رواية انا انثى ولكن الفصل السادس 6 - بقلم lxvcr3

** البارت السادس **
**
**
**
**
**
**
**
**
**
في الجامعه ..
الساعه 10 الصباح ..
سلطان خلص من المحاضره وطلع من القاعه وشاف بسام جالس على الكراسي ينتظره ابتسم وراح له .. اوه انت للحين تنتظر مارحت ..
بسام رد له الأبتسامه .. مو انا اليوم صاير لك حارسك الشخصي ..
سلطان .. مدري ليه احسك مكبر الموضوع بزياده ..
بسام اقول تعال بس نروح لعند الشباب وهناك نفهمك كل شي بعدها قول اذا حنا مكبرين الموضوع بزياده او لا ..
سلطان .. طيب ..
ومشو لمبنى ثاني وكان فيه المكان اللي متعودين يجلسون فيه الشباب .. وصلو لهموكانو جالسين على الأرض على شكل دائره .. السلام ..
الشباب .. وعليكم السلام ..
فيصل .. ها كيف اول محاضره ..
سلطانوهو يجلس بين البراء وفيصل .. كويسه بس مافهمت شي ..
عزوز .. وليه .. كانت صعبه ..
سلطان .. لا اصلا ماكنت ادري عن ايش يتكلم .. ماكنت معه ..
مشعل .. ليه وش كنت تفكر فيه ..
سلطان .. كنت افكر بالشله اللي قابلتهم الصباح ومدى خطرهم علي اللي انتو من امس تحذروني منهم ..
بسام .. قلنا لك هذول اعدائنا واكيد راح نحذرك منهم ..
سلطان .. طيب اقنعوني .. حدثو العاقل بما يعقل .. قولو لي مين هم بالضبط وليه خطيرين لهذي الدرجه ..
مشعل .. اسمع انا اقولك الموضوع .. اول شي هم خمس شباب وراح يصيرون سته لان انضم لهم واحد جديد بعمرك توه داخل للجامعه هذول من عيله ال .. وهذي العيله من اشد المنافسين لشركات عيلتنا .. يعني مجالهم نفس مجال تجارتنا .. وهذا الشي سبب مشاكل بين جداني وجدانهم وصار بينهم عداوه والعداوه توارثت لما وصلت لنا حنا الشباب .. وطبعا كل ما طلع جيل جديد من العيلتين كل ما زاد الحقد اكثر وهم يحاولون بشتى الطرق انهم يدمرون عيلتنا فعشان كذا يدورون اي فرصه ويستغلونها وحنا عارفين انهم اكيد راح يعتبرونك فرصه ذهبيه لانك توك جاي من برا ولا تعرف الحرب اللي بينا وبينهم وبكذا يقدرون يستغلونك بكل بساطه .. والحين فهمت السالفه ..
سلطان .. اها .. يعني السالفه فيها حرب عمالقه ..
مشاري .. بالضبط ودائما ضحيه هالحروب حنا الشباب ..
سلطان .. طيب انتو مره جربتو انكم تتصالحوون معهم يعني تخلون العداوه اللي بين الكبار للكبار ..
البراء.. طبعا لا ولا نفكر حتى ..
سلطان .. وليه ..
فيصل .. لان العداوه هذي تربت معنا من لما كنا صغار فا مو بالسهوله نصير اصدقاء ..
سلطان .. صح الغلط مو منكم الغلط من الاهل هم اللي غرسو فيكم كرههم ..
مشاري .. انت قلتها مو منا يعني اذا مفكر تصلح الأمور روح للكبار ..
سلطان .. لا ماراح اروح للكبار وحتى لو هذا الشي تربيتو عليه الحين انتو كبرتو وصارت عقولكم اكبر وتعرفون الصح من الغلط ليه ما تحاولون تغيرون انفسكم ..
عزوز .. انسى الموضوع اننا نتصالح مع عادل وشلته ..
سلطان .. انا قايل من زمان انكم سلبيين لابعد درجه حتى انك ما تفكرون تجربون .. بس انا مستحيل اكون مثلكم ..
مشعل .. وش قصدك ..
سلطان .. كل اللي ابيه منكم لو شفتوهم يتعرضون لي او يكلموني لحد يتدخل منكم انا اعرف كيف اتصرف اوك .. ولف على البراء.. اوك يا البراء .. انا حددتك انت بذات لانك انت اللي وقفت قدامهم اليوم بدالي ..
بسام .. سلطان انت وش جالس تقول .. قلنا لك انت مو قدهم وسياستك اللي تمشي عليها ابد ما تنفع معهم ..
سلطان .. ليه انتو جربتو عشان تقولون ما ينفع .. محد يحكم على شي الا لما تجربه .. وبعدين ترا هم بالنهايه بشر مو حيوانات عشان ما اقدر ادافع عن نفسي قدامهم ..
فيصل .. شكل الكلام ماراح ينفع معك براحتك بس لو صار لك شي وعمي عبدالعزيز لامنا ياويلك ..
سلطان .. ما عليكم انا اقول لجدي انكم مالكم دخل وهذا صار لي شي لا سمح الله ..
البراء.. بس يا سلطان..
سلطان قاطعه .. البراء لو سمحت اتركني على راحتي وبعدين لو انضريت محد راح ينلام غيري ..
مشاري .. بكيفك حنا حذرناك وسوينا اللي علينا ..
سلطان .. بالضبط سويتو اللي عليكم ..
بسام .. بس بشرط لا تجي لنا بعدين وتقول ساعدوني ترا مالنا دخل فيك وهذا كان طلبك ..
سلطان ابتسم .. ابشر ولا يهمك ماراح اقول لكم ساعدوني ..
البراء كان خايف على سلطان لانه ما يعرف عادل وشلته كويس بس ما يقدر يقول شي سلطان عنيد ومصر على رايه ..
سلطان .. المهم انا محاضتي الثانيه باقي عليها ربع ساعه وما ادل المبنى مين يروح معي ..
البراء .. اشوف جدولك ..
سلطان فتح الجوال وطلع له الجدول ..
البراء.. محاضرتي راح تكون بنفس المبنى .. يلا نقوم اوصلك لقاعتك واروح لقاعتي ..
سلطان .. اوك .. قام مع البراء .. نتقابل في بريك الغدا ..
الشباب .. اوك ..
مشو سلطان والبراء وطلعو من المبنى اللي هم فيه ..
البراء .. سلطان مو ناوي تغير رايك ..
سلطان .. يا البراء لا تقلق انا اعرف كيف اتصرف معهم ..
البراء.. بس انت ما تعرفهم كويس ..
سلطان .. تطمن راح اقدر اعرفهم باسرع وقت باذن الله ..
البراء .. يارب من هذا العناد اللي براسك ..
سلطان ابتسم .. وش اسوي انخلقت عنيد ..
البراء .. من جد .. وناظر القاعه اللي وصلو لها .. هذي هي قاعتك ..
سلطان .. اوك وانت كم رقم قاعتك عشان لما اخلص اجي لك ..
البراء .. لا تتعب نفسك انا راح اخلص قبلك لان محاضرتي مدتها ساعه ونص اما انت ساعتين ..
سلطان .. اذا كذا اوك .. يلا اشوفك ..
وتفرقو ..
سلطان دخل القاعه وجلس باول صف لانه يحب يكون قدام عشان يفهم ويركز .. كانت القاعه شبه فاضيه مافيه الا كم طالب لان المحاضره لسا ما بدت .. شوي شوي بدو الطلاب يجون والقاعه تمتلي ..
سلطان كان جالس بالمقعد اللي عند الجدار وكان بجنبه مقعد فاضي .. شاف واحد جلس بجنبه ..
الشاب بابتسامه .. مرحبا ..
سلطان رد له الأبتسامه .. مرحبتين ..
وفي هالوقت دخل الدكتور وكان بريطاني .. بدا يعرفهم عن نفسه وبعدها بدا بشرح الماده ..
...............................................

بنفس الجامعه بس بقسم البنات ..
كانت ديم تتمشى مع رغد لان ما عندهم محاضرات ..
رغد .. يقول مشعل امس ان سلطان راح يبدا دوام اليوم بالجامعه .. ودي اشوف شكله وكيف راح يتعود على جامعتنا لان اكيد الدراسه بامريكا غير ..
ديم ابتسمت اول ما جا طاري سلطان .. صح ان امريكا غير بس اكيد هو عارف هذا الشي وراح يعرف كيف يتعامل مع الوضع ..
رغد .. يمكن .. المهم ريوف متى بتطلع من محاضرتها ؟؟..
ديم وهي تناظر ساعتها .. باقي نص ساعه وتخلص محاضرتها .. ليه تسالين ..
ريماس قالت لي اذا جات الساعه 11 تجمعو بالمطعم اللي برا عشان نتغدى سوا ..
ديم .. اها .. طيب انتي كم محاضره باقي لك ..
رغد .. وحده بس ..ديم .. اوه يا حضك انا بطلع اليوم على الساعه 5..
رغد .. الله يعينك .. يلا خلينا نروح عند كلاس ريوف عشان نروح سوا للمطعم ..
ديم .. يلا ..
...................................

نرجع لقسم الشباب ..
وبالتحديد عند القاعه اللي فيها سلطان ..
سلطان طول المحاضره مو قادر يركز مع الدكتور بسبب اللي جالس بجنبه .. كل شوي مكلمه .. مره يطلب قلم ومره منديل ومره يساله عن الوقت ومره يحش في الدكتور .. سلطان طفش من الموضوع فقرر انها يطنشه الى نهايه المحاضره بعدين يتفاهم معه .. وبعد ما خلصت المحاضره وطلع الدكتور سلطان وقف ..
الشاب .. لحظه.. معليش لو ازعجتك بس وش فيك ما رديت على سؤالي الأخير ليكون زعلت مني ..
سلطان لف عليه .. مابيني وبينك شي عشان ازعل وبعدين انت بصراحه شتت انتباهي مافهمت ولا شي من المحاضره ..
الشاب .. يوه معليش ما كنت ادري بس انا طفشت من المحاضره وقلت اسولف معك ..
سلطان .. لو سمحت مره ثانيه لا تسولف معي لان انا ما احب اسولف والدكتور يشرح ..
الشاب .. اوه شكلك دافور ..
سلطان اللي مافهم الكلمه ..دافور؟! ايش يعني ..
الشاب .. يوه نسيت انك عايش طول عمرك بامريكا وما تفهم كلامنا ..
سلطان عقد حواجبه ويناظره باستفهام .. وانت كيف عرفت ..ولا الاخبار في هالجامعه تنتشر بسرعه ..
الشاب ابتسم .. لا ما تنتشر بسرعه . وتقرب لسلطان .. انا اعرف عنك كل شي مو بس هذا الشي ..
سلطان بسرعه بديهته تذكر كلام مشعل وربطه بكلام عادل اللي كان الصباح وابتسم .. اها فهمت الحين .. انت اكيد واحد من عيله ال... ..
الشاب ابتسم .. قالو لي انك ذكي بس ما توقعتك بهذا الذكاء .. اي نعم انا من عيله ال.. واسمي ريان ..
سلطان بنفس الابتسامه .. اهلين اخ ريان واكيد تعرف اسمي ما يحتاج اقوله لك ..
ريان .. اكيد .. المعروف لا يعرف .. والحين عن اذنك ..
سلطان .. اذنك معك ..
طلع ريان من القاعه ووراه سلطان وكانو اثنينهم يمشون بنفس الطريق ومتجهين لخارج المبنى ..
وعند بوابه المبنى ريان صادف عادل وشلته اللي هم نواف وثامر ومعهم اثنين كمان ..وقف معهم ..
سلطان كان ورا ريان ومر من جنبهم عرفهم بس ما عطاهم وجه بس عادل انتبه له ..
عادل .. وتقابلنا مره ثانيه اخ سلطان ..
سلطان لف عليه بابتسامه .. اوه سوري ما انتبهت لك .. اهلين ..
ريان .. هو معي بنفس الكلاس من شوي ..
عادل .. اوه شي جميل ..
سلطان .. ايه ..
عادل .. صح ما عرفناك على باقي العيال .. ولف على الاثنين الجدد .. هذا هاشم واللي بجنبه منصور عيال عمنا طبعا ..
سلطان .. اها .. اهلين ..وطبعا تعرفوني صح ..
منصوروهاشم .. صح ..
عادل .. حياك تعال تغدى معنى ..
في هالوقت البراء كان توه جاي من القاعه اللي فيها سلطان لانه ماشافه هناك وانتبه له واقف مع شله عادل كان بيروح له بس تذكر كلام سلطان ووقف وانتظر ايش راح يصير واتصل على الشباب كمان عشان يجون تحسبنا لو صار شي لسلطان ..
سلطان بنفس ابتسامته .. لا معليش انا مواعد الشباب ..
نواف .. طيب مو مشكله كلمهم واعتذر ..
سلطان.. معليش مو من طبعي اني اعتذر من حد واعدته الا اذا كان السبب قوي .. والحين عن اذنكم ..ولف عنهم وانتبه بالبراء والشباب واقفين بعيد شوي عنهم .. ابتسم وراح لهم ..اوه انتو هنا ..
فيصل .. قالو لك شي ..
سلطان توه بيتكلم بس شاف عادل واللي معه جايين لهم ..
بسام .. وش يبي بعد ..
عادل .. اوه واخيرا تقابلنا كلنا ..
مشعل .. ويارب تكون اخر مره ..
عادل لف على سلطان .. ليكون هم اللي ما نعينك انك تجي معنا او تكلمنا ..
بسام كان بيتكلم بس سلطان سبقه ..
سلطان لف على عادل .. وليه شايفني بزر مثلا عشان حد يقول لي سو كذا ولا تسوي كذا .. انا عندي عقل واعرف كيف اتصرف ما امشي ورا حد ..
عادل .. اوه وتعرف كيف تتكلم بعد ..
سلطان .. ايه تصدق اعرف اتكلم .. بس ابسالك الحين ليه جالس تعاملني وكاني عدوك .. تعرفني انت من قبل ..
عادل . لا طبعا واتوقع عيال عمانك قالو لك السالفه .. وبما انك تكون ولد عمهم فتكون من اعدائنا ..
سلطان .. وليه حنا ما صار لنا كم ساعه متعرفين على بعض على طول صرت عدوك .. وكل هذا عشان ايش .. بس لان جدانا وجدانكم متعادين .. بالله هذا منطق .. هذا كلام يدخل العقل ..
عادل .. حنا ما لنا بالمنطق ولا باللي يدخل العقل .. حنا نمشي ورا كلام اهلنا ونسوي اللي يقولونه ..
سلطان .. اها .. يعني لو قالو لكم اشربو خمر راح تشربون صح .. او قالو لكم اكفرو والعياذ بالله راح تكفورون .. بس عشان تسمعون كلامهم وتنفذون الللي يبونه وعادي لو غضبتو الله .. استغفر الله .. بالله هذا هو الصح بنظركم ..
كل الشباب ساكتين ومايدرون ايش يقولون حتى عيال عمانهم صدمهم بكلامه ..
سلطان صار يناظرهم .. وش فيكم سكتو كلامي مومفهوم ولا تو عقولكم تشتغل .. انا مو هنا عشان انصحكم لان المفروض انكم كبار وعاقلين وتعرفون ايش تسوون .. وانت يا عادل ابيك تفهم شي واحد انا صدق سمعت السالفه من عيال عماني بس ابد ما اقتنعت بالسبب فعشان كذا اتمنى انكم ما تتدخلون فيني او حتى تجون عندي انا جاي هنا ادرس مو جاي اسوي مشاكل .. اوك .. ولف عنهم وانصدم من الكم الرهيب من الطلاب اللي كانو متجمعين .. طنشهم وكمل طريقه لبرا المبنى ..
عادل وعيال عمانه جالسين يناظرون ببعض ..
اما البراء والشباب لحقو سلطان من غير ولا كلمه ..
البراء اول كت طلع من المبنى شاف سلطان يمشي راح له بسرعه ومسك كتفه .. وقف ..
سلطان لف عليه .. اذا بتهاوش اجله بعدين مالي خلق اسمع هواش ..
البراء.. لا .. ولف على الشباب .. تعالو سيارتي ..ورجع لف على سلطان وسحبه لبرا الجامعه منغير ما يتكلم ومتجاهل اسئله سلطان ..ركبو السياره والشباب لما جاو ركبو ورا ..
سلطان .. توي اقول للبراء اذا فيه حد يبي يهاوش ياجل الموضوع بعدين ..
بسام .. صدق انك شملتنا معهم بالكلام وجبت فينا العيد بس بصراحه انت كفو على اللي سويته .. شفتو اشكالهم كيف صارت ..
فيصل .. من جد كانو تحفه ..
سلطان .. وهذا اللي هامكم ..
عزوز .. اكيد وهذا الشي يشعرنا بالنصر ..
مشعل .. من جد .. لان هم دايم كانو يحارشونا ويبون يسببون المشاكل وحنا دايم نطنشهم بس هالمره احس اننا انتصرنا عليهم ..
سلطان .. الحمد الله والشكر ..
البراء ابتسم .. وين تبون تتغدون ..
سلطان لف عليه .. وانت بعد معهم ..
البراء.. ليه وش قلت انا .. تراه بريك غدا ..
سلطان .. طيب طيب بحاول اصدق ..
الشباب ماعدا سلطان ..ههههههههههههههههههههههههههههههه ..
سلطان .. يارب تشفيهم ولا تبتلينا ..
الشباب .. ههههههههههههههههههههههههه ..
سلطان .. خبول عفانا الله ..
والشباب مستمرين ضحك وسلطان مرتفع ضغطه منهم ..
...........................

يوم الخميس
..
مره الأيام من غير اي احداث مهم .. سلطان تعود خلاص على الجامعه وصار منتظم فيها وشله عادل ما قابلوهم من هذاك اليوم ..
اليوم فيه جمعه في فله العم ماجد اللي هم ابو البراء ..
الساعه8 المساء ..
الكل كانو متجمعين بفله العم ماجد ..
في مجلس الرجال ..
عند الشباب بالتحديد ..
بسام .. شباب ما تلاحظون من بعد هذاك اللقاء مع عيال عيله ال.. ما شفناهم مره ثانيه ..
مشاري .. مع انهم ما يهابون حد بس مدري وش فيهم ..
مشعل .. ليكون عصبو من حركه سلطان وجالسين يخططون لنا على شي قوي ..
عزوز .. والله كل شي متوقع منهم .. الله يستر بس ..
سلطان . وش دعوه ليه كل هالخوف منهم ..
البراء.. لانك ما تعرفهم كويس ..ولا تعرف كميه الشر اللي فيهم ..
سلطان ابتسم .. حتى هم ما يعرفوني كويس ..
الشباب كلهم لفو عليه باستفهام ..
فيصل .. ايش قصدك يعني ..
سلطان .. قصدي اني بديت اعرف نقطه ضعفهم وبكذا اعرف كيف اهاجمهم ..
بسام .. ووش هي نقطه ضعفهم ..
سلطان .. معليش ما اقدر اقولك .. بس عشان ما تستغلها بشي غلط .. انا ماراح اهاجمهم الا لما يبدون الهجوم فهمتوني ..
مشاري .. قصدك انك متجهز لهم لو كانو جد يخططون لنا على شي ..
سلطان .. بالضبط يعني لا تقلقون ..
عزوز .. تصدق يا سلطان بديت اخاف منك ..
سلطان .. هههههههههههههههههههههه .. لا تخاف انا ما اضر الا اللي يضروني ..
عزوز .. زين الحمد الله ..
فجاءه سمعو اصوت الرجال تعلى ..لفو عليهم وشافوهم متجمعين على شخص بس ما عرفو مين لانهم بعيد ..
سلطان وقف .. وش السالفه ..
الشباب كلهم وقفو ..
مشعل .. تعالو نشوف ..
وراحو الشباب عند الرجال ..
سلطان .. يبه !!..
الشباب كلهم انصدمو لما شافو ابو محمد طايح على الأرض وكانه ميت ..
سلطان بخوف جلس عند ججده .. يبه .. يبه .. رد علي .. يبه .. تسمعني ..
الجد سعود .. اتصلو على الأسعاف بسرعه ..
العم ماجد .. اتصلت ..
سلطان يحس شوي ويبكي وهو يسمعهم .. رجع يهز جده .. يبه .. يبه تكفى اصحى ..يبه ..
في هذي اللحظه دخلو المسعفين للمجلس وبعدو كل الرجال وشالو ابو محمد وبسرعه ركبوه بسياره الاسعاف .. وسلطان ركب معهم ..وانطلقو للمستفى ..
اما بقيه الرجال والشباب توزعو بسيارات وراحو ورا الأسعاف ..
..
..
..

اقتباس
  {[ اللهم لكـ الحمد والشكر كما ينبغي لجلال وجهكـ وعظيم سلطانكـ ]} 85 
قديم(ـة) 06-02-2016, 07:13 PM
الوعد _ ALWAAD
الافتراضي رد: انا انثى ولكن !!...

وصلت سياره الأسعاف للمستشفى ..
بسرعه نزلو ابو محمد ودخلوه للطوارئ وكان سلطان وراه بس لما دخلوه للغرفه منعو سلطان انه يدخل وجلس برا وهو قلقان على جده ..شوي شاف عمامه وعيالهم وجدنه جايين وسالوه عن جده وقال لهم انه داخل .. جلسو ينتظرونه وهم على اعصابهم ..
بعد نص ساعه من الانتظار ..
طلع الدكتور وبسرعه راحو له كلهم ..
سلطان .. ها يا دكتور جدي بخير ..
الدكتور .. هو الحين الحمد الله بخير ..بس اتمنى انكم تنتبهون له اكثر ولا يتعرض لصدامات .. لان هذي المره عدت ولا تعرض لجلطه بس المره الثانيه الله يستر ..
سلطان باستغراب .. بس هو ما تعرض لاي صدمه وش اللي خلاه يوصل لهذي الحاله ..
الجد سعود .. لا ياولدي هو قبل ما يطيح علينا كانت جايته مكالمه .. اكيد الصدمه كانت من المكالمه ..
سلطان باستغراب .. ومين صاحب المكالمه ..
الجد سعود .. ما ندري لما جاته المكالمه طلع لبرا ..ولف على الدكتور .. طيب نقدر نشوفه ..
الدكتور .. ايه بس لما ننقله لغرفه ثانيه .. بس لا تدخلون عليه كلكم مره وحده .. ولا تخلونه يتكلم كثير ..
الجد سعود . ان شاء الله .. مشكور ..
الدكتور .. العفو .. عن اذنكم .. وراح ..
سلطان جلس يفكر مين يكون صاحب المكالمه ..
الممرضين اخذو ابو محمد لغرفه ثانيه وكل الرجال راحو له ما عدا سلطان اللي كان يفكر ولا انتبه فيهم ..
الشباب لما شافو راحو له ..
فيصل .. يلا سلطان نقلو عمي الا غرفه ثانيه ..
سلطان رفع راسه له .. هاه . اي يلا .
بسام .. ايش شاغل بالك يا سلطان ..
سلطان وهم يمشون .. افكر مين ممكن يكون صاحب المكالمه وايش الشي الكبير اللي صدم جدي ..
مشاري .. اكيد شي يخص الشغل ..
سلطان .. بس انا ماعمري شفت جدي معصب على حد او حتى عنده اعداء..
مشعل .. يمكن هو ما يحب يبين اي شي يخص شغله قدامكم ..
سلطان .. يمكن بس اكيد الكلام اللي سمعه جدي خطير ..
عزوز .. طيب انت ليه شاغل بالك كذا .. روح اساله ويمكن يقولك ..
سلطان .. ما اتوقع بس بجرب ..
ولما وصلو للغرفه اللي فيها ابو محمد .. وقفو برا ينتظرون الرجال يطلعون.. وبعد كم دقيقه طلعو .. ودخلو الشباب ..
سلطان اول ما دخل على جده على طول راح لعنده ومسك يده .. الحمدالله على سلامتك يبه ..
ابو محمد وبصعوبه .. الله يسلمك ..
سلطان لما شاف جده تعبان ماحب يساله .. الله يهديك يا جدي خوفتنا عليك وانت تتدلع ..
ابو محمد ابتسم ..
الشباب كانو يناظرون علاقه سلطان بجده كيف قويه ومبتسمين ..
وبعد ما تحمدو له بالسلامه طلعو كلهم ما عدا سلطان .. اصر انه يجلس مع جده ..
برا الغرفه ..
الجد سعود .. توي جاي من الدكتور وقال يحتاج يجلس بالمستشفى كم يوم عشان يرتاح .. خلونا نجع للبيت الحين عشان نخبر الحريم هم للحين ما يدرون بشي ..
البراء .. انا راح اجلس مع سلطان اخاف يحتاج شي وخصوصا انه ما جا بسيارته ..
الجد سعود .. طيب ..
وبعدهم طلعو طل الرجال ولما وصلو لفله العم ماجد انتشر الخبر بين الحريم وام محمد اصرت انها تجي تشوف زوجها .. فا اخذها بسام وجابها للمستشفى ..
ام محمد دخلت للغرفه وهي تبكي .. يمه زوجي .. وش فيك يا عبدالعزيز ..
سلطان ابتسم اول ما شاف جدته وقام لها يهديها .. يمه اذكري الله جدي بخير شوفيه مافيه الا العافيه بس يتدلع علينا .. والحين هو نايم يرتاح شوي ...
ام محمد .. بس يقول عمك انه كان راح يتعرض لجلطه ..
سلطان بنفسه .. الله يهديه عمي .. لا يمه عمي كبر الموضوع هو بس تعب شوي وجبناه للمستشفى والحين هو الحمدالله بخير ..
ام محمد .. اكيد هو بخير ..
سلطان .. ايه يمه تطمني ..
ام محمد .. طيب انا بجلس عنده اليوم ..
سلطان .. يمه هذا قسم رجال ما يسمحون لحرمه انها ترافق مع مريض .. انا بكون عنده وراح اطمنك عليه كل شوي ..
ام محمد .. اكيد ..
سلطان .. اي اكيد .. واخذها معه لبرا الغرفه .. يمه الحين الزيار هانتهت وبكرا الصباح خلي السواق يجبك هنا وتتطمنين عليه بنفسك ..
ام محمد .. ان شاء الله .. وانت انتبه لنفسك ولجدك ..
سلطان ان شاء الله .. الا يمه مين جابك ..
ام محمد .. بسام الله يعطيه العافيه ..
سلطان رفع راسه يدوره وشافه جالس على الكراسي مع البراء .. راح لهم .. بسام ممكن تودي جدتي للبيت ..
بسام وقف .. اكيد ..
سلطان لف على جدته .. يلا يمه انتبهي لنفسك ..
ام محمد .. ان شاءالله بس لا تنسى تطمني على جدك ..
سلطان .. ان شاء الله ..
وراحت ام محمد مع بسام ..
سلطان لف على البراء .. وانت وش عندك هنا ..
البراء وقف وابتسم .. قلت لا سمح الله يمكن تحتاج شي اكون انا موجود ..
سلطان .. تسلم ..
البراء.. الا كيفه عمي الحين ..
سلطان .. الحمد الله بخير .. هو نايم الحين .. وش رايك ننزل للكافتريا شوي
البراء .. اكيد . يلا ..
ونزل للدور الأرضي وراحو للكافتريا جلسو على وحده من الطاولات ..
البراء .. تبي تشرب شي ..
سلطان .. اي كابتشينو اراسي مصدع ..
البراءوقف .. سلامتك . وراح طلب ورجع جلس مقابل سلطان .. ومن ايش جا الصداع تفكر بشي ..
سلطان .. افكر باللي صار لجدي ..
البراء .. للحين تفكر بسالفه المكالمه ..
سلطان .. ايه وليه اعرف مين صاحب المكالمه ..
البراء.. طيب واذا عرفت ..
سلطان .. راح يكون لي معه تصرف ..
البراء.. اقول بس لا تورط نفسك بمشاكل ..
سلطان .. مو شرط لما اقول بتصرف يعني فيها هوشه .. فيه عقل موجود واقدر ادمره من غير اي هوشه ..
البراء .. اوف وصل الموضوع للتدمير ..
سلطان .. اذا يحتاج اكيد يوصل انا كل شي ولا جدي وجدتي هم اللي باقي لي بالدنيا .. وانا اعرف جدي قوي وما يهزه اي شي واكيد اللي جاه شي كبير مو بسيط ..
البراء.. حتى لو افترضنا ان اللي جا شي كبير انت انتبه انك تورط نفسك بشي اكبر منك .. فيه كبار في عيلتنا هم اللي يتصرفون في مواضيع مثل كذا ..
سلطان .. عارف ان فيه كبار والنعم فيهم بس انا حق جدي اباخذه بنفسي مابي اي حديتدخل ..
البراء.. انت الحين معصب ولا تدري ايش تقول لما تهدى نتفاهم بالموضوع ..
سلطان .. لا ماني معصب ولا شي انا هادي جدا واعرف وش جالس اقول .. ولازم اليوم اعرف سر المكالمه ..
البراء.. وكيف راح تعرفه .. راح تسال جدك مثلا ..
سلطان .. اممم يمكن بس بطريقه غير مباشره .. وسكت شوي ..لحظه تو جات ببالي فكره ويني عنها هذي .. جوال جدي اكيد راح اعرف السالفه من الجوال ..
البراء.. صح الجوال .. بس وينه ..
سلطان .. مدري بس الأكيد انه مو مع جدي لان لو كان معه كان عطوني اياه الممرضين ..
البراء.. اذا مو معه اكيد انه ببيتنا ..
سلطان .. صح لان لما طاح جدي كان ببيتكم .. روح شوف ..
البراء وقف .. طيب بروح الحين ..
طلع البراء من المستشفى وسلطان رجع للتفكي ر ..
بعد نص ساعه رجع البراء وشاف سلطان للحين بالكافتريا .. راح له .. لقيته ..
سلطان بفرحه .. جد .. وينه ..
البراء بعد ما جلس .. خذ ..كان عند ابوي وقلت له ان عمي محمد يبيه ..
سلطان بعد ما اخذ الجوال .. كويس عرفت تتصرف ..
البراء.. افا عليك ..
سلطان .. كفو .. وفتح الجوال بس تحطم لما شاف فيه رمز .. يوووه مقفل ..
البراء .. طيب ما تقدر تتوقع الرمز ..
سلطان . هو ارقام بس مدري وش هي مافي بالي رقم معين جدي يحبه ..
البراء.. اجل مافيه الا حل واحد ..
سلطان .. وش هو ..
البراء.. مافي الا اني افتحه بطريقه التهكير ..
سلطان .. وانت تعرف ..
البراء.. قلت لك من قبل اي شي يخص الألكترونيات ابرع فيه ..
سلطان .. حلو بس اخاف بعدين جدي يعرف ..
البراء.. هو اكيد راح يعرف لان الأيفون صعب فكه ولو فكيته اكيد صاحب الجهاز راحيجيه تنبيه ويعرف ..
سلطان .. لا اجل ماينفع ..لازم ندور على حل ثاني ..
البراء.. طيب ليه ما تخليه هو يفتح لك بنفسه ..
سلطان .. صح .. بس هذا يعني اني ماراح اقدر اعرف السر الا بكرا ..
البراء .. كلها كم ساعه اصبر ..
سلطان .. الله يعين راح احاول...قطع كلامه صوت رنه الجوال وانتبه بجوال جده يرن ..صار يناظر فيه .. رقم غريب ..
البراء.. رد يمكن له دخل باللي صار بجدك ..
سلطان بس اخاف جدي يزعل ..
البراء .. صرف له باي شي .. رد بسرعه قبل ما يقفل ..
سلطان .. طيب . وبسرعه رد ..وسكت ..
الطرف الثاني بدا بضحكه .. ههههههههههههههههههههههههههههههه ..
سلطان استغرب وكان راح يتكلم بس سبقه المتصل ..
الطرف الثاني ..اجل دخلت للمستشفى يا عبدالعزيز .. ما تحملت الصدمه .. انا قلتلك انك ماراح تتحمل اي شي يخص حفيدك سلطان بس انت اصريت انك تعرف .. واتمنى تقوم بالسلامه .. ههههههههههههههههههههههههههه .. وبعدها قفل الخط من غير ما ينتظر ولا كلمه ..
سلطان كان يسمع وهو مصدوم ومو فاهم شي نزل الجوال وصار يناظر فيه ..
البراء .. سلطان وش فيك مين كان المتصل ..
سلطان رفع عيونه له .. انا السبب ..
البراء باستغراب .. ايش اللي انت السبب ..
سلطان وقف بسرعه ومارد على البراء وراح للدور الثاني ودخل على غرفه جده وهو حاس بالذنب .. راح لعنده وكان نايم مسك يده وتجمعت بعيونه الدموع .. يبه انا اسف انا السبب باللي انت فيه ..
البراء اللي لحق سلطان بسرعه كان واقف عند الباب وسمع سلطان ايش يقول وشاف حالته كيف .. دخل للغرفه بهدوء وراح عند سلطان وصار يربت على كتفه .. اذكر الله يسلطان ..
سلطان رفع راسه للبراء .. انا السبب يا البراء انا السبب ..
البراء مسك يد سلطان وسحبها بهدوء من يد جده ووقفه معه وطلعه لبرا .. اجلس وفهمني ايش اللي صار وليه تقول انك السبب ..
سلطان جلس على الكراسي القريبين من الغرفه ورجع راسه لورا وغمض عيونه وقال لسلطان كل اللي قاله له المتصل ..كيف ما تبيني اقول اني السبب ..
البراء.. وليه تقول انك السبب وانت مو عارف السالفه كامله .. يمكن هذا الشخص هدد عمي فيك لانك حفيد عمي الوحيد مو شرط انك تكون انت السبب ..اكيد انه يبي شي من عمي ..
سلطان فتح عيونه ولفع على البراء.. حى ولو كان يبي شي من جدي اكيد جدي ماراح يضعف الا اذا هدده فيني فعشان كذا اقولك انا السبب ..
البراء .. طيب وتتوقع بكاك هو الحل ..
سلطان .. لا طبعا .. انا بس اوصل له واعرف مين يكون ووش الشي اللي يبيه من جدي راح اعرف كيف اتصرف معه ..
البراء .. وكيف راح تعرف كل هذول الأشياء ..
سلطان .. راح نمشي على الخطه الأولى ..
البراء .. طيب ..والله يستر ..
سلطان .. طيب الحين انت تقدر تروح ترتاح انا بدخل عند جدي ..
البراء .. متاكد مو محتاج شي ..
سلطان ابتسم له .. ايه تطمن ..
البراء وقف .. طيب انتبه على نفسك ..
سلطان .. ابشر ..
بعدها راح البراء لبيتهم وسلطان رجع لغرفه جده وانسدح على السرير المخصص له كا مرافق وصار يفكر بالمتصل المجهول ..
.......................................

في فله العم راشد ..
بغرفه ديم بالتحدديد ..
من بعد ما سمعت الخبر وهي ما تفكر الا بسلطان وكيف حالته وكل ما فكرت انها ترسل له تتطمن عليه تتردد وتقول انه يمكن يكون مشغل .. بس الحين خلاص قررت ترل له وتقول رساله ماراح تزعجه .. ومسكت جوالها وارسلت له ..
.. معليش على الأزعاج بس حبيت اتطمن على عمي عبدالعزيز وعليك ..
..
..
..
عند سلطان بالمستشفى .. قطع تفكيره صوت رنه الرسايل بجواله فتحه وابتسم لا ارادي لما شاف المرسل .. قرا الرساله .. ورد عليها ..
.. تطمني جدي بخير ولله الحمد بس يحتاج شوي راحه .. وانا كمان بخير ولله الحمد ..
..
..
..
ديم فرحت انه رد عليها على طول ..
.. الحمدالله انكم بخير ..طيب ما ابي ازعجك اكثر .. بس انتبه لنفسك ..
..
..
..
سلطان مبتسم وهو يقرا ..
.. مافيها ازعاج ولا شي .. ان شاء الله وانتي كمان انتبهي على نفسك .. ربي حافظك ..
..
..
..
ديم فرحانه من كل قلبها انه جالس يكلمها ..
.. ويحفظك .. سلام ..
قفلت الجوال ونامت بعد ما تطمنت عليه ..
..
..
..
اما سلطان بعد ماشافهاا طلعت من الواتس قفل الجوال وغمض عيونه ورجع له التفكير اللي من شوي ..
..............................

اقتباس
  {[ اللهم لكـ الحمد والشكر كما ينبغي لجلال وجهكـ وعظيم سلطانكـ ]} 86 
قديم(ـة) 06-02-2016, 07:17 PM
الوعد _ ALWAAD
B16 رد: انا انثى ولكن !!...

في اليوم الثاني ..
الساعه 1 الظهر ..
بالمستشفى ..
انزعج سلطان من الاصوات العاليه اللي يسمعها .. فتح عيونه بشويش وانصدم لما شاف كل رجال العيله متجمعين .. عدل جلسته وعلى طول لف على جده وشافه يسولف ويضحك .. ارتاح شوي ولما حس ان محد انتبه له لان الغرفه كبيره وسرير سلطان كان بعيد شوي عن سرير جده .. نزل شوي شوي من السرير عشان محد ينتبه له وقبل ما يتجه للحمام ** الله يكرمكم ** بس ارتاع لما شاف الشباب جاو قدامه ..
فيصل .. وش عندك للحين نايم هاه ..
بسام .. اكيد راح تنصب وتقول سهران عند جدي ..
مشعل .. ايه وتلاقيه يكلم الحب ..
سلطان هههههههههه .. جد خبول .. اقول وخرو بس خلوني ادخل الحمام ..
مشاري .. المفروض انك تستقبلنا وتضيفنا ..
عزوز .. احمد ربك ان مافيه حد غريب كانت تفشلت صح ..
سلطان .. ياربي منكم ومن ازعاجكم وخرو عاد ..
البراء .. خلاص ياخي ابعدو عنه شفو وجهه كيف تعبان واضح انه ما نام كويس ..
سلطان .. كفو هذا اللوحيد اابي حاس فيني ..
مشاري .. يوه عاد الحين وش بسكتهم هذول بيجلسون يتغزلون ببعض ..
الشباب .. ههههههه ..
سلطان .. وخرو بس .. ومشى عنهم ودخل للحمام ** الله يكرمكم ..
اما الشباب رجعو جلسو مع الرجال ..
شوي طلع سلطان من الحمام بعد ما بدل ملابسه وضبط شكله .. راح لعند الرجال وسلم عليهم وراح لعند جده وحبه على راسه .. كيفك اليوم جدي ..
ابو محمد .. الحمد الله انا بخير الحين .. شكلك ما نمت الا متاخر امس ..
سلطان .. كنت خايف عليك يبه ..
الجد سعود .. ايه والله اصر انه يجلس معك بالمستشفى مع ان حالتك الحمدالله ما تحتاج ..
ابو محمد ابتسم .. الله يخليه لي ..
الكل .. امين ..
بقام سلطان وجلس بجنب الشباب ..
بسام .. بسم الله الحين انت كيف غيرت ملابسك من وين لك ملابس ..
عزوز .. تلاقيه مستعيرهم من مريض هنا ..
سلطان .. هاهاها ظريف ماشاء الله عليك .. ترا فيه اختراع اسمه جوال ووسياره وفيه شخص اسمه سواق يجيب السياره وكمان فيه انسانه اسمها خدامه تتقدر تجهز لك ملابس ..
الشباب ماعدى بسام وعزوز .. هههههههههههههههه ..
مشاري .. تفجرت جهتك انت وياه ..
بسام يبي يرقع الموضوع .. لا مو كذا قصدي بس متى امداك ..
سلطان .. من امس ..
عزوز .. اي هذا قصدنا ..
الشباب .. هههههههههههههه ..
شوي دخلو ثلاث رجال غريبين واضح ان اثنين بوديقارد والثالث هو المعزب اول مره يشفونهم الشباب بس شكل الجدان يعرفونهم ..
الرجال .. السلام عليكم ..
الكل .. وعليكم السلام ..
الجد سعود .. حياك الله يا ابو فهد ..
سلطان استغرب ان موو جده اللي تكلم لف عليه بسرعه وحس ان ملامحه متغيره رجع لف على الرجال لما سمع صوته ..
ابو فهد .. الله يحيك .. الحمد الله على سلامتك يا عبدالعزيز ..
سلطان تاكد ان هذا الرجال هو اللي امس كلمه لان صوته مميز فيه بحه وكانت طريقه نطقه لاسم عبدالعزيز نفس اللي كانت بالجوال .. حس انه بدا يعصب بس حاول يهدي نفسه وعرف ليه جده تغيرت ملامحه لما دخل هالرجال ..
ابو محمد .. الله يسلمك .. ليه تعبت نفسك وجيت كان يكفي منك اتصال ..
ابو فهد وهو يجلس .. لا وش دعوه انت عزيز وغالي يا ابو محمد ..
ابو محمد .. تسلم ..
ابو فهد .. طيب ممكت اتكلم معك لحالنا ..
ابو محمد لف على اخوانه وعيالهم .. انتظروني برا ..
الكل قام من غير اي اعتراض ما عدا سلطان ..
سلطان .. يبه انا بجلس معك ..
ام محمد بلهجه امر .. سلطان اطلع ..
سلطان .. لا ماراح اطلع انت تعبان ولازم اكون معك ..
ابو محمد بدا يعصب .. سلسعد خذ سلطان ..
العم سعد مسك سلطان بيطلع بس سلطان رافض ..
جا البراء يساعد العم سعد وهمس باذن سلطان .. ماراح تعرف شي بعنادك ..
سلطان فهم عليه وقرر يطلع ..
طلعو جلسو على الكراسي اللي برا .. ما عدا سلطان قال انه يبي يطلع يتمشى بحديقه المستفى .. ولان كان باين عليه متضايق راح معه البراء ..
البراء.. ليه اصريت انك تجلس مع جدك كنت شاك بالرجال هذا اللي اسمه ابو فهد ..
سلطان اللي كان يناظر قدام ويمشي ويدينه ورا ظهره .. لا مو شاك الا متاكد ..
البراء.. وكيف تاكدت ..
سلطان .. لانه نفس الصوت اللي سمعته امس واللي اثبت لي اكثر انه طلب جدي على انفراد ..
البراء .. ايش يبي منه ..
وسلطان .. وهذا اللي ابي اعرفه ..
البراء.. مادامنا عرفنه شكله كذا راح يكون سهل علينا نجيب معلومات عنه ..
سلطان لف عليه .. جد تقدر ..
البراء.. ايه اقدر بس لازم اخذ له صوره عشان ارسلها لواحد اعرفه راح يجيب لي كل المعلومات عنه ..
سلطان .. حلو .. واذا على الصوره سهل ناخذها ننتظره لما يطلع وناخذ له صوره ..
البراء .. وهذا اللي راح يصير .. وباذن الله بثواني المعلومات عندك ..
سلطان .. اوك يلا نرجع عشان نقدر ناخذ الصوره ..
البراء .. يلا ..
ودخلو لدخل المستشفى وطلعو للدور اللي فيه غرفه ابو محمد ولما وصلو للغرفه شافو الكل برا واقفين ودكاتره يدخلون للغرفه بسرعه ..
سلطان خالف وراح بسرعه يبي يدخل بس منعته الممرضه ..جدي وش فيه وش صاار له ..وبسرعه لف يناظر حوله وشاف ابو فهد واقف بعيد ومبتسم .. انقهر وعصب .. ومشى بيروح له بس البراء اللي كان يراقب سلطان انتبه له وعلى طول مسكه .. وهمس له .. سلطان لا تسوي شي تندم عليه .. وانا اخذت الصوره ورسلتها لخويي اصبر ..
سلطان بنفس الهمس .. شوفه كيف يبتسم ..
البراء.. شايفه الحقير بس انت اهدى ..
سلطان انتبه بالرجال يتجمعون على الدكتور وراح لهم ..
الجد سعود .. ايش صار لعبدالعزيز ..
الدكتور .. مو انا حذرتكم امس انه ما يتعرض لاي صدمه ..
الجد خالد .. حنا ما قلنا له شي وكنا منتبهين علي ..
سلطان حقد على ابو فهد اكثر .. طيب هو وش صار له الحين ..
الدكتور ارتفع ضغط دمه ودخل بغيبوبه ولا ندري للحين متى يقوم ..
سلطان بصدمه .. ايش غيبوبه ..قبض يده بعصبيه وهو يتوعد بابو فهد بداخله .. لف للجهه اللي كان فيه بس ما شافه .
الجد سعود .. طيب ما نقدر نطمن عليه ..
الدكتور .. لا الحين راح ننقله لغرفه العنايه المركزه عشان تكون الملاحظه عليه دقيقه .. عن اذنكم .. وراح ..
سلطان مشى عنهم من غير ولا كلمه وكانو ينادونه الشباب بس ما يرد ..
الجد سعود اتركوه اكيد زعلان على جده .. والحين خلونا نرجع البيت ..
وبعدها رج كل واحد لبيته الا البراء طبعا .. اتصل على سلطان وعرف انه بالحديقه راح له وشافه جالس على واحد من الكراسي ..جاتني كل المعلومات ..
سلطان بكل هدوء .. قولها لي ..
البراء وهو يجلس بجنبه .. اسمه حمد بن فهد ال..
سلطان لف عليه لما سمع العيله ..
البراء .. بالضبط هم وهو يكون جد عادل اللي معنا بالجامعه ..اتوقع ما تحتاج معلومات اكثر ..
سلطان وقف .. لا ما احتاج المعلومات الباقي اعرف كيف اجيبها .. قوم وصلني للقصر ابي اخذ سيارتي ..
البراء .. راح اوصلك بس راح اروح معك .
سلطان .. الموضوع يخصني افضل اني اروح لحالي ..
البراء .. بس يا سلطان ..
سلطان قاطعه .. راح توصلني ولا اخذ تاكسي ..
البراء .. لا راح اوصلك ..
وطلعو من المستشفى وراحو لقصر ابو محمد سلطان اخذ سيارته واتجه للمكان اللي يبيه وحذر البراء من انه يلحقه ..
بعد ربع ساعه وصل للمكان اللي يبيه كان عباره عن قصر كبير .. طلب من الحارس يفتح له البوابه دخل بسياره ودخل للمجلس وطلب من الخدم ينادون له عادل ..
بعد دقايق جا له عادل وشاف بوجهه الصدم لما شافه ..
سلطان وقف بابتسامه .. مرحبا ..
عادل باستغراب .. اهلين ..حياك ..
وبعد ما جلسو ..
سلطان ..يمكن او اكيد انك مستغرب من وجودي عندك صح ..
عادل .. صح ..
سلطان .. طيب ابي اسالك .. حاب تخسر جدك ..
عادل باستغراب اكبر .. جدي .. ايش قصدك ..
سلطان سؤالي واضح .. حاب تخسر جدك ..
عادل .. اكيد لا ..
سلطان .. حلو حتى انا مو حاب اخسر جدي كمان .. فاذا كنت تحب جدك كثير ابيك تساعدني بموضوع..
عادل باستنكار .. اساعدك !!..
سلطان .. ايه تساعدني ..
عادل .. وايش نوع المساعده اللي تبيها ..
سلطان .. اسمع راح اقولك اياها على المكشوف مثل ما يقولون .. جدك يبي من جدي شي وجالس يهدده وابي اعرف ايش هذا الشي اللي يبيه .. اكيد راح تقول وليه واثق اني راح اقولك .. انا مو واثق فيك انا واثق بحبك لجدك لان لو انت ما ساعدتني راح اطر اني اضر جدك .. وانت حر بالأختيار ..
عادل سكت وكان يفكر بكلام سلاطان ..
سلطان صار يناظره وهو مبتسم لان خطته كانها راح تنجح ..
عادل بعدسكوت دام دقيقه ..طيب ولو جبت لك اللي تبيه وش لي ..
سلطان ابتسم .. كنت عارف انك من هالنوعيه .. تطمن لك اللي تبيه ..
عادل .. اللي ابيه انك تصير صديقي بالجامعه ..
سلطان بنفس ابتسامته .. ما اتوقع انو من صالحك اني اصير صديقك بالجامعه .. اطلب شي غيره ..
عادل وقف .. هذا طلبي اذا راح تنفذه لي راح اوافق على مساعدتك ..
سلطان وقف .. انا ماعندي اي مشكله بس كنت خايف على مصلحتك ولو كنت انت مصر انا موافق .. بس بشرط اليوم يجيني الخبر ..
عادل ابتسم .. اوك اليوم .. عطني رقمك ..
سلطان .. تبي تقنعني انه مو موجود عندك ..
عادل .. ايه مو موجود ..
سلطان .. طيب راح اصدقك .. خذ .. وتبادلو الأرقام .. لو جات الساع 11 باللي وماجاني خبر قول على جدك السلام ..
عادل .. لا تاكد راح يجيك الخبر بعد كم ساعه ..
سلطان .. اوك .. يلا سلام .. ومشى وهو مرتاح نسبيا .. طلع من القصر واتجه للمستشفى عشان يتطمن على جده .. راح لغرفه العنايه وجلس يناظر جده من ورا القزاز وبنفسه .. تاكد يا جدي اني مستحيل اخليك تنضر وانا موجود .. .. قطع تفكيره صوت جواله طلعه من جيبه وشاف المتصل البراء .. راح يجلس على وحده من الكراسي ورد عليه ..اهلين ..
البراء.. وينك ..
سلطان بعد ما رجع راسه لورا .. بالمستشفى ..
البراء .. طيب جايك ..
سلطان .. لا لا تجي شوي بطلع بورح اتطمن على جدتي .
البراء .. طيب راح اجي: لألأ[]ـ ..
سلطان .. لا تتعب نفسك ..
البراء.. ترا واضح انك تتهرب ..
سلطان ابتسم على خفيف .. مادامه واضح خلاص افهمها ..
البراء .. تطمن ماراح اسالك وين رحت وايش سويت لاني عارف انك بالأخير راح تقولي وكمان عارف انك مستحيل تسوي شي غلط ..
سلطان .. شكرا على ثقتك فيني ..
البراء.. تعودت على شكرك خلاص .. طيب والحين راح تخليني اجيك البيت او لا ..
سلطان .. مادامك ماراح تسالني خلاص تعال ..
البراء.. اوك ..يلا سلام ..
سلطان .. سلام ..
قفل من البراء وقام طل على جده بعدها طلع من المستشفى وتوجه للقصر ..دخل وشاف جدته جالسه بالصاله وتقرا قرآن .. راح لها وحب راسها .. السلام ..
ام محمد سكرت القرآن .. وعليكم السلام .. ها يمه كيفه جدك اليوم يقولون صارت الزياره ممنوعه عنه ..
سلطان .. ايه يمه لان حالته سأت شوي بس لا تقلقين هو بخير ..
ام محمد .. اكيد ..
سلطان .. باذن الله انه بخير .. وان شاء الله بالليل اخذك عشان تشوفينه ..
ام محمد .. ان شاء الله .. الحين قوم ارتاح شوي باين على وجهك التعب ..
سلطان وقف .. ان شاء الله .. وطلع من الثاله وراح لغرفته دخل للحمام ** الله يكرمكم ** اخذ له شاور يريح فيه جسمه وبعد ربع ساعه طلع وراح لغرفه الملابس طلع له بنطلون اسود وعليه بلوزه باكمام طويله بيضا وعليها كتابات بالأسود .. وراح للتسريحه جفف شعره ومشطه على ورا ولبس ساعته السوده وجزماته البيض وجلس على السرير .. اخذ جواله من على الكومدينا واتصل على البراء .. وبعد ما رد .. وينك ..
البراء.. توي بتصل عليك .. دخلت للمجلس ..
سلطان وقف .. طيب جايك يلا سلام .. وقفل وشاف شكلك بالمرايا بعدها نزل لتحت ومالقى جدته بالصاله كمل طريقه لبرا ودخل للمجلس شاف البراء جالس على وحده من الكنابات راح جلس بجنبه .. هلا ..
البراء.. اهلين .. ارتحت ..
سلطان وهو ياخذ المخده حقت الكنب وينسدح عليها لا والله .. ما امداني ..
البراء.. كان قلت لي عشان ما اجي ..
سلطان ..بالله يعني الحين لو قلت لك ماراح تجي ..
البراء .. ههههههههه .. الا بجي بس يعني يصير عندي خبر ..
سلطان .. اقول بس اسكت خلني افكر ..
البراء.. تفكر بايش ..
سلطان ناظره بنص عين مو الحين قلت لي انك ماراح تسالني ..
البراء .. انا قلت اني ماراح اسالك اللي اللي سويته مو عن اللي راح تسويه ..
سلطان .. بس هذا متعلق بهذا يعني نفس الشي ..
البراء .. طيب ها سكتنا ..
سلطان ضحك على شكله المقهور . ههههههههههههههههههههههه .. ايه خلك شطور ..
البراء لف عليه .. مالت علي لاني ما حبيت انك تجلس لحالك ..
سلطان .. بالضبط مالت علي... قطع كلامه لما سمع رنه جواله .. ضبط جلسته بسرعه وطلع جواله من جيبه وابتسم لما شاف المتصل .. اهلين ..
عادل .. هلا بك .. جبت لك اللي تبيه بس تدري لو ما نفذت طلبي وش راح يصير ..
سلطان واللي فاهم شخصيه عادل كويس .. ايه اكيد اعرف .. والحين عطني اللي جبته ..
عادل .. طيب اسمع .. جدي وجدك داخلين في مناقصه كبيره وماباقي الا اسبوع ويعلنون على مين راح ترسي المناقصه وجدي يعرف شخص من الشركه صاحبه المناقصه وقاله ان الأرجح في كسب المناقصه هو جدك فعشان كذا جدي قال لجدك انه يتنازل عن المناقصه ولا انه راح يفضح سره ..وجدك للحين رافض ..
سلطان باستغراب .. سره .. وايش هو سره ..
عادل . هذا الشي اللي مستحيل اعرفه ..
سلطان .. متاكد انك مستحيل تعرفه ..
عادل .. ايه والله مستحيل اعرفه ..
سلطان حس انه صادق .. اوك .. الوعد يوم الأحد ..
عادل .. اوك .. يلا سلام ..
سلطان . سلام .. قفل وجلس يناظر الجوال ويفكر ..
البراء اللي مافهم شي من المكالمه .. بس حس انه تخص موضوع جده .. ها وصلت لشي ..
سلطان لف عليه .. عرفت الحقير ايش يبي من جدي ..
البراء .. كويس بس سمعتك تقول سر ..
سلطان .. وهذا اللي شاغل تفكيري الحين .. واتوقع اني ماراح الاقي الأجابه الا عند جدي ..
البراء .. طيب من غير ما تعرف هذا السر راح تقدر تساعد جدك وتخلصه من ابو فهد ..
سلطان .. للحين مدري راح افكر ..
البراء .. طيب ممكن اعرف ايش اللي عرفته يمكن اقدر اساعدك ..
سلطان .. اسمع .. وقاله كل الكلام اللي قاله له عادل بس طبعا ما قاله ان عادل هو اللي جايب المعلومات ..
البراء.. اهاا يعني الموضوع فيه شغل ..
سلطان .. بالضبط .. لحظه لو ربطت بين كلام الحقير والسر راح يكون السر يخصني ..
البراء.. كيف يعني ..
سلطان .. امس لما كلمني وكان يفكرني جدي وقال انك ما تتحمل اي شي يخص حفيدك سلطان .. يعني اكيد السر يخصني بس ايش هو ..
البراء .. من جد .. طيب اللي جاب لك المعلومات ما يعرف السر ..
سلطان .. لا ما يعرفه .. وانا لازم اعرف السر عشان اقدر اساعد جدي ..
البراء .. لا تقدر تساعدهمن غير ما تعرف السر ..
سلطان .. وكيف ..
البراء.. جوال جدك وينه ..
سلطان .. عندي بغرفتي .. بس ليه ..
البراء .. روح جيبه بعدين اقولك ليه .. وكمان جيب الاب حقك ..
سلطان وقف .. اوك . وطلع من المجلس وراح لغرفته اخذ الجوال واللاب ورجع للمجلس ..هذا هم ..
البراء .. طيب اجلس .. واخذ منه اللاب وفتحه والجوال وشبكه باللاب وقدر يخترقه وطلع كل الأرقام والمعلومات اللي فيه .. شوف انا عرفت طريقه اخلي جدك ما يعرف ان جواله اخترق .. والحين راح نرسل رساله لابو فهد من جوال جدك ..وكل هذا راح يكون عن طريق اللاب ..
سلطان .. اوك وايش راح يكون محتوى الرساله ..
البراء .. راح نطلب منه انه يجي للمستشفى بكرا الصباح ضروري وان الموضوع يخص الصفقه ..
سلطان .. طيب وبعدين .. واذا جا ..
البراء .. اذا جا انت راح تقابله ..
سلطان .. طيب هو اكيد راح يسال عن جدي ..
البراء .. صح وانت راح تقوله انك تعرف كل الموضوع وان جدك صحى من الغيبوبه وقالك تقول له انه قرر يتنازل .
سلطان .. طيب وبعدين ..
البراء .. والباق اتركه علي بس لازم تجيب لي كل حسابات ابو فهد الألكترونيه ..
سلطان . هذي مقدور عليها .. بس اكيد خطتك مضمونه ما ابي جدي ينضر ..
البراء .. اذا هو جدك فهو عمي واكيد ماراح اضره وراح اكون حريص بكل خطوه اسويها ..
سلطان .. اوك اجل يلا ارسل له الرساله ..
البراء ..تم انرسلت ..
سلطان .. اوك ..
البراء وقف .. انا بروح للبيت ارتاح اشوفك بالليل بالمستشفى اوك ..
سلطان .. اوك ..
وبعدها تفرقو البراء راح لبيته وسلطان لغرفته ..
..............................................

صباح اليوم الثاني ..
بالمستشفى ..
كان سلطان جاي من بدري وينتظر ابو فهد على اعصابه .. شافه وهو جاي وكان متجه لغرفه ابو محمد .. وقف وراح له .. مرحبا ..
ابو فهد .. اهلين .. انت سلطان صح ..
سلطان بنفسه .. يعمل حاله ما يعرفني .. ابتسم له .. ايه سلطان .. وانا اللي راح اقابلك بدل جدي ..
ابو فهد صار يناظر سلطان من فوق لتحت وكانه يقول انت !!..
سلطان فهم حركته .. قال جدي ايش اقولك .. ممكن تتفضل معي ..
ابو فهد .. طيب ..
وطلعو لبرا المستشفى بالحديقه جلسو على واحد من الكراسي وبدا سلطان الكلام وقاله كل شي اتفقو عليه ..
ابو فهد .. وايش اللي يضمن لي ان جدك ماراح يغير راييه ..
سلطان .. مافيه ضمان .. بس عندك السر اللي تهدد فيه جدي اعتبره ضمان لك ..
ابو فهد صار يناظر سلطان باستغراب .. وانت تعرف السر ..
سلطان .. وانت تتوقع لو كنت اعرف راح اخلي جدي يتنازل عن الصفقه ..
ابو فهد ابتسم .. شكلك مو سهل طالع على جدك ..
سلطان .. تربيه جدي .. والحين عن اذنك .. ووقف ..
ابو فهد وقف .. كفو بتربيه جدك .. واذا صحى بالسلامه طمني عليه ..
سلطان .. ابشر ..
مشى ابو فهد وسلطان كان وده يذبحه .. رجع للداخل المستشفى وقابل البراء وقاله عن كل اللي صار ..
البراء.. باين انه خاف لما شك انك تعرف السر ..
سلطان .. مره ..
البراء .. لو كان السر يخصك ليه يخاف انك تعرفه ..
سلطان .. مدري .. المهم الحين قولي ايش راح تسوي ..
البراء .. قبل كل شي جبت لي كل حساباته ..
سلطان طلع ورقه من جيبه .. هذول كل حساباته ..
البراء.. اوك اليوم بالليل راح يجيك الخبر الأكيد .. قلت لي كم باقي على اعلان نتايج المناقصه ..
سلطان .. اسبوع ..
البراء .. حلو قدامنا اسبوع يكفي..طيب الحين انا استاذن بروح ابدا شغل ..
سلطان .. اوك وانا بعد برجع البيت عشان اجيب جدتي تطمن على جدي .
البراء .. اوك ..
وتفرقو ..
...............................................

بالليل ..
الساع ه8 ..
بالمستشفى ..
صحى ابو محمد من الغيبوبه والكل عرف بالموضوع وجاو له يزورونه ..
سلطان كان جالس عند جده ويسولف معه ومبسوط انه صحى من الغيبوبه ..
بس في هاللحظه جا اتصال لسلطان ..رفع الجوال وشافه رقم غريب .. استاذن من جده والجماعه وطلع لبرا .. مرحبا ..
الطرف الثاني .. مرحبتين .. معي سلطان محمد عبدالعزيز ال... ..
سلطان باستغراب .. اي نعم ..تفضل ..
الطرف الثاني .. تعرف حمد بن فهد ال.. المعروف بابو فهد ..
**
**
**
**
**
**
**
**
** انتهى البارت السادس **