رواية امقت اعرافهم لكنها حيتني الفصل الثاني والثلاثون 32 - بقلم نور الشمس

رحت اشوفهن لگيتهن يم عمتي وهيه والبنات يهدن بيها

..اي افياء كولي عليمن العركه

..علي تعبت والله كل شويه تعيير بيه هيج امج هيج اختج وهيج انت واحنه وين وانتوو وين ومن هالكلام الي يغث كل هذا وساكته
بس  بعد ماعقدت
على فاطمه سوتها عرس يمي عود فرحانه الك بس هيه تغث بيه وتصيح هذا اول وبعد الطلاك صدك ماتحملتها شعليها بأختي شمسويتلها هيج تحجي حاجيتها على كيف عمه انتي هم عندج بنات خافي الله بيهن
اني گلت هيج وهيه گلبت الدنيا وصاحت عمي والولد تعالوو شوفو شلون ادعي عليه اني وبناتي منها حجايه ومني حجايه تلاغينه  اجه رافع لگاها واصله كلش دخلت الغرفتي اجه وراي زعلان مني بس بعدها افتهمني وگلي الخاطري سكتي اليوم انعاد نفس الموال بوجوده وهوه رجع عليه گلي خل اوديج محاجه امه شي ابد 

..افياء رافع يدري بيج انتي شنوو بس مايريدج تتأذين رادج ترتاحين وترجعين بعدين هاي امه هم مايگدر يسوي شي يطگها مثلا لو يرفع صوته عليها مايصير هيج

..اني بعد ماالي رجعه

..ورافع تبيعينه هيج بساع

..اذا يريديني يطلعني ابيت
..تدرين عنده بنيان ومايلحگ على شي شلون يأجر شكم شهر ويخلص بيتكم صبري

.والله ماأكدر اخاف انوب اسويلي شي غلط بيهن لو بروحي

..هيچ كارهه الظله.. عدهم الخاطر عمي خالد يحبچ ويحترمچ

..اي والله اعرف واني هم احبه بس هوه هم مل من المشاكل واني مااكدر بعد

..اعتبريها محلوله لاتضوجين ارتاحي هسه وشغلتج محلوله وعد مني.. دير بالج على طفلج ولاتغثين روحج
درت وجهي يلله علياء عوفيها ترتاح وتعالي حضري الملابس

..حاضرات كلهن ..عندك طلعه شنوو

..ابتسمت ..اي طلعه من طلعه

..اي صار .طلعت وراه ..ياملابس حبيبي

..هههههههه تعاي واني اگلج شريد وياملابس

..وگفت انتظره يطلعلي ملابسه فتح كنتوري طلعلي ثوب نوم اسود

..هذا الأريده

..هاا شنو هذا

..جيبي وتعاي الغرفتي شبيج صفنتي هههه

..اخذته ورحت للغرفه مالگيته بدلت شويه واجه

..هالله هالله ..طالع يخبل الثوب

..الثوب لو اني

..لا الثوب انتي الي محليته.. انتي تخبلين من زمان بس الثوب هسه حله

..تعاي من اشتعل رافع هوه وخواله على هالخوله الگشره وكت عراكهم هسه

..هههههه اعرفتك انغثيت

..خوش كون عرفتي ..هيه بس انغثيت غير شاطت روحي ادري رافع شجاه اكو واحد يتعارك انصاص الليالي خو اختچ هم ماتقصر السانها تگول رشاش

..هههههه انوب على اختي گلبت مو ع اساس اطلع حقها

..من عيونهم اطلعه ماگايل لا بس لاتنكرين السانها ههههه

..ماانكر شي والله جانت افقر مني هنا تنشطت

..جا ماتتنشطين انتي اگلج تعاي ونابته بمكانچ

..اجيتك ياعمري انت

..يبعد الروح انتي شعندي غيرج انه

گعدت الصبح گوه افتح عيوني والم بشعري الي مبعثر فاتحه تك عين ومستغربه صوت علي وشلون يحچي ومقهور يحرك ايده ويأشر مندمج بالمكالمه ومبيين حيل عصبي

..ياسر كلشي ولا هالموضوع امشي عليك اخوك وهوه بگبره لاتجيب سيرتها ابد

..علي لاتحلفني السالفه مو هيج انت لو غربه وجايينك يحتمون عندك متأكد تحميهم

..الغريب احسن

..بس مو هذا التربينه عليه علي ابوي الشيخ هوه الخلاني احاجيك ويكول هالمره بطلب مني مايردني

.. الشيخ ابو ياسر على عيني وراسي عمي وتاج راسي وشيخ حموله خيره ماارده
اطلب منك تحميهم بحمايتك بس بعيد عني مااريد يعرفون انه الحاميهم
العصر انه وياك انرتب كلشي بس مااريد
يعرفون انه مساعدهم عرفت

..ان شاءالله

سد التليفون وشمره فرك وجهه حيل

..انه شيخلصني شوكت انساهم وارتاح كل مااريد انسه ترجع تذكرني وين چانت عني هاي سنين

..شبيك حبيبي شكوو

..تنهدت ماكوو  سوالف تعبانه مااريد احد يعرف بيها

..حته اني

..حته خيالي مااريد اشوفه شي واقع واحجي بي
خلي السالفه تولي

بيومها العصر اتفقت وي ياسر انطيهم بيتي بس مااريد احد يعرف هالبيت تابع الي ولا اريد احد يعرف انه مساعد ولا اريدها تتوسط تشوفني ويبلغها هيه ميته بالنسبه الي وتنسه عدها ولد اسمه علي
سوه الكتله عليه وارتاحيت من هالجانب
الي عرفته من ياسر همه مطلوبين بأكثر من مكان وليش رجعوو من سوريا وشنو الغايه مااعرف

رجعت بالليل لگيت رافع موجود
سلمت وگعدت گال

..علي قنع افياء ترجع

..بكيفها رافع اطردها يعني مره ماتريد ترجع شسويلها .. جنت ضايج من سالفه ابالي

..انه گايل تطردها شيخ شبيك معصب شحال لو مافهمتك وضعي وگتلك جبتها لأن ضجت عليها مو منها

..تنهدت مو يمك رافع سالفه متعبتني انطينه مجال نهديها ونشوف
بعدين انه البارحه حاجيتهه ماتريد ترجع الا بيت وحدها شلون رايك

..بيتي بعده ماكمل والعندي كله جاي اصرفه عليه منين اجيب اطلع وانت تدري انه ع الراتب خو مااخذ من ابوي بهذا عمري

..ماادري بعد انه حلها بس انطوني مهله ..تذكرت انه ع اساس اكعدهم ابيتي بس اليوم ياسر وازاني وانطيته المفاتيح الناس ماتسوه امي وولدها همزين الأغم ماهر حاس على روحه وماجاي للولايه والله هالمره لوشفته ثاري اخذه بدون مااتردد مثل المره الفاتت كسرن خاطري بناته رجعت افكر هسه شلون احلها والبيت انطيته الهم
وانه ادري برافع لو اجرتله بيت ودفعت اجاره مايقبل نفسه عزيزه
درت وجهي عليه
رافع يومين انطيني عطوه وانه بيدي ارجعها الك انت ليش محترك انه غريب جنها مسيره على اهلها مو ردتها ترتاح خليها

..علي الخاطرك بس

..يسلم خاطرك

من طلع رافع خابرت ياسر.. ياسر يصير صديقي وابن شيخ حمولة ال ... صديقي من زمان ومن استلمت الشيخه زادت صداقتنه بحكم دوم نلتقي وي والده

خابرته

..الوو
..ها ياسر  بشر خو ماانطيت المفتاح الهم

..لا والله بعد ماجاي الولد ليش غيرت رايك شنهي

..لا بس هذا البيت مااريدك تسلمه الهم محتاجه
باحر نأجرلهم
وانه ادفع سنه ليگدام

..شني الفرق يخوي ..ع العموم براحتك

من تأكدت خابرت رافع

..هلا بأبو حسين
..هلا بيك ابن العم

..رافع انت لامرتاح ولاهيه مرتاحه ولا اهلك مرتاحين شني الحل برايك

..علي الحل يمك انه لو لاگيلها حل ماوصلت لهنا

..الحل تطلع

..تدري بيه ابني وبعد ما كامل

..عندي بيت وانت تندله وشايفه رتبه وجهز روحك واكعد بي شوكت ماتكمل عود دير البيتك الك من سنه العشرين شتريد بعد

..والله ياعلي مشكور بس ماادري شكلك

..لاتگلي يخوي جهز بيتك واخذ مرتك وروح المشاكل ماتگضي

..دينك هذا برگبتي طول العمر

..ماكو دين بين الخوان.. مرتك انه هم اخلي علياء تفهمها

ارتاحيت من حليت مشكلتهم
وفهمت علياء كلشي فرحت
وره يومين اجانه اتصال بالليل
من ام حسين الوي مرت عمي اداريها
عرفنه هيه متخربطه
وحولناها مستشفى الطبيب گال حالتها خطره والمرض منتشر بكل جسمها وماكو فايده من العلاج
البنات حيل تعبن بهاي الفتره امهن يحبنها رغم السوته بيهن وانه التهيت وياهن بالمستشفى رغم عمامي ابد مايعجبهم وكفتي وياها بس ماحچوو انه اعرفهم بدون مايحچون رافع هم موجود وياي بس يلوموني انه اكثر لأن انه ابوي الي انعدم كل لحظه انه بيها موجود اتجرع المر وانه متحيير بين علياء وبين نفسي الي مطاوعتني غصب عنها ارضي مريتي الماعدها غيري لو ارضي نفسي الي تلوعت ايام وليالي بسبب فعلتهم
رابع يوم تخربطت كلش وطلبت تشوفنه كلنه

وگفت قريب عليها اتأمل البشر شني نهايته وابن ادم عليمن يطغى وليش مايفكر بهذا اليوم كبل لايخطي خطوه
جانت نظراتها تتوسلنه طلبت بناتها يسامحنها سامحنها ودموعهن نزلت وشهكاتهن علت
افكر معقوله البنيه كلبها اليين من الولد شلون يسامحنها والشافنه مو شويه
انه امي مو طايقها هم يجي يوم واخلي عيني بعينها بس امهن ماسوت الامي سوته
گطعت صفنتي بصوتها التعبان ويگطع كل شويه تجر نفس
..علي عمه ابريني الذمه

..اسمعها وعيني بعين علياء اشوف بعيونها حچي جنهه تتوسلني اريح گلب امها
ماادري شلون طلعت مني گلت

..عمه انه مسامحج ارتاحي بس البينج وبين ابوي هناك يم ربچ هوه اعرف وبحالكم ابصر اشرتلي براسها تأكد كلامي شخرت بقوه عرفتها توفت بناتها  انخبصن نريد الطبيب اجه الطبيب واعلن وفاتها  وبناتها علت اصواتهن
بالبچي 
شويه ودخلوو ناس عرفتهم اهلها رغم محرم طبتهم للمدينه بس مو وكتها  تاس اصحاب عزه وعيب اطردهم مو وكتها عيونهم چانت عليه
كملنه الأجراءات ولازم ندفن كاره وجودي بينهم  سامع المقوله الي اتگول لأجل عين الف عين تكرم بس اول مره احس روحي طبقتها تحملت اشوفهم گدامي وانه گلبي مليان بكرههم وعقلي ايام وسنين  يفكر بخطط للأنتقام منهم بس من كبرت وصرت بالديوان وعاشرت العاقلين تغيرت نفسيتي الحمدلله جنت اكدر اعوفهم واطلع بس  اعرف علياء رابطتني اخذتها ورحنه للنجف خفت عليها تتخربط الحمدلله عدت على خير ارتاحيت رغم التعب
مرت شكم يوم وعلياء بدت تتحسن رجعت الدوامها وامتنحنت بهاي الأيام

بيوم عدنه گعده نحول مشيه من اخ الاخوو يريد يرضي وانه هم حچيت حته اهدي بينهم

..الله ابو الخير ..ردوو عليه
..الله ابو الخير والعافيه

..اليوم جايينك كلنه معروفين الك احنه شني وحمايلنه شني
اخوك شاريك ورايد يواصلك والأخ مايتعوض ماكو شي يسد خلته
انه ماعندي اخ هظيمه اشوف اخوان مايتحاچون طيحو الزعل ولاتگطعون الارحام الله يگطع بالگاطعهن والاخ سند وعازته عازه

جنت احجي وحچيي يطلع من گلبي مسترسل بموضوعي شفتلي ولد شاب حلوو مرتب شكله.. يعني انه حبيته رغم السواه مايسوي كل احد گطع حديثي ودخلنه بموضوع ثاني

..شيخ شرايك بأخ معروف للناس كلها يحل الطلايب ويدخل بينهم ويراضي وهوه طارد اخوو واخوو ميت على شوفته اجاه من اخر الدنيا بس حته يشوفه بس اخذه بذنب غيره

..صفنت بوجها وعاينت للگاعدين جاوبته مايصير الي تگوله اكيد اخو غلطان ويجي يوم ويتندم

..بس اني مااريده يندم انه اريد شوفته وبس واريده يعرف انو اليكرهم كرهتهم من دريت الي مسوينه وليش كارهم واريده يعرف يوميه ماانام اذا مااعرف اخباره وافرح من يحمدون بي ومييت على نظرة منه ..نظرة اخ الاخوو

..الله يساعدك وعد عليه من تنحل مشكلتنه تاخذنه احنه وهاي الوجوه الطيبه كلها ونروح نراضي اخوك

..ان شاءالله گلتها بفرح

..خلصت المشكله وانحلت درت ع الولد هسه نشوف سالفتك شفت ياسر أشرله كله بعدين هسه خل نرتاح
كتله يلله غير يوم نشوفك انطيته رقمي وطلعت فرحان لان تراضو الاخوه بعد عشر اسنين قطيعه بينهم

مرت الايام والولد مامنه خبر
صار على لقائنه شهرين
بهذا اليوم علياء تعبت واخذتها امي للطبيب من رجعت عرفت هيه حامل بگد فرحتي اكو خوف معناها العلاج ينكطع وتبقه هيه وقوتها وتحملها وحالتها النفسيه اهم شي
حاولت اماشي وضعها وبديت ابحث عن الحمل وي هذا المرض وشلون اتعامل وياها جمعت معلومات وانه اريد اداريها بنفسي حته مايضل بالي

وصدگ بديت وياها خطوه بخطوه وحاولنه تعدي
رغم جانت تتعب وتتخربط بس هيه قويه هم حاولت تسيطر ونجحت
بيوم الضهر چنت بالخطار متمدد يم امي تعبان بعد ماعلياء تخربطت وگعدت خليتها تنام وترتاح وانه مامبين عليه شي بس جنت كاره روحي من اضوج امي تعرف تهديني وتوخر ضوجتي بحجاياتها وقصصها الحلوات
ويكولون من يشوف مصيبة غيره تهون عليه مصيبته هيج جانت اطييب جروحي بسوالفها ونصايحها امي الحجيه نعمه من نعم ربي عليه د
بهذا اليوم اندكت الباب
طلعت اشوف منوو شفت ولد بالباب هليت ورحبت وفوته وانه ادور هذا منين ووين شايفه تذكرت هذا نفس الولد الي رادني اصالحه وي اخوو

كعدنه وضيفته
وهوه ماحچه وانه ماسألته

..شيخ ماراح تسأل

..الضيف ماينسأل انت شعندك كول انه بالخدمه

..بس اني اريدك تسأل تخفف عليه الحمل

..بشني تريد اخدمك

..اني اريد اخدمك بعيوني بس تفهمني

..أحجي وخل افهمك

..گلي انت منو حته اگلك انه اخووك اخوك العاش عمره يحلم بشوفتك اخوك الي يحبك عن بعد من السوالف حبيتك اخوك الي مسمي على اسمك

..حجيه صدمني عيني مارمشت ولا عقلي يستوعب
كتله شني انت شتحجي

..علي فدوه اروحلك ارحمني والله احبك ومااريد منك بس اريد نصير اخوه من صدگ گلتها مترجي وعيوني مدمعه

..يا اخوو انه منيلي الأخوو

..والله اني اخوك اذا ماتصدك انطيك برهان وحته لو تريد احلل حته تتأكد

..انت شتخربط يااخوو ولك طول عمري انه وحيد اخوتي اولاد عمي والنعم منهم

..انه اخوك والله اخوك خنگتني العبره وسكتت شويه وكملت ..انه اخوك من امك امك الكارهه وكارهني بسببها بس والله احبك اكثر منها  هيه الخلتني هيج اتعلق بيك بدون مااحس گبل سنين اول ماكبرت ظليت ادور عليك وصلت الصفحتك بالفيس وره فتره ومناك اراقبك صرت كلشي الي كل احلامي انت
ماادري ليش روحي صارت بيك

..انت شتحجي انه منيلي اخوان ..مامستوعب كلامه شويه شويه بديت استوعب وافهم كطع صفنتي وكمل كلامه

..عندك والله انه وخوات اثنين يتمنن شوفتك

..ماادري ليش حسيت باحساس حلوو اول مره احسه من شفت عيونه والدموع مغوركه بيهن حسيته صادق
جاوبته

..انت شتريد مني تعرف البيني وبين اهلك وعمامك

..اعرف كلشي وعفتهم كلهم انه صار هواي يمك يمك وانت مو شايفني ..يمك واكثر الاماكن التروحلهن انه قريب الك وعيوني مااشيلهن منك ماادري سبب حبك بگلبي وليش اني متعلق بيك

..امك وين. جاوبته وصوتي بي رجفه حته انه ربكتني ماادري ليش گلبي استقبله بساع حسيت اريد احظنه بس شي مجتفني

..ليش ماتگول امي

..مو امي ابد

..بس هيه تحبك صدك

..اذا تحجي بيها ماراح اسمعك خلي ابالك ..اشرتله بأصبعي

..مااحجي بيها والله بس انطيني فرصه تتعرف عليه
وتشوف حبي الك

..منك تتصرف لو هيه ودتك

..لا والله مني ومن راسي

..انت ليش مهتملي

..انه مااعرف ليش بس انه وحيد وانت وحيد حبيتك من كد ماامي تحجي بيك وليل ونهار تسولف بيك ايام تبجي عليك تجيها ايام تتكأب كلته نعرفها حنتلك انت تكرهه بس هذا الصار بسبب امي حبيناك مايوم نستك وخلتك ابالنه غصبا عنه

..عوفك من امك وخليك وياي اريدك يوميه اشوفك حته تعرفني واعرفك فتحت ايدي اله واجه حضني بلهفه ومن هذا اليوم صارت علاقتنه حلوه
علي اخوي اصغر مني بهواي انه بالتلاثينات وهوه بداية العشرين بي طوله وشكله حلوو مرتب بي هواي ملامح مني عيونه خشمه حواجبه هواي بي شبه مني حته اهلي انتبهو الهالشي
عرفته على ولد عمي وعمامي كلهم ماحبوو يستقبلوه ووجوهم ثگيله عليه بس بمرور الوقت عرفوو وهوه مدام يخصني حته المو راضي ينفذ بدون مايناقش عمامي صح اعرفهم من مايرضون عليه يبيين عليه بس مايعارضوني ابد احتراما الي يمكن اوو يخافون من وجهي الثاني مااعرف مرات احسهم يحترموني ومرات احسهم يتحاشوني علي اخوي حبيته بفتره قليله صرت افگده واليوم المايجي بي اخابره بس خواتي لا ماشفتهن لأن امي وياهن ومااريد اشوفها من سوالف علي حبيتهن مرات احسه متعمد يوصلي اخبارهن ومرات اشوف روحي بدون مااحس اسأل عنهن
اتذكر شكلهن بيوم الطلعوو منا واتخيل هسه شلون صار شكلهن كبرن اكيد شعجب مو متزوجات
العرفته محد يتزوجهن بسبب ابوهن لأن مطلوب لهواي ناس وعليه هواي علامات استفهام
بيوم انه طالع بمشيه وخابرت عمتي عليه علياء تطلگ
تخردلت مااعرف شلون اتصرف لاأگدر اعوف المشيه ولاأگدر احچي براحه مثل كل مره
بيومها چنت ماخذ علي وياي نريد من المشيه نطلع للبر انه وهوه ورافع الي بده بأخر فتره يتأقلم وياه ويضحك ويشاقه چنهم تصاحبوو وهالشي فرحني رافع شويه يسمع حچي من اهله عكس عباس الي حي علي بأول فتره من تعارفهم وهوه شجعني انسه الراح وابدي من جديد
طلعت من الگعده گتلهم عندي  اتصال شويه وارجع

..لك علي رافع دبروني شلون

..فتحت باب السياره ورافع نزل
خير شكوو
..علياء عدها ولاده ومااگدر اترك المشيه ساعه وتخلص بس اريد منكم ترحون خاف يحتاجون شي

رافع ..سهله ان شاءالله ابقه انت انه اروح صارت عندي خبره باجرائات المستشفى والولاده بس انطيني جنسيتك

..وهاي شلك بيها

..جامايدخلونها بدون جنسيه

علي الاخ ..انه اروح وي رافع وانت عود الحگنه لايظل بالك علي سهله ان شاءالله

..رجعت وانه قلق حته گعدتي مو ثابته كل شويه اغير الگعده واطگ بالسبحه بقلق
الي وياي انتبهو عليه وگتلهم ماكو شي
خلصت المشيه وانه اول مره ماافهم منها شي ولا احجي شي طلعت طاير خابرتهم وعرفت عنوان المستشفى واحس روحي مقصر ماشفتها بس عيب اعوف العالم واطلع

دخلت جوه وعرفت هيه بعد مو والده واحتمال يحولوها عمليه
طلبت منهم اشوفها
اجت والتعب واضح عليها وكاتمه الامها گوه
تتمايل بمشيتها
ابتسمت ابتسامه ذابله من شافتني
واني القلق ذابحني
بستها براسها

..گواج الله يالغاليه ..سباعيه انتي ماينخاف عليج
..أشرتلي براسها ولزمت الحايط بقوه دنگت راسها وكتمت صوتها احس گلبي تگطع
لزمت ايدها گعدي ارتاحي
جاوبت مااگدر
..شگالتلج الطبيبه ماجاوبت طلعت صحت عمتي جانت مستشفى خاص وانتظرتها بغرفه وهيه اجتني من شفتها متأذيه طلعت صحت عمتي

..يمه الطبيبه وين هاي منتهيه شني خو ماتبقه هيج
..انطتها فرصه اذا ماكوو عمليه
..اريد احاجيها
طلعت للطبيبه وگالت ساعه اذا ماكو عمليه تتحول
طلعت بره ماكدرت انتظر وكل شويه اتصل يمي علي ورافع
رافع كلي يمعود اثبت ذكرتني بروحي بيوم الجابت افياء احس انه اطلك مو هيه خرب ابوو هوه غير على ماطلع حرگ اهلي حرك شتمته وهوه ابطن امه
ضحك علي عليه وانه بالي شارد
شويه واتصلت عمتي گالت جابت چنه بحديقة المستشفى
ماادري شلون وصلت العمتي وشفت حسين بيدها
احس كل العالم فرحان وياي مو بس انه فرحان فرحتي بسلامتها اول وبعدها استوعبت صرت اب بعمري ماچنت متوقع اتزوج واخلف
اذنت بأذنه وكبرت وسميته حسين

بعد ٣سنين ..

..علي

..ياعلي منهم رايد عمك لو ابوك

..لا ابوي بابا الشيخ.. جان يحجي بلهجة طفل متكسره ..بس علي عمي

..عيب ماما كول عمو علي

..عوفي حبيب ابووه خلي حسون
انه اعرف امي شگالت الروحها من سمت علي على اسمي
..الله يرحمها چانت تحبك وتشوفك بي

..الله يرحمها ماتجوزلها غير الرحمه امي ماعرفت اتحب بس روحها

تذكرت قبل سنه بعد ماخبرني علي اخوي امي وابوه متعرضين الحادث ابوه متوفي بلحظته وامي بالانعاش اول مره يوجعني كلبي عليها وقررت اشوفها وهم مااكدر اترك علي وحده بهيج يوم
رحتلها وحست بوجودي
طلبت مني تشمني اخر مره
لبيتلها الطلب بدون شعور واول مره احزن عليها ماتت امي بهذا اليوم بالليل اكو شي بداخلي ما افتقدتها لأن عمري ماحسيت بوجودها بس اكو شي كسر گلبي يمكن نظرتها او الموقف الهيه بي من شفت روحي ضجت تذكرت ابوي ودفتر مذكراته والصارله
بنفس اليوم هذا عرف علي البيت الكاعدين بي هوه بيتي صح من يردون يشوفون ابوهم يسافرون اله لأن ماكعد وياهم مايكدر يدخل المدينه والي ابغداد مهددينه هوه وعائلته وداهم يمنه يامنهم وجنت انه مهتم بحمايتهم بدون علم احد بس ماردت اشوفها ابد الفضول خلاني اشوف خواتي الوحيدات الي حنيتلهن من كبل لا اعرف علي من شفتهن وي ابوهن بالسياره قررت اخلي يطلع الخاطرهن
بعد ماماتت امي ظليت اتردد عليهم وهمه عرفو البيت الي اشوف لهفه بعيونهم من يشوفوني
بهاي الفتره امي الحجيه توفت ضجت عليها اكثر من ماضجت على امي عرفت الأم الي تربي صح
مو الي تولد اكو فراغ بداخلي تركته وفراگها اذاني رغم هيه مقعده بس سوالفها دافيه وكلها حكم البيت صار وحشه وعمامي هم قلت جياتهم بس بالديوان نلتقي جانو يجون الأمي الحجيه
وره ماماتت امي الحجيه خليت البنات ينتقلن يمي لأن علي يسافر هواي جان ويشتغل بشركات اهليه خريج معهد نفط هوه

عمتي وفاطمه وياي بقن
وعلي قرر يخطب فاطمه وعرف كلشي عنها وماعارض عقدها وطلاكها وقضية الفصل
صح همه نفس العمر بس هوه عاقل
رجعت من ذاكرتي على صوت عمتي

..شوف هذي بت ريمه اختك  ام السان تكول حاجزه علي الي يتزوجني من يكبر ههههه

..ههههههه ضحكت وعيني بعين علياء سووها گبلها خل تحجز يلوگلها علي

..انت ولاتجوز من هاي ابقه دوم ذكرني بيها ابد لاتنسه

..هيه تنسي وانساها غير احلى نهوه واحلى عرف

..ههههه جنت اكره النهوه واكره اعرافكم بس بيها احتييت من صرت الي بنهوه

..ههههههههه الله يديمچ الي ويحفظج

..هسه ابنك هم مثلك هم ريمه حجزته وهوه ماخذه الواهس وعود بعد سنين هم كل شويه وذكرها

..ابني طالع عليه محبوب وبدل مايخطب ينخطب

..اي عاد شبيها لو شرعنه نهوه للبنات

..دخيلج خليها نهاوي الزلم كوه نحلها بعد ورانه نهاويجن

..افياء جابت حمزه خلته يمنه خابر رافع يمر ياخذه

..وداعتج اختج جذابه خلته متعمده

..انت دوم شاد وياها

..هسه اخابر وشوفي

..هارافع ماتجي تاخذ ابنك مطلوبين احنه يگمز على روسنه 

..يخوي العصر اخذه شبيك خلي يم حسون يلعب

.بربك انت وين

..ابيتنه والله العصر جايينكم

..لا هله بيكم غثث وابنكم طالع نسخه منكم لا وهاي الفطيره مصدگه اختها مشغوله وتريد تخابرك تجي تاخذه

..ههههههه هاي فكرة اختها انه شعليه

..اثنينكم نصابين مامنكم فايده ابد

..ها شگتلج مو اگلج انتي تظلين دوم مطفيه

..هههههه اني شعليه بعدين منوو الي مطفيه

..احلى مطفيه والله.. روحي صيحي علي وفاطمه خل يجون نتغده سوه امي اليوم طابخه غير طبخ للنسيب

..النسيب شني يمه علي ماكو اغلى منك

علي الأخ ..ههههههه انت كوه تحجيها حته تقصفني الحجيه

..ههههههه لايابه انت نسيب والنسيب غالي ..وين البنات تعالن شوفن ابن اخوچن انحجز من هسه طالع على واحد حلوو نهت عليه وحده ظالمه وخذته

..رفعت حاجبي لا والله ظالمه موو

..البنات ضحكن نعرف هذا الحلوو والي نعرفه هوه اجته من الله وفرح حيل بالنهوه وصار يموت على هاي الظالمه

..ههههههه احلى ظالمه على گلبي مثل العسل هيه وعاداتها وتقاليدها الي اخترعتهن
لا وانوب كل شويه وگالت اكره عاداتكم هههههه

..اي هسه وبعد اكره عاداتكم واعرافكم الي بيها النهوه ع البنت انت فرحان لأن تعرف انه احبك بس البنت ظلم ينهون عليها وهي لاحول ولا قوه بعدين انه نهوتي لاتقدم ولاتأخر جنت اجهل هالأمور عبالي راهمه طلعت لا بس انت جنت رايدني واجتك فرصه والحلوو كلساع تذكرني

..ههههههه لاتخافين النهاوي قلت والعالم وعت قليل الي بعده متمسك بهالعادات المو صحيحه وهم الخيرين يحلوها

الأخير..

البارت عدلته وضفت عليه