رواية انا شاعرك العام والقصيد عيونك. الفصل السادس والأربعون 46 - بقلم rw2ixxx

ابو سعود وقف و رفع نظره وهو يشوف يوسف وعبدالرحمن وصد وتوجه يدخل الفندق وسعود لحقه ، عبدالرحمن عقد حواجبه وهو يطالع بصمت والتفت لابوه : بنمشي وقام بيمشي لداخل لكن وقفه يوسف ونطق : خلهم يخلصون موضوعهم ونمشي ،
عبدالرحمن عقد حواجبه : وش دخلنا حنآ جينا قبلهم! يبه اكيد عمي قاعد ينتظرنا!
يوسف تنهد وسكت وتوجهوا دخلوا الفندق ،
-
ام نجلاء كانت مصدومه و امال معها انصدموا من عرفوا بسالفة صقر و الطفله جوري وناظروا لفهد ،
تنهد فهد وهمس : قلت الي يرضي ملاذ بنتنا يرضينا ما ودي اتدخل بحياتهم هُم عاقلين وكبار وفاهمين ،
ام نجلاء سكتت وهمست : بيجيب ملاذ؟
فهد اخذ نفس وهمس : اي راح يجيبه الحين ،
امال ابتسمت : اجل بروح اتجهز د..سكتت وهي تسمع صوت دق الباب و دخلوا الغرفه يتجهزون ، ومشى فهد فتح الباب وهو يشوف سعود و ابوه واقفين و ابتسم : حياكم تفضلوا مسرع لحقتوني ،
ابو سعود بحده : وش ناوي عليه يا فهد؟
فهد عقد حواجبه وسكت وهو يشوف عبدالرحمن ويوسف متوجهين لجناحهم وهمس : تفضلوا طيب!
ابو سعود : ماني جاي اجلس او اشرب قهوتك جاي ابي منك جواب الاخير وبمشي من عند الباب ،
يوسف وقف على جنب وعبدالرحمن وقف معه ،
فهد التفت ل يوسف : اهلين اهلين ومشى يحضنه ويسلم عليه ، سعود ناظر لابوه وضحك بسخريه وهمس بهدوء : زي ما انت شايف ي يبه ،
ابو سعود انصدم انه قاطعه ومشى يسلم على يوسف والتفت بحده : فهد ماني جدار قدامك يوم انك تصد عني وتسلم ولا تسمعني!
فهد التفت له : والله ياخوك هو ضيف زيه زيك رحت اسلم عليه وهذا انا قدامك تكلم اسمعك ؟
عبدالرحمن ضحك بخفه من شافه تفشل ،
سعود انتبه لضحكته وهو يطالع فيه بسخريه ،
ابو سعود : نتكلم لحال افضل ،
فهد : ما من غريب وانا اخوك تكلم ،
يوسف رفع نظره ونطق : انا بخلص اتصال واجي ،
ومشى وتوقع عبدالرحمن يفهم و يلحقه ، لكن عبدالرحمن ثبت بمكانه وهو يشبك يدينه لوراء ظهره ويناظر بهدوء ، سعود التفت عليه ينتظره يمشي، لكن عبدالرحمن كان واقف يناظر فيهم ،
فهد ناظر لابو سعود : تكلم اخلص وش جاك؟
ابو سعود : كم سنه وانت تعذر بعمر بنتك و صغر سنها! والحين هي ماهي صغيره عشان تعلق حياة ولدي و تعذرنا يا فهد وش نهاية هالوصيه!
عبدالرحمن فز بصدمه و التفت لفهد يناظر ،
وكمل ابو سعود : الوصيه من ايام ابوك يا فهد والحين المرحوم بقبره وانت باقي معلق حياة ولدي عطنا من الاخر اذا ناوي انها تتزوج غير ولدي!
عبدالرحمن شد على قبضة يده وهو يناظر بحده ،
فهد اخذ نفس ونطق : وش هالكلام يا ابو سعود! لو اني ناوي شي كذا كان من زمان غسلت يديني و زوجتها لواحد...

فهد اخذ نفس ونطق : وش هالكلام يا ابو سعود! لو اني ناوي شي كذا كان من زمان غسلت يديني و زوجتها لواحد ثاني لكن نيتي نظيف وش تفكر فيه انت! وليه فجاه جيت وتتكلم كذا شايف مني شي؟
سعود رفع نظره : الشوف شفناه من بنتك ياعمي ،
عبدالرحمن كان يناظر ومصدوم ووده يتكلم و يتدخل ويمسك سعود من ياقته ويعطيه درس ما ينساه لكن ماله اي حق يتدخل او حتى يتكلم ماله حق يشوهه سمعتها قدام ابوها ويتكلم ولا له الحق يناقش سعود او حتى يضره او يلمسه ،
فهد بحده : وش شفتوا من بنتي ؟
ابو سعود التفت على سعود بصدمه : سعود!
سعود مد يده وهو يطلع جواله ، عبدالرحمن كان مصدوم و واقف يطالع و بلع ريقه بخوف ويناظر ،
سعود مد جواله لفهد : تفضل الي تكسر وصية جدها وكلامه ف متوقع ما تكسر كلامك؟
فهد كان يقرا وسكت بهدوء وهو يرجع يمد له جواله وناظر بهدوء وسكت ولا تكلم بحرف واحد ،
ابو سعود سحب الجوال من سعود وهو يقرا ،
عبدالرحمن عقد حواجبه وهو يناظر لفهد ووده يعرف وش الي شافه بجوال سعود وليه نزل راسه !
غمض عيونه بقهر وهو يطالع فيهم بصمت ،
ابو سعود بسخريه : اجل تقول انها تركت الماضي والظاهر يا فهد بنتك ماهي على كلامك وحده تكسر كلام جدها ووصيته وش نتوقع منها ما تكسر كلام ابوها! حنا الي نعرفه يا فهد الرجال لهم كلمتهم وانت بنتك تكسر كلمتك وتقول لنا دراستها!
عبدالرحمن كان ساكت و واقف يطالع بصمت ،
سعود : عمي ماكان ودي اوريك و تنزل راسك بسببها لكن هي تواصلت معي بنفسها و رسلت هالكلام قلت اوريك عشان تعطيني جوابك الاخير !
فهد كان ساكت بهدوء ويناظر بصمت و بلع ريقه ،
عبدالرحمن عقد حواجبه من كلام سعود ونطق بقلبه وهمس : يا جعلني ادفنك يا سعود وتعرف جواب الاخير ي جعلك ما تتهنى يالخسيس ،
فهد بهدوء : ماكان عندي علم يا ابو سعود وانا اجلس معها واشوف رايها واعطيك جوابي الاخير الغلط مني وانا اخوك ما سالت عن رايها ،
ابو سعود بسخريه : تسال عن رايها! ليه يا فهد تخليها تمشي كلامها عليك!!
فهد اخذ نفس ونطق : اغلى ماعندي في دنيتي بناتي يا ابو سعود انا ارخص كرامتي عشان بناتي يا ابو سعود الدنيا عندي برخص التراب ما همني شي راي بناتي اهم من هالدنيا و اهله ،
سعود بصدمه : يعني وصية جدي تدفنه!
فهد بهدوء : لو راي بنتي كلفني هالشيء ادفن نفسي مع الوصيه زي ما دفنت ابوي والوصيه ماهي واجب انا ماراح اجبر بنتي على شي ما ترضاها ،
عبدالرحمن تنفس براحه وحس بثلج على صدره وكانه احد كب على صدره مويا بارده بعد عز الحر و ابتسم وهو يحاول يمسك نفسه ويناظر لسعود بسخريه ،

سعود سكت ونطق : قل يا عمي انك ناوي تزوجها لواحد غني ...لكن سكت من فهد ضربه كف وناظر فيه بحده : الا بنتييييي !!!
سعود من قوة الكف لف وجهه اتجاه عبدالرحمن و رفع نظره وهو يشوفه ويناظر فيه بحده ،
عبدالرحمن ضحك ونطق بهدوء : اووووه شيتتت ،
سعود انحرق قلبه من فهم كلامه ع طريق شفته،
ابو سعود انصدم والتفت ناظر لفهد الي ضرب ولده وهمس بحده : فهددددد ،
عبدالرحمن : صلوا على النبي وش جاكم ،
فهد صد وهو يدخل الجناح ومعصب ،
ابو سعود شد على يده بقهر وصد طلع من الفندق،
عبدالرحمن ضحك وهمس : وجعك الكف؟
سعود ناظر بحده : وش متوقع انت؟ تحسب ماني عارف كيف جبت موقع بيتنا وجيت!
عبدالرحمن عقد حواجبه : اخذته منك شفيك نسيت؟
سعود بسخريه : مني؟ متاكد ولا عقلك فيه شي؟
عبدالرحمن باستفزاز : ي رجال الكف طير عقلك وفقدت الذاكره؟ اخذت الموقع منك اذكرك؟
سعود سكت وهو يصد يتوجه للمصعد و يضغط عليه بقوه ينتظره ينفتح ،
عبدالرحمن : لا تطلع حرتك بالمصعد صل على النبي ، سعود دخل المصعد ولا رد عليه ،
عبدالرحمن ضحك وهو يتصل على ابوه يجي ،
-
مشعل كان واقف يقفل ازارير ثوبه ونجلاء منسدحه على السرير وهمست : وين رايح؟
مشعل ابتسم : رايح للعم سالم ينتظرني رايح ابشره تصير اب لطفلين ، نجلاء ابتسمت وهي تطالع فيه ،
مشعل سحب شماغه وناظر : تبين شي من برا؟
نجلاء هزت راسها بالنفي وهمست : لا تتاخر ،
مشعل ابتسم وتوجه طلع ركب سيارته متوجه للبر عند العم سالم ونزل ياخذ من البخاري و يروح له يتعشى معه و يبشره ب نايف والجوهره الفرحه مو سايعته لو بيده علم العالم كله بفرحته ،
-
ملاذ تجهزت واخذت جوالها ترسل لـ صقر يجي يشيل جوري لانها تخاف تشيلها او تطيحها ،
جوري كانت تلعب على السرير وتضحك وبيدها لعبتها ، صقر ناظر لرسالتها " تعال شيلها اخاف "
و ابتسم بخفه وهو ينزل من سيارته ويتوجه يدخل البيت ومشى لعندها وفتح الباب بالمفاتيح ودخل وتوجه للغرفه ناظر جوري كانت على السرير وملاذ تلبس عبايتها ،
ابتسم ومشى وهو يناظر لجوري ويشيلها وقربها وهو يبوسها وهمس : ياهلا بروحي ،
ملاذ رفعت نظرها تناظر فيه بهدوء كان يضحك معه ويبوسها والتفت لها وهو يشوفها تناظر وضحك : تغارين؟
ملاذ صدت عنه وهي تقفل زر عبايتها ،
صقر ضحك وتوجه لعندها : افاااا تغارين من طفله! ملاذ صدت عنه وهي تكمل تتجهز.
صقر ضحك وسكت وهو يطالع فيها

'
امال كانت تتجهز وتنتظر ملاذ وحطت مكياج خفيف و رفعت نظرها وهي تشوف امها داخله لعندها ومشت وناظرت : اي حلق ينفع مع ملابسي؟
امال ناظرت وهمست : الاحمر حلو ،
ام نجلاء ابتسمت ومشت تلبس الحلق ،
امال مشت وهي تجلس : اوففف تاخرت الحيوانه،
فهد كان جالس بالمجلس ومعصب و يوسف معه يحاول يهديه ، وعبدالرحمن واقف يطالع بصمت ،
والتفت من رن الجرس ، وفهد توجه يفتح الباب ،
عبدالرحمن كان مبتسم كل ما تذكر الكف الي جاء لسعود ومد يده لقلبه وهو يتنفس براحه ،
يوسف رفع نظره له : وانت وش قاعد تتفرج!
عبدالرحمن فز وناظر : وش اسوي ؟
يوسف : صب قهوه وش الي وش تسوي؟
فهد فتح الباب وابتسم من شاف ملاذ و صقر وراها ماسك جوري ، ملاذ ارتمت بحضنه اشتاقت له واشتاقت لحضنه ، فهد ابتسم وهو يبوس جبينها ويمسح على ظهرها : ياهلا ببنتي و قطعه مني ،
ملاذ ابتسمت وهي تبعد ، وفهد ياخذ جوري من صقر ويضحك : ياهلا ياهلا ، جوري كانت ساكته تطالع فيه ، فهد ضحك وهو يبوسها ،
صقر : يلا عمي انا امشي للدوام ،
فهد : ليه ياولدي؟ تعال اجلس ابوك داخل ،
صقر ابتسم : لا والله يا عمي مشغول ،
ملاذ مشت لداخل وهي تحضن امال وامها الي فزو من مكانهم من شافوها حضنتهم وهي مبسوطه والدموع تتجمع بعيونها اشتاقت لهم كثيررر ،
امال : وينهاااا حفيدتنا؟؟؟
ملاذ ضحكت والتفتت ، فهد كان داخل وهو شايل جوري وهمس : جتكم الضيفه ،
-
عمير ومريم والجد سُليمان دخلوا البقالة ،
الجد سُليمان مشى عند الخضروات ،
ومريم مشت اخذت حليب وتوجهت تاخذ ايسكريم عمير شافها وتوجه وهو يسحب ايسكريم فانيليا ،
مريم رفعت نظرها : شتبي انت!!!
عمير ضحك لانه عرفها وعرف شكلها بالنقاب وعرف انها هي نفسها ونطق : ما اقلدك البقاله مافيه شي غير نوعين من الايسكريم ،
مريم سكتت وهي تشوفه يقلدها ،
-
عمر كان جالس بسيارته ويتصل على غلا عقد حواجبه وهو يشوف انها ما ترد قعد يحاول اكثر من مره ، غلا كانت تحت في المطبخ وجوالها في الغرفه ، تسوي اكل لنفسها والتفتت ناظرت لابوها : يبه لا تنسى تاخذني الجامعه الصباح ولدك العريس مشغول ،
ابو محسن : روحي مع يزيد يا بنتي انا مشغول عندي دوامي يزيد فاضي راح اكلمه،
غلا انصدمت وهمست : اروح مع يزيد!
-
سعود كان جالس بالسياره ومعصب كل ما يتذكر عبدالرحمن لما نطق : اوووه شيتتت ،
ابو سعود التفت بحده : وششش كاننن له داعييي توريه رسالة بنته!!!
" مُلاحظه نفس الرساله الي رسلتها امال و ذكرتها لكمات بارتات اللي سبق ، لكن سعود كذب انها هي تواصلت معه والاصح سعود هو الي تواصل معها '