رواية اماً لهن الفصل الرابع والخمسون 54 - بقلم مريم السعدي

بارت ٤٧

#أماً_لهُن

#مريم_السعدي

حسن ...

انتي شي خيالي مااعتقد راح اشوف مثلج بحياتي انتي اللي يكولون عليها انثى غير متكرره والاقسى من كل هذا من كملتي قصه وسديتي الكتاب وجتي عينج بعيني صفنتي ثواني فززتيني ورديتيني بغيبوبه عقلي وكف اشر على راسه وصار الشغل هنا واشر على كلبه
نصيت عيني لزمت الكتاب قري متوتره وكلبي يرجف بكلامه

سكت ثواني جر حسره همس
- وين وصلنا
- باوعتله للمحل

- امم اخذنا محل اني جنت متقصد اقترح عليه يكون مكتبه حياوي مقبل كال ناجره ويجينا اجار واني رغبته لا مكتبه وتتفرغ بيها للجهال بشارع المدارس وكذا وكذا وانت معليك بس تاشر ولد عثمان بنكلادش هم الله دزه النا خوش ولد وصار وياه وياه وحياوي يجازي تعبه

اول مسواك اني تسوكته وياه تقصدت يكون نصه كتب لان ادري حيقضي وكته بالمكتبه فبيش يلتهي بالقرايه وهو يحب يقره وترسته كتب تثقيفيه تعليميه توجيهبه. مواجهه قسوه الحياه وطرق الربح والبزنس وكذا. وكلت بعد هو كيفه. وتركته. يشتغل والله. خطيه اني كام ينطيني وارد كاجار لان مواصل للمكتبه كله. خط وجامعه والله مريت هيج صدفه واشوف المكتبه. انصدمت

فاكلجياها مطبعه ليزريه عالمعدن وعالخشب صوريه وطابعه ملون وعادي والوان ارقى الوان يعني مكتبه على شكل سوبر ماركت شتردين موجود كوابه يسووها بيها صور كلشي كلشي صدك انصدمت

هو تحت ارشاده وعثمان ينفذ واكو عالم يوصيهم يجيبون البضاعه المختارها هو للباب طبعا صار يتعامل وي عالم تسافر تجيب من الخارج فاي احد يريد شي مميز يلكاه عده

جان بس يجمع من الصبح لليل يشتغل حتى مكان قراءه بالجديد سوه مثل الكوفي معجنات وكهوه وجاي وعصاير بارد حار ومكان قراءه اجر القطعه البصفنا وفكها عالمكتبه حيل حيل مرتب يحيى ست سنين بس يجمع من غير الاربع سنين قبلها هم جان يشتغل. ويجمع ابد ميصرف حدما ابو تزوج عاد اشتره البيت واني فلوسي بالبنك كلت من يتاهل عود اني اشتري فد شي على كدي ماجان بضني فد يوم يرتبط كلبي ابدد

رفعت راسي نزل الكتاب البيده ابتسم همس
- اسالي ادري تردين تسالين
- ليش
- شنو الليش
- ليش مترتبط

نصه راسه ارتبك ورد باوعلي ودار وجهه همس
- صعبه يعني شوي جان عدي طقوسي بس تكسرت من يوم انتبهت عليج ومن يومها واني انتظر لحضه دخولج واتمتع بمراقبتج تقرين

- اهلك مسالو عنك
- لا بعد ملو وكطعو
- ليش
- اني هم مو ادمي ههه مااتحمل بسع اعصب
بقه يباوع بعيني يبتسم
رجعت سالته
- اهلك وان سمعت منهم شي يبقون اهلك
- مااتحمل
نصه راسه
- الديحجو صح واني اشتعل مو لان همه ديحجون لااا بس لان اخجل. منهم والديحجو صح

- يحجون عليك كلتها وطبكت الكتاب
- همس لا وعيونه عالميز
- عليمن لعد على ابو يحيى
رجع همس وهز راسه برفض
جج جر حسره كال
- اختي مسويه مكسوره واني طبكت وياها لان عده فلوس اللي اخذها
حجاها وباوع بعيني همس وجهه تغيرت كل ملامحه
يعني تطلكت من انور حتى تتزوج صديقه المقرب الجان يطب ببيته ويبات عده شتردين العالم تحجي وشون تكدرين تسكتيها

غمضت وفركت وجهي شفته دار وجهه وعظ شفته
- انت مالك. ذنب
- اي اعرف بس موبيدي اتسمى اخوها
- عمامك هم انمسو وخوالك هم
- لهذا اني بعدت روحي حتى من يشوفوني ميتذكروها
- ميخابروك
باوعلي بتعب
- اي دوم يخابرون وواني مااسأل او حتى مارد. خالي الجبير توفى ورحت للفاتحه تدرين كلها كامت وتسلم عليه بحراره بس اني مكدرت ابقى استحي. من السوته

- زين جرب ترجع علاقتك
- اخجل
- روح الهم زياره وشوفهم
- اتمنى اكسر خجلي هسه شال تلفونه هسه تلفون واحد الكاه بالجامعه ان كان خالي او عمي. يحبونا ويحبون ابويه بس اختي سوايتها تعور السمعه

نصيت راسي باوعتله
- شون تكدر تعيش
- منو كلج عايش اشكال سمعت اشكاال اول ما عم الهام مرت انور يكولي انت اخو مرته وعايش وياه عشنا وشفنا

بقيت اباوعله ورقه بيده ميت مره صفطها ورد فتحها بقيت اتامل لحيته وركبته مرتب حيل ونضيف تذكرت اخوتي
باوعلي ابتسم
- شبيج تباوعيلي
- منو يغسل هدومك
- هههههههه هذا الهامج ههههههه اني وبيدي واكويها هم هههههه حتى الحواريب اكويها
ابتسمت
تلاشت ضحكته وصفن

- هاي الي الابتسامه لينا
هزيت راسي من دون ماباوعله
- يله نروح ب١٢
- صار بس مكتيلي
- شنو
- يقبلون اهلج اذا جبت
راسا رديت
- الا عمامك وخوالك
هز راسه ونصه كال صار تدللين اشوف شون اخابرهم
كالها وضحك
والله فشله اربع سنين ممحاجيهم ولاشايفهم وهسه على غفله اتصل بيهم ههه يله لاجل عينج كلشي يهون
زين وانتي

- اني شنو
كلتها ونصيت ابتسم
- ماعدج اعتراض عليه
- بقيت ساكته استحي ارد
رفعي راسج باوعيلي
مكدرت بس ابتسم ومنصيه عالكتاب كال
- كومي دننزل صارت هوسه اهل المسائي جوي
- اوك

نزلنا وصلني قبل لنوصل كال
- شوكت تنامين كالها وباوع للمرايه يبتسم
جاوبت وبعدت عيوني
- ليش
- لينا احنا لازم نحجي تلفون فدوه لتخليني وحدي حاير اخوط والوط بالمكتبه اخاف احجي شوي اكثر خاف ينتبهون

- اوك
- شنو شنو اوك اتصل
باوعتله ابتسم
- بس ب١ من افوت لغرفتي يله
- عمي عسى مال قبل طكه الفجر بشويه هاهي راضي بالقليل الدائم خير من كثير منقطع.
- اوك مع السلامه
- الله وياج

نزلت وكملت شغل وخابرتج اني شون فهميني روحي تعلكت بي
عسل : والله حسن ذهب وقصتكم ركصت كلبي
- ههه لو تشوفي من يحجي سارح هيج اني حلوه
- شبيج لعد عوبه صح اخوتج كصاصيب بس انتي فستقه
- فدوه لعينج ديله حروح اغسل مواعين
- اوك
- باي
- هلاو

سديته منها غمضت ابتسم لوزه هم اجه وكت تخجل وتهدا وتذوب لوزه الحجاره السبعه سبحان الله ربي
ثاني يوم داومت كعدتني ازل غصب عني ورحت للجامعه كالت ساعه ورجعي بس سجلي حضور ولو والدراسه بالبيت درسيها خل الطلاب يدزون الملازم
داومت خابرت حسن كال جاي

لوزه من صعدت وشافتني شهكت وحضنتني صايره عطوفه وحنينه عيونها تلمع من تجي بعين حسن وحسن مسيطر ابد مباوعلها عباله مادري نزلنا للجامعه يحيى بالباب واكف كان واضح عليه اللهفه

وكفت السياره جر العكازه بعد ماكان مرتجي عالحايط وعيونه ثبتت على وجهي واني مدري شبيه خجلانه من شكلي التعبان حتى ممشتاقه لاي شي اله صله بالحياه

شطت غضب من شفت ضحك البنات وشقه الشباب ولاكان الدتروح بالتحرير بشر وصلت القسم واني احس بخطواته بالعكازه ورايه الدوخه لزمت راسي لان من ريوك البارحه معدتي تعلمت عالاكل القليل ضعفت حيل بس طبيت القسم شفت الشباب منجمعه مجموعات مجموعات ويسولفون بس جماعتي الرحت وياهم للتحرير راسا توجهو عليه

البنات بوسوني يباوعون بقلق والولد ضلو يصبرون
صيري قويه واللي اخذنا تعذر لان كان السبب باذيتي
والله عسل متوقعت حنطلع الجسر عبالي بس للمطعم ونرجع بس لحو البنات والولد نوصل لهناك وعلكت عالعموم تره الولد الشفتي عايش ممات بعده بالمستشفى خطيه

فكيت عيني
- عليك اللله صدك
- اي والله شبيج كالها وابتسم يتامل ملامحي الفرحت كعدت وغمضت الدوخه لزمتني لوزه بصفي تنطيني المحاضرات المستنسخه باوقاتها وتاريخ الامتحانات بيها حتى اقره واني صافنه شي بيه رجع خضر من كلي عايش

لزمت المحاضرات طبت نور باوعتلي وجرت عينها فاتت من يمي همست
- اوف شون جو اليوم كئيب
- طاح حضج اي والله كلتها بصوت ناصي كتفت ايدي بردت ادري بي ورايه وادري اذا باوعتله يمكن الابتسامه الدفت دم كلبي بيوم الاجه عدنا نطانياها يمكن هسه هم احصلها بس مالي خلك شي

بقيت كاعده ساعه ناس تطب وناس تطلع لوزه توسلت بيه اصعد بالمكتبه واني مااقبل طلعت عافتني كاعده وتلوب على حسن مرتين دز رساله الها

( وينـج اشتاقتلج المكتبه وكتبها)
تالي صعدت كالت صعديلي من تضوجين
اربع. طلاب بس بالقسم وماعرف اذا هو ورايه او طلع منتبهت
شوي وسمعت صوته
- مشكور حمودي عاشت ايدك عرفته ديحجي من الشباك الوراه وي احد
عرفته ورايه
حسيت بخطواته رغم وجود الطلاب اتجه ناحيتي نصيت راسي مكتفه ايدي قرب جاي حار يتطاير البخار منه وكرواسون بجيس ورقي الريحه مالته تخبل خلاه على الكرسي مالتي اباوع لاصابعه عالميز اربعتهن دكها بهدوء انتضر اي رد فعل مني واني مو يمي رجع لمكانه بخار الجاي وريحته دفتني مثل ما حركته وقلقه. سوه دفه بيه جروح بردت

قربت ايدي عالكلاص وشربت شوي يايابه مخدر عالاخير جريت الكرواسون بنات ثنين جانو كاعدين شلون يباعون لااني الاهتميت ولا يحيى عار الهم اهميه. تالي سالته وحده منهم

- يحيى منين مشتري الكرواسون من ياكافتريا
جر حسره همس
- هذا مو منا من المكتبه مالتي
- ليش انت تبيع كرواسون
- لا بس كوفي صغير صفح وبي مثل كورنر قراءه
- هاا ووياها كوفي ومشروبات ولفات
- لا مولفات بس كيك معجنات عصاير هيج شي
- حلو حلو فد يوم نمرلك
- تنورون بس كولوهم من قسم يحيى وكعدتج انتي والوياج واصله خطاري انتو
- تسلم تسلم انت موجود بالمكتبه
- مودوم نوبات بالمطبعه
- هَـا

يحجون واني بديت اغمس طرف الكرواسون بالجاي التفتت نص جسمي عليه شفته ديباوعلي ويحاجيها كعدت عدل كملتها وكمت شلت الاوراق اذبها بالحاويه من رجعت جانت القاعه فارغه شلت غراضي دوام ماكو الوش هالحقاره ليش دتجبرونا نداوم اشيل بالغراض. ادردم لمحت كتابته الكوفيه على ملزمتي

( بالعافيه )

كمت افر براسي وينه باوعت لمحته بره ومرتجي عالشباك من بره داير صفحته يباوعلي بقلق شلت الغراض وطلعت جنت بردانه كعدت بمكان بي شمس كم بنيه جانو كاعدين من قسمنا ديسولفون
كعدت كتلهم

- من رخصتكم حكعد خو مبيها ازعاج
ضحكو كالو
- دكعدي يمعوده شدعوه هيج صايره تستثكلين روحج
البنيه الحجت وياه تمشت النا وكعدت كدامي سالتني راسا

- اكولج يحيى شيصير منج
باوعتلها هزيت راسي بالرفض وعيوني صارت بعينه من بعيد يباوعلي
- ميصير مني شي
- مادري كال اقاربي
- هَـاا ابو متزوج عمتي
- شون يعني متزوج على امه
- لا هو مطنفصل عن امه وتزوج عمتي
- هاااا من هيج يداريج

بقيت اباوعلها درت وجهي ولزمت التلفون اكلب بي الشمس من تنشر اشعتها الدافيه احس الدم يمشي بجسمي دفيت كلش مهتميت حصير سمره لو عيـوني تغوش بس ردت ادفه لوزه نزلت تمشت بالسنتر ولمحتني ابتسمت جتي كعدت يمي بقينا وحدنا بالشمس رفعت راسي شفته يباوعلي يحجي وي الولد ويرد يباوعلي الولد الواكف وياه التفت ديشوف عليمن يباوع بقه يعاين عليه ورد حجه وي يحيى رفعت راسي ارتجيت على الشجره الورانا شفته تمشه بهدوء نصيت راسي فات من يمي ثكل مشيته لوزه باوعتله وباوعتلي اني نصيت راسي مرفعته طلع كبل حجه وي ولد ورد رجع دااحجي وي لوزه. عالبنيه الحجته ولوزه اشرت بحاجبها ورايه

التفتت شفته واكف ورايه من شفته دار وجهه يمنه ويسره ورد باوعلي عكد حاجبه صفن ببوبو عيني
عبس وجهه وداره يتلفت ورد باوعلي كال بهدوء
- ليش متكومون من الشمس
حجاها وباوع بعيد عن وجهي يتهرب بعيونه
- شنو
- كومي كومي من الشمس
كالها وبده نبره صوته تعصب
- ليش سالته بهدوء
باوع بعيني رمش مرتين بهدوء كال صوت ناصي حتى لوزه متسمع
- لون عيونج صار افتح بالشمس وخدودج صارت حمر
كلمه من يكولها تلحكها الثانيه وحده وره وحده يسكر اكثر لدرجه اخر كلمه كوه سمعتها

- بردانه كلتها وماريد يكطع حبل الوصل بعيوننا
غمض وبلع ريك كال
- كومي دنطلع
- وين
تلفت وباوعلي
- كومي نروح للبيت ماكو دوام
هزيت راسي وهو هم هزه موافق بقه يعاين بعيني وكفت وشال بيده التلفون عيونه بعيوني فك سبيكر
رد حسن
- هـاآ حبيبي
- هَـا حسن تنزل البنات يردون يطلعون
- هَـا ماكو دوام مو
- اي معود كلاوات
- ديله ماشي اكولك ااا لينا موجوده
- اي هيانها
- زين تمام يله نازل

سده ومستمر يعاينلي اني كاعده وهو واكف خله ايده يستند بيها عالشجره كال
- حسن حينزل
- اوك.
باوعت للوزه لمت غراضها وكفنا بقه يباوع طولي نصه راسه ورد رفعه بعيني همس
- ردي من احاجيج
- هَـ اا؟
غمض لفهاوتي ورد عادها وباوع للينا خاف تسمع
ردي من احاجيج من اراسلج اقصد
- هَــاآ اوك

هز راسه موافق وكعد مشيت ورديت التفتت علي وكفت
هز راسه مستفهم عيونه تعبانه
- شبيج تردين شي
- لعد انت
- شنو اني
- انت شوكت تطلع كلتها وباوعت للبنيه اللي سالت عالكرواسون بله وعي ورديت باوعتله

هز راسه فد ساعه
لعد احنا هم فد ساعه بقه يباوعلي التفت عالبنيه اباوعلها بعين الصلفه تباوعله عينها مشالتها عنه دار وجهه وباوعلي
وكف همس

- راح اجي وياكم نور رجعت للبيت
مشه كدامنا واحنا وراه شوي ونزل حسن للكراج
حسن : ها يابه تاخرت عليكم هــاآ تجي ويانا
اي شعدي باقي وعثمان ساعه لخ يله يجي عده مسواك
ديله لعد ديله اللزكه وين

- اللزكه منو
باوعلي وابتسم عسل تعرفها عسل اللزكه وين
- شمدريني جاوبته ونصيت ابتسم بخجل يحيى همس
- منو نور
حسن كله
- اكو غيرها صعد اصعد

طلعنا جانت عيون حسن بكل ازدحام مرايته. لوزه ومن التفت عليهم راسا يدير عينه
وصلني اني ويحيى وراح يوصل لوزه
انتظرت يراسل مرسل شي لل٢ الضهر خابرت لوزه

- هاآ لوز
- كاعده لو نايمه الله عليج
- كاعده هي مال نوم احجيلي خابرج البارحه
- اي اووف للصبح البارحه منايمين تره لحد الان
- لا بربج
- عسل اني طايره سبع جناحات عدي احسن والدنيا كلها تضحكلي
- الله شون تعبير
- والله العضيم روحي ترف علي رف راقي مثقف فاهمني البارحه حجالي عن عمامه وخواله بالتلفون شون جانو يحبو ويخافون عليه اخر مره تدرين تعارك وياهم كلهم ماريد لاخوال ولاعمام قبل عشر سنين بس قبل اربع سنين فاتحه خالهم الجبير راح هو وبعد هاهي

- زعلانين عليه
- لا هو ميريدهم لان اخته خاف ميصير احجي
- ادري كلشي حاجيلي يحيى
- الله بلكن تصير قسمتنا سوه ونبقى صديقات
- ان شاء الله
- خابرج
- لالا مخابر ولا كتب شي
- خابري انتي
- لا سويت اكثر من العليه كافي بعد بينتله اعتذاري وندمي الباقي عليه
- صح
- وانتي
- انني هههههه اني جنت طالعه وياه اليوم
- وين عززه بعينج
- مرجعني للبيت عسل
- وين رحتي صخام
رحت شفت المجمع الماخذ بي شقه واختاريت الاثاث

- عزززه وج اخوتج ليلكفوج
- اصلا بعد وكت نهايه الدوام
- حلو تالي
- اي اختاريت بالكتلوك واكلت وياه
- شحجيتوا
- تصدكين اذا كتلج بس ساكتين وواحد صافن بوجه اللخ الله ليجذبني قرالي شعر فصحى كلش حلو يشرح حالنا
- هههه تطور
- اممم
- شكلتو
- كلي شتحبين تاكلين كتله كيفك كلي اوكلج على ذوقي كتله يله طلب ستيك بالصلصه البنيه. حموضه وحراره ولحم تايخ رهيب تمنيت علاوي واحمد يشوفو جان طبقو بالمطبخ وكلبو الي واني اكعد انضف

- ههههه فلم اخوتج
- اتمنى يجي يوم يكون وياهم لان ماعده اخ حجيتله انهم وهو مخلي ايده جوه خده كلي شوكت اصير بنصكم اريد تكون علاقتي بيهم اخويه لان ماعدي احد غير يحيى
- خطيه
- راح اكون اله كلشي بس الاهم علاقته بخواله وعمامه وج يموتون عليه اكو عم يشوف ابن اخو يحضنه ويبجي
- لعد ليش عايفهم
- سالفتهم صعبه يمكن لو بمكانه اني هم اخجل من اللقاء هيج
- ماعرف شكولج
- اي كملنا اختيار كلشي ورجعنا كال شهر ويطلع الاثاث ويبدي يدفع اقساط الشقه
- امم حلو

كال حتفرغ بعد للخطبه والعرس كون بنهايه هالسنه
هو هيج كال ههه حضري هدوم
- لوزه مو عبالك بسرعه
- تره احنا صارلنا سنه نظرات بس هو خاف يحجي حد ما اني من زعل حجيت وياه وهو عاد بده شوي شوي
- انتي فرحانه
- اني طايره بي تدرين جنت اتمنى هيج واحد مثقف ومرتب باعي حتى حجيه يعني يعني شون اكولج وولا خربطه ومو عدم ترابط يعني مرتب يفهمج هسه اني عدي تسعه ومن تكعدين وياهم وج يجيبها منا يلطها هنا معود ركز ركز رتب موضوعاتك لو الامثال اللي نصها فشار لو الغلط لج عيني هذا يطب عدنا جلطه رباعيه تصير عده اول اسبوع

- هههه خرب ببليسك لوزه
- والله العضيم ديله روحي هذا يريد غده
- دروحي باي سديته منها

سمعت صوت ازل وللوم بره طلعت شفت بيبيه اساور جايه سلمت عليها وكعدنا تباطئو بالحجي باوعت بالوجوه
كتلهم
- ها انصرف يعني
- ازل! لالا بالحالتين حتعرفين

ازل...
جنت خايفه من وجهه نضرها وبيبي حجت
- عسوله بيبي تقبلين ناخذ ازل لرائد
صفنت
- عمو رائد مو غيره
نصيت راسي خفت من ردة فعلها ماريد اخسر احد ولا اريد اخسر حلمي واماني
وخصوصا بعد ماحجيت ويه للومه وضلت محتارة وتحاول تغير من تفكيري وبنفس الوقت تعرف اني شكد متعلقه بي بس بالاخير ضلت ساكته وخلت الأمور تمشي مثل ما اني اتمنى
عسل كالت مبتسمه

- اصلا هو كيوت ويخبل عبالك شاب بس ازل شون يعني جنتي تصيحي عمو ههه يعني تقبلين

نصيت راسي مبتسمه مثل الحلم عدي شون ماوافق احاجي روحي وبيبي تعاين بقلق للوم تعرف كلشي حاجيتلها لزمت ايدي كف ايدي فززتني من صفنتي كالت

- ازول يوم اخذيني لغرفتج من رخصتج الهام داريد احاجيها شوي
- اخذي راحتج حجيه
- طبينا لغرفتي وسدينا الباب كعدت بيبي عالجربايه وهمست

- بيبي شتكلين انتي اني يعني حاسه بس خاف غلط حسيت مادري شرد اكولج والله حرت

- بيبي شبيج متعرفيني محسيتي بيه
- والله يبيبي مادري خاف تنضلمين ومو قاصرج شي
- ليش بيبي شبي ابو اساور بيبي تره المشكله الصارت بيني وبين اسو الله يرحمها جنت فعلا مذنبه لذلك انهزمت

بقت صافنه عليه كالت
- والله رائد رجال ومعدل بس لان متزوج وره امها شوي صارت عده علاقات هسه والله من وفاتها مبطلهن والله اشوفه بس احجي وياج من جنتي بعيده يرف كبالي يروح ويجي مثل الطير المذبوح لايكدر يضغط عليج ولايكدر يعيش بلاج روحه بيج من زمان الله يوم
ادري خاله بس هو ضايع اني حاسه بي

- شون
- بيبي هو حاسبني بنته خايف ليخسرني مثل المرحومه يحبني مثل بنته
صفنت بيبي رددت استغفر الله
تقربت منها
- بس بيبي اسالج وانتي صاحبه تجربه وتعرفين
اذا حبني مثل بنته ليش من يوكف يمي يخربط الحجي يسكت ويضل بس يباوع بعيني ومن اقترب يغمض وينصي
- انتي متدرين اني اعرف بي تلفونه مليانه صوركم جنت كل يوم اشوف نايم ومخلي على صوره بنته صار من رجعتي للشغل لليوم مخلي على صوتج ومكبرها بالتلفون وغافي والتلفون بصفه لذالك مستغربت من حاجاني

ابتسمت
- يبيبي الرجال تعبان من حيرته حتكدرين تواشكين حتكدرين تطلعي من حيرته
- انتي ويايه بيبي انتي ويايه ونصحيني وعلميني لزمت ايدها واتوسل بيها ابتسمت وحضنتني

- بس تعالي عدنا والله يسهل وج مدام فك عكده زواجه وج والله ينصلح وشهكت هييج هيج ربي واشوف جهاله منج يييييمممج يرادلها سبع بخوت وج ازوله صدك تصيرين جنتي صدك تجين يمي

- اي بيبي ان شاء الله
- ديله يبيبي اني رايحه والاحد يجون اخوتي ويا وراكان وسيدار هم واني وام سيدار ورامان ونسوان اخوتي خوش
- خوش
- كولي لعمتج حتى تدز على عمها وولده
- ان شاء الله بيبي

بوستني وطلعت بيه فرحه ناقصها نفر جانت بكل جيه الي لبيتهم تتوسل بيه ابات واذا بتت ترجع تتوسل عاليوم الثاني سبحان الله ياترى هم تحسين بيه عدكم حبيبي. اسو محتاجتج هواي وطولت غيبتج علي هيج مشتاقيتي مصدر. قوتج هيج جنتي تسميني تمنيتج هالايام ويايه

ورجعت ابجي. صار تقريب الشهر مباجيه بس والله طلعت دموعي. من كلبي. اتذكر من جننا نتحضر للخطوبه مالتها واشهههك وابجي دك تلفوني رائد وكانما حس بيه
رديت بعدما تحمحمت

- الو
راسا كال
- شبيج ازل
مابيه كلتها وغمضت
سكت شوي ورجع كال
- يابه بيج شي ماعرفج اني
- رائد محتاجتها
سكت جر حسره بقه يسمع
شهكتي مسيطرت عليها وحجيت
- مادري شون اريدها هالايام ويايه هي هي تعرفلي رائد تعرف شاحب وشكره تعرف اليعجبني وتعرف تنسقلي شون اريدها

همس
- اني عدج جان صوته مخنوك من كالها بس شكو بيه وجع طاب بحجايته
بلعت ريكي
ورد عادها
- اني عدج ازوله شتحتاجين شتريدين ساليني
- متضوج سوالف نسوان
- ماضوج منج
- اوك
- ازل ممكن نستعجل بالزواج لو تردين بهدوء
- للا ماعدي شي
- اوك الاحد نجي باذن الله بس خاف عم ابوج يعترض
- لا للومه كلتله الله يهنيها
- تمام زين ووراها باسبوع العقد عادي
- اي اوك
- زين وره اسبوعين عرس بس ماجيب زفه
سكتت غمضت عيني
كمل كلام

- اخجل ازل ماعرف استحي
- اوك
- ضجتي
- لاعادي اليريحك سوي
- لاعرس كامل بس موقاعه يعني امي كالت حتى سبعه اسويلها ببيتنا
- كيفك
- زين محتاجه شي
- لالا
- لعد ليش ردتيها
- هه ردت احجيلها عنك وعن مشاعري مثل مجانت تحجيلي عن راكان
- احجيلي الي عني اسمع
- لااخجل هه
- ماشي براحتج باعي اني جر حسره وكمل كلام
باجر اني و راكان طالعين للنجف تحبين تجين
- ويامن تروحون وحدكم
- لا طبعا امي ويانا
- خل اكول للوم بلكن تقبل وارد خبر
- اني اريدج ويانا حتى نزور سوه
- اوك اني هم اريد احس بيها ويايه
- ماشي ازل روحي الله وياج خل اطلع اتسوك
- باي
- هله كلبي هله يابه
سده واني صافنه بحجايته
يابه شوكت يبطلها شوكت ميخالف اني مو وحدي بيبي ويايه

عسل ....
كانت علاقه لينا وحسن كلش حلوه اتذكر باول اعتراف بكلمة ( احبج ) جانت الدنيا تمطر وحسن سيارته غركت وي غركه بغداد من صعد المي ومكدر يشغلها مبقيها بال فيتر واني اربع ايام غايبين عمود المطر تالي من داومنا هي جتي وي اخوها واني جيت ازل ذبتني وي ابن جيراننا العده سياره طبيت لكيت يحيى بالقسم واكف بالباب ينتظر بس شافني ابتسم وجر نفس

كعدت ولينا شوي وطبت كعدت بصفي وجهه تعبان
- شبيج منايمه
- لا والله منمت البارحه انهبطت هبطه اخت الجذب
- ليش عزه
- سكتي طب حمودي عليه يكولي جهازج. مشغول ليش
همزين الله توني سديته من حسن ومسحت المكالمه
- صخام الصخمج
- اي والله عاد كتله جوز الشبكه من وره المطر عاد خفت بعد اخابر ودزيت رساله لتتصل حمودي اله شوي يلكفني ومسحتها
- تالي
- هاهي مخابرته بعد
- همزين ربج جان علكج بمكان اللشه
- جان هسه اني تشريب هههههه

دتضحك وطب حسن يتلفت متلهف وباوعلها غمض وحرك عينه عنها عساس جاي ليحيى كعد بصفه ليوره وثنينهم يباوعولنا يحيى عليه. حسن للوزه
شال تلفونه من شافها طلعت تلفونها دك
باوعتلي همست
- عزه بعينه دكلي هذا شبي هذا ذوله ينتبهون
كتمته وردت
منصيه درت وجهي عليه اباوعله يحك بكصته ويباوع للميز يلعب بملازمه يحيى

هي يمي تبسبس
كالت
حطلع
طلعت وطلعت وراها عاد اخذت راحتها
والله حسن مكدرت احمد طب كلي ليش خطج مشغول شكوله
وهو يرد
تالي خو ما شاف رساله شي
لالا الله ستر
منحجي بعد اسف عالهبطه مبقه شي هالخميس جايين
ان شاء الله
شالت راسها شافته واكف ببعد اربع خمس امتار يحجي وياها كبالها وميباوعلها.
بس صوته من سماعه تلفونها اسمعه
لوزه
هممم
شو باعيلي شوي بس ردت اكولج سالفه
شنو
رفعت راسها باوعتله
اني هم باوعتله عالواهس وياها
وترتبت بشفافه كلمه احبج همسها تكحلت عينه من نطقها نصه راسه وهي سدت التلفون لزمت ايدي ترجف

لوزه شبيييج
ارد ارد اكعد
اكعدي عزه بعينج
دخت خرب اهلك سطرني
ههههه
شفتي انتبهتي شكال
امم
خو محد انتبه
مجان اكو احد يباوعلكم
حتى مطلع صوته همس همسها
ايي ههه

بس مدري شصار بوجهه عيونه عبالك حيبجي
مشاعركم دفت الجامعه ههههه
ااني تعبت شوكت يجي الدكتور
اجه هاي حيطب امشي ملنا خلك لغوه
طبينا وطبو الطلاب اخر شي طب يحيى فات من يم طاولتي ولزمها باوعلي بغضب بطرف عينه فزت روحي وعافني وراح التفتت شفته مغير مكانه كاعد ورايه
كعدت كملت محاضره وطلع بعد معين امتحان فصلي لان راحت علينا كورسات من وره المضاهرات راسا فصلي
من طلع درت وجهي عليه شفته يحك طرف حنكه ولحيته ويعاين بعتب

عسل كعدي عدل
اي شبي هذا شسوي يعني غفيت
شنو مطنكر
اييي راسل جنت نايمه شصار
راسلتي
اي كتله اعتذر اخذتني النومه مرد
هاهي عوفي
محاضره وره محاضره لنهايه الدوام لوزه اختفت كالتلي حطلع يمكن مركزت وياها اختفت
دكيتلها ردت

هااا
وين انتي ----
ههه ليش موكتلج حطلع
وين وليتي
وي حسن
عزه بعينج لج ليلكفوج اخوتج
لا هنا مو بعيد
دتسوون
دنحجي
لوزه
لج شبيج جايبلي مجموعه روايات عاطفيه هو قاريه وحب يشاركني بيها هذا الكوفي مليان طلاب الجامعات والله
اوك لتتاخرين
اوك
سديته ولزمت راسي اجه صوته يمي
اكدر اكعد هنا
باوعتله متفاجاه
ااكعد عادي

كعد جر الكرسي كانت طاوله الكوفي البداخل الجامعه كعد كبالي ممهتم واني اخاف من الحجي خصوصا بعد موقف يزن القديم
كمت اتلفت
ماباوعله منحرجه
همس
شبيج شو باعيلي
هـاا
شكو مرتبكه زملاء كاعدين
ممادري لاعادي
باوعيلي عسل

شكد حلو اسمي من ينطقه باوعتله ابتسم بقه يباوع ملامحي بدون اي ملامح بوجهه همس
ليش مرديتي
مو والله اخذتني النومه كلتها بتوسل
قاطعني

بس حسابج مفتوح اون لاين
اي هو بقيت اكلب حدما غفيت محسيت عروحي
بقه يباوع بوجهي هز راسه موافق بدون صوت جر حسره ودار وجهه
رد باوعلي كال
دتقرين
جج هزيت راسي بالرفض
راسا رد
ليش
مادري شوي هالفتره ركود
ارجعي لنشاطج كافي كسل
اوك

غمض ونصه اني اتامل كل شعره بلحيته وخده مثل ماحبها مسويها
رفع راسه شافني دايخه بتفاصيله
همس
شون تردين تكون علاقتنا
بقيت صافنه مفاهمه سؤاله
شنو

علاقتنا كالها ودار وجهه رد باوعلي علاقتنا شون تحبين تكون
يعني شنو
يعني نبقى اصدقاء مو احسن
بقيت اباوعله مستغربه
همس
شبيج
يعني شنو اصدقاء ليش احنا جننا اصدقاء
همس

اني جنت اكذب عليج وهذا الواقع كدامج
بس اني يعني اقصد
هاهي سدي الموضوع بس ردت اكولج اني موجود شتحتاجين كصديق وبس غير شي اني مااصلح

فكيت حلكي صافنه عليه بغضب رفع راسه اشر لصديقه
هاا علاووي
يله حروح اني اترخص
مرديت بس صافنه عطوله لمن وكف
ها شبيج عسل اوك متفقين
بس صافنه بوجهه مستغربه وعصبيه
باي

راح وي صاحبه بقيت كاعده افسر كلامه حرف حرف رفعت راسي شفته يحجي وي صاحبه وعينه عليه من التقت عيوننا دار وجهه
حسن و لينا نص ساعه وطبو
بقت تحجيلي

- وج عسل خابر عمامه كدامي وخواله
- اخيرا
- اي خطيه جان مرتبك كلي ساعديني شون حتصل اخجل
- كتله قوي روحك عادي مبيها شي كال نافرهم بعركه وطالع وهمه المحقين كتله ميخالف فرصه
شفته مديكدر يلزم التلفون يريد يتصل وميكدر ذبه همس
بعدين اني اخابرهم ليضل بالج

عرفته مستصعبها كام ديجيب العصاير واني لزمت فونه اكلب بي لكيت خالي دزيت رساله اله
مشتاقين خالي ومحتاجلك
وكبل رحت على عمي هم نفس الحجايه شفته اجه ديتوجه للميز راسا ذبيت تلفونه ابتسم

هااا بدت المراقبه
فتحت تلفوني ونطيته اله
اذا تريد انت هم
اي بس بشرط اطب للصور
لالا ههه بطلنا لعب منلعب

وج لعبيش وج جوزي من هالمصطلحات ساعه معنطز ساعه مهتلف وج تالي وياج بس تخبل منج الله
اتحملني اني ربوني ولد
عمي نعم التربيه غير صدك لوكالو اخت رجال لليوم اتذكر من دفعتيني من دتتعار كين وي يحيى وج خرب ببليسج مكدرتلج قويه

ههه تالي درت فجي كلتها ونصيت خجلانه من غزله
جر حسره همس
اني شون وكعت بيج فهميني
ماعرف
اني اكولج شون من شفت حقيقتج الهادئه الواعيه وتذمرت سباعيتج كلت هاي الاكدر اكمل وياها حياتي
بقيت صافنه بعينه وهو هم جر حسره و نصه
سمعتي شكتلج الصبح
هزيت راسي دك تلفونه
باوع للجهاز عالميز واني هم باوعت مكتوب عمي راضي فك عينه كلها وباوعلي

معقول صدد وسكت ابتسم بعتب
هااي انتي مو
اي هزيت راسي
رد حسن
بلع ريك وباوعلي لخاطرج بس لتكومين ابقي ويايه
اوك لا وين اروح
رد وسكت

والصوت يحجي
الو حسن عمي بيك شي
الو هاا عمي شونك ااا لالا ووالله كلت شسمه يعني اتصل ااا يعني صار وسكت يرجف صوته متوتر حييييل
يحجي ويفرك عينه ويفرك بايده باصابعه ويرجع يفتحها ضاعت منه الحروف تقربت لزمت ايده قوي غمض تنهد همس

عمي محتاجك رايد اهلي ويايه دمعت عيني وهو هم دمعت عينه لزم ايدي قوي وباوعلي كمل كلام
ادري مقصر وياكم بس انتو اهلي ابتسم ماعرف شكله عمه وكمل كلام

رايد تخطبولي بقه ساكت ونصه راسه هزه موافق تسلم عمي لا والله عدي الله يخليك اختنك صوته

والله اني هم صح والله حقك لا ان شاء الله امرلكم لا والله امر اوك فيمالا
ذبه فرك وجهه وباوعلي

شمسويه ولج وكحه
رد دك تلفونه عضيت شفتي من باوعت خالي
لزم ايدي عصرها
وج وج لااا لينا
رد رد اريد مشايه ثكيله
غمض ورد

هلو خالي شونك
الضاهر المكالمه بيها عتب دموعه نزلت وهو ساكت واني اتلمس بايده منصي راسه يباوع لايدي ساكت والطرف الثاني يحجي كل الكاله

حقكم عليه اني المقصر لاخال ممحتاج شي لا هاهي لا وين تجي اني مو بالمكتبه. مال حياوي لالا شلنا
لاخالي هاهي والله اجيك
لاتسلم ممحتاج بس ردت يعني اخطب وردت اهلي كالها وع صوته اختنك
لاخالي ممحملكم ذنب
خالي الله يخليك لتفك جروح كوه لزكتها وسديتها كالها بملل ماشي لا اجيك وروح ابويه امرلك العصر ماشي الله وياك

سده ذب الجهاز نوعا ما معصب
بقيت صافنه عليه ميباوعلي
حسن
مرد دار وجهه رغم ايده بيدي اتلمسها بهدوء
حسن دباوعلي كلتها بدلع
اندار وعيونه تعبانه
مااستاهل اني
هز راسه همس
تستاهلين بس مالي خلك لغوتهم
محد يتجرا يحجي اذا خطيت حد
هز راسه ونصه

اختك مزنت مع احترامي الك اختك متزوجه تره وان كانت غلطت خلص مره تزوجت وانستر عليها
نصه راسه كلت بصوت ناصي
حبيبي
صفن فك عينه مباوعلي ونزل على ايدي بهدوء باسها وخله كصته عليها حراره نفسه على ايدي ورفع عينه باوعلي وتلفت كال بصوت تعبان
كومي خل نرجع

اوك يله
طلع قبلي شوي ومشيت اني هم للجامعه وجيت

سمعج من كلتي حبيبي كلتها فاكه كل عيني صافنه على لوزه

هزت راسها تبتسم صافنه شوي ودك تلفونها
كالت

يله دنرجع

رجعنا ابد مبين ولاباوع بس باله غير مكان
نور جانت ويانا ذبنا اني ولوزه
وبعدها ذبها لنور

.
.
.
.
.
يتبع

ملاحظه : وردت مجموعة من التساؤلات بالتعليقات تخص بعض الأحداث وخصوصا عن حياة يحيى
ان شاء الله بالايام القادمه تتوضح حسب تسلسل الحدث والراوي