رواية انا انثى ولكن الفصل الثامن 8 - بقلم lxvcr3

** البارت الثامن **
**
**
**
**
**
**
**
**
**
**
ابو حامد .. سلطان وليدي ممكن تخليني مع جدك لحالنا ..
سلطان وقف .. سم .. وطلع
ابو محمد .. خير يابو حامد اقلقتني ..
ابو حامد بابتسامه .. لا لاتقلق ولا شي الموضوع ما يخوف بس انا ماحبيت سلطان يسمعه الا بعد ما اخذ رايك ..
ابو محمد .. اسلم اسمعك ..
ابو حامد .. يقولون بالأمثال القديمه .. اخطب لبنتك ولا تخطب لولدك .. وانا مثل ما انت عارف ماعندي الا بنت وحيده مالي غيرها بالدنيا وكثير خطبوها بس للحين ما شفت اللي يستاهلها ويقدر يحافظ عليها .. بس بصراحه بعد ما شفت اللي سواه حفيدك سلطان وايش كثر يحبك ويخاف عليك اعجبني كثير وقررت اني اخطبه لبنتي .. اقصد اني ابي ازوجه بنتي .. ما اتوقع اني راح الاقي شاب راح يحافظ على بنتي مثله .. وادري انه صغير انا اقول لو وافقت يخطبون الحين والزواج بعد سنه او سنتين ..
ابو محمد اول ما جاب ابو حامد طاري الزواج تذكر طفوله سلطان وايش كان وليه هو خلاه كذا وهو اصلا كان ناسي ان سلطان اصلا بنت .. كان يسمع لابو حامد ويفكر برده فعل ام محمد لو تعرف وايش راح يقول لابو حامد اصلا .. كل الأفكار اجتمعت براسه ..
ابو حامد .. ادري ان الموضوع غريب شوي بس والله لو مو خوفي على بنتي ما كان تجرئت وجيت كلمتك بهذا الموضوع .. ووقف .. انا راح اخليك تفكر وتشاور الأهل .. بانتظارك ..
ابو محمد ابدا ماكان منتبه لابو حامد ولا كان يدري وش يقول باله مشغول بفكره انه نسى ان سلطان بنت وان راح يجي يوم وينفتح موضوع الزواج..
ابو حامد انتبه ان ابو محمد مو معه .. هزه من كتفه .. وش فيك شارد ..
ابو محمد صحى من تفكيره ولف على ابو حامد ووقف لما شافه واقف .. على وين ..
ابو حامد ابتسم .. شكلك ماكنت معي انا قلت راح اخليك تفكر وتشاور الأهل وراح انتظر ردك ..
ابو محمد .. ايه ايه .. ان شاء الله على خير ..
ابو حامد .. على خير .. يلا فمان الله ..
ابو محمد بفكر شارد .. فمان الكريم ..
طلع ابو حامد من المجلس وابو محمد جلس ورجع يفكر ..وبنفسه .. كيف نسيت هذا الشي .. كيف نسيت ان يوم بالأيام راح ينفتح موضوع الزواج .. كيف نسيت ان مستحيل راح يبقى سلطان ولد طول حياته وهو اصله بنت .... قام وهو يحس ان موضوع الزواج هذا راح يفتح باب مصيبه كبيره وصعب حلها ..راح للصاله وشاف سلطان جالس مع جدته .. وقف يناظر فيه ورجعت له كل الأفكار اللي من شوي ..
سلطان وام محمد انتبهو بابو محمد ..
سلطان وقف .. ها يبه العم ابو حامد راح ..
ابو محمد لفف عنهم ومشى من غير ما يقول ولا كلمه وراح لغرفته ..
سلطان لف على جدته باستغراب .. وش فيه جدي ..
ام محمد ... مدري بس فيه شي شاغل باله ..
سلطان .. اكيد شي يخص الشغل .. طيب يمه انا بطلع الحين اوك .
ام محمد لفت عليه .. وين رايح بهالوقت ..
سلطان وهو يناظر ساعته .. يمه تو بدري الساعه توها 9 ..
ام محمد .. طيب انتبه لنفسك ..
سلطان .. ان شاء الله .. طلع لغرفته عشان يبدل لانه كان لابس ثوب .. دخل للغرفه ودخل لغرفه الملابس طلع له بنطلون اسود وبلوزه سوده باكمام طويله وجاكيت ابيض خفيف .. لبسهم ولبس جزمات بيض وراح ضبط شعره وتعطر .. اخذ جواله ومفاتيحه ونزل لتحت وطلع للحديقه راح للمواقف وركب سيارته وحرك لفله البراء .. لانه مواعده .. ولما وصل لفله البراء اتصل عليه وقاله يطلع .. دقيقه والبراء يركب السياره ..
البراء..السلام ..
سلطان وهو يحرك السياره .. وعليكم السلام .. وين تبي نروح ..
البراؤ .. ولا مكان بس نتمشى بالسياره ..
سلطان .. بالله من اليوم وانت كل شوي مذكرني .. لا تنسى الموعد ولا تنسى الساعه 9 وبالاخير نتمشى بالسياره .. انا فكرت عندك موضوع مهم ..
البراء ابتسم .. اتوقع لو قلت لك الحقيقه ما راح تصدقني ..
سلطان .. وليه ماراح اصدقك ليكون راح تقول انك مشتاق لي.. هههههههههههههههههههههههههههههه ..
البراء لف عليه وزادت ابتسامته على ضحكه سلطان .. وبنفسه .. يازين هالضحكه مدري ليه احبها ..
سلطان لف عليه بعد ما وقف عند اشاره .. وش فيك سكتت وليه هالأبتسامه ..
البراء لف عنه وصار يناظر قدام والأبتسامه ما فارقته .. ليه حرام ابتسم مثلا ..
سلطان لف لقدام بعد ما فتحت الأشاره .. لا مو حرام بس وش سببها ..
البراء .. من غير سبب وبعدين انت نسيت السالفه الاساسيه وصرت تتكلم على ابتسامتي ..
سلطان .. ههههههههههههههههههههههههه .. من جد .. طيب نرجع للسالفه الأساسيه .. قولي الحقيقه اللي ماراح اصدقها ..
البراء.. ابي اكون معك ..
سلطان لف عليه بسرعه .. هاه .. ورجع يناظر الطريق ..يعني ايش .. لخمتني على فكره ..
البراء.. هههههههههههههههههههههههه .. اللي سمعته..
سلطان توه بيتكلم بس سمع رنه جواله .. اخذه وشاف المتصل جده .. رد بسرعه .. هلا يبه ..
ابو محمد بعصبيه .. انت وينك ؟؟..
سلطان استغرب من عصبيه جده .. انا طالع مع البراء..
ابو محمد بنفس العصبيه .. ترجع الحين بسرعه ..
سلطان . ليه يبه وش صا...
ابو محمد قاطعه .. لا تسال .. قلت لك بسرعه تعال .. وقفل بوجهه ..
سلطان نزل الجوال من على اذنه وهو مو فاهم شي ..
البراء لف عليه .. وش فيك وش صاير ..
سلطان .. مدري جدي وش فيه معصب علي يقول تعال الحين بسرعه ..
البراء .. طيب اجل يلا رجعني بيتنا وروح عشان تشوف وش فيه ..
سلطان .. طيب بس انا مستغرب من جدي اول مره يعصب علي كذا ..
البراء.. ان شاء الله خير تلاقيه معصب من شي ثاني وعصب عليك ..
سلطان . مدري والله . وشوي وصلو لفله البراء ..
البراء وهو يفتح الباب .. سلطان لا تسرع وانت تسوق وانتبه لنفسك .. وطمني اول ما تعرف وش السالفه ..
سلطان ابتسم له . ان شاء الله ..
البراء.. نزل من السياره .. مع السلامه ..
سلطان .. سلام .. وبعد ما شاف البراء يدخل حرك السياره واتجه للقصر وهو في باله مليون فكره وفكره .. وبعد نص ساعه وصل للقصر . وقف السياره بالمواقف ودخل بسرعه للصاله وشاف جده وجدته جالسين .. السلام ..
ابو محمد اول ماشافه وقف .. الحين انت ليه تطلع من غير استاذان ..
سلطان باستغراب اكبر .. يبه بس انا من زمان وانا متعود اني اطلع من غير استاذان وانت ماكنت تقول شي ..
ابو محمد .. انت قلتها من اول بس الحين غير .
سلطان .. ايش اللي غير .. ايش اللي تغير ..
ابو محمد .. لا تجادلني بشي .. اسمع من اليوم ورايح طلعه من البيت مافيه وحتى الجامعه ما تروحها ..
سلطان بصدمه .. يبه وش تقول .. طيب ليه كل هذا ..
ابو محمد بعصبيه .. قلت لك لا تجادل .. والحين يلا بسرعه اطلع لغرفتك ..
سلطان لف على جدته يبي يفهم شي ..يم...
ابو محمد قاطعه .. وش قلت انا بسرعه لغرفتك يلا ..
سلطان لف على ابو محمد .. مو المفروض اني افهم ليه كل هذا .. ترا من حقي ..
ابو محمد .. لا مو من حقك والحين يلا لغرفتك بسرعه ..
سلطان عرف انه ماراح ياخذ اي كلمه من جده مادامه معصب فطلع لغرفته من غير ما يجادل اكثر .. دخل الغرفه ورمى نفسه على السرير وصار يفكر ليه جده يعامله كذا وهو ايش مسوي عشان يعصب عليه جده كذا ..
..
..
اما تحت بالصاله ..
ام محمد .. وليه تعصب عليها كذا ترا بالنهايه انت الغلطان .. ولا عشانك ما تحب تعترف بغلطك .. شفت يا عبدالعزيز شفت لاي مرحله وصلت البنت ..
ابو محمد جلس على الكنبه وحط راسه بين يدينه .. خلاص يا حصه خلاص كفايه اللي فيني وتجين تزيديني .. ادري اني الغلطان بكل شي بس ايش اسوي في هذاك الوقت كان كل اللي في بالي ان الناس ما يتكلمون علي ويوقولون ان عبدالعزيز ال.. ماعنده عيال واحفاد يشيلون اسمه .. مافكرت بالزواج ابد مافكرت ان هذي البنت لما خليتها ولد راح يجي يوم ولازم يتزوج .. ابد مافكرت بهالموضوع ..
ام محمد .. انا حذرتك كثير وقتها منعتك بس انت ما سمعتني وفوق هذا هددتني بالطلاق .. كنت تشوف انك انت الصح .. يلا الحين قول لي وش راح تسوي كيف راح تتصرف في هالمصيبه .. وبعدين ليه عصبت عليها كذا وليه حبستها تتوقع هذا حل ..
ابو محمد .. مدري ياحصه وش الحل بس .. يمكن سويت كذا عشان لما تعرف بحقيقتها ما تنصدم كثير ..مدري مدري .. ورفع راسه ..حنا لازم نرجع لامريكا .. لازم نقولها وحنا هناك عشان محد يعرف ..
ام محمد .. والى متى راح نخبي على الناس في الأخير هم راح يعرفون ..
ابو محمد .. طيب وش الحل انا مو عارف ايش اسوي عقلي موقف مو قادر افكر ..
ام محمد جلست بجنبه .. اهدى الحين عشان تعرف كيف تفكر مع عصبيتك وتوترك هذول ماراح تطلع بولا نتيجه .. واول شي تسوي بعد ما تهدى انك تقوم تراضيها لان ابد عصبيتك عليها مالها مبرر ..
ابو محمد وقف .. ان شاء الله .. انا بروح للغرفه ارتاح ..
..
..
..
بغرفه سلطان ..
كان للحين منسدح على السرير ويفكر .. سمع جواله يرن طلعه من جيبه وشاف المتصل البراء.. رد عليه .. هلا ..
البراء .. ها وش صار ؟؟.. شفتك ما دقيت علي خفت وقلت ادق عليك ..
سلطان تنهد.. تصدق للحين مدري وش السالفه ..
البراء .. كيف ؟؟..
سلطان قاله كل اللي صار مع جده ..
البراء.. غريبه يعصب ويمنعك من الطلعه وكل هذا من غير سبب ..
سلطان .. لا مستحيل انه من غير سبب بس مدري ليه جدي ما يبي يقول لي السبب ..
البراء .. جد شي غريب .. طيب وش راح تسوي الحين ..
سلطان .. راح انتظر جدي يهدى شوي وراح افهم منه الموضوع ..
البراء .. ان شاء الله خير .. طيب تبيني اجيك ..
سلطان .. لا مو الحين بس خلني اعرف ليه جدي معصب .. اخاف لما يشوفك يعصب عليك بعد ..
البراء ..طيب ..الحين انزل لجدك وشوفه يمكن هدى ..
سلطان .. لا ا... سمع الباب يندق .. لحظه البراء.. تفضل ..
انفتح الباب ودخلت ام محمد .. صاحي يا ولدي ..
سلطان ضبط جلسته وابتسم لها .. ايه يمه حياك تعالي ..
ام محمد جلست بجنبه على السرير .. يمه لا تزعل من جدك ..
سلطان .. يمه انا مو زعلان عليه بس ابي اعرف هو ليه معصب علي اذا انا مسوي غلط واستاهل العصبيه هذي والعقاب صدقيني ماراح اقول شي بس يقول لي انا وش مسوي ..
ام محمد كانت بتتكلم بس قاطعها صوت ابو محمد اللي كان واقف عند الباب .. انت ما سويت شي ..
ام محمد وسلطان لفو جهه الباب .. سلطان اول ما شاف جده وقف .. هلا يبه ..
ابو محمد جا وحاوط كتف سلطان بيده .. انا اسف اني عصبت عليك بس كنت معصب من شي يخص الشغل وحطيت حرتي فيك ..
سلطان ابتسم .. يبه انا كلي فداك حط حرتك فيني وقت ما تبي .. كم جد عندي انا ..
ابو محمد ابتسم .. ربي يخليك لي .. وانا اسف على اللي صار من شوي ..
سلطان .. لا لا يا يبه لا تعتذر قلت لك انا كلي فداك .. بس خوفتني وانا اعرفك بالعاده انت ما تعاقبني الا لما تقول لي خطاي عشان كذا استغربت ..
ابو محمد .. صح .. والحين نخليك ترتاك وتنام عشان بكرا ما تتاخر على الجامعه ..
سلطان ابتسم .. ان شاء الله .. وباسهم على راسهم .. ربي يخليكم لي ..
ام وابو محمد ابتسمو .. ويخليك لنا ..وطلعو من الغرفه ..
سلطان جلس على السرير وهو مرتاح .. انتبه بالجوال وتذكر انه ما قفل من البراء.. رفعه وشاف ان الخط للحين مفتوح .. اوه انت للحين تنتظر ..
البراء ..ايه قلت اسمع كل شي بنفسي عشان ما اتعبك وانت تقولي وش صار ..
سلطان .. هههههههههههههههههه .. والله فيك الخير .. الحمدالله ان جدي كان معصب من شي ثاني ..
البراء .. الحمد الله ان الامور عدت بخير .. والحين راح تنام ؟؟..
سلطان .. ايه ودي انام بس احس بجوع ما تعشيت ..
البراء ..حتى انا ما تعشيت كنت احاتيك ..
سلطان .. يا بعد عمري .. هذا الصديق الصدوق .. طيب والحين وش نسوي ..
البراء .. راح اجيك واجيب معي عشى وش رايك ..
سلطان .. اممم فكره مش بطاله .. اوك انتظرك .. بس لحظه وش راح تجيب عشى .. تكفى لا تقول لي مشاوي خلاص دبلت كبدي منه ..
البراء .. هههههههههههههههههههههههههههه .. لا لا خلاص ماراح اجيب مشاوي .. قول وش تبي ..
سلطان .. ايه زين . ابي هرفي او كودو ..
البراؤ .. طيب راح اشوف الاقرب لي .. يلا سلام .. وياويلك لو تنام ..
سلطان . هههههههههههههههههههههه .. لا خلاص يكفي اللي صار هذاك اليوم ..
البراء.. ههههههههههههههههه .. من جد ..
بعد نص ساعه وصل البراء الى قصر ابو محمد .. دخل المجلس ومعه اكياس العشى .. بس ما شاف سلطان .. جلس على وحده من الكناب ودق على سلطان .. دقايق وسلطان جا له ..
سلطان وهو يجلس على الكنبه .. اهلين .. وانتبه للاكياس اللي على الطاوله ..جايب من كنتاكي ؟؟..
البراء.. ايه هذا اللي شفته بطريقي ..
سلطان .. بالله وليه ما دقيت علي وقلت لي ..
البراء.. ليه انت ما تحبه يعني ..
سلطان .. لا مو ما احبه بس ما جهزت له نفسي نفسيا ..
البراء.. مالت .. اقول كل بس وانت ساكت حتى في الأكل يقول نفسيا ..
سلطان .. ههههههههههههههههههههه ..طيب لا تدف ..
وبدو اكل ..
البراء..راح تداوم بكرا ..
سلطان لف عليه باستغراب .. ايه وليه ما اداوم ؟؟ .. ليكون قصدك عشان عادل ..
البراء.. ايه بالضبط عشان عادل .. كيف راح تتصرف معه بعد اللي صار ..
سلطان .. ما عليك انا اعرف شخصيته وراح اعرف كيف اتصرف معه ..
البراء.. بس المساله فيها جده .. وانت عارف انه مستحيل حد يسكت على شي مثل كذا واقربها انت شوف ايش سويت لما انضر جدك ..
سلطان .. صح كلامك بس لا تقلق انا ان شاء الله راح اعرف كيف اتصرف ..
البراء .. بصراحه انا مو متطمن ..
سلطان ..لا تطمن .. وبكرا راح تشوف ايش راح اسوي ..
البراء.. طيب بس بشرط ..
سلطان .. ايش ؟؟..
البراء .. انا راح امرك بكرا الصباح ونروح سوا للجامعه ..
سلطان .. ليه تكبر الموضوع قلت لك ماراح يصير الا الخير ان شاء الله ..
البراء.. ان شاء الله بس برضو مصر على كلامي تروح معي بكرا .. عادل ما ينضمن ..
سلطان ابتسم له .. ابشر ..الحمد الله انا خلصت ..
البراء.. الحمد الله حتى انا .. ووقف يلا انا راح اروح البيت ..
سلطان وقف معه .. اوك نشوفك بكرا ..
البراء.. على خير ..
وبعدها ودعو بعض ..
............................................

اقتباس
  {[ اللهم لكـ الحمد والشكر كما ينبغي لجلال وجهكـ وعظيم سلطانكـ ]} 128 
قديم(ـة) 14-02-2016, 12:25 AM
الوعد _ ALWAAD
الافتراضي رد: انا انثى ولكن !!...

اليوم الثاني ..
الساعه 8 الصباح ..
بسياره البراء..
سلطان .. ياخي مدري ليه حسيت اني طفل وانت امه تبي تحميه من خطر قادم ..
البراء .. ههههههههههههههههههههههه .. حلو التعبير .. اجل يا طفي اسمع كلام امك ..
شوي وصلو للجامعه ..
البراء.. يلا انزل ..
سلطان . حاضر يا امي ..
البراء وسلطان .. ههههههههههههههههههههههههههههه ..
نزلو من السياره ودخلو للجامعه ومثل ما توقع البراء .. اول ما تعدو من بوابه الجامعه شافو بوجههم عادل وشلته ..
البراء لف على سلطان .. وتقول لي ماله داعي .. استلم ..
عادل اول ما انتبه بسلطان بسرعه راح له ومسكه من ياقه قميصه .. انا تسوي فيني كذا .. انا يا سلطان ..
سلطان بكل هدوء رفع يدينه وفك يدين عادل من قميصه ونزلهم .. ورجع كتف يدينه .. اول شي تكلم معي من غير اي عنف .. وثاني شي انا ايش سويت ؟؟..
عادل .. لا بالله تسوي نفسك بريئ .. انا عطيتك سر جدي وانت بكل بساطه تستخدمه ضده وتضره بهذا الشكل ..
سلطان بنفس الهدوء .. اي سر اللي تتكلم عنه .. وبعدين جدك هو اللي فضح نفسه بنفسه .. وينطبق عليه المثل اللي يقول من حفر حفره لاخيه وقع فيها .. كان يبي يضر جدي وهو اللي انضر ..
عادل عصب وكان راح يهجب على سلطان بس سلطان بحركه سريعه مسك يدينه .. قلت لك ماله داعي العنف .. وتركهم بقوه .. اذا تبي تعصب روح عصب على جدك هو اللي حط نفسه في هذي المصيبه مو انا .. انت مالك شي عندي اوك .. وعطاه ظهره .. يلا البراء مشينا ..
عادل بسرعه جا ومسك سلطان من كتفه ولفه عليه .. مو انت اللي تعطيني ظهرك وتمشي .. انت مو بس فضحت جدي انت خدعتني حتى .. وين الأتفاق اللي اتفقنا عليه .. ولا انت كنت ماشي معي بس عشان تاخذ اللي تبيه وتروح ..
سلطان ابتسم له ابتسامه جانبيه .. ما سمعت باللي يقول ان القانون لا يحمي المغفلين .. بالضبط هذا اللي ينطبق عليك .. وبعدين انا ايش ذنبي اذا انت عبيط وبسرعه ينلعب عليك ..
سلطان ما درا انه دعس على الوتر الحساس عند عادل .. عصب بقوه لما سمع كلام سلطان .. قرب منه اكثر وقال بهدوء اللي يسمونه الهدوء ما قبل العاصفه .. انت قد اللي قلته ..
سلطان ابتسم له ابتسامه تقهره .. اكيد ما عمري قلت شي وانا مو متاكد منه ..
البراء حس ان عادل بركان وراح ينفجر الحين فقرب من سلطان ومسك يده وسحبه .. سلطان خلاص كف الشر وخلنا نمشي ..
سلطان سحب يده من البراء بهدوء.. ما اتوقع اني جبان عشان اهرب .. ولف على عادل .. طلع كل اللي عندك الحين عشاني مو فاضي لك بعدين اوك ..
عادل .. اها قلت مو فاضي لي اجل .. اوك يا استاذ سلطان .. انا راح اطلع لك كل اللي عندي الحين .. تامر امر ..وقرب منه مره ثانيه ورفع يده عشان يعطي سلطان بوكس على وجهه بس سلطان بحركه سريعه بعد وجهه وراحت قبضه عادل بالهوى .. مما خلت عادل ينقهر اكثر وبحركه سريعه حاول يضرب سلطان مره ثانيه وسلطان كرر نفس الحركه ..
سلطان بنفس الأبتسامه الجانبيه ..ودك تحاول مره ثالثه بعد ولا خلاص وصلت لك معلومه انك مو قد سلطان محمد عبدالعزيز ال .. ..
عادل قبض يده بقوه وقال من بين اسنانه .. طيب يا سلطان بن محمد الحين قدرت تفلت من يدي بس الأيام بينا ..
سلطان .. لا انت غلطان يا بعد عمري ما فلت من يدك انت اللي مو قادر تسوي لي شي انا واقف قدامك ما تحركت ..
عادل مقهور لانه مو قادر يسوي شي لسلطان لان سلطان جالس يتفادى كل ضربه يوجهها له ..
سلطان ابتسم .. حلو حلو كذا انت جالس تثبت انك صدق مو قدي .. ورجع عطاه ظهره ومشى والبراء ابتسم ومشى معه ..
اما عادل طلع من الجامعه وهو مقهور ومتجاهل كل اللي ينادونه ..
..
..
..
البراء .. وطلع جد ما ينخاف عليك ..
سلطان .. مو قلت لك لا تقلق انا اعرف شخصيته واعرف كيف اتعامل معه ..
البراء..صدقتك الحين .. بس باين انه مو ناوي على خير ..
سلطان .. براحته لو سوى شي راح يلاقي جزاه ..
البراء .. كفو .. يلا نروح لمحاضراتنا ..
سلطان .. يلا ..
.................................................. ...

بشركه ابو محمد ..
ابو محمد كان جالس بمكتبه مو قادر انه يركز بالشغل اللي صار امس مسيطر على تفكيره .. وده انه يعترف لسلطان بحقيقته بس مو قادر انه يتوقع ايش راح تكون رده فعله .. وهل راح يسامحه او بالأصح راح تسامحه او لا .. كان يبي يحجز على امريكا عشان يبلغها الخبر بس يخافف انها ما توافق ترجع منهم او انها تهرب منهم .. احتار ايش يسوي .. قام وقررر انه يرجع للبيت لانه مو عارف يشتغل ..
........................................

الساعه 4 العصر ..
قصر ابو محمد ..
سلطان كان توه جاي من الجامعه ..دخل لغرفته وعلى طول رمى نفسه على السرير من التعب اليوم كان شاق عليه ..توه بيغمض عيونه عشان ينام بس صوت رنه الجوال ازعجته .. اخذ الجوال اللي حطه على الكومدينه وشاف المتصل جده استغرب ..رد عليه .. هلا يبه ..
ابو محمد .. تو سالت الخدم قالو لي انك توك جاي من الجامعه ..
سلطان يضبط جلسته .. ايه يبه توي جاي .. امر ..
ابو محمد .. تعالي لي بالمكتب تحت ابيك ..
سلطان .. ان شاء الله الحين جايك ..
تبو محمد .. لا تتاخر .. سلام .. وقفل الخط ..
سلطان نزل الجوال وهو مستغرب .. وش السالفه باين من صوت جدي الجديه .. الله يستر .. نزل من السرير ولبس الشبشب ونزل لتحت اتجه للمكتب على طول دق الباب ولما سمع صوت جده فتح الباب ودخل .. السلام ..
ابو محمد اللي كان جالس ورا مكتبه ..وعليكم السلام .. تعال اجلس ..
سلطان راح وجلس بالكرسي اللي قدام المكتب .. سم يبه ..
ابو محمد .. بكرا لما تروح للجامعه اطلب اعتذار للفصل هذا ..
سلطان باستغراب .. ليه ؟؟..
ابو محمد .. راح نرجع لامريكا ..
سلطان زاد استغرابه .. وليه راح نرجع ؟؟..
ابو محمد .لف عنه .. عندي شغل هناك وماراح اخليكم لحالكم انت وجدتك ..
سلطان .. بس يا يبه حنا مو لحالنا كل قرايبنا معنا ..
ابو محمد وقف وعطاه ظهره .. لا تجادلني يا سلطان انا ما اقدر اامن عليكم عند احد ..
سلطان وقف .. ان شاء الله يبه .. متى راح نروح ؟؟..
ابو محمد لف عليه .. راح احجز على بكر بالليل عشان كذا انت احرص انك تاخذ اعتذار بكرا ..
سلطان .. ان شاء الله ..
ابو محمد .. والحين تقدر تروح ترتاح ..
سلطان .. طيب عن اذنك .. وطلع سلطان من المكتب وهو متضايق .. راح لغرفته دخلها ورمى نفسه على السرير ..وده يعترض بس ما يقدر واكيد جده ما قال كذا الا انه عارف ان هالشي فيه مصلحته .. حاول انه يشيل الأفكار من باله وينام ..
..................................

الساعه 9 بالليل..
قصر ابو محمد ..
صحى سلطان على صوت جواله اللي ازعجه .. اخذه من على الكومدينا ورد من غير ما يفتح عيونه .. هممم ..
البراء .. بالله احلف احلف انك للحين نايم ..
سلطان فتح عين وحده .. هاه ..
البراء.. صحصح يابو وكلمني زين ..
سلطان لما عرف انه البراءرجع غمض عيونه .. ايش تبي داق ومصحيني من نومي ..
البراء .. انت تدري الساعه كم الحين ..
سلطان .. لا .. كم ..
البراء .. الساعه 9 بالليل وانت للحين ما صحيت ..
سلطان اللي بدا النوم يرجع له قال بهمس .. طيب مو مشكله للحين ما اكتفيت نوم ..
البراء دق قلبه من خمس سلطان واستغرب من هالشي وسكت ..
سلطان نام والجوال على اذنه ..
البراء حس ان تنفس سلطان صار منتظم يعني انه نام ..ابتسم وحط يده على قلبه وبنفسه .. مدري ليه يا قلبي تدق بهالقوه بس المهم اني مبسوط بهذي الحاله ..
بعد نص ساعه ..
البراء للحين ما قفل الجوال وده يصحي سلطان ووده يعيش بالحاله اللي مبسوط فيها اكثر .. بس سمع حركه من جهه سلطان وعرف ان سلطان صحى ..
..
..
عند سلطان صحى بعد ما اكتفى نوم وانتبه بالجوال فيده استغرب رفعه وشاف الخط مفتوح والمتصل البراء .. رجع الجوال على اذنه .. وقال باستغراب .. البراء؟!..
البراء ابتسم .. صح النوم ..
سلطان .. انت متى اتصلت علي ..
البراء.. من نص ساعه تقريبا اتصلت اصحيك وشكلك كنت تكلمني وانت نايم ..
سلطان بصدمه .. بالله من نص ساعه وانت ما قفلت الخط ..
البراء .. الحين ركزت على اني ما قفلت الخط ونسيت انك كلمتني وانت نايم ..
سلطان ضبط جلسته وصار يحك شعره .. تصدق مو قادر اذكر اني كلمتك ..
البراء .. باين عليك انك تكلمني وانت نايم ..
سلطان .. ليكون قلت شي خبص الدنيا ..
البراء .. هههههههههههههههههههههههه .. لا تطمن .. المهم يلا قوم تراك تاخرت بالنوم ..
سلطان تذكر اللي قاله جده اليوم .. ايه لاني كنت متضايق قبل ما انام ..
البراء .. وليه كنت متضايق وليه ما كلمتني ..
سلطان .. مدري ليه ما كلمتك ..
البراء .. الكلام ما ينفع على الجوال .. قوم صحصح وبدل وانا الحين راح امرك وتقول لي كل شي ..
سلطان .. اوك .. يلا سلام ..
البراء .. سلام ..
قفل سلطان من البراء وراح للحمام ** الله يكرمكم ** اخذ له شاول سريع وبعد ما طلع راح لغرفه الملابس ولبس بنطلون اسود وبلوزه بيضا باكمام طويله وكان اسود .. وجزمات بيض .. راح للتسريحه وتعطر واخذ جواله ونزل لتحت ما شاف حد بالصاله كمل طريقه للمجلس .. ولما وصل حس ان البراء تاخر وكان راح يتصل عليه عشان يشوفه ليه تاخر وتوه بيتصل الا البراء يدخل المجلس وشاف سلطان ماسك جواله ..
البراء.. كنت راح تتصل علي ..
سلطان رفع راسه له .. ايه .. كانك تاخرت ..
البراء يجلس بجنبه .. زحمه الطريق .. ولف عليه ..يلا قول لي ايش كان مضايقك ..
سلطان مثل العاده حط راسه على رجول البراء .. لما جيت من الجامعه اليوم جدي ..... وقاله كل السالفه ..
البراء بصدمه .. ترجعون لامريكا ؟؟..
سلطان .ايه .. المشكله اني ما اقدر اقول لا لجدي ..
البراء.. طيب كيف .. يعني خلاص بتروح..
سلطان .. ايه .. قال لي ضروري بكرا تاخذ اعتذار على هالفصل ..
البراء تضايق .. طيب حاول فيه انك تجلس انت رجال ما ينخاف عليك ..
سلطان قام وضبط جلسته .. حاولت بس جدي ما عطاني فرصه ..
البراء.. لا مايصير كذا تروح بعد ما تعودنا عليك ..
سلطان لف عليه .. حتى انا والله تعودت عليكم بس ايش نقول .. وابتسم اكيد اني ماراح اجلس هناك طول العمر انشاء الله اول ما يخلص جدي شغله راح نجي ..
البراء نزل عيونه للارض ويحس انه راح يبكي من قوه ضيقته .. ان شاء الله ..
سلطان حس بضيقه البراءرفع يده وحطها تحت ذقن البراء ولفه عليه .. ادري انك متضايق حتى انا اكثر منك بس مثل ما قلت لك ان شاء الله ما نطول .. خلاص عاد فكها وابتسم خلني ارتاح يكفي اللي فيني ترا ما احب اشوفك متضايق ..
البراء رفع عيونه لعيون سلطان وابتسم .. ايش اسوي مو متخيل حياتي من غيرك انا خلاص تعودت عليك كثير ..
سلطان .. حتى انا والله بس مالنا الا الصبر .. ووقف .. والحين يلا قوم نحوط بالسياره شوي او نمر الشباب ابي اجلس معكم قبل ما اسافر ..
البراء وقف معه .. اليوم خلك معي بس وبكرا اجلس مع الشباب انا اولى منهم ..
سلطان ابتسم .. اكيد انت اقرب شخص لي .. يلا خلنا نطلع ..
البراء ابتسم .. يلا ..
وطلعو بسياره البراء يتمشون .. الى الساعه 12 وبعدها رجعو لبيوتهم ..
.........................................

اليوم الثاني ..
الساعه 10 الصباح ..
سلطان دخل للجامعه وكان يكلم البراء .. ايه دخلت .. ايه ايه عرفته .. يلا الحين جاي .. سلام .. قفل منه واتجه للمبنى اللي ينتظره فيه البراء .. دخل وشافه .. صباح الخير ..
البراء.. صباح النور .. ايش تبي نسوي اول نروح ناخذ الأعتذار او نروح لشباب ..
سلطان .. لا نخلص الاعتذار اول وبعدها نطلع نتغدى مع الشباب ..
البراء .. اوك .. يلا ..
وراحو للمكتب المتخصص وخلصو شغلهم وبعدها طلعو من المبنى متجهين للمبنى اللي فيه الشباب وقابلو بوجههم عادل وكان لحاله هذي المره ..
سلطان .. لا ابد مو وقته مالي خلق اتهاوش معه في اخر يوم لي ..
البراء.. خلاص خله علي لو كلمك لا ترد ..
سلطان .. طيب ..
عادل وصل لعندهم وعطى سلطان نظره حقد ومشى من جنبهم ..
سلطان والبراء ناظرو بعض باستغراب ..
سلطان .. وش السالفه ..
البراء.. لا ما اصدق هذا عادل ..
سلطان لف لوراه وشاف عادل وهو يدخل المبنى ورجع يناظر البراء .. سبحانه اللي يغير وما يتغير ..
البراء .. سبحانه .. من جد شي غريب ..
سلطان ابتسم .. جات من حظي .. يلا خلنا نمشي اهم شي ان مزاجي ما تعكر ..
البراء .. من جد .. يلا ..
وكملو طريقهم لعند الشباب.. وبعد ما وصلو ..سلام ..
الشباب .. وعليكم السلام ..
فيصل .. وش عندك متاخر اليوم يا سلطان ..
سلطان يجلس معهم .. لاني ماراح اداوم ..
بسام .. كيف ماراح تداوم وانت الحين موجود ..
سلطان .. اقصد لاني خلاص ماراح اداوم ..
مشاري .. وليه الألغاز تكلم بالصريح ..
سلطان ابتسم .. طيب .. انا جاي اليوم عشان اعتذر عن هذا الفصل ..
الشباب كلهم ماعدى البراء .. تعتذر ؟!!..
سلطان .. ايه وقبل لا تسالوني ليه انا راح اقولكم .. لاني راح ارجع لامريكا جدي عنده شغل ويبيني معه ..
عزوز .. ترجع لامريكا .. بس توكم جايين ..
سلطان .. هذا شي بيد جدي وانا ما اقدر اعارضه ..
مشعل .. بس كيف حنا تعودنا عليك ..
سلطان .. حتى انا بس ايش اسوي .. ان شاء الله اننا ما نطول ..
الشباب .. ان شاء الله .. فجائ كلهم ماعدى سلطان لفو على البراء..
البراء باستغراب .. بسم الله وش فيكم تناظروني كذا ..
سلطان ابتسم .. يبون يشوفون رده فعلك .. ولف عليهم .. البراء يدري قبلكم ..
مشاري .. اكيد راح يدري قبلنا مو انتو صايرين كانكم زوج وزوجته ما تفارقون بعض ..
بسام .. من جد البراء ايش احساسك وسلطان خلاص بيروح ..
عزوز .. بسام سلامات حسستني من جد انهم زوج وزوجته ..
سلطان .. وليه ما سالتني انا يا بسام ايش راح اسوي من غير البراء.. على الأقل البراء انتو عنده بس انا مين عندي ..
الشباب كلهم حسو بجديه الموقف ..
فيصل .. لا تقلق راح نكون معك 24 ساعه مو يقولون النت خل العالم مثل قريه صغيره يعني نقدر نسولف معك ونتواصل معك باي وقت ..
مشعل .. صح كلام فيصل يعني لا تحزن راح تمل مننا بعد ..
سلطان ابتسم .. جد يمكن امل منكم يعني انتبهو لا تكلموني كل يوم فاهمين ..
عزوز .. مالت وهذا حنا اللي نبي نخفف عليك ..
بسام .. شباب شوفي خلونا نتفق اننا نكلمه بس اول اسبوع وبعدها نسحب علي ..
سلطان .. هيه بساموه ترا انا موجود لسا ماراحت ..
بسام يسو نفسه توه ينتبه .. يووووه ما انتبهت لك انا كيف كشفت السر قدامك ..
الشباب .. ههههههههههههههههههههههههههههه ..
سلطان .. جد خبل .. المهم راح نتغدى مع بعض اليوم لان بالليل رحلتنا ..
مشعل .. وليه بدري كذا ..
سلطان .. شغل جدي .. يلا نقوم ..
الشباب .. يلا ..
وراحو بسياره وحده وتعشو وتمشو شوي وسوالف وضحك خلت سلطان ينسى ضيقته وحزنه ..
.................................

الساعه 8 الليل ..
بالمطار ..
كانو الشباب كلهم جايين يودعو سلطان ..
كانو ام وابو محمد جالسين بصاله الأنتظار ..
اما سلطان كان واقف معع الشباب يودعهم ..
سلطان .. انتبهو للبراء الله الله فيه ياويلكم تخلونه يرجع لانعزاله ...
البراء ابتسم من بين حزنه ..
بسام . هيه سلطانوه ترا بديت اشك ..
سلطان .. تشك بايش بعد ..
بسام .. انكم حبايب مو اصحاب ..
سلطان عفس وجهه .. الله يقرفك اسكت بس ..
الشباب .. ههههههههههههههههههههههههه ..
عزوز .. المهم سلطان انت انتبه لنفسك ولا تنسى تكلمنا وكذا ..
سلطان .. لا توصي اكيد راح اكلمكم يوميا ..
في هالوقت سمعو النداء للرحله المتجهه للنيويورك ..
سلطان لف عليهم .. يلا شباب خلوني اسلم عليكم ..
وسلم عليهم واحد واحد وكان اخر واحد البراء.. سلطان مد يده عشان يسلم بس البراء فجاءه لما حضنه ..
البراء .. كذا السلام .. انتبه لنفسك وياويلك لو ما كلمتني باليوم اكثر من مره ترا مايردني الا اقرب رحله ..
سلطان اول ما حضنه البراء حس بشعور غريب اول مره يحس فيه ابتسم لما سمع كلام البراء .. اجل ماراح اتصل عليك عشان تجيني ..
البراء بعد عنه وهو مبتسم .. ترا اسويها ..
سلطان بنفس الأبتسامه .. ياليت عشان ما اكون لحالي ..
البراء .. وخر خلني اروح احجز ..
سلطان مسك يده .. ههههههههههههههههه .. ياخبل كنت امزح معك .. المهم انتبه لنفسك اوك وياويلك لو سمعت من العيال انك رجعت انعزالي ..
البراء حط عيونه بعيون سلطان ومايدري ليه حس في هاللحظه انه اخر مره راح يشوفه .. تعوذ من ابليس من هالاحساس وابتسم .. ان شاء الله ..
شوي سمعو النداء الأخير ..
بسام .. خلاص ياهو بتطير الطياره ..
سلطان لف عليه .. وانت وش فيك ليكون غيران ..
بسام .. ايه والله غيران ماعندي حد كذا ..
الشباب .. ههههههههههههههههههههههههه ...
سلطان .. الله يرزقك اجل ..
بسام .. امين .. المهم شوف عمي يناديك ..
سلطان .. طيب .. ورجع لف على البراء .. يلا مع السلامه ..
البراء.. بحفظ اللله ..وكان ماسك يد سلطان ومايبي يتركها ..
بس بسام الملقوف جا وفك يد البراء من يد سلطان .. يلا روح بلا غرميات ..
سلطان .. مالت .. طيب اوريك بساموه .. وصار ياشر لهم بمعنى مع السلامه ..
البراء كان يشوف سلطان ويحس بقلبه مقبوظ .. صار يراقبه لما دخل من البوابه واختفى عن نظره .. نزل راسه ومشى من غير ما يتكلم والشباب ما نادوه لانهم مقدرين حالته ..
اما سلطا نكان يمشي وقبل ما يدخل من البواب لف يناظر الشباب وكانه ماراح يشوفهم ابد .. تنهد ودخل من البوابه وركب الطياره وهو بداخله احساس غريب مو عارف معناه ..
.................................................. ............
**
**
**
**
**
**
**
**
**
** انتهى البارت الثامن **