رواية اماً لهن الفصل الثاني والثلاثون 32 - بقلم مريم السعدي

بارت ٢٩

#أماً_لهُن

#مريم_السعدي

العمر مو بالرقم ينحسب
ينحسب بالتجارب واني انسانه منغلقه من العمل للبيت وبالعكس

لاعدي علاقات بالشغل ولاعدي صداقات عمل دائره معرفتي ضيقه

واليوم صار عدي اختلاط جديد من نوعه
نساء بسيطات لابعد حد كل همهم رضا الله والتكيف بمصاعب الحياه

اهل انور ناس من عالم ثاني ناس تنحط عالجرح يطيب بله مااطلب الالفه تالفو ويايه. جنت اشيل هم من يدكون الباب اكول شراح اقدم وشون ححجي واجامل

بس ببساطتهم فرضوا روحهم عليه يوميه العصر وره الغدا جابو متاعهم مثل ماهمه يسموها واجوي

اللي جايبه كعك ابو الدهن
واللي جايبه كليجه
واللي حلاوه تمن لو جكليتيه
واللي خبز لحم وشرط بديهم مسوي
وعسوله كابلتهم وكعدت وبديها ورقه وقلم تسجل وصفات

اسلوبهم غيرلي كل قواعدي بالحياة
اني شون عايشه صلاتي الجاك وجاك اخر همي اخر خط باولوياتي

لو قله الحديث وي البنات بحجه خاف يضوجون

( اميره ) كانت فعلا اميره واصريت ان تذكرها الكاتبه باسمها الحقيقي لفضلها عليه

زوجه عمه الصغير
يا الله شون انسانه واعيه بضحكه ونصح توصل لفكره لاعمق حد

بالبدايه جنت اخجل احجي بس بعدها من وحدي كمت احجي وهي تستمع مافد يوم حسستني غلطانه بس كانت تهدي بطريقه مختلفه

اميره : والله انتي مره سبعه
⁃ تسلمين
⁃ يعني واحد يكفل يتيم يصير وي النبي بالجنه صف بصف عاد ثلث بنوات ويتامي يهنيالج. يعمي

⁃ ابتسمت بحياتي مجنت اشوف الموضوع بهالمنضور

⁃ الهام انتي عمرج مافكرتي بلقاء الاخره
⁃ صفنت عليها يعني شون
⁃ ابتسمت وهمست

⁃ وجه الكريم. من تلاكينه
⁃ لا والله ممفكره
⁃ الللله ماخذ كل تفكيري كون الله يعجل بيها حتى اكون تحت رحمته وحسابه

⁃ متخافين من عذاب القبر
⁃ هذا ياهو الكالج عذاب قبر ماعذاب قبر كلمن بصحيفه اعماله للومه لو جانت صفحتج بيضه هنيالج وتشوفين الجنه قبل القيامه ربج رحيم للومه
⁃ سبحان الله

تحجي تلمع عيونها اشتياق ولهفه
اميره : من يصير وكت الصلاه اركض اعوفن كلشي احس روحي بموعد وي لقاءه وحوكف كدام منه ويشوفني هاي الطالبه الشاطره اللي غلبت الطلاب ووكفت قبلهن البي نداء الصلاه

⁃ شون حلو وصفج
⁃ لعد شون هذا الله الكريم انتي تصلين الهام
⁃ اي اصلي

⁃ عجيبه مااثرت بيج صلاتج وحجابج مماضبوط
⁃ هي قناعه
⁃ صح كلامج خايبه هي الدنيا كذابه ووهم وسراب خلنا نشتغل للاخره احنا من نصدك وي رب العباد ونوكف عالسجاده ونصلي معناها شنو معناه لبيك بكل ماتؤمر بي وتنهي عنه وهالوجه المليح حرام يلوحه نار

⁃ نصيت راسي
⁃ همست اني اخيتج لتخجلين مني واحنا بعد مننطيج لاهلج ببغداد صرتي بنيتنه

كالت اميرة
وجهج كله براءه حريمه هالنعمه العطاها لج ربج بعدين تذمج شخذنا من دنيانا وهي بخيله ونعوف امر رب العباد الكريم

بقيت صافنه عليها ابتسمت كالت
مازعلتي مني مو
لزمت ايدها واتوسل
لالا والله كملي احب اسمعج

كالت
- شوفي شون خلي اروح اعشي الولد واردلج الليله. زياد يبات. باليوسفيه. يم ربعه
- زين عادي تجين بالشارع اضلم

- دباع شكد فطيره بابا انه حافظته حفظ للفرع خل اكوم. محتاجه شي.
- لاسلامتح

- شراح تتعشون بالعافيه
- والله عسوله رادت دجاج شاورما
- شاورما شنو بعد هااا كص كص اعرفله. خل اروح وارد اجيبلج وياي كباب عروك يلوك لهالوجه يله. تعاي سدي الباب برايه

سديت الباب التفتت شفت عسل بالحديقه مسحت وجهه من شافتني اتجهت الها
من وصلت شفتها باجيه

- عسوله شبيج
نصت راسها هزته بالرفض
- شو باعيلي

باوعتلي برطمت ونصت
- منو وياج عسل ليش تبحين
عسل : مادري مخنوكه
- ليش من شنو هالهوا النظيف وتختنكين

- لا مرتاحه هنا بس مادري
- ازل نامت
- اي سبحت ونامت

- وانتي ليش متنامين
- ضايجه
- ها

نصت راسها
- عسل لتخوفيي
- بيتنا شوكت يخلص
- بعد فد شهر كال انور
- زين

كالتها وجرت حسره وفاتت
تركتهابراحتها وانتظر اميره
ساعه اكثر وجتي محمله

كرزات وفواكه وعصير وفرشنا وكعدنا نسولف
للصبح محسيت بالوكت حدمااذن وكامت متلهفه للصلاه صليت وياها دعاها وخشوعها يبجي

كملت والتفتت عليه تبتسم كالت
- كون الله ميحرمج نعمه الديانه ويثبتنها ويحسن خاتمتنا

- امين
- اكولج داده دام خلصنا صلاه كومي نطلع للصبه الهوا يرد الروح

- يله امشي
طلعنا كعدت وتباعلي وتبتسم

- شبيج احجي عادي
- خاف تزعلين
- لا والله
- ارد اسالج سوال كون تردين علي بله زعل

- خوش ارد
- انور
صفنت عليها شبي

- شون التكيتو شو تعارفتو
ضحكت وهي خلت طرف سبابتها بربطتها وشالت الربطه لحلكها تضم حلكها من تضحك

- انور اا صديق اخويه الله يرحمه
- اي اعرف انه هم اعرف بس الصدك رريد الصدك
- هههههههه عابتلج. اميره

- بروح اخوج كليلي انه احب هالسوالف
- هههه وج شحجي
- لالا بروح ابيج
- ههههه انزول عليج جريت نفس وباوعتلها

- سافرنا سوه
- ضربت على صدرها كالت
ياع بحيدكم

- لا يمعوده عزه شعدي
- اي مو دكول
- لا هو كان مسوول سفرات

- هاااا تذكررت. صح صح
- اي وتعارفنا
- يافدوه وبعدين
- ابتسمت بعدين ضاع جوازي

- يااا مبشاره
- اي شسوي فبقى ويايه خطيه تورط ورجعنا سوه تبادلنا ارقام
- ياااا وتتحاجون عود

- اي موهو شون السايق واني اطلب منه خدمات مسواك. حصه شي كهرباء طكت وكذا

- ها خوش وليد هو
- اي ورده الله ياجره ويجازي بابنه
- اوووف يا ابنه يهد الحيل بعد حييلي
- شبي

- اله الله كمليلي فدوه النوب تتخابرون
ابتسمت ونصيت

كالت
- يولي تحبينه
بقيت منصيه
كالت
- والله عرفت حسيت بي من نخبص بيكم ويحاجي عمه

- خطيه
- عليش ما يطلبج من اهلج
باوعتلها ونصيت
- انورتعبان اميره تره مار بازمه صعبه

- اها يعني تعرفين خوش لعد زين هو حجالج لو سمعتي من احد
- لا هو بنفسه حجالي
فكت عينها كلها

كالت
- ليش تتحاجون
- اي كل يوم نتخابر نسولف وراها كلمن يروح ينام

- يا صخام شون يصير عايني. تزعلين متزعلين كيفج الرجال لو شكد ماجنتي ويا ثكيله يثكلج بالازيد وره الزواج.

- اني كلامي وياعادي تره
- بس انتي مو عاديه. للومه مواي واحد يحاجيج. يا ام البنات يخيمتهم

صفنت عليها

كالت
وتاشر بيدها تخبل من تحجي
- اليريدني هذاك بيتي واضن جاي يبني بي حتى يعرف يدك بابه زين يروح ليجاي لعمي الاغم ويطلبني

- يعني شنو قصدج اصغر بعينه
- اوهوو لعد شنو النوب هو منا هله هله للومه انتي هواي فطيره وعلى نيتج .

- يعني شنو قصدج
- لج خيه اثكلي عليه هسه تشوفي يلحكج سودني بثكلج

- يعني ماحاجي بعد
- اي خله يرووح بطران يريدني يندل حوشنا
صفنت عليها

كالت بنتره
- لا تكليلي خطيه ووكفته حلوه. هاي الوادم كلها توكف لليحترك بيته. خلج سباعيه وجيبي للدرب خله يعرس كتلنا

ابتسمت
كالت
- فدوه لهل الوجه وعود تصيرين مرت ابو النور يا غير اكشخ بيج بالمحله. هي غير بنت عم ابو كاتله روحها علي وهو مامكلبها

- ههه خطيه
- والله حت لبغداد اجت بجحه طبيب معرف شنو شوي فكي عينج خل اروح اريك الولد براهم دوام لعد بت اخوج شوكت تداوم

- بعد اسبوع اللخ
- شحلاتها فدوه بس خطيه يرادلها دفينه
- اي كلي انور نسويلها ان شاء الله

- هم ردت النوب لا تكليله ولايكلج الا يعقد هاا واذا كلج ليش كليله حرام علي. مو عود تكليه اميره تره ياكلني بكشوري

- هههه ماشي ماشي
- وهاي لاتخليها بحيدها خطيه. يتيمه سوده بجهي تكسر الخاطر
- منو عسل لا انيي يمها

- لا مو يمها للومه مراهقه. تريد تحجي وتسولف ضللي قرريها خليها تسولف وياج مو وي غيرج. اشوفها دوم حزينه

- لا والله هناك موهيج هي بس وره الحركه صارت هيج
- الله يعينها موقليله يله هل اروح واردلج المسه

- هله بيج لتتاخرين عليه فدوه
لا وين اروح ماعدي لهوه غيركم نسلم عليكم حبيبه

الهام- اميره هواي غيرت بيه شي مجنت اشوفه. عسل كمت انتبه الها حزينه وضايجه احجي وياها تريد تبجي اعوفها ماالح عليها
ازل سوده عليه مخبوصه بالشغل نوباتتجيبه للبيت تكعد تدقق وتتصل عيونها ضعفت اخذتها دكتور عيون ولبست نضاره صارت بيه خوفه من العيون من وره اساور الله يرحمها

جانت لل٥ يله تطب وخطيه. اخت سيدار وياهم وبنيه لخ. ونوبات بس اخت سيدار
اما رسل فمكامت تداوم من جتي لهنا والعجيب حتى فون مكامت تلزم متابعه مسلسلات تشتغل ترتب روحها جسمها شعرها وجهه حاولت مثل مكالت اميره اقترب منها
مرضت ابد لو تسمعني كلام يوجع لو اساسا مترد عليه وتعوفني وتكوم

فتره مرت كمت من يتصل انورماارد يراسل ارسله

شوي تعبانه مااكدر احجي وياك
نعسانه مابيه حيل
ويتركني سبوع عشر ايام مرت واتصل الصبح يوم جمعه

ردت عسل جنت اغسل هدوم كالت
عمه هذا عمو انور يريدج
رديت
الو هاو انور
ياهلااا يامرحبا يابه شنو خذتح ال- من عدنا
هه لا والله ملتهيه بيش ولج تلتهين عن انو جتي وضيفه وتحاجيني

سكتت
وهو سكت شوي وكال
للومه بيج شي محتاجه شي
لا سلامتك
زين حمر عليج اخذج تشوفين البيت
لالا ميحتاج شفته بالصور عاشت ايدك
سكت همس ماشي كتلج طابق واحد مو
اي عادي اربع غرف جوه
اي اي كال ارخص علمودكم كتله توكل بالله
عاشت ايدك
تدللي جر نفس همس
للومه ممرتاح احس بيج شي
لا والله ماكو شي
ليش مدتحاجيني كولي الصدك
ماريد بعد

ليش هاا نفسيه.
لا والله شوي ضجت من نفسي
شون بله
اي شنو حرام عليه
حرام عليج شنو هو احنا شدنحج وكطع الكلام كمل بغير نبره

اكولج مرت عمي زياد دتمر يممج
اي ليش
اميره
اي اي اعرفها
اييييي مو اكولل شغيرها المريه. لج بابا ها كلش خاشه بالدين. عمي بالخطوبه. مكطوعين مهر سيد ومحكمه اجه لزم ايدها تكوله حرام عليك

هه
اهووو للومه اني مضيعج ترهصار عشر ايام روخي. طلعت خاطرالله معليج منها. كعدت يمها بازمتي كد ما حجت بالاخره. والجنه خلتني يصير عدي واهس للموت

استغفر اللله هههههه
اروح فدوه لضحكتج لج عيني. جيم كلبي تكابتت رحمه لابوج رجعي. خابريني. شتاقيتلج هي شكو عليها تحضن الحجي وتنام والصبح اللد تصنيف والمسيه يمج موو
اي
خرب حضي
لخاطري اني لتزعل بس احترم رغبتي
لا فدوه تعلمت عليج
لا ماريد اني كلش مرتاحه هيج راضبه الله وروحي
هسه احد كلج اني شيطان بابا نازل وياج ثكيل قبل متخطي الحدالاحمر
لا والله
اي خلاص اصدقاء يابه.
لا ماريد كلتها صيح بكل قوته
كيييييفج وسد الفون بوجهي انقهرت منهبس حجايه امير ه حلوه. معزتج. تجيبه

عسل- بعد٨ ايام الدوام المده حتخلص واني مشبعت منه الهام هواي تغيرت حتى حجابها انضبط
بعشر ايام ختمت القران ودوم تصلي كم مره تحججت بالتلفون احجي وي لوزه احاجيها واحجيلها شديصير بيه وتكولي
فرصه تنسي
واني بس اتذكره دموعي تنزل سبحان الخلاه بكلبي
حدما اختنكت فد نوب اشتاقيت لصوته. اني اللي بحياتي محاجيه وي ولد

تعلقت بي مكدرت روحي. تحومي طبيت يم للومه نمت يمها حاوطت جسمي وغطتني
همست
شبيج عسوله

مخنوكه ضايجه
حضنتني قوي توني اغفه. همست
انطيج تلفوني تلعبين بي تتفرجين مسلسلتج
فزيت هزيت راسي
اي اي
طتنيا اخذته وطلعت من الغرفه
ارجف وبطني تلويني
رسل نايمه
ازل هم نامت عاللابتوب
طلعت للطرمه كعدت بالزاويه
دزيت رساله

الو
مرد ولا طلعت مراي

يحيى اني عسل
ماكو رد
ساعه٢ يربي اكيد نايم
بقيت اتفرج عالاشجار وصوت الهوا واتذكر صوته وكلامه ضحكنا وسوالفناشكد تعلقت بي

توني اكوم اطب ودز

عسل
رديت راسا
هلاو
دك اباوع للاتصال وبطني تلويني
رديت ساكته
همس بصوت خشن يعلن نومه وكعدته

الو عسل -/ احجي فدوه -
واني سكتت بعد سبوع اداوم ومو طبعي اخلف اتفاق

عسل احجي مو وياج ردي عليه
المن مخابره حتى اتعلق اكثر واعاني كلام لوزه صح

عسوله جاوبي فدوه لعمرج
الو
جر حسره وخنس واني سكتت
همس
احجيلي شونج
مخنوكه
ليش ياعيني ليش
اريد ارجع لبيتنا
مبقه شي عيني انتي
سبوع اليجي دوامنا
سكت وجر نفس
بعدك عالاتفاق

محجه شي غير موضوع
شون تكضين يومج
عادي تنضيف طبخ وصفنات بالحديقه
هه بيش تصفنين
مادري بس تعبت احس
منيش عسل
انت ليش خابرتني. انت البديت اني شون حكدر كولي
متوقعت هيج حيصير

شنو المتوقعته ساعدتني وخايف عليه وتتواصل وتعلم ىتفهم وترد اساله ومنا ومنا والليل منايمه ليش ليش بس كولي. من وراك اني هيج ديصير بيه. انت تريد تلعب باعصابي تلعب عليه

لا والله عسل
شنو لا والله شون هسه كلي
شنو
سكتت لان مديحس
احساس ماعدك هيج اريد اكول حجيتها وصوتي يرجف مم البحي
جر حسره همس
غلطانه. --
شون
غلطانه وغلات عيونج ودمعج هذا اليحرك بيه. اني داموت باليوم الف مره

ليش يعني

اخخخخخخ ربي لج عسل. احببببج احبج. وماعدنا طريق. احنا سوه. ماااعددنا

خنست من عله صوته ومن كالها كلبي من مكانه طلع.

همس
انصحج عوفيني. مو اكو عالم طريقها مسدود احنا مالنا حتى طريق سوه

ليش كلتها وبجيت. ليش بس كولي

هي هيج ماكو بينننا. فد يوم ارتباطططط
مكدرت انزل نفسي اكثر همست ضامه شهكتي
تصبح على خير
لتروحين اوكفي
بجيت بكل قوتي وكانه شي عزيز. لخ راح افقده ينضاف لقائمه. امي وابويه.

اشهك وهو يسب بروحه

من الله. لاوفقني
من الله ياخذني

لخاطر دينج. مسحي دمعح دامووووت.

اريد انام

مراح. تنامين ولااني راح انام. عسل. خليها ببالج. هذا هذا عذابي كله لمصلحتج. بعدبن يجي بوم وتكولين لعد شكد حبني فضلني على وجع كلبه

ليش شنو شبيك انت فهمني
ماببه شي
جيف امك عافت الوك وخانته

صيح بسسسسسس
سكتت
بس يرحم اهلكم بس
خنست شهك وسد التلفون

اخس بشهكته اختنك مو بجه احس مخنوك. مسحت مكالمته. ورسايله. وطبيت للبيت

لكيت ازل تحجي بالتلفون

ازل/ ها راكان شبيك بيش ساعه هسه

راكان- ازل اسف كعدتج.

لاعادي احجي شبيك
احجيلي عنها تكدرين لو كلمتين شحانت تكولج. عني

استغفر الله. ربي
فدوه مشتاق اسمع صوتها ماعدج تسجيل
عدي فديوات
دزيلي غير العدي مو
اي غيرهن
اوك
ازل اني اسف اتصلت بهالوكت والله روحي دتتكطع اشتياق. مداكدر علميني

مو بالاول اتعلم اني

اني باجر ماداومً حروحلها ازل اني اريد اعرف كلشي الشركه والمعمل. وانتي وسيدار بمكاني
بس تطلع اطلع
ارحموني لختطر عمي وخاطرها مكانها يجوي عيوني من اسوفه. فارغ لخاطرها.

راكان بس تطلع اطلع على اعصابببي تره

يتبع--

اهداء خاص الى متابعي #أماً_لهُن وبالخصوص الاخت ام وهج