أنا الشموخ ومارضيت البهاذيل كسرت خشم الوقت من قو ذاتي الفصل الثلاثون 30 - بقلم متميز وموهبه فذه

كنت أباشر الضيوف....وأنا فرحان...أن عمي رضى على مشعل...بس مافاتني نظرات نايف لمشعل....لازم أتفاهم
معاه...ومافاتتني نظرات الألم بعيوون مشعل....عقب شنو الندم ياولد عمي؟......عقب شنو؟....التهيت
بالمعازيم....ورحبت بفيصل....على طلب جدي....بس صدمني جدي اللي ماخلى ترحيب ماقاله...والمجلس كله فز
لفيصل....ونظراته الهاديه.....وذكرني فيها...ابتسمت بخبث....وأنا أتذكر وعد جدي لي....تذكرت قبل أسبوع...لما جمعنا
جدي....تذكرت عيونها المكحله اللي تذبح.....تذكرت كلامها الهادئ....حجتها القويه...لأول مرة حسيت أن أحد قدر يربط
لساني....بس الحمارة ربطته....تذكرت كلامها عن خالد ومشعل....وانصدمت برايها....الصحيح فعلا....انصدمت من
معرفتها لشخصياتهم بالضبط....وعصبت لما قالت يخطب من خالي....بس حسيتها كبرت بعيني....لما قالت
السبب....سمعت كلامها الهادئ والثقيل مع جدي....وانصدمت....اكتشفت قوة اقناع كبيرة بهالبنت....لو أحد قالي انك راح
تأيد أن خالد يخطب من فيصل بيوم....كنت أقلب الدنيا....بس بكلمتين منها...وقفت جنبها...تذكرت عصبية عمي
ناصر....وجدي يهديه....لكذا تأكدت من قرار جدي....وعرفت انه شاف بهالبنت شيء حنا ماشفناه....حنا شفنا
الظاهر....بس....حب جدي كبير لها....للحين كلامه يرن بأذني....قطعني صوت عمي ناصر ووهو ينادي:أبو حمد....
قلت بثقل:سم...
قال بفخر:سم الله عدوك....تعال أشهد على العقد.....
قربت أنا ومشعل وشهدنا على زواج خالد....بناء على رغبته....وحنا الثلاثه كثير قراب من بعض....وتمت الملكه
وباركت لخالد بحرارة....وشفت نظرات جدي اللي تلمع.....وهمس لي.....وطلعت عبوني من الصدمه....وثواني
وارتسمت على فمي ابتسامة فرح...وأخيرا...ووهزيت راسي باالموافقه....ومشى ومشيت ممعاه....بعد مادخلوا خالد على
مرته....والكل بدا يتعشى....وقفت عند المسبح وقال جدي بهدوء:انتظر هنا.....
وابتعد عني وهو يرفع جواله....ويكلم وابتعد عني.....شفت جدي وهو يبعد....وأنا أحس بتوتر...طلعت زقارتي...وقعدت
أشرب منها...قعدت أشرب بتوتر....وتجمدت لما اقتحمتني ريحة عطر صارخ....ويدينها الدافيه تحضني من
ورا....غمضت عيوني وأنا احس براحه اقتحمت ذات ذاتي....وكل مافيني ذايب....وبهمس يذبح وهي تلمس يدي
المرتجفه وترمي السيجارة في المسبح:ليه الزقاير؟....وأنت اللي واعدني.....والا زعلك مني ....خلاك تترك وعدك....
اعذرني يالغالي غصب عني.....
ضغطت على صدري بقوة...وهي تقرب من ظهري....وأنا قلبي يررجف....وكل مافيني انتهى...وريحة عطرها
اقتحمتني اقتحام....
وبهمس مجنون:
لـــي سند ماهو مثـــل باقـــي الناس....
لا هو أب ولا عم..مير هو خال....
من يقول الخال خلي بالساس...
لو هو صحيح ماكان العم زال....
جتني أيام ذبحني الوسواس...
وجتني أيام ولا كنت بالبال...
حدتني الدنيا مثل حدة الفاس....
حدة صغيرة وصار حالها حال....
شلتني من همي والعلل والياس
حررت بقايا انسانه والهم وال.....
قدمت لي باقي أفراحي بكاس...
وخيرك ياخال مايتقدر بمال...
لولا الحيا والخوف لخليك لي لباس...
افتخر فيك باقي العمر أن طال.....

وضحكت بدلع:وسلامتك....وباست كتفي برقه....أبغى رضاك يابو الجود....عمري مارجيت رضا مخلوق غيرك....
كنت مغمض عيوني بصدمه....وأنا أحس بارتباك وتوتر كأني مسوي جريمه....لفتني لها بسرعه....وسمعت
شهقتها....فتحت عيوني...وماقدرت امنع شهقتي....بلعت ريقي مليون مرة وانا أناظرها...كنت أدري انها حلوة....ناظرت
عيونها اللي تذبح...والكحل مدعوج فيهن....والدموع ماليتهم.....ناظرتها من فوق لتحت....وأنا ابغى ارسخ
صورتها...وغرقت بعيونها....وعيونها تناظرني بصدمه.....ووصلني صوت مشعل القريب:عزيــــــــــز...
بسرعه استوعبت...جريتها وراي....وغطيتها بجسمي الكبير...تنحنحت علشان يطلع صوتي طبيعي...وبصوت
هادئ:لاتقرب مشعل...معاي أهلي....شوي وأجيك...
قال بخجل:السموحه...ماكنت ادري...لاخلصت تلقاني بالمجلس.....
بس بعد مشعل ....مسحت وجهي وأنا احس اني انهرت خلاص.....اليوم انتهيت...لفيت لها...وناظرتها وهي منزله
راسها...وشعرها الكثيف...طايح بجاذبية على وجهها....قلت بهمس ذايب...وأنا رايح فيها..:جازي أنا...
ماحسيت الاا ب...طراااااااااااااااااااخ.......ناظرتها بصدمه....ورفعت لي وجهها الأحمر....وبحده:مايحقلك ياولد
عمي....ناظرتها بصدمه...وأنا اشوف فمها اللي يرجف من الغضب.....وعيونها حدتها صارت مدمرة....مايجوز...حرام
عليك تستغفلني....وانا مثل الغبيه...اذا ماراعيت انه حرام...راع عمك اللي يعزك أكثر من عياله...بس حساف.....اقطعت
كلامها وهي تدزني بعنف وهي تركض داخل....وأنا فرحاااااااااان....ويدي على خدي....ابتسمت وسرحت فيها....والله ما
ألوم الغرور اللي عندك دامك بهالحلا....وابتسمت وأنا اناظر جدي بفرح...وبقلبي ربي يخليك لي ياجد.....عيشتني أحلى
لحظات حياتي...والحمدلله انك قلت اني خالها...تذكرت همسها بشعرها...واحترت ليه ياترى زعلان عليها؟.....تنفست
بعمق وأنا احس ريحتها لزقت بملابسي....قرب جدي لي وبفرح وهو يشوف وجهي الفرحان:بشر يابوك...
قلت بفرح:كل خير يالغالي....عزلله انك صادق.....
حضني بفرح....وحنا نمشي...دخلت المجلس وأنا فرحان....اليوم فرحتي مالها حد....أحس قلبي يرقص من
الفرح...تذكرت عصبيتها ولمست خدي بجنون....فديت العاقل أنا....هذي اللي أقدر أأمنها على اسمي وعيالي....هي
وبس....طاحت عيوني بعيون فيصل....وابتسمت له بدون شعور.....حسيت اني حبيته....تذكرت أبياتها....بيت
بيت....معقوله تحبه كل هالحب.....وبتحدي....والله لأخليك تكتبين فيني دواوين....وأنا وأنتي....قطعني من أفكاري
فيها....ضربه على كتفي....ناظرت مشعل بحده....قلت بعصبيه:خير....
قال بخبث:وش صار؟..
قلت ببرود:ماصار شيء....ليه؟.....
قال بغمزة وخبث:كل ذا وليه؟....سرحان وابتسامات يمين يسار...ولا كأنك عزيز اللي البسمه باحسره...ناظرته بنص
عين وأنا ودي أضحك......وكمل بنفس النبرة...وعيون تلمع...وبغمزة...وروج أحمر على كتفك....
قلت بصدمه:احلف....
ضحك بقوة...والكل صار يناظرنا...وأنا أناظره بعصبيه.....وجدي يتوعدنا بعيونه....قال بهمس خايف:وربي....بس
لاتخاف....وعدل غترتي....كذا مو مبين....وبنص عين وهو حابس الضحك...ويقلد صوتي....طفشت يامشعل....ما
أتحملها أكثر...بأطلقها...وافك نفسي.....
ابتسمت ابتسامه واسعه:واللي خلقك بكرة توصلها....ورقة طلاقها....
شهق بصدمه:حرام عليك.....
قلت ببرود:لاتحرم شيء....أنت ماتدري عنه....
قال باستغراب:وانا اللي فرحان قلت هالشهرين طلق نسوانه ...وطول مع هالناديه....وأحسب انك مرتاح معها وتدلع
علي....
قلت ببرود:ليه انت مرتي وأتدلع عليك وأنا مدري......
ناظرني بخوف:عزيز على ايش ناوي؟....
ناظرته بنص عين وانفجرت ضحك....ومشيت وهو يراقبني....وأنا أتمشى فرحان بنفسي ....وأحلم ببكره....وراحه
بقلبي....ماليتني.....وصورتها مو مفارقه خيالي....انفض الكل...وبس بقى فيصل....وحنا...وسلطان لازق فيه.....رن
جواله...ورد بهدوء:هلا والله....عقد حواجبه....وبحنيه...وشفيك قلبي؟...تنهد براحه....ايه الحين كنت
بأناديك....طيب...ريم وين؟....أوكي....حياك....انزلي يالله.....مع السلامه...
قال جدي بهدوء:الجازي....
قال باحترام:ايه ياعم....
وثواني وسمعت تنحنحها عند الباب....ركض سلطان لها...وسمعت ضحكتها....وصوتها الهادئ:هلا قلبي....اشتقت لك
كثير....
قال جدي بصوت عالي:ادخلي يابوك...مابه غريب....
ركزت عيووني على الباب....ودخلت بهدوء...وهي رافعه راسها فوق...وبهدوء:السلااااااام.....
الكل رد السلام....وفيصل قام بسرعه...وهو يفتح يدينه...وهي أسرعت وحضنته بقوة....شفت يدينها اللي تضغط على
ظهره بقوة....وهو يضحك...حسيت بغيرة مو طبيعيه....تمنيت اني فيصل...وأنا اللي بحضنها....وهمس لها
فيصل...وضحكت....وهي دافنه وجهها بحضنه....قال وليد بمرح:طفوله متأخرة جوجو....
قالت بصووتها المبحوح اللي يلعب بقلبي لعب:جب....
طاح وجه وليد...والكل ضحك عليه....وسلطان اللي توه استوعب....جاء وحضن جازي من قوة....ضحك فيصل
بقوة....وبنغزة:جوجو بعض الناس غاروا.....يمه شوفي عيونه تروع....
قالت بدلع:أنت ترووع.....سلطوني يجنن....
وابتعدت عنه...قال فيصل بزعل مصطنع:أفا...وأنا قلت عقب هالغيبه....بيصير الحب كله لي....
عرفت ان قصده بالغيبه....زعلهم...قالت وليد بلقافه:لا سلطان مكوش على القلب كله...وحنا لنا البقايا...قالت بثقه وغرور يذبح:أجل احمد ربك ان لك بقلب الجازي لو بقايا....قلبي مو اي أحد يدخله....ومرح...بنوب بنوب.....
ولفت على فيصل اللي تغير وجهه من دخلت....وبحنيه وهي تمسك يده:كيفك ياقلبي؟...قال بحب:بخير دامكم بخير....ريما وينها؟....
قلت بهدوء:نايمه....وناظرت خالد اللي يناظرني...وبهدوء...مبروك خالد عليك ريم....
قال بهدوء:الله يبارك فيك....
قلت بهدوء:ما أوصيك ياخالد حطها بعيونك...مابغى أسمع ان صايبها ضيم منك.....ماعطيتك ريم الا وانا واثقه انك قدها
وقدود....ومابه احد يستاهلها غيرك....
شفت مشعل اللي نزل راسه...والكل التزم الصمت....ونايف ابتسامته الخبيثه زينت فمه....وخالد تمتم بتسلمين
وسكت....ناظرت ساعتي....وبهدوء:خالي ترا أبغى أروح معاك....
قال بهدوء:حياك...استأذنتي من أبوك؟....
ناظرت عمي بضيق....وبهدوء:ماهوب قايل شيء.....وبكرة أبغى أمشي الدمام....
قال بهدوء:ان شاء الله.....
قال عمي ناصر بهدوء:ليه وش عندك بالدمام؟.....
قالت ببرود:عندي حياتي كلها هناك.....ولفت على وليد....وسلمت عليه...لاتقطعني...بأشوف وجهك قريب.....ولفت على
نايف ووهي تحضنه....أنت عاد اللي لزوم تجي....وقربت من جدي وهي تبوس راسه.....وهمست له....بكلام خلاه
يضغط على عصاته بقوة....وسلمت على عماني....وفيصل يناظرها بتدقيق.....وناظرت ناصر...مدت يدها... وبجفا...
أشوف وجهك على خير....حضنها عمي بقوة....وحسيت قلبي طلع....لا تروحين تكفين لا....وطلعت مع خالها
وسلطان.....حسيت بضيقه من راحت...وجدي معصب...وديته لجناحه...أبغاه يتكلم وهو أبد....ولا كلمه...دخلت جناحي
وأنا متضايق....شفت نادية كاشخه بالقميص الأبيض الشفاف....والمكياج الصارخ...وبس شافتني جتني تجري...وهي
تحضني....تذكرتها لما حضنتني....وحضنها الدافي...ليه عمري ماحسيت بالدفا الا بحضنها؟....بعدت ناديه بقرف..وهي
انصدمت....وأنا مصرر على كل شيء....وبهدوء:اسمعي يابنت الناس...من بكرة تشيلين اغراضك...ولبيت أهلك....
سالت دموعها وانزلت عند رجليني:لاعزيز وربي اموت اذا تركتني....
بعدتها بقرف:كلمه وما أثنيها....من تطلع الشمس تطلعين من بيتي......وأنتي طا...
سدت حلقي بيدينها...وهي تهز لي راسها بلا...وتصيح...والكحل سال...ولعب بوجهها....بعدتها بقرف....وبحده:أنتي
طالق طالق طالق....
وطلعت وأنا أسمع صياحها...ودعاويها....وتحسبها علي....وأنا أقول يارب جنبني حوبتها....يارب.....

كنت بالغرفه أصيح...منقرفه من نفسي....ليه ياجدي؟ حرام والله حرام....تذكرت نظرة عيونه....ليه مصرين تهدموني
ليه؟.....قلت لك لا....مسحت دموعي والكحل السايل على وجهي.....وناظرت انعكاس صورتي بالمرايه....جريت
الفيوونكة من شعري بعنف وأنا أرميها بالأرض....طيب يابو النسوان....انت اللي جنيت على نفسك...أخذت روبي
ودخلت الحمام...بعد ماكذبت على خالي...قلت له بأخذ شور وأطلعه....سالت دموعي تحت الماي الساخن وانا اتذكر ثورة
ريم....صدمتني الغبيه تحسبني ميته على مشعل....بجد نرفزتني بتفكيره....وعاقبتها أسبوع كامل....تعذيب كامل...كانت
تكسر خاطري....بس علشان تتوب الخبله....مصدقه نفسها عايشه قصة حب...والله أن خالد يسواه....المهم طنشت ريم
اسبوع كامل....وانا لاهيه نفسي مشاير وطلعات مع أخواني...أدري قسيت عليها بس تستاهل....وصار يوم
الملكة...تكشخت كشخة عروس....وبس شفت وليد اللي يصفر لي ويتغزل فيني....وأنا أضحك عليه....ونوف أخذت
الدفتر علشان توقع ريم....بالأول ماكنت بأدخل...بس لما شفتهم طولوا....قلبي عورني...أدري بريم...أكثر انسانه مترددة
بالحياة....دخلت لها....ومن شافتني صاحت وهي تحضني....وقعت ونزلت تحت...ودانه وخلود....يتغزلون فيني...بس
دخلنا المجلس الكل انصدم....وعيونهم تأكلني أكل...طنشتهم وأبتسمت بوجه عمتي أم خالد...وهي تقرب لي وبحنيه:بسم
لله ...تبارك الرحمن....
البنات فتحوا فمهم....قالت بحنيه:حصنتي نفسك....
قلت بهدوء:ايه عمه....
ومسكت يدي وبدت تعرفني على النسوان....والبنات فاتحين فمهم...اللي مايعرفونه أني تقربت من عمتي....بسبب مرة
تقرب لمريم مرة خالي الأولى...تصير من خوال طليق عمتي....وتشاركنا بعداوتها....وصرنا ربع على ماقالوا...رغم اني
المره للامانه عمري ماشفتها....بس كنت أسمع مريموه الزفته تسولف لأمي قبل....فاستقليت هالنقطه....علشان امحي
العداوة اللي بيني وبين عمتي.....علشان ريم تعيش مرتاحه....وفعلا صرت قريبه من عمتي....وتأكدت من نظرتي
فيها....انها لساااان على الفاضي....وقلب مافيه أطيب منه.....نزلت ريومه بالزفه وأحس اني بأصيح...الحين ضمنت
حياتها....بقى أهم شيء وارتاح....حياة سلطان....بعدها دخلتها المجلس...وجاني اتصال من جدي يقولي خالك ينتظرك
عند المسبح....رحت طيران بدون تفكير....كنت مشتاقه له مووووت....صار لي أسبوع ماكلمته...يقولي أنتي
متغيره؟....وفيك شيء؟...وصايره تخبين عني؟.....تركتي الدراسه وسكت....وقعدت بالرياض وسكت...أبقى تفسير...لما
ماجاوبته سكر بوجهي...وصار مايدق أبد....رحت طيران ومانتبهت للبنيه العضليه الكبيرة...شوقي لخالي
أعماني...حضنته بقوة...وأنصدمت وانا أشوف الزقارة بيده...خالي جته فترة كان يدخن...وبعدها قطعه...ووعدنا انه
مايدخن...لأننا كنا صغار...وانا وسلطان كنا تقليد بخالي....وشفناه وهو يعمر زقاير...وحنا قلدناه...وقعدنا نشرب...يمكن
أسبوع كامل ...أدمنا أدمان....وسلطان كان يشرب أكثر مني...وصادنا خالي وزفنا...وصارخ علينا...وحلف عن
الدخان...وأنا حلفت عني وعن سلطان....سلطان كان يقعد بالليل يضرب راسه بالسرير....من وجع الراس...وأنا اظل
طول الليل سهرانه معاه....علشان مايعور راسه...وخفت أقول لخالي...كنت أغني لسلطان وأدلك راسه لما ينام....لحد
مانسى موضوع الزقاير بالمره....بعد ماحذرته وهددته انه يقرب لها...لأني عانيت معاه كثير...لأني كنت أشرب شوي
والباقي سلطان ياخذه....
المهم وقعدت أخرط وانصدمت لما لفيته لي....وطلع هو بوجهي....وثواني واستوعبت ان جدي يبغى يحطني قدام الأمر
الواقع....خاصه وهو شافي كاشخه وقعد يمدح فيني.....يبغاها شوفه شرعيه أجل....طيب ياجدي.....ناظرت بعيونه وأنا
اشوف الاعجاب طافح منه....حسيت بغضب.....وصورة طلال تطلع بين دموعي....وأحس ان حلمي بعد هاليوم بعد عني
ملايين الخطوات.....ثواني وقطع عيوونا المتشابكه صوت مشعل....جرني عزيز بسرعه وحطني ورا ظهره...وابتسمت
بسخريه..وأنا اسمعه يقول أهلي...بس وربي لأهينك علشان تكرهني....ضربته كف ورميت عليه كلام....وركضت
للبيت...وهو منصدم....بعدها دخلت غرفتي...مسحت مكياجي...وأنا أحاول ما انزل دموعي....جمعت أغراض وأغراض
سلطان...ودعت الغرفه...وطلعت وأنا انادي الخدم ببيت عزيزوه......ينزلوا الأغراض برا.....توجهت لبيت
ناصر...ورحت لغرفة ريم لقيتها مقفولة...ابتسمت ان شاء الله ربي يوفقك ويسعدك.....طلعت من بيت ناصر...واتصلت
على خالي...بعدها توجهت للمجلس...تنحنحت وثواني ونط سلطان وهو يحضني...وأنا اضحك....بعد مالبسته
ماشفته...دخلت وارتميت بحضن خالي...وأنا أحس بالأمان والراحه...الحين وبس....همست له:آسفه....
همس لي:آسف...
قعد يضحكني لما سلطان حضني من ورا....سلطان غيور علي كثير...وبعدها مناوشاتي مع وليد....وبعدها توصياتي
لخالد....وتحرشي بمشعل علشان يصير رجال...وقد أفعاله.....وبعدها طلعتي من قصر الناصر....ونظرات الزفت
تلاحقني...وجدي وغضبه...بعد ماهمست له"ذنبك كبير يالغالي....ماهقيتها منك...تطلعني لولد ولد وأنا كذا....لو قلت لي
كنت وافقت....وطلعت له بلبس ساتر...ترا الذنب برقبتك يايبه.."
وناصر اللي مايبغاني أطلع...وحزن أخواني....وطلعت وركبنا السيارة....وسلطان هو اللي يهرج...وانا وخالي ملتزمين
الصمت...لحد ماوصلنا الفندق...وطلب خالي لنا عشا...وتحججت اني بآخذ شور...دخلت الغرفة وقفلتها
وصحت..وبابتسامة استهزاء....والحين انا تحت الماي....طلعت وأنا ألف جسمي بالروب....لبست لي بيجامه برمودا
أسود...وبدي اصفر...سرحت شعري على السريع....وتركته منسدل علشان ينشف....رشيت لي عطر...وطلعت وأنا
ارسم ابتسامه....وأنط بحضن خالي...وأنا أضحك....وسلطان يضحك معاي....وخالي....مابغاه يشك بأي شي....لما
اسوي اللي ببالي....