رواية انا انثى ولكن الفصل الثاني عشر 12 - بقلم lxvcr3

** البارت الحادي عشر **
**
**
**
**
**
**
**
**
**
**
**
**
**
**
ابو محمد .. اليوم كلمني ابو فهد ال.. يبي يهطب الجازي لحفيده عادل بن فهد .. وانا موافق ..

الجازي من الصدمه ماقدرت تقول شي ..

ام محمد .. مو ابو فهدهذا نفسه اللي كان سبب طيحتك بالمستشفى هذيك المره ..

ابو محمد نزل راسه بضيقه .. الا هو ..

ام محمد .. طيب اجل ليه توافق وبعدين البنت توها على الزواج ..

ابو محمد .. غصب عني ياحصه صدقيني ..

الجازي صحت من صدمتها على كلام جدها .. وليه غصب عنك يبه ؟..

ابو محمد .. لانه ارسل لي صور لك انتي وحفيده عادل وقال لي لو ماوافقت راح افضحك .. ورفع عيونه للجازي .. انا واثق فيك يابنتي واعرف ان هذي حركه خبيثه منهم .. وترا هم ما هموني انا خايف عليك انتي لان لو نشرو الصور كل اعدائي ومنافسيني راح يستغلون هالشي لمصلحتهم وغير كذا انتي ماراح حد يفكر يخطبك عشان كذا انا وافقت ..

الجازي بنفسها .. جد واحد نذل .. ووقفت .. انا مستحيل اوافق واما بخصوص الصور انا راح اتصرف انت ثق فيني بس ..

ابو محمد .. انا واثق فيك بس ابيك تنتبهين منهم وتراه معطيني مهله اسبوع بس ..

الجازي .. ماعليك ان شاء الله يخلص الموضوع قبل ما ينتهي الاسبوع .. وطلعت لغرفتها .. دخلت وشالت عبايتها وجلست على السرير واخدت جوالها واتصلت على البراء .. ثواني وجاه الرد .. اهلين ..

البراء .. اهلين ..

الجازي .. صارت اشياء جديده ..

البراء .. ايش صار .. رجع اتصل عليك يعني ..

الجازي .. لا بس جدي قال لي .... وقالت له السالفه ..

البراء بعصبيه .. ايش ؟! .. يخطبك !!.. وله عين النذل يهدد عمي .. هذا ما ينسكت عليه انا راح اعلمه ..

الجازي .. البراء .. اهدى اهدى وش راح تسوي يعني وانت معصب كذا راح تذبحه مثلا ..

البراء .. ايه حلال فيه الذبح بعد ..

الجازي .. انت صادق الذبح حلال فيه بس حنا مانبي نحل المشكله بمشكله اكبر منها .. انت اهدى وخلنا نفكر بحل يخلينا نقدر ناخذ الصور قبل ما ينتهي الاسبوع ..

البراء .. اخذ نفس عشان يهدى .. طيب .. انتي تعرفين بايش صورك ؟..

الجازي .. انا مدري انه صورني اصلا هالنذل ..

البراء .. اول شي لازم نسويه اننا نعرف بايش صورك بس كيف ..

الجازي .. هذي خلها علي عندي طريقه تخليني اسحب منه الكلام واعرف منه كل شي ..

البراء .. يعني راح تكلمينه ؟ ..
ش
الجازي .. اي اكيد ولا كيف راح نعرف .. شوف الحين الوقت تاخر راح اقفل وبكرا راح اكلمه وبعدها اقولك ايش صار ..

البراء ماكان عاجبه الموضوع بس مايقدر يقول شي لان هذا الحل الوحيد .. اوك يلا سلام ..

الجازي .. مع السلامه .. قفلت منه وقامت بدلت ملابسها ولبست بجامه مريحه ونامت ..

.................................................. ...................

اليوم الثاني ..

الساعه 10 الصباح ..

قصر ابو محمد ..

غرفه الجازي بالتحديد .. صحت على صوت المنبه .. ما اخذت كفايتها من النوم لانها طول الليل جالسه تفكر بطريقه عشان تتخلص من تهديد عادل وجده .. نزلت من السرير وعين مسكره وعين مفتوحه شكلها يكسر الخاطر بس لازم تصحى عشان ماتضيع الوقت .. دخلت للحمام ** الله يكرمكم** اخذت لها شاور عشان تصحصح .. ولما طلعت راحت لغرفه الملابس لبست تيشيرت عادي وبنطلون .. اتجهت للتسريحه وجففت شعرها ورفعته خيال وبعد ما خلصت اخذت جوالها ونزلت لتحت ماشافت حد بالصاله راحت لغرفه الطعام واتصلت على المطبخ يجيبون لها فطور .. قفلت وصارت تحوس بجوالها شافت رساله من نوف تسالها اذا هي فاضيه اليوم او لا .. ارسلت لها الجازي لا مشغوله .. وفي هالوقت دخلت الخدامه وبيدها الفطور حطته على الطاوله وطلعت .. الجازي اخذت الكفي وبدت ت تشرب منه وقبل ماتبدا تاكل شافت جوالها يرن واستغربت لما شافت ان المتصل عادل .. شكله متوقع مني اتصال امس .. رفعت الجوال وردت .. نعم ..

عادل .. صباح الخير يا زوجه المستقبل ..

الجازي انقهرت منه .. ايش تبي ..

عادل .. مادامك ما استغربتي اجل اكيد وصلك الخبر .. وشكلك موافقه ..

الجازي .. تخسى لو انت اخر رجال بالدنيا ماوافقت عليك ..

عادل .. اها اجل ودك بالفضيحه ..

الجازي .. طبعا لا .. ممكن سؤال ؟..

عادل .. اكيد اسالي ..

الجازي .. ايش هدفك من ورا زواجك بي ؟..

عادل .. طبعا عشان ادلك انتي وجدك مثل ماذليتو جدي ..

الجازي .. اهاا مثل ماتوقعت .. طيب انا انت تقول انك تبي تذلنا بس مافكرت بكلام الناس لما يعرفون ان عايلتنا اللي ذلت عايلتكم تربطون فيها بهذي السهوله ..

عادل كان ساكت وكانه توه يفكر بهالموضوع ..

الجازي لما شافته ساكت ابتسمت وعرفت ان كلامها راح يجيب مفعول .. كملت .. وراح يقولون ان ابو فهد ال... نسى اهانه ابو محمد ال... وارتبط فيه .. والناس دائما لهم الظاهر ..

عادل .. طيب وش رايك لو نشرت الصور من غير زواج .. كذا راح ننتقم منكم ..

الجازي .. طيب وايش راح تستفيدون .. ولا شي الا بالعكس الناس راح يعرفون ان اللي نشرتو الصور وبكذا راح تاكدون للناس الكلام اللي طلع عنكم ..

عادل سكت شوي وكانه يفكر وبعدها قال .. طيب والمطلوب ؟؟..

الجازي .. وش رايك تسلمني الصور وانا اخلي جدي يعتذر قدام الناس اللي انفضح جدك عندهم ..

عادل ابتسم .. اوك موافق بس الاعتذار قبل الصور ..

الجازي .. وايش ضمانك .؟؟..

عادل .. اممم اسلمك نسخه من الصور قبل الاعتذار ..

الجازي .. وليه انت كم نسخه عندك ؟؟..

عادل .. 3 نسخه وحده بالكاميرا اللي صورتك فيها ووحده بالجوال ووحده باللاب تعرفين عشان اضمن وجودهم ..

الجازي بنفسها .. خسيس بس غبي بنفس الوقت .. طيب ابي اشوفهم ..

عادل .. قابليني اليوم وتشوفينهم ..

الجازي .. اوك على الساعه 4 العصر بمقهى ال.. ..

عادل .. اوك اتفقنا ..

الجازي .. اوك .. سلام .. وقفلت من غير ماتنتظر رده .. حطت الجوال على الطاوله .. مسوي فيها ذكي انا اوريك .. ورجعت تاكل.. وبعد ما خلصت اخذت جوالها وطلعت للحديقه .. جلست على الكراسي اللي بجنب المسبح .. ورفعت جوالها واتصلت على البراء ورد بسرعه وكانه ينتظر اتصالها .. ابتسمت عليه .. صباح الخير ..

البراء .. صباح النور .. ها وش صار ..

الجازي .. توي مقفله منه .. كان يقول ... وقالت له كل اللي صار ..

البراء .. جد نذل عنده 3 نسخ .. طيب وانتي من جدك راح تخلين عمي يعتذر ..

الجازي .. طبعا لا .. انا مجهزه له خطه عشاننن اخذ منه الصور وهو مايدري ..

البراء .. ووش هي خطتك ..

الجازي .. اسمع .. وقالت له الخطه .. طبعا هذا راح يعتمد على النسخه اللي راح يجيبها ..

البراء عجبتههه الفكره .. حلو حلو يعني باذن الله الموضوع راح يخلص اليوم ..

الجازي .... اي باذن الله .. وهو خله ينتظر اعتذار جدي ..

البراء .. من جد .. اجل خلاص اذا رحتي عطيني خبر ..

الجازي .. اي اكيد .. وعاد الحين اخليك بروح اجلس مع جدتي ماشفتها اليوم ..

البراء.. اوك يلا سلام ..

الجازي .. سلام .. قفلت ودخلت لداخل عشان جدتها ..
.................................................. ............

الساعه 4 العصر ..

طلعت الجازي من القصر بعد ما استاذنت من جدها .. ركبت مع السواق واتجهت للمقهى اللي راح تقابل عادل فيه .. وصلت بعد دقايق وقبل ماتنزل تلثمت .. لان عادل ماله امان .. نزلت من السياره ودخلت للمقهى وانتبهت بعادل جالس على وحده من الطاولات .. راحت له وجلست بالكرسي المقابل .. السلام ..

عادل ابتسم .. وعليكم السلام على الوقت ماشاء الله .. ايش تشربين ..

الجازي .. قبل ما اشرب شي وين الصور ..

عادل .. تامرين .. ورفع جواله من على الطاوله وفتحه وطلع الصور ومد لها الجوال .. شوفي

الجازي اخذت الجوال وصارت تتفرج على الصور وانقهرت من اللي شافته كان لاعب بالصور بطريقه متقنه صعب اكتشافها .. رفعت عيونها له بحقد .. باين انك محترف في هذي الاشياء ..

عادل .. افا عليك اعجبك ..

الجازي نزلت الجوال على الطاوله .. بس عندك 4 صور ؟..

عادل .. اي ومثل ماقلتلك عندي 3 نسخ منها ..

الجازي .. طيب الحين اقدر اشرب شي عشان نتفاهم كويس ..

عادل .. ابتسم .. ايوا ايش تبين ..

الجازي .. قهوه امريكيه بالحليب ..

عادل وقف .. اوك .. وراح يطلب ..

الجازي استغلت الفرصه واخذت جواله وفتحته وحمدت الله انه ماقفل .. دخلت على الاعدادات ودخلت على حسابه وطلعت جوالها وصورته وبسرعه رجعت الجوال مكانه قبل مايرجع عادل .. وفتحت محادثه البراء وارسلت له الصوره وكتبت له ..
.. هذا حسابه بالجوال احفظ الصوره عندك .. والحين تقدر تبدا دورك .. ومثل ماقلتلك لا تنسى تستخدم اسم سلطان ..

البراء اللي كان ينتظر الاشاره رد عليها ..
.. اوك اللابتوب والكاميرا صح ..

الجازي ..
.. اي وخبرني اول باول .. يلا بالتوفيق ..

بهالوقت جا عادل وبيده الطلب .. جلس .. تفضلي ..
.......................

عند البراء ركب سيارته واتجه لقصر عادل .. ولما وصل دق الجرس وردت الخدامه ..

الخدامه .. يس ؟..

البراء .. انا سلطان صديق مستر عادل ..

الخدامه .. مستر عادل اوت ..

البراء .. اعرف هو مرسلني عشان اخذ اللاب والكاميرا عطيني اياهم ..

الخدامه .. اوك اوك .. دقايق وفتحت الباب ومدت للبراء شنطه اللاب وشنطه الكاميرا ..

البراء بابتسامه .. ثانكيو .. ورجع لسيارته وارسل للجازي ان المرحله الاولى من الخطه نجحت .. وحرك للبيت شان يبدا بالمرحله الثانيه ..
.................................................. ........

نرجع للمقهى ..

الجازي قرت رساله البراء وابتسمت من تحت اللثمه .. رفعت عيونها لعادل .. ايوا ايش كنت تقول .

عادل .. كنت اقول خلاص اتفقنا اني اسلمك نسخه وحده قبل الاعتذار بيوم واخليك تتاكدين اني حذفتهم وباقي النسخ بعد الاعتذار .. بس متى راح يكون ؟..

الجازي .. اوك .. اليوم الثلاثاء يعني يكون يوم الخميس بعد يوم ..

عادل .. اوك اجل بكرا اسلمك النسخه ..

الجازي .. اي .. وبنفسها .. هذا اذا شفتني بكرا ..

في هالوقت جاتها رساله من البراء ..
.. الخطوه الثانيه نجحت ومسحتهم بشكل نهائي مستحيل يقدر يرجهعهم وانا الحين بطريقي لقصره عشان ارجع الاجهزه حاولي تاخرينه ..

الجازي ردت ..
.. اوك .. بس لاتنسى النسخه اللي بالجوال ..

البراء ..
.. لاتخافي مانسيتها بس اودي الاجهزه وافضى له ..

الجازي ..
.. اوك ..

عادل .. وش شاغلك ..

الجازي وهي تحط جوالها على الطاوله .. ولا شي .. اجل خلاص نلتقي بكرا ..

عادل .. اي لنفس الوقت ونفس المكان ..

الجازي .. اوك ولما وصلتها رساله عرفت انها من البراء ووقفت .. اوك انا رايحه الحين ..

عادل وقف .. اوك لقانا بكرا ..

وبعدها تفرقو ..

الجازي اول ماركبت السياره فتحت رساله البراء اللي كان يقول فيها ان الامور كلها تمام .. اتصلت عليه وبعد ثواني رد ..

البراء .. اهلين .. طلعتي ..

الجازي .. اي .. وانت وصلت البيت ..

البراء .. اي توي واصل والحين راح ابدا اشتغل على الجوال ..

الجازي .. حلو .. وانا بروح البيت وابشر جدي .. بصراحه مدري كيف اشكرك البراء ..

البراء ابتسم .. وعلى ايش تشكريني حنا اصدقاء ومابينا شكر ولا نسيتي ..

الجازي ابتسمت .. لا ابد مانسيت .. طيب البراء انا بقفل الحين لاني وصلت ..

البراء .. اوك وانا اذا خلصت من الجوال بعطيك خبر ..

الجازي .. اوك .. يلا سلام .. قفلت منه ونزلت من السياره ودخلت للفله واتجهت للصاله ومثل ما توقعت جدها وجدتها موجودين .. السلام ..

ام وابو محمد .. وعليكم السلام ..

الجازي جلست .. يبه ابشرك مشكله الصور انحلت والحين انت ماعليك الا انك تطنش ابو فهد ولا ترد عليه وتاكد انه ماراح يقدر يسوي لك شي ..

ابو محمد .. ايش سويتي ..

الجازي .. راح اقول لك بس لاتتضايق مني ماكان عندي الا هذا الحل ..

ابو محمد بدا يقلق .. قولي ..

في هالوقت جات رساله للجازي من البراء يبشرها ان المهمه انتهت ..

الجازي ابتسمت بعد ماقرت الرساله ورفعت عيونها لجدها .. اسمع .. وقالت له كل شي ..

ابو محمد .. الحمد الله .. صحيح انك بنت بس عن مليون رجال .. وحتى البراء ماقصر ربي يعطيه العافيه لازم اشكره ..

الجازي .. وبما اننا خلصنا من سالفه الصور الحين انت ماعليك الا انك تطنش ابو فهد ولا ترد عليه .. خلاص مايقدرون يسوون شي الحين ..

ام محمد .. الحمد الله اننا ارتحنا .. ومن اليوم ورايح لازم تنتبهين على نفسك اكثر يايمه ..

الجازي .. ان شاء الله يمه .. ووقفت .. عن اذنكم .. وطلعت لغرفتها ..
.................................................. .............................،.

بعد اسبوع ..

مافي اي احداث جديده الا ان عادل عرف ان الصور انحذفت وانقهر بس للحين ماعرف كيف وما فكر يتصل على الجازي لان ماعنده شي ضدها الحين ..

يوم الاحد ..

الساعه 8 الليل ..

قصر ابو محمد ..

كانت الجازي جالسه بالصاله مع جدها وجدتها ..

الجازي .. يبه ان لصراحه طفشت من جلسه البيت لا دراسه ولا شغل ..

ام محمد .. انا توي اكلم جدك بهالموضوع امس .. وقلنا راح نخليه لما انتي تطلبين بنفسك ..

ابو محمد .. اي وقلنا نبي نسجلك بالجامعه على الفصل الثاني اللي مابقى عليه شي ..

الجازي .. انا صحيح من زمان كان ودي ادخل تخصص علم نفس بس لما شفتك قد ايش تتعب بالشركه والمشاكل اللي تواجهها غيرت رايي ..

ابو محمد .. قصدك راح تتخصصين اداره اعمال ..

الجازي .. لو درست وتخصصت يبي لي من 4 الى 5 سنوات عشان اتخرج واشتغل بالشركه وعلى حسب اللي عرفته ان كل واحد من جداني له شركته لحاله وكل واحد عياله معه وانت مامعك حد فتستعين لةبالغرب .. ليه اخليك لحالك طول هالسنوات وانا قادره اني اتعلم شغل الشركه بسرعه من غير دراسه ولا تعب .. وش رايك ؟..

ابو محمد ابتسم على كلام حفيدته ولف على ام محمد وشافها مبتسمه بعد .. ورجع لف على الجازي .. كفو يابنتي .. صدق اني كنت اتمنى هذا الشي لما كنتي سلطان ولما صرتي الجازي شلت هذي الفكره من بالي وماتدرين قد ايش فرحتيني بكلامك ..

الجازي ابتسمت .. صدقني يا يبه اللي تغير فيني هو شكلي واسمي ولا انا مثل ما انا وتطمن راح احقق لك امنيتك واشتغل معك بالشركه ..

ابو محمد .. اجل وش رايك نبدا من بكرا ..

ام محمد .. شوي شوي ياعبد العزيز على البنت خلها تتجهز ..

الجازي .. لا يايمه انا متحمسه اكثر من جدي وما يحتاج تجهيز .. خلاص يبه بكرا الصباح تلاقيني جاهزه ان شاء الله .،.

ام محمد .. ربي يوفقك يابنتي ..

شوي جات الخدامه تقول لهم ان العشى جاهز ..
..................................

صباح اليوم الثاني ..

الساعه 8 ..

قدام بوابه شركه ابو محمد .. وقفت سياره ابو محمد ونزلو منها الجازي اللي كانت لابسه العبايه ومتحجبه بس وابو محمد ..

دخلو ورحبو فيهم مواظفين الاستقبال بعدها اتجهو لمكتب ابو محمد دخلو وابو محمد طلب من السكرتير انه ينادي نائب المدير ..

الجازي وهي تجلس على الكرسي اللي قدام المكتل .. ماشاء الله مكتبك كبير ..

ابو محمد بعد ما جلس على كرسيه .. لازم مكتب مدير ..

في هالوقت اندق الباب ..

ابو محمد .. تفضل ..

انفتح الباب ودخل منه شاب وسيم باين عليه انه باواخر العشرين وابتسامته زادت من وسامته .. السلام ..

الجازي لفت جهه الباب وانصدمت .. ماتوقعت ان هذا هو نائب المدير توقعته شايب ..

ابو محمد .. وعليكم السلام تفضل .. وبعد ماجلس .. الجازي اعرفك على مالك ال... دهو نائبي .. ولف على مالك .. وهذي حفيدتي الجازي ..

مالك بابتسامه .. والنعم تشرفت ..

الجازي ردت له الابتسامه .. الشرف لي ..

ابو محمد .. اكيد الجازي مستغربه كيف نائبي وشاب صغير ..

الجازي .. اي بصراحه مستغربه ..

ابو محمد .. انا اقولك .. هذا الشاب تعرفت عليه بامريكا عن طريق النادي السعودي .. هو كان يدرس هناك ومن سنه متخرج كنت اشوف انجازاته وابداعاته بالنادي وبالجامعه ومن حسن الحظ ان تخصصه اداره حبيته وقررت اني اشغله بشركتي اللي بامريكا بس وقتها هو رفض لان كانت اخر سنه له بالجامعه ومايبي شي يشغله عن دراسته انا وقتها تحطمت لاني راح اخسر شخص مثله بس تفاجات بعد سنه يجيني اتصال منه ويبشرني بتخرجه وبالصدفه كان نائب المدير اللي هنا طلب استغاله لانه بيسافر للعلاج فاستغليت الفرصه ووظفته هنا والى اليوم احمد ربي اني وظفته عندي لان الشركه من بعد الله ثم هو صارت افضل مايكون ولله الحمد ..

الجازي.. ماشاء الله ..

ابو محمد .. انا ارسلت لك عشان اقولك ان حفيدتي راح تنظم للشركه بس هي ماعندها الا شهاده ثانويه وابيك انت تكون المسؤول عن تعليمها بكل شي يخص الشركه وعندك شهرين بس بعدها ابيها تكون جاهزه للوظيفه واعرف انك قدها وماراح تخيب ظني ..

مالك .. ان شاء الله اني اكون عند حسن ظنك بي ..

ابو محمد .. اي والله الله فيها لاتشد عليها ..

الجازي .. لا يايبه لو ما شد علي كذا ماراح اتعلم حتى بعد سنه مو شهرين .. ولفت على مالك .. ماعليك من جدي علمني كل شي وباي طريقه ..

مالك اعجبه حماسها .. ان شاء الله .. ومتى تحبين نبدا ..

الجازي اذا ممكن من الحين ..

ابو محمد .. باين الحماس .. ولف على مالك .. الحين عرفها على اقسام الشركه والموظفين والموظفات .. بعدها ابدا شغلك ..

مالك وقف .. ان شاء الله طال عمرك .. ولف على الجازي .. تفضلي انسه الجازي ..

الجازي وقفت .. طيب ..

وطلعو من المكتب وبدا يعرفها على الاقسام .. وبعد ما خلصو راحو لمكتب مالك .. دخلو ..

مالك تفضلي الحين راح اعرفك على اساسيات الشركه ...

الجازي جلست بالكرسي اللي قبال المكتب .. طيب ..

مالك جا جلس قدامها وحط ملف على الطاوله اللي بينهم .. شوفي هذا الملف فيه كل اساسيات الشركه ..

الجازي اخذت الملف وصارت تتصفحه وكل شوي تسال مالك عن شي مافهمته ..

بقى الحال كذا لمده ساعه ..

الجازي حطت الملف على الطاوله بتعب .. ممكن استراحه استاذ مالك ..

مالك ابتسم على شكلها كانها طفله تعبت من الدراسه .. اي اكيد .. حابه اطلب لك شي تشربينه ..

الجازي .. اي ياليت تكون قهوه عشان اصحصح ..

مالك .. اوك .. ورفع التليفون وطلب اثنين قهوه ..

في هالوقت اندق الباب .

لفو اثنينهم على الباب اللي كان مفتوح ..

الجازي بابتسامه .. البراء .. حياك تفضل ..

البراء.. اللي حس بالغيره لما شاف الجازي جالسه مع شاب وسيم ابتسم لابتسامه الجازي .. الله يحييك ..

الجازي .. ايش هذي المفاجاءه ليه ماقلت انك بتجي ..

البراء .. انتي قلتيها مفاجاءه قلت اجي اشوفك كيف تشتغلين .. تعرفين جالس بالبيت لا دراسه ولا شي جيت اضيع وقت .. ولف على مالك .. ليكون قاطعت شغلكم ..

الجازي .. لا من حظك كان وقت استراحه .. ولفت على مالك .. نسيت اعرفكم ببعض .. استاذ مالك هذا البراء ولد عمي ... ولفت على البراء .. وهذا الاستاذ مالك نائب المديرر ومدرسي بنفس الوقت ..

البراء .. تشرفت ..

مالك .. وانا بعد .. حياك تفضل ..

البراء .. لا مابي اشغلكم انا جاي اسلم بس .. عن اذنكم ..

الجازي .. حياك كل يوم ..

البراء كان وده ان الجازي تصر عليه انه يجلس بس خاب ضنه وابتسم .. ان شاء الله .. سلام .. وطلع ..

وعلى طلعته جات القهوه ..

الجازي واخيرا .. واخذت القهوه ..

مالك اذا حابه نوقف اليوم ونكمل بكرا عادي ..

الجازي .. لا كذا راح نضيع وقت .. خلنا نكمل ..

مالك .. طيب ..
..........................................

على الساعه 3 ..

طلعو الجازي وابو محمد من الشركه واتجهو للقصر واول ماوصلو على طول الجازي راحت لغرفتها تبي تنام ميته تعب .. واول مادخلت وبدلت سمعت جوالها يرن راحت للشنطه وهي تتحلطم .. مين الفاضي اللي متصل الحين .. طلعت الجوال وشافت المتصل نوف ردت عليها وهي ترمي نفسها على السرير .. هلا بالرايقه ..

نوف .. هلا بك وش دراك اني رايقه ..

الجازي .. لانك متصله هالوقت وانتي عارفه اني اطلع من الشركه الحين ..

نوف .. عدرا اني سالتك نسيت انك ذكيه ماشاء الله عليك .. المهم قولي لي ايش سويتي ..

فالجازي .. جد انك فاضيه .. ابي انام لما اصحى اقولك ..

نوف وانتي من جدك تبيني انتظرك لما تصحين لاياقلبي تحلمين ..

الجازي .. يوه نسيت انك توب باللقافه .. وش راح يفكني منك .. اسمعي .. وقالت لها اللي صار ..

نوف .. احلفي وسيم .. يعني احلى من البراء ولد عمك ..

الجازي .. اي بصراحه اوسم من البراء .. اقولك اول ما شفته خقيت انصدمت من نفسي ياختي ..

نوف .. هههههههههههههههههه .. هذا يثبت انك صرتي بنت خلاص .. بس تصدقين حمستيني اشوفه ..

الجازي .. خلاص يوم من الايام اخذك الشركه والحين يلا انقلعي خليني انام ..

نوف .. طيب طيب لاتدفين نوم الهنا سلام ..

الجازي .. سلام سلام .. وقفلت ونامت على طول ..
..........................................

االيوم الثاني ..

الساعه 9 الصباح ..

بالشركه ..

الجازي كانت جالسه مع مالك بمكتبه ويعلمها على بعض الاشياء ..

شوي اندق الباب وكان السكرتير ...

مالك .. ايوا عصام فيه شي ..

عصام .. ايه فيه واحد حاب يقابل المدير والعم عبدالعزيز طالع في اجتماع .. ادخله لك ..

مالك .. ايه خله يتثضل ..

طلع السكرتير ودخل الشاب .. السلام ..

الجازي اللي كانت تقرا الاوراق تجمدت يدها على الورقه اول ماسمعت الصوت ورفعت عيونها له بصدمه .. انت ..

مالك باستغراب .. انسه الجازي تعرفينه ..

الشاب ابتسم بخبث .. اكيد تعرفني مو انا عادل بن فهد ال... ..

الجازي وقفت .. ايش اللي جابك شركتنا .. اطلع برا ..

مالك اللي مو فاهم شي .. لحظه انسه الجازي .. ولف على عادل .. لو سمحت قول ايش تبي ..

عادل مد ملف كان بيده .. انا جاي اتوظف هنا ..

الجازي بصدمه .. تتوظف ؟؟!..
**
**
**
**
**
**
**
**
**
**
**
**
**
**
**
** انتهى البارت الحادي عشر **