رواية ان كان غيري جاز لك في غيابي .... غيرك تعنى لي وانا صدّيته الفصل الثالث والخمسون 53 - بقلم ساس الحلا

سَيُنبت اللهُ لَنا مِن قَسوة ألايام
ورداً💛💛.

.......

أقرا مراسيلك كل لحظه وساعه
كله من جنون الحب لعب بحالي

طلبتك أرفق بقلبي  وأرحم اوجاعه
وأرسل مراسيلك كل ثانيه على

.......

الكل راح للمستشفى
سمح لهم الدكتور دخول اربعة اشخاص فقط .... طبعا الاول ام غازي

دخلت بعد ما لبست ملابس المستشفى ولبست الكمامه ودخلت عند ولدها وهي كلها خووف ... شافت وشلون الاجهزه حوله ... راحت جنبه وهي تحاول ما تبكي .... مسكت ايده وقرات شوي من القران ... ودعت له بالشفاء العاجل .... ما قدرت تتحمل اكثر وباست راسه وطلعت من الغرفه وهي تمسح دموعها .... ناظروها الكل وانقطع قلبهم على هذي المراه الصابره اللي مهما صار تحاول ما تضعف ... والحين كان مشاري .... لبس الملابس والكمامه ودخل وهو يسمي بالله ... تقشعر جسمه من برودة الغرفه وناظر اللي كان بصدر الغرفه وهو نايم او ما يحس ابدا باحد .... راح جنبه ومسك ايده البارده وهو يحاول يدفيها .... ودعا له بعض الادعيه وجلس بالكرسي اللي كان جنب السرير

مشاري : اصحى يا غازي الكل محتاجك وانا اولهم .... ما تدري وش صار لي ... انا الحين ضعيف انت كنت كل قوتي .... بدونك كل شي مظلم ... لا تروح مثل ما راح ابوي .... انت عضيدي ... اصحى امي واختي والكل محتاجك .... ( بكى ) غازي تكفى لا ترووح ... خلك قوي وحارب الموت .... افديك بعمري بس لا تغيب عن الدنيا ... ( وقف عشان يطلع وباس راسه ) الله يقومك بالسلامه ( طلع من الغرفه وهو مهموم .... الكل اشفق على حاله .... ليان تقطع قلبها وهي تشوفه يمسح دموعه .... رفع مشاري عيونه وتصوبت عند عيون ليان وحس انه محتاجها ومحتاج كلماتها اللي تخليه يشعر بالحياه ) .... كان الحين دور دانه اللي كان طلال يشجعها ... لبست ملابس والكمامه ودخلت للغرفه ةهي كلها امل انه يصحى .... دخلت للغرفه اللي كانت مظلمه لكن فيه نور عند غازي ... ركضت وراحت حظنته وهي تبكي

دانه : يكفيك نوم يا غازي اصحى وفرحنا بوجودك ... وربي وجودك حياه لي ... اخذ صحتي واصحى بس لا تظل كذا ... امي كل ليله تبكي .... مشاري كان يروح مكان بعيد ويبكي ... ذياب كل ليله عند نومه كان يناديك واحنا نكذب عليه ... ريم كانت تتماسك عشان لا تبكي قدام ذياب كانت تروح غرفتك وتنظفها كانت تبكي على فراشك وهي تحضن المخده ... الكل غابت عنهم الفرحه ... يكفيك مزح واصحى

عند غازي
كان يسمعها وهو يحاول يفتح عيونه عشان يطمنهم لكن ما قدر ... كان يريد يحرك ايده لكن كان الامر اكبر منه استعجب من حالته .... سمعها تودعه ... كان يريد يخبرها لا تروحين ظلي معاي .... كان يريد يطمنها عشان تمسح دموعها لكن ما قدر

طلعت دانه وهي تمسح دموعها وتحاول ترسم البسمه .... راح لها طلال وهو يسندها ويخليها تجلس على الكرسي.... راح جنب ريم وهو يشجعها عشان تدخل ... لبست ريم الملابس والكمامه ... ودخلت بايد ترجف ... سمع غازي احد يدخل حاول يصحى لكن ما قدر .... اقتربت ريم جنبه ومسكت ايده ورفعتها وباستها وهي تحس بحبها له يكبر .... مسحت على شعره وهي تبكي

غازي عرف انها ريم وابتسم بداخله ... وهو يحس بدفى ايدها

جلست ريم ف الكرسي وهي لسى ماسكه ايده ... وبصوت باكي : غازي

غازي كان يريد يمسح دموعها ويحضنها ويقول لبيه يا روح وقلب غازي

ريم وهي تكمل وبدون شعور : احبك يا غازي انت دنيتي انت اكسجيني اللي اتنفس فيه ... انت دواي اللي يشفيني عند مرضي ... انت حياتي اللي مستحيل اتخلى عنها ... انا مستحيل اكرهك انا كل يوم يزيد حبي لك اكثر واكثر ... اصحى انا محتاجتك ... اص... ( سكتت وهي تحس بايده تمسك ايدها ... ناظرت ايدها وهي تشوف اصابعه تتحرك رفعت راسها وناظرته وهو يحاول يفتح عيونه وهو يقول : مويه .... راحت ريم بسرعه واعطته مويه وهي تحس بسعاده وهي تشوفه يستعيد وعيه ... راحت وبشرت الكل .... والكل فرح .. الدكتور راح لعند غازي عشان يشرف على حالته وبشرهم حالته كويسه ولازم يودونه لغرفه وبعدها يقدر ن يدخلون عنده .... الكل تحمد له بالسلامه .... اما غازي كان ما يسمعهم وهو يدور على ريم لكن ما حصلها .... دانه راحت جنبه وهي تهمس له
دانه بهمس : شفيك كذا كشرت
غازي بنفس همسها : وينها
دانه ضحكت : هههه مسرع ما اشتقت لها
غازي وهو يناظرها بنص عين : زوجتي واكيد بشتاق لها
دانه : ف الحمام بس مدري ليه ابطت
غازي : روحي اسحبيها اكيد مستحيه
دانه وهي توقف : طيب
ام غازي : على وين يا دانه
دانه : بروح الحمام
طلال : تعالي معاي انا بوصلك
دانه : طيب
( وراحوا )

ابو محمد : شخبارك الحين يا غازي
غازي باحترام : الحمدلله عمي
ابو مازن : يا شباب رجعنا للمزرعه وخلوا غازي يرتاح
الكل : طيب
غازي : وانتي يمه ارجعي معاهم
ام غازي برفض : لا يمه انا بتم وياك
غازي : لا يمه انا مو بزر احد يتم وياي... ارجعي وياهم
ام غازي : بس يم...
غازي قاطعها : يمه الله يخليك ارجعي ارتاحي ... شوفي عيونك مورمات
ام غازي : هلا هواك يمه ... خلي بالك من نفسك
غازي باسها فراسها : من عيوني