رواية ان كان غيري جاز لك في غيابي .... غيرك تعنى لي وانا صدّيته الفصل التاسع والثلاثون 39 - بقلم ساس الحلا

يارب اجعلنا من اهل النفوس الطاهرة والقلوب الشاكرة  ، والوجوه المستبشرة الباسمة ، وارزقنا طيب المقام وحسن الختام 

...........

لا تشغل البال في الناس وتفكر
منت بوكيل على الناس ومواقفها

ترى الناس مثل الملح والسكر
ما دام ما ذقتها ما راح تعرفها

..........

ملكة طلال ودانه

الكل كان مشغول بالتجهيزات .... والكل كان فرحان .... مها طلعوها تحضر الملكه وبعدها ترجع المستشفى والبنات ما قصروا اشتروا لها فستان ..... غازي طلع من المستشفى

عند الرجال
طلال كان شاق الابتسامه ومشاري كل ما يشوفه يبوس ايده ويحمد ربه
مشاري وهو يدزه فبطنه : هيي انت ترى عرفنا انك عندك اسنان
طلال : ما ودك تذلف وتخليني ابتسم
مشاري : هيي انت ترى لسى ما صار شي يعني عن الغلط
طلال : اقول مشاري حبيبي روح شوفهم يمكن الحين ادخل
مشاري : الاخ مستعجل .... صير ثقيل شوي .... وبعدين دانه قالت مو لازم تدخل انت يعني تصير الملكه كانك موجود .... فهمت علي
طلال من الصدمه وقف والناس انظارهم عليه : نعم
مشاري ابتسم للحضور ابتسامة احراج وهو وده يكفخ طلال : اجلس فشلتني الله يفشل عدوينك .... كنت امزح معاك يالحمار
طلال جلس وهو يتنفس براحه : تدري لو المعازيم مو موجودين كنت الحين في عداد الموتى

عند دانه
البنات كانوا جنبها ويحاولوا يخففوا عليها
دانه بخوف : بنات خايفه
رغد بمزح : معاك وقت اذا تبي تكنسلي
دانه : جد يعني عادي اهون
ريم : هيي انتي وش تهوني .... طلال ما صدق انه اليوم الملكه يا قلبي الحين اكيد يبي يشوفك
دانه باحراج : خلاص ريم
البنات : هههههههههههههههه
ليان بخبث وهي تعمل تكلم بالجوال : هلا خالتي ..... طيب من عيوني دقايق بس( وعملت حالها تسكر الجوال )
ربى صدقت : شنو
ليان بخبث : دانه تقولك خالتي ام طلال نزلي
دانه بخوف : هااااااااه
حلا فهمت على ليان : شنو هااه ... يلا عشان يشوفك طلال
دانه برجى : ريم حبيبتي اجلوها لبكرا الملكه
ريم : خلاص يا قلبي ريلاكس ... البنات يمزحون معاك
دانه براحه : اشواا
البنات: هههههههههههههههه

ريم : كانت لابسه فستان احمر علاقي ضيق لتحت الركبه بشوي مع حزام اسود ... مع كعب اسود

حلا : فستان اسود ضيق من فوق ومنفوش من تحت
ربى : فستان برتقالي مع حزام ابيض
رنا : نفس فستان ربى بس لونه وردي
رغد : فستان رصاصي ضيق
ليان : فستان ذهبي طويل منفوش
مها : فستان اخضر ضيق
حور : فستان بني ضيق
نوف : طبعا لانه بالشهر السادس لبست فستان ازراق واسع
واخيرا دانه : فستان احمر طويل من ورا وقصير من قدام مع حزام ابيض ضيق من فوق ومنفوش من تحت

........

الشيخ وهو يعطي غازي الدفتر
الشيخ : اذا ما عليك امر تعطي العروس توقع
غازي باحترام : ان شاء الله
طلال كان مبتسم ... وينتظر اللحظه اللي يدخل عند دانه

......
عند البنات
غازي من ورا الباب : احمم
ريم توترت من سمعت صوته
رغد بخبث وبصوت عالي: ريم يعني ما تسمعين زوجك روحي شوفي وش يبي وش فيه وجهك صاير احمر وليش يدينك يرجفون كل هذا عشان حبيب القلب هنا اجل لو عرستي  وش بيصير
البنات ما قدروا يكتموا ضحكتهم على شكل ريم وهي منصدنه : هههههههههههههههه
غازي ابتسم وهوو يسمع تعليقات البنات : ريم
ريم فز قلبها من سمعت اسمها وبدون شعور : لبيه
البنات : اوووووووووووه هههههههههههههههه
ريم خلاص تبي تذبحهم
غازي وهو مبتسم : لبيتي فمنى ... اذا ما عليك امر تعالي شوي
ريم بخجل : ان شاء الله

راحت له ... وهو انصدم من شاف جمالها وبلع ريقه
ريم شافت نظراته المنصدمه : هلا غازي ... خير فيه شي
غازي بدون شعور : قمر وربي قمر
ريم خجلت من كلامه : تسلم

فجاه تذكر زوجته مريم ( يووه انا وشلون نسيتها ونسيت وعودها لي .... وشلون نسيت كلام ريم لي )
غازي بحده وبدون لا يناظرها : امسكي اعطيها دانه
ريم استغربت من نبرة صوته اللي تغيرت وبهمس : طيب ( وراحت )

غازي رحمها.... بس لما يتذكر زوجته مريم الله يرحمها يجيه احساس بالخاينه وخيانه وعوده لها

ريم : امسكي دانه وقعي
دانه بخوف : لا مابي
ريم : افاا وش فيك
دانه : خايفه يا ريم
مها راحت جنبها : سمي بالرحمن ووقعي .... شعور الخوف لازم كل بنت ف هاللحظه تشعر فيه
نوف : ايه ترى يا حلاته العرس ... ياريت اقدر اعيد ذكريات الملكه
رنا : هيي انتي ترى فيه عزابيه هنا
ريم : ههههههههه ( والتفتت لدانه ) يلا حبي وقعي
دانه بخوف : مابي
حور : الحين انتي والتوقيع كذا .... اجل وشلون اذا شافك طلال
رغد وهي تخزها : الحين انتي تواسيها او تخوفيها زياده
ريم : اوك لحظه

راحت لغازي : ما رضت توقع
غازي بدون لا يناظرها : طيب اخذيلي طريق
ريم استغربت من وضعه ( وش غيره ) : تيب

ريم للبنات : يا بنات غازي بيدخل

طبعا الغرفه صارت حوسه من البنات الل تدور عباتها واللي تدور النقاب حقها واللي تدور الشيله
ريم بعد ما شافت البنات متغطيان نادت لغازي : تفضل غازي

دخل غازي وعيونه ف الارض .... راح لقدام  دانه وهي يناظرها : وش فيها حبيبة اخوها
دانه : خايفه
غازي بحنان وهو يمسك ايدها : من وشو خايفه
دانه : مدري
غازي : اذا مو موافقه على هالزواج نكنسله اهم شي رضاك
دانه بدون شعور : الا موافقه
غازي بابتسامه : اجل وقعي
مسكت دانه الدفتر واخذت القلم بايد ترجف
ووقعت بعد ما سمت بالرحمن
غازي باس راسها : الف مبروك
دانه بهمس : الله يبارك فيك
غازي اخذ الدفتر وراح

البنات طبعا من راح غازي : كللللللوووووووش
ريم : الف مبروك يا قلبي
دانه : الله يبارك فيك
البنات : مبروووووووووووك
دانه بابتسامه : الله يبارك فيكم

طبعا ام غازي وام طلال من سمعوا الموافقه انبسطوا كثير وراحوا يباركوا لدانه

طلال فرح كثير لما سمع المعازيم يباركوا.له

........

نزلت دانه بعد محاولات من امها والبنات على موسيقى كلاسيكيه

طبعا المصوره ما فاتتها حركه الا صورتها

اعلنوا دخول طلال ..... هنا دانه كل خليه فجسمها ترجف

دخل طلال وعلى يمينه امه .... كانت طول الوقت انظاره لدانه ..... اول ما وص باسها على جبينها وهو يهمس ف اذنها
طلال : الف مبرووك لنا
دانه بخجل وهي منزله عيونها : الله يبارك فيك
طلال انجن من خجلها وجمالها ..... و مسك ايدها وباسها
البنات : اوووووووووووه
دانه من الخجل فكت ايدها من يده
طلال : ههههههه اموت على الخجلان

ام طلال اعطت ولدها الدبله : يلا لبسها .... يمه دانه رفعي ايدك عشان يلبسك الدبله
دانه بخجل رفعت ايدها اللي ترجف .... لبسها طلال الدبله
ام طلال : امسكي يا دانه لبسيه الدبله
اخذت دانه الدبله وهي خجلانه وتتمنى تنشق الارض وتبلعها ...... رفع ايده طلال عشان الدبله ...... دانه بسرعه لبسته ونزلت ايدها .... طلال ابتسم من حركتها
طبعا انتهى الحفل بعد ما لبسها العقد واكلوا الكيك

ام غازي : العشا جاهز تفضلوا وخلوا العرسان لوحدهم
هنا دانه توقف نبض قلبها لما سمعت هالكلمه .... وصارت تناظر المكان اللي فضى من المعازيم
ريم وهي تناظر طلال : طلال ادري فيك مو مصدق انها دانه لك ... لكن شوي شوي عليها حرام خف عليها
طلال وهو يمسك اذونها : وانتي وش دخلك زوجتي وبكيفي يلا اذلفي وما ابي اشوف وجهك
ريم وهي تتالم من اذونها : ما بروح وهذ جلسه ( وجلست على الكرسي عناد لطلال )
دانه بدون شعور: ايه تكفين لا تروحين
طلال وريم : هههههههههههه
طلال وهو يهمس ف اذنها : افاا لهدرجه اخوف
دانه نزلت راسها : لا مو كذا

رفع طلال جواله : بتروحي او اتصل فغازي يجي يسجبك من شعرك
ريم من سمعت اسمه وقفت : هااه لا اصلا انا جوعانه بروح اتعشى ( وراحت تركض )
طلال : هههههههه
اما دانه ابتسمت وهي كاتمه الضحكه ..... وبعدين تذكرت الحين هيي وطلال بقوا
طلال : شخبارك يا دانه
دانه ( هذا وش فيه من ساعه وهو جنبي والحين يسال عن اخباري ) : الحمدلله
طلال : دووم يارب
دانه : تدوم انفاسك
طلال وهو يمسك ايده : واخيرا بعد كل هالايام صرتي حلالي .... وش رايك يا قلبي نخلي العرس بعد شهر
دانه رفعت راسها بصدمه : هاااه
طلال : هههههه امزح وياك بس كنت ابي اشوف وجهك وما لقيت الا هالطريقه
دانه نزلت راسها ...طلال : الحين ليش نزلتيه
ارفعيه ابي اشوف عيونك

نخليهم على رومانسيتهم

عند البنات
رغد : بنات تدرون وين جوالي ؟
البنات : لا
رغد: بالله احد يعمل لي اتصال يمكن اسمعه
ليان : اوكي لحظه بس ...... يرن بس ما احد يشيله
رغد : اجل وينه

ريم : طيب انتي ما رحتي مكان يمكن نسيتيه هناك
رغد وهي تتذكر : لا ما ( وفجاه شهقت )
حلا : وش فيك
رغد : تذكرت نسيته جنب المسبح لما كنت انثر الورد ( وراحت تركض )
ليان : هالبنت مهبوله

عند الرجال
رن جوال عبد العزيز : السموحه شباب اتصال مهم
الشباب : اخذ راحتك

طلع عبد العزيز للحديقه عند المسبح عشان يرد على الاتصال
عبد العزيز: الوو هلا وليد
وليد السكرتير : هلا طال عمرك
عبد العزيز: خير فيه شي
وليد : ايه فيه اوراق لازم توقعهن
عبد العزيز: اوكي خلهم ف مكتبي وبكرا بوقعهن
وليد بطاعه : تم طال عمرك ..... تامرني على شي
عبد العزيز: لا مشكور مع السلامه ( وسكر الجوال .... وهو يسمع رنة جوال ثانيه استغرب لما شاف الجوال ....... وراح اخذ الجوال عشان يسال عن صاحبه )
سمع شخص من وراه : هذا جوالي

..