رواية ان كان غيري جاز لك في غيابي .... غيرك تعنى لي وانا صدّيته الفصل الرابع والأربعون 44 - بقلم ساس الحلا

ياربّ أنت أعلم مافي نفسي وقلبي ، اللهٌم إجبر قلبي و أرح عقلي ، اللهٌم يسر أمري و اذهب همي واقضِ حوائج في قلبي لا يعلمها الا انت🖤🖤'

.......

‏الزعل في نظرتك له جاذبيه
كيف لا منك رضيتي وزان لونك

اجمل اشياء الحياه الدائريه
القمر والشمس والثالث عيونك

........

الصباح

عند البحر كان جالس ومتلهف يريد يعرف هالامانه اللي كانت من اغلى الناس عنده ويحسب الدقايق عشان توصل ليان

سمع سياره من وراه .... التفت لورا وشافها تنزل بخفه وتمشي بشويش ..... ليان كانت خجلانه من نظراته بس واصلت السير

ليان : السلام عليكم
مشاري : وعليكم السلام ( وهو يناظرها بطرف عينه ) مو كانك تاخرتي
ليان : هههه اسفه وربي كنت استاذن من امي وبالغصب رضت اني اروح
مشاري : مسموحه .... وينها ؟
ليان فهمت عليه وطلعت ظرف فيه الورقه
مشاري اخذها وفتح الظرف بايد ترجف وطلع الورقه اللي كانت داخل الظرف .... فجاه وقف مو راضي يفتحها ودمعه شوي وبتنزل ..... ليان لما شافت وضعه خافت عليه وجلست جنبه
ليان بخوف : شفيك مشاري
مشاري وهو يناظرها بعيون دامعه : مو قادر افتحها ..... اذا فتحتها اكيد بيكون محتواها ما ابيك تبكي ... او عيش حياتك وكانك ما عرفتني
ليان تقطع قلبها عليه : لا تخاف سم بالله وافتحها .... يمكن خيره لما تقراها .... انا بروح وانت اقراها على راحتك
مشاري بدون شعور مسك ايدها : لا تروحين خليك معاي
ليان انتفضت من لمسته وبهمس : طيب
مشاري ترك ايدها وسم بالله وفتح الرساله وبدى يقراها :
مشاري حبيبي
ادري انك بتبكي على فراقي ... بس ابيك تتاكد اني احبك .... ابيك تقرا هالرساله بدون دموع ..... والحين امسح دموعك ( انصدم مشاري وناظر ليان اللي منصدمه اكثر وشلون عرفت انه يبكي .... مسح مشاري دموعه براحة ايده ) ..... ابيك ما توقف من الدعاء ابي كل اللي حولك يدعولي بالرحمه ..... كان نفسي اكمل حياتي وابقى جنبك لكن اذا الله اراد شي فيقول له كن فيكون .... ابيك تكمل حياتك وكانك ما عرفتني .... ابيك تختار شريكه لحياتك ..... سامحني على كل شي .... ادري اني ما اخطيت معاك بس يمكن زلة لسان او شي وانا مدري .... انا بعطي هالوصيه للبنت اللي ابيك تكمل حياتك معاها لاني ما لقيت فيها الا كل خير ( انصدم اكثر مشاري .... وناظر ليان اللي مو فاهمه شي لان مشاري كان يقرا بصمت .... حس بكره تجاه هالانسانه اللي قدامه ما يدري ليش اكيد قالت لمها انها تحبني .... سامحيني يا مها بس ما اقدر انفذ وصيتك ) .... وقف مشاري بعد ما خلص قراية الوصيه .... وقفت معاه ليان اللي تناظر تعابير وجهه تحولت للعصبيه
مشاري : اسمعي زين .... ما ابي اشوفك .... ( وبسخريه ) هه قال اتزوجها قال ( وراح عنها )
اما ليان انصدمت من كلامه ... ليش يكلمها كذا وش سويت له ... وبعدين ليش قال اتزوجها ... ( كانت 100 سؤال براس ليان وتبي تعرف الاجابه ) راحت وهي منصدمه من كلامه هذي جزاتي اني وقفت معاه لما طلبني مسحت دموعها وراحت للسياره

مشاري كان يراقبها بصمت من سيارته .... وهو يفكر ليش مها بالذات اختارت هالبنت بس مو مبين عليها خبيثه ..... الله يرحمك يا مها ليش تبيني اتزوج غيرك ) وشغل سيارته وراح وهو هموم الدنيا كلها فيه )

.......

دانه : غازي وش رايك نروح للمزرعه زمان عنها
ام غازي : ايه والله .... نريد نغير جو هالكابه
غازي اعجبته الفكره : ليش لا فكره حلوه .... وش رايك مشاري
مشاري كان سارح فكلام مها ..... رفع نظره لغازي لما سمع اسمه : انا معاكم
غازي بارتياح : خلاص اجل بخبر عماني وبنحدد اي وقت
دانه بحماس : الحين بليز غازي
غازي يناظرها بطرف عينه : ليه العجله
دانه : ولا شي بس تدري اشتقنا للمزرعه ... واشتقنا للجمعات
ام غازي وهي تناظر ولدها: صادق .... اتصل فيهم الحين
غازي : من عيوني ( وطلع جواله من جيبه )
هلا عمي شحبارك ... والله الحمدلله كويسين....شخبار العيال .... الله يسلمك .... عمي نريد نروح للمزرعه يعني رحله جماعيه نغير جو فقلت بشاوركم ..... مدري اي يوم ف الاجازه .... اجل بعطي خبر للجماعه .... وصل سلامي للجميع .... تسلم يا عم .. مع السلامه

دانه : هااه وش قالوا
غازي : انا كم مره قلت لك عن اللقافه
دانه تاففت من داخلها ولا تكلمت ..... غازي رحمها : يقولون باكر بنروح روحي تجهزي
دانه نطت بحماس : اجل بروح اخبر بنات عمي .....( كانت بتروح بس وقفت ) غازي
غازي بدون لا يناظرها : خير
دانه فنفسها ( ابد ما عنده ذوق ف الرد) :وش رايك نعطي خبر لعيلة ام طلال
ام غازي: ايه والله صادقه.... الحين صاروا من اهلنا
غازي بدون تفكير عشان يشوف الريم : خلاص انتي يمه اعطيهم خبر
ام غازي وهي توقف : اجل من الحين بخبرهم
غازي وهو يناظر مشاري اللي سرحان : على هواك يمه
دانه نقزت من الفرحه وامها تضربها على كتفها : وجعع ف العدو خوفتيني ( وراحوا والام منجنه من بنتها )
غازي لما شافهم راحوا التفت لاخوه ورفع ايده على كتفه : وش فيك ياخوي
مشاري بابتسامه مو من قلبه : ولا شي .... بس شوي سرحت
غازي : ادعي الله يرحمها
مشاري بتمني : اللهم امين ( والتفت لاخوه وهم يتكلمون عن امور المزرعه )

عند دانه
كانت ترتب اغراضها .... سمعت صوت جوالها رفعت نظرها للجوال هشان تشوف منو .... اول ما شافت اسمه تركت اللي بايدها وراحت ترد على الجوال

دانه : هلا
طلال : حي الله هالصوت
دانه بخجل : شخبارك
طلال : وش تبي يكون حالي بعد ما سمعت هالصوت ..... وربي غصب بكون بخير
دانه : ههههه تسلم
طلال : ايه وش تسوين
دانه : ابد اجهز اغراضك
طلال : تدرين ليش فرحت اني بروح المزرعه؟
دانه بدلع : ليش
طلال بهيام : عشان اشوفك يا قلبي
دانه بخجل وهي تغير الموضوع : الا وين ريم
طلال : ههههههههه فديت الخجلان .... والله مدري وين
دانه : اهمممم
طلال بشوق : تبيني اجي بيتكم واساعدك
دانه : على وشو تساعدني
طلال : اغراضك
دانه : هههههه لا بروحي برتبهن .... رتبت اغراضك
طلال : لا انتظرك
دانه : جد تبيني ارتبهن
طلال : اذا مشتاقه لي تعالي
دانه بخجل : اوك دقايق بشوف امي
طلال : انتظرك حبيبتي
دانه : مع السلامة
طلال: مع السلامه
دانه بعد ما سكرت راحت تغسل وجهها من الاحراج ..... وراحت عند امها تشوف رايها عشان تروح

نزلت تحت ف الصاله
حصلت امها وغازي يسولفون
دانه : يمه
ام غازي التفتت لدانه : هلا
دانه : بروح عند ريم
غازي من سمع اسمها حس باشتياق لها
ام غازي: ليش تبين تروحين معاها بكرا بتشوفينها
دانه تورطت وما عرفت شنو تقول : هااه ايه يمه ريم مريضه وبروح اشوفها
غازي بخوف : وش فيها
دانه هنا اكثر تورطت( يا ويلي هذا اللي ما حسبت حسابه ) : هااه مدري تقول تعبانه
غازي وهو يوقف : امشي انا بوديك معاها
دانه بسرعه : لا ماله داعي بسروح مع السواق
ام غازي : لا روحي مع اخوك عشان يشوفها ويتطمن عليها
دانه فنفسها ( انا لازم اروح اعطي خبر لريم ) : طيب بروح اجهز ( صعدت لغرفتها وبسرعه مسكت جوالها وارسلت لريم ما عندها وقت تتصل وراحت تبدل ملابسها )