أنا الشموخ ومارضيت البهاذيل كسرت خشم الوقت من قو ذاتي الفصل الثامن والعشرون 28 - بقلم متميز وموهبه فذه

**الأوضاع تحسنت بشكل عام....ناصر رجع للبيت....واعتذر من أبوه....وتضايق كثير أن الجازي وسلطان طلعوا من
بيته....حاول يشوفهم بس ماقدر....ولاحب انه يصغر نفسه أكثر ويطلب يشوفهم.....
**مشعل أصر ان باكر ملكته....والحفله بعدين....وسط صدمة اهله اللي عارفين برفضه للموضوع.....ومستغربين
اصراره على الموضوع....وفرحوا له....وانتشر الخبر بالعايله كلها والكل فرحان.....
**ناصر وشهد....سمنه على عسل....وشهد تجاهد علشان تبعد ناصر عن عالم النت....وتكمل فرحتهم......
**ريم فرحتها كبيرة....ومرتبكة كثير....من قرب الموعد....ومن اصرار مشعل على الملكه....وخجلانه كثير....وفرحانه
على اصراره....اللي أثبت لها حبه الكبير لها....
**شذى....تحس بالأفكار تذبحها....بس قررت قرارها النهائي....وتحس بالراحه كثير منه......
**خلود ونجد ودانه....لاجديد غير هبال متواصل....ودانه اللي فرحانه ان ريم بتسكن عندهم.....ومستغربه من مشعل
كثير....
**الجازي....الألم بيذبحها كثير....تحس انها ضايعه لاول مرة بحياتها....جدها جاب شهايدها لها....بس مانزلت لها
ولادمعه...وبلغت خالها اللي انصدم...انها بتكمل السمستر الجاي....حاول يثنيها عن قرارها....بس هي أصرت....زعل
عليها...وأمي بعد...وأنوار سفلت فيها...بس هي قالت ما أقدر.....ومصره تسوي اللي مايتسوى علشان يصير اللي
ببالها....
**نايف ووليد....كل يوم طالعين هم وسلطان الجازي....أسواق وعشيات برا....وتقربوا كثير من بعض....سلطان أدمن
عليهم....وهم تعلقوا فيه كثير....واحترامهم وحبهم للجازي كل يوم يزيد.....نايف تخلى عن بروده شوي...وحاس براحه
من كلام الجازي.....ووليد شوي تخلى عن رجته وهباله.....
**عزيز....السهر والتعب هو عنوانه....هالبنت مو عارف يتصرف معاها....وعيونها للحين موفارقته....يتمنى
يشوفها....بس هي عقب هذاك الموقف مالمحها....وناديه بعد ملكة مشعل بيتصرف معاها......
**والباااااااااقي على حالهم.....

طلعت من بيت الشعر وانا مخنوق....كله منهم....ذنب البنت برقبتهم.....مسكني عزيز من يدي بعصبيه....وهو يلفني:أنت
علامك انهبلت.....
قلت بضيق:كله منكم.....أنتم اللي جبرتوني عليها....والله ما أبغاها....
قلت بعصبيه:هيييه أنت....ماحد قالك توافق....حنا قلنا لك....وأنت اللي وافقت.....لاتقلب الأمور على كيفك....
قال بعصبيه....وهو يدزني:كله منك....أنت شككتني حتى بنفسي.....والله ذنبها برقبتك ورقبة جدي وابوها....كله منكم....
قلت بصراخ:مشعل ثمن كلامك.....ترا بكرة ملكتك عليها....
شفت نظراته المتردده....وانصدمت:مشعل ....وبعصبيه....مو تفشلنا وتكسر بخاطر البنت......والله يامشعل اذا ماملكت
بكره....ياموتك على يديني....
قال بألم:مابغاها...والله مابغاها.....
قلت بنرفزة:تراها بنت عمك يالرخمه....بنت عمك.....
قال بحزن:مو لأنها بنت عمي مابغى...أخاف بكرة ماتحملها واتطلقها وتفرق العوايل بسبتي....وبلوم....كل منك أنت اللي
جبرتني....
كنت بأرد عليه.....بس قطعنا صوته البارد والساخر:ليه أنت مره تنجبر؟......
كلنا لفينا له بصدمه......غمضت عيوني بضيق....ليه يارب ليه؟.....ناظرت بمشعل اللي نزل راسه
بألم......وانكساار....أما هو عيونه البارده مسلطه على مشعل....وابتسامته الساخره على وجهه.....قلت بضيق:لا تفهم...
رفع يده بحده....وببرود:فهمت كل شيء.....بس اعتبر الموضوع منتهي ياولد عمي.....ما قول الا ياحيف بس....

كنت قاعده افكر بالموضوع....أحاول ألقى لي منفذ.....والبنات يضحكون على شهد....وريم.....ويعيبون على ناصر
ومشعل....وأنا سرحانه بعالمي...كنت أحس بنظرات شذى الفضوليه....بس ماكنت فاضيه....ثواني ورن
جوالي...انصدمت...توه هو ووليد وسلطان اطلعوا....بس انا رفضت....رديت وصدمني وهو يقول بسرعه البسي
عباتك....واطلعي لي....حسيت بمصيبه...حلفته سلطان فيه شيء....حلف لي انه مافيه شيء...بس يبغى يطلع
معاي....لبست عباتي ولثمتي....وعيوني كانت مكحله...نسيت حتى أمسح مكياجي....طلعت وشفت رجله اللي تضرب
بالأرض بعصبيه...ووجهه مكتم....بس شافني...جاني....ومسك يدي....وأخذني لمكان اول مره أشوفه....بالقصر بس
منعزل شوي.....وجلسني على الكرسي....وجلس قبالي....حط راسه على رجليني....حسيت بتوتره وغضبه....مسحت
على راسه وأنا قلبي يرجف......قلت بهدوء:نيوف حبيبي علامك؟.....
سمعت شهقته وانصدمت....نايف مستحيل يبكي من شيء عادي.....ضليت امسح على راسه....أبغاه يهدى وانا ودي
أصيح معاه....حسيت بمصيبه صايره....هديت نفسي وانا أقول....أهم شيء سلطان بخير....هو حلف لي....كل شيء ثاني
اقدر أتحمله....وراح أقدر أواجهه.....بعد ربع ساعه تمالك نفسه...ومسح دموعه...وأنا سويت نفسي ماحسيت
بشيء....رفع راسه لي....وبانكسار:طلبتك....
قلت بسرعه وثقه:جاك....
قال بألم:وش قولك باللي يذل أخوانك....
قلت بثقه:ماعاش ولا كان....وبجديه....منهو؟....قلي اسمه وأنا أذله له واذل اللي خلفوه....
ابتسم ابتسامه خفيفه...وبألم:مشعل....انصدمت....وكمل.....مشعل ولد عمي....
قلت باستغراب:شسوى لك؟.....
قال بهدوء:سمعته وهو عايف ريم....وانهم غاصبينه عليها....وهو مايبغاها.....وعزيز يتخانق معاه.....امتلت عيونه
بالدموع.....حسيت بخناجر تذبحني...وأنا أسمع كلامه....كلامه ولع النار بجوفي....منو هو اللي يعيف أختي...حسيت
بالذل....وأنا اسمعه يتشكى ويبغى يصيح....وهو يقول ذنبها برقبتكم......
حضنته بألم وأنا أشوف دموعه تنزل من جديد.....ياحسافه يامشعل.....تذكرت فرحة ريم....وشديت على نايف
أكثر....والله لتشوف اللي ماشفته....أجل أنا اختي تنعاف....للأسف عليك ياجدي.....أكيد ذي أفكارك وافكار ناصر....ليه
تذلونا ليه؟.....قومت نايف....وقلت بجمود:ماعاش ولا كان من يذلك....اغسل وجهك....وشوف بعيونك شيصير
الحين؟....
غسل نايف وجهه....ومسكت يده....وتوجهت لبيت الشعر....ونايف منصدم....تنحنحت وبصوت واثق:يبه...في احد
غريب.....
كل الأصوات سكتت....وجاني صوت جدي الفرحان:هلا وغلا...مابه يابوك الا عمانك وعيال عمك....
دخلت بثقه....وبصوت واثق:السلام عليكم....
الكل رد السلام....لمحت مشعل اللي نزل عيونه بالأرض....وعزيز اللي يناظرني بحده.....ابتسمت وأنا أترك يد
نايف...وأقرب من جدي وابوس راسه:كيفك يالغالي؟....
قال بحنيه:بخير دامك بخير....زين طلعت من غرفتك....رضيتي علي....
قلت بابتسامه:أنا راضيه عليك دوم....
طاحت عيوني بعيون ناصر الولهانه...ناظرته ...وبهدوء:كيفك....
ابتسم ببشاشه:أنا بخير دامك بخير.....
لاحظت صدمة الكل اني كلمته....وفرحة جدي....وفرحته هو اللي مو طبيعيه.....نزلت راسي.....وقلت بألم:أنا ماني بخير....
الكل انصدم....قرب لي بحنيه وهو يحضني...وبخوف...:أفا يابوك....ليه تونسين شيء؟.....
لميته أكثر....وأنا أهمس له:ماهقيتها من ياناصر....
تجمد...وبصدمه:ليه؟...وش سويت بعد؟.....
قلت بهمس:ماهقيتك ترضى الذل لبناتك......
بعد عني بصدمه....وبعصبيه:ماعاش من يذلكن وأنا عايش.....لو من ماكان....
قلت بغرور:قد كلامك.....
الكل يناظر بصدمه.....قال بثقه:قولي لي بس من ذلك....وأنا أوريه موته بعيونه.....
قلت بغرور:ماعاش من ذلني....مو الجازي اللي تنذل....
قال باستغراب:أجل منو؟....
قلت بثقه:أنت....وجدي....ذليتوا اختي....
الكل انصدم....قال جدي بصدمه:أنا....
قلت بثقه:ايه...تحسبون انكم لاغصبتوا مشعل على ريم بترتاحون.....وبأسف...أنا ما ألومكم على انكم بتطمنون
علينا.....وباستهزاء....بس للأسف ماعرفتوا من تختارون......
الكل انصدم....صرخ عزيز بعصبيه:بنت.....
شفت عيون أبوي المسلطه على مشعل بغضب....ومشعل منزل راسه بأنكسار.....نزلت عند رجلينه....وبألم:أبوس
رجلك...لاتظلمنا وتذلنا اكثر من كذا.....تراه يتشكى ويقول مابغاها واجبروني فيها....لاتصغر ريم
ياناصر....أرجاك....سو لي هالمعروف.....علشان أذكرك بالزين.....لاتكسرنا أكثر من ماكسرتنا تكفى.....

الكل انصدم....وهم يشوفون ناصر يقومني....ويبوس راسي....ولف لمشعل....وجره من دشداشته والكل منصدم....تفل
على وجهه.....وباستهزاء:ياحسافه يامشعل....توقعت اني بعز ريم لاعطيتك اياها....بس طلعت مو كفو....
قال مشعل بضيق:عمي...
صرخ بعصبيه:جب...لاتقول عمي....وخطبتك من بنتي اعتبرها ملغيه.....واذا انت ماتبغاها مره هي ماتبغاك مليون....
ومشى وهو يمسك يدي....وصرخ:نايف تعال....
قال جدي بضيق:ناصر....حنا عزمنا....
قال أبوي بحده:بجهنم...ماعاش من يذل بنتي ويتمنن عليها وأنا عايش....وبأسف ...بس لو أنه مو ولد اخوي...كان عرفت
اتصرف معاه....ياحسافه بس....
قلت بثقه:لاتتحسف ياناصر.....هو حتى الحسايف فيه حرام....وباستهزاء...أجل رجال طول بعرض....وينجبر....ياحيف
على المرجله بس......
الكل شهق.....ضحك نايف....وغمزت له....
صرخ ناصر:جازي....
ناظرته بضيق....وحررت يدي منه....ورحت مسكت نايف.....ومشيت وياه....واتصلنا نترجى وليد يرجع
لنا....وبالغصب رجع....ورحنا نتمشى.....وأنا احس اني أبغى أهرب من دموع ريم اللي بتغرقني......

انصدمت ودموعي تسيل.....ليه طيب؟.....شفت أبوي وهو يتعذر مني....وجدي الصامت.....وأبوي يأخذني بحضنه
بحنان....وأنا اصيح ليه؟....شنو السبب؟....بكره ملكتي....والله بكرة.....الكل درى....قلت للكل اني أحبه....البنات
وتعليقاتهم علي.....ليه والله حرام؟....حرام عليك يامشعل....حطمت فرحتي.....أنت اللي خطبت....وين راح استعجالك
على الملكة....لهذي الدرجه.....فرحتني يومين....ونكدتني عمري كله...الله يسامحك يامشعل....الله يسامحك....ياشماتة
الناس فيني....ناظرت أبغاها....ماحد بيواسيني غيرها....قلت بألم:يبه وين الجازي؟...
ناظرني بألم:مدري عنها...مع نايف.....
رحت لجوالي بسرعه....وأنا اتصل عليها....ثواني ووصلني صوتها الهادئ:هلا ريم...
من سمعت صوتها انهرت بكي....قالت بضيق:خلاص ريومه....ياقلبي بس....
انهرت بالصياح:جازي تكفين بموت....تعالي بسرعه.....
سكرت الجوال.....ورميت نفسي وانا أصيح....جدي جر أبوي وطلع برا....وأنا أحس بالموت ذبحني....وبكيت مدري
لمتى....وماحسيت الا بالباب ينفتح....وجازي وهي تلمني بحضنها....قلت بألم:بكرة ماراح يكون لي....وبصراخ...وعمره
ماراح يكون لي....عمره.....وجازي تهدي فيني....وتسب وتشتم فيه....لما نمت......

طلعت من غرفتها وأنا احس بالذنب....يابعد قلبي صاحت لما تعبت....شفت ناصر جالس وجدي
جنبه...وأخواني...تعلقت عيوني بعيون نايف...والذنب ماليهن....زفرت وأنا أجلس....قال ناصر:كيفها؟....
قلت بتعب:ماتسر...منجرحه كثير....
تنهد أبوي بغضب....وهو يشتم بصوت واطي.....ناظرني جدي بلوم....وانا ناظرته بقوة.....قام جدي وناظرني:تعالي
معاي لبيتي....
ناظرته بهدوء:بأجلس مع ريم....
قال بحده:قومي معاي.....أبغاك ضروري....
مسك يدي وجاء سلطان معاي....ومشينا....وأنا احس بتصير مصيبه.....وجدي شاد بيده علي....شفت عزيز اللي توه لبق
سيارته...وناظرني بحده....بلعت ريقي بخووف....وتظاهرت بالقوة.....وأنا أمشي بغرور.....بس شافه قال جدي
بهدوء:وينه؟....
قال بضيق:بالاستراحه....
قال جدي بهدوء:تعال معانا....
مريت من جنبه....وشميت ريحة عطره....وبس تعديته غمضت عيوني بقوة.....من نظرة عيونه اللي ترعبني....وتحطم
كل شيء فيني....
جدي بأمر:نومي سلطان وتعالي لغرفتي ضروري....
طالعني عزيز باحتقار....ووتعداني وهو يتبع جدي....دخلت سلطان...لبسته بيجامته....وسرعان مانام...عدلت لثمتي وأنا
أقول لنفسي:أنتي قويه....قويه ياجازي....قويه لاتضعفين.....
ضربت الباب...ووصلني صوت جدي الحاد:ادخلي....
دخلت بثق...وأنا أسلم...وردوا السلام....وجلست قبال عزيز....اللي منزل راسه...قال جدي بهدوء:شاللي صار اليوم.....
قلت ببرود:تصليح غلط....واللي مفروض يصير....
رفع راسه عزيز بحده...ناظرته بغرور ولفيت على جدي....اللي معصب موت.....قال بحده:والغلط تصليحه يكون
بهالطريقه....تذلينه قدامنا....
قلت ببرود:وهو تصرفه صح ...وهو يذل أختي.....ويتشكى مثل النسوان....أصلا الحمدلله عرفناه من البدايه....
صرخ عزيز بحده:احشمي نفسك....
صرخت بحده أكبر:حاشمه نفسي من قبل اشوفك....ترضاها لأختك تنحط بموقف ريم.....وولد عمها مايبغاها وانت تسمعه
بأذنك يتشكى.....
ناظرني عزيز بعصبيه...وأنا اناظره بتحدي....صرخ جدي:بــــس.....أنت ماتحشمون أحد....
زفرنا اثنينا مع بعض....وطالعنا بعض بصدمه...وبعدها كل واحد صد عن الثاني....قال جدي وهو يتنهد:بكرة ملكة
ريم...
فزيت بعصبيه:مستحيل تآخذ مشعل...عقب ماعافها....
صرخ بنفاذ صبر:انثبري...خليني أكمل كلامي....
تكتفت بعصبيه....قال بضيق:ملكتها بكرة على خالد.....
شهق عزيز:خالد....
ناظرتهم بهدوء....وقلبت الموضوع براسي....وبابتسامه:موافقه.....
اثنينهم نطت عيونهم....قلت بثقه:بس مو بكرة الملكة...
ناظرني جدي بملل:وليه بعد؟....
قلت بهدوء:بكرة بيتصل ابوه على خالي.....ويخطب ريم....ويسأل عنه خالي....ويصير كل شيء....
صرخ عزيز بضيق:وخالك شكو ان شاء الله؟....
ناظرته بخبث....ولفيت لجدي بدلع وأنا أمسك يده.....وبهدوء:يبه اللي ماله أول ماله تالي صح......
هز راسه بايه....وهو معقد حواجبه....كملت بهدوء:وخالي هو الوحيد اللي يستاهل اننا ننخطب منه....ورفعت راسي
له...أنا أدري ان رايه ماراح يأثر ولا يسوي أي شيء.....وبهدوء....بس مسألة قدر....وخالي قدره كبير عندنا...وهذا أقل
شيء نقدمه له....
مسح جدي على راسي بحنيه:من عيوني....ربي يكملك بعقلك يالغاليه....وبفضول....بس ليه ماقلتي هالكلام لما مشعل
خطب ريم؟....
ضحكت بصدق....وبصدق قلت:لأني ماكنت أتمنى ريم لمشعل....شفت الصدمه بوجه جدي....كملت بتفسير....كنت أتمنى
تصير معجزة وكل شيء يتوقف....وبهدوء...يبه أنا ما انكر أن مشعل طيب وحنون....ولمست هالشيء حتى وأنا ماني
محتكه فيه....بس لمست فيه شوي ضعف.....وبنظرة بعيده....وريم محتاجه لرجال قوي....ريم بروحها
ضعيفه....وبصراحه...من شفت خالد وأنا أدعي ان ريم تكون من نصيبه....أحسه هو اللي بيصونها ويقدرها....وماراح
أكون خايفه عليها وقتها....
ابتسم جدي بوجهي....وفزيت أنا...وبسته بخده:يالله قلبي....تصبح على خير.....
ولفيت وانرعبت وأنا أشوف عزيز وهو يناظرني بغموض....مسكت قلبي وأنا أسمي....نسيت انه موجود....وطلعت
بسرعه لغرفتي....وأنا أحس نظرات هالأنسااان ترعبني....وتحسسني بالاشمئزاز.....نزعت عباتي ولثمتي....واندسيت
جنب سلطان....وأنا أحس كل خليه فيني ترجف.....يارب خيب ظني...يارب....حقق اللي في بالي.....ولسان حالي يقول...

ليلة مطر شق الرعد جو الانفاس
وامطر جنون العاصفه من حروفي....
اعد واذكر ناس .. وانسى بعض ناس
اشباح ذكرى تسكن اطلال شوفي...
كان الزمان لصادق الحب نبراس
وكان المكان اطهر مكان لوقوفي...
طفولتي ياحلم ياغربة احساس
يابعد شق بخنجر البعد جوفي....
اصرخ ولكن تحتضن صوتي اقواس
وجمرة قلم مرتد تشعل كفوفي...
كل ماتكسر للقلم بيدرالماس
حدر السنابل تورق اغصان خوفي...
وكل ماخرج من معطف الليل نسناس
احاول اخرج من ثنايا ظروفي...
واكتب شعر تنزيل من وحي الانفاس
لعلها تقلب حروفي .. حروفي.....

انتهى البارت هنا....