رواية اماً لهن الفصل الثامن والأربعون 48 - بقلم مريم السعدي

بارت ٤٢

#أماً_لهُن

#مريم_السعدي

عسل ...

- طلعت الصبح وي حسن اخذنا لوزه
- امم

نمت عالجربايه وازل كاعده بطرفها تسمعني
فليت شعري وصافنه على البرده اسولف وابتسم
حتى الغيره والعذاب وياه استلذ بي اني حبيته والله حبيته بس انصدمت بي

- وصلنا نزلت مثل كل يوم لهفه وخوف واتخيل راح يرضه ونتصالح وارجع مثل كبل بعلاقتي ويا

- تالي
- تالي مشفته اول محاضرتين بس بعرور جايه والنوب تخزر بيه ام حليك
- ههههه
- والله لبستها المهم دااكتب بالمحاضره سمعت صوته طب همس
- استاذ تسمحلي ادخل
- كله تفضل استاذ يحيى اخرناك وتعبناك نعتذر
جاوب لا استاذ العفو تعبك راحه

وطب فات من يمي رفعت راسي لمشيته حرك عينه تجاهي ودارها مباوعلي ابد بس حس بيه اباوعله
بعدها .. كلتها وبجيت غمضت ازل خانسه متريد تكطع
كلامي خلتني براحتي

بعدها طلعت و لوزه رجعت اخوها متخربط وضل بالها علي المهم خابرت حسن كتله انت بالجامعه كال اي بالمكتبه خير

عفيه لوزه تريد ترجع بيها مجال
كلها ساعتين ينتهي الدوام شعدها شنو مريضه
لااخوها تخربط
ياستار اي هسه حنزل ماعدي شي خل تنتظر بالكراج جاييها

راحت لوزه وبقيت وحدي
جنت اراقبه وهو يحجي
ولج ازل معروف كلها تعرفه للكل مسوي فضل ياهو اليجي

وكله مشكور منك معرف شنو جنت اراقبه شارده وهو يحجي بسيطره ورزانه ووثوق بنفسه ممهتم لكم واحد واكفين يمه متكولين سنه ثانيه لا تكولين استاذ
جريت نفس واني اوصف بي صافنه مسحت دموعي

تحركت عيونه صارت عليه عكد حاجبه من نظراتي اللي تشرح اشتياقي حسيت كرامتي انمست نصيت راسي بعد نظره وكمل كلام

كمل دوامنا حسن ورايه دكلي رديت كال اني وراج بالباب داشوفج يله طلعي صيحي البنيه الوياكم ونور حخابرها
كتله اوك
فهو الضاهر شاف حسن اشرله صاح حسن اوكف
ومشه من يمي اني اباوعله اتامل مشيته بالعكاز سريع يمشي ومن مشه من يمي سررع اكثر ديمشي وصونده مال مي تزكي الحدايق عثر بيها حبيبي ووكع

ازل ....
كالتها عسل وماتت بجي غمضت عيني اسمعها واتكطع متاذايه موت
عسل : ف فف مسيطرت ركضت عليه جريت ايده اكومه غمض عينه بكل قوته وعصب كلش بس مطلع صوته نتر

وخرررري لتلزميني وخري ممحتاج وخري ونفر ايدي بطريقه مستفزه عبالك اني جلب بالشارع ماكو ماكو هذا الاجرب

تحجي وتبجي بعصبيه وتشهك وتاشر

تالي كومه حسن ركض عليه واعتدل بوكفته بس صار عصبي كلش وراح وره شوي رجعت وي حسن بس الطريق كله ابجي

اضم بجيتي واباوع للشباك هو عيونه عليه ومحجه ابد وصلني وراح ازل كليلي شون اعتذر مو كارهني لا اكثر اكثر من هالشي

ازل : عوفي كافي خيولي
- لا ماكدر
- ماكو متكدرين
- ازل متعرفين شون جننا
- وهسه رافضج عوفيييي عوفي خلص

ازل عصبت عليه ودمعت عينها احس بيها مني ومن المي احس تغلط غلطي ومتريدني مثلها سكتنا وكلمن راحت غرفتها نامت
مكدرت انام نار تحرك بيه قررت خلص احجي ويا ساعات واني اتدرب كدام المرايه

شون احجي وياه
اكول
ممكن دقيقه
ممكن كلمتين وياك

بس اذا تسمح تسمعني واني اعتذر جنت مصدومه لان كذبت عليه ووهسه ندمت وهاهي هاهي هو وبكيفه بعد

جنت متفائله كلش واتخيل بهالكلمات راح يبتسملي ونرجع مثل قبل واكثر
تحضرت للدوام وطلعت لبست شال الجابه هو وطلعت ودفتره اللي سواه الي بيدي متقصده اجه حسن عليه وطلعنا للوزه صعدت وطلع جانت نور مموجوده
اول مصعدت رفع راسه حسن همس

- ها صباح الخير شونه علي
باوعتله صافنه هزت راسها
- لا احسن الحمد لله. شونج عسل
- هلو لوزه عذريني مخابرتج البارحه والله عمتي تخربطت

حسن : اييي حيصير عدكم نونو صغيرون
عسل : ابتسمت ان شاء الله يتمم عليهم
لوزه : صدك تحجين عمتج حامل الحمد لله خطيه الله بيض وجهه
حسن : ليش قابل شكو واذا محبلت وجهه اسود ههه
يرفع راسه ويباوع بالمرايه ويحجي مبتسم ويباوع للطريق ماعرف شصاير البارحه اللي لوزه راضيه عنه تتجاوب وتحجي وياه عادي موعصبيه

لوزه : يعني اقصد مو تضل بله طفل طول حياتها. خطيه محرومه من الامومه
حسن : لعد ذوله ٣ بنات ربتهم وكبرتهم وهم بله رجال شنو

لوزه : مهما كان مو نفس طفل منها.
حسن : والله انتو مدري شون تفكرون
لوزه : انتو متحسون بهالشي الامومه احلى شي بالدنيا
حسن : صحيح كلامج بس مو معناه الله يبيض اذا صار واذا مصار وجهه اسود
لوزه : شايف وجهك من مرتك متحبل فد عشر سنين اول حجايه تكولها اريد اتزوج اريد طفل

حسن : ليش يابه شبيه لعد هاي دار الايتام المن
لوزه : حجي هذا تريده منك
- الله مكاتب شسوي
- يجوز منها السبب
- وحتلو منها مااتزوج اتبنه طفل واعتبره ابني تره مو فد معضله

لوزه دارت وجهه ممصدكه كلامه
حسن سكت وصلنا سيطره وكف اجه جاهل يبيع مي مد ايده حسن بجيبه يدور دور بالحافظات يمه طلع الف مد ايده من الشباك نطاه للطفل واخذ بطل مي طلع كلاص من يمه ورقي شرب والتفت

هاج عسل شربو
لوزه همست
- لاماريد
- مو الج لعسل لعسل مدتشوفيها شكللت احم واحم
عسل : بلاعيمي تحكني سوري
حسن : دشربي تروحين تموتين

شوي روسكم هاي بعد متفك لو يجي القعقاع
التفت علينا بعدنا روسنا ورجع بك وافتر
لوزه : منين حنطلع لعد
حسن : شبيج اليوم رفع راسه باوعلها ابتسم مخاطفج تره
عسل : شبيكم بس تتعاركون
سكت حسن ولوزه هم حد ما وصلنا نزلنا جنت اريد لوزه شوي تعوفني حتى بس اكوله هالجمله وابتعد متحمسه متلهفه وكلي امل ارجع اسمع صوته ارجع وياه بكل لحظه.

لمحته واكف هو و نور جوه شجره
اول محاضره عدنا ب٩ وهسه ب٨
اروح واجي من يمه ولوزه ويايه بس ردته يباوع ابد مباوع خمس نفرات ملتمين داير مدايره ديحجي عن كتاب مدري روايه حاجيلي عنها قبل

كعدت استمع مره ثانيه
اطبق حلم وحقيقه صوت وصوره

جانت ب٩ ونص بليل وخابرني يهمس كلمات الروايه الاثرت بي فكرتها ومحتواها وختمها

( شكد احبج من تتثاوبين وينعس صوتج اتخيل عيونج من تنترس دمع مال نعس ووجهج يطفي )

جنت صافنه على وكفته وطريقه شرحه واتذكر كلامه اتخيله يشرح بس الي ويسرح بعيوني مثل قبل من يسرح بالكامره وينسى وين وصل ابتسمت وهو مديباوعلي بس من عيونه عرفت لمحني من كام يبعد بيها متقصد عرفت متجنبني

سكت وفرك وجه وداره عكس صفحتي واحد منهم كال
اي وتالي شصار
همس
هو اني وين وصلت كملتله نور بقه يباوع بعينها وهز راسه مدري شحترك بيه كمت افور اريد اكلها املخها بسنوني هذا حبيبي اني

كال
كملوها انتو ماريد احركها عليكم نطاها لولد سمين دوم يوكف يمه كال
غيوثي بس تكملها فرها عالولد فدوه لحد يتلفها
تركهم ومشه و نور وراه تحجي وهو مو يمها تحركت نظراته تجاهي نظره خلتني اوكف
عتب بيهن عتب يوجع حيل تمنيت اختفي رجع دار وجهه بجرة عين غاضبه

طب للقسم طبيت وراه ونور كدامي هسه مال ادفعها
ماكو احد بالقسم غير بنيه تنقل باوع لكتاباتها ودار وجهه كعدت بمكاني نور هواي تلغي وادري بي يضوج من اللغوه الفارغه بس هو ساكت كعدو ورايه
شوي وطب حسن

ابتسملي وتركني راح عليه

- ها حياوي يله نقد
- وديتهن عاشت ايدك ... جاوبه

- اي والله روحي طلعت من الا زدحام
نور : حسن ميخالف ترجعني من وكت اليوم
- شعدج
- مو ماما جتي وخطيه تريد تروح للطبيب متكدر وحدها
- اهوووو شون كراوي تعبانه كل يوم بيش ساعه تردين ترجعين محاضراتج ب١٠ وب١١
نور : لا اخذ بس ام ال١٠ وارجع
- بسيطه عود

جنت اسمع ضهري عليهم اريد بس هو يحجي واسمعه
شوي وطب الفراش من الاداره همس
دكتور فيصل مجاز ماكو محاضره
حسن : دكومي اوصلج حتى داروح اودي الملازم للمكتبه  تريد شي حياوي

يحيى : لالا سلامتك الله وياك اذا صارلك مجال تسوك اني ارجع كبلي للمكتبه عدي شغل

- تمام يابه
طلع حسن ونور وراه كم طالب اجه ويكولهم
مجاز الدكتور ماكو محاضره يرد يطلع للسنتر بقينا وحدنا هو ورايه كاعد يم الشباك واني بدايه القاعه
استجمعت قوتي والتفتت شفته يباوع لصفحتي التفت راسا نصه عالتلفون يكلب بي رافع تك حاجب

بقيت اباوعله عيونه تتحرك وترد عالتلفون كمت واتلفت لوزه مدري وينها بالمكتبه هواي دتكعد تقره واني ضيعت روحي وعفتها

كمت من مكاني مشيت كم خطوه تجاهه شفته حك حاجبه وجر العكازه خله تلفونه بجيبه رفع راسه كبل يباوع نظرته تعدتني وكانما مموجوده
وصلت يمه ببعد متر
غريبه شكد صعبه ولا كانه جنت احاجي اربع وعشرين ساعه
وكفت وحجيت كوه طلعت الكلمه

اريد اريد احاجيك
عبالك مسمعني
تقرب خطوه لخ كام مستند بالحايط ولزم عكازته زين تحرك خطوه
وكفت بوجهه
يحيى همست واختنك صوتي بعبرتي نصه راسه وغمض
توني اكوله اني اعت--

نتر وعيونه عالباب غضبب ينفض غضب

- عسسسل دير بالللج توصلين يمي دير باللللج واندار حط عينه بعيني فك عينه بوسعها وعكد حاجبه
قسم برب العباد وحق هاي عافيتي اااذيج والله ااذيج
بلعت ريك بقه عينه بعيني يعاين بعيوني يمنه ويسره برطمت شفتي تلقائيا وانترست عيني دمع

- اني ببس
نتر
- كلمه وحده ماكو بيننا انتتتتتهت فاهمممه ابعدي عن طريقي تره بالقررران ااذيج

نصيت راسي وغطيت وجهي بجيت مكدرت الزم نفسي
همس
- لتقيسين صبري احترمي كرامتج وانسي مثل مااني نسيت٠
وتركني
ترك القاعه والقسم
واني مكدرت اسيطر على روحي بالبجي طلعت لوزه بوجهي صارت همست

- شبيج عزه
- اريد اروح لوزه عفيه
- ادري حسن توه راح شبيج منو وياج يحيى
- اخذيني منا طلعيني كلها تباوعلي وتهامس
... لاخطيه شبيها هاي
... هاي عدي وابجيها امده البجاج

نصيت راسي من كلامهم ومشيت بسرعه لمحته يعاين عليه واني مغطيه وجهي لبست نضارتي الشمسيه ولوزه ورايه

- دقيقه شبيج
- اريد اروح فدوه امشي ويايه
ولد اسمه مصطفى همس

- ها خير شبيها
هذا ويانا بالقسم من نوكف يجي وي البنات لان بنت عمه صديقتنا
جاوبت لوزه بفشله
- لالا ماكو شي شوي عمتها تخربطت
- لا سلامتها محتاجين شي عسل تحبين ارجعج للبيت
- لا تسلم وصفنت عليه حسن رايح باوعتله انت حترجع
- اي والله راجع الاساتذه اثنينهم مموجودين عود دااخذ اجازه الحمد لله من يمي تردين بدربي اوصلج هاي جمانه هم وياج

كمت اباوع عالبنات ومصطفى يباوعلي بنظرات اعجاب اني فاهمتها قلق من دموعي مسحت وجهي وهزيت راسي
- اي ولو اسوي عليك زحمه
- رحمه يابه يله امشي
لوزه : عسل بس توصلين دكيلي
- اوك اوك

كلتها وانتبهت عيون يحيى عليه صارت عاكد حاجبه ويباوع لمصطفى من شافني لمحته نصه عالكتب بيده
طلعت وي مصطفى ويانا بنيه بنت عمه

خليت ببالي انتهت ارجع لحياتي العاديه يكفي كلام ازل صح كرامتي انهانت وحاولت اصلح غلطي ومنطه مجال

تذكرت روحي بهالشهر بس كئيبه
واتصفن بالجامعه الكل عرفني هاي الوجهه كئيب قررت ارجع عسل اللي تضحك الهوا حتى لو من وره كلبي وتمثيل

مصطفى الطريق كله يعاين بعيني بالمرايه اني بنيه واعرف بس الصار كمت اخاف من اي نظره انهزم بعيوني تكفيني ذكرياتي وياه

رجعت للبيت و اني ارتب قرارات على روحي للومه اكثر الوقت صارت تكضي نايمه وعمو حاير بيها يعصر فاكهه ويسوي اكل واني كمت اطبخ ونوبات ازل بليل ونوبات اذا تعافت زين للوم تطبخ

يوميه اكلب بمسجاته اضحك مره لخ عالصوتيات من يدزها يضحك وينكت وكانما اول مره اتاثر من جديد بكلمه احبج

ومن اشوفه بالجامعه
بعدني ارتبك اوكف حدما يتعداني يله اكمل مشيتي وتعلمت ماباوع بوجهه بعد مصطفى حاول هواي يبينلي اعجابه جنت اغبي روحي وانهزم من يجي يمنا قبل ليوصل اطفر اكولهم اترخص واصعد للمكتبه تعلمت وي لوزه اصعد

حسن مترجم لغات يترجم اطروحات الماجستير لعده لغات بالمكتبه يكضي وكته ولوزه تحب تقره بخبال كمت انهزم من كلشي يمها فوك

اكثر من مره لاحضت نظرات حسن عليها يبتسم من تطب وينصي عاللي بيده كم مره طلب النا جاي يهمس من يخلي عالميز

- عمي انتو اصدقاء المكتبه لازم نداريكم

لوزه تبتسم ومترفع عينها
حسيت اكو تجاذب بصفناته النظرات كامت تطول بصفنات عليها ومن ارفع عيني والكفه ينصي راسا اما هي ابدا مترفع عينه رغم شرودها وي الكتاب مبتسمه
حدما صادف موقف

شفت يحيى يكعد يم حسن ويخلي الكتاب بالمكتبه كتاب استعاره ورجعه
فضولي اخذني اشوف شنو كان يقره
بس راح رحت عالكتاب راسا جريته كانت روايه بالادب الروسي اسمها اباء وابناء اخذتها وبقيت اقره
اتلمس كل ورقه واشتمها بعمق انفاسي اتخيل غفه وضلت على صدره مفتوحه بس حدث ودخلت اعماق القصه اندمجت اخذتها ويايه بالبيت وارجع اقراها بالمكتبه بتمعن فعلا طلعت بيها من الدنيا

لوزه كملت كتاب الكان يشغلها ووكفت تختار من الكتب المصفوفه كم طالب موجود مو هواي بالمكتبه شفت حسن وكف يبتسم اتجه عليها منتبه عليه

همس
تحبين اساعدج
كالت بتردد تعاين بعينه خله ايده بجيوب بنطرونه وهز راسه مستفهم ومبتسم

شتحبين تقرين كوليلي واني ادليج
همست
كلشي اجتماعي عاطفي بوليسي
هز راسه ورفع ايده على روايه جبيره نفخ عنها التراب ومسحه بكلينكس بيده جان وخلاها بيدها ابتسم ويعاين للكتاب رحله ممتعه كالها وباوع بعينها
لوزه ابتسمت ولزمت الكتاب من الطرف الثاني
باوعتله

- حلوه لو حرامات القرايه
جاوبها وكانه صوته يريد يختفي

- تخبل بس مو بجمال قرائها وعقليتهم وقوتهم
هزت راسها ونصت وجهه صار احمر كعدت بالطاورله الكدامي وباوعت للساعه التفتت عليه همست

- تره ب١٠ بعد ربع ساعه محاضرتنا
اوك جاوبت وعقجت الورقه وكفت خليت الكتاب بالجنطه من انداريت لمحت يحيى كاعد وحده ورايه نضرته ارتفعت وي وكفتي ورجع نصه بكل برود
نزلت جوه للمحاضره شفتها عالكه بالقسم
نور تتعارك وي البنات والبنات يجاوبن

واحنا شعلينا صفننا اني ولوزه كعدت محبيت اتدخل اصلا خفت شوي وطب رئيس القسم نتر
بسسس شباببب بس كافي
نور محمد وين
وكفت
نعم استاذ اني
تفضلي لرئاسه القسم عدنان راضي وين
جاوبت بنيه
راح للاداره استاذ
ماشي
طلع وباوعت للوزه
شكو هاي
مادري شمدريني

طب يحيى اول مطب ولد وكفه وحجاله اباوع عيونه تعلكت غضب طلع راسا شوي ورجع وياها جانت تبجي نصيت عيوني من فاتو جان شي بيه يشتعل و يطفى مكاني هذا مكاني

مثل الغبره التفتت بسكوت بس ردت اشوفه شون يراضيها شفته يحجي بهدوء وياها وهي تبجي وتمسح دموعها ملتفت عليه ويهدي بيها والتقت عيونه استقرت بعيني طولت نظرته اول مره تصير من يوم التركنا بعضنا لليوم يمكن قره بيها غيرتي وناري دار وجهه بهدوء عني والتفت عليها

شوي وطبت بنيه ركض عليها راحت

نترت
انتي وحده متستحين
من يمي فزيت وخفت وكفت والطلبه كلهم التمو يمهم يحيى وكف كدام نور ونتر
روحي منااا منار

يحيى انت متعرف شي
فاهم كلشي اخوج واحد ميخجل روحي لاخوج
والله يا يحيى انتو مكبريها مكال شي الولد مصار شي شدعوه عليها اذا متتحمل حجايه المن توكف وي الكروب
نتر
ميخالف حجيج على راسي متوكف بعد
اي اني اخويه كرامته متسمحله احد يهينه تره مكال شي

اي زين واني هم حجيت وياه بردته روحي منار لقسمج عدج محاضره
طلعت البنيه فايره نتر
فكوها شباب كلمن لمكانه شنو السالفه دنوزع تمر

ركبتي ملتويه عليه من واكف مرتكز عالكرسي وياشر فجأه شفته باوع تجاهي وعكد حاجبه شبي هذا ليش هيج اخترعت عيونه

احد همس يمي
هلو بنات هاي شكو
كان مصطفى كعد بصف الكرسي مالتي
التفتت من حجه ورديت باوعت ليحيى بعد عيونه بحيره عني ورجع لمكانه مصطفى يحجي واني والله مداسمع شي

شكد عيب كتله
عفيه هاي مكان هدى هسه تجي
صفن بعيني ابتسم هز راسه موافق
اي مابيها شي اسف وكام من مكانه
رديت التفتت ليحيى جان ديباوع ناحيتي دار عيونه وحك خده جر العكازه وكام كعد يم نور
تذكرت كلشي
تذكرت من وكفلي بسالف يزن
من امتحن علمودي من واجه نفسه والمه وعذابه لخاطري ولخاطر شهادتي

مااكدر انساه الوحيد اللي وكف ويايه بدون ميعرفني تذكرت كلامه
- اذا فد يوم احتاجيتي شي واني يمج

نزلت دموعي على نصيتي عالدفتر همست لوزه
- الحب اللي يوجع كلبي بلاه
باوعتلها ابتسم احبه
هزت راسها تبتسم و لاول مره احسها افتهمتني من عيونها يمكن لان بدت تميل لحسن

نظراتهم الساكته ابتسامته المخفيه وابتسامتها هم بالسياره جان هواي يحجي هسه ابد بس ساكت ويتحسر وعيونه تحجي

وهي بخجلها الوكح نظراتها المو مهتمه متباوعله بس حركة ايدها عالدفتر تعقج بي وتفتحه تبين ضعفها

كم يوم مرت وانتبهت دفتري ماهو ضايع
الدفتر الجابه هو ضاع
تخبلت
هواي كاتبه بي شغلات الجان يكولها الي شغلات ماثره بيه حيل ماهو وينه

ثاني يوم بالجامعه نصيت ادوره بالرف مال كرسي ماكو طب يحيى واني منصيه ادور كعدت عدل وعيوني حايره وين ممكن يكون خاف بسيارة حسن صعدت للمكتبه شفت لوزه كاعده بس هي و حسن اثنينهم يقرون نفس الروايه كلمن على حده ويبتسموت البينهم بعد اربع كراسي

تقربت من حسن
- حسن
- ها فز والتفت شكو شبيج حتبجين
- عفيه دفتري هذا المكتوب عليه اسمي مصاير بسيارتك

عدلت ملامحه باوع يمنه ونصه همس
- هسه اشوفه مادري

التفتت شفت يحيى توه يصعد سمعني طلعت كتاب وكعدت اقره اني هم هالفتره مضاهرات كانت كومه غياب فالمحاضرات تنلغي كضيناها بالمكتبه دااقره اخذني الوكت محسيت اله لوزه تكولي

- يله لج ب١
- يا شبسرعه
كمت والمح الدفتر كبالي عالطاوله حسن ديلف واير شاحنه اللاب توب باوعلي ونصه
سالته
وين جان
جر نفس وذبه منزعج همس يمي هو بالسياره يله امشو هوسه تره عالكه

طلعنا من نزلت من السياره كانت ازل توها تنزل من سياره جيراننا الخط
ذبلانه تعبانه حيل

شبيج ازل
مادري راسي يوجعني
خاف مصخنه
مادري خل افوت بس اريد انام
.
.
ازل ....
حبه مرضني تعبني حيرني عشت احلى ايام وعلى غفله صحيت بكابوس خبلني تهسترت وين وصلت بروحي اني داسوي لا هو الالج وتتصافين تدافعين عن حقج ولا هو اللي بينلج شي لمي روحي وانهزمي بيها لتبينين ضعفج ابد

احجي وي روحي بخطوات جبيره امشيها بالشركه
دموعي دموعي الماعرف وين اضمها حدما صعدت بالخط يلا ارتاحيت كدرت الزم روحي جبرتها تسكت بس شي براسي ضرب وجع قوي

تمددت وذكرى ذكرى بيننا تلوح بخيالي
بعد يوم من كعده المطعم كان كلشي عادي بينلي وكانما هو منتبه وارتاحيت بهالشي يضحك يسولف ويايه ووي الكل يتشاقه ويمدح واني انطرب باطرائاته

- فدوه لعينج ازوله سبعه
- شكرا
- تعاي هنا اشتغلي تره سبلتكم محروك
- اي جيت جبت الفايلاتت وكعدت ادون واسجل وهو بصفي عالحاسبه ينزل حدما كملنا سوه ارتجه مبتسم

- تعبنا تره
- اي كلش هه
- يحتاجلنا مكافأه مو

بقيت اباوع بعينه ابتسم احاول اكوله انت اكبر مكافأه الي مكدرت بقه عينه بعيوني تبتسم جر نفس وتقرب مركز بعيني

- هاي عيونج يالون
- ههه مادري شوفها يالون
قربت وجهي ابتسم همس وهز راسه موافق

- عسليه
- اي
جر نفس وارتجه كال
- راكان حيجي اليوم عساس
- اي كال
- خابرتي تخابرتو يعني
- لا البارحه دز رساله كلتها وحكيت كصتي كملت كلام
دزلي رساله كلي عكب باجر اجي

- ها شعجب تتراسلون
- اي من زمان
- همم هز راسه معاون مدير يراسل والمدير ميراسل هاي شون شركه

- ههه اتراسل وي امه
- اييي ههه الحجيه والله البارحه سوت شون قليه يبوو كومي كومي نمرلها وكف شال سويجه

- استاذ بعد الدوام مخلص
- شعلينا احنا كملنا شغل كومي

كمت ابتسم شلت جنطتي وطلعنا الطريق كضاه يبتسم ويسولف طبيت لبيبي الحجيه جنت طايره كيفت بينا بس نظراتها قلقه من فرحتي كملنا غده ورجعني الخط من بيتهم لبيتي
من وصلت راسا دز رساله

- وصلتي
من رقمه عالفايبر
رسلت
- اي توني

دز صورنا الطكيتناها وي الحجيه بالحديقه الداخليه نتغده

كتب
- كتيلي دز الصور ودزيتها
- عاشت ايدك
- هله بيج

هاهي خلص اليوم لليل قبل مانام دز صوره
فتحتها
اني وحدي طاكها بدون مااحس كاتب
- هاي مدزيتها
شوكت طكيتها
دز
- جنتي شارده بذهنج واستغليت فرصه
- هههه حلوه
- طبعا لان بيها انتي
- شكرا
- مدز شي
بقيت انتضر مدز شي دزيت رساله صوتيه نعست كلش

- رائد تصبح على خير

كانت اول مره بحياتي اكول اسمه بصوت مسموع بدون عمو حتى صوتي رجف من كلته شوي ودز رساله و علامه تعجب وياها

- رائد !!!

مرديت
ولاهو بعد كتب
ثاني يوم جان شوي وجهه ثكلان عليه بس اني بقيت بفكاهتي دارتب بالاستماير مال عقود وهو صار بوجهي ابتسمت نصه راسه

شبيك اليوم ضايج
راسا برر
لا ماكو شي
لا اكو ضايج هياتك
بقه يباوع بوجهي نتر. فجأه
متوقعت فد يوم احترامج الي يروح

بلعت ريك تلاشت ضحكتي اشرت على روحي اني م محترمتك شوكت
مادري شوفي نفسج كالها ونصه راسه منزعج همس
اخذي راحتج ماعدنا شي لزم طرف راسه

اوكف بس دقيقه خخاف جيف كلت اسمك كلتها ميته خجل رفع راسه باوعلي بقلق وغمض بهدووء
تنهد همس
اي
شنو هو الا اي
موغريبه بعد هالسنين تصيحين باسمي
لاان ااني كبرت
واني هم كبرت
يعني اني مو بعدني طفله كبرت
واني همممم كبرت

نتر وضرب عالميز. بغضب
دمعت عيني وابتعدت خايفه اباوعله همس
يمكن فهمتيني غلط
نترت من كل جوارحي
لاااا
وكف من اختنكت بانفاسي وشهكت بلع ريك كال
بابا اني معتبرج

نترت مقاطعته
كذاب سديت اذني كذاب اااني حسيت بيك كلتها وااشر على روحي
بقه صافن همس
روحي غسلي وجهج اهدي
ماه لتخفي ولتكذب بمشاااعرك كلتها وشهكت الصوت راح بقه يباوعلي بحيره تقربت منه

ااني حسيت بيك والللله حسيت بيك
ازل اني شايفج
لتكذب لتكذب
افتر وتقرب ناحيتي لزم كتفي مسحت دموعي ارجف واباوعله
منو كلج ماعدي احد بحياتي
لالامستحيل
شنو المستحيل كالها رافع حاجبه تقربت
همست

رائد تكذب عليه مو
رخت كل ملامحه وفرك وكهه بعد عيونه عني
احجي
همس مبعد عيونه
شحجي كالها وضرب على فخذه اطلعي روحي لمكتبج
بلعت ريك
همس روحي الله يرضه عليج روحي

طلعت جسمي يرتعش بس صافنه اني جنت بحلم ضحكاته وشقاه ودلاله بعيونه الي جنت بغير عالم مكاتب الشركه جام حيطانها اي احد يجي نشوفه لمحت بنيه شايفتها قبل من وكت اساور

طبت كبل لمكتبه طويله وضعيفه شعرها اسود فاحم ولابسه رسمي تنوره كصيفه وستره صدقا اننغز كلبي كمت مثل المخبله توجهت لمكتبه محاسه على روحي
للاسف رزانتي وقوتي دراستي وتربيتي وديني نسيت منو اني كل الاحسه غيره ونار
وصلت للباب فتحتها بدون مادكها شفته ديبوسها يتسالم ببرود وهي بكل حراره

همزين اتصلت همزين تذكرتني
وهو التفت شافني فتحت الباب دار وجهه عالخطار الجاي باوعتلي تبسمت

هزت راسها مرحبه واني مكدرت حتى انطق باوعلي بقلق حاير بقيت اباوعلها جمالها رغم عمرها ب٣٠ بس تخبل رجعت باوعتله كعد كدامها وورث وتقرب ورثلها طلعت ارتعش مكدرت ابقى عيونه لحكتني مرتين عثرت بكاربت الكع اخذت جنطتي وطلعت خابرت الخط

بالشارع انتضر كلشي بيه يذم روحي
دكات كلبي ووجعه
لساني النطقت بي
وانفاسي الاختنكت ودموعي وعيوني ااني شبيه. ليش ليش ليش ملكيت غيره. شخص شخص مر عليه بحياتي كمت اراجعه
فلان شبي
وفلان شبي

سكتت سكتت سكتت. ضامه دموعي حدما. راسي ضرب بي شي مثل الدمار بالخط مكدرت ابجي الطريق كله صاكه على سنوني حدما وصلت رخت روحي وطبيت نمت بهدومي --

ورجعت تذكرت عشرتنا لكيت روحي وحدي حتى بيبي الحجيه مااكدر احجيلها للومه خطيه مو متعافايه تعبانه كلش بس الي الله نمت حسيت على همسات للومه

- ازل ... ازل شبيج يوم كومي ليش بهدومج نايمه
- ها للوم لا مابي شوي تعبانه
- خاف مريضه

احجي ومغمضه عيني جاوبتها
- لا شوي راسي
- متاكلين
- كذبت عليها بس ردت ابرد كلبها همست اكلت وجيت عوفيني انام
- كيفج زين بس بدلي ورجعي نامي
- هسه هسه ابدل

طلعت وطفت الضوه احلى احساس بعد عمق التعب والخذلان من نفسي لنفسي من من احد انك تبجي وحدك بضلمه متشوف بيها غير روحك

اول واسرع قرار اخذته انه كافي بس اني عزيزه عد روحي يكفي خلي اجبر نفسي اتعايش وي غيره افكر بغيره وارتخيل روحي وارجع اشمأز حدما اقتنعت خلص هاهي

داومت ثاني يوم ب٧ ونص طبيت ضنا مني اني اول ناس جايه واتفاجا بوجوده بمكتبي يروح ويجي بقيت اباوعله من الفاصل الزجاجي لمحني ووكف جر نفس وذبه براحه مغمض كملت مشيتي طبيت للغرفه

- صباح الخير
كلتها وعيني على ميزي
همس
- صباح النور
سكت نظراته تخترقني تترقبني بقلق باوعت بوجهه بكل برود روحي مابيها حياه باوعتله اسأل بكل برود
- محتاج شي

هز راسه لا بدون مينطق حرف نضراته تعبانه يمكن طول الليل منام مثلي كعدت اراجع وصولات الهي روحي باي شي طلع من الغرفه غطيت وجهي وغمضت
ربي عليك توكلت لتخذلني دليني الطريق الصح دخيلك يتيمه وتدري بي صلاتي وحجابي مايوم قصرت بيهن

طبت وسناء بفرح وضحكه تخبل
- صببباحو اليوم من وكت
- هلو وسونه حبيبي شونج
- كلش زينه تريكتي ست لو نتريك سوه

تحجي وتفتح الحافضات استغربت
- هاي كل يوم هيج
- اي ههه شسوي اطلع من ال٦ حتى دااوصل واختي خطيه متخليني اطلع اذا مماخذه ريوكي تعاي ست خطيه شهلاء شون خبز خابزه من الفجر عايني وبي كرفس هم تاكلين؟
هزيت راسي همست
- خل ادز على جاي
- لالا عليمن اني عدي ترمز جاي الجايجي مال شركه محروك وداعة عيونج هذا مهدر على اللمبه

- عاشت ايدج
فرقت الاكواب الورقيه وكصكصت البيض والطماطه كان بيض سلك بس مدري ليش هيج شكله يشهي. مدري اني جوعانه من ريوك البارحه لحد الان لكمه ماكو بحلكي

توني اكعد وانفتحت الباب بقوه وصوته العالي ترس الغرفه

- الللله بالخييييييررر.
- وجع وجع خرب يومك فززتني حمد الله عالسلامه

- ههههه الله يسلمج باوعتله يضحك وجهه مورد
- واكعلك السفر يول

- اخبل اني بس انتي متباعين زين فكي عينج زين وتشوفيني يحجي ويباوع لوسناء

نصه على نصيه راسها جانت دتحضر ريوك متجاهلته كلش
همس
- تره اني هنا
باوعتله ببرود
- واذا يعني

ابتسم وباوعلي
- تتريكون اي بالعافيه جر الكرسي وكعد شله ايده هاي شنو بس بيضتين اكل لفه صغيره واكوم والله بس افك ريكي

وسناء خطيه راسا سوت لفه وباوعتله بدون اي مشاعر
تحب طماطا
ابتسم هز راسه
لزم الخبز كال

- هذا خبز لو كيك تفتوني هذا يا الله منين مشتري
همست
- اختي خبزته وتصب الجاي
- ايباه باع ريحه الجاي اييي عاشت ايدج

جره منها وكام ياكل اني هم اكلت يعني هي بيضتين بس كلمن شوي وخلصت واحنا نغمز بمي الطماطا والعينتين يسولف موتني ضحك وهي متباوعله ومتضحك هز ايده باوعلها وباوعني

سألته
- شسويت عالمشروع خما صخمت وجههنا
- لا والله الحمد لله سيدار سيدار سكتهم خبلهم يااخي هذا الشخص مكانه الصح بالعمل الصح

جاوبت وسناء
- يكولون الشخص الصح بالمكان الصح
- اي هي هاي هي هاي كالها وياشر عليها يبتسم بقت تباوعله ببرود تلاشت ابتسامته حسيت روحي مزهريه بنصهم وراكان حجه احلى جمله يمكن لو اني جان وكف كلبي همس

- اليوم العصر اختج وخالج موجودين بالبيت كالها بدون ابتسامه بقلق
فكت حلكها همست
- هاا؟

نصه راسه ورد حجه بثقه باوعلها وباوعلي
- تستقبلون خطار
بلعت ريك وباوعتلي ردت باوعتله همست
- ههلا باليجي

هز راسه ونصه ملامحه اختنكت خلال اقل الثانيه
اترخص همسها وطلع حتى مندار لصفحتنا
باوعتلي وسناء همست

- يعني شيريد جاي بس لا مساعدات تره متقبل اختي تطردكم
همست
- والله مادري بس انتي بلغيها عدكم خطار وهاهي
- اوك تمام ست

جانت حايره منو يصدك راكان ممكن يخطبها هي وين وهو وين اني العليه نصحت وهو بكيفه بعد بلكن هي ترفضه اتمنى حتى متتاذه وهالوجه الضحوك  متغيب ضحكته

.
.
.
يتبع