رواية اماً لهن الفصل الثالث والثلاثون 33 - بقلم مريم السعدي

بارت ٣٠

#أماً_لهُن

#مريم_السعدي

ًازل : هاي وصلتلك؟
- لابعد اكولج شعدج صور مالتها حتى من جانت صغيره بلكن تدزيها
- صار
اسف اذا كسرت نومتج بس ماعدي غيرج ووجه ربي الكريم

موجود رقمي راكان شوكت ميعجبك دك
تسلمين نعم الصديقه حقها من جانت تبجي عليج وحقها من زعلت من لان صار زعل بينكم بسببي
راحت بعدالله يرحمها عافتني.
رايح اني اخذي راحتج وصل الفديو

الله وياك ويبرد كلبك
سده مني ميدري كل الصور راحو بالحريق اني الالوب على صوره منها مو هو الحمد للله كدرت اسحبها من لاب توبها

داومت. بشكل يومي بس تعب الگلب متعب. كل شوي اريد ابجي كلشي جننا مقررين سوه نسوي كمت اسوي وحدي

واخيرا وصلنا لوسناء
رحتلها برجلي وحجيتلها عن اساور كلشي شون رادت. تعاونها بعيشتها وكتلها هي الكالت نشغلج يله وافقت

بنيه متعوبه حيل
بيتهم غرفه وحده واختها ارمله٣ جهال عدها تشتغل بالبيوت وتخبز وهي هم تساعدها يله مطلعين عيشتهم

تاذيت من رحتلهم وكان كلب اسو كان يعلم. بيها
وافقت خطيه بس كالت
اني ماعدي حتى ملابس شون اداوم لهاي الجبه تفشلج

لا كلبي اني عدي وحده صغرانه عليه ادزها الح وتدرين بيه مالبس الوان
بقت صافنه بوجهي كالت
بس بشرط اردها الج من استلم
اوك بسيطه

ابو عمار سايق الشركه من شاف حالتهم كال لوجه الله اوديها وارجعها
وبدت دوام

البنيه متكعد اذا فرغنا تنسى نفسها موضفه. تكوم تنضف. واني احجي
لج وسناء يمعودده ذبي الوصله

ست منا ترابه والله

دعوفيها معليج منضفين ينضفوها
عادي كلنا ولاء ادم وحواء
صح صح بس عوفي ابويه. انتي موضفه
اوك كيفج

واكفه يمي ترتب انطي الاوراق والفايلات وهي ترتب وطب راكان

همس
صباح الخير ازوله

هلاو راكان هله عيني
وفات للغرفه

مناضره وتلفونه وسويجه والزايد هيبته قاطه الاسود ولحيته العاليه والحزن اللي بوجهه
وسناءشكو بيدها وكع

هو طب منتبه واني سويت روحي عميه طرشه وغبيه

تذكرت كلام اساور عنها
شفتيها شون باوعتله ومن عرفت خطيبي نصت
اني جبت الحطب يم النار شداسوي

ولو حاليا هو رماد
وسناء حلوه كلش بس ناعمه ضعيفه. وطويله. ناعمه تحسيها ميته جوع ويمكن صدك هي هيج

كمل اسبوعين وبدت تنشنش مثل الطفل
يمناالريوك. والغده. بالشركه. نتريك ويايه. شوصي اوصيلها ومفهمتها انه هاي من ضمن العمل

خطيه. دوم تضم نصها. للفه واسوي روحي مشفت.
راكان بعمره منتبه عليها وسيدار بعمان اداره فرعنا الثاني هناك.

كان يتصل على طول بيه واني ماارد بس على تلفون الشركه من يتصل ويكون راكان يمي يله نرد سوه
او نفتح كامره عن طريق اللابتوب مال شركه

عيونه تعتب من يباوعلي يوصينا بالارشادات اللا زمه ويعلم ويعاينلي مضيق عينه ينتهز فرصه من يلتهي راكان بشغله ويهز براسه يعتب انصي اسوي روحي ممهتمه

لكن
ممتجاوز بكلمه ابد. ولااني الانطي مجال
لا اله ولا لغيره ولاحتى لروحي
بشر تعبان قليل حظ ليش اتعب روحي واحاول وي نفسي بدائره وحده. عايشه. وي نفسي بس ووي روحها
لليوم احاجيها

لليوم قبل مانام واحضر هدومي اهمس كانه السماعه باذني وتسمعني

اسو حلبس هذاا. انتي شتلبسين
الحنت احسها بنتي مو صديقتي وصايرتله سكف وعيون وسند هسه اني احتاجها
نوبات اتندم كون ممصارحتها بكلبي شكو يمكن جان. هي الخلتني اغير تفكيري سالفه انه ضامه عليها شي تحرك بكلبي احس مملحكه احجيلها كلشي لحد هاليوم من راكان يجفص بحجايه لو يذب حجايه ونضحك تحس ارجع للبيت واخابرها واكولها حبيبج هيج كال اليوم خربناضحك

رجع سيدار من عمان جنت كاعده انزل قوائم بالحاسبه مدخله راسي بيها مندمجه وحدي
محسيت اله صوت ناصي يم اذني
شونك عبوسي

فزيت بعيطه وابتعدت دفعته من صدره خزرته وهووخربان ضحك
علكيفج علكيفج شبيييج

ادري هو هيج اليطب استغفر اللله

الله يسلمج والله اليوم وصلت الصبح
باوعتله مغمض وايده على صدره مبتسم عود اني كتله حمد الله عالسلامه.

جريت نفس ابتسم
الحمد لله عالسلامه
تسلمين ابتسم وكبل عااتب
ليش متردين على اتصالاتي
لان مابيها معنى تتصل عالخاص التلفون مال شوكه موجود صح لو لا

غابت ضحكته وباوع بساعته همس
اترخص
تفضل
طب لراكان
شوي وصاحني راكان
طبيت باوعلي كال
فدوه حهزيلي القوائم دياخذها سيدار
اي صار
دااجهز وحدي مكدرت مالحك دزيت على وسناء

جتي خطيه مكتب عمو صاير جبير باب منه تطلع على مكتب اصغر مكتبا اني واسو
اقصد اني ووسناءحاليا
هي انثبرت ويايه
دنحضر وطلعوا الولد

سيدار- ها كملن
ازل- هسه دقيقه فدوه راكان بس اسحب القديمه بالحاسبه
اي هسه انتي خلصي معليج
سيدار- منين الحلوه جديده مو
ازل- رديت
وسناء صديقتنا
واكان رفع راسه لاول مره صفن عليه مضيق عينه وهي انتبهت عليه ارتبكت وكامت ترجف

اخذت الفايلات منها كتلها روحي راحت ركض
رجع راكان يسحب ويشتغل سيدار همس
شوكت جتي
صار اسبوعين
شو مكلت شييخ كالها وباوع على راكان

راكان جاوب
والله اول مره اشوفها
ازل : ممنتبه عليها دتداوم صار اسبوعين
راكان- بيها الخير هاي كلهن باشا
سيدار- اييي تعيش
طلعوا ثنينهم
وره كم ساعه رجعوا اول مطبو باوعلي راكان كال
تعاي ازل
عفت وسناء وطبيت
اول مطبيت كال
عمي رائد مريض ازل
شبي عزه بعيني شبي
ماله خلك ديختنك ويصعد ضغطه
سيدار- والله هاي جيف كاعد بس يجي يتعافى
ازل- كومو دنروح هسه اني هم زماله صارلي عشر ايام مماره
سيدار- هههه حشاج
مدرتله بال طلعنا دنروح

وسناءصاحت
ااست ازل
التفتت نعم وسناء
راكان التفت ويايه باعلها وباوع لسيدار
وسناء- االعفو ست اطلع تحتاجين مني شي
ازل- لالا اني عدي شغله وارجع واذا مرجعت طلعي وي الموضفين
جاوب راكان بنتره

انتي مو موضفه هناااا

باوعتله وارتبكت خايفه هزت واسها عالسريع بالموافقه

نتر وعله صوته
لعد شبيج بس تردين تطلعين

حاولت ترد

وسناء- للا بس دا

راكان- قاطعها ورد بنتره اقوى

لا بس ولا ابددد ازل من الاداره مالج دخل بيها حالج حال اي موضف تطبين ب٨ تطلعين ب٣ معليح بازل فاهمه

بلعت ريك وجهه انطعن هزت واسها وعيونها عليه ونصت

فضيها اززل
هزيت راسي ابتسم الها ابرد الموقف وطلعت وراهم

صعدنا بالسياره سيدار رزله
اكولك شنو فلمك على كيفك بالبنيه خجلتها سوال سالته شصار
ازل- رجاءا راكان ماسمح الك تعيدها بعد

مرد علينا طلع وصلنا بيت عمو طبينا بيبي جانت واكفه حبيبتي تعبانه. حيل
حضنتني وبجت مثل كل مره
طبينا لعمو بالهول ديقره قران. صدق والتفت علينا

همس
ها شباب شونكم

راكان- انت شونك عمي
لا احسن صرت سيدار شونك شوكت جيت من عمان

البارحه عمي البارحه
ازل- عمو شبيك متخربط
جر نفس باوعلي يبتسم هز راسه بتعب مابيه شي ادعولي بالموت

مدري شصار بيه من كالها بداخلي الف مره تكول اسم الله وبلش سيدار يحجي وراكان يقنع. ارجع للشغل واني ساكته وهورافض

تاليها حجيت
اني اليوم اخر يوم اداوم تعبت وحدي ومااعتقد محتاجيني بعد

عمو رفع راسه باوعلي
راكان كملها كال

اني هم حبطل مداكدر عالاداره وحدي سيدار رايح جاي لعمان
بقه عمو يباوعلنا وينصي هنس
بيعو الشركه

جاوبت
عمووعدنا عقود ٣ سنين ليكدام منكدر
نتر بصياح
لعددد شسوي
سيدار- ارجع لشغلك بس اكعد بالمكتب وهذا هو واشر واحنا نشتغل

رائد- ماكدر ماكدر
ازل- اعتذر اني وراكان اخر سلوع نداوم اسفه عمو تعبت الحمل الشايلته مال ٣ زلم ماكدر
مرد علينا شوي وترهصنا طلعنا

راكان- مامنه امل
سيدار/ لا راح يرجع كول كال
ازل- خو جان حجه
سيدار- عوفو يفكر ويرد يرجع

ازل- اذا مرجع شباب تره صدك ابطل
سيدار- يرجع يرحع
سكتت وصوتي لبيتي رغم البعد ورجعو
لكيت عمو بالباب جايب سياره دياخذ للومه وعسل يشوفون البيت

طبيت نمت. كعدت عاى دكه الفون عمو تفاجئت
رديت
ها عمو الو
ازوله عمو
نعم
لتعوفين الشغل اني بس اطيب ارجع
ماشي عمو ماعوفه بس واعدني ترجع. على واس شركتك
الله يسهل اندعولي

ازل.....
مدري شصار بيه تطشرت بتعب عينه كون اني اندفن واساور تضل ولا يوجعه كلبه ويتاذه هالاذيه. شعدي اني لااب يحترك. كلبه ورايه ولاام. تموت قهر لفراكي واذا على عمتي وخواتي يخلصون يرتاحون من وحده وتذكرت عسل
خاف فد يوم تحتاجني

استغفر الله ربي الك بيها حكمه
كاعدين وراكان. كال
عمي بعد اذنك هذا اخر اسبوع اداوم بي
- جاوب عمو
ليش يابه وين رايح
مرايح عمي بس حرجع لوضيفتي. مااكدر الزم اداره مومكاني

باوعلي وباوعله كال

بعد منو يريد يعوف الشغل
بقيت ساكته مردت ازيدها عليه باوعلي سيدار كال
فد وحده متشيل الفون من اتصل بيها كالت. اذاراكان طلع اني هم اطلع
نصيت راسي من عتب عينه. التعبانه.

كال
اليريد يطلع يطلع الشركه عزلوها وااجر مكانها خلصوني من منيه البشر اترخص
وكام طب
ضربت على كصتي ونترت بسيدار

انتتت شكوو تحجي متشوفه مررريض محسيت على روحي طلعت من نفسي
وانتبه على راكان مضيق عينه يباوعلي بشك

شلت جنطتي وكمت سيدار ضل خازرني.

غمضت عيني. وطلع كل حركه مني بالف حساب سيدار راكان وعمو وبيبي

انهزمت. بمشاعري من الكل
رجعت وياهم رغم شحن الجو بس محجو اي كلمه قريب مدنوصل راكان كال
ماريده يزعل مني ماريده بكول من راحت هلصت المصلحه وعافوني

سيدار- والله اني من طيته حجايه ماارجع بيها بس العتب عليكم الصدك غير انتو اكبر ناقصين

راكان- رحمه الله والديك
- هلا بيك ليش ازعلون من الصدك المهم هسه. تجي باججر لو لااا
راكان- اي اجي امري لا الله ازل فدوه

ازل- لا مابطل شسوي اكعد بالبيت بس شوي داعاني بس بعد ماشفت وجهه اليوم لا ماعرف الشغل
وصلت ونزلت لكيت سياره. حسن طابكه وللومه دتصعد بيها هي وعسل

ها وين
دنسوف البيت ونجي جاوبت للومه. تجين
لالا حفوت انام نعسانه
كيفج الغده. بالثلاجه. خليته

اوك
للومه- اتصل بيومها اكثر من مره تالي رديت
نعم
هلو شونج
زينه الحمد لله
وسكت
ها انور تريد شي
حمرلج تشوفين البيت
كمل
بقه النواعم بس دنشوف البواري شون تردين تخليها غساله. شي اني شمعرفني
ها زين تكدر تجي عليه
اي اني اصلا بيت عمي
ها صدك
اي لعد داكذ ب عليج
لا حشاك
ديله لبسي

بدلت وكلت لعسل الي كمت ماعوفها كلسا متحججه بحجايه وياها صعدت للسياره نظره مباوعلي. حدما وصلنا هو محجه شي وصلناالبيت
كان كلشي بي متغير ماله صله ببيتنا القديم غير انه نفس الموقع. والفرع

٣ غرف جوه هول وصاله ومطبخ وحمامين مرتب. حيل ونصه. سيراميك حجيت الاريده وطلعت
جنت ضايعه عبالك موبيتنا كلسا وارفع راسي ليفوك درج ماكو اختنك بس بالمقابل كان جديد وغير سيراميك وبورسلين الارضيه. تخبل

عسل كالت تضحك
هاي مسحه وحده يكعد لووك للومه
اي حبيبي
طلعت كعدت يمه صافنه بغير عالم وطلع هو مغربيه صارت بدت تضلم

عسل ليوره التفت عليها همس
نامت ام النحل
التفتت نفس التفاتته بهالقرب بالفتحه البين كرسي الامامي بالسياره فزت جروحي وكلبي احس دكاته باذني اسمعها ابتسم ورمش بهدوء

كعدت عدل راسا لاحظ ارتباكي احس حتى يسمع دكه كلبي ايدي حاطتها بصفي بيدي الجنطه وكفنا سيطره

وطلعنا بس طلعنا حرك ايده تجاهي مصدكت الديريد يسوي اخذ ايدي من دون ميباوعلي. حسيت بضغطه ايده بقوه باوعت لايده داجر ايدي خزرني

وتلمسها بابهامه.
ليش عالرجفه. بنص كلبي صارت لويه بالبطن. وخوف خجل واحراج. وكانما بكد اللي كاعده ورايه صرت

رقق لمسته حتى لزمته للستيرن. صارت ناعمه. ميباوعلي. يباوع كبل

تمالكت كل ذره بيه ولميت روحي حريت اييدي بهدوء

شال ايده وصلها. لانفاسه. ايده. هو وباسها وجه وكفه بهدوء وشمها يتصرف وميباوعلي يعاين للطريق ومبتسم بمكر

وصلنا نزلت
حتى شكرا مكدرت انطقها نزلنا. واني بغير عالم ليش لزمها
شنو قصده

سنتين او اكثر احنه سوه مافد يوم مسني بكلمه هيج راسا. فزز مشاعري ردته يتصل ويبررر متصل ولااني كدرت اتصل خجلانه. حيل ولا جنني حطخ الاربعين
يلعب باعصابي اعرف مداهرته يريدني اني اتصل لو تموت ماخابر اني انت التقدمت كمل خطوتك

ذبيت التلفون وطبيت للغرفه نمت يم ازل اللي من جتي جانت حيل تعبانه عسل بقت تتفرج تلفزيون
عسل- مكدرت اتصل بي باجر دوامي خلي ولو موادع اودعه بس. ماكوله شي بس باي وكانت اجمل علاقه. واهتمام حسيت بيهن.

تلفون للومه يمي لزمته شايله هم شراح اكوله شون اعتذر لالا مااعتذر بس اكوله مع السلامه وخلص
دكيتله دكتين ورد ساكت
خجلت احجي تذكرت عصبيته وصياحه اخر مره

سمعت صوت احد يمه كلله
حروح انام اني عود طفي الضوه
جاوب
اي ميخالف
هذا صوت حسن اعرف صوته
صارت صنطه يمه

حجيت
الو
جاوب
هلوعسل
هلو اا باجر اداوم
امم اعرف
وسكتت اخاف اكوله اخر يوم واتندم من اكسر كلمتي
همس

حضرتي نفسج ملابسج
اي كلشي خضرت
متشوقه مو
كلش متشوقه
اممم الله يوفقج

شكرا الله يخليك
رجعنا سكتنا
دقيقه. وحجيت اني
بعدك عصبي

جاوب بتعب
اذيتيني حيل
موقصدي بس ردت افتهم ليش هيج تعاملني

بس هيج هنتيني انتي هذا الشي وي نفسي اتعذب من احجي. بعدين منو كلج. على امي ومنو كال خانت
همست صافنه تره تره انته الحجيتلي عنها
شوكت اني محاجي خاف من عمتج حضرته شاكيلها

لا والله اني عمه كلشي متحجيلي انت حجيتلي مره الصبح. كتلي. اكو حرام تصير ام واكو محرومه من الامومه وحجيتلي عنها

امم صح تذكرت
عالعموم اسفه اعتذر كلش بس معرفت اصوغ الكلام

راحت بعد طلعت حركتي باستاذ انور توقعته هو الحاجي لعمتج
لالا بعدين همه مجرد صداقه
صداقتيش انور عاشكها بابا
المن للومه
اي لعد لام وسكت استغفر اللللله
شون عرفت
حجه وي عمه زياد كله. كله رايدها للبنيه لصاحبي وانور تخبل
ليش متكوله بابا
كيفي
احلى كلمه بالكون اتمنى اكولها بس حرامات ملحكت
سكت متنهد همس
مشتاقلج
غمضت ورجيت راسي
ليش هلكد عفتيني مبقه بس اليوم النا كلت تخابر

خفت من عصبيتك
موبديه
كتلي شغلات هواي بيومها

انسي كلشي هسه
ليش انسه تسحبها
جر نفس همس
محضرلج لفكس واقلام باجر ادزها وي حسن ويامن حتروحين
وحدي
ليش عمتج وين
عدها دوام

ها. زين شون
مادري حتى لوزه اخوتها ثنين يجون وياها كلت لازل ذيج المره كالت ميخالف شو هسه نايمه حتى يمكن نست لان عدها شغل
امم لتشيلين هم
شون

ماالج دخل اخر يوم نهايه علاقتنه
سكتت
ها عسل
نعم
نهايه علاقتنا عسل
اي اوك مااتصل بعد
سكت شوي وهمس
اتمنالج الموفقيه بكل حياتج

شكرا
انشاء الله تتعرفين بناس كفو ويستاهلوج تكملين وياهم حياتج

شكرا جزيلا
تنسيني عسل
بقيت ساكته نزلت دموعي

عسل؟
نعم

مراح انساج
لعد ليش تعوفني
جر حسره همس
يمكن هالشي لمصلحتج

لتحجي الغاز
مافيدج اني
ليش شبيك
فقير ممكمل دراسه ممتعافي
ميخالف همست

يعني تردين تكملين حياتج وي واحد على ساعه. يموت
محد ضامن عمره بعدين شبيك انت تكول. هيج

مريض
يعني شنو مريض شبيك احجي ودموعي تنزل
شهكت تذكرت اساور رجفت روحي. شبيك عليك القران

- عسل شبيج تبجين؟
- لالا ممدابجي بس احجيلي شبيك
مابيه يابه دااتشاقى
لا كذاب لازم اكو سبب

لا ماكو اني ماريد ارتبط باي احد ماريد اعيد الصار وي اهلي بيه وجهالي

اني مو مثل --وسكتت
همس
روحي عسل روحي
اوك
مع السلامه

غمضت وسديت حلكي حتى متطلع البجيه.

عسل
مرديت مكدرت
جر حسره
عسل احجي
مكدرت
ماشي مع السلامه

مرديت. سده وطلعت شهكتي خنكت وجهي بالمخده وطلعت كل العبره حدما انكطع نفسي يله وخرتها اتنفس وارجف

كوه نمت ب٣ كلسا اتذكر شقاه هداياه وسوالفه وضحكنا. كعدتني للومه بدلت وتهيات من طلعت ازل جانت نايمه ورسل هم

اجه حسن علينا اني وللومه السياره. تدك وللومه توصي بيه. وتعلم حسن يباوعلي بالمرايه ويدير وجهه

حسن كان اسمر وطويل مرتب كلش عده وحمه. حمره. بركبته ووره اذنه شامه جبيره شعره كالبه من وره عده ضربات فارغ مكانها. سبب وكعه او فشخه

ضهره عريض بس ميلعب حديد ايده مبيها. شعر بحيث اني وللومه من نرجع للبيت نضحك عليه نكول. املس من عدنا

يلبس مثل الخيط اسود حياكه بزنده وبي خرزه سوده مره سالته للومه

هاي شلابس بزندك كلها شمدريني ببيتي الله يرحمها لبستني من جنت صغير ولليوم اذا مالبسه. احس روحي ناقصني شي يمكن سحر والله

بوكتها ضحكنا

حسن مافد يوم رفع عينه وباوعلي ابد بس اليوم احس نضراته غريبه
ذب للومه يم وضيفتها وطلع بيه للجامعه

قريب مدنوصل
رفع عينه مبتسم
ها عسل متشوقه

هزيت راسي احس كلشي حيكول ليحيى
وحدج مو
هزيت راسي باوعتله ابتسم كال
سهله وصلنا للباب وفتح الجكمجه كال مبتسم

ناس دزولج هديه
جر من الجكمجه تلفون وورده طبيعي. ورديه. توها مفتحه
ولفكس ودفتر مكتوب بي حفر
عسل
بها تغزل الاعمى والابصر
لها من طبع الغزال صفات.
غزلت بنسيج الندى والعنبر

عسل عمران
محفوره. بدفتر من خشب خفيف. مليان اوراق. معطره. كل فصل لون ومكان للورده مثلت بخشب الدفتر

وقلم يتركب بغلافه واللفكس وياه هم نفس الللون بس من اخلي ببطنه الدفتر واسده. الضاهر منه عاللفكس. بس
عسل عمران

تخبلت عليه بقيت صافنه اكلب وابتسم باوعت لحسن ابتسم ودار وجهه
همس
معليه اني اني دليفري

تسلم كلتها بخجل واحراج نزلت التلفون بيدي طبيت الجامعه كلمن وي ابوها
اخوها
امها
اختها الجبيره
بس اني وحدي امشي منصيه كلما اشوف وحده اعرفها اشوف اهلها يمها تخجل اتقدم

دك التلفون الدزه طلعته. مكتوب
يحيى
رديت
الو

جاوب

صباح العسل
هه هلاو
يله فوتي شعدج واكفه
وين شنو انت موجود
هههه مووحدج انتي اني وياج عسل
وينك اشوفك
لا ميحتاج موكافي صوتي وياج
كافي بسس
بس شنو عسوله ياه فوتي بزودج اهلج مفتخرين بيج هسه فوتي رسمي مستقبلج

اي صح مشيت واحجي
لتروح
لالا باقي وياج حد ميطب دكتور علي

منو هذا
استاذج ورئيس قسمكم
هههه شمدريك
معليج فوتي
منين رين انت والله دوختني
لاضلين تفرين براسج عسل خرب يومج
اييي شنو وينك
امشي كبل

وين
يابه هذا الممر كدامج ابو الجام
ها منا متاكد
اي عيني انتي متاكد
خوش

فتت كملته واحس بي ورايه كدامي وي كل طالب يفوت لازم. فونه اباوع بوجهه وابتسم انترس ملبي حسيت روحي مو وحيدي

وينها القاعه
بعد غرفتين
انت وينك
معليج هاي هاي اوكفي
يله وكفت
فوتي هاي قاعتج
هههه هسه حتطب صديقتج لوزه
صدك وينها
وطبت لوزه ركضت عليه حضنتني الفرحه جانت مسايعتتي شكد جانو وي اهلهم اني اسعد وحده بيهم
كعدت لوزه وتخلي الغراض تفاجئت باللفكس
يحبى- ها اروح
لا ابقى يمي
ههه كافي بعد حيطب الدكتور
لالا بعد
لا هذا حيطب
طب الدكتور
انت وينك

جر نفس بكلبج عسوله
يحيى
ها عيني
لتعوفني
كلب ابن كلب اليعوفج بس عدي حجي وياج
اني مااكدر بلياك تعلقت
ولااني بس لازم نحجي والج القرار واني راضي باختيارج
اوك

روحي حتترزلين
اوك
باي وموفقه
يحيى اوكف
ها عيني

همست منصيه والطلاب يطبون
احبك
اووف ربي رحمتك الله وياج عسل الله وياج
سديته منه بفرح تارس روحي ترس

كملنا محاضرات واني ولوزه حجيت كلشي. الها. جانو شباب يرحون يجون يعاينولي يبتسمون
واني باستغراب اول مره شاب يعاينلي بس. سبحان الله. كلبي مليان بي ولو بس صوت
رجعت وي خط لوزه. متشوقه احجي وياه رسلت اله

شوي واوصل للبيت نحجي
جاوب
ماشي تحجيلي كلشي عسل
اي وعد
وصلت وطبيت ركض ازل بالمطبخ كانت تهدر التمن

هلاو شو ممداومه
شوي مالي خلك ليش مذكرتيتي اليوم. دوامج جان جيت وياج
لا ميحتاج شكرا
طبيت بدلت. راسا ودزيت
اني بالبيت بس ازل موجوده ماكدر احجي رد
اوك

شوي ودز رساله
تره سبوع اليجي تتحولون ببيتكم
مكدرت احجي وياه بعد لان ازل هنا
طلعت يمها اسولفلها وهي صافنه عليه بتعب سكتت اباوعلها
شبيج
مابيه شي كملي يااستاذ اجاكم
دكتورعلي
هذا الو النضاره اللي يلبس دوم نيلي

اي هو
ورده هذا كوليله اني اخت ازل
خوش بقيت اباوعلها صافنه بغير عالم

انتي مريضه
لا شوي تعبانه
ها بقت صافنه عالطيور بالخديقه. فراك اساور اخذ من روحها حيل بقت بس خيال
دك تلفونها لزت من قرت الرقم
بلعت ريك وردت

الو
هاعمو. لا مداومت. شوي تعبانه. لالا ممبطله. لا والله مو بس لخاطرك اني ماعدي غير لهوه. لا سلامتك ممحتاجه. الله وياك
سدته وغطت وجهه بجاكيته تراكسودها حسيتها تبجي تركتها. للاسف. خوات بس بعاد عن بعضنا كل وحده بينا من تنتكس تنزوي بروحها تداوي نفسها بنفسها

الهام- داومت وفهمت المدير عالمريت بي وقدمت على قرض خطيه المدير ساعدني بي وفعلا اسمي بالمقدمه بعد شهر استلم

٤٠ مليون انطي لانور فلوس البناء سبوع ونرجع
واني
لا مندر لا ثلاجه لا كاونتر ولحد الان صرفنا٣٩ مليون شون حتدبر ماعرف
تعبت من التفكير ليل نهار بس انور من اتذكره يخضر بجروحي ورد

واخيرا اتصل باكثر وكت محتاجته بي. رديت بلهفه
الو انور
عيونه انتي
شونك

مزين ليش متتصلين الا اني اتصل الهام
سكتت من عتبه معرفت شكول
الهام اني واحد زاع روحه. كدام رجل وحده تالي عافته وراحت خاطر الله اذا ماكو بكلبج مشاعر تجاهي احجي هي موته وحده

انور اني ردتك انت التتصل
واتي حنت انتضر اتصالج شوقج يجيبج رجفه ايدج جوه ايدي. هذا مودليل فهميني

ارتبكت بقيت ساكته ماعرف شكوله

للومه
نعم
احجي رحمه لابيج
شتريد اكولك الدتحس بي صح
جر نفس وسكت
شونج
زينه الحمد لله
شبي صوتج
شايله هم
علشنو
البيت اثاث كلشي ماكو مندررماعدي شون حتدبر انهجم بيتي
للومه للومه هوب هوب
نعم
اني عدج اني موجود هنا يمج شتردين
هو حجي ولو ميتنفذ هم عدي. تنفذ مزلت دموعي اول مره واحد بكولي هالكلام جنت محتاجه اسمعه كلش

انور
ها عيني
جنت محتاجه هالكلام
موحجي هذا للومه اني عدج ماعوفج لواعرف اتداين اخذ قرض اني ماعوفج لو كل العالم عافتج
قربت. روحي من السماعه حيل ردت كل كلمه تتخلل روحي واتنفسها.

همس
للومه
عمري انت
خنس يتنفس بصوت مسموع
واخيرا نطق
احبج جن ماحبيت قبل
--
.
.
.
.
س
.
.

يتبع

ملتقانا واياكم بعد الامتحانات بإذن الله تعالى
تقبلوا تحياتي #مريم_السعدي