رواية انا انثى ولكن الفصل الخامس عشر 15 - بقلم lxvcr3

** البارت الرابع عشر **
**
**
**
**
**
**
**
**
**
**
**
**
**
**
**
**
عادل لف على الجازي .. قولي لهم ايش ابي وانتي رافضه ..

الجازي .. الحقير يبي يتزوجني ..

عادل ضغط على يدها اكثر لانها سبته .. ها وش قلنا ممنوع السب .. ولف عليهم.. سمعتوها .. اذا اقنعتوها انها توافق راح اترككها الحين ..

البراء بعصبيه .. باحلامك وقرب منهم اكثر.. وراح تتركها الحين غصب عنك ..

عادل .. هههههه .. انت اللي باحلامك اني اتركها ..

البراء يقرب اكثر لين ما صار بينهم الا خطوه ..

الجازي بخوف على البراء .. براء تكفى لا تقرب ..

عادل .. اسمع كلامها ولا تقرب ..

بسام .. براء ارجع ..

البراء مطنش نداء الكل وتحذيرهم وتقدم خطوه ومع الخطوه انطلقت الرصاصه من المسدس .. و شخصين طاحو على الارض ..

الكل .. لااااااااااااااااااااااااااا ..

البنات اللي جاو على صوت الطلقه اتجهو للجازي اللي طاحت على الأرض بسبب دفعه البراء لها عشان يحميها من الرصاصه ..

الجازي حاولت تقوم بمساعده البنات وهي تقول .. البراء ..

لفو كلهم على الجهه الثانيه وشافو البراء على الارض والشباب حوله ..

في هالوقت سمعو صوت سياره الشرطه والأسعاف ..

عادل اللي كان يناظر البراء اللي كان مرمي على الأرض والدم ينزف من كتفه بسبب الرصاصه اللي اصابته بكتفه ..وكان يناظره بصدمه لف يناظر حوله لما سمع الصوت .. شرطه .. مين اللي بلغ ؟؟..

مالك .. ايه الشرطه انا اللي كلمتهم وليه انت فاكر انك راح تهرب بكل سهوله ..

بسام يكلم البراء .. انت بخير ..

البراء مو قادر يتكلم من الألم ..

شوي شافو الشرطه ينزلون من السياره ويقبضون على عادل لانهم شافو معه المسدس وغير كذا مالك اشر عليه ..

اما رجال الأسعاف شالو البراء وركبوه السياره ..

وفي هالوقت وصلو الرجال والشياب على صوت الشرطه والأسعاف ..

ابو محمد وهو يشوف الجازي توقف بمساعده البنات .. وش صاير ..

مالك .. انا اقولكم كل شي ..

سياره الأسعاف تحركت بعد ما ركبو البراء وركب معه بسام ومشاري ..

اما الشرطه بعد ما عرفو كل السالفه طلبو الجازي وابو محمد عشان يكملون التحقيق ..

ابو محمد ركب سيارته مع الجاي ومالك وبقيه الشباب لانهم راح يشهدون ..

.................................................. .

بعد ساعتين ..

كانت الساعه 2 الفجر ..

طلعو ابو محمد والجازي والشباب من قسم الشرطه بعد ما اثبتت التهمه على عادل وسجنوه بعد ما وصلو الجازي للبيت ..

واتجهو للمستشفى عشان يتطمنون على البراء ..

اما البراء اللي للحين ما طلع من غرفه العمليات كانو كل الرجال والعيال ينتظرونه برا وخايفين عليه ..وبعد دقايق انضمو لهم ابو محمد واللي معه ..

وبعد نص ساعه طلع الدكتور من الغرفه وتوجهو له كلهم ..

ابو البراء .. طمني على ولدي كيفه ..

الدكتور .. الحمد الله ابشركم العمليه نجحت وقدرنا نطلع الرصاصه والحين راح ننقله لغرفه العنايه عشان نتابعه وتطمنو هو بخير وانصحكم انكم ما تجلسون هنا لانه ماراح يصحى الا بعد فتره يعني ماراح تقدرون تشوفونه ..

ابو البراء .. الحمد الله .. طيب مشكور دكتور ..

الدكتور راح ..

ابو محمد جا لابو البراء .. تطمن يا ماجد الحمد الله ولدك بخير والحقير اللي اطلق عليه هذا هو بالسجن الحين بتهمه الشروع بالقتل واكيد راح ياخذ جزاه لا تحاتي ..

ابو البراء .. ان شاء الله ..

وبعدها الكل توجه لبيته ..
.................................................. ...

اليوم الثاني ..

صحى البراء ونقلوه لغرفه عاديه وهو بخير الحين بس لافين يده من جهه كتفه وراح يخلونه بالمستشفى لين ما يبرا جرحه .. والرجال والشباب لما عرفو راحو له المستشفى وتطمنو عليه ..
....................................

اليوم اللي بعده ..

بشركه ابو محمد ..

كانت الجازي جالسه بواحد من الاقسام تتدرب .. ولما جا وقت البريك طلعت من القسم وراحت لمكتب مالك عشان توريه الشغل اللي بدت فيه دقت الباب بس محد رد عليها فتحته بشويش وما شافت حد .. وبنفسها .. اكيد انه عند جدي .. سكرت الباب واتجهت لمكتب جدها شافت السكرتير.. الأستاذ مالك موجود هنا ..

السكرتير .. لا مو هنا هو طالع مشوار شوي وبيرجع ..

الجازي .. اها .. طيب اقدر ادخل عند جدي ولا عنده احد ..

السكرتير .. ايه عنده ابو فهد ..

الجازي بصدمه .. ابو فهد .. وبنفسها .. وش يبي ذا لايكون جاي لجدي عشان يتنازل عن القضيه .. وراحت عند الباب تبي تدخل ..

السكرتير .. انسه الجازي العم ابو محمد مانع ان احد يدخل ..

الجازي لفت عليه توها بتتكلم بس سمعت اصواتهم العاليه ..

ابو محمد .. قلت لك ماراح اتنازل حفيدك كان يبي يقتل حفيدتي انت فاهم يعني ايش يقتل فاكر الموت شي بسيط ..

ابو محمد .. وصرت تعارضني وترفع صوتك علي .. ليه عشان سر حفيدتك انكشف عشان كذا صاير قوي علي ..

ابو محمد .. اي بالضبط الحين حفيدتي عرفت انها بنت يعني سرك هذا اللي انت محتفظ فيه ما يهمني .. اصلا حتى لو رحت لها الحين وقلت لها اني انا السبب في انها تكون ولد ماراح تصدقك يعني لا تتعب نفسك واطلع من شركتي الحين وحفيدك راح ياخذ جزاه ..

ابو فهد بعصبيه وقهر .. انا اوريك يا عبدالعزيز راح اخليك تندم على اللي سويته بحفيدي .. ولف جهه الباب وطلع من المكتب وطلع من الشركه بكبرها ..

اما ابو محمد رجع جلس على مكتبه بعد ما اخذ نفس بس انتبه بالجازي واقفه عند الباب اللي كان مفتوح وتناظر الأرض وباين من شكلها انها مصدومه .. قام بسرعه وراح لها .. الجازي وش فيك ..

الجازي اللي انصدمت لما سمعت كلام جدها وصدمه قويه بعد لفت عليه وعيونها مليانه دموع وبصوت هادي وكان العاصفه راح تجي من بعده .. ليه ؟؟..

ابو محمد اللي ما يدري اذا سمعته او لا .. وبارتباك .. ليه ايش .. ومسك يدها تعالي يبه اجلسي ..

الجازي سحبت يدها بقوه من جدها وقالت والدموع تنزل على خدودها .. انت يا يبه .. انت تسوي كذا .. وبدا صوتها يعلى .. انت السبب في العذاب اللي عشته .. انت السبب في كل شي صار لي .. لييه تسوي كذا لييييييييييييييييييه .. ولفت عنه ومشت بعصبيه وقهر وحزن وانكسار وصدمه طلعت من المكتب وقبل ما تطلع من الشركه طلع بوجهها مالك ..

مالك انصدم من شكلها .. انسه الجازي وش فيك ..

الجازي ولا كانها تشوفه كملت طريقها وركبت بسياره السواق اللي تنتظرها وراحت للبيت ..

اما مالك مشى باستغراب وراح لمكتب ابو محمد وشافه جالس على الكرسي وراسه بين يدينه .. راح له بسرعه .. عمي انت بخير ..

ابو محمد رفع راسه ومالك انصدم من الدموع اللي بعيونه .. بنتي راحت .. خسرت بنتي يا مالك خسرتها ..

مالك اللي مو فاهم شي جلس مقابل ابو محمد وصار يهديه .. يا عمي اهدى وفهمني كل شي ..

..
..
..
عند الجازي اول ما وصلت للبيت دخلت لغرفتها وهي للحين تبكي بحرقه اخذت شنطه وصارت تحط ملابس فيها واخذت كل شي تحتاجه وبعد ما خلصت نزلت لتحت وكانت بتطلع بس قابلتها جدتها ..

ام محمد باستغراب .. يمه الجازي وش فيك تبكين .. وليه هالشنطه معك وين رايحه ..

الجازي بصوت كله بكا .. اكيد حتى انتي تدرين .. انا اكرهكم .. وطلعت من الفله بعد محاولات من ام محمد انها توقفها .. ركبت السياره وقالت لسواق يروح للمطار .. وهي بالطريق مر عليها كل شريط حياتها وهي سلطان من لما كانت صغيره لين الحين لما صارت الجازي وكل الأشياء اللي سووها لها جدانها وكل ما تذكرت اكثر بكت اكثر ..
.....................

بالشركه ..
ابو محمد بعد ما قال لمالك كل شي .. تكفى روح شوف وينها انا مو قادر اتحرك احس رجولي مو شايلتني ..دورها لا تخليها تسوي شي غلط ..

مالك اللي انصدم من ابو محمد وكيف سوا كذا قام وهو همه الحين الجازي انها ما تسوي بنفسها شي طلع من الشركه وصار يتصل عليها بس جوالها مقفل راح للقصر وفتحت له الخدامه سالها عن الجازي قات له انها طلعت ومعها شنطه .. شاف ام محمد جايه له وعرفته ..

ام محمد .. يمه مالك الحق علي الجازي طلعت وهي منهاره ومعها شنطتها مدري وش فيها او وين راحت ..

مالك .. طيب يا خاله هي طلعت مع السواق ..

ام محمد وهي تبكي .. مدري بس تكفى شوف وينها ..

مالك .. ان شاء الله يا خاله .. عن اذنك .. راح لملحق السواقين وسال اذا فيه حد راح مع الجازي وقالو له اسم واحد فيهم ودها الحين اخذ رقمه منهم واتصل عليه .. شوي جاه الرد .. راج مس الجازي معك ..

راج السواق اللي كان توه منزل الجازي المطار .. ايه انا في نزل مطار من شوي ..

مالك.. طيب طيب .. وقفل منه وركب سيارته وعلى طول انطلق للمطار .. وبعد ربع ساعه وصل نزل وحاول يتصل عليه بس جوالها للحين مقفل .. راح يسال عن الرحلات اللي راح تقلع الحين وقالو له فوق 10 رحلات وصعب يدور فيهم كلهم .. وبنفسه .. هم كانو بامريكا يعني اكيد راح تروح امريكا .. وعلى طول سالرحلات اللي راح تقلع لامريكا الحين .. وقالو له رحلتين وحده لنيويورك والثانل جوس انجلس .. دور فيهم ولقى اسمها بالرحله اللي متجهه لنيويورك وباقي على الرحله ساعه .. بسرعه اتجه لصاله المغادرين .. وصار يدورها هناك بين المسافرين .. وشافها جالسه وباين عليها الحزن اتجه لها .. تبين تهربين ..

الجازي اللي كانت تناظر الارض وسرحانه صحت على صوت مالك ورفعت عيونها له باستغراب .. مالك ..

مالك .. اكيد ما توقعتي ان حد راح يمنعك صح ..

الجازي لفت عنه .. ايش تبي جاي ..

مالك .. انا عرفت كل السالفه من عمي عبدالعزيز ادري انه غلطان مليون بس مو الحل انك تهربين ..

الجازي ومن غير ما تناظره ..ممكن تروح لانك مالك دخل باللي اسويه ..

مالك .. ومين قال اني انا جاي هنا عشانك .. لا انا جاي ارجعك عشان عمي انا طلعت من نده وهو تعبان مدري الحين ايش حالته ..

الجازي .. مالي دخل بحد .. وروح قبل ما انادي عليك الأمن ..

مالك توه بيتكلم بس سمع جواله يرن طلعه من جيبه وكان المتصل ابو محمد .. رد بسرعه .. هلا عمي .. بس استغرب لما جاه صوت حرمه ..

ام محمد وهي تبكي .. يمه مالك ابو محمد بالمستشفى طاح عليهم بالشركه ونقلوه للمستشفى والحين هو بغرفه العمليات يقولون جلطه .. يمه بشرني لقيتالجازي ولا لا ..

مالك بصدمه .. جلطه .. ايه لقيتها الحين جايين لكم ..

ام محمد .. تكفى بسرعه تعالو انا خايفه عليه ومدري ايش اسوي .. واكيد اللي صار له بسبب طلعه الجازي ..

مالك .. طيب يا خاله الحين جايين ..وقفل ولف على الجازي ..قومي معي بسرعه جدك وجدتك بحاجتك الحين ..

الجازي .. بكيفهم انا مو بحاجه احد الحين ولا ابي حد يحتاج لي ..

مالك اللي بدا يعصب عليها .. جدك بغرفه العمليات صابته جلطه وماندري اذا راح يعيش او لا وانتي تقولين منتي محتاجه حد .. قومي معي بالطيب .. انا ما ابي اخسر عمي اللي اعتبرته اكثر من اب لي بسبب وحده عنيده مثلك ..

الجازي عصبت ولفت عليه .. هيه انت مين فاكر نفسك عشان ترفع صوتك علي وكمان تامرني .. وبكل بساطه تبيني انفذ اوامرك .. واذا مره هامك عمك روح له واجلس جنبه اما انا ما يهمني ..

مالك من بين اسنانه .. قومي ولا تخليني اتهور واسحبك معي ..

الجازي .. انت تقدر اصلا .. ووقفت ومشت عنه .. قلت ماراح اروح معك ..

مالك بقله صبر راح ووقف قدامها .. وقفي لا تتحديني اوك ..

الجازي تكتفت .. ترا الأمن بكل مكان هنا يعني بكل بساطه اخليهم يطردونك برا ..

مالك .. طيب يالجازي خلك على عنادك بالنهايه انتي اللي راح تندمين .. وعطاها نظره تحدي ومشى عنها ..

اما الجازي ناظرته بحقد وكملت طريقها تاخذ لها كفي تروق ..

اما مالك طلع من المطار وتوجه للمستشفى بسرعه وبعد ربع ساعه وصل وسال عن ابو محمد وقالو له انه بغرفه العمليات راح لها وشاف رجال العيله متجمعين بجهه والحريم بجهه .. راح للرجال .. سلام ..

الكل .. وعليكم السلام ..

مالك .. للحين محد طلع ..

الجد سعود .. لا هذا حنا ننتظر .. الا يا ولدي ما تدري وش سبب الجلطه اللي جاته ..

مالك توهق .. هاه .. لا مدري بس اكيد سمع خبر سيء .. الله يقومه بالسلامه .. وبعد عنهم شوي ووقف ينتظر ..

..
..
بنفس المستشفى لكن بدور ثاني وغرفه ثانيه ..

كانو الشباب متجمعين عند البراء اللي بدت حالته تتحسن شوي ..

بسام .. مسكين عمي عبدالعزيز هذي المره الثانيه اللي تجيه جلطه ربي يطلعه بالسلامه ..

الشباب .. امين ..

مشاري .. للحين محد عرف وش السبب ؟؟..

فيصل .. انا سمعت اللي معه بالشركه يتكلمون بهمس وكاني سمعت اسم حفيدته بس مدري ايش السالفه ..

البراء.. حفيدته قصدهم الجازي .. ولف على بسام .. هي موجوده هناك معهم ..

بسام .. مدري ما اذكر اني شفتها ..

مشعل .. حتى انا .. هي الوحيده اللي ما تتلثم من بينهم يعني لو كانت موجوده كان شفناها ..

عزوز .. تتوقعون هي السبب ..

البراء سكت يفكر شوي بعدها لف على بسام .. عطني جوالي ..

بسام اخذ الجوال من الدرج وعطاه .. خذ .. انا بروح اشوف ايش صار ..

مشاري .. كلنا جايين معك ..

البراء .. وطمنوني ..

الشباب .. طيب .. وطلعو كلهم من الغرفه ..

البراء حمد الله انهم طلعو .. بسرعه فتح جواله واتصل على الجازي بس تحطم لما شاف جوالها مقفل .. كرر الأتصال مره ومرتين وثالاث ونفس الشي ..بدا يقلق .. وبنفسه .. وينها وليه جوالها مقفل .. وايش كانو موظفين الشركه يقولون عنها .. يارب انها تكون بخير ..

..
..
عند غرفه العمليات ..

طلع الدكتور ووجهه ما يبشر بالخير ..الكل اتجهو له ..

الجد سعود .. بشرنا ..

الدكتور .. الدكتور مدري ايش اقول لكم بس هو الحين حالته صعبه واحتمال انه ما يعيش ..

الجد خالد .. لا تقول هالكلام يا دكتور ان شاء الله يعيش ..

الدكتور .. ان شاء الله هذا حنا نبذل كل طاقتنا .. بس ممكن اعرف وين مالك ..

مالك قرب من عنده .. انا مالك ..

الدكتور .. تعال معي المريض يبيك ..

الجد سعود .. وليه هو ..

الدكتور .. مدري .. ولف على مالك بسرعه تعال والبس الملابس الخاصه ..

مالك بخوف وقلق على ابو محمد .. طيب .. وراح مع الدكتور وبعد ما لبس الملابس المعقمه والخاصه دخل لابو محمد .. شاف حالته الصعبه الأجهزه من حوله ووالأوكسجين على فمه ووجهه صاير ازرق .. راح لعنده بخوف .. عمي انت بخير صح ..

ابو محمد وهو يتكلم بصعوبه ..ويـــن الجاــــازي ؟؟..

مالك نزل عيونه .. انا اسف يا عمي ما قدرت اجيبها .. .. ورفع عيونه.. بس انا لقيتها بالمطار وهي راح تسافر لامريكا .. وتاكد بس تقوم بالسلامه راح نروح انا وياك وننرجعها ..

ابو محمد رفع يده بصعوبه ومسك يد مالك .. مـــالــــك انــا مــا اتــــوقـقــع انــــي را....ح اعــــيـــش ..

مالك قاطعه .. لا ياعمي لا تقول كذا ان شاء الله راح تعيش و..

سكتلما ضغط ابو محمد على يده ..اســــمـــعـــنـــي .. وصـــيـــتـــي لـــك الـــجاـــزي ..وبدا يكح بشكل مخيف ..

الدكتور بسرعه جا وبعد مالك وخل الممرضات يطلعونه برا وبدا ينعش قلب ابو محمد اللي بدت نبظاته تقل ..

مالك طلع من الغرفه وهو ما وده يطلع وكان خايف على ابو محمد ..

الكل تجمعو عليه ويسالونه بس هو مو قادر يقول شي شكل ابو محمد وهو تعبان صادمه اول مره يشوف ابو محمد وهو ضعيف كذا ..

بعد دقايق طلع الدكتور من الغرفه ووجهه مليان اسى .. انا اسف .. بس عظم الله اجركم في عبدالعزيز ..

الكل مصدومين .. ايش .

ام محمد اغمى عليها من الصدمه .. عزوتها وزوجها وحبيبها والوحيد الباقي لها في هالدنيا راح كيف راح تعيش من دونه او تكمل حياتها من غيره .. شلوا الممرضات ودخلوها لوحده من الغرف..

مالك بصدمه طاح على الأرض رجوله مو قادره تشيله وبدت عيونه تدمع من غير ما يقول ولا كلمه ..

اما الجد سعود والجد خالد حزنو على وفاه اخوهم وما تحملو الخبر وطلعو من المستشفى ..

الشباب راحو لمالك يهدونه .. وقفوه واخذوه معهم لغرفه البراء عشان يبعدونه عن الازعاج والبكاء .. واول ما دخلو انصدم البراء من اشكالهم ..

البراء بخوف .. ايش صاير ..

بسام وهو يجلس مالك على الكرسي .. نزل عيونه .. عمي عبدالعزيز توفى ..

البراء بصدمه .. ايش توفى .. وعلى طول جا بباله الجازي وقال من غير ما يحس .. الجازي ..

مالك سمعه ولف عليه ومن بين دموعه وبقهر .. هي السبب باللي صار بعمي هي السبب في ان عمي يروح ويتركني .. هي السبب سافرت ولا همها الموضوع ..

كل الشباب صارو يناظرون مالك باستغراب مو فاهمين شي ..

البراء .. مالك انت وش جالس تقول .. الجازي سافرت .. وين .. وليه هي سبب وفاه عمي عبدالعزيز ..

مالك بقهر .. بس لانها اكتشفت ان عمي هو ورا انها تكون ولد .. وهو اللي خلاها ولد من لما كانت صغيره ورفض انها تكون بنت .. عرفت بالموضوع وصارت تصرخ على عمي ورمت عليه كلام كبير خلت عمي يتضايق وبعدها هربت .. ولما رحت اقنعها ترجع قالت انه ما يهمها .. وسافرت .. ليه ما تحس هالبنت ليه ما تعرف يعني ايش انك تفقد شخص عزيز عليك وشخص اعتبرك منه وفيه طول عمرك ليه ما حست بهالشي ..

البراء مصدوم من اللي يسمعه .. ولف على مالك .. هي وين سافرت ..

مالك .. لنيويورك .. روحه بلا ر....

البراء .. استغفر ربك .. مهما كان هي كانت مصدومه من اللي عرفته وغير كذا وفاه عمي قضاء وقدر واكيد هذا يومه مو هي السبب .. ولف بينزل من السرير ..

بسام .. وين رايح البراء .. البراء .. انا لازم ارجعها ..

مشاري .. براء وش جالس تقول انت ..

مشعل .. انت للحين ما تشافيت ..

البراء .. انتو كيف ما تحسون بنت عمكم مسافره لحالها وهي معصبه ومتضايقه كيف نخليها .. لو سمحتو لحد يفكر يوقفني .. وراح للحمام ** الله يكرمكم ** بدل ملابسه وطلع .. لف على فيصل .. عطني مفتاح سيارتك ..

فيصل توهق ولف على الشباب ..

بسام .. ماراح نعطيك شي ولا تتهور ..

البراء .. مو لازم التكاسي ماليه البلد .. وطلع من الغرف بعد محاولات من الشباب من انهم يوقفونه .. طلع من المستشفى واخذ له تاكسي وراح لبيتهم اخذ جوازه وشنطه صغيره فيها كم لبس وراح للمطار على طول وحجز على اول طياره رايحه لنييورك وقالو له بعد ساعه وجلس ينتظر وهو يفكر بالجازي ..

اما بالمستشفى كان الوضع متوتر ..

الرجال خلصو الأجراءات كلها واخذو الحريم ورجعو لبيوتهم وقالو من بكرا راح يبدا العزى ..

اما ام محمد للحين بالمستشفى ما صحت وقالو لهم يجون بكرا عشان يشفونها ..

والشباب طلعو من المستشفى بعد ما قالو لابو البراء كل اللي صار وهو عصب وصار يتصل على ولده اكثر من مره بس جوال البراء كان مقفل ..

اما مالك راح لبيته وجلس يتذكر بكل اللحظات اللي جمعته مع ابو محمد وتذكر اخر كلام له .. وصيتي لك الجازي .. وبنفسه .. ايش كان قصده بهالكلام .. هي ما اهتمت له ولا درت عنه وهو مهتم فيهاحتى الى اخر نفس طلعه .. ااااااااه الله يرحمك ويغفر لك يا عمي ..
....................................

اقتباس
  {[ اللهم لكـ الحمد والشكر كما ينبغي لجلال وجهكـ وعظيم سلطانكـ ]} 223 
قديم(ـة) 08-03-2016, 09:19 PM
الوعد _ ALWAAD
الافتراضي رد: انا انثى ولكن !!...

بعد عده ساعات ..

امريكا .. نيويورك ..

هبطت الطياره القادمه من السعوديه .. ونزلت الجازي منها وهي تحس بضيقه بصدرها وماتدري من ايش .. خلصت كل الأجراءات وطلعت من المطار اخذت لها تاكسي وراحت للفندق اللي حجزت فيه لما كانت بالمطار .. وبعد ما وصلت ودخلت للجناح حقها رمت نفسها على السرير وغطت بسبات عميق ..
..
..
..
بعدها بساعتين هبطت طياره ثانيه على ارض مطار نيويورك ونزل منها البراء ولما خلص الأجراءات طلع من المطار وصار يدور له على فندق وبعد ما يحط شنطته ويرتاح شوي راح يدور على الجازي ..

............................................

بعد اسبوع ..

الأحداث اللي صارت في الأسبوع اللي راح .. ام محمد طلعت من المستشفى بس لازالت منهاره على موت زوجها .. بدا العزى وخلص بعد ثلاث ايام والجد سعود خل ام محمد تسكن عندهم عشان ما تكون بالقصر لحالها .. وكل العيله درت باللي صار مع الجازي والكل كرهوها وصارو ينتقدونها على التصرف اللي سوته .. ومالك من هذاك اليوم ما طلع من البيت الا بس يحضر العزى ويرجع .. لكن في اخر يوم من العزى طلبو نه الجد سعود والجد خالد انه يدور على الجازي مع البراء واذا لقوها راح يتصرفون معها ..مالك ما رفض وبنفس اليوم حجز على نيويورك وسافر عشان يدور على الجازي مع انه ماوده بس وصيه عمه ولازم ينفذها .. اما البراء من اول يوم حط رجله فيه على ارض نيويورك وهو يدور الجازي بس للحين ما لقاها ..
.................................................. ...........

امريكا نيويورك ..

الساعه 10 الصباح ..

البراء توه طالع من الفندق حقه بعد ما ريح شوي لانه من الصباح بدري طالع يدور على الجازي .. ركب السياره اللي استأجرها واتجه لاخر مكان دور فيه عشان يكمل من عنده .. وصل وصار يدور من فندق لفندق لين ما صارت الساعه 2 الظهر .. حس بالجوع ووقف عند واحد من المطاعم اللي كانو على طريقه .. دخل وجلس على وحده من الطاولات وطلب له اكل .. وهو ينتظر الطلب كان يتفرج على اللي يدخل واللي يطلع من المطعم .. شوي انتبه باربع بنات واضح انهم عربيات من حجابهم داخلين للمطعم ويدورون على طاوله .. وشوي شافهم يجلسون بالطاوله اللي مقابلته .. شال عيونه عنهم وصار يفكر بالجازي ووين راح يلاقيها .. شوي لفت سمعه اسم جاي من جهه طاوله البنات اللي من شوي لف بسرعه ..

وحده من البنات تاشر .. الجازي تعالي هني ..

البراء بسرعه لف الجهه اللي تاشر عليها البنت و
واول ما شافها مايدري ايش يسوي من الفرحه .. وقف بسرعه ومن غير شعور راح لعندها ووقف قدامها وبابتسامه .. واخيرا ..

الجازي اللي كانت متفق مع البنات اللي تعرفت عليهم بالنادي انهم يتغدون بالمطعم قبل ما يروحون النادي انصدمت اول ما شافت البراء قدامها .. البراء ..

البنات اللي على الطاوله وقفو وراحو لها ..

وحده منهم .. تعرفينه الجازي ولا نوريه شغله ..

الجازي واللي للحين مصدومه .. انت ايش جابك هنا ..

البراء من غير اي سابق انذار مسك يد الجازي وسحبها معه لبرا المطعم .. ركبها السياره وهي من الصدمه ما قالت شي ..ولما تحركت السياره استوعبت ..

الجازي لفت بسرعه عليه .. هيه براء وقف انت وين موديني ..

البراء من غير ما يلف عليها وبابتسامه .. راح تعرفين الحين انا ما صدقت الاقيك .. لي اسبوع ادورك ..

الجازي .. اسبوع .. وليه تدورني .. انا هربت منكم مو عشان تدوروني ..

البراء بعد ما وقف عند حديقه لف عليها ..محد طلب مني اني ادورك انا اللي دورتك لحالي .. والحين ممكن ما تسالين ولا سوؤال وتنزلين معي وراح افهمك على كل شي ..

الجازي نزل من السياره وهي مو فاهمه شي .. دخلو للحديقه وجلسو على وحده من الكراسي الخشبيه اللي هناك ..

البراء .. اول شي انتي قولي لي ليه هربتي انا سمعت السالفه منهم بس ابي اسمعها من وجهه نظرك ..

الجازي نزلت عيونها .. وقالت له كل اللي صار .. تتوقع كيف راح اجس معهم دقيقه وانا اعرف انهم السبب بالمعناه اللي عانيتها طول هذي السنين ..

البراء .. طيب بسالك سؤال .. انتي تؤمنين بكتبه الله ..

الجازي .. اكيد ..

البراء .. انا عارف ان كل اللي سووه غلط بس هذي كتبه الله الله كاتب انه يصير كذا قبل ما تنولدين حتى .. والله كاتب انك تكونين ولد وتتعرفين علي ونصير اقرب اصدقاء .. شوفي الاول شي شين والثاني شي زين كلها من كتبه الله والله اعلم باللي مكتوب لنا .. يعني مو بيدي ولا بيدك ولا حتى بيد اهلك لا تلومينهم واكيد ما سوو هذا الشي الا عشان شي كبير ..والمفروض انك ما هربتي وسويتي اللي سويتيه .. تتوقعين ان محد راح يدري عنك او تتوقعين اننا راح نتركك على راحتك مثلا .. لا اذا هذا تفكيرك فانتي غلطانه .. والهروب من المشكله ابدا ماكان حل للمشكله الا بالعكس هو يزيد ويكبر المشكله .. والحين لو سمحتي ممكن ترجعين معي للسعوديه ..

الجازي طول ما البراء كان يتكلم كانت تفكر بكلامه وانها ابد ما فكرت فيه من قبل صدق اللي صار مو شوي بس هذا شي وصار وما تقدر تغيره وغير كذا هي الحمد الله الحين صارت بنت وبفضل الله ثم جدها اللي اسرع وسووا لها العمليه كيف تنكر له هالفضل .. رفعت عيونها للبراء .. صح انا غلطانه المفروض ما اهرب واواجه الموقف .. بس ايش اقول الشيطان شاطر .. وابتسمت .. طيب راح ارجع معك للسعوديه بس قبل كل شي صدق انت من اسبوع تدور علي ..

البراء .. ايه من اول ما عرفت انك مسافره على طول سافرت وراك حتى ابوي واهلي عصبو علي بس لما قلت لهم السالفه هدو ..والحين الكل ينتظرونك هناك ..بس الله يستر من رده فعلهم ..

الجازي .. اذا على جدي انا متاكده انه ماراح يسوي لي شي لو سمعني وعرف انا ليش سويت كذا اما بالنسبه لجداني الباقي جدي ماراح يخليهم يتدخلون فيني ..

البراء اول ما سمع كلامها نزل راسه لان عيونه بدت تتجمع فيها الدموع .. هو ما يبي يقولها الحين لانه خايف عليها مخطط انه يقولها الخبر اول ما يوصلون للسعوديه .. فا اخذ نفس وحاول يصير طبيعي ورفع راسه وهو مبتسم .. اي صح .. والحين يلا خلينا نقوم نروح الفندق اللي ساكنه فيه عشان تاخذين اغراضك وعلى اول طياره للسعوديه ..

الجازي وقفت .. طيب .. ومشت قدامه وهو وراها فجاءه لفت عليه .. الا نسيت اسالك كيف كتفك الجرح برا ..

البراء ابتسم .. ايه الحمد الله انا بخير ..

الجازي .. حسبي الله على من كان السبب ..

البراء .. الرجال اخذ جزاه .. يلا نمشي ..

وطلعو من الحديقه وركبو السياره واتجهو للفندق اللي ساكنه فيه الجازي .. واول ما دخلو وقبل ما يطلعون لجناح الجازي موظفت الاستقبال نادتها وقالت لها ان فيه شخص ينتظرك باللوبي ..

الجازي باستغراب لفت على البراء .. مين اللي يبيني ..

البراء .. مدري يمكن وحده من صاحباتك اللي بالمطعم ..

الجازي .. لا ما يعرفون الفندق اللي انا ساكنه فيه ..

البراء .. اجل خلينا نروح ونشوف ..

الجازي .. يلا .. وراحو للوبي وانصدمو لما شافو اللي جالس وكان يقرا جريده .. لفت على البراء .. هذا مالك .

البراء بنفس صدمتها .. هذا كيف عرف انك هنا وليه جاي اصلا ..

مالك انتبه لهم ووقف بصدمه كمان .. راح لهم .. ماشاء الله الكل بالسعوديه قالقانين عليك وانتي هنا تسرحين وتمرحين معه هذا .. ولف على البراء .. وانت اللي مسوي فيهم الشهم اللي ما يترك بنت عمه بالغربه لحالها واللي يبي يرجعها اشوفك لما لقيتها ما خبرت احد واستغليت الفرصه بوجودك بامريكا وجلست تسرح معها ..

البراء عصب من كلامه .. احترم نفسك اذا مو فاهم شي لو سمحت لا تتكلم ..

الجازي .. مالك وش جالس تقول انت ..البراء توه لاقيني مو من زمان وبعدين انت كيف عرفت الفندق اللي انا ساكنه فيه ..

مالك رفع حاجب.. اها قلتي لي توه .. انا لي ثلاث ايام هنا ادورك وضيعت وقتي واهملت اشغالي بس عشان ادورك وبالاخير اشوفك مبسوطه وفرحانه وتمرحين مع هذا ..

البراء .. للمره الثانيه قلت لك احترم نفسك .. وبعدين مين اللي طلب منك انك تدورها مو انت كارهها وتقول انها السبب بكل شي صار لك ليه متعب نفسك وتدورها ..

مالك .. للاسف شي غصب عني هذي وصيه عمي ولازم انفذها ..

الجازي .. لحظه وصيه مين ؟!

البراء خاف ان مالك يقولها كل شي .. قصده ان عمي قايل له انه يدورك ..

مالك .. لحظه فيه شي بالموضوع .. ولف على البراء .. انت ايش قايل لها ..

البراء .. وش قلت لها ما قلت لها شي .. وبعدين شكرا على انك تعبت نفسك ودورتها انا حجزت وراح نرجع للسعوديه اليوم ..

مالك .. بالله وتبيني اصدق كلامك .. يعني خلاص مليتو من الوناسه وتبون ترجعون ولا عشانكم قابلتوني ف خايفين اني اقول لاهلكم لما ارجع للسعوديه .. ابد ما سويتو اي احترام للميت ولا قدرتو خوف اهلكم عليكم .. جالسين هنا ولا حد هامكم .. انتو ايش مو بشر ما عندكم احساس ..

الجازي تجاهلت كل الكلام ووقفت عند كلمه ميت .. لفت على مالك وقالت بهدوء وكانها خايفه من الأجابه .. مين اللي مات ..

مالك لف على البراء .. بعد ما قلت لها ان جدها مات بنفس الليله اللي هربت فيها .. انت ايش ما عندك قلب همك وناستك وبس...

قاطعه كف من البراء .. اسكت ولا كلمه انت تعديت حدودك معي .. قلتل... سكت لما شاف الجازي تطيح على الأرض وكان رجولها مو قادره تشيلها ودموعها تنساب على خدودها كانها سيل ومن غير اي صوت ولا كلمه ..نزل لمستواها بخوف .. الجازي ..

مالك يناظرهم .. هذا اللي تبي صح شوف البنت ايش صار لها بسببك ..

البراء عصب ووقف .. بسببي انا ولا بسببك اللي قلت لها الخبر حتى من غير اي مقدمات مو هامك شعورها كان اللي ميت شخص غريب عنها مو جدها اللي متعلقه فيه .. مين الحين اللي معنده قلب انا ولا انت ..

مالك .. وليه انت ما قلت لها من اول كان ما صار اللي صار ..

البراء .. انا ما قلت لها لاني خايف عليها ما ابي يصير لها شي وهي هنا وكنت مخطط اني اقول لها لما نوصل للسعوديه بس للاسف انت خربت كل شي .. ولف عنه ورجع نزل للجازي اللي للحين على نفس وضعيتها ..الجازي استهدي بالله وقومي معي اوديك لجناحك ترتاحين ..

الجازي ما تحركت ولا رف لها جفن تناظر الأرض وعيونها تدمع ومافي اي تعابير بوجهها ..

البراء مسك يدها ووقفها .. وهي كانها دميه بين يدينه تتحرك معه مثل ما هو يبي كانها جسد ميت من غير روح ولا حياه ..

مالك .. اتركها وين ماخذها هي لازم ترجع معي للسعوديه اليوم ..

البراء ما لف عليه ولا عطاه وجه ..

مالك جا ووقف قدامهم .. هيه انت تسمعني هذي وصيه عمي لي يعني انا اللي لازم اهتم فيها ..

البراء .. من البدايه وضح اهتمامك فيها .. وبعد عنه واخذ الجازي لجناحها ترتاح ووصى وحده من الموظفات بالفندق انها تنتبه لها لانه بيروح مشوار ويجي .. نزل من الجناح وقبل ما يطلع من الفندق شاف مالك واقف وكانه ينتظره طنشه وكمل طريقه بس مالك جا ومسكه من يده ..

مالك وقف .. انت باي حق تسوي اللي سويته ..

البراء من غير ما يلف عليه .. بحق اني ولد عمها .. ومشى بيكمل طريقه بس مالك رجع وقفه مره ثانيه ..

مالك .. وانت تدري ان عمي الله يرحمه قالي بعظمه لسانه وصيتك الجازي يا مالك يعني ايش تتوقع ..

البراء .. ما يهمني ..

مالك .. بس انا يهمني انك تعرف .. معناها ان عمي كان وده اني اتزوج الجازي بس يومه كان اقرب ..

البراء لف عليه بعصبيه .. انت بس تجرئ تمسك يدها بس مو تتزوجها وشوف ايش راح يصير لك ..

مالك بابتسامه تقهر .. اتوقع انك تعرف ان وصيه الميت لازم تتنفذ صح ولا انا غلطان .. ولف عنه ..مابي اشوفك هنا مره ثانه والجازي اليوم راح ترجع معي للسعوديه ..ومشى عنه وتركه بصدمته ..

البراء بنفسه .. ايش هذا ايش اللي جالس يصير .. انا احم ولا هذا واقع يعني اليوم اللي لقيت فيه الجازي تصير لي هذي المشكله .. لا انا مستحيل اسكت ومالك هذا لازم يعرف قدره .. ومشى وطلع من الفندق ..

اما مالك طلع لجناح الجازي ودق الباب وفتحت له الموظفه دخل وشاف الجازي جالسه على السرير وتناظر بالولا شي .. قرب عندها .. الجازي ..

الجازي اول ما سمعت صوته على طول لفت عليه وبدت دموعها تنهمر وبدت تشهق ..قالت وصوتها كله بكا .. كله منك انت السبب .. لـــيه لييييه ما غصبتني لما كنا بالمطار ليه ما اجبرتني اني اروح معك .. ليه تركتني بعنادي ورحت .. ليه تخلي جدي يموت وانا بعيده عنه وهو غضبان علي .. ليييييييييييه قول لي ليه ..

مالك كسر خاطره شكلها قرب منها وجلس على طرف السرير .. لا تحطين اللوم علي انا حاولت فيك اكثر من مره بس انتي رفضتي وغير كذا ما فكرتي تسالين عنه لما جيتي لهنا ..

الجازي صارت تضرب اللحاف بقهر .. وانا ايش عرفني انه بموت انا كل اللي كنت ابيه اني ابعد كم يوم وارجع لهم وانا راضيه بس ما توقعت انه راح يموت .. ليه ياربي ..

مالك .. استغفر الله هذا امر الله يا الجازي ما يصير نعترض عليه .. وبعدين هذا يومه .. وتطمني هو ما مات وهو غضبان عليك بالعكس هو وصاني عليك وهذا يعني انه مو زعلان عليك ..

الجازي .. جد جدي مو زعلان علي ..

مالك .. ايه صدقيني مو زعلان .. والحين اهدي وجهزي اغراضك عشان نرجع للسعوديه جدتك تنتظرك ومحتاجه لك ..

الجازي اللي توها تتذكر جدتها .. جدتي .. كيفها اكيد هي الحين جالسه لحالها وانا الغبيه ما فكرت فيها .. وبسرعه مسحت دموعها وقامت من السرير .. انا راح اجهز الحين لازم نرجع للسعوديه .. وراحت للدولاب وبدت تشيل ملابسها ..

مالك لف على الموظفه اللي كانت واقفه عند الباب وطلب منها انها تساعدها .. ولف على الجازي .. انا انتظرك تحت .. وطلع ..نزل للتحت وجلس باللوبي .. وبعد دقايق نزلت الجازي وبعد ما خلصت الشيك اوت راحت لمالك .. خلصت .. بس وين البراء ..

مالك ..مدري عنه طلع وش لك فيه الحين مادامه ما اهتم لك ولا قالك عن جدك ولا حتى رجعك لما لقاك ..

الجازي .. مالك انت فاهم البراء غلط .. صدقني هو اليوم توه يلاقيني حتى انا انصدمت من وجوده هنا اما بخصوص سالفه جدي اكيد ما كان يبي يتعبني وحنا هنا .. انا اعرفه البرراء اطيب من انه يسوي كذا ..

مالك .. طيب لو كلامك صح هو وينه الحين ليه تركك وراح ..

الجازي توها بتتكلم بس قاطعها البراء اللي جا من وراهم .. ومين قالك اني تركتها .. انا بس رحت اجيب شنطتي عشان نطلع للمطار على طول ..

الجازي .. البراء تكفى خلنا نروح بسرعه جدتي اكيد محتاجه لي ..

البراء .. ان شاء الله انا حجزت والرحله بعد ساعتين هذي اقرب رحله ..

الجازي .. طيب مالي الا اني انتظر ..

مالك ..الجازي الحين انتي راح تروحين معه ولا معي ..

الجازي .. ايش اللي معه ولا معك ليه انتو اعداء مثلا ترا كلنا نبي نرجع للسعوديه يعني كلنا سوا ..

البراء .. بس انا ما حجزت له ..

مالك .. مو محتاج انك تحجز لي انا احجز لنفسي ..

الجازي .. تكفون مو رايقه للهواش يلا خلونا نطلع للمطار ..

البراء . يلا ..

وطلعو من الفندق وركبو بسياره مالك والبراء كان مطر لانه رجع السياره اللي كان مستأجرها والجازي رفضت تركب تاكسي ومالك فيه .. تحركو للمطار ولما وصلو مالك راح يدور حجز له بنفس الرحله بس مافيه صارت المقاعد فل ..حاول مع الموظف بس مالقى ..حجز له بالرحله اللي بعدها وهو مقهور لان البراء راح يكون مع الجازي ..

اما البراء لما عرف السالفه انبسط لانه ما يبي مالك معهم ..

بعد ساعتين ..

ركبو الطياره واقلعت للسعوديه ..

.................................................. ....

كانو الكل متجمعين ببيت الجد سعود لان البراء اتصل عليهم وقال لهم انه لقى الجازي وراح يوصولون على الساعه 9 الليل .. فتجمعو عشان يستقبلونهم .. واكثر وحده مبسوطه هي ام محمد هذا الشي الوحيد اللي راح يفرحها من بعد وفاه ابو محمد ..
...................................

الساعه 9 ..

هبطت الطياره القادمه من امريكا على ارض المملكه نزلو منها البراء والجازي وبعد ما خلصو كل شي طلعو وشافو السواق ينتظرهم وهذا كان طلب البراء عشان الجازي تكون مرتاحه .. ركبو السياره واتجهو لقصر الجد سعود .. اول ما وصلو وقبل ما يدخلون ..

الجازي لفت على البراء باستغراب .. ليه جينا لهنا مارحنا لقصرنا ..

البراء بابتسامه .. لان جدتك هنا مو هناك .. يلا انزلي ..

الجازي ... طيب .. نزلت ومشت مع البراء اللي توجه للمجلس ..

الجازي وقفته قبل ما يدخل .. ليه جايبني للمجلس ..

البراء .. ما تبين تسلمين على عمانك وجدانك تراهم ينتظرونك ..

الجازي .. كلهم موجودين ..

البراء .. ايه وبانتظارك .. يلا ادخلي ..

الجازي .. بس صعبه ادخل وكل الشباب فيه ..

البراء .. تطمني الشباب مو موجودين يعني كل اللي داخل يحلون عليك .. يلا تعالي ..

الجازي .. طيب .. وتقدمت بارتباك وتوتر ..دخلت بعد البراء وصارت عيونها تلقائيا تدور على جدها من بين الموجودين .. نزلت عيونها لما تاكدت انه خلاص مو موجود بالحياه تجمعت بعيونها الدموع ..

البراء .. السلام ..

الكل .. وعليكم السلام ..

الجازي اخذت نفس وهدت وراحت تسلم على جدانها ..

الجد سعود اول ما جاته ضمها .. كان وده يشوفك قبل ما يروح ..

الجازي وكانها تنتظر حد يتكلم بس عشان تبكي .. على طول نزلت دموعها بغزاره ..

الجد خالد سحبها من الجد سعود.. بكيت البنت يا سعود ..الحمد الله على السلامه .. يابنتي روحي شوفي جدتك اللي ميته وتشوفك .. بعدين تعالي نبيك بموضوع ..

الجازي .. طيب .. مسحت دموعها وسلمت على كل عمانها بعدها طلعت وراحت لعند الحريم واول ما دخلت سمع الصراخ ..ف رحانين بجيتها .. هي بسرعه عينها راحت لجدتها اللي كانت جالسه على الكنبه .. راحت لها بسرعه وضمتها ورجعت تبكي .. يمه انا اسفه على اللي سويته اسفه اني رحت وتركتكم .. تكفين يمه ساامحيني .. وصارت تشاهق ..

ام محمد حضنتها .. يمه مسموحه اهم شي انك رجعتي لي .. وصارت تمسح على ظهرها .. محتاجتك بجنبي يا يمه ..

الجازي .. هذا انا جيتك ومستحيل ابعد عنك .. انا غبيه لما فكرت اترككم .. يمه جدي راح وانا ما شفته يمه انا اسفه ..

ام محمد .. اششش خلاص يمه لا تبكي خلاص اهدي .. وجدك هذا يومه اطلبي له الرحمه والمغفره بس ..

الجازي .. الله يرحمه ويسكنه فسيح جناته ..وبعدت عن جدتها وهي تمسح دموعها وقامت تسلم على الكل وبعدها رجعت تجلس عند جدتها .. شوي تذكرت ان الجد خالد قالها تجي لفت على جدتها .. يمه انا بروح جدي خالد يبيني بموضوع ..

ام محمد اللي عارفه الموضوع . طيب يمه روحي ..

قامت الجازي وضبطت عبايتها وشيلتها وراحت للمجلس دخلت وكانو الشباب وقتها موجودين .. كانت بتطلع بس الجد سعود قالها تدخل عادي .. دخلت وجلست بين جدها سعود وجدها خالد .. سم ..

الجد خالد .. الكلام اللي راح اقوله لك عمانك كلهم يعرفونه وموافقين عليه .. اسمعي يا الجازي .. اللي سويتيه غلط واكبر غلط حتى عبدالعزيز الله يرحمه لو كان عايش كان عاقبك على اللي سويتيه .. كيف انتي بنت وتسافرين لحالك لا وغير كذا تسافرين وانتي مزعله جدك .. هذا شي تسويه بنت عاقله ..

الجازي نزلت راسها .. انا ادري اني غلطانه بس وقتها كنت معصبه على اللي صار واتوقع اي احد مكاني راح يعصب وينقهر .. وانا ماكنت ادري ان جدي راح يتاثر او يزعل من اللي سويته ..وانا اسفه ..

الجد سعود .. اعتذارك الحين ماراح ينفع .. وحنا قررنا قرار وخلصنا وعليك التنفيذ ..

الجازي رفعت عيونها لهم .. ايش هو ..

الجد خالد .. مالك قال لنا ان عبدالعزيز موصيه عليك وجدتك قالت لنا ان عبدالعزيز كان ناوي يزوجك لمالك بس يومه كان اقرب .. وبما ان هذي كانت وصيه وامنيه عبدالعزيز حنا راح ننفذها له وبنفس الوقت عشان يكون فيه حد يحكمك ولا تروحين وتجين على كيفك.. انتي راح تتزوجين مالك ولا نبي اي اعتراض منك ..
**
**
**
**
**
**
**
**
**
**
**
**
**
**
**
** انتهى البارت الرابع عشر **