رواية أنااااا سجين قلبـــك الفصل الخامس 5 - بقلم الكاتبة روجمان

اني حسيت نفسي دوخت روحي بسالفه لينا ولكن بعد اول اتصال بينا كامت تصيراتصالات هوايه وصلت لينا لمرحله انو هي مجنونه بيه صرت بالنسبه اله كلشي بالدنيا تحسني انو اني كل دنيتها وجنت بيوم الي مااحجي وياها تتخبل هي طفله واني عندي خبرة وخليتها تعشقني وبعد فترة والدي وزجته  سجى الحيه سافرو لان والدي كل فترة يسافر يسوي فحوصات وهي لان دوام ماكدرت اتسافر واني استغليت هاي الفرصه حتى  اتقرب من لينا وبرغم كل تصرفاتي ماادري ليش دورات احس مشاعري وياها صادقه وانو اني اريدها ودورات احس انو اني انتقم من امها بيها بس لينا اصبحت جزء مهم من حياتي
ادور على اتصالاتها على رسائلة
المهم انو لينا راحت بيت اهل امها  وبالبيت بس جدها وبيبيتها والي هما كبار بالعمر كلش فاليوم خابرتها
كتلها هلو لينا كالت هلو حياتي شلونك كتلها اريد اطلع وياج كالت مااكدر كتلها اوكي براحتج باي عرفت انو هي راح تخابرني وتتعتذر ودكلي ميخالف وفعلا مطولت ربع ساعه وخابرتني وكلتلي اسفه حياتي لتزعل وكالتلي كتلها لبيبي انو محتاجه شغلات رح اروح ويا صديقتي اجيبها وقبلت كتلها اوكي اني منا لشويه اجيج اوكف شويه بعيد عن بابتكم كالت اوكي اروح اتحضر ورة شويه  ورحتلها واجتي لينا وصعدت يمي
وريحه عطرها وجمالها وعيونها التضحك وابتسامتها الهادئه طبعا اني من اطلع تطلع ويايه سيارة مال حرس بس يمشون بعيد عني يعني بسبب وضعي اني انسان مستهدف ولو اني محد يكدر يااذيني لان محد يجرئ
انو يندك بيه بس يعني للاطمئنان لااكثر ولمن صعدت لينا شافت سيارة كالت هاي شنو سيارة ورانه كتلها معليج بيهم مياثرون علينا كلتلي  اوكي وكلتلي طارق وين راح نروح كتلها خلي نشوف صراحه من شفتها اجتي افكار شيطانيه براسي هههه بس تعوذت من الشيطان وكلت خلي اوديها لمكان يخليها تحس انو هي مميزة وفعلا كنت متصل بواحد من اصدقائي صاحب مطعم وكتله اني اريدك تحجز المطعم بس الي وفهمته على بعض الترتيبات وكلي اي بعيني واخذتها للمطعم وجانت كامشه يدي قوي  صراحه لمت نفسي لان مجرد اجتي فكرة بالي انو اني اذية لان هي تحس ويايه باامان والدليل تمسكه بيه وكاانما طفله وكامشه ابوها وكاانما ماعدها ثقه بالناس كلها بس تثق  بيه المهم وصلنه للمطعم وجان مابي احد وهي ظلت فاتحه عيونها جان دكلي طارق كتلها نعم كالت اشو المطعم فارغ شنو معزل ضحكت كتلها لامفتح بس هو النا وحدنا بس اني وياج كالت صدك كتلها اي والله واتقربت عليها وهي كلبها يدك كتلها باعي ليفوك رفعت راسها وجان اشوف السكف مال المطعم كله بالونات ملونه وعلية اسم لينا شفت نظرة بعيونها عمري مرح انساها اول مرة اشوف نطرت اعجاب بعين امراة بهذا الشكل برغم انو الي سويته شي كلش بسيط  بس هي شافته شي جبير اغلب الي جنت اعرفهن ميقنعن بهيج مفاجئات بسطيه يحبن الاشياء الي بيه فلوس هوايه  بس لينا جانت مختلفه ولااول مرة اتمنى فعلا تكون مختلفه عن امها
المهم انو لينا ظلت فرحانه وتباوع بعيونها منا ومنا مثل الاطفال وبعدين اجتي وجان تحضني قوي واني من حضنتني هيج صراحه حسيت انو هي  حركت مشاعري كرجل
وبشكل غريب تمنيت حضنها ميخلص وفعلا لمن عافتني
جريتها مرة ثانيه وحضنتها بكل قوتي واني احضنها وجان تبوسني من خدي كلتلي حبيبي كتلها ها كالت لتعوفني فديوم حباب ترة اني بدونك اموت
حباب ابقه ويايه دائما باوعتلها كتلها لينا كالت ها
كتلها تزوجيني كالت ها شنو كتلها كتلج تزوجيني
كالت صدك تحجي كتلها اي والله سكتت ونزلت راسها رفعت راسها وبستها من راسها كتلها اني اريدج تكونين مرتي واريد يجي الليل وانتي نايمه بحضني واريد من ارجع للبيت وتعبان شوفتج تريحني لينا اني اريدج وكلبي بس الج يدك اريد كلشي بيج اريد املك كل جزء بيج اريد كلشي بيج يكون الي اريد شفتج وضحكت وكلبج واريد العب بشعرج واريد احضنج والحضن الي مابعدة حضن  كتلها يعني مختصر الكلام اريدج كلشي بيه يريدج وهي خجلانه والخدود صايرة حمرة خدودها تنكل وكرصتها من خدودها وكتلها شو ساكته كالت شجاوب اني حتى بعد مااعرف احجي كتلها لويش كالت استحي كتلها يعني انتي متريديني سكتت كتلها احجي كالت طارق كافي والله خجلت ضحكتلها كتلها تعاي نتعشه وتعشينه وسولفنه
وضحكت وتونست وياها بشكل موطبيعي صدك حسيت نفسي صارلي هوايه محاس بالمتعه هيج ولمن خلصنه كالت اتاخرت لازم ارجع للبيت ورجعتها وانتظرتها لحد مادخلت
وظليت شويه واكف وبالي راح للحجي الي كلته لينا كتلها ازوجج واني ارغب بيج وهوايه حجي وكلت لروحي اني ليش داسوي هيج ليش داكذب هلكد بمشاعري اني عمري كله جنت اشوف الحب الصادق مشاعر مقدسه هسه كاعد العب على لينا بهالشكل وكلت لنفسي شنو الي رح يصير
وسقت سيارتي ورحت رجعت  للبيت وظليت حاير ودايخ وكلت بعد مااكذب على لينا ولازم اكطع علاقتي بية لان هاي مسكينه اني كمت كلش اجرحها وهاي ماخذة السالفه صدك واني مكضيه لعب وقررت وهاي ثاني مرة اقرر انو اترك هاي العبه واتراجع وكله بسبب زوجت والدي والي  صار صدمني جدا وخلاني احقد على سجى
يتبع...