رواية ان كان غيري جاز لك في غيابي .... غيرك تعنى لي وانا صدّيته الفصل الثالث والثلاثون 33 - بقلم ساس الحلا

انقطاع الخير عنك لبعض الوقت هو تهيئة لفيضان خير جديد، فمن لزم الحمد تتابعت عليه الخيرات، ومن لزم الاستغفار فُتحت له المغاليق.

........

لبى مساء تـأملتـه على شانك
ولبى حروف تفرقها و تجمعهـا
- يازين كلمة مساء الخير ب لسانك
من حلوها كني اول مره اسمعها

...........

بعد اسبوع الكل يدري برجوع مشاري.... وانتشر حمل نووف واحمد والعايله كثيير مبسوطين من الخبر... طبعا عايلة ابو غازي اخذوا الموافقه من ريم.... والملكه بعد اسبوع

ريم ودانه وحلا ورنا وربى ونوف وحور ونور ورغد وليان
كانوا كلهم رايحين السوق مع السواق يقضون اغراض الملكه

دانه اشترت فستان ذهبي نفس العروس ضيق للخصر وبعدها منفوش باكمام شفافه توصل لعند الكوع وسلاسل من عند الخصر ومن تحت منفوش كان روووعه.... وكعب لونه بني... واكسسوارات ذهبيه

حلا اشترت فستان ازرق لفوق الركبه بشوي كان ضيق وفيه حزام ابيض كان حلوو كثير... وكعب لونه ابيض واكسسوارات باللون الازرق

رنا وربى نفس الفستان بس الالوان تختلف.... ربى لونه اسود اما رنا احمر والاثنين حزام ابيض كان لتحت الصدر علاقي وفيه لمعه من عند الصدر كان ررررووعاات... والعب لونه ابيض ومن قدام ورد كل وحده على لون الفستان.... واكسسواراالفستان ن الاحمر والاسود

نور اشترت فستان ابيض نفس ستايل حلا بس الحزام باللون الاسود واضافه ورده على جنب.... كعب باللون الاسود واكسسوارات باللون الابيض والاسود

نوف اشترت فستان عنابي شوي واسع عليها عشان الحمل بس كان حلووووو على جسمها كان من الجانب الايمن اكمامه لنص ايدها اما جانبها الايسر كان علاقي... اشترت شووز باللون العنابي عشان الحمل مو زين عليها الكعب

حور اشترت فستان لونه بنفسجي كان اكمامه منفوخه نفس الاميرات لبدايه الايد وطويل كان يجنن.... كعب لونه بنفسجي واككسسوارات باللون الاسود

رغد اشترت فستان اخضضر ضيق مناسب على جسمها وحزام الاسود بلمعه باللون الابيض كانن يخقق .... كعب باللون الاسود واكسسوارات باللون الاخضر والاسود

ليان اشترت فستان اسود لماعي ضيق على جسمها وفيه ورده على الجنب كان هادي وحلوو.... كعب باللون الابيض واكسسوارات باللون الابيض

واخيرا العروس ريم كانت كارهه هالزواج بس عشان ما تكسر خاطر عايلتها اشترت فستان ذهبي طويل علاقيمن ورا اما قدام كان قصير لتحت الركبه وحزام بني محرووق وسلاسل عند الصدر باللون البني ولمعه بالذهبي كان يخققققققق..... وكعب باللون البني واكسسوارات على لون الفستان

بعدها راحوا للمشغل وعملوا عنايه للبشره وقص الشعر وصبغه

.........

بيت ابو غازي كانوا يتجهزون عشان يروحون لبيت خطيبة مشاري

اجتموا ف الصاله ينتظرون دانه... ومشاري الشرار يطلع من عيونه
مشاري : هذي تبيني اروح لها جناحها واسحبها من شعرها
ام غازي : هدي يا ولدي الحين اخلي الشغاله تناديها
غازي كان كاتم ضحكته على شكل اخوووه

قاطعهم صوت من خلفهم : انا خلصت
غازي ياشر لها وياشر على مشاري بمعني معصب
بلعت دانه ريقها ( هذا اللي ما حسبت حسابه... الحين شيفكني منه)

مشاري من سمع صوتها وكانه جات من الله قام لها وراح مسك اذونها وهو يسحبها للسياره وام غازي وغازي وراهم وميتين ضحك
مشاري وهو لسى ماسك اذونها : لو ما خلصتي يا انسه.... لو عروس بتخلص قبلك... عنبو دارك انتي رايحه عرس ولا زياره

دانه : اخخ مشاريووه وقص بايدك اتركني وجعتني وبعدين لازم اكشخ يمكن يخطبوني لولدهم
مشاري وهو يزيد القبضه : وجعع دانووه استحي انا ادري البنات يستحون على سالفة العرس ليش انتي العكس

دانه بوجع من اذنها : يمه شوفيه وجعني .... مشاريوووه وكسر ان شاء الله
ام غازي : خلاص سامحها هالمره واوعدك ما تعودها
مشاري تركها : عشانك بس يمه.... لو عودتيها بتشوفي اكثر من كذا
دانه وهي تمسح مكان القبضه اللي صاير لونها احمر : التوبه خلاص اصلا بروح بالبيجامه اكتفيت اللي اخذته اليوم
الكل : هههههههههههههههه

بعد نص ساعه
وصلوا للبيت المطلوب
طبعا الرجال دخلوا للمجلس.... اما الحريم ف الصاله

ام غازي بعد الترحيب : وين مها( العروس)
ام مها : الحين بخليها تنزل

راحت دقيقه وبعدها رجعت ومعاها مها
دانه وهي ترحب فيها : هلااااااا مهاا شخبارك
مها بتعب ممزوج بالخجل : هلا فيك
ام غازي : تعالي يا بنتي جنبي
مها : حاضر خالتي
وراحت جنبها..... حست مها بالدوار ومسكت راسها وطاحت مغمي عليها

ام مها راحت وهي خايفه عليها : يمه الحقوني بنتي.... يمه مها اصحي وش صار لك
ام غازي لدانه : اتصلي ف اخوانك
دانه بتوتر وخوف : ان شاء الله يمه

دقت على مشاري : الو مشاري
مشاري برواقه : هااه ادخل على مها
دانه بخوف : الحق مشاري مها طاحت مغمي عليها
مشاري قام مفزوع : هاااه اخذوا لي طريق
وسكر الجوال

ابو مها بخوف : وش صار مشاري
مشاري : عمي مها طاحت مغمي عليها
صقر قام وركض لعندها ومشاري وابو مها وراه
اخذوا مها وحملوها للمستشفى
غازي اخذ اهله للبيت وبعدها راح للمستشفى

ف المستشفى
كانوا ينتظرون الدكتور يطلع عشان يخبرهم
انتظروا خمس دقايق وبعدها طلع الدكتور ووجهه ما يبشر بالخير
ابو صقر : بشر يا دكتور عسى خير يارب
الدكتور بحزن : اذكر ربك......  البنت معاها سرطان الدم وما ادري اذا بتعيش او لا
غازي : لا حول ولا قوة الا بالله .... استهدي يا عم عسى الله يعطيها الصحه والعافيه
ابو صقر جلس على الكرسي وهو مكسور الخاطر : لا حول ولا قوة الا بالله

مشاري جلس على الكرسي وهو مصدوم
غازي ترك ابو صقر وراح لمشاري ضرب ايده على كتف مشاري: افاا مشاري، مو وقت الحزن الحين اهي مو محتاجه غير الدعاء
مشاي وهو يمسح وجهه بايده : يارب انك تشافيها وتعافيها
غازي : اللهم امين
صقر راح لابوه يهديه

........
انتشر مرض مها والكل حزن عليها.....  ام صقر عملت مناحه وارتفع الضغط معاها .... طبعا ام غازي دووم تزورها

مشاري طول الوقت ما فارق مها.....  وهو يشوفها شلون تضحك وصابره على مرضها
مها مسكت ايده : وش فيك يا قلبي
مشاري نزل راسه عشان لا تشوف دنوعه : ولا شي
مها حز فخاطرها وهي حاسه انها بتفارق الانسان اللي حبته من كل قلبها قالت وهي تتصنع الابتسامه : ارفع راسك ما عاش من ينزله
رفع راسه والدموع مغطيه عيونه راح وجلس جنبها وحضنها : لا تخليني يا مها والله اموت بدونك
مها نزلن دموعها وهي تحضنه زياده وتشمه :،مو  رايحه لا تخاف...  انا معاك وما بفارقك
مشاري فكها وهو يمسح دموعه : صدق؟
مها وهي تمسح دموعه بايدها : ايه يا روح مها

جلس مشاري يسولف معاها وعن تفاصيل عرسهم....  ومها ما كانت تسمعه كانت تناظر تفاصيل وجهه وهي تقول فنفسها( يااه يا مشاري وشلون بفارقك بس هذي قدرة الله وانا ما بعترض عليها.....  رحمتك يارب اذا اخذت الرووح)

قاطع حديثهم دخول دانه ومعاها البنات وريم ورغد وليان
دانه والبنات: السلام عليكم
مشاري من شاف البنات طلع عشان ياخذون راحتهم
مها : وعليكم السلام يا هلا والله
تحمدولها البنات بالسلامه وجلسوا يسولفون عندها
مها وهي تناظر ريم : هااه يا ريم كيف النفسيه قبل الملكه
ريم بكذب : شوي متوتره مع شوية خوف هههههه
مها : عادي يا قلبي....  كل عروس لازم تمر عليها هالاشياء بس انتي لازم تسترخي وما تفكري
دانه : يعني انتي كنتي متوتره عند مشاري
مها : مو بس متوتره الا كنت ارجف وكنت اقول لامي خلاص هونت ما ابغى اعرس
البنات : ههههههههههههه
ليان : الله يرزقنا
رغد : وجعع ليانووه استحي
ليان : ليش استحي كل بنت لازم تروح بيت زوجها
مها نزلت راسها بحزن......  انتبهت عليها دانه وهي تسب فليان
راحت لها : ترى ننتظرك تقومين بالسلامه عشان ملكة ريم
ريم ضربت ايدها براسها(يا شينك يا دانووه جيتي تكحلينها عميتيها) 
رن جوال ليان وناظرت وحصلتها امها
ليان : بنات دقايق بروح اكلم امي وبرجع
البنات : خذي راحتك