازم ايدي قوي عبالك راح اطفر منه
طبينا للبيت وسملنا عليهم رحت لجمره وكنان حظنتهم

جمره- زقچه وينج مختفيه ولج

كنان- صارلج يومين مدري شگد ماكو ولج

شجان- يمعوده والله دراسه وملتيه

كنان- اكلج تعالي للغرفه نريد نسولف

اخذتني للغرفه وطبينا اني وجمره نباوع عليها تريد شويه وتبجي

جمره- يا ستار شبيج؟ 

كنان- وهبان ميحجي وياي صارله اسبوعين ما يحجي وياي ولا يباوع عليَ

جمره- ك*** اخت وهبان امداج اي والله

انصدمنا اول مرا نسمع جمره تفشر هيه استوعبت واعتذرت من عدنا

جمره- اسفه بس اقصد يعني شماله هاذ؟ 

شجان- كنان وهبان حتى ويانا ما يحجي اليوم بس على الغده حجه وكال راح يشتغل بعياده صديقه

كنان- سوده عليَ وهوبي

جمره- ها ها ها هيوو شنهي وهوبي ولج بطول العامود تگليله وهوبي

كنان- شبيج جموره

شجان- جموره لو جمهور

جمره- ها انعديتي من كرار؟ 

شجان- اي والعباس

ضلينا نضحك ونسولف وورا شويه سمعت صهيد يصيح

صهيد- صيحولي مرتي خلي نروح باجر عدها مدرسه

اجت علينا عمه رقيه

رقيه- يلا رجلج يريدج

ابتسمت وطلعت سلمت على جدو

علوان- بنيتي شجونه صارله شگد من مات ابوج الله يرحمه؟

شجان-راح نطب ثلاث اشهر

علوان- باعي بنيتي كملي دراستج ونسويلكم عرس انتِ وصهيد

شجان- خلي يصير سنه يالله عود نسوي عرس

علوان- صهيد تگرب صوبها بهل سنه

صهيد- اي خوش

علوان- صهييددد

صهيد- اي اي وداعتتتكك

علوان- شجان جيبي غراضج وتعالي اهنا لحد ما تكمل هاي السنه يالله ترجعين لبيت صهيد ما أمن اهناك

صهيد- مرتي

علوان- شعليك واذا مرتك خليها اهنا ولمن تطلع دوره السنه مال ابوها اسويلك عرس وتصير مرتك مرتك

صهيد- بس بالقانون مرتي

علوان- يمي هيه مو مرتك ولتعاند وروح جيب غراضها

راح صهيد وجاب غراضي طلعتله بالباب
واني لابسه شيله بيبي سعاد لا احد الولد يشوفني
اقترب مني. و وخر الشيله من وجهي وانطاني بوسه خفيفه بشفتي وانطاني الغراض اخذت منه الغراض ودرت وردت اطب ردت وجهي علي

شجان- صهوديي

دار وجه عليَ

صهيد- عييون صهودج؟

انطيته بوسه بالهوى وضل صافن

صهيد- لنعل اليبعدني عنج

صار يقترب اكثر واني طفرت منه رحت طبيت جوه واني اضحك علي رحت لغرفتي القديمه وخليت غراضي بيهن بس لكيت كم لبس ناقصات رحت خابرت على صهيد

- صهوديي

- خليتي ابو سميره يگعد وانتِ طفرتي مني مو اني اعلمج

- شبيكك صهوديي يا حبيبيي شسوينالكك هسه

- باجر رايح لبغداد تردين شي؟ 

- ايي

- عيوني انتِ تأمرين أمر

- عندي كم لبس ناقصات وينهن مثل الفستان الاحمر وشالي الاسود

- هذني يمي اشتم عطرج بيهن وين يالله اشوفج بعد

- ليش وين راح تروح؟ 

- مو كتلج لبغداد

- اي اعرف اقصد شگد راح تبقى؟ 

- ماعرف جوز شهر ونص ابقى هيج

- منو يوديني للمدرسه باجر؟

- باعي قبل لا اروح اوديج للمدرسه واروح لبغداد ماعندي شي حتى لو اوصل باليل

- هممم ماشيي حبيبيي

ضليت احجي وياه بدلع شويه خلي تصير عندي انوثه

- شجان

- هممم

- شو صايره تدلعين عليَ واني خفيف ما اتحمل

- شنو خفيفف يعني اذا بنيه غيريي تدلعت عليك تصيرر خفيفف؟ 

- عمي اني اسرسح بس عليج والعباس انتِ بالگلب شحدها التوصلج

-- صهيديي احبك

- شگلتي؟

- شنو شكلت

- كلتي شيي عيدي

- ماكلتت شي

- لا گلتيي عيدي شگلتي

- ها باي باي عمه تصيحلي

سديته بوجه يمه ليش كتله احبك

نزلت جوه وگعدت يمهم رجعت الشليله لبيبي

سعاد- اكلج يمه ما تجيبين علاجي

شجان- وين؟ 

سعاد- تلگينه بغرفتي يم الجربايه

شجان- صار

رحت اجيب العلاج مالها. واخذته الها

شجان- هاذه؟

سعاد- اي جيبيلي مي ولو اتعبج

شجان- تعبج راحه حجيه

رحت للمطبخ وجبتلها مي ووديته الها ورحت گعدت يم جمره وكنان

جمره- ها شجونه

شجان- ضايجه وعلي

جمره- تردين اودي سلطان يجيبلنا حلويات ونگعد نباوع على مسلسلات؟ 

كنان- اي والله فكره حلوه

جمره- يلا شجونه لعد راح اودي سلطان

شجان- لااا اني راح اخابر صهيدد يجيبلنا جا شنو شغلته؟ 

جمره- بيش الساعه هسه؟ 

كنان- يمكن راح تصير بالـ12 باليل

شجان- لالا باجر عندي مدرسه لازم انام

طلعت من الغرفه ورحت لغرفتي تمددت واخذت التلفون ضليت اباوع بي ماكو شي علي ومليت كلش ومجاي يجيني نوم رحت اتصلت على صهيد وجاوبني بصوت نايم

شجان- نايمم المدلولل نايممم وعايفنيي

صهيد- شجان شتردين راح تصير بالوحده ما تنامينن! !

شجان- هايي شبيكك حبيبيي ليش هيج عصبيي

صهيد- لا وين العصبي مگعدتني للساعه ابيش بالله ... اها الساعه بالـ 12 ونص شعندج

شجان- هاي بدال ما تكول مرتيي حبيبتيي اشوفهاا شنو تريد؟  بطلت بعد ما احجي وياك

صهيد- اوكفي اوكفي

شجان- ها

صهيد- انتِ خايفه مو؟ 

استغربت منه ليش هيج يفكر؟ 

شجان-تقريبا ليش؟ 

صهيد- تردين اجيج؟

شجان- شعندك تجيني يمه

صهيد- هاي بدال متگولين زوجييي حبيبيي هلا بيك؟ 

شجان- جاي تقلدني؟ 

صهيد- لا ما اقلدك عبسي بس ادري بيك تخاف من خيالك

شجان- شبيك صهوديي

صهيد- شني صهودي ولج متستحين

شجان- صهيييدييي

صهيد- ها يبعد روحه لصهيدج

شجان- كول ميو

صهيد- شني هاي انوب جديده؟ 

شجان- شبيكك مرا وحده

صهيد- ماگول روحي نامي حبيبتي روحي نامي

شجان- صهوديييي

صهيد- ميو … احم احم اي هذيج بزونه يمكن روحي روحي لج روحي

شجان- اي واسمهاا صهييدديي

صهيد- خرا بيومج اي والله زلمه شكبرني شعرضني خليتني وحده جنها عبسي اكلها ميو ياول حظ ياولل غسللل لهل وجهه هاذ

شجان- شبيك صهيد

صهيد- بيه انتِ

شجان- صهيد

صهيد- هااا

شجان- وجعااا

صهيد- گد كلمتج؟ 

شجان- شنو ؟

صهيد- كد كلمتج؟ 

شجان- لا

صهيد- شلونن منكك يلسانيي ماريد افشر عليج

شجان- وشحدككك؟ 

صهيد- هاي عليمن ولج؟ 

شجان- عليك

صهيد- جايج

دزيت بصمه واني اكول
" لو زلمه تعال. انتظرك صهوديي"
شافها وما رد ورا شويه سمعت صوت الباب ينفتح سمعت صوت سلام جوه وما اشوف اله صهيد گبالي وساد الباب وقافله واجه عليَ

صهيد- غصبا عليج زلمه شجونه

شجان- نشاقه يمعود

صهيد- هاي اني كدامج يلا شتردين تسوين؟ 

اقترب مني وابتسم

صهيد- كولي اريد انام وياك؟ 

شجان- انجبببب لككك شني انامم وياكك ما تستحييي؟ ؟؟

صهيد- مرتييي هيوو وين راح تفكيرجج اقصد انام بصفجج ياول غسلل امداج

شجان- هيي اطلع برا

صهيد- واذا ما طلعت؟

شجان- اصرخ

صهيد- تردين بيبي سعاد تگعد وتكتلني اني وياج والله

شجان- اكتلك

اجه گعد يمي ولزم ايدية وباسهن ورفعني خلاني بحضنه ضل يبوس برگبتي ويشتم بيها

شجان- صهيد شبيك وخر

صهيد - هاويج اني تدرين

شجان- صهيد...

صهيد- روحه لصهيد

باوعت بعيونه وحضنته

شجان- احبك

صهيد- عيدي ما سمعت؟

شجان- احبك هاويتك اعشگنك اموتن عليك

صصهيد- هايم بتفاصيلج مهووس بيج اني اريدج بس ألي محد ياخدج مني اريدج بأحضاني ماريدج تروحين لأي مكان اريد تبقين يمي شجان احبچ حُب تملُك

شجان- صهيد كافي استحي

بقيت حاضنته فتره ووخرت منه ضل يباوع بعيوني باسني بشفتي وهو يسحبني علي اكثر وخر مني وباس باطن ايدي رجعنيي للجربايه وتمدد بصفي خلاني بحظنه وضل يمسح على شعري وكلساع باسني من خدي

شجان- صهيد اريد انامم

صهيد- ما اشبع منج شلون؟ 

شجان- صهيدد اريدد انام والله نعستت

صهيد- اخر بوسه والله

باسني بخدي ورجع يمسح على شعري وهل مرا نمت، گعدني ثاني يوم الساعه بالـ 6 گعدت اباوع على الغرفه

صهيد- يلا راح اروح اني ابدل واجيب السويج واجيج الگيج مخلصه

شجان- خوش خوش

طلع واني طلعت ملابس المدرسه نفس الزي القديم ماكو فرق غير بس بالشال لونه نيلي بدال الابيض لبست وكملت واخذت جنطتي ورحت نزلت جوه اليس الحذاء ( تكرمون) وبقيت انتظره سمعت الهورن مالته وطلعت لگيته واگفلي رحت صعدت واني بعيوني النعاس

صهيد- راح افررج شويه ما بين تصير الساعه بالـ 7 ونص

شجان- نعسانه انيي

صهيد- نامي شويه

شجان- راح انام مو تسوي سوالف سخيفه

صهيد- احجي عدل شني سخيفه

شجان- اهوو يعني سوالف مكسره شبيك

صهيد- ديلا نامي نامي

ردت وجهي شويه وضليت اغفي لحد ما نمت ما صحيت اله وصهيد يگعد بيه

صهيد- تنبلل مال نومم ليش ما نمتي البارحه بالـ 2 يالله نمتي كوميي

شجان- اهوو شبيكك بس تصيح گعدتت

صهيد- امشي نزلي لج حسابج بعدين

نزلت وطبيت للمدرسه ما اندل وين صفي رحت للاداره ودلوني وين صفي رحت وجانت المدرسه منظمه بشكل خرافي تموتت طبيت للصف والطالبات جانو لطيفات كلش لمن عرفني جديده الكل تريد تتعرف عليَ اقتربت وحده منهن وصاحت بيهن

- بناتتت كافي كل وحده على رحلتها راح تجي المدرسه

شجان- شكرا

- يمعوده شمسويه اني

شجان- لان وخرتيهن عني؟ 

- هاا لا عادي ماكو مشكله

گعدت بصفي وتعرفنا على بعص

- شنو اسمج؟ 

شجان- شجان

- عاشت الاسامي اسمي فرح

شجان- حلو اسمج

فرح- يلا سكتي اجتي المدرسه

اجتي المدرسه وسلمت علينا وبدت تشرح

شجان- ست وين واصلين؟ 

المدرسه- متعرفين وين واصلين؟ 

شجان- اي لان اجيت جديده وما اعرف

المدرسه - لصفحه 21

فتحت صفحه 21. وگعدت تشرح واني أشر الشغلات الي اشوفها مهمه وراح تجي بالوزاري
كمل الدرس وبده الدرس الثاني لحد ما اتهى اليوم
طلعت واني جاي انتظر كرار لو احد الولد يجي ياخذني اجتي فرح

فرح- ها شجان تردين اوصلج؟

شجان- لا حبيبتي هسه يجي ابن عمي

فرح- ابن عمج؟

شجان- اي هو يوصلني

فرح- هاا يلا تمام

شجان- وانتِ؟

فرح- انتظر اخوي علولي

شجان- اسمه علولي؟

فرح- لا ولج ههههههههه اسمه علي بس اصيحله علولي

شجان- اهاا

فرح- هاي اجه تعالي خلي نوصلج

شجان - لا ما اريد شكرا

راحت فرح واني بقيت انتظر لحد ما مرت نص ساعه والشمس سمطتني سمط ومحد بقى بس اني قررت ارجع للبيت مشي واني جاي امشي علمود اعبر الشارع شفت سياره سلطان طبگ وصعدت الي ورا

سلطان - اعذريني خويه والله نسيتج رحتي من بالي

شجان- يمعود عادي ما صار شي بس انحمست حمس

سلطان - اعذريني والله

رجعنا للبيت ورحت بسرعه طبيت سبحت لان ميته حر ولمن طلعت بدلت ملابسي ورحت نمت لان كلش نعسانه. گعدت الساعه بالـ5 واخذت التلفون لگيت مكالمات من صهيد خابرت علي وجاوبني

صهيد- شجان وينج ليش ما تجاوبين؟

جاوبته بصوت نايم

شجان- جنت نايمه

صهيد- خوفتيني عليج والله

شجان- يمعود مابيه شي

صهيد- سولفيلي شلون جان يومج؟ 

شجان- حلو زين تعرفت على بنيه اسمها فرح لطيفه حيل

صهيد- لتنطينها رقمج

شجان- ماا انطيهااا ما انطيهاا

صهيد- لمصلحتج

شجان- اكلك بعدني نعسانه

صهيد- گومي لج شني تنبل مال نوم انتِ؟  بس نوم نوم نوم؟ 

شجان- صهيد شوكت ترجع؟ 

صهيد- والله الي اشوفه يمكن ارجع بعد شهرين هيج

شجان- صدك؟  ليش شكو ؟

صهيد- اكو گاع نريد نبنيها لمن بلشنه بنيان مدري شنو صار وانهدم والخريطه جوه البيت فه راح ارجع ارسم الخريطه وارجع ارمم البيت اني والعمال

شجان- دير بالك على نفسك

سمعت صوت واحد يصيحله

صهيد- اي هسه اجي،  بابا حبيبي بعدين عود احجي وياج باي

سده بوجهي واني ضليت اباوع للساعه بالـ5 ونص شنو السالفه رحت بسرعه گعدت وغسلت ونزلت جوه

رقيه- ها شجان شلونج

شجان- الحمد الله بخير

رقيه- رحتي اليوم للدوام؟ 

شجانن- اي رحت صهيد وصلني

رقية - اي يمه سوده عليَ مادري بي وصل لو لا من وداج راح

شجان- لا وصل وصل خابرته قبل شويه جنت احجي وياه

رقيه- هاا خوش الحمد الله على سلامته

اجتي كنان وهيه متوتره حيل

رقيه- ها كنو شبيج وجهج اصفر؟ 

كنان- ها لا ما بيه شي شجان تعالي اريد اراويج شي

اخذتني للغرفه وسدت الباب

شجان - شبيج

كنان- وهبان كال بس يجي صهيد يجي يخطبني رسميا

شجان- وشنو المخوفج؟

كنان- مادري خايفه متوتره حيل

شجان -يمعوده استهدي بالله ان شاء الله ماكو شي

كنان- ياربب اذا جان خير الي قربه واذا شر بعده عني

گعدنا نسولف اني وياها استأذنت منها ورحت صليت ودعيت ربي يجمعهم بالحلال كملت صلاتي وبديت ادرس وتكتب واجباتي كملتهن ورحت سفطت جنطتي وعدلت ملابس المدرسه ورحت متددت على الجربايه اخذت التلفون وراسلت صهيد

- موجود؟ 

ما رد عليَ يمكن يشتغل نمت وگعدت الصبح ورحت بدلت وكملت ونزلت جوه لكيت عمي عباس بعده مرايح

شجان- صباح الخير عمو

عباس - صباح النور

شجان- عمو عادي توصلني للمدرسه

عباس- اي يلا امشي

شجان- عمو عود مو تنسى كول لكرار لو لأي واحد من الولد يرجعني لان البارحه سلطان ما اجاني من وكت

عباس - اليوم اطلع من وكت اجيبج وياي غير بـ 12 تطلعين؟

شجان- اي

عباس - هاي هيه اني اجيج

طلعنا وصعدنا السياره ووصلني وطبيت للمدرسه شفت فرح وسلمت عليها وگعدنا نسولف

فرح- باعي شگد عمرج؟ 

شجان- طبيت 16

فرح- عايده؟ 

شجان- تاركه سنه

فرح- اني عايده سنه هاي السنه الثانيه الي

شجان- ياا يلا الله يعوضج

فرح- اي ان شاء الله اتعوض

بده الدرس الاول وبدت المدرسه تشرح وخلصنا الدرس الاول والثاني لمن بدت الفرصه سحبتني فرح وياها ونزلنا سوه للساحه ضلينا نفتر وهيه تسولف عن حياتها وعن اخوها واني ساكته

فرح- هاا صدك اسمعي ابن عمي يحبني ويريد يخطبني بس اني ما احبه ابدا واعتبره مجرد اخ

شجان- انطي فرصه؟

فرح- ماگدر شجان يعني هو بس اخ بألنسبه الي شلون يصير بيوم وليله زوجي وما استحي منه وانزع حجابي كدامه؟

شجان- ماعرف والله بس جربي لان الحب يجي ويه الايام

فرح- محسستني جاي احجي ويه مرا متزوجه وعدها خمس فروخ

شجان- يمه شبيج

فرخ- هههه اشاقه وياج،  يلا دگ الجرس امشي نرجع للصف

رجعنا للصف وبده الدرس الثالث لحد ما انتهى اليوم ولمن طلعت لكيت عمي عباس موجود حمدت ربي وودعت فرح وصعدت

عباس - مني هاي البنيه الجانت تسولف وياج؟ 

شجان- صديقتي

عباس- اها

شجان- عموو بعدها صغيره لتفكر اصلا تتزوجها وحتى جمره اكبر منها بسنه

عباس - هسه اني حجيتت؟

شجان- لاا بس خاف تفكرر

ضحك ورجعنا للبيت رحت بدلت ملابسي ورحت نمت،  ماگعدت اله الساعه بالـ8 باليل من التعب رحت غسلت وتوضيت وصليت كملت واباوع للتلفون الي هسه صهيد ما مجاوب على رسائلي خفت علي وگلبي نغزني اتصلت علي اكثر من مرا ماكو الجهاز مغلق خفت اكثر مرت ساعتين واتصل رديت بسرعه

شجان- الوو صهيددد وينكك

جاوبي صوت رجال ماعرفه

- الو السلام عليكم انتِ مرت الولد؟

شجان- اي مرته منو انت؟

- خويه زوجج صارله حادث

انصدمت شنو؟ حادث؟  وگعت من الصدمه وماعرفت شسوي صهيد ميت لو عايش؟ اريد اعرف بي اذا هو ميت او عايش؟  وينه هو؟  صارله شي؟  ماريد يصيرله شي احبه ماگدر بدونه اغمى عليَ ....

يتبع …

_____________________________________

رأيكمم بالبارتتت؟  + اشتركو بقناتي على التلي fjaoio انزل اهناك هوايي واسولف وياكم واسربلكم من البارتات هم 😂 + بنات روايتي الجديده راح اكملها ورا ما اكمل هاي الروايه احبكم 💋