رواية انا شاعرك العام والقصيد عيونك. الفصل الثالث والأربعون 43 - بقلم rw2ixxx

فهد و لطيفه انصدموا وهم يشوفون البنات ،
البنات التفتوا بخوف وهم يشوفون السكين بيدها ،
نجلاء بصدمه : بسم الله شفيكم!
فهد كتم ضحكته : امكم تقول حرامي ،
لطيفه بحدها : وششش جابكممم هناااا بهالوقت!
امال باستغراب : بسم الله يمه ليه تصارخين!
لطيفه بحدها : انزلوااا تحتتتت بسرعهههه ،
خافوا من صراخها و نزلوا بسرعه ل تحت ،
فهد كان يضحك و لطيفه انقهرت منه و رمت السكين على الارض وتوجهت نزلت ،
ام سعود ناظرت للبنات و ركضت تحضنهم بخوف .
ام مشعل ركضت لنجلاء بخوف : سوا لكم شي؟
نزلت لطيفه بحدها : هذولي المجانين الي كانوا يراكضون مافي حرامي ،
ام سعود و ام مشعل انصدموا و ناظروا ،
امال : وشو حرامي ي يمه الله يهديكم انتهت الاماكن عشان يجي السطح و..سكتت وهي تسمع صراخها،
ام نجلاء بصراخ : ادخلوااا داخلللل ،
ام سعود : حسبي الله عليكم من بنات.
البنات ركضوا دخلوا الغرفه ، ريما ارتمت على السرير وهي ميته ضحك : اهخخ بطني ي بنات ،
امال بضحكه : سلامات حرامي وش يجيبه السطح!
نجلاء جلست وهي تضحك : الله يسامحهم بس ،
جنان : ياربي منهم مو طبيعين ،
ام سعود جلست وهي تلبس ذهبها : حسبي الله ،
ام مشعل : ليت اخذهم الحرامي و افتكينا ،
ام نجلاء : مدري وش اخذهم السطح !
ام سعود سحبت اللحاف وهي تنسدح و معصبه ،
-
عبدالرحمن : كذاب سلطان تصدقه انت!
صقر : اي داري لي تفاهم ثاني معك بعدين ،
عمر كان سرحان و ساكت وحط راسه على فخذ صقر وهو ينسدح ، صقر كان يسولف ويشرب قهوته و مد يده وهو يلعب بشعر عمر : والله الظاهر ننام هنا ،
عبدالرحمن ناظر لعمر شافه مغمض ونايم ويشخر وهمس : ما تحسون انه متغير فيه شي؟
سلطان التفت وناظر لعمر : الا والله حاس فيه شي متغير مره مو نفس قبل ،
صقر : حتى انا والله لاحظت انه متغير و يتضايق من بعد كلامنا وحسيت حز بخاطره لما عساف خاف منه وصدق متغير هو وشايف انا كيف نحف مابقى فيه الا عظامه،
عبدالرحمن : قبل كان يزعجني نروح مطعم الفلاني وناكل برا الحين ماله حس واذا اتصلت عليه مايرد واغلب وقته راقد ،
سلطان بخوف : ما تحسون بسبب الزواج؟
صقر : الزواج ما يسوي كذا بالعكس تنفتح نفسيتك تنام وتصحى على وجه انثى تقول كلام مو بشر ، وناظر فيهم وهو يشوفهم يضحكون : يخي والله صادق انا ،
عبدالرحمن : يمكن زوجته مو كذا ،
سلطان : ورا ما يخلف هذا بعد وينشغل ،
عبدالرحمن : توه بزر خله يربي نفسه ،
صقر : والله ودي انسدح و اريح تعبت ،
سلطان وقف وهمس : اجيب مُخدات ولحاف الي في المخزن اتذكر ايام نتجمع ونترك مُخدتنا و لحافنا هنا ، ومشى

سُلاف كانت منسدحه نايمه بتعب وعساف على السرير صحى من نومه وهو يلعب ويكلم نفسه ويلعب بيدينه دخل سلطان وناظر و ابتسم بخفه وتوجه وهو يشوف سُلاف نايم سحب اللحاف وهو يغطيها وناظر لعساف وقرب يشيله وناظر فيه وهمس : والله ما ودك اخذ ل عمانك الوحوش ،
عساف تمسك بثوبه وهو يطالع فيه ،
سلطان ضحك وما طاوعه قلبه يتركه ومشى اخذ اللحاف بيده الثاني وطلع لبرا وهو يرميهم ،
عبدالرحمن ضحك وهو يشوف عساف : هلا والله،
صقر ابتسم : ياهلا بشيخ القبيله تعال تعال ،
سلطان مشى وهو يمده لصقر الي وقف واخذه وابتسم : عادي اعضه ي سلطان!
سلطان بضحكه : اذبحك ، وتوجه يجيب الشاهي لانه كلم سُلاف قبل انام وفعلًا سوت ونامت ،
عبدالرحمن التفت وهو يشوف عمر نايم ويضم نفسه بيدينه من البرد مشى اخذ اللحاف وهو يغطيه وحط راسه على المُخده وابتسم وهو يقوم ،
صقر كان واقف ويرفع عساف لفوق ويضحكه ،
عساف ضحك وهو يشوف صقر ونطق : باااء ،
عبدالرحمن : والله القهوة ما سوا فيه خير يحسبك ابوه ، صقر سكت و تصنم بمكانه من شاف عساف نطق " باء " و قام يضحك لا شعوريًا ،
طلع سلطان وبيده ترمس القهوة وتوجهوا تجمعوا يجلسون و يتلحفون وعمر نايم بعيد عنهم ،
عبدالرحمن جلس وناظر الشاهي وابتسم وتذكر امال واخذ جواله يرسل له : قلبي نمتي؟
وترك جواله ما لقى منها رد : جيبه صقر ،
صقر رن جواله ومد عساف لعبدالرحمن ،
وهو يرد : هلا يمه هلا يالغاليه ،
ام صقر بخوف : وينكم محد منكم جاء للحين؟
صقر بضحكه : ثواني ي يمه ، وقفل منها وهو يسجل مقطع ويصور عمر الي نايم وسلطان يصب الشاهي وعبدالرحمن شايل عساف ويضحك و رسله لامه ،
ام صقر كانت جالسه بالصاله و دخلت تشوف المقطع انصدمت وهي تشوف الطفل الي بيد عبدالرحمن وسكتت وهي توقف المقطع وتناظر ،
صقر مشى جلس وهو يبعد الشاهي : لا ينحرق ،
عبدالرحمن ضحك : والله صار يضحك معي،
عساف كان يناظر لعبدالرحمن الي يحرك وجهه ويتحرك شعره ويضحك بقوه ،
سلطان : اي الشيخ رايق كمل نومه ،
عبدالرحمن بضحكه : يرحم اهلك ي سلطان امسكه قسم ما اتحمل ضحكته راح ابلعه ،
صقر بضحكه : هد هد وش كبره تبلعه ،
عساف كان يناظر فيهم ويضحك من دون سبب كان مروق وكمل نومه و رضع وشبعان،
سلطان مد يده وهو ياخذه من عبدالرحمن ويبوسه : ي عسى الله لا يحرمني من الضحكه ي عساني اشوفك عريس ،
صقر كان مبتسم وهو يطالع بحُب ،
سلطان ابتسم وهو يشوف ضحكة عساف وهمس : ياروحي انت ي جعلني فدوه لضحكتك يا جعلني اموت من هالضحكه،
عبدالرحمن ضحك وهو يشوفهم : يخي ودي اخلف يرحم اهلك لا تحمسني ،
صقر ضحك وهو يطالع لسلطان وعساف ،

عبدالرحمن بضحكه : يناس خلوه يصيح ترا مقدر اتحمل هالمنظر صدق راح ابلعه ،
صقر ضحك وهو ياخذ جواله ويصور لملاذ ،
سلطان ابتسم وهو يحطه على الارض : خلاص عطيناك وجه تعبتنا وانت تضحك ،
عساف كان مستمر يضحك ويطالع فيهم ،
عبدالرحمن انسدح وهو يشيله ويحطه على صدره وهمس : قل عمي بسرعه يلا ما اتحمل ،
سلطان : ي بابا لا تقول له عمي ترا خلاك تصيح ،
عبدالرحمن : ياولد قل عمي بسرعه ،
صقر ناظر انها ملاذ رسلت له : وينك ارجع ،
وهمس : والله تاخرنا بمشي انا تعبت بنام ،
سلطان : اجلس توه بدري!
صقر : والله وراي دوام وانا اخوك وهالمسكين نام ،
عبدالرحمن : اي بالله خذه معك انا اجلس هنا ،
صقر مشى وهو يصحيه: عمر ،
عمر فز من نومه و فتح عيونه : شصاير؟
صقر : مو صاير شي قم بنمشي ،
عمر قام بهدوء وهو يعدل ثوبه وتوجه ركب ،
وصقر لحقه و ركب وهو يشوفه رجع ينام بالسياره ،
سلطان ناظر : اروح اجيب جاكيت لي ولك بس احلف ماراح تخليه يبكي!
عبدالرحمن بضحكه : لا والله ماراح اخليه يبكي ،
سلطان ابتسم وتوجه للبيت وتركه مع عساف ،
عبدالرحمن اخذ جواله وهو يتصل على امال ،
امال كانت جالسه تضحك مع البنات ويجهزون للنوم اخذت جوالها وهي تشوف انه يتصل كام استغربت و ردت وفتحت الكام الخلفي ،
عبدالرحمن حط الكام ع عساف : شوفي مين معي،
امال ضحكت وهي عساف على صدره يلعب ب ازارير ثوبه وهمست : ما شاء الله يجننن كانه هذا الي شفته في بيتكم'!
عبدالرحمن باستغراب : متى شفتيه؟
امال : والله مدري اتوقع هذا هو مو غريب علي ،
عبدالرحمن : شوفي من الان اعلمك ان تزوجنا اخليكِ تخلفين عشره زيه ،
امال عقدت حواجبها : قطوه عندك انا!
عبدالرحمن : مالي دخل اختاري اسماءهم خذي لك جريدة وسجلي الاسماء ،
امال بضحكه : انت ابوهم انت اختار ،
عبدالرحمن بتفكير : انزين ي ام إيلا ابشري،
امال بصدمه : إيلا وشوا ذي! يع ،
عبدالرحمن بضحكه : ما عجبك؟
امال ابتسمت : لا ي ابو غيث ما عجبني،
عبدالرحمن بصدمه : غيث!!
امال ابتسمت وهي تناظر لعساف : اي ويارب يطلع زي هالحلو ساكت وهادئ ،
عبدالرحمن : دقيقه وناظر لعساف : ولدددد،
امال فزت من صراخه وبعدت الجوال عساف طاح من فوق صدره لكن مسكه بسرعه وهو يضحك عساف بدا يبكي وهو يضحك،
امال بصدمه : منجدك!!' وتبي عشره بعد!
عبدالرحمن ضحك وهو يشوف سلطان وهمس : اكلمك بعدين وقفل ، وهو يجلس ويبوسه : خلاص خلاص اسف والله بسبب هالحيوانه عمتك مو انا ،
سلطان توجه لعنده : تراك حلفت!
عبدالرحمن بضحكه : اسف والله ،
سلطان اخذه منه وهو يسكته ،
عبدالرحمن : بمشي انا خلاص اسفين ،
عبدالرحمن ركب سيارته وهو يتصل عليها ويحرك،
امال ردت : ي حيوان وش صار فيه حرام عليك خوفته! وترا ما يصلح تخوف الطفل كذا ،
عبدالرحمن بضحكه : ماعليكِ ولدك بالامان وبعدين تعالي مين قايل لك اوافق على غيث! جايبه اسم من عام الفين وحطبه ،
امال بصدمه : خير وش فيه اسم غيث!
عبدالرحمن : ماني موافق انا ابوه و رايي لازم ،
امال : وانا امه و راي اهم من راي ابوه ،
عبدالرحمن عقد حواجبه : والله؟ اجل خلفي بدوني نشوف كيف تخلفين دام رايك اهم من راي!
امال انصدمت من كلامه وقفلت الخط بوجهه ،
عبدالرحمن ضحك ودخل يكتب " وين راحت ام غيث! وترك جواله ووقف سيارته عند البيت ،
امال بصدمه : حيوان ما يستحي وتوجهت تنام ،
عبدالرحمن دخل البيت وهو يشوف امه جالسه عقدت حواجبها : يمه للحين صاحيه؟
ام صقر : كنت انتظرك و وينه سلطان؟
عبدالرحمن بهدوء : ينام عند زوجته وولده ،
ام صقر بحزن : خايف ابوكم يكسره وانا قلبي منكسر على صقر مدري الاقيه من مين ومين ،
عبدالرحمن تنهد وهمس : يمه روحي نامي ولا تفكرين بشيء كل شي بوقته حلو ،
-
= صباح يوم جديد على الابطال =
'
امال فتحت عيونها وابتسمت : نمشي القصيم والتفتت وهي تشوف نجلاء تمشي يمين يسار بالم وفزت بخوف : بسم الله نحوله وشفيكِ!!
نجلاء بخوف : مدري احس بالم خفيف ،
امال : قومي نروح المستشفى وينه شعلولي!
نجلاء هزت راسها بالنفي : لا اذا مشيت تروح الالم ،
امال بخوف : رايحه اعلم ماما ، طلعت وهي تشوف ام سعود جالسه تسفل ب ريما وجنان ومعصبه ،
وهمست : يمه نجلاء تتالم ،
ام نجلاء والكل فزو بخوف و ركضوا الغرفه،
امال توجهت للحمام بعد دقايق طلعت وسحبت عبايتها تلبس : بمشي انا بعد ابي اعرف بنت ولا ولد قدك دخلتي سادس ،
نجلاء لبست عبايتها وفهد ومشعل ينتظرونهم وطلعوا ركبوا متوجهين للمستشفى ،
-
صقر ليس بدلته وهو بتجهز للدوام وناظر لملاذ الي دخلت ومدت له الكوفي ابتسم وناظر : تعالي اجلسي ابي اكلمك ،
ملاذ عقدت حواجبها وجلست جنبه ،
صقر مسك يدينها : تعرفيني احبك صح؟
ملاذ استغربت وهزت راسها بـ اي ،
صقر تنهد : لاول مره افكر امشي خطوه بدون لا اعلمك بس اوعدك راح تعرفين كل شيء ،
ملاذ انصدمت من كلامه صقر قرب يبوسه جبينها واخذ كوب الكوفي وتوجه طلع متوجه للدوام ،
-
هديل الليله كله كانت تنتظره ونامت بدون ما تحس فتحت عيونها وهي تشوفه نايم عقدت حواجبها باستغراب : متى جاء هذا!
استغربت وقامت تغير وتطلع لمريم و ام صقر ،
-
غلا كانت منسدحه ودموعها بعيونها وهي تشوف عمر مايرد انقهرت انها تصرفت معه كذا وتوقعت انه زعلان للحين تنهدت بقهر،

وصلو المستشفى والكل منتظرين و امال مع نجلاء وكلمت الدكتوره ما اعلم جنس الجنين لاحد غيرها كانت مخططه تسوي حفلة جنس الجنين ،
الدكتوره ابتسمت وهي تمد لها الورقه ،
نجلاء ناظرت بخوف : خير علميني ابي اعرف!
الدكتوره : الالم طبيعي وتصير مع الاغلب لا تشيلون هم وابتسمت لهم ومشت ،
امال بضحكه : حتى انا ماراح اشوف ابي ننصدم ،
وطلعوا وفهد مشى لهم ومشعل معه : وشفيها؟
ام نجلاء : تقول الم خفيف وعادي تصير ،
امال بضحكه : يبه تتوقع بنت ولا ولد!
فهد رفع كتوفه : الله اعلم الي يجي خير من الله ،
مشعل توجه عند نجلاء وهو يمسك يدها : تتالمين؟
نجلاء ابتسمت وهزت راسها بالنفي وهي تشوف خوفه وكيف ماسك يدها : امشي بشويش ،
نجلاء مشت معه بهدوء وتوجهت تركب بسيارته ،
-
سلطان كان منسدح ونايم وسُلاف نايمه وعساف وسطهم نايم و يده على وجه سلطان الي مو حاس بشي فز من رن جواله والتفت وهو يشوف يد عساف على وجهه ضحك وهو يبعده واخذ جواله وهو يرد وهمس : هلا صقر؟
صقر بهدوء : تعال انا برا انتظرك ،
سلطان عقد حواجبه باستغراب : شصاير؟
صقر : تعال يخي وتعرف بسرعه ،
سلطان استغرب وقام بسرعه وهو يشوف سُلاف نايمه وعساف نايم وتوجه دخل الحمام وطلع و سحب ثوبه ولبسه بسرعه وطلع وهو يقفل ازارير ثوبه ومشى فتح الباب و ركب : وش بلاك؟
صقر التفت له : كنت نايم؟
سلطان : اي بس وش صاير ؟
صقر تنهد ونطق : فكرت كثير وامس لما شفتك مع ولدك وشفت كيف تحبه وتخاف عليه وهو مو ولدك وكيف هو متعلق فيك ويناديك بابا معرف حسيت بشعور غريب حسيت نفسي محتاج طفل بحياتي محتاج احد يملي حياتي سعاده نفس ما انت تشوف عساف سعادتك بالحياه وتحبه ،
سلطان ابتسم : قسم بالله ي صقر هذا القرار الصح ربي ما رزقك ويمكن مكتوب بنصيبك هذا الشي تتبنى طفل وتعيش حياتك و تربيه ماتدري ربي وش كاتب لك توكل على الله وسم بالله و ان شاء الله خير،
صقر سكت وحرك : كلمت مشاري بعد وينتظرني وقال بس جهز الاوراق وانك تشيل كامل مسؤؤليتها وتتكفل بعلاجها و تعالجها قلت ماعندي مانع ،
سلطان بهدوء : عندها مرض القلب صح؟
صقر تنهد : اي للاسف وقلبها ما يتحمل كثرة الحليب او الاكل يعني اذا كبرت واكلت ما تتحمل حتى لو شربت حليب اكثر من اللزوم تستفرغ ،
سلطان ناظر فيه : تعرفها كثير الظاهر ،
صقر هز راسه بالنفي : مشاري علمني ،
سلطان التفت : طب انا بسالك ي صقر بخصوص ولدي عويس وش تشوف حل ل رجلها؟
صقر فز : اييي راح عن بالي كنت ناوي اقولك خذها لاقرب مستشفى و خله يسون له علاج طبيعي ترا ينفع مره وشفت كثير حالات كذا بالمستشفى..

سلطان التفت : طب انا بسالك ي صقر بخصوص ولدي عويس وش تشوف حل ل رجله؟
صقر فز : اييي راح عن بالي كنت ناوي اقولك خذها لاقرب مستشفى و خله يسون له علاج طبيعي ترا ينفع مره وشفت كثير حالات كذا بالمستشفى ،
سلطان عقد حواجبه : والله ينفع وكم وقت ياخذ؟
صقر : والله على حسب وضعه لكن اقل شي ست شهور او اكثر ومع الايام يتحسن وهو لسا صغير بعد،
-
مشاري كان شايل جوري واقف بالمستشفى وشايله وناظر فيها كانت تبكي تبي الحليب لكن ما يقدرون يعطونها اكثر من اللزوم عشان ما تستفرغ شاله وهو يهزها ويحاول يضكحها و ينسيها الحليب لانهم اخذو منها الوضاعه وقامت تبكي ،
بهاللحظه دخلوا سلطان وصقر وقفوا وهم يشوفون مشاري واقف عند باب المستشفى ويسكتها ،
مشاري رفع نظره وهو يشوف صقر الي وقف يطالع بجوري بصمت ومده له : خذ سكتها تعلم ،
صقر قرب اخذها وعقد حواجبه : وش فيها تبكي؟
مشاري : تبغى الحليب بس مانقدر نع..ماكمل كلامه الا وجوري استفرغت على صقر وتوسخ ثوبه ،
سلطان انصدم وناظر لصقر الي كان يناظر فيها ،
مشاري تنهد : شايف وعاد تحمل كل دقيقه تستفرغ،
سلطان مشى وهو يسحب المنديل وقرب يمسح ثوبه لكن قاطعه صقر : مسح فمها ،
واخذ المنديل يمسح فمها وملابسها ،
سلطان مسح ثوبه وهمس : تتعود ،
صقر سكت بهدوء وهو يطالع بجوري الي سكتت وهي تطالع فيهم وتناظر رجع اخذه لحضنه وهمس : خلهم يغيرون لها اخلص الاوراق واجي ، ومشى عنهم وهو سرحان متردد مو عارف شعوره؛
'
ام صقر دخلت للمجلس وهي تشوف الجد سُليمان منسدح بتعب ويوسف عنده يسولف معه ،
مشت وجلست : السلام عليكم ، ردو السلام وكملت ام صقر : جيت اعلمكم بموضوع يخص حياة عيالكم وانتم لاهين بالدنيا ،
يوسف عقد حواجبه : وش فيهم عيالي؟
الجد سُليمان قام وجلس : وش صاير؟
ام صقر جلست تعلمهم عن صقر وانه ناوي يتبنى،
يوسف انصدم من كل كلمه وهو يطالع ومصدوم ،
الجد سُليمان شهق بصدمه : صقر!!!
يوسف : وفهد يعرف بموضوعه !
ام صقر : لا ما يعرف وهو يقول بنفسه يتكلم معه،
يوسف سكت ونزل راسه وهو مصدوم ،
ام صقر كملت : وبخصوص سلطان ي يوسف طلبت منه يطلق زوجته لكن ما طلقها وناوي يعيش حياته كله معها و كلمني بعد وطلب مني اقنعك ،
يوسف بحده : سلطان!!!
الجد سُليمان ناظر : زوجته! متى تزوج سلطان!
جلسوا وهم يعلمون الجد كل شي و ام صقر تحاول تقنعهم و تقنع يوسف ..
-
صقر خلص الاوراق كله ووقف وهو يشوف ويقرا و رفع نظره وهو يشوف سلطان ماسك جوري ويضحكها ابتسم وهو يشوف شعرها القرنين الي مسوينها لها سلطان ومشاري،
مشاري : دام صارت بنت صقر ف خلاص اخطبها لجاسم ولدي ،
سلطان
يوسف كان ساكت والجد سُليمان مصدوم ونطق بعد ثواني : ما توقعت احفادي كبروا لهدرجه و صقر كيف قدر يخبي عننا كل هالسنين! ليه ما علمنا! و سلطان الي كنت واثق فيه طلع متزوج وانا اخر من يعلم! مالي اي اهميه بحياتكم!
يوسف تنهد ونطق : يبه ما كان ودنا نزعجك و نضايقك قلنا زي ما تزوج منها يطلقها لكن..صد وسكت وناظر ل منيره : انتي تشوفين انك راضيه!
منيره بهدوء : شف ي يوسف انا سعادة عيالي اهم شي عندي و صقر ماله اي علاج وانا راضي يتبنى طفل ويعيش حياته وبخصوص سلطان ف هو يجبرني خيرني بين سعادته وبين رضاي و رضاك! وانا سعادته اهم شي عندي ما اشوف انهم يسون شي غلط واحد يبي يتبنى طفل ويعيش حياته و يربيه
و واحد تزوج بالحلال ويبي نرضى عنه وبس!
-
صقر كان يسوق بهدوء وسلطان شايل جوري ويضحك والتفت : خلصت كل موضوعها؟
صقر هز راسه بالنفي : باقي راح اروح بكره و اخلص ،
سلطان اخذ جواله وهو يراسل لعمر وعبدالرحمن و امه : صقر جاي وجايب معه حفيدة العايله تجهزو لاستقبالها وقفل جواله وهو يشوف صقر الي مد يده ينزل المرايا خاف من اشعة الشمس يضايقها ،
جوري كانت نايمه بحضن سلطان ،
صقر كل دقيقه كان يلتفت يطالع فيها ،
-
ملاذ كانت مبسوطه اهلها يجون القصيم كلمتها انها و امال ومشت وهي تتجهز وتحط مكياج خفيف ومشت جلست واخذت نفس وهي تفكر بكلام صقر ،
-
عبدالرحمن لبس شماغه وتعطر وطلع وهو يشوف الجد سُليمان جالس وابوه متجهز ولابس شماغه لكن الغريب ماراح للدوام عقد حواجبه : شصاير؟ توقع انهم ما يعرفون بسالفة صقر ،
الجد سُليمان رفع نظره : وش تشوف انت؟
عبدالرحمن رفع كتوفه : مدري جاهزين لكن جالسين ما رحتوا الدوام ؟
يوسف بهدوء : حتى انت جاهز ليه ما تروح؟
عبدالرحمن باستغراب : اي رايح بعد شوي ،
يوسف : تفضل روح ،
عبدالرحمن سكت وهو يناظر لكن يوسف ضحك وما قدر يمسك نفسه ونطق : ننتظر بنت صقر ،
عبدالرحمن بصدمه : تعرفون انتم!
يوسف تنهد : اي آمك قالت لنا حتى لو خبيتوا انتم والصدق ياولدي انا راضي الي يسويه صقر يمكن ربي راضي بهالشيء وما رزقه عشان يتبنى ويربي طفله يتيمه و في ميزان حسناته باذن الله ،
عبدالرحمن سكت وهو يجلس جنبهم ،
-
ام صقر توجهت لشقة ملاذ ومشت دقت الباب دقايق وملاذ فتحت الباب وهي مبتسمه دخلت ام صقر وحضنتها و ابتسمت : كيفك ما شاء الله كاشخه ،
ملاذ ابتسمت لها و توجهوا يجلسون ،
ام صقر ناظرت فيها : صقر كلمك بشي؟
ملاذ عقدت حواجبها وهزت راسها بالنفي،
ام صقر بهدوء : انتي تعرفين ليه للحين ما حملتي و تتوقعين العيب فيكِ؟ وتنتظرين متى تحملين ومتى تجيبين بيبي صح؟
ملاذ انصدمت ،
صقر وصل ونزل من سيارته وتوجه وهو ياخذ جوري من من سلطان ويناظر فيها كانت نايمه و رفع نظره وهو يشوف عبدالرحمن و ابوه الي ركضوا طلعوا من سمعوا صوت السياره ، عبدالرحمن ابتسم وهو يتوجه يناظر بجوري الي بحضن صقر ،
يوسف قرب وهو ياخذه منه ، صقر انصدم انه كيف عرف كان ناوي يرجع و يحطهم بالامر الواقع لكن امه تصرفت قبله بكل شيء ولا عطته خبر ،
ودخلوا لداخل يوسف ابتسم : الله يحفظها يارب يالله تحيها ، توجه وهو يحطها بحضن ابوه الجد سُليمان ابتسم وهو يطالع فيها كانت نايمه ،
سلطان كان واقف يضحك وهو يشوف فرحتهم ،
صقر كان مصدوم كيف راضين و مبسوطين ،
عبدالرحمن قرب وهو يشيله : عطوني ياها ،
شالها وهو مبتسم جوري تحركت بانزعاج وقامت تبكي عبدالرحمن ابتسم وهو شعرها والقرنين ،
سلطان ناظر : عطني عطني ما تعرف لهم ،
عبدالحمن : وخر بس انا عمها ،
جوري كانت تبكي سلطان قام يصفق وحاول يسكته،
عبدالرحمن كان يهزها ويضحك ويطالع فيها بحُب وقرب وهو يبوسها ومده لصقر : سكتها ،
صقر اخذها منهم وهو يطالع فيها ،
يوسف والجد سُليمان كانوا يضحكون ويطالعون للعيال كيف مبسوطين فيها ،
عبدالرحمن وقف وهو يصفق : خلاص يابنت اسكتي ارحمي اذني ،
عمر طلع من غرفته وقف وانصدم وهو يشوف البنت وعقد حواجبه وتوجه لعندهم باستغراب : من ذي؟
سلطان : جوري بنت صقر بنت ابوها ،
صقر ابتسم من شاف سلطان نطق جوري بنت صقر ، عمر انصدم وهو يطالع ،
-
ام صقر ناظرت لملاذ الي من سمعت الخبر نزلت دموعها وقامت ترجف بصدمه ،
ام صقر : هو علمك من قبل يا بنتي بس ما استوعبتي وكان ناوي يرجع يعلمك كل شيء بس انا شفت الافضل اني اجيكِ و اتفاهم معكِ انا نفس امك واعرف شعورك ولو عندي بنت و مرت بنفس الي تمرين فيه كان فهمتها جيت قلت اعلمك كل شيء قبل يوصل ويجيب البنت انا مدري انتي تتقبلين تربينها و توافقين ولا ترفضين و تتركين ولدي او حتى تجرحينه بس ملاذ صدقيني بحياتك ما تلقين انسان يحبك كثر صقر حتى البنت قرر يتبنى عشانك عشان خاطرك وعشان ما يحرمك من شعور الامومة هو يحبك يا ملاذ لا تفكرين تتركينه هو وقف معك بكل حالاتك لا تكسرين قلب ولدي ي ملاذ ارفقي فيه وفي حالته هو بحاجتك بهالوقت ، ملاذ كانت ساكته ومنزله راسها وتبكي ومصدومه ..
-
جنان مسكتها : تكفين سوي هنا ابي اشارك معاكم و استانس قبل تروحون ،
ريما : منجد بسرعه قبل نرجع القصيم،
امال بتفكير : من وين نجيب الكيك!
جنان : نروح اقرب محل نشتري كيك و بلونات ونجي نحتفل تكفين ابي اعرف ،
امال بضحكه : طيب بسرعه جيبوا عبايتكم و عبايتي اكلم بابا ونمشي ، البنات ركضوا يجيبون ..

فهد بصدمه : الحين!
امال : اي تكفى ي بابا لا ترفض نبي نستانس ،
فهد بهدوء : تمام يا بنتي انتظركم ، وتوجه لسيارته،
امال ابتسمت و لبست عبايتها و ريما و جنان معها وتوجهوا طلعوا وهم يشوفون فهد واقف و ركضوا يركبون امال ركبت قدام : يالله متحمسه وعاد محد يعرف غيري شفت وعرفت جنس الجنين ،
جنان بصدمه : ي حيوانه مو قلتي ما تشوفين!!
امال بضحكه : ما قدرت امسك نفسي ،
فهد وقف سيارته ونزلوا عند المحلات امال نزلت عند محل الكيك و جنان توجهت تاخذ بلونات
و ريما مشت تجيب باقي الاغراض وهم مستعجلين لانهم بيرجعون للقصيم وبالبيت كلهم يتجهزون ،
بعد عدة ساعات خلصوا و ركبوا السياره بتعب ،
امال كانت ماسكه كرتون الكيك : اوف الحمدلله ،
جنان : اخذت بلونات وردي و ازرق الله اعلم وش الصح ، وضحكوا وهم متوجهين للبيت .
فهد : هاه خلاص ما نسيتوا شيء؟
امال ابتسمت : لا لا ما نسينا ، وصلوا البيت ونزلوا ،
امال : جنان روحي امسكي نجلاء لا تطلع وتعرف ،
جنان ضحكت وهي ترمي عبايتها وتروح الغرفه ناظرت نجلاء كانت منسدحه وتكلم مشعل ،
امال ناظرت لامها : تكفين يمه لا ترفضين ،
ام سعود : الله يعين بنات هالزمن ايامنا مانعرف لا جنس جنين ولا احتفالات نروح نولد ونرجع ،
امال : خير خالتي نبي نستانس حنا ،
ام نجلاء ابتسمت : استانسوا استانسوا ،
والبنات تجمعوا يجهزون كل شي سريع سريع ،
امال بضحكه : اروح البس واجيكم ، ومشت تلبس فستان وردي وعدلت شعرها وطلعت ،
البنات تجهزو وطلعوا ينادون نجلاء ،
نجلاء عقدت حواجبها وطلعت وانصدمت وهي تشوف الصاله البالونات والكيك والكل واقفين ،
جنان مشت توزع شريط ازرق و وردي : توقعوا ،
الاغلب اخذ ازرق ، امال كانت تضحك ،
نجلاء اخذت وردي وهمست : اكيد بنت اعرف ،
ومشت وهي مبسوطه وتضحك والبنات يصورونها و ريما ترسل لمشعل الي كان يشوف المقاطع وينتظر على احر من الجمر يبي يعرف بنت ولا ولد ،
نجلاء قطعت الكيك وانصدمت وهي تشوف لونين يمين وردي و يسار ازرق و رفعت راسها بصدمه ،
امال بصراخ : تواممممم ، الكل شهقوا. بصدمه وفرح و ركضوا يحضنون نجلاء الي مصدومه ،
ريما من الصدمه نست ترسل المقطع لمشعل ، نجلاء نزلت دموعها بفرح وهي مصدومه وهمست : يالله مشعل كان حاس،
امال بضحكه : ذا شعلولي لحد يعلمه سوو له رز بخاري لونين لون وردي و لون ازرق،
نجلاء عجبتها الفكره وناظرت : اي والله ،
ريما : وشو رز جيبوا دجاجه وحطوه بين الرز وخلوه لونين وردي و ازرق ، الكل ضحكوا امال قربت وهي تحضن نجلاء : مبسوطههه اوففف مقدر انتظر ابي يجون بسرعه ،
ام نجلاء كانت فاقده ملاذ وتصور لها

'
ام صقر نزلت وهي تناظر العيال متجمعين على جوري وهي تبكي ابتسمت بفرح ومشت لهم ،
سلطان التفت لامه ومشى : تفضلي حفيدتك جت،
ام صقر ابتسمت وهي تاخذ جوري منه ،
الا صقر كان يطالع بصمت وانسحب بهدوء وتوجه لبيته وترك جوري عندهم كلهم كانوا متجمعين ،
يوسف مشى بعيد ونطق : سلطان الحقني ،
سلطان فز قلبه من نبرة صوته والتفت : انا؟
يوسف : اي انت الحقني وابوي راح للمجلس ينتظرك، سلطان سكت بخوف وناظر لعبدالرحمن ،
عبدالرحمن تنهد : روح روح مابيصير شيء ،
سلطان توجه يلحق ابوه ومشى للمجلس ،
صقر فتح الباب و دخل وهو يشوف ملاذ على الكنب تبكي وبيدها المنديل عقد حواجبه ومشى بهدوء لعندها وجلس : امي كلمتك بشيء؟
ملاذ التفتت عليه و رمت له الورقه وهي تصد وتقوم تتوجه للغرفه وتقفل الباب ، صقر عقد حواجبه وهو ياخذ الورقه ويقرا " رجعني لاهلي وماني بحاجتك ولا بحاجة شي منك وش كنت متوقع ي صقر انك تكذب علي وعلى اهلي و تخبي حقيقتك و خليتني اوافق عليك والحين جاي تعلمني ! صقر ما كمل يقرا وشق الورقه وهو يرميه ويقوم ويتوجه للغرفه و دق الباب بحده : افتححححيييي ملاذذذذ ،
ملاذ كانت منسدحه تبكي والتفتت وهي تسمع صوت الباب يدقه بقوه تنهدت ومشت فتحته ،
دخل صقر وناظر فيها : وش الكلام الي قريته!!!
ملاذ صدت بتمشي لكن مسكها من يدها وهو يسحبها له بحده : لا تتهربين ! انا ايش سويت عشانك! بسببك تركت اهلي و شغلي و رحت عشان اعالجك والحين بسبب عيب فيني تقولين هالكلام! وانا ايش الي خبيته عنك! علمتك كل شيءٍ وعزة الله يا ملاذ لا كان ليلي ليل ولا نهاري نهار كنت الوم نفسي كل يوم اني تزوجت منك وانا بذي الحاله و ايش فيها البنت عشان تزعلين كذا! عطيني من الاخر تبين تربينها ولا ما تبين!
ملاذ سحبت يدها بقوه وهزت راسها بالنفي ،
صقر عقد حواجبه بصدمه : ملاذ!!
ملاذ صدت عنه وتوجهت دخلت الحمام وقفلت الباب وقعدت تبكي وتغسل وجهها ،
صقر اخذ نفس وهو يلتفت على صوت الباب توجه فتح الباب وهو يشوف امه واقفه ماسكه جوري تبكي وهمست : قاعده تبكي ياولدي ومعرف كم لتر حليب اعطيها خفت تستفرغ ،
صقر اخذها منها : تمام يمه ارتاحي انتي انا بشوف،
ام صقر بهدوء : علمت زوجتك كل شي عساها رضت؟
صقر بهدوء : اشوفها الحين ما كلمتها مشغوله هي،
ام صقر ابتسمت ومشت ، وصقر توجه دخل الغرفه وهو شايل جوري اللي تبكي وتصارح مشى حطها على السرير وياخذ شنطة اغراضها ويطلع الرضاعه ،
ملاذ كانت في الحمام وسمعت صوت جوري تبكي تنرفزت وحطت يدينها على اذنها ماتبي تسمع صوتها و دموعها تنزل ،
صقر جلس على السرير وهو يشيل جوري ويحطها بحضنه
هديل بضحكه : كنت ابي اشوفهاااا ،
مريم : انا بنفسي توي صحيت ماما اخذتها فوق ،
هديل تنهدت : اوف مره احب الاطفال ابي اشوفها ،
ام صقر رفعت نظرها : احملي دامك تحبينهم ،
عمر كان جالس يشرب قهوته وغص وقعد يكح ،
ام صقر التفتت وناظرت فيه : بسم الله عليكِ ،
هديل ركضت تمد له المويا لكن صد عمر وهو يقوم يتوجه لغرفته هديل استغربت و لحقته بخوف ودخلت ناظرت فيه : عمر وشفيك؟
عمر هز راسه بالنفي : مافيني شيء ،
هديل سكتت وهي تطالع فيه ، عمر مشى سحب مفاتيحه وجواله وطلع لبرا وقفته هديل وركضت توقف قدامه : تكفى تطلع برا ،
عمر بحده : هديل ابعدي عن طريقي مشغول ،
هديل سكتت وبعدت عن طريقه ، عمر مشى طلع متوجه لسيارته فتح جواله وهو يشوف اتصالات من غلا رمى جواله على جنب وهو يكمل يسوق ،
-
غلا كانت مع البنات تتجهز لعرس محسن الليله
و لبست فستانها الاورنج ومنفوش و رفعت شعرها وابتسمت وهي تشوف مكياجها : اجنننن صح؟
البنات ضحكوا وهمسوا : اخت العريس اكيد تجنين،
غلا ابتسمت لهم والتفتت وهي تشوف جوالها على الطاوله اخذتها وطلعت وهي تشوف محسن يلبس البشت ومشت عنده وحضنته : مبروك ،
محسن ابتسم : يبارك فيكِ ادخلي غرفتك يجون العيال الحين يضبطون لي البشت معرف له ،
غلا بضحكه : بس صوره وحده وبمشي ،
محسن وقف جنبها يتصورون ويضحكون ،
يزيد طلع من الدرج وتوجه لغرفة محسن بيدخل وبيده شماغه لكن وقف بمكانه وهو يشوف البنت كانت حاطه تان و لابسه فستان اورنج و رافعه شعرها و ظهرها العاري باين والريش الي بفستانها من عند الاكتاف كانت تضحك وتصور مع محسن ،
و يزيد وقف ورا الباب وهو يراقب ويناظر ،
-
عمر كان بسيارته يسوق بهدوء وكل عقله مع غلا تنهد وهو ما وده يطول بالزعل اكثر مد يده اخذ جواله وهو يتصل عليها ، غلا كانت تتصور فزت من شافت اسمه و بلعت ريقه وبعدت عن محسن : بدخل للبنات ، وتوجهت لغرفتها وهي تشوفه يتصل ماكان ودها تبكي من الشوق وتخرب مكياجها و ردت بهدوء : ليه تسوين فيني كذا؟
عمر بلع ريقه من صوتها ونطق : غلاوي ،
غلا بدموع : لااا تقول غلاوي ي عمر لا تقتلني اكثر من كذا يكفي طول ليلي ابكي اني زعلتك!
عمر تنهد وهو يوقف سيارته : اسف حبيبتي اسف عمري اسف ي حياتي والله كنت معصب وما كنت متقصد وانتي زعلتيني كثير،
غلا مدت يدها تمسح دموعها : لا تبكيني يا عمر ماودي مكياجي تخرب الليله ،
عمر عقد حواجبه : ليه ماودك؟
غلا : عرس اخوي محسن ماودي اطلع لهم بدموعي لا تبكيني ،
عمر ابتسم : جعلني اموت اذا نزلت دمعه وحده من عينك ! انتي حبيبة خاطري كيف تكسر بخاطري و ادمعها؟
غلا ابتسمت بخفه و..

سلطان رفع نظره وهمس : شسالفه يبه؟
يوسف بحده : اشوف ابوك غبي؟
سلطان بصدمه : لا والله محشوم يالغالي ،
يوسف : وين اوراق الطلاق!
سلطان سكت بخوف وبلع ريقه : ضاعوا ،
الجد سُليمان كان يناظر وكتم ضحكته من كذبه ،
يوسف عقد حواجبه : كيف ضاعوا؟
سلطان رفع كتوفه : كنت اسوق والاوراق على الطبلون وكنت فاتح الشباك وجاء هواء قوي و..سكت وهو يشوف ابوه ما قدر يمسك نفسه وضحك وهمس : والله طالع من افلام هندي ؟
سلطان باستغراب : ليه تضحكون انتم؟
الجد سُليمان : تحسب امك ماراح تعلمنا ؟
سلطان بصدمه : وش علمتكم امي؟
يوسف : شف يا سلطان ياولدي امك كلمتني و علمتني كل شيء وانا راضي عشان خاطر امك عشان امكم تهمها سعادتكم وتحب تشوفكم مبسوطين و سعادتكم عندها فوق كل شيء ،
سلطان ابتسم بخفه وهز راسه بـ اي ،
يوسف ابتسم وكمل : وانا احب امكم هي سعادتي ومستحيل افرط فيها ما اسمح احد يحرمني من سعادتي حتى عيالي وضحك وهمس : وانا مابي احرمكم من سعادتكم هذي الحياة مره وحده ياولدي و دامنا ما نعصي الله ونمشي على طريق الحلال وناوي تكمل نص دينك مين حنا نوقف بوجهك ونرفض بكره اموت وانا حارمك من سعادتك ماودي اموت وانا حارمكم من سعادتكم ،
سلطان ابتسم وقرب يقبل جبينه : شكرًا يبه ،
قاطعه الجد سُليمان ونطق : انا ما اتكلم عشان ما تقول ي جدي انت كنت تغصب عبدالرحمن ،
سلطان بضحكه : بس سلطان هرب منك ،
الجد سُليمان : الله يهديه انا يهمني مصلحتكم وحياتكم وكنت ناوي افرح فيكم لكن اصغركم اعقلكم وكان يقصد عمر لانه وافق يتزوج ،
-
نجلاء والبنات كانوا في المطبخ يسون الرز و يضحكون وهمست : خلاص جاهز الرز كذا ،
نجلاء : اخاف يذبحني ياويلي منه ،
ريما كانت تضحك : حطي لون وردي ،
امال : وعلى يسار لون ازرق ونصدم بابا بعد ،
ضحكوا وهم يشوفون الرز جاهز وحطو بالصحن والتفتوا لنجلاء : كلميه يجي ،
جنان : قولي له العشاء جاهز ،
ريما : بينصدم بس ياخوفي ماراح يفهم تراه غبي الله يعي..سكتت من ضربتها نجلاء وهمست : الغبيه انتي مو زوجي ،
امال بضحكه : هالله بدينا هالحركات ،
-
مشعل باستغراب : طيب اشوف واكلمه ،
سعود : وش تكلمه وهو كذب علي قدامك!
مشعل رفع كتوفه : طيب حتى انا كذب علي،
سعود تنهد ونطق : ماني متطمن منه.
مشعل : خلك منه انت وش فكرت؟
سعود : ماني مفكر شي ووصية جدها يتنفذ و راح اخذها طُرق عن الي ما يرضى ،
مشعل انصدم وناظر : مو قلتي لي ماتبيك!
سعود : مالها كلمه من بعد كلمة جدها ،
مشعل انصدم منه وسكت : بكيفك ،
سعود اخذ نفسه وهو يفكر وساكت ،
مشعل رن جواله واخذه و رد : هلا ام

مشعل : هلا ي ام نايف ،
نجلاء ابتسمت : مين قايل انه نايف؟
مشعل فز : بذمتك مو هو!
نجلاء بضحكه : مو هو تعال ودي اشوف وجهك ،
مشعل سكت لثواني ونطق : يعني الجوهره !
نجلاء : حبيبة امها جوجو ،
مشعل ضحك وكمل : ماعليه الوعد السنه الجاي ان ما خليتك تحملين بنايف ماني ابو الجوهره ،
نجلاء ضحكت وهمست : مشع..سكتت وكملت تضحك وهمست : ماودك تجيني ي ابو نايف ؟
مشعل عقد حواجبه : حددي نايف ولا الجوهره!
نجلاء : ان جيت راح تعرف اطلع لي و بلبس عبايتي،
مشعل باستغراب : على وين؟
نجلاء سكتت لثواني وضحكت : على بر.
مشعل : متاكده؟
نجلاء ابتسمت : اي متاكده نروح لبر ونسهر ،
مشعل باستغراب : ودك تاكلين تراب بعد؟
نجلاء بقهر : مشعلللل حيوانننن ،
مشعل بضحكه : اسف اسف خلاص طالع ،
نجلاء ابتسمت وقفلت منه والتفتت : بمشي ،
واخذت الكيس الي حطت فيه الرز وجهزت كل شي،
امال : ارجعي لنا مو تحملين لنا بتوام ثاني ،
نجلاء التفتت بصدمه : حيواننننه انقلعي لجوكرك ،
امال ابتسمت ومشت لغرفتها اخذت جوالها تناظر اتصالات من عبدالرحمن ،
-
صقر ناظر وهو يشوف جوري نامت وحط حليبها و رفع نظره وهو يشوف ملاذ طلعت وغيرت ملابسها وتوجهت جلست على السرير ، صقر كان ساكت ويطالع فيها ونطق : ابوكِ جاي سمعت من عبدالرحمن واذا جاء بنفسي اتفاهم مع اهلك ،
ملاذ ما ردت وهي تسحب اللحاف وتنسدح ،
صقر تنهد وهو يقوم يفسخ ثوبه وتوجه يدخل الحمام وترك جوري على السرير نايمه جنب ملاذ ،
ملاذ غمضت عيونها واخذت نفسها و رفعت نظرها تناظر لجوري كانت نايمه قعدت تطالع فيها وتشوف شكلها وتشوف حجمها وناظرت لشعرها والقرون وصدت بهدوء تفكر ، جوري تحركت بانزعاج وبدت تبكي ملاذ التفتت وهي تطالع فيها وساكته ولا شالتها جوري بدت تزيد بكاءها اكثر ، وملاذ متجاهله وتناظر فيها بصمت ، صقر طلع وهو ينشف شعره انصدم وهو يشوف جوري تبكي و ملاذ جالسه تناظر فيها ولا تسكتها رمى المنشفه على ملاذ بعصبيه ومشى وهو يشيل جوري،
ملاذ فزت و رفعت نظرها له بصدمه ،
صقر بحده : ماااا تشوفينهااا تبكيييي!!!!!
ملاذ انصدمت من صراخه وهي تطالع فيه،
صقر بعصبيه : وش تبين انتييي فهمينييي!!! ريحينييي ي اذبحينيييي !! وشششش الييي براسككك بالضبطط!! ايش ذنب الطفله تصيح وانتي تاركتها! رغممم انك تدريننن و امييي علمتككك بحالتهاااا البنت مريضه! ان صار فيها شي تتوقعين راح اتركك!!! رجعييي راسك لعقلككك يا ملاذ ولا قسم بالله اني اطلقك و ارميكِ عند اهلك ، وصد وهو يطلع من الغرفه ، ملاذ نزلت دموعها وهي تسمع كلامه وعجزانه ترد ونصارخ عليه نفس ما يصارخ ارتمت وهي تبكي

سلطان وقف سيارته عند المزرعه ونزل وهو مبسوط ويحس الارض مو شايلته من الفرحه ويضحك ودخل البيت وهو يشوف عساف على الكنب جالس يلعب و سُلاف تناظر فيه وتطقطق بجوالها و فزت و رفعت نظرها وهي تشوفه داخله ،
سلطان كان مبتسم وهمس : ياهلا بحبيب ابوه ياروحي انت ، عساف ناظر فيه وقام يضحك ومد يده يبيه يشيله سلطان قرب يشيله ويبوسه ، سُلاف كانت تناظر فيه سلطان رفع نظره اها : ودك بوسه؟
سًلاف انصدمت وصدت عنه : اجيب لك شي تاكل؟
سلطان رفع كتفه : مدري اذا تاكليني من يدينك راح اكل غير كذا ما اكل ، سُلاف عقدت حواجبها وهي تناظر فيه وتشوفه يضحك وصدت للمطبخ ،
سلطان جلس وهو يناظر لعساف : هاه ياحبيبي ،
بهاللحظه دخلت سُلاف ومشت جلست جنبه وهمست : سخنت لك معكرونة امس ،
سلطان رفع نظره : تجهزي بكره امي تجيكِ ،
سُلاف ناظرت فيه بصدمه : صدق؟
سلطان هز راسه بـ اي وهو يفتح فمه : اخلصي ،
سُلاف اخذت الشوكه ومدت له اللقمه : اخا..سكتت من نطق سلطان : مابي اسمع شي كلمت ابوي وامي و راضين و امي تجي تشوفك وتشوف عويس ،
سُلاف تنهدت : طيب وش اسوي كيف اتصرف ايش اقول معرف شي ما قد قابلت احد كذا بموت ،
سلطان بضحكه : لا تسوين شي خليكِ زي ما انتي ولا تخافين اكون موجود جنبك ومعكِ.
سُلاف ابتسمت بخفه وهي تمد له اللقمه،
عساف كان ساكت يناظر فيهم ويلعب ،
سلطان اكل وناظر : ليه ما تاكلين انتي؟
سُلاف بهدوء : شبعانه و احس جاني مغص من سمعت امك تجي تكفى سلطان مابي ،
سلطان ابتسم : عيون سلطان انتي وقلبه سمي وش تبين بس ؟
سُلاف ابتسمت باحراج : لا اتكلم كذا ،
سلطان عقد حواجبه : مستحبه ولدك يسمع؟ والتفت لعساف : يا ولد الحلال قفل اذنك خلني اخذ راحتي امك تستحي ،
سُلاف ضحكت وهي تطالع فيهم ،
سلطان ناظر لعساف : شكلك ناوي تسمع وتشوف احب امك اكثر ولا انت! بس الصدق احب امك اكثر منك اضحي بنفسي عشانها ولو تبي عيوني عطيتها ، سُلاف ضحكت وهمست : الولد يشوفك انحنيت ،
سلطان : ليه امه تركت فيني عقل !
-
صقر كان واقف بالصاله ويمشي يمين يسار ويهزها يحاول ينومها جوري كانت صاحيه وتناظر فيه بهدوء وهو شايله و سرحان و رفع نظره للغرفه وهو يشوف مالها حس اخذ نفس وهو يفتح بتوجه يجلس على الكنب وانسدح وهو يحط راس جوري على صدره و ينومها فوق ويمسح على ظهرها بهدوء ، جوري بدات تغمض عيونها وتنام ، صقر كان سرحان ويفكر ما حس على نفسه الا وهو نايم، عكس ملاذ كانت تبكي ولا قدرت تنام وهي تتذكر صراخه و تهديده بالطلاق نزلت دموعها وهي تسحب المخده وتحضنها وتبكي وودها تروح لخواتها و اهلها ولا ارجع له تعبت منه ومن صراخه

مشعل كان لابس شماغه على شكل العمامه ونزل من سيارته وناظر : وش جايبه وش الي بيدك ،
نجلاء بضحكه : اجلس وتعرف ،
مشعل عقد حواجبه وهو يفرش الفرشه وسحب التكايه من السياره ومشى جلس نجلاء جلست جنبه وهمست : اخر مره اقولك توقع بنت ولا ولد!
مشعل باستغراب : مو قلتي لي بنت؟
نجلاء ابتسمت : كنت اكذب بس قل انت وش تتوقع؟
مشعل بضحكه : نايف صح؟ ترا احساس الابو ما يخيب اعترفي !
نجلاء ضحكت وهي تطلع الاغراض من الكيس وهمست : عطني ظهرك يخي بخلص ،
مشعل : ليه وش مسويه لا يكون نايف بالكيس مو ببطنك؟ وضحك وهو يشوفها عصبت وعطاها ظهره، نجلاء طلعت الاغراض والرز و رتبت كل شي،
مشعل : اخلصي تعبت وانا اشوف الصحراء ،
نجلاء ابتسمت : خلاص خلصت طالع ،
مشعل التفت وهو يشوف الرز وبسبب الظُلام ما لاحظ اللون وهمس : اوه كبسه احيههه اشتهيت ،
نجلاء بصدمه : طيب لاحظت شيء؟
مشعل ما رد عليها وهو يشمر اكمام ثوبه ،
نجلاء ناظرت فيه : مشعللل طالع زين!
مشعل باستغراب : ليه وش فيه؟ وقرب يطالع ،
نجلاء سحبت جوالها تشغل الفلاش : طالع ،
مشعل بصدمه : ليه كذا الرز؟ لا يكون خربان؟
نجلاء انصدمت منه : مشعلللل انا قايل انك حمار وغبي و دفش بس مو كذا!
مشعل باستغراب : ليه وش سويت؟
نجلاء بقهر : يخي شف لون وردي و ازرق وش معناته؟
مشعل بتفكير : يعني الجهه ازرق كله انا كل والجهه وردي انتي تاكلين نتحدى مين اسرع؟
نجلاء حطت يدها على راسها : اوفففف ،
مشعل بضحكه : وشفيكِ؟؟
نجلاء بقهر : ما واضح اني حامل بتوام!
مشعل سكت بصدمه وهو يطالع فيها وتصنم بمكانه ونطق : ءءتوام؟؟
نجلاء ابتسمت : اييي ما تفهم يخي ،
مشعل كان يطالع ومصدوم : بذمتك!
نجلاء بضحكه : والله ،
مشعل كان ساكت يطالع فيها ومصدوم ،
نجلاء ضحكت على شكله و ملامحه وهمست : وشفيك؟؟
مشعل صد ونزل راسه والدموع يتجمع بعيونه ، نجلاء انصدمت منه وقامت تجلس جنبه : مشعللل!!! مشعل التفت وقرب حضنه بقوه وهو ساكت يحاول يستوعب ،
نجلاء ابتسمت : بيجون الاثنين نايف والجوهره ، مشعل ابتسم بخفه وهو حاضنها وناظر فيها : تكفين ما تكذبين صح!
نجلاء : تشوف اني اكذب؟ طالع ببطني وش كبرها اثنين بدال واحد ، مشعل ضحك وهو يطالع ومد يده لبطنها وهو يلمس : مو قادر انتظر اولدي هنا الحين تكفين ،
نجلاء ضحكت و ضربته على كتفه ،
مشعل اخذ نفس وهو يرجع يحضنها بفرح ،
-
امال : ياربي وين راحوا ذولي بنمشي الحين،
ريما : اتصلت بس ما يردون ،
جنان بضحكه : روحوا انتم خلوها عندي ،
ام نجلاء دخلت وهمست : وينها ما جت؟
امال : مدري عنها ما ترد من ساعه اتصل

عبدالرحمن كان منسدح بسيارته و سرحان و رفع راسه وهو يشوف امه جالسه وسكت لثواني بعد دقايق نطق : يمه افكر اتزوج ،
ام صقر التفتت له باستغراب : تتزوج؟؟
عبدالرحمن ابتسم : اي وعاد عندي عروستي ،
ام صقر صدت عنه توقعت انه يستهبل ،
عبدالرحمن باستغراب : طيب اسالي مين هي،
ام صقر : خلني اقوم اصلي الوتر اترك عنك استهبالك وقم انت بعد اذكر ربك و صلي ،
عبدالرحمن : والله ما استهبل صدق اتكلم ،
ام صقر ناظرت بصدمه : وش جاكم انتم!
عبدالرحمن : يمه تكفين اسمعيني طيب ،
ام صقر اخذت نفس وناظرت : ومنهي طيب!
عبدالرحمن ابتسم : امال بنت عمي فهد ،
ام صقر ناظرت فيه بصدمه وهي نست هالموضوع توقعت مارلين تعبي راسها وناظرت فيه بصدمه وهي تشوفه مبتسم ووقفت بحدها : ما تستحيييي!!!
عبدالرحمن باستغراب : ليه استحي؟
ام صقر ما قدرت تتحمل وعطته كف بكل قوته وهي تطالع فيه : البنتتت مخطوبهه و اصغررر منككك توهااا صغيرههه متوقعع اهلها يظلمونهااا معك!
عبدالرحمن انصدم وسكت وهو يطالع فيها ما عطتها فرصه يتكلم صدت وهي تمشي لغرفتها ومعصبه ، عبدالرحمن سكت بهدوء وهو يناظر ،
وقام بقهر سحب مفاتيحه وطلع توجه بسيارته،
-
مريم ناظرت لهديل : رقمها عندي بس خايفه كيف اتصل اخاف اخوي دحوم يقفطني!!
هديل باستغراب : كيف جبتي رقمها؟
مريم بضحكه : من جوال اخوي دحوم ،
هديل : يااا حيوانهه لو عرف يذبحك ،
مريم : يخي ودي اتعرف عليها واجلس معها ،
هديل ضحكت وهي تقوم : بروح اشوف عمر جا ولا لا واجيكِ ، ومشت طلعت توجهت لغرفتها وهي تشوف انه ما جاء تنهدت بطفش وهي تجلس تفكر وضحكت من جت ببالها فكره ومشت قفلت الباب وهي تنتظر متى يوصل عشان تسوي حركتها دقايق و اندق الباب فزت و ركضت وهي تسحب المُخده و تحطها ببطنها تحت البلوفر وتسوي نفسها حامل و فتحت شعرها وحطت يدها على بطنها ومشت وهي تفتح الباب ، عمر رفع نظره وناظر فيها وعقد حواجبها وناظر فيها بهدوء وهو يدخل ،
هديل بتمثيل : اوف عمر تعبني ولدك ،
عمر سكت وهو يطالع فيها ومصدوم من غباءها ،
هديل : متوحمه على باريس متى تاخذني؟
عمر : انتي بعقلك ولا لا؟ وتوجه وهو يجلس على السرير ، هديل مشت وهي تنسدح جنبها وتضحك : اوف تخيلت اني حامل ،
عمر ناظر فيها وهو يمد يده لجيبه وهو يطلع باكيت الحبوب و رمى عليها : خذي ،
هديل ناظرت فيه : ما ابغى ودي احمل ،
عمر بحده : انتي بوعيك ولا لا!
هديل بقهر : يخي احب الاطفال والله
وسكتت وهي تناظر فيه وناظرت لبطنها والمُخده وهمست : راح اطلع اقول للكل اني حامل ، وقامت بتقوم لكن مسكها عمر وهو يسحبها و يسدحها ومد يده يرفع ..

سلطان كان منسدح على السرير وعساف فوقه على صدره يلعب وسلطان يناظر لسُلاف كانت عند التسريحه تستشور شعرها و متوتره ،
سلطان بضحكه : وش رايك نروح نداهمهم ؟
سُلاف فزت و التفتت له : لمن؟
سلطان : لامي ما ودي هي تجي امس كانت تشتكي من الم رجولها تعبت وهي تطلع لاخوي وتنزل ،
سُلاف بخوف : الحين؟
سلطان : اي ليه وجهك كذا وخايفه! انا معك مو قلتلك! لا تخافين و تجهزي نداهمهم ،
سُلاف ابتسمت بخفه وسكتت وهي تعدل شعرها وهمست : بسوي شي؟
سلطان رفع كتوفه : وش تسوين؟
سُلاف : مدري حلا اي شي ماودي اروح يديني فاضيه،
سلطان : بكيفك ولا ناخذ من برا ،
سُلاف هزت راسها بالنفي : بقولك الاغراض وتجيب؟
سلطان ابتسم : ابشري عيوني لك ، سُلاف ابتسمت وهي تاخذ ورقه وتكتب له الاغراض للحلا ،
عساف ناظر لسلطان وهو يصارخ : بااااء ،
سلطان ضحك : ابوي انت هلا بروحي هلا ي حبيب ابوه هلا ي كبدي هلا ي قطعه من قلبي ،
سُلاف ضحكت وهي تسمعه ومشت تمد له الورقه،
سلطان مسك يدها وهو يسحبها له كان منسدح على السرير سُلاف طاحت على السرير : سلطانننن ،
سلطان ضحك وهمس : عيون سلطان وقلبه ،
وسحبها بحضنه : تعالي انتي بعد ،
عساف كان جالس فوقه و يلعب ب مفاتيح سيارته،
ويضحك ، سُلاف ابتسمت : شف كيف يضحك ،
سلطان ناظر لسُلاف : بوسيني و اضحك زيه انا بعد،
سُلاف بضحكه : لا تضحك اجل ،
سلطان ابتسم : شف ي عساف امك حارمتني من ابسط حقوقي و تعذبني اهخخخ بس ،
سُلاف ضحكت وهي تبعد عنه وتقوم : بغير ،
سلطان ابتسم وحط عساف على السرير وقام وقف يعدل ثوبه عساف اول ما حطه على السرير قام يبكي ويمد يده يبيه يشيله سلطان : خربتك الظاهر ،
عساف كان يبكي وهو يشوفه واقف ، سلطان قرب وهو يشيله ويبوسه : يلا رايحين نجيب الاغراض ،
وتوجه طلع وهو يكلم امه يتصل عليها ،
-
ام صقر كانت جالسه بغرفتها ومعصبه من عبدالرحمن التفتت من رن جوالها اخذته وهي تشوف اسم سلطان و ردت : هلا ،
سلطان عقد حواجبه من نبرة صوتها : نمتي؟
ام صقر بهدوء : لا صاحيه ما نمت ،
سلطان ابتسم : اجل جاي وجايب معي زوجتي اذا كلكم صاحين وخالتي صاحيه؟
ام صقر بهدوء : اي صاحيه حياكم و زين تجيبها انا رجليني متكسره مقدر امشي ،
سلطان : الله يعطيكِ الصحه والعافيه ي يمه، بعد دقايق قفل منه وتوجه لسوبر ماركت وعساف معه وجاب الاغراض الي طلبت منه سُلاف ، و ام صقر مشت تعلم الكل ،
مريم بصدمه : صدق؟؟؟؟
ام صقر : اي بالطريق جاين ، مارلينااااا ،
مارلين ركضت بخوف : هاه ماما شفي ،
ام صقر : بخري البيت وسوي قهوة ،
خاله مُزنه ابتسمت : حياهم الله ،

مارلين مشت تسوي قهوة ومريم مشت تتجهز ،
خاله مُزنه : زوجة عمر و زوجة صقر مو موجدين؟
ام صقر تنهدت : يمكن نايمين مع ازواجهم ،
خاله مُزنه ابتسمت وهي تقوم : اروح لملاذ اتطمن و اشوف جوري بعد مو قادره ارتاح ابي اشيلها ،
وضحكت وتوجهت تطلع عندهم لفوق ،
ملاذ كانت بالغرفه طول الوقت وما طلعت.
صقر كان نايم وجوري صحت من نومها و قعدت تستفرغ عليه وعلى ملابسه لكن ما كان حاس ونايم ،
جوري فتحت عيونها وهي ساكته بعد ما استفرغت وطلعت كل الي ببطنها كانت ساكته تناظر بالارض ، خاله مُزنه مشت وهي تدق الباب ، صقر تحرك بانزعاج وفتح عيونه فز وهو يشوفها استفرغت وكل ملابسه توسخ ومد يده رفعها لفوق وتنهد بضيق وهو يلتفت يمين يسار وقام حطها على الكنب وهو يتوجه يفتح الباب الي يندق كل شوي،
خاله مُزنه ناظرت فيه : كنت نا..سكتت وهي تشوف ملابسه : شصاير معك؟
صقر : ولاشي بس جوري استفرغت ،
خاله مُزنه رفعت نظرها وناظرت جوري كانت على السرير و ركضت تشيلها ،
-
سلطان كان جالس مع عساف وسُلاف بالمطبخ تسوي الحلا وتسمع صراخه استعجلي بسرعه ، بعد دقايق خلصت ومشت وهي تلبس عبايتها : خلاص خلصت،
سلطان قام وقف وهو يشيل عساف ، سُلاف توجهت اخذت صينية الحلا : يلا؟
سلطان ابتسم : يلا وتوجه لسيارته ولحقتها وهي متوتره وبيدها صينية الحلا ،
-
مريم طلعت وناظرت : اوف تاخروا ،
ام صقر كانت جالسه و سرحانه تفكر ب عبدالرحمن وهمست : عبدالرحمن موجود؟
مريم هزت راسها بالنفي : مو موجود ،
ام صقر سكتت وهي تفكر ، سلطان وقف سيارته ونزل وهو شايل عساف وسُلاف وراها نزلت وابتسم وهو يمسك يدها ويدخلون داخل ، مريم سمعت صوت السياره و ركضت طلعت وانصدمت وهي تشوف عساف اما سُلاف تاخرت وجلست تعدل ربطة الكعب ، مريم اخذت عساف من سلطان و ركضت لداخل : خالتي شوفيي ، و ركضت وهي تمد لها ، ام صقر ابتسمت وهي تناظر لعساف الي مصدوم ويناظر باستغراب،
ام صقر شالته وهي ترفعه ومبتسمه ،
سلطان مشى عند سُلاف : وشفيكِ؟
سُلاف هزت راسها بالنفي وهي تقوم : ولاشي،
سلطان مسك يدها واخذها معه ودخلوا ،
سُلاف وقفت وهي تناظر وتحس بخوف ،
اما سلطان ضحك من شاف عساف مع امه،
-
خاله مُزنه شالت جوري وهي تناظر فيها وهمست : وين ملابسها ؟
صقر بهدوء : بغرفتي اجيبهم وتوجه دخل وهو يشوف ملاذ نايمه واللحاف على الارض مرميه و حاضنه مُخدتها وخشمها احمر ، تنهد بضيق وهو يسحب شنطة ملابس جوري وطلع مده لحاله مُزنه وغيرت لجوري وهمست : اخذها تحت عند امك ،
صقر : تمام وانا انام خلوها عندكم ،
خاله مُزنه هزت راسها بـ اي وهي تشيل جوري وتاخذ..