رواية اماً لهن الفصل الخامس والثلاثون 35 - بقلم مريم السعدي

بارت ٣٢

#أماً_لهُن

#مريم_السعدي

الهام....
شي شي بيه يتفتح مو للومه قبل لا ابسط شي اضحك اسهل شي عدي الابتسامه وهمسه
الهي لك الحمد والشكر

متصل بعد بس اميره اتصلت وحجتلي شون اجه يحجي وي عمامه وانطتني الموعد

ماانسى وكفته ويايه بالبيت ماعاد اتصل بعد اخر اتصال بس واني ببيته وصلتني صور كاونترات واثاث من حسابه دز

اختاري ياهو اليعجبج ولتناقشين
كانت اروع لحضات حياتي وكانما اسس حياتي وياه يوم يوم من الصفر بديت اختاريت ورسلت اللي اختاريته بفرحه طفله مراهقه دللها حبيبها

دزلي رساله كاتب..
يبقى اثاث البنات شوي شوي
وبالنسبه لغرفه نومج نختارها سوه شتكولين

- اوك
- على ذوقج
- اوك
- ام نفر لو نفرين

مرديت وكلبي زادت دكاته هاي هاي الرجفه مال مراهقه اول مره تسمع غزل
رد رسل
الاحد عماني يجون لعمج
مرديت
رسل
للومه
مرديت ماعرف شكول ماعرف شون اعبر دك تلفوني هم مرديت
كل السويته
دزيت لايك

بعد متصل ولارسل
اتصلت اميره ورديت بلغتها موافقتي كالتلي تنصح
حرمصي لتردين عليه خليج ويايه. خلي يتلهف يشتعلن اجداده

- اوك
وفعلا الاحد جوي على عمي طلبوني وعمي اتصل بيه وبلغته موافقتي

واخذو موعد الاحد الوراه الكعده
وفعلا جوي لبيتي يمكن اول عريس بنفسه يجيب كيك وعصير المشيه والكراسي

ورتبهن وحتى غسلهن بنفسه مطب للبيت شغله بالطرمه وفاتح البابتين ثنينهم
الطبلات رتبهن حدما كمل دك باب المطبخ طلعتله عسل

جنت خجلانه وخجلي يضحك خجلت يشوفني سمعتها كللها
عمو تعاي قفلي الباب ورايه

للعصر جوي النسوان جوه و الزلم بره.
حسن يفتر يقدم العصاير والكيك
ولاجن اخو مرته
علاقتهم تضحك
عسل عيونها تعاين بره مرتبكه وتفرك بديها

انتبهت عليها
خجلت اسالها شبيج خاف رافضه خاف ممتقبله وجوده ببيتنا

اني هم جنت خايفه من رسل بس اعرفه وواثقه بي كد ثقته بحياتي

ازل كانت بيومها محاوطتني اهتمامها ثوب الكعده هي الجابتها مثل الكلابيه اسمه قفطان مغربي بيها محزم عريض شسورت شعري وخلته صفح تعرف. عقدتي منين

كان مقرر عقد شيخ ويه الكعده وحلقات مكيجتني هاديء

ضمت شكو تجعيدات خفيفه يم عيني من باوعت لروحي. حبيتها

الهام حبت نفسها افتر واتخيل عيونه اتخيل روحي وياه زوج وزوجه

طير تطير روحي
طلعت واميره هلهلت نسوان عمه شاركوها رسل ماكانت موجوده كعده قبل ٣ ايام بينها وبين ازل خلاني بحيره.
ليش هلكد شايفتني فال شؤم

ازل....
كعدت ويه رسل نخلي النقط عالحروف يكفي سنين راحت من عدها خاطر ابويه. اقلها

طبيت للغرفه وقفلت الباب
رفعت راسها باوعتلي ونصت ترتب بغراضها بهدوء
تقربت كعدت عالمندر لان ماكو كناتير سلات ولااكو اسره مندر
انتظرتها تكمل على كيفها وبراحتها. كملت والتفتت

رسل : شكو جايتني شعدج
باوعت بعينها

ازل : رسل احنه خوات لو اعداء
ابتسمت بسخريه كالت

- خوات الله يچرم
- عمري مكرهتج بس ابتعدت عنج. لان كمت اخاف منج

- لتخافين ماعض كالتها ولزمت ايدي كعدت بصفي تبتسم

- احجيلي شبيج
كالت تبتسم
- شبيه اخبل ههههه
- لشوكت تضلين. عازله روحج

- مو منكم منها ماعدي شي وياكم
كالتها وجرت عينها

- منو للومه شمسويتلج
- ازل معليج منها طاوعيني وتعاي ويايه

- وين اجي باوعت بعينها متلهفه وتشرح
- لج ازل فلوس مناصب ناس كبار كباررر ولاهالعيشه الزفره

- اني عدي شغل الحمد لله كافيني
- اززززل طاوعيني لج هذا الشيبوب ميفيدج عده عقده تعاي يمي والله شوفتله صورتج لرئيس قسمنا تخبل عليج كال خل تجي تشتغل راتب قوي الها

صفنت عليها سالتها اجر لسانها
- وانتي وين تشتغلين. رسل
- اني صعدت صعدت حيييل فوك متتوقعين بس حسبه ببالي اطكطكها وارتبها. واطير بح اشرت بيدها للسكف تبتسم مفتخره بروحها

- رسل خاف اضيعين روحج شو حجيج يخوف
- خافي على روحج هسه شكلتي تجين وج راتب ٧ اوراق بالشهر

- صفنت عليها وين اعوف عمو
- دعوفي هذا مريض نفسي واللي ببالج يتعبج اسمعي مني يبنت امي وابوي

- لامااكدر
- شكد دينطيج جم فلس
- موعالفلوس اني روحي بيهم اهلي ذوله

- ميفيدوج والله اسمعي مني
- وين اجي

- تعاي ويايه خبلي صح هو متزوج بس عادي يترسج فلوس
- ههه كل عقلج عذريني لو اعرف ابقى بله زواج. ولا اخذ واخذ من مرته

- بابا هو شنو قميص دتاخذي رجال هذا رجال الله محلله اربعه

- لامااكدر خليني بشغلي جوز فد يوم اجيج اكولج شغليني

- تبقين ويفوتج القطار ازل اصحي من غيبوبتج ادري بيج تحبي

غمضت ونصيت راسي
- لتخافين مني اني مو مثل قبل بس انصحج ميفيدج هذا ازل

- ماريد
- ابقي هيج مثلها اصلا ماعرف شون تكدرون تحجون وياها وتكعدون اصلا اني اخاف منها احسها عدوه فال موزين اخاف احجي وياها واصير مثلها معنسه محد يباوعلي النوبه محروكه اييع

بقيت صافنه عليها
- الله يساعدج على سواد كلبج
- لا والله شوفي عسل من كدما مكابلتها رادت تحترك

مجاوبتها
- رسل انتي مرتاحه هيج
- كلش كلش مرتاحه شوفيني ذهب وفلوس فتحت جنطتها انصدمت وباوعتلي

- المدير هواي يريد خاطري يعني تخيلي. بيوم اللي ماداوم يتصل يكولي الشركه متنجرع دوونج تعلق بيه

تحجي وترفع حاجبها اعجاب وغرور بنفسها
صفنت عليها خايفه عليها همست

- دير بالج منه
- لتخافين عليه سباعيه بس انتي خافي على روحج واختج من هاي الفكريه العانس
هزيت راسي وطلعت

طلعت راسي مصدع منها موطبيعي. تفكيرها. مريضه. الله يشافيها نفس الوكت خوفي عليها جتفتني تجتف مالي غير الدعاء وشكوتي لبيبي
اتصلت بيها بليل ردت

- ها يمه ازوله
- هلو بيبي حبيبتي شونج

- زينه الحمد لله عايشين تحت رحمه الكريم
بيبي وصلتلج الحبوب الفيتامينات دزيتها بيد سيدار

- اي وصلتلي ماليش هذني
- بيبي هاي فيتامينات حتى باذن الله متتمرضين اقل شي مناعتج ضعفانه

- اي والله يبيبي عاشت اديج وعود قبل لانام ابلع وحده

- اي بيبي قبل لتنامين حبيبتي ولتنسين حليبج فدوه انتي هسه مثل الطفل يحتاج للحليب علمود عضامج

- هههه انزول عليج ازوله شحلو توصفين
- هههه احبج بيبي اموت عليج

- فدوه لكلبج هذا الطيب شبيج حبيبتي ليش ضايجه لتضمين على بيبي
- والله بيبي ماعرف شكولج بس تصدكين حجيت وي رسل مثلما كتيلي

- اي بيبي عفيه تبقى اختج يوم الله وصه بالرحم
- اي بيبي بس
- اي احجي بيبي

- حجيتلها كلشي الكالته عن للومه عن عملها عن كلشي دار بيننا وهي تصبر وتعلم
علمتني ادعيلها الله يهديها صارت ب٢ وبيبي متركتني حدما سمعت صوت كحته

فزيت وخنست
كال
رائد : يوم وينج حجيه
- هايمه
- ها ويامن تحجين
- وي ازوله

- ها هاي ازل شعدها ساعه٢
- انت شعليك اني وياها شكعدك
- مادري عطشان وكمت كلاص الاسود وين

- ياهو
- يمه كلاصها وين
- هاها هذا مخليتلك بي عصير
ازل : ترخصت من بيبي وسديته
كأنما اخذت جرعه راحه من سمعت صوته وصوتها لبيبي كمت فتت نمت

الهام : سمعت كلشي بيومها تركتها ولاهميت بيها واليوم اني اتحضر لنيشاني
لقب العروس ينعش روح روحي

طليت عالنسوان الموكفو هلاهل
اميره تشمر الجكليت وتردد بكولات تخبل
كعدت عسل بصفي وازل بحجابها اليخبل ومرت عمي وبناته وجناينه وعسل كامت تشغل السماعات كانت ضايجه مرتبكه وتتصفن وعيونها عالطرمه كلما. صار صوت جرس
كالو
لبسوها وبركعوها حيعقد الشيخ ولبستني ازل واميره وطلعو بس مرت عمهم الجبير بقت وعمي وطب الشيخ ووراه انورنصيت عيني باوعلي مبركعه ونصه
لابس قاط رصاصي هيبه وكشخه كلش يرجف كلبي لكل لحضه لمتنا سوه

من يوم التقينا لحد ماا جهز البيت
كمل العقد ووقعنا جانت ايده. رزنه ايدي الترتعش حدما كال الشيخ

على بركه الله مبارك
وهلهلو اني معرف شصار بيه
صار عمري ١٨ سنه وشوي شوي اكبر وشريط عمري يمر كدامي

مراهقه وابويه يدللني واخويه يشاقيني
تخرجت توضفت انخطبت لرافد وفصخت ومن جديد انخطبت لميثم وفصخت وهسه اني

حب حياتي اللي عمري محبيت كدما حبيته
صديقي وحبيبي ورجلي صار

حجايته من يكول
( اني عدج للومه لتخافين اني موجود)

ياربي عوضك شكد حلو
فرحتي عكست على كل الموجودين
خجلي من عمري وسنينيه النسيت اني شكد عمري بهاليوم

طلع الشيخ وتقرب كعد بصفي فرك وجهه والتفت عليه شاورني

- دنزعي الخيمه الناصبيها فوكاج
ضحكت باوع لاميره كال
- ايه الله العضمى تعاي نزعيها تبقى هيج

كالت
- متنزعها انت جا غير صرت رجلها لو كمت تستحي هسه

باوعلها وباوعلي جر نفس ووكف كدامي نصه وشال الحجاب ورجع شال العبايه كان يحاول ميباوع بوجهي وميحط عينه بعيني مرت عمي حجت
شوكت العرس لعد خما جهال همه

جاوبت اميره
- لاحجيه نريد نسويلهم احلى عرس خلي يخلص صفر نتنحس منه احنه يكمل وان شاء الله نسويلهم عرس ونزوجهم

كالت مرت العم
- وعود يجي هنا كعيدي لو ياخذها عده
جاوبت اميره وردت ابوسها بوكتها
كالت

- حجيه هو بنه البيت لان الهام مارضت تطلع من بيت ابوها فكلها اني ابني الج حتى ماااتسمه كعيدي واعتبري مهرج

- هااا هيج اي شكوش منها لعد مالبسها ذهب
- اي انشاء الله عالعرس يلبسها تخم يسد حلوك الكارهين ويفرح المحبين ياگلبي

سكتت مرت عمي وتعاين وهو يفرك بوجهه ويعاين لعسل يبتسم اشرلها
جتي

- نعم عمو
- فدوه لگلبج كلاص مي نشف ريكي
كالت
- اي بعيني
وراحت عاد التفت

واني ضاعت حروفي معرفت اجمع

كال
- الله يوفقني واشيلج بعيني
بقه يباوع بعيني واني منصيه
همس
- للومه

رفعت راسي ابتسم جر نفس وهز راسه والتفت على عسل الجابت المي

لبسني الحلقه ولبسته شد على ايدي بقوه يهدا رجفتي شاورني
- شبيج ترجفين
- مادري

ورجع شاورني من دون ميباوع بوجهي
- اريد بنيه مترد من اتصل. اقصد مره صرتي مره جر نفس وكمل

- مرت انور القافل عالنسوان طك قفله يمج.. واترخص شال ايده سلم وطلع

كانت حفله هادئه ضاهريا بس بداخلي
الف دف وطبل يدك
.
.
خلصت الحفله وعسل وازل يلملمون رسل اللي ابد مطلعت من قبل يومين من عرفت بسالفه انور من عسل صدفه ملامح الدهشه على وجهه وطبت للغرفه

ليش مو من حقي اعيش مثلكم بيش قصرت وياكم بيش

اسمعها تكول لعسل شوكت صارت شوكت تقدملها مخبل اعمى زين يدري بحركها

( يدري بحركها )
كلمتين فرت دماغي شون خاف اكوله ورد فعله مثل رافد خاف ينصدم خاف يشمئز

كمل الحفل وفتت لغرفتي بعد مارتبنا الهوسه
طبيت لزمت فوتي عالشححن كان
شفت منه رساله

- وينج اريد احاجيج
رديت
- هلو
مرد
- نمت والله جنت انظف الهوسه وي البنات
شوي ورسل
- ياهلا بمريتي
واتصل
رديت كال

- الوو
- هلاو
- هلا بيييج يااحلى عروس
- ههه
- شطالعه كل هذا مضموم بالدفاع

- هههه
- رتب يابه منو يحاجيكم
- ههه هاي شبيك
- شنو جذذذب عمي عروس وهيبه وصدر ديوان

جريت نفس وذبيته. همست بنعومه
- انور لو اكون كدام الكل رجال بس كدامك اني اضعف مره
سكت وطول سكتته تحسر كال

- مدري شوكت حبيتج مدري شون انسطرت بيج ليل نهار افكر بكل تفصيل بيج شخصيه وخلقه لج شسويتي بيه

- شسويت
- يعني رجعتي ثقتي بالناس بيج
- حتى انت

- اني شمسويلج وضفتج من كتيلي روح ماريدك بعد فوكاها وضفتيني
لو تحملتي عقليتي المريضه

- لا وكفت ويايه بوكت محد عدي كتلي اني عدج حجايه محد كالها الي من وكت ابويه

- انتي سبعه للوم
- الحمد لله

- اممم شعدج دازتلي عدي حجي وياك لازم تعرفه
صفنت خايفه
احجي لسمع خاف اكو اسرار

- انور شون يعجبك جسم المره يكون
كلتها وتندمت اني شخربطت 🤦🏻‍♀️

كال
- شنو ههههه شكلتي

بقيت ساكته مغمضه داخلي خايف واتخيل الحرك ومكانه ونظرته اله موفد شي والله بس هو رجال

همس
- للومه
- نعم
- احبج انتي

- مو اكو شغلات خاف تضوج
- ماضوج لتخافين
- انور
- اششششش سكتي هسه اريد انام للومه

- اوك تصبح على خير
- وين وين
- موتريد تنام
- لج سنين ساكت اتأثر واضمها بكلبي
- شنو
- تره انتي مرتي

- شنو اي كول
- شعرج حلو صابغته
- اممم بلون شعري صبغته ازل

- عدج شامه بزندج هو شون زند
- هههه
- اكولج شون محافضه على رشاقتج

- اكلي عادي مادوس وامشي واصعد وانزل هواي كلش بالدوام
- امم معضل جسمج مال صعده ونزله رياضه

- انت كمت تخربط وصوتك نعسس
- نعست بيج

- انور صباح الخير
- نعم حضره الضابط
- ههههه

- لج لو يشدولج السما بنجومها دقيقتين عدي متطولين
- ليش يعني
- اوكعهن نجمه نجمه اموعهن

- تصبح على خير
- باجر اني اجي عليج من الدوام اخذج
- ليش

- مسواك عدنا مال فرش مفرش وخاوليات على كوله اميره ايه الله بياضات العررس
- ها
- اي ماعدنا وكت اسبوعين بس

- اوك
- غرفه نوم بدربنا نشوف
- خوش

- ويبقى الذهب
- لالاماريد
- شوي سدي حلكج اني لو موكد الزواج مااتزوج
- خنست

- ومن هسه داكولج مصرفكم عليه.
- لالالا اوكف
- شكووو هااا

- انور اني ويايه ٣ بنات موبس اني وانت
- اي هاهي

- لك عيني تقاعد ابوهم موجود ميصير هيج حرام عليك ابنك احق بي

- لعد شووون
- زين نتفاهم عليك ربع وعليه ٣ ارباع خوش
سكت

- انور فدوه لخاطري
- ماشي
- عليك الريوك وعلينا الباقي

- كيفج
- فدوه لكلبك حبيبي
- امم
- ليش ضجت

- مادري معجبتني السالفه
- ليش عمري انت
- بعد بعد احجي لتسكتين
- احبك

- فدوه لصوتج اليرجف فدوه لطيبتج وحنانج شوكت اصبح وامسي بيج واتدلل براحتي
- مبقه شي ان شاء الله

- الله يتمم علينا بالخير
- يارب
.
.
.
ثاني يوم من الصبح اجه صادفت عطله الجمعه
ولاول مره ننجمع فد ميز اني ويا والبنات
جان نوعا ما منحرج من ازل
رسل مكعدت ويانا جنت متلهفه طايره مبتهجه اصب جاي واسوي بالريوك اعرف شون يحب البيض واعرف شون جايه واعرف الخبز يحبه لازم حار ولازم خبز موصمون ولازم وي البيض فلفل اسود

اخلي والبنات يباوعولي عسل كلسا تصنف وهو يباوعلي من اتحرك ازل ترخصت راحت بيت الحجيه. لان عدهم ثواب على روح اسو وعسل طبت نامت

كملت الگهوه وصبيتها كان ساكت يباوع من جوه ليجوه اصب ويباوع بعيني من جوه حاجبه واصبعه جوه خده

كعدت كدامه منصيه على فنجاتي احاول اخفي فرحتي وابتسامتي

كملت نص الفنجان بهدوء عيني مرفعتها مشفت اله ايده تقدمت جرت الفنحان من ايدي ووكف لزم كف ايدي كايدني ومشه بيه للغرفه

واني مطاوعته
اله الحق بيه واريد لهالحق اريد اعيش واتنفس اعشق واذوب واذوب. بيده وفديت من تذكرت حركه ركبتي الياخه العاليه اللابستها بالكلبيه حتى ميبين الحرك

وكفت رجلي بالباب مال غرفه اباوع بعينه بارتباك ياوعلي من وكفت باوع يمنه ويسره وفتح الباب وجرني بسرعه وسدها

الغرفه ضلمه البردات مسدوده بصيص ضوه يجي من الحديقه حسيت بقربه من حركته التحركها

الضوه ورايه صار تلمس شغل الضوه الصغير الاصفر والتقت عيوننا ابتسم وعيونه تكحلت الديحسه حجته عيونه

من دون مينطق
حسيت بوقع ايده من جوه ركبتي على دشداشه مشت لحد خصري غمضت جرني لقربه

صرت اتنفس عطره الغاسل بي كلهاي ولحد الان. متصرف بارتباك ميعرف شون يبدي

يريد يحجي هواي
واختصرها
بالهام
الهام شون ابدي

الهام اني اريد احجي هواي گلبي متروس وماعرف شون اعبر مداكدر اوصف مدا.... وقطعها ساكت بس يتنفس

نفس. نفسين. والثالث جرني لحضنه بكل قوته وكانها ايام وليالي من الحديث الغير منقطع يحضن ويشدد بحضنه اكثر احس حضنه. وقساوه صدره تصيح

محتاجج رفعت ايدي تلمست شعره بهدوء ورقه نفسه اضطرب حيل راد يدفن راسه بركبتي ودفعته
خفت لاشفافه تخس بحرك ركبتي خفت لايشماز وميعود يحس عالاحساس

ادفعه ويرجع يحضن

لاانور فدوه بس باوع
ششششش اعرف بيش دافكرين

انو بس افتهم ابتعد احجي وياك
ماابتعد شش اهدي اهدي هاي شبيج ماعدج ثقه بيه
سكتت اني ماعدي ثقه بجسمي اباوع بعينه واتنفس واحجي وي روحي ماعدي ثقه بجسمي اني

غركت عيونه بعيوني عيونه كانت تصرخ حاجه وقرب تريدني اخفف اوجاع سنين تقرب من اذني بكل هدوء وشاورني.

بنفس دافي وهمسات رقيقه همس

للومه اعرف كلشي ويعجبني
بقيت جامده يقصد عاللي ببالي لو

ورجع كمل كلام
وايده ارتفعت برقه على ياخه ركبتي يبعدها بكل هدوء يخاف ليفززني

همس باذني
للومه اعرف شكو هنا ونصه راسه برقه كلش وباس االحرك
وكمل كلام

اعرف كلش زين شكو هنا واعشقه بقه يبوس برقه واني كل جرح بيه طاب بقبله سحريه عالجت جرح سنين

ششون شفتها
مالج دخل خليج ويايه احساس باحساس
منو كلك

محد كلي عيوني العرفت اشش خليج ويايه. ركزي بحركااتي وياج انسي كلشي

غمضت وسلمت روحي تعشق وتطير وتحس باحساس جديد

جان جريء ومتحفظ نفس الوكت بعمري متوقعت يوم رجل يفقد كدامي يعض اصبعه حتى ميفقد زايد كلما يتجرا زايد يبتعد يهمس

عيب من البنات
كان بكل مره يكولها يرجع اقوه يقترب

حدما تعب ونفسه ضاق لزمته الكحه كعد عالطبله. البلاستك منصي واني صافنه عليه ايدي على صدري خايفه عليه

شبيك
رفع راسه يبتسم يتنفس بتعب
رفع حواجبه وغمض.

رجعت مراهق ههه تعبت مااكدر ابتعد من حضنج
نصيت خجلانه وخجلان ويايه كل يوم بعمري راح من دونه طلع من الغرفه اشرلي

انتظرج بالحديقه بدلي بسرعه دنطلع نكمل مسواك

اوك
طلع واني اباوع روحي بالمرايه الصغيره خدودي اللي تحمرت وعيوني التلمع حتى حد شفافي اثر قبلاته تغير لونه عدلت روحي واعاين للحرك

شون عرف
شوكت
بدلت وطلعت اول مشافني كام من الحذيقه وراح للسياره صعدت وطلعنا للسوك اشترينا هواي شغلات حتى هو ملابس اله اخذ

والاحلى
اختار الي ديزاين لبس جديد
مانتو وبنطرون فوك الركبه الوان مريحه كان يرهم وينسق مبتسم كملنا كلشي دنسولف ونمشي صادفنا ابو مناشف

كال
دقيقه خل ناخذ طبينا وانتبهت على البرنص ابتسم ولزم طرفه كال

ايبااااه هههه عمي شون سعره هذا
ابتسمت ونصيت عرفت عليش يلمح التفت باوعلي اشر

هذا لو هذا
كيفك
اي طبعا كيفي قابل كيفج

لاكيفك
اختار  نفس اللون الي بالفندق وطلعنا من المحل اول مصعدنا بالسياره باوعلي يبتسم كال

اني مقصر طبعا اني لو ادري وره هالبلكون زواج عمي ولاافتح شباك الغرفه

هاااا
اي والله
بعدنا باولها

وج اني بعد طمست هي مال اولها وتاليها شحتغدينا
عدي كباب تكلاه

ايباه عدج خضره
لا والله
لبن ناشف
لا

يله هسه نجيب بدربنا
اوك
جنت طايره بكل مشاركه يشاركها ويايه رجعنا كلينا سوه وعسل تروح وتجي صافنه تبتسم لوجوده

عسل....
انسان غريب رغم كل ما بي من حنان حب واحساس حقده على ابو جدا غريب حسن شاركه فرحته وهو موصل

سالته اكثر من مره
ليش مجيت
ياب شعدي جااي اووه
غير ابوك

اي ومعرس اني شكو بالخير عليه
يعني انت تكرهه
شعدي وياه يابه لكم دينكم ولي دين

يحيى
عيوني
تمنيت اشوفك حتى لخاطري مجيت
سكت متحسر

يحيى باجر اداوم خايفه
ليش تخافين گليبي الحق وياج واكلنا اكل شحده اليوصل بعد متر منج بعد

سكتت مغمضه
هيج اهون عليك متجي
ممخليج وحدج اني وياج
خاف انت بالخارج مو هنا

ههه يجوز
يعني انت مو بالعراق
سكت
يحيى

هااا كلبي
انت مو ببغداد مو
سكت
يحيى مو داحاجيك

اي اي مو ببغداد متشوفين ماكدر اوصلج
وليش متجي
ماكدر
مطلوب للعداله مو ماكو غيرها انت هارب ومكتدر تطلع عدك عيون بكل مكان

شنو علم دار
اي لتصنف احجي
اي يمكن
سكتت تعبانه من هالشي
عسوله
ها
ليش ضجتي

يعني انيهم حالي حال البنات اريد احس بحييبي
شسوي بعد واصدكين بيه
اريد اشوفك
من اول كتلج ماكدر نلتقي نفتح كام ميخالف بس ماكدر نطلع ابد ابد

يعني مطلوب
اي موكتلج اييي
اوك تصبح على خير
هله

سديته منه وانتضر يرجع يتصل يراضيني متصل ابد داومت جامعه محاضرتين عادي مشت وام اللوز ويايه داانتضر الدكتور يفوت طبيت فتحت ملزمتي وانصدم بورقه بنصها

مكتوب
قسما بالله اذا ماخليت اهلج يدورون عليج وميلكون منج ضفر مو يزن اني يوم ثاني داومي وشوفي اليجرالج اني يفصلوني وانتي تداومين بسيطه اذا تردين شرفج بطلي

كتابه بالحاسبه حتى مو اثبات خطي عنه كلشي بيه انهز خوف اتلفت واشوف منو يباوعلي يعني هو مخليها لوزه تحاجيني ماجاوب جرت الورقه من ايدي قرتها ووكفت بغضب ودتها للدكتور اول مطب

والدكتور كبل اخذها للتدريسيه والعماده الدنيا انكلبت واني بس صافنه الطلاب يباوعولي ويهمسون مهددها هو مو سافر لعمان منو مخليها الها
واني صافنه حسن طب للقسم اشرلي
كومي عسل

كمت وياه بهدوء طلعنا رجعني للبيت عمو انور كان هناك وعم بابا وللومه واصللها خبر للومه للوضيفه برساله بالتلفون

للومه اعصابها فارطه
وراحو وي انور لبيت اهله كل الكالو اهله سفرنا بره هدد عمو انور اذا صار بيها شي اجي عليكم كل الكالو

ومنو اليكول هو يجوز واحد يريد ياذيها وذابها براس ابننا استغل فرصه احنا معلينا ابننا بعمان

يتبع....