أنا الشموخ ومارضيت البهاذيل كسرت خشم الوقت من قو ذاتي الفصل الحادي وثلاثون 31 - بقلم متميز وموهبه فذه

**ريم وخالد...علاقه رائعه....خالد مال لها كثير....وعرف كل شيء عنها....وريم صارت تموت بشيء اسمه خالد...
عرف شخصيتها...وعجبته كثير....فرض سيطرته عليها....وعرف يوصل لقلبها.....ويعوض أشياء ناقصه كثير عندها...
**مشعل شعور كبير بالخسارة....والألم يحس فيه وهو يشوف فرحة خالد الواضحه بوجهه الهادئ....وشعور الندم يقتحمه
ويهاجمه كثير....وللحين يحس بعلاقته متوترة بينه وبين عمه ناصر...رغم ان عمه سامحه ويحاول مابين له....بس يحس
بعمه للحين قلبه مو صافي عليه.....وشيء كبير بينهم انكسر....وهالشيء يألمه كثير......وحتى نايف بعد....بس نايف
خف من نظراته اللي تموت بعد ماكلمه عزيز.....
**نايف يحس بجزء كبير منه ناقص....فقدها كثير...وفقد كلامها المريح كثيييير.....ويكلمها دايما وبشكل متواصل....
وللحين ينتظرها تنفذ وعدها له.....وتشيل العذاب اللي ساكن قلبه....وكبره سنين....وكله ثقه فيها....أما مشعل للحين حاس
بالاشمئزاز منه....أرخص أخته كثير....وقدامه....وصعبه كثير ياولد عمي.....بس حاول يتجنبه كثير....خاصه بعد كلام
عزيز....وهو احترام لعزيز اسفهه....وقاله يبلغه مابينهم لاسلام ولاكلام....لما الجرح يبرى.....وفرحان لريم...أن الله
عوضها بخالد....اللي الكل يحلف بأخلاقه وعقله.....ربي يرزق الجازي ونوف بمثله.....
**وليد حاس بالضياع....تعلق بسلطان كثير...كان نفس ظله....فقد فرارتهم هو وسلطان ونايف والجازي....كثير....حاس
بالوقت طويل مايمشي....وعلى اتصال معهم...وناوي بأقرب وقت يروح لهم....ويرافقه نايف طبعا....بس يتفرغون....
**ناصر...يحس بالعجز...اشتاق للجازي وسلطان كثير....وده يروح لهم بس خايف منها....ومن ردات فعلها
العنيفه....وخاصه بعد ما أعطى موافقته لأبوه وعزيز....وهو مقتنع بكلامهم....بس الله يستر لا تفجر فينا....ويحسبها
للحين ماتدري....وخايف بينه وبين نفسه يبلغها بالموضوع.....ومايبي ينجرح منها أكثر....يكفي جروحها اللي للحين تنزف منها....ترك هالمهمه لأبوه....وماينكر أنه فرحان لهم....ما أحد بيليق فيها الا عزيز....عساها بس تراضى....
**الجد بعد كلامها أصر انه مابه حد بيردعها غير ذيب الناصر"عزيز"....وماينكر احساسه بالذنب...وتسرعه لأول
مره...بأنه خلاهم يلتقون....وحال عزيز المتغير يعذبه....ويدعي ان راس العنيده يلين...وماتعند....يتوقع منها كل
شيء....وخاصه بعد كلامها اللي عوره.....وللمره المليون تصدمه....وبكل هدوء....وعرف أنها مره عن مليون
مره...وكلامها لو غيرها قايله له....والله يدفنه تحت الأرض....بس منها غير....والشوق لها ولسوالفها الحلوة يوجعه
كثير...وفرقاها هالأسبوع ذابحه....
**عزيز...حاس بالخوف كثير....هالبنت من طلعت بحياته قلبت الموازين فيها....ومن شافها استخف....صورتها ما
تفارقه لا ليل ولا نهار....يألمه تعلقه الكبير قدامها...وحلف انه بيخليها تمووت عليه....مثل ماهو يحبها.....لأول مرة
يحس انه ضعيف والسبب هي....كره كل النسوان ماغيرها....صارله عازب أسبوعبن بالتمام....وماأحد تجرأ يفتح معاه
موضوع طلاقه...وبلغت عمي ناصر...برغبتي بنته....وما فاتني ارتباكه وخوفه....اللي انتقل لي...معقوله
ترفض!!!.....الا اذا نوت موتها....ذيك الحزة قولوا لها ترفض....
**الجازي من ردت للدمام...وهي النهار هبال وضحك....والليل دموع وسهر وأرق...وألم دمر لها روحها.......وأفكار
بتنهيها قريب....تجاهلت جميع اتصالات جدها...وهي حاسه بغصه تذبحها ببشاعه....ونظرة عيونه المقززة...
مافارقتها.... وهي تشعر بالاشمئزاز......والهواجس مشغلتها عن الدنيا واللي فيها.....وأخذت قراراتها النهائيه من
أسبوع....والحسرة تحرق جوفها....والدموع ماتجف من عيونها....واصرارها زاد كثير....
**طلال...الفرح مو سايعه..... حبيبة قلبه ردت....كل يوم مطيح ببيتهم....وهو يتمنى يلمحها بس....بس مايلقى الا
الخيبه...بس يصبر نفسه انها رجعت....خاصه بعد خوفه اللي اقتحمه من ملكة ريم....قال الحين يملكوون لها...وأنا
أنتهي...دايم مأذي أنوار معاه....يبغاها تسليها علشان ماعاد تروح لهم......وخطبته تأجلت الا أجل غير مسمى....بس قرر
هاليومين بيخطبها غصب طيب.....واصراره عليها متملكه.....
**فيصل....حاس بعذابها....بس موقادر يتدخل...وهي مبعدته عن الموضوع...شعور الألم يذبحه...أنها تغيرت
كثير....من دخل ناصر حياتهم...حاول معاها مرة ومرتين وثلاث...بس النكران هو الجواب اللي يلقاه...لما يأس...لأنه
واثق انها اذا ماتبغى تقول مستحيل تقول.....لو تموت....تربية يدينه....من يقدر عليها....ماأحد يعرفها كثره....يدري انها
تعاني....بس مشكله لا كانت الضيقه بقلب الكتوم....ومابه أحد كتوم كثرها......الألم بعيونها وآثار السهر بعيونها تذبح
روحه.....الا ياجازي ياناصر....خلها تشكي منك والله لأذبحك....وأفكها من شرك.....والله خلني أتأكد أنك سبب
وجعها....مايردني عنك الا مووتك.....لو به موتي.....ومرتاح لخالد كثير.....عساه يعوض ريم....ويملأ الفراغ اللي
بحياتها....
**ناصر وشهد...سفرة شهر عسل جديد....حذفوا ولدهم على دانه...وراحوا سافروا....وهم متجاهلين تحلطمها
الكبير...وعصبيتها.....وهم مصممين على أنهم مايضيعون لحظه ثانيه بغبائهم اللي كان بيدمرهم....تصارحوا....وندم
ناصر...وحلف لها انه كان يمزح....وداوى الجرح بطريقته...^_^
**دانه...أمل لاح لها من البعيد....عزيز ليه طلق ناديه؟....عزيز حر الحين....مثلي....آآآآخ ياقلبي....وغرقت بأحلامها
اللي مافارقتها أبد....وشلون تفارقها؟....وبكل موقف يصير....يكبر بعينها....ويبين لها معنده الطيب....اللي مافيه
مثله.... رغم اشمئزازها اللي تظهره للكل.....بس ماهو الا ستار تستر روحها فيه....حب عزيز متمكن منها
كثير....وشلون مايتمكن....وهي ماتشوف من الرجال غيره....بكل موقف تكره نفسها مليون مره....انها مو من
نصيبه....ولولا الحيا والعيب....والله لتخطبه لروحها....مابه أحد يستاهل تعرض نفسها له....غير عزيز الناصر....لاخلا
منه ولاعدم......والحزن على مشعل مافارقها.....صحيح بالأول لامت الجازي....لما عرفت السالفه....بس تخيلت نفسها
بمكانها وعذرتها وعلاقتها ممتازة....سواء مع ريم أو الجازي....بس بقايا شوائب...مترسبه على علاقتها مع
الجازي....رغم انها متأكده أن الغلط راكب اخوها من راسه لساسه....بس ماهان عليها أخوها يتحمل التجريح
كله.....والألم اللي بعيوونه....وشخصيته المرحه....تغيرت لشخصيه ثانيه....يملاها البرود والهدوء والسرحان شوي.....

**بندر...العايش بين السما والأرض....لولا خوفه من أبوه وجده....كان جر أغراضه....وعلى أول طيارة....الحياة هنا
تتعبه كثير....كثير....كل شيء غير....تعود على الحريه....وهنا كتمه على روحه....يبغى يطير ويلقى الراحه بمكان
ثاني.....ينتمي له....
**نواف ومحمد...بنات ومغازل....وصياعه ودجه لآخر حد....وهم مو حاسبين حساب شيء....حالهم حال شبابنا
هالوقت....والمجمعات ملت منهم.....والكل متأزم من طبعهم.....
**سعاد حامل بالشهر الثاني....وفيصل فرحان كثير....وهي متضايقه...لأن جود توها صغيره....بس فيصل رافض فكرة
الموانع نهائيا....وتحاول تقنعه أنه يتركها تأكلها بعد ماتولد....ومصر يحقق حلم حياته....يقول لها أمنيتي بالحياة...
لامشيت بالارض...أدوس عيالي من كثرهم.....وبعد ما كسر خاطرها وهو يقولها ماحسيت بالأخوة عدل...فهد رجال
كبير من صغري....ومها كبيرة ومتزوجه....كنت أتمنى أخوان من عمري لي.....أسرارنا وحده....والجازي حاسه وراها
مصيبه....بس اكتفت بتهدية فيصل المنقهر عليها....وشايل همها.....والتزمت الصمت....لأنها تعرف الجازي مستحيل
تشكي أبد.....
**أنوار....شيء بالجازي صاير....قلبي يقولي....بس أنكرت....هالبنت من ردت مو طبيعيه...تفكر كثير....ونفسيتها
تعبانه....حتى سلطان اللي عمرها ماتعصب عليه صارت تعصب......والدراسه وتركتها...وصايرة غامضه وهاديه
كثير....أي غموض وهدوء؟....وأي عاصفه بيجيب؟....وطلال كل يوم مسوي لنا عرس بالبيت بيخطب...استخف...وأمي
صارلها شهرين وفوق ماتكلمه.....بس هو مصر على الجازي....وأبوي طفر منه....وحلف انه اذا فتح هالموضوع
معاه...مابيخطبها له طول عمره....والحمدلله انثبر....ويقعد يتحلطم عندي.....وكل يوم جارني لبيت عمي فيصل....وأنا
اترجى الجازي تنزل بس يشوفها....بس هي تعصب....وتصير ماتنزل تحت....لما يمل ويتأخر الوقت ويرووح......
وطلال حالته كاسرة خاطري كثير كثير.....
**شذى..تحس بالوحده اللي تخنقها....تحس بالوحده والكل حولها....والأفكار تأخذها لبعيد...والفكرة كل مالها تزيين
بعيونها....ويزيد اصرارها عليها....وعنادها.....وشوقها للجازي قوي....ماتوقعت انها تعلقت فيها كذا....دايما تكلمها
بشكل شبه يومي.....والعلاقه بينهم تقوت كثير.....
**مها الهم اللي بعيون الجازي يذبحها....بنتي ماهيب بنتي....بنتي متبدله....الهم بعيونها مايفارقها...وطبعها الصعب....
صاير ماينطاق....ودايما حابسه نفسها بغرفتها.....طول النهار تحاول تخدعنا بضحكها وسوالفها....وهبالها....بس
ماقدرت تقنعني......حتى سلطان صارت ماتهتم فيه مثل أول....أحس خيالها سارح....وشاغل بالها شيء....ربي يستر
منه...بنتي مو قليلة شر...وماهيب خاليه.....همها نساني ريم وفرحتها....الله يستر منك يابنت بطني......

قعد عمي وهو يزفر بعصبيه....والكل يهديه.....ووليد المنقهر يناظره بضيق......والكل التزم الصمت....والنسوان خافوا
من شكل عمي اللي معصب....قال خالد بهدوء:ريم جيبي ماي لأبوك.....
راحت ريم والخوف بعيونها بسرعه....شرب عمي وهو يزفر بقهر....وأم وليد تصيح:ياويلي على وليدي مالقتوه.....
صرخ عمي ناصر:الله لايرده...الكلب...والله بس أشوفه لأذبحه.....صار رجال....يطلع من البيت البزر...أنا
أعلمه....وبعصبيه....وان سمعتك جايبه سيرته....ببيتي مايصير لك طيب....
صاحت ام وليد ونوف....وريم راحت لهم تركض وهي تصيح....وتهديهم.....قال جدي بهدوء:تعوذ من ابليس....عزيز
دورتوا بالمستشفيات والمراكز....
قلت بضيق:ماخلينا شيء....ياجدي....ماله أثر......
قال وليد بقهر:أووووووووووووووف.......
وعمي يتنفس بغضب وهو يتوعد فيه.....قال جدي بضيق:وأنت ليه ضاربه.؟.....
قال عمي بصراخ:يستاهل الرخمه....ماسك ولد أطول منه ومتضارب معاه...ومدخله المستشفى.....وأبو الولد جاني
يتشكى منه بمجلسنا...يبا جارنا أبو سعود....يقولي فكني من شر ولدك.....ولما سألته قدام الرجال....وانا مكذب
الرجال....قلت نايف مستحيل يضرب.....أنت ضاربه.....يقولي ببرود.....ايه....بس حسافه مامات...بس دخل
المشفى....المرة الجايه...ادخله قبره ان شاء الله....وناظر الرجال....بلغ ولدك.....وأنا تنرفزت منه وضربته قدام
الناس.....ولولا عزيز اللي مسكني عنه...كنت دافنه بأرضه.....
كنت منصدم عمر نايف ماكان عنيف كذا....والولد اللي ضاربه أكبر منه....تقريبا عمره 26سنه...وضخم لما زرناه
بالمشفى....شلون قدر عليه نايف القصير والنحيف؟.....خاصه مع ضخامة الولد...وانصدمت من وجه الولد وهو متكسر
تكسير....يده مكسورة....وراسه مخيط...وعيونه وارمه.....فيه سر....نايف طول عمره بارد....وهادئ......
زفر جدي بضيق:الحين ذا وين نلقاه؟.....لا يروح يسوي لنا مصيبه بعد.....
شهقت نوف بسرعه....الكل التفت لها....قالت بخوف:يمكن راح لجوجو....
بسرعه....قال عمي ناصر:اتصل عليه....وحطه اسبيكر....وربي اذا رايح للدمام اكفر فيه....بس لاتبين لها شيء.....اذا
ماتدري لاتقول لها.....
اتصل وليد مره ومرتين وثلاث......وجانا صوتها المبحوح:هلااااا......
قال وليد بلهفه:هلا والله....شلوونك؟....أخبارك؟.....
قالت ببرود:بخير....شلونك أنت؟.....
قلت بسرعه:الحمدلله بخير.....وبغباء...غريبه ماسألتي عن نايف.....
قالت باستهزاء:وليه أسأل عن أخباره؟....وأنتم متصلين بتعرفون أخباره....الكل انصدم....وكملت ببرود....لا تحاول
تكذب علي مرة ثانيه....وتحاول انك تجر مني سوالف.....
خطف عمي ناصر الجوال من يد وليد....وقال بعصبيه:جازي خليه عندك...الحين بجي وأوريه قدره الخسيس....
قالت بحده:مالخسيس....الا الكلب اللي نايم بالمستشفى.....وزين ماسوى أخوي فيه.....وخيره بالأيام الجايه بيوصله
النذل...
الكل انصدم....وسكت...وعمي عيونه طلعت....قالت بنفس الحده:ونصيحه لوجه الله....لاتوريني وجهك....لأني والله
ماراح ارحمك وقتها صدقني....وبهمس...تدري شنو كنت أتمنى لما شفت نايف....وهو يتصل علي....وشفته بالمطار....
الكل سكت....همس عمي ناصر:ايش؟.....
همست بضيق:تمنيتك قدامي....وبدال الكف اللي عطيته نايف....أعطيك كفوف....كود تشفي قهري منك....
الكل سكت.....قالت ببرود:من يوم يومك متسرع.....وتصدق الناس...وتظلم عيالك وتكسرهم....وبألم...ليه تكسره قدام
الكل؟....ليه ماسألته عن السبب؟....ليه تصدق فيه كلام الناس؟.....وبأسف....صدقني لو سمعت السبب....كان رفعت
راسك بين الناس....وقلت تراه ولدي....
قال بهمس نادم:وشو السبب؟....
قالت بحده صدمت الكل...:مالك حق تعرفه....فقدت هالحق من مديت يدك عليه قدام الكل......وصغرت قدره...صغر
الله....
واقطعت كلامها....وهي تزفر....قالت بضيق:لكذا اقولك....مابغى أشوف وجهك هاليومين...ونايف لا هدأ
بيرجع....عطني وليد....أخذ وليد السماعه....وبحنيه:جوجو كيفه الحين؟....
قالت بحنيه:لاتخاف بخير....بس يبغى له وقت يهدأ....وبألم...مجروح أخوك يانايف كثير....
قال باستفسار:هو عندك الحين....
قالت بهدوء:ايه هو وسلطان قاعدين يسولفون....
قال بغيره مصطنعه:بينام عندكم....
ضحكت:ايه...حره على قلبك...نيوف عندي....وبهدوء:أمك كيفها....
قال بضيق:والله تصيح...هذي هي عندي....وبلهفه...بكلمه هو عندك....
قالت بضيق:مايقدر يكلم احد....عطني أمك....
ردت ام وليد....ومن بين دموعها:طمنيني ياجازي تكفين....
قالت بحنيه:والله بخير....لاتخافين...يتغلى عليك ياخاله....شكل الشوق لي....خلاه يسوي مصيبه ويجيني....
الكل ابتسم من كلامها...ومن كذبتها البيضا....وأسلوبها الراقي مع ام وليد...قالت بحنيه:تكفين يايمه أبغى أكلمه...
سكتت شوي....وبهدوء:نايم ياخاله...تدرين تعب الطريق...وبس جاء نام...بس وعد من يصحى بخليه يكلمك....
سمعنا صوت سلطان وضحكته...وهو يسولف بحماس....وبعدها سكت....زفرت ام وليد بضيق....وبهدوء:بأمانتك نايف
ياجازي....
قالت بعتب:افا عليك ياخاله....ماهقيتها منك....توصيني على اخوي..اللي أغلى من عيوني....وكلها أيام وبيكون عندك ان
شاء الله....بس نفسه يغير جو.....
قام جدي واخذ الجوال من أم وليد وبهدوء:جااازي...
سكتت وأنا نزلت راسي....وتشوقت أسمع كلامها مع جدي.....من شفتها وهي مزاعله جدي....جدي صارحني بأنه ندم
وتهور وتعجل...وأنا أقول بداخلي ليتك متهور من زمان ياجد....انصدمت من ضيق جدي عليها....وفقدها الكبير الواضح
عليه....وابتسمت بحب....من يشوفك ومايحبك...كل شيء فيك غير...غير....
ردت بجديه:هلا يبه....
قال بعتب:هنت عليك يالغاليه كل هالأيام تقطعيني.....
قالت بعتب أكبر:مثل ماهنت عليك يالغالي....وبصدق....وماقطعتك الا لأني للحين متضايقه منك....وماودي أغلط بالكلام
معك.....
الكل انصدم....وأنا ابتسمت وأنا منزل راسي....وربي قويه....قويه كثير....قال جدي بهدوء:سامحيني يابوك....أنا اعترف
تسرعت كثير....وهذا من حبي لك وأنتي أكثر وحده تدرين....وكل ذا لمصلحتك...
تنهدت بألم:بس مو بهالطريقه يابوي....مو بهالطريقه أبد.....
قطعت كلامها...لما سمعنا صوت فيصل:السلام عليكم...وهذا العشا للشيخ نايف..والله تو ماتبارك البيت....جوجو روحي
جيبي الباقي أنتي وسلطون.......من أمك ....وتعالي تعشي معانا....
قالت بهدوء:تصبح على خير يايبه...وسلم على اللي عندك....تصبح على خير...
وسكرت بهدوء...زفر جدي وهو يمسح وجهه بألم.....قال عمي ناصر باستغراب:ليه يبه زعلانه عليك بعد؟....
قال جدي بندم وهو يناظرني:معها حق يابوك....غلطت من غير قصد مني....
قام عمي ناصر وبهدوء:أنا بمشي للدمام على الفجر....
قال جدي بحده:اقضب ارضك....ولا تجيب المشاكل لنا ولنفسك....
قال بعصبيه:يبه...بروح أجيب ولدي...وأشوف عيالي....وبعناد...وولدي مابغاه يجلس ببيتهم....
قال بحده:والله ولدك مالقى الراح هالا ببيتهم....ولاتفشل روحك وتفشلنا....ترى خالها مايدري للحين بكل شيء....ولادرى
بتصير مشاكل مالها اول ولا آخر....وولدك بيرجع لك....وأنا متأكد أنه مهوب غلطان...بس عجلتك الله يهديك.....هي
السبب.....
قال بضيق:يبه غيرت رايك...وأنت كنت معاي....
قال بحده:أنا مع الحق....وهي دومها مع الحق....ولو نايف غلطان قالت انه غلطان.....ولف على وليد...جهز
نفسك...وروح لأخوك...وتروحون تحجزون فندق....لما يهدا أخوك......
فرح وليد وهو مو مصدق....وباس راس جدي:ربي يخليك لي....وصرخ بنوف...قومي جهزي جنطتي....وكثري لي
ملابس....
صرخ ابوه:ليه ناوي تطول؟....
قال بفرح:أكيد...الدمام ماتطوف.....ونايف لا زعل أقشر...ورفع الجوال....وبفرح...جوجو جهزي وعدك...ترا اليوم
باذن الله أنا عندكم.....وبخوف...هي لاتعصبين....بس أنا وجع....وبرومنسيه وهو يمسك قلبه....ياويل قلبي على
هالضحكه....أذووووووب أنا....وشهق بصدمه....وهو يناظر الجوال....وبصدمه وغباء وهو يناظرنا...الكلبه سكرت
بوجهي....
الكل انفجر ضحك....حتى عمي ناصر ابتسم....وجدي بانت ثناياه من الضحك....على وجه وليد الغبي....وتذكر
ملابسه...وقال:الحين نوفوه الخبله....تلعب بأغرضي....
وركض على السلم....وهو يلحق نوف.....حسدته كثير....اشتقت لها...احس قعداتنا ممله بدونها....رغم انها كانت تجلس
ساكته...والا تجرح عمي ناصر...والا تسولف مع أخوانها....بس حضورها كان مالي الكلام....تذكرت كلامها لما فشلت
عمتي ام خالد وناديه....وهم يعيبون على مره....عمتي كانت تبغى تخطبها لخالد....ورغم مستواهم العالي....الا ان عمتي
ألغت هالفكرة من درت أن أخوها يشتغل بياع خضره.....ومستغني عن أموال أبوه وهو مصر على تكوين نفسه بنفسه...
كانت ساكته....الكل مستغرب من تفكير هالولد....ولامه أنه جايب الشقا لروحه....الا لما قطعنا صوتها الهادئ:بالعكس أنا
تعجبني شخصيته كثير....
قال وليد باستنكار:من صدقك....وبضيق....ربي ومنعم علي....ليه أعيش روحي بالشقا؟....
قالت بابتسامه وصوتها المبحوح زادت بحته من الحماس....وصارت نبرته تذبح:هذي ياخوي عزة النفس....وتكوين
الذات...بجد هذا الرجال اللي تحطه على يمناك ولاتخاف جور الزمان.....ماذل روحه حتى لمال هو أكثر الناس له حق
فيه.....بس رجولته منعته....وخلته يبدأ من العدم.....بجد شخصيته وموقفه أعجبني كثير.....وكبره بعيني كثير....ربي
يرزقه ويزيده من خيره.....وبتحدي...وبيني وبينكم الأيام...اذ ماكبر وصار من أعظم الناس.....
بوقتها انصدمت منها كثير....والكل استغرب منها....وجدي ناظرها بفخر....قال وليد باقتناع:يمكن...كل شيء جايز....
وتفرعت السوالف...وأنا عيوني عليها....نظراتها لسلطان اللي كأنها ماتشوف غيره....لمعة عيونها والحب الكبير بس
تطالع له....حسيت برجفه بقلبي...بس كنت منكر كل شيء....سوالفها الهادية مع نايف الهادي....حركات يدينها....مسحت
وجهي بارهاق.....وأنتبهت لمشعل اللي يناديني.....وطاحت عيوني بعيون دانه....عطيتها نظرة غضب....وهي نزلت
راسها بألم....ابتسمت بداخلي بألم....عمري ماكنت لك....ولا بكون...انا وقلبي حر وخضر ومابه أحد....خفت عليك من
الجرح...كنت بأخذك وأنا أشوف الحب بعيونك.....بس خفت عليك من الوجع....وأني مستحيل ماراح أتزوج عليك...لأني
متأكد وواثق....انك مو لي أبد....ولابعمرنا راح نتوافق....أما الحين مستحيل ومن سابع المستحيلات....مجرد التفكير
فيك...خاصه بعد مامتلأ قلبي....والعشق تعمقت بذاتي....عسى ربي يرزقك باللي أحسن مني...وينسيك وجعك مني....يا
اخت الغالي....ومسكت قلبي والشوق راث عبي رثيعه.....هذا فراق أسبوعين وعمل فيك هالعمايل....وش سوت فيك بنت
ناصر....ياولد حمد؟......

اليوم صارت مصيبه....نايف هرب من البيت....دخل اخذ ملابسه....وهو معصب...وطلع وخالتي أم وليد انهبلت...وهو
مارد على أحد....دزني وانا احاول أمسكه...وطلع...وبعدها جاء الكل....وعرفنا أن ابوي ضاربه....لأنه ضارب
رجال...والرجال منوم بالمستشفى...انصدمت معقوله نايف قوي.....نايف قصير ونحيف حيل....وأبوي يتوعد ويتهدد
عليه....وأم وليد تصيح....بعدها الكل طلع يدوره...ومابقى غير ابوي وجدي وعماني....وأبوي متحلف الا يذبحه....وعلى
الساعه وحده ونص بالليل الشباب ردوا....والخيبه مرسومه على وجيهم....ونايف ماله أثر أبد...أبوي ثار
وعصب....ونايف من الساعه أربع العصر مختفي....خالد قالي أجيب ماي لأبوي....جبت له....وأم وليد ونوف
يصيحون...صحت معاهم...والله أنا احبه كثير....خاصه بعد موقفه وكلامه مع خالد بيوم الملكه...صحيح أستحي منه
واخجل....وما أتجرأ اسولف معاه براحه مع وليد....اللي أمزح معاه عادي....بس نايف أحس اني أهابه كثير....وبعدها
قالت نوف: يمكن عند الجازي...
وماصدقوا خبر...اتصلوا على الجازي...وأنا تاكدت انه عندها...من قالت:ألو....وبعدها كلامها مع ابوي القوي...وحنيتها
مع ام وليد...اللي انصدمت منها.....وانصدمت لما جدي اعتذر منها....وبعدها سكرت....وكلام جدي اللي تضايق....وهو
يمنع أبوي يروح الدمام...ولما قال لوليد :تروح انت....فرحت....وخططت أروح مع وليد....اشتقت لأمي كثير....كتبت
مسج لخالد..."أمممم...ممكن أروح مع وليد لأمي...."....شفته قرى المسج....ورفع راسه لي وابتسامته بخده....وثواني
وجاني رده"أمممم....تعني شنو؟....حيرتيني معاك....بعديها لك هالمرة....تقدرين تروحين....بس اذا هان عليك
خلودي....لأني مخطط اليوم نطلع....اذا لي خاطر عندك تبقين.....لأني ماطيق الرياض بدونك.....واذا تبغين
تروحين...روحي درب السلامه.....ماقدر امنع حبيبتي واقولها لا...."
بس وصلني مسجه....حضنت الجوال لصدري بلا شعور...وطاحت عيوني على وجهه وهو حابس الضحكه....نزلت
عيوني...وأنا كل مافيني ينطق بحب هالأنسان وعشقه....اللي نصبني ملكه....كتبت بلا شعور وبتهور"مالي بالروحه...دام
خلودي مايبغاني ابعد عنه....وأنا أشتري ساعات قربي منه....بعمري كله...."
ضحك بسعاده...والكل ناظره...وانا خجلت كثير....قالت أمه باستغراب:علامك انهبلت؟....
قال بخجل وهو يحك راسه:ها...لا...وبغباء...بس وصلتني نكته....
حبست الضحكه...ورفعت راسي...وطاحت عيوني بعيون دانه...وهي تلعب لي بحواجبها....وخلود ونجد
يضحكون...لفيت بسرعه....وطاحت عيوني بعيون مشعل....وهو يناظرني بنظرة غريبه....صديت بسرعه....وتعلقت
عيوني بعيون خالد المبتسمه.....وابتسمت من تحت نقابي....وأنا نسيت الكل...دام خالد معاي....مالي ومالهم...ومال الدنيا
كلها....خالد أغناني عن الكل...انتبهت لصوت المسج بجوالي وفتحته"عسى ربي لايحرمني هالعيون الحلوة.....بكرة
جهزي روحك....بنطلع نتعشى مع بعض...تصبحين على خير...."
وثواني واستأذنوا الكل...وطلعوا...ووليد ودعنا وطلع مع مشعل وعزيز....بعد ماحجز له عزيز تذكره ...وبعد ثلاث ساعات طيارته للدمام....والفرحه تشع من عيونه.....