رواية امبراطورية نور الفصل التاسع 9 - بقلم الخاتونة

دخلت جوان لأحد المطاعم ووجدت الجميع يجلس ، نضرت نحوهم بأستغراب وسحبت الكرسي وجلست والقت التحيه عليهم . . كانت تراهم ينضرون لها وبين تلك النضارات المتبادلة سألتهم : شكو
سناء: احنا الي نريد نعرف  شكو
صفد : حبيبتي جوان شصاير
وتد : احجي جوان
نور : جوان خوفتيني شكو
نضرت لهم وبعدها سألتهم : هاي شبيكم استلمتوني واصلا مااعرف شكو
وتد : لعد ليش طلبتي تشوفينا
سناء : حبيبتي جوان احجي شبيج ولتخافين من اي شي
صفد :: اي حبيبتي لتترددين واحجيلنا شبيج
جوان : ماكو شي والله
نور : لعد ليش دزيتي رساله وكلتي شي مهم
جوان : اني دزيت
سناء: اي
جوان : خلي اشوف تلفوني اكيد بيه شي غلط
( ماكو داعي تشوفيه لان اني الي جمعتكم ) اتى صوت نادية من الخلف ، تحول جميع نضراتهم على ناديه الذي سحبت الكرسي وجلست وهي تنضر نحوهم
سناء: خير ناديه
ناديه وهي تفتح حقيبتها وتخرج منها بعض الاوراق وتنضر لهم وتبتسم : خير خير ! اي خير يجي من وراكم انتو ! فضحتونا كدام الناس
سناء : ليش شكو
ناديه : بنتج حامل
سناء نضرت نحو جوان ، عادت ناديه لتتكلم وهي تضع الورقة امام سناء : اتأكدي انو كلامي صح
سحب صفد الاوراق من امام سناء وكعورهم بين يديه ورماها في سله المهملات القريبه منه وقال : اي نعرف وكلنا نعرف لان جوان حجتلنا ومن زمان بس ما جنا نريدج تعرفين
ناديه : اي زوجها وين ! تدرون بيه انهزم وعافها . بهاي الفضيحة
سناء؛ لا ماانهزم ولا شي بس سافر لان  عندة شي ضروري وبعدين انتي جامعتنا علمود هذا الموضوع  !
صفد : عمتي احنا نثق بخواتنا ونعرف بيهن ميسون شي غلط من ورانا فطمني
ناديه نضرت له وهي تبتسم وسحبت ورقة ثانيه من حقيبتها ورفعتها امامهم : قبل متحجي ع الثقة شوف هاي الورقة
صفد : شوكت تبطلين ملاعيبج هاي !
ناديه : اقراها وبعدين راح تشكرني
جوان كانت تشعر بالفضول وتخاف ان تكون تلك الورقة تخصها فسحبتها من يد ناديه ، قرئتها  وبعدها نضرت نحوهم وهي تشهق
سناء: شكو
جوان : لا مستحيل مستحيل
سناء: جوان شبيج خوفتيني
جوان اعطت الورقة لوالدتها  وبعد  ان قرئتها نضرت نحو وتد وقالت : وتد مستحيل مستحيل
صفد : شكو عمتي وسحب الورقه من يدها وعند قرائتها نضرت وتد لناديه وقالت : شكو بهاي الورقه
صفد : وتد حياتم جانم انتي بخير هسة
وتد نضرت بعدم فهم : اي
سناء قالت بسرعة : جنتي حامل انتي هم !
صفد قال بسرعة : شنوووو
ناديه : اقرا الورقة كاملة
جوان : من منو
سناء: ليش ليش هيج تسون
صفد نضر للاسفل وهو يضع يده على رئسه وقال بصوت غاضب : وتد
كانت وتد تتصنم مكانها ولا تعلم ماذا تفعل . شعرت انها حشرة حقيرة وتم دعسها وبين تلك الافكار قال نور : اهدئو وعلى كيفكم
ناديه قالت بنبره محذرة : نور لتدخل انت فاهم
نور بكل برود : زوجتي يعني ليش ماادخل !
جوان : شنوووو
سناء: ماداستوعب شي
نور : زوجتي وجانت حامل مني وبيوم الي جانت سدن بالمشفى كنا جاين عليكم ومن الدرج وكعت وصار عدها سقاط ومات الجنين
جوان : لعد ليش ماحجيتولنا
نور: كنت ناوي اخبركم بس انتو كنتو ملتهين ووهي حالتها جانت خطرة واضطريت اسافر بيها واعالجها
سناء : هسة انتي تشوفين موو
وتد كانت تنضر بحقد نحو ناديه الذي قالت : شنو الشي الي يثبت انكم متزوجين !
صفد : اي شنو الشي الي يثبت ! 
نور اتصل على المحامي واخبره ان يحضر عقد زواجهم
جوان وهي شبه مصدومة : يعني صدك !
سناء: وليش ماكلتولنا
صفد : نور ووتد يتزوجون ! شلون
سدن : اهدا حبيبي
ناديه : نور ماكو داعي تحميها فاهم
نور : زوجتي ومن حقي احميها
اتى المحامي ومعه عقد الزواج وثبت للجميع انه متزوج منها ، كان الجميع مصدوم ولكن صدمة وتد كانت الكبرى فهي لا تعرف متى تزوجها او متى حدث ذالك ، التزمت الصمت وجلست بهدوء اما ناديه فنسحبت بعد ان فشلت جميع خططها ، عادو الى المنزل ولكن مازالوا تحت تأثير الصدمة ، صفد كان لا يتكلم مع وتد لانها كذبت عليه وايضا لا يتكلم مع نور لانه لم يخبره بما حدث معهم ،  وفي اليوم التالي كانت هاله تجلس مع وتد
هاله : مشتاقتله
وتد : اكيد يرجع
هاله : مادري اشو مامرتاحه لهاي السالفه ، احس اكو شي
وتد : من طبيعي اكو شي لان عائلتنا اذا ماصار عدهم شي يستغربون
هاله : احسكم كلكم دمرتوا
وتد التزمت الصمت وبعدها اكملت هاله حديثها : عبالك لعنه صابتكم ترا ماكو هيج شي او احد تلتم عليه المشاكل
نضرت وتد نحو هاله وهي تفكر في كلامها وتدوره في عقلها
هاله : الووو وين رحتي !
وتد ؛ اي  اي اي هاله اكو لعنه  
هاله : هااا ؟
وتد سألت هالة : تتوقعين احمد ليش سافر ! وليش هو بالذات ينصب معدات باحد الغابات !
هاله : غير هذا شغله
وتد ؛ لا مو شغلته هاي ، اكيد ناديه بعدته عنج
هاله : شنو مصلحتها
وتد : اكبد عدها مصلحة مخفيه اني مااعرفها
هاله : هي ممكن تكرهج انتي واخوج بس مستحيل تكره احمد
وتد : اتصدكين تسويها ، وهي السبب بأخفاء زوج جوان هم
هاله : مستحيل
وتد : واحتمال اكبر هي الي دفعت سدن من الدرج لان سدن حجتلي اكو ايد دفعتها
هاله : مستحيل توصل بيها لحقارة لهاي الدرجة
وتد : توصل وتوصل وتوصل حقج تحجين هيج لان متعرفين شسوت ويايه
هاله : تمام بس شنو مصلحتها بهذا الخراب كلة
وتد : اعرف ، ان شاءالله راح اعرف ، وقفت وتد لتغادر ، كانت هاله تتكلم معها ولكنها تجاهلتها وذهبت وعندما وصلت للمنزل وجدت سناء تهب للخروج وهي متوترة وملامحها كلها خوف ، اوقفتها وسألتها
وتد : خير عمة شكو !
سناء : القوا القبض على نور
وتد : ليش
سناء : مااعرف وهسة اروح اشوف ، اتصلي ع صفد بسرعة
وتد ؛ اوك .
في المساء كان الجميع معا كعادتهم القديمه
سناء: شوفوا وين جنا ووين صرنا
جوان : مستحيل نور يقتل
سدن : هوايه دصير اشياء غريبه بالبيت هذا
وتد : ناديه 
سناء: شبيها
وتد : هي ذبته بالسجن
سناء: لا مامعقول وبعدين الشرطة فتحت تحقيق بالموضوع لان اهل المقتوال مقدمين شكو وبدليل تسجيل فيديوا لنور ومن قاتله
صفد : مدفهم ليش نور يسوي هيج
وتد : ناديه والله ناديه هي الي ذبته بالسجن
سناء: احجولي شلون نطلعة .
وقفت وتد واشارت اسدن وجوان وقاموا خلفها ، وبعد ساعة عادوا ومعهم ناديه . وضعوها على الكرسي وربطوها بالحبال واتى ونادوا على صفد وسناء
عندما دخلت سناء صرخت بهم : هاي شمسوين بيها
صفد : حتى لو اذتنا ميصير هيج تعاملوها وترا هم عمتنا
وتد : انتضر خلي اشوفك عمتك شسوت بينا
سناء: ناديه قسم بالله ماارحمج اذا انتي الج دخل بتخريب حياة اولادي
وتد : اي ناديه احجي
ناديه : ماعندي شي احجيه وتركوني  لان ابلغ عنكم الشرطة وتعتبر قضيه اختطاف
وتد وهي تضع يدها على رقبه ماديه وتخنقها : القرص وين ، احجي لو اموتج
كانت سناء تنر لصفد الذي يبادل نضراته مع جوان من دون ان يفهمو شئ ، عادت وتد وضغطت على رقبه ناديه وكادت ان تخنقها فصرخت ناديه واخبرته عن مكانها ، اخبرتها ان تتصل بجاسمن لتحضره لها ، وفعلت ذالك
وتد : ناديه  ادري انتي السبب بكل شي واحجيلي شلون بعدتي احمد عن هاله وشلون وكعتي سدن وشلون هادي اختفى
ناديه  ابتسمت : اني ماسويت شي بس انتوا ماعدكم ثقة ببعضكم وافترقتوا
وتد : تبقين هنا لحد متعترفين وبدون اكل ومي ، اريد اعذبج واستمتع بعذابج ، اتت جاسمن ومعها القرص فأخذته منها وذهبت لمركز الشرطة وقدمت افادتها ،  اخبرتهم انه قتله لانه كان يدافع عن شرفها بعد ان تم اختصابها والفيديوا يوضح كلامها اخبروها انهم سيطلقون سراحه بعد تكمله الاجراءات ، انتضرته وبعدها عادت معه للمنزل لتكمل عذاب ناديه ، كانت حاله ناديه متعبه جدا فهي من دون اكل وكذالك مربوطة ووضعتها في الضلام ، عادت لها مع نور وعند دخولها للغرفه تجمع باقي الافراد
وتد : احجي احسن ما اشوفج شي عمرج كلة ما شايفته
ناديه بأستسلام : اني الي دبرت كم واحد علمود يغتصبوج وكنت  مسجلة كل الي صار وناويه اهددج بيه وافضحج بس نور الغبي وصل وخرب كل شي ، بس كدرت استخدمة واخليه يعذبج بدل عني  وبالنهايه طلبت منه يحول الاسم بسمي بس رفض لذالك قدمت الفيديوا ورفعت دعوة عليه وذبياه بالسجن
صفد : مستحيل توصل حقارتج لهنا
سناء: يعني انتي الي ذبيتي ابني بالسجن
وتد : سدن شلون وكعتيها
ناديه : مو اني
وتد : متأكدة انتي وماكو غير حركاتج هاي
ناديه : اني جان دفعتها بس لان اني المشتبه بيه الوحيد لذالك خليت جاسمن تدفعها وبعدها كانت جاسمن تخليلها حبوب ويا الاكل وسبب نزيف الها
سدن : ليش ؟ شنو سويتلج اني !
ناديه : لان زوجة ابن الكافرة ولسانج طويل واني الي يأذيني اردها صاعين علية
وتد : زين واحمد
ناديه : احمد مالي دخل بيه
وتد : لا الج دخل بيه واني متأكدة انتي السبب بشغله هذا
ناديه نضرت لجاسمن : تحجين لو اني احجي
نضرت جوان نحو جاسمن : انتي شريكتها بكل شي موو ! اي اي انتي لان من كنت وياج كالتلي الممرضة بحملي ومن  ومن وبعدها صرخت ومسحت جاسمن من ذراعها بقوة : انتي الي دزيتي التحاليل لاهلي موو
ناديه ؛ اي هي
وتد ؛ احمد احمد شنو سويتيلة
ناديه :ماسويت شي
امسكتها وتد من شعرها وسحبته : احجي
ناديه وهي تتألم : جاسمن جانت تحبه بس هو ميحبها ويحب هاله لذالك بعدنا عنها
وتد ؛ هادي وين !
جوان نضرت نحوها : تعرفين مكان هادي !
ناديه : اي
جوان : وينه
ناديه  التزمت الصمت
جوان : احجي وينه
ناديه نضرت لنور وقالت: احجي نور وين هادي
تحولت جميع الانضار على نور
جوان : هادي وين
سناء: تعرف مكانه
وتد : مستحيل تتغير وتبقى حقير
صفد : نور !
سدن : نور احجي
نور : ناديه كافي تلعبين بينا واحجي وين هادي
ناديه : محد عندة ثقة بيك ! شفت اعز الناس الك يشك بيك
نور صرخ بها : هادي وين
ناديه : مات
جوان : شنووو
ناديه : كنت مخططة انو جاسمن تدعمه وبعدها نحجز عليه ونخليه يمنا كم يوم لحد ماتهدا الامور ونسفره بس من عبر الشارع و جاسمن انصدمت بيه  تسبب هذا الحادث بنزيف بالجمجمة ومات بلحضتها
جوان اغمى عليها وصفد حملها من على الارض ، اجميع التهى مع جوان مما جعل ناديه تشير لجاسمن لتفك وثاقها وتهرب منهم .

عادت جوان لوعيها وهي تهذي وتبكي لان هادي توفي ولكن سناء كانت تجلس بجانبها وتمسك يدها : حبيبتي كافي
جوان : يعني مات
( لا مامتت بعدني ) اتى صوت هادي من الخلف فقامت جوان فحتنضته وقال : احلم مو اني
صفد الذي كان خلفه : لا حقيقة
جوان : بس ناديه كالت
صفد قاطعها : اي كالت هيج لان تعرف بيج واح تنصدمين واتخذته فرصة علمود تهرب منا
جوان : يالله ياهادي ردت اموك بدونك
هادي : اسم الله عليج حبيبتي .

اتصل نور بصفد وطلب منه ان يأتي ليتكلم معه ، ذهب صفد ولكنه كان يجلس بصمت ومازال يشعر بالغضب من تصرف وتد ونور ، نور اخبره بالحقيقة كاملة ووضح له جميع الاسباب الذي دعته لأخفاء الامر ، اعتذر منه وطلب ان يسامحه ، اخبره انه فقد عيناه وهذا كان اكبر عقاب له ، شعر صفد بالحزن على نور وسأله كيف فقد بصره 
نور لم يجيبه وطلب منه ان يترك هذا الموضوع لان لا يريد ان يتكلم فيه ، عادا للمنزل واستقبلتهم سدن
صفد : حياتي شنو رايحة
سدن : اي حياتي جيت اطمنت على جوان
صفد : تعالي خلي نسولف شويه والله مشتاقلج
سدن : اني اكثر  حياتي ،
كانت وتد تنضر من نافذتها للحديقة ووجدت نور يجلس وبهدوءه المعتاد
اتصل نور بصفد وطلب منه ان يأتي ليتكلم معه ، ذهب صفد ولكنه كان يجلس بصمت ومازال يشعر بالغضب من تصرف وتد ونور ، نور اخبره بالحقيقة كاملة ووضح له جميع الاسباب الذي دعته لأخفاء الامر ، اعتذر منه وطلب ان يسامحه ، اخبره انه فقد عيناه وهذا كان اكبر عقاب له ، شعر صفد بالحزن على نور وسأله كيف فقد بصره 
نور لم يجيبه وطلب منه ان يترك هذا الموضوع لان لا يريد ان يتكلم فيه ، عادا للمنزل واستقبلتهم سدن
صفد : حياتي شنو رايحة
سدن : اي حياتي جيت اطمنت على جوان
صفد : تعالي خلي نسولف شويه والله مشتاقلج
سدن : اني اكثر  حياتي ،
كانت وتد تنضر من نافذتها للحديقة ووجدت نور يجلس وبهدوءه المعتاد ،  نزلت وجلست بجانبه لتتحدث معه ،
وتد وهي تنضر للسماء المضلمة الممتلى بالنجوم ، والهواء يداعب شعرها ويرقص معه ، جمعت كلامها في رئسها وقالت : نور انت سويت هوايه اشياء الي وحميتني من ناديه بس بالمقابل كلش اذيتني ، مااكدر اسامحك ومااكدر انسى واتجاوز الي صار ويايه
نور : مااتذكر اني طلبت منج شي
وتد : زواجنا هذا لازم ينتهي
نور : ينتهي ينتهي مو مشكلة
وتد : وصفد واهلك شنو نفهمهم
نور : هم يعرفون هسة كل شي فماكو داعي نوضح واحنا كبار ونكدر ناخذ قرارنا بنفسنا
وتد : ليسا وينها هسة
نور ؛ شنو الي ذكرج بيها
وتد : بس فجاءة اختفت
نور : ليسا عوضتها عن الايام الي جانت عايشة بيها ويايه ، هاديه جانت وصبورة لابعد حد لذالك سألتها ع الاشياء الي تتمنى تحققها وكالت تريد تكمل دراسه فكملت اجراءاتها وراحت لماليزيا
وتد : ربي يوفقها وتصبح ع خير ،
بعد ان غادرت من الحديقة ذهبت لغرفه صفد وطرقتها ، تكلمت مع صفد وبصراحة عن كل شي حدث معها ، طلبت منه ان يغفر لها لانه ليس بيدها اي حيلة ولم تكن تستطيع ان تخبره بسبب الضغط الذي كانت تتعايشه ، اخبرها نور انه لا داعي لتبرر هذا وكان بمكانها ان تتكلم وبكل صراحة
وتد : جنت خايفة عليك
صفد : وليش تخافين
وتد وضعت يدها على صدره من جهة اليمنى وسألته : اثار الرصاصة راح لو بعده !
صفد : بعدة  بس ليش تسألين !
وتد : هم فكرت مرة ليش انت بالذات استهدفوك ! ليش انت بالذات جتي الرصاصه بجسمك وبهيج مكان خطر
صفد : بالخطا جانت 
وتد ؛ لا مو خطا وانما ناديه اجرت واحد يضربك علمود تسكتني وتضغط علية ، صفد ماعندي غيرك واالله اني
صفد : ناديه سوت هيج
وتد : وكدام عيني ضربك هذا الي كانت مأجرته
صفد : ليش ليش هيج سوت
وتد : صفد اني بسببها اتعايشت هوايه اشياءات صعبه وكان الحل الوحيد هو اسكت واحمل
صفد احتضنها : والله والله مااعوفها لناديه وشوفي شلون واح اخذ حقنا منها
وتد : حاليا مو مهمة هي لان حياتنا واسرارنا كلها صارت واضحة
صفد : الله يجازيها على اعمالها القذره
وتد : حسبي الله عليها

تدخل احمد بعد ان اجرى نور بعض المكالمات مع الاشخاص المسؤولين عنه . واستقبله الجميع بفرح وخصوصا هاله ، اما جوان فكانت تجلس بجانب والدتها وتحدثها عن قرارها مع هادي ،
جوان : ماما بما انو هادي رجع وكلكم تعرفون خلونا نتزوج ونسوي حفله ونفرح
سناء:  احجي واتفق ويا نور وبعدها الله كريم
جوان : ليش يعني اكو احتمال ترفضون ترا حتى طفل عدنا
ابتسمت سناء: غير ناخذ رئي نور
جوان : موافق موافق
سناء: انتي ليش دائما مستعجلة بس فهميني
جوان : اوك ع كيفكم بس اريد اتزوج والبس بدله
سناء : اوك اوك اوك نزوجج ونلبسج بدله وتدللين
جوان قبلت والدتها من يدها وذهبت وهي سعيدة لتخبر هادي،
عندما كانت وتد تريد ان تخرج اوقفها صفد قائلا : على وين !
وتد : عندي شغله
صفد : شنو هي
وتد  وهي تسير وتسرع في خطاها : بعدين نحجي .
اجتمعت بهم  سناء في احد المطاعم ليحتفلوا بأنتهاء مأسيهم وحزن وانكشاف الحقيقة ، صفد وسدن ، هادي وجوان ، احمد وهاله ، نور ووتد . كانو جميعا معآ وعلى انغام موسيقا هادئة قام الجميع للرقص
سناء: يلا نور ووتد ليش كاعدين
وتد : منريد نعوفج وحدج
سناء: اني اريد اكعد وحدي يلا رقصوا انتو
وتد : لا مااكدر اخليج كاعدة وحدج
سناء: وتد اني اريد اكعد وحدي بلكت احد ينعجب بيه ويجي عليه
وتد : هههههههه صدك
سناء: بعد هذا العمر ادور هيج سوالف ويلا كومي
وتد قامت مع نور ، توقفوا في وسط المكان ، رفعت يدها اليسرى لتضعها على كتفه واليد الاخرى متشابكة مع يده الثانية ، كانت قريبه منه جدآ لدرجة انها تسمع صوت دقات قلبه ، رائحة عطره الذي كانت تحبها جدآ ، تقربت منه قليلا لتستنشقها ، ولكنها تعثرت بين قدماه والتصقت به وتمسكت به بكلتا يداها وبقوه ، شعرت بيده وهي تحاوط خصرها
وتد : اسفة  ماانتبهت
نور : مو مشكلة
وتد ابتعد عنه وتارك مسافه بينهم وعادت للرقص ، ذالك القرب جعلها تتذكر كل شي سئ حدث بينهم . تذكرت تلك الايام والوجع  وما سببه لها ، والمأسي التي عاشتها ، غيمة من الذكريات حاطت بها . نفرت منه وابتعدت عنه وتركته واقفآ وحده ، خرجت بسرعة حتى من دون ان تأخذ حقيبتها معها . قامت سناء لتسأل نور عن سبب مغادرة وتد ولكنه هو بنفسه لا يعرف لماذا ذهبت . عاد الجميع للمنزل ولكن وتد لم تعد . وفي المساء كان يتحدثون عن زفافهم . اخبرتهم سناء ان يحتللوا بزواجهم معآ ، وان يقيموا الحفل في قاعة كبيرة جدآ ، رحب ووافق الجميع على هذا القرار . في اليوم التالي عادت وتد واخبرتها جوان بما جرى بالامس وعلى ماذا اتفقوا ، شعرت وتد بالغضب وتوجهت لغرفه نور
وتد : نور
نور : نعم
وتد : احنا شنو تفقنا
نور : انتضر امي ترجع واحجي وياها
وتد :  لازم تحجي وياها
نور : اوك .
خرجت وتد وذهبت لهاله لتجدها مع احمد ويقومون بتجهيز لزفافهم ، شعرت بالملل واتصلت لجوان وذهبت لها لتجدها تشتري ملابس للاطفال وتحضر لزفافها ، واخر شي ذهبت لسدن ولكن تفاجئت انها مع صفد وايضا يجهزون لزفافهم
وتد : انتو اصلا متزوجين
سدن : اي راح نعيد زواجنا وبكل تفاصيله
وتد : ميصير
صفد : يصير يصير وانتي شعندج يمنا يلا روحي  كملي امورج لان عمه سنه حجزت القاعة ولازم تلحكين تكملين . شعرت بالغضب وعادت لتجلس في غرفتها ولوحدها ، كانت ترى الجميع وهو سعيد ويحضر لزفافه ، الا هي لا تستطيع ان تفرح ، لا تستطيع ان تكون سعيدة مثلهم ، هذا الشعور جعلها تشعر بالانزعاج من نور . وفي المساء وبين ماكانوا يجلسن معآ ، رئت نور وهو  ينضر  لهم ولكنه واقف ، ذهبت له  لانها توقعت انه لا يعرف اين يجلس ، امسكته من يده وسارت به لمكان جلوسه اما هي فأتكئت على الكرسي الذي كان يجلس عليه ، قالت سناء: اني حضرت كل شي وانتو هم استعجلوا وكملوا علمود تختارون المكان والزينه وكل شي تردون .
جوان : باجر اروح وياج واشوف القاعة
سدن : اني شفتها ويا صفد واتفقنا وياه على الترتيبات
احمد : اني هم اجيب هاله واجي وياج
سناء نضرت لنور وواد: وانتو . وتد نضرت لنور بأنتضاره ان يتكلم
سناء : نور وتد اشو احسكم ما متحمسين مثل البقيه
نور : احنا قررنا نأجل زواجنا
سناء : ليش
نور : وتد تريد تخلص جامعتها يلا
سناء: هذا مو سبب ترا
نور : يمكن يمج مو سبب بس هي اشترطت الا تكمل جامعتها يلا
سناء نضرت لوتد : يعني هذا قرارج النهائي
وتد : اي
صفد : ماكو هيج حجي وتزوجون ويانا فاهمين
وتد : بس
قاطعها صفد : لا بس ولا مادري شنو وتزوجون ويانا وبعدين انتو اصلا متزوجين بس ناقصتكم الحفله وحتفلوا وفرحوا
التزمت وتد الصمت احترامآ لكلام اخيها . 
اكملوا ترتيباتهم ، وكان الجميع يتحضر ويتزين
في قاعة كبيرة و مضلمه هناك اربع ابوب وعلى كل باب كانت هناك اضاءة متسلطة عليه   . خرجوا جميعآ وفي نفس اللحظة . من الباب الاول صفد وسدن والباب الثانيه احمد وهاله والباب الثالثه جوان وهادي والباب الاخيرة نور ووتد . كانوا ممسكين بيد بعضهم والاضاءة تتسلط عليهم وهو يسيرون متجهين لحلبه الرقص . وعلى اغنيه سلوا بدأ يرقصون ، كانت سناء تشعر بالسعادة وهي تراهم هكذا . توقفت الموسيقا واضاءات القاعة جميعها وتوجهوا نحو قالب الكيك والذي كانت اربع قوالب وضخم جدآ . ومن كل جهة توقف اثنان ،قطعوا  القالب واكل بعضهم الاخر وبعدها  .   بدآ الحضور بالتصفيق لهم . عادت  الفتيات لغرفه تبديل الملابس
جوان : سدن لج تعالي ساعديني ماعرف افتح سحاب البدله . ساعدتها سدن وفتحتها لها . كانت هاله تتكئ على الجدار وتفتح سير حذائها . اما سدن فكانت تخلع بدلتها وترتدي بدله اخرى . ووتد تنضر لهم بتملل وضجر
سدن : يلا وتد بدلي بسرعة
جوان : يلا شنو تنتضرين راح اتأخرينا
هالة : جوان عطرج يجنن
جوان : كدامج حبي
سدن : خليلي منه
جوان وضعت لسدن منه وكذالك لهاله وبعدها اتجهت نحو وتد التي كانت شاردة ووضعت لها وعندما تحركت وقع القليل على عينها
جوان : اسفة مادري والله
شعرت وتد في الحرقة في عينها ولاكنها اغمضتها بسرعة وبعدها غسلت وجهها . اتت سناء وامرت الفتيات ان ياتي ، عادوا الى القاعة  وبين ما كانت وتد جالسه اتت سناء : ليش مابدلتي
وتد : مالحكت
سناء : ليش صارلجن ساعة شسون
وتد : مو مشكلة حتى لو مابدلت
سناء: ماشي حبيبتي براحتج
نور : ليش مابدلتي وياهن !
وتد : اوف يا تبديل ترا عيوني موتتني
نور : ليش شبيهن !
وتد : جوان رشتلي عطر وبالخطاأ صار بعيوني
نور : شنو تحسين هسة
وتد : تحركني كلش ومابيه حيل افتحها
نور : وين امي
وتد وهي تبعثر نضرها بين الحاضرين باحثة عنها : ماكو
نور  اخرج هاتفه من جيبه واتصل على والدته
وتد : تتوقع بهذا الصوت تسمع تلفونها !
نور : دوري زين واشريلها !
وتد وبين ما كانت تبحث عنها وجدتها واشارت لها . اتت لها
سناء: خير حبيبتي محتاجة شي
نور : لازم احنا هسة نطلع
سناء : بعدنا بدايا الحفلة
نور : مو موعد السفر تغير
سناء: ليش انتو حاجزين !
نور : اي حاجز
سناء: وليش ما حجيت
نور : ردت اسويها مفاجئة لوتد
سناء : تمام تمام يلا هسة اسويلكم ترتيب خروجكم قبل الكل ، ذهبت سناء وبعدها انخفضت اضاءة المكان وفقط ضواء مسلط على المكان الذي تجلس بيه وتد ونور وبعدها ساروا نحو الباب ووخرجوا . نور اخذ وتد لاحد الاطباء وعندما دخلوا للمشفى كان الجميع ينضر لهم وبغرابه لانهم كانوا مازالوا يرتدون ملابس زفافهم ، فحص الدكتور وتد وبعدها وضع لها مقطر ليغسل عيناها . وعندما خرجوا وكانوا في السيارة
نور : وين نروح هسة !
وتد : ودينا لشقتك
نور اخبر السائق بالعنوان فذهبوا لهناك ، وعندما فتح الخادم الباب رحب بهم وبارك لهم ، اعطاه نور بعض المال وطلب منه ان يترك المنزل هذه الايام وبين ما كانت يتفق معه سمع صوت صراخ وتد . سار نحو الغرفة وسألها : شكوو !
وتد : عيونها كلها حمرة صارت ، نور منضرها يخوف
نور : لتخافين هسة اتصل على الطييب واسأله ، بعد ان خرج نور . كانت وتد تبحث عن الحمام  ، بحثت عن الخادم ولكنها لم تجده وبعدها كانت تبحث عن نور وعندما دخلت للمطبخ شاهدت نور وهو يتكلم في الهاتف فأنصدمت من كلامه ، خرجت بسرعة وعادت لغرفتها وبداءت تبكي . . وبعد دقائق دخل نور الغرفه . سمع صوت شهقاتها
نور : لتخافين ماكو شي مجرد عينج متأثرة من العطر ومنا للصبح تصيرين زينه
وتد  وهي تتكلم بصعوبه بسبب بكاءها : ن و ر
نور : لتخافين مابيها شي
وتد احتضنته : انت صدك اتبرعتلي بعيونك !  اني سمعتك ، معقولة تحبني لهاي الدرجة ! معقولة اني حقيرة لهاي الدرجة وما جنت اشوف حبك
نور : وتد اهدي
وتد : احجيلي شلون صار هيج !
نور : بوقتها من وكعتي اتأذت عيونج لان صار اكبر الضغط على راسج ، بقيتي هنا سبوعين وماكدرو يسون اي شي الج ، فاخذتج وسافرنا ومن عرفت ان عيونج تضررت حسيت بالذنب لان اني السبب بحزنج هذا ونطيتج عيوني وقررت اعاقب نفسي واتخله عن كل شي علمود راحتج .
وتد : وانت هسة شلون ! راح تبقى اعمى لطول عمرك
نور : شسوي بعيوني ، اني قبل جنت محتاجهن علمود تشوفنج بس هسة ماكو فايده الهن وخليهن طافيات
وتد عادت لاحتضان نور ؛ احبك كومة
تصنهم نور في مكانه فأحتضنته وتد بقوة اكبر ، شعر نور بالفرح لانها واخيرا شعرت به ، واخيرا نطقت ما كان يحلم ان يسمعه ، طلبت منه ان يحجز لهم وان يسافروا ليجدوا حل لعينهم ، وفعلا حجز نور وذهبوا لعلاجه .
بعد مرور ثلاث سنوات 📖
صفد : كم مرة فهمتج ان هذا التاب مو زين على عين الطفل
سدن : عادي
صفد ؛ لا مو عادي
سدن : اضاءة كلش ضعيفة وبعدين اني اريد ابني يطلع ذكي
صفد : سدن ترا والله اخذ الطفل منج
سدن : حبيبي
صفد : حبيبتي مو زين عليه واني اخاف عليه وعليج يعني كوة ضام الحاسبة من ايدج وانوب هذا التاب الي بيد ابنج
سدن احتضنت صفد : حبيبي اعصابك يعني اني شعندي غيرك
صفد: حبيبتي شكد حلو من تسمعين كلام
سدن : احبك شسوي
صفد : امووت عليك 😘

اما ناديه فأخبرتهم سناء عن قصتها وعن سبب كره والده وتد وصفد ، وسبب جميع تلك الاعمال الذي نفذتها بهم . كانت السبب الاول لان زوجها تركها وذهب وتزوح فتاه يهوديه قابلها في احد سفراته لذالك كانت تكن الحقد لهم اما تلك الاعمال والمشاكل التي سببتها لهم فهي كانت تنتقم من سناء لان اولادها حولها  ويحبونها وهي عكسها فأولادها يكرهوها وحتى انهم لا يسألون عليها ، انتقم منها جميعهم بوضعها في دار المسنين الخاصه بمجموعة من اليهود وكان ذالك اكبر عقاب لها .

جوان دخلت للصاله فوجدت هادي يضع الكتاب في يد ابنته ويعلمها القراءة
جوان : حبيبي
هادي: عيونه لحبيبج
جوان : خلي البنيه تلعب ترا ضوجتها وبعدها صغيرة
هادي نضر لها : حياتي وين اوراقج مو قررنا نكمل  دراسة
جوان : شكرآ ماريد
هادي : حضري اوراقج علمود الاحد نروح نقدم سوة
جوان : ماريد اكمل دراسة وبعدين عندي بنيه واريد اربيها ، ماعليك بيه وخليك  ويا بنتك قريها قريها علمود تصير نابغة مثلك
هادي : حبيبتي جوجايه
جوان : شنو ياروحي
هادي : اموت بيج
جوان بعثت له قبله في الهواء : الله لا يحرمني منك
هادي : اذا تحبيني هيج خلينا نكمل دراسة سوة
جوان : منو انت اصلا مااعرفك
هادي : هااا هيج صارت
جوان : اي اي
هادي : لعد مااحبج
نضرت جوان اليه وهي ترفع احد حاجبيها : شنو كلت
هادي : احبج اموت عليج حياتي
جوان : اي عبالي سمعت غير شي . اني هم احبك ويلا حياتي الاكل جاهز .

كان احمد كعادته يضع حاسوبه على ساقيه ومندمج معه . جلست هاله بجانبه وهي تحتضن يده وقالت : حبيبي
احمد : امممممم
هاله : اني حامل
نضر لها احمد وبعدها نضر لحاسوبه وبعدها قال : صدك
هاله وهي تومئ برئسها : اي حبيبي
احمد حملها وبدا يدور بها في الغرفة وهو سعيد جدآ

كانت وتد تقف امام المرايا وهي تتزين . ارتدت حلقها وسرحت شعرها وبين ما كانت تضع العطر امسكها نور من يدها واحتضنها وقال : اني اخليلج من عطري
وتد  وهي تحاوط خصره بكلتا يديها : اعشقك انت وعطرك
نور : وين حبيبتي رايحة
وتد : للاجتماع مال الشركة
نور  وهو يبعد شعرها عن جبينها ويقبلها من وجنتيها : حبيبتي هذا اللبس ممنوع وغيريه احسن ، ابتسم لها
وتد : لا عاد نور ترا مالحك وهو بلا شي متأخرة
نور : حياتي ممنوع توصلين للباب وانت بهاي االملابس
وتد  نضرت له وقالت بدلع : حبيبي حياتي نونايتي
تركها نور  تتكلم وذهب للحمام . انتهزتها فرصة وكانت ستخرج ولكن اوقفها صوت نور : اني شكلت !
وتد رمت حقيبتها على الارض وجلست على السرير ، جلس نور بجانبها : حبيبتي زعلت مو !
وتد : اي زعلت وحتى للجتماع ما راح اروح ،
نور : بكيفج حياتي
وتد : ادري بيك تكيف
نور : طبعا اكيف لان راح تبقين يمي واضل اباوع عليج
وتد : ما زعلت عليك
نور : هههههههههه حبيبي
وتد : وجع لتضحك
نور : مقبولة منج هاي الوجع
وتد : لا حبيبي اسفة مو اقصد
نور : لا قصديتها تكولين وجع
وتد ؛ والله حبيبي مااقصد هيج الساني فلت
نور : هذا السانج بس يفلت
وتد : حبيبي لتزعل
نور : لا والله زعلت
وتد ؛ نطلع اني وياك
نور : لا ماريد اطلع لان زعلت
وتد ؛ حياتي
نور ؛ هاا
وتد : عمري
نور : هاا
وتد : احبك اني
نور : شكرا
وتد نضرت بغضب لنور وقالت ؛ نووور
نور ؛ خلي نطلع بس غيري ملابسج يلا
وتد : اوك . وعندما كانت تقف امسكها نور وسحبها لاحضانه وقال : خليج لابستهن ونبقى بالبيت
وتد : لا اريد اطلع
نور : اششش هسة اطلب اكل ونحضر فلم سويه
وتد : ماشي حياتي
نور : فديت الي تسمع كلامي
وتد : فدتك بعمرها ياعمرها انت .

النهاية