رواية ان كان غيري جاز لك في غيابي .... غيرك تعنى لي وانا صدّيته الفصل التاسع عشر 19 - بقلم ساس الحلا

سبحانك اللهم وبحمدك، أشهد أن لا إله إلا أنت، أستغفرك وأتوب إليك، لا إله إلا الله وحدهُ لا شريك له، لهُ الملك وله الحمد وهو على كل شيء قدير.

..........

يا صعب وقتي دون حسك وطاريك
-
ويا صعب حالي كيف حالي بدونك

......

ف المستشفى
وصلوا الريم واخوها طلال وراحوا للطوارئ .... شافوا دانه تبكي بصمت وهي تستغفر
ريم بخوف : دانه حبيبتي
دانه رفعت راسها ووجهها مليان دموع من شافت ريم قامت وخضنتها : امي يا ريم طاحت قدامي وانا ما عرفت وش اسوي .... ابي امي يا دانه ... ابي امي

طلال انصدم من حبيبة قلبه تبكي قدامه وهو ما بيده يسوي ... ياريت انا اللي حظنتك وتشكين لي والله ما اخلي الدمعه تنزل مره ثانيه

ريم وهي تهديها : اهدي يا دانه ... ان شاء الله خالتي تقوم بالسلامه
راح طلال وجاب لها مويه ... مده لها وهو يناظرها بحزن
ناظرته دانه وكانها تقول له ابي امي يا طلال ... لكن ما بيدها تسوي شي ... اخذت كاس المويه
دانه بحزن : مشكور
طلال شاف نظرتها اللي قبل .... وحزن اكثر على حبه الاولي والاخير ... الله يقومك يا خالتي بالسلامه ... والله وانا ما شفتك حزنت عليك فما بالك بدانه بنتها وطوال الوقت قدام عيونك ... الله يصبرك يا حبيبتي

طلال بحنيه : اهدي يا دانه ... امك الحين ما بيفيدها بكائك ... بكائك مارح يقدم ولا يأخر بالعكس بيزيد المواجع .... اهي الحين محتاجه الدعاء .... لازم ما تتوقفين عن الدعاء ... ادعي الله يقومها بالسلامه
دانه وهي تمسح دموعها : ان شاء الله
طلال ( يا عمري اللي يسمع الكلام )
قاطعهم صوت جوال دانه
دانه : الحق علي يا اخووي
غازي بفجعه : وش صار يا دانه
دانه : امي يا غازي امي الحين ف المستشفى
غازي بصدمه : شنو ... ليش وش فيها
دانه : مدري الدكتور يقول ارتفع الضغط عليها
غازي : انا اصلا وصلت للسعوديه والحين بجي للمستشفى
دانه : بسرعه يا اخوي انا محتاجتك جنبي ... وامي محتاجه لك بعد
غازي : لا تخافين يا دانه ان شاء الله تقومين بالسلامه
دانه : امين الله يسمع منك
غازي : يالله مع السلامه
وسكر الجوال
بكت دانه وهي خايفه تعيش بدون امها ... راحت لها ريم تركض لما شافتها بالحاله هذي
ريم بحنيه : خلاص حبيبتي ... الدكتور قال انها كويسه ... ليش البكي الحين ... ادعي لها تقوم بالسلامه
دانه : امين الله يسمع منك
ريم وخي تمسح دموع دانه : ما ابي اشوف هالدموع مره ثانيه ... ابي اشوف الابتسامه مرسومه على شفاتك
دانه وهي ترسم الابتسامه : من عيوني ... مشكوره يا ريم وقفتك مارح انساها لك
ريم بزعل مصطنع : ليش هالرسميات يا دانه ... امك هي امي الثانيه ... وبعدين اذا ما وقفت معك بوقف مع مين

طلال كان يناظرهم وهو يبتسم .... واخيرا شفت الابتسامه على وجهك يا قلبي
رن تلفون ريم وكانت امها ... راحت بعيد بشوي عنهم عشان تكلم امها
دانه رفعت راسها وشافت طلال وهو يناظرها .... طلال من شافها ابتسم لها وكانه يطمنها
دانه من شافت ابتسامته خجلت ونزلت راسها وبعدها رفعت راسها وردت الابتسامه له اللي كلها امتنان لوقفته معه
طلال وهو ياشر على عيونها ... دانه استغربت
دانه بهدوء : وشو؟!
طلال ابتسم : انا وش قلت
دانه : وش فيه ؟!
طلال بحب : ما قلت ما ابي اشوف دموعك
دانه رفعت يدها ... وتحسست عيونها ونزلت يدها وشافتها كلها دموع .... ناظرت طلال بحزن
دانه : ما اقدر يا طلال هذي امي تعرف شنو يعني امي
طلال : اعرف يا دانه ... بس انا وش قلت ... اهي الحين محتاجه دعائك مو محتاجه دموعك ... لو الدموع تعطي المريض الشفاء كان الحين كلنا بكينا ... بس الدموع ما رح تفيد بشي
دانه وهي تمسح دموعها : ان شاء الله
طلال ابتسم لها
رجعت ريم : طلول امي تسأل عنا
راح طلال ومسك اذونها : ان وش قلت لك
ريم وهي تتألم : توبه طلول اقصد طلال ... والله اسفه ما انتبهت ... بالله دانه خليه يفكني
دانه بدون شعور : هههههههه لا تفكها طلال خلها كذا ... تستاهل ( وبعدها انتبهت لنفسها ورفعت راسها لطلال تناظره ... شافته يناظرها وهو يبتسم لها ابتسامه ذوبتها ... وهو يأشر على عيونه وكانه يقول من عيوني .... ولع وجه دانه من حركاته ونزلت راسها)
ريم ما كانت منتبهه لحركاتهم : افاا دانه بغيتك عون صرتي فرعون ... طلال خلاص اذني انفجرت
طلال ما كان يسمعها ... كان يناظر دانه وخجلها اللي يعشقه والابتسامه ما فارقته
ريم خلاص اذنها راحت وبصراخ : طلااااااال
فزوا دانه وطلال من صرختها ... وتدارك طلال على عمره وفك يده من اذن ريم
طلال بخوف : وجعتك
ريم وهي تحك اذنها : ايه شوي
طلال : انا اسف يا ريم ... ( وتذكر ) ايه وش امي كانت تبي
ريم : ايه صح امي تبينا نرجع البيت لانه تاخرنا
دانه : خلاص انتوا ارجعوا ... غازي الحين بيوصل ... مشكورين وهالجميل مارح انساه
ريم راحت لها وهي تضربها على كتفها بالخفيف : انا قلت مافي شكر بينا ما تفهمين
دانه : اوك خلاص اسحبيها الكلمه
طلال : وينه اخوك الحين
دانه ( ياربي ما ابي اكلمه ) وبتوتر : ما ... ما اادري
قاطعهم صوت من وراهم : السلام عليكم
دانه من شافته راحت تركض وارتمت فحضنه : غازي امي
غازي وهو يمسح على ظهر دانه : لا تخافي انا الحين كنت مع الدكتور وقال ما فيها شي وبعد ساعتين بتصحى ان شاء الله
دانه بفرح : صدق
غازي : ايه صدق يا قلب اخوك
غازي ناظر طلال : هلا طلال .... اسف والله ما شفتك
راح له طلال وسلم عليه : معذور بو ذياب ... الحمدلله على السلامه
غازي : الله يسلمك
طلال : عيل احنا نستأذن ... امي متصله وتحاتينا
غازي : مشكور يا طلال كفييت ووفييت ... والله يقدرني ارد هالجميل
طلال : لا ما عليك ... اهم شي خالتي تقوم بالسلامه ...( وهو يكلم ريم ) يلا ريووم
غازي بدون شعور رفع راسه ( ريم هنا ... وينها ) وشافها كانت تناظره بنظرات حقد وكره وحزن
غازي : اهلا اخت ريم
ريم راحت وتجاهلته : امشي طلال
طلال انحرج من حركات اخته وكان وده يذبحها فشلته الله يفشل العدو
طلال : مع السلامه ... ( وناظر دانه وابتسم لها كانه يودعها ) دانه ردت له الابتسامه وخدودها موردات من الخجل
غازي وما ادراكم ما غازي ... وجهه احمر من الغضب ... بتندمين يا ريم ... كنت برخي الحبل ... بعد حركاتك هذي بتشوفين الويل مني .. انتظر امي تقوم بالسلامه وبتفرغ لك ان شاء الله

ف السياره
طلال بغضب : وش هالحركات يا ريم
ريم : اي حركات
طلال : وتعملين نفسك غبيه ... حركتك البايخه ... فشلتيني قدام الرجال ... ليش ما رديتي لما سلم عليك
ريم : ياخي هالرجال ما بلعته ... لا تنخدع فيه يا طلال