رواية انا انثى ولكن الفصل السادس عشر 16 - بقلم lxvcr3

** البارت الخامس عشر **
**
**
**
**
**
**
**
**
**
**
**
**
**
**
**

الجد سعود .. اعتذارك الحين ماراح ينفع .. وحنا قررنا قرار وخلصنا وعليك التنفيذ ..

الجازي رفعت عيونها لهم .. ايش هو ..

الجد خالد .. مالك قال لنا ان عبدالعزيز موصيه عليك وجدتك قالت لنا ان عبدالعزيز كان ناوي يزوجك لمالك بس يومه كان اقرب .. وبما ان هذي كانت وصيه وامنيه عبدالعزيز حنا راح ننفذها له وبنفس الوقت عشان يكون فيه حد يحكمك ولا تروحين وتجين على كيفك.. انتي راح تتزوجين مالك ولا نبي اي اعتراض منك ..

الجازي رفعت عيونها له بصدمه .. ايش ؟!! اتزوج مالك ؟!!..

الجد سعود .. ايه .. ليه عندك اعتراض عليه ..

الجازي .. انا مابي اتزوج الحين ..

الجد خالد .. مو بكيفك .. هذا قرار قررناه ولازم تنفذينه ولا نسيتي انتي ايش سويتي ..

الجازي بدت تعصب .. الحين صار هروبي بسبب اللي صار لي واني ابي اجلس لحالي جريمه .. يمكن انا غلطت لاني سافرت بس ما كنت وقتها بوعيي واتوقع مالكم حق انكم تحاسبوني على شي مثل كذا بهذي الطريقه .. عاقبوني عادي بس مو كذا .. احرموني من اي شي بس مو تزوجوني من شخص ما ابيه وفي وقت مابيه بعد ..

الجد سعود .. لا ترفعين صوتك على اللي اكبر منك ومالك راح تتزوجينه غصب عنك وعلى فكره جدتك موافقه ..

الجازي لفت عليه .. موافقه ؟!!..

الجد سعود .. ايه موافقه وهي اللي قالت لنا .. يعني مالك عذر راح تتزوجينه والملكه راح تكون الأسبوع الجاي .. وبما ان عبدالعزيز توه متوفي ماراح نسوي عزيمه ولا حوسه بس نكتب العقد والزواج يكون بعدين ..

الجازي وقفت وهي مقهوره.. طيب .. وطلعت من المجلس وهي شوي وتبكي .. دخلت لداخل وراحت لوحده من الغرف الفاضيه وجلست تبكي من القهر ومن انها ما تقدر تعترض على شي ما تبيه ولاول مره ..

البراء اللي كان حاضر كل الموقف انقهر لما سمع الخبر بس للاسف مايقدر يقول شي مادام الجدان تكلمو .. بعد ما طلعت الجازي طلع هو للحديقه يحس بضيقه بصدره طلع يستنشق شويه هوى وصار يتمشى .. انتبه بسياره تدخل القصر .. استغرب مين يكون بس لما شاف اللي نزل من السياره عرفه وكان مالك ..

مالك انتبه للبراء وراح له .. الجازي قابلت الكل ..

البراء صد عنه .. ايه .. واكيد انك عارف باللي صار صح ..

مالك باستغراب .. ايش اللي صار .. عصبو عليها .. هاوشوها .. لا تقول ضربوها لا ما اتوقع يوصلون لهذي الدرجه ..

البراء لف عليه .. لا ما سوو ولا شي من اللي قلته بس راح يزوجونها .. لا تسوي نفسك مو عارف ..

مالك مصدوم .. يزوجونها .. ليه .. ولمين ؟؟..

البراء ..من جدك مو عارف .. مو انت اللي قلت لي لما كنا بامريكا انك راح تتزوجها .. كيف الحين تسال مين ..

مالك زادت صدمته .. قصدك انهم راح يزوجونها لي .. ليه .. انا ما قلت لهم ..

البراء .. كيف ما قلت لهم هيعني من راسهم قررو هذا القرار ..

مالك .. مدري انا كل اللي قلته لهم ان عمي عبدالعزيز الله يرحمه وصاني عليها بس ما قلت لهم شي ثاني ..

البراء .. وانت قلت معنى وصيته يعني انك تتزوجها ف اكيد هم فهمو هالشي ..

مالك .. بس انا مابي اتزوجها ..

البراء بشبه امل .. جد .. بس ليه قلت لي هذاك الكلام لما كنا بامريكا ..

مالك .. انا كنت مفكر انكم كنتو تلهون هناك وناسين الكل عشان كذا انا عصبت وقلت لك هذاك الكلام لاني احس ان الجازي مسؤوليه برقبتي ولازم ارجعها لاهلها بسلام .. بس ابد ما كنت قاصد اللي قلته .. وبعدين انا شبه خاطب ..

البراء .. شبه خاطب ؟!.. طيب والجازي الحين ايش مصيرها الشياب اذا قررو شي مو بالسهوله يتراجعون عنه ..

مالك سكت شوي يفكر .. امم طيب هم للحين داخل صح ..

البراء .. ايه .. لازم تتصرف قبل ما يتفقون مع الشيخ لانهم حددوو الملكه الأسبوع الجاي ..

مالك .. اوف هذول كل شي عندهم سريع سريع .. طيب الحين وش السواه ..

البراء .. لو بيدي حل كان تكلمت ..

مالك .. طيب الجازي ما اعترضت ..

البراء .. الا اعترضت بس هم اصرو عليها .. والجازي تغيرت من بعد وفاه عمي صارت اضعف ما قدرت تدافع عن نفسها او تعترض اكثر ..

مالك .. ياربي وش الحل الحين ..

البراء .. لحظه انت قلت ان عمي عبدالعزيز الله يرحمه قالك وصيتك الجازي صح ما قالك تزوج الجازي صح ..

مالك لف عليه .. ايه صح .. ايش تبي توصل له ..

البراء .. لما يوصيك عليها يعني انك تهتم فيها وتحمييها مو شرط انك تتزوجها ..

مالك اللي بدا يفهم قصد البراء .. صح ..عرفت ايش تبي توصل لي .. انا داخل لهم الحين لازم نوقف هالقرار ..

البراء .. اوك ويارب ينفع معهم ..

مالك مشى شوي ورجع لف على البراء .. شكرا لك ..

البراء .. العفو ما سويت شي ..

وبعدها دخلو اثنينهم للمجلس ..

مالك سلم على الكل وجلس عند الجد سعود والجد خالد ..

الجد خالد .. الحمد الله على سلامتك يا ولدي .. كويس انك ما تاخرت .. بصراحه حنا قررنا قرار ولازم تعرفه ..

مالك اللي سوى انه ما يدري عن شي .. سم يا عمي اسمعك ..

الجد خالد .. حنا راح ننفذ وصيه عبدالعزيز الله يرحمه وراح نزوجكم انت والجازي وحددنا الملكه الأسبوع الجاي بس كتب عقد من غير حفله ولا شي ..

مالك .. بس مين قال اني انا موافق .. انا اسف يا عمي بس هذا قرار مصيري ولازم تاخذون رايي قبل ما تقررون ..

الجد سعود باستغراب .. بس هذي كانت وصيه عمك ماراح تنفذها ..

مالك .. الا راح انفذ وصيه عمي اللي كانت اني اهتم بالجازي واحميها مو اتزوجها ..

الجد خالد .. وكيف راح تسوي كل هذا من غير ما تتزوجها ..

مالك .. في اشياء كثير غير اني اتزوجها .. وبعدين انا ما اقدر اتزوجها لاني حاجر على بنت عمي وصعبه اروح اقول لعمي انا مابي اتزوج بنتك ..

الجد سعود يناظر الجد خالد ..

الجد خالد .. بس عادي تقدر تقول لعمك ان هذي وصيه ولازم تنفذها ..

مالك .. بس ياعم انا قلت لك من شوي الوصيه ما نصت اني لازم اتزوج الجازي .. يعني اقدر اني اني احميها والبي كل طلباتها من بعيد .. ولو انتو مصرين انكم تزوجونها عشان تحمونها انا ارشح لكم واحد يتزوجها موثوق فيه وراح يقدرها ويحميها ويهتم فيها .. وغير كذا منها وفيها مو مثلي بعيد ..

الجد سعود .. ايش قصدك وضح اكثر ..

مالك .. انا عرفت من عمي الله يرحمه ان من عوايد عيلتكم انكم تزوجون العيال من العيله ونادر ما تطلعون برا واذا مصرين انكم تزوجون الجازي فا انا ارشح البراء .. ولف عليه .. هو انسب واحد للجازي .. شاف الصدمه بعيون البراء .. صدق يا البراء علاقتي معك مو كويسه ولا عمرنا تفاهمنا من لما تقابلنا بس لو جينا للحق ف انت انسب شخص للجازي .. ورجع لف على الشياب .. شخص منها وفيها وواثق انه راح يسعدها ويهتم فيها .. وبكذا انا اكون نفذت وصيه عمي الله يرحمه ..

الشياب سكتو يفكرون ..

شوي الجد خالد لف على ابو البراء .. ها يا ماجد ايش رايك بالكلام ..

ابو البراء .. ومين يحصل له شرف نسابه عمي عبدالعزيز الله يرحمه .. اكيد موافق من غير اي تردد ..

الجد خالد لف على البراء اللي للحين مصدوم من حركه مالك الغير متوقعه .. وانت يالبراء ..

البراء ناظر مالك اللي كان يبتسم له وبعدها لف على جده .. اللي تشوفونه ..

الجد خالد .. مادام الكل موافق ومتفقين اجل على بركه الله والملكه راح تكون بوقتها ..

مالك لف عليه .. بس لحظه راي الجازي ..

الجد سعود .. الجازي مالها راي من بعد اللي سوته راح تتزوج غصب عنها ..

مالك تنهد وسكت يعرف ان البراء مناسب لها حتى لو تزوجته غصب عنها واكيد راح يتفاهمون ..
.................................................. .

عند الحريم ..

وصلتهم الأخبار اللي صارت بمجلس الرجال .. والكل انبسطو من الموضوع حتى ام محمد كان همها ان الجازي تتزوج وتستقر قبل ما ربي ياخذ امانته ..

البنات اول ما سمعو الخبر صارو يدورون على الجازي ولما سالو الخدم قالو لهم وينها .. راحو لها واول ما فتحو الباب شافوا جالسه بوحده من الزوايه وضامه رجولها لصدرها ومنزله راسها عليهم .. راحو لها كلهم بخوف ..

ديم .. الجازي انتي بخير ..

ريماس .. الجازي تسمعينا ؟..

ريوف رفعت راس الجازي وانصدمو من شكل وجهها اللي كان احمر والدموع مغطيته .. الجازي بسم الله عليك وش فيك ..

الجازي رجعت نزلت راسها وقالت بصوت كله بكا .. مافيني شي ابي اجلس لحالي ..

رهف .. مستحيل نتركك لحالك وانتي بهالحاله ..

رغد ..الجازي بسم الله عليك ليه كل هذا ليه البكا ..

الجازي رفعت راسها لهم .. كيف تبوني ما ابكي وجدي توفى وانا بعيده عنه ومن بعد ما توفى والكل صارو يصيطرون علي ويغصبوني .. وتسالوني ليه ابكي .. تتوقعون الحاله اللي انا فيها ما تبكي .. انا من بعد جدي صرت ولا شي تفهمون يعني ايش ولا شي .. ما قدرو حالتي ويبون يزوجوني هذول ايش مو بشر .. حتى لو انا بنظرهم غلطت باللي سويته هذا مو عقاب يعاقبوني فيه .. وللحين تبون تعرفون ليه ابكي .. ورجعت نزلت رسها وصارت تبكي اكثر وتشهق لدرجه ان البنات تقطعت قلوبهم عليها ..

ريوف قربت منها وحضنتها .. خلاص اهدي حبيبتي ندري كل اللي صار مو شوي بس اهدي راح تتعبين لو استمريتي على هالحال ..

رهف قامت تجيب مويه لها .. دقايق ورجعت وعطت المويه ريوف ..

ريوف . اشربي شوي عشان تهدين ..

الجازي اللي بدت تهدي من البكا شربت المويه ورجعت راسها على صدر ريوف بتعب ..

ريماس .. حنا ندري ان اللي صار مو شوي والشياب اذا قالو كلمه لازم تتنفذ ..بس انتي شوفي الموضوع بشكل اجابي البراء انسان كويس واكيد راح يفهمك وغير كذا لا تنسين انك لما كنتي سلطان كنتو قريبين من بعض يعني راح يكون شي حلو ..

الجازي لفت تناظر ريماس باستغراب .. وايش جاب طاري البراء الحين ..

رغد .. كيف ايش جاب طاريه وهو اللي راح يتزوجك ..

الجازي رفعت راسها من على صدر ريوف وتناظرهم باستغراب .. ايش تقولون انتو شكلكم فاهمين غلط اللي راح يتزوجني هو مالك مو البراء ..

ديم .. اها باين انك ما تدرين عن اللي صار ..

الجازي .. وليه ايش اللي صار ..

ديم قالت لها كل السالفه واللي صار بمجلس الرجال بالحرف ..

الجازي .. تمزحين .. كل هذا قاله مالك ..

رغد .. ايه هو عرف كيف يقنعهم ان وصيه عمي الله يرحمه ماكانت زواج ..

ريوف .. وهو اختار البراء لك يمكن عشان يعرف قد ايش انتو كنتو قريبين من بعض .. واذا جا الحق هو اكثر واحد يناسب لك ..

الجازي سكتت تفكر بكل الكلام اللي قالوه البنات ..

ريماس .. الحين حنا راح نترككك واضح انك تبين تجلسين لحالك بس لما تهدين تعالي لنا برا اوك .. وياويلك تبكين ..

الجازي .. طيب ..

طلعو البنات وتركو الجازي بافكارها ..

الجازي بنفسها .. صدق اني ما احس باي مشاعر اتجاه الأثنين بس لو خيروني راح اختار البراء طبعا .. الحمدالله ان مالك قدر يقنعهم اكيد البراء راح يفهمني ولا راح يغصبني على شي وبما ان الموضوع الحين بس ملكه يعني اقدر اني اطلب منه اننا ننفصل بعدين وهو اكيد ماراح يرفض لو شاف ان هذا من مصلحتي .. ارتسمت على وجهها شبه ابتسامه من الافكار اللي طرت ببالها ..

.............................................

اما عند الرجال ..

البراء بعد ما سمع الخبر طلع برا للحديقه وراح لجهه المسبح وجلس وهو يفكر بالجازي وكيف راح تكون رده فعلها وهو كان مبسوط انه راح يتزوج الجازي وبكذا تاكد انه يحبها صدق وكل الاحاسيس اللي كانت يحسها اتجاه الجازي كانت حب .. ابتسم وبنفسه .. الحمد الله على اللي صار بس الجازي كيف راح تكون رده فعلها هل راح ترضى لاني كنت قريب منها او راح ترفض بما انها ما تكن لي اي مشاعار .. شي يحير من جد .. بس الله يجيب اللي فيه الخير ..

...................................

بعد اسبوع لا يحمل اي احداث مهمه الا ان الجازي وام محمد رجعو لقصرهم وصارت الجازي ملازمه لجدتها ما تتركها حتى النوم تنام معها صارت تهتم اكثر فيها ..

يوم الخميس ..

وهو اليوم اللي راح تكون ملكه الجازي والبراء فيه ..

الساعه 8 المساء ..

قصر ابو محمد ..

طبعا الكل كانو متجمعين هناك وينتظرون الشيخ يجي عشان يملكون ..

عند الحريم ..

البنات كانو بغرفه الجازي اللي كانت رافضه انها تجهز عشان مقابله البراء ..

ريوف .. الجازي وش فيك عنيده كذا ترا كلها ربع ساعه وتطلعين ..

الجازي .. مادام الموضوع غصب وراح يصير سوا وافقت او لا ليه بعد اجلس معه ..

ريماس .. طيب الحين وين المشكله لما تجلسين معه وبعدين خلي الولد يشوفك من غير حجاب لو لمره من بعد ما صرتي بنت ..

الجازي .. ترا هذا شكلي ما تغير كثير وهو حافظني ..

ديم .. ياربي منك على مين انتي عنيده ..

رهف .. بنات خلاص بكيفها اتركوها انا راح اقول لاخوي ان الجازي ما تبي تشوفك ..

الجازي .. عادي قولي له ماراح اهتم ..

رهف غمزت للبنات من غير ما تنتبه الجازي .. طيب اجل حنا بنطلع ..

ريوف .. من جد بنطلع خلاص طفشتينا ..

وطلعو البنات وتركو الجازي لحالها بالغرفه ..

بالصاله اللي فوق ..

رغد .. وش فيك رهفوهه تغمزين لنا ..

رهف .. انا عندي خطه تخلي الجازي تجلس مع البراء وبراضاها ..

ديم .. وكيف ..

رهف .. اسمعو ..وقالت لهم الخطه ..

ريوف .. والله وطلعتي تفكرين .. اجل الحين خلونا ننزل ..

نزلو البنات وبعد دقايق طلعت ام محمد للجازي عشان تنزلها معها عشان الشيخ ياخذ موافقتها ..دخلت عليها وشافتها منسدحه على السرير وتفكر .. يمه الجازي ..

الجازي ضبطت جلستها وابتسمت لجدتها .. هلا يمه ..

ام محمد ردت لها الابتسامه .. يلا يمه الشيخ وصل ويبي ياخذ موافقتك ..

الجازي اللي كان مو هامها شي .. طيب .. نزلت وكانت لابسه تيشيرت عادي وبنطلون جنز ورافعه شعرها باهمال .. وصلو للمجلس اللي فيه الشيخ وقفت ام محمد ونادت على الجد سعود اللي جا وقف عند فتحت الباب البسيطه اللي كانت عندها الجازي .. وقال للشيخ انه يبدا ..

الشيخ .. الجازي محمد عبدالعزيز ال.. اانتي موافقه على الزواج من البراء ماجد خالد ال على سنه الله ورسوله ..

الجازي .. نعم موافقه ..

الشيخ .. على بركه الله ومد للجد سعود الدفتر عشان يعطيه الجازي توقع ..

الجازي اخذت الدفتر ووقعت من غير اي تعابير بوجهها .. وبعد ما خلصت جلس الشيخ يعطيها نصايح عن الزواج .. وبعد ما خلص وراحو ضمتها ام محمد وصارت تبكي ..

ام محمد .. الحمدالله اني شفتك عروس قبل ما اموت ..

الجازي تجمعت بعيونها الدموع لما سمعت كلام جدتها وضمتها اكثر .. لا يمه لا تقولي هالكلام لك طوله العمر ان شاء الله ..وبعدت عنها .. وبعدين اذا كنتي فرحانه لي ليه تبكين يلا ابتسمي ..

ام محمد ابتسمت .. الف مبروك يمه ..

الجازي .. الله يبارك فيك ..

دخلت عند الحريم ولا حد عاتبها على شكلها لانهم عاذرينها وعارفين الحاله اللي هي فيها .. الكل بارك لها وبعدها طلعت لغرفتها ..دخلت ورمت نفسها على السرير .. الكل فرحانين لي تحت ليه انا ما احس باي شعور يمكن لاني مغصوبه .. مدري .. سمعت جوالها يرن راحت له وشافته رقم غريب استغربت بس طنشته .. رجع يرن مره ثانيه وهالمره جا ببالها عادل .. ليكون هو بس ما اتوقع طلع من السجن .. خليني ارد واشوف .. ردت .. الو ..

جاها صوته وباين انه مبتسم .. الف مبروك .. ادري انك مو فرحانه ولا حتى زعلانه بس انا مبسوط كثير بعد مو شوي ف لو سمحتي يا زوجتي العزيزه انك تنزلين لي عشان تكمل فرحتي ..

الجازي ابتسمت غصب عنها من كلامه .. البراء ..من وين متصل مو رقمك هذا ..

البراء .. انا متاكد لو اتصلت من رقمي ماراح تردين عشان كذا خذت جوال واحد من الشباب واتصلت عليك .. والحين لا تضيعين السالفه جاني خبر انك رافضه تنزلين وانا ابيك تنزليه ..

الجازي جلست على السرير .. البراء الجلسه اللي بعد الملكه للناس اللي يبون يتعرفون على بعض ويشوفون بعض زين مو لنا حنا اللي عارفين بعض كويس وغير كذا لا تنسى اني مغصوبه ..

البراء .. تدرين انك تجرحيني بهالكلمه .. اسمعي وش رايك نتفق على اتفاق ..

الجازي .. اول شي انا اسفه .. وثاني شي ايش هو الأتفاق ..

البراء .. اذا تبين تعرفينه انزلي لي ..

الجازي .. وليه ما تقوله هنا ..

البراء ..ما ينفع .. يلا انتظرك .. سلام .. وقفل ..

الجازي نزلت الجوال وابتسمت ..دايم يعرف كيف يقنعني .. قامت للمرايا وناظرت شكلها .. لحظه الحين هو يعتبر زوجي يعني لازم انزل له من غير عبايه ولا شيله بس كيف بشكلي ذا فشيله .. وراحت لغرفه الملابس تدور لها شي تلبسه بس احتارت .. راحت اخذت جوالها واتصلت على ريوف وقالت لها تجي هي والبنات ..دقايق الا البنات يدخلون الغرفه وهم مستغربين لان الجازي ما قالت لهم وش تبي ..

ريوف .. وش فيك ..

الجازي دخلت لغرفه الملابس .. تعالو ساعدوني ايش البس راح انزل للبراء ..

البنات ناظرو بعض وضحكو .. هههههههههههههههههه ..

الجازي طلعت لهم .. وش فيكم تضحكون خلصوني مو وقتكم ..

البنات دخلو معها لغرفه الملابس ..

ديم .. هذي اللي من شوي رافضه وحالتها حاله ..

رغد .. اكيد جاها الأمر من السلطات العليا ..

الججازي .. اقول انتي معها بلا تفلسف وطلعو لي شي ناعم البسه ..

ريوف .. ماعليك منهم انا اطلع لك .. اممم .. هذا حلو البسيه ..

الجازي اخذته ودخلت للحمام ** الله يكرمكم ** لبسته وطلعت .. كان فستان ابيض طويل ناعم من غير اكمان وفيهنقوش من نفس اللون ماسك على جسمها وبارز انوثتها ..

ريماس .. واو مناس عليك .. البسي معه كعب فضي واكسسوارات فضيه ..

رهف جابتم لها .. خذي طلعتهم لك ..

الجازي لبستهم ..

ديم .. اممم وبخصوص شعرك ..قربت منها وفتحته وانساب على ظهرها بطوله اللي يوصل لنهايه ظهرها .. وااو كذا جميل ما يحتاج تسوين فيه شي ..

رغد .. والمكياج خليه علي راح احط لك مكياج ناعم عباره عن روج زهري وبلشر وكحل فوق العين ومسكره تعطي كثافه اكثر لرموشك وبس وش رايكم بنات ...

ريوف .. سويه خلينا نشوفه ..

طلعو من غرفه الملابسه وجلست الجازي وبدت رغد تسوي لها المكياج وبعد ما خلصت .. ها وش رايكم ..

رهف .. واااو راح ينجن اخوي كذا ..

ريوف .. بسم الله عليها هي جميله من غير شي كيف الحين ..

الجازي .. عاد بلا مبالغه .. ووقفت .. خلاص كذا شكلي كويس ..

ريماس .. ايه كويس .. يلا توكلي ..

ريوف .. وشوي شوي على ولد العم بيني انك مستحيه مو تعاملينه عادي ..

الجازي لفت عليها .. هيه لا تعيشين الدور وكاني متزوجه برضاي .. وخرو بس خلوني انزل .. ولفت على رهف .. هيه انتي تعالي معي .

رهف .. طيب .. وطلعو كلهم من الغرفه ونزلو لتحت ..

البنات راحو للصاله اما رهف والجازي راحو للمجلس اللي ينتظرهم فيه الجازي .. دخلت رهف بالبدايه ..

البراء اللي كان كاشخ بالثوم والشماغ اول ما انفتح الباب وقف وهو مبتسم بس لما شافها اخته رهف اختفت ابتسامته .. خير وش تبين ..

رهف ضحكت على شكله .. هههههههههههه.. مابي شي بس زجتك العزيزه هي اللي جابتني معها ..

البراء .. اقول بس اطلعي وخليها تدخل ..

رهف .. طيب لا تدف . وطلعت ودفت الجازي لداخل المجلس وقفلت الباب وراحت وهي تضحك ..

الجازي كانت تبي تذبح رهف على حركتها ماتدري ليه حست بالأرتباك لما وصلت عند الباب .. كانت واقفه ومنزله راسها وبنفسها .. هيه الجازي وش فيك متوتره ترا مو اول مره تشوفينه وبعدين انتو اصدقاء يعني عادي ..

اما البراء فهى على شكلها اول ما دخلت .. هو صحيح يشوفها دايم بالحجاب بس لما شافها الحين يحس انه اول مره يشوفها .. ابتسم وقرب لها ومد يده .. السلام ..

الجازي رفعت راسها بعد ما هدت نفسها وابتسمت ومدت يدها وصافحت البراء .. وعليكم السلام ..

البراء .. انتي الجازي صح ..

الجازي .. بالله .. ولفت عنه وجلست وهي تتصنع الجرائه والعدم موبالاه .. لا تسوي فيها انك اول مره تشوفني تعال اجلس بس ..

البراء اللي فاهمها كويس جا وجلس بالكنبه اللي جنب كنبتها لانها جالسه على كنبه منفرده ..طيب وهذا انا جلست ..

الجازي لفت عليه .. قول لي ايش الأتفاق ..

البراء .. شكلي بغير رايي ..

الجازي .. تغير رايك بايش ؟..

البراء .. كنت راح اتفق معك اننا نبقى اصدقاء بس بعد ما شفتك هونت ..

الجازي اللي استحت من داخلها بس ما حبت تبين .. بالله .. براء بلا مزح الحين خلنا نتكلم جد .. نتفق اننا نكون اصدقاء مثل قبل اوك ..

البراء واللي في باله شي من ورا هالأتفاق .. اوك نبقى اصدقاء مثل ما كنا لما كنتي سلطان ..

الجازي ابتسمت .. اوك ..ووقفت .. والحين عن اذنك ..

البراء وقف بسرعه ومسك ايدها .. على وين ..

الجازي لفت عليه .. بروح للبنات ..

البراء .. طيب اجلسي معي شوي ترا من زمان ما جلسنا سوى وسولفنا ..

الجازي .. قدامنا فتره نسوي فيها اللي نبي ..

البراء ترك يدها .. اذا كذا اوك .. ربي حافظك ..

الجازي ابتسمت .. شكرا .. سلام .. وطلعت من المجلس وهي تحس بشعور غريب تحس انها دخلت لعالم جديد ما تدري ايش راح يواجهها فيه .. تنهدت وراحت للحريم اللي جلسو يمدحون شكلها ويسولفون معها ..

............................................

اليوم اللي بعده ..

الشياب والرجال متجمعين بقصر ابو محمد عشان يتكلمون بالوصيه والورث اللي تركهم عبدالعزيز ..

كانت الجازي حاضره معهم بالمجلس اما ام محمد لا لان ما يجوز مادامها بالعده .. المهم صارو يتكلمون بالورث وانه توزع على حسب الشرع الا الشركه ..

الجد خالد .. عبدالعزيز الله يرحمه كتب الشركه باسمك الجازي وانتي لك حق التصرف فيها مثل ما تبين ..

الجازي تجمعت بعيونها الدموع لما سمعت كلام الجد خالد ..

الجد سعود .. وتاكدي ان حنا ماراح نعترض على اي شي تسوينه بالشركه مادامها باسمك .. اما بخصوص القصر فكتبه باسم جدتك ..وباقي الورث مثل ما عرفتي وزع على حسب الشرع ..

الجازي .. طيب ..

الجد خالد .. والحين حنا نستاذن بس اذا احتجتي اي مشوره بخصوص الشركه حنا موجودين ..

الجازي .. الله يخليكم لي ما تقصرون ..

وقامو الكل لبيوتهم والجازي دخلت لداخل وشافت جدتها بالصاله وقالت لها اللي صار وصارت تبكي ..

الجازي .. يمه لا تبكين بس ادعي له بالرحمه .. جدي حتى بعد مامته مايبي يخلينا نحتاج لحد ولله الحمد ..

ام محمد .. الله يرحمه ويغفر له ..

الجازي .. خلاص يمه امسحي دموعك الحين وتعوذي من ابليس وقومي نامي جا وقت نومك الحين ..

ام محمد وقفت .. ان شاء الله ..

الجازي وقفت مع جدتها واخذتها لغرفتها وعطتها علاجها وانتظرتها لما نامت بعدها طلعت وراحت للصاله جلست تفكر باللي سواه جدها .. قطع تفكيرها رنه جوالها رفعته وشافت المتصل براء ردت عليه .. هلا ..

البراء .. اهلين .. ها ايش صار طلعو الرجال من عندكم ..

الجازي ..ايه تو من شوي طالعين .. صدمه اللي صار ..

البراء .. ليه وش صار ..

الجازي قالت له السالفه ..

البراء .. طيب هذا شي حلو ليه انتي حزينه ..

الجازي .. مو حزينه على اللي صار بس عرفت جدي قد ايش يحبنا ولا يبينا نتعذب من بعده .. وتاثرت هذا كل مافي الموضوع ..

البراء .. زين والحين ممكن تبتسمين ..

البراء .. مو وقتك ..المهم انا بنام الحين تبي شي ..

البراء .. لا سلامتك بس بكرا راح اصحيك بدري ..

الجازي .. وليه ..

البراء .. نبي نطلع نفطر سوا ..

الجازي .. يوه البراء مافيني ..

البراء .. مو بكيفك .. انا قلتلك من الحين ..

الجازي .. اوف طيب ..

البراء ابتسم عليها يحس ان سلطان رجع له من جديد .. اوك يلا سلام ..

الجازي .. سلام ..قفلت الجازي من البراء وطلعت لغرفتها تنام ..

.........................................

اما عند البراء اللي كان بغرفته وعلى سريره بعد ما قفل من الجازي صار يفكر باللي راح يسويه .. وبنفسه .. لازم اخليك تحبيني مثل ما احبك بس اصبري علي شوي ... ابتسم على افكاره ونام ..

.................................................. .......

اقتباس
  {[ اللهم لكـ الحمد والشكر كما ينبغي لجلال وجهكـ وعظيم سلطانكـ ]} 238 
قديم(ـة) 12-03-2016, 08:51 PM
الوعد _ ALWAAD
الافتراضي رد: انا انثى ولكن !!...

صباح اليوم الثاني ..

الساعه 8 ..

صحت الجازي على صوت جوالها رفعته وكان المتصل البراء ابتسمت .. هذا ما نسى .. ردت عليه .. ما نسيت انت ..

البراء .. وليه انسى .. المهم ربع ساعه وانا جايك ..

الجازي فزت وهي تشهق .. من جدك انت ترا توي صاحيه وش ربع ساعه ..

البراء .. احمدي ربك كنت بخليها خمس دقايق بس قلت بحن عليك شوي واخليها ربع ساعه .. يلا بلا اعتراض ..

الجازي .. اوف منك .. طيب انقلع .. وقفلت بوجهه وقامت للحمام ** الله يكرمكم ** وبعد ما خلصت طلعت ولبست بنطلون وتيشيرت ولفت شعرها وما حطت بوجها اي شي بس مرطب على شفايفها اخذت جوالها ونزلت لتحت تنتظره .. شافت جدتها بالصاله سلمت عليها وقالت لها انها راح تطلع مع البراء ام محمد ابتسمت ودعت لها بالخير .. رن جوال الجازي ولما شافته البراء عطته مشغول وطلعت له .. شافته مدخل السياره للحديقه راحت له وركبت .. السلام ..

البراء اللي كان ماسك ضحكته على شكلها المعصب .. وعليكم السلام .. وحرك السياره ..

الجازي لفت عليه .. اضحك ليه ماسك ضحكتك على اساس اول مره ..

البراء وكانه ما صدق خبر .. هههههههههههههههههههههههههههههههه .. ليه معصبه الحين مو انا من امس قايل لك ..

الجازي .. طيب واذا مو شرط نطلع من الصباح بدري ..

البراء .. يوه الحين زعلت مين يراضيها هذي ..

الجازي لفت عليه .. على اساس انك متعود تراضيني اصلا انا دوم ارضى لحالي ..

البراء .. اجل ارضي لحالك ...

الجازي لفت عليه بنرفزه .. بالله ..

الجازي ضحك على شكلها .. ههههههههههههههههههههههه ..

الجازي لفت عنه .. مالت هذا انت ما تغيرت دومك تحب تنرفزني ..

البراء .. لا غلطانه من لما صرتي الجازي ما صرت انرفزك ..

الجازي .. لانك ما تقدر توصل لي بس الحين ... وسكتت ..

البراؤ ..ليه سكتي .. الا الجازي ابسالك سؤال ..

الجازي .. اسال ..

البراء .. تعجبك حياتنا لما نكون اصدقاء وحنا بالأصل زوجين ..

الجازي لفت عليه . ايه تعجبني وانت عارف من قبل ان علاقه الصداقه افضل علاقه بالنسبه لي لان هي العلاقه الوحيده اللي ما نطر نكذب فيها على الشخص اللي معنا ..

البراء ابتسم .. صح كلامك .. بس بامكان الازواج يكونون اصدقاء وازواج بنفس الوقت ..

الجازي لفت عليه .. انا اشوف غير كذا لان الأزواج لابد يجي يوم ويطر واحد فيه انه يكذب على الثاني او يخبي شي على الثاني غصب عنه وهذا الشي مو موجود بعلاقه الصداقه ..

البراء .. بس انا من وجهه نظري ان العلاقه اذا كانت بين ولد وبنت ما تكون الا زواج لان الصداقه ما تنفع ..

الجازي .. اممم كثير يقولون ان مابين الشاب والبنت صداقه وهذا شي مستحيل .. لا مو مستحيل فيه صداقه لو كل واحد يعامل اللي قدامه انه انسان فقط مايفكر بجنسه اذا كان بنت او ولد كذا راح تستمر علاقه الصداقه بينهم .. لان الصداقه اساسها الصدق والأهتمام والراحه .. يعن لما تحتاج انك تفضفض تلاقيه قدامك لما تكون فرحان هو اول شخص تحب تبشره لانه راح يفرح معك ..يعني ما تفرق لو كانت بين شابين او بنتين او حتى شاب وبنت .. عكس علاقه الزواج والحب لازم الطرفين يكونون مختلفين بالجنس .. فهمت علي ..

البراء بعد ما وقف عند المطعم ابتسم ولف لها .. دايم تفحميني بردودك بس لو سسالتيني اي علاقه تفضل راح اقولك اني افضل علاقه الزواج ..

الجازي لفت عليه .. اجل كذا حنا مو متفقين ..

البراء .. راح تتفقين معي لما تعيشين الحياه الزوجيه صدق ..

الجازي وهي تفتح الباب .. ربما ..

البراء .. صح ربما .. ونزلو من السياره ودخلو للمطعم ..

وبعد ما دخلو بوحده من الغرف وجلسو ..

البراء .. ايش حابه تفطرين ..

الجازي .. عادي اي شي ..

البراء .. طيب .. وقام طلب الفطور ورجع .. ايوا وايش ناويه تسوين الحين ..

الجازي .. ايش تقصد ..

البراء .. اقصد بحياتك يعني راح تكملين دراستك او بترجعين للشركه وتديرينها ..

الجازي .. لا مساله الدراسه انا شلتها من بالي يعني اكيد راح ارجع للشركه بس ماراح اديرها لاني للحين مو قد المسؤوليه هذي وللحين ما تعلمت كل شي عن الشركه ..

البراء .. اجل مين راح يديرها ..

الجازي .. راح اخلي مالك طبعا هو انسب واحد لهذا المكان ..

البراء .. انتي متاكده ..

الجازي .. اكيد جدي كان يثق فيه كثير وغير كذا هو عارف كل شي عن الشركه راح يكون مديرها لما اتعلم انا الشغل صح واصير المديره ..

البراء .. اذا هذا اللي تشوفينه ف بالتوفيق .. يعني راح تداومين الأحد بالشركه ..

الجازي .. ايه لازم الشغل ما يتاخر اكثر من كذا .. الا ايش صار على دراستك ترا بدا الفصل الثاني ..

البراء .. لا تقلقين راح اداوم من بكرا خلاص ..

الجازي ابتسمت .. حلو بالتوفيق ..

في هالوقت جا الفطور وبدو ياكلون ..

الجازي .. اممم البراء بسالك سؤال ممكن ..

البراء .. انا اعرفك اذا قلتي كذا يعني الموضوع جدي والسؤال خطير ..

الجازي ابتسمت .. اوه صرت مفضوحه .. طيب اجل تجهز للسؤال مادامك عرفت ..

البراء .. اسالي والله يستر ..

الجازي نزلت عيونها للصحن اللي قدامها ماتبي تشوف ردت فعله او بالأصح خايفه من رده فعله ماتدري ليه .. اممم لو طلبت منك اننا ننفصل بعد شهر راح توافق ؟..

البراء انصدم من اللي سمعه وما قدر يقول شي بس جلس يناظرها ..

الجازي لما شافته ساكت رفعت عيونها له بتوتر تلاقت عيونهم وشافت بعيونه الصدمه .. انصدمت ؟.. المفروض ما تنصدم وتتوقع هذا الشي مني مادامي .. ونزلت عيونها .. مغصوبه على الزواج ..

البراء غمض عيونه واخذ نففس ورجع فتحها .. الجازي اسمعيني ..

الجازي رفعت عيونها له وهي ساكته ..

البراء .. صح المفروض اني اتوقع هذا الشي بس يمكن لاننا اتفقنا اننا نكون اصدقاء ما فكرت فيه .. وبعدين ايش راح تستفيدين من الأنفصال غير ان كلمه منفصله او مطلقه راح تصاحبك .. وصدقيني بمجتمعنا هالكلمه ما ترحم الناس ماراح يتركونك بحالك .. وبعدين ايش الغلط لو استمرينا سوا مو حنا اصدقاء ايش يضرك بهالموضوع ..

الجازي .. صح كلامك وماراح يضرني شي .. ونزلت عيونها .. بس لو ججا الوقت اللي ابي اتزوج فيه ايش راح يصير ..هل وقتها راح ننفصل ..

البراء نزل عيونه وسكت شوي وبعدها رفعهم .. الحين انتي ليه تتكلمين عن شي بالمستقبل حنا ما ندري ايش راح يصير .. بس مساله اننا ننفصل الحين انسيها انا عاجبني وضعنا وحنا اصدقاء ..

الجازي .. اوك انا راح اخلي كل شي بوقته بس لازم تفكر بالموضوع بشكل جدي ..

البراء .. طيب .. ووقف الحمد الله خلصت ..

الجازي وقفت معه .. حتى اننا الحمد الله .. وطلعو اثنينهم من المطعم وركبو السياره ..

البراء .. ها وين ودك تروحين ..

الجازي .. رجعني للقصر مابي اترك جدتي لحالها لوقت طويل ..
البراء ابتسم .. اوك ..

الجازي استغربت انه ما عارض بس ابتسمت ..

انطلقو للقصر ..

.........................................

مر اسبوع ومافيه اي احداث جديده البراء لازال يمشي في خطته وللحين ما فيه نتايج بس هو يعرف الجازي كويس ويعرف كيف يخليها تحبه بس المساله يبي لها وقت ..

يوم الخميس ..

الساعه 9 المساء ..

كانو البنات متجمعات بقصر ابو محمد عشان يسلون الجازي اللي ما تبي تطلع وتترك جدتها ..

ريوف .. اقول بنات ما تبون تتعشون ..

الجازي قولو ايش ودكم فيه وانا اخلي الخدم يسوونه ..

رهف .. لا تكفين ترا ملينا من اكل البيت طول الأسبوع ناكل منه خلونا نطلب من مطعم ..

ريماس .. انا اذا راح تطلبون وجابات مابي بصراحه وزني زايد هاليومين وابي انزله ..

الجازي .. غريبه ريماس مهتمه بوزنك وش عندك ..

ريماس .. ابد ما عندي شي بس صحباتي بالجامعه حطموني وقالو لي ان شكلي كان احلى من قبل ..

رغد .. هههههههههههههههههه .. خبله انتي بس اي حد يقولك شي تصدقينه .. ترا حنا ما نحس انك زدتي او تغير جسمك ..

الجازي .. من جد ما نشوف اي تغير ..

ديم .. اقول بس ما عليكم منها هذي صايره حساسه هالأيام ..

الجازي .. الله يهديك بس .. ولفت على البنات .. ها وش تبون من اي مطعم ..

ريوف .. انا ابي كنتاكي ..

رهف .. لا وش كنتاكي الله يكرم النعمه .. انا ابي ماك ..

رغد .. ينقال الحين جايبه شي عدل ما اردا من ذا الا ذا .. اقول الجازي اطلبي من هرفي بس ..

ديم .. اي من جد من زمان عن هرفي ..

الجازي لفت على ريماس .. وانتي رموسه ايش تبين ..

ريماس ينقال زعلانه لانهم طقطقو عليها .. مابي شي ..

الجازي قامت وراحت جلست بجنبها .. افا رموسه زعلانه لا تزعلين حبيبتي من كلام البنات بس هم ادرى بمصلحتك من صاحباتك ولو شافو انك جد سمنانه ويبيلك تنحفين كان قالو لك ماراح يستحون منك .. بس تلاقين صاحباتك غيرانين من جسمك المتناسق ماشاء الله عشان كذا قالو لك هذا الكلام ..

ريماس لفت عليها .. تتوقعين ..

الجازي ابتسمت لها .. الا متاكده ويلا ابتسمي ولا يهمك كلام حد .. وانا اوعدك لو شفتك سمنانه ومتغيره راح اقولك ها وش تبين اكثر من كذا ..

ريماس ابتسمت .. طيب ..

الجازي تقرص خدها .. يمه على الدلوعات .. والحين يلا قولي ايش تبين من اي مطعم ..

ريماس .. امم ابي كودو ..

الجازي لفت على البنات .. خلاص اجل راح نطلب من كودو ..

كل البنات يناظرونها بقهر ..
ريوف .. بالله الحين طنشتي كل اللي قلناه واخذتي المطعم اللي قالته ريماس .. ليه العنصريه ..

رهف .. ولا بس عشانها زعلت اذا كذا انا زعلت بعد ..

ديم .. من جد الجازي وش ذا ..

الجازي وريماس ضحكو على اشكالهم .. هههههههههههههههههههههه ..

رغد .. شوف ويضحكون بعد مالت اروح بيتنا واطلب لي من المكان اللي ابيه ازين ..

الجازي بعد ما وقفت ضحك .. اجلسي اجلسي بس .. اسمعو انا اقولكم ليه قلت كودو ..

كلهم .. ليه ..

الجازي .. لاني انا ابيه وغير كذا جدتي من زمان ما اكلت من برا وهذا هو المطعم الوحيد اللي تاكل منه عشان كذا قلت نطلب منه ..

ريوف ابتسمت .. اذا كذا خلاص سامحناك ..

الجازي .. زين .. طيب ايش تبون ..

كل وحده قالت طلبها وقامت الجازي اخذت جوالها وطلبت وبعد ما خلصت رجعت جلست مع البنات ..

ريماس .. الا ما قلتي لنا يالجازي كيفك مع البراء ..

الجازي .. تمام التمام ..

رهف .. يعني مبسوطه معه ونسيتي انك مغصوبه عليه ..

الجازي لفت عليها .. انا ماكنت معارضه على البراء انا كنت معارضه على فكره الزواج من اساسها .. بس البراء فاهم هالشي وهو الحين يعاملني كاصديقه يعني ابد ما يحسسني اني متزوجه او مغصوبه ..

ديم .. عشان كذا حنا فرحنا لك لما عرفنا ان البراء هو اللي راح يتزوجك ..

رغد .. وما تدرين يمكن مع الأيام تتغير المشاعر بينكم وتحبون بعض ..

الجازي لفت عليها .. انا والبراء .. هههههههههه .. ما اتخيل اننا نحب بعض ..

ريوف .. وليه ما تتخيلين ..

الجازي .. لاننا منن قبل كنا اصحاب وهو كان يعرفني وانا ولد كيف راح يحبني وغير كذا انا ما اقدر اشوفه غير انه صديق وبس ..

ريماس .. اوه حالتك صعبه انتي .. الله يعينك صراحه ..

الجازي .. امين .. شوي رن جوالها وكان البراء .. وقفت .. عن اذنكم ..

رهف .. بنات مين قال من شوي اننا اصدقاء ..

البنات .. ههههههههههههههههههه ..

الجازي .. مالت عليكم ..انا بس كنت ابي اكلمه بهدوء .. وجلست .. ها جلست وراح ارد عليه قدامكم عشان تتاكدون .. ورفعت الجوال وردت .. هلا ..

البراء .. اهلين .. اشوفك ساحبه علي اليوم عشان البنات عندك .. الا متى يروحون من العصر وهم عندك ..

الجازي .. ههههههههههههههه .. شوي شوي وش فيك معصب .. وبعدين حنا ننتظر العشى الحين ..

البراء ..وبعد راح يتعشون ..

الجازي .. ههههههههههههههههه .. ابي افهم الحين انت وش اللي معصبك من الموضوع ..

البراء .. ما تلاحظين ان اليوم ابد ما سولفنا الصباح الى الظهر كنت بالجامعه وانتي بالشركه ولما رجعتي نمتي واول ما صحيتي جاو لك البنات وللحين ماراحو بالله كيف تبيني ما اعصب ..

الجازي حست ان الموضوع جدي والبراء معصب من جده .. وقفت وطلعت من المجلس من غير ما تقول شي وراحت لغرفتها .. البراء انت من جدك معصب ..

البراء .. ليه شايفتني امزح مثلا ..

الجازي .. ايه فكرتك تمزح من البدايه .. بس الموضوع ما يستدعي انك تعصب كذا ..

البراء .. وليه ما يستدعي اذا كنتي متعوده على شي وفي يوم فقدتيه راح تنقهرين او لا ..

الجازي .. الا اكيد بس ايش دخل هذا بالموضوع ..

البراء .. اتوقع انك اذكى من كذا .. انا راح اقفل الحين سلام .. وقفل حتى من غير ما يسمع ردها ..

الجازي نزلت الجوال وصارت تناظر فيه باستغراب .. وش فيه ذا من جده .. اووه بكيفه شوي ويرضى .. وقفت وطلعت من الغرفه ورجعت للبنات وشافت ان العشى وصل .. اوه وصل ..

ريوف .. ايه من شوي وترا عطيت الخدامه اكل خالتي ..

الجازي .. اجل خلوني اروح لها شوي وراجعه .. وراحت ..

ديم .. اقول بنات ماكان الجازي تغيرت من بعد المكالمه ..

رغد .. انا من شفتها طلعت كذا من غير ما تقول شي وقلت اكيد فيه شي خطير ..

رهف .. تتوقعون اخوي مضايقها ..

ريماس .. ما اتوقع بس اكيد فيه شي بينهم .. اقول كلو بس واتركو اللقافه عنكم ..

شوي دخلت عليهم الجازي وجلت بمكانها .. ايوا سولفو وش فيكم ساكتين ولا اذا جا الأكل نسيتو الكلام ..

البنات .. هههههههههههههه ..

رغد .. لا مو كذا بس ما عندنا سالفه ..

الجازي .. اها طيب .. وسرحت تفكر بالبراء وليه هو معصب .. وبنفسها .. اوف انا الحين ليه افكر فيه ياربي مو راضي يطلع من مخي ..

ريوف .. الا الجازي كيف الشغل بالشركه ..

الجازي .. هاه ..

ريوف .. اوه شكلك كنتي سرحانه وانا قاطعتك ..

الجازي ابتسمت .. لا ولا شي .. ايش كنتي تقولين ..

ريوف .. كنت اسالك كيف الشغل معك ..

الجازي .. الحمد الله ماشيه ..
وبعد ما خلصو عشى ..

رغد وقفت .. بنات انا بمشي ..

الجازي .. وين تو الناس بدري ترا بكرا اجازه ..

رغد .. ادري بس مشعل يقول اذا ما طلعتي الحين ماراح يجي ياخذني وتدرين اهلي ما يرضون اني اركب مع السواق لحالي ..

الجازي .. طيب روحي مع وحده من البنات ..

ريماس .. اصلا كلنا بنروح الحين شكل الشباب متفقين علينا ..

ريوف .. الحمد الله ان ما عندي اخ ..

ديم .. بس ياقلبي لا تنسين ان امك موصيتني عليك واني ارجعك معي ولا نسيتي ..

ريوف .. يووه صح نسيت ..

الجازي .. من جدهم هذول ليه طيب ..

رغد .. شكلهم حاقدين عليك ..

الجازي .. عادي اتوقعها منهم .. ولفت على رهف .. وانتي راح يجي ياخذك البراء ..

رهف .. لا هو اتصل علي وقال لي اروح مع ريماس ..

الجازي .. اها .. وبنفسها وبعد ما يبي ياخذ اخته عشان ما يجي هنا ..

البنات يسلمون على الجازي ..

ريوف .. كان ودي اجلس معك بس تعرفين السلطات العليا ..

الجازي .. ايه ولا يهمك نعوضها بعدين ان شاء الله ..

البنات .. ان شاء الله ..

وطلعو كل البنات من قصر ابو محمد والجازي راحت تتطمن على جدتها وشافتها بغرفتها بتنام عطتها علاجها وتركتها تنام وراحت لغرفتها .. جلست على السرير والبراء مو رايح من بالها وهذا الشي مستغربه منه .. قطع تفكيرها صوت رنه جوالها رفعته بسرعه تفكر انه البراء بس شافته رهف ردت عليها .. هلا رهف ..

رهف وبصوتها بكا .. الجازي ..

الجازي خافت .. رهف وش فيك صاير شي ..

رهف .. البراء حرارته مرتفعه ومو راضي يروح المستشفى وامي وابوي نايمين حلف اني ما اصحيهم ومالقيت حل الا اني اتصل عليك تكفين ساعديني ...

الجازي خافت .. طيب اطلبي له الأسعاف ..

رهف .. مو راضي .. تكفين كلميه يمكن يسمع منك ..

الجازي .. طيب طيب .. وقفلت منها بسرعه واتصلت على البراء رن ورن ورن بس ما يرد .. رجعت اتصلت على رهف .. رهف هو ويننه ما يرد علي ..

رهف .. هو بغرفته ومانعني ادخل له وانا مدري ايش اسوي ..

الجازي .. يوه ياربي .. طيب روحي قولي له من ورا الباب اني ابي اكلمه ..

رهف .. طيب .. وراحت دقت الباب .. براء الجازي تبيك ..

الجازي .. ها وش يقول ..

رهف .. عصب علي وقالي انقلعي مابي حد ..

الجازي .. يووه ايش اسوي الحين .. طيب طيب انا بقفل الحين سلام .. وقفلت منها ورجعت تتصل على البراء بس نفس الشي ما يرد .. مالي الا اني اروح له .. لحظه الجازي انتي صاحيه تطلعين في هالوقت المتاخر وتروحين له ايش راح يقولون اهله لو شافوك .. بس هو تعبان وانا ابي اتطمن عليه مو رايحه العب معه يعني ضروره .. صح ضروره .. وبسرعه اخذت عبايتها من غير تفكير ولبستها ولبستشيلتها وتلثمت ونزلت لتحت وطلبت من واحد من السواقين يوديها لفله البراء .. واول ما وصلت اتصلت على رهف اللي ردت عليها بسرعه .. رهف انا برا افتحي لي الباب ..

رهف بصدمه برا .. ولفت على الباراء اللي كان بجنبها .. من جدك ..

الجازي .. بالله هذا وقت مزح بسرعه ..

رهف .. طيب طيب .. قفلت وهي تناظر البراء .. شفت خطتك المجنونه ايش سوت البنت جات لعندك ..

البراء .. وهذا اللي انا ابيه .. الحين اطلعي ومثلي انك خايفه علي وافتحي لها الباب ..

رهف .. الله يستر من جنونك .. طلعت من الغرفه والبراء قفلها وانسدح على السرير ..اما رهف نزلت لتحت وفتحت الباب للجازي اللي باين من شكلها انها خايفه عليه ..

الجازي ... وينه بسرعه ..

رهف .. بغرفته تعالي ..

وطلعو لفوق بهدوء عشان محد يحس ووصلو لغرفه البراء ..

رهف دقت الباب . براء الجازي هنا ..

البراء .. قلت مابي اشوف حد اتركيني ..

الجازي بعدت رهف ودقت الباب .. براء تكفى قوم نوديك للمستشفى ما ينفع كذا تكفى ..

البراء يبتسم ..قلت مابي شي ..

الجازي .. طيب افتح الباب خلني اتطمن عليك على الأقل ..

البراء سكت شوي وبعدها قام وفتح الباب ورجع للسرير ومثل التعب ..

الجازي بسرعه راحت له .. البراء اذا كل هذا بسببي لاني زعلتك انا اسفه بس تكفى قوم روح المستشفى لا تتعب نفسك اكثر ..

البراء ناظر اخته واشر لها تطلع وتسكر الباب ..

ورهف سوت اللي قاله من غير اي تردد ..

البراء من غير ما يلف عليها .. ايش راح يفيدني اعتذارك الحين .. عاجبتك الحاله اللي انا فيها ..

الجازي .. لا والله مو عاجبتني وهذا انا جيتك بنفسي اعتذر منك وقول ايش تبي واسويه الا صحتك ..

البراء وصل للي يبيه لف عليها ومد يده .. عطيني يدك ..

الجازي باستغراب مدت يدها وحطتها على يده ..

البراء مسك يدها وحطها على جبينه وناظرها ..

الجازي استغربت من حركته بالبدايه بس لما حست انه مافيه حراره ولا شي استوعبت ورفعت عيونها لعيونه وبهدوء .. ايش قصدك ..

البراء نزل يدها وابتسم مجرد اختبار بسيط ..

الجازي .. اختبار ايش ؟..

البراء ضبط جلسته وسحبها وخلها تجلس على طرف السرير .. كنت ابي اعرف مدى خوفك علي وعرفته ..

الجازي .. طيب وايش تستفيد لما تعرف ..

البراء ركز عيونه بعيونها .. بعدين راح تعرفين ..

الجازي وكانها اول مره تناظر عيونه سرحت فيهم وحست ان وراهم سر كبير ..

البراء اللي لسا ماسك يدها ضغط عليها لما شافها سرحت وهو مبتسم .. معجبه ..

الجازي نزلت عيونها باحراج وسحبت يدها ووقفت .. ومين انت عشان انعجبك فيك .. ولفت عليه وبعدين لا تسوي هالحركات مره ثانيه شوف الساعه كم وانا طالعه من غير محد يدري وغير كذا جايه لعندك تخيل شافوني اهلك ايش راح يقولون ..

البراء .. عادي زوجتي ..

الجازي .. بالله وزوجتك اللي بس مملك عليها تجيك لبيتك بهالوقت ليه ..

البراء .. لانها تحبني .. وركز عليها عشان يشوف رده فعلها بعد اللي قاله ..

الجازي سكتت شوي وبعدها ضحكت .. هههههههههه .. لحد يسمعك بس قال حب قال .. ولفت عنه ورهفوه انا اوريها مشاركتك بالخطه بعد ..

البراء نزل من السرير وصار قدامها .. رهف مالها دخل لا تهاوشينها انا اللي قلت لها ..

الجازي .. بالله وانت فاكر اني راح اعديها لك مثلا .. وخر بس خلني ارجع البيت قبل ما تفقدني جدتي ..

البراء ابتسم .. اوك راح اتركك ترجعين بس انا اللي راح ارجعك ..

الجازي .. السواق برا ينتظرني ..

البراء ماراح اتركك ترجعين معه لحالك ..

الجازي .. بالله اجل ليه خليتني اجي معه لحالي ..

البراء .. عشان ما تخرب الخطه .. والحين يلا قدامي ..

الجازي .. غلطان ويتامر بعد ..

البراء .. ليه ناويه تعترضين مثلا ..

الجازي .. للاسف ماقدر لان الظروف ما تسمح بس تاكد اني جالسه اجمع لك ..

البراء .. ههههههههههههه .. طيب يلا خلينا نطلع ..

طلعو من الغرفه وشافو رهف واقفه ..

رهف تخصرت .. بالله تضحكون ومبسوطين وانا ميته خوف هنا كل شوي خايفه حد من اهلي يصحى ..

الجازي .. كنت ناويه اعاقبك على اللي سويتيه بس مادامك صرتي حارس لنا غيرت رايي وانا اشكرك الحين .. اما اخوك ذا حسابه بعدين ..

رهف لفت على البراء .. وين رايح ...

البراء .. راح اوصل الجازي واجي .. انتي خلاص نامي ماله داعي تنتظريني ..

رهف .. اوه واخيرا انفك حصاري وراحت طيران لغرفتها ..

الجازي .. ههههههههههههههههه الله يعينها عليك ..يلا نمشي ..

طلعو من الفله وركبو سياره البراء بعد ما قالو للسواق انه يرجع ..

البراؤ ..وش ناويه تسوين لي ها ..

الجازي .. وانت تتوقع اني راح اقولك مثلا ..

البراء .. لا بس قلت اجرب حضي ..

الجازي لفت تناظره وهي ساكته وبنفسها .. ايش تبي توصل له يابراء من ورا حركتك هذي ..

البراء بعد ما دخلو لقصر ابو محمد لف عليها .. ها هذي المره مو معجبه بعد ..

الجازي ابتسمت مره واثق من نفسك .. فتحت الباب ونزلت .. بسرعه اطلع قبل حد ينتبه لك ..

البراء .. اوك ..

دخلت الجازي للفله وطلعت لغرفتها واول ما سكرت الباب سمعت جوالها يرن رفعته وابتسمت لما شافته البراء .. ردت عليه .. ها نسيت شي ..

البراء .. لا بس قلت تسليني لما اوصل للبيت ..

الجازي .. على اساس ان بيتكم بالشرقيه ترا كله شارع وتوصل ..

البراء ..ياختي كيفي انا ابي اكلمك ..

الجازي .. وانا ابي انام مو كفايه اللي سويته فيني ..

البراء ابتسم .. ليه وانا ايش سويت ..

الجازي وهي تشيل عبايتها .. ابد بريئ بسم الله عليك .. اقول خلني انام بس ..

البراء .. راح اخليك بس لاني وصلت للبيت ..

الجازي .. ربي لك الحمد لانك وصلت ..

البراء .. هههههههه .. طيب يلا سلام ..

الجازي .. سلام .. قفلت منه وانسدحت على السرير وهي تفكر كيف راح تردها له ..

.................................................. .

اليوم اللي بعده ..

الساعه 3 العصر ..

الجازي اتصلت على البراء وقالت له انها راح تتغدى معه لان الحريم اليوم جايين يتغدون مع جدتها .. طبعا البراء وافق من غير اي تفكير .. لبست وجهزت ونزلت له لما اتصل عليها .. طلعت للحديقه وشافته توه داخل راحت له وركبت .. السلام ..
البراء بابتسامه .. وعليكم السلام .. وحرك السياره .. ها وين ودك تتغدين ..

الجازي .. امم على ذوقك ..

البراء .. انتي اللي طالبه اننا نتغدى اختاري المطعم ..

الجازي .. اممم مدري مافي بالي شي .. ولفت عليه وش رايك نروح للبحر الجو حلو ..

البراء لف عليها بصدمه .. ايش .. ورجع يناظر الطريق .. من جدك انتي تبينا نروح للشرقيه ..

الجازي .. ايه عادي خاطري بالبحر من زمان عنه ..

البراء .. بس انا ماقلت لاهلي وحتى انتي ما قلتي لجدتك ..

الجازي .. طيب عادي هم وش دراهم خلنا نروح نتغدى على البحر ونرجع كلها ساعه ونص الطريق .. تكفى البراء ..

البراء سكت يفكر ..

الجازي مسكت يده وبدلع مصطنع بس مو واضح .. تكفى البراء يعني مالي خاطر عندك ..

البراء ابتسم ..طيب ..

الجازي تركت يده .. يس ..

البراء لف عليها بعد ما وقف عند اشاره وشافها كيف مبتسمه ومبسوطه .. وبنفسه ربي لا يحرمني منك ..رجع يناظر الطريق بعد ما فتحت الأشاره واتجه للشرقيه ..

الجازي مدت يدها للراديو وشغلته وصارت تفر لما سمعت اغنيه راشد الماجد انا وقلبي نعترف ..
..
..
انا وقلبي نعترف حتى عيوني تعترف
الحب لك والشوق لك لجلك حبيبي نعترف

في الوجد انا مخفي غلاك
والقلب هايم في هواك
تسحر عيوني من حلاك
يا كيف لك ما نعترف

..
..
الجازي لفت على البراء .. اسمع هذي اهداء مني لك ..

البراء يسمع الكلمات وهو مو مصدق ..
..
..
لا مابقى بالجسم روح
الروح معك انت تروح
ترفض ولا عنك ما تروح
وان جاتني منك تنخطف

يكفي ولا تسال سؤال
لا تترك لشكك مجال
لو بعدنا والصبر طال

الحب لك ما يختلف

..
..
البراء بنفسه .. هذي تتكلم جد ولا بس كذا .. ليكون بدت تحس بمشاعر اتجاهي .. لو كذا ف يعني ان خطتي نجحت ..

الجازي لفت عليه وابتسمت لما حسته سرحان ويفكر ..
..
..
انت حياتي يالغلا
ياغلى من كل الملا
احبك بصدق ووله
ومن حب قلبك ارتشف

بين الوعي والا وعي
حط موقعك بموقعي
وتذكر اوقاتك معي
واوعدك قلبك يرتجف
..
..
البراء لف على الجازي بعد ما خلصت الأغنيه .. قاصدتها ؟..

الجازي ابتسمت له .. وش رايك ..

البراء رجع يناظر الطريق .. لا تردين السؤال بسؤال .. قاصدتها او لا ..

الجازي .. واذا قلت لك قاصدتها ايش راح تسوي ..

البراء وقف على جنب ولف عليها .. الجازي لا تقولين لو جاوبي انتي قاصده الأغنيه او لا ..

الجازي لفت عنه .. امم ما اتوقع تفرق لو قصدتها او لا ..

البراء حط يده على ذقنها ولفها عليه وركز عيونه بعيونها .. الا تفرق معي ..

الجازي حست برجفه بسيطه في جسما من حركته نزلت عيونها وقالت بدلع مصطنع .. ايه اقصدها ..

البراء .. جد ..

الجازي بعدت يده من ذقنها وصدت عنه وسوت انها مستحيه .. ايه ..

البراء لف ومسك الديركسون من غير ما يقول ولا كلمه بس ابتسامه مرسومه على شفتيه .. حرك السياره وانطلق للبحر باسرع ماعنده ..

الجازي لفت عليه تبي تفهم شي بس مافهمت .. نادته وكلمته بس هو مارد عليها ما تشوف الا الأبتسامه اللي ما تدري ايش وراها ..

بعد فتره وصلو للبحرنزل البراء بعد ما وقف السياره وراح لجهه الجازي وفتح الباب ومسك يدها بهدوء ونزلها معه ..

الجازي ما عارضت لانها تبي تعرف وش نهايته ..

البراء مسكها وراحو لعند الشاطئ .. شوفي منظر الغروب والبحر والجو الجميل كل هذول راح يشهدون على شي ..

الجازي تناظره باستغراب .. على ايش ..

البراء وقف قدامها وحط عيونه بعيونها ومسك يدينها بيدينه وقال بصوت هامس اني احبك ..

الجازي في هالحظه حست باحساس غريب حست ان الكلمه دخلت لقلبها مثل السهم ما عرفت ايش تقول ولا بايش تعبر كل اللي سوته انها نزلت عيونها ورفعت يدها لقلبها اللي تحسه راح يطلع من قوه دقاته ..

البراء اخذ يدها الثانيه وحطها على قلبه .. تحسين فيه كل دقه يدقها تنطق باسم الجازي ..واخيرا قدرت اعترف لك من غير اي تعب ..

الجازي رفعت عيونها ويدها لسا على قلبه وشافت بعيونه الحب والصدق .. سحبت يدها ونزلت عيونها .. قصدك انك من زمان تحبني ؟..

البراء من زمان كثير بعد .. بس ما كنت ابي اعترف لك الا لما احسك بديتي تحسين باي شعور اتجاهي ..

الجازي رفعت عيونها .. بس انا ..

البراء .. انتي ايش كملي ..

الجازي .. بس انا ما احس باي شي اتجاهك .. واذا على اللي صار قبل شوي ترا كنت امزح وسويت هذي الحركه عشان ارد لك حركتك ..

البراء .. لا انتي تكذبين .. كل شي سويتيه كان من قلبك بس ما تبين تعترفين بهالشي ..واكثر شي يثبت انك تحسين بمشاعر اتجاهي يدك لما حطيتيها على قلبك اول ما سمعتي مني كلمه احبك .. قلبك كان ينتظر هذي الكلمه مني ..

الجازي سكتت شوي تفكر بكلامه ولفت عنه .. بس حنا اصدقاء والمفروض ما يصير بينا هذا الشي ..

البراء .. صح حنا اصدقاء وبنفس الوقت زوجين وعادي لو صار بينا هذا الشي .. ولازم تشيلين فكره ان حنا اصدقاء وبس ..

الجازي .. بس كيف ..

البراء جا ووقف قدامها .. شيلي كل الأفكار اللي ببالك وفكري ان حنا زوجين وعطي مشاعرك الحريه في الظهور لا تكتمينها او تمنعينها ..

الجازي رفعت عيونها له كنت ابي اردها لك بس شكلك غلبتني للمره الثانيه ..يعني خوفي عليك هذاك اليوم وتفكيري فيك الدايم وقلقي عليك لما تتاخر في اتصالك كل هذا معناه الحب ..

البراء .. بالضبط هذا هو الحب ..

الجازي .. يعني انا ا... وسكتت استحت تقولها ..

البراء ابتسم .. قوليها ..

الجازي نزلت عيونها وبهمس ساحر .. احبك ..

البراء من غير وعي قرب لها وحضنها .. وانا اعشقك ..

الجازي استحت من حركته بس بنفس الوقت حست براحه من قربه منها وتحس اخيرا لقت الأمان اللي فقدته من بعد وفاه جدها ..
.................................................

اقتباس
  {[ اللهم لكـ الحمد والشكر كما ينبغي لجلال وجهكـ وعظيم سلطانكـ ]} 239 
قديم(ـة) 12-03-2016, 08:54 PM
الوعد _ ALWAAD
الافتراضي رد: انا انثى ولكن !!...

بعد سنتين ..

في قصر ابو محمد ..

ام محمد كانت عازمه كل العيله بمناسبه ربح الجازي باول صفقه ترسي على الشركه من لما صارت المديره ..

بمجلس الحريم ..

ريوف .. مبوك الجازي وقبلا ما نفرح بولادتك ..

الجازي اللي كانت حامل بالشهر الخامس .. الله يبارك فيك .. امين .. وعقبالك انتي تحملين وتجيبين لنا شيطون صغير ..

ريوف .. حرام عليك ليه شيطون ..

ديم .. اذا امه رهف وابوه بسام كيف راح يكون اكيد شيطون ..

البنات .. هههههههههههههههههه ..

ريوف .. مالت عليكم ..

الجازي لفت على ديم .. وانتي متى تقررون الزواج انتي ومشعلوه تراكم طولتو الخطوبه ما صارت ..

ديم .. انا شارطه اخلص هذي السنه واتخرج بعدها نتزوج ..

رغد .. اجل الله يعين اخوي عليك ..

ديم .. لا على اساس انك انتي اللي مريحه مشاري اخوي تراه طفش من كثر ما ينتظرك متى تحنين عليه وتوافقين ..

الجازي .. احلفي انها للحين ماوافقت .. هيه رغيد ترا كلنا ندري انك ميته عليه وش تنتظرين لهم اسبوعين من خطبوك متى بتردين عليهم ..

رغد .. ياختي خليني اتغلى شوي ..

رهف .. خليه يطفش ويروح وبعدها قولي اتغلى ..

رغد خافت .. لا لا وش يروح خلاص انا موافقه ..

البنات .. ههههههههههههههههه ..

الجازي .. الا وين ريماس لا تقول انها للحين ما رجعت من السفر .. ترا زودوها هي وعزوز ما صارت شهر عسل بتصير سنه عسل ..

البنات .. ههههههههههههههههههههه ..

رهف .. من جد بس فيصل يقول انهم مشتركين بمعرض رسم هناك عشان كذا طولو ..

الجازي .. اها .. ربي يوفقهم .. وانتي كيف فيصل معك ..

رهف بحيا .. الحمد الله ..

الجازي .. شوفو هذي اللي اصغر منكم تزوجت قبلكم وانتو للحين تتغلون على ازواجكم مالت ..

رهف .. اي والله مالت ..المهم انتي بشرينا عنك تتعبين بالشغل بالشركه وانتي حامل ..

الجازي .. لا لان البراء ما يتركني اتعب من بعد ما صار نائب المدير وهو مخلي كل الشغل عليه فديته يتعب نفسه عشان يريحني ..

ريوف .. وين اللي مستحيل تحبه .. اختفى كل الكلام ..

رغد .. طار بالهوى ..

الجازي .. اسكتو بس اجل مين يتوقع ان كل وحده فيكم تطلع تحب زوجها الحين ..

ريوف .. في هذي معك حق .. اجل انا وبسام نتزوج مين كان يتخيل ..

ديم .. من جد .. ربي يخليهم لنا ..

الكل .. امين ..
..
.
..
عند الرجال ..

بسام .. هلا والله بنائب المدير ..

البراء .. هلا فيك ..

مشعل .. سمعنا انك راح تصير اب عن قريب ..

البراء .. ايه تعرفون سنه الحياه وكذا ..

مشاري .. ياربي مو قادر استوعب ان البراء والجازي تزوجو ..

بسام .. لا يا حبيبي استوعب هذا انا وريوف تزوجنا بالله هذا شي يتصدق ..

فيصل .. طبعا لا .. ولف على مشاري .. الا انت للحين ما ردو عليك ..

مشاري .. ناويه تعذبني بنت العم ..

مشعل .. ههههههههههههههههههه .. احسن مثل ما عذبتني اختك على ماوافقت ..

مشاري لف عليه .. ليكون انت محرضها علي اعرف حركاتك مشيعل ..

البراء .. هههههههههههههههههه اما محرضها عليك ...

مشعل .. لا والله مالي دخل هي اللي قالت تبي تفكر ..

مشاري .. ماصارت تفكير .. شكلي خلاص بهون ..

فيصل .. على اساس انك تقدر ..

مشاري .. من جد ..

الكل .. ههههههههههههههههههههههههههههههههه ..

..
..
خلصت العزيمه والكل رجعو لبيوتهم مبسوطين ..

في جناح البراء والجازي اللي كان بقصر ابو محمد عشان ما يتركون ام محمد لحالها ..

البراء توه داخل للجناح فسخ شماغه ورماه على الكنبه وتوجه للغرفه دخل وابتسم لما شاف حبيبه عمره واقفه عند المرايا ببجامتها وتمشط شعرها .. راح لها وحضنها من ورا .. كيفها حبيبتي اليوم ..

الجازي ابتسمت .. بخير بشوفتك ..

البراء حط يده على بطنها .. وكيفه الحلو ليكون تعب امه ..

الجازي حطت يدها على يد البراء .. ايه تعبني شوي شكله مشتاق لك مثل امه ..

البراء باسها علىخدها بحنيه وانا كمان مشتاق لكم .. بعد عنها ومسك يدها وجلسها على السرير .. تعشيتي ..

الجازي .. اكلت شوي ماكان لي نفس ..

البراء .. افا وليه ..

الجازي نزلت عيونها .. مدري يمكن لانك مو معي ..

البراء حضن كتوفها بحب فديتك انا .. تصدقين حتى انا ما اكلت كثير .. وش رايك نقوم نسوي لنا عشى خفيف ..

الجازي ابتسمت . يلا ..

وقامو اثنينهم للمطبخ وبدو يطلعون النواشف ويسوون لهم عشى خفيف وبعد ما خلصو جلسو على الطاوله اللي بالمطبخ وصارو ياكلون ..

البراء .. ترا بكرا معزومين على الغدا ببيتنا ..

الجازي .. ايه قالت لي خالتي .. كويس بكرا جمعه ومافيه شركه عشان اقدر اجهز نفسي من بدري ..

البراء .. من جد بكرا راحه ..

الجازي . يتعبك الشغل حبيبي ..

البراء ابتسم .. لا يا حياتي مادامك معي واشوفك قدام عيوني كل التعب يروح ..

الجازي .. فديتك ربي يخليك لي ..

البراء .. ويخليك لي حبيبتي ..

وبعد ما خلصو عشى الجازي اخذت الصحون بتغسلها ..

البراء .. لا خليني انا اغسلها عنك انتي ارتاحي ..

الجازي .. ترا كلها صحنين خلني اغسلهم ..

البراء .. امم طيب نتفق اتفاق كل واحد يغسل صحنه وش رايك .. كذا محد يتعب الثاني ..

الجازي ابتسمت .. صح .. يلا ..

وراحو يغسلون صحونهم ..

الجازي خلصت واخذت المنشفه وصارت تنشف يدينها ..

البراء يناظرها وهو مبتسم ..

الجازي .. وش فيك تناظرني كذا ..

البراء .. ما تحسين هالموقف مر علينا من قبل ..

الجازي صارت تتذكر .. لا ..

البراء بنفس ابتسامته .. الا .. لما كنتي سلطان ومره تعشينا عندكم هنا وغسلنا الصحون سوا ..

الجازي ابتسمت لما تذكرت .. مين يصدق ان هذا اليوم انعاد بس انا الجازي مو سلطان وانت زوجي مو صديقي .. يا سبحان الله ..

البراء .. من جد مين يصدق ..وقرب لها وحضنها .. مو مهم مين يصدق المهم اننا سوا الحين ..

الجازي .. ربي يخليك لي ..

......................................
**
**
**
**
**
**
**
**
**
**
**
**
**
**
**
**
** انتهى البارت الخامس والاخير **