رواية أنااااا سجين قلبـــك الفصل الرابع 4 - بقلم الكاتبة روجمان

اول مكعدت وعرفت انو  الحركه الي سويته خبلت لينا ضحكت وكلت هسه خلي اكتبله رساله وكتبتلها رساله
وكتلة (مساء الخير يااحلى انثى اليوم جنتي طالعه كلش حلوة ياريت دائما تلبسين اللون الوردي )
عود الرساله من المجهول الي دائما يزعجة
ودزيت الرساله  ومجاوبت وظليت الاسبوع كله ادزلها ومجاوبني واليوم قررت اروح لاابويه ورحت لاابويه وكعدت شويه ولمن اجتي لينا دسلم عليه سلمت علية من ورة خشمي وهي خطيه معرفت شنو  سبب التحول المفاجاء ولمن طلعت اجتي بسرعه عليه كلتلي طارق كتلها نعم كالت اني زعلتك بشي كتلها لا كالت لعد ليش هيجي تحجي ويايه
باوعت عليها وكلت بيني وبين نفسي هي هاي بريئه هيج لوهاي مثل سجى اسوي تمثليات بس جانت حركاتها ونظراتها ادل على البراءة اجيت عليها كتلها صارلي جم يوم مااجيت ليش ماخابرتي سئلتي عليه جان دكول يس اني استحي شلون اخابرك ميصير كتلها لويش ميصير سكتت كتلها يله براحتج وخليت وطلعت بس ماادري  ليش ضجت حسيت اني داخذة بذنب امها وخفت من تالي هاي العبه لان  صراحه انقهرت عليها اليوم لان هاي بعدها صغيرة اذا نكسرت مشاعرها رح تفقد الحب بحياتها وراح ينكسر شي بداخلها صعب يصلح وظليت طول اليوم ضايج وكل شويه تجي نظرات لينا كدامي واحس بعفويتها لمن كلتلي ليش ضايج وبهاي الاثناء ودك التلفون وعرفت رقم لينا لان مخزون يمي مردت اجاوب بس ماكدرت وجاوبت و كلت الو وسمعت صوتة احلى مابيها صوتها عبالك بلبل ويغرد احسه صوت من الجنه كتلها الو منو كالت هلو طارق اني لينا وتحجيها بتردد وبخوف وعبالك داسمع دكات كلبها لحد عندي  من الخوف كتلها شتريدين كالت اني شفتك ضايج
وكلت اخابر اعتذر منك كتلها اوكي مصار شي جان دكلي حباب لتزعل ابتسمت كلت صدك جاهله كتلها مزعلان
كالت والله كتلها والله كالت اي زين كتلها لينا كالت ها
كتلها اني مااريد احد يعرف انو بينا شي اونتواصل
اوتتصلين عليه كالت ميخالف مااكول لااي احد كتلها اي زين كتلها اني اريد اكلج شي كلتلي اي كلي كتلها اني احبج وسكتت بس اسمع صوت انفاسها كتلها وينج كالت هياني وياك كتلها ماجاوبتي كالت شجاوب كتلها اني احبج من اول مرة شفتج كالت صراحه اني هم نعجبت بيك من قبل جنت اسمع ماما تسولف عنك وعن شخصيتك وانك عندك حرس وتسافر هوايه وصراحه جانت ادكول هوايه يعرف بنات وجانت دائما تتكلم عنك فنعجبت بهاي الشخصيه الي جنت اسمع عنه وجنت اتمنى اشوفك ومن شفتك طلعت صدك مثل مجانو يكولون عليك كتلها يعني اني اعجبج سكتت كتلها ليش سكتي كالت اني استحي كتلة علويش تستحين اني اريدج تحجين ولتستحين مني تمام كالت تمام وحجيت شويه وياها وبعدين كتلها يله باجر موعندج دوام كالت اي عندي دوام كتلها لعد روحي نامي كالت صار كلت خلي ادوخها اكثر من ماهي دايخه
كتلها لينا كالت نعم كتلها ياريت لوهسه انتي نايمه بحضني وابوسج وجان دكول عزة شكد عيب خجلت واني طكيت ضحك عليها كتلها يله تصبحين على خير
وسديت التلفون وجان اكو ابتسامه على وجهي مفاركت وجهي وصدك حسيت نفسي مراهق برغم اانو اني اعرف اني دالعب عليها بس اسمتعت بالمكالمه
وعجبتني الطفوله الي بيه ورديت وكلت لنفسي وين راح تصفه هاي السالفه شدوخت  نفسي بهاي الشغله والحب وهاي السوالف وحب هاي الصغيرونه اخاف هدورة احبها من صدك
يتبع ......