رواية ان كان غيري جاز لك في غيابي .... غيرك تعنى لي وانا صدّيته الفصل السادس والثلاثون 36 - بقلم ساس الحلا

إذا تعسرت أمورك في الحياة، فأكثر من الاستغفار قال الله تعالى (فقلت استغفروا ربكم إنه كان غفارا يرسل السماء عليكم مدرارا).

.........

كل شي أحبه فيك إلا غيابك
ياللي تغيب وتحرق القلب لاغبت
- وكل جرح في قلبي احسه يهابك
لو تسأله بيقول في شوفتك طبت

........

العصر
اتصلت ام طلال ف ام غازي
ام طلال : السلام عليكم
ام غازي: وعليكم السلام والرحمه
ام طلال : شخبارك ياوخيتي
ام غازي بفرح : الحمدلله باحسن حال .... شخبارك انتي والعيال وشخبار مرت ولدي هههه
ام طلال : هههه الحمدلله طيبه
ام غازي : دووم يارب
ام طلال : وياك يارب ... جايتك يا ام غازي وما ابيك ترديني .... وتاكدي اذا مو موافقين تظلون ف القلب والعين والقرابه بينا ما تتغير والله الشاهد انك مثل اختي واكثر
استغربت ام غازي : امري فديتك وان شاء الله ما يصير غير اللي تبونه
ام طلال : طالبه يد بنتك دانه لولدي طلال على سنة الله ورسوله
ام غازي تهلل وجها بالفرح : يا بختك يا دانه ... انا من نفسي موافقه لكن بشور دانه وغازي
ام طلال : اخذوا راحتكم .... بس بيني وبينك الولد مستعجل يعني ما تتاخرون بالرد
ام غازي : من عيوني .... بشور اليوم دانه واخوانها وبنرد لكم الخبر وان شاء الله مالكم غير اللي تبونه
ام طلال : مشكوره يا ام غازي اجل انا استاذنك
ام غازي : اذنك وياك .... مع السلامه
( وسكروا الجوال )

راحت ام غازي لبنتها دانه
دانه : تفضل
دخلت ام غازي الجناح وهي تناظر دانه بنظرات حب
دانه لما شافت امها سكرت الكتاب : هلا يمه حياك
ام غازي جلست جنبها : شخبارك اليوم
دانه : الحمدلله يمه بشوفتك جنبي هذا اكبر دليل اني بخير
ام غازي بحب : الله يسلمك يا بنتي .. وكبرتي يا دانه وصرتي عروس
دانه بمرح : ايه يمه مو ناقص غير المعرس
ام غازي بمزح : وتقولينها قدامي يا بنت ابوك .... لا تخافين كل شي موجود بقى انتي
دانه استغربت : ما فهمت
ام غازي : اقصد جاك معرس
دانه خافت غير طلال ما بتوافق : منو يمه
ام غازي : طلال اخو ريم خويتك
دانه فرحت بس ما حبت تبين لامها ونزلت راسها خجل : احمم
ام غازي وهي تتاظر تعابيير وجهها : هااه يمه
دانه وهي تلعب باصابع يديها وبخجل : اللي تشوفونه يمه
ام غازي باست راسها : الله يوفقك يمه ويفتح لك طريق الخير .... اجل بشاور غازي وبنرد عليهم ( وهي تغمز ) خبرك الرجال مستعجل
دانه من سمعت هالكلام ماتت خجل : على هواك يمه
ام غازي : قومي تجهزي بنروح مع مها بخبر غازي يودينا ... لانه السواق مريض وعطيناه اجازه
دانه : تيب

..........
ريم كانت جالسه مع امها
ام طلال : بقولك خبر بيفرحك
ريم بحماس : شنو يمه
ام طلال : اخوك قرر يتزوج
ريم نقزت من الفرح : جد
ام طلال ضحكت على حماس بنتها : ايه .... مو هنا الخبر الحلو
ريم : اجل
ام طلال : معزم يخطب دانه خويتك
ريم فرحت كثير لاخوها وصديقة عمرها : احلى خبر سمعته
ام طلال : اتصلت فام غازي العصر وقالت بترد خبر اليوم او بكرا
ريم : يوووه وش يصبرني لبكرا
ام طلال : يمكن يردون البوم ما تدرين
ريم : عسى الله يسعدهم يارب
ام طلال : وش رايك نروح نزور مها
ريم : ليش لا ..... زمان عنها
ام طلال : اجل قومي اجهزي
ريم قامت : ان شاء الله

.......
ف السياره
غازي : شخبارك اليوم يالغاليه
ام غازي : الحمدلله يمه .... بشورك فخبر
غازي : شنو يمه
ام غازي وهي تلف لدانه وتناظرها : طلال خويك
دانه ولعت خجل من سمعت اسمه وغطت وجهها بيدها
غازي باستغراب : وش فيه يمه
ام غازي : تقدم لاختك دانه
غازي فرح بهالخبر وهو يناظر دانه من المرايا الاماميه : وش راي اختي الحلوه .... اذا موافقه انا موافق واذا رافضه الفكره نرد لهم خبر بالرفض
ام غازي فرحت : اجل توكلنا على الله البنت موافقه
غازي وهو يغمز لاخته : والله وكبرتي يا دانه وصرتي احلى عروس
دانه كان ودها تنزل من السياره من الخجل : غااازي
غازي وامه : هههههههههههههههه

وصلوا للمستشفى ونزلوا
راحوا لغرفة مها ودخلت ام غازي ودانه عشان تقول لمها تتغطى عشان غازي بيدخل وكان مشاري موجود
بعد ما تغطت اعطت خبر لغازي يدخل
غازي وهو منزل راسه : شخبارك اليوم يا مها
مها بتعب : الحمدلله على كل حال
غازي : تقومين بالسلامه ان شاء الله
مها : ان شاء الله

طلع غازي من الغرفه عشان مها تاخذ راحتها وطلع معاه مشاري

اخذوها شوالف الحريم وام غازي بشرت مها على خبر دانه ومها فرحت كثير ونست همومها ومرضها وكل شوي تحرج دانه ودانه خجلانه ومعصبه عليها عشان تسكت

خارج الغرفه
غازي : شخبارك اليوم ياخوي
مشاري بهم : مو بخير يا غازي
غازي : افاا ليه
مشاري بحزن : اليوقن الدكتور قال مافي امل للعلاج اهي الحين ف المراحل الاخيره من المرض
غازي حزن على اخوه لكن ما بين له عشان ما يزيد حزن اخوه : قال الله تعالي ( ولا تقنطوا من رحمة الله ) وقال بعد ( ادعوني استجب لكم ) صدق الله العظيم
مشاري: صدق الله العظيم
غازي : وعشان كذا ياخوي ما ابيك تحزن ابي قلبك يكون مشبع بالامل ... ادعي لها يا مشاري واحنا كلنا مو مقصرين من الدعاء .... لا تخلي الحزن يعمي عيونك .... وبعدين ما تدري يمكن بعد كلام الدكتور الله ينزل الشفاء على مها .... تفائل وانا اخوك ولا تتوقف عن الدعاء
مشاري من قلب : يارب انك تشافيها وتعافيها
غازي : اجل ما خبرتك
مشاري : وشو
غازي : طلال تقدم لدانه
مشاري فرح لهالخبر: ما شاء الله ... وش رايها دانه
غازي : ابشرك موافقه ... قلت اخذ رايك عشان نرد لهم الخبر
مشاري : اكيد موافق وين نحصل احسن من طلال رجال كفو وشهم واخلاق  
غازي : اجل توكلنا على الله

بعد دقايق
وصلوا ام طلال وريم وطلال
ريم لوت بوزها من شافت غازي
طلال : السلام عليكم
غازي ومشاري وقفوا وبترحيب : وعليكم السلام والرحمه
ام طلال : شخباركم يمه مشاري
مشاري : الحمدلله خالتي نحمد الله .... شخباركم انتوا
ام طلال : الحمدلله طيبين ... انت غازي وش احوالك
غازي راح باس راسها : الحمدلله يمه ( لف لورا ام طلال وحصلها منزله راسها )(وبسخريه )شخبارك ريم
ريم وهي تخفي الكره وبسخريه اكثر  : الحمدلله عايشين ... ( لفت لمشاري ) شخبارك مشاري
مشاري وهو منزل راسه : من الله بخير
ام طلال وهي تمسك يد ريم : عيل احنا بندخل
غازي وهو يناظر ريم: خذوا راحتكم يمه

راحوا ربم وام طلال لداخل الغرفه

جلسوا طلال ومشاري وغازي يسولفون

داخل الغرفه
بعد السلام ..... جلست دانه ومها وريم يسولفون .... اما ام طلال وام غازي كانوا بعد يسولفون ويسالون عن احوال بعض
ام طلال وهي تناظر دانه وتهمس لام غازي : هااه يام غازي وش قالت دانه
ام غازي بفرح وبنفس الهمس : ابشرك موافقه
ام طلال وهي شوي وتطير من الفرح وبصوت عالي : ويي الله يبشرك بالجنه يام غازي
ريم : وش صار يمه
ام طلال : ابشرك دانه وافقت على اخوك
ريم وهي تناظر دانه : جد
دانه نزلت راسها بخجل
ريم حضنتها بقوه وهي فرحانه : واااي مو مصدقه بتصيرين مرة اخوووي .... وربي بطير من الفرحه
دانه وهي تضربها على اكتافها عشان تفكها : ريمووه ووجع اتركيني تكسرن ضلوعي
ريم تركتها : ههههههههه من فرختي
مها : الف مبروك دانه حبيبتي وربي فرحت لك
دانه بخجل : الله يبارك فيك

خارج الغرفه
طلال : اقول مشاري ابي اتحمد على سلامة مها عشان ابي اروح معاي اشغال
مشاري وهو يقوم : ان شاء الله
بعد ما راح مشاري.... التفت غازي لطلال
غازي : اقول طلال
طلال : سم ياخوي
غازي عشان لا يشكون فعلاقتهم : سم الله عدوينك ..... ابي اخذ معاي ريم ناخذ لفه وبوصلها للبيت
طلال : افاا عليك الحين ريم حلالك اخذها متى ما بغيت
غازي : ان شاء الله
مشاري : تعال طلال
طلال وهو يوقف عشان يروح وراح معاه غازي ومشاري