تحميل رواية «"الــيـل الـدامـس فـي الـجـحـيـم"» PDF

بسم الله الرحمن الرحيم

اللهم صلى على محمد وآل محمد

______________________________________

هديت جمره وضليت اطبطب عليها

جمره- شجان راح يتزوجج

شجان- امشي خلي نفتهم شنو الصار

سحبتها ونزلت جوه لكيتهم كلهم موجودين سلمت وگعدت يم صهيد گعدت جمره گبالي وتمسح عيونها

كرار- اني جاي واعلن ان الاسبوع الجاي راح اروح لكربلاء واخطب بنت عمي شمس

صهيد- شمس؟  بعدها صغيره كرار

كرار- صح بس اريدها فتره خطوبه لحد ما تكمل السادس ونتزوج

عباس - خوش شمس خوش بنيه وتناسبك

كرار- اي تناسبني ان شاء الله يوم الاحد الجاي نروح نخطبها

صهيد- بكيفك الاسبوع الجاي نروح لكربلاء هم نزور وهم نخطب ها شگلتو؟ 

علوان- هاي هيه اني موافق

عباس - واني هم موافق

وهبان- اخوي الف مبروك مقدما

صهيد- هاي هيه لعد نتوكل يوم الاحد

رقيه- خابرو عمكم باقر وكولوله

كرار- ماكو داعي خابرته اني وكتله وعمي وافق وكال كل الهلا بيكم

رقيه- جا الف مبروك

تباركوله وجمره عيونها ممليه دموع مسحت دموعها واخذت نفس وحجت وهيه بغصه

جمره- ألف مبروك كرار شايف كل الخير ..

كرار- الله يبارك بيج ان شأء الله يوم الالج

هزت راسه وگامت

عباس- وين؟ 

جمره- اروح للحمام

راحت للحمام الفوك

شُجان- كروري الف مبروك

كرار- مبروك الج هم

ابتسمت وسحبني صهيد يهمسلي

صهيد- صعدي ورا جمره مبين تريدج روحيلها

شجان- اي رايحه

رحت صعدت فوك وسمعت صوتها وهيه تبجي دگيت الباب فتحته وجانت عيونها حمره من البجي لمن شافتني حضنتني اخذتها ورحت لغرفتي سديت الباب وگعدتها جبتلها مي اخذت الگلاص وشربت شوي

جمره- تتخيلين؟  اني اكله مبروكك على يوممم زواجه

شجان- جمره هاي الدنيا يوم الك ويوم عليك الدنيا قضاء وقدر حبيبتي تقبلي الموضوع والله يعوضج بالاحسن منه

صارت هادءه وما حجت شي سحبتها ونزلنا جوه وجانت نضرات كرار لجمره تعبر عن الاسف گعدنا وضلو يسولفون على الخطبه استأذنت جمره ترجع للبيت وراحت للبيت

صهيد- بويه جمره بيها شي؟

شُجان- زعلانه شوي بس راضيتها وخليتها تهدأء

هز راسه وباوع على كرار گام كرار

كرار- عن أذنكم مواعد اصدقائي لازم اروح

علوان- جا احنه هم نروح

كرار- لا لا لا لا لا ابقو اني اروح اجيبلكم عشى

عباس- وجماعتك؟

كرار- راح اعتذرلهم ماكدر اجي اجيبلكم كباب؟

علوان - كلشي الجان

طلع كرار وبقينا بس احنه حسيت اكو شي بكرار مو طبيعي ……

جمره

رجعت للبيت ورحت لغرفتي ذبيت شالي والجبه وگعدت اصيح وابجي

جمره- ليششش كرااررر ليششش انتتت موو تحبنييي انتت مو كلتتت ماخذذذ غيرججج ليشش عفتنيييي ليششش كرااررر

ضليت اصيح بقيت شوي واسمع صوت الباب ينفتح بدون ما ادير وجهي صحت

جمره- عوفونيي بحالييي مابيه شيي

انسد الباب وحسيت اكو شخص حظني من ورا التفتت بسرعه ودفعته وطلع كرار لمن شفته حسيت بخيبه أمل

كرار- أسف ماگدرت اوفي بالوعد

جمره- اطلع برا كرار

كرار- جمره أسف والله

صحت بصوت عالي

جمره- كرار اطلع براا! !!! شنو انتَ متفهمم؟  اطلعع برااا كرااررر اطلعع برااا ماريدكك روحح

أقترب مني بس دفعته ورجع افترب وحضني ضل يبجي بدون صوت واني انفجرت بالانهيار

جمره- كرار ليش؟ 

كرار- ماعرف

جمره -شمس كرااررر شمسسس؟  شمسسس مثل اختيي ليشش هيجج خليتني اتعلق بيك كرار ليش هيجج كرارر ليش تسوي بيه هيج

دفعته ودرت وجهي منه

جمره- اطلع برا لا يجي أبوي

كرار- جمرتي أسمعي بس أسمعيني

جمره- لتگول جمرتي! !!!

كرار- وروح أبوي صهيد الي اقترح علي الفكره ولمن اجتي ألكم شفتها وماعرف يعني صهيد گال اخطب شمس

جمره- بس جان تگدر ترفض؟ 

كرار- صهيد أبوي الثاني ماگدر اكسر كلمته

جمره- بس تكسر مشاعري عادي؟ 

كرار- لا وداعتج …

رفعت ايدي وسكت

جمره- اطلع برا كرار تتهنى بيها ان شاء الله

بقى شوي وبعدين راح قفلت الباب واباوعله من الشباك وهو يبتعد شوي شوي لحد ما اختفى ، بقيت بالغرفه حاوطت نفسي وضليت اتذكر ذكرياتنا سوه لحد ما نمت على نفسي ……

شُجان

رجع كرار ورا نص ساعه جان وجه مگلوب وراح گبل على الغرفه راح ورا صهيد وتأخر

عباس- بويه شُجان ما تصيحين لرجلج نريد نروح

وهبان- وين عمي ابقو

علوان - لا شعدنا رايحين

گامو وگمت علمود اسلم عليهم همستلي كنان

كنان- وصليها لوهبان أذا سوه بيه هيج اطلع مصارينه ماشي ؟

شُجان- عمي عرمه

كنان- اعجبج

غمزتلي وراحو صعد وهبان لكرار وصهيد ماحبيت ازعجهم بقيت جوه ورا شوي اسمع صوت ضحكهم ابتسمت ورحت صعدت فوك ورحت لغرفتي تمددت واني اباوع لبطني كبرت شوي امسح عليها واحجي وياها

- أذا جنت ولد اسميك أبراهيم وأذا جنتي بنيه اسميج حور

ابتسمت وگمت درست ورحت نمت وثاني يوم گعدت ورحت للامتحان،  مرت الايام ورحنه نخطب شمس لكرار وصارت الشوفه الشرعيه وانتظرنا اسبوع وتمت الموافقه وحددو موعد الخطبه الاسبوع الجاي ألتهيت بحملي بما انُ كملت امتحاناتي ماشفت جمره من اخر موقف بينا بيوم جنت أكل تفاح لان احب التفاح ودخلت علي كنان بعبايتها

شُجان- اسم الله منين طبيتي؟ 

كنان- صايره مصيبه وصهيد جاي نضربب ولجج بسرعههه لحكييي

خفت على صهيد وببسرعه لبست حجابي وعباتي كنان سحبتني بسرعه وضلت تركض بيه لزمت بطني لان صارت توجعني ركضت بسرعه ولمن طبيت للبيت لگيت صهيد والصدمه لگيت علي وميسره موجودين وعلي وصهيد يتعاركون

علي - انتَ اخذتهاا هل مرا بس ماخليهااا وعناددد بيكك اله اخذهاا واشرد بيها

صهيد- جاي اكلك مرتييي شنيي انتَ متفهممم الحجيي؟ 

ميسره- صهيد صهيد اسمع اني وعلي قررنه نطلگ واني وانت نتزوج وعلي وشُجان يتزوجون صهيد انت مو تحبني؟

صهيد- عابت لهل وجه وانتَ علي شنهي مگرن خوب فرد نوب

علي - شجان ألي وغصبا على الكل والي يرضي والما يرضى شجانن ………

ضربه صهيد بوكس ورده الها علي ركضت على صهيد سحبته صرت بين صهيد وبين علي

علي - شجان

صهيد- لتلفض اسمها! !!

شجان- صهيد صهيد حبيبي اسمع اهداء اهداء اني يمك ماعوفك لهاذ الزفت

درت وجهي على علي متغير لحيته كبرانه وعيونه حمر يباوع علي وعلى بطني لمن انتبه بطني جبيره وگع بالگاع

علي - ليش؟  شجان؟ 

صهيد- اليوم اشعل عشيرتك

دفعني ووگعت على التخم وصهيد نام على. علي وضل يضرب بي وعلي مستسلم ضل يضرب بي وجدي علوان يفاكك بيهم كمت علمود افاككهم بس حسيت اكو شي نزل مني لزمت بطني وصرخت

انتبهو علي وعلي دفع صهيد منه واجاني

علي - شجانن شبيج تصرخيينن بيج شيي؟ 

سحبه صهيد واجاني وگعت بالگاع واشوف دشداشتي انملت دم لزمت ايد صهيد وهو لمن شاف الدم سحب سويج السياره وشاني على السريع انهاريت وخفت على الطفلل وضليت ابجي صهيد خلاني بحضنه ويسوق بسرعه جنونيه

صهيد- شجان شجاننن اهدائي هسه نوصل والله هسه نوصل مابي شي ابني سبع مابي شي

شجان- صهيد خايفه

صهيد - لتخافين اني يمج ماعوفج والله

ساق ووصلنا المستشفى دخلوني بسرعه لغرفه العمليات وخدروني وماعرفت شنو الصار بعدها ، گعدت باوعت بسرعه لبطني بيها انتفاخ خفيف مو مثل قبل بقيت شوي ودخل صهيد وجان بيده گلاص مي انتبه علي گعدت ونزل راسه گعد يمي وخله الگلاص يمي ابتسم بكسره ولزم ايدي وباسها

شجان- صاير شي؟ 

صهيد- ربي يعوضنا والحمد الله على سلامه ابنا

شجان- مجاي افهم شنو القصه ؟

صهيد- جنتي حامل بتؤم ولد وبنيه البنيه الله يرحمها ماتت وبقى بس الولد

انصدمت اني حامل بتؤم؟  ومات واحد منهم؟  حسيت اريد أبجي دمعت عيوني وماتحملت الخبر لزمت بطني واني اشاهگ

شجان- اسفه ماگدرتت احمي بنتي اسفه حبيبتي ماگدرت احميج بسببي صار هيج وياج

مسح دموعي ودار وجه شوي وانوب اندار علي مسح عيونه وابتسم

صهيد- يلا بويه مايصير تبجين هاذ قضاء الله وقدره بويه اسمعي أبني بقى عايش والحمد الله وربي يعوضنا ان شاء الله بالبنيه

شجان-صهيد

صهيد- ها بويه

شجان- اسفه ماگدرت احمي اطفالك

صهيد- بويه ماكو داعي تعتذرين هل شي مكتوب الها

حضني وضل يمسح على راسي اندك الباب ووخر مني وطلعت عمه رقيه وبيبي سعاد وكنان بس جمره ما شفتها. وجان موجود كرار ووهبان

كرار- الحمد الله على سلامتج شجونه

رقيه- الحمد الله على سلامتج يمه

شجان- الله يسلمكم

سعاد- الحمد الله على سلامتج يلا ان شاء الله تتعوض

وهبان- خويه لتزعلون هاذ قضاء الله وقدره ويمكن ماكتوب الها تعيش

هزيت راسي وبقيت لازمه أيد صهيد دخلت ميسره وعلي وعلي جان وضعه عبالك هو الفقد الطفل مو اني

علي - أسف شجان كله بسببي خليتج تركضين

صهيد- هاذ شجابه اهنا!!!! اطلع برااا! !!!

ميسره- صهيد !!! كافيي اجينه نتحمد بسلامتها ونروح وبعدين عليمن تبجين عندج بعد واحد ماكو داعي تبجين

عصبت حيل عليها وصحت وطلعت حرگتي بيها

شجان- عندي بعد واحدد؟  ميسره انتِ اخرر وحده تحجي وتجي تتحمدلي بالسلامه ميسره انتِ تعرفينن شنوو يعنيي تشيلينن طفلينن 5 اشهررر؟  تعرفيننن لو لااا؟  انتِ حاسههه بشعورر الامم لمن تفقدد ضناهاا؟  لااا ميسرهه روحييي منييي بداعتت ابوجج اطلعي براا.  علي اخذ مرتك واطلع برا ماريد اشوفكم اطلعوو! !!!!

طبطب صهيد على جتفي وضليت ابجي سحبت ميسره علي وطلعو ومن هذاك اليوم ما شفتهم مر يومين على الحادث واني مشايفه اهل صهيد ولا حاجيه وياهم قويت نفسي وگلت كلشي بيد الله گمت وطبيت اسبح كملت وبدلت ملابسي لبست حجابي ونزلت جوه لكيت كرار يختار البدله مالته لمن شافني دار علي ولزم البدلات مالاته وخلاهن علي

كرار- الله جابج ، السوده احلا. لو هاي النيليه؟ 

بقيت افكر شوي وابتسمت

شجان- السوده حلوه وراح تبرز سمارك اكثر فه السوده احسن وها اصبر

رحت يمه وباوعت للرباط العنده واختاريت واحد لونه احمر

شجان- هاذ وهاذ يموت شموسه راح تموع على جمالك

وغمزتله ابتسم وحسيته زعل بس بعدين بسرعه بدل ملامح الزعل لفرح

كرار- كلامج صح ترا عگب باجر الخطوبه شنو مناويه تجيبين فستان؟  لوو برهومم ميخلي ماما تلبس بكيفها؟

ضحكت كرار اكثر واحد احبه بالعائله يفهمني ويحب يشاقيني بهذني اليومين لمن يشوفني يضل يضحك بيه هو وصهيد ووهبان علمود مازعل واكتئب

شجان- لمن يجي صهيد من الدوام اروح للسوگ

كرار- اسمعي جيبي فستان اسود نطقم بي اني وياج

شجان- ههههه لااا ماريد اطقم وياك اطقم ويه مهندسي

كرار- عابتلج وعابت لمهندسج

شجان- دروح

كرار- دروحي

باوعلته بقرف وهو هم ورجعت صعدت فوك اجهز نفسي اجه صهيد وكتله طب سبح وحضر نفسه واخذني للسوك

صهيد- شجان انتِ زينه؟ 

شجان- اي ليش؟ 

صهيد- ماعرف حسيتج بعدج زعلانه على سالفه الطفله

شجان- لالا اقتنعت ان هاذ الي كاتبه الله وبعدين الحمد الله لان انتَ وكرار ووهبان بحياتي كرار ووهبان مثل اخوتي وانتَ أبوي وحبيبي وزوجي وسندي بهاي الحياه من بعد رب العالمين

باوعلي بنضرات فخر وسحب ايدي وباسها ورجع يسوق لحد موصلنا نزلنا سوه ودخلنا على محل محل لحد ما لكيت فستان لونه بني وقماشه ستن بس المشكله جان مستور من جوه وفاضح من فوك يعني هو ردانه طويله بس الصدر مابي أي شي يغطي

ألي تقصده شجان👈🏻

باوعت لصهيد وابتسمت هو ابتسم وهز راسه لا

اختفت ابتسامتي بسرعه

شجان- ههه حباب

صهيد- لا

شجان- شبيك مستور

صهيد- أي والفوك شنو؟  ربه وحد؟ 

شجان- لا شبيك حبيبي يعني هيه خطبه وماكو ولد يطبون مو صحيح؟ 

صهيد- اني وكرار والشيخ نطب وكرار والشيخ يشوفونج هيج؟  لا حبيبي روح غيره

عاندت اله اخذه وهو رافض رفض قطعي

شجان- امشي بطلت حتى للخطبه ماروح

اخذ الفستان وراح للكاشير يدفع اخذه منه وطلعنا من المحل

صهيد- حسابج بالبيت اصبريلي

شجان- اوي صهوداتي شبيك

صهيد- فضيها شتردين بعد؟ 

شجان- صهيدد شنو هاي تصرفاتك؟

صهيد- اميرتي حبيبتي ام بيتي عيوني ونبض گلبي شنو تأمرين بعد؟ 

ابتسمت واخذته لمحل احذيه تكرمون واختاريت كعب بلون الفستان

صهيد- ميصير اخذي واحد ناصي موزين عليج وانتِ حامل

شجان- صدك؟ 

صهيد- والله اخذي واحد گعب مالته ناصي

اختار ألي الكعب ناصي وبنفس الوقت نازك ويرهم ويه الفستان اخذنا ورحنه لمحل الاكسسوارات واخذت قلاده فضيه وخاتم فضي وسوار هم فضي لان گلت اذا اخذ ذهبي مراح يرهم فه الفضي يكسر على اللون اخذتهن ورجعنا للبيت جربت الفستان جان ضيگ وبارز بطني منه درت على صهيد هو باوع علي وضحك

صهيد- توت توت هاذي البيضه فيها كتكوت توت توت هاذي بيضا فيها كتكوت

گعد يغني ويصفگ انزعجت منه وبدلت ملابسي وگعدت واني مزعوجه

صهيد- هههه يمهه ابوسس كتكوتيي

سحبني علي وباسني دفعته ونزلت جوه اخذتلي تفاحه وضليت اكل بيها اجه وهبان وشغل بتلفونه نفس الاغنيه الجان يغنيها صهيد

شجان- اهووو وهبانن طفيها

وهبان- سمعت صهيد يغنيها الج وطلعتها

ضجت منهم كلهم ورجعت صعدت فوك اخذت عباتي ونزلت

كرار- راح تهج من عدنا

وهبان- هجتت هجتتت خويهه مريتكك هجتت

طلع صهيد من الحمام مامفتهم شكو

صهيد- ياهو اليهج؟

وهبان- مرتك

صهيد- تعالي وين موليه؟ 

شجان- اهج من البيت

صهيد- دگعدي وسكتي تهج البطه

كرار - وهاي البيضه فيها كتكوتت توت توت

گعدو يغونها ويضحكون علي لبست عباتي وهجيت منهم رحت لبيت جدو علوان لگيت عمي عباس توه رجع من الدوام استغربت ليش تأخر ماهتميت سملت عليهم

علوان- جا وين صهيد؟ 

شجان- بالبيت عوفه خيولي

علوان- متعاركين شني؟

حجيت واني الدموع بعيوني

شجان- جدو تقبلها كلهم يغنولي توت توت هاي البيضه بيها كتكوت!! تبقهاا جدو تقبلهاا؟ 

شفت عمي عباس داير وجه ويضحك وبيبي تضحك علني حتى مارعو مشاعري وعمه رقيه كامت وضلت تمشي وتضحك وجدو علوان صافن وضام الضحكه

علوان - احم لاا شلون يكلج هيج عوفي خيولي اطيح حظه الج

عباس - احم اي اي شلون هيج يكول

شجان- وين كنان وجمره؟ 

اشرلي عمي فوك ورحت صعدت على كيفي ودخلت للغرفه لكيت كنان مخبوصه خبص وناس فوك ناس ملابسها من جه ومكياجها من جه والكعوب والاحذيه من جه وهيه گاعده بالنص وتضحك ويه جمره

شجان- وين طابه لمعركه؟ 

كنان- هلو شجونه تعالي

سلمت عليهن وشفت جمره صارلي اسبوع وكم يوم مشايفتها جانت متغيره ضعيفه وعدها هالات

شجان- شهل تغير بأسبوع صار عندج هالات؟ 

جمره- شنوه؟ 

شجان- هيج غلسي

كنان- يالون فستانج شجونه؟ 

شجان- لجج متتخيليينن اشتريتت فستان يموتت يموتت لونه بني وبي حركاتت وبركات تشوفينه بالخطبه

كنان- كبرر ماخذتيني وياج ماعندي فستان ألبسه

حجت جمره بصوت ناصي

جمره- اخذي من كنتوري هواي فساتين

كنان- ليش وانتِ ؟

باوعت علينا وگامت تريد تطلع

جمره- اول وتالي مراح اروح للخطبه

طلعت قبل لا نرد عليها زعلنا عليها حيل ورحنه لغرفتها لكيناها مخليه سماعات ومشغله باسم ومسويه نفسها نايمه وهيه تبجي

شجان- أسفه اذا ذكرت الموضوع كدامج

جمره- عادي

كنان- جمره بس لازم تجين

جمره- ليش؟  خطوبتي واني مادري؟ 

كنان- لا بس

جمره- هاي هيه ماجي شعندي جايه

صحت بيها

شجان- جمره لازم تجين علمود ما يكولون تريده وبعدها ما متخطيته انتِ قويهه

ضحكت بكسره وباوعت علينا

جمره- المطلوب مني شنو؟

كنان- تجين ويانا

جمره- وبعدين؟ 

كنان- هاي هيه

جمره- اجي وياكم واشبع قهر؟  اجي وياكم والمفروض انتو الي تجون وياي والمفروض خطبتي اني وكرار؟  لا حبيبتي ماريد شكرا خلي يتهنى ماريد حتى اسمه ينذكر كدامي أريد ابدي حياتي من جديد

شجان- شلون؟ 

جمره- قدمت منحه للخارج وانقبلت والاسبوع الجاي سفرتي نقلت جامعتي لامريكا راح اروح اهناك اكمل جامعتي

كنان- شنووو؟ ؟؟؟!!! ليش ما كلتيلييي؟ ؟

شجان- شنو تسافرينن منو قبل ويه منوو تسافرينن؟ 

جمره- اني وحدي بس اني محد وياي

كنان- الاكل؟ والشرب؟  والنوم؟  والفلوس والتكاليف منيلج كل هاذ؟ 

جمره- بعت ذهبي وأبوي انطاني 10 ملايين واني مناك عندي 10 ملايين هذني كافي20 مليون يكفي ولتخافين اهناك اعيش بسكن الجامعي والاكل والشرب عادي المطاعم تارسه امريكا

كنان- هذني دبرتيهن واللغه؟ 

جمره- اعرف انگليزي

كنان- مم بكيفج جمره عمي عباس يدري غير؟ 

جمره- اي كتله وهو قبل بس شرط ارجع ورا ما اكمل دراستي فورا

كنان- وراح ترجعين؟ 

جمره- الصراحه اني اريد ابقى اهناك بس راح ارجع هنه 4سنوات وارجع

شجان- ليش 4سنوات؟  يعني اقصد مو كملتي المرحلة الاولى؟

كنان- نفس الاختصاص؟ 

جمره- اي طبعا

شجان- شنو اختصاصج انتِ  ؟

جمره-  طب

شجان- اوه مجنت ادري

هزت راسها وفتحت ايديها بمعنى حضن جبير حضناها اني وكنان وضلينا نبجي

جمره- هههه لمن ارجع اريدد ابنجج صير جبير

شجان- طبعا يصير عمره4 سنوات لمن ترجعين

كنان- وان شاء الله تلكين هواي فروخ بالبيت ومن ضمنهم فروخي

جمره- دهر فرج وفر فروخج

كنان- عوفي فروخي

ضلينا نضحك وطلعنا جمره من الاكتئاب مالها وقنعناها تجي ويانا للخطبه تحمست وبدت تجنز نفسها واختارينا الوان قريبه على بعض مثل اني بني وجمره احمر طوخ وكنان أسود جهزنا كلشي ومرت اليومين واجه يوم الخطوبه جنه اني وكنان خايفين على جمره بس شفناها عادي تجهز ويانا عبالك عرس اخوها

جمره- بنااااتتتت ويننن التحديددد الجوزيييي

كنان- بجنطه هيوو

اخذت تحديد جوزي وحددت شفتها وخلت بالنص لون احمر وطلع تموت وسوت شعرها كيرلي جمره حنطيه وعيونها كبار وشفتها عبالك لعابه منفوخه شوي ملامح جمره كلش حلوه وخلت مكياجها طلعت صاروخ كملنا الميكياج ورحت على المرايه ثبتت مكياجي خليت باودر وحتى اثبت الحمره خليت شوي باودر حتى ميبين رفعت تلفونها جمره وگعدت تصور بينا فيديو

جمره- هاي كنان اقرب وحده ألي مخزن اسراي كنان لطيفه بمعنى الكلمه احبها هل انسانه،   وهاي شجان مرت صهيد قصتها غريبه ولمن نحجيها محد يصدگها القدر والصدفه الجمعت بين صهيد العصبي وشجان الطيفه جانت اغرب صدفه بحياتي من يتوقع هل بنيه الي رادت تتزوج غصب صارت بين ايدين صهيد الي يحبها ويموت عليها شجان لطيفه وتعتبر المدلله عند الكل حتى أبوي يحبها لان حبابه ولطيفه وماكو منها. ، وهاي اني والبنات جاي نتجهز لخطوبه كرار الي نعتبره اخونا الثاني، 

سدت التصوير وراحت على المرايه وسحبتني خلتني يمها وكنان من الجه الثانيه سويت حركه وجهي على الكامره وخليت بطني تطلع ويه التصوير وطلعت الصوره حلوه حيل كملنا ولبست جبه كشوخيه حتى ما تخرب الكشخه كلها ولبست ربطه لونها بني ويه لون الفستان وطلعنا نزلنا جوه كلهم مجهزين نفسهم ولكيت صهيد بينهم گاعد على التخم ويشرب جگاير ابتسم لمن شافن واني رحت علي بسرعه

شجان- شنو رأيك بالميكياج؟

صهيد- طالعه گمر اخاف عليج لا تنحسدين

كمل الجگاره وذبها ولزم ايديه وباسهن بقيت مبتسمه وهو باوع على بطني المنفوخه وباوع على الكل لگاهم ملتهين ومحد يشوف باسها بسرعه وگام

صهيد- احبج شريان گلبي

لزم ايدي وصاح علمود نتوكل صعدنا بالسياره وانطلقنا ورحنا لكربلاء صعدنا اني وصهيد وحدنا بالسياره ووهبان وكرار وسلطان  بسياره وعمي عباس وجمره وبيبي سعاد وعمه رقيه وجدي علوان بسياره

صهيد- شجونه اسف ما سويت عرس ولا خطبه تلوگلج

شجان- لا عادي اهم شي احنه سوه

صهيد- والله يعني بسرعه بسرعه وبس سوينا عقد سيد ومحكمة وهاي هيه أسف بس اعوضج لمن تكملين الولاده اسويلج احلا حفله استقبال تحجي بيها الديره كلها

لزمت ايده وضحكت

شجان- ماريد حبيبي اني ماريد أكلفك اكثر انتَ معوضني عن هواي شغلات احبك صهيدي

أبستم ورجعنا نباوع للطريق وصلنا لكربلاء جانت اول مرا اروح لكربلاء ولمن وصلنا لبيت عمي باقر جان متروس زلم خوال شمس وولد خالها وخالتها وهوسه نزلو وبقى صهيد وكرار ووهبان وسلطان وعمي عباس وجدي برا واحنه دخلنا جوه للبيت جان بيتهم ماشاء الله كلش جبير سلمت على عمه رحاب استغربت لمن رحبت بيه وتباركتلي بحملي سلمت وطبيت رحت لشمس شفتها لابسه فستان هادء لون ابيض وجان كلش حلو وشمس جسمها ناعم وهيه بيضه حيلل طالعه ماشاء الله اللهم صلى على النبي كلش حلوه رحت سلمت عليها وتباركتلها وهيه خجلت همستلي لمن شافت جمره

شمس- جمره اهنا؟

شجان- اي

شمس- عبالي مراح تجي

شجان- لاا ليش ماتجي تجي قابل مسويه شي؟

شمس - اقصد لان اليوم خطوبتي اني وكرار ومثل ما تعرفين كرار جان الحب مالها وحبيبها فه اكيد بعدها زعلانه واكيدد هسه هيه ضايجه مني لان اني وافقت علي مو؟ 

شجان- بس اهدائي لا ماكو شي من الي كلتي بالعكس جمره فرحانه حيل

اجتي جمره وكنان وسلمو على شمس وتباركولها

بقو شوي وصاحو يريد يدخل الشيخ وكرار لبسنا حجابناتنا ودخل الشيخ وكرار وصهيد منزلين راسهم وگعد كرار بصف شمس وبدا الشيخ يسئلهم ويتمم الخطبه اباوع على الموجودين ماكو جمره بينهم خفت عليها وطلعت بين النسوان وشافني صهيد خزرني واشرت اروح للحمام بقى خازرني وما اهتميلته رحت سئلت وحده من الموجودين على الحمام ودلتني رحت وما لكيتها طلعت ادورها ما لكيتها سمعت صوت الهلاهل تعالت عرفت بيهم تممو الخطوبه طلعت جمره من بين الغرف وهيه تعدل مكياجها وتمسح عيونها لمن شافتني ابتسمت ورادت تروح

جمره- يلا ما لحكت عليهم امشي خلي نروح بسرعه

شجان- جنتي تبجين؟ 

جمره- ها؟ 

شجان- ليش بجيتي؟  مو تخطيتي؟ 

جمره- صعبه شجان صعبه صارلي سنين اعرفه مو سهله اتخطاه بأشهر قليله

رادت تبجي بس شافت صهيد اجه علينا مسحت دموعها بسرعه وخلت حجابها على راسها

صهيد- وين طلعتي ؟

شجان- اجيت اهنا ردت اغسل

صهيد- تعالن بسرعه قبل لا نروح الجن ساعه ونررح ترا

هزيت راسي وراح سحبت جمره ورجعنا لكينا كرار لازم ايد شمس ويصورون بيهم وهمه خجلانين

همستلي جمره

جمره- حلوين مو صحيح؟ 

باوعت عليها لكيتها تبتسم بكسره شغلو الاغاني ومحد رگص لان يستحون من كرار طفوها وبقو شوي وطلع كرار واحنه بقينا شغلو الاغاني وبدو يرگصون ماكدرت ارگص بسبب حملي بقيت گاعده اجتي وحده ماعرفها وواضح من گرايب شمس گعدت بصفي جانت نفس عمري تقريبا

- هلو

شجان- هلا بيج

- شنو تصيرين من شمس؟ 

شجان- اصير مرت ابن عمها

- اهاا اني اصير بنت خالتها

شجان- اهلا وسهلا بيج

- امم شگد عمرج؟ 

شجان- راح ادخل 17

- مم نفس عمري بس شعجب متزوجة صارلج شگد؟ 

شجان- سنه

- اها كومي ارگصي؟ 

شجان- ماكدر زوجي محذرني ارگص علمود الطفل

- منو منهم زوجج؟ 

شجان- الي اجه ويه الشيخ والعريس

- يووو هاذ متزوج؟  حراماتت

شجان- ها؟ ليش حرامات؟ 

- جنتي وراي وجان يباوع عليج عبالي يباوع علي گلت اتزوجه هههه طلع متزوج وراح يصير أب

شجان- شجاي تحجين؟  ممكن تگومين مني؟ 

- هههه شبيج هيج صرتي عصبيه

سكتت ماعرفت شرد عليها هيه ضحكت وراحت تركض جانت ملابسها فاضحه شوي ولمن دخل صهيد ماغطت نفسها استحقرتها حيل وحسيت اريد اگوم اكتلها بي لزمت نفسي ماريد اخرب يوم حلو مثل هاذ

رقيه- يلا يمه نروح احنه يلا بنات لبسن راح نروح

كمت على كيفي ألبس الجبه واجتي يمي نفسها البنيه

- اكلج

شجان- شنو

- عادي تنطيني رقمج؟

شجان- أسفه ميقبل انطي رقمي لاحد غريب

- زين اسمعي حسابج على الفيسبوك؟ 

شجان- ميقبل زوجي اسفه لازم اروح

ضليت ادور على الجنطه ماعرف وين راحت فرغت الغرفه وبقو كم واحد دخل صهيد وهو منزل راسه

صهيد- شجان وينج؟ 

شجان- صهيد اوكف جنطتي ماعرف وين

صهيد- هاي بيدي امشي يلا بويه تأخرنا

انتبهت البنيه تباوع علي وهيه گامت تريد تروح بأتجاهة واني سويت نفسي بطني توجعني بسرعه اجه علي صهيد ولزمت ايده

صهيد- اوديج للطبيب عمه اكو طبيب اهنا؟ 

رحاب- اي هسه يروح وياك مسلم

- لا خاله ماكو داعي هل شي طبيعي للبنيه الحامل

خزرها صهيد وطلعنا صعدت بالسياره وبالطريق اني معبسه ودايره وجهي من صهيد

صهيد- شبيج يا بويه غير تحجين

شجان- ليش تباوع عليها؟ 

صهيد- ممباوع عليها

شجان- خزرتها

صهيد- حتى. تسكت

شجان- المهم باوعت عليهاا ليشش تباوعع عليهااا وانت تدرييي ملابسهاا فاضحهه ومبينن صدرهاا

صهيد- بويه شنو القصه حتى مانتبهت عليها جنت خايف عليج لان بطنج توجعج

شجان- ماريد احجي وياك بعد

صهيد- اسوي غسل عيون

شجان- وين لاگيها؟ 

صهيد- البس نضراتا حتى بعد ماشوف بشر مو احسن؟ 

شجان- شنو قصدك صهيد؟ 

صهيد- بويه ما قصدي شي بس خففي غيره

شجان- جااا انتتت تقبللل ترزلنيي لان طلعتت گدام الشيخ وكرار بلبسي وغرتت منهمم رغمم جانو ممنتبهينن اليي وماتقببللللل اغااررر عليكك لان باوعت لبنيه ملابسهاا فاضحهه موو؟  انتت يمكك حلالل ويمي حراممم صهيددد مارجعع وياك للبيت

صهيد- يا بويه لبگتيني لبگ اهدائي مجان قصدي اباوعلها بس حرگت گلبي اتكلي طبيعي هيه متدري اذا اشوفج زعلانه من شي اگوم افكر شنو اسوي علمود ترضين وما تزعلين ولعيونج الحلوات حتى ما تزعلين مني لمن نوصل للبصره اوديج لاحلا مكان

سكتت ماجاوبت وبنص الطريق حسيت اريد انام ورجعت الكرسي ورا شوي ورجعت ضهري ألي ورا ونمت،  لمن گعدت وصلنا ولمن نزلنا بسرعه طبيت للبيت ورحت بدلت ونمت لان تعبانه گعدت وجانت الساعه بالـ10 باليل صهيد مو يمي والبيت مابي اي صوت گمت ورحت اغسل ونزلت جوه ماكو احد بقيت افتر بالبيت رحت سويتلي لفه جبن لان جنت جوعانه حيل ماحسيت غير اكو شخص اقتحم البيت بهمج التفتت لگيت اثنين ملثمين ولابسين اسود راحو بسرعه صعدو فوك لغرفتي خفت وطلعت من باب المطبخ على الباب الرئيسي وطلعت برا اركض بس ماكدرت اركض بسرعه لان بطني تضل توجعني التفتت ومالگيت احد بعدهم يدورون على شي وصلت لبيت علوان وطبيت ولكيتهم مجتمهين صرخت

شجان- اكو اثنين ملثميننن بالبيتتتتت

رگض سلطان ووهبان وكرار وصهيد للبيت بسرعه ولحگهم عمي عباس بالسلاح رحت گعدت على التخم واني ايدي ترجف حيل وخايفه مارجعو وخفت اكثر مرت ساعتين وكلنا خفنه لان نتصل بيهم ومحد يرد اشوف عمه رقيه لبست عباتها وراحت وراهم لمن رجعت جانت تلطمم وتصرخ

رقيه- الحكك بويههه الحككك الولدد كلهمم مموجودينن واكوو دمم بالبيتت الحكك بويهههه

خفت جدي علوان خابر الشرطه وانتظرنه الشرطه تجي ولمن اجتي جانو وياهم الولد راح عليهم جدي علوان مستغرب

علوان- سيدي ممكن افهم شنو صاير؟ 

- حجي الولد جابو اثنين ولد مقتحمين البيت

دخلنا كلنا جوه للبيت واحنه ما مفتهمين شنو السالفه بقو نص ساعه يسولفون ولمن دخلو شفنا الولد كلها متضرره سلطان علي اثار ضرب وكرار شفته تجري دم وعمي عباس هم اكو اثار ضرب وصهيد بي اثار ضرب وشفته تجري دم ، رحت لصهيد خايفه علي وهو وخر مني وراح گعد على التخم ومخلي ايده على راسه

شجان- صهيد شصاير؟  احدد يفهمنيي شكو ليش محد يحجي؟ 

رقيه- شبيهم بويه شصار

علوان- لحد تفتح السالفه كنان روحي جيبي مي

راحت كنان تجيب مي واني رحت گعدت يم صهيد همسلته

شجان- صهيد شنو السالفه احجي؟ 

صهيد- ماكو شي بس لا تجين للبيت بعد ابقي اهنا لحد ما تولدين

شجان- صاير شي؟  احجي لتخليني هيج خايفه

صاح بعصبيه وقهر

صهيد- يعنيي ويننن اروحح؟  ويننن انطي وجهييي بياااا هيمههه اروححح اريددد فدد يومم ارتاحح بي ماكوو كله الضغط علييي من عسانيي ميتت بهل لحظة هايي شنهاي عميي مو عيشهه وينن اضمجج ما تگليليي ويننن اخليييجج بعددد ليشش كلهااا تريدجج ليشش انتِ بالذااتتت؟  ويننن اخليججج بس ككليلييي حاجينييي اني رجلج وحاجيني وين اخليج؟  ويننن عدمنن اأمننن ماكووو ماگدررر اذا ماشوفجج يمي ويننن افترر بيججج بيااا بيتتت اخليجج؟  اهننناااا تگعدييننن وياويلج اذا طلعتي وحتى المدرسه بطلي منهااا

خفت منه وبقيت مدنگه راسي وخايفه منه

علوان- اهداء اهداء عدت على خير عدت على خير صهيد

صهيد- يا خيرر حجي؟  يااا خيررر ما تگليي؟  لوو بقتتت نايمههه؟  تروحح من ايدييي وعلييي تروحح

عباس - صهيد كافيي! !!! كلنالك عدت على خير روح اخذ مرتك وارجع للبيت

صهيد- مرتي راح تبقى اهنا وما ترجع وياي وتخلونها وياكمم وتگعد وياكم وأبدااا لتعوفونها وحدها

عباس - خليهاا بس لتصيح تعبتنا وعلي تعبتنا

گام عمي عباس وراح لغرفته وكرار ووهبان اخذو صهيد وراحو وسلطان راح لغرفته مر شهر واني مرايحه للمدرسه وصهيد سحب ملفي من المدرسه ضليت ابجي وتوسلت بي بس هو رافض رفض قطعي اكمل دراستي دخلت بشهري السادس واني بغرفه عمه رقيه كلها مو يمي جمره سافرت ورا السالفه بالسبوع وكنان التهت ويه وهبان وسوالفهم الماتخلص وعمه رقيه ملتهيه بالبيت وبيبي سعاد ملتهيه ويه جدو وعمي عباس من راحت جمره لليوم هو بس طالع من البيت بيوم واني گاعده بالغرفه متمدده على الجربايه فجا دخل علي صهيد وسحبني واخذ جنطتي وصار يسحبني بقوه

شجان- شكوووو؟ 

صهيد- ماتحمل بعد صارلج شهرر بعيده عني ماگدر اضم هل سالفه اكثر امشي وياي للبيت

استغربت يا سالفه وخرت منه وسحبت الجنطه طلعت منها الجبه مالتي والحجاب

علوان- وين رايحين؟ 

صهيد- اخذ مرتي عندك مانع؟ 

علوان- لا

صهيد- هاي هيه

رجع سحبني وطلعنا برا رجعنا للبيت اخذني لغرفتنا وشمر الجنطه على الجربايه

شجان- هسه غيرر افتهمم شبيكك؟ 

صهيد- انتِ تحجين ويه علي؟  عندج تواصل وياه؟ 

شجان- هه علي؟  انت اصلااا عندك حساباتي وتگدر تعرف ويامن احجي وويامن ما احجي

صهيد- انطيني تلفونج

انطيته تلفوني ضل يگلب بالارقام ويدخل على محادثه محادثه

شجان- صهيد شبيك! !!!

رگع تلفوني بالگاع وتكسر

صهيد- ليششش؟ ؟؟ ليششش كلهااا تريددد تكتللل ابنييي ليششش؟  مو كافييي ماتتت بنتييي تردوننن تكتلونيي ابنييي همم؟  شجاننن ماتحملل اني بعدد هاذذ الزفتتت علي رجع ويريدجج يريد ياخذج منييي بس اشوفه اكسره تكسر ولووو مو علواننن يوگف بوجهي

شجان- صهيد شهل تصرفاتت هايي ليش انت عصبي علي؟  يعني فوكك الضيمم العليي انتَ تجيي وتكملهااا الي ؟ انت مجايي تحسس بالتعبب الجاي احسس بيي صهيدد اني ماحجي ويه عليي ولاااا اصلااا شايفتههه واخرر مرا شفته بيوم الماتت بي بنتي وهاي هيههه

دفعته وطلعت من الغرفه نزلت جوه عصبت وتنرفزت حيل بقيت گاعده على التخم ورا ساعه شفته نزل ووياه جنط وبيده الثانيه جگاره

شجان- وين رايح؟

صهيد-  اخذت الغراض الي نحتاجها راح نروح لبغداد منا لحد ما تولدين

انصدمت شنو هل قرار المفاجئ؟  اجه گعد يمي ولزم ايدي

صهيد- اسمعي صاير علي ضغط اسف روحي بدلي بسرعه حتى نروح لبغداد

باسني بخدي واني گمت ورحت بدلت ملابسي شفت تلفوني بالگاع لمن شلته لكيته متفلش عفته ضميته بالجرار ونزلت هو اخذني وانطلقنا لبغداد وصلنا وجانت الساعه قريبه على 12 باليل اول مرا اجي لبيت صهيد اصلا اول مرا اجي لبغداد دخلني لبيته وجان يكفي نفرين غرفتين فوك والجوه استقبال ومطبخ وحمام وتواليت تكرمون وجان اكو ممر كلش طويل يودي لغرفه بنهايه هاذ الممر

صهيد- روحي لهذيج الغرفه احسن لان الغرف الفةك تتعبج كلساع تصعدين وتنزلين

اخذ الجنط وراح للغرفه وفتحها ودخلنا جانت بسيطه وهادئه خليت الجنط بالكنتور وتمددت حتى انام نزعت شالي والجبه وعلگتهن اجه ونام يمي سحبني على حضنه وباس راسي

صهيد- اريد نبقى وحدنا بدون ما احد يعرف بس اني وياج خلي نغيب 3 اشهر مراح يصير شي

شجان- صهيد شنو صار بهذاك اليوم؟ 

صهيد- حلفت بروح ابوي وامي ماگول حتى ألج سالفه جبيره مالج غرض بيها عوفيها ختولي انسيها حبيبتي ونامي هسه عليج تفكرين بحياتج واني وأبنا

شجان- شنو تريد تسمي؟ 

صهيد- اني طلبته من ابا عبد الله الحسين فه راح اسمي عبد الله

شجان- ليش ما تسمي حسين؟ 

صهيد- على ابن الامام الحسين عليه السلام وبنتي فداء للحسين

حضني بقوه ونام مثل الطفل لمن يحضن امه ضليت اطبطب على ضهره أباوع على بطني وأباوع على صهيد حسيت انُ ربي عوضني بصهيد مع انُ خلاني اترك دراستي لحد ما اولد بالسلامه واصير زينه يالله اگدر ارجع قررت قرار مهم ونمت واني افكر بهل قرار شنو رده فعل صهيد لمن يعرف؟  … گعدت على الصبح وجان مموجود لگيت ورقه يمي مكتوب بيها

- طلعت للشغل حبيبتي تلگين محظرلج ريوگ تلگينه على الطاوله اكلي وها سويتلج حليب حتى تشربينه زين ألج بالخمسه ارجع للبيت انتبهي لنفسج

شفتها ورحت للمطبخ ولگيت مسويلي بيض سلگ اخذت ورحت صبيتلي جاي وحليب ورحت للطاوله گعدت اكل واني افكر بنفس الموضوع

شجان- راح يوافق؟  ماعرف لا اكيد يوافق؟  يوووه اكيدد مراح يقبللل ويعوفهمم بس هاذ مستقبلي ومستقبل ابني بالنهايه زين اذا ما قبل شسوي؟  اخخ يراسييي

شربت بس الجاي والحليب والبيضه اكلت منها شوي غسلت الماعون والكوب ورجعت لمكانهن حسيت راح افطس من الحر رحت للغرفه وطلعت دشداشه قصيره ولبستها رفعت شعري كعكايه وطلعت خصلتين من كدام ورحت للاستقبال فتحت

التلفزيون أكلب بي طفيته وتمددت ماعندي شي أسوي مليت حيل وگمت لزمت الماسحه وخليت سطل خليت بي مي ومعطر وضليت امسح بالبيت ألتهيت انضف البيت وتعبت وگعدت على التخم ارتاحيت شوي وبعدين گمت رجعت كلشي لمكانه ورحت طبيت اسبح لمن كملت واني جاي اخذ ملابس من جنطتي طب علي صهيد وصرخت

صهيد- شبيج؟ 

شجان- دككك البااابب اطلعع برااا ملابسههه شيييي

ضليت اشمر علي الملابس لحد ما طلع اخذت الملابس ولبستهن لبست تراك مال نوم خفيف لميت الملابس وطلعت جنطتي وجنطه صهيد سفطتهن الملابس ملابسي بجهه وملابس صهيد بجهه كملت ورشيت عطر وطلعت لگيته بالمطبخ

شجان- مو كلت بالخمسه اجي؟ 

صهيد- كملت الشغل من وكت ورحت اتسوگ جبتلج تفاح ادري بيج تحبينه

طلع علاليگ بيها مسواگ وفواكه اخذتهن منه وخليتهن بالثلاجه سفطتهن

صهيد- شجان جبت كارتونه ماي نص خلي بالفريز والنص الثاني خلي جوه ماشي؟ 

هزيت راسي وطلعت الگلاصات المي وخليتهن مثل ما يريدهن صهيد وگعدت على الكرسي

صهيد- تحبين مرگه الباميه؟ 

شجان- ماحب الباميه بس احب المي مالها

ضحك وهز راسه وطلع لحم وباميه وگعد يسوي

صهيد- انتِ عليج تسوين التمن

هزيت راسي وگمت سويت التمن كملنا الاكل وصب النا وخلا بالطاوله بدينا ناكل لاحظت علي يباوعلي ومبتسم

شجان- ليش تباوعلي هيج؟

صهيد- اول مرا احس من صدك احنه ماخذين راحتنا اني وياج ببيت واحد بعيد عن المشاكل بعيد عن الكل بس اني وانتِ وأبني

شجان- أحم صهيد اريد افاتحك بموضوع

هز راسه وهو يخلي الگمه بحلگه

شجان- عادي نستقر اهنا؟ 

انصدم ماتوقع مني اطلب هاذ الطلب بلع الگمه بالگوه رحت جبتله مي

شجان- عادي اذا ما تقبل

صهيد- لا اقصد اي اقصد شنو هل تغيرر المفاجئ؟

شجان- أريد أبدي بدايه جديده وياك وويه ابراهيم

صهيد- ابراهيم منو؟ 

شجان- ابراهيم ابنك

صهيد- لا غيري الاسم

شجان- لعد شنو؟ 

صهيد- اسمعي سمي عبد الله احنه مو اتفقنا؟ 

شجان- اوه صحيح نسيت أي ألمهم نبدي صفحه جديده اني وانتَ وعبد الله

صهيد- ميخالف بس مو هسه

شجان- لعد شوكت؟ 

صهيد- بابا خلي نعدي هل اشهر على خير والله كريم بعد

سكتت ماعرفت اجاوبه وهو كمل اكل اكلت شوي وگمت رجعت التمن والمرگ وخليتهن على صفحه غسلت المواعين ورحت يمه بالاستقبال راح هو صعد فوك وبعدين رجع جان بيده علاگه ورقيه وقدمها ألي

صهيد- اشتريتلج تلفون

فرحت حيل واخذته منه كمت حضنت صهيد

شجان- شكرا

صهيد- أسف على الصار البارحه

شجان- اريد اعرف شغله وحده

صهيد- وهي؟

گعدت على التخم وخليت التلفون على الميز وگعدت صهيد يمي

شجان- يعني اني لا عندي شركات ولا عندي ورث الخلفوني ولا صخام بگصتي ليش مستهدفيني ويردون يكتلوني بالله؟ 

صهيد- لتفكرين بهاذ الشي مرا ثانيه ماشي؟ 

شجان - غير لازم اعرف شنوو القصه بالضبطط

صهيد- أذا اكلج توعديني مراح تنخلسين؟ 

شجان- اسم الله ليش يمه صاير شي؟

صهيد- أسمعي علي من اخر موقف ولمن طرتي راح لأبو وتصالحو أبو عنده زلم يعني بأختصار عمي ابو علي عنده شغل شوي قوي فه يگدر يجيب راس اقوه واحد علي اخذ اثنين من الزلم الي يعرفهم ابو وأمرهم يخطفونج يريد يخطفج ويوگع الطفل غصبا عليج

انصدمت علي؟  مستحيل هيج يسوي زين ليشش صارله سنه من راح ليش رجع حسيت انُ هاي معركه ولازم افوز بيها

شجان- رجعني للبصره علي بعده بالبصره مو؟ 

صهيد- شنو ناويه؟ 

شجان- انهي هل شي وافتك

صهيد- لا ماخليج تروحين

شجان- لازم اروح! !! حياه أبني وحياتي وحياتكك راح يصيرون بخطر اذا هيج وبعدينن عليي شنوو مفكرر نفسهه بفلمم وهيجج يسوييي؟ 

صهيد- شجان

لزم ايدي وضل يطبطب عليها

صهيد- فتره وتعدي وراح نعديها اني وياج ماشي؟ 

باسني من خدي وخر مني واخذ التلفون حط رقمه ورقم العائله وانطاني التلفون گدرت افتح حساباتي على السوشل ميديا لان حافظه الباسورد ضليت اگلب لحد ما طلعلي حساب بنيه تنشر على المسلسلات وشنو افضل مسلسلات نزلن اخر سنتين وگعت عيني على مسلسل أسيوي على حسب ما گالت البنيه انُ هو نزل هل سنه رحت نزلت برنامج وضليت اباوع على المسلسل جذبني حيل لغتهم وشكلهم كملت اول حلقتين وكمت رحت لصهيد

شجان- اكلك

صهيد- همم

شجان- اريد اسافر

صهيد- وين

شجان- للصين

صهيد- حتى تاكلين صراصير وفيران ومدري شنو اگعدي وسكتي

شجان- زين اسمع

صهيد- اريد انام بعدين اسمع

عافني ورجع نام تمددت يمه وهم نمت حلمت انُ اكو شخص يحاول يقتلني فزيت وبسرعه حضنت صهيد هو فز

صهيد- هاا شبيج؟ 

شجان- خايفه صهيد

صهيد- لتخافين اني يمج ماكو شي يخوف أسمعي ماطولني اشتم الهوه تحلمين تخافين ماشي؟  ماريدح تخافين من شي

باسني ورجع نام. بس هل مرا خلاني بحضنه ونام لمن گعدت جانت دنيا المغرب قرابه على الساعه بالـ7 ونص تقريبا ما لگيت صهيد يمي واسمع اصوات ناس برا فتحت التلفون وراسلته

- اطلع عادي؟

رد

- طلعي عادي

طلعت واني اتمشى بالممر بديت اميز الاصوات،  كرار عمه رقيه وجدي علوان؟   شجاي يسون اهنا؟  رجعت للغرفه لبست لبس مستور ولبست حجابي وطلعت

رقيه- هلا شجونه يمه شلونج

كرار- شلونج خوية

شجان- هلا بيكم الحمد الله زينه شلونج انتِ

گعدت بصف صهيد

علوان- ما گلتولنا شوكت ترجعون؟

حاوط صهيد ضهري وابتسم

صهيد- مانرجع راح نستقر اهنا

علوان- مو هيههه بكيفككك؟ 

صهيد- جااا بكيفككك؟  اني بكيفيي اريددد استقررر اهنااا اريددد ابتعدد عنكمم بدون مشاكللل

علوان - ترجع للبصره وغصبااا عليكك فهمتتت؟ ؟

صهيد- مارجع بالله شتسوي؟ 

شجان- صهيد اهداء

صهيد- ليش؟  انتِ هم تردين تبقين اهنا؟  علوان احنه اثنينه نريد نبقى اهنا شلون بالله ؟

علوان- ترجعون للبصره سواء رضيتو لو مارضيتو خوش؟ 

رقيه- صلو على محمد شني القصه

كرار- صهيد عيب جدي شني تصيحله بأسمه

صهيد- خلي يحترم روحه ويبطل يمثل علينا واني احترمه

رقيه- شمالك ولك جدك هاذ شمسويلك؟ 

علوان- أمشونا وانتَ صهيد ألك بس يومين أذا ما اجيت تعرف شسوي بيك اني وعرفت بعد

صهيد- توكل حجي ماجي لو ترگع روحك بالحايط توكل

علوان- حذرتك بعد

راحو واني بقيت مستغربه ليش فجاء صهيد هيج تغير على جده وليش هيج يتصرف وياه

شجان- شكو صهيد لازم تفهمني؟

صهيد- شجان حبيبتي انتِ روحي نامي باوعلي على مسلسل أي شي سوي راح اطلع اني

شجان- اوكف وينن تروح وتخليني؟ 

عافني وطلع هل عائله غريبه حيل شگد ما احاول افهمها ما تنفهم صهيد وتغيره المفاجئ علينا علي وميسوه الي رجعو فجاء علي والناس الي يعرفهم وسالفه خطفي منا مجاي افهم وليش حياه صهيد هيج اريد اعرف صهيد اكثر واكثر اريد اتعرف على صهيد الجدي الي يفرق بين حياته الشخصيه وبين حياه الاشخاص الي يحبهم صهيد شخصيته غريبه ساعه يضحك ويسولف وساعه ساكت وبس يفكر اريد اعرف شنو قصه عائله آل علوان اريد اعرف كلشي عنهم …

___________________

يتبع + مهم اقرو كامل

هلو كرزاتي رأيكم بالبارت؟  صوتو ترا جاي اتعب بنات قناتي على التلي جدا مهمه ولازم تشتركون بيها وهل غيبه الغبتها اني كتلكم سببها بالتلي

احبكم

قناتي على التلي ---EVANE_77

بسم الله الرحمن الرحيم

اللهم صل على محمد وآل محمد

______________________________________

الحياه اخذ وعطاء وهناك اشخاص حياتهم جميله والبعض حياتهم سوداء وهناك البعض حياتهم جميله لاكن؟  تحولت الى جحيم، جحيم في عتمه اليل ليل دامس في الجحيم لنرجع في الزمن قليلاً في أراضي البصره………

- صهيددد يمه تعاللل

جنت ألعب ويه ولد عمي ولمن صاحتلي امي رحتلها ركض أمي حامل وراح تجيبلي أخ فرحان حيل ، رحتلها ركض

صهيد- ها يمه رايده شي؟ 

- حبيبي انتَ خابرلي ابوك شوفه وين صار

صهيد- أيي هسه

رحت اركض اتصلت على أبوي جاوبني بسرعه

- ها انغام

صهيد- لا بابا هاذ اني صهيد

- ها صهيد اكو شي امك بيها شي؟ 

صهيد- لا بابا زينين بس ماما تكول وين صرت؟ 

- ههههه كلها بالطريق جاي

حجيت وياه شوي وسديت الخط رحت لامي

انغام- ها يمه وين صار؟ 

صهيد- گال بالطريق

هزت راسها ورجعت ألعب ويه ولد عمي

سلطان- صهيد انتَ تلعب بفريق منو؟ فريق حمزه لو فريقي؟ 

ضربت على جتفه

صهيد- أكيد بفريقك سلطان

حمزه- مو اني ابن البطه السوده ما تلعبون وياي

اجه سالم الاخ الاكبر لسلطان وحمزه

سالم- اني ألعب وياك حمزاوي عوفهم هذول زعاطيط شتسوي بيهم اني اقوه منهم

فرح حمزه لان سالم وياه،  سالم الجبير وأول حفيد لعلوان جدي ضلينا نلعب طوبه اني وسلطان واكو من ولد المنطقه وحمزه وسالم وهم اكو من ولد المنطقه نلعب سوه يوميه جنت ألعب وفرحان لحد ما اجه أبوي رحت علي اركض

- ها صهيد

صهيد- الله يساعدك بابا

سلطان- عمو عمو خلي صهيد يلعب ويانا بعد

- لا حبيبي سلطان لازم يطب جوه صارت دنيا الغروب يلا روحو لبيوتكم عود باجر تعالو

راح سلطان زعلان لان ما قبل أبوي ، اخذني وطبينا جوه لگينا امي گاعده على التخم وتتنفس بسرعه راح عليها أبوي بسرعه

- انغام انغامم بيج شي؟ 

انغام - جايي اطلگ ماتحمل الوجعع اخذنيي للمستشفى

شالها أبوي بسرعه ورحنا للمستشفى ودخلوها لغرفه الولاده بقينا ننتظر وأبوي خابر على عمامي يجون اجتي عمتي رقيه رحت لحظنها ابجي خايف على أمي

رقيه- لاا حبيبي ليش تبجيي؟  هسه ماما تصير زينه وتجيبلك اخ حلو تلعب وياه

صهيد- اخاف على أمي عمه ادعيليها تصير زينه

سعاد- تعال بيبي تعال حبيبي ان شاء الله امك تگوم بالسلامه،  يمه خالد سكت ابنك خطيه يبجي على امه

خالد- صهيد حبيبي اسكت بابا هسه ماما تگوم وتصير زينه

صهيد- لعد ليش تصرخ؟ 

خالد - هههه لان اخوك يريد يطلع من بطنها

صهيد- ماريده ليش يخلي امي تصرخ وتتوجع؟

خالد- صهيد حبيبي ميصير هاذ اخوك

حضني وضل يطبطب علي مرت ساعه وطلعت الدكتوره وهيه شايله اخوي شافه أبوي وكبر على أذنه

خالد- الله اكبر الله اكبر،  أشهد ان لا الاه اله الله واشهد ان محمد عبدهُ ورسوله وأشهد ان عليا ولي الله أسميتك " وهبان " 

باوع علي وضل مبتسم اخذته الطبيبه وراحت علمود تسبحه وتلبسه ملابس راحت وياها عمتي رقيه وبيبي رحت گعدت يم أبوي

صهيد- ليش سميته وهبان؟ 

خالد- لان وهبان مثل كمله موهوب أريده يطلع موهوب

صهيد- وهبان خالد علوان حلو الاسم

خالد- صهيد خالد علوان هم حلو الاسم

ضحكت وگام لزم أيدي ودخلني جوه يم امي شفتها وحضنتها حيل لان جنت خايف عليها

خالد- هل ولد صالح يحبج هواي

انغام- واني هم احبه تعال يمه تعال ابوسك

باستني بخدي وأبتسمت بتعب

انغام- وين الطفل؟

خالد- اخذته امي ورقيه يغسلوله

انغام- شنو سميته؟

خالد- سميته وهبان

انغام- حلو الاسم بس ليش ما سميته علي؟ 

خالد- اختاريت أسم وهبان لان اريده موهوب وهم اريده يكون مميز بين الكل مثل صهيد

ابتسمت أمي وجابولها وهبان حضنته وجانت حيل فرحانه بي صرنا عائله من اربع نفرات اني وامي وابوي وهسه شرفنا وهبان رجعنا للبيت سوه واني وابوي اهتمينا بيها وبالبيت وعمتي رقيه تجي وتساعدنا عمتي رقيه جانت بعدها صغيره تقريبا عمرها 17 سنه مرت الايام ووهبان صار عمره 7 اشهر اهتميت بي بغياب ابوي وامي لان أمي تشتغل طبيبه وأبوي ضابط شرطه اني اهتم بوهبان وتعلق بيا حيل صرت اني احفظله واشربه مميه وما انام اذا ما اخلي بحضني وهو هم تعود اله ينام يمي تعلقت بوهبان حيل وصار جزء من حياتي جنت ازعل اذا يروح ينام   اهتميت بي وجانو امي وابوي معتمدين علي بيوم جنت اريد اروح لبيت جدي زلعب ويه سلطان

انغام- صهيد نوم اخوك وودي يم رقيه

صهيد- اي يمه صار

رحت ضليت العب وياه واشربه مميه لحد ما نام شلته واخذته لبيت جدي وخليته يمهم ورجعت للبيت  ورحنا اني وسلطان وسالم وحمزه جان صف أول واني وسلطان صف ثاني بس سالم صف سادس ابتدائي نروح للمدرسه سوه ونرجع سوه واحنه راجعين شفت بنيه صغيره تلعب بالشارع وانتبهت على سالم يباوع على هاي البنيه ولمن نفوت من يمهم ينطيها ككو لو جبس لو كيك وعصير ويهتم بيها هواي

سالم- فرح تعالي جبتلج اليوم ككو

فرح- سالم كم مرا كتلك مراح احبك بحياتي؟  ليش تتعب روحك؟ 

سالم- فرح بعدنا صغار ترا بس اوعدج لمن نكبر اتزوجج

فرح- ههههه روح سالم لا يشوفوني اهلي انوب

راحت فرح طبت للبيت سالم رغم جان صغير بس يحب فرح حيل مرت الايام وسالم بقى ويه فرح ، رجعت للبيت ورحت اخذ وهبان من بيت جدي لكيت عمي باقر يشغل السياره وعمتي رقيه بحظنها وهبان ويركضون ركضت عليهم بكل قوتي

باقر - صهيد شجابك اهنا؟ 

صهيد- عمو شبي وهبانن ليش هيج يتنفس بسرعه ؟ احجووو

رقيه- امشي ويانا

صعدت وياهم وجان وهبان يتنفس بسرعه جنونيه

صهيد- احجي عمه شبيي اخويي

رقيه- مابي شي بس شوي اختنك

باقر- رقيه كم مراا كتلكممم لممن تشغلونن الصوبهه تطلعونهااا برااا؟ ؟؟

رقيه- طلعتها برا وداعتك بس مادريت بي زحف وراح يمها

صهيد- احترككك؟ ؟؟؟؟

رقيه- لاا

باقر- يمكن اختنك من ريحه الصوبه

وصلنا للطبيب وفحصه خلاله اوكسجين وانتظرنا دقائق ورجع يتنفس طبيعي

- لازم تعرفون شبي گلبه اخذو لطبيب القلب حتى يعرف شبي گلبه

تشكر منه عمي باقر واخذت أخوي اني شلته ضليت ابوس بي واهدي هو حضني ونام بالسياره مخلي بحضني ونايم وهبان جان شوي سمين وخدوده صاريات حمر وصلنا للبيت ولگيت أمي موجوده سلم عليها عمي باقر وگالها على الصار امي ضلت تلطم واخذت وهبان مني وضلت تبجي. مرت الايام وامي وابوي اخذو وهبان للطبيب واكتشفو عنده فتحه بالقلب ولازم عمليه انصدمت وضليت ابجي على وهبان

خالد- عمليه حبيبي لازم يعني مو بيدي هل شي

حجيت واني ابجي واناشغ

صهيد- ماريد يموتت اريده يبقى وياي

خالد- ما يموت ان شاء الله وهيه ان شاء الله تخلص بسرعه

حضني وضل يطبطب علي مرت الايام وسوو العمليه وبقينا ننتظره بالساعات جنت ادعي ربي تنجح العمليه أشوف امي لازمه سبحتها وتدعي وبيبي وعمتي هم يدعون طلع الطبيب وبشرنا العمليه نجحت فرحت من كل گلبي ولمن شفناه بست خدوده وحضنته وخرت منه جنت حيل خايف علي ولمن صار عمره سنه ونص بديت اعمله على المشي وصار يركض بأتجاهي واني اضحك على سوالفه لان ماينفهم منها شي

وهبان- ثهيد ديبلي مثاثه وياك هاا؟  (صهيد جييلي مصاصه وياك هاا) 

صهيد- اجيبلك ليش لا

رحت للمدرسه وجان اول يوم وصرت ثالث ابتدائي وبعدها علاقه سالم وفرح نفسها ما تغيرت رغم كلمن صار بمدرسه سالم بمدرسه الولد لان صار اول متوسط وفرح صارت بمدرسه البنات هم اول متوسط جنه لمن نرجع سالم يرجع ويانا لان على طريق بيت فرح وجان يشوفها بس ميحجي وياها جان اكو محل بصف بيتهم رحت علي واشتريت مصاصه لوهبان واشتريت دعابل حتى العب بيهن لمن طلعت لگيت سالم يحجي ويه فرح

سالم- فرح ما بقى شي بس 6 سنوات اتحملي

فرح- سالم صارلك سنه تحبني واني ماحبك سالم انتَ تحبني من طرف واحد بطل حبك ألي

سالم- تحلمين فهمتي فروحتي؟  تحلمينن

فرح- بس اني ماحبكك،  صهيد اخذ ابن عمك وروحو حبابين

اخذت سالم ورجعنا للبيت جان كلش زعلان وراح لبيتهم واني طبيت للبيت اجاني وهبان يركض طلعتله المصاصه وانطيتها اله امي جانت بالمطبخ تسوي غدا اوه بالمناسبه امي تركت الشغل وصارت تهتم ألنا اكثر وها هيه حامل بشهرها الثامن بس يا فرحه ما تمت بيوم الولاده نورتنا بنيه وأبوي سماها

خالد- سميتك شام

جنت اني ووهبان فرحانين بيها لان اول بنيه بالعائله وجانو كلها فرحانه بيها مرت ثلاث ايام وبيوم امي گعدت علمود تبدل لشام لكيتها ميته زعلنا حيل وامي دخلت بحاله اكتئاب ضلينا نهديها اني وابوي لحد ما طلعت من حالتها النفسيه مرت السنوات

" ملاحظة اني دا اكتب بس الاحداث المهمه وشنو صار ويه صهيد من ولاده وهبان لحد وفاه امه وابو"

مرت السنوات وصار عمري10 سنوات ووهبان صار عمره ثلاث سنوات

سلطان- متخيل انتَ سالم راح يخطب فرح؟ 

صهيد- صدك ؟

سلطان- اي ولك

صهيد- احس بيهم تراب صارو قديمين

سلطان - تعذب اخوي وعلي

صهيد- يلا هسه المهم راح ينخطبون

ضلينا نضحك وبالفعل صارت الخطبه وانخطبو سوه فرح وسالم صارو لبعض فرحانين بيهم سالم جان طاير بفرح لان صارت خطيبته بس لاحظت فر ح جانت تتصنع الفرح والسعاده غلست گلت يمكن متوتره،  سالم طلع وطلعت ورا

صهيد- مبروك سلومي

سالم- صهيد انتَ متخيل وياي؟  هاي الجوه صارت ألي؟  وما بقى شي وتصير مرتي؟ 

صهيد- حبيبي الله يتممها على خير

شوي ورجعنا للبيت وجانو كلهم فرحانين بهاي السنين الراحت عمامي الباقين تزوجو عمي مصطفى وعمي باقر وحتى عمي عصام حب وحده وتزوجها

وعزل ببيت وحده بعيد علينا شوي  عمي عصام وأبوي جانو حيل مقربين من بعضلمن وجاب عمي عصام ولد ورحنا نتباركلهم

صهيد- عمه مبروك الولد الصالح ان شاء الله

- حبيبي الله يبارك بيك

عصام- خالد ابنك كبر ماشاء الله

خالد- بعده صغير

ضلو يضحكون ويسولفون لحد ماجابو طاري الشغل

خالد- والله اني اريد اترك شغل الضابط لان جاي يتعبني اريد ابلش اشتغل بالمعمل مال ابوي

عصام- معمل؟  بكيفك خالد ليش ما تجي تشتغل وياي؟

خالد- عصام. محد يدير الشغل وابوي تعب اني بداله وهم سالم او صهيد راح يورثون هاذ المعمل

عصام- ليش يورثونه؟  المفروض أبني علي هو الوريث

خالد- انتَ عندك معمل بأسمك عصام

عصام- امم اي مبروك اشتغل انتَ بي خالد

سدو الموضوع حسيت اكو شي غلط بعمي ماهتميت وطلعت برا ضليت انتظرهم برا استحيت ابقى جوه لان كلها تسولف سوه بقيت برا لحد ما طلعو لمن رجعنا للبيت امي صارت تتقيء وبطنها توجعها اخذها ابوي للطبيب واني بقيت اقري بوهبان

وهبان- صهيد ماما بيها شي؟ 

صهيد- لا حبيبي مابيها شي هسه تجي،  يلاا عادد اقره اني هم وراي قرايه

وهبان- صهيد

صهيد- ها

وهبان- احبك

صهيد- واني هم احبك

ابتسم ورديتها اله ورجعت اقره رجعو بعد ساعه وطلعت امي حامل فرحنا حيل امي اخر حمل الها جان قبل سنتين تقريبا وفقدنا الامل ان ترجع تحمل بس شاء القدر وحملت وجابت النا مولد ولد وسماه ابوي "كرار" صرت اهتم بكرار وبوهبان بغياب ابوي،  ابوي صار يشتغل بالمعمل مال جدي وجان شغله ماشي تمام بدت امتحاناتي وأمي تقريني وركزت على دراستي بحيث هملت كرار ووهبان كرار اهتمت بي امي ووهبان صار أبوي يودي لبيت جدي يلعب ويه الولد سلام ومسلم ومرات يلعب ويه حكيم لان اثنينهم تقريبا نفس العمر بدت امتحاناتي وامتحنت وعديت الامتحان بالنجاح أبوي جان فرحان حيل بيه وهديتي جانت بايسكل

وهبان- اكلك صهيد

صهيد- ها

وهبان- ليش كرار مايگدر يوگف

صهيد- حبيبي بعده صغير عمره 10 اشهر وين يگدر يوگف

وهبان- اني هم جنت هيج؟ 

صهيد- كلنا جنه هيج

وهبان- صهيد

صهيد- ها

وهبان- خلي العب وياك طوبه

صهيد- لا

وهبان- ليش؟ 

صهيد- طالع اني

طلعت من البيت ورحت على بيت عمي عصام شفت علي وهو صار عمره سنتين علي اكبر من كرار بسنتين

عصام- ها صهيد

صهيد- عمي اجيت لان ابوي مدري شراد منك

عصام- هاا اي تعال طب جوه

صهيد- لا عمي منا انطيناها حتى اروح بسرعه

راح عمي عصام طب جوه وبقيت برا العب ويه علي جنت احبه مثل اخوي اجه عمي وانطاني علاگه بيها ادوات تصليح ومدري شنو اخذتها وسلمت علي درت وجهي اريد اروح لگيت رجال جاي ينزل بالغراض ومرته بيدها طفل حديث الولاده تباوع علي

صهيد- الله يساعدك عمي تريد مساعده؟ 

- ويساعدك الواه بس تگدر تنزلي هذني الجنط

صهيد- اي عمي بعيني

نزلت وياه الجنط والغراض وساعدته لان جان وحده ومحد وياه طببتله الغراض وجان بيتهم قريب كلش على بيت عمي عصام

- مشكور أبني تعبتك وياي

صهيد- لا عمي تعبك راحه

- شنو اسمك انتَ؟ 

صهيد- صهيد

- والنعم منك

ابتسمتله ورجعت للبيت انطيت الغراض لابوي وراح للمعمل بقت امي تسوي غده

صهيد- يمه

انغام - هاا

صهيد- رايح يم سلطان

انغام- روح بس مو تتأخر

اجاني وهبان يركض

وهبان- حبابب اخذني وياك

صهيد- لا حبيبي اني طالع اروح بعيد

انغام- ودي وهبان يم بيت جدك

فرح واخذته وياي لبيت جدي سلمت عليهم

علوان- شعجب منورنا؟ 

صهيد- وهبان يريد يلعب ويه حكيم

مصطفى - حكييممم تعال اجه وهبان

اجه حكيم يركض

حكيم- صاحبييي

وهبان- عزيز گلبي شلونك؟ 

صابرين - ولا عبالك البارحه جانو سوه

ضحكنا عليهم واجه سالم سلمت علي وهو گعد انتظرت سلطان يكمل سبح لان طب يسبح بقى سالم گاعد وورا شوي اجاه اتصال على التلفون

سالم - أبوي وينن! 

صهيد- عمي برا

طلع يركض ورحنا ورا اني وعمي مصطفى

عباس- ها سالم شبيك؟ 

سالم- بويه بويه فرح

عباس- شبيها

سالم - فرح تريد تعوفني

عباس- جا خلي تعوفك قحط نسوان؟ 

سالم- لا ابوي انتَ مجاي تفهمني اكلك تعوفنييي يعنيي متريدنيي.

دار علي واجه علي

سالم- صهيدد راح تعوفنيي ليشش؟ 

صهيد- سالم أهداء عليك الله

سالم- لا لازم لازم اعرف شبيها وليش هيج فجاء متريدني

طلع بسرعه يركض واني طلعت ورا جان يركض بسرعه وما منتبه وگفت لان تعبت ورجعت اركض ورا،  بس أجتي سياره سريعه ودعمت سالم بقيت صافن مصدوم من الصار تجمعت الدموع بعيوني وصرخت

صهيد- سااللمممم

ركضت علي وجان دمه سايل بالگاع

صهيد- سالمم سالمم فاتح عيونك لتغمضض سالمم

حجه بتعب

سالم- صهيد… فرح عافتني … أريد فرح قبل لا اموت

صهيد- ماتموتتت! !!!! سالمم افتح عيونكك

ركضت على بيت فرح لان جان قريب دگيت الباب بكل قوتي وطلعت ام فرح

ام فرح- صهيد؟  شجابك اهنا وليش ملابسك مدمره؟ 

صهيد - وين ابو فرح خلي يجي بسرعههه سالمم سوهه حادثثث جيبووو السيارههه نودييي للمستشفى قبل لا يموتتت

دخلت ام فرح بسرعه واجت فرح تركض

فرح- سالمم وينن؟ 

باوعت عليها بكل حقد

صهيد- بسببج انتِ الصار ويه سالمم انتِ السبب فرح أذا مات سالم ماتلومين أله نفسج

توترت حيل واجه ابو فرح واخذته لسالم بس تأخرنا سالم مات بالطريق بلغ ابو فرح الاهل وكلهم اجو جانت عمه علياء مرت عمي عباس منهاره من البجي اني بقيت گاعد ومصدوم ملابسي مدمره دم سالم اجه أبوي يمي

خالد- صهيد روح هدي حمزه وسلطان خطيه

باوعت عليهم وسلطان جان متجي على الحايط ويبجي وحمزه يبجي بالختلات رحت على سلطان وحضنته ضل يبجي بحضني سالم صار الاب والاخ  والصديق لحمزه وسلطان سوينا الفاتحه وجانت الوقت يمر ببطء عمي عباس ومرته يبجون من كل گلبهم خصوصا عمتي علياء جانت تدگ وتطلم وتصيح

علياء - بسببب فرححح كلهه من وراهااا هيههه الدمرتتت ابنييي

سعاد- كافي يا يمه كافي موزين عليج

علياء - خلونييي خلونييي بضيمييي خلونييي ولكمم شلوننن راححح هيججج شلونننن

مرت أيام الفاتحه بكئابه سلطان ماصرت اشوفه هواي لمن كملنا الاربعين مال سالم رحت لبيت فرح ودكيت الباب طلعلي زلمه ماعرفه

- تفضل؟

صهيد- بيت ابو فرح؟ 

- لا شالو صارلهم شهر

صهيد- مشكور

سد الباب وانصدمت عافت البصره بكبرها لان دورت عليها اريد اعرف ليش هيج سوت بسالم وما انتظرت بس10 ايام وشالو لغير محافظه حقدت على كل البنات وحلفت ما اتزوج أي بنيه وكرهت كل البنات بسبب فرح رجعت للبيت وجان بعدهم مامتخطين سالم زعلت حيل ورحت لغرفتي

صهيد- مات صاحبي وعزيز روحي بهاي السرعه؟  انتَ أبوي الثاني ليش تعوفنا هيج سالم؟  وحق روحك ماخلي اخوانك يعيشون نفس التجربه. اوعدك راح احمي اخوانك

نمت واني حلفت وگطعت وعد احمي حمزه وسلطان مهمه صار ، مرت السنين وكبرنا اني وسلطان وها ابشركم امي جابت بنيه قبل خمس سنوات سموها ورده وعلي كبر وصار بـ الرابع   الابتدائي بيوم رحتلهم علمود اقري علي لان جان عنده امتحانات أني صرت جامعه قسم هندسه 

علي - اكلك صهيد عوف الدراسه اريد العب ويه شجره

صهيد- ههه شجره شنو؟ 

علي - صديقتي اسمها شجره لقبها لان اسمها صعب

صهيد- اقره هاذ حتى اخليك تروح ويه صديقتك

بديت اقري الرياضيات لان جان عمي عصام ميعرف زين بالرياضيات واني شاطر بيها وگال ادرسه كملت دراسه لعلي وضم كتبه سلمت على عمي وطلعت برا ادخن طلع علي وراي وراح دگ الباب على جارهم ابتسمت لان نفسه البيت الي ساعدتهم   فتحت الباب بنيه صغيره شعرها اسود طويل ومسويته ضفيره جانت ملاك صغير بهذاك الوكت جان عمري تقريبا 22 سنه هيج. شافتني البنيه واجتي علي تركض

- عمو ميصير تدخن لان موزين عليك

صهيد- يا بعد عمج وانتِ شمدريج؟ 

- عمو دائما اسمع ماما تكول لبابا مايدخن لان موزين علي وهم اليوم بالمدسه كالو الدتخين يضر الرئتين

صهيد- اهاا بيا صف عمو انتِ ؟ 

- عمو اني ثالث  ابتدائي

اجه علي سحبها حتى يلعبون

علي - يلا شجره خلي نلعب

- اسمييي مو شجرههه كمم مراا كتلكك

نترت ايدها وگعدت بصفي مجتفه ايديها وتبجي

صهيد- علي ليش هيج خليتها تبجي

علي - اهوو اسمج صعبب ماعرف الفضهه

- اسميي سهلل بس انتَ متعرف

صهيد- شنو اسمج بالله؟ 

- شُجان اسميي سهلل

صهيد- شجان حلو الاسم علي الفظ اسمها عدل

علي - اهوو شجره احسن من اسمج

شُجان- علي مالعب وياك بعدد مزاعلتك

صهيد- تعاي شجان

شجان- حتى انتَ ماحجي وياك

صهيد- شعلي اني؟ 

شجان- ما مزاعلتك

صهيد- انطيج الف وترضين؟ 

شجان- اريد اشوفه

طلعت من جيبي ألف هيه ابتسمت واخذته باستني بخدي وگعدت يمي مدت لسانها لعلي

شجان- هاذذ حسنن منك

علي - هاي شنو اني هم اريد مو بس هيه

ضحكت علي وانطيته وگمت منهم واني اشغل جگارتي الثانيه

صهيد- يلا بيباي شجونه

شجان- باي عمو

هل طفله دخلت گلبي رغم صغر عمرها بس تنحب بسرعه واني اتذكر تصرفاتها اضحك عليها

خالد- صهيد راح نروح اني وامك عدنا شغله بسرعه ونجي دير بالك على ورده

صهيد- اگدر اعرف وين؟ 

خالد- بسرعه نجي صهيد دير بالك على اخوانك واكو اكل بالثلاجه حمي الهم خلي ياكلون ولمن يجي وهبان كله ياكل لان مماكل

انغام- ورده لعبها بغيابنا ووكلها مو تنسى وها لا تنطيها هواي حلويات لان بطنها توجعها تضل خوش؟ 

صهيد- هههه يلا يلا روحو اعرف شلون اهتم بيهم

اجه ابوي وخله ايده على جتفي وابتسم

خالد- انتَ ابوهم بغيابي خوش؟ 

صهيد- طبعا حجي اعتمد علي

راحو أمي وأبوي واني جنت العاب ورده لحد ما نامت شلتها وخليتها بغرفه امي وابوي ونزلت جوه لكيت وهبان جاي

صهيد- وهبان تريد اكل؟ 

وهبان- شمسوين؟ 

صهيد- ماعرف برياني يمكن

وهبان- هسه اصب كرار وين؟ 

صهيد- راح ويه حكيم للطوبه قبل شوي

وهبان- اها خوش

راح وهبان صب لروحه اكل وگعد ياكل جنت اباوع على التلفزيون واتصل احد بتلفون البيت استغربت رقم غريب؟  جاوبت وجان صوت رجال غريب وخشن حيل

- امك وابوك بالمستشفى **** تعال بسرعه

انهبطت ورحت ارگض لورده شلتها ونزلت

وهبان- صهيد شكو !!!

صهيد- امي وابوي بالمستشفى بسرعهه روح جيب كرارر تلگاه بالملعب الورانا مابين اودي ورده لعمتي رقيه بسرعهه

طلع وهبان يركض واني ركضت وطبيت للبيت جان جدي ما موجود وكتلهم على السالفه واني جسمي كله يرجف خايف على اهلي لا يصيرلهم شي اخذت عمتي رقيه ورده مني عمتي رقيه تزوجت وتطلگت وعدها بنيه اسمها "كنان" ركض عمي عباس لسيارته وصعد بيها صعدت ولفنه اخذنا وهبان وكرار وكرار ما مفتهم السالفه كرار جان عمره تقريبا 10 سنه ووهبان 16سنه

كرار- شكو صهيد صاير شي ليش اجاني وهبان يركض؟ 

صهيد- ماصاير شي حبيبي مصاير شي بس لازم نروح بشغله

ساق عمي عباس السياره ووصلنا للمستشفى دخلت بسرعه اركض ولگيت زلمه جبير بالعمر عرفته هاذ يشتغل ويانا بالمعمل لمن شافني اجه سلم علي

صهيد- عمي شصاير بأمي وابوي؟ 

- والله ماعرف اجيت اريد اروح للمعمل ولگيت سياره مسويه حادث ولمن اقتربت منها لگيت امك وابوك مسوين حادث وجان الدم يسيل منهم وبسرعه جبتهم اهنا

صهيد- حادث ؟ ويم المعمل؟ 

- اي وداعتك

التفتت على كرار والدموع بعيوني وكرار جان يبجي

صهيد- لا تبجي هسه يصيرون زينين

عباس - مشكور ما قصرت

- لا عادي عود طمنوني عليهم استاذ خالد ورده ميستاهل هيج يصير وياه

راح وعافنا استغربت من سالفه الحادث ماكو يم المعمل اشجار او فد شي يخلي السياره تسوي حادث عرفت الحادث مقصود واكو قصه وراه هل حادث

عباس- صهيد خابرت عمك عصام ومايجاوب خابره انتَ

خابرت عمي عصام ومايرد بقيت انتظر مرت ساعتين وطلع الطبيب رحت علي اركض

صهيد- ها بشرر ابوي بي شي؟ 

جانت ملامح الحزن على وجه

صهيد- أمي … أمي بيها شي؟ 

بقى ساكت

- الباقي في حياتكم

صاح كرار وهو يبجي

كرار- منووو بيهممم دكتوررر احجييي

- أبني هاي سنه الحياه وكلنا نموت

وهبان- احجييي دكتوررر! !!!!!

- اثنينهم

انصدمنا كلنا گام كرار يصيح ويريد يدخل جوه الابوي لزمه وهبان وهو مدنگ وهبان شخص كتوم حيل بس ضل يبجي رحت لكرار وحضنته

صهيد- كرار كرار اسمع حبيبي لتبجي لتبجي خوش؟  اني اهنا اني يمك ماعوفك كرار

كرار- اريد ابويييي وامييي اريدهممم انييي

حضنتهم اثنينهم ومن هذاك اليوم صار ثلاث اطفال برگبتي وهبان جان مراهق وكرار بعده 10سنوات وورده يا حبيبه اخوها بعدها عمرها خمس  سنوات عملت وهبان مايدخل بالعلاقات الحرام أو يحب بنيه علمته على الطريق الصح بالفاتحه جنت اني المستلم الشغل كله استقبل الناس التجي وانطيهم الاكل والشرب ووهبان وكرار جانو ما مقصرين وياي جانت الفاتحه هاي اسوء فاتحه اسوء من موت سالم لان خسرت كلشي حسيت بالضعف اول شي خسرت سالم وبعدين خسرت امي وابوي حسيت اريد استسلم للحظه اجاني كرار

كرار- صهيد انتَ ابوي لتعوفني وحدي

صهيد- ماعوفك حبيبي ماعوفك انتَ بگلبي شلون اعوفك

كرار- ورده تريدك ضلت تبجي تدور عليك

صهيد- يابعد حيلي وينها جيبها؟ 

كرار- ماتقبل تكول اريد صهيد

طلعت من الجادر وطبيت جوه شفت ميسره بنت عمي مصطفى عمرها 8 سنوات

صهيد- ميسره حبيبتي روحي صيحيلي اختي ورده

ميسره- صهيد اي هسه اصيحلها

طبت ميسره ولمن طلعت جانت لازمه أيد ورده الي تبجي لمن شافتني رگضت علي وحضنتني شلتها وضليت اهدي بيعا

ميسره- صهيد

انتبهت عليها واشرتها ها

ميسره- لا تعوف ورده واخوانك

صهيد- ماعوفهم حبيبتي

ميسره- حتى اني؟ 

ابتسمت وگرصت خدها وطلعت من بيت جدي ورحت لبيتنا

ورده- صهيد اريد ماما

ماعرف شكلها بعدها صغيره مو مال اكلها امج ماتت دخلتها للبيت ووديتها لغرفتي وشغلتلها وشغلتلها الابتوب مالي وطلعتلها فلام كارتون

ورده- صهيد ماريد هاي اريد امي

صهيد- ورده حبيبتي أني أمج وأبوج واخوج وصديقج خوش؟  لتضمين علي أي شي اني اهنا اعتبرني أبوج وكلشي اعتبريني مخزن اسرارج ورده انتِ مراح تفهمين الي جاي احجي

ورده- ماتو؟

تجمعت الدموع بعيونها وحضنتني وضلت تبجي بحضني گعدت بالگاع وخليتها بحضني تكمل بجي لحد ما نامت شلتها وخليتها على الجربايه وغطيتها وطلعت من الغرفه گعدت على الدرج وضليت ابجي صعب صعبب الشعورر صعببب بيوم وليله يروحون صعبه علي افقد امي وأبوي بيوم واحد،  نزلت ورجعت وياهم اشتغلت وضغطت على نفسي حتى ماشوف اخواني واگعد ابجي من هذك اليوم صرت اني الاب والام والصديق والاخ لاخواني مرت الايام والسنوات دخلت بعمر الـ30 وكلهم كبرو ودخلو جامعات اله ورده جانت سادس اعدادي وبطلت. وهبان صار ملاكم بس ترك الملاكمه ودخل جامعه الهندسه وتخرج منها وكرار بعده مرحلة ثالثه جامعه القانون محامي بهذيج السنوات صرت ألهم السند وكلشي واني افرح لمن اشوفهم يكبرون گدامي شوي. شوي اشتغلت بهواي شغل بس علمود ماخليهم يحتاجون احد اوه بس لحظه خلي نرجع بالزمن شوي لمن جان عمري 25 قبل عشر سنوات .

اركض بكل قوتي وعمامي وراي يصيحون بس ماهتميتلهم اركض والغضب مسيطر علي دفرت الباب. وصار گبالي علي دفعته ودخلت جوه رحت لعمي عصام ولزمته من ياخته واني اصيح علي

صهيد- ليشششش !!!! اخوكككك لككك واخوووككك لييييشششش هيحجج سويتتت بييي! !!! عصامم وحق السموااتتتت ماخليككك عايشش

دفعني ورجعت اضربه صار فوگاي ولزمني من ياختي وهو يضحك

عصام- تعرف ليش؟  المعمل الي بأسمك اريده ألي اني التعبتتت بيي انييي التعبتتت بيهننن مو انتتت لووو ابوككك جانن علموددد اخلصص من ابوك هو اموته وأموت سالم وصار دورك واخوانك وحتى اختككك

ضل يخنگ بيه ودخلو عمامي عمي عباس سمع انُ عصام الي كتل ابنه سالم راحو على عمي عصام ووخرو مني بقيت گاعد بالگاع مصدوم هاذ أبليس مستحيل يكون عمي علي جان يباوع علي ويبجي طلعت برا امشي على كيفي عفتهم وجان عمي عباس صاير عصبي ويضرب عصام صارت عركه جبيره عفتهم وطلعت برا حسيت اريد اوگع كعدت على الدجه ( مثل الرصيف بس صاير گدام باب البيت)  خليت أيدي على راسي مامستوعب عصام سوه كل هاذ لان عرف اني وسالم راح نورث هاذ المعمل قرر يقتل سالم بعدها أبوي ويريد يقتلني اني اجتي نفس البنيه جنت ناسي اسمها بس اجتي علي وانطتني كلينكس

شُجان- عمو شبيك تبجي؟

صهيد- ابجي على روحي

شُجان- شبيها روحك

صهيد- تريد تموت

لزمت وجهي بأديها الصغيره

شُجان- عمو لا تستسلم الحياه هيج يوم الك ويوم عليك

أبتسمت الها ولزمت ايديها وبستهن جانت اديها ناعمه دمعت عيوني

صهيد - بيا صف صرتي؟ 

شجان- راح اصير خامس

صهيد- اوو عفيه

ضحكت ولمن شافت عمامي طلعو خافت منهم وصارت بصفي خاتله

صهيد- شبيج؟

شُجان- اخاف يكتلوني

صهيد- لا مايكتلونج لتخافين

گمت واريد اروح لزمتني من ايدي

شُجان- انتَ بطل تذكر هل شي عمو

ابتسمتله ورجعت للبيت گلت لوهبان ولكرار على الصار وحقدو على عمي عصام ورده جانت تكره عمي عصام من زمان بس انطيتها خبر وصارت تكره اكثر

رحت لبيت جدي وگعدت بديوان علوان گعدت گباله واجتي كنان انطتني الجاي ابتسمتلها وراحت

علوان - عصام سوه هيج؟ 

صهيد- ابنك أبليس مو بشر ابنك شيطان

علوان- ابني ميسوي هيج وهاذ عمك عيب تحجي علي

صهيد- عمي؟  من هسه اتبره منه ماريد لا اعرفه ولا يعرفني

عباس - بويه انتَ شايف روحك شجاي تحجي؟ 

علوان - لدوخون راسي سالم وخالد ماتو الله يرحمهم

صرت عصبي وصحت

صهيد - انتَ تعرف بالسواه موو؟ !!!! لهاذه انتَ ساكتتت على عمايللل ابنكك

علوان- صهيد !!!!

صهيد- وجعهههه بگلبب صهيددد

علوان- عباس اطلع برا اريد احجي ويه صهيد على انفراد

طلع عمي عباس وهداء جدي

علوان- أسمع كلش زين عصام يوصلك تهديد أذا ما تنطي المعمل راح يدمر حياتك،  صهيد انتَ شلك بالمعمل شو مهندس والحمد الله عندك خير تنازل عن المعمل وأوعدك اخلي عصام يشيل لغير منطقه بعيده كلش علينا

صهيد- افكر

طلعت بدون ما انتظر الجواب من جدي رجعت للبيت لگيت وهبان جاي يدرس هو وورده وكرار اجتي ورده تركض

ورده- صهيد كول لكرار خلي يقرينيي

وخرت منها وصعدت فوك بدون ما ارد عليهم رحت لغرفتي اجتي ورده دگت الباب

صهيد - مو هسهه اريد انام تعبان

ورده- صهيد

جانت تبجي بسرعه ركضت فتحت الباب لكيتها تبجي شلتها خليتها بحضني

صهيد - شبيج حبيبتي ليش تبجين؟ 

ورده- بطلت تحبني صهيد

جانت تحجي وتبجي ابتسمتلها وبست خدودها

صهيد- لا حبيتي ماكرهج ولا بطلت احبج انتِ حبيبة صهيد شلون ابطل احبج؟ 

ورده- جا ليش ماحجيت وياي لمن كتلك على كرار

صهيد- تعبان حبيبتي تعبان والله

بقت شوي يمي وجابت كتبها قريتها وراحت لغرفتها تنام ، نرجع لمن صار عمري 30 علاقتي ويه جدي تحسنت والمعمل تنازلت علي وعصام اخذ عائلته وراحو شالو لغير منطقه بعيده علينا من اخر مرا شفت بيها البنيه الصغيره. قبل 8 سنوات ودائما اني افكر بيها ماعرف صارلي سنين مشايفها ماعرف بيها شنو اخبارها بيوم مليت من البيت وحسيت راح اختنگ من البيت طلعت ورحت للبستان مال العائله رحت لبيت صغير بي حصان أسود "الكسندر " صار سنه من اشتريته وتعلقت بي الكسندر صار جزء من حياتي دائما افضفضله واذا اختنگ اروحله واگعد افضفضله صار مخزن اسراري بس بهذاك اليوم صار شي مختلف واني جنت افضفض لالكسندر اجتي بنيه لمن دققت بملامحها عرفتها نفس البنيه الصغيره الجانت يم بيت عمي عصام بس جانت خايفه واجتي علي تركض

شُجان-عمو الله يخليك احميني

صهيد- منو انتِ وشجابج صوب البستان وانتِ بهيج عمر؟

سويت نفسي ماعرفها لان ماريد تعرفني

شُجان- عمو بس احميني وانوب اوخر وداعتك

صهيد- من منو تخافين؟

شٌجان-من مرت ابوي وابوي والشيخ

صهيد - طبي جوه ولطلعين لحد ما اكلج اطلعي

طبت حسيت بگلبي يدگ بسرعه ماعرف جانت حلوه لمن جانت صغيره وهسه صارت احلا سمعت خطوات وراي خطوات رجعت لملامح البرود

سناء- باوع لك اذا عرفت البنيه عندك متلوم اله نفسك

صهيد- واني شمدريني؟ محد گرب صوبي اهنا مثل ما تشوف ماكو احد بس اني والاسكندر الحصان بتكم حصان؟

نعمه- بويه متأكد البت ماموجوده يمك؟

صهيد- عمي وداعت شيبات هاذ الشيخ ماكو

الشيخ علي - والله اذا البت يمك ادفنك وانت حي

صهيد - توكل خالي ماكو احد اهنا هيه گوه؟

نعمه- اريد افتش بنفسي يمكن طبت للمخزن؟

صهيد- المخزن هستوني جنت بي وقفلته قبل لا اطلع ماكو احد عمي توكل

نعمه- بس..

صهيد - اها؟ عمي كتلك توكل لا تضل تبسبس

جانو واحد يباوع للثاني رفعت حاجبي وراحو

رجعت للبنيه فتحت الباب

صهيد-طلعو تگدرين ترحين

شُجان- وين اولي؟

صهيد- چا تبقين اهنا؟

شُجان- لا مو قصدي

صهيد - چا شقصدج تعالي اطلعي اهنا راح تموتين من الحر

ومن هذاك اليوم ضميت على شُجان انُ اني نفسي الولد الجانت تجي تگعد يمه لمن جانت صغيره وهيه كبرت وصارت مرتي حبيتها حيل واهتم بيها ماخليتها بيوم محتاجه شي عاملتها مثل معامله بنتي صح فرق العمر بينا 15 سنه بس الله شاهد احبها حب مامعقول اكو احد يحب شخص هل گد شُجان اعرفها من لمن جانت طفله رضيعه ولحد ما كبرت وصارت مرتي بالصدفه يمكن جانت مساعدتي لابوها وامها بهذاك اليوم مو صدفه ربي جمعني باهلها واني مراهق حبيتها رغم جنت اكره البنات وجنت اكول مراح اتزوج واعوف اخواني بس هاي اني تزوجت وعندي شجان تسوه كل البنات،  لمن تزوجت مريم جنت ماطيقها وتزوجتها لان جنت عبالي شُجان ما تحبني بس لمن عرفت بيها تحبني بالصدفه سويت كلشي بس علمود اطلگ مريم رغم مريم جانت تحبني بس اني ماحبها گلبي ويه شُجان عقلي ويه شُجان هاويها اني. …

وهنا كانت حكاية صهيد خالد علوان ألذي تعذب جدا في طفولته ومراهقته وحتى في شبابه لاكن ربي عوضه بشُجان وابنهم الراح يجي بالطريق حُب صهيد المبالغ لـ شُجان هو افضل شيء بحياه صهيد

تعرفنا على سالم الشاب الذي كان يحب فتاه فرح لاكن غدرت بسالم واختفو من البصره سالم الذي ذهب ضحيه لأجل الحُب وهنا يكون نهايه البارت انتظروني بالبارت الجاي. 

________________________________

يتبع…

رأيكم؟  هاي قصه صهيد وسبب كره لعمه عصام اتمنى عجبكم البارت؟  تصويت لنتسون 🤍

قناتي على التلي اشتركو بيها

بسم الله الرحمن الرحيم

اللهم صل على محمد وآل محمد

اللهم بارك على محمد وآل محمد

___________________________________

گعدت من النوم تعبانه حيل بالكوه كمت غسلت وجهي طلعت من الغرفه ورحت للاستقبال واني مخليه أيدي على بطني لگيت صهيد يمه اوراق لمن شافني ابتسم

صهيد- صباح الخير

شُجان- صباح النور

صهيد- تعالي گعدي يمي

شُجان- خلي اسويلك اكل اكيد بعدك ما ماكل؟ 

صهيد- لا حبيبي اكلت تردين اسويلج اكل؟ 

شُجان- لا ماشتهي هسه

رحت گعدت يمه والاوراق بيها مخططات وارقام هواي

شُجان- شنو هاي؟ 

صهيد- مخطط بناء

شُجان- صهودي

باوع علي مبتسم

صهيد- ها يا عيون صهودج

شُجان- عادي اليوم نروح ناكل بمطعم؟

صهيد- أي ليش لا يلا بدلي بسرعه

فرحت وحضنته وبسته من خده

صهيد- ماناسيها ابد

شُجان- شنيه؟

صهيد- احجي ويه روحي.

ابتسمتله ورحت للغرفه بدلت ولبست جبه كشوخيه وربطه صرت جني مثقفه طلعتله هو طب يبدل لمن طلع جان طالع برفكتو جان لابس تيشرت بني وبنطلون اسود لزم ايدي وباسها

شُجان- اكلك صهيد

صهيد- ها بويه

شُجان- امم عبودي يريد كيكه ام الككو

ضحك ونزل لبطني باسها

صهيد- يدلل عبودي اجيبله احلا الكيك

ابتسمتله وطلعنا رحنه لمطعم حلوات طلبت جاي

وكيكه وهو طلب بس جاي گعدت اكل واني مبتسمه وأباوعله

صهيد- اعتذر على كلشي سويته وراح نبدي بدايه جديده اني وانتِ وأبنا

شُجان-صهيد عمري ما فكرت يجي يوم واتزوج ويصير عندي طفل

صهيد- اول مرا شفتج بيها حبيتج بس جان لسانج طويل

شُجان- ههه جنت خايفه من أبوي ولهاذه طولت لساني

صهيد- لا هاي المرا الثالثه اقصد المرا الاولى الشفتج بيها لمن جان عمرج 7 سنوات

انصدمت شنو؟ 

صهيد- ها شو صفنتي؟

شُجان- شلون؟ ماتذكر شفتك واني صغيره

صهيد- هههه طبعا بويه ما تتذكرين لمن جان علي يلعب وياج وانتِ ضليتي تصيحين علي لان يصيحلج شجره تتذكرين؟

شُجان- اتذكر لمن علي يصيحلي شجره بس ماتذكر شفتك؟ 

لزم ايدي وطبطب عليها وابتسم

صهيد- انسي بويه انسي

اجاه اتصال وگام علمود يحجي برا بس طول واني كملت الاكل وصار وقت الدفع وهو بعده دفعت مني واخذت الغراض وطلعت مالگيت صهيد واني ماندل البيت خفت واتصلت علي ميجاوب ضليت اتصل بي لحد ما قفل التلفون حاولت اتذكر اسم المنطقه لحد ما تذكرتها اجرت تكسي ورحت للمطنقه نزلت من التكسي وضليت افتر بين الافرع لحد ما وصلت للبيت بعد ما افتريت فوك الساعتين الحمد الله عندي نسخه احتياطيه وفتحت الباب ودخلت البيت فارغ ماكو لا صوت ولا أي شي حاولت اتصل بصهيد بس ميجاوب خفت اكثر لمن مر اليوم وصهيد ماكو لا اثر ولا أي شي الساعه بالـ12 باليل اتصل بيه جاوبته بسرعه

صهيد- اسف

شجان- وينننن جنتتت اتصللل عليكك من الصبحح والي هسههه ليشش متجاووببب صهيددد وينكك ارجعع

صهيد- بالبصره

انصدمت وصرخت

شُجان- وانيييي؟  ليششش رحتتت ليششش

صهيد- وهبان بالطريق لمي ملابسج بسرعه وملابسي وياج وتعالي اني افهمج ليش واقفلي البيت زين

سده بوجهي بدون ما يحجي شي خابرت على ورده لان هيه ببغداد عايشه اتصلت عليها وطلعت هم موجوده بالبصره استغربت شكو صاير شي! لميت ملابسي بسرعه گعدت ابجي لان احس صاير شي سمعت الباب يندك رحت فتحت الباب لكيته وهبان

وهبان- وين الجنط؟ 

شجان- جوه

دخل واشرتله على الغرفه راح جاب الجنط وطلع

وهبان- يلا بسرعه! !!!

صاح بوجهي واني سديت الاضويه وقفلت الباب وطلعت صعدت الي ورا وبقيت ساكته وهو ساق

شُجان- وهبان صاير شي؟ 

وهبان- لا

شُجان- لعد ليش صهيد عافني؟ 

وهبان- ماصاير شي

سكت واني سكتت بقينا شوي واتصل بي صهيد

سمعت المكالمه لان هدوء محد يحجي

صهيد- بسرعه وهبان كرار حالته موزينه بسرعه

وهبان- بالطريق والله بالطريقق

انصدمت شبي كرار ققرت ما ابقى ساكته وحجيت

شجان- وهبانن شبيي كرارر

سكت ما جاوبني

شجان- كرار شبيي احجيي

بقى ساكت سكتت اني هم بس ادعي بگلبي يكون ما بي شي مرت الساعه وصارت بالـ5 ونص الفجر وصلنا للبصره وكبل وداني للبيت ونزلني وراح طبين للبيت وذبيت الجنط بالاستقبال ورحت لبيت جدو ماموجود احد طلعت واني الدموع بعيوني شفت تكسي جايه من بعيد وطبگت على بيتنا الشخص الي نزل مستحيل توقعته يجي لمن شافتني اجتي تركض وهيه تبجي

جمره- شجاننن

بقيت مصدومه وهيه حضنتني وتبجي الي استغربته جانت نازعه الحجاب وجانت لابسه بنطلون وتيشرت اسود والكوت لون بني تغيرت خلال شهر مدري شهرين؟ بقيت اباوع لشكلها وهيه تبجي

جمره- كرارر ويننن شجانن

شجان- ماعرفف ماعرف انييي هممم ماعرففف كلهمم. ماموجودينن

سحبنتي ورجعت للتكسي ودلته على مستشفى سئلتها واحنه بالطريق

شجان- ليش نازعه الحجاب؟

جمره- تحجبت غصب واني ماحب الحجاب ققرت انزعه

سكتت وطلعت تلفونها وخابرت على عمي عباس

جمره- بابا اني بالعراق وينن كرار بنفس المستشفى غيرر؟   … جايه

وصلنا ودفعت الفلوس وسحبتني وصلت تركض

لمن سئلنا علي عرفنا بغرفه الانعاش جمره گعدت تبجي حيل واني باقيه بصدمتي مجاي افتهم شكو رحنا اني وياها وجانو كلهم موجودين وانصدمو من جمره وطريقه لبسها ونزعها للحجاب وانصدمو لان اني اجيت وياها رحت جمره لعمي عباس تبجي

جمره- بابا بابا شبيي كرار احجيي

محد جاوبها وضلت تصيح بينهم

جمره- احجوو شبيي ليش مجايي تحجو

سلطان- جمره تعالي وياي

سحبها بددون ما ينتظرها ترد والواضح تعاركو ضليت ادور على صهيد بينهم ماكو

شجان- صهيد وين؟

عباس- رجعي للبيت

شجان- اني مو فرد من العائله احجو وينن صهيد وشبيي كراررر شلعتوو گلبيي احجوو

حجت عمتي رقيه وهيه تبجي

رقيه- طلع گال راح اطلع يم جماعتي ومانحس اله واحد يكللنا كرار مدعوم ودمه سايل بالگاع

انصدمت ورحت گعدت من الهبطه ضليت ادعي ربي يگوم بالسلامه

شجان- وهسه … زين؟

عباس - كالو منا للتسعه اذا ما گعد نقراله الفاتحه

انصدمت اكثر وگعدت ابجي اجه صهيد وعرفت راح يتبرع بالدم لكرار باوع علي وانصدم لان اجيت اجه علي

صهيد- ليش اجيتي؟ موزين عليج رجعي للبيت اخاف عليج ماضل بيه حيل وداعتج

شجان- صهيد أسمعني حبيبي كرار مابي شي وهسه يگوم بالسلامه ادعي ربك صهيد

صهيد- ماريد اخسر أخوي ، تعالي اخذج ارجعج للبيت

بقيت واگفه

صهيد- تعالي

شجان- ماروح اذا ما اشوف كرار زين

بقيت گاعده وهو گعد بصفي بقينا ساعه وطلع الطبيب يبشرنا

الطبيب - الحمد الله على سلامه ابنكم بس وين ابو؟

سكتو وتقدم صهيد

صهيد- اني اخو الجبير

الطبيب - اريد احجي ويه ابو

صهيد- اني ابو

الطبيب افتهم واخذ صهيد على صفحه باوع لغرفه كرار وابتسم ورجع باوع على جمره وهيه فرحانه شكر الطبيب ودخل وحده وبقى هواي يالله طلع لمن طلع طبينا احنه نتحمدله بالسلامه بس جمره مت دخلت ويانا

شجان - جمره؟  ليش ما تجين؟

انتبهت علي وابتسمت گامت

جمره- لازم اروح راح ارجع للبيت ابقى اسبوع وارجع اسافر

دارت على صهيد

جمره- الحمد الله على سلامته

صهيد جان مدنگ راسه ويحجي وياها

صهيد- الله يسلمج

دخلت جوه وتحمدت بسلامته

كرار- شجان اريد احجي وياج

فهمو البقيه وطلعو بقيت يمه

كرار- سمعت صوت جمره وينها؟ 

جان يحجي بتعب وبخنگه

شجان- راحت اعتقد

كرار- ليش ما اجتي تسلم علي؟ 

شجان- ماعرف

كرار- شجان

شجان- ها

كرار- بعدني احبها ماگدر اتخطاها

شجان- كرار شنو هل حجي؟  انتَ راح تتزوج شمس عيب تحجي هل شي

كرار- شمس احبها بس ما اگدر انسى جمره كلما اشوفها گلبي يرجع يلهث بيها

شجان- لعد ليش رحت وخطبت شمس؟ 

كرار- ماعرف شمس شفتها المناسبه الي

شجان- كرار اخذ قرارك تريد جمره او شمس؟ 

بقى ساكت يفكر واني گمت حتى اطلع بس وقفني صوته

كرار- شمس

بقيت ساكته توقعت يختار جمره لان كلش يحبها رجعت گعدت على الكرسي وسئلته بأستغراب

شجان- ليش؟ 

كرار- قررت انسى جمره ماعرف احس نفسيتي كلش زفت ماعرف شجاي احجي

شجان- كرار اسمع انت مرتاح ويه شمس؟ 

كرار- للأمانه هيه البنيه خلوقه من وهيه صغيره وهم يعني ماشوف منها شي مو حلو هيه حلوه ولطيفه حيل ولمن احجي وياها احس براحه عجيبه

انفتح الباب وطلعت جمره وسمعت الكلام الگاله كرار عن شمس هيه بقت صافنه شوي وبعدين ابتسمت

جمره- الحمد الله على سلامتك خويه

كرار- الله يسلمج

جمره- أحم شُجان عادي نحجي شوي؟ 

هزيت راسي وطلعت وياها سحبتني وطلعتني برا المستشفى

جمره- واو متوقعت هيج ملاحظها من وهيه صغيره

شُجان- جمره حبيبتي انسي

جمره- أمم راح انساه اني اصلا نسيته لا عبالج

شافت واحد يبيع گهوه راحت جابت الها وألي

شُجان- ماشرب گهوه

جمره- هاا صدك اي بغداد حلوه؟

شجان- اي حلوه شمدريج انتِ؟

جمره- مرا وحده رحتلها

شجان- اها

ابتسمت جمره وباوعت علي

جمره- أذا اكلج بفد سر تضمينه؟ 

شجان- احجي هيه بقت عليج

جمره- اكو واحد بالجامعه مالتي اول ما نقلت هو عيونه علي اسمه نوح من ام عراقيه واب امريكي يعني صاير ميكس عربي اجنبي

شجان- اي وانتِ تحبي؟ 

جمره- الصراحه؟  لا لان حاليا اني ما افكر بالارتباط واني توني طلعت من تجربه فاشله اريد اكمل دراستي وبعدين افكر

شجان- يمكن يكون نوح من نصيبج؟

جمره- لا يع ماريد

شجان- ليش؟ 

جمره- أسمر وعيونه زرگ وانوب معضل خرب يومه وها اكبر مني بسنه لان هو مأجل سنه فه هسه هو تقريبا عمره 22-21 هيج

شجان- زين يعني شاب مرتب

هزت راسها ورجعنا طبينا جوه اجاني صهيد خايف

صهيد-وين جنتي؟ 

جمره- جنه برا نسولف شوي

صهيد- سئلت مرتي! 

شجان- صهيد جنه نتمشه برا

صهيد- تعالي يلا راح يطعلون كرار

شجان- صدك

صهيد- والله يلا

سحبني من ايدي ورحنا انتظرنا شوي وطلعنا بعربانه لان جانت رجله مكسوره اخذو وصهيد ووهبان صعدو بسياره صهيد صعد كرار الي ورا وصهيد يسوق ووهبان بصفه رحت وياهم لان ماكو مكان بسياره عمي عباس

صهيد- شجان

شجان- ها

صهيد- جمره ليش نزعت الحجاب؟ 

كرار- حريتها الشخصيه معلينا بالناس

شجان- كالت اني ماريد الحجاب وجانت لابسته غصب

هز راسه ورجعنا للبيت لمن فتحنا الباب اني بسرعه تقدمت وشلت الجنط من التخم وكرار گعد علي رحت جبتله مي وشرب صبيت لصهيد ووهبان

شجان- جوعانين تردون اسويلكم شي ؟

صهيد- لا بويه روحي ارتاحي اهواي وگفتي اليوم موزين عليج روحي للغرفه والملابس عوفيهن اني اجيبهن وراج

شجان- خاف وهبان وكرار يردون شي

وهبان- لا خويه روحي ارتاحي موزين عليج تتعبين اكثر

هزيت راسي وصعدت فوك على كيفي وطبيت للغرفه جانت شبه بارده تمددت وتغطيت ونمت من التعب ماگعدت اله الساعه بالـ 4العصر  گعدت وجان نايم يمي صهيد وجان واضح تعبان گعدت وسحبت تلفوني لگيت رساله من جمره

- هلاو شجان ادري مراح تگعدين هسه بس شوفي شنو رأيج تجين يمي اليوم؟  جايبه وياي حلويات من امريكا كلش حلوه وشغلات هواي تعالي ماطول شمس هم موجوده يمنا

تفاجئت شمس موجوده وبعدين گلت اكيد لان خطيبها سوه حادث اكيد تجي رديت عليها

- هلا بيج تمام اني بس اسوي غده واكمل واجي

شافتها وما ردت اني گمت ونزلت على كيف سويت غده سويت تمن ومرگه دجاج وسويت شوربه لكرار وخليته على صفحه سويتلهم زلاطه وبقيتها بالثلاجه صعدت فوك وشفت الجنط رتبت الملابس ملابسي وملابس صهيد طلعت اني ملابس ألي ملابس وطبيت سبحت لمن طلعت لكيت صهيد گاعد بدلت وگعدت انشف بشعري وامشط بي اجه صهيد واخذ مني السشوار والمشط وكعد يسشور شعري ويمشطه

صهيد- أحبج

شجان- اني هم

صهيد- بعدج تردين تبقين ببغداد؟ 

شجان- لا

صهيد- أسف ردت ابقى بعيد عن الكل بس مامر كم اسبوع واخوي سوه حادث اسف لان خليتج بالمطعم وحدج وانتِ ما تندلين البيت

شجان- عادي ماصار شي بس تصرفك كلش غلط المفروض تصيحلي حتى اجي وياك

صهيد- أسف ماگدرت اسيطر على روحي وگمت ما اشةف بعيوني من الهبطه شجان موقف الصار ويه كرار تكرر علي مرا بس مو كرار جان شخص عزيز علي ومات بالحادث واني خفت لا بموت كرار ويروح مني

شجان- أسم الله على كرار لا مو تشوفه مابي شي الحمد الله

سكت وكمل گعد يمشط بشعري ومايعرف يضفر واني ميته ضحك علي

شجان- عود شجاي تسوي؟

صهيد- النيه ضفيره بس الواقع خر** مطي

فطست بالگاع من الضحك اخذت شعري وسويته ضفيره

شجان- ها صهودي اريد اروح لان جمره عزمتني وكالت ماطول شمس هنا نسهر ومدري شنو

صهيد- شمس؟  يعني عمي موجود

شجان- ماعرف والله يمكن

صهيد- نروح سوه، سويتي غده؟ 

شجان- اي سويت

صهيد- كملي وصبيلي مابين اطب اسبح

راح طب يسيه واني نزلت صبيت غده وگعد وهبان وحسبته وخليته الهم بالاستقبال ورحت صبيت شوربه وصعدت انطيته لكرار

كرار- بس شوربه ؟

شجان- تريد اصبلك تمن ومرگ؟ 

كرار- مرگ شنو؟ 

شجان- دجاج

كرار- اويليي صبيلي

شجان- هههه لعد اكل هاي الشوربه واني اروح اصبلك

ضحك وگعد ياكل نزلت جوه وصبيت لكرار واخذتله سلاحيه مي وصعدت فوك انطيته اله وخليت المي يمه

كرار- شجان شمس اجتي؟

شجان - اي

كرار- وينها

شجان- ببيت جدي

كرار- خابريها

شجان- واني شعلي خابرها انتَ

كرار- لا مو بعدني استحي منها

شجان- خاب دنجب وانتَ خابرها يلا باييي

طلعت منه ونزلت جوه انتظرتهم يكملون حتى اغسل المواعين وفجا طبت علينا شمس

صهيد- ها بويه شعندج

شمس- هلا صهيد احم اجيت اشوف كرار

صهيد- روحي لغرفته،  ابوج موجود؟

شمس - اي يريد يروح

صهيد- وانتِ؟

شمس - اني ومسلم راح نبقى

صهيد- مسلم موجود؟  خوش يلا بويه روحي صعدي

راحت تركض ودخلت للغرفه ضحكت عليها شلون حاصرتها البجيه وبالگوه تحجي

كرار

طلعت شجان وهيه تضحك علي تشجعت وخابرتها رد صوت مو شمس

جمره- الو؟

كرار- جمره

جمره- شمس خطيبج يريدج

اجاني صوت شمس

شمس- كرار! ! شلون صرتت!

كرار- تعالي يمي

شمس- شنو؟ 

كرار- شنو شنو تعالي يمي اريدج يمي

شمس - لا اخاف ابوي ميقبل

كرار- عمي مو ابن عمج اني هسه اني خطيبج تعالي ولج لتشلعين گلبي

شمس- شبيك تصيح علي؟ 

كرار- ماصيح حبيبي ماصيح يلا تعالي

شمس- اذا تريد شي احجي اهنا

كرار- يعني ما تردين تشوفيني؟ 

شمس- جايه

سدر الخط ومرت دقائق واجتي فتحت الباب وسدته واجتي تركض وتبجي حضنتني واني ضليت امسح على راسها

كرار- أشش شموستي ليش تبجين؟

شمس - خفت عليك كرار خفت اخسرك

كرار- لهاي الدرجه تحبيني؟ 

شمس- واكثرر احبك اكثر من روحي

كرار- أحبج

جعت حضنتني وبقت بحضني دقائق وگامت

كرار- ها؟ 

شمس- احم عيب ابقى بحضنك

كرار- خطيبتييي يا ناسسس

خلت اديها على حلكي حتى اسكت وضحكت عليها هيه مبتسمه وعيونها يلمعن من الدموع بقيت گاعد على التخم وسحبتها يمي مسحت دموعها

كرار- دموعجج غسلنييي لج ليش تبجين ريلاكسس شموسه ريلاكسس

ضربتني بجتفي

شمس- شنوو ريلاكس جنتت خايفه عليك

كرار- ليش ما اجيتي من وكت؟ 

شمس- مادريت الصبح لمن طلعت من المستشفى اني دريت بيك لان عمي عباس خابر أبوي واجينا ولمن ردنا نجي كالو راح ينام بعدين

ابتسمت لان ماعرف شنو أرد عليها رجعت حضنتني وحجت بزعل

شمس- لتعوفني كرار

كرار- لا ما اعوفج حبيبتي

شمس - كرار اريد أسئلك سؤال

كرار- جواب

شمس- ليش قررت تخطبني ؟

كرار- فكرت بيج هواي ولمن شفتج اخر مرا حسيت انتِ المناسبه ألي

شمس - احجي الصدك ليش! 

كرار- هاذ الصدك شمسي

شمس- وجمره؟ 

ابتسمت ولزمت خدها

كرار- جمره من الماضي تمام؟  انتِ هسه الحاضر والمستقبل ماشي؟  ولتفكرين هواي

ردت الابتسامه ولزمت ايدي

شمس- كرار مابقى هواي واكمل دراستي باقي بس ثلاث اشهر واخلص

كرار- شمس

شمس- ها

كرار- تعالي لحضني

هيه انصدمت خطيه ووجها صار احمرر من الخجل هيه بيضه ولمن يصير وجه احمر يبين سحبتها وخليتنا بحضني ادنيت شوي وخليتها تنام بحضني

شُجان

كملو الاكل وشلت الصينيه وگعدت اغسل بالمواعين كملت وصعدت فوك سمعتهم يسولفون ماحبيت ازعجهم رحت لغرفتي رجعت بدلت ملابسي لان تبللن وكملت خليت مكياج خفيف حمره وبلاش وخليت عطري المفضل وخليت بجنطتي عطر وخليت تلفوني. لبست سوار جابه ألي صهيد هديه وكلش احب هاذ السوار جان فضه ومحفور بيها أسمي وأسم صهيد * شُجان&صهيد* هيج،  طلعت من الغرفه ومرت من غرفه كرار ماكو صوت ولا اي شي استغربت ولمن فتحت الباب على كيفي لگيت شمس نايمه بحضن كرار وكرار غافي ضحكت وطلعت تلفوني صورتهم بسرعه وسديت الباب واني اضحك عليهم شكلهم كلش حلو سوه نزلت جوه

صهيد- ها بويه نروح؟ 

وهبان- وين ؟

صهيد- لبيت علوان المنعول

وهبان- اروح وياكم

صهيد- شجان صيحي شمس خلي تجي وانتَ لا متروح ابقى يم اخوك يمكن يريد شي اني بس اودي شجان واحجي ويه عمي بشغله واجيك

رحت حتى اصيح لشمس ولكيتهم نفس الوضعيه سديت الباب ودگيته اعتقد فزت واجتي وجان وجها احمر من الخجل

شمس- احم اسفه تأخرت

شجان- لا عادي بس يلا يكول صهيد

صاح كرار

كرار- اشتعللل جدكك علوانن صهيدددد

ضحكت علي وسحبت شمس ونزلنا جوه ورحنا لبيت علوان. ولمن طبينا جانو بس الزلم مجتمعين النسوان والبنات بالغرفه الثانيه سلمت عليهم ورحت يم البنات سلمت عليهن وگعدنا نزعت عباتي والحجاب خليته على جتفي حتى خاف احد يطب اكدر البسه بسرعه،

كنان- وهبان اجه؟ 

شمس- لا بقى يم كرار

كنان- اها شلونه كرار؟ 

شمس- زين الحمد الله

جمره- شجان تعالي اراويج شنو جبت من حلويات يلا بنات تعالو شمس؟ تعاي ويانا

كمنا كلنا ورحنا لغرفتها طلعت من الجنطه علاگه جبيره كلها حلويات ضحكت عليها جايبه امريكا وياها

جمره- شمس جربي هاذ بالبدايه تشوفينه مو طيب بس بعدين يجيج طعم حلو جبت على عددنا يلا

اخذنا كل وحده وحده وجان طعمها بالبدايه مثل النشا بس بعدين يجي طعم حلو وبي نكهات

جمره- ها بنات ابو المحل كال اكو نكهة نادره الي هيه بالتفاح منو طلعلها طعم تفاح ؟

ضلت وحده تباوع للثانيه لحد ما گالت شمس

شمس- اممم اني تفاح

جمره- اللهه طعمها طيب مووو

هزت شمس راسها وهيه مبتسمه

شمس- واا طعمها طيبب كلش

جمره- وانتن شنو الطعم؟ 

شجان- اني رگي

كنان- اني اجاني طعم العنب

جمره- اني توت

گعدت تطلع لحد ما انتبهت على باكيت غريب وجان ككو بس ما فتحته وضمته

شجان- شنو هذني؟ 

جمره- هيج ، صدك شمس شوكت عرسج ؟

توترت شمس وضحكت

شمس- ها ماعرف بكيف كرار اقصد ماعرف

جمره- امم

گامت جمره وراحت للحمام

كنان- شمس أسفه أذا ضوجتج جمره

شمس- مم لا مضوجتني

طلعت تلفوني وصارت كبالي الصوره الصورتها ضحكت وراويتها لكنان هيه هم گامت تضحك

كنان- اييي واكولل ليشش صايره طماطههه

شجان- مشهدد لطييفف بينهم

كنان- ههههه ايي

شمس - شنو شجاي تحجون

لفيت التلفون واني لفيته وجمره دخلت وشافت الصوره

شمس- عزااا عليج الله مسحيهاا والله مو انيي هو خلانيي بحضنه والله

شمس صايره ورا الباب لهاذه ما شافت جمره

سكتنا كلنا وهاي شمس تتوسل احذف الصوره

شمس- اموتتت اذا احد شافهاا خصوصا جمره ماريد تشوفها علمود ما تزعل

جمره- لا ليش ازعل عادي

التفتت شمس وتجمعت الدموع بعيونها

شمس - جمره حبابه لتزعلين والله مجان قصدي ازعلج

جمره- هههههههه ليش ازعل حبيبتي؟  عادي انتِ وخطيبج مابيها شي ولتخافين محد راح يعرف بالصوره غيرنا

خابرني صهيد وجاوبت

صهيد- ها بويه تبقين لو تروحين؟ 

شجان- ماعرف اشوف البنات

صهيد- اذا تردين تبقين ابقي وباتي اليوم وباجر اجي اخذج

شجان- تمام احبك

صهيد- أحمم واني هم

عرفت يمه ولد وسكت سديت الخط بقينا نسولف للساعه 2 باليل عطشت ونزلت حتى اشرب مي لمن وصلت للبايه الاخيره بطني صارت توجعني خفت حيل وهمزين جنت اضوي بتلفوني گعدت بالگاع والوجع ضل يزيد خابرت صهيد جاوبني بصوت نايم

صهيد- ممم

شجان- صهيد … صهيد بطني توجعنيي

صهيد- شنوو؟ ؟؟ بعدجج بشهر السادس ليش وجعتجج؟

شجان- ماعرفف تعالل بسرعه بطنيي صهيدد بطنيي

صهيد- جاي جاي

سد الخط وبقيت شوي ونزلت جمره

جمره- شبيج؟  شجانن احجي شبيج ليش هيج گاعده تبجينن

شجان- بطنيي جمره بطنيي

شوي واندك الباب راحت جمره فتحت الباب واجه صهيد يركض شالني

صهيد- جيبي شالها وعباتها بسرعه

صعدت جمره جابت العبايه والشال وخلاهن علي وصعدني بالسياره

صهيد- لبسي الحجاب

جمره- اني اروح وياكم گلت لشمس وكنان

صهيد- يلا صعدي

صعدت ورا وبالگوه لبست حجابي والعبايه خليتها علي ماگدرت البسها عدل

صهيد- شجان شجانن احجي بعده للوجع.

شجان- أيي يوجعنيي

صهيد- يارب سترك ياربب ستركك

جمره- شجان أذكري الله هسه تصيرين زينه

بقينا شوي ووصلنا للمستشفى ولمن رحت حتى يفحصوني

صهيد- هاا دكتوره بشري؟ 

- اخويه مرتك تصعد للدرج هواي؟ 

صهيد- أي غرفتها فوك

- ميصير خصوصا هيه بالاشهر الاخيره

صهيد- صار دكتوره

-  وانتِ هم ماما لتعبين روحج هواي،  اختج؟ 

جمره- مثل اختي

- اهتمي بيها هل ايام

جمره- ان شاء الله

طلعوني وصعدت بالسياره

صهيد- شلون صرتي ؟

شجان- زينه

صهيد- جمره راح ارجعج للبيت شجان راح ترجع وياي

جمره- ماشي

رجع صهيد جمره للبيت ورجعنا اني وياه للبيت تمشينا ووصلنا لطرف الدرج شالني وصعدنا فوك

شجان- تعبت تعبني هل حمل تعبنيي حيلل

صهيد- ما بقى بس 3 اشهر وتكملين

شجان- ان شاء الله

خلاني على الجربايه ونزعت حجابي والعبايه واخذهن صهيد خلاهن بالكنتور واجه تمدد يمي

صهيد- شجان تعالي لحضني

أدنيت يمه وحضني حضتنه حيل وعبالك خايفه من شي ونمت لمن گعدت ماجان بيه حيل فه بقيت نايمه بالفراش لحد ما اجه صهيد وشافني گاعده

صهيد-  شجونتي گاعده حبيبي

شجان- عادي ما اسوي شي اليوم بس اليوم والله تعبانه حيل

صهيد- ههههه بويه لا ابقي گاعده اليوم اصلا ماكو شي رجعي نامي ماعدنا شي

ضليت گاعده لحد ما خلص اليوم وجانت الايام الباقيه عاديه اني بقيت بالفراش ومحد شافني ولا احجي ويه احد غير صهيد،  مرت الاشهر واجه شهري التاسع بعد عناء طويل وتعب وارهاق والي تعب وياي اكثر صهيد واخر شهرين اجتي ورده وصارت تهتم بيه واكثر اثنين وگفو وياي بيوم ولادتي ورده وصهيد رغم ورده عدها طفل جابت بنيه عمرها 3 اشهر سمتها زينب،  بيوم ولادتي جنت ميته من الوجع واصرخ

شجان- صهيدددد حبابببب ألحكليييي

صهيد- يمج يمج اني والله

شجان- صهييدد جايي اتوجععع راحح اموتتت

صهيد- اسم الله عليج بويه

شجان- صهيد أذا متت لا تزوج اهتمم بأبنكك وابداا لا تهمله

شفت صهيد گام يدمع وطلع برا الغرفه واني ضليت اطلگ الوجع مامعقول حسيت اكو شي نزل مني وراحه بعد ما نزل تنفست على السريع وسمعت صوت طفل يبجي وصوت هلاهل وبعدها غبت عن الوعي…

صهيد

سمعت صوت طفل وفرحت طلعت الطبيبه ورا شويه وهيه شايله أبني عبد الله. اخذته منها واني فرحان وعمتي تهلهل بي كبرت بأذنه وسمته عبد الله اخذته مني الطبيبه وراحت حتى تسبحه راحت ورا عمتي رقيه والحجيه سعاد

صهيد- دكتوره مرتي شلونها؟

- بعدها غايبه عن الوعي ونزفت هواي دم من عدها راح ناخذها لغير غرفه حاليتها شوي خطره

انصدمت نزفت هواي دم وهسه هيه هسه بخطر راح تروح مني ؟

صهيد - نقذيها حاوليي تنقذيهاا لتخلينهاا تموت

- موبيدنا بيد رب العالمين بس ان شاء الله تصير زينه

طلعوها من غرفه الولاده لغرفه الانعاش لان دگات گلبها سريعه ويخافون لا تصير بيها جلطه بسبب سرعه گلبها خفت عليها ورحت اني ووهبان وكرار وياها وعمي عباس بقى حتى لمن يجون عمتي والحجيه يجيبهن النا بقيت گاعد على جمر انتظر بالساعات مرت ثلاث ساعات ماعرف ليش هيج تأخرو بقيت خايف وأبني بأيدي خايف على شجان والطفل ضل يبجي لازم يرضع حليب أمه اضطريت اروح اجيب مميه وحليب وسوتله عمتي رقيه ورضعته جانن عيونه على أمه عسليه فاتحه وبشرته لا علي ولا على امه صايره بالنص بشرته حنطيه وقريب على الابيض كمل مميته وبقى ساكت اخذته لحضني وبهل اثناء طلعت الطبيبه

- الحمد الله على سلامه أم عبد الله

فرحت حيل وحضنت عبد الله وبسته

صهيد- شفت ماما ما تعوفنه وحدنا،  دكتوره اگدر افوت

-  اي طبعا بس انتَ والطفل وبعدين البقيه يدخلون

هزيت راسي ودخلت لگيتها گاعده ومبتسمه لمن شافت عبد الله بيدي فرحت حيل وگعدت تبجي

شجان- صهيد صهيد هاذذ ابني؟  هاذ ابناا؟ 

خليته بحضنها ومسحت على خدها واني مبتسم أشوف تعب السنين بيها وبأبني ربي عوضني بالتعب التعبته بأبني عبد الله ومرتي شجان

صهيد- هاذ ثمره حُبنه هاذ ضلع صهيد والسبع ماله

شفتها مبتسمه وتباوع للطفل وتحجي وياه

شُجان

ضليت صافنه بملامحه ماشاء الله تبارك الرحمان حلو وبشرته ناعمه بسته

شجان- عبد الله مو؟ 

صهيد- طبعا

شجان- عبودي حبيبي ليش تعبتني؟  ازعل عليك أذا تتعبني خوش؟ ياحبيب ماما،  صهيد

صهيد- ها گلبي

شجان- جنت اتمنى اهلي واهلك حاظرين مثل هاذ اليوم اريد اعرف شنو رده فعل امي على عبد الله لو عمتي لان اول حفيد ولد

صهيد- نفس حجايه ورده هم گالت اريد اعرف شنو شعور امي وهيه عدها اول حفيد بنيه وانتِ هم هيج تحجين

شجان- صهيد أحبك

صهيد- اموت بيج يبعد روحه لصهيد

طلع صهيد وستأذن حتى اطلع وطلعت جانو اهل صهيد حيل فرحانين بيه حيل حيلل وخصوصا عمتي رقيه جانت الفرحه ما توسعها بقيت يم بيت علوان

بغرفه عمتي رقيه

كنان- يمهه عبوديي عبوديي عبودييي يمهه فدوههه تعالل ابوسككك

كنان تحب الاطفال وهيه مهتمه بعبد الله اشوفها تلاعبه وتشيله وتبوس بي جمره خابرتني وتباركتلي وفتحتلها كامره حتى تشوفه

جمره- ياربيي فدوه لالله شگد حلوو ماشاء الله عبد الله انتظرنييي بس اكمل دراستي اله اشبعك بوساتت

شجان- ليش بالعطله ما تجين؟ 

جمره- لگيت وضيفه وجاي اشتغل اجمع فلوس الايجار وفلوس الجامعه والحمد الله جاي اشتغل والراتب هم يعني يكفيني

شجان- عفيه فخوره بيج جمره

جمره- يگلبي،  يلا رايحه راح اتأخر على الشغل

ودعتني وراحت انطتني كنان عبد الله وراحت تسويلي غده

شجان- عبودي تعرف؟  هواي تعذبت بحياتي هواي شفت شغلات مو زينه بحياتي هواي تعبت بحياتي بس ربي عوضني بيك وبأبوك احبك انتَ وأبوك عبد الله اتمنى من ربي ما تتعبني

بقيت الاعبه واجتي كنان اخذت مني عبد الله وخلتلي الاكل على الميز واني جاي اكل دخل علي صهيد

صهيد- عبوديي ويننن

كالها وهو يضحك اخذ عبد الله من كنان وشاله ضل يشتم بي ويبوس بي

صهيد- اهخخ مثل عطر امك يمه وليدي شحلاتهه

كنان- اخذه منك لو تريده

صهيد- لا بقي يمي

كنان- ماشي

طلعت كنان واجه سلم علي وباسني من خدي

صهيد- وأبني؟  ليش ما توكلينه؟ ماما ما توكلك؟ ختولي اخذك يمي اني اداريك يبعد روحه لابوك

شجان- توه شرب حليب والله

صهيد- شلونج؟

شجان- الحمد الله زينه وانتَ شلونك؟ 

صهيد- موزين

استغربت

شجان- ليش بيك شي؟

صهيد - بعيده علي انتِ وعبد الله اني تعلقت بيج وبعدين اجه هاذذ الحلوو صارر روحي الثانيه

مخلي عبد الله بحضنه ويلاعبه رغم عمره بس أيام بس جان يسكت لمن يشيله صهيد لو من يجي يضل بحضنه واذا وخرنا يگوم يبجي

شجان- تريد تاكل وياي؟

صهيد- لا بويه بالعافيه اكلي

كملت الاكل وخليته على صفحه

شجان- صهيد عادي توديني للمغسله

صهيد- أي هسه بس انوم عبد الله

گام يتمشى ويهز بي لحد ما نام واجه علي وداني للحمام غسلت وكملت وطلعت على كيفي

شجان- صهيد

صهيد- شرايين گلبه

شجان- شگد راح ابقى هيج؟

صهيد- 40 يوم هيج وتصيرين زينه

رجعني للغرفه وشال الصينيه. ووداها ورجع

صهيد- محتاجه شي اريد اروح

شجان- جيب حفاضات لعبودي

صهيد- هاي جبتلج وينهن خليتهن يمكن بالجنطه مال عبود

راح للجنطه وشافهن

صهيد- اي ذني تحتاجين شي بعد ؟ راح اروح شهر لبغداد

شجان- هواي

صهيد- اروح وارجع أگاج مخلصه الابعينيه مالتج

شجان- هم صدك

صهيد- تحبين اجيبلج بعد ملابس؟ 

شجان- لا هذني العندي هواي

راح للباب ومد راسه يتأكد محد موجود واجه يمي وباسني من شفتي بقى دقيقة على هل حال ووخر مني ورجع باسني بوسه خفيفه

صهيد- أحبج

شجان- واني اكثر

راح صهيد واني بقيت بالغرفه ضليت أكلب بالتلفون شوي ومليت من التلفون خابرت كنان حتى تجيني

واجتني وگعدت يمي گعدنا نسولف شوي واجتي وراها عمه رقيه هم گعدت تسولف على صهيد وشلون هو جان يشبه عبد الله من جان صغير وبالفعل عبد الله النسخه المصغره من صهيد بس الفرق عبد الله حنطي مو أسمر وعيونه عسليه بس الباقيات يشبه صهيد، مر الشهر وخلصت الابعينيه مالتي وصهيد بقاله بس يومين ويجي صرت عادي اگدر أكوم واگعد

بيوم عبد الله جان يبجي ورحت علي شلته

شجان- ها ماما ها ماما اجيتك حبيبي ليش تبجي

ضليت اهز بي وبعده يبجي گلت يمكن جوعان بس لمن ارضعه يوخر ومايقبل يرضع غيرت حفاظته وسويت كلشي بس هو مستمر يبجي اتصلت على صهيد

صهيد- الو،  ليش عبد الله يبجي!

شُجان- مادري بس يبجي مادري شبي

صهيد- فتحي السبيكر وخلي يمه

فتحت السبيكر وخليت التلفون يم عبد الله وگعد صهيد يحجي وياه والله عاد سكت واني الصارلي ساعه احاول اسكته وبالاخير سكت بس بصوت صهيد

صهيد- عبودي بابا ليش تبجي،  حبيبي،  يومين واجيك يبعد روحي اشتم عطرك المحروم منه شهر شگد مشتاقلك عبودي، عبود مو تتعب ماما لتبجي هواي حبيبي ماشي ؟ أحبك عبد الله

اخذته منه وگعدت احجي وياه شوي وسد الخط بقى عبد الله ساكت عبالك سمع كلام ابوه شلته ورحنا للاستقبال

علوان- عبد الله اهناا تعال جدو جيبي شجان

شجان- توني سكته جان يبجي

علوان- ليش يبجي خاف جوعان

شجان- لا والله بس سمعع صوت ابوه بسرعه سكت

انطيته لجدو علوان شاله وگعد يلعب وياه رحت حتى اساعدهم بالغده

كنان- شجان وين عبود نام؟ 

شجان- شيطان هاذ وين ينام خليته يم جدو علوان

رقيه- سمعته يبجي شبي؟ 

شجان- والله ماعرف بس يبجي

رقيه- خاف بطنه بيها غازات؟ 

شجان- والله ماعرف

سعاد- بالله جيبي خاف ممتون؟ 

رحت واخذته من جدو وانطيته للحجيه شافته وگالت

سعاد- أي ولج هاذ ممتون

رقيه- منو يشيله بعت بس اني وامه وكنان ومرات يشيلونه الولد

سعاد- عادي يمه يمكن انمتن من وحده دجيبيلي الزيت وجيبي الگماط وتعالي

رحت جبت الزيت والگماط ووگعدت تدهنه بالزيت وسوت رجلي وگمطته وخلته على راسها تقرا أيات قرأنيه وبعدين دعبلته على رجلها انطيته حليب مني هداء شوي ونام اخذته خليته بالاستقباب نايم على البروده ورجعت للمطبخ اساعدهم سوينا الغده وكملنا وصبينا واجو الولد كرار ووهبان وسلطان وعمي عباس وجدي علوان گعدو على السفره وگعدنا ناكل بنص الاكل گعد عبد الله گمت من الاكل ورحت شلته وضليت اهدي بي خليته بحضني ورجعت اكل وهو خطيه سكت ماله صوت كمل كرار وراح حتى يغسل ولمن رجع اجه علي

كرار- جيبي اني اخذه مابين تكملين

شجان- تسويلي فضل والله

انطيته عبد الله وهو گعد يلاعبه كرار يحب عبدالله حيل عبالك ابنه ولا عبالك أبن اخوه ووهبان كذالك يحبونه حيل ودائما ياخذونه مني اذا اني اكل وهو گعد هم ياخذونه مني كرار ووهبان ماحسهم حموييني احسهم اخواني واحبهم على معزة صهيد

مرن اليومين واجه صهيد ورجعنا للبيت وصرت اهتم بالبيت وبعبد الله وبصهيد واتضاعف التعب علي

شجان- صهيد ساعدني شوي والله جاي اتعبب

صهيد- مو جاي اساعدج

شجان- اخذ عبد الله جاي يضوجني بس يبجي طلعه برا بس خلي امسح الغرفه

صهيد- امشي حبيبي نروح بعيدد لناسس متريدنااا

شجان- صهيد لتضل تذب بسامير اطلع برا

اخذ عبود وطلعو مسحت الغرفه وعطرتها ورتبت الجربايه وطلعت برا مسحت الممر مال الدرج ونزلت مسحت الدرج ولگيت صهيد وكرار جاي يلاعبون عبودي مخلينه على التخم وواحد يكول للثاني احبه اكثر منك ضحكت ورحتلهم سحبت أبني منهم خطيه لگيته صافن عليهم

شجان- الي يحبه اكثر يروح يساعدني بالتنضيف؟ 

كرار- صهيد انت ومرتك لدخلني بالتنضيف

اخذ كرار مني عبود وراح صعد فوك وصهيد ابتله وساعدني بالتنضيف كملنا ورحت اسبح لمن طلعت طب صهيد يسبح اني سويت شعري ضفيره جان السبلت مشتغل خفت لا اتمرض ولبست شيله عندي لبستها بهل اثناء طلع صهيد من الحمام وانتبه علي باوعت علي وسويت الشيله مثل الثام واضحك علي اقترب مني وخر الشيله من وجهي وتلمس خدي باصابع ايده الخشنه

صهيد-انتِ عذبة شلون دجلة ويمچ تحوم النوارس والله لو كللها بجمالج مايضل الليل دامس الناس حلاها لبسها

وانتِ حليتي الملابس ام عيون العسليه

شجان- يابويه چا كلمن اليتغزل هيج حليو؟ هاي هيهه بعد لحد يتغزل بيه

ضربني بخفه ايده على وجهي

صهيد- طرگاعه ما تصيلج جاره والكفل زينب

شجان- يااا شبيكك

صهيد- يروحلج فدوه جدي وبساتينه

شجان- دعوفه بحاله لا انوب ينگلب علينا يخلينا ما نددل وين نروح

صهيد - مو اگلج طرگاعه ما يصيرلج جاره الفصمه

شجان- هسه شحجيت غير الصدك غير يخلينا ما نندل دربنا وعلي

صهيد- هههه شگد احبج

شجان- اموتت عليكك

ابتسملي وراح حتى يبدل واني نزلت جوه سويت جاي وجان عنده كعك ابو السمسم احبه حيل اخذت الستكاين مال الجاي واخذت ماعون كعك وخليته بالاستقبال نزل صهيد وشافه گعد بصفي وصبيتله جاي وگعدنا نشرب جاي ونسولف لحد ما اجه كرار وهو بيده عبد الله

كرار- الله صبولي وياكم

صبيتله واخذت منه عبود وخليته بحضني وهبان صار يتأخر بالرجعه لان واخيرا لگه وضيفه بعد ما جان يدور واكثر من وضيفه اشتغل بيها وينطرد بس هل مرا لگه وضيفه وثبت بيها وجاي يضغطون علي بالشغل لهاذه لمن يجي يجي متأخر ويجي تعبان وهلكان حيل ، صهيد صار بين شهر وشهر يروح لبغداد لان نقل الشغل المهم للبصره بس علمود يبقى قريب من عدنا وشمس وكرار باقي بس اسبوع على زواجهم واني فرحانه حيل بيهم فرحانه بعائلتي الجديده عبودي وصهيد عبود صار قطعه من روحي وصهيد صار ألي السند بهاي الحياه هو زوجي وحبيبي وأبوي وأمي وصديقي واخوي وكلشي. وكرار ووهبان صارو اخواني وكنان صارت اختي واكثر حبيتهم احب هل عائله منو جان متوقع دخولي الهم المفاجئ هيج راح يغير حياتي وحياتهم؟  اللهم اجعلني احتمي بهم في الدنيا والاخرى، 

____________________ __________________

يتبع …

هلا بنوتاتتتت التصويتت مهمم + انشرو القصه حتى تنشهر اكثرر بنات

قناتي على التلي 👈🏻

احبكم هواييي وشكرا لدعمكم ألي + ضروري تشتركون بقناتي على التلي

بسم الله الرحمن الرحيم

اللهم صل على محمد وآل محمد

______________________________________

من أول ما فتحت عيوني على هاي الدنيا لحد يومي هاذ جانت حياتي عباره عن جحيم امي عافتني واني بعمر صغير وابوي عافني بس بعد ما أمن مستقبلي والحمد الله ربي عوضني عن كلشي عوضني بأحسن رجال "صهيد" وعوضني ربي بأبني "عبد الله " تعلقت بأبني وبزوجي حبيتهم حبب مو طبيعي احسهم بكلبي عايشين اتمنى ميصيبهم شر أبدا

_ بيوم گاعده أباوع على التلفون وعبود نايم يمي

صهيد- تردين اخذج للسوگ؟ 

شُجان- وعبودي؟ 

صهيد- خلي يم وهبان اليوم ميروح للشغل

شُجان - يلا بس أبدل واجي

صهيد- يلا انتظرج

صعدت فوك بدلت ملابسي ولبست جبه وربطه خليت عطر ونزلت جوة

صهيد- وهبان!

نزل وهبان خايف عباله صاير شي

وهبان- هاا صاير شي! 

صهيد- لا انتبه لعبود اني وشُجان راح نروح للسوگ

وهبان- خوفتني صهيد،  يلا عمي روحو روحو

طلعنا وقبل لا نصعد كتله

شُجان- خلي ناخذ ويانا كنان حباب

صهيد- خاف متجي؟ 

شُجان- لالا تجي

صهيد- وصيحي عمتي رقيه وياج

شُجان- صار

رحت بسرعه دگيت الباب وفتحلي سلطان

سلطان - هلا خويه تفضلي

شُجان- هلا بيك

طبيت بسرعه ورحت سلمت عليهم واحد واحد ورحت لكنان

شُجان- كنااااااااااننننننن بدلييي بسرعهههه راح نروحح للسوگ

كنان- ماروح

شُجان- ها ليش؟ 

كنان- اشتريت قبل فتره

شُجان- وعمتي رقيه؟ 

كنان- هم اشترت

سلمت عليها وطلعت صعدت ويه صهيد

صهيد- جا وينهن؟

شُجان- ماتروح اشترت هذاك اليوم

صهيد- يلا ميخالف

فر السياره ورحنا للسوگ ضلينا نفتر ندخل من محل لمحل لحد ما اشتريت الي اريده اشتريت فستان لونه نيلي يصير طويل بس ضيق من فوك ومن جوه مثل الكلوش كلش حلو وحبيته واشتريت وياه گعب بنفس اللون

صهيد- تعالي اريد اشتري شغله روحي للسياره

وداني للسياره وخلاني بيها وهو راح بس تأخر حيل بقيت فتره انتظره وهو رجع وجانت بيده علاگه صغيره لمن صعد ضماها

صهيد- محتاجه شي؟

شُجان- لا

دار ورجعنا للبيت لمن وصلنا اخذت عبودي من وهبان وصعدت فوك اشتريت لعبودي ملابس لعرس كرار وشمس دخل صهيد وجانت بيده نفس العلاكه بس ضماها

شُجان- عندك شي؟

صهيد- ها؟  لا ماعندي شي

شُجان- لعد شنو هاي؟

صهيد- ها هاي؟  هاي هديه مال صديقي

هزيت راسي وبقيت الاعب عبودي مر اليوم واجه ثاني يوم گعدت الصبح لان عبدالله يبجي گمت سسويتله ممه وانطيتها اله رحت غسلت وجهي وكملت اخذته ونزلته جوه صهيد جان طالع ويه كرار لان باجر العرس ووهبان طالع بالشغل خليت عبودي على التلفزيون شغلتله فلام كارتون ورحت سويت ألي ريوك اكلت لمن كملت سويت الغده وخلصته خليته على جهة رحت يم عبودي وگعدت بصفه

فجاء واني گاعده اندگ الباب خفت رحت من ورا اصيح

شُجان- منوو؟

كنان- فتحي الباب

فتحت الباب ودخلت

كنان- وهبان وين؟

شُجان- بالدوام

كنان- شوكت يرجع؟

شُجان- والله مادري بيش الساعه هسه؟

كنان- اندري يمكن بالـ2هيج

شُجان- نص ساعه ويجي

كنان- وكرار وصهيد وينهم.؟

شُجان- راحو للسوگ،  شعندج تحققين

سجبتني ودخلنا جوه اخذت عبوني وضلت تبوس بي

كنان- شسمه بعد كل هاي السنين اجه أبوي ويريد يحجي وياي شُجان احس ماريد أشوفه

شُجان- ليش ابوج عايش؟ 

كنان- اي

شُجان- زين شنو السبب يعني اقصد صار هواي من عافج هسه يالله تذكرج؟ 

كنان- مادري

شجان- تتوقعين يريدج؟ 

كنان- ماعرف

شجان- انسى ولتفكرين هواي بي او بالموضوع كله لتفكرين بي باجر عرس كرار لازم نفرح وما نخرب فرحتنا ماشي ؟

هزت راسها وغيرت الموضوع وضلينا نسولف لحد ما اجه وهبان

وهبان- كنان شتسوين اهنا؟

كنان- اجيت اشوف شجان وعبود ، وردت احجي وياك بموضوع

وهبان - ابدل واجي

كنان- موضوع سريع والله ما اتاخر

گمت منهم واخذت عبودي وصعدت فوك هو گعد يبجي لان شاف وهبان ويريد يروح لوهبان بقيت شوي وسمعت صوت الباب ينفتح وينسد نزلت جوه لكيت كنان رايحه واجة وهبان اخذ مني عبود وراح للغرفته عبودي متعلق بعمامه حيل وهو يعتبر المدلل لان اصغر حفيد بالعائله نزل وجان مبدل ويلاعب عبود وهاذ فرحان بي

شجان- اصبلك غده؟ 

وهبان- لا انتظر كرار وصهيد ، ماعرفتي شوكت يجون؟ 

شجان- لا والله هسه اخابر صهيد

رحت جبت تلفوني وخابرته

صهيد- ها بويه

شجان- شوكت ترجع؟ 

صهيد- صاير شي؟ 

شجان- لا ما صاير شي بس اكول شوكت ترجع؟ 

صهيد- احنه بالطريق اصلا

شجان- تمام

سد الخط وگلت لوهبان

وهبان- شجان عادي نحجي؟ 

شجان- اي كول؟ 

وهبان- شنو رأيج بكنان؟

شجان- لطيفه وحبابه

وهبان- اقصد من ناحيه الدينيه

شجان- متدينه حيل وعدها معلومات هواي عن الدين

وهبان- زين،  اريد اخطبها تتوقعين عمتي راح توافق؟ 

شجان- طبعا توافق وين اكو مثلك وهبان

وهبان- ماعرف ها باجر عرس كرار اروح للحلاق لعد

شجان- لا انتظر صهيد وكرار يجون وياك بعدهم مارايحين للحلاق روحو سوه احسن

وهبان- ماشي

بقى عبدالله بحضنه لحد ما نام اخذته منه ورحت لغرفتي خليته بالكاروك مالته واني تمددت على الجربايه بقيت اباوع شوي بالتلفون ودخل صهيد علي اشرتله يسكت

شجان- توه نام

راح علي وباسه من خده واجه علي باسني

صهيد- جبتله حذاء

طلع الحذاء وهو فرحان وجابله هواي ملابس ضحكت على صهيد

شجان- يمعود مو لهاي الدرجه بعدين راح يكبر وين اوديهن؟ 

صهيد- كلشي اجيب لعبودي شعندي غيره

ضحكت صهيد حيل يحب عبودي مو لان ابنه وهاي لا هو متعلق بي بحيث اذا شافه يبجي يگلب الدنيا على روسنا ، راح صهيد وطب يسبح لمن گعد عبودي گام يبجي واحاول اسكت بي ما يسكت شلته وگعدت افتر بي لحد ما سكت طلع صهيد وهو لاف الخاولي على راسه ولابس شورت

صهيد- عبوداتي گعدد يمه اروح فدوة لامك تعال يبعد روحي ليش تبجي قبل شوي؟ 

شجان- تعلم اله واحد يشيله يالله يسكت

صهيد- خلي يدلل علي اني اشيله طول عمري

ابتسمت ونزلت جوه صبيت الغده وخليته الهم بالستقبال واجو همه تغدو واني وياهم وعبودي گاعد بحضن ابو

وهبان- صهيد عندي روحه ويه جماعتي لاربيل

صهيد- شعندك لاربيل؟

وهبان- هيج نتونس اني والجماعه اسبوع ونرجع

صهيد- روح الله وياك بس انتبه لنفسك

وهبان- صار

كرار جان ساكت وما حجه اي شي كملنا وشلت الصينيه وغسلتها وكترت المطبخ ونضفت الاستقبال وعطرتها وعطرت المطبخ وصعدت فوك اخذت ملابسي وطبيت اسبح لمن طلعت لبست ملابسي ورحت للغرفه الجو حارر حيل اشتغل السبلت واخيرا

صهيد- شجان

شجان- ها

صهيد- خطيه عبودي وحده

شجان- مافهمت؟

صهيد- خلي نجيلبله اخو

شجان- صهيد نام حبيبي نام

صهيد- خطيه باعيله وحده

شجان- ترا ما صارلي هواي من جبت

صهيد- يلا يا عيني

شجان- صهيد روح نام انتَ نتعبان

صهيد- خوش بسيطه

اخذ عبودي وراح نزل خلاه يم كرار لان وهبان راح للحلاق وكرار وصهيد رايحين للحلاق من زمان، اجه واني جنت ألكب بالتلفون دخل علي وسد الباب وقفله

صهيد- سموري مشتاقلج

شجان- صهيد يمعود ابو الغيره مو هسهه

صهيد- تؤ هسه صارلي هوايي مامقتربلج اليوم اشويج شوي والله

اقترب مني اكثر لحد ما صرت جواه حسيت بأنفاسه على رگبتي وطبع علامه مبينه باسني من شفتي ابتسم وهجم.  مرت ساعه واني نايمه بحضنه

شجان- راح اسبح مرا ثانيه

صهيد- تعاي نسبح سوه

شجان- تحلم

صهيد- عادي اشيلج واسبحج

ماشوف غير صهيد شالني وخلاه الغطى علينا سترنا احنه الاثنين ووداني للحمام ذب الغطى برا وسبحنا سوه لمن كملنا اخذ الغطى ورجعنا لنفس الطريق الحمد الله جان كرار بالغرفه وما منتبه علينا دخلنا للغرفه بسرعه اخذت ملابس ولبستهن وصهيد هم لبس ملابسه وراح جاب عبودي واجه نيمنا عبودي واني نزلت سويتلهم العشى ورحت اتوضة واصلي،  لمن كملت الصلاه تأخر وهبان وصهيد خاف علي واتصل بي

صهيد- وهبان وين صرت؟ 

وهبان- جاي جايي

وبالفعل مرت دقايق ودخل وهبان لميت سجاتي وخليتها على صفحه ورحت صبيتلهم العشى وگعدنا نتعشى وانمله هاذ اليوم بالسعاده والضحك بينا كرار رجعتله الفرحه وگعد يسولف ويضحك ويانا ويشاقه لحد ما صارت كلش دنيا ليل كلمن راح لغرفته ينام ويتجهز لباجر للعرس لليوم المنتظر بقيت گاعده اتحارش بصهيد وكلساع ادغدغه

صهيد- والله اذا سويتيها موتج

رجعت دغدغته واني اضحك لزم ايدي وعضني وخرت منه وزعلت اخذت فراش ونمت بالگاع

صهيد- هااا بس حاجيتج زعلتي دتعالي الجبانه ادري بيج تخافين

شجان- لا ما اخاف

صهيد- واذا اجيتي باليل وحضنتيني؟ 

شجان- ما اجي ولي زعلانه منك

سكت للعلم اني صدك جنت خايفه بس لااا هو زعلني ضليت اهوجس واخاف وگلبي يدك من الخوف سمعت طگطگه وگمزت باوع صهيد داير وجه اكيد نايم رحت على كيفي ونمت يمه واني ميته خوف رجعت سمعت نفس الصوت وأدنيت اكثر يم صهيد

صهيد- ها الجبانه

صرخت وهو دار علي ويضحك

صهيد- الجبانه منو تكول ما اخاف ؟

شجان- سمعت صوت

صهيد- صوت؟ 

شجان- اي صوت والله اسمع

بقى ساكت لثواني ورجع نفس الصوت

صهيد- مع احتراماتي الج بس انتِ حبيبتي غبية

شغل ضوه التلفون وباوعت على الكاروك عبودي هواي يتحرك فه من يتحرك يطلع صوت من الكاروك ضحكت وهو هم ضحك

شجان- احم اصلا اني ما خفت بس هيج ماحب انام بالگاع

صهيد- اني اروح انام بالگاع

نزل وراح نام بمكاني زعلت منه كلش وباوعت علي

صهيد- ماكو صوت نامي

شجان- شوكت اشوفك نايم؟ 

صهيد- نايم نايمم بس سكتي

بقيت اباوع علي وبعدين وخرت ماگدرت اتحمل ونزلت بصفه دحست روحي بحضنه

شجان- اذا حجيت شي والله ماحجي وياك بعد

صهيد- هاي هيه

حضني وحسيت بالامان لان حاضني ونمت لمن گعدت جانت الساعه بالـ7 گمت بسرعه وسويت ريوگ وصبيتلهم ورحت صعدت فوك سشورت شعري وكويله وسويته من جوه كيرلي لميته بقراصه وخليت مكياج واني جاي اخلي كعد عبودي لبست شال ونزلت جوه انطيته لصهيد

صهيد- تعالي اكلي

شجان- ماعندي وقتت

صهيد- عندج وقت تعالي اكلي نروح احنه بالـ11 هسه بعدها بالـ9

اخذت منه عبودي وخليته بحضني گعدت اكل ولمن كملنا شلت الصينيه ورحت غسلتهن وغسلت لعبودي وبدلته واني مسحت المكياج وبديت بي مرا ثانيه ولبست الفستان وطلع حلو كلش الحمد الله رجعت بطني طبيعيه ورا الولاده لان جبت طبيعي ، لبس صهيد لبس رسمي بنفس لون فستاني واني مشتريه قاط نفس لبس صهيد فه صرنا احنه الثلاثه نفس اللون لابسين حبيت شكلنا ورحت على المرايه وصورت صوره بيها اني وصهيد وعبودي بينا حبيت الصوره كلش لان اليوم هاذ احلا يوم ، نزلنا وجان كرار لابس القاط الاسود وجان كلش متوتر ضل يهدي بي صهيد وطلعنا رحنا لبيت جدي وشفناهم جاي يجهزون روحهم رحت يم كنان

شجان- كلمتي ؟

كنان- شكمللل ولجج المكياج ماجايي يضبطط،  اوووو عينييي شنهاي الاناقه شلون صهيد خلاج تطلعين هيج

شجان- بالتواسيل ليغرج المنضر

ضحكنا وگعدت اسويلها المكياج وكملته الها طلعت برا حتى تبدل ولمن كملت صاحتلي

كنان- اكلج جمره هم خابرتج؟ 

شجان- لا والله عبالي راح تجي جا ما خلصت دراسه؟ 

كنان- والله ماعرف بس اني عبالي راح تجي لان من زمان بدت العطله الصيفيه

شجان- والله بعد ماعرف خابريها بالله؟

كنان- ثواني بس البس هاي الترجيه

طلعت تلفوني واتصلت بيها متجاوب اتصلت مرا ثانيه وحجت بصوت نعسان

جمره- مممم

شجان- شعجب ما اجيتي؟ 

جمره- شعندي جايه

شجان- امداج اي والله، شلونج

جمره- الحمد الله زينه شلونج انتِ عبودي شلونه؟

شجان- زين الحمد الله

جمره- سلميلي على الكل اني رايحه اريد انام

سدت الخط بوجهي وكنان سمعت المحادثه قررنا ما نلح عليها توقعناها تجي بس ماعبالها راح تبقى هواي،  كملنا ونزلنا جوه وترتيبنا مثل قبل وهبان وسلطان راحو ويه كرار بسيارته وعمي عباس اخذ علوان والحجيه وعمه رقيه وكنان واني وصهيد وعبودي رحنا بسياره صهيد،  طلعنا الساعه بالـ11 ونص وصلنا وجانت الساعه 4ونص لمن وصلنا جانت الهلاهل والهوسه سوينا العرس بالقاعه لان بيت عمي باقر صغير وميكفي سويناه بقاعه البنات وحد والولد وحد خليت عبودي ويه صهيد واني فتحت شعري وجانت من ضمن الحضور نفسس البنيه الي زحفت على صهيد وجانت هم لابسه لبس فاضح بعدين عرفت بيها هيه سافره وما تلبس حجاب رحت يم شمس اني وكنان وگعدنا بصفها شمس جانت لابسه بدله بيضه وطالعه گمرر گمرر ماشاء الله صورنا احنه الثلاثه سوه

شمس- يممهه متوتره حيللل

شجان- يمعوده اهدائي ولتخافين خليها على الله يمعوده

گعدنا نسولف شوي وبعدين گمنا نركص اني وكنان شغلولنا ساجده عبيد وتگابلنا

- اجيبك للدرب كتلك اجيبك

متراهن عليك اله اجيبك

ولا تتعاند وياي

ما تگدرلي يهواي

انا قافل عليك اله اجيبك

انا قافل عليك اله اجيبك

ضلينا نرگص ولزم ايدها وصرنا نهز بشعرنا ونركص لمن خلصت الاغنيه رحت يم الديجي وشغلت اغنيتي المفضله الهجع الملايين اخذت شالي وخليته على خصري وكنان كذالك. وجبنا سجاجين بلاستك من البوفي وشغلنا الاغنيه وگعدنا بالنص اني وكنان ورجعنا جسمنا ليورا ويه الاغنيه

-  ولك يلي خذيت الروح

ولك يلي حبيبي

ولك يلي خذيت الروح

وگلي شلون نتلاگه

ولك وسفه وهضيمه وعيب

وها هاي الروح مشتاگة

عيني الهجع بويه الهجع عييني الهجع

گعدنا نركص اني وكنان والكل مصدوم من رگصنا لان محد يرگص على الهجع بس اني وكنان ضلينا نرگص ولحد ما اجه البارت الي نحبه ورجعنا گعدنا بالگاع ونحنينه على ضهرنا

-اجلبنك يليل وياي

وياي على اهل الوادم

بجيت وحرمت

عيني الهجع

من علمك

ركص الهجع

بويه الهجع

عيني الهجع

بويه الهجع

خلصت الاغنيه وكمنا عدنا روحنا اني وكنان واندارينا على شمس لگيناها تباوع علينا وتضحك رحنا عليها وهمه طلعو الاغاني اليحبونها ويرگصون اهم شي قدمنا عرضنا اني وكنان

شمس- ذكرتيني بعرس ورده هم رگصتي الهجع

شجان - اني بخطوبتكم ردت ارگص الهجع بس ماكو مجال فه هسه گلنا اني وكنان نسويلج عرض

كنان- صارلناا هوايي نتدرب علمودج

شمس- حبيباتيي شگد احبكم

شجان- صورتي؟ 

شمس - أي مثل ما كلتيلي صورت كلشي

بستها واخدت تلفوني وشفت التصوير

كنان- دزيي

شجان- اي ادللي

اجتي بنت خاله شمس

- شموسه كومي خلي نركص؟

شمس - ماريد استحي

- ليش تعالي شنو قابل بنات عمج ميستحن وانتِ تستحين ههههه

شجان- شنو قصدج؟؟

- ما قصدي شي حبيبتي بس كلمن ويعرف نفسه وتربيته

شجان - شمس اسفه بس هاي نرفزتني حيل

شمس- عليج الله لا لتسوين شي

-لا بالله خليها تكوم خلي تراويني شراح تسوي ام الهجع؟ 

شمس - كافيي! !! روحي يم خالتي لا والله اطردج من العرس! !!

- تطرديني علمود امهات الهجع؟ 

شمس- يشرفنج على الاقل يحبوني صدك مو يحبوني علمود مصلحه ؟

هيه تنرفزت وراحت بقينا نركص ونصور ويه شمس وصارت الساعه بالـ9 باليل صارت الزفه مالتها وكالو راح يدخلون الولد كلنا لبسنا حجاباتنا اله بنت خاله شمس لان سافره دخلو الولد سلطان ومسلم وسلام وكرار ووهبان صهيد جان شايل عبودي على جتفه ويرگص بي وكرار صاير بالنص ويهوسون

- عريس وربعه يزفونه عريس وبعه

- هاي الرادها وهاي التمناها بنت الشيخ لابن الشيخ جبناها

گعد كرار بصف شمس وعقدو عقد قرأن يعني هسه بالدين وبالقانون همه متزوجين صارت القاعه مختلطه گعدت على الطاوله واني اشوف صهيد وعبودي يرگصون عبودي بعده صغير بس صهيد مخلي على جتفه ويركص بي اجتي بنت خاله شمس وگعدت گبال الولد بحيث الولد كلهم شافوها عدا ولدنا مدنكين راسهم لان يستحون وصهيد اصلا مو يمها ولا معبرها اجه بأتجاهي وگعد بصفي وعبودي بيني وبين صهيد

شجان- لتباوع للبنات افگس عيونك ترا

صهيد- اباوع بس عليج يا بنات ؟ اني ماشوف غيرج اصلا

شجان- صهيد بوسني بخدي

طلبت هل شي رغم استحي بس لان شفت بت خالت شمس تباوع على صهيد وتحاول تلفت نضره،  صهيد ماقصر باسني من خدي واني ابتسمت ورجعت بسته من خده

صهيد- احبچ شُجاني

شجان- احبك اكثرر صهيدد

خليت راسي على جتفه وهيه خطيه ميته قهر والله شسويلها هيه حبت واحد متزوج وعنده طفل صار وقت الزفه وزفيناهم رجعو للبصره وعلى الفندق مارجعو للبيت واحنه طلعنا الساعه بالت10 باليل وصلنا 3 الفجر جنا هلكانين وعبد الله بحضني نايم واني نايمه وصهيد يسوق رجعت ويانا بيبي سعاد لان كالت اهناك ضيگه فه رجعت ويانا

سعاد- صهيد يمه مريتك نايمه؟

صهيد- اي حجيه تردين شي؟ 

سعاد- لا ماريد خاف متعبها عبد الله جيبه انومه يمي

صهيد- لا حجيه انتِ نامي واخذي راحتج عبودي بحضن امه

وصلنا للبصره ووصلنا الحجيه للبيت واحنه رجعنا لبيتنا گعدني صهيد وشلت عبدالله وطبينا للبيت اجه وهبان ورانا وراح لغرفته احنه صعدنا وخليت عبودي يمي ينام ماريد ينام على الكاروك لان جاي ينزعج منه رحت بدلت وصهيد هم ماقبل ابدل لعبودي لا يگعد وبقيته ونمنه اني وصهيد وعبودي بنصنه

صهيد- اليوم ما تحضنيني

شجان- صهيد باجر نجيب جربايه صغيره لعبد الله

صهيد- صار

نمت واني هلكانه تعب نمنا نومه عميقه بحيث كلنا گعدنا العصر لمن گعدت لكيت صهيد وعبد الله ماكو توقعت نزلو جوه كمت وغسلت وجهي وبدلت ملابسي ونزلت جوه لكيتهم كاعدين على التلفزيون

صهيد- مساء الخير

شجان- مسائ النور اسويلك غده؟

صهيد- لا اليوم ناكل من برا راح وهبان يجيبلنا اكل من برا وهم شمس وكرار اليوم راح يجون

شجان- يايي لعد خلي انضف البيت بسرعه قبل لا يجون وانضف غرفه كرار

رحت بسرعه ونضفت غرفه كرار وعطرتها وطلعت نضفت البيت واجه وهبان نضفت شوي ورحت جبت الصينيه وخليتها بالاستقبال وگعدنا ناكل

وهبان- كرار خابرني كال احنه جايين بالطريق ضمولي حصتي وحصه مرتي من الاكل

صهيد- ههههه اي يدلل شگد جبت كباب؟ 

وهبان- هاذ ماعون النا والماعون الثاني لكرار ومرته

كملنا الاكل وشلت الصينيه ذبيت الماعون وغسلت الصينيه وكترت المطبخ ورجعت انضف البيت كملت وسمعت صوت الباب يندك رحت فتحت الباب ولكيتهم كرار وشمس حضنت شمس وكرار سلم علي و طب جوه

شمس - لج عزهه والله مستحيه اطبب

شجان- مرتت حماييي لجج اموت عليج وعلي

شمس- احبجج

سحبتا ودخنا جوه لكيت كرار شايل عبد الله ويبوس بي

كرار- عبودييي لك البارحه خوش رگصت يبعد روح عمك

ضل يبوس بي ويشتم بي حيل رجعه لحضن صهيد وسلم على صهيد وعلى وهبان

كرار- ضاميلي عاد حصه لا؟ 

شجان - تريد اجيبلك! 

كرار- اي والله تسويلي فضل يلا شموسه خلي نروح للغرفه

رحت للمطبخ وخليتلهم الاكل بيها وخليتلهم العصاير والمقبلات وصعدتها فوك دكيت الباب وطلعلي كرار

لابس شورت وفانيله واخذها مني

كرار- شكرا تعبتج وياي

شجان- عادي يمعود اي شي تريده اتصل علي او صيحلي

ابتسم وسد الباب واني نزلت جوه اخليهم على راحتهم گعدت بصف صهيد وققرت افاتحه بالموضوع

شجان- صهيد اريد اكلك شي

صهيد- كولي؟ 

شجان- اسمع اني عديت الحمل والولاده والمدرسه تعرف بعدلها ثلاث اشهر عادي ارجع للدراسه

صهيد- ميخالف بس منو يربي عبود

شجان- اني والله ما اهمله والله حباب صهيد هاذ مستقبلي لا تخلي يضيع

صهيد- ماشي كافي سكتي للتوسلين هاي هيه ارجعج لنفس المدرسه

فرحت حيل وحضنته وبسته من خده واني جاي ابوس خده طب علينا وهبان وصاح

وهبان- عمييي شنهاييي الرومانسيههه وين ما اروحح زوجونيي

ضحكنا علي ومر اليوم عادي مرت الايام وشمس تأقلمت ويه الوضع وتسوي الاكل والنتضيف وياي وجانت خجوله كلش كلش لحد ما مر شهرين على زواجهم واحنه جاي ناكل على السفره صدمنا كرار بخبر

كرار- صهيد اريد اعزل

صهيد انصدم واستغرب منه

صهيد- ليش؟ 

كرار - هيج اريد نبقى اني ومرتي وحدنا

صهيد- بعيني هاي قبل هاي تدلل اشتريلك بيت واني اصممه وبالمكان التريده بس اريد اعرف السبب

كرار- والله الصراحه اني مرتي اريدها تاخذ راحتها اكثر ماريدها متقيده بالحجاب اكثر

صهيد- بكيفك كروري الي تريده يجرالك

كرار - اريد تبنيلي بيت فوك وتخليلي درج وحدنا

صهيد- صار التريده

كرار- لا تزعل مني صهيد اتمنى تتفهمني وتتفهم رغبتي

صهيد- لا عادي انتَ ومرتك تريد ترتاحون عادي

بقت شمس ساكته طبعها خجوله كلش لمينا السفره اني وياها وغسلنا المواعين واحنه جاي نسولف فجاءَ كالت

شمس- اكلج يمكن اني حامل؟ 

فرحت حيل

شجان- اللههه راح يصير عدنا طفلل ثانيي

شمس- ماريد اريد التهي بجامعتي

شجان- لا لتكولين هيج هاذ رزق من رب العالمين واكو ناس تتمني الطفل شمس

شمس- صحيح بس اني ماريد هسه بعدني صغيره

شجان- انتظري شوي

رحت صعدت فوك ونزلت بسرعه مديت ايدي

شمس- شنو هاذ ؟

شجان- تحليل حمل منزلي جبت اثنين قبل فتره لان حسيت بروحي حامل بس ماكو حمل جربي؟

اخذته مني وراحت تجربه انتظرتها بالمطبخ ورجعت وجانت ملامحها عاديه

شجان- بشري؟

شمس- لا ماكو حمل

شجان- يلا الله يكتبلج بيها الخير ان شاء الله تصيرين حامل

شمس- مو هسه يمعوده

سوينا الجاي وصبينا ورحنا گعدنا بالاستقبال هيه گعدت يم كرار واني گعدت يم صهيد وعبودي ووهبان گعدو سوه

وهبان- باوع عبودي بس اني وياك عزابيين هذول كلهم متزوجين

صهيد- جا ما تزوج ياهو الكاظك؟؟؟؟

وهبان- يعني تقبل؟ 

صهيد- هل مرا المهر عليك انت تشتغل

وهبان- طبعا المهر علي بيش الساعه هسه؟

كرار- ها تررح تخطب هسه؟

وهبان- بيها مجال هسه؟ 

صهيد- دخلي نعرف مني هاي؟ 

وهبان- كنان بت عمتي رقيه

صهيد- كنان؟  خوش بنيه وحبابه وخلوقه توكل خويه

وهبان- يعني تخطبها الي؟ 

صهيد- اني اخطبها الك بس اذا ما وافقت عمتي ماعليه بعد

وهبان-عبالي مراح تقبل

صهيد- لا شلون انت اذا تحبها اخطبها الك من عيوني شعندي غيركم اني؟  اني ابوكم الثاني وماحب اشوفكم زعلانين مني

كرار- وهبان صهيد صار الاب النا ويحبنا كلش ومو بس احنه يحبنا كلنا احنه الاحفاد لهاذه هو ميحب يفرق بين اليحبون بعض

باوع على شمس بنهايه كلامه وهيه خجلت عرفت يعدين ان كرار حب شمس لان هيه مامتحكمه بي ومخليته على هوا يريد شي تروح تسويله بسرعه بدون نقاش وتحبه حب مو طبيعي بحيث مرا انجرح جرح بسيط گعدت تبجي علي شمس بنيه حنونه حيل ومرات تاخذ عبودي وتلاعبه هيه تحب الاطفال بس ممفكره تجيب طفل،  مرت يومين ورحنا نخطب كنان لوهبان

صهيد- عمه اني اجيتج بشغله واتمنى ما ترديني

رقيه- كول يمة خوفتني؟ 

صهيد- اني جاي واخطب أيد بتج كنان لاخوي وهبان

رقيه- كل الهلا اتشرف بيكم انتو ولدي وعزاز گلبي اذا ما انطيكم بنتي انطيكم عمري

صهيد- تسلمين عمه

ضلو يسولفون واتفقو ثاني يوم الشوفه الشرعيه واجه ثاني يوم وصارت الشوفه وتمت الموافقة وحددو الخطوبه بعد اسبوع بقيت يم بيت جدي وصهيد والولد راحو رحت يم كنان وجانت واي شمس رحنالها

كنان- ولجن صدك عود؟  لاااا بشرفكمم صدكك صدكك؟

شمس- والله يمهه راح نصيرر ثلاثتنا بنفس البيت

شجان- غير راح تشيلين انتِ؟ 

شمس- اي اعرف بس يعني اگدر اجيكم بكل وقتت

فرحنا حيل وكنان من فرحتها اتصلت على جمره جاوبتها بسرعه

جمره- هلاا قلبييي شلونج ولج شخبارج امورج؟ 

كنان- انيي كلشش زينههه جمرههه ما تتخيليينن شنو صارر

جمره- شصار خطبج المدلول؟ 

كنان- اييي

جمره- جذابهه كولي والله

كنان- والله العظيممم امانه تعالي

جمره- اجي طبعاا اجيي اختيي راح تتزوج شلون ما اجي اكيد اجيي يبعد عيونييي الف مبروك مقدما، شوكت الخطبه

كنان- الخطبه الاسبوع الجاي والعرس وراها بيومين

جمره- لعد هاي هيه اني باجر اجي وابقى يمج اسبوعين وارجع لان راح تبدي الدراسه

كنان- احبج جمره

جمره- واني هم احبج

سدت الخط وجانت طايره من الفرح بقينا نسولف شوي وبعدين رجعنا اني وشمس للبيت لمن دخلنا لكيت شخص غريب اول مرا اشوفه بس جان وجه مئلوف علي

صهيد- شجان تعالي بويه گعدي وسلمي على عمج

استغربت عمي؟  بديت استرجع ذكرياتي لحد ما تذكرت مرا وحده اجانا وبعدها اختفى

شجان- شجابك؟ 

- شنو شجابني بنت اخوي واسئل عليج

شجان- اها وهسه يالله تذكرت؟  ابوي صارله سنه ونص ميت وانتَ هسه يالله تذكرت؟ 

- ماجنت اعرف هسه يالله عرفت

شجان- والمطلوب؟ 

- بنت اخوي اريدها

صهيد- شنو؟ 

- شنو شنو شلك غرض البت اريدها وراح ازوجها لابني

شجان- عمي اني متزوجه وعندي طفل ماگدر اعذرني

- محد گلي متزوجه وين زوجج وأبنج

رحت وگعدت يم صهيد واخذت منه عبد الله

شجان- هاذ زوجي وهاذ ابني تحتاج شي ثاني عمو؟

- أسف لان گطعت هواي

شجان- ليش اصلا گطعت؟ 

- ابوج الله يرحمه جان خوش زلمه ولمن سافرت گلي لمن ترجع تعال علي بس لمن اجيت وسئلت عليكم كالو مات وانتِ كالو عشتي بغير منطقه بس ماكالو متزوجه لو عدها طفل وهم  لمن شفت ابنج الله يحفظه حسيت انُ يشبهج حيل يلا ماريد ازعجج اكثر من هيج تتهنين بحياتج بنتي

عمي هاذ جان يشبه أبوي كلش

شجان- عمي عادي اطلب طلب؟ 

- اي بويه طلبي؟ 

گمت وانطيت عبد الله لصهيد وحجيت واني بيه غصه وجانت واضحه

شجان- عادي احضنك؟  والله مو لان شي ثاني بس تشبه ابوي حيل واني كلش مشتاقتله

هو ابتسم ونزلت دموعه رحت حضنته وضلينا نبجي اعتذرت منه على اسلوبي وهو اعتذر مني هم على اسلوبه وبعدين راح راح وهاي جانت اول واخر مرا اشوف بيها عمي من بعدها ماشفته ، صعدت فوك لغرفتي وحسيت رجع الاكتئاب بقيت وحدي بالغرفه دخل صهيد وبيده عبدالله خلاه على الجربايه مالته واجه گعد يمي

صهيد- شبيج حبيبتي؟

باوعتله ولمن انتبه على عيوني اني ابجي حضني لان عرف عليمن ابجي ماگدرت اسكت اكثر حضنته وضليت ابجي مشتاقه لابوي حيل

شجان- مشتاقه لابوي صهيد وديني اله حباب وديني اريد اشوفه

ضل يمسح على راسي وحضني بقى ساكت رما حجه شي واني اطلع البگلبي كله انفجرت حرفيا بعد ما طلعت البگلبي نمت بحضنه وجنت حاضنته حيل ولازمه ايده

صهيد

جانت حاضنتني ولازمه أيدي شجان لمن انفجرت اليوم حسيت بتأنيب الضمير لان صارلي هواي مماخذها لابوها واخر مرا شافته جانت بيوم الابعينيه مالته،  أباوع عليها وأكول بنفسي شگد انضلمت هاي البنيه تعذبت بحياتها هواي ماريد اعوفه واحاول اعوضها عن ابوها بس هيه كل مرا تريد تگلي بابا تسكت وترجع تصيحلي بأسمي اله مرا وحده گالتلي بابا.

جنت گاعد على التلفزيون واسمع عبد الله يبجي ردت اصعد بس اشوفها نزلت ويه عبود وهو يبجي وهيَ تبجي واجتي گعدت بصفي

شجان- بابا جاي الاعبه وضربني براسه على حلگي وحلگي يوجعنيي

تحجي وتبجي وهاي اول مرا بيها تكلي بابا ابتسمت وبست شفتها

صهيد- راح الوجع؟ 

هزت راسها بـ أي وابتسمت

صهيد- هسه سكتناج انتِ وهاذ عبودي شبي؟ 

شجان لمن ضربني هو هم توجع وگام يبجي لان ضربني قوي براسه

ضحكت عليهم واخذت عبودي منها وضليت الاعبه من هذاك اليوم واني أحب كلمه بابا من شجان بس هيَ تستحي تكولها الي ،ابتسمت لا اراديا واني اتذكر الموقف شجان انسانه لطيفه حيل وماشفت منها شيء يأذيني او يأذي اهلي رغم اني هواي أذيتها وهواي كسرتها بس هيه ابدا ما تغيرت علي وحبتني

سحبتها اكثر حضني وغطيتها ونمنا شجان تخاف تنام وحدها ولمن جانت ببيت جدي جانت تحضن المخده ماتحب تبقى وحدها بغرفه واذا اروح لبغداد تبقى تحضن المخده مالتي بحجه بيها عطري احبها هل انسانه هاي الانسانه الطف كائن بشري شفته بحياتي احبها حيل ومامستعد اخسرها احبها من كل گلبي …

شُجان

گعدت الصبح واني بحضن صهيد جان نايم باوعت لوجه وضليت اتلمس وجه شفت وجه عبس وخرت منه ردت اكوم بس سحبني

صهيد- ابقي يمي

شجان- لازم اجهزلكم الريوك

صهيد- اني ماريد. كرار مرته تسويله ووهبان راح يطلع للدوام

رجعت نمت بحضنه وهو رفعني وصار وجهي مقابيل وجه وابتسملي وباسني بشفتي نزلت روحي ورجعت نمت بحضنه لمن گعدت جانت الساعه بالـ2 الضهر

شجان- صهيد صهييدد حبيبييي كوم يلا تأخر الوقتت فاتت الصلاه كومم

جاوبني بصوت نايم

صهيد- تعبان والله رجعني نامي بحضني خليتيني انام كل هل ساعات

وخرت منه هل مرا ورحت لميت شعري وغسلت وجهي رجعت شلت البطانيه منه

صهيد- رجعهاا عبسي

ضحكت لان لقب عبسي جان يكلي علي قبل لا نتزوج قفزت علي وحضنته حيلل وبسته من خده

صهيد- متفائل اليوم حبيبي؟ 

شجان- امم كلشش شنو تحب اسويلك؟

صهيد- سوي علي فضل ونجيب اخو لو اخت لعبودي

شجان- لا هاي انساها خلي يصير عمره سنه هيج وافكر عود

صهيد- بكيفج الي تردينه يصير

گام مني وراح غسل واني نزلت جوه سويت الغده جنت لافه دولمه وضامتها طلعتها وطبختها اجه وهبان من الدوام وطب يسبح رحت للاستقبال مابين يستوي الاكل نزلت شمس وهيه مبينة نعسانه

شمس- الله طابخه دولمه؟ 

شجان- اي سويت دولمه

فرحت وراحت تغسل اجتي يمي گعدت وبدينا نسولف

شمس- باعي اليوم كرار راح المدرسه مالتي حتى يشوف انقبلت بيا جامعه

شجان- شنو تتمنين

شمس- اتمى ادخل محاماه مثل كرار لان احب القانون

شجان- الله وتصيرون سوه تروحون سوة وترجعون سوه

شمس- اي بس الفرق هو اخر مرحلى واني اول مرحلى

شجان- عادي اهم شي اثنينكم تروحون وترجعون سوه

ضحكت هيه ونزل صهيد وبيده عبودي عبودي صار عمره 6 اشهر تقريبا وصار بس يتگلب بس مايگدر يگعد خليناه بالگاع ورحت اشوف الدولمه ولكيتها مستويه وطفيت النار اجه كرار وصاح

كرار- مرتي مراح تداوم وياي بنفس الجامعه

شمس تجمعت الدموع بعيونها

شمس- معدلي اقل؟ 

كرار- لا لان انتِ انقبلتي بجامعه الطب وقسم طب اسنان

فرحنا حيل الها شمس مجانت تدري بمعدلها بس جانت تدري بروحها ناجحه فرحتلها حيل وهيه حضنت كرار گدامنا ووخرت بسرعه

شمس- اسفه ماعييدها

كرار- عيديها

شمس- ها؟

وهبان- الرومانسيه بالغرفه مو اهنااا وياكمم شخص عزابيي لتنسون

كرار- اسبوع وتصير مخطوب اسكت

وهبان- زين هيه مو العكس؟ المفروض اني اتزوج قبلك شو انت تزوجت؟

كرار- والله يا خويه كلمن وحظه

بقينا نسولف ونضحك ونشاقه ويه بعض الايام المرت جانت هادئه وحلوه جانت اسعد الايام ابتسمت للمه الحلوه وگمت سويتلهم جاي وطلعتلهم كيكه مسويتها الهم سويت ثلاث صواني ورحت وديت اثنين ورجعت جبت الصينيه الاخيره لوهبان

وهبان- هل مراا شجان صبتلي الجاي المرا الثانيه كنان تصبلي الجاي

شجان- عادي اني دوم اصبلكم ماريد اتعب زوجاتكم

صهيد- لا شنو تصبيلهم عدهم نسوان يصبلهم الجاي

ضحكنا لان صهيد حجاها بشقه رحت گعدت بصفه وهو جان مخلي ايده على التخم صرت عبالك كاعده بحضنه تجيت راسي على صدره واحنه نسولف ونشاقه

وهبان- عبودي راح اخذه وياي اليوم

صهيد- وين؟ 

وهبان- اخذه اليوم وياي للحلاق وافرفره شوي بالسياره اخلي بحضني

صهيد- اخذه نرتاح منه شويه مو شجونه؟

فهمت قصده وباوعتله وهمست

شجان- فهمت قصدك

صهيد- هههههههه يمهه ههههههه ابوس الذكييي تعالي ابوسج

باسني من راسي وهو يضحك اخذ وهبان عبدالله وطلعو وشمس وكرار راحو لبيت جدو

صهيد- صرنا وحدنا

شجان- احم الدنيا حاره

ضحك علي وضحكك بقوه همم وشالني

صهيد- ماكو مفر من عالم صهيد

ابتسم ورديت الابتسامه باسني بخدي وصعد وطبينا للغرفه خلاني على الجربايه وراح سد الباب وقفله واجه علي گعد يشاقيني ويضحكني

صهيد- شجان

شجان- هاا

صهيد- أحبچ يبعد عيون صهيد روح صهيدد انتِ شراين گلب صهيد احبج شجان

ابتسمت وخجلت حيل بسته من شفته هاذ تعبير الحب عندي بالنسبه لصهيد

شجان- وانتَ أبوي وأمي وزوجي وحبيبي وصديقتي واخوي وكلشي بحياتي

صهيد- كلشي بحياتج عده اخوج

ضحكت ادري بي يكره كلمه خويه،  ورا ساعتين واني گاعده بحضن صهيد ونسولف عن حياتنا ويه عبدالله وشلون تغيرت وحياتنا الصارت حلوة سمعنا صوت الباب يندك

وهبان- يمعودينن شني نايمين

صهيد- اشتعللل جدككككك

وهبان- عبد الله نام وين اخلي؟ 

صهيد- فوك راس الحبلههه روح خلي يمك اريد ابقى اليوم ويه مرتي

وهبان- اعاصبك صهوديي

قلد صوت بنيه وضحك وراح لغرفته نوم عبدالله يمه ردت أكوم بس سحبني

صهيد- تعالي عوفي اريدج اليوم يمي

شجان- لاا صهيدد عيبب خلي اخذه خطيه

صهيد- لا العيب مايخلونا وحدنا

شجان- صهيدد

رجعت لحضنه واني ابوسه بخده

صهيد- شجان انتِ مو گلتي تردين تعيشين ببغداد؟

شجان- قبل بس هسه لا لان ماريد اعوف البصره

صهيد- نبدي حياتنا مرا ثانيه ويه ابنا شنو رأيج نروح لبغداد نعيش؟ 

شجان- صدك يعني نعيش ببغداد؟ 

صهيد- اي وداعتج نفس البيت نرجعله

شجان- اني اقبل عادي بس اخوانك شلون؟ 

صهيد- البيت راح اقسمه نص لوهبان والنص الثاني لكرار واحنه نروح لبغداد

شجان- احبك صهيد

صهيد- احبج اكثر بابا

ابتسمت وحضنته حيل بقيت شوي وگمت لميت الملابس ورحت اخذت روب الحمام وطبيت اسبح طلعت ولبست ملابسي ونشفت شعري. وضفرته طلع صهيد من الحمام واجه بدل ملابسه تعطر

شجان- صهيد تعال تعال انزل شوي

نزل وصار من مستواي واخذت مشط صغير مشطت لحيته وشواربة

شجان- ليش ما تخففها

صهيد- خففتها بس مامبينه

راح جاب عبد الله من غرفه وهبان وخلاه بجربايته

وطلع ماعرف وين راح اني بقيت بالغرفه خفت لا عبد الله يگعد وتذكرت اليوم جمره تجي رحت لبست حجابي والجبه وشلت عبودي على كيفي اخذت التفون ونزلت جوه خابرت صهيد

صهيد- شعندج تخابرين هاي اني اهنا

طلع راسه من باب المطبخ

صهيد- ياستار وين رايحه؟

شجان- اليوم جمره تجي وراح تبقى اهنا اسبوعين يمكن راح اروح اشوفها

صهيد- يلا روحي بس لا تتأخيرين ماشي؟ 

هزيت راسي اي وطلعت واني جاي اتمشى شفت بطريقي مريم اي اي مريم طليقه صهيد لمن شافتني اجتني علي وعصبيه مدري شبيها

مريم- ها؟  اخذتي؟  ارتاحيتي؟

شجان- شبيج؟

مريم- لا شبيه ولا شي اخذتي مني صهيد؟

شجان- مو اني اخذته هو الي اخذني هو الي يحبني تمام؟  وهو ندمان على زواجه منج

مريم- لا ما ندمان بالعكس هو مشتاااقق الي ويوميه اشوفه يم بيتنا واكف حبيبتي ليغرج المنضر ترا كم يوم واجيج وتصيرين انتِ الزوجه الثانيه

شجان- توكلي خيه مالي خلگج

سحبت عبد الله مني وحجت

مريم- المفروض هاذذ ابنييي انييي المفروضض انييي الي اصيررر اممم جهالهه

شجان- شبيجج! ؟!!!! تخبلتييي جيبيي ابنيي

سحبت عبد الله منها ورجعت للبيت فتح الباب صهيد ولمن شافني ابجي وشاف مريم وراي استغرب سحبني وصرت ورا

صهيد- شتسوين اهنا؟ 

مريم - صهيد اني مرتك رجعني عليك الله وماسوي شي بعد رجعني ماسوي شي ابوس ايدك

صهيد- روحي مريم

مريم- وين اروحح صهيددد ماليي مكااننن اني احبكك انتَ ليشش حرمتني من شوفتكك سنه كاملهه ليشش مو جنتت تكليي احبجج؟ 

صهيد- ماحبج اكرهج يلا روحي منا لا والله العظيم اسوي بيج شي ميعجبج روحي مريم ولا تراويني وجهج مرا ثانيه

مريم- اريد ابقى وياك ماريد اعوفك صهيد اني احبك من زمان ليش عفتني علمود هاي الجاهله

تنرفزت حيل بس صاح عليها صهيد وطردها سد الباب بوجها والتفت علي دنك علي ومسح دموعي وحجه بنبره حنونه

صهيد- لا مريم ولا غيرها تگدر تفرقني عنج ماشي؟  أحبج انتِ

شجان- ليش تروح يم بيتهم

صهيد- شنو؟ 

شجان- ليش تروح يم بيتهم؟ 

صهيد- مارايح لبيتهم؟ 

شجان- هيه تكول! !!

صهيد- وانتِ تصدگين بيها؟  مو 24ساعه مگابلج وگاعد؟ 

سكتت لان صهيد صدك ما يطلع واذا يطلع يطلع لو ويه سلطان لو ويه واحد من اخوانه ، اخذ نفس وباسني من خدي ولزم ايدي وطلعنا رحنا سوه لبيت جدو لمن طبينا جان كرار موجود بالاستقبال وشمس كاعده بعيد عنه وحسيتها زعلانه

شجان- يمكن متزاعلين؟ 

صهيد- اخذي شمس وافتهمي منها السالفه

خليت عبودي يمه ورحت گعدت يم شمس

شجان- شمس؟ 

باوعت علي والدموع بعيونها انصدمت وسحبتها وياي ورحنا طلعنا برا بالحديقه گعدتها على الكرسي وگعدت يمها

شجان- شبيج؟ 

شمس- بعده يحبهااا بعدههه يحبهاااا طوللل الگعدههه يباوععع عليهااا وماشاالل عيونههه منهاااا بعدهه يحبهاااا

شجان- شجاي تحجين؟

شمس- كرار بعده يحب جمره بعده يفكر بيهاا شجان يحبها

گعدت تحجيلي وتبجي وتفضفض اتصل صهيد ورحت بعيد عليها

صهيد- شبيهم؟ 

شجان- والله يا صهيد ماعرف شكول بس ……

حجيتله على كرار وهو سد الخط بسرعه سمعت صوت عالي جوه وصوت كرار وصهيد يصيحون گامت شمس ومسحت دموعها

شمس- هاذ صوتت كرارر

ركضنا اني وياها وطبينا جوه لكيت صهيد يرزل بكرار

صهيد- افهمممم انتتتت تزوجتتتت انتتتتت تزوجتتتت انساهااااا! !!!!

كرار- يا طلابه الماتخلصصص واللهه ناسيهااا واللههه ناسيهااا

اجتمعو كلهم على صوت صهيد وكرار ومن ضمنهم جمره جانت خاتله ورا

شمس- كرار! !

صاحت وانتبه كرار الها

شمس- طلگني كرار

كرار- ماطلگج

شمس- ليششش؟ ؟؟؟ انتتت بعدككك نفسس الشييي ما تغيررتتتت كراررر انتت بعدككك تحبهااا ماريد اخربب حياتيي وحياتكمم طلگني وتزوجو

تقدم كرار عليها وحضنها تحت انضار الكل بأستغراب وصدمه وجمره جانت تباوع وحسيتها مامهتمه

كرار- ماطلگج احبج ماحب غيرج فهمتي؟  انتِ هسه بگلبي ولا وحده تجي وتحتل گلبي غيرج ماشي؟  انتِ الاساس اني ما اشوف بنيه غيرج افهمي احبج انتِ مو هيه

ضلت تبجي بحضن كرار واخذها وراحو للبيت يتفاهمون

عباس- شنو هل مسلته الصارت هسه! !!

صهيد- كرار ومرته متعاركين راح حتى يصالحها

كعدو يسولفون واني رحت سلمت على كنان وجمره ورحنا فوك نسولف

جمره- بسببي؟  هههه اصلا لو مو خطبه كنان جان اصلا ما اجيتت

شجان- لا معليج انتِ

جمره- واضح ماكو داعي تبررين

شجان- اسفه

جمره- انتِ معليج شكو تعتذرين وبعدين عادي اصلا تعودت

سكتنا اني وكنان لان مانعرف شنحجي هيه ابتسمت

………

شمس

گعدت ابجي وهو حاضني گدام الكل سحبني واخدني للبيت گعدت على التخم ابجي وگعد بصفي

كرار - شمس اسف ماجان قصدي تبجين

شمس- كرار اذا تحبهااا ليشش ما تزوجتهااا ليشش ما لحيتت على عميي ليشش خليتنيي احبكك

كرار - احبج شمس والله وروح امي وابوي ناسيهاا وروح ابويي وداعت صهيد ناسيها وما افكر بيها شمس انتِ زوجتي وحبيبتي وانتِ كلش تعرفيني زين شگد احبج اني شفتي مني قصور؟  قصرت وياج بشي؟

شمس- ماقصرت وياي بس انتَ ماتحبني

ضحك وشالني خلاني بحضنه وقيدني حتى ما اشرد منه

شمس - وخر اريد اروح ماحبك زعلانه منك

كرار- تعالي ابوس خدودج الحمر شبساع يصيررن حمر؟ 

شمس- من الله هيج تعرف الله؟ 

كرار- وداعت الله أحبچ

شمس- بس انت تفكر بغيري تفكرر بجمره

سكت واقرب وجه مني وباسني بشفتي

كرار- لا جمره ولا غيرها خلتني هيج ارتاح وياج انتِ افضل شي كتبه ألي ربي الحمد الله لان عمي رفض جان هسه اني ممرتاح مثل ما مرتاح وياج شمسي انتِ الضوه المنور طريقي المضلم

باوعت علي وحضنته اني استحي من كرار لمن يبوسني او يتغزل بيه فه بسرعه احضنه علمود اخفي خجلي منه هو يعرف بيه ، مخليني بحضنه وكل شوي يباوع لوجهي ويبوسني من خدي لو من شفتي

شمس- كافيي استحيي

كرار- أحبچ شمسي

گام وهو شايلني واخذني للغرفه وصار يقترب مني اكثر واكثر يتغزل بكلامه الي مثل العسل احبه ابتسم ورديت الابتسامه ……

شُجان

بقينا گاعدين ونزلت جبت عبودي ورجعت صعدت فوك اخذته مني جمره وهيه كلش فرحانه بي

جمره- فدوههه يشبه صهيد من جان صغير

كنان- ايي والله يشبه صهيد كلش يمكن عد امي الصوره مال صهيد ثواني اروح اجيب الالبوم واجي

راحت كنان وجابت البوم الصور وطلعت صور صهيد اخذت الصوره صدك عبد الله يشبه صهيد من جان صغير ضليت اگلب بالصور وشفت صوره صهيد جان بيها جبير شوي واگف بالنص ويمه مراه ورجال

شجان- منو هذول؟ 

كنان- هاذ خالي خالد ابو صهيد

باوعت لابو صهيد بي شبه من وهبان ابتسمت لا اردايا وام صهيد تشبه ورده حيل صهيد بين الاثنين بي شبه من امه وابو يعني هو يشبه ابو من ناحيه الجسم والعيون وامه يشبها بالشكل

جمره- تعاالي اراويج اني وكنان وشمس

طلعت صوره بيها ثلاث بنات وجانت شمس بالنص

جمره- هههه اكو صوره ثانيه بيها احنه كلنا حتى كرار ووهبان وسلطان وصهيد موجودين بيها وينها؟ 

ضلت كنان تدور بيهن ولكتها شفت الصوره وصهيد و سلطان جانو كبار دققت بملامح صهيد شوي وحسيت شايفته بس ماذكر وين

شجان- الله والله كيوتت

جانت الصوره كرار وشمس وافين بالنص وبصف شمس جمره وكنان وكرار بصفه حمزة وصهيد وسلطان جانو بالنص گاعدين انتبهت على ايد كرار جان لازم ايد شمس ويباوع عليها وهيه جانت مستحيه. ضحكت بس ما حبيت احجي هل شي گدام جمره.

شجان- يلا بنات استأذن منكم اريد اروح للبيت

كنان- اكلج وهباني وين؟ 

شجان- نايم بالبيت

كنان- اهاا راح اتصل بي

طلعت تلفونها واتصلت بي جاوبها بصوت نعسان

وهبان- ها بويه

كنان- وهوبيي وينك؟  ليش ما اجيت ويه صهيد ومرته؟ 

وهبان- نايم وداعتج ليش ما تجين انتِ؟ 

ضحك بنهايه كلامه وهيه سكتت

كنان- يمعود مو وحدي اني

وهبان- اها احم هههههه يلا هسه اكوم ابدل واجي

سد الخط ونزلنا كلنا جوه وصهيد اخذ عبد الله مني شوي ودخل وهبان بكامل اناقته

وهبان- سلام عليكم

- وعليكم السلام

علوان- خيرك؟ 

وهبان- اشوفكم جدي

علوان- مو من عوايدك ولك بس لا تريد تشوف كنان؟ 

وهبان- غيرر راح تصير خطيبتي

علوان- كنان روحي لغرفتج

گامت خطيه وراحت لغرفتها بس شفتها من بعيد تأشر لوهبان وتنطي بوسات بالهوه اباوع لوهبان وجه صار احمرر ضميت الضحكه بالگوه

صهيد- شنو رأيج نسوي سفره اني وياج؟ 

درت علي بأستغراب

شجان- سفره؟ 

صهيد- سفره اسفرج بأي مكان تردينه

شجان- اني ما اريد سفره اريد اطلب طلب

صهيد- طلبي عيوني الج

شجان- اريد نبقى بالبصره ماريد اروح لبغداد

صهيد- صار

ابتسمت وهو ابتسم انتبه عبد الله يباوع علينا وصافن باسه صهيد من خده

صهيد- يفتهمم النغل

شجان- لا تكول على ابني نغل خوش؟ 

علوان- ياهو النغل؟ 

شجان- جدو صهيد يكول لعبد الله نغل

علوان- ايا گو** انت النغل خوش لا تحجي على حفيدي

صهيد- خوش علوان جا بعد ما احجي وياك

ضحك جدي واحنه فرحانين مرت الايام واجه يوم خطوبه كنان ووهبان كنان جانت لابسه فستان احمر وبي لون ذهبي واني وشمس وجمره لبسنا درجات اللون الوردي وعبودي لبسته تيشرت ابيض وبنطلون وجانا فرحانين بيوم خطوبتها وگعدنا نركص شمس تعبت شوي وگعدت وورا شويه شفتها راحت تركض للحمام خليت عبودي يم عمتي رقيه ورحت ورا شمس لكيتها بالحمام تتقيء

شجان- شمس حبيبتي بيج شي ؟

شمس- مادري فجاء بطني گامت توجعني

شجان- لحظه جاي تتقيئين وبطنج كامت توجعج الله يعنيي انتِ حاملل

جمره- منو الحامل؟ 

شمس- محد حامل يمعوده بس لان لعبت نفسي عبالها حامل

جمره- اها خوش يلا تعالو

راحت جمره وغسلت شمس واجتي وياي اجه كرار والشيخ وعقدلهم وتمم خطبتهم تعالت صوت الهلاهل وشغلنا الديجي وگعدنا نركص مرا ثانيه لليل وكمل الخطوبه ووجعنا للبيت شمس بقت بطنها توجعها ثاني اليوم الصبح اخذ كرار شمس للطبيب ووهبان جانت نايم

صهيد- رايح اني محتاجه شي ؟

شجان- انت شغلك مو ببغداد؟ 

صهيد- نص شغلي اهنا لا تنسين اني لساعد جدي بالمزرعه

شجان- اكلك

صهيد- ها

شجان- ليش ما نسوي سفره عائليه؟ 

صهيد- وين نروح؟ 

شجان - اسمع نروح للمزعه؟  شوي وهيج شغلات كلنا احنه العائله؟ 

صهيد- ان شاء الله خلي يمر كم يوم وتدللين

ابتسمت وقبل لا يطلع دخلو كرار وشمس وكرار جان طايرر من الفرح راح حضن صهيد بكل قوته

كرار- صهيد راح اصير أب

فرح صهيد واني طرتتت من الفرح ورحت حضنت شمس صاح كرار

كرار- جعصتووو ابنيييي

ضحكنا علي وگعد وهبان ما مفتهم شي وكرار راح گمز علي ويكله راح اصير اب

كرارر - حاامملللل انيييي حاملللل

وهبان- شنو انت حامل؟ 

كرار- اقصددد شمسس حامللل انييي راحح اصيررر اممم

وهبان- كرار احجي عدل مجاي افهمك

ضحكنا على جفصات كرار من الفرحه مايعرف شيكول

كرار- اني راح اصيررر ابب وشمس راح تصيرر امم شمسس حامللل انييي راحح اصيررر ابوو انتتت متخييللل؟ ؟؟

وهبان- بالمباركك خويه

حضنه وكرار جان الدموع بعيونه وراح على شمس وحضنها واخذها لغرفتهم بعد ما باركنالهم كلش فرحت لشمس وتستاهل كل الخيرر

صهيد- ها صدك راح نروح سفره روح لخطيبتك وللعائله يجهزون روحم عگب باجر

وهبان- هاي شنو انتو ليش ما تكلولي؟ 

صهيد- كرار بعدنا ما كلناله روح يلا غسل بسرعه

راح يغسل واني رحت سويت الريوك الهم ونزلت شمس وكرار جانو اسعد اثنين تذكرت اول ما سمع صهيد حملي زعلت شوي بس بعدين نفيت الافكار سويت الجاي وخليته بالاستقبال گعدنا كلنا ناكل على سفره وحده عائله سعيده وعبودي جان يگدر ياكل شغلات بسيطه مثلا الشوربه او انطي خبزه يعضعض بيها فتره التسنين على عبودي جانت اصعب فتره لان توجع وبس يبجي ويصخن واني وصهيد نبقى سهرانين علي مر اسبوع واجه يوم الزواج زواج احلا ثنائي كنان ووهبان احلا اثنين بالعائله عرسهم جان كلاسك وهم جان بقاعه فرحانين كلش بيهم والفرحه ما توسعنا ابو كنان ما اهتم ولا اجه للعرس رغم گلناله راح تتزوج بس هو ما اهتم الها بس سلطان وكرار وصهيد وگفو بضهرها وصارو الها السند

رحت گعدت يم كنان

كنان- ما ترگصيليلي الهجع مثل شموسه؟ 

شجان- ههههه اي تدللين ارگصلج

رحت شغلتها وركصت الهجع لكنان واني وجمره گعدنل نهز بشعرنا وفرحانين لمن كملنا گعدنا على طاوله وحده

شمس- ها كرار … شنوو مجايي اسمعكك

شجان- فتحي سبيكرر الصوت ناصي

فتحت سبيكر وهو يحجي

كرار- لا تركصينن لا تركصيننن موزينن على الطفلل

شمس- مارگص يا حبيبي غيرر كاعده وساكته والله

كرار- طلعيلي برا اريد اشوفج

شمس- كرار عيب هسه شيكولون علي؟

كرار- كرار ومرته برا شيكولون يعني دتعالي يا بوه لشلعين گلبي

شمس- ههههه جايه جايه

سدت الخط وستأذنت من عدنا ولبست الحجاب وراحت

جمره- شنو شمس حامل؟

شجان- ها؟  اي حامل

جمره- ليش ما تحجون؟ عادي ترا

شجان- لا شلون كلنالكم

جمره- اها تمام

بقينا شوي واجتي شمس وهيه مبتسمه

جمره- مبروك لحملج ماجنت اعرف

توترت شمس وردت بسرعه

شمس- الله يبارك بيج

بقينا كاعدين ودخلو الزلم واحنه لبسنا حجاباتنا وجمره رجعت للحجاب لان عمي عباس كالها اذا ما ترجع للحجاب يتبره منها ويغضب عليها ليوم الدين

صهيد- بابا شجان اخذي مني عبد الله تعبني

اخذته منه وگعدته بحضني وصارت الزفه كنان ووهبان راحو للفندق وكالو راح نرجع للبيت طلعو واني بقيت ادور على الحلقه مالتي مدري وين طاحت

صهيد- يلا شجان

شجان- اوكفف الحلقه ماعرف وينهاا

صهيد

جانت تحجي والغصه مبينه رحت يمها واخذت منها عبد الله وهيه التهت تدور گعدت تبجي

شجان- صهيدد الحلقه ضاعتتت

هديتها واجتي عمتي لان تأخرنا انطيتها عبد الله وكتلها تنتظرني برا،  رحت يم شجان

شجان - صهييددد

حضنتني وضلت تبجي

صهيد- ولج ليش تبجينن هسه نلكاها

هيه ضلت تبجي لان عبالها راح ارزلها واني بالعكس عادي تروحلها فدوه الحلقه فدوه الها

صهيد- شجان عادي فدوه الج بس امشي خطيه عبد الله يبجي يريد ينام

دارت وجه علي وهيه تبجي

شجان- باباا ضااااععتتتت منييي والله اسفه

ابتسمت لمن كالت بابا وحضنتها

صهيد- ميخالف ميخااف حبيبي انت يلا امشي وامسح هل دموع ماريد اشوفهن

مسحت دموعها واحنه جاي نمشي لگينا الحلقه

شجان- لكيتهااا

اخذتها ورجعت لبستها اخذت كلنكس ومسحت المسكاره السايله من عيونها وعدلت شكلها وطلعنا اخذت عبودي من عمتي وراحو همه واني وشجان رجعنا للبيت كرار وشمس سبقونه للبيت واحنه وراهم بالسياره

صهيد- احبج من تكولين بابا

شجان- اني اكول بابا؟

صهيد- اي كتيلي بابا

شجان- صدك؟  شوكت كلت بابا ماذكر؟ 

صهيد- والله العظيم كلتي بابا واكثر من مرا ملاحظج تكولين بابا بس بوقت لمن كلش تكونين مقهوره وتبجين تكوليلب بابا

شجان- يمعودد اني ماحبب اكول بابا

صهيد- ههههه بس گلتيها؟ 

سكتت لان خجلت واني ضحكت ووصلنا للبيت

شُجان

لمن وصلنا للبيت صعدت عبودي وخليته على الجربايه عبودي هوايي ينام يحب النوم رحت اني طبيت سبحت وبدلت ملابسي لبس لبس نوم جان ستن وخفيف مشطت شعري وبقيته مفتوح رشيت عطر ورحت على الجربايه انتظرت صهيد يطلع من الحمام ولمن طلع استغرب بشكلي لان بالعاده اني البس لبس عادي هو لبس شورت واجه علي گعد بصفي اني كمت بسرعه وجبت الابتوب مالته وجبت الحلويات

صهيد- شتسوين بي مشتري جديد وعلي خليني اتهنى بي

شجان- اوي هاي فوكاها باوع خلي نسوي سهره اليوم؟  حباب

صهيد باوع علي حسيت بي يريد يكفخني وانام بس ضحك واخذ الابتوب مني

صهيد- شنو تردين اشغلج فلم؟ 

شجان- لااا اوكف اني ماگدر انزل بهاذ البس انتَ البس الگلبيه وانزل جوه جيب هاي الصينيه الخشب عرفتها؟  وجيب كوبين واثنين مواعين

بقى صافن رحت بسرعه بسته لان اعرف بي نقطه ضعفه البوسه ضحك واخذ الگلبيه ولبسها ونزل جاب نفس الي اريده خليت بالماعون الاول جبس والماعون الثاني خليت بي شامية وصبيت كوبي ببسي

شجان- اكو فلم كلش حلو رعب خلي نشوفه

صهيد- شسمه

شجان- تشاكي

صهيد-   بس لا هاي العبه التتحرك؟ 

شجان- ايي هيه

صهيد- تخافين غيري

شجان- لا ما اخافف حباب

صهيد- بوسيني واقبل

بسته من خده بس هو اشر على شفته بسته بس علمود يقبل اباوع الفلم وشغل الفلم وگعدنا نباوع علي حضنت أيد صهيد من الخوف بس سويت روحي ما خايفه لمن خلص الفلم شال الصينيه وراد ينزل

شجان- اوكف

صهيد- ها

شجان اجي وياك

صهيد- هااا وتكولينن ما اخاف

شجان- اني ماا اخافف بس انتَ تهاف اجيي علمود احميك

صهيد- لتخافين اني ما اخاف

بقيت كاعده وهو راح نزل جوه صرت ارجف من الخوف وباوعت للجربايه مال عبد الله طلع منها راس وايدين واني ردت اصرخ طب صهيد منا رحت ركضت علي

صهيد- شبيج؟ !!!

شجان- اكوو اكوو راسسس على الجربايه مالل عبد الله

فتح الگلوب ولگيناه عبد الله گاعد ويباوع علينا باوعت لصهيد سد الباب وراح لعبد الله

صهيد- شفت ماما شلون تخاف؟  ماما خوافه

شجان- احم اني ما اخاف بس يعني خوفاني عبد الله انوب لا حس لا نس ساكت راد يوگف گلبي

صهيد- اسم الله شبيج،  وبعدين ليش تحجين على عبواتي؟ 

ضحكت وگمت سوستله مميه وانطيتها اله وخليناه بالجربايه گعد يغفي لحد ما نام واحنه رجعنا وسد الگلوب بهذيج اليله لزگت بصهيد لزگ من الخوف

وهو جان داير وجه مني

شجان- اريد احضنك

همستله ودار وجه علي ماشوف شي بس مبين ابتسم ودار علي صرت بحضنه ونمت بس الخوف متملكني ، بقيت شوي وحسيت اكو شي يمشي على جسمي فزيت بسرعه وشغلت ضوه التلفون لگيت ثهيد مغمض عيونه ويضحك عرفته هو السوه علي زعلت منه

شجان- صهيدد شبيكك والله يخوف

صهيد- هههههه تعالي لحضني تعالي

شجان- شبيكك ماحبكك بعدد

تجمعن الدموع وگعدت ابجي وهو گعد يضحك واجه ومسح دموعي وباسني

صهيد- اسف حبيبتي

شجان- لا تعيدها مرا ثانيه

صهيد- ماعيدها

رجعت نمت بحضنه وماعرف شلون نمت رغم الخوف. گعدت الصبح ورحت بدلت وغسلت وجهي وگعدت صهيد راح هو غسل ونزلت جوة سويت الريوگ ونزلو الثنائي الطيف كرار وشمس نزلو وسوت وياي شمس الريوك واخذت هيه لجاي وصبينالهم بالاستقبال

كرار- ماخابرت وهبان؟ 

صهيد- لا خلي براحته

كرار- يمكن يتأخر اليوم

صهيد- دعوفه هسه

گعدنا ناكل وكرار جان كلش خايف على شمس

لمن كملنا شلت الصينيه ورحت غسلتها شمس جانت تساعدي بالبيت يعني التنضيف عليها والطبخ علي لان هيه ما تعرف تطبخ هواي شغلات،  اند الباب ورح كرار فتح الباب طلع وهبان وكنان سلم عليهم ودخلو جوه وهبان سلم على صهيد واني وشمس سلمنا على كنان وتباركنالهم بعرسهم وجانو اسعد اثنين حسيت من گد الفرحه لو يسوون اي شي مراح يعبر عن فرحتهم الان،  مرت الايام وكنان صارت تساعدني بالبيت اكثر وشمس نهتم لحملها لحد ما مرر الـ9اشهر واني رجعت للدوام ورا حمل شمس بشهر وكملت والحمد الله نجحت من الثالث وصرت رابع وصرت اهتم بشمس وبنتها شمس جابت بنيه سمتها ارجوان لان كلش تحب اسم ارجوان وكنان صارت حامل بس بعدلها شهرين وينورنا علي للدنيا

بيوم جنه گاعدين

صهيد- شجان شوفي عبد الله مدري وين راح

عبد الله صار يمشي لان عمره صار سنتين وهو شزلع گلبي من لمن مشى ولحد الان مانعرف وين يروح دورت علي ولكيته جوه الدرج

عبد الله - ماما ماما ثوفي هاذ عوو ( شوفي) 

شجان - وينن العوو

سحبته وجان يضحك شلته وخليته بالاستقبال

عبد الله - اليد تتو ( اريد ككو) 

صهيد- هسه اجيبلك تدلل

شجان- صهيدد موزين علي الحلويات

هو جتف اديه وعبس وجه وعود صار عصبي

شجان- هلووو هلووو عيني خاف ازعجناك؟ 

دار وجه مني عود زعلان

صهيد- عوفيي هاذذ حبيبيي محد يزعله اني اروح اجيلك الككو تددل حبيبي وروحي انتَ

عبد الله - ماا ماليدد ماما ما تكبل ( ما ماريد ماما ماتقبل) 

رحت يمه وبسته

شجان- ماما حبيبي موزين عليك الحلويات

عبد الله - ماا

شجان- بس هل مرا؟ 

هز راسه فرحان وضحكت علي

صهيد- اروح اجيبب اطيبب ككو لعبوداتي

جلب عبد الله اله يروح ويه ابوه ولبسته حذائه وراح ويه ابوه للمحل واني گمت سويت الغده اني وشمس على الاساس يعزلون بس كرار غير رأيه وقرر يبقى على نفس المه الحلوه وكنان يوميه مشيبه راس وهبان اضحك على سوالفهم لان كنان بطنها گدامها وگاعده على التخم وتبدي طلباتها على وهبان والمسكين اذا ما جاب التريده تطرده برا الغرفه

شمس- اكلج شو ارجوان بس تبجي

شجان- ليش شبيها؟ 

شمس- ماعرف والله بس تبجي خبلتني اليل كله ما تنام

شجان- خاف التسنن اجاها

شمس- اي اعتقد لان دوم مصخنه

شجان- اي ولج هاذ التسنن هاي طبيعيه بس اخذيها للطبيب ينطيها شوف بالله

شمس- انتِ شسويتي لعبد الله؟ 

شجان- بفتره التسنن صرت اجيب ثلج وكسره واخلي اله الملهيه مالته وهو يصير زين لان بروده تصير على اسنانه

شمس - لعد اجرب هاي الطريقة

شجان- جربي تسوينها بالحليب علمود ترضع وتنام

شمس- مافهمت شلون؟ 

شجان- هو بدال ما تخلين مي خلي حليب

گعدت اشرحلها بس هيه ما افتهمت شنو اقصد لحد ما سويته الها اني وخليت بالبدايه بس مي لان ممسوين الحليب وجبت الهايه مالتها وكسرت الثلج وخليته بيها واخذت ارجوان من كرار وانطيتها الهايه وهيه سكتت لان حست ببروده باسنانها

كرار- بالله طگن بلاعيمها؟ 

شجان- مو كلساعع هيه مرا وحده باليوم شبيك

صارت ارجوان تسكت اذا انطوها الثلج وتضل تبجي من اسنانها لان يوجعنها. ، مرت السنوات واني صرت مرحلى رابعه  جامعه الصيدله ببغداد وبعد هاي الاربع سنوات المرت اني صار عندي بنيه وسميتها قمر عمرها سنه ونص وعبد الله راح يطب عمره خمس سنوات وشمس صار عدها ولد اكبر من قمر بسنه وكنان جابت علي وبعدها بسنه جابت احمد.

عشنه حياتنا حلوه اني ادرس واهتم لاطفالي وصهيد ابدا ما قصر وياي او ويه اطفاله بشي وسكنت بغداد بفتره الجامعه اني وصهيد واطفالنا صهيد بوقت الاجازلت مالاتي نروح للبصره ونبقى كم يوم ونرجع وها نسيت اكلكم الحجيه سعاد ماتت الله يرحمها ماتت ورا ولاده كنان بشهرين الله يرحمها ويرحم امواتنا حيل زعلت وتكئبت لان اعتبها امي الثانيه وجانت كلش حنونه علي وهيه الي وگفتلنا كلنا بالولادات مالاتنا،  صهيد شغله اصلا ببغداد وصار يروح ويجي ياخذني للجامعه ويرجع للبيت ولمن ارجع للبيت هو يروح للدوام وصارت هيج حياتنا وجنه يوميه باليل نطلع ونفتر ومرات نروح لورده ها صح ورده جابت ولد وسمته حيدر عمره ثلاث سنوات هاي هيه قصتي قصه شُجان وصهيد الي انتهت بسعاده وكلهم بين احضنان نسوانهم واطفالهم وحياتهم سعيده بس اكيد ما ننسى جمره ورا ما خلصت الجامعه رجعت للعراق وتقدملها نوح الجانت تحجيلي علي وان هو شگد يحبها هو اكبر منها بسنه ووافقت وتزوجت بس ربي ما رزقهم بأي طفل اله بعد سنه من زواجهم لمن صرت مرحلى ثانيه جمره جابت بنتها سمتها حور  ، علي وميسره صار عدهم طفل واحد صار عدهم ولد بس جان كلش متعبهم شلون عرفت؟ رجعو علاقتهم بينا واعتذرو من عدنا صرنا بكل اجازه نروح لجدو علوان ونبقى يمه كم يوم وبعدها نرجع لبغداد …

ألئ هنا ونگول انسدت ابواب شجان وصهيد 🥹🥹

_____________________________________

رأيكم بالبارت الاخير؟  🥹🥹🥹 حبيتت البارتت كومهه بيي احداثثث اهنا كملنا روايه شجان وصهيد ويه اطفالهم عبد الله وقمر 🥹 على فكرا هسه شجان تخرجت قبل سنه وهسه هيه هم حامل والبعض يدري بيها والبعض الثاني مايدري اتمنى عجبتكم قصه شجان وصهيد + اشتركو بقناتي على التلي اهناك تلگون نشرت صوره لعبد الله لمن جان صغير 🥹🩷

قناتي على التلي 👈🏻

بسم الله الرحمن الرحيم

اللهم صل على محمد وآل محمد

______________________________________

الحياه اخذ وعطاء وهناك اشخاص حياتهم جميله والبعض حياتهم سوداء وهناك البعض حياتهم جميله لاكن؟ تحولت الى جحيم، جحيم في عتمه اليل ليل دامس في الجحيم لنرجع في الزمن قليلاً في أراضي البصره………

- صهيددد يمه تعاللل

جنت ألعب ويه ولد عمي ولمن صاحتلي امي رحتلها ركض أمي حامل وراح تجيبلي أخ فرحان حيل ، رحتلها ركض

صهيد- ها يمه رايده شي؟

- حبيبي انتَ خابرلي ابوك شوفه وين صار

صهيد- أيي هسه

رحت اركض اتصلت على أبوي جاوبني بسرعه

- ها انغام

صهيد- لا بابا هاذ اني صهيد

- ها صهيد اكو شي امك بيها شي؟

صهيد- لا بابا زينين بس ماما تكول وين صرت؟

- ههههه كلها بالطريق جاي

حجيت وياه شوي وسديت الخط رحت لامي

انغام- ها يمه وين صار؟

صهيد- گال بالطريق

هزت راسها ورجعت ألعب ويه ولد عمي

سلطان- صهيد انتَ تلعب بفريق منو؟ فريق حمزه لو فريقي؟

ضربت على جتفه

صهيد- أكيد بفريقك سلطان

حمزه- مو اني ابن البطه السوده ما تلعبون وياي

اجه سالم الاخ الاكبر لسلطان وحمزه

سالم- اني ألعب وياك حمزاوي عوفهم هذول زعاطيط شتسوي بيهم اني اقوه منهم

فرح حمزه لان سالم وياه، سالم الجبير وأول حفيد لعلوان جدي ضلينا نلعب طوبه اني وسلطان واكو من ولد المنطقه وحمزه وسالم وهم اكو من ولد المنطقه نلعب سوه يوميه جنت ألعب وفرحان لحد ما اجه أبوي رحت علي اركض

- ها صهيد

صهيد- الله يساعدك بابا

سلطان- عمو عمو خلي صهيد يلعب ويانا بعد

- لا حبيبي سلطان لازم يطب جوه صارت دنيا الغروب يلا روحو لبيوتكم عود باجر تعالو

راح سلطان زعلان لان ما قبل أبوي ، اخذني وطبينا جوه لگينا امي گاعده على التخم وتتنفس بسرعه راح عليها أبوي بسرعه

- انغام انغامم بيج شي؟

انغام - جايي اطلگ ماتحمل الوجعع اخذنيي للمستشفى

شالها أبوي بسرعه ورحنا للمستشفى ودخلوها لغرفه الولاده بقينا ننتظر وأبوي خابر على عمامي يجون اجتي عمتي رقيه رحت لحظنها ابجي خايف على أمي

رقيه- لاا حبيبي ليش تبجيي؟ هسه ماما تصير زينه وتجيبلك اخ حلو تلعب وياه

صهيد- اخاف على أمي عمه ادعيليها تصير زينه

سعاد- تعال بيبي تعال حبيبي ان شاء الله امك تگوم بالسلامه، يمه خالد سكت ابنك خطيه يبجي على امه

خالد- صهيد حبيبي اسكت بابا هسه ماما تگوم وتصير زينه

صهيد- لعد ليش تصرخ؟

خالد - هههه لان اخوك يريد يطلع من بطنها

صهيد- ماريده ليش يخلي امي تصرخ وتتوجع؟

خالد- صهيد حبيبي ميصير هاذ اخوك

حضني وضل يطبطب علي مرت ساعه وطلعت الدكتوره وهيه شايله اخوي شافه أبوي وكبر على أذنه

خالد- الله اكبر الله اكبر، أشهد ان لا الاه اله الله واشهد ان محمد عبدهُ ورسوله وأشهد ان عليا ولي الله أسميتك " وهبان "

باوع علي وضل مبتسم اخذته الطبيبه وراحت علمود تسبحه وتلبسه ملابس راحت وياها عمتي رقيه وبيبي رحت گعدت يم أبوي

صهيد- ليش سميته وهبان؟

خالد- لان وهبان مثل كمله موهوب أريده يطلع موهوب

صهيد- وهبان خالد علوان حلو الاسم

خالد- صهيد خالد علوان هم حلو الاسم

ضحكت وگام لزم أيدي ودخلني جوه يم امي شفتها وحضنتها حيل لان جنت خايف عليها

خالد- هل ولد صالح يحبج هواي

انغام- واني هم احبه تعال يمه تعال ابوسك

باستني بخدي وأبتسمت بتعب

انغام- وين الطفل؟

خالد- اخذته امي ورقيه يغسلوله

انغام- شنو سميته؟

خالد- سميته وهبان

انغام- حلو الاسم بس ليش ما سميته علي؟

خالد- اختاريت أسم وهبان لان اريده موهوب وهم اريده يكون مميز بين الكل مثل صهيد

ابتسمت أمي وجابولها وهبان حضنته وجانت حيل فرحانه بي صرنا عائله من اربع نفرات اني وامي وابوي وهسه شرفنا وهبان رجعنا للبيت سوه واني وابوي اهتمينا بيها وبالبيت وعمتي رقيه تجي وتساعدنا عمتي رقيه جانت بعدها صغيره تقريبا عمرها 17 سنه مرت الايام ووهبان صار عمره 7 اشهر اهتميت بي بغياب ابوي وامي لان أمي تشتغل طبيبه وأبوي ضابط شرطه اني اهتم بوهبان وتعلق بيا حيل صرت اني احفظله واشربه مميه وما انام اذا ما اخلي بحضني وهو هم تعود اله ينام يمي تعلقت بوهبان حيل وصار جزء من حياتي جنت ازعل اذا يروح ينام اهتميت بي وجانو امي وابوي معتمدين علي بيوم جنت اريد اروح لبيت جدي زلعب ويه سلطان

انغام- صهيد نوم اخوك وودي يم رقيه

صهيد- اي يمه صار

رحت ضليت العب وياه واشربه مميه لحد ما نام شلته واخذته لبيت جدي وخليته يمهم ورجعت للبيت ورحنا اني وسلطان وسالم وحمزه جان صف أول واني وسلطان صف ثاني بس سالم صف سادس ابتدائي نروح للمدرسه سوه ونرجع سوه واحنه راجعين شفت بنيه صغيره تلعب بالشارع وانتبهت على سالم يباوع على هاي البنيه ولمن نفوت من يمهم ينطيها ككو لو جبس لو كيك وعصير ويهتم بيها هواي

سالم- فرح تعالي جبتلج اليوم ككو

فرح- سالم كم مرا كتلك مراح احبك بحياتي؟ ليش تتعب روحك؟

سالم- فرح بعدنا صغار ترا بس اوعدج لمن نكبر اتزوجج

فرح- ههههه روح سالم لا يشوفوني اهلي انوب

راحت فرح طبت للبيت سالم رغم جان صغير بس يحب فرح حيل مرت الايام وسالم بقى ويه فرح ، رجعت للبيت ورحت اخذ وهبان من بيت جدي لكيت عمي باقر يشغل السياره وعمتي رقيه بحظنها وهبان ويركضون ركضت عليهم بكل قوتي

باقر - صهيد شجابك اهنا؟

صهيد- عمو شبي وهبانن ليش هيج يتنفس بسرعه ؟ احجووو

رقيه- امشي ويانا

صعدت وياهم وجان وهبان يتنفس بسرعه جنونيه

صهيد- احجي عمه شبيي اخويي

رقيه- مابي شي بس شوي اختنك

باقر- رقيه كم مراا كتلكممم لممن تشغلونن الصوبهه تطلعونهااا برااا؟ ؟؟

رقيه- طلعتها برا وداعتك بس مادريت بي زحف وراح يمها

صهيد- احترككك؟ ؟؟؟؟

رقيه- لاا

باقر- يمكن اختنك من ريحه الصوبه

وصلنا للطبيب وفحصه خلاله اوكسجين وانتظرنا دقائق ورجع يتنفس طبيعي

- لازم تعرفون شبي گلبه اخذو لطبيب القلب حتى يعرف شبي گلبه

تشكر منه عمي باقر واخذت أخوي اني شلته ضليت ابوس بي واهدي هو حضني ونام بالسياره مخلي بحضني ونايم وهبان جان شوي سمين وخدوده صاريات حمر وصلنا للبيت ولگيت أمي موجوده سلم عليها عمي باقر وگالها على الصار امي ضلت تلطم واخذت وهبان مني وضلت تبجي. مرت الايام وامي وابوي اخذو وهبان للطبيب واكتشفو عنده فتحه بالقلب ولازم عمليه انصدمت وضليت ابجي على وهبان

خالد- عمليه حبيبي لازم يعني مو بيدي هل شي

حجيت واني ابجي واناشغ

صهيد- ماريد يموتت اريده يبقى وياي

خالد- ما يموت ان شاء الله وهيه ان شاء الله تخلص بسرعه

حضني وضل يطبطب علي مرت الايام وسوو العمليه وبقينا ننتظره بالساعات جنت ادعي ربي تنجح العمليه أشوف امي لازمه سبحتها وتدعي وبيبي وعمتي هم يدعون طلع الطبيب وبشرنا العمليه نجحت فرحت من كل گلبي ولمن شفناه بست خدوده وحضنته وخرت منه جنت حيل خايف علي ولمن صار عمره سنه ونص بديت اعمله على المشي وصار يركض بأتجاهي واني اضحك على سوالفه لان ماينفهم منها شي

وهبان- ثهيد ديبلي مثاثه وياك هاا؟ (صهيد جييلي مصاصه وياك هاا)

صهيد- اجيبلك ليش لا

رحت للمدرسه وجان اول يوم وصرت ثالث ابتدائي وبعدها علاقه سالم وفرح نفسها ما تغيرت رغم كلمن صار بمدرسه سالم بمدرسه الولد لان صار اول متوسط وفرح صارت بمدرسه البنات هم اول متوسط جنه لمن نرجع سالم يرجع ويانا لان على طريق بيت فرح وجان يشوفها بس ميحجي وياها جان اكو محل بصف بيتهم رحت علي واشتريت مصاصه لوهبان واشتريت دعابل حتى العب بيهن لمن طلعت لگيت سالم يحجي ويه فرح

سالم- فرح ما بقى شي بس 6 سنوات اتحملي

فرح- سالم صارلك سنه تحبني واني ماحبك سالم انتَ تحبني من طرف واحد بطل حبك ألي

سالم- تحلمين فهمتي فروحتي؟ تحلمينن

فرح- بس اني ماحبكك، صهيد اخذ ابن عمك وروحو حبابين

اخذت سالم ورجعنا للبيت جان كلش زعلان وراح لبيتهم واني طبيت للبيت اجاني وهبان يركض طلعتله المصاصه وانطيتها اله امي جانت بالمطبخ تسوي غدا اوه بالمناسبه امي تركت الشغل وصارت تهتم ألنا اكثر وها هيه حامل بشهرها الثامن بس يا فرحه ما تمت بيوم الولاده نورتنا بنيه وأبوي سماها

خالد- سميتك شام

جنت اني ووهبان فرحانين بيها لان اول بنيه بالعائله وجانو كلها فرحانه بيها مرت ثلاث ايام وبيوم امي گعدت علمود تبدل لشام لكيتها ميته زعلنا حيل وامي دخلت بحاله اكتئاب ضلينا نهديها اني وابوي لحد ما طلعت من حالتها النفسيه مرت السنوات

" ملاحظة اني دا اكتب بس الاحداث المهمه وشنو صار ويه صهيد من ولاده وهبان لحد وفاه امه وابو"

مرت السنوات وصار عمري10 سنوات ووهبان صار عمره ثلاث سنوات

سلطان- متخيل انتَ سالم راح يخطب فرح؟

صهيد- صدك ؟

سلطان- اي ولك

صهيد- احس بيهم تراب صارو قديمين

سلطان - تعذب اخوي وعلي

صهيد- يلا هسه المهم راح ينخطبون

ضلينا نضحك وبالفعل صارت الخطبه وانخطبو سوه فرح وسالم صارو لبعض فرحانين بيهم سالم جان طاير بفرح لان صارت خطيبته بس لاحظت فر ح جانت تتصنع الفرح والسعاده غلست گلت يمكن متوتره، سالم طلع وطلعت ورا

صهيد- مبروك سلومي

سالم- صهيد انتَ متخيل وياي؟ هاي الجوه صارت ألي؟ وما بقى شي وتصير مرتي؟

صهيد- حبيبي الله يتممها على خير

شوي ورجعنا للبيت وجانو كلهم فرحانين بهاي السنين الراحت عمامي الباقين تزوجو عمي مصطفى وعمي باقر وحتى عمي عصام حب وحده وتزوجها

وعزل ببيت وحده بعيد علينا شوي عمي عصام وأبوي جانو حيل مقربين من بعضلمن وجاب عمي عصام ولد ورحنا نتباركلهم

صهيد- عمه مبروك الولد الصالح ان شاء الله

- حبيبي الله يبارك بيك

عصام- خالد ابنك كبر ماشاء الله

خالد- بعده صغير

ضلو يضحكون ويسولفون لحد ماجابو طاري الشغل

خالد- والله اني اريد اترك شغل الضابط لان جاي يتعبني اريد ابلش اشتغل بالمعمل مال ابوي

عصام- معمل؟ بكيفك خالد ليش ما تجي تشتغل وياي؟

خالد- عصام. محد يدير الشغل وابوي تعب اني بداله وهم سالم او صهيد راح يورثون هاذ المعمل

عصام- ليش يورثونه؟ المفروض أبني علي هو الوريث

خالد- انتَ عندك معمل بأسمك عصام

عصام- امم اي مبروك اشتغل انتَ بي خالد

سدو الموضوع حسيت اكو شي غلط بعمي ماهتميت وطلعت برا ضليت انتظرهم برا استحيت ابقى جوه لان كلها تسولف سوه بقيت برا لحد ما طلعو لمن رجعنا للبيت امي صارت تتقيء وبطنها توجعها اخذها ابوي للطبيب واني بقيت اقري بوهبان

وهبان- صهيد ماما بيها شي؟

صهيد- لا حبيبي مابيها شي هسه تجي، يلاا عادد اقره اني هم وراي قرايه

وهبان- صهيد

صهيد- ها

وهبان- احبك

صهيد- واني هم احبك

ابتسم ورديتها اله ورجعت اقره رجعو بعد ساعه وطلعت امي حامل فرحنا حيل امي اخر حمل الها جان قبل سنتين تقريبا وفقدنا الامل ان ترجع تحمل بس شاء القدر وحملت وجابت النا مولد ولد وسماه ابوي "كرار" صرت اهتم بكرار وبوهبان بغياب ابوي، ابوي صار يشتغل بالمعمل مال جدي وجان شغله ماشي تمام بدت امتحاناتي وأمي تقريني وركزت على دراستي بحيث هملت كرار ووهبان كرار اهتمت بي امي ووهبان صار أبوي يودي لبيت جدي يلعب ويه الولد سلام ومسلم ومرات يلعب ويه حكيم لان اثنينهم تقريبا نفس العمر بدت امتحاناتي وامتحنت وعديت الامتحان بالنجاح أبوي جان فرحان حيل بيه وهديتي جانت بايسكل

وهبان- اكلك صهيد

صهيد- ها

وهبان- ليش كرار مايگدر يوگف

صهيد- حبيبي بعده صغير عمره 10 اشهر وين يگدر يوگف

وهبان- اني هم جنت هيج؟

صهيد- كلنا جنه هيج

وهبان- صهيد

صهيد- ها

وهبان- خلي العب وياك طوبه

صهيد- لا

وهبان- ليش؟

صهيد- طالع اني

طلعت من البيت ورحت على بيت عمي عصام شفت علي وهو صار عمره سنتين علي اكبر من كرار بسنتين

عصام- ها صهيد

صهيد- عمي اجيت لان ابوي مدري شراد منك

عصام- هاا اي تعال طب جوه

صهيد- لا عمي منا انطيناها حتى اروح بسرعه

راح عمي عصام طب جوه وبقيت برا العب ويه علي جنت احبه مثل اخوي اجه عمي وانطاني علاگه بيها ادوات تصليح ومدري شنو اخذتها وسلمت علي درت وجهي اريد اروح لگيت رجال جاي ينزل بالغراض ومرته بيدها طفل حديث الولاده تباوع علي

صهيد- الله يساعدك عمي تريد مساعده؟

- ويساعدك الواه بس تگدر تنزلي هذني الجنط

صهيد- اي عمي بعيني

نزلت وياه الجنط والغراض وساعدته لان جان وحده ومحد وياه طببتله الغراض وجان بيتهم قريب كلش على بيت عمي عصام

- مشكور أبني تعبتك وياي

صهيد- لا عمي تعبك راحه

- شنو اسمك انتَ؟

صهيد- صهيد

- والنعم منك

ابتسمتله ورجعت للبيت انطيت الغراض لابوي وراح للمعمل بقت امي تسوي غده

صهيد- يمه

انغام - هاا

صهيد- رايح يم سلطان

انغام- روح بس مو تتأخر

اجاني وهبان يركض

وهبان- حبابب اخذني وياك

صهيد- لا حبيبي اني طالع اروح بعيد

انغام- ودي وهبان يم بيت جدك

فرح واخذته وياي لبيت جدي سلمت عليهم

علوان- شعجب منورنا؟

صهيد- وهبان يريد يلعب ويه حكيم

مصطفى - حكييممم تعال اجه وهبان

اجه حكيم يركض

حكيم- صاحبييي

وهبان- عزيز گلبي شلونك؟

صابرين - ولا عبالك البارحه جانو سوه

ضحكنا عليهم واجه سالم سلمت علي وهو گعد انتظرت سلطان يكمل سبح لان طب يسبح بقى سالم گاعد وورا شوي اجاه اتصال على التلفون

سالم - أبوي وينن!

صهيد- عمي برا

طلع يركض ورحنا ورا اني وعمي مصطفى

عباس- ها سالم شبيك؟

سالم- بويه بويه فرح

عباس- شبيها

سالم - فرح تريد تعوفني

عباس- جا خلي تعوفك قحط نسوان؟

سالم- لا ابوي انتَ مجاي تفهمني اكلك تعوفنييي يعنيي متريدنيي.

دار علي واجه علي

سالم- صهيدد راح تعوفنيي ليشش؟

صهيد- سالم أهداء عليك الله

سالم- لا لازم لازم اعرف شبيها وليش هيج فجاء متريدني

طلع بسرعه يركض واني طلعت ورا جان يركض بسرعه وما منتبه وگفت لان تعبت ورجعت اركض ورا، بس أجتي سياره سريعه ودعمت سالم بقيت صافن مصدوم من الصار تجمعت الدموع بعيوني وصرخت

صهيد- سااللمممم

ركضت علي وجان دمه سايل بالگاع

صهيد- سالمم سالمم فاتح عيونك لتغمضض سالمم

حجه بتعب

سالم- صهيد… فرح عافتني … أريد فرح قبل لا اموت

صهيد- ماتموتتت! !!!! سالمم افتح عيونكك

ركضت على بيت فرح لان جان قريب دگيت الباب بكل قوتي وطلعت ام فرح

ام فرح- صهيد؟ شجابك اهنا وليش ملابسك مدمره؟

صهيد - وين ابو فرح خلي يجي بسرعههه سالمم سوهه حادثثث جيبووو السيارههه نودييي للمستشفى قبل لا يموتتت

دخلت ام فرح بسرعه واجت فرح تركض

فرح- سالمم وينن؟

باوعت عليها بكل حقد

صهيد- بسببج انتِ الصار ويه سالمم انتِ السبب فرح أذا مات سالم ماتلومين أله نفسج

توترت حيل واجه ابو فرح واخذته لسالم بس تأخرنا سالم مات بالطريق بلغ ابو فرح الاهل وكلهم اجو جانت عمه علياء مرت عمي عباس منهاره من البجي اني بقيت گاعد ومصدوم ملابسي مدمره دم سالم اجه أبوي يمي

خالد- صهيد روح هدي حمزه وسلطان خطيه

باوعت عليهم وسلطان جان متجي على الحايط ويبجي وحمزه يبجي بالختلات رحت على سلطان وحضنته ضل يبجي بحضني سالم صار الاب والاخ والصديق لحمزه وسلطان سوينا الفاتحه وجانت الوقت يمر ببطء عمي عباس ومرته يبجون من كل گلبهم خصوصا عمتي علياء جانت تدگ وتطلم وتصيح

علياء - بسببب فرححح كلهه من وراهااا هيههه الدمرتتت ابنييي

سعاد- كافي يا يمه كافي موزين عليج

علياء - خلونييي خلونييي بضيمييي خلونييي ولكمم شلوننن راححح هيججج شلونننن

مرت أيام الفاتحه بكئابه سلطان ماصرت اشوفه هواي لمن كملنا الاربعين مال سالم رحت لبيت فرح ودكيت الباب طلعلي زلمه ماعرفه

- تفضل؟

صهيد- بيت ابو فرح؟

- لا شالو صارلهم شهر

صهيد- مشكور

سد الباب وانصدمت عافت البصره بكبرها لان دورت عليها اريد اعرف ليش هيج سوت بسالم وما انتظرت بس10 ايام وشالو لغير محافظه حقدت على كل البنات وحلفت ما اتزوج أي بنيه وكرهت كل البنات بسبب فرح رجعت للبيت وجان بعدهم مامتخطين سالم زعلت حيل ورحت لغرفتي

صهيد- مات صاحبي وعزيز روحي بهاي السرعه؟ انتَ أبوي الثاني ليش تعوفنا هيج سالم؟ وحق روحك ماخلي اخوانك يعيشون نفس التجربه. اوعدك راح احمي اخوانك

نمت واني حلفت وگطعت وعد احمي حمزه وسلطان مهمه صار ، مرت السنين وكبرنا اني وسلطان وها ابشركم امي جابت بنيه قبل خمس سنوات سموها ورده وعلي كبر وصار بـ الرابع الابتدائي بيوم رحتلهم علمود اقري علي لان جان عنده امتحانات أني صرت جامعه قسم هندسه

علي - اكلك صهيد عوف الدراسه اريد العب ويه شجره

صهيد- ههه شجره شنو؟

علي - صديقتي اسمها شجره لقبها لان اسمها صعب

صهيد- اقره هاذ حتى اخليك تروح ويه صديقتك

بديت اقري الرياضيات لان جان عمي عصام ميعرف زين بالرياضيات واني شاطر بيها وگال ادرسه كملت دراسه لعلي وضم كتبه سلمت على عمي وطلعت برا ادخن طلع علي وراي وراح دگ الباب على جارهم ابتسمت لان نفسه البيت الي ساعدتهم فتحت الباب بنيه صغيره شعرها اسود طويل ومسويته ضفيره جانت ملاك صغير بهذاك الوكت جان عمري تقريبا 22 سنه هيج. شافتني البنيه واجتي علي تركض

- عمو ميصير تدخن لان موزين عليك

صهيد- يا بعد عمج وانتِ شمدريج؟

- عمو دائما اسمع ماما تكول لبابا مايدخن لان موزين علي وهم اليوم بالمدسه كالو الدتخين يضر الرئتين

صهيد- اهاا بيا صف عمو انتِ ؟

- عمو اني ثالث ابتدائي

اجه علي سحبها حتى يلعبون

علي - يلا شجره خلي نلعب

- اسمييي مو شجرههه كمم مراا كتلكك

نترت ايدها وگعدت بصفي مجتفه ايديها وتبجي

صهيد- علي ليش هيج خليتها تبجي

علي - اهوو اسمج صعبب ماعرف الفضهه

- اسميي سهلل بس انتَ متعرف

صهيد- شنو اسمج بالله؟

- شُجان اسميي سهلل

صهيد- شجان حلو الاسم علي الفظ اسمها عدل

علي - اهوو شجره احسن من اسمج

شُجان- علي مالعب وياك بعدد مزاعلتك

صهيد- تعاي شجان

شجان- حتى انتَ ماحجي وياك

صهيد- شعلي اني؟

شجان- ما مزاعلتك

صهيد- انطيج الف وترضين؟

شجان- اريد اشوفه

طلعت من جيبي ألف هيه ابتسمت واخذته باستني بخدي وگعدت يمي مدت لسانها لعلي

شجان- هاذذ حسنن منك

علي - هاي شنو اني هم اريد مو بس هيه

ضحكت علي وانطيته وگمت منهم واني اشغل جگارتي الثانيه

صهيد- يلا بيباي شجونه

شجان- باي عمو

هل طفله دخلت گلبي رغم صغر عمرها بس تنحب بسرعه واني اتذكر تصرفاتها اضحك عليها

خالد- صهيد راح نروح اني وامك عدنا شغله بسرعه ونجي دير بالك على ورده

صهيد- اگدر اعرف وين؟

خالد- بسرعه نجي صهيد دير بالك على اخوانك واكو اكل بالثلاجه حمي الهم خلي ياكلون ولمن يجي وهبان كله ياكل لان مماكل

انغام- ورده لعبها بغيابنا ووكلها مو تنسى وها لا تنطيها هواي حلويات لان بطنها توجعها تضل خوش؟

صهيد- هههه يلا يلا روحو اعرف شلون اهتم بيهم

اجه ابوي وخله ايده على جتفي وابتسم

خالد- انتَ ابوهم بغيابي خوش؟

صهيد- طبعا حجي اعتمد علي

راحو أمي وأبوي واني جنت العاب ورده لحد ما نامت شلتها وخليتها بغرفه امي وابوي ونزلت جوه لكيت وهبان جاي

صهيد- وهبان تريد اكل؟

وهبان- شمسوين؟

صهيد- ماعرف برياني يمكن

وهبان- هسه اصب كرار وين؟

صهيد- راح ويه حكيم للطوبه قبل شوي

وهبان- اها خوش

راح وهبان صب لروحه اكل وگعد ياكل جنت اباوع على التلفزيون واتصل احد بتلفون البيت استغربت رقم غريب؟ جاوبت وجان صوت رجال غريب وخشن حيل

- امك وابوك بالمستشفى **** تعال بسرعه

انهبطت ورحت ارگض لورده شلتها ونزلت

وهبان- صهيد شكو !!!

صهيد- امي وابوي بالمستشفى بسرعهه روح جيب كرارر تلگاه بالملعب الورانا مابين اودي ورده لعمتي رقيه بسرعهه

طلع وهبان يركض واني ركضت وطبيت للبيت جان جدي ما موجود وكتلهم على السالفه واني جسمي كله يرجف خايف على اهلي لا يصيرلهم شي اخذت عمتي رقيه ورده مني عمتي رقيه تزوجت وتطلگت وعدها بنيه اسمها "كنان" ركض عمي عباس لسيارته وصعد بيها صعدت ولفنه اخذنا وهبان وكرار وكرار ما مفتهم السالفه كرار جان عمره تقريبا 10 سنه ووهبان 16سنه

كرار- شكو صهيد صاير شي ليش اجاني وهبان يركض؟

صهيد- ماصاير شي حبيبي مصاير شي بس لازم نروح بشغله

ساق عمي عباس السياره ووصلنا للمستشفى دخلت بسرعه اركض ولگيت زلمه جبير بالعمر عرفته هاذ يشتغل ويانا بالمعمل لمن شافني اجه سلم علي

صهيد- عمي شصاير بأمي وابوي؟

- والله ماعرف اجيت اريد اروح للمعمل ولگيت سياره مسويه حادث ولمن اقتربت منها لگيت امك وابوك مسوين حادث وجان الدم يسيل منهم وبسرعه جبتهم اهنا

صهيد- حادث ؟ ويم المعمل؟

- اي وداعتك

التفتت على كرار والدموع بعيوني وكرار جان يبجي

صهيد- لا تبجي هسه يصيرون زينين

عباس - مشكور ما قصرت

- لا عادي عود طمنوني عليهم استاذ خالد ورده ميستاهل هيج يصير وياه

راح وعافنا استغربت من سالفه الحادث ماكو يم المعمل اشجار او فد شي يخلي السياره تسوي حادث عرفت الحادث مقصود واكو قصه وراه هل حادث

عباس- صهيد خابرت عمك عصام ومايجاوب خابره انتَ

خابرت عمي عصام ومايرد بقيت انتظر مرت ساعتين وطلع الطبيب رحت علي اركض

صهيد- ها بشرر ابوي بي شي؟

جانت ملامح الحزن على وجه

صهيد- أمي … أمي بيها شي؟

بقى ساكت

- الباقي في حياتكم

صاح كرار وهو يبجي

كرار- منووو بيهممم دكتوررر احجييي

- أبني هاي سنه الحياه وكلنا نموت

وهبان- احجييي دكتوررر! !!!!!

- اثنينهم

انصدمنا كلنا گام كرار يصيح ويريد يدخل جوه الابوي لزمه وهبان وهو مدنگ وهبان شخص كتوم حيل بس ضل يبجي رحت لكرار وحضنته

صهيد- كرار كرار اسمع حبيبي لتبجي لتبجي خوش؟ اني اهنا اني يمك ماعوفك كرار

كرار- اريد ابويييي وامييي اريدهممم انييي

حضنتهم اثنينهم ومن هذاك اليوم صار ثلاث اطفال برگبتي وهبان جان مراهق وكرار بعده 10سنوات وورده يا حبيبه اخوها بعدها عمرها خمس سنوات عملت وهبان مايدخل بالعلاقات الحرام أو يحب بنيه علمته على الطريق الصح بالفاتحه جنت اني المستلم الشغل كله استقبل الناس التجي وانطيهم الاكل والشرب ووهبان وكرار جانو ما مقصرين وياي جانت الفاتحه هاي اسوء فاتحه اسوء من موت سالم لان خسرت كلشي حسيت بالضعف اول شي خسرت سالم وبعدين خسرت امي وابوي حسيت اريد استسلم للحظه اجاني كرار

كرار- صهيد انتَ ابوي لتعوفني وحدي

صهيد- ماعوفك حبيبي ماعوفك انتَ بگلبي شلون اعوفك

كرار- ورده تريدك ضلت تبجي تدور عليك

صهيد- يابعد حيلي وينها جيبها؟

كرار- ماتقبل تكول اريد صهيد

طلعت من الجادر وطبيت جوه شفت ميسره بنت عمي مصطفى عمرها 8 سنوات

صهيد- ميسره حبيبتي روحي صيحيلي اختي ورده

ميسره- صهيد اي هسه اصيحلها

طبت ميسره ولمن طلعت جانت لازمه أيد ورده الي تبجي لمن شافتني رگضت علي وحضنتني شلتها وضليت اهدي بيعا

ميسره- صهيد

انتبهت عليها واشرتها ها

ميسره- لا تعوف ورده واخوانك

صهيد- ماعوفهم حبيبتي

ميسره- حتى اني؟

ابتسمت وگرصت خدها وطلعت من بيت جدي ورحت لبيتنا

ورده- صهيد اريد ماما

ماعرف شكلها بعدها صغيره مو مال اكلها امج ماتت دخلتها للبيت ووديتها لغرفتي وشغلتلها وشغلتلها الابتوب مالي وطلعتلها فلام كارتون

ورده- صهيد ماريد هاي اريد امي

صهيد- ورده حبيبتي أني أمج وأبوج واخوج وصديقج خوش؟ لتضمين علي أي شي اني اهنا اعتبرني أبوج وكلشي اعتبريني مخزن اسرارج ورده انتِ مراح تفهمين الي جاي احجي

ورده- ماتو؟

تجمعت الدموع بعيونها وحضنتني وضلت تبجي بحضني گعدت بالگاع وخليتها بحضني تكمل بجي لحد ما نامت شلتها وخليتها على الجربايه وغطيتها وطلعت من الغرفه گعدت على الدرج وضليت ابجي صعب صعبب الشعورر صعببب بيوم وليله يروحون صعبه علي افقد امي وأبوي بيوم واحد، نزلت ورجعت وياهم اشتغلت وضغطت على نفسي حتى ماشوف اخواني واگعد ابجي من هذك اليوم صرت اني الاب والام والصديق والاخ لاخواني مرت الايام والسنوات دخلت بعمر الـ30 وكلهم كبرو ودخلو جامعات اله ورده جانت سادس اعدادي وبطلت. وهبان صار ملاكم بس ترك الملاكمه ودخل جامعه الهندسه وتخرج منها وكرار بعده مرحلة ثالثه جامعه القانون محامي بهذيج السنوات صرت ألهم السند وكلشي واني افرح لمن اشوفهم يكبرون گدامي شوي. شوي اشتغلت بهواي شغل بس علمود ماخليهم يحتاجون احد اوه بس لحظه خلي نرجع بالزمن شوي لمن جان عمري 25 قبل عشر سنوات .

اركض بكل قوتي وعمامي وراي يصيحون بس ماهتميتلهم اركض والغضب مسيطر علي دفرت الباب. وصار گبالي علي دفعته ودخلت جوه رحت لعمي عصام ولزمته من ياخته واني اصيح علي

صهيد- ليشششش !!!! اخوكككك لككك واخوووككك لييييشششش هيحجج سويتتت بييي! !!! عصامم وحق السموااتتتت ماخليككك عايشش

دفعني ورجعت اضربه صار فوگاي ولزمني من ياختي وهو يضحك

عصام- تعرف ليش؟ المعمل الي بأسمك اريده ألي اني التعبتتت بيي انييي التعبتتت بيهننن مو انتتت لووو ابوككك جانن علموددد اخلصص من ابوك هو اموته وأموت سالم وصار دورك واخوانك وحتى اختككك

ضل يخنگ بيه ودخلو عمامي عمي عباس سمع انُ عصام الي كتل ابنه سالم راحو على عمي عصام ووخرو مني بقيت گاعد بالگاع مصدوم هاذ أبليس مستحيل يكون عمي علي جان يباوع علي ويبجي طلعت برا امشي على كيفي عفتهم وجان عمي عباس صاير عصبي ويضرب عصام صارت عركه جبيره عفتهم وطلعت برا حسيت اريد اوگع كعدت على الدجه ( مثل الرصيف بس صاير گدام باب البيت) خليت أيدي على راسي مامستوعب عصام سوه كل هاذ لان عرف اني وسالم راح نورث هاذ المعمل قرر يقتل سالم بعدها أبوي ويريد يقتلني اني اجتي نفس البنيه جنت ناسي اسمها بس اجتي علي وانطتني كلينكس

شُجان- عمو شبيك تبجي؟

صهيد- ابجي على روحي

شُجان- شبيها روحك

صهيد- تريد تموت

لزمت وجهي بأديها الصغيره

شُجان- عمو لا تستسلم الحياه هيج يوم الك ويوم عليك

أبتسمت الها ولزمت ايديها وبستهن جانت اديها ناعمه دمعت عيوني

صهيد - بيا صف صرتي؟

شجان- راح اصير خامس

صهيد- اوو عفيه

ضحكت ولمن شافت عمامي طلعو خافت منهم وصارت بصفي خاتله

صهيد- شبيج؟

شُجان- اخاف يكتلوني

صهيد- لا مايكتلونج لتخافين

گمت واريد اروح لزمتني من ايدي

شُجان- انتَ بطل تذكر هل شي عمو

ابتسمتله ورجعت للبيت گلت لوهبان ولكرار على الصار وحقدو على عمي عصام ورده جانت تكره عمي عصام من زمان بس انطيتها خبر وصارت تكره اكثر

رحت لبيت جدي وگعدت بديوان علوان گعدت گباله واجتي كنان انطتني الجاي ابتسمتلها وراحت

علوان - عصام سوه هيج؟

صهيد- ابنك أبليس مو بشر ابنك شيطان

علوان- ابني ميسوي هيج وهاذ عمك عيب تحجي علي

صهيد- عمي؟ من هسه اتبره منه ماريد لا اعرفه ولا يعرفني

عباس - بويه انتَ شايف روحك شجاي تحجي؟

علوان - لدوخون راسي سالم وخالد ماتو الله يرحمهم

صرت عصبي وصحت

صهيد - انتَ تعرف بالسواه موو؟ !!!! لهاذه انتَ ساكتتت على عمايللل ابنكك

علوان- صهيد !!!!

صهيد- وجعهههه بگلبب صهيددد

علوان- عباس اطلع برا اريد احجي ويه صهيد على انفراد

طلع عمي عباس وهداء جدي

علوان- أسمع كلش زين عصام يوصلك تهديد أذا ما تنطي المعمل راح يدمر حياتك، صهيد انتَ شلك بالمعمل شو مهندس والحمد الله عندك خير تنازل عن المعمل وأوعدك اخلي عصام يشيل لغير منطقه بعيده كلش علينا

صهيد- افكر

طلعت بدون ما انتظر الجواب من جدي رجعت للبيت لگيت وهبان جاي يدرس هو وورده وكرار اجتي ورده تركض

ورده- صهيد كول لكرار خلي يقرينيي

وخرت منها وصعدت فوك بدون ما ارد عليهم رحت لغرفتي اجتي ورده دگت الباب

صهيد - مو هسهه اريد انام تعبان

ورده- صهيد

جانت تبجي بسرعه ركضت فتحت الباب لكيتها تبجي شلتها خليتها بحضني

صهيد - شبيج حبيبتي ليش تبجين؟

ورده- بطلت تحبني صهيد

جانت تحجي وتبجي ابتسمتلها وبست خدودها

صهيد- لا حبيتي ماكرهج ولا بطلت احبج انتِ حبيبة صهيد شلون ابطل احبج؟

ورده- جا ليش ماحجيت وياي لمن كتلك على كرار

صهيد- تعبان حبيبتي تعبان والله

بقت شوي يمي وجابت كتبها قريتها وراحت لغرفتها تنام ، نرجع لمن صار عمري 30 علاقتي ويه جدي تحسنت والمعمل تنازلت علي وعصام اخذ عائلته وراحو شالو لغير منطقه بعيده علينا من اخر مرا شفت بيها البنيه الصغيره. قبل 8 سنوات ودائما اني افكر بيها ماعرف صارلي سنين مشايفها ماعرف بيها شنو اخبارها بيوم مليت من البيت وحسيت راح اختنگ من البيت طلعت ورحت للبستان مال العائله رحت لبيت صغير بي حصان أسود "الكسندر " صار سنه من اشتريته وتعلقت بي الكسندر صار جزء من حياتي دائما افضفضله واذا اختنگ اروحله واگعد افضفضله صار مخزن اسراري بس بهذاك اليوم صار شي مختلف واني جنت افضفض لالكسندر اجتي بنيه لمن دققت بملامحها عرفتها نفس البنيه الصغيره الجانت يم بيت عمي عصام بس جانت خايفه واجتي علي تركض

شُجان-عمو الله يخليك احميني

صهيد- منو انتِ وشجابج صوب البستان وانتِ بهيج عمر؟

سويت نفسي ماعرفها لان ماريد تعرفني

شُجان- عمو بس احميني وانوب اوخر وداعتك

صهيد- من منو تخافين؟

شٌجان-من مرت ابوي وابوي والشيخ

صهيد - طبي جوه ولطلعين لحد ما اكلج اطلعي

طبت حسيت بگلبي يدگ بسرعه ماعرف جانت حلوه لمن جانت صغيره وهسه صارت احلا سمعت خطوات وراي خطوات رجعت لملامح البرود

سناء- باوع لك اذا عرفت البنيه عندك متلوم اله نفسك

صهيد- واني شمدريني؟ محد گرب صوبي اهنا مثل ما تشوف ماكو احد بس اني والاسكندر الحصان بتكم حصان؟

نعمه- بويه متأكد البت ماموجوده يمك؟

صهيد- عمي وداعت شيبات هاذ الشيخ ماكو

الشيخ علي - والله اذا البت يمك ادفنك وانت حي

صهيد - توكل خالي ماكو احد اهنا هيه گوه؟

نعمه- اريد افتش بنفسي يمكن طبت للمخزن؟

صهيد- المخزن هستوني جنت بي وقفلته قبل لا اطلع ماكو احد عمي توكل

نعمه- بس..

صهيد - اها؟ عمي كتلك توكل لا تضل تبسبس

جانو واحد يباوع للثاني رفعت حاجبي وراحو

رجعت للبنيه فتحت الباب

صهيد-طلعو تگدرين ترحين

شُجان- وين اولي؟

صهيد- چا تبقين اهنا؟

شُجان- لا مو قصدي

صهيد - چا شقصدج تعالي اطلعي اهنا راح تموتين من الحر

ومن هذاك اليوم ضميت على شُجان انُ اني نفسي الولد الجانت تجي تگعد يمه لمن جانت صغيره وهيه كبرت وصارت مرتي حبيتها حيل واهتم بيها ماخليتها بيوم محتاجه شي عاملتها مثل معامله بنتي صح فرق العمر بينا 15 سنه بس الله شاهد احبها حب مامعقول اكو احد يحب شخص هل گد شُجان اعرفها من لمن جانت طفله رضيعه ولحد ما كبرت وصارت مرتي بالصدفه يمكن جانت مساعدتي لابوها وامها بهذاك اليوم مو صدفه ربي جمعني باهلها واني مراهق حبيتها رغم جنت اكره البنات وجنت اكول مراح اتزوج واعوف اخواني بس هاي اني تزوجت وعندي شجان تسوه كل البنات، لمن تزوجت مريم جنت ماطيقها وتزوجتها لان جنت عبالي شُجان ما تحبني بس لمن عرفت بيها تحبني بالصدفه سويت كلشي بس علمود اطلگ مريم رغم مريم جانت تحبني بس اني ماحبها گلبي ويه شُجان عقلي ويه شُجان هاويها اني. …

وهنا كانت حكاية صهيد خالد علوان ألذي تعذب جدا في طفولته ومراهقته وحتى في شبابه لاكن ربي عوضه بشُجان وابنهم الراح يجي بالطريق حُب صهيد المبالغ لـ شُجان هو افضل شيء بحياه صهيد

تعرفنا على سالم الشاب الذي كان يحب فتاه فرح لاكن غدرت بسالم واختفو من البصره سالم الذي ذهب ضحيه لأجل الحُب وهنا يكون نهايه البارت انتظروني بالبارت الجاي.

________________________________

يتبع…

رأيكم؟ هاي قصه صهيد وسبب كره لعمه عصام اتمنى عجبكم البارت؟ تصويت لنتسون 🤍

قناتي على التلي اشتركو بيها

بسم الله الرحمن الرحيم

اللهم صل على محمد وآل محمد

اللهم بارك على محمد وآل محمد

___________________________________

گعدت من النوم تعبانه حيل بالكوه كمت غسلت وجهي طلعت من الغرفه ورحت للاستقبال واني مخليه أيدي على بطني لگيت صهيد يمه اوراق لمن شافني ابتسم

صهيد- صباح الخير

شُجان- صباح النور

صهيد- تعالي گعدي يمي

شُجان- خلي اسويلك اكل اكيد بعدك ما ماكل؟

صهيد- لا حبيبي اكلت تردين اسويلج اكل؟

شُجان- لا ماشتهي هسه

رحت گعدت يمه والاوراق بيها مخططات وارقام هواي

شُجان- شنو هاي؟

صهيد- مخطط بناء

شُجان- صهودي

باوع علي مبتسم

صهيد- ها يا عيون صهودج

شُجان- عادي اليوم نروح ناكل بمطعم؟

صهيد- أي ليش لا يلا بدلي بسرعه

فرحت وحضنته وبسته من خده

صهيد- ماناسيها ابد

شُجان- شنيه؟

صهيد- احجي ويه روحي.

ابتسمتله ورحت للغرفه بدلت ولبست جبه كشوخيه وربطه صرت جني مثقفه طلعتله هو طب يبدل لمن طلع جان طالع برفكتو جان لابس تيشرت بني وبنطلون اسود لزم ايدي وباسها

شُجان- اكلك صهيد

صهيد- ها بويه

شُجان- امم عبودي يريد كيكه ام الككو

ضحك ونزل لبطني باسها

صهيد- يدلل عبودي اجيبله احلا الكيك

ابتسمتله وطلعنا رحنه لمطعم حلوات طلبت جاي

وكيكه وهو طلب بس جاي گعدت اكل واني مبتسمه وأباوعله

صهيد- اعتذر على كلشي سويته وراح نبدي بدايه جديده اني وانتِ وأبنا

شُجان-صهيد عمري ما فكرت يجي يوم واتزوج ويصير عندي طفل

صهيد- اول مرا شفتج بيها حبيتج بس جان لسانج طويل

شُجان- ههه جنت خايفه من أبوي ولهاذه طولت لساني

صهيد- لا هاي المرا الثالثه اقصد المرا الاولى الشفتج بيها لمن جان عمرج 7 سنوات

انصدمت شنو؟

صهيد- ها شو صفنتي؟

شُجان- شلون؟ ماتذكر شفتك واني صغيره

صهيد- هههه طبعا بويه ما تتذكرين لمن جان علي يلعب وياج وانتِ ضليتي تصيحين علي لان يصيحلج شجره تتذكرين؟

شُجان- اتذكر لمن علي يصيحلي شجره بس ماتذكر شفتك؟

لزم ايدي وطبطب عليها وابتسم

صهيد- انسي بويه انسي

اجاه اتصال وگام علمود يحجي برا بس طول واني كملت الاكل وصار وقت الدفع وهو بعده دفعت مني واخذت الغراض وطلعت مالگيت صهيد واني ماندل البيت خفت واتصلت علي ميجاوب ضليت اتصل بي لحد ما قفل التلفون حاولت اتذكر اسم المنطقه لحد ما تذكرتها اجرت تكسي ورحت للمطنقه نزلت من التكسي وضليت افتر بين الافرع لحد ما وصلت للبيت بعد ما افتريت فوك الساعتين الحمد الله عندي نسخه احتياطيه وفتحت الباب ودخلت البيت فارغ ماكو لا صوت ولا أي شي حاولت اتصل بصهيد بس ميجاوب خفت اكثر لمن مر اليوم وصهيد ماكو لا اثر ولا أي شي الساعه بالـ12 باليل اتصل بيه جاوبته بسرعه

صهيد- اسف

شجان- وينننن جنتتت اتصللل عليكك من الصبحح والي هسههه ليشش متجاووببب صهيددد وينكك ارجعع

صهيد- بالبصره

انصدمت وصرخت

شُجان- وانيييي؟ ليششش رحتتت ليششش

صهيد- وهبان بالطريق لمي ملابسج بسرعه وملابسي وياج وتعالي اني افهمج ليش واقفلي البيت زين

سده بوجهي بدون ما يحجي شي خابرت على ورده لان هيه ببغداد عايشه اتصلت عليها وطلعت هم موجوده بالبصره استغربت شكو صاير شي! لميت ملابسي بسرعه گعدت ابجي لان احس صاير شي سمعت الباب يندك رحت فتحت الباب لكيته وهبان

وهبان- وين الجنط؟

شجان- جوه

دخل واشرتله على الغرفه راح جاب الجنط وطلع

وهبان- يلا بسرعه! !!!

صاح بوجهي واني سديت الاضويه وقفلت الباب وطلعت صعدت الي ورا وبقيت ساكته وهو ساق

شُجان- وهبان صاير شي؟

وهبان- لا

شُجان- لعد ليش صهيد عافني؟

وهبان- ماصاير شي

سكت واني سكتت بقينا شوي واتصل بي صهيد

سمعت المكالمه لان هدوء محد يحجي

صهيد- بسرعه وهبان كرار حالته موزينه بسرعه

وهبان- بالطريق والله بالطريقق

انصدمت شبي كرار ققرت ما ابقى ساكته وحجيت

شجان- وهبانن شبيي كرارر

سكت ما جاوبني

شجان- كرار شبيي احجيي

بقى ساكت سكتت اني هم بس ادعي بگلبي يكون ما بي شي مرت الساعه وصارت بالـ5 ونص الفجر وصلنا للبصره وكبل وداني للبيت ونزلني وراح طبين للبيت وذبيت الجنط بالاستقبال ورحت لبيت جدو ماموجود احد طلعت واني الدموع بعيوني شفت تكسي جايه من بعيد وطبگت على بيتنا الشخص الي نزل مستحيل توقعته يجي لمن شافتني اجتي تركض وهيه تبجي

جمره- شجاننن

بقيت مصدومه وهيه حضنتني وتبجي الي استغربته جانت نازعه الحجاب وجانت لابسه بنطلون وتيشرت اسود والكوت لون بني تغيرت خلال شهر مدري شهرين؟ بقيت اباوع لشكلها وهيه تبجي

جمره- كرارر ويننن شجانن

شجان- ماعرفف ماعرف انييي هممم ماعرففف كلهمم. ماموجودينن

سحبنتي ورجعت للتكسي ودلته على مستشفى سئلتها واحنه بالطريق

شجان- ليش نازعه الحجاب؟

جمره- تحجبت غصب واني ماحب الحجاب ققرت انزعه

سكتت وطلعت تلفونها وخابرت على عمي عباس

جمره- بابا اني بالعراق وينن كرار بنفس المستشفى غيرر؟ … جايه

وصلنا ودفعت الفلوس وسحبتني وصلت تركض

لمن سئلنا علي عرفنا بغرفه الانعاش جمره گعدت تبجي حيل واني باقيه بصدمتي مجاي افتهم شكو رحنا اني وياها وجانو كلهم موجودين وانصدمو من جمره وطريقه لبسها ونزعها للحجاب وانصدمو لان اني اجيت وياها رحت جمره لعمي عباس تبجي

جمره- بابا بابا شبيي كرار احجيي

محد جاوبها وضلت تصيح بينهم

جمره- احجوو شبيي ليش مجايي تحجو

سلطان- جمره تعالي وياي

سحبها بددون ما ينتظرها ترد والواضح تعاركو ضليت ادور على صهيد بينهم ماكو

شجان- صهيد وين؟

عباس- رجعي للبيت

شجان- اني مو فرد من العائله احجو وينن صهيد وشبيي كراررر شلعتوو گلبيي احجوو

حجت عمتي رقيه وهيه تبجي

رقيه- طلع گال راح اطلع يم جماعتي ومانحس اله واحد يكللنا كرار مدعوم ودمه سايل بالگاع

انصدمت ورحت گعدت من الهبطه ضليت ادعي ربي يگوم بالسلامه

شجان- وهسه … زين؟

عباس - كالو منا للتسعه اذا ما گعد نقراله الفاتحه

انصدمت اكثر وگعدت ابجي اجه صهيد وعرفت راح يتبرع بالدم لكرار باوع علي وانصدم لان اجيت اجه علي

صهيد- ليش اجيتي؟ موزين عليج رجعي للبيت اخاف عليج ماضل بيه حيل وداعتج

شجان- صهيد أسمعني حبيبي كرار مابي شي وهسه يگوم بالسلامه ادعي ربك صهيد

صهيد- ماريد اخسر أخوي ، تعالي اخذج ارجعج للبيت

بقيت واگفه

صهيد- تعالي

شجان- ماروح اذا ما اشوف كرار زين

بقيت گاعده وهو گعد بصفي بقينا ساعه وطلع الطبيب يبشرنا

الطبيب - الحمد الله على سلامه ابنكم بس وين ابو؟

سكتو وتقدم صهيد

صهيد- اني اخو الجبير

الطبيب - اريد احجي ويه ابو

صهيد- اني ابو

الطبيب افتهم واخذ صهيد على صفحه باوع لغرفه كرار وابتسم ورجع باوع على جمره وهيه فرحانه شكر الطبيب ودخل وحده وبقى هواي يالله طلع لمن طلع طبينا احنه نتحمدله بالسلامه بس جمره مت دخلت ويانا

شجان - جمره؟ ليش ما تجين؟

انتبهت علي وابتسمت گامت

جمره- لازم اروح راح ارجع للبيت ابقى اسبوع وارجع اسافر

دارت على صهيد

جمره- الحمد الله على سلامته

صهيد جان مدنگ راسه ويحجي وياها

صهيد- الله يسلمج

دخلت جوه وتحمدت بسلامته

كرار- شجان اريد احجي وياج

فهمو البقيه وطلعو بقيت يمه

كرار- سمعت صوت جمره وينها؟

جان يحجي بتعب وبخنگه

شجان- راحت اعتقد

كرار- ليش ما اجتي تسلم علي؟

شجان- ماعرف

كرار- شجان

شجان- ها

كرار- بعدني احبها ماگدر اتخطاها

شجان- كرار شنو هل حجي؟ انتَ راح تتزوج شمس عيب تحجي هل شي

كرار- شمس احبها بس ما اگدر انسى جمره كلما اشوفها گلبي يرجع يلهث بيها

شجان- لعد ليش رحت وخطبت شمس؟

كرار- ماعرف شمس شفتها المناسبه الي

شجان- كرار اخذ قرارك تريد جمره او شمس؟

بقى ساكت يفكر واني گمت حتى اطلع بس وقفني صوته

كرار- شمس

بقيت ساكته توقعت يختار جمره لان كلش يحبها رجعت گعدت على الكرسي وسئلته بأستغراب

شجان- ليش؟

كرار- قررت انسى جمره ماعرف احس نفسيتي كلش زفت ماعرف شجاي احجي

شجان- كرار اسمع انت مرتاح ويه شمس؟

كرار- للأمانه هيه البنيه خلوقه من وهيه صغيره وهم يعني ماشوف منها شي مو حلو هيه حلوه ولطيفه حيل ولمن احجي وياها احس براحه عجيبه

انفتح الباب وطلعت جمره وسمعت الكلام الگاله كرار عن شمس هيه بقت صافنه شوي وبعدين ابتسمت

جمره- الحمد الله على سلامتك خويه

كرار- الله يسلمج

جمره- أحم شُجان عادي نحجي شوي؟

هزيت راسي وطلعت وياها سحبتني وطلعتني برا المستشفى

جمره- واو متوقعت هيج ملاحظها من وهيه صغيره

شُجان- جمره حبيبتي انسي

جمره- أمم راح انساه اني اصلا نسيته لا عبالج

شافت واحد يبيع گهوه راحت جابت الها وألي

شُجان- ماشرب گهوه

جمره- هاا صدك اي بغداد حلوه؟

شجان- اي حلوه شمدريج انتِ؟

جمره- مرا وحده رحتلها

شجان- اها

ابتسمت جمره وباوعت علي

جمره- أذا اكلج بفد سر تضمينه؟

شجان- احجي هيه بقت عليج

جمره- اكو واحد بالجامعه مالتي اول ما نقلت هو عيونه علي اسمه نوح من ام عراقيه واب امريكي يعني صاير ميكس عربي اجنبي

شجان- اي وانتِ تحبي؟

جمره- الصراحه؟ لا لان حاليا اني ما افكر بالارتباط واني توني طلعت من تجربه فاشله اريد اكمل دراستي وبعدين افكر

شجان- يمكن يكون نوح من نصيبج؟

جمره- لا يع ماريد

شجان- ليش؟

جمره- أسمر وعيونه زرگ وانوب معضل خرب يومه وها اكبر مني بسنه لان هو مأجل سنه فه هسه هو تقريبا عمره 22-21 هيج

شجان- زين يعني شاب مرتب

هزت راسها ورجعنا طبينا جوه اجاني صهيد خايف

صهيد-وين جنتي؟

جمره- جنه برا نسولف شوي

صهيد- سئلت مرتي!

شجان- صهيد جنه نتمشه برا

صهيد- تعالي يلا راح يطعلون كرار

شجان- صدك

صهيد- والله يلا

سحبني من ايدي ورحنا انتظرنا شوي وطلعنا بعربانه لان جانت رجله مكسوره اخذو وصهيد ووهبان صعدو بسياره صهيد صعد كرار الي ورا وصهيد يسوق ووهبان بصفه رحت وياهم لان ماكو مكان بسياره عمي عباس

صهيد- شجان

شجان- ها

صهيد- جمره ليش نزعت الحجاب؟

كرار- حريتها الشخصيه معلينا بالناس

شجان- كالت اني ماريد الحجاب وجانت لابسته غصب

هز راسه ورجعنا للبيت لمن فتحنا الباب اني بسرعه تقدمت وشلت الجنط من التخم وكرار گعد علي رحت جبتله مي وشرب صبيت لصهيد ووهبان

شجان- جوعانين تردون اسويلكم شي ؟

صهيد- لا بويه روحي ارتاحي اهواي وگفتي اليوم موزين عليج روحي للغرفه والملابس عوفيهن اني اجيبهن وراج

شجان- خاف وهبان وكرار يردون شي

وهبان- لا خويه روحي ارتاحي موزين عليج تتعبين اكثر

هزيت راسي وصعدت فوك على كيفي وطبيت للغرفه جانت شبه بارده تمددت وتغطيت ونمت من التعب ماگعدت اله الساعه بالـ 4العصر گعدت وجان نايم يمي صهيد وجان واضح تعبان گعدت وسحبت تلفوني لگيت رساله من جمره

- هلاو شجان ادري مراح تگعدين هسه بس شوفي شنو رأيج تجين يمي اليوم؟ جايبه وياي حلويات من امريكا كلش حلوه وشغلات هواي تعالي ماطول شمس هم موجوده يمنا

تفاجئت شمس موجوده وبعدين گلت اكيد لان خطيبها سوه حادث اكيد تجي رديت عليها

- هلا بيج تمام اني بس اسوي غده واكمل واجي

شافتها وما ردت اني گمت ونزلت على كيف سويت غده سويت تمن ومرگه دجاج وسويت شوربه لكرار وخليته على صفحه سويتلهم زلاطه وبقيتها بالثلاجه صعدت فوك وشفت الجنط رتبت الملابس ملابسي وملابس صهيد طلعت اني ملابس ألي ملابس وطبيت سبحت لمن طلعت لكيت صهيد گاعد بدلت وگعدت انشف بشعري وامشط بي اجه صهيد واخذ مني السشوار والمشط وكعد يسشور شعري ويمشطه

صهيد- أحبج

شجان- اني هم

صهيد- بعدج تردين تبقين ببغداد؟

شجان- لا

صهيد- أسف ردت ابقى بعيد عن الكل بس مامر كم اسبوع واخوي سوه حادث اسف لان خليتج بالمطعم وحدج وانتِ ما تندلين البيت

شجان- عادي ماصار شي بس تصرفك كلش غلط المفروض تصيحلي حتى اجي وياك

صهيد- أسف ماگدرت اسيطر على روحي وگمت ما اشةف بعيوني من الهبطه شجان موقف الصار ويه كرار تكرر علي مرا بس مو كرار جان شخص عزيز علي ومات بالحادث واني خفت لا بموت كرار ويروح مني

شجان- أسم الله على كرار لا مو تشوفه مابي شي الحمد الله

سكت وكمل گعد يمشط بشعري ومايعرف يضفر واني ميته ضحك علي

شجان- عود شجاي تسوي؟

صهيد- النيه ضفيره بس الواقع خر** مطي

فطست بالگاع من الضحك اخذت شعري وسويته ضفيره

شجان- ها صهودي اريد اروح لان جمره عزمتني وكالت ماطول شمس هنا نسهر ومدري شنو

صهيد- شمس؟ يعني عمي موجود

شجان- ماعرف والله يمكن

صهيد- نروح سوه، سويتي غده؟

شجان- اي سويت

صهيد- كملي وصبيلي مابين اطب اسبح

راح طب يسيه واني نزلت صبيت غده وگعد وهبان وحسبته وخليته الهم بالاستقبال ورحت صبيت شوربه وصعدت انطيته لكرار

كرار- بس شوربه ؟

شجان- تريد اصبلك تمن ومرگ؟

كرار- مرگ شنو؟

شجان- دجاج

كرار- اويليي صبيلي

شجان- هههه لعد اكل هاي الشوربه واني اروح اصبلك

ضحك وگعد ياكل نزلت جوه وصبيت لكرار واخذتله سلاحيه مي وصعدت فوك انطيته اله وخليت المي يمه

كرار- شجان شمس اجتي؟

شجان - اي

كرار- وينها

شجان- ببيت جدي

كرار- خابريها

شجان- واني شعلي خابرها انتَ

كرار- لا مو بعدني استحي منها

شجان- خاب دنجب وانتَ خابرها يلا باييي

طلعت منه ونزلت جوه انتظرتهم يكملون حتى اغسل المواعين وفجا طبت علينا شمس

صهيد- ها بويه شعندج

شمس- هلا صهيد احم اجيت اشوف كرار

صهيد- روحي لغرفته، ابوج موجود؟

شمس - اي يريد يروح

صهيد- وانتِ؟

شمس - اني ومسلم راح نبقى

صهيد- مسلم موجود؟ خوش يلا بويه روحي صعدي

راحت تركض ودخلت للغرفه ضحكت عليها شلون حاصرتها البجيه وبالگوه تحجي

كرار

طلعت شجان وهيه تضحك علي تشجعت وخابرتها رد صوت مو شمس

جمره- الو؟

كرار- جمره

جمره- شمس خطيبج يريدج

اجاني صوت شمس

شمس- كرار! ! شلون صرتت!

كرار- تعالي يمي

شمس- شنو؟

كرار- شنو شنو تعالي يمي اريدج يمي

شمس - لا اخاف ابوي ميقبل

كرار- عمي مو ابن عمج اني هسه اني خطيبج تعالي ولج لتشلعين گلبي

شمس- شبيك تصيح علي؟

كرار- ماصيح حبيبي ماصيح يلا تعالي

شمس- اذا تريد شي احجي اهنا

كرار- يعني ما تردين تشوفيني؟

شمس- جايه

سدر الخط ومرت دقائق واجتي فتحت الباب وسدته واجتي تركض وتبجي حضنتني واني ضليت امسح على راسها

كرار- أشش شموستي ليش تبجين؟

شمس - خفت عليك كرار خفت اخسرك

كرار- لهاي الدرجه تحبيني؟

شمس- واكثرر احبك اكثر من روحي

كرار- أحبج

جعت حضنتني وبقت بحضني دقائق وگامت

كرار- ها؟

شمس- احم عيب ابقى بحضنك

كرار- خطيبتييي يا ناسسس

خلت اديها على حلكي حتى اسكت وضحكت عليها هيه مبتسمه وعيونها يلمعن من الدموع بقيت گاعد على التخم وسحبتها يمي مسحت دموعها

كرار- دموعجج غسلنييي لج ليش تبجين ريلاكسس شموسه ريلاكسس

ضربتني بجتفي

شمس- شنوو ريلاكس جنتت خايفه عليك

كرار- ليش ما اجيتي من وكت؟

شمس- مادريت الصبح لمن طلعت من المستشفى اني دريت بيك لان عمي عباس خابر أبوي واجينا ولمن ردنا نجي كالو راح ينام بعدين

ابتسمت لان ماعرف شنو أرد عليها رجعت حضنتني وحجت بزعل

شمس- لتعوفني كرار

كرار- لا ما اعوفج حبيبتي

شمس - كرار اريد أسئلك سؤال

كرار- جواب

شمس- ليش قررت تخطبني ؟

كرار- فكرت بيج هواي ولمن شفتج اخر مرا حسيت انتِ المناسبه ألي

شمس - احجي الصدك ليش!

كرار- هاذ الصدك شمسي

شمس- وجمره؟

ابتسمت ولزمت خدها

كرار- جمره من الماضي تمام؟ انتِ هسه الحاضر والمستقبل ماشي؟ ولتفكرين هواي

ردت الابتسامه ولزمت ايدي

شمس- كرار مابقى هواي واكمل دراستي باقي بس ثلاث اشهر واخلص

كرار- شمس

شمس- ها

كرار- تعالي لحضني

هيه انصدمت خطيه ووجها صار احمرر من الخجل هيه بيضه ولمن يصير وجه احمر يبين سحبتها وخليتنا بحضني ادنيت شوي وخليتها تنام بحضني

شُجان

كملو الاكل وشلت الصينيه وگعدت اغسل بالمواعين كملت وصعدت فوك سمعتهم يسولفون ماحبيت ازعجهم رحت لغرفتي رجعت بدلت ملابسي لان تبللن وكملت خليت مكياج خفيف حمره وبلاش وخليت عطري المفضل وخليت بجنطتي عطر وخليت تلفوني. لبست سوار جابه ألي صهيد هديه وكلش احب هاذ السوار جان فضه ومحفور بيها أسمي وأسم صهيد * شُجان&صهيد* هيج، طلعت من الغرفه ومرت من غرفه كرار ماكو صوت ولا اي شي استغربت ولمن فتحت الباب على كيفي لگيت شمس نايمه بحضن كرار وكرار غافي ضحكت وطلعت تلفوني صورتهم بسرعه وسديت الباب واني اضحك عليهم شكلهم كلش حلو سوه نزلت جوه

صهيد- ها بويه نروح؟

وهبان- وين ؟

صهيد- لبيت علوان المنعول

وهبان- اروح وياكم

صهيد- شجان صيحي شمس خلي تجي وانتَ لا متروح ابقى يم اخوك يمكن يريد شي اني بس اودي شجان واحجي ويه عمي بشغله واجيك

رحت حتى اصيح لشمس ولكيتهم نفس الوضعيه سديت الباب ودگيته اعتقد فزت واجتي وجان وجها احمر من الخجل

شمس- احم اسفه تأخرت

شجان- لا عادي بس يلا يكول صهيد

صاح كرار

كرار- اشتعللل جدكك علوانن صهيدددد

ضحكت علي وسحبت شمس ونزلنا جوه ورحنا لبيت علوان. ولمن طبينا جانو بس الزلم مجتمعين النسوان والبنات بالغرفه الثانيه سلمت عليهم ورحت يم البنات سلمت عليهن وگعدنا نزعت عباتي والحجاب خليته على جتفي حتى خاف احد يطب اكدر البسه بسرعه،

كنان- وهبان اجه؟

شمس- لا بقى يم كرار

كنان- اها شلونه كرار؟

شمس- زين الحمد الله

جمره- شجان تعالي اراويج شنو جبت من حلويات يلا بنات تعالو شمس؟ تعاي ويانا

كمنا كلنا ورحنا لغرفتها طلعت من الجنطه علاگه جبيره كلها حلويات ضحكت عليها جايبه امريكا وياها

جمره- شمس جربي هاذ بالبدايه تشوفينه مو طيب بس بعدين يجيج طعم حلو جبت على عددنا يلا

اخذنا كل وحده وحده وجان طعمها بالبدايه مثل النشا بس بعدين يجي طعم حلو وبي نكهات

جمره- ها بنات ابو المحل كال اكو نكهة نادره الي هيه بالتفاح منو طلعلها طعم تفاح ؟

ضلت وحده تباوع للثانيه لحد ما گالت شمس

شمس- اممم اني تفاح

جمره- اللهه طعمها طيب مووو

هزت شمس راسها وهيه مبتسمه

شمس- واا طعمها طيبب كلش

جمره- وانتن شنو الطعم؟

شجان- اني رگي

كنان- اني اجاني طعم العنب

جمره- اني توت

گعدت تطلع لحد ما انتبهت على باكيت غريب وجان ككو بس ما فتحته وضمته

شجان- شنو هذني؟

جمره- هيج ، صدك شمس شوكت عرسج ؟

توترت شمس وضحكت

شمس- ها ماعرف بكيف كرار اقصد ماعرف

جمره- امم

گامت جمره وراحت للحمام

كنان- شمس أسفه أذا ضوجتج جمره

شمس- مم لا مضوجتني

طلعت تلفوني وصارت كبالي الصوره الصورتها ضحكت وراويتها لكنان هيه هم گامت تضحك

كنان- اييي واكولل ليشش صايره طماطههه

شجان- مشهدد لطييفف بينهم

كنان- ههههه ايي

شمس - شنو شجاي تحجون

لفيت التلفون واني لفيته وجمره دخلت وشافت الصوره

شمس- عزااا عليج الله مسحيهاا والله مو انيي هو خلانيي بحضنه والله

شمس صايره ورا الباب لهاذه ما شافت جمره

سكتنا كلنا وهاي شمس تتوسل احذف الصوره

شمس- اموتتت اذا احد شافهاا خصوصا جمره ماريد تشوفها علمود ما تزعل

جمره- لا ليش ازعل عادي

التفتت شمس وتجمعت الدموع بعيونها

شمس - جمره حبابه لتزعلين والله مجان قصدي ازعلج

جمره- هههههههه ليش ازعل حبيبتي؟ عادي انتِ وخطيبج مابيها شي ولتخافين محد راح يعرف بالصوره غيرنا

خابرني صهيد وجاوبت

صهيد- ها بويه تبقين لو تروحين؟

شجان- ماعرف اشوف البنات

صهيد- اذا تردين تبقين ابقي وباتي اليوم وباجر اجي اخذج

شجان- تمام احبك

صهيد- أحمم واني هم

عرفت يمه ولد وسكت سديت الخط بقينا نسولف للساعه 2 باليل عطشت ونزلت حتى اشرب مي لمن وصلت للبايه الاخيره بطني صارت توجعني خفت حيل وهمزين جنت اضوي بتلفوني گعدت بالگاع والوجع ضل يزيد خابرت صهيد جاوبني بصوت نايم

صهيد- ممم

شجان- صهيد … صهيد بطني توجعنيي

صهيد- شنوو؟ ؟؟ بعدجج بشهر السادس ليش وجعتجج؟

شجان- ماعرفف تعالل بسرعه بطنيي صهيدد بطنيي

صهيد- جاي جاي

سد الخط وبقيت شوي ونزلت جمره

جمره- شبيج؟ شجانن احجي شبيج ليش هيج گاعده تبجينن

شجان- بطنيي جمره بطنيي

شوي واندك الباب راحت جمره فتحت الباب واجه صهيد يركض شالني

صهيد- جيبي شالها وعباتها بسرعه

صعدت جمره جابت العبايه والشال وخلاهن علي وصعدني بالسياره

صهيد- لبسي الحجاب

جمره- اني اروح وياكم گلت لشمس وكنان

صهيد- يلا صعدي

صعدت ورا وبالگوه لبست حجابي والعبايه خليتها علي ماگدرت البسها عدل

صهيد- شجان شجانن احجي بعده للوجع.

شجان- أيي يوجعنيي

صهيد- يارب سترك ياربب ستركك

جمره- شجان أذكري الله هسه تصيرين زينه

بقينا شوي ووصلنا للمستشفى ولمن رحت حتى يفحصوني

صهيد- هاا دكتوره بشري؟

- اخويه مرتك تصعد للدرج هواي؟

صهيد- أي غرفتها فوك

- ميصير خصوصا هيه بالاشهر الاخيره

صهيد- صار دكتوره

- وانتِ هم ماما لتعبين روحج هواي، اختج؟

جمره- مثل اختي

- اهتمي بيها هل ايام

جمره- ان شاء الله

طلعوني وصعدت بالسياره

صهيد- شلون صرتي ؟

شجان- زينه

صهيد- جمره راح ارجعج للبيت شجان راح ترجع وياي

جمره- ماشي

رجع صهيد جمره للبيت ورجعنا اني وياه للبيت تمشينا ووصلنا لطرف الدرج شالني وصعدنا فوك

شجان- تعبت تعبني هل حمل تعبنيي حيلل

صهيد- ما بقى بس 3 اشهر وتكملين

شجان- ان شاء الله

خلاني على الجربايه ونزعت حجابي والعبايه واخذهن صهيد خلاهن بالكنتور واجه تمدد يمي

صهيد- شجان تعالي لحضني

أدنيت يمه وحضني حضتنه حيل وعبالك خايفه من شي ونمت لمن گعدت ماجان بيه حيل فه بقيت نايمه بالفراش لحد ما اجه صهيد وشافني گاعده

صهيد- شجونتي گاعده حبيبي

شجان- عادي ما اسوي شي اليوم بس اليوم والله تعبانه حيل

صهيد- ههههه بويه لا ابقي گاعده اليوم اصلا ماكو شي رجعي نامي ماعدنا شي

ضليت گاعده لحد ما خلص اليوم وجانت الايام الباقيه عاديه اني بقيت بالفراش ومحد شافني ولا احجي ويه احد غير صهيد، مرت الاشهر واجه شهري التاسع بعد عناء طويل وتعب وارهاق والي تعب وياي اكثر صهيد واخر شهرين اجتي ورده وصارت تهتم بيه واكثر اثنين وگفو وياي بيوم ولادتي ورده وصهيد رغم ورده عدها طفل جابت بنيه عمرها 3 اشهر سمتها زينب، بيوم ولادتي جنت ميته من الوجع واصرخ

شجان- صهيدددد حبابببب ألحكليييي

صهيد- يمج يمج اني والله

شجان- صهييدد جايي اتوجععع راحح اموتتت

صهيد- اسم الله عليج بويه

شجان- صهيد أذا متت لا تزوج اهتمم بأبنكك وابداا لا تهمله

شفت صهيد گام يدمع وطلع برا الغرفه واني ضليت اطلگ الوجع مامعقول حسيت اكو شي نزل مني وراحه بعد ما نزل تنفست على السريع وسمعت صوت طفل يبجي وصوت هلاهل وبعدها غبت عن الوعي…

صهيد

سمعت صوت طفل وفرحت طلعت الطبيبه ورا شويه وهيه شايله أبني عبد الله. اخذته منها واني فرحان وعمتي تهلهل بي كبرت بأذنه وسمته عبد الله اخذته مني الطبيبه وراحت حتى تسبحه راحت ورا عمتي رقيه والحجيه سعاد

صهيد- دكتوره مرتي شلونها؟

- بعدها غايبه عن الوعي ونزفت هواي دم من عدها راح ناخذها لغير غرفه حاليتها شوي خطره

انصدمت نزفت هواي دم وهسه هيه هسه بخطر راح تروح مني ؟

صهيد - نقذيها حاوليي تنقذيهاا لتخلينهاا تموت

- موبيدنا بيد رب العالمين بس ان شاء الله تصير زينه

طلعوها من غرفه الولاده لغرفه الانعاش لان دگات گلبها سريعه ويخافون لا تصير بيها جلطه بسبب سرعه گلبها خفت عليها ورحت اني ووهبان وكرار وياها وعمي عباس بقى حتى لمن يجون عمتي والحجيه يجيبهن النا بقيت گاعد على جمر انتظر بالساعات مرت ثلاث ساعات ماعرف ليش هيج تأخرو بقيت خايف وأبني بأيدي خايف على شجان والطفل ضل يبجي لازم يرضع حليب أمه اضطريت اروح اجيب مميه وحليب وسوتله عمتي رقيه ورضعته جانن عيونه على أمه عسليه فاتحه وبشرته لا علي ولا على امه صايره بالنص بشرته حنطيه وقريب على الابيض كمل مميته وبقى ساكت اخذته لحضني وبهل اثناء طلعت الطبيبه

- الحمد الله على سلامه أم عبد الله

فرحت حيل وحضنت عبد الله وبسته

صهيد- شفت ماما ما تعوفنه وحدنا، دكتوره اگدر افوت

- اي طبعا بس انتَ والطفل وبعدين البقيه يدخلون

هزيت راسي ودخلت لگيتها گاعده ومبتسمه لمن شافت عبد الله بيدي فرحت حيل وگعدت تبجي

شجان- صهيد صهيد هاذذ ابني؟ هاذ ابناا؟

خليته بحضنها ومسحت على خدها واني مبتسم أشوف تعب السنين بيها وبأبني ربي عوضني بالتعب التعبته بأبني عبد الله ومرتي شجان

صهيد- هاذ ثمره حُبنه هاذ ضلع صهيد والسبع ماله

شفتها مبتسمه وتباوع للطفل وتحجي وياه

شُجان

ضليت صافنه بملامحه ماشاء الله تبارك الرحمان حلو وبشرته ناعمه بسته

شجان- عبد الله مو؟

صهيد- طبعا

شجان- عبودي حبيبي ليش تعبتني؟ ازعل عليك أذا تتعبني خوش؟ ياحبيب ماما، صهيد

صهيد- ها گلبي

شجان- جنت اتمنى اهلي واهلك حاظرين مثل هاذ اليوم اريد اعرف شنو رده فعل امي على عبد الله لو عمتي لان اول حفيد ولد

صهيد- نفس حجايه ورده هم گالت اريد اعرف شنو شعور امي وهيه عدها اول حفيد بنيه وانتِ هم هيج تحجين

شجان- صهيد أحبك

صهيد- اموت بيج يبعد روحه لصهيد

طلع صهيد وستأذن حتى اطلع وطلعت جانو اهل صهيد حيل فرحانين بيه حيل حيلل وخصوصا عمتي رقيه جانت الفرحه ما توسعها بقيت يم بيت علوان

بغرفه عمتي رقيه

كنان- يمهه عبوديي عبوديي عبودييي يمهه فدوههه تعالل ابوسككك

كنان تحب الاطفال وهيه مهتمه بعبد الله اشوفها تلاعبه وتشيله وتبوس بي جمره خابرتني وتباركتلي وفتحتلها كامره حتى تشوفه

جمره- ياربيي فدوه لالله شگد حلوو ماشاء الله عبد الله انتظرنييي بس اكمل دراستي اله اشبعك بوساتت

شجان- ليش بالعطله ما تجين؟

جمره- لگيت وضيفه وجاي اشتغل اجمع فلوس الايجار وفلوس الجامعه والحمد الله جاي اشتغل والراتب هم يعني يكفيني

شجان- عفيه فخوره بيج جمره

جمره- يگلبي، يلا رايحه راح اتأخر على الشغل

ودعتني وراحت انطتني كنان عبد الله وراحت تسويلي غده

شجان- عبودي تعرف؟ هواي تعذبت بحياتي هواي شفت شغلات مو زينه بحياتي هواي تعبت بحياتي بس ربي عوضني بيك وبأبوك احبك انتَ وأبوك عبد الله اتمنى من ربي ما تتعبني

بقيت الاعبه واجتي كنان اخذت مني عبد الله وخلتلي الاكل على الميز واني جاي اكل دخل علي صهيد

صهيد- عبوديي ويننن

كالها وهو يضحك اخذ عبد الله من كنان وشاله ضل يشتم بي ويبوس بي

صهيد- اهخخ مثل عطر امك يمه وليدي شحلاتهه

كنان- اخذه منك لو تريده

صهيد- لا بقي يمي

كنان- ماشي

طلعت كنان واجه سلم علي وباسني من خدي

صهيد- وأبني؟ ليش ما توكلينه؟ ماما ما توكلك؟ ختولي اخذك يمي اني اداريك يبعد روحه لابوك

شجان- توه شرب حليب والله

صهيد- شلونج؟

شجان- الحمد الله زينه وانتَ شلونك؟

صهيد- موزين

استغربت

شجان- ليش بيك شي؟

صهيد - بعيده علي انتِ وعبد الله اني تعلقت بيج وبعدين اجه هاذذ الحلوو صارر روحي الثانيه

مخلي عبد الله بحضنه ويلاعبه رغم عمره بس أيام بس جان يسكت لمن يشيله صهيد لو من يجي يضل بحضنه واذا وخرنا يگوم يبجي

شجان- تريد تاكل وياي؟

صهيد- لا بويه بالعافيه اكلي

كملت الاكل وخليته على صفحه

شجان- صهيد عادي توديني للمغسله

صهيد- أي هسه بس انوم عبد الله

گام يتمشى ويهز بي لحد ما نام واجه علي وداني للحمام غسلت وكملت وطلعت على كيفي

شجان- صهيد

صهيد- شرايين گلبه

شجان- شگد راح ابقى هيج؟

صهيد- 40 يوم هيج وتصيرين زينه

رجعني للغرفه وشال الصينيه. ووداها ورجع

صهيد- محتاجه شي اريد اروح

شجان- جيب حفاضات لعبودي

صهيد- هاي جبتلج وينهن خليتهن يمكن بالجنطه مال عبود

راح للجنطه وشافهن

صهيد- اي ذني تحتاجين شي بعد ؟ راح اروح شهر لبغداد

شجان- هواي

صهيد- اروح وارجع أگاج مخلصه الابعينيه مالتج

شجان- هم صدك

صهيد- تحبين اجيبلج بعد ملابس؟

شجان- لا هذني العندي هواي

راح للباب ومد راسه يتأكد محد موجود واجه يمي وباسني من شفتي بقى دقيقة على هل حال ووخر مني ورجع باسني بوسه خفيفه

صهيد- أحبج

شجان- واني اكثر

راح صهيد واني بقيت بالغرفه ضليت أكلب بالتلفون شوي ومليت من التلفون خابرت كنان حتى تجيني

واجتني وگعدت يمي گعدنا نسولف شوي واجتي وراها عمه رقيه هم گعدت تسولف على صهيد وشلون هو جان يشبه عبد الله من جان صغير وبالفعل عبد الله النسخه المصغره من صهيد بس الفرق عبد الله حنطي مو أسمر وعيونه عسليه بس الباقيات يشبه صهيد، مر الشهر وخلصت الابعينيه مالتي وصهيد بقاله بس يومين ويجي صرت عادي اگدر أكوم واگعد

بيوم عبد الله جان يبجي ورحت علي شلته

شجان- ها ماما ها ماما اجيتك حبيبي ليش تبجي

ضليت اهز بي وبعده يبجي گلت يمكن جوعان بس لمن ارضعه يوخر ومايقبل يرضع غيرت حفاظته وسويت كلشي بس هو مستمر يبجي اتصلت على صهيد

صهيد- الو، ليش عبد الله يبجي!

شُجان- مادري بس يبجي مادري شبي

صهيد- فتحي السبيكر وخلي يمه

فتحت السبيكر وخليت التلفون يم عبد الله وگعد صهيد يحجي وياه والله عاد سكت واني الصارلي ساعه احاول اسكته وبالاخير سكت بس بصوت صهيد

صهيد- عبودي بابا ليش تبجي، حبيبي، يومين واجيك يبعد روحي اشتم عطرك المحروم منه شهر شگد مشتاقلك عبودي، عبود مو تتعب ماما لتبجي هواي حبيبي ماشي ؟ أحبك عبد الله

اخذته منه وگعدت احجي وياه شوي وسد الخط بقى عبد الله ساكت عبالك سمع كلام ابوه شلته ورحنا للاستقبال

علوان- عبد الله اهناا تعال جدو جيبي شجان

شجان- توني سكته جان يبجي

علوان- ليش يبجي خاف جوعان

شجان- لا والله بس سمعع صوت ابوه بسرعه سكت

انطيته لجدو علوان شاله وگعد يلعب وياه رحت حتى اساعدهم بالغده

كنان- شجان وين عبود نام؟

شجان- شيطان هاذ وين ينام خليته يم جدو علوان

رقيه- سمعته يبجي شبي؟

شجان- والله ماعرف بس يبجي

رقيه- خاف بطنه بيها غازات؟

شجان- والله ماعرف

سعاد- بالله جيبي خاف ممتون؟

رحت واخذته من جدو وانطيته للحجيه شافته وگالت

سعاد- أي ولج هاذ ممتون

رقيه- منو يشيله بعت بس اني وامه وكنان ومرات يشيلونه الولد

سعاد- عادي يمه يمكن انمتن من وحده دجيبيلي الزيت وجيبي الگماط وتعالي

رحت جبت الزيت والگماط ووگعدت تدهنه بالزيت وسوت رجلي وگمطته وخلته على راسها تقرا أيات قرأنيه وبعدين دعبلته على رجلها انطيته حليب مني هداء شوي ونام اخذته خليته بالاستقباب نايم على البروده ورجعت للمطبخ اساعدهم سوينا الغده وكملنا وصبينا واجو الولد كرار ووهبان وسلطان وعمي عباس وجدي علوان گعدو على السفره وگعدنا ناكل بنص الاكل گعد عبد الله گمت من الاكل ورحت شلته وضليت اهدي بي خليته بحضني ورجعت اكل وهو خطيه سكت ماله صوت كمل كرار وراح حتى يغسل ولمن رجع اجه علي

كرار- جيبي اني اخذه مابين تكملين

شجان- تسويلي فضل والله

انطيته عبد الله وهو گعد يلاعبه كرار يحب عبدالله حيل عبالك ابنه ولا عبالك أبن اخوه ووهبان كذالك يحبونه حيل ودائما ياخذونه مني اذا اني اكل وهو گعد هم ياخذونه مني كرار ووهبان ماحسهم حموييني احسهم اخواني واحبهم على معزة صهيد

مرن اليومين واجه صهيد ورجعنا للبيت وصرت اهتم بالبيت وبعبد الله وبصهيد واتضاعف التعب علي

شجان- صهيد ساعدني شوي والله جاي اتعبب

صهيد- مو جاي اساعدج

شجان- اخذ عبد الله جاي يضوجني بس يبجي طلعه برا بس خلي امسح الغرفه

صهيد- امشي حبيبي نروح بعيدد لناسس متريدنااا

شجان- صهيد لتضل تذب بسامير اطلع برا

اخذ عبود وطلعو مسحت الغرفه وعطرتها ورتبت الجربايه وطلعت برا مسحت الممر مال الدرج ونزلت مسحت الدرج ولگيت صهيد وكرار جاي يلاعبون عبودي مخلينه على التخم وواحد يكول للثاني احبه اكثر منك ضحكت ورحتلهم سحبت أبني منهم خطيه لگيته صافن عليهم

شجان- الي يحبه اكثر يروح يساعدني بالتنضيف؟

كرار- صهيد انت ومرتك لدخلني بالتنضيف

اخذ كرار مني عبود وراح صعد فوك وصهيد ابتله وساعدني بالتنضيف كملنا ورحت اسبح لمن طلعت طب صهيد يسبح اني سويت شعري ضفيره جان السبلت مشتغل خفت لا اتمرض ولبست شيله عندي لبستها بهل اثناء طلع صهيد من الحمام وانتبه علي باوعت علي وسويت الشيله مثل الثام واضحك علي اقترب مني وخر الشيله من وجهي وتلمس خدي باصابع ايده الخشنه

صهيد-انتِ عذبة شلون دجلة ويمچ تحوم النوارس والله لو كللها بجمالج مايضل الليل دامس الناس حلاها لبسها

وانتِ حليتي الملابس ام عيون العسليه

شجان- يابويه چا كلمن اليتغزل هيج حليو؟ هاي هيهه بعد لحد يتغزل بيه

ضربني بخفه ايده على وجهي

صهيد- طرگاعه ما تصيلج جاره والكفل زينب

شجان- يااا شبيكك

صهيد- يروحلج فدوه جدي وبساتينه

شجان- دعوفه بحاله لا انوب ينگلب علينا يخلينا ما نددل وين نروح

صهيد - مو اگلج طرگاعه ما يصيرلج جاره الفصمه

شجان- هسه شحجيت غير الصدك غير يخلينا ما نندل دربنا وعلي

صهيد- هههه شگد احبج

شجان- اموتت عليكك

ابتسملي وراح حتى يبدل واني نزلت جوه سويت جاي وجان عنده كعك ابو السمسم احبه حيل اخذت الستكاين مال الجاي واخذت ماعون كعك وخليته بالاستقبال نزل صهيد وشافه گعد بصفي وصبيتله جاي وگعدنا نشرب جاي ونسولف لحد ما اجه كرار وهو بيده عبد الله

كرار- الله صبولي وياكم

صبيتله واخذت منه عبود وخليته بحضني وهبان صار يتأخر بالرجعه لان واخيرا لگه وضيفه بعد ما جان يدور واكثر من وضيفه اشتغل بيها وينطرد بس هل مرا لگه وضيفه وثبت بيها وجاي يضغطون علي بالشغل لهاذه لمن يجي يجي متأخر ويجي تعبان وهلكان حيل ، صهيد صار بين شهر وشهر يروح لبغداد لان نقل الشغل المهم للبصره بس علمود يبقى قريب من عدنا وشمس وكرار باقي بس اسبوع على زواجهم واني فرحانه حيل بيهم فرحانه بعائلتي الجديده عبودي وصهيد عبود صار قطعه من روحي وصهيد صار ألي السند بهاي الحياه هو زوجي وحبيبي وأبوي وأمي وصديقي واخوي وكلشي. وكرار ووهبان صارو اخواني وكنان صارت اختي واكثر حبيتهم احب هل عائله منو جان متوقع دخولي الهم المفاجئ هيج راح يغير حياتي وحياتهم؟ اللهم اجعلني احتمي بهم في الدنيا والاخرى،

____________________ __________________

يتبع …

هلا بنوتاتتتت التصويتت مهمم + انشرو القصه حتى تنشهر اكثرر بنات

قناتي على التلي 👈🏻

احبكم هواييي وشكرا لدعمكم ألي + ضروري تشتركون بقناتي على التلي

بسم الله الرحمن الرحيم

اللهم صل على محمد وآل محمد

______________________________________

من أول ما فتحت عيوني على هاي الدنيا لحد يومي هاذ جانت حياتي عباره عن جحيم امي عافتني واني بعمر صغير وابوي عافني بس بعد ما أمن مستقبلي والحمد الله ربي عوضني عن كلشي عوضني بأحسن رجال "صهيد" وعوضني ربي بأبني "عبد الله " تعلقت بأبني وبزوجي حبيتهم حبب مو طبيعي احسهم بكلبي عايشين اتمنى ميصيبهم شر أبدا

_ بيوم گاعده أباوع على التلفون وعبود نايم يمي

صهيد- تردين اخذج للسوگ؟

شُجان- وعبودي؟

صهيد- خلي يم وهبان اليوم ميروح للشغل

شُجان - يلا بس أبدل واجي

صهيد- يلا انتظرج

صعدت فوك بدلت ملابسي ولبست جبه وربطه خليت عطر ونزلت جوة

صهيد- وهبان!

نزل وهبان خايف عباله صاير شي

وهبان- هاا صاير شي!

صهيد- لا انتبه لعبود اني وشُجان راح نروح للسوگ

وهبان- خوفتني صهيد، يلا عمي روحو روحو

طلعنا وقبل لا نصعد كتله

شُجان- خلي ناخذ ويانا كنان حباب

صهيد- خاف متجي؟

شُجان- لالا تجي

صهيد- وصيحي عمتي رقيه وياج

شُجان- صار

رحت بسرعه دگيت الباب وفتحلي سلطان

سلطان - هلا خويه تفضلي

شُجان- هلا بيك

طبيت بسرعه ورحت سلمت عليهم واحد واحد ورحت لكنان

شُجان- كنااااااااااننننننن بدلييي بسرعهههه راح نروحح للسوگ

كنان- ماروح

شُجان- ها ليش؟

كنان- اشتريت قبل فتره

شُجان- وعمتي رقيه؟

كنان- هم اشترت

سلمت عليها وطلعت صعدت ويه صهيد

صهيد- جا وينهن؟

شُجان- ماتروح اشترت هذاك اليوم

صهيد- يلا ميخالف

فر السياره ورحنا للسوگ ضلينا نفتر ندخل من محل لمحل لحد ما اشتريت الي اريده اشتريت فستان لونه نيلي يصير طويل بس ضيق من فوك ومن جوه مثل الكلوش كلش حلو وحبيته واشتريت وياه گعب بنفس اللون

صهيد- تعالي اريد اشتري شغله روحي للسياره

وداني للسياره وخلاني بيها وهو راح بس تأخر حيل بقيت فتره انتظره وهو رجع وجانت بيده علاگه صغيره لمن صعد ضماها

صهيد- محتاجه شي؟

شُجان- لا

دار ورجعنا للبيت لمن وصلنا اخذت عبودي من وهبان وصعدت فوك اشتريت لعبودي ملابس لعرس كرار وشمس دخل صهيد وجانت بيده نفس العلاكه بس ضماها

شُجان- عندك شي؟

صهيد- ها؟ لا ماعندي شي

شُجان- لعد شنو هاي؟

صهيد- ها هاي؟ هاي هديه مال صديقي

هزيت راسي وبقيت الاعب عبودي مر اليوم واجه ثاني يوم گعدت الصبح لان عبدالله يبجي گمت سسويتله ممه وانطيتها اله رحت غسلت وجهي وكملت اخذته ونزلته جوه صهيد جان طالع ويه كرار لان باجر العرس ووهبان طالع بالشغل خليت عبودي على التلفزيون شغلتله فلام كارتون ورحت سويت ألي ريوك اكلت لمن كملت سويت الغده وخلصته خليته على جهة رحت يم عبودي وگعدت بصفه

فجاء واني گاعده اندگ الباب خفت رحت من ورا اصيح

شُجان- منوو؟

كنان- فتحي الباب

فتحت الباب ودخلت

كنان- وهبان وين؟

شُجان- بالدوام

كنان- شوكت يرجع؟

شُجان- والله مادري بيش الساعه هسه؟

كنان- اندري يمكن بالـ2هيج

شُجان- نص ساعه ويجي

كنان- وكرار وصهيد وينهم.؟

شُجان- راحو للسوگ، شعندج تحققين

سجبتني ودخلنا جوه اخذت عبوني وضلت تبوس بي

كنان- شسمه بعد كل هاي السنين اجه أبوي ويريد يحجي وياي شُجان احس ماريد أشوفه

شُجان- ليش ابوج عايش؟

كنان- اي

شُجان- زين شنو السبب يعني اقصد صار هواي من عافج هسه يالله تذكرج؟

كنان- مادري

شجان- تتوقعين يريدج؟

كنان- ماعرف

شجان- انسى ولتفكرين هواي بي او بالموضوع كله لتفكرين بي باجر عرس كرار لازم نفرح وما نخرب فرحتنا ماشي ؟

هزت راسها وغيرت الموضوع وضلينا نسولف لحد ما اجه وهبان

وهبان- كنان شتسوين اهنا؟

كنان- اجيت اشوف شجان وعبود ، وردت احجي وياك بموضوع

وهبان - ابدل واجي

كنان- موضوع سريع والله ما اتاخر

گمت منهم واخذت عبودي وصعدت فوك هو گعد يبجي لان شاف وهبان ويريد يروح لوهبان بقيت شوي وسمعت صوت الباب ينفتح وينسد نزلت جوه لكيت كنان رايحه واجة وهبان اخذ مني عبود وراح للغرفته عبودي متعلق بعمامه حيل وهو يعتبر المدلل لان اصغر حفيد بالعائله نزل وجان مبدل ويلاعب عبود وهاذ فرحان بي

شجان- اصبلك غده؟

وهبان- لا انتظر كرار وصهيد ، ماعرفتي شوكت يجون؟

شجان- لا والله هسه اخابر صهيد

رحت جبت تلفوني وخابرته

صهيد- ها بويه

شجان- شوكت ترجع؟

صهيد- صاير شي؟

شجان- لا ما صاير شي بس اكول شوكت ترجع؟

صهيد- احنه بالطريق اصلا

شجان- تمام

سد الخط وگلت لوهبان

وهبان- شجان عادي نحجي؟

شجان- اي كول؟

وهبان- شنو رأيج بكنان؟

شجان- لطيفه وحبابه

وهبان- اقصد من ناحيه الدينيه

شجان- متدينه حيل وعدها معلومات هواي عن الدين

وهبان- زين، اريد اخطبها تتوقعين عمتي راح توافق؟

شجان- طبعا توافق وين اكو مثلك وهبان

وهبان- ماعرف ها باجر عرس كرار اروح للحلاق لعد

شجان- لا انتظر صهيد وكرار يجون وياك بعدهم مارايحين للحلاق روحو سوه احسن

وهبان- ماشي

بقى عبدالله بحضنه لحد ما نام اخذته منه ورحت لغرفتي خليته بالكاروك مالته واني تمددت على الجربايه بقيت اباوع شوي بالتلفون ودخل صهيد علي اشرتله يسكت

شجان- توه نام

راح علي وباسه من خده واجه علي باسني

صهيد- جبتله حذاء

طلع الحذاء وهو فرحان وجابله هواي ملابس ضحكت على صهيد

شجان- يمعود مو لهاي الدرجه بعدين راح يكبر وين اوديهن؟

صهيد- كلشي اجيب لعبودي شعندي غيره

ضحكت صهيد حيل يحب عبودي مو لان ابنه وهاي لا هو متعلق بي بحيث اذا شافه يبجي يگلب الدنيا على روسنا ، راح صهيد وطب يسبح لمن گعد عبودي گام يبجي واحاول اسكت بي ما يسكت شلته وگعدت افتر بي لحد ما سكت طلع صهيد وهو لاف الخاولي على راسه ولابس شورت

صهيد- عبوداتي گعدد يمه اروح فدوة لامك تعال يبعد روحي ليش تبجي قبل شوي؟

شجان- تعلم اله واحد يشيله يالله يسكت

صهيد- خلي يدلل علي اني اشيله طول عمري

ابتسمت ونزلت جوه صبيت الغده وخليته الهم بالستقبال واجو همه تغدو واني وياهم وعبودي گاعد بحضن ابو

وهبان- صهيد عندي روحه ويه جماعتي لاربيل

صهيد- شعندك لاربيل؟

وهبان- هيج نتونس اني والجماعه اسبوع ونرجع

صهيد- روح الله وياك بس انتبه لنفسك

وهبان- صار

كرار جان ساكت وما حجه اي شي كملنا وشلت الصينيه وغسلتها وكترت المطبخ ونضفت الاستقبال وعطرتها وعطرت المطبخ وصعدت فوك اخذت ملابسي وطبيت اسبح لمن طلعت لبست ملابسي ورحت للغرفه الجو حارر حيل اشتغل السبلت واخيرا

صهيد- شجان

شجان- ها

صهيد- خطيه عبودي وحده

شجان- مافهمت؟

صهيد- خلي نجيلبله اخو

شجان- صهيد نام حبيبي نام

صهيد- خطيه باعيله وحده

شجان- ترا ما صارلي هواي من جبت

صهيد- يلا يا عيني

شجان- صهيد روح نام انتَ نتعبان

صهيد- خوش بسيطه

اخذ عبودي وراح نزل خلاه يم كرار لان وهبان راح للحلاق وكرار وصهيد رايحين للحلاق من زمان، اجه واني جنت ألكب بالتلفون دخل علي وسد الباب وقفله

صهيد- سموري مشتاقلج

شجان- صهيد يمعود ابو الغيره مو هسهه

صهيد- تؤ هسه صارلي هوايي مامقتربلج اليوم اشويج شوي والله

اقترب مني اكثر لحد ما صرت جواه حسيت بأنفاسه على رگبتي وطبع علامه مبينه باسني من شفتي ابتسم وهجم. مرت ساعه واني نايمه بحضنه

شجان- راح اسبح مرا ثانيه

صهيد- تعاي نسبح سوه

شجان- تحلم

صهيد- عادي اشيلج واسبحج

ماشوف غير صهيد شالني وخلاه الغطى علينا سترنا احنه الاثنين ووداني للحمام ذب الغطى برا وسبحنا سوه لمن كملنا اخذ الغطى ورجعنا لنفس الطريق الحمد الله جان كرار بالغرفه وما منتبه علينا دخلنا للغرفه بسرعه اخذت ملابس ولبستهن وصهيد هم لبس ملابسه وراح جاب عبودي واجه نيمنا عبودي واني نزلت سويتلهم العشى ورحت اتوضة واصلي، لمن كملت الصلاه تأخر وهبان وصهيد خاف علي واتصل بي

صهيد- وهبان وين صرت؟

وهبان- جاي جايي

وبالفعل مرت دقايق ودخل وهبان لميت سجاتي وخليتها على صفحه ورحت صبيتلهم العشى وگعدنا نتعشى وانمله هاذ اليوم بالسعاده والضحك بينا كرار رجعتله الفرحه وگعد يسولف ويضحك ويانا ويشاقه لحد ما صارت كلش دنيا ليل كلمن راح لغرفته ينام ويتجهز لباجر للعرس لليوم المنتظر بقيت گاعده اتحارش بصهيد وكلساع ادغدغه

صهيد- والله اذا سويتيها موتج

رجعت دغدغته واني اضحك لزم ايدي وعضني وخرت منه وزعلت اخذت فراش ونمت بالگاع

صهيد- هااا بس حاجيتج زعلتي دتعالي الجبانه ادري بيج تخافين

شجان- لا ما اخاف

صهيد- واذا اجيتي باليل وحضنتيني؟

شجان- ما اجي ولي زعلانه منك

سكت للعلم اني صدك جنت خايفه بس لااا هو زعلني ضليت اهوجس واخاف وگلبي يدك من الخوف سمعت طگطگه وگمزت باوع صهيد داير وجه اكيد نايم رحت على كيفي ونمت يمه واني ميته خوف رجعت سمعت نفس الصوت وأدنيت اكثر يم صهيد

صهيد- ها الجبانه

صرخت وهو دار علي ويضحك

صهيد- الجبانه منو تكول ما اخاف ؟

شجان- سمعت صوت

صهيد- صوت؟

شجان- اي صوت والله اسمع

بقى ساكت لثواني ورجع نفس الصوت

صهيد- مع احتراماتي الج بس انتِ حبيبتي غبية

شغل ضوه التلفون وباوعت على الكاروك عبودي هواي يتحرك فه من يتحرك يطلع صوت من الكاروك ضحكت وهو هم ضحك

شجان- احم اصلا اني ما خفت بس هيج ماحب انام بالگاع

صهيد- اني اروح انام بالگاع

نزل وراح نام بمكاني زعلت منه كلش وباوعت علي

صهيد- ماكو صوت نامي

شجان- شوكت اشوفك نايم؟

صهيد- نايم نايمم بس سكتي

بقيت اباوع علي وبعدين وخرت ماگدرت اتحمل ونزلت بصفه دحست روحي بحضنه

شجان- اذا حجيت شي والله ماحجي وياك بعد

صهيد- هاي هيه

حضني وحسيت بالامان لان حاضني ونمت لمن گعدت جانت الساعه بالـ7 گمت بسرعه وسويت ريوگ وصبيتلهم ورحت صعدت فوك سشورت شعري وكويله وسويته من جوه كيرلي لميته بقراصه وخليت مكياج واني جاي اخلي كعد عبودي لبست شال ونزلت جوه انطيته لصهيد

صهيد- تعالي اكلي

شجان- ماعندي وقتت

صهيد- عندج وقت تعالي اكلي نروح احنه بالـ11 هسه بعدها بالـ9

اخذت منه عبودي وخليته بحضني گعدت اكل ولمن كملنا شلت الصينيه ورحت غسلتهن وغسلت لعبودي وبدلته واني مسحت المكياج وبديت بي مرا ثانيه ولبست الفستان وطلع حلو كلش الحمد الله رجعت بطني طبيعيه ورا الولاده لان جبت طبيعي ، لبس صهيد لبس رسمي بنفس لون فستاني واني مشتريه قاط نفس لبس صهيد فه صرنا احنه الثلاثه نفس اللون لابسين حبيت شكلنا ورحت على المرايه وصورت صوره بيها اني وصهيد وعبودي بينا حبيت الصوره كلش لان اليوم هاذ احلا يوم ، نزلنا وجان كرار لابس القاط الاسود وجان كلش متوتر ضل يهدي بي صهيد وطلعنا رحنا لبيت جدي وشفناهم جاي يجهزون روحهم رحت يم كنان

شجان- كلمتي ؟

كنان- شكمللل ولجج المكياج ماجايي يضبطط، اوووو عينييي شنهاي الاناقه شلون صهيد خلاج تطلعين هيج

شجان- بالتواسيل ليغرج المنضر

ضحكنا وگعدت اسويلها المكياج وكملته الها طلعت برا حتى تبدل ولمن كملت صاحتلي

كنان- اكلج جمره هم خابرتج؟

شجان- لا والله عبالي راح تجي جا ما خلصت دراسه؟

كنان- والله ماعرف بس اني عبالي راح تجي لان من زمان بدت العطله الصيفيه

شجان- والله بعد ماعرف خابريها بالله؟

كنان- ثواني بس البس هاي الترجيه

طلعت تلفوني واتصلت بيها متجاوب اتصلت مرا ثانيه وحجت بصوت نعسان

جمره- مممم

شجان- شعجب ما اجيتي؟

جمره- شعندي جايه

شجان- امداج اي والله، شلونج

جمره- الحمد الله زينه شلونج انتِ عبودي شلونه؟

شجان- زين الحمد الله

جمره- سلميلي على الكل اني رايحه اريد انام

سدت الخط بوجهي وكنان سمعت المحادثه قررنا ما نلح عليها توقعناها تجي بس ماعبالها راح تبقى هواي، كملنا ونزلنا جوه وترتيبنا مثل قبل وهبان وسلطان راحو ويه كرار بسيارته وعمي عباس اخذ علوان والحجيه وعمه رقيه وكنان واني وصهيد وعبودي رحنا بسياره صهيد، طلعنا الساعه بالـ11 ونص وصلنا وجانت الساعه 4ونص لمن وصلنا جانت الهلاهل والهوسه سوينا العرس بالقاعه لان بيت عمي باقر صغير وميكفي سويناه بقاعه البنات وحد والولد وحد خليت عبودي ويه صهيد واني فتحت شعري وجانت من ضمن الحضور نفسس البنيه الي زحفت على صهيد وجانت هم لابسه لبس فاضح بعدين عرفت بيها هيه سافره وما تلبس حجاب رحت يم شمس اني وكنان وگعدنا بصفها شمس جانت لابسه بدله بيضه وطالعه گمرر گمرر ماشاء الله صورنا احنه الثلاثه سوه

شمس- يممهه متوتره حيللل

شجان- يمعوده اهدائي ولتخافين خليها على الله يمعوده

گعدنا نسولف شوي وبعدين گمنا نركص اني وكنان شغلولنا ساجده عبيد وتگابلنا

- اجيبك للدرب كتلك اجيبك

متراهن عليك اله اجيبك

ولا تتعاند وياي

ما تگدرلي يهواي

انا قافل عليك اله اجيبك

انا قافل عليك اله اجيبك

ضلينا نرگص ولزم ايدها وصرنا نهز بشعرنا ونركص لمن خلصت الاغنيه رحت يم الديجي وشغلت اغنيتي المفضله الهجع الملايين اخذت شالي وخليته على خصري وكنان كذالك. وجبنا سجاجين بلاستك من البوفي وشغلنا الاغنيه وگعدنا بالنص اني وكنان ورجعنا جسمنا ليورا ويه الاغنيه

- ولك يلي خذيت الروح

ولك يلي حبيبي

ولك يلي خذيت الروح

وگلي شلون نتلاگه

ولك وسفه وهضيمه وعيب

وها هاي الروح مشتاگة

عيني الهجع بويه الهجع عييني الهجع

گعدنا نركص اني وكنان والكل مصدوم من رگصنا لان محد يرگص على الهجع بس اني وكنان ضلينا نرگص ولحد ما اجه البارت الي نحبه ورجعنا گعدنا بالگاع ونحنينه على ضهرنا

-اجلبنك يليل وياي

وياي على اهل الوادم

بجيت وحرمت

عيني الهجع

من علمك

ركص الهجع

بويه الهجع

عيني الهجع

بويه الهجع

خلصت الاغنيه وكمنا عدنا روحنا اني وكنان واندارينا على شمس لگيناها تباوع علينا وتضحك رحنا عليها وهمه طلعو الاغاني اليحبونها ويرگصون اهم شي قدمنا عرضنا اني وكنان

شمس- ذكرتيني بعرس ورده هم رگصتي الهجع

شجان - اني بخطوبتكم ردت ارگص الهجع بس ماكو مجال فه هسه گلنا اني وكنان نسويلج عرض

كنان- صارلناا هوايي نتدرب علمودج

شمس- حبيباتيي شگد احبكم

شجان- صورتي؟

شمس - أي مثل ما كلتيلي صورت كلشي

بستها واخدت تلفوني وشفت التصوير

كنان- دزيي

شجان- اي ادللي

اجتي بنت خاله شمس

- شموسه كومي خلي نركص؟

شمس - ماريد استحي

- ليش تعالي شنو قابل بنات عمج ميستحن وانتِ تستحين ههههه

شجان- شنو قصدج؟؟

- ما قصدي شي حبيبتي بس كلمن ويعرف نفسه وتربيته

شجان - شمس اسفه بس هاي نرفزتني حيل

شمس- عليج الله لا لتسوين شي

-لا بالله خليها تكوم خلي تراويني شراح تسوي ام الهجع؟

شمس - كافيي! !! روحي يم خالتي لا والله اطردج من العرس! !!

- تطرديني علمود امهات الهجع؟

شمس- يشرفنج على الاقل يحبوني صدك مو يحبوني علمود مصلحه ؟

هيه تنرفزت وراحت بقينا نركص ونصور ويه شمس وصارت الساعه بالـ9 باليل صارت الزفه مالتها وكالو راح يدخلون الولد كلنا لبسنا حجاباتنا اله بنت خاله شمس لان سافره دخلو الولد سلطان ومسلم وسلام وكرار ووهبان صهيد جان شايل عبودي على جتفه ويرگص بي وكرار صاير بالنص ويهوسون

- عريس وربعه يزفونه عريس وبعه

- هاي الرادها وهاي التمناها بنت الشيخ لابن الشيخ جبناها

گعد كرار بصف شمس وعقدو عقد قرأن يعني هسه بالدين وبالقانون همه متزوجين صارت القاعه مختلطه گعدت على الطاوله واني اشوف صهيد وعبودي يرگصون عبودي بعده صغير بس صهيد مخلي على جتفه ويركص بي اجتي بنت خاله شمس وگعدت گبال الولد بحيث الولد كلهم شافوها عدا ولدنا مدنكين راسهم لان يستحون وصهيد اصلا مو يمها ولا معبرها اجه بأتجاهي وگعد بصفي وعبودي بيني وبين صهيد

شجان- لتباوع للبنات افگس عيونك ترا

صهيد- اباوع بس عليج يا بنات ؟ اني ماشوف غيرج اصلا

شجان- صهيد بوسني بخدي

طلبت هل شي رغم استحي بس لان شفت بت خالت شمس تباوع على صهيد وتحاول تلفت نضره، صهيد ماقصر باسني من خدي واني ابتسمت ورجعت بسته من خده

صهيد- احبچ شُجاني

شجان- احبك اكثرر صهيدد

خليت راسي على جتفه وهيه خطيه ميته قهر والله شسويلها هيه حبت واحد متزوج وعنده طفل صار وقت الزفه وزفيناهم رجعو للبصره وعلى الفندق مارجعو للبيت واحنه طلعنا الساعه بالت10 باليل وصلنا 3 الفجر جنا هلكانين وعبد الله بحضني نايم واني نايمه وصهيد يسوق رجعت ويانا بيبي سعاد لان كالت اهناك ضيگه فه رجعت ويانا

سعاد- صهيد يمه مريتك نايمه؟

صهيد- اي حجيه تردين شي؟

سعاد- لا ماريد خاف متعبها عبد الله جيبه انومه يمي

صهيد- لا حجيه انتِ نامي واخذي راحتج عبودي بحضن امه

وصلنا للبصره ووصلنا الحجيه للبيت واحنه رجعنا لبيتنا گعدني صهيد وشلت عبدالله وطبينا للبيت اجه وهبان ورانا وراح لغرفته احنه صعدنا وخليت عبودي يمي ينام ماريد ينام على الكاروك لان جاي ينزعج منه رحت بدلت وصهيد هم ماقبل ابدل لعبودي لا يگعد وبقيته ونمنه اني وصهيد وعبودي بنصنه

صهيد- اليوم ما تحضنيني

شجان- صهيد باجر نجيب جربايه صغيره لعبد الله

صهيد- صار

نمت واني هلكانه تعب نمنا نومه عميقه بحيث كلنا گعدنا العصر لمن گعدت لكيت صهيد وعبد الله ماكو توقعت نزلو جوه كمت وغسلت وجهي وبدلت ملابسي ونزلت جوه لكيتهم كاعدين على التلفزيون

صهيد- مساء الخير

شجان- مسائ النور اسويلك غده؟

صهيد- لا اليوم ناكل من برا راح وهبان يجيبلنا اكل من برا وهم شمس وكرار اليوم راح يجون

شجان- يايي لعد خلي انضف البيت بسرعه قبل لا يجون وانضف غرفه كرار

رحت بسرعه ونضفت غرفه كرار وعطرتها وطلعت نضفت البيت واجه وهبان نضفت شوي ورحت جبت الصينيه وخليتها بالاستقبال وگعدنا ناكل

وهبان- كرار خابرني كال احنه جايين بالطريق ضمولي حصتي وحصه مرتي من الاكل

صهيد- ههههه اي يدلل شگد جبت كباب؟

وهبان- هاذ ماعون النا والماعون الثاني لكرار ومرته

كملنا الاكل وشلت الصينيه ذبيت الماعون وغسلت الصينيه وكترت المطبخ ورجعت انضف البيت كملت وسمعت صوت الباب يندك رحت فتحت الباب ولكيتهم كرار وشمس حضنت شمس وكرار سلم علي و طب جوه

شمس - لج عزهه والله مستحيه اطبب

شجان- مرتت حماييي لجج اموت عليج وعلي

شمس- احبجج

سحبتا ودخنا جوه لكيت كرار شايل عبد الله ويبوس بي

كرار- عبودييي لك البارحه خوش رگصت يبعد روح عمك

ضل يبوس بي ويشتم بي حيل رجعه لحضن صهيد وسلم على صهيد وعلى وهبان

كرار- ضاميلي عاد حصه لا؟

شجان - تريد اجيبلك!

كرار- اي والله تسويلي فضل يلا شموسه خلي نروح للغرفه

رحت للمطبخ وخليتلهم الاكل بيها وخليتلهم العصاير والمقبلات وصعدتها فوك دكيت الباب وطلعلي كرار

لابس شورت وفانيله واخذها مني

كرار- شكرا تعبتج وياي

شجان- عادي يمعود اي شي تريده اتصل علي او صيحلي

ابتسم وسد الباب واني نزلت جوه اخليهم على راحتهم گعدت بصف صهيد وققرت افاتحه بالموضوع

شجان- صهيد اريد اكلك شي

صهيد- كولي؟

شجان- اسمع اني عديت الحمل والولاده والمدرسه تعرف بعدلها ثلاث اشهر عادي ارجع للدراسه

صهيد- ميخالف بس منو يربي عبود

شجان- اني والله ما اهمله والله حباب صهيد هاذ مستقبلي لا تخلي يضيع

صهيد- ماشي كافي سكتي للتوسلين هاي هيه ارجعج لنفس المدرسه

فرحت حيل وحضنته وبسته من خده واني جاي ابوس خده طب علينا وهبان وصاح

وهبان- عمييي شنهاييي الرومانسيههه وين ما اروحح زوجونيي

ضحكنا علي ومر اليوم عادي مرت الايام وشمس تأقلمت ويه الوضع وتسوي الاكل والنتضيف وياي وجانت خجوله كلش كلش لحد ما مر شهرين على زواجهم واحنه جاي ناكل على السفره صدمنا كرار بخبر

كرار- صهيد اريد اعزل

صهيد انصدم واستغرب منه

صهيد- ليش؟

كرار - هيج اريد نبقى اني ومرتي وحدنا

صهيد- بعيني هاي قبل هاي تدلل اشتريلك بيت واني اصممه وبالمكان التريده بس اريد اعرف السبب

كرار- والله الصراحه اني مرتي اريدها تاخذ راحتها اكثر ماريدها متقيده بالحجاب اكثر

صهيد- بكيفك كروري الي تريده يجرالك

كرار - اريد تبنيلي بيت فوك وتخليلي درج وحدنا

صهيد- صار التريده

كرار- لا تزعل مني صهيد اتمنى تتفهمني وتتفهم رغبتي

صهيد- لا عادي انتَ ومرتك تريد ترتاحون عادي

بقت شمس ساكته طبعها خجوله كلش لمينا السفره اني وياها وغسلنا المواعين واحنه جاي نسولف فجاءَ كالت

شمس- اكلج يمكن اني حامل؟

فرحت حيل

شجان- اللههه راح يصير عدنا طفلل ثانيي

شمس- ماريد اريد التهي بجامعتي

شجان- لا لتكولين هيج هاذ رزق من رب العالمين واكو ناس تتمني الطفل شمس

شمس- صحيح بس اني ماريد هسه بعدني صغيره

شجان- انتظري شوي

رحت صعدت فوك ونزلت بسرعه مديت ايدي

شمس- شنو هاذ ؟

شجان- تحليل حمل منزلي جبت اثنين قبل فتره لان حسيت بروحي حامل بس ماكو حمل جربي؟

اخذته مني وراحت تجربه انتظرتها بالمطبخ ورجعت وجانت ملامحها عاديه

شجان- بشري؟

شمس- لا ماكو حمل

شجان- يلا الله يكتبلج بيها الخير ان شاء الله تصيرين حامل

شمس- مو هسه يمعوده

سوينا الجاي وصبينا ورحنا گعدنا بالاستقبال هيه گعدت يم كرار واني گعدت يم صهيد وعبودي ووهبان گعدو سوه

وهبان- باوع عبودي بس اني وياك عزابيين هذول كلهم متزوجين

صهيد- جا ما تزوج ياهو الكاظك؟؟؟؟

وهبان- يعني تقبل؟

صهيد- هل مرا المهر عليك انت تشتغل

وهبان- طبعا المهر علي بيش الساعه هسه؟

كرار- ها تررح تخطب هسه؟

وهبان- بيها مجال هسه؟

صهيد- دخلي نعرف مني هاي؟

وهبان- كنان بت عمتي رقيه

صهيد- كنان؟ خوش بنيه وحبابه وخلوقه توكل خويه

وهبان- يعني تخطبها الي؟

صهيد- اني اخطبها الك بس اذا ما وافقت عمتي ماعليه بعد

وهبان-عبالي مراح تقبل

صهيد- لا شلون انت اذا تحبها اخطبها الك من عيوني شعندي غيركم اني؟ اني ابوكم الثاني وماحب اشوفكم زعلانين مني

كرار- وهبان صهيد صار الاب النا ويحبنا كلش ومو بس احنه يحبنا كلنا احنه الاحفاد لهاذه هو ميحب يفرق بين اليحبون بعض

باوع على شمس بنهايه كلامه وهيه خجلت عرفت يعدين ان كرار حب شمس لان هيه مامتحكمه بي ومخليته على هوا يريد شي تروح تسويله بسرعه بدون نقاش وتحبه حب مو طبيعي بحيث مرا انجرح جرح بسيط گعدت تبجي علي شمس بنيه حنونه حيل ومرات تاخذ عبودي وتلاعبه هيه تحب الاطفال بس ممفكره تجيب طفل، مرت يومين ورحنا نخطب كنان لوهبان

صهيد- عمه اني اجيتج بشغله واتمنى ما ترديني

رقيه- كول يمة خوفتني؟

صهيد- اني جاي واخطب أيد بتج كنان لاخوي وهبان

رقيه- كل الهلا اتشرف بيكم انتو ولدي وعزاز گلبي اذا ما انطيكم بنتي انطيكم عمري

صهيد- تسلمين عمه

ضلو يسولفون واتفقو ثاني يوم الشوفه الشرعيه واجه ثاني يوم وصارت الشوفه وتمت الموافقة وحددو الخطوبه بعد اسبوع بقيت يم بيت جدي وصهيد والولد راحو رحت يم كنان وجانت واي شمس رحنالها

كنان- ولجن صدك عود؟ لاااا بشرفكمم صدكك صدكك؟

شمس- والله يمهه راح نصيرر ثلاثتنا بنفس البيت

شجان- غير راح تشيلين انتِ؟

شمس- اي اعرف بس يعني اگدر اجيكم بكل وقتت

فرحنا حيل وكنان من فرحتها اتصلت على جمره جاوبتها بسرعه

جمره- هلاا قلبييي شلونج ولج شخبارج امورج؟

كنان- انيي كلشش زينههه جمرههه ما تتخيليينن شنو صارر

جمره- شصار خطبج المدلول؟

كنان- اييي

جمره- جذابهه كولي والله

كنان- والله العظيممم امانه تعالي

جمره- اجي طبعاا اجيي اختيي راح تتزوج شلون ما اجي اكيد اجيي يبعد عيونييي الف مبروك مقدما، شوكت الخطبه

كنان- الخطبه الاسبوع الجاي والعرس وراها بيومين

جمره- لعد هاي هيه اني باجر اجي وابقى يمج اسبوعين وارجع لان راح تبدي الدراسه

كنان- احبج جمره

جمره- واني هم احبج

سدت الخط وجانت طايره من الفرح بقينا نسولف شوي وبعدين رجعنا اني وشمس للبيت لمن دخلنا لكيت شخص غريب اول مرا اشوفه بس جان وجه مئلوف علي

صهيد- شجان تعالي بويه گعدي وسلمي على عمج

استغربت عمي؟ بديت استرجع ذكرياتي لحد ما تذكرت مرا وحده اجانا وبعدها اختفى

شجان- شجابك؟

- شنو شجابني بنت اخوي واسئل عليج

شجان- اها وهسه يالله تذكرت؟ ابوي صارله سنه ونص ميت وانتَ هسه يالله تذكرت؟

- ماجنت اعرف هسه يالله عرفت

شجان- والمطلوب؟

- بنت اخوي اريدها

صهيد- شنو؟

- شنو شنو شلك غرض البت اريدها وراح ازوجها لابني

شجان- عمي اني متزوجه وعندي طفل ماگدر اعذرني

- محد گلي متزوجه وين زوجج وأبنج

رحت وگعدت يم صهيد واخذت منه عبد الله

شجان- هاذ زوجي وهاذ ابني تحتاج شي ثاني عمو؟

- أسف لان گطعت هواي

شجان- ليش اصلا گطعت؟

- ابوج الله يرحمه جان خوش زلمه ولمن سافرت گلي لمن ترجع تعال علي بس لمن اجيت وسئلت عليكم كالو مات وانتِ كالو عشتي بغير منطقه بس ماكالو متزوجه لو عدها طفل وهم لمن شفت ابنج الله يحفظه حسيت انُ يشبهج حيل يلا ماريد ازعجج اكثر من هيج تتهنين بحياتج بنتي

عمي هاذ جان يشبه أبوي كلش

شجان- عمي عادي اطلب طلب؟

- اي بويه طلبي؟

گمت وانطيت عبد الله لصهيد وحجيت واني بيه غصه وجانت واضحه

شجان- عادي احضنك؟ والله مو لان شي ثاني بس تشبه ابوي حيل واني كلش مشتاقتله

هو ابتسم ونزلت دموعه رحت حضنته وضلينا نبجي اعتذرت منه على اسلوبي وهو اعتذر مني هم على اسلوبه وبعدين راح راح وهاي جانت اول واخر مرا اشوف بيها عمي من بعدها ماشفته ، صعدت فوك لغرفتي وحسيت رجع الاكتئاب بقيت وحدي بالغرفه دخل صهيد وبيده عبدالله خلاه على الجربايه مالته واجه گعد يمي

صهيد- شبيج حبيبتي؟

باوعتله ولمن انتبه على عيوني اني ابجي حضني لان عرف عليمن ابجي ماگدرت اسكت اكثر حضنته وضليت ابجي مشتاقه لابوي حيل

شجان- مشتاقه لابوي صهيد وديني اله حباب وديني اريد اشوفه

ضل يمسح على راسي وحضني بقى ساكت رما حجه شي واني اطلع البگلبي كله انفجرت حرفيا بعد ما طلعت البگلبي نمت بحضنه وجنت حاضنته حيل ولازمه ايده

صهيد

جانت حاضنتني ولازمه أيدي شجان لمن انفجرت اليوم حسيت بتأنيب الضمير لان صارلي هواي مماخذها لابوها واخر مرا شافته جانت بيوم الابعينيه مالته، أباوع عليها وأكول بنفسي شگد انضلمت هاي البنيه تعذبت بحياتها هواي ماريد اعوفه واحاول اعوضها عن ابوها بس هيه كل مرا تريد تگلي بابا تسكت وترجع تصيحلي بأسمي اله مرا وحده گالتلي بابا.

جنت گاعد على التلفزيون واسمع عبد الله يبجي ردت اصعد بس اشوفها نزلت ويه عبود وهو يبجي وهيَ تبجي واجتي گعدت بصفي

شجان- بابا جاي الاعبه وضربني براسه على حلگي وحلگي يوجعنيي

تحجي وتبجي وهاي اول مرا بيها تكلي بابا ابتسمت وبست شفتها

صهيد- راح الوجع؟

هزت راسها بـ أي وابتسمت

صهيد- هسه سكتناج انتِ وهاذ عبودي شبي؟

شجان لمن ضربني هو هم توجع وگام يبجي لان ضربني قوي براسه

ضحكت عليهم واخذت عبودي منها وضليت الاعبه من هذاك اليوم واني أحب كلمه بابا من شجان بس هيَ تستحي تكولها الي ،ابتسمت لا اراديا واني اتذكر الموقف شجان انسانه لطيفه حيل وماشفت منها شيء يأذيني او يأذي اهلي رغم اني هواي أذيتها وهواي كسرتها بس هيه ابدا ما تغيرت علي وحبتني

سحبتها اكثر حضني وغطيتها ونمنا شجان تخاف تنام وحدها ولمن جانت ببيت جدي جانت تحضن المخده ماتحب تبقى وحدها بغرفه واذا اروح لبغداد تبقى تحضن المخده مالتي بحجه بيها عطري احبها هل انسانه هاي الانسانه الطف كائن بشري شفته بحياتي احبها حيل ومامستعد اخسرها احبها من كل گلبي …

شُجان

گعدت الصبح واني بحضن صهيد جان نايم باوعت لوجه وضليت اتلمس وجه شفت وجه عبس وخرت منه ردت اكوم بس سحبني

صهيد- ابقي يمي

شجان- لازم اجهزلكم الريوك

صهيد- اني ماريد. كرار مرته تسويله ووهبان راح يطلع للدوام

رجعت نمت بحضنه وهو رفعني وصار وجهي مقابيل وجه وابتسملي وباسني بشفتي نزلت روحي ورجعت نمت بحضنه لمن گعدت جانت الساعه بالـ2 الضهر

شجان- صهيد صهييدد حبيبييي كوم يلا تأخر الوقتت فاتت الصلاه كومم

جاوبني بصوت نايم

صهيد- تعبان والله رجعني نامي بحضني خليتيني انام كل هل ساعات

وخرت منه هل مرا ورحت لميت شعري وغسلت وجهي رجعت شلت البطانيه منه

صهيد- رجعهاا عبسي

ضحكت لان لقب عبسي جان يكلي علي قبل لا نتزوج قفزت علي وحضنته حيلل وبسته من خده

صهيد- متفائل اليوم حبيبي؟

شجان- امم كلشش شنو تحب اسويلك؟

صهيد- سوي علي فضل ونجيب اخو لو اخت لعبودي

شجان- لا هاي انساها خلي يصير عمره سنه هيج وافكر عود

صهيد- بكيفج الي تردينه يصير

گام مني وراح غسل واني نزلت جوه سويت الغده جنت لافه دولمه وضامتها طلعتها وطبختها اجه وهبان من الدوام وطب يسبح رحت للاستقبال مابين يستوي الاكل نزلت شمس وهيه مبينة نعسانه

شمس- الله طابخه دولمه؟

شجان- اي سويت دولمه

فرحت وراحت تغسل اجتي يمي گعدت وبدينا نسولف

شمس- باعي اليوم كرار راح المدرسه مالتي حتى يشوف انقبلت بيا جامعه

شجان- شنو تتمنين

شمس- اتمى ادخل محاماه مثل كرار لان احب القانون

شجان- الله وتصيرون سوه تروحون سوة وترجعون سوه

شمس- اي بس الفرق هو اخر مرحلى واني اول مرحلى

شجان- عادي اهم شي اثنينكم تروحون وترجعون سوه

ضحكت هيه ونزل صهيد وبيده عبودي عبودي صار عمره 6 اشهر تقريبا وصار بس يتگلب بس مايگدر يگعد خليناه بالگاع ورحت اشوف الدولمه ولكيتها مستويه وطفيت النار اجه كرار وصاح

كرار- مرتي مراح تداوم وياي بنفس الجامعه

شمس تجمعت الدموع بعيونها

شمس- معدلي اقل؟

كرار- لا لان انتِ انقبلتي بجامعه الطب وقسم طب اسنان

فرحنا حيل الها شمس مجانت تدري بمعدلها بس جانت تدري بروحها ناجحه فرحتلها حيل وهيه حضنت كرار گدامنا ووخرت بسرعه

شمس- اسفه ماعييدها

كرار- عيديها

شمس- ها؟

وهبان- الرومانسيه بالغرفه مو اهنااا وياكمم شخص عزابيي لتنسون

كرار- اسبوع وتصير مخطوب اسكت

وهبان- زين هيه مو العكس؟ المفروض اني اتزوج قبلك شو انت تزوجت؟

كرار- والله يا خويه كلمن وحظه

بقينا نسولف ونضحك ونشاقه ويه بعض الايام المرت جانت هادئه وحلوه جانت اسعد الايام ابتسمت للمه الحلوه وگمت سويتلهم جاي وطلعتلهم كيكه مسويتها الهم سويت ثلاث صواني ورحت وديت اثنين ورجعت جبت الصينيه الاخيره لوهبان

وهبان- هل مراا شجان صبتلي الجاي المرا الثانيه كنان تصبلي الجاي

شجان- عادي اني دوم اصبلكم ماريد اتعب زوجاتكم

صهيد- لا شنو تصبيلهم عدهم نسوان يصبلهم الجاي

ضحكنا لان صهيد حجاها بشقه رحت گعدت بصفه وهو جان مخلي ايده على التخم صرت عبالك كاعده بحضنه تجيت راسي على صدره واحنه نسولف ونشاقه

وهبان- عبودي راح اخذه وياي اليوم

صهيد- وين؟

وهبان- اخذه اليوم وياي للحلاق وافرفره شوي بالسياره اخلي بحضني

صهيد- اخذه نرتاح منه شويه مو شجونه؟

فهمت قصده وباوعتله وهمست

شجان- فهمت قصدك

صهيد- هههههههه يمهه ههههههه ابوس الذكييي تعالي ابوسج

باسني من راسي وهو يضحك اخذ وهبان عبدالله وطلعو وشمس وكرار راحو لبيت جدو

صهيد- صرنا وحدنا

شجان- احم الدنيا حاره

ضحك علي وضحكك بقوه همم وشالني

صهيد- ماكو مفر من عالم صهيد

ابتسم ورديت الابتسامه باسني بخدي وصعد وطبينا للغرفه خلاني على الجربايه وراح سد الباب وقفله واجه علي گعد يشاقيني ويضحكني

صهيد- شجان

شجان- هاا

صهيد- أحبچ يبعد عيون صهيد روح صهيدد انتِ شراين گلب صهيد احبج شجان

ابتسمت وخجلت حيل بسته من شفته هاذ تعبير الحب عندي بالنسبه لصهيد

شجان- وانتَ أبوي وأمي وزوجي وحبيبي وصديقتي واخوي وكلشي بحياتي

صهيد- كلشي بحياتج عده اخوج

ضحكت ادري بي يكره كلمه خويه، ورا ساعتين واني گاعده بحضن صهيد ونسولف عن حياتنا ويه عبدالله وشلون تغيرت وحياتنا الصارت حلوة سمعنا صوت الباب يندك

وهبان- يمعودينن شني نايمين

صهيد- اشتعللل جدككككك

وهبان- عبد الله نام وين اخلي؟

صهيد- فوك راس الحبلههه روح خلي يمك اريد ابقى اليوم ويه مرتي

وهبان- اعاصبك صهوديي

قلد صوت بنيه وضحك وراح لغرفته نوم عبدالله يمه ردت أكوم بس سحبني

صهيد- تعالي عوفي اريدج اليوم يمي

شجان- لاا صهيدد عيبب خلي اخذه خطيه

صهيد- لا العيب مايخلونا وحدنا

شجان- صهيدد

رجعت لحضنه واني ابوسه بخده

صهيد- شجان انتِ مو گلتي تردين تعيشين ببغداد؟

شجان- قبل بس هسه لا لان ماريد اعوف البصره

صهيد- نبدي حياتنا مرا ثانيه ويه ابنا شنو رأيج نروح لبغداد نعيش؟

شجان- صدك يعني نعيش ببغداد؟

صهيد- اي وداعتج نفس البيت نرجعله

شجان- اني اقبل عادي بس اخوانك شلون؟

صهيد- البيت راح اقسمه نص لوهبان والنص الثاني لكرار واحنه نروح لبغداد

شجان- احبك صهيد

صهيد- احبج اكثر بابا

ابتسمت وحضنته حيل بقيت شوي وگمت لميت الملابس ورحت اخذت روب الحمام وطبيت اسبح طلعت ولبست ملابسي ونشفت شعري. وضفرته طلع صهيد من الحمام واجه بدل ملابسه تعطر

شجان- صهيد تعال تعال انزل شوي

نزل وصار من مستواي واخذت مشط صغير مشطت لحيته وشواربة

شجان- ليش ما تخففها

صهيد- خففتها بس مامبينه

راح جاب عبد الله من غرفه وهبان وخلاه بجربايته

وطلع ماعرف وين راح اني بقيت بالغرفه خفت لا عبد الله يگعد وتذكرت اليوم جمره تجي رحت لبست حجابي والجبه وشلت عبودي على كيفي اخذت التفون ونزلت جوه خابرت صهيد

صهيد- شعندج تخابرين هاي اني اهنا

طلع راسه من باب المطبخ

صهيد- ياستار وين رايحه؟

شجان- اليوم جمره تجي وراح تبقى اهنا اسبوعين يمكن راح اروح اشوفها

صهيد- يلا روحي بس لا تتأخيرين ماشي؟

هزيت راسي اي وطلعت واني جاي اتمشى شفت بطريقي مريم اي اي مريم طليقه صهيد لمن شافتني اجتني علي وعصبيه مدري شبيها

مريم- ها؟ اخذتي؟ ارتاحيتي؟

شجان- شبيج؟

مريم- لا شبيه ولا شي اخذتي مني صهيد؟

شجان- مو اني اخذته هو الي اخذني هو الي يحبني تمام؟ وهو ندمان على زواجه منج

مريم- لا ما ندمان بالعكس هو مشتاااقق الي ويوميه اشوفه يم بيتنا واكف حبيبتي ليغرج المنضر ترا كم يوم واجيج وتصيرين انتِ الزوجه الثانيه

شجان- توكلي خيه مالي خلگج

سحبت عبد الله مني وحجت

مريم- المفروض هاذذ ابنييي انييي المفروضض انييي الي اصيررر اممم جهالهه

شجان- شبيجج! ؟!!!! تخبلتييي جيبيي ابنيي

سحبت عبد الله منها ورجعت للبيت فتح الباب صهيد ولمن شافني ابجي وشاف مريم وراي استغرب سحبني وصرت ورا

صهيد- شتسوين اهنا؟

مريم - صهيد اني مرتك رجعني عليك الله وماسوي شي بعد رجعني ماسوي شي ابوس ايدك

صهيد- روحي مريم

مريم- وين اروحح صهيددد ماليي مكااننن اني احبكك انتَ ليشش حرمتني من شوفتكك سنه كاملهه ليشش مو جنتت تكليي احبجج؟

صهيد- ماحبج اكرهج يلا روحي منا لا والله العظيم اسوي بيج شي ميعجبج روحي مريم ولا تراويني وجهج مرا ثانيه

مريم- اريد ابقى وياك ماريد اعوفك صهيد اني احبك من زمان ليش عفتني علمود هاي الجاهله

تنرفزت حيل بس صاح عليها صهيد وطردها سد الباب بوجها والتفت علي دنك علي ومسح دموعي وحجه بنبره حنونه

صهيد- لا مريم ولا غيرها تگدر تفرقني عنج ماشي؟ أحبج انتِ

شجان- ليش تروح يم بيتهم

صهيد- شنو؟

شجان- ليش تروح يم بيتهم؟

صهيد- مارايح لبيتهم؟

شجان- هيه تكول! !!

صهيد- وانتِ تصدگين بيها؟ مو 24ساعه مگابلج وگاعد؟

سكتت لان صهيد صدك ما يطلع واذا يطلع يطلع لو ويه سلطان لو ويه واحد من اخوانه ، اخذ نفس وباسني من خدي ولزم ايدي وطلعنا رحنا سوه لبيت جدو لمن طبينا جان كرار موجود بالاستقبال وشمس كاعده بعيد عنه وحسيتها زعلانه

شجان- يمكن متزاعلين؟

صهيد- اخذي شمس وافتهمي منها السالفه

خليت عبودي يمه ورحت گعدت يم شمس

شجان- شمس؟

باوعت علي والدموع بعيونها انصدمت وسحبتها وياي ورحنا طلعنا برا بالحديقه گعدتها على الكرسي وگعدت يمها

شجان- شبيج؟

شمس- بعده يحبهااا بعدههه يحبهاااا طوللل الگعدههه يباوععع عليهااا وماشاالل عيونههه منهاااا بعدهه يحبهاااا

شجان- شجاي تحجين؟

شمس- كرار بعده يحب جمره بعده يفكر بيهاا شجان يحبها

گعدت تحجيلي وتبجي وتفضفض اتصل صهيد ورحت بعيد عليها

صهيد- شبيهم؟

شجان- والله يا صهيد ماعرف شكول بس ……

حجيتله على كرار وهو سد الخط بسرعه سمعت صوت عالي جوه وصوت كرار وصهيد يصيحون گامت شمس ومسحت دموعها

شمس- هاذ صوتت كرارر

ركضنا اني وياها وطبينا جوه لكيت صهيد يرزل بكرار

صهيد- افهمممم انتتتت تزوجتتتت انتتتتت تزوجتتتت انساهااااا! !!!!

كرار- يا طلابه الماتخلصصص واللهه ناسيهااا واللههه ناسيهااا

اجتمعو كلهم على صوت صهيد وكرار ومن ضمنهم جمره جانت خاتله ورا

شمس- كرار! !

صاحت وانتبه كرار الها

شمس- طلگني كرار

كرار- ماطلگج

شمس- ليششش؟ ؟؟؟ انتتت بعدككك نفسس الشييي ما تغيررتتتت كراررر انتت بعدككك تحبهااا ماريد اخربب حياتيي وحياتكمم طلگني وتزوجو

تقدم كرار عليها وحضنها تحت انضار الكل بأستغراب وصدمه وجمره جانت تباوع وحسيتها مامهتمه

كرار- ماطلگج احبج ماحب غيرج فهمتي؟ انتِ هسه بگلبي ولا وحده تجي وتحتل گلبي غيرج ماشي؟ انتِ الاساس اني ما اشوف بنيه غيرج افهمي احبج انتِ مو هيه

ضلت تبجي بحضن كرار واخذها وراحو للبيت يتفاهمون

عباس- شنو هل مسلته الصارت هسه! !!

صهيد- كرار ومرته متعاركين راح حتى يصالحها

كعدو يسولفون واني رحت سلمت على كنان وجمره ورحنا فوك نسولف

جمره- بسببي؟ هههه اصلا لو مو خطبه كنان جان اصلا ما اجيتت

شجان- لا معليج انتِ

جمره- واضح ماكو داعي تبررين

شجان- اسفه

جمره- انتِ معليج شكو تعتذرين وبعدين عادي اصلا تعودت

سكتنا اني وكنان لان مانعرف شنحجي هيه ابتسمت

………

شمس

گعدت ابجي وهو حاضني گدام الكل سحبني واخدني للبيت گعدت على التخم ابجي وگعد بصفي

كرار - شمس اسف ماجان قصدي تبجين

شمس- كرار اذا تحبهااا ليشش ما تزوجتهااا ليشش ما لحيتت على عميي ليشش خليتنيي احبكك

كرار - احبج شمس والله وروح امي وابوي ناسيهاا وروح ابويي وداعت صهيد ناسيها وما افكر بيها شمس انتِ زوجتي وحبيبتي وانتِ كلش تعرفيني زين شگد احبج اني شفتي مني قصور؟ قصرت وياج بشي؟

شمس- ماقصرت وياي بس انتَ ماتحبني

ضحك وشالني خلاني بحضنه وقيدني حتى ما اشرد منه

شمس - وخر اريد اروح ماحبك زعلانه منك

كرار- تعالي ابوس خدودج الحمر شبساع يصيررن حمر؟

شمس- من الله هيج تعرف الله؟

كرار- وداعت الله أحبچ

شمس- بس انت تفكر بغيري تفكرر بجمره

سكت واقرب وجه مني وباسني بشفتي

كرار- لا جمره ولا غيرها خلتني هيج ارتاح وياج انتِ افضل شي كتبه ألي ربي الحمد الله لان عمي رفض جان هسه اني ممرتاح مثل ما مرتاح وياج شمسي انتِ الضوه المنور طريقي المضلم

باوعت علي وحضنته اني استحي من كرار لمن يبوسني او يتغزل بيه فه بسرعه احضنه علمود اخفي خجلي منه هو يعرف بيه ، مخليني بحضنه وكل شوي يباوع لوجهي ويبوسني من خدي لو من شفتي

شمس- كافيي استحيي

كرار- أحبچ شمسي

گام وهو شايلني واخذني للغرفه وصار يقترب مني اكثر واكثر يتغزل بكلامه الي مثل العسل احبه ابتسم ورديت الابتسامه ……

شُجان

بقينا گاعدين ونزلت جبت عبودي ورجعت صعدت فوك اخذته مني جمره وهيه كلش فرحانه بي

جمره- فدوههه يشبه صهيد من جان صغير

كنان- ايي والله يشبه صهيد كلش يمكن عد امي الصوره مال صهيد ثواني اروح اجيب الالبوم واجي

راحت كنان وجابت البوم الصور وطلعت صور صهيد اخذت الصوره صدك عبد الله يشبه صهيد من جان صغير ضليت اگلب بالصور وشفت صوره صهيد جان بيها جبير شوي واگف بالنص ويمه مراه ورجال

شجان- منو هذول؟

كنان- هاذ خالي خالد ابو صهيد

باوعت لابو صهيد بي شبه من وهبان ابتسمت لا اردايا وام صهيد تشبه ورده حيل صهيد بين الاثنين بي شبه من امه وابو يعني هو يشبه ابو من ناحيه الجسم والعيون وامه يشبها بالشكل

جمره- تعاالي اراويج اني وكنان وشمس

طلعت صوره بيها ثلاث بنات وجانت شمس بالنص

جمره- هههه اكو صوره ثانيه بيها احنه كلنا حتى كرار ووهبان وسلطان وصهيد موجودين بيها وينها؟

ضلت كنان تدور بيهن ولكتها شفت الصوره وصهيد و سلطان جانو كبار دققت بملامح صهيد شوي وحسيت شايفته بس ماذكر وين

شجان- الله والله كيوتت

جانت الصوره كرار وشمس وافين بالنص وبصف شمس جمره وكنان وكرار بصفه حمزة وصهيد وسلطان جانو بالنص گاعدين انتبهت على ايد كرار جان لازم ايد شمس ويباوع عليها وهيه جانت مستحيه. ضحكت بس ما حبيت احجي هل شي گدام جمره.

شجان- يلا بنات استأذن منكم اريد اروح للبيت

كنان- اكلج وهباني وين؟

شجان- نايم بالبيت

كنان- اهاا راح اتصل بي

طلعت تلفونها واتصلت بي جاوبها بصوت نعسان

وهبان- ها بويه

كنان- وهوبيي وينك؟ ليش ما اجيت ويه صهيد ومرته؟

وهبان- نايم وداعتج ليش ما تجين انتِ؟

ضحك بنهايه كلامه وهيه سكتت

كنان- يمعود مو وحدي اني

وهبان- اها احم هههههه يلا هسه اكوم ابدل واجي

سد الخط ونزلنا كلنا جوه وصهيد اخذ عبد الله مني شوي ودخل وهبان بكامل اناقته

وهبان- سلام عليكم

- وعليكم السلام

علوان- خيرك؟

وهبان- اشوفكم جدي

علوان- مو من عوايدك ولك بس لا تريد تشوف كنان؟

وهبان- غيرر راح تصير خطيبتي

علوان- كنان روحي لغرفتج

گامت خطيه وراحت لغرفتها بس شفتها من بعيد تأشر لوهبان وتنطي بوسات بالهوه اباوع لوهبان وجه صار احمرر ضميت الضحكه بالگوه

صهيد- شنو رأيج نسوي سفره اني وياج؟

درت علي بأستغراب

شجان- سفره؟

صهيد- سفره اسفرج بأي مكان تردينه

شجان- اني ما اريد سفره اريد اطلب طلب

صهيد- طلبي عيوني الج

شجان- اريد نبقى بالبصره ماريد اروح لبغداد

صهيد- صار

ابتسمت وهو ابتسم انتبه عبد الله يباوع علينا وصافن باسه صهيد من خده

صهيد- يفتهمم النغل

شجان- لا تكول على ابني نغل خوش؟

علوان- ياهو النغل؟

شجان- جدو صهيد يكول لعبد الله نغل

علوان- ايا گو** انت النغل خوش لا تحجي على حفيدي

صهيد- خوش علوان جا بعد ما احجي وياك

ضحك جدي واحنه فرحانين مرت الايام واجه يوم خطوبه كنان ووهبان كنان جانت لابسه فستان احمر وبي لون ذهبي واني وشمس وجمره لبسنا درجات اللون الوردي وعبودي لبسته تيشرت ابيض وبنطلون وجانا فرحانين بيوم خطوبتها وگعدنا نركص شمس تعبت شوي وگعدت وورا شويه شفتها راحت تركض للحمام خليت عبودي يم عمتي رقيه ورحت ورا شمس لكيتها بالحمام تتقيء

شجان- شمس حبيبتي بيج شي ؟

شمس- مادري فجاء بطني گامت توجعني

شجان- لحظه جاي تتقيئين وبطنج كامت توجعج الله يعنيي انتِ حاملل

جمره- منو الحامل؟

شمس- محد حامل يمعوده بس لان لعبت نفسي عبالها حامل

جمره- اها خوش يلا تعالو

راحت جمره وغسلت شمس واجتي وياي اجه كرار والشيخ وعقدلهم وتمم خطبتهم تعالت صوت الهلاهل وشغلنا الديجي وگعدنا نركص مرا ثانيه لليل وكمل الخطوبه ووجعنا للبيت شمس بقت بطنها توجعها ثاني اليوم الصبح اخذ كرار شمس للطبيب ووهبان جانت نايم

صهيد- رايح اني محتاجه شي ؟

شجان- انت شغلك مو ببغداد؟

صهيد- نص شغلي اهنا لا تنسين اني لساعد جدي بالمزرعه

شجان- اكلك

صهيد- ها

شجان- ليش ما نسوي سفره عائليه؟

صهيد- وين نروح؟

شجان - اسمع نروح للمزعه؟ شوي وهيج شغلات كلنا احنه العائله؟

صهيد- ان شاء الله خلي يمر كم يوم وتدللين

ابتسمت وقبل لا يطلع دخلو كرار وشمس وكرار جان طايرر من الفرح راح حضن صهيد بكل قوته

كرار- صهيد راح اصير أب

فرح صهيد واني طرتتت من الفرح ورحت حضنت شمس صاح كرار

كرار- جعصتووو ابنيييي

ضحكنا علي وگعد وهبان ما مفتهم شي وكرار راح گمز علي ويكله راح اصير اب

كرارر - حاامملللل انيييي حاملللل

وهبان- شنو انت حامل؟

كرار- اقصددد شمسس حامللل انييي راحح اصيررر اممم

وهبان- كرار احجي عدل مجاي افهمك

ضحكنا على جفصات كرار من الفرحه مايعرف شيكول

كرار- اني راح اصيررر ابب وشمس راح تصيرر امم شمسس حامللل انييي راحح اصيررر ابوو انتتت متخييللل؟ ؟؟

وهبان- بالمباركك خويه

حضنه وكرار جان الدموع بعيونه وراح على شمس وحضنها واخذها لغرفتهم بعد ما باركنالهم كلش فرحت لشمس وتستاهل كل الخيرر

صهيد- ها صدك راح نروح سفره روح لخطيبتك وللعائله يجهزون روحم عگب باجر

وهبان- هاي شنو انتو ليش ما تكلولي؟

صهيد- كرار بعدنا ما كلناله روح يلا غسل بسرعه

راح يغسل واني رحت سويت الريوك الهم ونزلت شمس وكرار جانو اسعد اثنين تذكرت اول ما سمع صهيد حملي زعلت شوي بس بعدين نفيت الافكار سويت الجاي وخليته بالاستقبال گعدنا كلنا ناكل على سفره وحده عائله سعيده وعبودي جان يگدر ياكل شغلات بسيطه مثلا الشوربه او انطي خبزه يعضعض بيها فتره التسنين على عبودي جانت اصعب فتره لان توجع وبس يبجي ويصخن واني وصهيد نبقى سهرانين علي مر اسبوع واجه يوم الزواج زواج احلا ثنائي كنان ووهبان احلا اثنين بالعائله عرسهم جان كلاسك وهم جان بقاعه فرحانين كلش بيهم والفرحه ما توسعنا ابو كنان ما اهتم ولا اجه للعرس رغم گلناله راح تتزوج بس هو ما اهتم الها بس سلطان وكرار وصهيد وگفو بضهرها وصارو الها السند

رحت گعدت يم كنان

كنان- ما ترگصيليلي الهجع مثل شموسه؟

شجان- ههههه اي تدللين ارگصلج

رحت شغلتها وركصت الهجع لكنان واني وجمره گعدنل نهز بشعرنا وفرحانين لمن كملنا گعدنا على طاوله وحده

شمس- ها كرار … شنوو مجايي اسمعكك

شجان- فتحي سبيكرر الصوت ناصي

فتحت سبيكر وهو يحجي

كرار- لا تركصينن لا تركصيننن موزينن على الطفلل

شمس- مارگص يا حبيبي غيرر كاعده وساكته والله

كرار- طلعيلي برا اريد اشوفج

شمس- كرار عيب هسه شيكولون علي؟

كرار- كرار ومرته برا شيكولون يعني دتعالي يا بوه لشلعين گلبي

شمس- ههههه جايه جايه

سدت الخط وستأذنت من عدنا ولبست الحجاب وراحت

جمره- شنو شمس حامل؟

شجان- ها؟ اي حامل

جمره- ليش ما تحجون؟ عادي ترا

شجان- لا شلون كلنالكم

جمره- اها تمام

بقينا شوي واجتي شمس وهيه مبتسمه

جمره- مبروك لحملج ماجنت اعرف

توترت شمس وردت بسرعه

شمس- الله يبارك بيج

بقينا كاعدين ودخلو الزلم واحنه لبسنا حجاباتنا وجمره رجعت للحجاب لان عمي عباس كالها اذا ما ترجع للحجاب يتبره منها ويغضب عليها ليوم الدين

صهيد- بابا شجان اخذي مني عبد الله تعبني

اخذته منه وگعدته بحضني وصارت الزفه كنان ووهبان راحو للفندق وكالو راح نرجع للبيت طلعو واني بقيت ادور على الحلقه مالتي مدري وين طاحت

صهيد- يلا شجان

شجان- اوكفف الحلقه ماعرف وينهاا

صهيد

جانت تحجي والغصه مبينه رحت يمها واخذت منها عبد الله وهيه التهت تدور گعدت تبجي

شجان- صهيدد الحلقه ضاعتتت

هديتها واجتي عمتي لان تأخرنا انطيتها عبد الله وكتلها تنتظرني برا، رحت يم شجان

شجان - صهييددد

حضنتني وضلت تبجي

صهيد- ولج ليش تبجينن هسه نلكاها

هيه ضلت تبجي لان عبالها راح ارزلها واني بالعكس عادي تروحلها فدوه الحلقه فدوه الها

صهيد- شجان عادي فدوه الج بس امشي خطيه عبد الله يبجي يريد ينام

دارت وجه علي وهيه تبجي

شجان- باباا ضااااععتتتت منييي والله اسفه

ابتسمت لمن كالت بابا وحضنتها

صهيد- ميخالف ميخااف حبيبي انت يلا امشي وامسح هل دموع ماريد اشوفهن

مسحت دموعها واحنه جاي نمشي لگينا الحلقه

شجان- لكيتهااا

اخذتها ورجعت لبستها اخذت كلنكس ومسحت المسكاره السايله من عيونها وعدلت شكلها وطلعنا اخذت عبودي من عمتي وراحو همه واني وشجان رجعنا للبيت كرار وشمس سبقونه للبيت واحنه وراهم بالسياره

صهيد- احبج من تكولين بابا

شجان- اني اكول بابا؟

صهيد- اي كتيلي بابا

شجان- صدك؟ شوكت كلت بابا ماذكر؟

صهيد- والله العظيم كلتي بابا واكثر من مرا ملاحظج تكولين بابا بس بوقت لمن كلش تكونين مقهوره وتبجين تكوليلب بابا

شجان- يمعودد اني ماحبب اكول بابا

صهيد- ههههه بس گلتيها؟

سكتت لان خجلت واني ضحكت ووصلنا للبيت

شُجان

لمن وصلنا للبيت صعدت عبودي وخليته على الجربايه عبودي هوايي ينام يحب النوم رحت اني طبيت سبحت وبدلت ملابسي لبس لبس نوم جان ستن وخفيف مشطت شعري وبقيته مفتوح رشيت عطر ورحت على الجربايه انتظرت صهيد يطلع من الحمام ولمن طلع استغرب بشكلي لان بالعاده اني البس لبس عادي هو لبس شورت واجه علي گعد بصفي اني كمت بسرعه وجبت الابتوب مالته وجبت الحلويات

صهيد- شتسوين بي مشتري جديد وعلي خليني اتهنى بي

شجان- اوي هاي فوكاها باوع خلي نسوي سهره اليوم؟ حباب

صهيد باوع علي حسيت بي يريد يكفخني وانام بس ضحك واخذ الابتوب مني

صهيد- شنو تردين اشغلج فلم؟

شجان- لااا اوكف اني ماگدر انزل بهاذ البس انتَ البس الگلبيه وانزل جوه جيب هاي الصينيه الخشب عرفتها؟ وجيب كوبين واثنين مواعين

بقى صافن رحت بسرعه بسته لان اعرف بي نقطه ضعفه البوسه ضحك واخذ الگلبيه ولبسها ونزل جاب نفس الي اريده خليت بالماعون الاول جبس والماعون الثاني خليت بي شامية وصبيت كوبي ببسي

شجان- اكو فلم كلش حلو رعب خلي نشوفه

صهيد- شسمه

شجان- تشاكي

صهيد- بس لا هاي العبه التتحرك؟

شجان- ايي هيه

صهيد- تخافين غيري

شجان- لا ما اخافف حباب

صهيد- بوسيني واقبل

بسته من خده بس هو اشر على شفته بسته بس علمود يقبل اباوع الفلم وشغل الفلم وگعدنا نباوع علي حضنت أيد صهيد من الخوف بس سويت روحي ما خايفه لمن خلص الفلم شال الصينيه وراد ينزل

شجان- اوكف

صهيد- ها

شجان اجي وياك

صهيد- هااا وتكولينن ما اخاف

شجان- اني ماا اخافف بس انتَ تهاف اجيي علمود احميك

صهيد- لتخافين اني ما اخاف

بقيت كاعده وهو راح نزل جوه صرت ارجف من الخوف وباوعت للجربايه مال عبد الله طلع منها راس وايدين واني ردت اصرخ طب صهيد منا رحت ركضت علي

صهيد- شبيج؟ !!!

شجان- اكوو اكوو راسسس على الجربايه مالل عبد الله

فتح الگلوب ولگيناه عبد الله گاعد ويباوع علينا باوعت لصهيد سد الباب وراح لعبد الله

صهيد- شفت ماما شلون تخاف؟ ماما خوافه

شجان- احم اني ما اخاف بس يعني خوفاني عبد الله انوب لا حس لا نس ساكت راد يوگف گلبي

صهيد- اسم الله شبيج، وبعدين ليش تحجين على عبواتي؟

ضحكت وگمت سوستله مميه وانطيتها اله وخليناه بالجربايه گعد يغفي لحد ما نام واحنه رجعنا وسد الگلوب بهذيج اليله لزگت بصهيد لزگ من الخوف

وهو جان داير وجه مني

شجان- اريد احضنك

همستله ودار وجه علي ماشوف شي بس مبين ابتسم ودار علي صرت بحضنه ونمت بس الخوف متملكني ، بقيت شوي وحسيت اكو شي يمشي على جسمي فزيت بسرعه وشغلت ضوه التلفون لگيت ثهيد مغمض عيونه ويضحك عرفته هو السوه علي زعلت منه

شجان- صهيدد شبيكك والله يخوف

صهيد- هههههه تعالي لحضني تعالي

شجان- شبيكك ماحبكك بعدد

تجمعن الدموع وگعدت ابجي وهو گعد يضحك واجه ومسح دموعي وباسني

صهيد- اسف حبيبتي

شجان- لا تعيدها مرا ثانيه

صهيد- ماعيدها

رجعت نمت بحضنه وماعرف شلون نمت رغم الخوف. گعدت الصبح ورحت بدلت وغسلت وجهي وگعدت صهيد راح هو غسل ونزلت جوة سويت الريوگ ونزلو الثنائي الطيف كرار وشمس نزلو وسوت وياي شمس الريوك واخذت هيه لجاي وصبينالهم بالاستقبال

كرار- ماخابرت وهبان؟

صهيد- لا خلي براحته

كرار- يمكن يتأخر اليوم

صهيد- دعوفه هسه

گعدنا ناكل وكرار جان كلش خايف على شمس

لمن كملنا شلت الصينيه ورحت غسلتها شمس جانت تساعدي بالبيت يعني التنضيف عليها والطبخ علي لان هيه ما تعرف تطبخ هواي شغلات، اند الباب ورح كرار فتح الباب طلع وهبان وكنان سلم عليهم ودخلو جوه وهبان سلم على صهيد واني وشمس سلمنا على كنان وتباركنالهم بعرسهم وجانو اسعد اثنين حسيت من گد الفرحه لو يسوون اي شي مراح يعبر عن فرحتهم الان، مرت الايام وكنان صارت تساعدني بالبيت اكثر وشمس نهتم لحملها لحد ما مرر الـ9اشهر واني رجعت للدوام ورا حمل شمس بشهر وكملت والحمد الله نجحت من الثالث وصرت رابع وصرت اهتم بشمس وبنتها شمس جابت بنيه سمتها ارجوان لان كلش تحب اسم ارجوان وكنان صارت حامل بس بعدلها شهرين وينورنا علي للدنيا

بيوم جنه گاعدين

صهيد- شجان شوفي عبد الله مدري وين راح

عبد الله صار يمشي لان عمره صار سنتين وهو شزلع گلبي من لمن مشى ولحد الان مانعرف وين يروح دورت علي ولكيته جوه الدرج

عبد الله - ماما ماما ثوفي هاذ عوو ( شوفي)

شجان - وينن العوو

سحبته وجان يضحك شلته وخليته بالاستقبال

عبد الله - اليد تتو ( اريد ككو)

صهيد- هسه اجيبلك تدلل

شجان- صهيدد موزين علي الحلويات

هو جتف اديه وعبس وجه وعود صار عصبي

شجان- هلووو هلووو عيني خاف ازعجناك؟

دار وجه مني عود زعلان

صهيد- عوفيي هاذذ حبيبيي محد يزعله اني اروح اجيلك الككو تددل حبيبي وروحي انتَ

عبد الله - ماا ماليدد ماما ما تكبل ( ما ماريد ماما ماتقبل)

رحت يمه وبسته

شجان- ماما حبيبي موزين عليك الحلويات

عبد الله - ماا

شجان- بس هل مرا؟

هز راسه فرحان وضحكت علي

صهيد- اروح اجيبب اطيبب ككو لعبوداتي

جلب عبد الله اله يروح ويه ابوه ولبسته حذائه وراح ويه ابوه للمحل واني گمت سويت الغده اني وشمس على الاساس يعزلون بس كرار غير رأيه وقرر يبقى على نفس المه الحلوه وكنان يوميه مشيبه راس وهبان اضحك على سوالفهم لان كنان بطنها گدامها وگاعده على التخم وتبدي طلباتها على وهبان والمسكين اذا ما جاب التريده تطرده برا الغرفه

شمس- اكلج شو ارجوان بس تبجي

شجان- ليش شبيها؟

شمس- ماعرف والله بس تبجي خبلتني اليل كله ما تنام

شجان- خاف التسنن اجاها

شمس- اي اعتقد لان دوم مصخنه

شجان- اي ولج هاذ التسنن هاي طبيعيه بس اخذيها للطبيب ينطيها شوف بالله

شمس- انتِ شسويتي لعبد الله؟

شجان- بفتره التسنن صرت اجيب ثلج وكسره واخلي اله الملهيه مالته وهو يصير زين لان بروده تصير على اسنانه

شمس - لعد اجرب هاي الطريقة

شجان- جربي تسوينها بالحليب علمود ترضع وتنام

شمس- مافهمت شلون؟

شجان- هو بدال ما تخلين مي خلي حليب

گعدت اشرحلها بس هيه ما افتهمت شنو اقصد لحد ما سويته الها اني وخليت بالبدايه بس مي لان ممسوين الحليب وجبت الهايه مالتها وكسرت الثلج وخليته بيها واخذت ارجوان من كرار وانطيتها الهايه وهيه سكتت لان حست ببروده باسنانها

كرار- بالله طگن بلاعيمها؟

شجان- مو كلساعع هيه مرا وحده باليوم شبيك

صارت ارجوان تسكت اذا انطوها الثلج وتضل تبجي من اسنانها لان يوجعنها. ، مرت السنوات واني صرت مرحلى رابعه جامعه الصيدله ببغداد وبعد هاي الاربع سنوات المرت اني صار عندي بنيه وسميتها قمر عمرها سنه ونص وعبد الله راح يطب عمره خمس سنوات وشمس صار عدها ولد اكبر من قمر بسنه وكنان جابت علي وبعدها بسنه جابت احمد.

عشنه حياتنا حلوه اني ادرس واهتم لاطفالي وصهيد ابدا ما قصر وياي او ويه اطفاله بشي وسكنت بغداد بفتره الجامعه اني وصهيد واطفالنا صهيد بوقت الاجازلت مالاتي نروح للبصره ونبقى كم يوم ونرجع وها نسيت اكلكم الحجيه سعاد ماتت الله يرحمها ماتت ورا ولاده كنان بشهرين الله يرحمها ويرحم امواتنا حيل زعلت وتكئبت لان اعتبها امي الثانيه وجانت كلش حنونه علي وهيه الي وگفتلنا كلنا بالولادات مالاتنا، صهيد شغله اصلا ببغداد وصار يروح ويجي ياخذني للجامعه ويرجع للبيت ولمن ارجع للبيت هو يروح للدوام وصارت هيج حياتنا وجنه يوميه باليل نطلع ونفتر ومرات نروح لورده ها صح ورده جابت ولد وسمته حيدر عمره ثلاث سنوات هاي هيه قصتي قصه شُجان وصهيد الي انتهت بسعاده وكلهم بين احضنان نسوانهم واطفالهم وحياتهم سعيده بس اكيد ما ننسى جمره ورا ما خلصت الجامعه رجعت للعراق وتقدملها نوح الجانت تحجيلي علي وان هو شگد يحبها هو اكبر منها بسنه ووافقت وتزوجت بس ربي ما رزقهم بأي طفل اله بعد سنه من زواجهم لمن صرت مرحلى ثانيه جمره جابت بنتها سمتها حور ، علي وميسره صار عدهم طفل واحد صار عدهم ولد بس جان كلش متعبهم شلون عرفت؟ رجعو علاقتهم بينا واعتذرو من عدنا صرنا بكل اجازه نروح لجدو علوان ونبقى يمه كم يوم وبعدها نرجع لبغداد …

ألئ هنا ونگول انسدت ابواب شجان وصهيد 🥹🥹

_____________________________________

رأيكم بالبارت الاخير؟ 🥹🥹🥹 حبيتت البارتت كومهه بيي احداثثث اهنا كملنا روايه شجان وصهيد ويه اطفالهم عبد الله وقمر 🥹 على فكرا هسه شجان تخرجت قبل سنه وهسه هيه هم حامل والبعض يدري بيها والبعض الثاني مايدري اتمنى عجبتكم قصه شجان وصهيد + اشتركو بقناتي على التلي اهناك تلگون نشرت صوره لعبد الله لمن جان صغير 🥹🩷

قناتي على التلي 👈🏻