بارت ٤٨
#أماً_لهُن
#مريم_السعدي
ازل ....
مقبلت للوم اروح وياهم ومناقشت شفت كلامها منطقي ومردت الح
عمو انور حول حديقتنا جنه اكلنا عصريات كلها كعدتنا بيها ويحيى كام يجي بشكل مستمر
وهالمره السحر انكلب عليه صار هو اللي عيونه تدور يباوع لباب المطبخ وياكل باطراف شفته متوتر
اني التودي الجاي او الكهوه وطبعا كل مره يجي يجيب وياه كرواسون وصاحبه الكرواسون متطلع بس تراقب من شباك الصاله حدما يطلع
تلفونات قطعت من جديد جانت معصبه كرامتها مجروحه رادت مثل قبل يحبها جانت تحجي متندمه. وتبجي
- وج من كتله ليش تكول اصدقاء مو اعتذرت منك يكولي انتي الردتي حب اني مردت اني كتلج مافيدج صح لولااا
لج يكولي انتي الردتي ولان اني محتاجه لحب وتوسلت بي علموده امدايه امدايه وج اني صوجي
وج بيدها البنيه ترفع وبيدها تذل نفسها لج ليش ذليت روحي اله خلي يصبرلي اله اخلي يتوسل مو يكول انتي ردتي مو يكول توسلتي بيه ابقه ويا
دخل يشوف بعد اثاري يكول حبه مات وموتو الجلاب امدايه اني
ازل : دكافي لج ميصلح
- طبني طوب روحي داريد اسبح
طلعتها من الغرفه وسديت الباب اتنفس بتعب
يومين ماكو دوام للامتحانات واني باخر مره كعدنا بالكوفي انكطعت اتصالاتي بس راسلنا تعاركت وتركته بعد مرسلت شي بعد اسبوعين امتحاناتنا دز رساله وره مرجع
- اخذي الملازم بيها التلخيص خليتها عالميز بالحديقه رديت
- ممحتاجه تسلم
- جبتها بعد شوفيها بلكن تفيد
- بيدمن دزيتها بيد حسن
- لا هالمره بيدي اني ومنا وجاي مادز احد
- مجان اله داعي تعبتك
- تتعبيني من تاخذين درجه مو بمستوى عقلج عسل
- تسلم
- محتاجه شي
- لا
- اني موجود كصديق وزميل
- لا ممحتاجه عدي الاحتاجهم موجودين
- شون يعني
- افتهمها شون ميعجبك اترخص
كانت اخر مراسله ضل كل يومين يتردد لبيتنا تنشل احوالي من يفوت للحديقه واضل من تول الصاله اتفرج عليه وهو عينه على باب المطبخ كل ضنته اني اطلع اجيب الضيافه
ازل انقرت فاتحتها والاحد المهر جانت متلهفه ونفس الوكت ضايعه للومه قريب نهاية أشهر الحمل تعافت ردتلنا العافيه للبيت وياها
كمنا نتريك نتغده نتعشه سوه.
عمو انور خطيه كلش يحبها على طول كمنا نلكفهم لو يبوس راسها لو يبوس بطنها لو حاضنها الصبح بالحديقه وعلى طول كلاص الورد بالميز مليان من الحديقه وريحته تخبل
جهزت خاله اميره جهازها يخبل جان فرحه النونو الجديد ببيتنا متنقاس منتضري بلهفه عمو انور كلما تجي شغله للبيت مال طفل يضل يتلمسها ولحد الان من تجي عينه بعيني يبتسم ادزي بي يقصد يحيى بهاي نظراته
.
.
ازل ....
باجر مهري اهون عليج لحد الان مجايتني بمنامي منو حيلبسني البدله وانتي تدرين محد يعرفني غيرج منو حيكمل الشغلات محتاجتج ويايه اسو محتاجتج كد حاجتي لامي
للومه متركتني رغم بطنها وتعبها بالحمل بس ابسط ابسط الشغلات منستها ورائد مبتعد تواصلي وي بيبي ومن اسالها عنه تكولي بيبي ضايع حاير بس طاير راح تجين يمه
- اني الاعرفله بيبي اني اعوضه عن كلشي محتاجه
- اي فدوه لحلكج ازوله
وعقدنا ومدخل لبسني دزه بيد بيبي ام راكان جانت تباوع بشمخره وباستصغار
لمساحه بيتنا لبساطتنا ولانني اخذت رائد تالي متحملت بوجهي كالتها بالضحك عساس
- لعد ليش زعلتي من الله يرحمها وصللها راكان الحجي طلع كله صدك
صفنت حايره شرد بس ليش الضعف رديت
- شسوي غير احبه وجريت عيني عفتها الصفعه الحيصفعها راكان الها كافيه ولو وسناء الها حصه من العذاب المنتظرها
لبستني بيبي الذهب وراحو دزيت رساله اله صورتي لابسه الذهب وبالبدله مال اسو
دزيتها
راسا دك
- الو
- ها عيني
- حلوه البدله عليه
- اي تخبل اشكرج لان قبلتي تلبسيها
- اصلا اني ردت شي من ريحتها ويايه
- وهي ويانا البارحه زارتني بمنامي وباركتلي
سكتت واسمع كلامه مجروح وتعبان يمكن اكثر من اي اب مر عليه يمكن لان بنته الوحيده معرفت شون اساعده وهي صديقه عمري
- الله يرحمها
- الله يرحمها
- رائد انت تعبان صوتك عبالك مريض
- اي شوي
- باجر عدنا شغل هواي
- لا باجر مافتح
- ليش
- رايح اخطب لراكان واخش بعين امه لان خربطت بالحجي هواي اليوم
سكتت
- سمعتج شي
- اي ورديتها باقوى
- شكالت
- كالت ليش زعلتي لعد وطلع حجيهم صح
- استغفر الله شكتيلها اني صوجي عزمت كلت حتى هيبه مو امي وام سيدار وخالاتي بس
- كتلها شسوي غير حبيته
سكت
- الو
- همم
- تريد تروح
- لاماريد كالها بهدوء
- اوك
- محظوظ بيج
- شكرا
- جنت احس بغيره واخجل ابين حبي حتى لنفسي
- و اني جنت احس تره
- كلشي مبقالي بس انتي وامي
- الله يديمها فوك. راسنا
- امين
- حروح للوم دتصيحني
- الله وياج كتيلها خمسه بالشهر العرس
- اي
- معترضت
- لالا عادي
- تمام يله فيمالا
- باي
- سديته ورحت للوم
- هـا للومه
- فدوه ازل رصيد ماعدي خابريلي انور من فونج
- ليش
- مادري شو ذبيت دم
- شهكت وطبيت خابرت انور اقل الربع ساعه وطب طاير
- وينها
- نامت
- شتنام بابا للومه كومي عيني كومي
- مابيه شي انور شوي دم موهواي
- عيني كومي موزين اروح فدوه لطولج بدلي لتضيعين تعبنا
- اوك
اخذها باوعتله
- عمو فدوه مو تتاخرون
- اذا تاخرت اخابرج ازل ليضل بالج
اي عفيه وراحو نص ساعه واتصل
- عمو قفلي الباب عمتج دخلوها عمليات
- عزه صددك
- اي والله ادعولها
بس كال ادعولها نزلت دموعي عسل سمعت فاتحه سبيكر جنت بجت راسا اول مره احس للومه نفس هالبيت رغم هالفتره ابتعدت عنه بسبب حملها الصعب بس هالشهر رجعت عوضت خفنا حيل عمرها خاف ياثر خاف الطفل يصير بي شي تتاذه من وراه
لل١٢ بليل شرف زيودي خابر انور يبجي
- الحمد لله كلشي مابيها والولد هم بطل الحمد لله ربي
صدك بجيت تاثرت حيل طبيت لغرفتها ارتب واحضر غراضها ولكيت ورقه مكتوب عليها ازل
فتحتها رساله او وصيه
مكتوب بيها
( هذه وصيتي في حال ما كمت بسلامه من ولادتي
ازل حبيبتي وصديقتي عمرج متعبتيني هاديه ودافيه مثل نسمه صيف اتمنى متزعلين مني
هذا سند بيت نص باسمج ونص باسم عسل هذا تقاعد ابوج ماماتي ماكان مقطوع بس اني مكتلكم حتى اجمعه ويصير سند الكم بس احترك كذا مبلغ منه بالحريق اتمنى تسامحوني عليه وديري بالج على اختج عسل )
سديته الورقه وكعدت بجيت بقهر كرهت نفسي لان متقربت منها كرهت روحي لان مافد يوم حسستها بتعبها. ريحتها لافد يوم عازمتها مافد يوم قصرت علينا بشي ونفس الوكت معلمتنا عدنا بيت باسمنا تطمنت حيل ارتاحيت طبكت الورقه ورجعتها بمكانها حتى متعرف اني قريتها جوز متريد السر يطلع ردته يطلع منها هي
عسل ....
طبيت لغرفتي متاثره واتخيل يجي بيبي طفل عدنا اول واحد حبيت اباركله هو وتحججت بي مر وكت طويل لاخر رساله بيننا
كتبت
- مبروك
راسا رد
- على شنو
- صار عدك اخ
سكت شوي ورد كتب
- جابت عمتج
- اي
- ولد لو بنيه
- مو اكولك اخ
- بيها الخير اني شنو تباركيلي
- اخوك متفرح بي
- عادي اتصل مو دا ازين
- اوك
اتصل رديت
كال
- الو
- هلاو مبروك
- هم كالت مبروك اني شكو
- اخ الك متكيف
- لا... بس مكيف لانور اي
- يمعود اكو احلى من الاخ سند
- ماكو سند غير الله لحد يقشمرج بهالحجي
- امم
- اي دتقرين
- اي والله
- محتاجه شي
- لا شحتاج قابل
- اي شي تحتاجين تدللي
- هاه ليش بله ماعدي اهل
- يعني اقصد خاف تحتاجين
- وانت منو واطلب منك تره كبرنا
- هـا ههه دقيقه خل اغسل
- شوي ورجع
- ايي بله كبرنا
- اي نعيما
- الله ينعم عليج نسيت اكولج
- امم
- فتحت الكاردنيا
- ياهي
- اللي كتيلي ازرعها بباب الحديقه
غمضت عيني لتحويل نبره صوته من العاديه للهاديه
- الو
- نعم
- شو سكتي
- شكول
- تحبين تشوفيها
سكتت
كال بهدوء
- بس هالمره نحجي وراها ننسى شنو رايج
- شنو يعني
- يعني وجر حسره كمل كلام
يعني اني مشتاق لصوتج من ينعس
روحي بردت ودفت حجيت بصوت يشرح الحسيته بنفس يرتعش احساس وفرح
- قسيت عليه
- علمودج و الله
- واني احتاجك يحيى جر حسره وحجه صوته اختنك
- اني مو انسان كامل عسل وغلات عيونج
- اني اشوفك كامل العجز مو بالجسد
- لا ابد طبعا مو بالجسد العجز عجز العقل
- ارجعلي
سكت
- يحيى
- هم
- سامحني
همس
- فتحي كامره
- تريد تشوفني
- لا ردت اشوفج فد شي
- اوك
فتحتها وشفت الحديقه وترتيبها شي فضيع من الجمال صغيرونه كلش بس الورد اشكال انواع
- شنو رايج كالها بهدوء
- تخبل
- هيج تخيلتيها
- امم
- عسل ؟
- همم
- اليوم تخيلتج عدي تخيلتج بحياتي واني سليم
- اممم
- عادي اكمل حجي لو تضوجين
- لا اريد اسمع احساسك تعبني برودك
جر حسوه وحجه
- من فرغ البيت بيت خال انور وحسن هم انتقل
- حسيت روحي سكت
- احجي ليش سكتت
- مترهم وغلط الديصير بيننا
- ليش
- كعديني من خيالي
- لا ماريد
- ليش
- كلمن بخياله عايش القصه الرايدها موصح
- اي صح
- منو كلي هالحجي
- اني
- وانت بخيالي وواقعي يحيى
- التردي يتنفذ
- لعد كمل
- تمنيت روحي متعافي مثل باقي البشر ومتشوفين بيه نقص فد يوم وتوكفين الصبح عالطباخ واني متلهف اجي احضنج لو احضر الميز تمنيت نتعارك نتصالف نتضارب اتخيل وابتسم
- اي
- دتتتخيلين ويايه
- امم
- احب الصبح بعينج العسليه اله معزه بكلبي هيج عينج منفخه وصوتج بي خشونه واذا تمهعصرتي كدامي هاي القاضيه بعد
روحي طارت من ديحجي مغمضه ونسيت كلشي
- عسل
- نعم .. حن صوتي غصب عني
من حن صوتي سكت
- احجي؟
- هيج
- يحيى احجي
رجع سكت
- يحيى محتاجتك بحياتي تاذيت ببعدك
- عشتي حياتج الصح
- لا معشت صرت عاجزه بدونك
- لا لتكولين هيج متعرفين هالاحساس شون يصير
- عرفته من تركتني شي ناقصني ودوم من اضحك ارجع اختنك لان انت ماكو.
- شنو التردي مني واسوي وخليج مرتاحه مني معليج بهالكلام اني متحملت يبقى فاض بيه التنور مثل ميكولون فشوي حجيت وهسه هاهي تندمت سمعتج
- بس اني هذا الاريد اسمعه محتاجتك بحياتي
بقه ساكت
- واني هم سكتت
مثل قبل مطفي الكامره عالصوت مخلي شوي وكال
روحي الجانت وياج طاهره تنكست بغيرج
صفنت شديحجي
- شنوو
- سمعتيني
- اي اي يعني شنو
- يعني اني مو يحيى قبل
- شسويت حبيت صادقت
- حجيت وي بنات ووو
احجي كمل
- افتهميها وريحي كلبي
- لا يحيى فدوه
- سويت كلشي موزين اثبت بي كمالي لروحي وبالتالي خسرت بالتالي تسجل ذنب اني موكده
- يحيى شسويت
- اي داكولج افتهميها
- يعني يعني كلتها وبجيت
- عسل ماريد اكذب عليج بعد
- حبيتها
- لا
- لعد ليش
- حبيت اجرب كلشي حتى ماحس بنقص واني النقص ميزان روحي وذنوبي ثكلت واحترامي لنفسي انتهه
- يعني لزمت غيري
سكت وتحسر
- يعني تقربت من غيري كلتها وبجيت بشهكه مدري شصار بيه احتركت حرك
- عسل يكفي
- مااا ما
- غزالي
كال بصوت كله حنيه كسر الحواجز الاخاف اتعديها وياه رجعني لذيج الايام شي اجع الي وراد يروح مني شي غلط وهيج غيرتي
- ليش اذيتني ليش ليش موحرام عليك
- من اذيتي والله وهالشي زيد الطين بله برد كلبي
- لك يحيى صدك يعني
سكت
- ولك دااحترك حرك احجي. اشهك
- لافدوه لخاطر يحيى
- ماكدر ماكدر روح
- اوكفي عسل
- ماريد ماريد
- ماشي رايح بس ردت اكولج محد حله بعيني غيرج
- اكبر كذبه هاي
- وداعتج وغلاتج كاره روحي عسل سامحيني
- خلي الله يسامحك اول يالعلمتني عالحجاب والصلاه
- اني مزنيت
- لعد شنو بله
- لا زواج مؤقت اسبوع بس
خنست ودموعي تنزل
- عسل؟
- ماريدك بعد
- غزالي
- اي ماريدك هاهي سديت نقص بعد شتريد مني
- اثاري انتي النقص البيه
سكتت ودموعي تنزل
- مردت ارجع وياج واني ضام عليج شي
- لو ضامه ولا اكعد اتخيل اسبوع وانت وي غيري لو مكايلي من هديت كياني
- يوم ثاني يوم الصبح طيتها فلوس و طفرت وبعدها فكينا العقد
- عوفني يحيى
- اوك ابقي واحجي عليه كانما تحجين وي حالج ماريد اعوفج وحدج
- اكرهك
بقه ساكت جر حسره
شكو مخابر تتباهه بانجازاتك
- لا ردت اعترف بكلشي غلط كدامج مردت اضم شي
- مداكدر اتخيلك وي غيري
- بس الج حبيتج والله فلا ارتاحيت بحياتي بس وياج
- تكذب تكذب تكذب تكذب تززوجت
- غزالي اهداي
- ماااه
- ماشي بس علكيفج
- عفيه كلبي احس معصور عصر احجي اشهك صدك سويتها
سكت
- يحيى والله داموت
- اخر مره ببس
- شنو احجي
- لتعوفيني وحدي الدنيا مره بدون ضحكتج الوكت حقير ميمشي والشوك يذبح
-اخيرا كالها بكل تعب كوه طلعت منه
- ليش تشتاقلي انت عايش حياتك
- ردت اطلع منج والله مكدرت.
- انطيني مجال اسامحك وتحمل اليطلع مني من عقاب
- عاقبيني بكلشي بس لتجين يم عفتج لهنا وتخلص روحي
- اني مو بس لخاطرك اني تربيتي هيج
- والنعم منج
- حروح يحيى
- لتتاخرين عليه
- الله كريم لتحاول تتصل
بقه ساكت
فاهم
- اوك عدي عماله اسبوع اليجي ماداوم تداومين انتي
- لا للامتحانات
- تمام
- باي
- دقيقه غزالي
- نعم
- لاهاهي روحي
- باي
سديته منه ونار بضلوعي احس واتخيل وافرفح الله يعين المتزوج رجلها عليها
اربع ايام مرت ابد متصلت ولا هو بس منشورات الينزلها ويكتب
غزالي بالنهايه تريح كلبي تتوسل سماح
اسبوع مر واني طايره بزيودي البيت احس حيطانه تركص كلنا صرنا من يبجي نستنفر اله كلنا ريحتنا بوتره
وكلنا نسهر اذا مكدر ينام واني بكسره روحي ورمم كسري طفل يتحرك بعفويه وكانما معجزه طابت بي جروحي وطيته العذر ماعرف ليش رجل واحتاجت غريزته واني اوجعت كبريائه نطيته العذر لان احبه
بعد الاسبوع اجه هو وحسن اللي باجر ينجمعون خواله وعمامه لخاطر يرحون يخطبون
اجانه ودخل واني اباوعله من وره الباب كعد بالهول وعمو نطاه زيودي ارتبك وباوع لابوه ورد باوعله للطفل باس راسه وغمض باوع لابوه
-ينأكل هذا حجي
- ايي اسكت معذبتني هاي رجلي من يحركها مال عض
حسن : بس خل اعرس كل سنه ثنين اذا مااكلب الشقه روضه اني معتب
ضحكوا عليه وبقه يحيى يباوعله جابله هديه عربانه طفل وملاعيب كيفت بيها للوم نطه الطفل لابوه من بجه
وكال
- حمام حجي سويلي طريق
عمو انور كله تعال
طب من الباب توجه للتواليت واني طلعت من غرفتي وكف باوعلي ابتسم التفت عالباب ورد باوعلي يبتسم اني كتفت اباوعله بعتب
وكف كدامي ساكت اباوعله كتله
- ليش ليش
- ميخالف متنعاد سامحيني يحجي همس ويتوسل
- اذيتني و جرحتني
- اني اداوي جرحج واطيبه
- واذا مطاب
- ذاك الوكت غير حجي نحجي .. رايح لبيتنا
- هزيت راسي
- باي
- اوك
طلع وهاي كانت هويه صلحنا اول من رجع اتصل رديت
- الو
كال بهدوء
- حبيبي
- همم
- اشوفج
- مو شفتني
- لالا نفس قبل اريد
- اريد اسمعك
- شتردين تعرفين
- مممم اول شي انت عبالك جنت تداوم ويايه شون منين تعرف تحركاتي جنت مداوم وخاتل
- لا ههه شعدنا ختيلان بس اكو ولد مخلي يراقبج
- عزه بعيني منو هذا
- شلك دخل غزالي
- يعني يصورني ويدزه الك
- امم. هيج شي
- زين مخفت. لياخذ الصور
- واني هيج غبي شتدرين بيه لابويه اخونه ماثق حتى. بروحي نوبات بس التلفون تليفوني. بي باسوورد واني اندك عليه فديو واكوله وجهه ولتخلي احد ينتبه
- عزززززه وميكدر يفتح باسوورد
- اممم عزززه ههههه جوزي من هالحجايه. جوزي
- والأستاذة شنو فلمهم
- جنت اطبع ملازم ومناقشات ومرات اسويها بلاش للأجر والثواب ومره على مره صار تعامل وياهم وصرت اروحلهم ويجوني للمكتبه
- وهسه احجيلي كلشي ماعرفه قبل كملي لغزك
- تعرفين حياتي شون اشتغل وشون عايش وشعدي ماعدي
- اعرف بس اكو شغلات ضامها خل نكمل منين مضمينا
- اوك وياج شتردين تعرفين
- من البدايه
- بدايه شنو
- تعرف شنو اقصد
- عوقي ؟!
- امم
- هااا جر حسره وبده يحجي شوي وسكت
- دقيقه عسل بس اسد بوري الحديقه
- اوك
- كمل شغله واجه كال
- ماشوفج واحجي
- ليش
- احسن اقره ملامحج مثل قبل
- اوك
فتحت كام وهو هم فتح ابتسم ورفع راسه ليفوك ورد باوعلي واني ابتسم محطه وعره ووكف بيها حبنا وهسه كملت طريقها بس بله عكر
- احجي
- اممم احجي ست عسل احجي ليش منحجي
تعرفين احساس طفل ينحرم من امه
اي مجربه بس مشايفتها وشايفها منها حنان
اني شفت وعشت ومتيم بيها اعشقها اكثر من ابويه ماجانت تكول لا عسل
مجانت تنطق لا شأطلب وكالت ميخالف
- امم
- على غفله واني باوج حاجتي اليها بالابتدائيه وكبت العركه واني موما افتهم تحفر بيه كل كلمه منها ومن انور من جان يكولها بيش مقصر وتكوله انت كتله تقصير اني اريد اعيش حياتي وعلى اقل شي تتعارك تتحجج
- امم
- زين عوفي هاي شنو رايج بالحسيت بي من لكفتها تتخابر وي واحد غير ابويه وتكوله انت ملكتني نسيت كل اهلي اريدك بس الك خلصني من رجلي
- عززه
- احساسي بذيج اللحظه جان عذاب غيره وخوف من الهجر وخوف من المشاكل
من بعدها حتم الانفصال واني طفل ابتدائيه واتوسل بابويه بابا اذا طلكتها امي وين تروح كلي تتزوج واذا مطلكتها كال متكدر تتزوج واني توسلت بي عوفها لتطلكها بس نحشو براسه عمامه عوفها ختولي طلكها تالي طلكها
- شون تريده يتصرف خطيه
- المهم هو لو عده رجوله ابسط مبي يعذبها ميطلك حتى ميخليها تتزوج اللي خانته وياه
- ماعرف بس ليش يخلي روحه بهالعذاب
- يهجرها عسل ولاينفذلها التريده اقلها انتقاما لذاته
- ماعرف
- المهم احساسي الاصعب بيوم تطلكت وهي فرحانه تلم غراضها واني مقهور لان حعوف انور لان اكيد اروح وياها مااكدر دونها متعلق وانصدم مدتحضر هدومي
سالتها
كالها واختنك
- تريد تسكت بعدين نحجي
ميباوعلي رفع راسه ليفوك وجر حسره
- شو باوعلي
باوعلي بتعب كال
- اريد احجي واذب اللي شفته تشاركيني بي لان صعب حمله وحدي
- واني موجوده وياك وياك
- متعوفيني بعد
- لا ابد لان عرفت انك تكمل روحي
غمض وكمل
- سالتها يمه هدومي هنا بالكنتور
مترد بس تلم عالسريع دينتضرها بالباب السايق
يمه هاي غراضي جنطتي كتبي نترت
مااخذك
هنا طب انور يباوعلها تلم بالغراض لزمني من ايدي كتله يابه اروح وي امي سكت دمعت عينه وباوعلها صدك وتكوله
لاماريده وين اخذه احير بي خلي عدك يربوني واني وليد اهلي اول وتالي لو شكد مااتعب عليه يريدك بعدين
واني تخبلت يمه والله ماارجع لبويه اضل يمج يمه اني احبج متباوعلي عسل متباوع كالها ودمعت عينه يباوعلي همس
واني قبل يوم بحضنها نايم وتبوس براسي
اختنكت نزلت دموعي وكمل كلام
كانت اقسى سنين احتررررررك حرك من اشتاقلها وانور ليل نهار يشتغل لان اني كتله ماريد اروح للعرب يم اهله اريد ابقى بمدرستي وحتى يكدر عالاجار جان لازم يشتغل من الصببح للعصر والله حتى عربانه دفع
- وانت كارهه
- حاقد عليه هو السبب براحتها هيج وحده حرام الها الراحه
- عوفها
- امي عسل كالها وفرك وجهه امي واحبها
- حقك
- تعذبت تجي ايام احتاجها اذا ردت افتح علبه الحليب ابجي افتحها نصه ينجب بالكع انور يعوفني يم عمه راجحه الله يرحمها بالنهار خطيه جانت مريضه ومن يرجع تروح لبيتهم واني اخوط والوط بالبيت ومن يجي يسبحني ويدرسني واني احقد يوميه ازيد كلما اكبر تكبر غيرتي من اسمع حجايه من العالم من معلمتي من جيراننا من اي واحد يعرف بسالفه امي اخذت صديق ابويه واحقد عليه بوجهه كتله انت مو رجال كبرت ومراهق وبده الحجي بده يؤمر وين جنت واني اصيح معليك لو بيك خير تروح تشوف مرتك بحضن من نايمه وانت نطيتها اله
ضربني مره انشك راسي وخيطوه سبع خياطات بعدها كام شيسمع مني ميمد ايده شوي شوي تركني ميتدخل حدما صرت ثالث متوسط رسبت دور اول ولزمني حسن المكتبه اقره وابيع فلوس بيدي صارت الكتب ربتني عسل
يحجي ويصفن بالسما همست بين كلامه
- احبك
غمض وابتسم جر نفس وباوعلي
تدرين صار سنه و تسع شهور مسامعها من حلكج
- ردت اكولها انت اقوى انسان واجهته بكل حياتي
ابتسم هز راسه
- كمل احب اسمع
- الكتب علمتني ثقفتني وتلاحكت لروحي بدور الثاني نجحت تدفع وبالعطله كملت ١٨ كتاب دع القلق وابدا الحياه اولها كان والبقيه نفس النهج كمت من الصبح لليل بالمكتبه مننضر انكسار انور يربكني كمت انهزم من البيت اكرهه كلش
ومكام يحتك بيه ابد مثل الخادم عدي اجي الكاه مخلي اكلي عالميز مغطي واني اكره هالشي ماعرف ليش جنت اكره انكساره بوكت ارتفعت لميت فلوس حسيت روحي خلص طز باهلي اني ممعتازهم راح اوصل حلمي واصير صيدلاني واعوف الكل
باخر يوم امتحان رجعت من المدرسه وطبيت بفرع حفريات جان بي وعايفيها عثرت ووكعت بالكع نصيت الم كتبي من الكع سياره لم الانقاض ديباوع وراه ديشيل بالكرابه مالته ومنتبه عليه رجع على رجلي كدرت ابعد جسمي بس كف رجلي شوي فوكاه انداس عليها
وو هاهي الباقي تعرفي
بلعت ريك مبعده الكامره جنت
- وينج غزالي
- دقيقه كلتها وامسح بوجهي
باوعتله ابتسم
خله ايده جوه راسه ابتسم بتعب
- خشمج احمر ليش تبجين وج عاوي
- يحيى ليش مكتلي حبيبي ليش
- ابتسم حتى ماشوف هاي دموعج عليه
- مو اني حبيبتك اذيتك
- فداج وحقج اني تصالحت وي روحي ولكيت الج الحق بكلشي لذلك من ردتي الصفح قررت انطيج روحي مو بس اعذار
- ااني شون اذيتك فوك اذيتك
ضحك
ههه ورفع راسه للسما مودكولج فداج
- تدرين شنو الوجع الحقيقي عسل
- شنو حبيبي
ابتسم بتعب
- من تردين توصلين حلمج ويوكفج الكرسي المتحرك
- سوده عليه
- بس تدرين انتي هم موقفج طاني قوه رهيبه انتقمت مني بيه
- شون
- قاومت من وراج ردت احسسج اني حالي حالج اكدر اكمل وتدربت باقسى انواع التدريب بجي بجي ابجي حسن يصيح كافي ارتاح واني اصرخ لااا ماكو راحه قبل الدوام اني ماشي عالعكاز وكدرت
- لان انت قوي
- بس ضعفت كدامج ومكدرت اصارحج خفت لتعوفيني
- شو وين عيونج
باوعتله
- اي كافي تبجين عسل كافي لخاطري
- لا هاهي سكتت
- اي وبعد الحادث تكرمت ياعيني وكابلت المكتبه تخبلت خليت روحي بروحها ليل نهار اعدل واطبع اسوي تعديلات مخليت شي مسويته
- اي
- اي سالي
- وابوك شوكت تصالحت
- اااخ هو مو تصالحت بس انور من عمتج طردته لان ساعد اختج شكت بي راح لعمامه تمرض يمكن متدرون وصل للموت تيفو صار بي
- خطيه عمو
- اي والله تالي حسن من كلي كتله جيبه هنا اقلها مستشفيات دكاتره وجابه
واني منا علاجي الفيزيائي بالبيت اصيح من اسوي وهو خطيه علمودي صحصح
جنت اشوف دموعه من اتوجع ويبوس بيه عوفه خلص بابا واني مثل المخبل اكوله عوفني بس حيل انكسر وره عمتج يحجي يبرر لروحه ويعض باصبعه كسر كلبي الاصعب من عرفت بيته مسجله باسمي كتله ليش كال منطيتك شي بحياتي بلكن اذا متت هالشي يفيدك
عاد اني بذيج اللحضه وازنت وعرفت حبه الي وخوفه عليه تقربنا حيل بفتره البقه يمي حسن هم ويانا يعني ندمت لان هيج عاملته وتعذرت منه
- الحمد لله رب ضاره نافعه
هذا اكبر مثل اشتغل ويايه صح تدرين مجان يدري هالبيت ملكي ولان يدري شكد عدي. ضام علي كلشي كان عدوي بس من سويت العلاج اول ايام وفقدت اعصابي كمت اغلط عليه وتذكرتج كتله عافتني لان معاق عافتني لان اعرج بابا
- لا والله لاا كلتها وابجي والله موهيج
- انتي كلتيلي اريد حايط استند عليه انت معوق
يذكرني واني ابجي وهو عيونه تدمع ويمسح بيها
كال
- تلوميني وتحمليني ذنب شغله اني ممسويه عسل ليش
- والله موقصدي والله ماعرف اتصرف لتتذكرها لخاطري
- وحتكدرين تعيشين حياتج وي واحد عالعكاز
- اني اصير عكازك بس لتعوفني
- عسل مو سهله ابسط شي بطل مي البراد ماكدر اشيله
- ندفعه اني وياك
- مو شي سهل تكدرين تفكرين وانطيج مطلق الاعذار كلبي انتي يحجي ويتوسل بعيونه ويبجي بهدوء
اني ماكدر اكونلج حياه مثل بقيه الشباب اني عالعكاز وكل حياتي تضل هيج اقصى شي اكدر عليه هذا
- ميخالف اني وياك نتعاون
- صعبه حبيبي باجر عكبه ابننا يجوز ماكدر اشيله
- لا تكدر
- ماعرف يجوز اذا صار عليج شي واستوجب ركض يجوز ماكدر يجوز حريق لاسامح الله مثل ذيج المره واني ماكدر انجدج لان
- كافي يحيى ارحم روحك بس هاهي
- ماشي
- منتفارك
- اوك
- اوعدني
- وعد للموت
- نتعاون بيناتنا
- اي
- اكملك وتكملني
- اممم ابتسم وقرب الجهاز يبتسم باس الشاشه ومسح دموعه
- احبج
- اموت عليك هههه بجيت واضحك والله اموت عليك
- اريدج شون
- شنو
- اريدج يمي
- روح لاهلي
- ههه ان شاء الله خل نمتحن وتخلص قضيه حسنكه
احنا بيش وكعنا غزالي
- احنا بالعسل
ازل ...
والده سيدار توفت فجاه كلبها وكف والده رائد وي سيدار كون ابن عم ابوه وخطيه ماعده عمام راكان جان شاد العزم على وسناء اكثر من مره كتله متاكد كلي حيل متاكد الوحيده هي التعرف المريت بي شنو
- وامك
- مصيرها ترضخ
- الله يسهلك
- ادعيلي فدوه اني مارايد اتزوج بس امي مراح تفك ياخه حدما تجبرني بالصياح بالموت بالطرده واني ماريد من عشيرتك المقربون
- هههه تريد من البعيدون
- بعيد ون غوغائيون المهم تفهمني من اكعد انوح والطم وحدي بالليل متتشكالي اني كلبي خلصان
- اي حقك
- دروحي خل اروح لسيدار
- اوك اخذلي من خاطره
- ماشي
سديته وركضت على زيدو ديبجي
- جيتتت جيت
للومه : شبي هذا ازل طينيا
- معليه ماانطيه مصدكت كعد نامي نامي انتي خل اسويله بحبوحه
- وج الصبح سبحتي حيصير شفاف
- عفيه حبابه خل اسبحه مو حلو يصير
- لا بس غسليله وبدليله
- اوك يله تعال نغسل ونبدل
- يباوعلي ويدور يريد حليب
- ماكو ماكو مسدود المصنع ماما نامت
جان احلى شي بحياتنه زيد اني وعسل لعبنا بي طوبه وعمو يتوسل بينا بس شوي انطوني اشيله واحنا منقبل من ايد لايد
وهو يكيف ينام بالحضن اسمراني مثل عمو وملامحه دقيقه عيونه كبار يباوع ويخزر فدوه شكد حلو للومه من تباوعله تصفن وكانما نعمه الله وفضله ملاك ونزل بحضنها كلما ترضعه تبجي بهدوء وتبتسم وتغني بهدوء اله
الف صوره اخذنا كومه صور مثل المشافو وشافو واحنا صدك هيج
ننام على صوته الناعم وهو يبجي ونفز على صوته كوه انشلع للدائره واروح
وعسل كلساع طالعه وعايفه كتابها
عسل ...
- الو
- ها حبيبي وينج اربع مرات اتصل. انتي ماكو
- يم حبيبي اللخ
- لا بله منو هذا
- زيدو
- اممم بيها الخير
- عفيه يخبل حموت عليه
- ههه شوبله فتحي كام خل اشوفه شون صار كبران لا
- اي عده خدود
- ايي دفتحي
- فتحت وشافه بحضني واني كاعده
باوع ابتسم همس
- ستري عالولد وخري من حضنج اهله يردو
كالها وغمض
- اوك وخرته وشلته باوع
- جنه بريعصي
- لايخبل
- اجلح املح
- اييي يحيى يخبل
عكد حاجبه همس
- ولاينجرع
- ايي لتحجي هيج اضوج حضنته لزيد
خزرني يبتسم
- وخرري
- ماه
- اجيج والله
- متكدر
- هــاآ تجربيني عسل
- امم متكدر
- نشوف ... ابو هنا
- ابو اسمه ابوك بابا
- امم الحجي موجود
- اي نايم
- نايم وذاب ابنه عليج
- اني طبيت خمطته من مهده ديناغي
- وين طبيتي
- لغرفتهم
- عزه بعينج وج موعيب
- لا للوم نايمه بالمندر وعمو عالجربايه
- اخر مره عسل اخرر مره لان عيب
- اوك مو شتاقيتله
- مو مشكلتي غرفه مره ورجال تطبين بيها شنو
- اوك كلتها باوعت لزيد
- يحيى اريد من هذا
- ههههههه هسه اروح اشتريلج ههه كملي جامعه اول
- هم صح باوعت لزيد حودي يريد حليب
- ودي
- اوك
رجعت اتصلت
- هو اني اجيت
- هلو مره ثانيه ههه
صفنت وتذكرت لان صعب انسه
- ليش هيج سويت اني شون حنسى
- جر حسره وسكت
- تذكرها مو
- منو عليمن تحجين هه صدك يعني كل عقلج وج كلما اوكف اصلي تلزمني رهبه. اكول شون تصرفت هالتصرف شون طلعت مني. شون طاوعني جسمي وكلبي بهلعبان نفس. بس حقد كلبي عماني اثباتي الرجوله بهالطريقه. انتقمت من نفسي. وكت الردت انتقم منج تلذذت. بكل صرخه وجع وراها. بالعلاج. واكول استاهل. الالم. لان دنست روحي
عسل تره اني حيل احترم روحي اعزها واقدرها ماااخربط حتى مااضطر تالي الليل لحساب النفس الوم باللي سويته. بيها
بقيت صافنه لمدى تاثير كلماته عليه
بقه ساكت يكفيني احساس الندم بصوته. ارجع اتذكر افور
- جانت حلوه
ضحك وجر حسره بقه ساكت
- بس هاي جاوبني. عليها
همس بتعب
- مراح نخلص مو
- بس هاي
- والقران مااتذكر شكلها بس اتذكر سمينه
- بس بس كافي اسكت اسكتتت عطت
جر حسره وسكت
طولت سكتتنا حدما كال
- اروح اني
مرديت
عسل
بقيت مغمضه واعصابي فارطه
- عسل مو احاجيج
- نعم
- روحي هسه حطلع
- اوك
- باي
- هلاو
اقل الخمس دقايق ورد اتصل
- ها
- ماريد اطلع بطلت
- ليش
- اي ماريد اريد ابقى احجي وياج. كالها وجر حسره.
- مخنوكه اني
- اي تعاركي ويايه. حدما تبردين يطببببني طوب استاهل
- عاط متنرفز
بجيت وبين صوتي
- كله من ورايه يحيى اني الضيعتك
- لااني الكذبت عليج اني الغلط مني. و بيه
- بس اني قسيت عليك
- حقج مصدومه اني صوجي فعلا كلامج جان مفروض - اكولج والج حق الاختيار
- بس اني زودتها جرحت كلبك.
- فدوه الج يحيى وكلبه يكفيني احساسج. بهالشي اكتتفي
- واني هم
- شنو انتي هم
- فدوه الك حركه كلبي يكفيني ندمك واحساس انك تستاهل اتعارك وياك حتى ارتاح وتانيب ضميرك المعذبك اكتفي بي بس اذا انعادت
- كافي عسل فد وه لخاطر عشكنا
- بس اكولك هاي وخلص
- اذا صار وانعادت مستحيل استمر وياك حتى لو عدي جهال
- ههه هو اذا اخذتج هم اطلع للشارع بعد ااااااااخ ربييييييي. عاط يضحك والبيت صدك انترس رجعلي لسماعه التلفون
كانت مكالمه مليانه حب عتب ضحكه ومغازل محب
سديته منه جتي ازل دااغسل مواعين ودك الجرس باوعت للباب عمو طلع من باب الغرفه الخارجي مالتهم وطب يحيى هو ويا
ابتسمت والله وسواها طبو للصاله شوي وطلع عمو
كال
- عمو اكو جاي
- اي عمو اكو
- تسويلنا صينية يحجي يبتسم وعيونه بعيني
سويت ودكيت الباب طلع اخذ الصينيه طاني علبه همس
- هاي مالتج وهاي للبيت
- اخذت اللي الي طبيت للغرفه مجانت كرواسون بس هالمره غير نوع ودونات ونساتل اشكال ضميتها بالكنتور والمعجنات خليتها عالميز شكد احب اهتمامه اللي ميمل منه صافنه بالعلبه وبالكلب الراسمه بداخل العلبه اسمي بداخل الكلب دك تلفوني لوز
- الو لوزه
- هـاآ حبيبي شونج
- زينه الحمد لله وانتي
- اني مشتاقتله لحسن حموت وماكدر اتصل اخاف لان احمد فك حسابي بتلفونه ماعرف ليش واخاف اسال. يروح يشك
- اوو الله يعينج
- الخميس يجون اهله
- صدك
- والله واني الاحد اداوم تره عساس عدي محاضرات
- حتى نتفق اني وياه
- اوك دير بالج
- اي بالجامعه بالمكتبه
- اوك
- باي
- مع السلامه
.
.
.
يتبع
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!