رواية اماً لهن الفصل السابع والأربعون 47 - بقلم مريم السعدي

بارت ٤١

#أماً_لهُن

#مريم_السعدي

بعد كلامي ويه رائد همس بكلمتين هدت كياني صوت ناصي ونزل راسه

- ليش الومج ... واختج رسل

فرطت روحي فرطه الرمان تطشرت لزم مكان ألمي وداسه مكدرت احجي تلجمممت رفع عينه بهدوء يباوعلي باستهزاء مهتم بغزاره دموعي وفكه عيني المنصدمه

- اذا ردتي تبطلين مري عالمحاسب فد مره واخذي اجورج ورجع نزل راسه وكال

- الله وياج
نصيت شلت جنطتي ارتعش مشيت ركض بره طلعت اجر نفس واحس الهوا واكف ميدخل بريتي اريد اشهك بقوه ومدتطلع اختنكت.

ركض عالشارع مشيت انشلع حذائي وكانها القاضيه. كعدت عالرصيف ابجي مثل الجهال ورديت توني اكوم انشلع الحذاء شمرته كمت اضرب بي بالرصيف ضلمه ضوه خفيف. الشارع كل هواي يله تمر سياره
مشيت تك لابسه وتك لا صووته ورايه
ازل اوكفي

التفتت عليه اباوعله بغضب شفته يمشي سريع يتلفت يمنه يسره مدري خاف احد يشوفنا مدري من السيارات همس
دقيقه دقيقه
وكفت ملتفته مسحت وجهي غمض من وصلي كال
امشي اوصلج دنيا ليل
ماكو داعي استاذ رجعت التفتت
نتر

- امشيييي ازززل
وكفت ضهري عليه جاب سيارته فتح الباب من داخل السياره يعني هو بمكانه كاعد ديسوق وفتح باب الصدر نتر
صعدي فضيها
صعدت مغثوثه وعيوني عالشباك الهدوء مخيف جان يمشي ويجلي بحنجرته
احمم
ويرجع يسكت دك تلفوني للومه رديت
ها للوم بالطريق صار عدي شغل اوك ماشي سديته ورجعت ماعاين صفحته

يسوق بهدوء وسلاسه
قريب مدنوصل. همس
باعيلي داحاجيج
باوعتله بجمود وغضب. بقه يتامل ملامحي وهز راسه جر نفس

- التردي شنو
- مرايده شي اني كتلك اريد شي
دار وجهه عالطريق طبك وتكتف يعاينلي واني مره اباوعله ومره اعاين كبل

- نزلي نتعشى امي بيت سيدار
كالها وفتح باب سيارته صفنت عليه
تره اني حافيه باوع لرجلي ابتسم ورفع عينه اجيب اكل دقيقه

كعدت وحدي بالسيارة و يعلم الله جرح كلبي شكبره الخنكه اللي بصدري تذبح. شكول عليج رسل شدعي وانتي بنت امي وابويه. يربي صبرنا وعزز مقامنا بين الناس. رجع للسياره عيني مدمعه درت وجهي راسا

همس
شاورما دجاج مثل متحبي مكسب
تبسمت وعيوني عالشباك عكس اتجاه وجهه. احلى ايام بحياتي كضيتها وياهم اكثر من اهلي. عشت عدهم. مرديت
جر حسره لان تجاهلته
كال بصوت ناصي
- ازل عمو؟ موعيب متردين من احاجيج دايره وجهج عني

باوعتله بعتب تامل ملامحي بنظره افسرها بمخيلتي. نظره حب لو اني داخله بحلقه وهم. طولت نظراتنا بيها دخل عيونه بعيوني اني. نعس جفن عيني عتب واحتياج وعشق مداعرف اوصفه اني شورط كلبي بي. وهو يمكن ابوه يمكن اخوه. بس والله جانت نظراته تخترقني نفس مذبلت ذبل انترست عيونه قهر ودار وجهه لزم الستيرن متنهد. وغمض بهدوء

كال بصوت تعبان وداير وجهه كبل
- زعلانه مو ؟
درت وجهي مكدرت ارد بس دموعي تتمدد على خدي بدون اجهاد جاوبت بعد ثواني

- اذيتني بشي تعرف اني مالي ايد بي شنو ذنبي اني وتعيرني بيها تعرفني كلش زين من جنت طفله فد يوم غلطت

- لا يابه ابد جاوب ببديهيه وعيونه تريد وجهي بينما اني مداكدر اباوع احجي واعتب وابجي وعيوني كبل

- كافي كافي اني الغلطان والله مو قصدي شي بس ردت افهمج واذكرج اني منو ازل بابا اني عمو رائد

- ازل كبرت باوعتله اشكي منه الهه
ازل كبرت وعرفت انت مو عمها ولامثل ابوها افهممني

غمض وعض اصبعه واندار عني جر حسره
ورد باوعلي
- نروح للحجيه شوي انتي ترتاحين يمها
- ماريد اقهرها .. كلتها وبجيت اني كلما اختنكت اخابرها وهي تختنك مثلي ثاني يوم تتمرض

- لالا هي تحبج تعرف شون تهديج
- ماريد هاديه بس وديني لبيتنا
- ماشي بس اهدي
- هاديه شفتني املخ بشعري
- ههه ابتسم يلطف الجو قريب مدنوصل
همس
- اخذي اكلج وتذكري ايامج وياها تتذكرين من جنت اجيبلكم الاكل من نفس المطعم جنت

ابتسمت ودموعي نزلت
كال بهدوء وعيونه عالفرع تفتر
- تاذيني دمعتج وحق روحها اتعذب بابا اني اشوفها بيج
- انيييي مو بنتك لتكول بابا

- اي ماشي هذا هو
فتحت الباب مدلي الجيس خلاه بحضي اخذته بلعت ريك باوعتله.

يباوعلي بقلق مدري شبي
سديت الباب وعيوني عليه داروح افتح الباب
صاح
- ازل
التفتت
كال بقلق يستفسر

- باجر تداومين مو
عكدت حاجبي مستغربه
- شنو
- باجر باجر تجين موو يجي الوفد. تره وانتي خليتج مسوول ثاني عالمشروع

- اي اوك
ارتاحت ملامحه مبتسم فتحت الباب بقه مميل راسه مبتسم حدما طبيت وسديتها عيونه عليه سمعته طلع

طبيت للبيت للومه جانت كاعده التلفون بيدها اول مطبيت رزلتني

- اربع مرات اتصل ويينج
- يو والله التلفون صامت

هزت راسها عمو انور وراها يلعب بالتلفون وعيونه عليه اشر بحاجبه يسلم
هلو عمو هله بيك
تتعشين لو هم مثل عمتج متشتهين
لا والله عشايه ويايه

انور : موصوجكم صوج اليسوي جلفراي
- هه بالعافيه

طبيت مترخصه وللومه ورايه
- شبيج
- شو عينج منفخه
ازل بيج شي
- لا والله تعبانه للومه انتي شبيج وجهج اصفر
- مادري والله قبل شويه دخت وهبط ضغطي و معدتي وجع يمكن قرحه تجين باجر للدكتوره ويايه

- اي شكو منها بيش ساعه ترحين
- العصر من ارجع من الدوام الخميس طالعه لتركيا وي انور
ابتسمت الها صدك فرحت ان شاء الله تتونسين
- يضل بالي على عسل شون
- لا عادي اني ارجع من الدوام وراها بساعه المن خايفه روحي غيري جو عوضي الشهر ههه
- ان شاء الله

طبيت للغرفه نزعت وفتحت جيس اللفات شفته لفتين مثل قبل دزيت رساله
- لفتك يمي
- راسا رد شوكت وصل ماعرف رسل
- لالا هاي لفاتكم
- اثنين
- اي الج والها
لزمت راسي كتبت
- دتعذبني
رد برساله صوتيه

- اكلي وحده والثانيه انطيها لعسل بلكن توصللها
- شكرا

دزيتها برساله صوتيه
مدز شي وره مفتحها طبيت لعسل جانت كبال المرايه صافنه تباوع لروحها

- شبيج؟
فزت باوعتلي
- لا ماكو شي
- ليش هيج صافنه عسل بيج شي تحسين شي اني اختج وان كانت ماكو لغه حوار بيننا خلينا نسوي شي مالي غيرج ولا الج غيري

- لا والله مبيه شي
- تعاي اكلي لفه ويايه
- اوك جيت

عسل.....
طبيت لغرفة ازل وكعدنا ناكل تتاملني واتاملها ادري بيها وجع وتحس بوجع كلبي.

- ازل؟
- ها كولي
- اكولج اني حلوه؟
- ههههههه تخبلين بس عيونج تجنن شبيج ماما
- لاهيج بس ردت اتاكد

- احد كلج انتي حلوه صارحيني
- لا والله بس مثلا اني غلطت
- اممم
- يعني بحق احد غلط جبير
- امم
- وردت اصالحه وهو متجاهلني اذا طلعت حلوه يصالحني ميتحمل مو
تلاشت ملامح ازل
كعدت عدل راسا همست

- احجيلي من اول اكو احد بكلبج مو
- هه لا شبيج دا أسأل
- عسسسل احجيلي
- لتخافين والله مااغلط
- واثقه بيج بس اريد اسمعج عسل اني اختج خل نبدي نتقرب ماضل عدي غيرج والله

- هه شبيج عيونج دمعت وحتبجين من يكون اكو شي اكولج
بقت تباوعلي بشك ونصت على اكلها كانت بكل لكمه تبتسم وتغمض وتجر نفس كملت لفتي همست طيبه

- امم تخبل
- شون طعمها
- بيها هواي صلصه
- حاره مو
- اي حرارتها تخبل وبيها طماطا هواي
- اممم هي هيج تحبها اقريها الفاتحه
- اوك

عسل ....
ماكانت تجمعنا اسرار حاولت حاولت احجيلها مكدرت اكثر من مره اريد هيج انحشك بيها تحضنني واتردد خجلانه مو طبعنا هذا عيد الله اكبر بس نتعايد بله بوس وحضن كبرنا هيج. مااعرف هسه اعيد سيستم العلاقه موبيدي رغم كلما تستلم الراتب نطلع نشتري ملابس نواقصي الجنت اغلس عليها هسه هي تعددلي
مرطب بشره مااخذتي
معطر ملابس تاخذين
شغلات ثانويه صارت عدها مهمه اكتفيت بوجودها جنت افرح من اروح للسوك وانتظر واحد بالشهر من غير اسبوعيه للومه اكثر من مره تكولها ممحتاجيها لتنطين اسبوعيه بعد وللومه تعصب

تقربت منها هواي واخيرا قررت احجي وجعي الداعيشه يوميه

رجعت من الدوام جانت مبتسمه. وهادئه حيل تمسد بشعري وصافنه بغير عالم للومه مسافره هالفتره رغم معدتها مطابت ولاحصلت حجز عند الدكتوره. بس سافرت

من بقينا وحدنا بالبيت سهره من سهراتنا سوه قررت احجيلها كلشي

دنتفرج وطفيت التلفزيون
ابتسمت باوعتلي كتفت ايدها باوعت بعيني كالت بهدوء

- كلي اذان صاغيه ست عسل
جريت نفس وبجيت مكدرت احجي. بس ابجي خافت عيونها واحاول ابينلها ماكو شي بس انرعبت بدموعي

- بروح ابوج ومعزته احد ماذيج
- للا لا والقران بس سمعيني وونصحيني تعبت كلبي دينمرد مرد من الغيره والاشتياق. شسوي شوري عليه

- احجي احجي من الاول
حجيت كلشي من البدايه. حدما وصلت صدمتي بي من داوم احجي وابجي

ازل باعي يعني يعني معقوله كدر يحب بهالسرعه
يعني اوك اني جرحته بس هو هم كذب عليه هذا مو غدر مصارحني بحقيقته
يعني هسه هاي نور صارت كل حياته مثل مجنت اني بس كوليلي
يعني بشر عادي يحب بسرعه ويبدل شخص بشخص ليش اني لحد اليوم اشوفه بكل شاب يحاول يتوددلي وانهزم لان اشوفه بروحي مداكدر

هاج باعي تعاي ويايه
جريتها من ايدها طفيت الضوه ووخرت البرده بينت الكتابه الفسفوريه
باعي شكاتبلي
باعي شهدالي
شوفتها الدب الكلاص الساعه اللفكس الدفتر والقلم
و وو وو وو وو وو

كلشي من عده اجه حدما تعبت وكعدت عالجربايه وهي بس صافنه عليه
حضنتني يايابه شكد جنت محتاجته جنت احس روحي اغرق ورسيت بحضنها همست
- انتي شتريدين عسل

- احبه بس شون اعيش وياه شون ارده لكلبي شوون مديباوع ابد ولايهتم ولا كانني موجوده وهاي كرابته نور لازكه بي اربع وعشرين ساعه وتدري بيه متاكده ذاك اليوم والله بالغلط جريت الكرسي دااكعد كلتلي بنتره
كومي منا متشوفين ملازم وكتب موجودده لتحاولين تتقربين بعد
بقيت صافنه عليها توها لوزه تجاوب لزمت ايدها كتلها عوفيها لميت روحي وطلعت هو جان ورانا سمعها وطب كلشي مكللها

ازل : وج عسل انتي ام كلب الطيب شون كدرتي تاذي هيج
- مادري ههو هو هم كذب عليه احجي وابجي بس محسيت. بوجوده لحاجه اي شي
تدرين ذاك اليوم الاستاذ كال
ملازم موجوده بالمكاتب. اخذوها ملخصات مال موادنا رحت لكيتها مسحوبه كلها وكلي ابو المكتبه باجر تعاي ورحت طلع ناسي يطبعلي لان بس اني رديت رجعت اسبوع يله لكيتها مصادر هاي لو هو جان راسا بنفس اليوم عدي
ذيج المره كتاب نحتاجه بمنهاجنا لكيته بيد نور وهو وياها يدرسها اني الجان يدرسني درجاتي كلها اذا مو كامله فنازله درجه وحده وهو هم واني داعاني يله افهم من غير عذاب الغيره

ازل.. ابتسمت لحركه كلبها تلمست خصلات شعرها العركانه اثر حركة كلبها

- تردي رجعي
- شون
- تردين ترجعين وياه يعني

صفنت افترت عيني عالمكان افكر ورديت باوعتلها
اني بله احساس من يوم العافني فارغه روحي بدونه

- واجهي نفسج تكدرين تعيشين وي انسان معاق تكونين اله سند مو تملين بساعه تعب وتزهكين
نصيت راسي
- اي اكدر

- لعد روحيله واوكفي بوجهه وصارحي
- حيسامحني
- متاكده لان يحبج
- خاف يخذلني
- مااعتقد هالصفات الدتحجين بيها مااعتقد تكدر ترد انسان حبته فد يوم

- خاف كام يحب نور
- ذاك الوكت هو يكولج. اني عدي بحياتي شخص
- هزيت راسي يمكن اموت
- لا محد مات وره احد والا جان متت وره جزء من روحي ذيجيه جوه التراب

هزت راسها وخلته على حضني. امسد بشعرها ومستغربه المرت بي وحدها وحدها محد حس بيها رسل ثولتنا بمصايبها خلتنا نلتهي عن عسل ماعرفها بعد يوم بيومه حديثنا يكون لو ترتبط بي لو تتركه

يحيى !!! والله الدنيا فرتها فره منين اجاها شون صدفه سبحان الله. بس معقوله هالطفله تكدر تعين انسان وتعيش وياه وهذا ضرفه وصعوبته اذا حبته تكدر وهو بكلامها كلها اني مو معاق
كلش كافي اذا كان الانسان يحس روحه مكتمل يقضي على اي اعاقه بجسده الاعاقه الفكريه هي الاعاقه الحقيقيه

بيومها عسل نامت واني منمت احتاجيت. احد يرشدني وملكيت غير ايقونتي
بيبي الحجيه دكيتلها ولو جنت متردده بس كلت ادك دكه وحده اذا كاعده ترجع تدك
وهذا الصار

دكيت وسديته راسا رجعت دكت عليه
- ها بيبي
- ها يوم شبيج كاعده خوما بيج شي انتي اختج عمتج
- لابيبي خاف جنتي نايمه
- لا والله كاعده هاي توني كملت تسبيح وسمعت التلفون جيت لكيتج داكه
- زين
- ها كولي
- خاف منعسه
- لايابو ويني وين النعس من يأذن اصلي وانام احجيلي بيبي منو مضوجج
- بيبي هالمره مو اني هالمره عسل

- شبيها خو مبيها شي
- حجيتلها كلشي ماكانت تجاوب بس تكول
شوفو باعو
اوي ياعيني
كسر افادي خطيه

- بيبي شنو انصحها علميني شكوللها واعلمها
- بيبي لاهي صغيره وتحتاج نصح ولاهي المدتعرف شتريد اختج حابته وكاسره كلبه بعد تكدر ترجعه كدرت مكدرت هي وحدها تعاند روحها وتتركه عسل اني احسها مو من النوع اللي تكدر تتحمل اهانه

- اي والله بيبي
- اي خلص اذا صدك حاب غيرها وتركها لان جرحته من تجي عليه اذا هو مثل متوصفي حيكولها لكيت غيرج عوفيني موصح
- صح
- واذا بعده يحبها يمكن يغثها مثل مغثته شوي براها يرجعها. لان اذا يحبها ميتحمل
- اني هم هيج كلت بيبي
- ست الفاهمين انتي يبيبي بس حظج نايم بعده

- هههه اشكرج
- زين هي تكدر تعيش وي انسان عاجز هاي مطعجه اختج
- والله بيبي هو مو ميمشي هو تك من رجله العصب مال كف رجله مفصول عن العصب الساق فسايبه
- بلي بلي فهمتج
- اي بس عالعكازه وكتلج عنده مكتبه وفاتح بيت

بيبي كالت
- يمه انسان عادي بس شوي رجله مو يمعوده اذا يحبها وتحبه واحد يتحمل اللاخ تره عسل عاقله لتخافين امي
- اي والله بيبي عاقله اووف الحمد لله
- اي ازوله وانتي يبيبي
- شبيه بيبي
- انتي هم بنيه وحليوه متردين تتزوجين نفرح بيج
- بيبي مالي خلك هالموضوع
- والله بيت ابو آسر جتني ذيج النوبه امهم سالت عليج عبالها بنت عم اساور كتلها لاصديقتها
- بيبي لخاطري
- ييمه عمرج عبر ال٢٣ وتخرجتي شتردين بعد نضل نرفض
- ماريد بيبي فدوه

جرت حسره وكالت بصوت ناصي
- عدج واحد كاعد بكلبج عامي عيونج عن باقي الزلم مو
سكتت وجريت حسره
- بيبي اليناسبج خلي بكلبج.
- ليش هو كيفي
- لا والله مو كيفنا بس كون مناسب الج

سكتت حجايه لخ ابرط كلشي

سديته منها واحجي وي روحي بالحديقه افتر الفجريه لالت بالسما
واتذكر كل كلمه ونظره وابتسامه من عده

من يوم التعاركنا ورجعت حافيه لحد هاليوم صار اسبوع
راكان مسافر من يوم العركه لعمان واني ويا وحدنا ندير الشغل وي رحيم وعون

المكتب على طول متواجده بي وياه اطول فتره دااكضيها وياه بحياتي هي هالفتره
عملنا بهدوء متعتي بصوت نفسه من اكبس لو اثقب لو انسخ قريب منه

يجر نفس بغمج ويردد بهدوء
عاشت اديج
اول يوم من طبيت كان ينتظر بقلق كل عقله يتوقع ماداوم بعد من طبيت ابتسم ونصه كال
تعاي يابه تعاي وكت ماكو

جيت راسا ذبيت جنطتي وكعدت بصفه ببعد يده الكرسي بس
وبده يحجي ويناقش وعيونه ابد محطها بوجهي واني اخذت راحتي اتأمل لحيته وهيبه صوته وتاشيره ايده وكبرها حتى الساعه والمحبس حدما هدا ساكت ويعاين للفايل اللي بيده ابتسم والتفت عينه بعيني بكل هدوء

ارتبكت تفاصيلي همس وعيونه بعيوني يبتسم

- مضيعه شي بوجهي دتدوري

هزيت راسي ابتسم بله صوت لا

حك حاجبه مميل ركبته يبتسم بهالقرب يعاين بوجهي تفصيل تفصيل يتأمل حدما ماوصل فتحه شفتي دار وجهه راسا وذب الفايل كال بهدوء
خل اصيح رحومي

شنو التغير ليش هيج نظراته تغيرت والللله دااحس بي واللله مو ذاك رائد
كمل شغل رحيم وعون وطلعو واني عالميز دااشتغل كال
بسرعه
- تعاي تعاي تعاي وصلن الصور

جيت راسا واباوع بداخل الشاشه قريب منه يبتسم وياشر يحجي التنفيذ النفذو يشرحلي الماعرفه افهمه من عده هو كاعد واني واكفه مميله جسمي عالحاسبه كملن الصور كال بجره نفس

- من صغرج جنت متأكد حتصيرين شي باوعتله فر الكرسي التفت عليه كال بنصح وجديه
ضلي هيج ابد لتملين خططي فكري طوري افكارج ساعديني جوز افتح فرع صغير اداره نسويه. لتضعفين بفشل ابد
بقيت اباوع بعينه

- انت بس لتعوفني خليك ويايه شجعني كون ويايه بكل خطوه
بقه يباوعلي بابتسامه حنينه ملت روحي قوه سال مبتسم

- ليش اني شمسوي الج انتي قويه. وكانج جيش من صغرج
- لا من صغري انت تسندني بس محاس على روحك
- من اول جنت احسج بنتي حالج حال اساور

تلاشت ملامحي بس اني كبرت وكمت احس روحي مو بنتك كلتها نبرتي رجفت خجل لابسه قناع القوه والجراءه بس والله بداخلي طفله

رمشت عيونه مره بهدوء ومرتين بسرعه ونصه راسه وغمض همس
- امشي نطلع نتغده
- مكملت شغلي
- عوفي باجر
- دقيقه بس خل
- عووووفي كتلج نتر بصوت عالي
- اوك تمام

ذبيت الغراض قفلت وشلت جنطتي وطلعت وراه طبكنا يم مطعم بسيط ونزلنا
جنت هادئه بس مو بهدوءه وبروده ابد مباوعلي
حدما نزلنا وبده يحجي علما يجي الطلب

- البارحه جتي ام اسر ببيتنا وجابو طاريج
عبست حلكي ودرت وجهي
- شنو كالتلج الحجيه
- اي وماريد اسمع مره ثانيه ممكن
- تعرفين اسر شون سبع ولازم شركه ابو شاب ورده مال الله حيكون وياج مثل الضل بالعمل يفيدج وتفيدي اذا متدورين حب وهالخرابيط
قاطعته
- ومنو كلك اني مادور حب
عكد حاجبه صافن عليه
- منو كال اني كتلك مااحب كتلك ماكو انسان بكلبي كلتها بعصبيه
نتر
- انتي مخبببله مخبله انتي لا خل نحجي عللمكشوف بعد الظاهر ماضل مستحه وعيب

- اني متجاوزت
- بابا اني مثل ابوووج
بقيت اباوعله مرديت
- ازل عمو
دمعت عيني وتقربت اساله صوتي مخنوك
- بيه شي ميعجبك
صفن فك عينه ويتامل ملامحي
- اني بابا اني شايفج مثل بتي
- واني مشايفتك هيج وكفت
همس كعدي كعدي
كعدت ترجف شفتي وصلت واقع ماكو حل لاحساسي الدمر كلشي بيه لاضلي كرامه ولا عنفوان

هدأ شوي وهمس
- راح اجي وياج ميخالف يمكن اني غلطت من تقربت منج كلش بفتره مراهقتج وتغيرت نظرتج
- لا مو صوجك

صفن عليه وعلى دموعي همس
- تره دتاذيني بدموعج دنحجي ليش هالبجي
- ماعرف شسوي
- بنتي اني منتهي داقاوم لخاطر راكان وخاطرج اقلها شباب حدما الله يلطف بيه وياخذ امانته

هزيت راسي بالرفض واعاينله جن كل حياتي بي
جر حسره وتقرب همس
- اسمعي مني واعتبريني اذا مو ابوج اخوج الجبير عمج صديق
كالها وجر حسره وذبها بهالقرب عطره ونفسه بوجهي غمضت عيني هدات كل روحي اني شنو الخلاني احس هيج ياربي شووون

انتبه حس عليه تامل ملامح وجهي عيوني الدمعت خجلانه وذبلانه اني بي روحي تتذكر انوثتها كدام رجولته وهيبته مثل الورده اهدا كلي واميل بلع ريكه حسيته ارتبك والله تاثر عيونه احتارت ابتعد ورجع ارتجه صافن عالميز مبعد نظره كوه عني قبل ليجي الاكل وكف همس يله

مناقشت ولاباوعلي رجعنا صعدنا رجعني للبيت ابد محجينا نزلت ساكته وهو طلع بكل هدوء
جنت مبنجه
شنو الصار ليش سكت اكيد حس عليه اول فكره طرات بمخي اترك العمل مد اسيطر على مشاعري

شلت هم شون حكدر اشوفه بعد شون حتكون ردت فعلي وفعله للومه رجعت من السفر مريضه كلش تتقيا ووجهه اصفر تكول اول مطبيت بغداد انكلبت معدتي حار بيها عمو وجهه تارسه القلق استنتجت هاي بدايه سن اليأس والدوره دتكطعها حتى هي كالت جتني قطرات وراحت كان شي ابدا موسهل عليها من دتكولها بس راضيه بامرها تشاورني خجلانه وجهه منتهي كتلها يمكن. مااعرف والله لليل مكدرت بعد غايبه. عن الوعي بس متخربطه عمو مكدر بعد لاول مره يطب داخل البيت يدك باب غرفتي رديت تعاي

- انور اني ... فزيت كمت لبست حجابي وطلعت
خير عمو
- يابه البسي داوديها للمستشفى ماكو فاصله يحجي بتعب وخوف
- ماشي هسه

بدلت راسا وطلعت وياهم عسل جانت يمي بغرفتي تسولفلي عالصار بالجامعه وياها طلعت تركناها وحدها بالبيت
وصلنا كبل للطواريء تحاليل عامه سوولها وسونر وهناك ضهر لطف رب العالمين طلع انور يضحك وهي تبجي

- شكو شبيها عمو
- هههههههه والله مادري ساليها
- للوم شكو باوعتلها بس لا ... غطت وجهه وشهكت من كلبها بجت وكعدت عالمصطبه عله صوت بجيها بجت حتى انور وياها واني فهمت
حضنها عمو ويردد
- الف الحمد لله
مكدرت اسيطر على مشاعري من الصبح ليهسه شبعت دراما رجعنا قبل لنوصل البيت بشوي
همس
- حبيبي معاجبج شي مو ما اكلتي من الصبح ليهسه

همست
- اريد زيتون اخضر وجبن

جر نفس يبتسم نظرات عينه بعينها تحجي تعبهم وفرحهم دموعهم التترس جفنهم شكد تقهر هز راسه بهدوء موافق نزل كان مو يمشي لا طاير جاب الغراض و ردينا طلعنا وصلنا للبيت حسن بالباب ديلعب بالفون
نزل انور كال

- ها يابه شو هنا
- مادري ضل بالي كالو بالمستشفى ها الله يساعدج عمه
جاوبت للومه
- هلو عيني حسن تفضل فوت
- لايابه دنيا ليل بس جيت اتطمان عليكم وارجع
- لا سلامتك تعال اشرب كهوه
- لا والله داارجع يله فيماللا

طبينا وعمو ركض خله الجاي عالنار وكصكص الجبن وحضر الزيتون بينما للوم تسبح سوه صينيه والصمون كهربائي مثل متحب كسبه وباوعلي داباوع عليه خجل نصه همس

- تاكلين
- لالا بالعافيه
- شوي ويانا
- لا والله شبعانه بس الف الحمد لله ربي مباركتلها اروح ابجي وهي كوه سكتت
- ممصدكه خلت ام السونر تحلف الها يله صدكت هو اني هههه اني ممصدك

- الف الحمد لله
طب للغرفه والصينيه بيده مثل الاجانب يمشي ويدندن

طبيت لعسل
- ها جيتو
- ههههه اي من زمان
- شطلع عدها بس لا مصران اعور
- لا ولج حامل للومه حامل
- كذابه عليج القران صدك
- ههه اي والله وروح ابوج وج لو تشوفيها
- خل خل اروح اشوفها بشرفج
- لالا لج كعدي مسويلها اكل انور وحركات كعدي تخربين عليه الليله كوه سكتت

- خطيه حياتي الحمد لله ربي
- اي والله الف الحمد لله تعاي كمليلي تالي

- هو غير هسه خابر على ابو و عمو ناسي تلفونه طبيت لغرفتهم شفت رقمه ديدك رديت راسا كال
- ها حجي حمد الله عالسلامه وصلت
- جان اني كتله اي وصلوا وراحو للمستشفى هسه
- تالي
- شتالي جر حسره و سده بوجهي محجه اي شي

- مجروح منج هذا عوفي
- عايفته بس ردت افهمه وجهه نضري وصدمتي وخلص هو كيفه بعد ما اضل اتوسل بي هو اني خسرته بعد بس كون الله يشيله من كلبي
- تصير سوالف والله
- شوكت شوكت نار اصير من اشوفها وياه
- اليوم هم صار شي ؟
- اي هسه اسولفلج الصار
.
.
.
يتبع