رواية اماً لهن الفصل التاسع والأربعون 49 - بقلم مريم السعدي

بارت ٤٣

#أماً_لهُن

#مريم_السعدي

ازل ....

طلعت اكمل شغل ريوك وسناء نطاني طاقه ايجابيه رهيبه رائد كان يطب ويطلع. عيونه عليه واني اي اهتمام مبديت حتى مباوعتله
اخر شي مكدر

فات من يمي سريع كال بصوت ناصي
ازل تعاي للمكتب عدنا شغل
هزيت راسي ماباوعله بيدي دفتر وقلم حتى ادون طبيت وراه كعد وره الميز اني بقيت واكفه انتضر بس عيوني ابد موعليه مداتحمل مداكدر اللي شفته البارحه بمكان الواكفه بي كلش اذاني بس استاهل هذا اليبتي امال على رمل

همس
- ازل؟
- نعم استاذ حجيت وشخبطت بالدفتر
نتر كوه لازم اعصابه
- داحاجيج باعيني
رفعت عيني ببرود بلع ريكه كال متلكأ
- شكو عقود يمج ويم راكان راجعيها اليوم
هزيت راسي بدون نقاش
استقرت عينه بعيني حاير يا الله حاير قلق ضايع واني ثبتت نضري وكانما داباوع لحايط عادي

همست
- بعد رايد شي استاذ
هز راسه لا
- اترخص
عفته وطلعت كملت كل شغلي ومرجعت العقود اله. رجعتها لراكان مخليته يشوفني ولااني الاريد اشوفه وجع بكلبي يلازمني من يصادف مروره
لنهايه الدوام جنت اثقب يم راكان ويسولفلي شيريد يسوي

- باعي شنو رايج. كلت نتقدم اني وياج واخذ خالي علي ميحجي سرراني ومن ينطون الجواب تجي اكول لامي ولخواتي

- انت كد الناوي عليه
- احسن حل ماعدي غيره حد يحس بيه ويتحملني

- ليش لان فقيره
صفن بوجهي تقرب مني همس
- ماعرف اكذب عليج بالذات انتي هذا اول سبب من اسباب خطبتي الها
- مادري راكان الموضوع مو سهل
- موكد صعوبته عليه
كالها وطب رائد
مباوعتله باوعت لراكان همست
- طالعه اني عود نتخابر
- اوك عالاتفاق لتضربيني بوري
- لالا ان شاء الله تدلل
كلتها وطلعت

سمعت رائد يساله
- اتفاق شنو على شنو تتفقون
جاوبه
- هيج دنريد نطلع نغير جو

اخر شي سمعته طبيت مكتبي لملمت غراضي دااتحضر يجي الخط. طب رائد
همس
- تعاي عدي كلمتين وياج
- استاذ الخط حيجي-- قاطعني بنتره
- كلمتتتتين داكولج
- اوك تمام

طبيت وراه ذبيت جنطتي
كدامي. يروح ويجي يلم حجي واني ساكته انتضر الك كل خلكي داشوف. ليوين لو اني لو انت
عيوني عالشباك نهه حفله صمته بكلمه

- راكان لتلعبين بمشاعرهه
عكدت حاجبي باوعتله
- شنوو؟
غمض عينه فرك وجهه وباوعلي
- بابا هذا ديميل الج لتنطي مجال تأمني بعدين تعوفي كلش كافي عذاب التعذبه وره اساور
بلعت ريك دمعت عيني بقيت اباوعله ساكته
همس
- اذا انتي رايد-- قاطعته
- انت مو من حقك تتدخل
عبس حلكه دار وجهه مستغفر
تقرب
- بابا اني اريد مصلحتج
- استاذ محتاج شي بعد
تلاشت ملامحه نتر
- طلعي روحي روحي يله

طلعت مدنجه بس كل عصب بيه يرتعش روحي رادت تطلع خربط هواي بالحجي حسسني من ولد لولد بس اريد اتزوج عبالك صعدت للخط ورجعت
للعصر دك عليه راكان كلي خابريها شوفي خالها موجود مكانهم بعيد مو مال كل يوم رايح جاي
دقيقه وارد خبر وفعلا اتصلت بيها كالت لا طالع محافضات الخميس يجي كتلها الخميس نجيكم

- ست اكدر اعرف سبب الزيارة
- مااعرف يجوز يريد يعتذر عالسواه
جرت نفس براحه همس
- هلا بي

سديته منها نضفنا اني وعسل وللومه. خطيه تعبانه اخذت اجازه مرضيه تتنشط بيها وخلولها بطل دم لان فقر دم وبعدها روحها سايحه تعبت لليل كلش تعبت توني انام ودكتلي بيبي
رديت بلهفه

- حبيبتي بيبي
- يمه لاتخابرين لاتكلين ليش هيج بذاته
كملت جملتها وشهكت ابجي
جرت حسره كالت
- حسيت بيج من مناماتي تعبانه
- بيبي اني كلش مخنوكه
- سلام قول من رب رحيم منو وياج يمه
- ماكو
كلتها وامسح دموعي اختنكت
- لعد شبيج دتعاليلي باجر ماكو احد رائد يروح بيت ابو سيدار تعاي ياامي نسولف اني هم عدي هواي حجي ضايجه وحدي

- اي اوك
- لتضلين تبجين وتغفين وانتي تبجين مزين
- اوك بيبي
- الزمي سبحه صلوات تهدين راسأ
- اي ان شاء الله
- عفيه امي

سديته منها ارتاحين راحه غريبه توني اغفه ودك تلفوني.
رقمه
ب١ بليل
شكول شرد شحجي
شيريد ضل بالي الدكه الرابعه ورديت
ساكته
وحتى هو ساكت

طول سكوتنا بس كلبي يدك دكه قويه ليش اتصل
بس صوت النفس واضح
واني مجلبه بيه الشهكه مال بجي غمضت تعبانه غفيت على هدوء انفاسه
حسيت الفجر خشونه نفسه حشكت اذني بالتلفون ورجعت غفيت ---

كعدت الصبح بلحضه ندمت ليش محجيت التلفون كان مكطوع الخط بي لبست واني افكر شسوي ليش اتصل شيريد لو يريد يصالحني او يعتذر يحجي هو من اشوفه اشوف شيكول واتصرف على أثر كلامه
طلعت اول موصلت اتفاجئ بوجود سيدار بباب الشركه سمنان لابس ستره رسميه انيقه جدا دخلت ببساطه سلمت بس جمعتني بي ايام حلوه حباب سيدار وصاحب وكفات ابتسمت التفت باوعلي بعتب طولت نضرته بعدها ابتسم

- عليكم السلام هلو ازل شونج
- انت شونك عالخير زواجك يارب زواجه الدهر
- تسلمين تسلمين
- ادري شنو كطعت هالكطعه
- والله شغل تعرفين عمي مخليني على الفرع الثاني انتي شونج شخبارج دا اسمع عنج شغلات حلوه من عمي رائد
- والله الحمدلله  عال طبعا انت مره كتلي لتجمدين ابداعج. تطوري صح

- صح عفيه عليج. ابتسم ورفع عينه فوك راسي وكانه شاف احد وكف عدل بعد ماكان مستند عالدجه صفح
سمعت صوته
- صباح الخير
باوعتله والتفتت راسا نضرتي محرجه. ماعرف شون اسميها بس تخربطت اموري
- صباح النور وعفتهم رحت كبل للغرفه كعدت ارتب الامور لان اكيد حيطلبون تجييك اشتغل واتذكر نضرته مخله عينه بعيني بس لسيدار يباوع

...
وكانه لم يحدث ماحدث امس
وكانه للاتصال ضغينه عار
اقسم انك بانفاسك قد انشدت لي
اروح تراويح الغرام او لم تفعل ؟!
...

عصبت اكثر من افكر انه كأنه ممسوي شي ولاعبالك اتصل سلمت الشغل لوسناء تعبت من صوت دماغي وتأنيبه وتحميل الذنب الي
اخذت اجازه وطلعت مشفته بعد رحت كبل لبيبي كلبي محمل تعب

اول مطبيت سالتني احجيلي كلشي ذبيها حمولج  على بيبي كلبي يتحمل حجيت كلشي مجبت اسمه ابد اكتفيت باكو شخص طولت ساعتين احجي بدون توقف لحضات بيها عصبيه لحضات ابجي بشده ولحضات ابتسم بغير عالم كملت كلام سكتت فركت وجهي

وباوعتلها
- بيبي نصحيني الله يخليج
غمضت عينها وهزت راسها موافقه همست
- ميفيدج يبيبي ميفيد
واني لاجبت طاري عمره ولا لمحت كونه هو ابد بس حسيتها عرفته
وساعه اكول لا اني متوهمه
- ليش بيبي
- بيبي ممخليج بباله عجب لو مخليج يحجي ميكدر خلي يولي هذا يحب يلعب يمه شوفي حياتج حرام عليج شبابج
نصيت راسي نزلت دموعي بهدوء
- يمه هذا الضنه بس تشوفي تنسين كلشي لتضلين. مقيده بحب ماله نهايه خلي يولي
هزيت راسي

- يمه المره رجعت خابرت خليني ارد خبر اكعدي احجي وياه بلكن افكاركم. متقاربه يا ماما بلكن تغيرين رايج
خلت ايدها على جتفي همست
- ها اخابر
باوعتلها ضايعه
همست
- جربي ماداكولج حنزوجج بس جربي تكعدين ويا شوفي افكاره طريقه كلامه
هزيت راسي
- عفيه عليج مسدت على راسي غمضت عيني اقنع روحي خلص هاهي انسي

رجعت من يمها لبيتنا ركبت جنت جايه قبل الكل طبت للومه حجيتلها. انه اليوم حيجي خطار وفهمت خطيه كالت هله باليجي

خابرت راكان اخذت رأيه كونه اقاربه جاوب بحيره
- هو خوش ولد ماعده زايده ناكصه بس شنو الغير رايج غفل
- تعبت من التفكير
- حقج تدرين هالشي بمصلحتج والله

- ازل الرجال اكبر منج ١٨ سنه تره مشويه
- غير الموضوع لتحرجني
- تمام يله اخذي راحتج باعي لتضغطين عروحج
- اي والله العظيم حطك
- لج بابا جربي بس دنجرب عكوله بيبي معجبج يلحك ربعه
- اوك

سديته منه للعصر بدلت شي بسيط واتصلت بيبي انه حيجون بعد شوي يوصلون. فعلا اندك الجرص واستقبلناهم امه كانت والولد
عمو انور كعد وي الولد شوي وباوعلي
كال

- بابا من حقكم تكعدون تحجون انتو واعين وفاهمين جربو تتبادلون كلام والله الموفق
كام عمو من مكانه واشر للومه وامه طلعو الولد كام وكعد كبالي بصوره اقرب واني كاعده عدل سالني
وين شغلج وي عمي شنو تشتغلين منين متخرجه
اداره اعمال جاوبت بثقه هز راسه تفحصته
كان خشن بس موكلش طويل. شعره مرتب كانما مدرس وجهه بي ندب قديمه بس معالجها. باقي شي خفيف اسمر حنطي وعيونه وسيعه من نهايتها نصيت راسي من  شفته بادلني النضرات مبتسم
كال
عدج اي سوال اني حاضر بالنسبه الي اخواتي جابو معلوماتج كلها
لاماعدي
شتحبين نحجي
رفعت راسي حايره وبده هو الكلام
اني خريج علوم حياتيه وبده يحجي عن عمله توني اتصنت اله واطلع من قوقعه. رائد

دك تلفوني فزيت من شفت اسمه وكانه اخونه
بس العفو بس دقيقه

اي على راحتج
طلعت رحت لغرفتي ضل يدك. رديت.
- الو
- الو ازل
- اي نعم تفضل استاذ
سكت جر نفس وذبه ااا شونج اا بس ردت اسالج عن اجازتج

غمضت عيني رجفه صوته تبين معرفته بموضوع اسر والخطبه

جاوبت
- خطار عدنا
جر حسره همس،
- كعدتي وياه تفاهمتو توافقتو
مرديت
- ازل احجي
- ليش تسال
- اانتي مثل بنتي
مرديت مثل كل مره بقيت ساكته
همس
- لتجربين نفسج على احد
غمضت عيني

- ازل سمعتي
- امم كلتها بلحن يرجف
- ليش تبجين
كالها متوسل يهمس وصوته وصل اعلى قمه باحساسي
- ازل ؟
- نعم
جر حسره سكت همس
- روحي كعدي خوش ولد اسر يستاهل تحاولين وي روحج عموده

- اوك كلتها وانترست خيبه
- مع السلامه
- الله وياج
سديته مجرد ان سديت الخط عرفت اني مااكدر اضلم احد ويايه

شنو ذنب الولد رديت طبيت الصاله كملت حديث باحترام وياه وكانه استشعر خوفي وقلقي
كال
-يابه ممكن احجي وياج تلفون بس يعني. بصوره رسميه ياريت تتفهميني اني شوي موراسا اخذ عالشخص

راسا رديت
- اي عادي ردت بلكن فد باب انعجب بي واكدر اتواصل فكريا وياه
طلع مترخص واخذ رقم تلفوني كل الكاله عدي سفره مدتها شهرين باذن الله من ارجع اكرر الزياره واهم شي كسبنا معرفتكم
شكد كلام راقي ومرتب للومه بيومها مفاركتني اني وعسل عمو انور جان بايت يم ابنه

للومه : ازل شنو رايج
ازل : بعد وكت للحكم للوم
- ميخالف كنضره اولى
- الولد حليوه احلى مني ههه راقي بتفكيره صراحه بس اني المعقده

- انتي واعيه وفاهمه تدرين
كالتها ولعبت بشعري بيومها احتاجيت حيل احد يحتويني فعلا ضعت نمت على كتفها غمضت وتتلمس شعري همست
- حبيبتي ازل عمرج متعبتيني
باوعتلها
- للومه ثلث قصور عدج بالجنه سبب تعبج ويانا طيتينا عمرج انتي
باست كصتي مبتسمه افتخر اكبر انجاز بحياتي انتي وعسل
- ههه فدوه لعينج تكومين بسلامه وتفرحين بطفلج ياربي وج للوم حيصير عدنا نونو
- اي هه كون الله يتمم الفرحه وميوكع
- اسم الله ليش هيج تحجين
- مادري اخاف اني مصغيره ازل
- لتفكرين هيج احسن شي
- ان شاء الله
تونا نسولف عمو انور دك

ردت
- هااا مواتفقنا هدنه يومين تروح عد ابنك
انور : اشتاقيت لابني اللخ
- ههه ممنوع تجي
- والله شتاقيتلج للومه هيج تقسين عليه
-انت موتكولي اخذتيني من ابني روح عليه يله حضنه ونام
- من بعد حضنج مايحلالي حضن للومتي
- هسه شتريد
- فتحيلي باب البيت اني بالباب
- امممم ديله جيتك
كومي عمج اجه

- ههههه
كمت طبيت للغرفه لكيت بيبي الحجيه داكه عليه بوكتج دكيتي يبيبي دكيت عليها دك هواي تالي قبل لتخلص الدكه رد

- الو
- ها اااستاذ اني دكيت لبيبي
- اي اي اعرف نايمه الحجيه خومبيج شي
- جريت نفس لابس هيج شوي ردت احجي وياها
- تحبين اكعدها
- لا خطيه هي الا فاليوم يله تنام
- اممم كلنا هيج من نكبر
- تبلع فاليوم كلتها متفاجاه

- هه ماكدر انام دونه
- ليش بعدك صغير موموزين تتعلم عليه
- ياصغير خشينا ال٤٥ اخ مااكدر انام بدون عقار طيفها. يوجع كلبي.

- اني يونسني ليش تتذكر الشي الموزين تذكر الشي الحلو
- شون يعني
- يعني اساور هسه بمكان احسن من هالدنيا كلها ارتاحت. يمكن امها يمها تدللها وتداريها تعوضها فقدان الدنيا يمكن الله لان يدري بيها كلبها ابيض اخذها يمه

- صح كلامج
- استاذ اساور تره ماكو مثل طيبتها اني اكثر وحده اعرفها

- واني اكثر واحد اعرفج
سكتت غمضت عيني
- احجيلي شصار وي اسر اعتبريني الحجيه
- مصار شي كال ورده شهرين ارجع من السفر وارجع اكرر الزياره
- همم يعني تاجلت
- اي يمكن
- خاف صرف نضر خاف انتي صرفتي بطريقتك
- لا والله حتى طلب رقمي كال نتواصل بطريقه رسميه نتعارف
- شوون
نتر وهدا راسا

همس
- حاجيتي تواصلتي وياه
- لا بعد تره قبل ساعتين راحو
- اي يعني قبل لتخابرين الحجيه خابرتي
- لا غير هو يتصل
بقه ساكت
- اكو شي؟
- مادري يعني لتستعجلين ووليش راد تلفونات
- مادري
- انتي اقتنعتي بي
- اني صعب اقناعي المشكله بيه اني
- ازل لتزعلين مني بس كلمن عده حياته تفكيرج معيشج بوهم
- اعرف عرفت متاخر كلتها وناسيه هو الديحجي عن نفسه واني دااحجي عنه
الله يسعدك وياها
- وي من
- وي اللي رايدها كلبك
سكت وجر حسره
همس
- ذاك اليوم شسمه
- اي شنو
- بالغلط اندك عليج التلفون ووالرصيد خلص والخط انسد شنو منتبهتي
فكيت عيني
- لا منتبهت
- ها اوك يلا من تكعد اكولها تخابرج
- اوك
- محتاجه شي
- لا
- فيمالا
- باي
سديته ورجيت راسي عالجربايه اتجاهله احسن حل اني اتجاهله. يطلع من كلبي من اكون واثقه انه عده حب

عسل.....
ايام تمر علاقتي لوزه زادت ايام المضاهرات لو اربعه لو خمسه يداومون ونكضيها بالمكتبه حسن يقره ويترجم ولوزه كدامه تقره واني بصف لوزه تعلمت اقره اجي اسالها
شقره
اقري هاي الروايه
كانت لكاتب روسي ثاني. نيكولاي او نيقولاي فعلا طلعت بيها من الدنيا دوامه من الالغاز. وكل بطل احسه هو. وكل بطله اني كمت انهزم مااتحمل وجود نور وياه او التفاف الطلاب حوله بكلا الجنسين

اهمالي اله زيد اشتياقي اقره وبالي جوه يمهم بالقسم انزل بس اخذ نضره واصعد والزم روحي يكفي يكفي كرامتج الها حق عليج

ومكدرت نزلت. شفته بالقسم ويا ولد ثنين من شافني تفاجا يمكن عباله ممداومه اعرف نضرته من يتفاحا سنتين ويا كعدت فارغه القاعه واحد من الطلاب كال
شعجب مداومه
باوعتله ودرت وجهي همست
غير دوام
كملت قراءه الكتاب كلت هنا كدام عينه اقره بلكن يرجع يصفح عني
وارجع اتذكر كلامه المرعب
ااذيج اذا اقتربتي مني ااذيج

تفز جروحي كل دلال الدللني بي وكل غزل وحب عشناه سوه سديت الكتاب لكيت روحي اكتب
ماكدر احجي وياه ميقبل خل اكتبله واخليها بكتابه بغراضه
وكتبت
مقتبسات من كل القريته شوي

(( اعلم انني قد جرحت جوارحك اقسم اني قد غلبني الزمان قسوه اثقلت كاهلي
ان كان عمري قد يريحك كاعتذار عدد ايامه
فانا قدر ايام عمري اسفه
يشهد الله على مافي قلبي. من اشتياق قد عذب اوردته فانت. انت واحد ليش لك شبيه في قاموس الرجال
كنت كل شي فقدته بشخص واحد ))

( الكلمات بقلم مريم السعدي كوني اضعت الرساله الاصليه )

طبكتها ورفعت راسي شفته محول كعدته كدامي يسمع بالسماعه ويفرك بعينه يباوعلي من رفعت راسي دار وجهه راسا
وحدنا بالقاعه من تلفتت

ملكيت احد وكفت انطي بمجرد ان خطيت خطوه تجاهه جر العكاز بسع ومشه بسرعه طلع
جمد خطواتي وافكاري الرساله بيدي تقدمت عايف غراضه وصلت للكرسي مالته تلمست دفتره نفس دفتري فتحته وخليت الورقه بي وسمعت ضحكتها.
اتنرفز بمجرد اسمع صوتها
لكفتني يم غراضه تلاشت ضحكتها هو طب وراها بقت تباوعلي بخبث كالت

- شعدج بغراضه يحيى
- مماعدي شي مويم غراضه اصلا
باوعلي هو ونصه كمل مشيته تعداني وكعد وهي تحجي وتباوعلي شلت غراضي والكتاب الاستعاريته عيونه صارت تجاهي وكع الكتاب من ايدي بقه يباوعله نصيت شلته رفعت راسي شفته يباوعلي قبض ايده وخلاها جوه خده وبعد نضره عني
طلعت تركتهم واحس روحي ارتاحيت هاهي كيفه بعد

رجعت للمكتبه شفت حسن صافن على لوزه دتقره
ايده جوه خده وهي مبتسمه منصيه عالكتاب كباله. نفس الطاوله تقرب همس ماعرف شنو وابتعد من شافني تقربت منهم كعد عدل وعدل ملامحه كعدت بصف لوزه فركت وجهه احمر دم باوعتلي تبتسم ونصت شاورتها
- كتبتله رساله
فكت عينها همست
- فك البلوك
- جج هزيت راسي بالرفض اباوع بعينها
همست
- لعد شون
- ورقه وخليتها بدفتره
هزت راسها تباوع بعيني همست
- وارتاحيتي
- كلش هاهي حتى ابري ضميري
- عاشت ايدج
- نروح
جاوبت راسا
- وين
- للبيت ماكو دوام اصلا
- للا اني ابقى خاف يجي دكتور شي

بقيت اباوع بعينها ليش متحجيلي واضح حبهم همست باذني وكان عرفت نضرتي تعتب
- والله احجيلج كلشي من نرجع
ابتسمت
- اعوفكم
- همست مدنسوي شي بس دنقره
- اني حنزل جعت
- اوك

وكفت باوعلي حسن ونصه عالحاسبه
تركتهم ونزلت للكافتريا اخذت ريوك وكعدت بالسنتر وحدي كمت ادور عليه وينه وييين يله لكيته جوه شجره كاعد بالكع وحده ديسمع بالسماعه ومكتف ايده بقيت اعاين عليه ضنن مني اني بعيده مينتبه خل اشبع عيني من عنده

دار وجهه وتلاكت عيوننه مكدرت انزل عيني شكد مشتاقه تتواصل نضراتنا وعيوننا تتحاضن عكد حاجبه دمعت عيني حسيته يعتب بغضب نصيت راسي ردت رفعته شفته دار وجهه وكتف ايده لمحت نور يمه شايله الدفتر البي رسالتي وهو يحجي رياها هو كاعد وهي واكفه رافع راسه يحجي ومعكف وجهه من الشمس اخر حلقه هاي ان صابت. ارجع لسعادتي وياك وان خابت حيكون اخر يوم افكر بيك

دكلي حسن رديت
- ها حسن
- ها وين انتي
- جوه بالسنتر
- ها نروح
- يله كيفك
- هاي وينها اللزكه
- هههههه اي والله جبتها مضبوط هيانها كدامي
- ديله نازلين

سديته ورفعت راسي شفته ديباوعلي
لو بس ينطيني فرصه ابررله والله العضيم ندمانه اتمنى يرجع الوكت
طلعت من الجامعه للكراج شوي وجتي لوزه عود وحدها وره شوي اجه حسن كال
- صعدو يابه صعدو صعدنا فر السياره همس
غير تجي الاميره ديانا
خربت ضحك
- خو انتي كيفتي باوعلي ودار وجهه جتي
جتي صعدت باوعتلي وسحبت عينها
كالت

- سوري ايام ليت
باوعت للوزه عوجت حلكي. طلع حسن. محجه شي تونا اقرب سيطره يم الجامعه الازدحام يخننك.

جر حسره حسن وهمس
- هاي شون شغله تعبااانه بنات خابرو اهلكم تره اليوم نفرش وننام بالسيطره من لباجر منطلع
جاوبت ام حلك
- ههه لو ادري جايبه التلفزيون اقلها نباوع فلم ههههه
جاوبها حسن
- ميحتاج انتي موجوده

اني طكيتها بضحكه نغتني لوزه بعكسها ضميت ضحكتي كوه باوعها حسن. وجر عينه
من انتبه دفتر يحيى بيدها انعصر كلبي والله هيج العلاقه بينهم. صايره اللي يخلي دفتره عدها لالا اكيد اخذ الرساله ونطاهيا حتى يغثني غمضت عيني اهدي روحي.
اخر محطه وياك لو بيها لو عليها العليه سويته ..

رجيت راسي عالشباك حسن طفه السياره وتكتف همس
وباوع للوزه بالمرايه يبتسم
- بنات جاي غده تره كله موجود هاكم خدمه سبع نجوم صميط وجاي تاكلون. والله يفوتكم تعال ابو السميط اخذ اربعه وحاسب ومد ايده ليوره نطه للوزه ابتسملها وعيونه بعينها بالمرايه همس

- عافيات
باوعتله اضحك
- ماكو كرواسون
- ههاااهههههههاي لاماكو راحت عليج حتى كليجه يابسه بالسمسم هم ماكو انتي دفرتي نعمتج كالها وبلع ريك التفت عليه
و وللج اني مداتدخل معليه دااتشاقى وياج موتزعلين

كالت نور
- على شنو تزعل هو وين اكو كرواسون شدعوه عليها بنت ملك ...
واخذت من عنده ام حلك الصميطه
حسن همس
- هسه انت شفتهمتي ودخلتي لايف بسع فر ايده ودار وجهه

دك هورن ولد وراه عاط
- وين وين اروح اطيرررر هاي هاي صايره واحد ببطن اللخ يدك هورن شبيييك ممصدك دتجربه استغفر الله
يخرب ضحك من يصير عصبي تلفون لوزه دك همست

- ها علي
لا واللله ازدحام حيل اتاخر اوك ماشي
سدته وحسن عيونه عليها وايده جوه خده
اني مدري شديصير بيه
ميلت راسي عالشباك وغمضت كمت اتذكر كلامه

من اريد اغفى ودلاله الي
نامي كمري غزالي نامي ارتاحي اني يمج
واني اردد
خاف تروح وتعوفني مثل ما بابا عافني
لاحبيبي ماعوفج
انت كتلي منتراهم
انسي كلشي ابويه انتي انسي كلشي هياني يمج ماعوفج
وغفيت نفس مجنت اغفه قبل براااحه
فزيت على سده الباب حسن نزل من السياره رفعت راسي بعدنه ماشين يمكن اقل الاربع امتار داتلفت والمحه
يحيى صافن على نومتي
كاعد بسياره مو بصفنا لا بالسره البعده ليوره ويمه ٢ دار وجهه من انتبه صحيت اشر لحسن وحسن راح يمهم

صوتهم واصل ليمي
نزل شباكه يحيى وحجه
- باوع نفتر نروح على سيطره---
- باوع هذا البطران من. كلك مناك فارغه. بابا مذبببحه صايره. جاي و---
- لك بابا خررب لعد شون
- هاي مثل خلق الله
- اكولك هاك هاك طلع عكازته من الشباك هاك اضربني اضربني وبرد كلبك بس تصيح عاضك مطييي

- لك دمشي لاااك كفخه على علابيته
اخذتني الابتسامه لشقاهم وضحهم سارحه ونطت ام حليك

- يا هذا حياوي اشرتله دفترك يمي نسيته
اشرلها تجيبه دتنزل واجه حسن اخذه منها وداه اله
ورجع صعد جر نفس مكتف باوعلنا وركز نضره للوزه بالمرايه يبتسم

- همس شتكولون نفتر على غير طريق لو ننتظر
لوزه بقت تباوع بعينه جاوبت نور
- كيفك اقلها نفتر بغداد
بقه يباوع للوزه جر نفس والتفت علينا بجسمه همس
نصو راسكم
ابتعدت لوزه ورجع بك افتر ورجع من غير طريق وصلنا واخيرا لل٤ الا ثلث يله طبينا

جنت انتضر بلهفه. لليل كلسا اروح اباوع هسه يفتح بلوك هسه يدز رساله هسه يتصل من يقراها لهفه زادت وي جيت الليل حدما. بردت شوي شوي ساعه بعد ساعه
حدما صارت ب٥ الفجر
شمرت التلفون بعيد عني تعبت كدما ركزت بي غمضت عيني
كلشي انتهه. خلص حتم امره ودخل بحب جديد وارجع انطي اعذار
او يمكن مشافها بعده
رغم الدوام شبه ملغي بس الاداره نطت امر بان يترقن قيد اليغيب. هالشي بصالحي. ومو بصالحي
منمت دقيقه بدلت وطلعت
الكافتريا اكل شي ولو جانت بيها المداومبن كلهم من شتى الكليات والاقسام

دااكل وطبت نور تبتسم توجهت علينا توقعتها ممداومه
اهووو جتي هاي
كالت لوزه

- شبيها هاي شو جايه سيده علينا
كالت بصوت مسموع
- صباح الخير
باوعتلها ببرود
- هلو تفضلي ويانا
- لاحبيبتي متريكه وي ابن ابن خالي حبيبتي دزني الج مرسال شوي صوتها عله

الشباب هداو حسيتهم
كمت اتلفت منحرجه
- كتلها شنو مدافتهم
- دتفتهمين كلللش زين سوالف الرسايل مرسايل عيب دتشوفي ناطيج بلوك ومطلعج من حياته متستحين تتوسلين بي يرجع.

- رجااءا لتددخلين نترت غضبي مسيطرت عليه واضح انه دنتعارك الشباب انتبهو مصطفى من ضمنهم كان كاعد وي جماعته
كالت بنتره
- انتي اللي لتدخلين حياته بعد مصدكنا رجع لحيله. مو ردتي انسان كامل روحي دوريلج واحد كامل فاهمه ابعدي عن طريقه احسنلج والا ادزلج عمته تتصرف وياج ناس ناقصه تربيه

وعافتنا وطلعت
نمل جسمي من الاحراج لوزه لزمت راسها همست
كومي نطلع صرنا فرجه للعالم
نصيت وطلعت ركض غراضي بالقسم طبيت ركض العيون عليه احسها وتتبشبش وتضحك مصطفى لحكني من شافني موجره متجرا يتقرب يحجي كلمه بقه واكف شلت كتبي بسع ارجف ارتعش رعش واباوع يمنه ويسره باحراج اني كلش خجوله حيل خوافه من الحجي لان ماعدي ضهر
شكد حقير شكد حقير تدز هيج وحده عايقه عليه هيج وصلت وياك
لميتهن كلهن دااطلع ولوزه تهمس ورايه
- وين رايحه
عسل دقيقه
حتطلعين
- عوفيني لوزه

من خبصتي دااطلع ركض مشفت اللي بوجهي ارتطمت بي هو

وكفت انتبهت
يحيى وكعت عكازته واكف عدل دونها باوع بالكع وباوعلي خزرته بغضب اريد املخه حدما يبرد كلبي بلع ريك يباوعلي بقلق بقيت اباوعله ربك مابيه من احراج وغضب وارجف صاكه على سنوني

شلت العكاز خليتها يمه باوعتله غمضت وبعدت نضري عنه
بقه صافن عاكد حاجبه باوع للوزه وباوعلي طلعت طايره حتى لوزه عفتها صعدت تكسي ورجعت
الطريق كله نار تطلع من عيني حدما وصلت نزلت
ودكت عليه لوزه

- انتي وين لج
- رجعت بالبيت لوزه عوفيني
- صدك تحجين
- شفتي حضي النوب سنطه سنطه الكافتريا كلها سمعت مو افتهمو موبله شكد عيب شون حداوم شون فهميني

- اهداي ماكو شي بس باعي والله مادري بس حسب محسيت تره هو يمكن ميدري وهي جتي بدون متكوله

- وشمدريها بكل اللي صار شون عرررفت فهميني
- هسه احنا ليش نستبق الامور بس باعي والله ضل يدور عليج وقلق حتى سمعته تبشبش وي حسن كله شنو رجعتها وحسن كله لا. وساله شكو شبيها كله مادري اني ذبيتها وطبكت السياره وصعدت للمكتبه اترجم شو كالت صديقتها طلعت

صفنت حايره
- لوزه متاكده
- اي والله شبيج
- حتى لو هي مدام تعرف كلشي اذا فاكلها كلبه كلتها وبجيت بقهر حاجيلها كلشي اخذت مكاني

استغليت فرصه عدم وجود احد بالبيت اصيح وابجي اخذته لمكاني وكام يحجيلها كلشي. زين مكلها اقواس الحديقه المتسلق مواختاره
الجهنميه منو اختار لونها ومكانها
البرتقاله والليمونه القزمه منو كله يزرعها بالزاويه ومنو اختار لون بردات الهول محجالها عن حبنا وعن كذبه

- لج عسل اهدي تاكدي يله
- اني شون حداوم بعد
- هو وين اكو دوام انتي اللخ وليش متداومين لا والله اداوم اخش بنص عينه مو هو بسببج يكمل دراسه وانتي تبطلين مع الاسف عليج هسه يكول انتقمت منها ليش تنطي هالفرصه

صفنت على كلتم لوزه هدات وبدت عدي روح التنافس
- لا اداوم
- اي بابا كملي وعوفي هاهي العليج سويتي
- دااحترك حرك من داشوفهم لوزه هذا حبيبي اني
- حتى النار تبرد تصير رماد من يمر عليها وكت
غمضت عيني ماعدي غير حل اي اداوم وانجح ومنو هو علموده اترك الدراسه

- اي والله تره محد افتهم وعادي واحد ميتلاغه وي احد.
سكتت متقبله كلامها
- اوك
- وانتي ليش متحجيلي عنج
- جرت نفس روحي هسه من ارجع
- شنو وين انتي
- بالمكتبه دااقرا روايه
- منو طاجياها
- اي استاذ حسن طانياها
- ههه روحي
- لتخلين بالي يمج
- اوك لا والله عادي حنام وباجر اداوم بعد ماخلي ببالي
- خل اشوف
سديته منها

نظفت البيت وكعدت اكلب بالملازم هواي عدي نقص احس روحي ممسيطره من وراه وهاي السنه مدري شونها مخربطه من اولها من وره المضاهرات

ثاني يوم مكدرت اداوم تعبانه ومكسله
كلشي بعمو انور يذكرني بي كمت بس اتامله واتخيل شكله من يكبر يصير مثله ققرت اضم حبه بكلبي واسكت خلص هاهي انسي تمنيت بس اعتب عليه وهاهي وهم تراجعت عن قراري ازل رجعت من الشغل وللومه هم التمينا بالغدا والعشا وتفرقنا كلمن لغرفته. شوي وطبت ازل يمي حجيتلها ابتسمت مدمعه عينها وي دمعه عيني حدما غفيت يله تركتني

.
.
.
.
يتبع