رواية امقت اعرافهم لكنها حيتني الفصل الحادي والثلاثون 31 - بقلم نور الشمس

علياء ..

بقيت متردده اتصل لو لا اووف بقيت محتاره المشكله ماعندي جرأه ارجع وحدي اكيد هالمره اذا سويت غلط ميرحمني هوه اختار يبتعد عني يعاقبني بس الي اشوفه هوه هم ممرتاح وعصبي اعرف بي يحبني ومتأكده من هالشي بس اني من حبي هيچ تأثرت
اخ لو يشوف حالي وهوه يمي ومو يمي قريب وبعيد بنفس الوقت اسمع صوته وممكلمته
روحي تريده وعقلي يشغله بس مقهوره وجنت ابالي يبقه يحاول وياي بس هوه حلتله النومه بعيد عني

گطعت صفنتي فاطمه
..خايبه علياء وين سرحتي ولچ اتصلي بيهم راح نبقه بس احنه هنا شبيچ انتي

..فطومه اتصلي انتي حبابه

..روحي ولچ انتي مرته انه شني بعدين بعد الصار استحي اكلفه علي ابتله بيه خوما ابتله
خل اخابر رافع

..لا لاتخابرين مااريد اني اخابر علي

..شني زعلانه على رافع انتي

..لا مغثوثه من امه وحته هوه ماطايقته

..ههههههه وهوه شعليه امه هذا طبعها وي الكل

..اتصلت على علي تأخر يلله رد جاوب بدون ميحچي

..الووو

..هلا
جاوبني بجديه رغم صوته وياي ابد ماچان هيج وحسيته ضايج من اتصالي بس صوته ريحني وگلبي اشتغلت بي معزوفه دكاته صارت الف سرحت بصوته واريد فكره نرجع مثل ماچنه رجع حاچاني الظاهر سرحت وتأخرت عليه
سمعته تنهد

..علياء شرايده بيچ شي

..ها لا مابيه بس خطنه اتأخر والجامعه بدت تفرغ وهوه مجاي جهازه مغلق وردت اسألك نأجر تكسي يعني ونرجع بعدني ممكمله

..وين ترجعين شبيچ انتي ياتكسي ليش ماحچيتي من زمان صار نص ساعه المفروض راجعات

..اي موكلت اشوفك تجي لو نأجر تكسي

..شچلبتي بالتكسي ابقي بمكانج وحدچ انتي

..لا اني وفطومه

..ابتسمت بأستهزاء ...فطومه هسه صارت الله يثخن لبنچن

..شنوو

..ماكوو تاني بمكانچ انتي وياها سديت الخط

والله خوش هيه وفطومه ولاجنها تخبلت من درت عقدت عليها وتدري بيها هيه محتاجه والله ماكو عقل ومحبتجن كلها جذب
خابرت عباس

..هلا عباس

..هلا بيك شيخ شلونك

..بخير الله يسلمك ..اخوي رايدك بطلب

..انت تأمر ماتطلب

..مايامر عليك ظالم ..بنات عمك بالكليه وخطهن متعطل عليهن والسايق جهازه مغلق
اريدك تروح تجيبهن اذا ماتصير زحمه

..سهله يخوي انه رايحلهن

..مشكور ماتقصر

شويه واتصلت بعلياء

..الوو

..هلا جايجن عباس خابري وانطي مكانج بالضبط

..ليش عباس انت وين ..جاوبته بتسرع وبعدها ترددت

..سؤالچ هذا اهتمام لو تحقيق

.هاا

..شنهي الها

..هذا هوو راح ننتظره

..اي خوش

چنت مشغول وعندي مشيه مااگدر اترك العالم وارجع الهن بس ماحبيتها تعرف بيه مشغول ردتها تحس هيه مو هامتني مثل ماهيه مامهتمه الي

كل شويه واتذكر هيه وفاطمه اتصافن وتالي طلعت انه الموزين چان مثل ماسامحت فاطمه تسامحني تدري كل هاي خطه للحلف وحيله شرعيه مثل مانگول بعد مااخذت اغراضي وهيه مااهتمت صدگ
جرحتني وحسيت روحي مغليها وهيه ومرخصتني

علياء..

..اجه عباس ومن شافنه واگفين سوه ضحك

..شلونچن يبنات شني هاي تصافيتن خوش

..هلا عباس وليش مانتصافه

..الله يديمجن خوات طول العمر شنريد منچن ياريت تتصافن دوم

..سكتنه الطريق كله اخر شي طگت روحي سألته

..عباس علي وين

..ماادري والله عنده شغل يمكن

..يمكن لو متأكد

..ماادري بس لو مامشغول مايخابرني اجيجن

..ها عبالي تعرف وين

..لا محتاجه شي انه موجود

..سلامتك لا حبيت اسأل

رجعنه للبيت واني اكل بروحي هوه مشغول لو مامهتملي من صدك هالمره حيل متغيير
فكرت اكطع دواي حته اتخربط وخوفه يجبره يرجعلي مثل اول واكثر
بس انوب فكرت هذا مو حل اني اريده مو شفقه يجيني اريد حبه الي يجبره

بيومها ظليت الوب بالبيت افتح كنتوره الگاه فارغ حته علب الساعات والسبح مموجودات
معناها ميريد يدخل الغرفه بعد
ظليت اراجع نفسي اني شنوو وشسويت وليش وصلت هالمرحله
خفت لايخرب بيتي وانتفضت حته احافض عليه بس جاي اشوف العكس بيتي بيدي خربته
ماعندي غير علي لو شگد مااكون مرتاحه بدونه راحتي عدم

اريد تجيني جرأه تذكرت اليوم الي رحتله وگتله منهي
هسه شلون اعبرله اني رايدته
جاي افكر واسمعت صوته
چنت متحضره مكياج وتبديل اريد اجذب انتباهه
طلعت حته اشوفه ويشوفني
سلم على عمتي وبيبي وتجاهلني حته ماباوعلي
احس گلبي بي عبره وخاطري مكسور
ماحاچيته شي
بس عيوني حچت ظليت مركزه بعيونه
لحظات شفت بيهن لمعه وشفت بيهن حنين
بعدها نهض من مكانه وگام دخل الغرفته
عرفت ماكو امل وهالمره صدگ مطايقني
شغلت نفسي وي عمتي وفاطمه بشغل البيت وبعدها يم بيبي
احسها تعرف البيه وتحاول تفهمني شلون اتعامل وياه
امي اصلا ماحچيتلها البيه تعودت غيابها بتفاصيل حياتي
صار الليل رحت الغرفتي اختنگت احس اليوم مااگدر بدونه
بدون وعي طلعت الغرفته فتحت الباب بدون ماادگه
لگيته گاعد يقره بكتاب
شافني رجع يكمل قرايه
واني اقتربت منه

..علي
گلتها بتوسل ماجاوبني
رجعت حاچيته

..علي يعني تعاقبني على حبك اني لو مااحبك اتهستر هيچ غير خفت عليك مااقبل اي واحد يشاركني بيك
ليش متحاچيني ليش هيچ تتجاهلني احچي وهوه ميجاوب
احس كلبي انفطر هذا مو علي الي اعرفه هذا شخص ثاني
..علي تدري بيه احبك واشوف الدنيا بعيونك بعد مااسودت الدنيا بعيني انت صرتلي ضوه
بعد ماالكل اتخله عني انت صرتلي سند
شلون اقبل تصير الغيري

..تحسرت وطبگت الكتاب هوه منوو صاير الغيرچ انتي اصحي على نفسچ انتبهي اني شايف غيرچ ومخليچ هيچي هوه گلبي راضي يكسر خاطرج وماكسرته على ذاك حچيچ ولچ اذا اني صرتلچ ضوه وهيچ سويتي بيه لو مقصر وياج شتسوين
تدرين بيه انتي شني بالنسبه الي وتدرين السويته حمايه الفاطمه مو اكثر

..هسه اني اعتذر منك ومحتاجتك

..لاتكملين وروحي لاتتندمين فوگ ندامتچ ماتسوه يوميه متندمه

..بعدك ظام بگلبك عليه

..هوه غير كون حچيج يروح من بالي حته اظم لو لا هنه حچاياتچ يدگن بالراس انه تالي ماتالي تقارنيني ووي منوو مع الأسف والله بيدي وصلت روحي لهنا استاهل اليجرالي

..بس اني احبك

..الحب وحده مايكفي الحب تضحيه تحبيني تسامحيني تقظرين ضرفي تحترميني وين كل هذا

..اني غبيه اعترف

..وانه اكره هاي الصفه

..علي شني الي تريده حته ترضا عني

..مااريد انتي الردتي وانه طبقت انتي ردتيني ابتعد مو انتي كارهتني مو هذا حچيچ

..تكرهني روحي اذا اكرهك علي والله ادمرت ببعادك انت ليش بهالقساوه

..يا الله وهاي جديده تنضاف الشخصيتي بعينچ مكروه غلطه عمر وصرتي الي وهسه قاسي بعد شعندج

..انت جاي تحور كلامي والله

..وهاي هم تنضاف

..عليي مو هيچ

..چا شلون

..اريدك ترجعلي اريد علي العرفته مااريد علي البارد

..منوو البارد ولچ انتي ليش تچفصين

..والله مو قصدي مااقصد الفهمته انت قصدي مااريد تتعامل وياي ابرود

..علياء اتعبين انتي وانه تعبان وحدي واحس الدنيا عاكسه وياي كلش يوميه طالعتلي سالفه وانتي تزوديني

..والله انت روحي وعمري وحياتي واني بدونك مااسوه كلشي دمعت عيوني والله بدونك ضايعه وحته الهوه يخنگني

..خليت عيني بعينها حسيت بلهفتها
وتالي وياچ علياء راح اتضلين هيچ اتعبين واتعبيني شوكت تعرفيني انه شني

..اعرفك والله والگلته من قهري مااقصد بي والله

..وهسه شني عود انه رضيت

..ابتسمت من شفت ابتسامته عرفته لان وبده يتقبل
ياريت ترضا

..هيچ يعني بدون مااشلع گلبچ جا بس انه يحترگ ابو گلبي وانتي معانده

..اني ماافتهم

..وانه هم اذا رضيت هيچ بساع اطلع ماافتهم كلش

..شتريد اسويلك

..انه اريد؟ اووو هواي الأريده

..مثل شنوو

..اريد اطلع بيچ ظيمي كله

..اني جاهزه للعقوبه عاقبني تريد تمنع عليه الطلعه تريد تحبسني بالبيت استاهل براحتك

..هههههه ولچ انتي نفسچ ولامنچ فايده ظيمي وين والطلعه وين

..ليش تضحك عليه

..اضحك على ظيمي مو عليچ هسه عود رضيتيني انتي تعالي بالله شوفيني شلون ترضين

..صارلي ساعه شنو احچي مو اعتذرت منك

..جريتها عليه وداعتچ الحچي مايفيد ماسامعه بهاي

..ضحكت فهمت قصدك رحت حظنته وبسته اني اسفه واعتذر

..والله زين طلعتي تفتهمين صح تعبتيني بس اكو نتيجه
..ههههههه والله لو ادري بهالسهوله ترضا ابوسه جان اختصرت الكلام الگوه يطلع مني واجيت اراضيك بهالطريقه

..ولچ شگد متحاشيچ ومااتواجد بمكان بي انتي حته لااضعف يمچ ردتج تعترفين بغلطج وتصلحينه وتقدريني مثل ماقدرتچ صح تأخرتي بس الي ابالي صار
اول شي مستحيل ابكل احبچ مو بيدي اذا اگلچ ماحاولت اجذب حاولت اكرهچ ولو شويه ظليت اعيد بحچيج واتذكره وهم ماكرهتچ رغم حچاياتج يجرحن
ردت اقسا وياج اكثر من هيچ هم ماطاوعني گلبي
ردت اسافر وارزح بعيد عنچ بس خوفي عليچ منعني
بس صدگي انطيها نصيحه الچ هالمره صارت وسامحت غير مره صعب تره الرجال طبعه ملول وانه منهم مهما احبچ هم يجي يوم وامل طريقتچ اذا بقيتي هيچ صدگيني

..بدينه نهدد

..لا اگلج من هسه حته تفهمين

..اجيت اطلع هسه تصافينه اني سابقتك

..جريتها عليه ووين

..الغرفتنه

..مااجي

..صفنت بوجهه ليش

..بعدچ مامريضتني غمزتلها وضحكت
تعالي هنا يمي ماكوو طلعه
وهاي حركاتچ بطليها مال انه زعلان وانتي زعلانه وتممكيجين وتعدلين ادري بيچ تردين تحرگيني وهسه اطلعها بيچ

..ههههههه طلعت قاريني انت

..اي كاتبج وقاريج تعالي يمي اليوم ماكو طلعه باچر عود انتي وغراضچ هنا تجين الغرفه حلفت ماطبها ذيچ ولو ماجيه انتي لو سنه هم مااجيج لان حاولت وياج وانتي الرفضتي وتجاوزتي هواي بس شسوي هذا المعيوب على گولت امي حبچ

..ضحكت هاي سوالف بيبي ..وليهمك ابقه يمك

..اخذني الحظنه وباسني مشتاقلچ والله مشتاق الهالعيون الي يسحرن

..مو كد اشتياقي الك شلون تعوفني هالگد

..انتي الجبرتيني هسه عوفي العتب وخلينه بالمضمون هههه

..بعدنه نحچي وسمعنه صوت بچي وصياح بصوت علي عبالك اكو عركه او شي
فزيت من مكاني يمه هاي شكوو

..شو عدلي نفسچ خل افتح الباب لمي نفسچ ولحطيني لاطلعين هيچ

طلعت وانه افكر شكوو هذا الصوت المن

استغربت

..افياء شبيچ هاي شجابچ بهالليل

..جنت احچي بصوت وابچي اسأل ابن عمك كله مرتك شبيها

..افياء كافي شبيچ انتي تخبلتي

..رافع شكو شبيكم على كيفك وياها خل نفهم

..علي انت تنحلني لو لا اني اختك وانت مسؤول عني مثل ماوعدت وگلت من اجيت لو تغيير الحچي

..رگبتي الچ اخوج وسندچ وشحده الي يمسچ شبيچ خل افهم

..هاي اني اگلك البيت عمي مالي رجعه اذا جبرتوني امووت روحي

رافع ..افياء زودتيها لااطلعيني من طوري خلينه نتفاهم

علي..رافع عوفها ترتاح هسه وبعدين نتفاهم خليها ترتاح شبيها انت شعندك وياها

رافع ..اني شمسويلها ..يخوي تعبت والله انه هم محتار

علي ..افياء على كيفج ارتاحي وخاطرچ طييب

..تعبت والله شسوي مو عاجب افتر من الصبح الحد الليل اسمع حچي واعبر تشكال الحچي عليه وعلى امي واحتي واعبره

رافع..كافي علياء

..مو كافي مو كافي اريد اشكي طگت روحي موتوني اشكيلك ماتشكيني اسكت بدن يتمادن ارادد اصير مو ادميه وتاليتك بنفسك اطلعني ماگلت ليش اطلعها ليش مااوگف بصفها مظلومه
البيت الطلعتني منه بيدك حته ترضي امك الزلمتني ماالي رجعه عليه لو تنگاب الدنيا

علي..افياء كافي ارتاحي هسه ..صحت علياء تعاي اخذيها يمج

درت وجهي على رافع

..انت صدگ مطلعها وهيه مظلومه

..تنهدت اي صدگ

..رافع تتذكر شوصيتك وشگتلك

..علي والقرءان مو وكت ملامتك انت اخوي واعرف بحالي شسوي البيت صار نار اريدهن يبطلن ماكوو وهيه صارت نار وتاكل بروحها اكل خفت عليها وهيه حامل ردت اطلعها مناك بأي طريقه ماعفتها واجيت وياها بس هيه ماادري شصارلها

..هذا هوو خليها ترتاح شكم يوم وانه احلها بس المشكله شني هيه

..اوو مشاكل ماتخلص مليت وهيه ملت بس شسوي شبيدي عليها حاس بيها واواسيخا واصبر عليها فتره علما بيتي يكمل گتلها اصبري بس هيه هم حملها مأثر عليها صايره ماتتحمل كلمه

..رييح يخوي سهله تنحل

..ع اساس انت سالفتك محلوله والله اثنينه مشلوعه گلوبنه

..ضحكت والله قبل دقايق من طبتكم انحلت بس وصلت للحلگ والله يسلمك اجيت

..الحمدلله كون انحلت ..انه اترخص امر باچر حته اتفاهم وياها علي عينك عليها بربك تره هاي صايره سويچ

..لاتخاف مانخليها حير بروحك

يتبع ..

حبايب البارت هذا جاهز من البارحه وعدتكم زوجي اليوم يجي ويجدد اشتراك هاي اني من گد مالحيت عليه يجدد سوه بيه مقلب جدد واخذ الفون مني هههههه يگول ملهوفه ع النت اكثر المفروض اليوم تنسي اليوم اني اجيت هههههه واني والله لأن ناطيتكم وعد بعد محاولات هواي هسه استلمته هههههه ولگيت كومه اشعارات اكيد كلهن عتب منكم
وحته تعديل ممعدله اول مستلمته كتبت الملاحظه ونزلت