رواية ان كان غيري جاز لك في غيابي .... غيرك تعنى لي وانا صدّيته الفصل الحادي والعشرون 21 - بقلم ساس الحلا

يا مَن يشتري الدار الفردوس يعمرها بركعة في ظلام الليل يخفيها.

.....

جيتك وانا من كثرة الشوق محتاج
احتاج اكون بكــل "الاوقات" قــربك
-
عطني خفوقك كان مــاعندك احراج
قلبي ملاه "الشــوق" واحتاج قلبك

......

بيت ابو غازي

كانوا ف الصاله دانه وام غازي وغازي
دانه : الحمدلله على سلامتك يمه
ام غازي : الله يسلمك يمه
غازي : نور البيت بوجودك يالغاليه
ام غازي تنهدت : النور نوركم يالغوالي
غازي ودانه ناظروا بعض على حال امهم
غازي : وش فيك يا جنتي
ام غازي وهي تناظره بحزن : متى بتفرحني فيك يا يمه
غازي ابتسم بغصب : وهذا الموضوع اللي كنت بقولك فيك
ام غازي بامل : اي موضوع يمه
غازي : قررت اكمل اكمل نص ديني
ام غازي : هذي الساعه المباركه يا يمه واخيرا فرحت قلبي
دانه بفرح : جد يا غازي
غازي ابتسم : ايه جد ... حتى البنت تعرفينها
دانه باستغراب : من بنات العم؟
غازي : لا
دانه : عيل منو
ام غازي : انت بس اشر على البنت اللي تبيها وانا بنفسي بروح اخطبها لك
غازي بخبث : يمه ابي ريم خويت دانه اختي

.......

بيت ابو منيف

سحبوا ربى من الحمام لانها كانت سرحانه وحزينه
رنا : وش بنسوي يا نور
نور : مدري يا رنا ... لحظه بجيب ملابس من معي
ربى بتعب : ابي اروح البيت
رنا بقهر : بصراحه يا نور اخوك قليل الادب .... والله لو قدامي الحين ما اخليه يعيش لو ثانيه .... واحد حقير ومغرور
نور بعصبيه من اخوها : انتظري بس والله لاوصل الخبر عند امي وابوي
فجاه رن تلفون نور وكان المتصل منيف ... نور من شافت المتصل اخذت الجوال وردت عليه والكره مالي عيونها
نور : هذا انت تعمل المصيبه وتهرب
منيف : والله مو قصدي يا نور اهي استفزتني
نور : انت ما تستحي هذي بنت عمك مو محرم لك وكل هذا اللي حصل بيوصل لابوي وامي
كانت ربى تسمع كلام نور بس ما تسمع منيف وش يقول ... الكره ملا قلبها ... يارب ترجع وانت مكفن يا منيف ... عسى الله ينتقم منك ... فجاه مسكت ربى راسها ... وهي تحس حولها الظلام ....  رنا كانت تختار لربى ملابس ... ونور كانت معطيه ربى الظهر وهي تصارخ على منيف
وبدون تفكير طاحت ربى قدامهم مغمي عليها ....  نور ورنا تفاجاه وش هذا الصوت
التفتت نور وهي لسى ماسكه التلفون ومنيف يسمع كل شي شهقت وهي تنادي رنا : رنووو الحقي ربى مدري وش فيها ما تتكلم
رنا طلعت من غرفة التبديل : وش فيها اختي ... يا ويلي اختي حرارتها مرتفعه
انفجع منيف من كلامهم .... وهو ينادي على نور
نور تمسك الجوال وتكلم منيف وهي تبكي : الحق يا منيف ربى مدري وش فيها ... مافي احد هنا رجال يساعدنا ... الله يخليك مو عشاني عشان الذنب اللي اقترفته
منيف بصراخ : انا ف الطريق لبسوها العبايه انا الحين بوصل
سكرت نور المكالمه وراحت تجيب من عباياتها لان عباية ربى كانت لسى مبلله
رنا وهي تبكي : ربى يا قلبي اصحي
نور : رنا البسي شيلتك الحين منيف بيجي
رنا : حسبي الله على اخوك اهوو السبب كل اللي صار
نور مهما كان هذا اخوها ... شلون تتحسب عليه وبعصبيه : خلاص يا رنا مو وقت تتحسبين ... ان شاء الله ربى بتطلع بالسلامه
لبست رنا شيلتها وعباتها ولبست نور عبايتها عشان يروحون مع منيف
وصل منيف للبيت .... راح بسرعه لغرفة اخته دخل بدون لا يدق الباب ... وشاف معذبته طايحه مثل الميته ... بدون تفكير راح وشالها وركض بيها للسياره ... وطبعا نور ورنا وراه
راحوا للمستشفى ونادوا على اي دكتور ... جا دكتور اسمه مهند شال ربى بكرسي متحرك ... والبنات ومنيف وراه
د.مهند : لو سمحتوا انتظروا هنا
نور : الله يخليك يا دكتور اعمل اي شي خليها تصحى
د.مهند بحنيه : لا تخافون ان شاء الله بنعمل الشي اللازم
منيف : طيب وطمنا يا دكتور
الدكتور : اكيد ( وراح )

.......

دانه بصدمه : شنو
ام غازي : ونعم الاختيار يمه ... اصلا انا من زمان كانت فبالي بس قلت يمكن فبالك وحده ثانيه
غازي : لا يمه ابيها هي .... وانا الصراحه يمه مستعجل
دانه بفرح : واخيرا بنكون انا وريم فبيت واحد ( وبمزح ) هذا اذا وافقت عليك
غازي وهو يناظرها بطرف عينه : وش قصدك
دانه خافت من نظرته : هااه اقصد يمكن تبي تكمل دراستها او يمكن ما تفكر بالزواج الحين
ام غازي : بكرا بتصل على امها وبشوفها
غازي وهو يوقف : يلا استاذنكم ... بروح اودي ذياب للملاهي واذا تبين دانه تعالي معانا
دانه بفرح اكثر : ثواني اجيب عباتي
غازي لامه : يمه وش رايك تجين عندنا تتمشين وتشمين هوا
ام غازي بتعب : لا يمه رجيلاتي ما تتحمل المشي الطويل روحوا انتوا يمه واستانسوا
غازي وهو يبوس امه من فوق راسها : على هواك يمه
( وراح لذياب عشان يجهزه )

.......

ف المستشفى

طلع الدكتور وهو يبتسم
منيف راح له اما رنا ونور كانوا ينتظروا منيف يجي ويبشرهم : هااه دكتور وش فيها المريضه
د.مهند : لا تخاف اخوي ... شوية سخونه بسبب المويه ... واغماء بسبب صدمه قويه
منيف حز فخاطره : يعني هي بخير ؟!
د.مهند : ايوه الحمدلله وتقدرون بكرا تخرجونها من المستشفى
منيف : مشكور يا دكتور
د.مهند : العفو ولو هذا واجبنا ( وراح )
راح منيف للبنات
رنا : بشر يا ولد الخاله وشلونها اختي

( شباب فيه خطا مطبعي ... منيف يكون اخو نور ... ابراهيم يكون اخو نوف ... اسفه ما انتبهت☹️🥺)