أنا الشموخ ومارضيت البهاذيل كسرت خشم الوقت من قو ذاتي الفصل العشرون 20 - بقلم متميز وموهبه فذه

بعد شهر...
كنت جالسه أنا وجدتي وسعاد وأمي وسلطان....وجدتي اليوم شكلها هويانه...ذبحتني تبغى قصيد عشاق....تبغى أبيات هاويه ...وأنا أضحك عليها...
قلت بضحكه:يالله اسمعوا يابنت ساير....ذي اهداء منك لأبو صلوح....أنا كتبتها مخصوص لكم.....
ماحسيت الا بجزمتها محذوفه علي.....بعدت بسرعه وأنا أصرخ...قلت بعصبيه:جدوووووووووووووه....ليه؟....وبدلع...حرام والله شكله
مشتاقلك...أمس شفته واقف عند باب بيتنا....وبغمزه وخبث....شكله يبغى نظره.....والا ماخذ موعد من الحب....
قالت بعصبيه اكبر:وجعوووووووووووووووووووووووه.....يالسلقه....تس ألين بعد....مالت عليك...أبو صالح كانك تبينه حلال
عليك....وبصراخ...ولا تطلعين سوالف....لايسمعك أحد ويصدق....تراك هبلتي فيني....ياعسى ابو صالح يوقف على قبرك.....ان شاء الله.....
قلت وأنا حابسه الضحكه وأتظاهر بالصدمه....وباستعباط:يوووه...جده حرام....تبغيني أنا وياك نتشارك فيه مايصير....وبزعل
مصطنع...يالعوبه...كل ذا حب تبغين يومي قبل يومه.....وبعناد...وهو مايشوف بهالنسوان الا مسيرة بنت ساير....
قالت بصراخ ووجهها أحمر:قولي آمين....ياعسى يتشاركون فيك....عشرة...وبحفرة.....ياااارب ياكريم.....عساهم يبردون حرتي فيك....
صرخت أمي....وسعاد شرقت بالقهوة....انا طحت بحضن سلطان اللي مو فاهم....انفجرت ضحك...قالت أمي بعصبيه:يمه استغفري ربك...وش
هالدعاوي.؟....
قالت بنرفزه:والله كيفي...وماني مستغفرة...وبصراخ...وشوفيها..؟....تتضحك....طابتلها السالفه...ولاتخافين عشرة ولا يقوونها....
عصبت امي...وهي تقول:يمه... وبعدين....وناظرتني بعصبيه:وانتي بسك ضحك.....
قلت وانا أمسح دموعي وماسكه بطني بألم:هههههه....يمه ....ما أقدر...جدتي عليها دعاوي مو طبيعيه......
قالت بعصبيه:ليه مو طبيعيه؟....جنيه أنا والا مسكونه....والا مو عاجبتك....
هنا رديت انفجر بالضحك زياده....وأمي تستغفر وقالت بعصبيه:أنتن ماتكبرن...أربع وعشرين ساعه...تقل قطو وفار....
قالت جدتي بعصبيه:قطو وفار بعينك....ياللي ماتستحين....
قال سلطان وهو يضحك:جدتي فار...هههههههههههه.....
بس شفت عيون جدتي اللي طلعت.....ضحكت بقوة.....وهي بصراخ:فار عساه ياكل عظامك....ياسليطين يالكلب....
قلت بعناد:عساه لعدوه....
قالت بعصبيه:حسبي الله عليك....عساك ماتلفين على وحيد أمه....كانها بخيته ماتزوجين ولدها....يالسلقه الجربا.....
ضحكت بقوة....على وحيد أمه....يعني من كثر شر....راح اعزر بأم زوجي....ناظرت وجه سعاد الأحمر من الضحك...وأمي اللي مولعه من
جدتي...مسكت بطني وانا أحسها خناجر تضرب ببطني....والدنيا صارت تلف فيني لف....تعرفون لما تضحكون بجنون...ناظرت سلطان اللي
يضحك لضحكي...وهو مو فاهم شيء.....قلت بتعب:جده خلاص....قسم بالله تعبت من الضحك....وربي لفت فيني الدنيا....
وبصراخ قوي:قولي آمين....عساهم يلفونك بالملافيف لف....يابنت ناصر....
الكل شهق....ثواني وانفجرت بنوبه ضحك قويه....ورن جوالي...ناظرت رقم ريم.....وفتحت الخط...وأنا مستمرة بالضحك القوي....وماني قادره
أوقف....وأمي تهاوش جدتي....ومعصبه....وسعاد تحاول تحبس الضحكه...وكل شوي تفلت منها....وسلطان يضحك شوي....بعدين يناظر
الTV...وبعدها يرد يضحك معنا.....

كنا مجتمعين ببيت عمي ناصر...عايله الناصر كلها.....باستثناء العوبه وسلطان.....الكل xxxxx...من طلب عمي ناصر....الكل الاجتماع....كل دقيقه
مشعل يسألني وش فيه؟....كنت أقول ببرود:ما ادري....
وأنا عارف....يمكن قرار عمي هو الصح.....كان جدي الجالس بصمت كالعاده وينقل عيونه بين الكل.....وهو موافق على قرار عمي ناصر....
ومؤيد له....ولقراره كثير....خاصه وهو يصرح بكل صدق انه تعلق كثير بالجازي....ويبقاها اليوم قبل بكره قدام عيونه.....انصدمت....من غفران
جدي وعمي لها...ولكلامها....لذي الدرجه هالبنت سيطرت عليهم.....وحماسهم وهم يبغون يعرفون ردة فعلها....وتوقعاتهم....كانوا متوقعين انها
بتفرح....وبيلتم الشمل.....كنت أناظر الفرح بوجه عمي.....والراحه بوجه جدي....معقوله مسوين لها كل هالمكانه.؟....ليه طيب؟...شنو
السبب...اللي فيها معلقهم لهدالدرجه فيها....أنا عني ماشفت...الا وقاحه وقوة وقلة ادب....وطولة لسان وخباثه.....مدري ليه قرصني
قلبي من ردة فعلها؟......
قطعني من أفكاري صوت عمي الحاد:اسمعوا جميع....
الكل التزم الصمت....وبحالة الترقب....قال بهدوء:أنا نويت ارجع ام سلطان لذمتي...
الكل شهق....شفت أم وليد وهي حاطه يدها على فمها.....تمنع شهقاتها....وكمل بحده:وأنا ماني جاي آخذ اذن أو شور من أحد...انا أبلغكم لا أكثر....
نطت ريم وهي تحضنه...وبفرح وصوت مرتجف:صج يبه....بنعيش حالنا حال الكل....بينك وبين امي......وباست راسه...وربي أحبك....
ابتسم عمي بفرح:وأنا امووت فيك....وربي يقدرني يابوك أعوضك وأعوض أخوانك.....
ناظرت نظرات نايف البارده.....المسلطه لأمه.....ووليد وهو حاضن امه اللي تصيح....ونوف اللي تصيح من الجنب الثاني....قال جدي بهدوء:بس
يابوك....أنت العزيزة...لاتصيحين يابوك....وهي الأولى وهذا حقها...ولخاطر عياله....وعهدن علي....أنتي بيتك وبكرامتك......وماحد يدوس عليك
طرف....تعوذي من ابليس يابوك...وكفي دمع عينك....
قطعنا صوت نايف البارد:جازي قلتوا لها؟.....
الكل ارتبك....قالت ريم اللي تلمع عيونها بسعاده:أفا عليك الحين بأقولها......واتصلت بسرعه.....
قال نايف بنفس البرود:حطيه سبيكر....أبغى أسمع ردة فعلها....
ارتجف قلبي....حسيت بشيء بيصير من برود نايف.....برود نايف شغل حاستي السادسه....قالت ريم بفرح:ابشر...أكيد بتفرح كثير...
رنه...رنتين...وانا أحس الجو يضيق علي....فجأة انفتح الخط....وصوت ضحكات أنثى صارخه تنبعث من السماعه....لأول مرة حسيت بقلبي يرجف بقوة...ناظرت الكل بصدمه...وأنا أسمع صوت ضحكاتها القويه.....والكل منصدم...قالت ريم اللي معميتها الوناسه:جوجو...عسى الضحكه دوم.....
قالت من بين ضحكاتها:ههههه...بو جودك....ههههه....طافك جدتي موتتني ضحك.....هههههههه....
قالت بحماس:اتركيك من جدتي....عندي لك خبر بمليون ريال....وربي راح يفرحك كثير....
تنحنحت شوي....وقالت بهدوء:يخص منو؟....
قالت بنفس الحماس:كلنا....
ضحكت فجأه وهي تقول بمرح:طيب شوي...بس خليني أراضي هالزعلانه....
وشوي وسمعنا صوت بوسه قويه...وضربه وصراخ...وصوت عجوز غاضب:انقلعي يالماصخه....شفطتي خدي....عساهم يشفطون دمك....
ضحكت بجنون:هههههههههههه....بسم لله على دمي....ان شالله يشفطون دم عدواني...وبغرور...وبعدين حاصلك بوسة من الجازي.....
قالت العجوز بعصبيه:وعووووووووه....من حلات بوستك....وباستهزاء....خفي من هالغرور شوي.....
قالت بضحكه وغرور عجبني كثير:جدووووه.....تدرين وشو آخر قصيدي؟.....
قالت العجوز:ايه...صيري خوش بنيه....وسمعينا القصيد الزين....اللي يطرب البال....
ضحكت بدلع...وبقوة:اسمعي...
وبصوتها الأنثوي المبحوح....وبكل جاذبيه قالت:

ماعاقني الحساااد وأعشق مصيري....
موتي علي أهون...ولا موت الآمال....
اسمع شهيق الصدر...واسمع زفيري...
واسمع ونيني داخل الروح"مواااال"....
يكفي أنا "أنثى"تعديت غيري....
وشلون أجل لو كنت بهالوقت"رجال"....

[COLOR="Black"]
ووبضحكه:وسلامتك....ذي أبيات عالسريع....
قالت الجده بحماس:صح لسانك مليون....عزلله انك شاعره...وبرجا...وحدة ثانيه...لأجل خاطر جدتك...
قالت بضحكه:بكلم ريم...ضروري...وأرد لك....أموااااااااااه....
وكملت بضحكه:ريموووه انتظري....رغم ان قلبي ناغزني منك....بس بنسمع...واذا شيء يكدر الخاطر...لاتقولينه..لأني اليوم مروقه....ومالي مزاج أعصب....
قالت ريم بحماس:أول شيء....صح لسانك....وربي اشتاقت لأشعارك.....وبثقه...ولاتخافين خبر بيونسك....مثل ماونسني....ويمكن أكثر.....وبحماس...أحس اني بأطير من الفرح...
أنا كنت متجمد....صدمتي مخرستني...شاعره...ومتمكنه كثير.....ناظرت بوجيه العيال المتنحه أكثر مني....والهدوء مالي المجلس...ماغير صوتها الأنثوي الجذاب....وصوت
شهقات أم وليد الخفيفه....ناظرت جدي وعمي ناصر اللي مبتسمين....والابتسامه شاقه وجيهم....ونظراتهم تشع فخر واعجاب....وأنا قلبي يتنافض,....اليوم شفت لها وجه جديد.....قطعني صوتها وهي تتنهد:يالله غردي....وشو صاير؟....
ناظرت نايف...اللي عيونه تناظر بفضول....ولفيت بسرعه لريم اللي قالت وهي تصيح وبصوت مرتجف:جازي خلاص...أبوي بيرد امي....بنعيش حالنا حال الكل...بين امي وأبوي....وبفرح من بين دموعها....صح احلى خبر....
:................
كنت أناظر ريم والجوال بيدها....بلهفه...أبغى اعرف رد فعلها....وعمي ناصر وجدي....والكل مثلي.....قالت ريم بفرح:حياتي انصدمتي صح؟....حتى أنا بالأول انصدمت بعدين فرحت......
قالت ببرود:انتي صادقه.....تتكلمين جد؟....
أنا من البرود ذا كله....مسكت قلبي بخوف....قالت ريم بفرح:اي والله....والحين كلنا متجمعين....وفرحانين...والكل درى ان ابوي بيرجع أمي...
وبصراخ صدم الكل:انتي مجنونه؟.....وباحتقار....وفرحانه بعد....ياكبر فرحتي فيك ياختي...وباستهزاء....وسلطان ولي أمرها....شرايك؟....لعنبو
دارك...أنتي تبغين تخلينا سالفه عند الناس...
قالت بصدمه وهي تناظر الكل:علامك؟....
قالت بحده وببرود:وبكل وقاحه تقولين علامك؟....أولا ياقليلة الأدب....قاعده انتي ببيت المره...اللي عزتك ومتحملتك....أم أخوانك يا آنسه....وأنتي
أكيد بكل وقاحه فرحانه بقرار أبوك اللي مدري وش يبي؟.....وقاعده تعبرين عن فرحتك قدامها...وأنتي حتى ماراعيتي مشاعرها....."انتفضت ام
وليد وهي تصيح....ونايف ابتسم براحه...وريم ناظرت أم وليد بصدمه وخجل....والكل انصدم....واولهم أنا....وجدي وعمي وجيهم تجهمت.....
"كملت بنفس الحده:اذا ماعندك شوي احترام وتفكير بعقلك الغبي.......وزفرت بضيق.....ولا للمره الطيبه اللي ماشفنا منها الا كل خير...خاطر
عندك....حطي خاطر أخوانك.....وراعي مشاعرهم.....ووصلي لأبوك...اني أبيعه مليون مره...وأشرى خاطر أخواني ومرته..... وباستهزاء....
وقوليله يشيل هالفكره الغبيه من راسه....
قالت ريم بألم وهي تصيح:أنتي مالك شغل...والله يرجعها وغصب عنك.....مو شرط موافقتك....مادام أمي راضيه....
قالت بحده ترعب:لا والله أمك موافقه.....وشنو اللي يخليها توافق ترجع ان شاء الله؟.....العشره الحلوة اللي بينهم...اللي قضت أغلب أيامهما
بالمستشفيات....تعالج ضربه....والا الضرب اللي للحين مشوه جسمها....وباستهزاء كبير....شيلي هالفكره من بالك أحسن لك؟.....وبثقه...وأنتي أكثر
وحده تدرين ان كلمتي أنا اللي بتمشي....يعني قولي لأبوك يحفظ ماي وجهه....ولا يفشلنا ويفشل روحه......يبغى يرجعها...وسلطان خاط
شاربه...وحنا أطول منه.....وباستهزاء....والله انه شر البلية مايضحك.....
قالت باعتراض طفله:أمي تحبه...مالك شغل...وخالي بيوافق....
الكل انصدم وعمي ناصر طلعت عيونه من كلام ريم.....بس صدمتنا الكبيره وحنا نسمع ضحكتها المستهزأة...وطلعت عيونا وحنا نسمع
كلامه:ههههه.....ضحكتيني وأنا مالي مزاج...وباستهزاء...أي حب...وهي اللي طالبه الطلاق....ماما...ترا أمي هي اللي عافت ناصر...وماطلقها الا
بلعنة خير ودموع ومحاكم وقضايا...."شفت عيون ريم اللي امتلت دموع....
قالت بصدمه:كذابه...مستحيل...أمي وابوي تطلقوا...لأنهم كانوا مو متفاهمين....طلاق عادي....ومابينهم شيء....وأصلا حتى خوالي يحبون
أبوي....وعمرهم ماجابوا طاريه بالشينه....
قالت بثقه:كل اللي انقال لك كذب....وأنا عرفت من زمان...يكون بعلمك...أبوك وامك....طلقتهم المحكمه...أبوك رفض يطلق...وأمك أصرت على
الطلاق...وطبعا خالك فهد هو الماشي بهالموضوع...وطلع أوراق ترقيدها بالمستشفى لأكثر من مرة.....بسبب الضرب المبرح...وخاصه حالة
سلطان اللي هو تسبب فيها ....ويكون بعلمك بعد....خوالك مايطيقون اسم أبوك....وباستهزاء...وطبعا أنا معاهم بهالشي.....وببرود...قولي لناصر
هالقرار المتخلف....خل يمسحه من قاموسه كله....ويحمد ربه على اللي عنده....وباستهزاء...وخل يحرص على مرته الدانه...اللي بجد حرام
فيه....وأمي قوليله يشيلها من باله نهائيا......
زادت ابتسامة نايف....ونزل راسه.....هنا عصب عمي وخذا الجوال بعصبيه:انثبري...مالمتخلف الا انتي......لاتجبريني ورب البيت أجي أكسرك
الحين....وبعناد...وأنا ماجيت أشاورك...ولا أطلب اذنك وبركاتك....وباستهزاء...لأنك مو صاحبه الشأن....وبأرجع أمك أرجعها....
قالت ببرود:أوووووه حاطيني سبيكر بعد.....حلو.....وبرقه:خاله أم وليد اذا تسمعيني....امسحي دموعك...ولايهمك الكلام...أنا أضمن لك....أمي
مامن خوف منها....وربي ماترجع له أمي الا على جثتي......
شفت نايف اللي يضحك....ووليد اللي يبوسم...ونوف اللي حظنت أمها بفرح....وعمي صرخ:أجل دافنك وماخذها....دام السالفه عناد....وبصراخ
قوي وهو بقمة عصبيته.....والشور مو بيدك...والأسبوع ذا ماينتهي الا وأنا خاطبها....وبتحدي...ونشوف....
قالت بحده:علمن ياصلك ويتعداك....الشور بيدي....وبثقه وقوة وغرور....وأسأل ريم....وأظن انك جربتني بنفسك.....وباحتقار....ولاتجبرني أسوي
اللي مايتسوى....ولاتفكر انك تلوي ذراعي...وباستهزاء...لأنك اذا لويتها بأكسرها...مالي حاجة بذراعي وهي ملويه.....
قال باستهزاء:ليه وش ناويه تسويين؟....
قالت ببرود:أبد...أروح لأدنى رجال...أقول يابن الناس....تراني جايتك خاطبتك بالحلال....ترضى بمها حليله لك.....وأسوق المهر عليه 80ألف....
صرخ بنرفزة:ياحماااااااااااااااره.....انطمي....سويها وشوفي شيصير؟....
ضحكت باستفزاز:ههههههه.......تدري اني ما أخاف منك....وعادي أسويه...ولافيه أي أشكال...مثل ما وقفت بوجه خالي فهد...وماخليته يوافق على
أي واحد تقدم لأمي...بروحله بنفسي وأقوله ياخال....تراني فكيت رباط أمي....قل لأخو مرتك...كانه شاري أمي للحين...فحياه...وحلال عليه
أمي....وأظن أخبار خطبته المتكرره واصلتك....
صرخ بعصبيه:أقولك أنثبري....
قالت ببرود:ياليتها متزوجته هو...ولا أخذت أنت...وشافت الضيم معاك.....وبتهديد....نصيحه...ابعد عن دربي....وتجنب غضبي....وبثقه...وأمي
أمسحها من قاموس حياتك...آخذك أنا ولا تأخذك أمي ....تحرم عليك أمي طول عمرك.....وبثقه...وأنت أظن تعرفني عدل....
صرخت ريم وهي تصيح:لا....
قال بحده:الحين جاي...ألقاك عند الباب منزرعه أنتي وأخوك.....
قالت ببرود:أنتظرك.....
سكر الجوال وهو يحذفه بقهر....ومسك جواله...وحجز تذكره على اول طيارة.....وطلع من البيت وهو منفجر من العصبيه....الكل
منخرس...منصدم.....ناظرت نايف اللي توه يقوم لأمه الفرحانه...وبهدوء:اهدي يمه....ماصار شيء....الموضوع انتهى...
احضنته أمه وهي تصيح بفرح.....ناظرت ريم اللي تصيح بحضن شذى....جدي اللي وجهه متجهم....البنات اللي يناظرن لبعض....الشباب وعيونهم
ناطه.....ابتسمت بداخلي....لك اثنين....اثنيييييين يابنت العم....[/