رواية انا شاعرك العام والقصيد عيونك. الفصل الثاني والأربعون 42 - بقلم rw2ixxx

صقر ناظر فيه : منهي!
سلطان خاف من نظراته : ي رجال امزح صدقت انت دحوم وين والحب وين ،
صقر عقد حواجبه : لا تحاول تتهرب تكلم بسرعه!
سلطان ضحك ونطق : يخي لا تروح تصفقه ،
صقر : اقول علمني منهي!
سلطان تنهد : اخت زوجتك بنت فهد ،
صقر انصدم ونطق : صادق!
سلطان : والله بس تكفى يخي فكنا من اعصابك وخلي الولد يشوف حياته ويختار الي يبي ،
صقر بحده : وهو وش اخذه لاخت زوجتي!
سلطان : تكفى لا تقول انك غيور على خواتها بعد!
صقر سكت وهو يطالع فيه ومصدوم من عبدالرحمن ، سلطان ناظر وكمل : ترا يحبها والله وهو رايح عندهم يراضي فهد واخوانه ،
صقر بصدمه : صبر صبر من ومن؟
سلطان جلس يعلمه كل شيء عن عبدالرحمن ،
-
عبدالرحمن : وش ذنبنا حنا ي عمي اذا اخوي تزوج من بنات اسماعيل هذا مو معناته ت...سكت من فهد رفع اصبعه بتهديد : لااا تجيب طاري هالكلببب قداميييي...وسكت وهو يمد يده ع قلبه بوجع ،
عبدالرحمن فز بخوف و ركض له : عمي وشفيك!
حسين ناظر لفهد : هد يا فهد خلنا نتفاهم ،
مشعل ركض سحب مويا وهمس : خالي خذ اشرب،
فهد تنهد وهو يجلس بالم وعبدالرحمن سانده بيده وجلس جنبه : اهدى ي عمي واسمع عالاقل وش راح يفيد كل هذا الصراخ ! وش ذنب حسين اخوك عشان تعصب عليه بسبب افعال ناس ماله ذنب فيه! الدنيا ماله امان ي عمي!
ابو مشعل تنهد ونطق : صادق عبدالرحمن ي فهد الدنيا ماله امان ي فهد هذا ابوك امس راح عننا مين كان متوقع بيوم نفقده! ليه نبعد عن ناس من نفس دمنا وش يفيد كل هالحقد ! وش يفيد الفراق من اقرب الناس! لا تقاطع صلة الرحم ي فهد !
فهد اخذ نفس وهو ساكت و رفع نظره لحسين وعاصم الي جلسوا جنبه بهدوء وناظر ل وهو يشوف شكله و لحيته الطويل والواضح انه شيخ ويخاف ربه مستحيل يكون مثل ما كان متوقع ، كان متوقع كل اخوانه من امه نفس اسماعيل ابوهم،
حسين مد يده لكتف فهد ونطق : لا تنسى قوله تعالى: «فَهَلْ عَسَيْتُمْ إِنْ تَوَلَّيْتُمْ أَنْ تُفْسِدُوا فِي الْأَرْضِ وَ تُقَطِّعُوا أَرْحامَكُمْ• ولا تنسى بعد قوله تعالى " وَاتَّقُوا اللَّهَ الَّذِي تَسَاءَلُونَ بِهِ وَالْأَرْحَامَ»،
عبدالرحمن ناظر لفهد بهدوء وهو يشوفه ساكت ،
سعود عقد حواجبه والكل واقفين يناظرون ،
ابو سعود : صادق الي اسويه غلط ي فهد حسين ماله ذنب بافعال ابوه هو زيه زيك الغلط من امكم لا هو مسؤول عن تصرفاتها ولا انت !
-
سلطان : خلنا من عبدالرحمن انت وش فيك؟
صقر رفع نظره : وش فيني! مصدوم من افعالكم ،
سلطان : يخي خلك مننا ي صقر وشف حياتك ووش تفكر يعني جيت اقترح عليك ليه ما تشوف لك علاج برا البلد ب اي مكان؟
صقر تنهد...
صقر تنهد وهو يصد : مابوه علاج ب اي مكان ،
سلطان : طيب ليه ما تفكر تتبنى طفل وتعيش حياتك و تنشغل بدال ما تتعب نفسك بالتفكير!
صقر بحده : سلطان وش جاكم انت و مشاري!
سلطان عقد حواجبه : ليه وش جانا؟
صقر : حتى هو فتح معي هالموضوع ويبغاني اتبنى وحده عندهم في المستشفى مريضه مرض القلب ،
سلطان انصدم وناظر : في ذمتك!
صقر : والله ويتيمه بس انا ما ودي ي سلطان ولا افكر حتى ،
سلطان تنهد : شف انا اتزوج من وحده عندها ولد وبالعكس مبسوط و اربيه و اشيل كامل مسؤؤليته و راضي ليه ما تفكر بدال ما تضيع حياتك كذا وانا عارف بوضعك؟ اسال من زوجتك و شف رايها و صارحها بكل شيء و صارح امي ما احس ع نفسك إنك طولت وانت مخبي الوضع على الكل؟
-
عمر سكت بهدوء وهو كل عقله مع غلا يفكر فيها ،
هديل جلست جنبه على السرير وهي تشوفه منسدح ونايم مدت يدها لشعره تلعب بشعره وسكتت لثواني ونطقت : وش تشتغل؟
عمر رفع نظره وهمس : باقي ما بديت ،
هديل ناظرت بصدمه : منجدددد؟؟؟
عمر عقد حواجبه : ليه مصدومه؟
هديل رفعت كتوفها : مدري اجل وين تروح كليوم؟
عمر سكت وعرف انه فضح نفسه : عند اخوياي ،
هديل سكتت وهي تبعد عنه وتقوم وتتوجه عند التسريحه وهمست : شرايك نطلع برا؟
عمر هز راسه بالنفي : بنام انا ،
هديل تنهدت : ما تشبع نوم انت؟
عمر سكت وهو يسحب اللحاف ويتلحف ،
هديل قفلت درج التسريحه ومشت وهي تاخذ جوالها وتنسدح جنبه وتطقطق فيه ،
-
فهد ناظر لحسين وهمس : كيفك وش الاخبار ،
حسين ابتسم بخفه وهو يقرب يحضنه بصمت ،
عبدالرحمن كان مبتسم ويناظر : اي ياعمي كذا ،
فهد التفت له : وانت وش جابك معه؟ ومين دلكم عن البيت؟ ، الكل سكتوا بهدوء وعبدالرحمن التفت لمشعل ونطق : مشعل ،
مشعل انصدم وناظر : انا؟ وسكت من شاف ملامح عبدالرحمن يغمز له وهمس : اييييي صح صح انا ،
سعود عقد حواجبه من شاف عبدالرحمن يغمز ،
فهد ناظر ل عاصم : كيفك ياولدي وش الاخبار ،
عاصم : والله بخير يا عمي كنت مشتاق لشوفتك ،
-
نجلاء : ياربييي منك ومن قمراك الحمار راس المصايب ناقصين حنا! امسكيه لا يذبحه ابوي ،
امال بخوف : يخي اسكتي انا متوتره لا يصير له شي ،
نجلاء : ي حماره خافي على ابوي الجوكر حقك مو صاير له شيء هو وشعره ذا ،
امال التفتت لها : انتي شايفه شعلولي حقك!
نجلاء : عالاقل ماهو راس المصايب زيه ،
امال : جاي يصالح بين عمي وابوي خليه شعلولي حقك يتعلم بعد ما منه فايده ،
نجلاء عقدت حواجبها : بالله؟
امال ضحكت وهي تصد : بروح عند الباب احاول اسمع شي ، وتوجهت بتطلع ناظرت لامها كانت جالسه والجوال بيدها تكلم ملاذ...
امال ضحكت وهي تصد : بروح عند الباب احاول اسمع شي ، وتوجهت بتطلع ناظرت لامها كانت جالسه والجوال بيدها تكلم ملاذ وتسجل لها فويس وتعلمها كل شيء : اي يابنتي هذا الحين جاء عمكم حسين يح..امال سحبت منها الجوال : يمه انتييي ما بقى شي ما نشرتي الاخبار عندها ليه تخلين البنت تتوتر خليها لين تتعدل الامور ،
ام نجلاء عقدت حواجبها : خليها تعرف !
-
سلطان ضحك وهو يقوم : يلا بمشي انا ،
صقر رفع نظره : تجي تنام عندي اكلم دحوم وعمر بعد يجون عندي من زمان ما جلسنا ،
سلطان رفع كتوفه : والله مدري بس ماعندي مانع اتصلوا علي اجيكم متى ما تجمعتوا وعمر لاهي بالعسل والله ماله حس ،
صقر : ذا لاهي بالبصل مو بالعسل من تزوج وهو راقد بالبيت ماتدري وين ارضه ووين سماه ،
سلطان ضحك وهو يتوجه يطلع : يلا سلام ،
صقر قفل الباب وتوجه لغرفة ملاذ دق الباب لكن كان مقفل عقد حواجبه وهو يدق : ملاذذذ ،
مريم كانت لابسه فستانها عريان وفزت بخوف والتفتت لملاذ : ذا وش جابه مو كان برا!
ملاذ ضحكت وهزت راسها بالنفي ومشت سحبت جوالها وكتبت له " البنات عندي بالغرفه "
صقر اخذ جواله وهو يقرا " تمام قلبي انا انزل لامي"
وقفل جواله ومشى توجه ينزل تحت عند امه ،
"
خاله مُزنه كانت واقفه تلف ورق العنب و مارلين تغسل المواعين و ام صقر تصب القهوة في الدله ،
نزل صقر وهو يصارخ : يممهه ،
ام صقر تركت القهوة من يدها و ركضت طلعت على صراخه وهي تشوف عند الباب : ادخل ي يمه تعال تعال مافي احد تعال ، صقر دخل و ابتسم و توجه لعندها وهو يقبل يدينها : توقعت زوجته هنا عشان كذا ناديتك جيت اجلس معك واسولف لك شوي ،
ام صقر ابتسمت : ياهلا فيك وينها زوجتك ما جت؟
صقر : والله قالت لي البنات عندي ،
ام صقر : اي صح مريم راحت لها تعال اجلس انت انا بسوي القهوة وبجيك ، صقر ابتسم وجلس ،
-
عبدالرحمن كان ساكت وهو يسمع سوالف حسين وفهد بهاللحظه فهد نطق : بنمشي للمدينة خلاص،
عبدالرحمن فز وناظر : منجدك عمي! ليه تمشون المدينة ارجعوا القصيم والله ابوي ناوي يقابلك ويكلمك و يتصل عليك وما ترد عليه!
فهد تنهد وهو يصد : هو ادرى ب فعلته ،
عبدالرحمن تنهد : عمي تكفى تعال مره وحده و اسمع منه والله اني جاي عشانه ،
فهد تنهد وهمس : طيارتي للمدينة الصباح ،
عبدالرحمن : كنسله اذا ابوي له خاطر عندك!
فهد تنهد وسكت : خير ان شاء الله قوموا تفضلوا على العشاء ، و توجهوا لغرفة الطعام ،
سعود ومشعل رتبوا السُفرة و توجهوا يتعشون ،
-
سلطان وقف سيارته عند المزرعه ونزل وتوجه فتح الباب و دخل وعقد حواجبه وهو يشوف عساف في الصاله..

سلطان وقف سيارته عند المزرعه ونزل وتوجه فتح الباب و دخل وعقد حواجبه وهو يشوف عساف في الصاله لحاله يلعب ويحط العابه بفمه و رضاعته جنبه عقد حواجبه : وينها امك تاركتك كذا! وتوجه لعنده ، عساف اول ما شافه بدا يبكي و يرفع يدينه يبيه يشيله ، سلطان انحنى وهو يرفعه ويشيله بحضنه وهمس : تعال نشوف وينها ، وتوجه فتح باب الغرفه وهو يشوفها نايمه بتعب ومغمضه عيونها والغرفه حار عشان كذا حطت عساف برا لانها تعبانه وقفلت كل شيء المكيف والشباك ونامت بالحر ، سلطان ابتسم بخفه وهو يطلع ويقفل الباب وناظر لعساف : تعال نسوي اكل لامك و نصحيها ،
عساف كان ساكت ويناظر لسلطان وحط راسه على كتفه وهو يعض ياقة ثوبه ، سلطان دخل وتوجه فتح الثلاجه وهمس : وش نسوي والله ماني عارف اسوي شي فاشل ، ومشى وهو يحط عساف ع رخامه ،
ويشمر كُم ثوبه وهمس : لا تطالع فيني كذا و تحسب ابوك طباخ تراني فاشل زيك بس نستعين بقوقل ولا باحد ، واخذ جواله وهو يدخل القوقل يشوف كيف يسون المعكرونه وعساف يناظر فيه ،
-
ام صقر مشت جلست وهي تحط القهوة ،
صقر رفع نظره يمين يسار : وينها خالتي مُزنه؟
ام صقر : بالمطبخ تسوي ورق عنب للبنات ،
صقر ابتسم بخفه : لا تنسون ترسلون لزوجتي بعد ،
ام صقر : ان شاء الله اول وحده هي بعدين حنا ،
صقر ضحك بخفه وهمس : عمر سحب ما جاء يسكن جنبي وش صار؟
ام صقر : لا والله باقي ما كلمته توها زوجته عروسه ما ودي تبدا تنكرف من الحين ،
صقر سكت وهو يشرب من قهوته وياخذ معمول ،
ام صقر ناظرت فيه : وانت شفيك كذا متضايق ؟
صقر ابتسم وهز راسه بالنفي : ماني متضايق ،
ام صقر : احسك جاي عشان تكلمني في الموضوع و متردد؟ تراي امك واعرف حركاتكم !
صقر التفت لها وهو فعلًا كان جاي يبي يكلمها في موضوع ونطق : اخاف تزعلين مني اذا عرفتي!
ام صقر عقدت حواجبها : ماراح ازعل تكلم ،
صقر شبك يدينه وهمس : تتذكرين لما اول مره ابوي اشترا لي سياه وكنت متحمس و اسوق ولا انتبه ولما صار فيني حادث ذيك الليله و عبدالرحمن وسلطان اخذوني المستشفى ؟
ام صقر عقدت حواجبها : اي اتذكر كمل ،
صقر تنهد وهمس : ومن وقته خبيت عنكم الاوراق وخبيت عنكم وش صار فيني و حلفت عبدالرحمن وسلطان انهم ما يعلمونك لا انتي ولا ابوي ،
ام صقر انصدمت ونطقت بخوف : وش صار فيك!
-
سُلاف فتحت عيونها وفزت من تذكرت عساف ركضت فتحت الباب عقدت حواجبها وهي اسم ريحة طبخ وتوجهت للمطبخ وهي تشوف سلطان واقف يطبخ وعساف ماسك الملعقه ويلعب فيه وبيده الثاني ماسك شوكه وجنبه البصل الي قطعهم سلطان ،
انصدمت و ركضت تسحب الشوكه من يد عساف خافت يحطه بعيونه و

سلطان فز والتفت لها : صحيتي متى؟
سُلاف ناظرت فيه : ما تشوف الولد وش قاعد يسوي!
سلطان عقد حواجبه : وش يسوي؟ قاعد يلعب ،
سُلاف بصدمه : لو بالغلط حطه بعيونه ولا..وسكتت وهي تشوف المعكرونه على النار : وش تسوي انت!
سلطان : اسوي لك اكل عشان تعبانه ،
سُلاف ناظرت فيه بصدمه : مين علمك تسوي؟
سلطان رفع كتوفه : مدري شفت في القوقل مكتوب اضيف المعكرونه على نار هادئ وبعده اضيف البصل شوفي قطعت بس باقي ما ضيفتهم ،
سُلاف حطت يدها على راسها بتعب : اطلع برا ،
سلطان بصدمه : انتي الي اطلعي ليه انا اطلع!
سُلاف بحدها : سلطان خذ الولد و اطلع! والتفتت وهي تشوف المطبخ كله مكركب ووسخ وكل المواعين والاغراض مكركب تنهدت بتعب ،
سلطان ناظر فيها باستغراب : وشف..قاطعها سُلاف وهي معصبه : اطلعععع برااا واخذ الولد ،
فز من صراخها وسكت وتوجه وهو يشيل عساف وهمس : والله نهاية الي يبي يسوي خير وياكل تبن ،
-
ام صقر بعد ما عرفت وانصدمت وناظرت لصقر الي ساكت : ليه ما علمتنييي!! ليه خبيت عني!!!
صقر ناظر فيها بهدوء وهو يشوف دموعها انزل تنهد وهو يقوم ويتوجه يجلس جنبها : يمه خلاص هذا انا علمتك عشان ما تلومين ملاذ ! وقرب وهو يحضنها من جنب وهمس : سلطان طلب مني اعلمكم انا ما كنت ابي اعلمكم ولا اتكلم حتى! ام صقر كانت ساكته و دموعها تنزل و حاضنته ،
صقر تنهد وهمس : عشان كذا ما كنت ابي اعلمك واشوفك تبكين و تشيلين همي!
ام صقر رفعت نظرها : زوجتك تدري؟
صقر تنهد : علمتها وقت علمتها بخبر وفاة جدها بس الظاهر انها ما استوعبت و ناوي اعلمها واشوف هي وش تبي تكمل معي ولا تتركني وتشوف حياتها ،
-
عبدالرحمن ابتسم : تجينا الصباح!
فهد تنهد وهمس : ان شاء الله اشوف ،
حسين بحده : الولد تعب و جاك لين هنا الحين انت الي تجي ولو ما جيت او تاخرت نرجع نجيك ،
عاصم بضحكه : عبدالرحمن ناشب ناشب ي عمي ماراح يتركك الحقنا تعال القصيم ،
فهد ضحك بخفه : ان شاء الله على خير وناظر لـ حسين : كان جلست اكثر ودي اسولف معك ما شبعت شفت فيك الشيء الي فقدته تمنيت اخو طول حياتي فقدت اخوي محمد وشفت فيك ريحته و اسلوبه و تعامله وحتى تشبهه وماخذ من صفاته ،
حسين ابتسم وهو يناظر فيه وقرب حضنه بهدوء ،
مشعل توجه عند عبدالرحمن : متى علمتك انا!
عبدالرحمن تورط وهمس : سعود مو انت لخبطت ،
سعود كان وراه وعقد حواجبه : انا؟
عبدالرحمن فز من سمع صوته وسكت بهدوء وهو يشوف نظراتهم وصد وهمس : يلا عمي نمشي ؟
سعود التفت لمشعل : والله ما علمته انا ،
مشعل بهدوء : اشوف كيف يتهرب مني ،
عبدالرحمن طلع قبل حسين وسحب عاصم معه وتوجه ركب

سلطان كان جالس على السرير وعساف نايمه
رفع نظره وهو يشوف سُلاف دخلت وهي معصبه ومشت تسحب لها ملابس سلطان توجه لعندها ومسك يدها : ليه معصبه مني شفتك تعبانه وقلت اسوي لك ! صح اني فاشل بس اتعلم لعيونك ،
سُلاف ناظرت فيه : مشكور لا تتعلم تطبخ تعلم كيف تنظف وتصير انسان مو حيوان توسخ كل شي.
سلطان بصدمه : انا حيوان؟
سُلاف ناظرت فيه وصدت عنها ومشت تغير ،
سلطان عقد حواجبه : والله وطلع لها لسان و خلتني حيوان ووقف وهو ينتظرها ، سُلاف طلعت ومشت تعدل شعرها ، سلطان ناظر فيها من بعيد وتوجه لعندها وهو يوقف وراها ومد يده لخصرها يسحبها له وهمس : مانتي حلوه وانتي معصبه و تسبيني وينه سُلافي الي ساكته ومالها حس؟ صرتي وحشه!
سُلاف سكتت من سحبها بحضنه وتصنمت ،
سلطان ضحك بخفه : وين راح لسانك؟
سُلاف دفته وهي تبعد عنه : ابعد عني راح تمرض ،
سلطان ناظر فيها : راضي امرض واموت بعد ،
سُلاف توجهت وهي تشيل عساف الي نام وكل ملابسه وسخ وهمست : ليه نومته وهو ملابسه كذا!
سلطان مشى لعندها وهو يرجع يسحبها : خلي الولد نايم وتعالي عندي الليله مالك الا انا! عطيني من وقتك ابي اقولك كل الي بخاطري خلي عساف ،
سُلاف تنهدت والتفتت له بهدوء ، سلطان مد يده وهو يمسكها ويسحبها معه وطلعوا للمزرعه ،
سلطان كان لابس على ثوبه جاكيت اسود وناظر فيها ونطق : لا تخافين ماراح تمرضين راح ادفيكِ ،
سُلاف سكتت وهي تناظر فيه ، سلطان توجه وهو يجلس على الدكه عند الاشجار وسُلاف جلست جنبه بهدوء وهمست : انا جهزت المعكرونه اجيب لك؟
سلطان هز راسه بالنفي : بالاول اكلمك ،
سُلاف عقدت حواجبها وسكتت سلطان قرب وهو يحضنها من جنب ونطق : كلمت امي ،
سُلاف فزت وناظرت فيه : عني؟؟؟
سلطان ابتسم : اي عنك وقلتلها ما تصير عروستي الا سُلافي غيرها ماني موافق وقلتلها تجي تشوفك ،
سُلاف ناظرت فيه بخوف وتوتر : سلطان ل..سكتت من سلطان مد اصبعه ع شفايفها : خليني اكمل ،
سُلاف سكتت وناظرت فيه وكمل سلطان : لا تحاولين معي انتي الحين مالك غيري حتى عساف ماله غيري ما يهمني وش بيقولون عني او وش بيقولون عنك الاهم انا لك وانتي اي حنا نكمل بعضنا يا سُلاف غيرك ماراح يكملني ولا غيري يكملك ويليق لكِ انتي لي وانا لكِ انتي عروستي وتصيرين عروسة سلطان وبس! ينادونك عروسة سلطان زوجة سلطان الصدق ماودي ينادونك غير عروسة سلطان وضحك وناظر فيها وكمل : ودي العُمر كله تصيرين عروستي عروسة سلطان وبس اشوفك قدامي بفستانك الابيض ولو صرتي ام لعشره من اطفالي راح اقولك عروستي وما اسمح لاحد يناديكِ سُلاف انا احب التملك واحب اشوف يقولون لكِ..

انا احب التملك واحب اشوف يقولون لك عروسة سلطان زوجة سلطان حتى ولدك ابيه ينادونه ولد سلطان ،
سُلاف ابتسمت من كلامه وهي تناظر فيه بهدوء وتشوفه كيف يبتسم بعد كل كلمه وكيف يتكلم ،
سلطان ناظر فيها : بتلبسين الابيض وتصيرين عروستي والابيض ما يزهى الا عليكِ كل عروسه تلبس ابيض بس مايدرون الابيض ما يزهى الا على عروسة سلطان ، سُلاف سكتت وناظرت فيه : لا تحلم ،
سلطان عقد حواجبه : تكسرين احلامي؟
سُلاف بهدوء : ما بلبس الابيض ،
سلطان سكت وفهم عليها انها ماتبي تلبس تزوجت مرتين وعاشت حياة كئيبه لبست الفستان مرتين
وهمس : تعقبين فاهمه! قسم بمن احل القسم يا سُلاف اني راح اخليكِ تلبسين الابيض وامحي كل السواد الي عشتيهم من بعد هالابيض و اغير نظريتك و اثبت لك انك انخلقتي عشان تصيرين عروستي وتلبسين لي الابيض وبس!
سُلاف سكتت بهدوء وهمست : اخاف ي سلطان.
سلطان ناظر فيه : مني ولا من زمانك؟
سُلاف بهدوء : من هالحياه اخاف من كل شيء اخاف على عساف ما اخاف على نفسي مابيه يتاذى مابيه يجرب الفقد مرتين هو تعلق فيك هالايام مابي شي غير اشوفه مبسوط انا ما ابيك لي انا ابيك ل عساف ي سلطان انا مابي شي لنفسي ولا ابي سعادة هالدنيا سعادة الدنيا كله ابي احطه بقلب ولدي ،
سلطان بحده : انا ابي سعادتك انتي فاهمه! يهمني سعادتك ويهمني انتي وبس! انا لو بيدي طلعت كل الحب الي بقلبك وحطيته بقلبك عشان تعرفين قدر حبي لك!
-
ام صقر كانت ساكته وتناظر فيه وتشوفه يشرب من قهوته وهمس : سلطان ومشاري اقترحوا علي اتبنى طفل من دار الايتام والصدق ضعت و احترت ،
ام صقر عقدت حواجبها وهمست : ليه ضعت؟
صقر رفع كتوفه : معرف ما احس اني اكون افضل اب ما اعرف للاطفال ولا قد شلت ولا قد ربيت ماودي اظلم اطفال الناس و تحرمهم من السعادة ،
ام صقر بصدمه : ليه تقول كذا ي صقر!
صقر تنهد و رفع كتوفه : معرف لا تساليني ،
فجاه دخلت مريم وهي تضحك : ملاذ انتظرك ،
صقر التفت باستغراب : وشفيها؟
مريم بضحكه : روح وتعرف غيرتها لدرجه ماراح تعرف انها زوجتك ولا وحده ثانيه ،
صقر استغرب : وش مهببه بوجه زوجتي! وقام وهمس : يلا يمه انا اروح اشوفها ارتاحي انتي ،
ومشى وترك امه الي مصدومه منه وحيرانه ،
-
ملاذ كانت لابسه فستان بُني عُريان ومريم حطت لها مكياج وكانت لابسه كعب لونه فُضي ولابسه سلسال خفيف وشعرها ويفي ابتسمت وهي تسمع فويس امها وحطت الجوال والتفتت من سمعت صوت الباب ، دخل صقر وعقد حواجبه وهو يشوف ومشى لعندها بخطوات هادئ ووقف قدامها : ملاذي انتي ولا غيرتك مريم! ملاذ ضحكت وناظرت فيه بهدوء ، صقر قرب منها وابتسم

عبدالرحمن بعد ما نزل حسين وعاصم عند بيتهم اخذ جواله وهو مبتسم و اتصل عليها لكن ما ردت،
امال كانت جالسه بالمجلس هي و انها ونجلاء كلهم عند فهد يشوفون رده ووش صار ووش ما صار ،
ام نجلاء : وش معنى يعني سامحته خلاص؟
فهد تنهد : معرف كلامه و الآية الي قاله لي اثر فيني يا لطيفه معرف وش الي رجف لي قلبي من سمعته وهو ينطق هالاية حسيت نفسي ظالم و تركت كل اقاربي و اهلي و هربت منهم حسين مو سيئ هو انسان مسالم وانا متاكد كل اخواني كذا حتى لو انهم من اب ثاني العرق يحن ي لطيفه ،
امال سكتت وهي تنتظره يتكلم عن عبدالرحمن ،
لطيفه : الصدق استانست و فرحت زين الي سويته وانت من لكِ غير ربك؟ لا اقارب ولا اخوان قاطعت تواصلك مع الكل لا نجي ولا نروح ليه ما تفكر تقابل كل اخوانك وتجلس معاهم و توسع صدرك شوي؟
فهد رفع نظره : عزمني عنده وقال كل اخواني يجون الله يسعده عبدالرحمن ولد الحلال طالع على ابوه مالوم ابوي لما كان يحبه و يمدح ب احفاد سُليمان ما توقعت منه هالحركه مدري ليه فكر فيني وجاء وجاب معه حسين عشان يصالحنا ،
نجلاء كتمت ضحكته : الناس يسون لمصالحهم وهذا سوا بدون مصلحه ما شاء الله ، والتفتت عطت نظره لامال الي قربت تقرصها ،
-
هديل ناظرت لعمر كان نايم قامت مشت فتحت الباب وتوجهت تدق باب غرفة مريم ،
مريم مشت فتحت الباب : تعالي اهلين ،
هديل ابتسمت و دخلت : طفشت لوحدي ،
مريم باستغراب : ليه وينه عمر عنك؟
هديل : نايم تعبت انتظره يصحى كل وقته ينام جيت عندك اشوف مسلسلي نزل الحلقه وهو ما صحى ،
مريم بضحكه : حياكِ تعالي تفرجي وانا بروح اخذ لي شاور واجيكِ وصح في شبس و خرابيط في الدرج كلي وتابعي حلالك ، هديل ابتسمت و مشت تفرج،
-
عبدالرحمن نزل من سيارته و دخل البيت وناظر لامه كانت جالسه وسرحانه وتوجه لعنده : السلام عليكم،
ام صقر رفعت نظرها : وعليكم السلام تعال اجلس،
عبدالرحمن جلس باستغراب : وش فيكِ سرحانه؟
ام صقر : ليه خبيت عني زي اخوانك؟
عبدالرحمن عقد حواجبه بخوف : وش خبيت؟
ام صقر : عن سالفة صقر علمني وناوي تخبي بعد!
عبدالرحمن انصدم ونطق : علمك صقر؟
ام صقر تنهدت. : اي علمني و انتظر ابوك يجي واعلمه بعد ،
عبدالرحمن سكت بهدوء : وينه فيه صقر؟
ام صقر : راح لبيته عند زوجته ،
عبدالرحمن سكت وهو ياخذ جواله ويرسل لسلطان : الحمار صقر متى علم امي؟
-
سلطان كان جالس مع سُلاف وعقد حواجبه واخذ جواله وهو يشوف رسالة عبدالرحمن،
سُلاف قامت : اشوف عساف يمكن صحى ، ومشت ، وسلطان اخذ جواله وهو يتصل على عبدالرحمن دقايق و رد : وش علمها؟
عبدالرحمن : بسالفته ..

عبدالرحمن : بسالفته انه عقيم ،
سلطان بصدمه : صدق؟؟؟؟
عبدالرحمن تنهد : اي والله هذا انا توي طالع من عند امي وينك انت ؟
سلطان بضحكه : عند عروستي ،
عبدالرحمن : والله لو ابوي درى يشنقك انت وهي،
سلطان : اقول اسكت بس ناسي نفسك! بالغلط علمت صقر عنك بغى يطلع عيوني ،
عبدالرحمن بصدمه : عني!!!
سلطان : اسف والله تحمست معه بالسوالف ،
عبدالرحمن : قسم بالله حلال من شنقك انت وهي ،
سلطان : اقول شدخلها هي اشنقوني انا راضي ،
عبدالرحمن : بدينا حركات المتزوجين يعني ،
سلطان بضحكه : شف اكبر واحد فينا انت وكلنا تزوجنا وانت باقي معلق خلك خلك كذا ،
عبدالرحمن : تخسي بعد والله هالشهر اتزوج ،
سلطان : اي بنشوف الا صح صقر قال نتجمع عنده مدري وينه شرايك تجي و اكلمه نتجمع بالمزرعه؟
عبدالرحمن : والله ماعندي مانع ودي امسك طريق طويل ف اعتبر تم بس شف صقر و عمر ،
سلطان : هذا عمر ماهو بحياتنا الظاهر مدري وش بلاه مختفي ولا يرد وكل وقته بغرفته زي القرود ،
عبدالرحمن : ي رجال هذا ما صدق انه تزوج ،
سلطان : جيبه معك بالله ،
عبدالرحمن : ماني جايب معي احد كلم صقر يجيبه،
سلطان : اجل كل تبن خلني اشوف صقر ،
عبدالرحمن ضحك وقفل منه وتوجه ركب سيارته وهو يتصل عليها علطول ردت : اسفه كنت مع ابوي،
عبدالرحمن ابتسم : دبري عمرك جايك انا حلفت متزوج هالشهر و تعبت نفسي اراضيه ،
امال : اقول اسكت ي حيوان طيحت لي قلبي ترا ،
عبدالرحمن : والله انا ما طيح قلبي الا هذا الكلب سعود والي معه مشعل ورطوني ،
امال سكتت على طاري سعود بخوف ولا تكلمت ،
عبدالرحمن : وش فيكِ سكتتي و ايش قال ابوكِ؟
امال ابتسمت : كان يمدح فيك والله ،
عبدالرحمن : الحمدلله يعني وصلت لهدفي ،
امال : بس ترا كنت خايفه يصفقك ،
عبدالرحمن : لو يشنقني بالسقف عادي راضي ،
امال بضحكه : منجدك!
عبدالرحمن : اي بس بشرط يشنقك معي ،
-
صقر كان نايم مع ملاذ التفت من رن جواله واخذه بانزعاج و رد : هلا سلطان ،
سلطان : وينك فيه تعال عندي للمزرعه كلمت عبدالرحمن جاي وانت تعال وجيب معك عمر ،
صقر سكت وهو يشوف ساعته : الحين! مو قلتلكم تعالوا عندي انا؟
سلطان : والله قلت من زمان عن المزرعه تجون هنا افضل ويلا انتظرك لا تتاخر ،
صقر تنهد وهمس : تمام يلا ، وقفل الخط والتفت وهو يشوف ملاذ نايم ، توجه ياخذ له شاور ويغير ويمشي لعند سلطان ، بعد دقايق طلع وهو يشوفها نايمه ابتسم ومشي لبس ثوبه وتعطر وطلع من البيت وهو يقفل ازارير ثوبه ويتصل على عمر ،
-
عمر كان توه صاحي وناظر هديل ما كانت موجوده كانت عند مريم وتوجه يسحب

سلطان دخل الغرفه وهو يشوف سُلاف تغير ملابس عساف توجه وهو يعدل شعره وهمس : سُلافي ،
سُلاف رفعت نظرها له : هلا ،
سلطان : وشو هلا! قولي هلا يروحي لبيه سم !
سُلاف ضحكت وسكتت وهي تحط عساف ع سرير ،
سلطان : اخواني جاين سوي قهوة بالله ،
سُلاف باستغراب : هنا؟؟
سلطان : اي لا تخافين نجلس برا واذا يبون حكام يروحون ورا الشجره ، وضحك من شاف ضحكتها ،
سُلاف بهدوء : تمام راح اسوي الحين ،
سلطان توجه وهو يشيل عساف : هلا بالشيخ ما بغيت تصحى وشاله وهو يبوسه ،
-
عبدالرحمن : رايح لاخوي بالطريق وش تسوين انتي؟
امال : اسوي شاهي للبنات ،
عبدالرحمن : وانا يوم اني جيت ما سويتي لي؟
امال : والله من الخوف بغيت انسى اسمك بعد ،
عبدالرحمن بضحكه : زين ما نسيتي ،
امال : والله مدري ليه خفت كنت عند الباب وسمعت صراخ ابوي وخفت ،
عبدالرحمن : يخسي الخوف يقرب صوبك وانا موجود! تعالي القصيم ارجعي لدنيتي ولك كليجه ولي شاهي من يدينك تعالي نتجدد ايامنا الاول ونسولف للقمر و نسهر الليالي و اهديكِ اجمل القصايد و بكتب فيكِ شعر ارجعي ي منوة القلب تعالي تراي مشتاق ! لا تخلين غيري يتهنى وانا لا!
امال ابتسمت من كلامه وهمست : اشتقت تقول لي قصيده وتطلب مني اسوي لك شاهي ،
عبدالرحمن وقف عند المزرعه : تعالي وابشري ،
امال همست : الله اعلم بابا وش يفكر يارب يقتنع،
-
عمر توجه يسحب ثوبه يلبسه وعقد حواجبه من شاف جواله يرن اخذه وهو يشوف اسم صقر تنهد و رد : هلا صقر ،
صقر ركب سيارته : انزل لي انتظرك تحت ،
عمر باستغراب : ليه صاير شي؟
صقر : لا بس نروح عند سلطان ينتظرنا تعال ،
عمر : والله مالي حيل روحوا انتم ،
صقر : اقول تعال بس ما يتزين الجلسه الا بوجودك ،
عمر تنهد : تمام جايك وقفل منه ونزل له ،
ومشى ركب بهدوء : شايفين الساعه كم! ١٢ الليل!
صقر : والله مدري عن حمار سلطان قلتله عندي رفض قال في المزرعه ،
-
سلطان كان واقف يشب النار والتفت وهو يشوف سُلاف تناديه ابتسم وتوجه لعندها وهو يشوف عساف يبكي : تعال خذه مني تجهز القهوة وقاعد يصيح ،
سلطان قرب وهو ياخذه من سُلاف و التفت من سمع صوت السياره ابتسم وهو يقفل باب البيت وسُلاف توجهت للمطبخ ، قفل الباب وهو يشوف عبدالرحمن نزل من سيارته وهو يشوف الدخان الي يطلع من النار وضحك : ياااا سلاممم هذا الجو الزين ، ومشى عند سلطان حضنه وناظر لعساف وضحك : ياهلا ياهلا وقرب اخذه منه وهو يبوسه : والله يشبهك مع انه مو ولدك ،
سلطان : تخسي اقول ولدي من دمي ،
عساف ناظر لعبدالرحمن وهو ساكت ويناظر فيه عبدالرحمن بضحكه : شفيه منفس ولدك! ما يضحك ..

سلطان : بابا عويس اضحك وش جاك فجاه؟
عساف التفت لسلطان وبدا يبكي ،
عبدالرحمن : هاه خذلك بدينا هالحركات ومده لسلطان وهمس : خذ خذ الخواف ،
سلطان ضحك وهو ياخذه منه : افا ي عويس تبكي!
عبدالرحمن مشى يجلس وسلطان جلس معه وهو يحط عساف بحضنه : تدري وش اقترحت ع صقر؟
عبدالرحمن حط جواله ومفاتيحه ع ارض وناظر فيه وهو يتكي : وش اقترحت؟
سلطان : قلت له يتبنى طفل ويعيش حياته ،
عبدالرحمن بصدمه : وافق؟
سلطان : لا والله رفض طلع حتى مشاري قايل له كذا بس من رايي افضل له والله ،
عبدالرحمن رفع كتوفه : ما ظنتي صقر يوافق ،
سلطان وهو يحط عساف على الارض : مدري عنه،
عساف ناظر لـ مفاتيح عبدالرحمن ومد يده يشيلهم لكن فز من صارخ عبدالرحمن : ولدددد ، وضحك من شافه فز بخوف وبدا يبكي ،
سلطان : يلعن شكلك ي دحوم خوفته ،
عبدالرحمن ضحك وهو يقرب يشيله : اختبره رجال ولا لا بس طلع ورع خواف طالع على ابوه ،
سلطان : والله ولدي مصدوم انه عمه وحش ،
عبدالرحمن ناظر لعساف : والله دلوع ولدك ي سلطان لو ولدي كان يكون زي الاسد ولا بكى ،
سلطان : اي اي نشوف الايام تثبت لنا مين الاسد ،
عساف التفت لسلطان وهو يبكي سلطان قرب وهو ياخذه من عبدالرحمن ونطق : اتفل عليه ي عويس،
عبدالرحمن : ونعم ونعم ي الاب الخسيس والنعم ،
سلطان بضحكه : اتفل ي عويس ،
عبدالرحمن ناظر لعساف : بذبحك احترمني عمك المفروض اول ما اجي تسوي لي تحيه ،
سلطان : تخسي والله اعلمه اول ما يجي عمك دحوم اوقف ارمي عليه نعال مو يصفق تحيه ،
عبدالرحمن : والله خوش اب ي سلطان ،
وناظر لعساف : اتفل على ابوك ولك الف ريال مني،
سلطان : ياويلك ياولد راح اتبرى منك ،
عساف كان جالس بحضن سلطان وساكت ،
عبدالرحمن : قل لابوك حمار ،
عساف كان ساكت يناظر بصمت ،
عبدالرحمن بصراخ : اتفللل اقوللل ، عساف رجع فز من صراخه وبدا يبكي ، سلطان ناظر لعبدالرحمن وهو ياخذ المخده و يرميه عليه عبدالرحمن كان يضحك وهو يشوفه يبكي ،
سلطان : قسم بالله ما اتركك لو رجعت تخوفه ولدي متعود على حنان ابوه ،
عبدالرحمن : اتركه بالله اشوف وش يسوي ،
سلطان ناظر لعساف الي كان يبكي و متمسك بثوبه وشاله وهو يحطه على الارض ويمد له مفاتيحه : ارميهم عليه ، عساف كان جالس يبكي عبدالرحمن يضحك وهو يشوفه يبكي وهمس : والله صياحهم طرب ي سلطان ،
سلطان شال عساف وهو يبوسه : خلاص يا بابا خلاص عمك ما يحبك ما منه فايده ،
عبدالرحمن : عطني عطني ياه بسوي فيه حركه بشوف يبكي ولا لا ،
سلطان : كل تبن شايف ولدي فار تجارب ،
عبدالرحمن : عطني اتعلم عليه لعيالي بالمستقبل

سلطان التفت وهو يشوف سُلاف اتصل قام توجه يدخل يجيب القهوة وترك عساف عند عبدالرحمن ،
عبدالرحمن قرب ومد يده : سلم ،
عساف كان ساكت يطالع فيه بهدوء ،
عبدالرحمن : ياولد اقولك سلم! وناظر فيه كان ساكت وصراخ بقوه : سلممم ، وضحك وهو يشوفه بدا يبكي والتفت يتاكد سلطان مو في ، وقرب وهو يشيله ومسكه من رجوله وهو يرفعه لفوق و راسه تحت و رجوله فوق قام يضحك واخذ جواله وهو يصوره و رسل لامال وترك جواله وهو يشوف عساف يصارخ ويبكي ، سلطان عقد حواجبه وهو يسمع صراخ عساف سُلاف فزت : عساف يبكي!
سلطان : اخوي عنده ماعليكِ ،
سُلاف بخوف : وش تسون في ولدي انتم!!
سلطان بضحكه : نعلمه المرجله ،
-
وقف سيارة عمر و صقر ونزلوا وهم يشوفون النار وسط الجلسه وعبدالرحمن ماسك عساف الي يبكي والمكان كله صوت بكاءه وتوجهوا لعنده : سلام ،
عبدالرحمن رفع نظره : وعليكم السلام ،
صقر ناظر لعساف : شفيه يصيح؟
عبدالرحمن : بالله صقر تعال شف شف الحين ،
وحط عساف على الارض وصارخ : ولدددد ،
عساف فز من صراخه وهو يبكي ويلتفت لصقر وعمر ويمد يده لهم يبي احد يشيله ،
صقر قرب وهو يشيله و يرفس برجله لعبدالرحمن الي يضحك وهمس : قسم بالله ادفنك ي دحوم ،
عمر بصدمه : انت وش مسوي في الولد!
عبدالرحمن : دلوع والله ابوه ما علمه يسترجل ،
صقر شال عساف وهو يبوسه و يهزه : خلاص خلاص،
عساف سكت وهو يشهق ودموعه على خده ،
صقر التفت : الله ياخذك ي عبدالرحمن شف وجهه كيف صاير وين سلطان عنك؟
عبدالرحمن ناظر لعساف : تعال عندي ،
عساف تمسك بثوب صقر ، عبدالرحمن ضحك وهمس : وش فيه يشوفني عدوه ،
عمر ناظر لعساف ومد يده : تعال عندي ،
عساف من شاف عمر خاف منه وبدا يبكي ،
صقر دف عمر : ابعد عنه خوفته انت و راسك ذا ،
سلطان طلع ومشى وهو يحط صينية الفناجيل والقهوه وناظر : يالله حيهم ،
صقر بحده : انت شايف الكلب وش مسوي في ولدك! شف وجهه كيف صار من كثر ما صاح ،
سلطان التفت لعبدالرحمن : تتذكر شقلت لك!
عبدالرحمن ضحك وهو يقوم : اعلمه يسترجل ،
سلطان قرب يضربه عبدالرحمن ضحك وهو يركض ويبعد عنه : قسم بالله اذا لمستني راح اصارخ عليه،
صقر وقف وهو يضحك : سلطان خذ حق ولدك ،
عبدالرحمن بتهديد : خلني اجلس ولا اصارخ!
سلطان ناظر فيه و ركض يلحقه لكن عبدالرحمن كان اسرع منه ووقف بعيد : لمصلحة ولدك اتركني ولا قسم بالله اوريك صوره له تندم ،
سلطان عقد حواجبه : وش سويت فيه!
عبدالرحمن بضحكه : اخاف تلعني ،
سلطان : انا بكل الحالات العنك عشان كذا اعترف ،
عمر وقف وهو يضحك عليهم : طب سلطان انا وش ذنبي يخاف مني...
'