رواية انا انثى ولكن الفصل الخامس 5 - بقلم lxvcr3

** البارت الخامس **
**
**
**
**
**
**
**
**
**
رهف .. ومين هذي اللي خلتك تقتنع وترجع ..
بسام .. لا تحاولين ماراح يصرح عن اسمها الواضح انها حبيبته بس ما يبي يقول ..
ديم دق قلبها بقوه لما سمعت كلام بسام وشافت ابتسامه سلطان ..
سلطان توه بيتكلم بس الألم زاد عليه وضغط على بطنه بيده وعقد حواجبه من قوه الألم ..
البراء انتبه له .. سلطان فيك شي ..
سلطان حاول يبتسم .. لا شويه الم ويروح ..
فيصل .. شوف وجهك كيف صاير وتقول شويه الم ..
البراء .. من جد .. وش فيك ..
بسام انتبه ليده اللي على بطنه .. بطنك يالمك ..
سلطان كابر وبعد يده عن بطنه وابتسم .. كان الحين خلاص راح الألم لا تقلقون ..
مشاري .. متاكد ..
سلطان .. ايه تطمنو ..
البراء ما كان متطمن حاس انه ياكابر .. وقف وراح له .. طيب قوم معي خلنا ندخل داخل يمكن الجو اثر عليك ..
سلطان .. لا ماله داعي قلت لك انا بخير ..
فيصل وقف .. صدق الجو برد خلونا ندخل لداخل ..
الشباب كلهم وقفو ماعدى سلطان ..
مشعل .. سلطان وش فيك يلا ..
سلطان حاول يوقف بشويش واول ما ثبتت رجوله على الارض ..حط يده على بطنه بسرعه .. اااااااه .. وطاح على الأرض مو قادر يوقف ..
البنات والشباب كلهم خافو وتجمعو عليه ..
البراء نزل لمستواه .. سلطان فيك شي ..
سلطان مو قادر يتكلم وكان عاض على شفته من قوه الألم و يده تضغط على بطنه ووجهه انقلب ازرق ..
البراء بخوف .. سلطان وش فيك وش تحس فيه ..
سلطان تكلم بصعوبه ..خــــــــــــذنــــــــــي لـــــلـــــــــــبــــــــيـــــــت بـــــســــرعـــــه ..
فيصل نزللسلطان ومسك يده وهو يكلم البراء .. يلا بسرعه خلنا ناخذه للمستشفى ..
البراء بخوف كبير على سلطان مسك ايده الثانيه وحاول يرفعه مع فيصل لما وقفوه ..
بسام .. انتو ودوه لاقرب مستشفى وانا راح اقول لعمي عبدالعزيز ..
سلطان بتعب .. لا .. لا .. تــــقـــــــول لــــــــجـــــــــدي .. انـــــا بـــــخـــــيــــر بـــس ابـــــي اروــــــح للــــبــــيـــــت..
البراء .. وش بيته هنا راح نوديك للمستشفى شوف كيف حالتك ..
سلطان .. صـــدقـــــنــــي انــــا راح ارتــــــاح لـــــمــــــا ارــــوح الـــــبـــــــيـــــــت ..
فيصل .. وش راح يسوي لك البيت لازم نروح للمتشفى عشان يشفون وش فيك ..
سلطان حس ان الألم خف شوي .. انا اعرف وش فـــيــني وعلاجي بالبيت تكفون ودوني بسرعه ..
البراء لف على فيصل ..خلاص يا فيصل انا راح اوديه للبيت وراح اكون معه ولو ما صار احسن راح اخذه للمستشفى بنفسي ..
سلطان لف عليهم .. بس تكفون لحد يقول لجدي او جدتي ما ابيهم يخافون علي انا راح اتصل عليهم واطمنهم ..
بسام .. اوك بس انتبه لنفسك ..
البراء .. يلا خلنا نروح ..
ووصلوه للسياره وحرك البراء لقصر ابو محمد ..
بسام .. غريب هالأنسان ..
مشاري .. يكابر بشكل ..
فيصل ... كل هذا عشان ما يخرب علينا جلستنا ..
عزوز .. ان شاء الله يكون بخير ..
الشباب .. يارب ..
اما البنات وقفو بعيد شوي عن الشباب لما شافةو فيصل والبراء يشيلون سلطان ..
ديم من لما شافت سلطان طايح بالأرض وقلبها يدق بقوه وخايفه عليه وتجمعت الدموع بعيونها ولما شافته يوقف ارتاحت شوي بس لسا خايفه عليه .. ولما طلعت سياره البراء على طول دخلت لداخل وراحت لغرفتها ..
اما بقيه البنات يتهامسون ويتسالون وش فيه سلطان ..
.........................................

في السياره ..
سلطان اول ما ركب السياره ضم بطنه بيدينه لان الألم رجع اشتد وغمض عيونه يحاول يتحمل الألم القوي ..
البراء صار يسوق بسرعه لما شاف سلطان بهذي الحاله ..وبعد ربع ساعه وصلو لقصر ابو محمد .. نزل البراء وراح لجهه سلطان وفتح الباب .. يلا سلطان وصلنا ..
سلطان فتح عيونه ونزل رجوله بهدوء .. ونزل من السياره بمساعه البراء ..وديني لغرفتي ..
البراء مسك سلطان ودخله لداخل الفله وهو للحين خايف عليه وطلعه للدور الثاني عن طريق الأصنصير .. ودخل لغرفه سلطان ..وسدحه على السرير بشويش .. وين علاجك ..
سلطان اشر على درج الكومدينه ..
البراء فتح الدرج وشاف علبتين فيها حبوب طلعه وحده .. هذي ..
سلطان اشر ب لا ..
البراء رجعها وطلع الثانيه . اجل هذي ..
سلطان .. ايه .. ومد يده ..
البراء جا وجلس بجنبه على السرير .. ارتاح انا راح اعطيك .. وفتح العلبه .. كم حبه ..
سلطان وهو يضبط جلسته عشان يقدر ياخذ العلاج حبتين ..
البراء طلع حبتين من العلبه وقرب لسلطان وحطاها بفمه واخذ علبه المويا اللي كانت على الكومدينا من قبل وفتحها وصار يشرب سلطان ..
سلطان رفع يده وحطها على يد البراء اللي على العلبه ونزلها .. شكرا ..
البراء وهو يسكر العلبه ..العفو .. كيفك الحين ..
سلطان لسا ما بدى مفعولهم بس ارتاح الحين واصير احسن ..
البراء وقف .. خلني اساعدك تنسدح .. وساعده عشان ينسدح .. تبي تنام ..
سلطان .. لا بس بريح شوي .. وابتسم .. مشكور مره ثانيه ..
البراء رد له الأبتسامه .. ماله داعي الشكر هذذا واجبي .. تبي شي ..
سلطان .. لا تقدر تروح والخدم موجودين لو احتجت شي ناديتهم ..
البراء جلس بجنبه على السرير .. لا مين قالك اني راح اروح واتركك انا اسالك اذا تبي اجيبلك شي ..
سلطان .. بس ماله داعي تجلس انا انشاء الله راح اصير احسن الحين ..
البراء .. اعتبرها طرده هذي ولا ايش ..
سلطان ابتسم .. وانت تتوقع مني اني اطردك .. بس ما ابي اتعبك ..
البراء .. والله ايش اسوي بعد بلشت فيك لازم اتحملك ..
سلطان .. اذا كذا اجل احسن اتعب ..
البراء .. ههههههههههههههههههههه ..طيب ..
سكتو لدقايق ..بعدها قال البراء .. سلطان ممكن سؤال ..
سلطان اللي حس ان الالم خف كثير لف عليه .. اعرف سؤالك .. وناظر السقف .. راح تسال وش اللي صار لي ووش العلاج اللي اخذته صح ..
البراء اللي لسا يناظر فيه ..ايه ..
سلطان ولسا عيونه على السقف ..انا من سنتين بديت احس بهذي الألام ببطني وجدي اخذني لدكتور يعرفه بامريكا وقال ان فيني شوي لخبطه بالهرومنات وهذي الشي ياثر على البطن وعطاني هذا العلاج اللي شفته .. وبكل شهر لو ما اخذت العلاج كل اسبوع مره او تاخرت عليه يجيني هذا الألم وانا هذا الأسبوع ما اخذته عشان كذا جاني الألم ..
البراء .. بصراحه شي غريب اول مره اسمع فيه .. بس بهالزمن كل شي جايز .. طيب الى متى راح يستمر هذا المرض فيك ..
سلطان لف عليه .. والله مدري بس يقول من سنه لاربع سنوات وانا الحين لي ثلاث سنوات ..
البراء .. الله يعينك .. والحين انا اللي راح اذكرك كل اسبوع عن علاجك لاني مو مستعد اشوفك بهذيك الحاله مره ثانيه ..
سلطان ابتسم . خفت علي .. اعترف ..
البراء شال عيونه من على سلطان لما حس بقلبه يدق بقوه من كلام سلطاان .. لا وش خفت عليك بس تعبتني صراحه ..
سلطان اللي عارف انه يمزح .. اجل تستاهل ..
البراء لف عليه .. مالت عليك .. المهم كيفك الحين ..
سلطان .. بخير ولله الحمد.. وايه اتصل على الشباب طمنهم اكيد يحاتون ..
البراء .. ان شاء الله .. ورفع جواله واتصل على فيصل وطمنه .. وبعد ما قفل لف على سلطان وشافه مغمض عيونه .. قال بهدوء .. سلطان نمت ..
سلطان ومن غير ما يفتح عيوونه .. لا صاحي بس اريح شوي ..
البراء .. طيب ..
شوي سمعو صوت رنه رسيايل ..
سلطان فتح عيونه .. هذا كانه جواله .. ورفع يده ودخله بجيبه وطلع جواله .. فتحه وشاف الرساله في الواتس فتحه وكانت من ديم دخل على محادثتها وابتسم وهو يقرا الكلام ..
.. اسفه لو ازعجتك بس ابي اتطمن عليك بصراحه شكلك ما كان يطمني ممكن تطمني .. سلطان انت بخير .
سلطان رد عليها ..
.. تطمني انا صرت بخير الحين وانا اللي اسف لاني خربت الجلسه عليكم ..
شافها تكتب .. وجا الكلام ..
.. لا عادي بس اهم شي انك بخير واسفه اني ازعجتك..
سلطان رد عليها ..
.. ليه تحبين تكرين الكلام كثير .. هذاك اليوم بس تشكريني واليوم بس تتاسفين .. قلت لك عادي .. ومشكوره لانك سالتي عني ..
ديم ردت عليه ..
.. العفو هذا واجبي ياولد العم .. وحطت فيس يبتسم وهو مستحي .. والحين اتركك ترتاح ..
سلطان رد عليها ..
.. اوك .. ربي حافظك ..
سلطان نزل الجوال وشاف البراء يناظره بنظرات استفهام .. وش فيك تناظرني كذا ..
البراء .. مستغرب من الأبتسامه اللي على وجهك والحماس اللي تكتب فيه ..
سلطان وهو يحط الجوال بجنبه .. وليه حاسدني على وناستي مثلا ..
البراء .. لا طبعا عساها دوم بس مين هالشخص الللي خلاك مبسوط كذا ..
سلطان .. انسانه حبت تتطمن علي.. وطمنتها ..
البراء.. ليكون هذي حبيبتك اللي اقنعتك ترجع ..
سلطان .. لحظه انتو على كيفكم خليتوها حبيبتي .. بس هذي الأنسانه باين انها مره تخاف علي وتخاف على مصلحتي وانا بصراحه حبيت هالشي فيها عشان كذا انا مبسوط ..
البراء ويحس بضيقه بقلبه ولا يدري من ايش .. وليه انت تشوف انو بس هي اللي تخاف عليك وعلى مصلحتك ؟؟..
سلطان ضبط جلسته وحط عيونه بعيون البراء بعد ما حس بضيقه البراء اللي بانت بعيونه .. لا مو بس هي .. وبعدين ليه تضايقت فجاءه ؟؟.
البراء بعد عيونه عن سلطان وابتسم منورا قلبه .. ومين قال اني متضايق ..
سلطان رفع يدينه وحطه على وجه البراء ولفه له .. حط عيني بعينك وقول انك مو متضايق ..
البراء دقات قلبه زادت من حركه سلطان .. ولا قدر يناظر فيه ف نزل عيونه للارض .. قلت لك ما فيني شي انت تتخيل ..
سلطان .. اذا انت صادق ناظرني ..
البراء رفع يدينه وبعد يدين سلطان عن وجهه وناظره .. حتى لو قلت لك لا اكيد ماراح تصدقني ..
سلطان .. ومادامك عارف ليه تنكر ..
البراء نزل عيونه .. لاني مو وعارف ليه تضايقت ..
سلطان .. انا ما بانت عليك الضيقه الا لما تكلمت عن البنت .. ليكون غيران منها ..
البراء ابتسم .. لا وش اغار منها يمكن متضايق من شي ثاني بس مدري ايش .. المهم ما علينا .. وش عنت تقول ..
سلطان ابتسم .. ادري انك تحاول تصرف الموضوع بس راح اصدقك هذي المره .. وكنت اقول ان مو هي بس اللي تخاف علي .. حتى انت والشباب بس هي البنت الوحيده ..
البراء .. طيب .. ووقف .. الحين اخليك ترتاح برجع للبيت ..
سلطان .. لا وين بدري راح اطفش لحالي تو الساعه 10 يعني جدي وجدتي ماراح يجون الحين .. خلنا نسولف ..
البراء رجع يجلس . طيب بس على فكره انا جوعان اطلب لنا عشى على حسابك ..
سلطان . ايه طالع عمرك ووش تبي تتعشى ..
البراء يفكر .. امممم .. ابي مشاوي ..
سلطان .. ايه ومن اي مطعم طال عمرك ..
البراء.. اممممم
سلطان .. لا وتفكر انت ووجهك مصدق .. اقول ماك وكثير عليك ..
البراء .. بالله .. وش ماك ياخي انا جوعان ..
سلطان .. مو تقول على حسابي يعني كيفي ..
البراء .. ياربي من هالبخيل .. خلاص انا راح ادفع بس جيب لنا مشاوي ..
سلطان .. هههههههههههههههههههههههههه .. زين توفر .. يلا اطلب ..
البراء .. مالت عليك .. ورفع جواله عشان يطلب ..
.......................................

بعد اسبوع ..
مافيه احداث جديده في الأيام اللي راحت الا ان الشياب بدو يقتنعون بكلام ابو محمد وعطوه الضوء اللأخضر بالتصرف مع احفادهم .. والبراء وسلطان صارو اقرب لبعض وكل الشباب ملاحضين هذا الشي ومبسوطين ان البراء تغير وصار عنده اصدقاء او بالأصح صار فيه حد قريب منه ..
اليوم الخميس .. يوم زواج ساره واحمد ..
الساعه 8 المساء..
في قاعه الرجال ..
الرجال بدو يجتمعون وبدا القاعه تزدحم .. والشباب كانو كلهم موجودين وواقفين بجنب المعرس ويستقبلون الضيوف الا سلطان لسا ما جا ..
فيصل .. البراء كلمت سلطان وش فيه تاخر عمي ابو محمد من زمان جاي ..
البراء .. توي من ربع ساعه مكلمه ويقوله انه جاي بالطريق ..
بسام .. ليكون بس مضيع القاعه ..
البراء .. لا ما اتو... وقطع كلامه صوت رنه جواله .. رفعه وشاف المتصل سلطان .. هذا هو اتصل خليني اطلع برا اكلمه عن الأزعاج .. وطلع لبرا وفتح الخط .. ياخي وينك تاخرت ليكون ضيعت ..
سلطان اللي كان توه داخل القاعه .. لا ما ضيعت وصلت بس ابيك تجيني عن المواقف ..
البراء.. ليه وش فيك ..
سلطان وهو يوقف سيارته .. تعال وتعرف يلا انتظرك ..
البراء.. طيب طيب .. الله يستر منك .. قفل منه وراح لجهه المواقف وشاف سياره سلطان وراح له وفتح الباب وركب .. واول ما لف على سلطان انفجر ضحك .. هههههههههههههههههههههههههههه..
سلطان عفس وجهه .. وجع ليه تضحك ..
البراء وهو يحاول يوقف ضحك .. هههه شك ههههه شكلك هههههههههه يضحك ههههههههههههههههه ..
سلطان ضربه على كتفه .. مالت وهذا انا مختارك من بد الشباب عشان ما تتمسخر علي وانت تضحك ..
البراء .. احم .. طيب هههههههههه .. طيب خلاص .. احم .. مراح اضحك .. وصار يناظر بسلطان مره ثانيه .. كان لابس الثوب والطاقيه وكانت قصته طالعه من قدام والشماغ على كتفه .. بس انت ليه كذا كانك من اطفال العيد .. ههههههههههههه..
سلطان .. خلاص عاد البراء اسكت .. ما عرفت البسها ..
البراء سحب الشماغ من كتف سلطان وشال الطاقيه .. الحين بسام له يومين يعلمك ولا عرفت .. تعال البسك .. وقرب منه ورجع شعرف لورا ولبسه الطاقيه وبعده الشماغ والعقال وضبط له شخصيه تناسب مع شكله .. اوووه كذا طلعت معرس ..
سلطان وهو يناظر نفسه بمرايا السياره ابتسم .. بسم الله علي اهبل ..
البراء .. الحمدالله والشكر جالس تمدح بنفسك .. المهم يلا خلنا ننزل الشباب ينتظروون ..
سلطان وهو ياخذ ساعته من الدرج ويلبسها .. اوك يلا .. وبعد ما خلص نزرو وقفل السياره واتجهو لبوابه القاعه ...
البراء طول ماهم ماشين كان كل شي يلف على سلطان وينازره ويبتسم . وهذا حاله في كل طلعه يطلعونه مع بعض دايم عينه على سلطان مايدري ليه ..
وصلو للبوابه ودخلو وراحو لجهه الشباب ..
بسام .. اوووه اووووه مين المزيون ما عرفناه ..
فيصل .. لا لا شكلك بتغطي على احمد ..
مشاري .. والله وطلعت وسامتك اكثر بالثوب والشماغ ..
بسام .. احم اكيد تعليمي لك ماراح هدر .. شوف كيف طلع شكلك ..
البراء .. ههههههههههههههههههه .. لا يا حبيبي توي مضبطه بالسياره لو تشووفو....
سلطان بسرعه لف على البراء وحط يده على فمه .. اوص يالخايس ما اتفقنا على كذا ..
البراء دقات قلبه تسارعت من قرب سلطان منه ولمسه له .. وتجمد مكانه وحش ان الدنيا حر .. واستغرب من هالحاله ..
مشعل .. ااخ فاتنا شكله اكيد كان تحفه ..
سلطان وهو يبعد يده عن البراء .. اصلا انا بكل حلاتي مزيون ..
عزوز .. خف علينا بس .. ولف على الشباب .. اقول لا تخلونه يدخل معنا ترا راح ياكل الجو ..
سلطان .. شفت اعترفت بنفسك ..
الشباب .. ههههههههههههههههههههه ..
سلطان .. لحظه بس وين راح ندخل ..
مشاري .. هههههههههههه .. يتكلم وهو ما يعرف السالفه .. راح ندخل مع احمد لعند الحري/ ..
سلطان .. اما ندخل لقاعه الحريم .. لا يابوي مو داخل ..
مشعل .. مو بكيفك هذي وحده من عاداتنا ..
بسام .. وبعدين ما تبي حبيبتك تشوفك اكيد موجوده مادامها تعرف عنك كل شي ..
سلطان لف عليه .. وش حبيبتي انت تكذب الكذبه وتصدقها ..
عزوز .. احسن لا يدخل خلو البنات يتمقلون فينا ..
الشباب .. ههههههههههههههههه ..
سلطان .. شكلك مو واثق بججمالك ..
عزوز .. الا واثق وكمان واثق انك انت احلى مني ..
سلطان .. اها كويس اعترفت .. اجل عناد بعزوز راح ادخل ..
عزوز كش عليه .. مالت ..
البراء لف على سلطان .. ما تلاحظ انك للحين ما سلمت ..
سسلطان يضرب على جبته بالخفيف .. يووه نسيت .. خلوني اروح اسلم لا يذبحني جدي .. وراح عنهم وبدا يسلم على المعازيم .. وابو محمد طبعا عرفه على الكل ..
...............................

في قاعه الحريم ..
البنات كانو كلهم عند ساره بغرفتها يحاولون انهم يهدونها لانها مرتبكه لان احمد راح يدخل الحين عشان التصوير بعدين تكون زفتها ..
ديم .. اول مره ادري ان سوير تعرف تستحي ..
ريوف .. من جد حتى بالملكه ما شفتها خايفه كذا ..
ساره .. ريماس تكفين طلعيهم برا هذول بدل ما يهدوني جالسين يوتروني اكثر ..
رهف .. ما عليك منهم بس هذول ما يعرفون شي ..
ريوف ... شوف مين تكلم .. البيبي فيس ..
رغد .. خلوها مسكينه ماخذه بنفسها مقلب انها كبيره وكذا ..
رهف كشت عليهم .. مالت بس .. ورجعت لفت على ساره .. ماعليك منهم ..
ديم رن جواله وهذاا زاد من توتر ساره . رفعته وردت .. هلا يبه .. ايه جاهزه .. طيب .. جايه ..طيب .. وقفلت ولفت على ساره .. يلا تجهزي هم عن الباب ..
ساره .. طيب عمي معه ..
ديم .. ايه ابوي وابوك وحتى اخوانك ..
ساره .. يعني بجلس الحالي ..
ريماس .. ياختي بياكلونك .. كلهم حلال عليك .. يلا بنات خلونا نطلع ..
ديم .. انتو اطلعو وانابتفح الباب واجيك ..
البنات طلعو وديم فتح الباب لابوها وطلعت من الباب الثاني ..
دخلت المصوره وبدت تصورهم ..
اما البنات نزلو لتحت يجهزون لدخله احمد ..
............................................

اقتباس
  {[ اللهم لكـ الحمد والشكر كما ينبغي لجلال وجهكـ وعظيم سلطانكـ ]} 65 
قديم(ـة) 02-02-2016, 10:00 PM
الوعد _ ALWAAD
الافتراضي رد: انا انثى ولكن !!...

في قاعه الرجال ..
مشاري .. يلا تجهزو الحين احمد راح ينزل وندخل معه للحريم ..
سلطان .. باين ان الموضوع جد .. ..
بسام .. وانت ليه تفكرنا نمزح .. يلا بس قدامي ..
سلطان .. لازم يعني .
مشعل .. وانت وش مخوفك لهذي الدرجه ترا ماياكلون ..
سلطان .. عارف بس استحي كل الأنظار راح تكون علينا ..
البراء .. ما عليك خلك بجنبي بس ..
مشاري .. بالضبط انت ما يعرف لك الا البراء خلك بجنبه .. يلا لا نتاخر ..
الشباب طلعو من البوابه اللي تودي للدرج اللي يودي لغرفه ساره وفيه باب ثاني يودي لداخل الصاله .. وقفو هناك ينتظرون احمد والعم سعد والعم راشد وعزوز وسعود.. بعد دقايق نزلو ..
عزوز .. كويس انكم هنا .. يلا امي تقول ادخلو ..
مشاري .. يلا ..
ودخلو على زفه رجاليه .. وكان احمد بالمقدمه وبجنبه ابوه وعمه ووراهم كانو سعود ومشاري وعزوز وناصر ووراهم مشعل وبسام واخر شي كانو سلطان والبراء ..كانو يمشون على الجسر اللي شبه مساوي للارض وكل انظار الحريم عليهم .. وبالاخص على سلطان اللي كانت وسامته تجذب الكل ..
سلطان كان داخل بابتسامه بس لما شاف نظرات الكل عليه توتر واختفت ابتسامته ..
البراء انتبه له وبحركه حاول تكون مو ملحوظه قرب منه ومسك يده وضغط عليها عشان يهديه ولما شاف سلطان لف عليه ابتسم له عشان يهدي ويبتسم ..
سلطان ارتاح من حركه البراؤ وكانه يقوله انا معك ..وابتسم ..
البراء ترك يد سلطان ولف لقدام ..
ولما وصلو للكوشه .. طار احمد بالوسط وعلى يمينه ابوه وعلى يساره عمه والشباب صفو بجنب بعض وكانو على يمين المسرح ..
بدت الفنانه تغني وصارو الشباب يرقصون ماعدى البراء اللي ما يحب يرقص وسلطان اللي ما يعرف اصلا ..
البنات انواع الصراخ اول ما بدو الشباب يرقصون .. وكل واحد رقصه ازين من الثاني . .
ديم كانت متوقعه ان سلطان ماراح يدخل وانبسطت كثير لما شافته وقلبها صار يدق من كثر الفرح لانها ماشافته من بعد هذاك اليوم وتحس نفسها فاقدته .. عيونها ما انشالت عنه من دخل لين ما وقف بجنب البراء ..
رهف .. ماشاء الله تبارك الله على سلطان اوسم واحد فيهم ..
ريوف .. من جد شوفي نظرات البنات كيف تاكله ..
ديم كانت تسمعهم ولفت مكان ما ينظارون وانقهرت .. مالت عليهم ما شافو خير .. بسم الله على ولد عمي بس لا يصكونه بعين ..
البنات .. هههههههههههههههه ..
رغد .. وش فيك تحمستي ..
ديم .. ما تشوفينهم كيف يناظرونه ..
ريماس .. صادقه ديم ما شافو خير ..
ديم .. ربي يحفظه ..
رهف .. اوووووه والله فصيل طلع خطير بالرقص شوفه وش يسوي ..
ريماس .. كلهم مو بس فيصل ..
ريوف .. على ان مو اول مره يرقصون بزواج بس الحين مدري ليه صاير رقصهم حلو الخايسيين ..
رغد .. يمكن لانه كبرو شوفي من متى ما صار عندنا زواج ..
ريماس .. من جد ..
رهف .. شوفو شفو بسام يحاول بسلطان يرقص ..
ريوف .. شكله ما يعرف عشان كذا ما رقص ..
رغد .. بالله كيف راح يعرف يرقص وهو طول عمره بامريكا ..
ديم .. من جد ..
..
..
..
..
عند الشباب ..
سلطان .. بساموه خلاص مابي ارقص وش فيك ..
بسام .. ياخي ارقص خل الحريم يناظرونا تاركيني وجالسين يناظرونك وحنا اللي نرقص ..
البراء .. هههه .. لان رقصكم شين ..
فيصل اللي جا عندهم .. والله لان الحريم هبلات ما يناظرون الا سلاطان كانهم ما عمرهم شافو وسيم ..
سلطان .. في هذي صدقت احس ودي اطلع من كثر ماني طفشت من نظراتهم ..
مشاري اللي جا عندهم بعد ما خلصت الأغنيه .. ها وش تبون اغنيه ثانيه ..
سلطان .. وليه انتو مطولين هنا ..
مشعل .. ما رقصنا على اغنيه وحده بس اغنيه ونطلع ..
سلطان .. بصراحه انا ما اقدر اتحمل اكثر جد طفشت ..
بسام .. اللي يسمعك يقول انك مو متعوج على نظرات الناس لك ..
سلطان .. اي مو متعود في امريكا محد عليه من حد وهنا ماشاء الله العكس تماما ..
في هالوقت غنت الفنانه اغنيه حماسيه ..
بسام .. اذا بتطلع بكيفك انا برقص .. وراحو معه مشاري وعزوز ومشعل ..
البراء لف عليه .. تبي تطلع ..
سلطان .. ايه ..
البراء .. طيب خلنا نسلم على احمد ونبارك له ونطلع ..
سلطان .. يلا .. وراحو لعند احمد وسلمو عليه وواستاذنو منه وطلعو ..
..
..
..
عند البنات ..ديم بنفسها .. ليه بيطلع ما طول ..
رهف .. بنات شوفو البراء وسلطان بيطلعون ..
ريوف .. شكل سلطان مو متعود على الزحمه والأزعاج..
ريماس .. ولا يمكن تضايق من نظرات الناس له ..
رغد .. والله معه حق هالحريم مو شايفين خير ..
ديم . لا يصكون ولد عمنا عين بس ..
رهف .. من جد ..اقول بنات ما تحسون بالفخر ان هذا ولد عمكم ..
رغد .. ههههههههههههههههههههههه .. وليه يعني عشانه جميل ..
رهف .. ايه على الأقل يمديني اتباهى فيه قدام صديقاتي ..
ريماس .. هذا هو ولد عمك لو اخوك وش راح تسوين ..
ريوف .. كان خلته كل يوم يوصلها للمدرسه ..
رغد .. من جد ..
البنات .. هههههههههههههههههههههههههههههههه ..
ديم اقول قومو بس الحين بيجي وقت زفه ساره ..
وقامو البنات وطلعو لغرفه ساره عشان يجهزونها للزفه ..
.................................

بعد ساعه تقريبا ..
طلعو المعاريس من القاعه وراح يروحون للفندق وكان اللي راح يوصلهم عزوز ..ركبو السياره .. وساره تذكرت انها نست الشنطه بالغرفه ..
ساره بحيا من احمد .. عزوز نسيت الشنطه بالغرفه ..
عزوز .. يوه ..دقايق اقروح اجيبها .. الغرفه مافيها حد ..
ساره ما اتوقع ..
عزوز .. طيب .. نزل من السياره ودخل للقاعه وتوه بيروح للباب اللي يوديه للدرج ناداه ابوه عشان ييقلط الرجا على العشى .. وهو رايح شاف سلطان بوجهه .. سلطان تكفى روح لغرفه العروس فوق وجيب منها الشنطه انا ابوي يبيني اقلط الرجال على العشى .. بسرعه ..
سلطان .. طيب بي اخاف فيها حد ..
عزوز وهو يمشي عنه .. ما اتوقع ..
سلطان .. يوووه راح ذا .. وكمل طريقه الى الباب اللي يوديه للدرج وفتحه ودخل وطلع الدرج ولما وصل للغرفه دق الباب ولما ماشاف رد فتحه ودخلو بشويش عشان يتاكد انو مافيه حد .. وفعلا ماكان فيه حد .. صار يدور على الشنطه .. وفي هالوقت سمع صوت الباب ينفتح .. لف جهه الباب وانصدم ..
ديم دخلت للغرفه وهي تكلم جوال .. طيب وش فيك معصب هذا انا وصلت للغرفه .. يوووه احمد وش فيك ليه معصب علي عصب عليها هي هي اللي نستها .. طيب طيب خلاص .. اوف .. باي .. قفلت منه وهي معصبه وصارت تكلم نفسها .. يعني لازم يخرب فرحتي .. وينها ذي الشنطه بعد .. رفعت راسها تدور وانصدمت من اللي واقف قدامها ويناظرها ..
سلطان اول ما انفتح الباب لف عليه وانصدم لما شافها ما عرفها بس انبهر بشكلها . بنت طولها حلو وبشرتها بيضا وجسمها المتناسق اللي كان موضحه فستانها العنابي الطويل اللي كان ماسك على جسمها وكان باكمام طويله بس كان نازل من عند الكتف يعني كتوفها باينه وكانت مسويه تسريحه مرفوعه ولابسه اكسسوارات ذهبيه .. ومكايجها كان ناعم مناسب مع عمرها ..شافها داخله وهي معصبه وما انتبه لكلامها لانه كان مشغول في شكلها بس انتبه لما شهقت ..
ديم شهقت وحطت يدها على فمها .. سلطان ... وعلى طول لفت تبي تطلع وماشافت بوجهها الا الباب اللي دخل منه سلطان وطلعت منه من الفشيله ما تدري وش تسوي ..
اما سلطان .. انفجرعليها من الضحك لان شكلها المتوتر ضحكها وضحكه اكثر لما طلعت من الباب الغلط .. لف يدور عبايه عشان يعطيها ويقدر يطلع .. شاف عبايه معلقه اخذها مع الشيله وراح لعند الباب .. لو سمحتي تراك طلعتي من الباب الغلط ..
ديم سمعت صوته منورا الباب ولفت تناظر حولها واستوعبت .. وبنفسها جد غبيه وش طلعني من هنا .. وش اسوي الحين كيف راح ادخل عنده مرهثانيه ..
سلطان لما شافها ساكته .. احم خذي جبت لك عبايه وشيله البسيها وادخلها عشان اقدر اطلع ..
ديم بنفسها .. والله ذكي هالانسانه ويلموني فيه فديها .. يوووه انتي فاضيه تتغزلين فيه الحين .. فتحت الباب شوي وشافت سلطان يدخل يده بالعبايه .. اخذتها بسرعه وقفلت الباب .. لبست العبايه والشيله رمتها على وجهها وفتحت الباب بشويش ..
سلطان لما انتبه للباب ينفتح بعد عنه عشان يعطيها مجال تدخل ..
ديم دخلت وعلى طول مشت جهه الباب الثاني بتطلع ..
سلطان .. لحظه لو سمحتي ..
ديم من غير ما تلف عليه .. نعم ..
سلطان ابتسم لما عرف صوتها .. اوه انتي ديم بنت العمي .. طيب اسمعي وين شنطه ساره ..
ديم لفت عليه .. يوه حتى انت جاي تاخذ الشنطه .. وراحت لها واخذتها .. هذي هي ..
سلطان .. ايه عزوز قايل لي اجيبها .. وراح لعند الشنطه .. طيب شكرا ..
ديم لما شافته قرب بعدت وقلبها يدق بقوه .. نزلت راسها .. العفو وبسرعه لا يعصب علي احمد ..
سلطان ابتسم .. اوك .. وعطاها ظهره ومشى متجه للباب .. وقبل ما يطلع .. ديم ..
ديم اللي استغلت الفرصه ولفت تناظره ارتاعت لما ناداها .. هاه .. اقصد هلا ..
سلطان ابتسم على ارتباكها .. اسف .. وفتح الباب وطلع ..ديم بالبدايه ما عرفت على ايش يتاسف ولما استوعبت .. يوووووه اكيد قصده انه شافني .. ياربييي وش هالفشيله .. شالت الشيله والعبايه وراحت تناظر نفسها في المرايا .. يوف ياربي شافني كذا .. احراج وقسم .. ووجهها صار احمر وهي تتخيل ان سلطان شافها وهي كذا ..
..
..
..
اما سلطان اول ما طلع من الباب حط يده على قلبه يحس انه صار يدق بقوه لما شافها .. وخصوصا لما عرف انها ديم .. ابتسم ونزل من الدرج .. واول ما فتح الباب شاف عزوز قدامه ..
عزوز .. وينك ياخي تاخرت ..
سلطان .. هاه .. ايه مالقتها بسرعه ..
عزوز اخذ منه الشنطه .. طيب مو مشكله . ومشى بسرعه لبرا ..
سلطان لف بيمشي وشاف البراء جاي له .. وينك انت عجزت وانا ادورك ..
عزوز كان يبيني في شغله .. وش فيك ..
البراء .. عمي يدور عليك ..
سلطان .. يلا نروح له ..
ومشو لداخل المجلس ..
.................................................. ..

الساعه 3 الفجر ..
القاعه فضت مابقى الا العيله ..
عند الرجال كانو يشيلون الأغراض والحوسه ..
ابو محمد .. سلطان سلطان تعال ..
سلطان راح لجده .. سم يبه ..
ابو محمد .. جدتك متصله علي تقول انها تعبت وتبي تروح للبيت انت روح وصلها انا بساعدهم ..
سلطان .. طيب يبه ليه ما تروح انت وبنفس الوقت ترتاح وانا اساعدهم واذا خلصنا جينا ..
ابو محمد .. لا ما يصير انا الكبير .. والحين يلا روح جدتك تنتظرك ..
سلطان ما يقدر يرفض لجده طلب .. سم طال عمرك .. واتجه للبوابه وقبل ما يطلع شافه البراء ..
البراء .. على وين ليكون تهرب من الشغل ..
سلطان .. لا وين اهرب بس جدي قال لي اودي جدتي للبيت ..
البراء .. اها .. اذا كذا خلاص مسموح ..
سلطان .. على اساس اني انتظر منك السماح .. اقول بس وخر ..
البراء .. ههههه .. طيب روح..
سلطان طلع من القاعه واتجه لسيارته ركبها وراح لعند بوابه قاعه الحريم .. واتصل على جدته ..
..
..
..
داخل قاعه الحريم ..
ديم .. يمه تكسرت رجولي ابي ارجع للبيت ..
ام ديم .. اصبري نيخلصون الرجال ونطلع سوى ..
ديم .. وش يصبرني كل البنات راحو ما عدى انا ..
ام ديم .. والله هم عندهم اخوانم يودونهماما انتي اخوك وابوك مشغوليين ..
ديم .. يوووه و الحل يعني ..
ام محمد لفت عليه بعد ما قفلت من جوالها .. يا ام احمد انا بطلع الحين خليني اوصلها على طريقي واذا انتي بتروحين حياك والرجال متى ما خلصو بيجون ..
ديم .. يمه من جد خلينا نروح مع خالتي ..
ام ديم .. من جد انا حاسه بالتعب .. يلا بس خليني اعطي بو احمد خبر ..
ديم وهي تلبس عبايتها .. واخيرا ..
ام ديم .. لا تنسين تشيلين الشنطه معك ..
ديم .. طيب ..
ام محمد .. يلا انا انتظركم بالسياره ..
ديم .. لحظه خالتي بجي معك ..
وطلعو من القاعه وديم ما كانت تدري ان سلطان هو الليراح يوصلهم على بالها عمها ابو محمد .. ركبت ام محمد قدام وديم وراه وهي للحين ما انتبهت للي يسوق لانها كانت قاطه الشيله على وجهها وما تقدر تشوف زين ..
ام محمد وديم .. السلام ..
سلطان .. وعليكم السلام ..
ديم بسرعه رفعت عيونها للمرايا لما سمعت الصوت وعرفت انه سلطان وحست بالاحراج ..
سلطان .. ها يمه نمشي ..
ام محمد .. لا انتظر خالتك ام احمد بتجي ..
سلطان ابتسم وبنفسه .. يعني اللي ورا ديم ..
شوي جات ام احمد وركبت ورا وكانت ورا سلطان .. السلام ..
الكل .. وعليكم السلام ..
سلطان حرك السياره .. كيفك خالتي .. والف مبروك زواج احمد ..
ام احمد .. الله يبارك فيك يا ولدي وعقبالك يارب ..
سلطان ..تو الناس يا خالتي ..
ام احمد .. اي كلها كم سنه وتتزوج ..
ام محمد ان شاء الله .. وبخاطرها .. انا مو مخوفني الا سالفه الزواج كيف راح تعدي .. الله يستر بس ..
سلطان .. واخبار الزواج عسى انبسطتو ..
ام احمد .. الحمد الله بس تعبنا كثير ..
سلطان وابتسامته مافارقت وجهه .. الله يعطيكم العافيه ..
ام احمد .. الله يعافيك .. الا وش سويت بالعالم يا سلطان ..
سلطان .. ليه وش سويت ..
ام محمد .. ام احمد قصدها لما دخلت مع الرجال كل يسال مين تكون ..
سلطان .. يوه يا يمه عيونهم اكلتي وش دعوه اول مره يشفون واحد مزيون مثلي ..
ام احمد .. بصراحه اول مره اشوف واحد يمدح نفسه كذا ..
سلطان .. واثق الخطى يمشى ملكا يا خالتي ..
ام احمد .. ايه وانت الصادق مع اني مدري وش تقول ..
الكل .. ههههههههههههههههههههههههههههههههههههههه ..
سلطان .. اهم شي انك موافقتني الراي ياخالتي ..
ام احمد .. ايه ماعليك ..
وفي هالوقت وصلو لبيت العم راشد ..
ام احمد وهي تنزل ..الله يعطيكم العافيه ..
ام محمد وسلطان .. الله يعافيك ..
نزلت ام احمد ووراها ديم ..
ام احمد .. يمه سلطان افتح الشنطه ..
سلطان فتحها ..
ام محمد .. انزل يمه ساعد خالتك ..
نزل سلطان وراح لورا السياره وشاف ديم بس اما امها دخلت للفله ..ساعده وطلع الشنطه ..
ديم وهي تمد يدها عشان تاخذها .. شكرا ..
سلطان ابتسم .. راح اوصلها للباب ..
ديم .. لا ماله داعي ..
سلطان .. الا له داعي ومشى عنها وحط الشنطه عند الباب ..
ديم ابتسمت ومشت وراه .. مشكور ..
سلطان .. العفو .. وشاف ديم وهي بتدخل ..ديم لحظه ..
ديم لفت عليه .. هلا ..
سلطان ابتسم .. انتبهي لنفسك .. ومع السلامه .. ومشى من غير ما ينتظر ردها .. ركب السياره وحرك للقصر وهو مبسوط ..
اما ديم من كثر ما قلبها يدق تحس انها مو قادره تتنفس .. مره مبسوطه من اهتمام سلطان فيها .. وبنفسها ربي يحفظك ..ودخلت لداخل ..
...........................

اليوم الثاني ..
الساعه 8 المساء..
كان ابو محمد مسوي عزيمه بقصره بمناسبه زواج احمد وساره وبنفس اليوم هذا راح يسافرون يعني منها عزيمه ومنها يودعونهم ..
في مجلس الرجال ..
عزوز .. ها سلطان متجهز للجامعه .. ترا ما بقى الا يوم ..
سلطان .. ااكيد مو متجهز بس الا متحمس وابي بكرا يمر بسرعه ..
مشاري .. والله انت غاوي شقى انا متضايق ان الأجاه خلصت وانت تقول متحمس ..
سلطان .. لو انك مثلي طول عمرك عايش برا واول مره تدرس بديرتك راح تتحمس مثلي ..
بساام .. ولا فيه امل نصير مثلك اثاصلا .. انا مبسوط بصراحه لان الأحد عندي اوف ..
مشعل .. وجع جدولك فله انت ..مو انا ما عندي ولا اوف ..
الباء .. حى انا ماعندي ولا اوف وانا عكسكم مبسوط لاني بداوم ..
عزوز .. وش صاير بالدنيا متى انت تنبسط بالدوام ..

البراء .. لا مو مبسوط بالدوام بس متحمس لان سلطان راح يكون معنا ..
مشاري .. من جد حنا كيف مافكرنا فيها كذا ..
فيصل اللي توه جاي لهم لانه كان بالعياده عنده موعد لاسنانه .. السلام ..
الشباب .. وعليكم السلام ..
فيصل وهو يجلس .. وش الشي اللي متحمسين له ومافكرتو فيه ..
مشعل .. كنا نتكلم عن الجامعه والبراء يقول انه متحمس لان سلطان راح يكون معنا..
فيصل .. من جد حتى انا متحمس ..
بسام .. اوف كيف فاتتني ذي .. خلاص انا راح اداوم يوم الأحد بس عشان سلطانوه ..
سلطان .. اول شي لا تقول سلطنوه وبعدين ليه لهذي الدرجه متحمسين ترا مو اول مره بحياتي ادرس ..
عزوز .. صح مو اول مره تدرس بس اول مره تجي لجامعتنا ..
مشاري .. مدري ليه احس ان بدخول سلطان للجامعه راح تصير مغامرات ..
مشعل .. على طاري المغامرات .. سلطان تراه فيه شله بينا وبينهم عداوه لازم نعرفك عليهم ..
سلطان .. بعد عندكم اعداء ..
بسام .. اكيد مو حنا عيال ال.. لازم يكون عندنا اعداء . ومو سهلين كمان ولازم تحذر منهم ..
سلطان .. اوف لهذي الدرجه ..
مشعل .. وكثر.. بعد بكرا راح تشوفهم وتحكم عليهم بنفسك عاد انت ماشاء الله عليك خبره بقرايه الوجود ما يحتاج نعلمك ..
سلطان .. حمستوني اكثر بصراحه ..
بسام .. اقول شباب مو كان البنات من زمان ما سوو لنا مقلب ..
سلطان .. شكلهم نسو ..
مشاري .. هههههههههاااي مستحيل ينسون هذول لو بعد سنه راح يسسونه ..
فيصل .. صح بس تاخرو هالمره كثير شكلهم ناوين على شي كبير ..
سلطان جات بباله فكره وابتسم ..وش رايكم اعرف لكم اذا يخططون على مقلب لكم اليوم ولا لا ..
فيصل .. وكيف راح تعرف ان شاء الله ..
سلطان .. لا يا بعدي انا ما انسال هذا السؤال .. بس انتو قولو تبون تعرفون او لا ..
بسام ..اكيد نبي نعرف ..
سلطان .. اصبرو بس افكر لكم بخطه نعرف فيها اذا راح يسوون مقلب اليوم او لا ..
........................................

في مجلس الحريم ..
البنات كا عادتهم جالسين بوحده من الزوايا ..
ريوف .. ها بنات جاهزين للمقلب ..
ديم .. ريوف وانت مصره للحين ..
رهف ..ديم تراك ازعجتيني اذا ما تبين تسويين المقلب معنا لا تجين ..
رغد .. لحظه انتو متاكدين انه راح ياثر فيهم ..
ريماس .. انا ما اتوقع بس نجرب ..
ريوف .. ما عليكم هذا مجرب صاحبتي قالت لي عنه وانهم جربوه مع عيال عمامهم وضبط ..
رهف .. مادامه مجرب اكيد راح يضبط .. بس متى راح ننفذه ..
رغد .. وش رايكم بعد العشى يكون احسن ..
ريوف .. من جد بعد العشى احسن ..
ريماس .. بس لحظه الحين وين راح نسويه ..
ريوف ما عليك انا اخترت المكان .. سالت الخدم اذا فيه غرفه خارجيه محد يستخدمها قالت لي ايه فيه ملحق .. نسويه هناك ..
رهف .. وااااو تحمس .. تخيلت اشكال الشباب كيف راح تكون ..
ديم واللي كانت تفكر بسلطان وماتبيه يتاذن ما كانت موافقه على المقلب بس البنات ما عطوها وجهه ..
رغد .. يارب يحطون العشى بسرعه ..
.....................................

اقتباس
  {[ اللهم لكـ الحمد والشكر كما ينبغي لجلال وجهكـ وعظيم سلطانكـ ]} 66 
قديم(ـة) 02-02-2016, 10:02 PM
الوعد _ ALWAAD
الافتراضي رد: انا انثى ولكن !!...

بمجلس الرجال ..
سلطان .. لقيتها ..
بسام .. ايش هي ..
سلطان وقف .. تدقايق والخبر عندكم ..
مشاري .. ايش راح تسوي ..
سلطان راح تعرفون بعد شوي ..وتركهم راح لحامد ولد عمته اللي عمره 15 واخذه معه لبرا.. اسمع حامد ابيك بخدمه ..
حامد ابتسم .. سم ..
سلطان ابتسم له .. شوف ابيك تروح للبنات .. هم ما يتغطون منك صح ..
حامد .. ايه صح ..
سلطان .. زين .. شوف ابيك تروح لهم وتقول لم انك سمعتنا حنا الشباب وحنا نخطط اننا راح نسوي مقلب فيهم اليوم .. وشوف ايش يقولون لك وياويلك تقول لهم اني انا اللي مرسلك .. واذا سويت الشي اللي قلتلك عليه ابشر باللي تبيه ..
حامد بفرحه المراهقين .. ابشر الحين اروح .. وتركه ودخل عند الحريم ..
اما سلطان ابتسم ووقف ينتظره ..
..
..
..
عند البنات اللي كانو يسولفون ..
جا لهم حامد . ها بنات ..
البنات .. اهلين حامد..
حامد.. عندي لكم خبر خطير بس ايش لي ..
ريوف باستغراب .. وش هو الخبر ..
حامد .. اول شي قولو لي ايش لي .
ريماس .. ابشر باللي تبيه لو كان الخبر يستاهل ..
حامد .. لا اكيد يستاهل ..
رغد .. طيب قول ولك اللي تبيه ..
حامد قرب منهم .. توي من شوي سمعت الشباب يتفقون على مقلب راح يسووونه لكم ..
البنات .. احلف ..
حامد .. اي انا سمتهم من شوي ..
رهف .. حياوين تو ماردينا لهم المقلب ويبون يسوون فينا مقلب ..
ريوف شكلهم شافون تاخرنا وقررو انهم يمقلبونا ..
رغد .. يعني ايش نكنسل مقلبنا لهم اليوم ولا كيف ..
ريوف .. لا طبعا ماراح نكنسل .. ولفت على حامد .. سمعت ايش راح يسوون ..
حامد .. لا بس اللي سمعته انهم راح يسوون لكم مقلب ..
ريماس .. مالنا الا اننا نقدم المقلب ونسويه الحين قبل ما يسوون مقلبهم ..
رهف .. من جد ..
ريوف .. صح كلامكم .. ونخلي حامد يساعدنا مدامه جا قال لنا ..
حامد .. ايش تبوني اسوي ..
ريوف .. ابيك الحين تجمع الشباب بالملحق اللي برا وتقول لهم انك سمعت صوت هناك وماتدري ايش ...
حامد .. طيب .. بس لا تنسون البشاره ..
رغد .. وش بشارته .. ياذكي اسمها مكافئه .. طيب ماراح ننسى بس بعد المقلب ..
حامد .. طيب الحين اقول لهم .. وطلع من مجلس الحريم وشاف سلطان ينتظره ..
سلطان اول ما شافه سحبه بسرعه .. ها وش قالو لك ..
حامد قاله كل الكلام اللي قالوه البنات حتى على جمعتهم بالملحق ..
سلطان ابتسم .. اوك حلو .. خلاص قولي وش تبي عشان اجيبه لك ..
حامد يفكر .. بفكر واقولك ..
سلطان .. اوك .. ورجع للمجلس بحماس ..دخل وراح لعند الشباب .. جبت لكم الخبر ..
مشاري .. ها بشر ..
سلطان .. البنات مخططين لمقلب وراح يسوونه لنا بالملحق بس ما عرفت ايش المقلب ..
بسام .. بالملحق .. وش راح يسوون يعني ..
عزوز .. ليكون مسوين اشباح وحركات غبيه ..
سلطان .. ما اتوقع بعد اخر مقلب سووه اشوف ان تفكيرهم اكبر من كذا ..
مشعل .. طيب انت شغل عقلك وتوقع ايش الأشياء اللي ممكن انهم يسوونه لنا بالمقلب ..
سلطان .. اممم يمكن مجهزين لنا شي هناك ..
فيصل .. شي مثل ايش ..
سلطان .. مدري بصراحه مو قادر اتوقع .. بس وش رايكم نروح ونشوف ..
مشاري .. ما دامهم قالو لحامد انه يقول لنا الحين اكيد لو رحنا راح ينجح مقلبهم لازم نعرف ايش مخططين لنا قبل ما نروح ..
سلطان .. امممم .. طيب هم اكيد انهم راح يكونون موجودين هناك صح ..
بسام .. صح .. وش تفكر فيه ..
سلطان ابتسم .. ليه ما نمقلبهم قبل ما يمقلبونا ..
مشعل .. صح بس كيف ..
عزوز .. يعني انت عندك فكره ..
سلطان .. ايه .. قومو معي ..
قامو الشباب كلهم وطلعو من المجلس .. راحو لورا الفله لان الملحق هناك .. وتخبو لما شافو البنات طالعين من باب المطبخ الخلفي ..
سلطان بهمس .. حلو ما تعبنا نفسنا طلعو لحالهم ..
بسام بنفس الهمس .. ايش راح تسوي ..
سلطان شوفو انا الحين بروح اطفي الأنوار كلهم اللي هنا .. وانتو مجرد ما تطفى الأنوار ابيكم تتسحبون وتدخلون للملحق .. وطبعا البنات راح يصرخون اول ما تنطفي الأنوار والباقي عليكم ..
بسام ابتسم .. ابشر .. عاد هذي للعبتي ..
سلطان .. اوك .. وراح عنهم وطفى الأنوار وابتسم لما سمع صراخ البنات ..
..
..
..
عند البنات كان متجهين للملحق عشان يتخبون وراه ويشوفون ايش راح يسوون العيال لما يدخلون للملحق بس انصدمو لما شافو الأنوار كلها تننطفي وصار يصارخون ..
رهف تتمسك بديم .. يمممه وش اللي طفى الأنوار ..
ريماس .. اكيد فيه مشكله بالكهرباء ..
ريوف .. ما اتوقع لان اكيد فيه مولد احتياطي ..
رهف بخوف .. ايش قصدك ..
ريوف .. مدري مو فاهمه شي ..
ديم من الخوف ساكته ..
رغد ... بنات تسمعون ..
ريوف .. وش ما اسمع شي .. لا تخوفينا انتي بعد ..
رغد .. مدري كاني سمعت شي .. يمكن اتخيل ..
..
..
..
عند الشباب ..
اول ما طفت الأنوار مشو وكانو راح يدخلون للملحق ..
مشاري .. لحظه شباب هم كانو يبونا بالملحق يعني مجهزين لنا شي هنا لا ندخل نروح وراه ..
بسام .. من جد .. وراحو ورا الملحق ..
مشعل .. حد يقدر يشوف البنات ..
عزوز .. انا سمعت صراخهم جاي من هذيك الجهه وكان ياشر على يمين الملحق ..
بسام .. حلو .. يلا نبدا .. لازم نحاصرهم ..
فيصل .. انا بروح لهم من قدام ..
وكل واحد قال جهه ..
بسام .. اوك يلا ..
سلطان اتجه للملحق ومن الظلام الشديد ما يقدر يشوف شي بس سمع همس العيال جاي من ورا الملحق راح وشافهم .. ها خططتو ..
بسام .. باقي انت شوفلك جهه تروح لها .
سلطان .. انا بجيهم من فوق الملحق ..
بسام .. جد فكره ما جات على بالي .. يلا خلونا ننطلق ..
وبعدها راح كل واحد لمكانه ..
سلطان جاب سلم وطلع لفوق الملحق اللي ما كان عالي .. وصار يطلع على البنات من فوق مو شايف شي بس يسمع اصواتهم يتكلمون ..
..
..
..
عند البنات لما حسو بحركه حولهم ..
ريوف .. بنات تسمعون ..
رهف .. هذا واضح صوت حركه على العشب ..
رغد .. ليكون فيه شي جاي لنا وحنا مو شايفينه ..
ريماس .. بنات خلونا ندخل ..
ريوف .. وحنا عارفين الطريق عشان ندخل انتي شايفه كميه الظلام اللي هنا ..
رغد .. يعني وش نسوي ..
رهف .. مدري انا ميته خوف بنات تصرفو ..
ريماس .. بنات ما اسمع صوت ديم هي راحت ..
ديم .. لا انا موجوده بس من الخوف مو قادره اتكلم ..
رغد .. كلنا خايفين مو بس انتي بس ايش نسوي ..
..
..
..
الشباب كانو يسمعون كلام البنات وماسكين ضحكتهم عليهم ..
سلطان توه بيتكلم عشان يبدا في تخويف البنات الا تشتغل الأنوار فجاءه ..
الشباب باستغراب صارو يناظرون بعض ..
اما البنات انبسطو لما انفتحت الأنوار ولما لفو وراهم شافو الشباب كيف محاوطينهم ..
ريوف بعصبيه .. يعني انتو اللي مخططين لهذا ..
رغد .. الحمد الله ان خطتكم فشلت ..
طبعا البنات ما انتبهو لسلطان اللي كان فوق الملحق ..
سلطان .. مين اللي فتح الأنوار ..
البنات كلهم لفو عليه ..
رهف .. وانت بعد هنا ..
ريماس .. كنت ناوي تنط علينا مثلا ..
بسام بقهر .. مين اللي شغل الأنوار ..
سلطان قرب من الحافه وكان يبي ينط .. انا بروح اشوف ..
البراء.. لحظه وش راح تسوي انت راح تنط ..
سلطان .. ايه المسافه قريبه ..
فيصل .. ولو انت مجنون تبي تتكسر ..
سلطان .. ما عليكم متعود ..
مشاري .. لا يا حبيبي لا تنط متعود هناك مو هنا ..
بسام .. سلطانوهه ياويلك تنط اصبر بجيب السلم وينه هو ..
سلطان .. ياخي وش فيكم ترا المسافه قريبه ..
ريوف .. صدق اني حاقده عليك لان باين ان انت اللي مخطط للمقلب بس برضو لا تنط مو ناقصين تدخل للمستشفى ..
سلطان ابتسم .. اوه لهذي الدرجه انا مهم عندكم ..
رغد .. لا تاخذ بنفسك مقلب مو مهم بس مو ناقصين مشاكل ..
سلطان .. افا يا بنت العم ما هقيتها ..
رهف .. عاد رغد حاقده عليك اهقها منها عادي ..
سلطان .. اوف اوف باين ان كلكم حاقدين علي ...
ريماس .. اي اجل تبينا نشوفك تخطط لنا مقلب وتخوفنا وما نحقد عليك ..
سلطان .. اجل حتى حنا راح نحقد عليكم لانكم خططتو لنا مقلب بالملحق .
البنات صارو يناظرون بعض ..
ريوق وانت كيف عرفت ..
سلطان ابتسم ..
رهف .. حامد الخايس اكيد علمه ..
سلطان .. لا تسوون للولد شي انا اللي قلته ياخذ الأخبار منكم ..
رغد .. كيف يعني ..
بسام .. يعني ما كنا مخططين لكم مقلب ولا شي بس لما عرفنا انكم راح تسوون فينا مقلب قررنا نسوي فيكم مقلب ..
ريماس .. ماشاء اله المقالب عندكم سريع سريع ..
فيصل .. اكيد مجهزينها في ورقه كمان ..
الشباب .. هههههههههههههههههههههه ..
سلطان انتبه بديم اللي ساكته طول الوقت وتناظر الأرض عكس البنات الباقي كانو يتكلمون ويهاوشون الا هي .. ابتسم على الفكره اللي جات بباله .. وخرووو بنط .. ورجع لورا وكان بيركض عشان ينط ..
البنات والشباب .. لاااا ..
سلطان وعيونه كانت على ديم شافها رفعت راسها بسرعه وناظرته وبعيونها الخوف .. بس ما قالت شي ..كمل خطته وبدا يركض .. ويسمع اصوات الشباب والبنات يصارخون ..ولما قرب من الحافه جات عيونه بعيون دييم وانتبه على صوتها وهي تقول سلطان لااا ..وقف على اخر لحظه ورجع لورا وهو مبتسم ..هو لانه كان متعود على النط من اماكن عاليه عارف كيف يتحكم بنفسه .
البراء .. انجنيت انت وش فيك ..
سلطان .. لا بس حبيت استهبل عليكم شوي ..
بسام .. مالت يالخايس خوفتنا ..
سلطان .. ياعمري علي فديتني صراحه بديت احسدني لاني محبوب الجماهير ..
الشباب والبنات بصوت واحد ما عدا ديم .. يوووووووووووووووه ..
سلطان .. هههههههههههههههههههههههههه .. وراح للجهه اللي كان حاط فيها السلم ونزل وراح لهم .. هذا انا نزلت .. بس الحين نسينا سالفه الأنوار مين شغلهم ..
ريوف وهي تناظر الخدم كانو مطلعين طاوله برا ويجيبون كراسي وكانهم يبون يجلسون عليها .. شوفو هناك ..
الشباب والبنات كلهم لفو الجهه اللي تناظرها ريوف ..
سلطان .. اجل هم .. انا اوريهم خربو خطتنا ..
ريوف .. الا ابشكرهم لانهم انقذونا ..
بسام .. انقذوكم من ايش ترا انتم بالقصر مو بالشارع ..
رهف .. بس تدرون لو ما اشتغلت الأنوار كان ديم اغمى عليها ..
سلطان اول ما سمع اسم ديم لف عليها بسرعه ..
مشاري .. ليه ما اتوقع ان ديم تخاف من الظلام ..
رهف .. الا تموت خوف .. انا كنت متمسكه فيها لاني خايفه وهي طول الوقت كانت ساكته وجسمها يرتجف وما تكلمت الا جمله وحده وحسيت ان جسمها بدا يصير بارد من الخوف ..
سلطان بنفسه .. وهذي المره الثانيه .. ليه دايم اكون سبب في خوفها .. نزل عيونه للارض .. انا اسف ديم ..
كلهم لفو عليه مستغربين ..
بسام .. وليه تتاسف حنا ما كنا نعرف ..
سلطان يناظره .. لاني ماكنت ادري ولاني صاحب الفكره اتاسف لان لو البنت صاير لها شي انا اللي راح اندم طول عمري ..
ديم كان متضايقه منه لما عرفت انه صاحب الفكره بس الحين ابتسمت من تحت اللثمه لما سمعت كلامه .. ولفت على البنات خلونا ندخل ابي اجلس ..
سلطان .. لحظه قولي انك مسامحتني وبعدين ادخلو ..
مشاري .. ليه يا سلطان مكبر الموضوع كذا ترا عادي وديم اكيد مو زعلانه.. وبعدين هي تستحي منك اكيد ماراح تتكلم ..
سلطان صار يناظرها بس هي كانت تناظر الأرض كان يبي يقرا عيونها بس ما قدر .. قال طيب وهو مو مقتنع ..
البنات دخلو لداخل .. والشباب رجعو للمجلس طبعا ما عرفو وش كا بالملحق .. البنات كانو رامين دبابيس بالأرض وكانو مخططين ان الشباب يفصخون جزمهم عند الباب ويدخلون وبكذا تغزهم الدبابيس .. بس ما نجحت خطتهم وطبعا الشباب حمدو الله ان خطه البنات ما نجحت ..
...........................

على الساعه 12 كل العوايل راحو لبيوتهم ..
وسلطان لما طلعو الكل طلع لغرفته واخذ له شاور سريع ولبس بجامته وجلس على السرير وديم مو راضيه تروح من باله .. فتح جاوله وصار يحوس فيه وانتبه لرقم ديم اللي كان موجود بالسجل .. ابتسم على الفكره اللي جات بباله وحمد الله انه ما حذف الرقم .. دخل الواتس وكتب لها ..
.. مرحبا يا بنت العم انا سلطان .. احب اعتذر مره ثانيه على اللي صار اليومصدقيني ما كنت عارف ..
انتظر ربع ساعه وجاه الرد ..
ديم ارسلت ..
.. لا ياولد العم ما صار شي وانا مسامحتك بس بصراحه استحي اني اتكلم كثير قدام الشباب ..
سلطان ابتسم وهو يقرا الكلام ..
.. جد .. الحمد الله لاني بصراحه كنت خايف انك زعلانه مني .. والحين بعد ما تطمنت اخليك ..
..
..
..
عند ديم .. ماتدريايش هي كميه الوناسه اللي حستها لما شافت ان سلان مرسل لها ..كانت مبتسمه وهي تقرا كلامه ترد عليه .. ولما قرت اخر جمله كتبها حزنت ماودها يروح عنها بس مستحيل تقوله ..
.. طيب .. ربي حافظك ..
سلطان ابتسم على جملتها ..
.. ويحفظك .. سلام ..
قفل الجوال وانسدح على السرير وهو مبتسم ويفكر هو ليه ديم يحس بالفرحه لما يشوفها او يكلمها ..
..
..
..
وديم كمان نفس الشي لما شافت ان سلطان طلع من الواتس ابتسمت وانسدحت على السرير وصارت تفكر فيه وهي متاكده مليون بالميه انها تحبه ومغرمه فيه ..
............................................

يوم الأحد ..
الساعه 7 الصباح ..
قصر ابو محمد ..
غرفه سلطان بالتحديد ..
كان واقف قدام المرايا ويضبط شعره .. قررب انه يغير شكله لان التسريحه اللي كان يسويها تطلعه صغير وكانه بالثانوي .. فقرر انه يرجع شعره كله لورا وبعد ما خلص صار يناظر شكله النهائي .. كان لابس بدله رسميه بس من غير كارفتا .. يعني بنطلون اسود وقميص ابيض وجاكت اسود .. ولبس ساعته السوده المفضله عنده وجزمات سود مناسبين للبدله .. .. ابتسم على شكله وتعطر واخذ نظارته الشمسيه ومفاتيح السياره وجواله ونزل لتحت .. كالعاده شاف جده وجدته جالسين على طاوله الفطور .. راح سلم عليهم وجلس يفطر ..
ابو محمد ... ها مثل ما وصيتك انتبه لنفسك وخلك دايم مع عيال عمامك ولا تحتك باي حد غريب ..
سلطان .. ان شاء الله يا يبه تطمن لك ثلاث ايام تقولي نفس الكلام تطمن ماراح انساه ..
ام محمد .. انتبه لنفسك يمه ..طبعا ام محمد حاولت انها تقنع ابو محمد انه ما يخلي سلطان يدخل للجامعه بس هو هددها بالطلاق وانه يحرمها منسلطان لو فتحت الموضوع وسكتت ..
سلطان افطر على السريع وقام .. يلا عن اذنكم لازم اروح بدي عشان ما اتاخر على المحاضره ..
ابو محمد .. ربي حافظك ..
سلطان سلم عليهم وطلع لبرا .. لبس نظارته الشمسيه وركب لسيارته وطلع من القصر متجه للجامعه . وصل بعد ربع ساعه .. وقف بالمواقف ونزل وهو يناظر الجامعه وبنفسه .. والحين راح ادخل لعالم جديد ما اعرف عنه شي .. بسم الله .. ودخل للجامعه ..طبعا الشباب كلهم كانو موصينه انه لما يوصل يتصل على واحد فيهم عشان يدلونه الجامعه بس سلطان يحب يكتشف الأماكن بنفسه فعشان كذا ما اتصل على حد .. بس مستحيل الشباب يتركونه .. سمع جواله يرن طلعه من جيبه وشاف المتصل البرا ابتسم .. مستحيل يخلوني اكتشف .. ورد عليه .. هلا ..
البراء .. صباح الخير .. وصلت الجامعه ..
سلطان .. ايه توي داخل ..
البراء .. وليه ما اتصلت علي ..
سلطان .. كنت ابي اكتشف الجامعه بنفسي بس الله يهديك ما خليت لي فرصه ..
البراء.. الحمد الله اني ما خليت لك فرصه لان لو حد من اعدائنا شافك وانت للحين ما عرفتهم راح تروح ملح ..
سلطان وهو يمشي بيروح للمبنى ..اوف لهذي الدرجه ..
البراء .. واكثر لان المشكله مو بينا وبينهم بس هذي صراع بين العمالقه يعني بين شركاتنا وشركاتهم ..
سلطان .. لا باين ان الموضوع خطير ..
البراء .. المهم وينك انت الحين ..
سلطان .. رايح لمبنى الأداره ..
البراء .. خلك واقف هناك انا جايك الحين ..
سلطان .. طيب .. يلا سلام ..
قفل سلطان من البراء ووقف مكانه ينتظره وصار يتفرج على المكان حوله .. انتبه بثلاث شباب متجهين له .. ابتسم لهم لان هذي عوايده ..
الشباب بعد ما وصلو له ..
الشاب الأول يكلم اخوياه .. اعرفكم على سلطان محمد عبدالعزيز ال ..
سلطان ااختفت ابتسامته من استغرابه من هذا الشباب اللي ما قد شافه ..
الشاب الثاني .. اوه واخيرا نور الجامعه مستر سلطان ..
الشاب الثالث .. بصراحه طلع فوق توقعاتي ..
الشاب الأول .. كنت اعرف انه جميل بس مو بهذا الجميل بصراحه كانت الصور ظالمه جماله .
سلطان باستغراب اكبر .. ممكن اعرف مين انت و..
الشاب الأول ابتسم .. اوه شكل شله الخونه ما عرفوك علينا للحين ..
سلطان .. شله الخونه !!.. مين تقصد ..
الشاب الثاني توه بيتكلم بس قاطعه البراء اللي جا بسرعه وسحب سلطان وخلاه وراه .. ممالكم خص فيه فاهمين ..
الشاب الأول .. اوه جا الصامت ..
البراء وهو يحاول يكبت عصبيته .. لو سمحت يا عادل كف شرك وابعد من هنا ..
عادل .. وليه وش شايفني اسوي انا كل اللي سويته اني جاي اتعرف على سلطان واعرف نواف وثامر عليه ..
البراء .. ومين قالك ان سلطان حاب يتعرف عليكم اصلا ..
نواف .. وليه هو يعرفنا اصلا عشان ما يحب يتعرف علينا ..
بسام اللي جا من ورا الشباب الثلاثه .. ولا له الشرف انه يتعرف عليكم..
كلهم لفو لبسام ..
ثامر .. اوه شجاع الشله وصل .. وش جابك مو اليوم عندك اوف ..
بسام تكتف وناظره .. لا وعارف جدولي بعد باين اني اهمك كثير ..
عادل .. اكيد تهمنا مو انتو الذ اعدائنا ..
سلطان اللي كان يناظرهم ومو فاهم شي .. لما سمع كلام عادل فهم كل شي ولا يدري وش المفروض يسوي عقله وقف فجاءه ..
بسام .. وكويس انك مانسيت هذا الشي .. ولو سمحت سلطان لا تحاول تقرب منه لك كلام كلمنا حنا لا تدخل سلطان في شي ..
نواف .. وليه هوو مو من عيلتكم ..
البراء .. وحتى لو من عيلتنا هو ماله دخل بشي فاهمين ..
عادل .. لا طبعا مو فاهمين .. ومادامه من عيلتكم يعني راح ينظم لكم .. ولف يناظر سلطان .. واتوقع الحين عرفتنا .. واكيد لنا لقاء عن قريب يا حلو .. ولف هو مع اللي معه ومشوو ..
سلطان صار يناظر بسام والبراء.. هذول اللي كلمتوني عنهم ..
بسام لف على البراء .. ما قلنا لا تتركون سلطان لحاله ..
البراء .. انا توي مكلمه وجيت له على طول ملما عرفت انه وصل بس هم سبقوني ..
سلطان .. هيه انا اكلمك ..
بسام لف عليه وهو معصب .. سلطان انتبه انك توقف تتكلم مع هذول فاهم ترا بكل سهوله يقدرون يضرونك وتفكيرك الغربي ما ينفع معهم هذول عقولهم متحجره ما يفهمون الا اللي يبون يفهمونه ..
سلطان .. بس هم ما سوو لي شي الحين وانتو هاجمتوهم بهالعصبيه ..
بسام .. لانك يا حبيبي ما تدري ان هذا الهدوء ما قبل العاصفه ..
سلطان سكت وصار يفكر بكلام بسام ..
البراء لف على بسام .. انامحاضرتي راح تبدا الحين انت خذ سلطان ووصله لمحاضرته ما دام ما عندك شي ..
بسام .. اوك انت روح لا تتاخر ..
راح البراءلمحاضرته ..وبسام لف على سلطان .. يلا نمشي ..عطني جدولك عشان اعرف وين محاضرتك ..
سلطان ما كان تفكيره معه كان يفكر بالشباب الثلاثه طلع جواله وفتح الجدول وعطاه بسام ..
بسام اخذ الجوال ولما عرف وين محاضره سلطان رجع له الجوال واتجهو للمبنى اللي فيه المحاضره ..
.........................................
**
**
**
**
**
**
**
** انتهى البارت الخامس **

ـ حياه الجامعه اللي تعتبر حياه جديده على سلطان ايش راح يصير فيها ؟؟

ـ الأحساس اللي يحسه سلطان اتجاه ديم هل هو حب او مجرد اعجاب وراح يختفي مع الأيام ؟؟

ـالبراء واحساسه اتجاه سلطان ايش نهايته ؟؟

ـ ام محمد الى متى راح تبقى مخبيه حقيقه سلطان ؟؟

ـ ابو محمد راح يخفي حقيقه سلطان للابد ولا راح يجي يوم ويكشف عنها ؟؟