رواية انا شاعرك العام والقصيد عيونك. الفصل التاسع والستون 69 - بقلم rw2ixxx

يوسف دخل وهو مبتسم : السلام عليكم ،
امال رفعت نظرها و ابتسمت : وعليكم السلام عمي ،
يوسف توجه وهو يجلس : هاه وش الفطور يا بنتي ما بقى شي و ياذن المغرب ما سويتوا شي ؟
ام صقر بهدوء : كلمت سلطان يجيب من برا ،
يوسف : الله يتقبل صيام عرفه وكلموا مارلين تسوي السمبوسه و اللقيمات ،
امال ابتسمت وهي تقوم : الحين اكلمها ي عمي ، توجهت وهي تدخل وناظرت فيها : شتسوين مارو ؟
مارلين التفتت عليها : هادا بابا سولتان يحسب في رمضان كلم سوي صمبوصه لازم مدام هوا مافي سوي شي بس ايجلس ،
امال بضحكه : كنت جايه اقولك نفس الشي سوي سمبوسه عمي يقول و كمان لقيمات ،
مارلين : كلم هوا مافي دقيق خلص مافي سوي ،
امال فزت وهي تسمع صوت عبدالرحمن توجهت عند الباب،
عبدالرحمن ابتسم وهو يجلس : تقبل الله منا ومن المسلمين جميعًا ي يبه ،
يوسف سكت لثواني و رفع نظره : اخوك جاي؟ ، هو ماكان اقل من زوجته حتى هو فرحته ناقصه لكن وده عمر يتعدل و يتادب ويستوعب على نفسه وحركاته حتى هو فاقده ب اكبر يوم ،
عبدالرحمن بهدوء : لا ما يرد علي والله ،
يوسف سكت وهو يقوم : كلم اخوانك ابوي يقول صلاة العيد نصليه في المدينة والحريم خلهم يروحون اقرب مسجد هنا هناك زحمه ومعاهم اطفال لا يضيعون و نبتلش ،
عبدالرحمن هز راسه بـ اي وهو يشوف ابوه مشى طلع و التفت لامه : وينها امال! مو قلت لها تجي وين راحت ؟
ام صقر : خلها ياولدي مو هنا هي راحت عند اختها ،
عبدالرحمن سكت و رفع نظره وهو يشوف مارلين تصارخ باسمها : اماللل تعالي ساعدا انا ،
ام صقر سكتت وهي تنزل راسها ،
عبدالرحمن : حلو بيوم و ليله علمتك الكذب صرتي زيها! سكت وهو يقوم و يتوجه يدخل المطبخ ، امال ركضت وهي تمسك الملعقه بيدها : اي مارلين وش بعد اسوي؟
عبدالرحمن : لا تسوين شي الحقيني بسرعه ،
امال التفتت : اوف مشغوله ما بقى شي و ياذن!
عبدالرحمن سكت وهو يدخل بحده وناظر فيها ،
امال : لاااا تجييي ريحة المقلي يطبع بثوبك ،
ما رد عليها وهو يسحبها من يدها : تبين اسحبك كذا قدام امي! لين غرفتنا! عشان كذا تعالي بادب ولا والله... قاطعتها امال وهمست : خلاص بجي والله بجي روح انت ،
عبدالرحمن هز راسه وتوجه وهو يطلع من الجناح ،
التفتت لمارلين : كلههه منكككك حيوانه ما تعرفين تستكين!
مارلين : شفي سوي انا !
امال ما ردت وهي تطلع وناظرت لـ ام صقر الي كانت تضحك ومشت وهي تسحب عبايتها وتوجهت للجناح دخلت وناظرت فيه كان واقف يعدل شعره بيده والتفت عليها ،
امال تركت العبايه : بروح اتروش قبل ياذن ،
مسكها من ذراعها ونطق : ...

مسكها من ذراعها ونطق : ما تعرفين تمسكين لسانك انتي!
امال بهدوء : انت ما علمتني انها ما علمتها شعرفني انا ،
عبدالرحمن بحده : لسانك يبي له قص حتى لو ما علمتك! ليه تجيبين طاريه مو قلتلك هي متضايقه وتروحين تزيدين عليها!
امال سكتت وهي تطالع فيه : ما دريت ،
عبدالرحمن ترك يدها ونطق : انقلعي الحين ،
امال انصدمت وناظرت : انقلع !
عبدالرحمن رفع نظره لها : اي انقلعي تفضلي ما ودي اخرب لساني وانا صايم لا تخليني افطر عليكِ ،
امال سكتت وصدت ومشت : بكلم ماجد يجي ياخذني ،
التفت عليها : لا اشوفك تخطين خطوه من هالباب مفهوم!
امال بقهر : بتصل على بابا و اقوله انك..سكتت من قاطعه وهو ونطق : اي كلميه اتصلي عليه وانا بعد اقوله بدال الخروف ي عمي قص لسان بنتك افضل ،
امال بقهر : انا شعرفني ما كنت ادري انها ما تدري وبعد..سكتت وهي تشوفه رفع اصبعه : انكتمي ،
ناظرت فيه بقهر : عبدالرحمن!!!!
عبدالرحمن التفت ونطق : امالللل!!!
سكتت وصدت عنه وهي تجلس على السرير بهدوء ،
عبدالرحمن توجه وهو يفسخ ثوبه : طلعي لي ثوب ثاني ،
امال : ربي اكرم بني ادم بيدين بدال يد واحد لاجل ما يكون بحاجة احد روح طلع بنفسك ،
عبدالرحمن التفت عليها : و اكرم بني ادم بلسان لاجل يذكر ربه مو يروح يتلقف ، وصد وهو يتوجه يطلع له ثوب ،
امال : اي زي ما اكرم البني ادم بعقل و ميزه عن الحمار لكن مين يفهم هذا انا تزوجت من واحد ربي اكرمه بالعقل لكن الحمار حمار ، كان واقف يقفل ازارير ثوبه انصدم من كلامها والتفت عليها : انا حمار!
ناظرت فيه بربكه وهمست : اذا تشوف نفسك المقصود بكيفك انا تكلمت بشكل عام ،
عبدالرحمن توجه لها وهو يسحبها من يدها و وقفها وناظر فيها ونطق : يلا قفلي ازارير الحمار و اخدميه ،
امال ناظرت فيه بهدوء وهمست : رحم الله امراً عرف قدر نفسه، سكت بهدوء وهو يطالع : طيب ي بقره اخلصي ،
ما قدرت تمسك نفسها وضحكت وهي تمسك خصرها ونطقت : استغفرالله ياربي هذا وحنا صايمين ،
عبدالرحمن ابتسم من ضحكتها : خليني افطر بس ويصير خير،
سكتت وهي تقوم وتقفل ازارير ثوبه : يعني بخاف؟
ناظر فيها ونطق : ودك افطر عليكِ طيب!
سكتت وناظرت وهي مبتسمه : الحين بسالك دحيم ،
سكت وناظر فيها : اسالي ،
ابتسمت وهمست : ما قدرت تعصب علي صح؟
ضحك ونطق : اي ما قدرت مسكت نفسي لاني صايم ولا انتي تعرفين وش كان بامكاني اسوي ،
امال : ليه وش كنت بتسوي يعني ؟
سكت وهو يمسح على لحيته : تعرفين بعدين ، وصد وتوجه وهو يسحب مفاتيحه من الطاوله : رايح انا و..سكت من سمع صوت الباب ومشى فتحه وناظر : وش جابك؟
صقر مد له جوري..
صقر مد له جوري : خلي زوجتك تهتم فيها اختها تقول ،
عبدالرحمن : اييي بدينا هالحركات يعني ، ومد يده وهو ياخذ جوري منه والتفت ناظر لعساف الي ركض لهم وهو يطالع ،
عبدالرحمن : اي تفضل انت بعد زوجتي فاتحه حضانه ،
عساف توجه بيدخل لكن مسكه عبدالرحمن : صدقت!
عساف بصراخ : خلينيييي ،
امال سمعت و ابتسمت : عساف تعال ،
عبدالرحمن سمع صوتها وناظر لصقر الي كان واقف ومشى والتفت عليها : ما تعرفين تنكتمين ؟
امال فزت : اووووه جوري ، ومشت وهي تاخذه ،
عبدالرحمن سحب جوري له : ابعدي ابعدي طفله تهتم بطفله،
عساف توجه لامال : خالتي ،
امال ابتسمت : ي عيوني انت ،
عبدالرحمن رفع نظره والتفت لجوري : بقلبي انتي ،
امال ضحكت وهي تبوس عساف : تحبني؟
عبدالرحمن ناظر فيهم والتفت لجوري وهو يبوسها ،
جوري انزعجت من لحيته وبكت وهي تمد يدها لامال ،
امال بضحكه : شف حتى هي ما تحبك ،
عبدالرحمن ناظر لعساف الي نطق : اي احبك ،
ونطق بحده : انقلع لابوك ،
عساف هز راسه بالنفي وهو يمسك فستان امال ،
عبدالرحمن : شف شف اترك زوجتي! لا تقرب ،
عساف : زوجتي انا مو انت ،
عبدالرحمن : الله اكبر ي بني ادم توك تقولها خالتي!
امال ضحكت وهي تشيل جوري ،
-
عمر كان يسوق بهدوء و هديل جنبه حاطه يدها على بطنها عمر مد يده يمسك يدها لكن هديل سحبت يدها وهي تغطي يدينها بـ كُم العبايه وتناظر من شباك السياره ، عمر تنهد بضيق وسكت وهو متوجه لبيت عمير ،
-
غلا ابتسمت وهي بالمطار رفعت نظرها وهي تشوف اخوها و ركضت وهي تحضنه : محسنننن،
محسن ضحك وهو يشد عليها : اشتقنا ي حيوانه،
غلا بضحكه : اوف أخيرًا جيت تمنيت لو عيد الفطر بسرعه خذني بشوف بابا و زوجتك بشوف البيبي ،
محسن ضحك بخفه ونطق : تعالي يلا ،
-
ماجد بهدوء : معرف اذا كان في نصيب اشوفك في الصباح ولا لا ،
ريما سكتت بهدوء ونطقت : وانت بخير ، وتوجهت طلعت رفعت راسها وهي تشوف مشعل و نجلاء واقفين يولعون الطراطيع وعبدالله واقف يصارخ وخايف ويبكي : ماماااااا ،
ريما بصدمه : ياربي ي نجلاء قلنا زوجوهم يعقلون وانتم عيالكم داخل يبكون وهنا تلعبون!
-
ملاذ ابتسمت انه صقر اخذ جوري لامال و توجهت وهي تسوي حواجبها و تتجهز واخذت جوالها تشوف نجلاء راسله مقاطع لها وهم يولعون الطراطيع ضحكت بخفه وهي تشوف وكملت تتجهز ،
-
سُلاف ناظرت لـ مارلين الي ما جت كانت مشغوله ومشت وهي تكوي شماغ سلطان وثوب عساف بعد دقايق خلصت وتوجهت وهي تحط ماسك على وجهها ومشت جلست وهي ترسل لسلطان وينه في ،
-
امال كانت تضحك وهي تشوف عساف وعبدالرحمن يتهاوشون وهمست : ..

= صباح العيد سـ ٤ =
-
نجلاء جلست وهي تلبس الشراب لنايف: ياويلك تفسخهممم ،
مشعل كان واقف يعدل شماغه : وين مفتاح سيارتي؟
نجلاء رفعت كتوفها : معرف والله تلقى نايف رماهم تحت السرير ، فجاه دخلت ريما وهي شايله جوري كانت لابسه زي الجنوبي مشعل التفت وضحك وهو يناظر ومشى وهو ياخذها من ريما وقرب يبوسها بقوه : هذييي بنتت ابوهااا ،
نجلاء رفعت نظرها وضحكت بخفه ،
ريما : مشعل بنمشي معك؟
مشعل هز راسه بالنفي : لا اسمعي شفتي المسجد الي ع يسار؟ لا تروحون هناك روحي الي ع يمينكم اقرب حنا نروح نصلي في المدينة والدنيا زحمه انتم روحوا المسجد ،
نجلاء هزت راسها بـ اي ونطقت : ريما خذي نايف بتجهز ،
ريما ابتسمت ومشت لها وهي تاخذ نايف من نجلاء ،
-
ماجد كان لابس شماغه و نزل طلع برا وبيده مفاتيح السياره،
فهد طلع و رفع نظره : هاه وينهم العيال يوسف قاعد ينتظرنا،
ماجد بصراخ : مشعللل ناصرررر ،
مشعل طلع ونزل وراه ناصر و توجهوا كلهم ركبوا بسياره وحده،
ماجد كان يسوق ونطق : اولااااه يالزحمه ،
مشعل : قولي ل عمي يوسف لا ياخذون سياره نروح بسياره وحده لانه مستحيل نلقى موقف الا بطلعة روح ،
ناصر : تاخرنا اخلصوا بسرعه ،
-
امال لبست فستانها لونه رمادي وماسك وتوجهت وهي تفتح شعرها وناظرت و ابتسمت وهي تشوف مكياجها وعقدت حواجبها وهي تشوف عبدالرحمن للحين ما جاء تنهدت ومشت وهي تجلس اخذت جوالها وهي تتصل على نجلاء ،
نجلاء : بنت امالوه تجون عندنا ونروح المسجد صح؟
امال : والله محد موجود كلهم طلعوا مدري وين ،
نجلاء باستغراب : زوجك وينه؟
امال : والله مدري خليني اتصل اشوف ، قفلت من نجلاء وهي تتصل عليه توجهت فتحت الشباك وهي تسمع تكبيرات العيد،
فجاه انفتح الباب و دخل عبدالرحمن وهو مستعجل وتوجه وهو ياخذ شماغه ونطق : اسف قلبي تاخرت والله ،
امال التفتت عليه عبدالرحمن ناظر فيها من التفتت و ابتسم وهو يشوفها ونطق : كل عام وانتي العيد وانا السعيد به ينعاد قربك علي و قربك مبارك ولا تلومين من شافك وباله سرح
انتي قصيده جميله محدٍ قالها .،توجهت له وهي مبتسمه ومدت يدها تعدل عقاله ونطقت : كل عام وانت بين قلبي و دارك ياللي عليك الحُب والعيد ينعاد ،
ابتسم ابتسامه جانبيه ونطق : تدرين وش اللي غير شوفتك مطلوب؟ ضمّتك صباح العيد والناس لاهين ،
وقرب منها وهو يسحبها لحضنه و يضمها ،
-
سُلاف كانت واقفه و لابسها فستانها والكعب و عساف واقف وهي تلبسها البشت ونطقت : روح بابا يعدل لك الشماغ ،
سلطان كان واقف يقفل ازارير ثوبه والتفت عليها و ابتسم ،
عساف توجه له سلطان جلس..

عساف توجه له سلطان جلس ع ركبته يعدل له شماغه وناظر فيه ونطق : روح لـ عمك عبدالرحمن قل له من العايدين ،
عساف هز راسه بـ اي وهو حاط يده على شماغه لا يطيح و ركض طلع متوجه لجناح عبدالرحمن ومشى يدق الباب ،
سلطان رفع نظره لسُلاف : والله ان العيد شوفتك وطلة محياكِ ، سُلاف ابتسمت بخفه : كل عام وانا احبك ،
سلطان ضحك وهمس : وانا في كل عام اموت فيكِ اكثر ،
-
ملاذ ابتسمت وهي تشوف جوري لابسه فستانها و تتمسك في السرير وتقوم توقف و رفعت نظرها وهي تشوف صقر طلع والمنشفه ع كتفه وتوجه وهو يسحب ثوبه و يلبسه والتفت على ملاذ ناظر فيها و ابتسم وهو يشوفها لابسه فستان اسود و جوري بعد لابسه فستان اسود ونطق : وصار عندي طقم فناجيل والله ، وضحك ومشى وهو يلبس شماغه ،
ملاذ توجهت له وهي تاخذ من العطر و تعطره ،
ناظر فيها ونطق : ما بقول عيد سعيد لانه ايامي بوجودك كله عيد و سعيد وجودك معي كل يوم عيد ،
ملاذ ابتسمت بخفه وهي تناظر فيه ،
-
عبدالرحمن التفت ع صوت الباب ومشى وهو يفتح الباب وناظر فيه : وش تبي ي هادم اللحظات السعيدة ،
عساف : من العايدين ،
عبدالرحمن : والله بالجزمه انت و ابوك مابوه الا لحم تبغى؟
امال ضحكت وهي تسمع و توجهت له : عسافف ، ابتسمت وهي تشوفه بالشماغ ونطقت : ياحلوك ،
عبدالرحمن ناظر فيها : قلبي امدحيني انا بس ،
عساف كرر كلامه : قلبي امدحيني انا بس،
عبدالرحمن ضحك و التفت عليه : ما ربوك اهلك؟
امال ضحكت ونطقت : تعال انا بعطيك عيديه ،
عساف دخل وهو يمسك يدها ، عبدالرحمن ناظر فيها امال قربت ومدت يدها لجيبه وهي تطلع الفلوس : حلالي اكيد ،
عبدالرحمن ابتسم بخفه وسكت ، امال مدت لـ عساف ،
عساف : حق ماما وبابا و جوري ،
عبدالرحمن : شف الطماع ما صدق ع الله انقلع لابوك بس،
عساف ناظر فيه : انت انقلع ،
عبدالرحمن انصدم وناظر ومد يده يمسكه من اذنه : شقلت؟
عساف بصراخ : بابااااا،
امال دفته : حرام عليك اتركه شف خربت له شماغه،
صقر طلع وسلطان طلعوا وهم يصارخون : عبدالرحمنننن،
عبدالرحمن سمع صراخهم ونطق : روحي مع امي والبنات انا رايح مع ابوك و اخوانك اصلي في المدينة،
امال ابتسمت وهزت راسها بـ اي،
-
عمر كان جالس في الطياره بعد ما اتصل عليه سلطان و اقنعه يجي هديل كانت جالسه جنبه و راسها على شباك الطياره،
عمر بهدوء : ما قلتي لي كل عام وانت بخير؟ لكن عذرك معك يا جعل عيدك مبارك وكل عام وانتي بخاطري ولو انك زعلانه،
هديل بهدوء : مو زعلانه ،
عمر : طيب ليه مانتي زي قبل؟
هديل رفعت نظرها : لو تكسر كاسه ما تقدر ترجع تصلحه من جديد ولو صلحته ما يرجع نفس ما كان،

عمر اخذ نفس وسكت بهدوء : ادري غلطت بحقك بس انا اسف ارجعي لي ي هديل ابي هديلي الي كانت تحبني رغم كل افعالي و اغلاطي ابيها ابي ترجع لي ،
هديل رفعت نظره ونطقت : عمر لا تتكلم كذا لا تكسر خاطري اكثر من كذا انا جيت معك و اتركني زي ما انا ،
عمر مد يده وهو يمسك يدينها : انا ابيكِ ي هديل ابيكِ زي ما كنتي علميني عن مسلسلاتك علميني عن سوالفك ،
هديل رفعت نظره له : من ذيك الليله ماعاد اعرف مسلسلات ،
عمر سكت بهدوء وهو يطلع جواله : نتابع ع بال ما نوصل؟
هديل ضحكت بخفه وهمست : ليه تسوي كذا؟
عمر : لاني ابيكِ تكفين هديل ،
هديل سكتت بهدوء وهي تتمسك بيده و تشد عليه و تحط راسها على كتفه بصمت ، عمر ضحك بخفه وهو يشغل مسلسل وجلسوا يتابعون ونطق : ودك بـ شبس عمان؟
هديل ضحكت وهزت راسها بالنفي ،
-
= الكل تجمعوا في الشاليه بعد صلاة العيد =
كان الباب كله مفتوح والرجال كلهم واقفين عمانهم و اقاربهم ،
كلهم كانوا لابسين شماغ وثوب و الاطفال يركضون و يلعبون و لابسين فساتين والرجال يسلمون على بعض ،
عبدالرحمن ابتسم : تقبل الله صالح الاعمال منا ومنكم ،
سلطان مشى وهو يحضن صقر : كل عام وانت بخير ،
عبدالرحمن ضحك : ولا كانكم متهاوشين ع سراويل ،
صقر ضحك ونطق : لا تفشلنا ي رجال ومشى وهو يحضنه ،
والكل يحضنون و يسلمون ،
-
ريما كانت لابسه فستان فوشي و تبخر والحريم كلهم يسلمون على بعض : كل عام وانتي بخير ،
امال كانت مبتسمه واقفه وماسكه جوري و تسلم ،
نجلاء كانت جالسه تناظر بـ جوري الي بيدها حلاوه ،
كلهم كانوا جالسين لابسين فساتين و كعب و زحمه ،
ريما اشرت لامال : تعالي تعالي ،
امال عقدت حواجبها و لحقت : شصاير ؟
ريما بضحكه : شوفي الحين يذبحون الخروف ،
امال ضحكت وهي تناظر بـ عبدالرحمن الي كان يرفع ثوبه ،
ونطقت : يارب ما يلمسه ياويلي المنظر ،
ريما كانت تناظر بـ ماجد و مبتسمه وهي تشوفه ،
مشعل كان شايل نايف الي يبكي و لابس ثوب ،
ناصر : جيبوه نذبحه اصغر خروف ،
-
دلال كانت واقفه تضحك وهي تشوف سعود الي بيده قدر اللحم وتوجه دخل المطبخ ونطق : اطبخيهم ي يمه ،
دلال : والله هنا مافي حماس العيد ،
سعود : والله كان بخاطري اخذك لاهلك بس مافي تذاكر ،
جنان : تعودي حياتي كل عيدنا كذا تعودنا ،
-
عمر وهديل وصلوا عمر ماسك الشناط و راح لنفس الفندق و اخذ له جناح و دخل وهديل دخلت معه كان ناوي يصدم امه محد يعرف بشيء غير سلطان توجه وناظر : روحي اجلسي ارتاحي وانا اجيب اكل ودك بـ لحم نعيش اجواء العيد؟
هديل كانت بـ ترد لكن فجاه رن جوال عمر اخذه و رد : وصلت وصلت ابشرك ،

هديل كانت بـ ترد لكن فجاه رن جوال عمر اخذه و رد : وصلت وصلت ابشرك ،
سلطان ابتسم : الحمدلله على سلامتك وسلامة ام عيسى ،
عمر ابتسم بخفه ونطق : الله يسلمك يارب طالع اجيب اكل ،
سلطان : اهجد بمكانك بس يجهزون اللحم اجيب لك ،
عمر سكت لثواني ونطق : انتظرك اجل ،
سلطان ابتسم وهمس : ماراح تتاخر هذا هُم يذبحون قدامي و الحريم يطبخون ولا نشوف اقرب مكان بس ماعليك بيجيك جاهز احلى لحم يلا انتظر ، وقفل منه وهو يناظر ،
عمر التفت لـ هديل وتوجه وهو يجلس : اخذ لي شاور ،
هديل كانت منسدحه بتعب وهزت راسها بـ اي ،
عمر توجه دخل الحمام ، هديل اخذت جوالها وهي تتصل على سوميه ابتسمت من شافتها ردت على طول ، كانت طالعه مع عمير يتمشون وهمست : وصلتييي؟؟؟
هديل بضحكه : اي وصلت وانتم في عز الشمس وش تسون؟
سوميه : والله طفشنا من البيت لبست فستاني و تجهزت و رحت لبابا و تطمنت و رجعت غيرت وطلعنا نغير جو ،
-
خاله مُزنه بصدمه : مريم؟؟
ام نجلاء : اي مريم يختي والله انها تعجبني وودي تصير زوجة ولدي ناصر هو ناصر زي عيالي وانتي تعرفين ،
خاله مُزنه بهدوء : عطوني وقت افكر و ارد لكم ان شاء الله ،
ام نجلاء التفتت وهي تشوف مريم ،
مريم بضحكه : انا و جوري و ملاذ كلنا اسود تطقمنا الظاهر ،
امال : اوف مصدعه ي بنات تكفون احد معها حبوب الصداع؟
ريما : لا والله ما معي غير حلويات ،
امال : خليهم لماجد مابي حلوياتك ،
مريم : بنات تعالوا شوفوا من الشباك كيف يذبحون ،
امال : والله شفت و صدعت منهم ،
مريم : امالوه زوجك بعد معاهم شوفي كيف يذبح ،
امال ضحكت بخفه : شفته الحيوان ،
-
الجد سُليمان كان واقف يطالع وهو يتذكر الجد عبدالعزيز اخذ نفس ونطق : عيدي بدونك وانت في جوار ربك رحمك الله ي عبدالعزيز رحمه تجيرك من النار وتدخلك الجنه عيدك بالجنه افضل كل عام و قبرك نعيم ، و رفع نظره وهو يطالع بهدوء،
ناصر ناظر لـ عساف الي كان يركض و بيدينه الفلوس ومشى له ونطق : عساف تعال تعال اوريك شي ،
عساف ركض له وعبدالله معه و وقفوا ،
ناظر ناظر بيدينه مية ريال وطلع خمسين ريال من جيبه وناظر فيه : شف هذا لونه احلا عطني الي عندك واعطيك هذا ،
عبدالله : عساف لا هذا يجيب لك حلاوه كثير وه..سكت من دفه ناصر ونطق : انقلع لا اخلي ماجد يجلدك ،
عساف كان ساكت يطالع ويطالع بالميه الي بيده ومده له ،
ناصر ضحك وهو يطلع الخمسين : هذا لونه احلا اكثر صح؟
عساف هز راسه بـ اي ، ناصر ضحك وعطاه له ،
عبدالله ركض لسلطان وهو يعلمه ،
سلطان رفع نظره لناصر : لعبت على ولدي يالخسيس ،
ناصر ضحك وهو يحط الفلوس بجيبه : حلالي،

= الساعه ٩ بعد ما اكلوا خلصوا =
-
امال : نروح البر؟؟؟ اكيد هذي خُطه زوجك ،
نجلاء بضحكه : للاسف مقدر اقول لا ،
ام مشعل رفعت نظرها : تعالي راح تستانسين كلنا نروح ،
امال : اوف اخاف كل عبايتي تصير تراب والكشخه ،
نجلاء : حياتي ماعليكِ امشي في مخيم هناك ،
ريما : تعالي عاد حنا تعودنا كل ما زانت الجلسه رحنا ،
مريم كانت تلبس عبايتها : بمشي اول وحده ،
ام صقر بهدوء : مصدعه انا اروح ارتاح روحوا انتم ،
خاله مُزنه : بمشي معكِ انا ،
ام صقر : لا لا روحي تجين شتسوين انا اروح انام ،
امال : طيب خالتي بمشي معكِ انا ،
ام صقر : لا ي بنتي روحي استانسي ،
امال هزت راسها بالنفي : بمشي معكِ عبدالرحمن ماراح يرضى تروحين لوحدك وانا كمان مصدعه و ميته نوم ،
-
عبدالرحمن بصدمه : بذمتك جااااء!!!!!
سلطان : والله عشان كذا قلت لامي انا اخذك للفندق ،
عبدالرحمن بضحكه : عشان كذا طلعت واخذت معك الاكل؟
سلطان : اي كلمته قلتله اجيب لك ،
صقر مشى لهم : شصاير ؟
عبدالرحمن ابتسم : عمر رجععع ي صقر رجععع عمر مع زوجته بعد و بنفس الفندق جالسين ناخذ امي الحين ،
صقر بصدمه : احلف!
سلطان : والله شفيكم مو مصدقين ،
فهد مشى مع الجد ويوسف للبر ، ،
مشعل كان ينتظر البنات اخذهم كلهم في سيارته ،
وماجد اخذ الامهات بسيارته و توجهوا للبر ،
عبدالرحمن مشى وهو ينتظر امال كلمته انها تمشي معه للبيت، ومشت وهي تركب معه ، ام صقر توجهت مع سلطان،
عبدالرحمن حرك سيارته وهو يلبس الحزام : شفيكِ بقلبي من ايش مصدعه لا يكون ما اكلتي ترا زوجك الي ذبح ،
امال بضحكه : الا الا اكلت و شفتك بعد ،
عبدالرحمن : اكيد كان لذيذ صح؟
امال ضحكت بخفه وهزت راسها بـ اي ،
-
عمر ابتسم من شاف رسالة سلطان انهم جاين ،
و رفع نظره وهو يشوف هديل تتجهز و فستانها على السرير وقف وهو ياخذ شماغه : امي بالطريق ،
هديل ابتسمت بخفه : بلبس فستاني ومشت تلبس ،
عمر لبس شماغه و عدله و رفع نظره وهو يشوف هديل طلعت وهي لابسه الفستان توجه لها و ابتسم وهو يسحبها له ،
-
وصلوا للبر و نزلوا كلهم عبدالله وعساف كانوا يركضون ورا الاطفال نجلاء ضحكت وهي تحط نايف و جوري ع تراب ،
ريما : الحين يبلعون تراب على راحتهم ،
نجلاء : لا تكفين انتبهي لهم ،
-
ماجد ومشعل و ناصر توجهوا عند النياق ،
ناصر : شف شف فمه نسخ لصق من ياسر ،
ماجد بضحكه : اتصل عليه بالله نشوف اخباره ،
مشعل : ننام الليله هنا شرايكم؟
ماجد : منجدك ناوي ياكلونا الناموس ونموت حر ،
مشعل : ليته شتاء بس كان جاء احلا نومه.

امال شهقت بصدمه : هديلللل رجعتتتت؟؟؟
عبدالرحمن ضحك ونطق : اي رجعت معه بالفندق ،
امال كانت مصدومه تناظر ، عبدالرحمن وقف سيارته والتفت وهو يشوف سلطان الي وقف سيارته بعد ونزل مع امه ،
عبدالرحمن ناظر لامال : تعالي ادخلي ، و توجهوا دخلوا امال مشت للجناح عبدالرحمن مشى وهو يدق الباب ،
عمر بعد عن هديل ونطق : خليكِ هنا ، ومشى وهو يفتح الباب وناظر لعبدالرحمن ضحك وهو يقرب يحضنه بقوه ،
عبدالرحمن ابتسم وهو يشد عليه و مبتسم : اشتقت اشتقت،
عمر ابتسم وناظر فيه : كل عام وانت بخير ،
عبدالرحمن : والله عيدي ما اكتمل الا فيك و بوجودك ،
عمر ابتسم بخفه وتجمد بمكانه من سمع صوت امه ،
ام صقر : الغرفه هنا ياولدي وين ماخذني انت؟
سلطان : غيرنا ي يمه تعالي.
ام صقر : ي حسرتي اغراضي طلعتهم؟ سلطان سكت وهو يقف جنب جناح عمر ، ام صقر عقدت حواجبها و تجمدت بمكانها وهي تشوف عمر الي طلع ونطق : كل عام وانتي جنتي ،
ام صقر شهقت وهي تحط يدها على قلبها : عمررر عمرررر ،
عمر ضحك بخفه و ركض وهو يجلس يبوس رجولها ،
ام صقر رفعته وهي تبكي وحضنته بقوه وهي تبكي و تبوس كتفه : ي امي انت ي امي انت ، سكتت وهي تبكي ،
عمر لمع عيونه بدموع وهمس : يمه لا تبكين تكفين ، قرب وهو يبوس كتفها مسك يدينها وهو يبوسهم : تكفين يمه!
ام صقر رجعت حضنته وهي تبكي وتحضنه ،
صقر دخل الفندق بالغصب جاب ابوه معه وكذب عليه انه امه تعبانه ، يوسف دخل وهو خايف و متوتر ،
صقر : ع يسار ي يبه غيرنا الغرفه ، يوسف سكت بهدوء وهو يدخل و انصدم ووقف وهو يشوف عمر وشد ع يده وهو يناظر بصدمه ، عمر بعد عن امه وهو يطالع بـ ابوه بصمت ،
صقر كان واقف ورا و اشر له بمعنى احضنه ،
عمر اخذ نفس و ركض وهو يحضنه ويبوس جبينه ونطق بهدوء : اسف ي يبه اسف ،
يوسف بهدوء : زوجتك موجوده!
عمر بعد عنه و ابتسم وهز راسه : موجوده وعيسى بالطريق،
يوسف لا شعوريًا ابتسم وقرب حضنه بقوه ، عمر ارتمى بحضنه وهو يشد عليه ، هديل رفعت نظرها وهي تشوف ام صقر ،
و امال معها عبدالرحمن كلمها روحي لزوجة عمر ،
هديل مشت وهي تحضن ام صقر : كيفك خالتي؟
ام صقر قربت وحضنتها بقوه : انتي كيفك ي بنتي ،
امال كانت مبتسمه : وربي مبسوطه أخيرًا اكتمل عيدنا ، هديل ابتسمت وهي تقرب تحضنها ،
امال شدت عليها : اشتقت لك والله ،
هديل ناظرت لـ ام صقر : والله اشتقت لكم كلكم،
دخل يوسف ونطق : السلام عليكم ،
هديل فزت و ابتسمت ومشت له : وعليكم السلام ي عمي ومشت تسلم عليه ،
عبدالرحمن ضحك وهو يرجع يحضنه : أخيرًا ،
صقر : ما بغينا ي ابو عيسى ،
عمر ضحك بخفه وهو يحضنهم ،

= بعد مرور ٨ اشهر تحديدًا في القصيم =
-
امال كانت جالسه على السرير وتتصل على نجلاء و متوتره،
نجلاء دخلت الغرفه وهي تشوف نايف وجوجو يتهاوشون على جوال مشت سحبتها منهم وهي ترد : هلا امالوه،
نايف كان يصارخ يبكي يبغى الجوال،
مشعل طلع من الحمام وهو ينشف شعره : ولد اسكتتت،
نايف التفت ع مشعل وسكت بهدوء و رفع يدينه له،
مشعل ضحك ومشى وهو يشيله وناظر لجوهره الي تناظر فيهم مد يده الثاني وهو يشيلها و يرميهم على السرير،
نجلاء مشت طلعت و ردت : بسم الله شفيكِ؟
امال : خايفه ي نجلاء والله مدري شفيني،
نجلاء بصدمه : للحين ما رحتي المستشفى!
امال : لا متوتره ومتردده كنت بكلم مريم ولا ملاذ بس معرف،
نجلاء : ي حيوانه روحي نفس الاعراض صارت لي وانا متاكده انك حامل كلمي ملاذ و روحي معه،
امال : واذا يعصب يقول ليه ما رحتي معي وليه ما كلمتيني!
نجلاء : لما يروح دوامه وقته روحي ماراح يعرف اذا جاء اصدميه لا تعطينه مجال يسال حتى،
امال ابتسمت بخفه : تمام بكلم ملاذ و اشوف،
نجلاء : تمام وعطيني خبر شيصير وانا تعبوني هالاثنين،
-
ماجد دخل الغرفه وهو يقفل الباب رفع نظره وهو يشوف ريما تسولف ع جوال وتضحك توجه بهدوء حط مفاتيحه ومشى وهو ينسدح بثوبه ، ريما عقدت حواجبها وقفلت الخط كانت تكلم مريم وهمست : ماجد وشفيك؟
ماجد : ولاشي ياروح ماجد بس مصدع،
ربما مدت يدها وهي تسوي له مساج : ايش اسوي لك تشرب؟
ماجد هز راسه بالنفي : ولاشي الحين يتصلون من الدوام وبمشي جيت اشوفك و ارتاح شوي جنبك،
ريما بهدوء : اذا تعبان لا تروح الدوام،
ماجد رفع نظره لها : دامك جنبي ماني تعبان،
ريما ابتسمت ونطقت : تخيل ماجد طلبت من المصوره صور زواجنا و اخترت اللبوم والحين تطلب سعر كليتي!
ماجد بضحكه : عطيها كليتي يفداكِ ، بس ليه كم طلبت؟
ريما : تقول الف سلامات والله لو انه صور من الجنه.
ماجد ضحك وهو يمد يده لجيبه وطلع لها : خذي ،
ريما : لا خير اعطيها الف والله تخسي خليها تعلق الصور بجدران بيتها بالعرس عطيتها والحين ع اللبوم تبي الف!
-
ناصر دخل وهو مقفل يدينه : غمضي عيونك بسرعه،
مريم كانت تسوي اظافرها ونطقت : ما بغمض قل شتبي!
ناصر : يليل اخلصي بسرعه انتي و براطمك ذا.
مريم : كل تبن ماراح اغمض تحسب تمشيني ع كلامك،
ناصر طلع يده وبيده صرصور ميت رماه عليها وهو يضحك،
مريم فزت بخوف وهي توقف ع سرير : ناصرررر شيلههه،
ناصر : اشيله؟ تمشيني على كلامك ؟
مريم بخوف : ناصررر شيله ولا والله راح اخلعك و افتك،
ناصر : اي نسينا مين الي ما صدقت ع الله اني خطبتها علطول وافقت حتى ما فكرت اعترفي لو ما خطبتك كان..
مريم بخوف : ناصررر شيله ولا والله راح اخلعك و افتك ،
ناصر : اي نسينا مين الي ما صدقت ع الله اني خطبتها علطول وافقت حتى ما فكرت اعترفي لو ما خطبتك كان جيتي خطبتيني بنفسك واضح عينك علي من ايام اسطنبول ،
مريم : يع على ايش واثق من نفسك؟ قرد و واثق لهدرجه والله اني اخطب واحد شايب كل اسنانه مكسور ولا اخطبك ،
ناصر ضحك : اجل شيليه بنفسك ،
مريم بصراخ : ناصررررر شيلههه !!!
ناصر : راح تنامين جنبي اذا شلته!
مريم بقهر : اوففف اي خلاص اخلص شيله ،
ناصر : ما اصدقك احلفي!
مريم : والله يخي والله شيله يلا ،
-
سلطان كان مبتسم وهو يطالع بـ سيلين سُلاف ولدت ،
وناظر لـ عساف : ياويلك لو سمعت من امك انك ضربتها ،
عساف : هي تبكي تزعجني ،
سلطان : خلها تبكي و تزعجك لا تضربها فاهم!
سُلاف : حتى بغى يشيلها كل مره يحاول يشيلها ،
سلطان : عساف بابا راح اضربك لو تقرب من سيلين ،
عساف ميل شفايفه بزعل وهو يقوم من السرير وتوجه وهو يرمي نفسه على الارض ويبكي : ما تحبون تحبون سيلين.
سلطان انصدم ونطق : عساف!
سُلاف تنهدت بضيق : هذا الي كنت خايفه منه ،
سلطان ترك سيلين من يدها وتوجه لعساف وهو يشيله وناظر فيه : بابا عساف احبك انتي و اختك احبكم الاثنين ترضى ني تضربك؟ لا صح؟ حتى انت لا تضربها لو هي ضربتك تعال كلمني راح اصارخ عليها انا تمام؟
-
عمر كان مبتسم وجالس عند الشباك و اللوحه قدامه ويرسم ،
هديل كانت واقفه وحاطه يدينها على كتفه وهي تشوفه يرسمها وهمست : متى تعلمت الرسم؟
عمر ابتسم بخفه : من زمان كنت فنان قبل ،
هديل كانت بـ اتكلم لكن التفتت وهي تشوف عيسى صح من النوم وبدا يبكي توجهت وهي تشيله : ي عيون ماما جايه ،
توجهت وهي تشيله ، عمر التفت وهو يترك كل شي من يده ومشى وقرب اخذها منه وهو يبوسه : شفيك ي بابا؟
عيسى سكت وهو يطالع فيه بصمت ،
هديل بضحكه : الولد يصحى من النوم يستوعب متاخر ،
ومشت وهي تسوي له رضاعه ، عمر كان يبوسه كل شوي ،
-
ملاذ كانت منسدحه وهي تشوف جوري يركض و صقر يركض وراها و يلعبون وناظرت لرسالة امال : متى طيب؟
امال : كلمت ماما ترسل السواق تكفين دبري وتعالي معي ،
ملاذ شافت رسالتها وكتبت : تمام بس صقر ينام اقوله اني بنزل عندك و اسهر و اروح معكِ ،
امال : تمام انتظرك تكفين اخلصي قبل دحيم يرجع من الدوام،
ملاذ : تمام لا تخافين انتي ، و رفعت نظرها وهي تشوف جوري تضحك صقر سحب جوري وهو يجلسها بحضنها : خلاص تعبتيني خليني انام ،
-
امال كانت متوتره وبيدها الشاهي تشرب توجهت عند الشباك وهي تناظر : يارب يارب يتاخر ، ومشت وهي تجهز عبايتها ،
عبدالرحمن تنهد بتعب وهو يترك كل الاوراق من يده و رفع نظره من دخل ابوه : خلصت ولا باقي ؟
عبدالرحمن : لا والله باقي ي يبه ما خلصت ،
يوسف : انا رايح للبيت اذا خلصت ارسلهم على الايميل ،
عبدالرحمن هز راسه : ان شاء الله يبه ابشر ،
يوسف توجه طلع من الشركه ، عبدالرحمن رفع نظره وهو ياخذ جواله ناظر انها ما رسلت شي وترك جواله وهو ياخذ الاوراق ويكمل شغله ،
-
صقر بهدوء : طفي اللمبه وخلي جوري تنام عندي ،
ملاذ هزت راسها بـ اي وهي لابسه عبايتها ، وطفت الضوء وتوجهت طلعت نزلت تحت عند امال ومشت تدق الباب ،
امال ركضت فتحت الباب بخوف ارتاحت من شافت انها ملاذ،
و ركضت تلبس عبايتها : اوف زين جيتي ، و لبست عبايتها على السريع وطلعت معه وهي تقفل الباب : السواق تحت ينتظرنا،
و نزلوا و توجهوا ركبوا متوجهين للمستشفى ،
بعد عدة دقايق وصلوا امال نزلت وملاذ معها دخلوا المستشفى ،
-
ناصر : انتي حلفتي!
مريم : عادي اصوم و اتصدق بس تخسي ،
ناصر : طيب طيب والله شوفي المره الجاي اجيب وزغه ،
مريم : احطه بفمك ،
ناصر : نشوف نشوف نهاية الهياط تقعدين تصيحين ،
مريم : تخسي اصيح وخر بس ، سحبت المُخده وهي تتوجه تنسدح ع كنب : بتابع مسلسلي اذا فيك نوم اطلع برا ،
ناصر ارتمى على السرير : والله ان سمعت صوت التلفزيون اكسره على راسك ،
مريم : ما بقى الا انت تهددني وخر بس رجال اخر الزمن يهددون زين طلع لكم صوت و تهايطون ،
ناصر التفت عليها : تبين تشوفين هياطنا كيف؟
مريم وقفت وهي ترفع اكمامها : اي تعال تبغى نتهاوش ؟
ناصر : انتبهي لا اخليكِ تصيحين و تشتكين لاخوانك ،
مريم : ليه شايفني خوافه؟ تعال ترا اعرف اتهاوش ،
ناصر : والله من رفعتي اكمامك غسلت يديني اعرف نهاية هالهياط لو مسكتك سدحتك وجلدتك ،
-
امال رفعت نظرها من نطقت الدكتوره انها حامل من ثلاث اسبوع والتفتت لملاذ الي ضحكت بفرح ،
امال سكتت بهدوء : يمه ثلاث اسبوع ولا حسيت الا الحين! قامت بهدوء وهي تطلع مع ملاذ و متوتره كيف تعلمه وكيف بيكون ردة فعله ابتسمت بخفه وهي تتذكر لمًا قالت له " ابي غيث بن عبدالرحمن " بعد دقايق وصلوا البيت ونزلت فزت وهي تشوف سيارة عبدالرحمن وقفت بخوف : يمه وش جابه!
-
عبدالرحمن كان توه واصل وطلع مفاتيحه فتح الباب وهو يدخل عقد حواجبه من شاف كل اللمبات طافيه ونطق : اماللل ،
سكت بهدوء وهو يشوف مافي رد وتوجه يدورها وطلع جواله يتصل عليها شاف انها مالها حس ولا هي موجوده تنهد من شاف جوالها مقفل ،
امال دخلت بهدوء و ملاذ توجهت لبيتها وهي مبسوطه ومشت تعلم نجلاء قبل تاكل ،
امال مشت تدخل و ..