رواية أنااااا سجين قلبـــك الفصل السادس 6 - بقلم الكاتبة روجمان

كل مره اتراجع عن افكاري وترجع الامور الي تستجد تخليني ارجع اريد اذي سجى بااي شكل بس الي صار
خلاني اريد اشرب من دمها بعد مارجع والدي من السفر
بعدها تقريبا بيومين اتصلت عليه اختي سماح ساعه بالوحدة بالليل كتلها شكو كالت بابا متخربط تعال بسرعه رحت شفت والدي تقريبا منتهي تخبلت معرفت شسوي اخذته للمستشفى  عالسريع وطبعا جان ميت لو مو ستر الله وبعد الفحص والتحاليل طلع انو هو صارله فترة ياخذ دوة هذا الدوة عبارة عن حبايه تخلي مومدمن انما مثل المدمن ترخي اعصابه وتخلي اغلب الوقت نايم وقابليته كلش اصير ضعيفه وبماانو هو جبير واعصابه بدت تتعب مال كبر هاي الحبوب تعجل بقتل اعصابه تخبلت ردت بس ابويه يصحه وافتهم منه طبعا جنت ملتهي باابويه وماعرفت بسجى وبتها ولمن سئلت اختي كالت علااساس والدي كايللها انو هي طالعه زعلانه وماخذة بتها طبعا اني بسرعه عرفت انو هاي سوالفها واكيد هي الي مبدله الدوة لان دائما كانت تحب تبين النا انو هي تحب ابويه ومعتنيه بااكله وبشربه وبالدوة مالته واني جنت اكثر واحد اعرفها شلون حيه وهي تريد تموت والدي حتى تورثه ولو هي ماقصرت مابقت على حاله كلت اني الج سجى لاادمرج
خلي بس اطمن على ابويه واتفرغ الها ولااهلها
والحمدلله بعد يومين والدي شويه صار احسن والدكتور منعه من اي انفعال بااي شكل وكله الراحه التامه وابد لتحاول تتعصب ولمن طلعته للبيت واطمنت انو خواتي موجودات يمه كلت هسه اجه دور سجى اني اعلمج
وانتظرت لليل كلت حتى اهلها كلهم بالبيت وصدك ساعه ب١١بالليل رحت واخذت ويايه الحرس مالي وخليت واحد من الحرس مالتي يكمز من السياج ويفتح الباب من جوة ودخلت جانت باب الخشب مسدودة دكيت الباب ميقبلون يفتحون كمت اصيح كتلها فتحي الباب سجى ترة متلومين الانفسج وهي صيح من ورة الباب والله اخابر الشرطه اكللهم اتهجم عليه كتلها ديله خابري كالت شتريد كتلها فتحي الباب تخاف تعرف مسويه مصيبه وبعد كومه حجي وجان تفتح الباب واول مافتحت الباب ردت اضربها بس اني رجال ومستحيل امد يدي على مراة كتلها تعاي شسويتي لاابويه كالت كلشي ماسويت وكعدت تحلف واخوتها وابوها يتراجفون وجان اباوع لينا نزلت من الدرج
وشعرها مفتوح اجتي جان دكلي طارق باوعت عليها ومجاوبتها كتلها احجي سجى شلون مبدله الدوة مال ابويه ليش تريدين تموتي كالت والله ممسويه كتلها لجذبين كتلها شوفي اول شي ترجعين كل درهم اخذتي من ابويه وطلعين من حياته نهائيا انتي تعرفيني اذا اريد اذي احد شكدر اسوي اقسم بالله سجى ادمرج انتو وهذوله اخوتج
سمعتي كالت ماعندي كتلها اني كتلح ودربالج تفكيرين توصلين يم والدي وبعد مااخذ الفلوس منج الج عندي غير حساب واشرت لواحد من الحرس كتله جيب لينا
ولينا فاتحه عيونها ودكوله عفيه عوفني اني شعليه كتلها بتج راح تبقى يمي لحد مجيبين الفلوس وبعدين اني اعلمج
سمعتي كالت عفيه بتي شعلية بعدها صغيرة شنوذنبها كتلها ذنبها انتي امها
ولينا تباوع عليه ممصدكه هذاك الي يحبها ويخاف عليها وكللها ازوجج هيج ديسوي وياها وهذا الي كللها مستحيل اخلي رجال يلمسج هسه خله واحد من الحرس يجيبها لحد عندة ويلمسها اني جنت احس الي بداخلها بدون متحجي اعرفها من نظرات عيونها شنو الي بيها
واول ماطلعت من اهلها صعدتها ليورة  واني جنت داسوق السيارة كالتلي انت معقوله نفسك طارق انت معقوله نفسك الي تحبني معقوله كلبك انطاك هيج اسوي بيه كتلها سكتي لدوخيني بعدج مشايفه شي
كالت طارق اني احبك واضوج اشوفك زعلان كتلها كافي سكتي كلتلي  اني شسويتلك
يتبع ....