رواية انا انثى ولكن الفصل التاسع 9 - بقلم lxvcr3

** تابع البارت الثامن **
**
**
**
**
**
**
بعد كم ساعه هبطت الطياره على ارض نيويورك .. وكانت الساعه تشير الى 1 ظهرا .. نزلو ام وابو محمد وسلطان

من الطياره وبعد ما خلصو اجراءات المطار طلعو وكانت تتنظرهم سياره ركبوها واتجهو لفلتهم .. ولما وصلو سلطان

كان تعبان ومتضايق وعلى طول راح لغرفته ونام ..اما ام وابو محمد جلسو بالصاله ..
ام محمد .. وهذا حنا جينا لامريكا قول لي وش راح تسوي ..
ابو محمد .. انا خطرت ببالي فكره تخلي سلطان ما يتضايق مني وتكون الصدمه عليه اخف ..
ام محمد .. وايش هي الفكره ..
ابو محمد .. راح اخذه للمستشفى واخلي الدكتور يفحصه وبكذا راح يكتشف انه بنت وراح نبين له ان حنا ما كنا

نعرف والدكتور بنفسه راح يشرح لسلطان كل السالفه ..
ام محمد .. بس كذا انت تتهرب من المسؤوليه ..
ابو محمد نزل راسه .. لا انا ما اتهرب من المسؤوليه بس انا خايف عليه.. لما يعرف انه بنت وبنفس الوقت يعرف اني

انا السبب كذا راح تكون صدمتين وراح يتعب اكثر .. فعشان كذا انا فكرت في هذي الفكره وبعد ما يتعدى

الصدمه الاولى راح اعترف له بكل شي وبكذا يكون الموضوع عليه اخف ..
ام محمد .. ما اقول الا الله ييسر الأمور ..
ابو محمد .. امين .. انا بطلع ارتاح الحين ولما اصحى راح اخذ سلطان للمستشفى مابي اتاخر اكثر من كذا ..
ام محمد .. طيب ..
...............................................

الساعه 7 المساء..
صحى سلطان وحاس انه ارتاح بنومته بس الضيقه للحين فيه ماراحت .. شاف الساعه اللي كانت بجنبه .. يوه فاتتني

الصلوات .. قام من السرير وراح للحمام** الله يكرمكم ** اخذ له شاور وبعد ما طلع لبس بنطلون وبلوزه ثقيله لان

الجو بارد في نيويورك . وعليها جاكيت .. صلى الصلوات اللي فاتته وبعد ما خلص ضبط شعره وتعطر ولما جا بياخذ

جواله انتبه له انه مقفل وتذكر انه للحين ما اتصل على البراء لانه مواعده يتصل عليه لما يوصل .. اخذ الجوال وتوه

بيفتحه بس سمع تليفون غرفته يرن .. راح له ورد .. مرحبا ..
ابو محمد .. هلا يبه .. زين انك صحيت كنت متصل عشان اصحيك ... يلا انزل لتحت ابيك ..
سلطان .. ان شاء الله يبه .. قفل من جده واخذ جواله ونزل وقال انه راح يتصل على البراء بعدين ..شاف جده

وجدته جالسين بالصاله .. السلام ..
ام وابو محمد .. وعليكم السلام ..
ابو محمد تعال اجلس بجنبي ..
سلطان جا وجلس بجنب جده .. هلا يبه سم ..
ابو محمد .. تذكر قبل ما نرجع للسعوديه لما جاك الم ببطنك ووديناك للدكتور وقال ان الهرومونات يبيلها وقت على ما

تنتظم ..
سلطان .. ايه يبه اذكر .. بس ايش جاب الطاري الحين ؟؟..
ابو محمد .. لان الدكتور اتصل علي وقال انه وده يشوفك ويفحصك عشان يشوف اذا العلاج يفيدك او لا .. طبعا

ابو محمد يعرف مدى ذكاء سلطان عشان كذا الف له هذي القصه عشان يصدق وما يشك ..
سلطان .. اهاا .. طيب مو مشكله متى راح نروح له ؟؟..
ابو محمد .. هو قال لي اليوم بس اذا كنت تعبان عادي اتصل عليه واجل الموعد ..
سلطان .. لا يبه عادي مو تعبان .. بس كم الساعه راح نروح ..
ابو محمد .. هو قال باي وقت وبما انك مو تعبان خلاص نروح الحين ..
سلطان .. اوك مو مشكله .. يلا ..
ابو محمد وقف .. يلا ..
ام محمد .. انا جايه معكم..
سلطان .. ليه يمه ماله داعي حنا ان شاء الله ماراح نطول ..راح تتعبين ..
ام محمد .. لا ان شاء الله ماراح اتعب وانا ابي اروح عشان اتطمن عليك بنفسي ..
سلطان ابتسم .. اذا كذا اجل يلا تعالي ..
وطلعو كلهم من الفله واتجهو للمستشفى .. وبعد كم دقيقه وصلو .. نزلو ودخلو للمستشفى ..
ابو محمد .. انتظروني هنا راح اسال عن الدكتور .. راح عنهم وجا بعد دقيقه .. يقولون الدكتور عنده عمليه الحين

وقالو لي اروح عند دكتور ثاني ..
سلطان .. بس كيف اروح لدكتور ثاني وهذا اللي كان ماسك حالتي ..
ابو محمد .. الدكتور هاللي راح نروح له رشحه لنا الدكتور جون اللي كان ماسك حالتك .. واكيد انه ممتاز ويعرف

حالتك ..
سلطان .. طيب يلا ..
وراحو للدكتور الثاني ولما شافو اسمه عرفو انه سعودي .. دخلو عليه .. السلام ..
الدكتور .. وعليكم السلام .. تفضلو ..
ابو محمد بعد ما جلس .. حنا جايينك من طرف الدكتور جون ..
الدكتور .. اها .. ولف على سلطان .. انت سلطان بن محمد ؟؟..
سلطان ابتسم له .. ايه انا ..
الدكتور .. طيب .. وصار يشوف الأوراق اللي قدامه ..انا لازم افحصه مره ثانيه عشان اتاكد من حالته ..
ابو محمد .. مو مشكله ..
الدكتور رفع راسه لهم .. طيب ممكن تطلع انت والوالده عشان اقدر افحص سلطان ..
ابو محمد .. اي اكيد .. وطلع هو وام محمد من غرفه الدكتور ..
الدكتور لف على سلطان .. مكتوب في الأوراق اللي عندي ان الهرومونات الانثويه اكثر من الهرومونات الذكوريه

بجسمك مما ادى لتحول بسيط بجسمك وصارت تجيك اعراض الدوره الشهريه اللي تكون عند النساء.. وعلى اساس

هذي الحاله الدكتور جون صرف لك علاجات تسكن لك الالام اللي تجيك بسبب الدوره الشهريه .. وايضا صرف

لك علاج يزيد نسبه الهرومونات الذكوريه بجسمك .. وهذا الكلام كان من قبل سنتين صح ..
سلطان .. ايه صح ..
الدكتور .. طيب .. الى الان تجيك الالام شهريا او خلاص ..
سلطان .. ايه الى الان والالام تجيني شهريا بس لما اخذ العلاج تخف ..
الدكتور .. ايه لان هذي مسكنات .. طيب الحين راح اكتب لك ورقه تروح لقسم الأشعه عشان يسوون لك اشعه

لكل جسمك وبعدها تجي لعندي ونشوف هلى تحسنت او لا ..
سلطان وقف .. طيب .. اخذ الورقه من الدكتور ولما طلع من الغرفه شاف جده وجدته جالسين على كراسي

الأنتظار .. راح لهم ..
ابو محمد .. ها وش قالك ..
سلطان .. قالي اروح لقسم الأشعه عشان يسوون لي اشعه وبعدها يقرر ..
ابو محمد .. طيب يحتاج اجي معك ..
سلطان .. لا يبه انت ارتاح .. وراح عنهم لقسم الأشعه ودخلوه لوحده من الغرف وسووله اشعه لكل جسمه ..

وبعد نص ساعه رجع لغرفه الدكتور ومعه ممرضه اللي معها الأشعه .. جلس سلطان والممرضه طلعت بعد ما عطت

الدكتور الظرف ..
الدكتور فتح الظرف وصار يشوف الأشعه .. قال وهو لسا عيونه على الاشعه .. قلت لي لك سنتين وانت تاخذ

العلاجات صح ؟؟..
سلطان ..ايه صح ..
الدكتور .. رفع راسه له .. شي غريب ..
سلطان عقد حواجبه .. ايش هو الغريب ؟؟!..
الدكتور .. الغريب ان من سنتين للحين ما تغير بجسمك الا اشياء بسيطه جدا وهذا ما يحصل بالحلات اللي مثل

حالاتك .. وغير كذا انت مو بس الهرومونات الانثويه مرتفعه عندك انت حتى اعضائك التناسليه انثويه مو ذكوريه

وهذا الشي يثبت انك بالأصل بنت مو ولد ..
سلطان مصدوم من كلام الدكتور ويحاول انه يستوعب ..كيف يعني انا في الأصل بنت ..
الدكتور .. اي كل الاشعه اللي قدامي تثبت انك في الأصل بنت وهذا يعني ان في ولادتك حصل خطا طبي

وفكروك ولد وبكذا تعامل معك الدكتور جون على انك ولد والهرومونات الأنثويه زايده عندك بس غريبه هو كيف

ما ركز على الأعضاء التناسليه ..
سلطان ..دكتور لحظه شوي شوي علي انا مو قادر استوعب .. كيف انا بنت اصلا .. وليه ما عرفت الا بعد كل

هذي السنوات ..
الدكتور .. كيف راح تعرف اذا محد من الدكاتره قال لك ..
سلطان .. طيب يمكن انك غلطان او الأشعه غلط خلني اروح اسوي اشعه مره ثانيه ..
الدكتور اذا تبي انا مستعد اخليك تسوي اشعه مره ومرتين وعشر بعد بس تاكد انهم كلهم راح يطلعون نفس النتيجه

لان هذا شي واضح وانا متاكد منه مو مشكك ..
سلطان .. بس يا دكتور انت عارف يعني ايش اكون بنت .. عارف يعني ايش اني اعيش 19 سنه وانا ولد وفجاءه

اصير بنت عارف الأحساس اللي احسه الحين ..
الدكتور .. عارف كل شي وعارف احساسك بس ايش نقول اذا هذي هي الحقيقه ..
سلطان نزل راسه وحطه بين يدينه اللي سندهم على رجوله .. مو قادر اتخيل اني راح اكون بنت .. وجاته فكره

وبسرعه رفع راسه للدكتور بامل .. طيب ما اقدر اسوي عمليه تحويل جنس عشان ابقى ذكر طول العمر؟..
الدكتور .. للاسف لا ما ينفع اولا لانك مسلم وهذا الشي حرام لان مافيك اي عيب خلقي يبيح العمليه وثانيا انت

توك ببدايه شبابك يعني مو شي شين انك تكون بنت وتتاقلم على كذا ..
سلطان رجع نزل راسه بخيبه امل .. انت تقول كذا لانك مو بمكاني .. وسكت ..
في هالوقت دخلو ام وابو محمد لانهم شافو ان سلطان تاخر ..
ابو محمد .. ممكن ندخل يا دكتور ..
الدكتور .. ايه تفضلو ..
ابو محمد .. شفناكم تاخرتو قلقنا ..
الدكتور .. كنت راح اناديكم ..
ابو محمد وهو يجلس .. عسى ماشر ايش طلع في الأشعه ..
سلطان لف على جده .. يبه تخيل الدكتور يقول اني بنت مو ولد ..
ابو محمد مثل الصدمه وبنفس الوقت حزن على شكل سلطان اللي بين عليه مو مصدق .. بنت ؟!..
الدكتور .. معليش ي عم ابو سلطان ..
ابو محمد قاطعه .. انا جده .. تفضل ..
الدكتور .. حياك الله .. سلطان الواضح انه من ولادته وهو بنت بس اتوقع حصل خطا طبي وقالو لكم انه ولد ..

وحتى العلاجات اللي كان يعطيها له الدكتور جون ما فادته بس كل اللي سوته انها غيرت شي بسيط مثل الصوت

وزادت الشعر اللي بالدقن والشنب بشكل اكبر.. بس اما الهرومونات الباقي ما حركت فيهم شي ..وهذا ياكد ان

سلطان بنت من الأصل ..
ابو محمد .. طيب والحل الحين ..
الدكتور .. اول شي المفروض اننا نسويه اننا نسوي لسلطان عمليه تنظيف السموم اللي بجسمه .. لان تراكم دم الدوره

الشهريه الفاسد بالجسم لمده سنتين يؤدي للامراض حنا في غنى عنها فلازم نجري له العمليه باسرع وقت ..
سلطان اللي خلاص بدا يقتنع او بالأصح بدا يحاول يقتنع بحقيقته .. طيب وبعد العمليه ؟..
الدكتور .. بعد العمليه راح نعطيك علاجات تنظم لك الهرومونات الأنثويه من جديد وكمان تنظم لك الدوره الشهريه

..وبعدها راح نبدا بالعلاج النفسي ..
ابو محمد .. وهذا كله كم ياخذ وقت ؟؟..
الدكتور .. من شهر ونص الى شهرين .. المساله مو سهله فلازم تاخذ وقت كثير ..
ابو محمد حس قد ايش هو ظلم حفيدته وقد ايش هو اذاها وانه هو السبب بكل اللي يصير لها الحين .. طيب متى

راح تسوي العمليه ؟؟..
الدكتور .. يفضل الحين لان كل ما تاخرنا زادت السموم ضرر ..
ابو محمد لف على سلطان وشافه منزل راسه وباين عليه الضيقه .. ورجع لف على الدكتور .. طيب عادي لو ناجلها

لبكرا لان باين ان سلطان مو مستعد ..
سلطان رفع راسه وسبق الدكتور .. لا يبه انا في الأخير راح اسويها خلني اسويها الحين .. ووقف .. انا جاهز للعمليه

يادكتور ..
الدكتور وقف .. يلا ..
ابو محمد .. طيب كم تاخذ العمليه ؟؟..
الدكتور .. من 3 الى 4 ساعات .. يلا يا سلطان توكلنا على الله ..
وطلع سلطان مع الدكتور بعد ما قال للمريضات انهم يجهزون غرفه العمليات .. وبعد ما جهز سلطان دخل وبدت

العمليه .. في هذاك الوقت سلطان ما كان في بالي ايش شي مو قادر يفسر شعوره هل هو فرح حزن عدم مبالاه

ضيقه .. ما كان يدري ايش المفروض انه يحس .. ....................................

بعد 4 ساعات ..
كانو ام وابو محمد ينتظرون عند غرفه العمليات .. شوي الا يشوفون الدكتور يطلع ..
ابو محمد قام له .. ها يا دكتور بشر ..
الدكتور .. الحمد الله العمليه نجحت .. والحين راح ننقله او نقول راح ننقلها لغرفه العنايه عشان تكون تحت الملاحظه

عشان نشوف اذا فيه اي تضاعفات لا سمح الله ..
ابو محمد .. الحمد الله ..طيب ماراح نقدر نشوفه ..
الدكتور .. قصدك تشوفها هي الحين صارت بنت خلاص .. لا اليوم ماراح تقدرون تشوفونها بكرا ان شاء الله .. عن

اذنك ..
ابو محمد رجع لام محمد .. الحمدالله نجحت العمليه ويقول الدكتور بكرا نقدر نشوفها ..
ام محمد بفرحه .. الحمد الله واخيرا تحققت امنيتي وراح اشوف حفيدتي بنت قبل ما اموت ..
ابو محمد بحزن.. الله يطول بعمرك وسامحيني لان انا السبب باللي هي فيه ..
ام محمد .. ماسمحتك يا عبدالعزيز مادامك عرفتت غلطتك وصححتها ..والحين يلا نرجع للبيت ..
......................................

اليوم الثاني ..
من الصباح بدري صحو ام وابو محمد وعلى طول اتجهو للمستشفى.. وسالو عن حفيدتهم وقالو لهم انهم نقلوها لغرفه

عاديه لانها الحمدالله صارت بخير .. راح للغرفه اللي قالو لهم عنها ..دخلو وشافو حفيدتهم نايمه ..
ام محمد راحت لها وصارت تمسح على شعرها وهي مبسوطه ..
سلطان .. فتح عيونه بشويش وصار يناظر حوله وانتبه بجدته .. وقال بصعوبه .. ابـــي مـــويـــه ..
ام محمد راحت اخذت علبه مويه من الثلاجه وجابتها له فتحتها وبدت تشربه ..
سلطان .. ضبط جلسته وقال باستغراب .. ليه انا هنا .. سكت شوي يتذكر .. ولف على جده .. نجحت العمليه

يبه ؟..
ابو محمد قرب لها .. ايه يا يبه نجحت .. والحمدالله طمننا الدكتور وقال انك بخير .. بس فيه شي واحد لازم تعرفه او

بالأصح نقول لازم تعرفينه .. انتي خلاص من اليوم ورايح بنت وراح نعاملك انك بنت ابيك تنسين سلطان وتصرفات

العيال وتبدين تحاولين انك تتأقلمين انك بنت ..
سلطان .. حس بشي غريب ان جده يكلمه على انه بنت بس هذي الحقيقه كيف يهرب منها .. ان شاء الله يبه ..

وطرا بباله شي ..وبنفسه البراء.. كيف انا نسيته .. اذا انا تأقلمت اني بنت هو كيف راح يتاقلم .. هو ما صدق ان

يكون عنده صديق قريب مثلي والحين انا راح اتركه لاني صرت بنت .. كيف كذا ياربي .. رفع راسه لجده .. يبه

وين جوالي ..
ابو محمد .. ليه وش تبين فيه .. حتى جوالك المفروض تنسينه ..
سلطان .. بس يبه انا للحين مو متعود اني اكون بنت شوي شوي راح احاول اتاقلم لا تضغطون علي .. وابي جوالي

عشان اكلم البراء كنت مواعده اني اتصل عليه لما اوصل والحين مر يوم وما اتصلت عليه وهو اكيد اتصل علي

وشاف جوالي مقفل ..
ام محمد . بس يايمه الحين انتي بنت ومو المفروض انك تكلمين عيال ..
سلطان .. قلت لكم انا للحين ما تاقلمت لا تجبروني كذا .. وبعدين راح اكلمه بس هالمره تكفون ..
ابو محمد .. طيب .. وطلع الجوال .. خذي .. وحنا راح ننتظرك برا .. ولف على ام محمد اللي كانت معارضه واخذها

معه لبرا ..
سلطان كان يناظر بالجوال وهو يفكر ايش راح تكون رده فعل البراء لو قال له ..
..............................

السعوديه .. الرياض ..

الساعه 4 العصر ..
كان البراء بسيارته توه طالع من الجامعه وراجع للبيت .. كان يفكر بسلطان وليه ما اتصل علهي وليه جواله مقفل..

كان مشغل الراديو ولفت سمعه الكلام اللي كان ينقال ..
كانو يتكلمون عن الحب ..
واحد اتصل وقال كيف اعرف اني احب ..
جوابه الضيف الللي كانو مستضيفينه .. لما تفكر بشخص طول الوقت ولما تغمض عيونك وتلاقي صورته قدامك ولما

تحب تكون معه وماودك تفارقه ولما تكون خايف عليه من اي شي وتحب تحميه ولما دايم تحلم انه يكون شريك

حياتك بالمستقبل .. لما تحس بكل هذا اعرف ان الشخص هذا هو اللي انت تحبه ..
البراء كان يفكر بالكلام اللي سمعه وعلى طول جا بباله سلطان .. وبنفسه .. انا دايم افكر بسلطان ولما قبل ما انام

واغمض عيوني تجي صورته قدامي ودايم احب اكون معه وما افارقه واخاف عليه من كل شي .. يعني انا احبه مثلا ..

لا لا وش حبه وش خرابيطه بس يمكن لاني قلقان عليه عشان كذا هو جا ببالي .. قطع تفكيره صوت رنه جواله

رفعه وانبسط لما شاف المتصل سلطان رد عليه بسرعه .. سلطان انت وينك واخيرا اتصلت ياخي قلقتني عليك ..

تتغلى مثلا ولا ايش ..
سلطان كان ساكت لان الدموع تجمعت بعيونه اول ما سمع صوت البراء وهو يناديه سلطان .. مو قادر يتكلم يحس

انه راح يبكي لو تكلم ..
البراء استغرب ان سلطان ساكت .. سلطان انت تسمعني ..ما سمع رد .. حس بشي غريب .. سلطان بديت تقلقني

تكلم ..
سلطان طلعت منه شهقه حاول يكتمها ودموعه نزلت على خده ..
البراء خاف لما سمع شهقه سلطان .. وقف السياره على جنب .. سلطان تبكي؟؟ .. قولي وش صاير لا تسكت

تكفى ..
سلطان كان يبكي بصمت بس لما حس بخوف البراء عليه .. حاول يضبط صوته .. سلطان مات يا البراء ماات ..

ماعاد فيه سلطان خلاص .. وما قدر يتحمل ورجع يبكي ..
البراء مو فاهم شي .. سلطان وش تقول انت مو فاهم عليك ..
سلطان ومن بين شهقاته .. انا بنت يا البراء بنت .. بنت .. وقفل الجوال لانه خلاص مو قادر يتكلم اكثر ..
البراء يناظر الجوال وهو مو فاهم شي .. بدا يرجع كلام سلطان ففي باله .. سلطان مات يالبراء .. انا بنت يالبراء

بنت .. وبنفسه .. كيف يعني بنت .. وعلى طول جات بباله هذيك الليله اللي كان سلطان يقول للبراء انه وده يصير

بنت .. وقتها كان يقول شي عن جسمه بس ما كمل .. لايكون انه جد كان فيه عيب خلقي وراح هناك واكتشف انه

بنت مو ولد .. لا لا مستحيل وش هالكلام انا االف من عقلي واصددق بعد .. بس لحظه شكل سلطان اللي يميل

للبنات اكثر وكمان قصته لما قالي بخصوص جسمه وغير كذا احساسي اتجاه كل هذول يثبتون صحه الكلام اللي سمعته

.. يعني سلطان صدق بنت .. وسكت شوي يستوعب .. سلطان بنت .. مو قادر اصدق .. مدري اذا هذا شي

يفرح ولا يزعل .. مدري ايش الاحساس اللي احسه الحين .. سلطان بنت .. كيف .. اوووووووووووووه خلني

اتصل عليه واتاكد من الللي قاله .. رجع يتصل بس للاسف الجوال مقفل .. ليه يا سلطان تقفله بعد ما حطيتني بحيره

.. . وحرك سيارته للبيت .. لما اوصل للبيت راح احاول اتصل عليه مره ثانيه انا لازم افهم الموضوع ..
............................................

نيويورك ..
بالمستشفى تحديدا بغرفه سلطان ..
رمى الجوال بحضنه وصار يبكي توه يستوعب انه بنت وخلاص سلطان وكل شي يخص سلطان راح يختفي من حياته

حتى اقرب الناس له مراراح يقدر انه يكلمه او يطلع معه .. بكى وبكى وبكى يحاول انه يطلع كل ضيقته وقهره بالبكاء..
..
..
..
ام وابو محمد لما شافوه طول كانو راح يدخلون عليه بس لما قربو من الباب سمعوه يبكي ..
ام محمد .. يمه بنيتي وش فيها ..
ابو محمد .. اووش اتركيها اكيد متضايقه من اللي صار ولازم تبكي .. تعالي نجلس ونتركها لحالها شوي ..
..
..
..
نرجع لسلطان بكى وبكى لما تعب ونام ..
.......................

الساعه 7 المساء ..
ابو محمد راح للدكتور عشان يتطمن على حاله حفيده وقاله الدكتور انها بخير الحين ومن اليوم راح يبدون يعطونها

العلاجات عشان الهرومونات ومن بكرا راح يبدون معها الجلسات النفسيه .. طلع من عند الدكتور وراح لغرفه

حفيدته دخل وكانت ام محمد موجوده وجالسه تمسح على شعر حفيدتها اللي كانت نايمه وتقرا عليها .. السلام ..
ام محمد لفت عليه .. وعليكم السلام .. ما
ابو محمد وهو يجلس .. ما صحت ؟..
ام محمد .. لا من دخلت عليها وهي نايمه ..
في هالوقت سلطان فتح عيونه لما حس باصوات حوله .. شاف انهم جده وجدته قام وضبط جلسته .. كم الساعه ..
ابو محمد .. الحين الساعه 7 بالليل .. تبين تاكلين شي ..
سلطان واللي خلاص اقتنع بالأمر الواقع ..نزل راسه .. لا ..
ام محمد لفت على ابو محمد .. عبدالعزيز وش صار على اسمها غيرته ولا للحين ..
سلطان رفع راسه .. راح تغيرون اسمي ..
ابو محمد .. اكيد .. كيف انتي بنت واسمك سلطان .. راح نغيره وراح يكون اسمك من اليوم الجازي ..
ام محمد ابتسمت .. ايه الجازي ابوك الله يرحمه كان يقول لو جبت بنت راح اسميها الجازي كان يحب هذا الأسم كثير

فعشان كذا راح يكون اسمك الجازي ..
ابو محمد وقف .. انا رايح الحين اخلص الأجراءات وراجع لكم .. وطلع من الغرفه ..
اما سلطان .. او نقدر نقول الجازي الحين .. نزلت راسها ورجع الحزن لها تحاول قد ما تقدر انها تكون جد الجازي

مو بس اسم ..
..........................................

بعد شهر ..
الجازي للحين ما طلعت من المستشفى بس تقريبا خلصت علاجها الجسمي وباقي النفسي .. وام وابو محمد كل يوم ينام

واحد منهم عندها بالمستشفى عشان ما تحس بالوحده ..
اما البراء من هذاك اليوم وهو يحاول يتصل على سلطان بس لا مجيب وكمان اتصل على ابو محمد وكمان ابو محمد

مقفل جواله .. حاول كذا مره انه يقنع ابوه انه يسافر لامريكا عشان يشوف سلطان بس ابوه ما وافق .. بس على

فكره هو للحين ما قال لحد عن اللي قاله له سلطان .. فعشان كذا كذا مره حاول انه يهرب ويسافر بالسر بس ما

قدر ما حصل فرصه .. والى اليوم وهو يحاول انه يتصل على سلطان او انه يسافر له ..
وغير كذا مافي اي احداث تذكر صارت في هذا الشهر ..
..
..
نيويورك ..
بالمستشفى ..
كانت الجازي في جلسه العلاج النفسي ودكتورها دايم يقولها لا تحاولين تفكرين بالماضي لان الماضي هو اللي يخلي

علاجك يصعب .. وهي كل ما تحسنت شوي ورجعت تفكر بالبراء والعيال رجعت حالتها تتدهور من جديد عشان

كذا طول العلاج النفسي معها ..
وبعد ساعه خلصت الجلسه وطلع الدكتور ودخلو ام وابو محمد ..
ابو محمد.. ها يايبه كيف كانت الجلسه ..
الجازي .. نفس كل يوم الدكتور يقول لي حالتك كل ما تحسنت شوي ترجع تتدهور ..
ام محمد .. وهذا كله منك لان الدكتور قالك حاولي انك تنسين الماضي ..
الجازي .. يمه ما اقدر ادري ان كل اللي جلسته معهم شهر وشوي بس هم صارو كل حياتي احسهم قريبين مني مره كيف لما ارجع للسعوديه ماراح اقابلهم او اجلس معهم او حتى اسلم عليهم مو سهل علي ..
ابو محمد .. ندري انه مو سهل عليك بس هذي الدنيا يا بنيتي يوم لنا ويوم علينا .. عشانك وعشان مصلحتك حاولي انك تنسين .. حاولي انك تتاقلمين .. تكفين يا بنيتي عشانا حنا مانبي نخسرك انتي بعد انتي اللي باقي لنا في هالدنيا ..
الجازي لفت عليه .. لا يبه ان شاء الله ما تخسروني وهي كلها مساله وقت ان شاء الله .. وبنفسها يارب جد تكون مساله وقت ..
............................................

السعوديه .. الرياض ..
الساعه 1 اخر الليل ..
في فله ابو البراء..
البراء طلع من غرفته بهدوء وهذي المره كان مضبط كل شي .. نزل للصاله وحمد الله انها فاضيه طلع للحديقه واتجه لسيارته وبسرعه ركبها وطلع من الفله واتجه للمطار ..
**
**
**
**
**
**
**
**
**
**
** انتهى البارت الثامن **