رواية ان كان غيري جاز لك في غيابي .... غيرك تعنى لي وانا صدّيته الفصل الثاني والثلاثون 32 - بقلم ساس الحلا

حينَ تضَيقُ الروحُ بِأوجَاع الزمَان، حينَ يَحتضِر القَلبُ بِجُعبَة الالَم، اهرُب بِنَفسَك لِشَواطِئ الاستغفَار.

........

لاهنت ياحــب حفظتك بالاعمـاق
بين المحاني مادرى عنك مخلـوق
- ونبقى على الدنيا حبايب و عشاق
لك صورة محفوظة داخل الموق

........

ف الصباح
بيت ابو غازي
صحى غازي ولبس ثوب وشماغ عشان يروح للشركه ونزل للصاله وكان موجودين دانه وامه
غازي : صباح الخير
دانه وامه : صباح النور
راح وباس راس امه : كيف اصبحتي يالغاليه
ام غازي : الحمدلله يمه بخير
دانه وهي تتاظره بطرف عينها : وانا بعد الحمدلله طيبه
غازي ابتسم لاخته : دووم يا رب يا حلووه

قاطعهم صوت من وراهم : صبااااااااحو
انصدموا من وجود ... اما غازي كان عنده الوضع ايزي
ام غازي بصدمه : مشاري
ركض مشاري لامه وباس ايدها ووجها وحظنها بقوه : شلونك يا جنتي
ام غازي وهي تبكي وتحظنه بقوه عشان ما يفارقها : ولسى تسالني عن حالي ..... الحين ردت لي روحي الحمدلله على سلامتك يا قلبي
مشاري دموعه كانت تنزل : اشتقت لك يمه وربي اشتقت لك
ام غازي : كذا يمه تقطع وبدون سبب .... ولا تفكر يمه نسيتك كنت ادعيلك فصلاتي ترجع لي سالم ومعاك شهادتك
مشاري وهو يبوس يدها : ادري يمه .... الله يخليك لي
قاطعهم صوت بكى : مشاري
فك مشاري من حظن امه والتفت على ورا وهو يفتح ايدينه عشان تجي وتحظنه .... وخي ما صدقت ركضت لحظنه
دانه وهي تحظنه بقوه : حماار كذا تنسانا وما تجي تشوفني
ضحك مشاري وهو يحظنها ويبوسها فخدها : كيف انساكم وانتوا ف القلب
دانه وهي تبكي : اشتقت لهبالك
مشاري ضربها من ورا راسها : وجعع فعدوينك الحين انا مهبول
دانه وهي تمسح دموعها وببرائه : ايه
الجميع ما عدا مشاري : هههههههههههههه
مشاري وهو يعمل نفسه زعلان : افااا .... على كذا ما فيه هدايا
دانه بسرعه .هي تبوس خده : اسفه وربي كنت امزح معاك انت العاقل (وهمست ف اذنه ) وغازي المهبول
مشاري : هههههههههههههههههههه خلاص سامحتك

..........

العصر
راحوا ربى ورنا بيت نوور
سلموا عليها .... ورنا ونور يتغامزون
عملت نور نفسها حزينه

رنا : شخباره اخوك
نور بحزن : الحمدلله يقولون فيه تطور
ربى كانت تسمعهم وتقطع قلبها
نور تغمز لرنا : انا بروح بجيب الضيافه
رنا فهمتلها : انا بجي معاكي
ربى : وانا بع..
نور قاطعتها : لا انتي ارتاحي ما بنتاخر
ربى: بس ان..
رنا : حبيبتي انتي ارتاحي انا ونور نكفي
ربى وهي حاسه شي وراهم : تيب
طلعوا نور ورنا
نور : هااه الخطه الثانيه ؟
رنا : يب ..... بس تعالي وشلون بيجي الغرفه بدون لا نخبره
نور بغرور : افاا عليك خليها علي ... شوفي انا عندي لاب منيف وما يمر يوم بدونه والعصر هوو وقت شغله واذا ما حصله ييجي لغرفتي ياخذه
رنا باندهاش : وطلعتي منتي هينه
نور : هه ولسى ما عرفتيني زين
رنا وهي تضربها على كتفها : اقول امشي

عند منيف
اخذ شاور ولبس بنطلون جينز بني محروق وقميص احمر وعليه كلمات بالبني .... رجع شعره على ورا وصار شكله حلوو

راح مكتبه عشان يشتغل على اللابتوب .... جلس يدوره عشان يشتغل عليه .... ما حصله ضرب ايده على راسه : اكيد هذي نووروه الخبله
راح لغرفتها عشان يجيبه .... فتح الباب وانصدم من الشخص اللي يبكي وبهمس : ربى

ربى كانت تبكي تبي تعرف اخبار منيف .... رفعت عيونها وهي تمسح دموعها وتفاجات من الشخص اللي قدامها وبهمس : منيف
اقترب منها منيف والشوق يبان على عيونه
وقفت ربى وهي منصدمه من شكله نحفان كثير وشكله تعبان والسواد تحت عيونه
منيف بشوق كبير :

ليه يانور عيني غبت وأخلفت ظـنّي

علموك وتعلمت الجــــفا والقطاعة

تحسب أنّي نسيتك عقب ماغبت عني

لا وربّ السما ماعنك سجيت ساعة.

نزلن دموع ربى بعد سماعها لهذي الابيات
اقترب منها منيف لما شاف دموعها .... ورفع ايده ومسح دموعها برقه وحنان : ليه تبكين يا روح منيف
ربى وهي تبكي : انت بخير
منيف بحب : بعد ما شفت هالوجه الحلوو وشلون ما تبيني اكون بخير .... انا من شفت هالوجه والدنيا نورت بوجهي .... انا من شفت هالوجه صرت بخير بعد ما كنت تعبان
نزلت ربى راسها بخجل وبعدت عنه
ضحك منيف بعد ما شاف احمرار منيف : فديت الخجلان انا .... ربى
ربى وهي تناظر عيونه : نعم
منيف : الله ينعم عليك بالايمان ..... انا اسف على اخر موق.....
قاطعته ربى وهي تحط اصابعها على فمه : لا تتأسف .... انا اصلا نسيت الموقف
منيف باس اصابعها اللي كانت على فمه... ربى وخرت صبوعها عن فمه وخدودها صارن الوان
منيف كتم ضحكته : اول مره اعرف انك تخجلين
ربى فتحت عيونها : نعم ... ليش وش قالولك واحد من الشباب عشان ما اخجل
منيف ابتسم : يمكن ليش لا
ربى وهي تبي تذبحه : الحين على كل هالانوثه تجي انت تقول واحد من الشباب .... يا قلبي شكلك ما عندك نظر
منيف : لا تخافي توني معالج نظري وما شاء الله سته على سته يعني كل شي تمام

ربى باستغراب : وبعدين انت مو كنت بالمستشفى.... اشوفك هنا
منيف : منو قالك اني بالمستشفى
ربى : نور اختك وامس عملت لنا مناحه
منيف باستغراب : لا انا امس كنت قدامها وما فيني شي
ربى : مدري عنه .... وبعدين مو كانهم تاخروا
منيف : ليش وينهم
ربى : نزلوا عشان الضيافه
منيف رفع كتوفه بمعنى ما يدري : مدري والله ..... وبعدين تدرين احسن عشان ( وهو يغمز لها ) اشبع بشوفتك
ربى .هي لسى تدري انها ما عليها حجاب صرخت بصوت عالي : حجابي ( وراحت تلبس الحجاب وعباتها )
منيف ما قدر يكتم ضحكته على صرختها : ههههههههههههههههههههههههههههههه
ربى وهي تتلثم : ليش ما تقول على حجابي
منيف : انا بروحي ما انتبهت
ربى وهي تعطيه ظهرها : طيب اطلع
منيف : افاا طرده
ربى وهي معصبه ( عشان الحجاب .... ولانها اخذت وعطت معاه .... وعشان كذب نور ورنا ) : ايه
منيف : اقول هذي غرفة اختي وبعدين هذا بيتنا
ربى وهي تشهق : يعني تطردني يا ولد امك
منيف وهي يهمس في اذنها : لو طلعتي انا اطلع معاك ..... تدرين ليش
ربى شوي وبتغوص فملابسها : ليش
منيف وهو لسى يهمس ف اذنها : لاني احبك ( وراح عنها بعد ما شاف صدمتها )

ربى انصدمت من اعترافه لها ما توقعت يقول لها هالكلمه .....  كان قلبها يرقص من الفرحهه

بعد دقايق وصلن نور ورنا ومعاهم عصاير وشبسات ومكسرات وفواكه

طبعا ربى سمعت اصواتهن من برا ....وفسخت عباتها وحجابها عشان لا يشكون .... وعملت نفسها تلعب بجوالها

نور ورنا لما شافوها كذا استغربوا ..... اللي مثلها يكون خجلان او زعلان .... بس منظرها يقول وكان ما صار معاها شي
نور : تاخرنا
ربى وهي تناظر جوالها : لا عادي
رنا ناظرت نور وهي تهمس لها : ولا كانه صار شي ..... مو قلتي بيجي اخوك
نور وهي فاتحه فمها من وضع ربى : مدري والله .... وشوفي عباتها مكانها ما تحركت

ربى كتمت ضحكتها على اشكالهم المنصدمه

عند منيف
جلس على كرسي المكتب وهو فرحان ومستغرب من اعترافه لها ..... ناظر الطاوله وما شاف لابتوب ضرب ايده على وجهه وشلون نسى .... راح غرفة نور وهو فرحان (اكيد بيشوف الحبيبه )
ضرب على باب نور
نور باستغراب : منو هذا
رنا وربى : مدري
راحت نور عند الباب : منو
منيف : افتحي انا منيف
نور : شتبي
منيف : انتي افتحي
نور : بس هنا بنات عمي
منيف : واذا عادي بسلم عليهم
نور للبنات : بنات تغطن