الفصل 2

:اوعي اسمعك تقولي كده تاني رد فعلي مش هيكون كويس و افتكري ان عندك بنات واحده متجوزه والثانيه يا عالم هتتجوز ولا هتقعد جنبك : هتتجوز يا حبيبتي برضا اهلها وجوزها هيستلمها من ايد اخوها الدور والباقي على اتجوزت من ورا اهلها *طبعا مسكت نفسي وما عيطتش قدامها بس نتشت الحاجه من ايد مديحه :هاتي حاجتي ولما تجيبي حاجه عليها القيمه رهان لهم ابقي تعالي اتكلمي معايا بعين ق -ويه انت و مامتك ولما يرجع عادل هقول له على الكلام ده

: اه قولي له و نكدي عليه وهو راجع تعبان من شغله يا بنت الاصول *رديت عليها بح -دة اكبر : هو انت كل شويه يا بنت الاصول يا بنت الاصول هي الاصول دي لازم انا اللي اعرفها بس لكن انت وبنتك بتعدي من جنبك كده ولا كأنك تعرفيها حرام عليك بقى *دخلت غرفتي ورزعت الباب جامد حماتي الحركه دي بتنرفزها قوي من بره : هو ده الادب يا بنت الاصول *فتحت ثاني وانا عيني بتطلع ش -رار

: لا انا ما اعرفش الاصول وما اعرفش التربيه ايه رايك بقى واخر مره تتكلموا معايا *قفلت الباب ثاني ودخلت اخذت من هدومي كام قطعه غير البالطو وانا مصره ابيعهم واجيب فلوس اديها لعادل عشان يشوف لنا لو غرفه فوق السطوح نأجرها *فعلا كنت اعرف محل بيشتري الهدوم الماركات العالميه ويبيعها على أنها جديده لو حالتها كويسه وانا هدومي كلها حالتها كويسه اصل ما كنتش بخرج كثير *قدرت اخذ منه مبلغ كبير

*قابلت ماما فريده عمه عادل دي بقى عسل السنين فيها كانت بدايه معرفتي بيها مش كويسه بس بعد كده حبيتها قوي و خلتني انادي لها ماما وده بيضايق حماتي جدا لاني بناديها هي بطنط مش ماما *ماما فريده اخدتني محلات تعرفها *اشتريت هدوم كثير للحمل وغيره بدل اللي راح مني و اسعارهم معقوله وما كنتش زعلانه الحاجات كانت حلوه بس مش نفس الشياكه اللي متعوده عليها الحاجة اللي حسيت اني بعرف أتقنها تنسيق اللبس *عند عادل في الشغل جاله تليفون:

الو الشخص :هو انا كان اتفاقي معاك انك تض -ربها :ده سوء تفاهم بيني وبين مراتي وخلاص اتحل و صالحتها :هو انا كل اللي طلبته منك تتجوزها بس ومن ورا اهلها وما تلمسهاش وشوية و تطلقها تقوم تعمل عكس ما طلبت و تخليها حامل كمان :مراتي بشرع الله ما حدش يقدر يمنعني اني المسها :طبعا انت اتمكنت دلوقتي لما اتجوزتها لو عرفت مره ثانيه انك ضر -بتها هوديك ورا الشمس :بقول لك يا باشا انا مش بت -هدد انت خلاص انتق -مت منها و اتفض

-حت انها اتجوزت من ورا اهلها واحد ميكانيكي واحد مش من مستواها زي ما بتقولوا اللي بعد كده خلاص بتاعي بقى سيبني اعيش حياتي معاها ولو على فلوسك رجعتها لك يبقى كده قصتنا انتهت مع بعض : طيب يا عادل هسيبك بس مسيرك تيجي تحت ايدي وساعتها مش هرحمك *اغلق الخط وهو يشعر بالض -يق من تنفيذ خطه المجهول على دارين ولكنه كان قد وقع في حبها هل كان زواج عادل من دارين مجرد خدعة

*رجعت على البيت بعد ما اشتريت كل حاجتي و معايا اكياس كثير ... طبعا عين حماتي وبنتها كانت هتق -طع الاكياس و سألوني طبعا جبت ايه والفلوس منين:دي حاجاتي بفلوسي مش بفلوس ابنك عشان طبعا هتروحي تقولي له انه بيسيب لي فلوس وجهاز اخته اولى واظن من حقي ادخل من غير ما تعرفوها ... ولا كمان من حقك تعرفي ايه اللي داخل الغرفه اللي متفضله علينا بيها *حماتي بنبرة طيبة وكأنها ملاك

:كده يا دارين اخص عليك شكلك لسه زعلانه من كلمتين الصبح دى ساعه شي -طان وراحت لحالها : انت بتقولي كده عشان ما اقولش لعادل :لا براحتك بس مش عايزاه على طول عايش في نكد ودي امور صغيره تتحل بنا : حاضر مش هقول له عشانه هو عن اذنك :مش هتتعشي يا حبيبتي :لا شكرا ما افتكرش باقي حاجه زي امبارح :الخير كله موجود بس اؤمري :والحنيه دي من امتى : مالك يا دارين اتعودي ان مصارين البطن بتت -خانق على طول بس بيفضلوا حبايب مع بعض

: لا مكان ما جيت كل الايه ... المصارين ... بتحترم بعض وما حدش بيجرح او بي -ذل الثاني انا هدخل عشان تعبانه طول النهار بلف *دخلت وبعدها بشويه صغيرين دخل عادل من الشغل كنت لسه بحضنه و هفرجه على الحاجه لقيت اخته بتخبط فتحت وانا مت -نرفزه :خير يا مديحه عادل لسه داخل :جيت اجيب لك طقم الحلل ده غالي قوي رهن عشان تديني الحاجه *عادل بصي لي بغ

-ضب مش مصدق اني عملت كده لانه كان بيقول كلام يسكتني بيه بس مش ناوي ينفذه ما اهتمتش لاني عارفه انها جايه تديني قدام عادل عشان توقع بيني وبينه:هعمل ايه بطقم الحلل هاتي حاجه ذهب من شبكتك : نعم يرضيك كده يا عادل *رضيت بسرعه قبله عشان ما يدبسنيش :هو عادل اللي هيدي لك من حاجته كلامك معايا انا وده اللي عندي عن اذنك عشان عادل لسه راجع من الشغل و هيغير هدومه

*قفلت الباب في وشها قبل ما تكمل و شاورت لعادل انه يهدى عشان افهمه قبل ما يغ -ضب زي امبارح *حكيت له على كل اللي حصل مش زي ما فهمت مامته امال هقنعه اننا نسكن بره ازاي :مصدقني يا عادل ولا فاكرني بقول كلام ما حصلش *بص لي بحزن كأنه مكسوف من اللي حصل بس ضحكت في وشه وطلعت الفلوس وانا فرحانه :اتفضل يا سيدي من بكره تشوف لنا مكان نقعد فيه لو غرفه واحده انا راضيه وانت هينفعك غرفه واحده

:يا عادل ما احنا نعتبر هنا عايشين في غرفه واحده يلا عشان تاكل انا جبت اكل لينا ما رضيتش اكل من غيرك:كمان هتصرفي عليا : ما تكبرش الموضوع يا عادل انا وانت واحد وبكره لما مديحه تتجوز ظروفك هتتحسن ونعمل كل اللي نفسنا فيه :طب هاخد دش وارجع : لا تعالى الاكل هيبرد وانا جعانه وتعب -انه عايزه انام من كتر اللف طول النهار *اكلنا ونمت من التعب ما حسيتش بحاجه وهو راح اخذ دش ورجع نام جنبي

*صحيت متاخر ما لقيتش حماتي وبنتها خرجوا حتى عادل راح الشغل فرحت قوي و حسيت ان الشقه كلها بتاعتي بس ما قدرتش اخرج من الغرفه لان رجلي كانت بتوجعني من لف امبارح فضلت مريحه في السرير *غريبه قوي داخلين على المغرب حماتي لسه ما رجعتش بس لقيت عادل بيتصل عليا :ايوه يا عادل خير في حاجه :ماما و مديحه بيشتروا حاجات و هيتاخروا حضري نفسك انت وحشاني قوي انا جاي في الطريق و معايا اكل الحق اخدك في حضني قبل ما يرجعوا :ماشي

هستناك ما تتاخرش :ربع ساعه واكون عندك *فعلا وصل اخذ دش و قضينا لوحدنا ساعتين حلوين من غيرهم معانا في الشقه *هما دايما بحسهم قاعدين على قلبنا خصوصا لما عادل بيبقى نفسه ياخذني في حضنه طلباتهم بتكتر و يخبطوا على الباب بطريقه وح -شة وده بيضايقه جدا فبقى لما اوحشه يستنى لما يناموا *المره دي حسيت انه حنين قوي معايا زي ما يكون كان بيعتذر لي عن اللي حصل بعد كده عرفت انه بيعتذر عن اللي هيحصل

*لبست الروب ودخلت الحمام وانا خارجه منه لقيت حماتي داخله هي وبنتها و معاهم شنط كتير بصراحه حسيت بن -غزه في قلبي غير ان بصه حماتي ليا كانها انتصرت عليا ونادت على عادل :تعالى يا حبيبي شوف اشترينا ايه ربنا ما يحرمنا منك وتعيش وتجيب لاختك *جريت على غرفتي وكانت قاصدة تكدني بزياده :مفيش مبروك يا مرات ابني *ندهت على عادل بزع -يق دخل بسرعه وهو مخض -وض خ -ايف يكون حصل لي حاجه :مالك حاسه بحاجه : حاسة بغ

-در فين الفلوس اللي اديتها لك امبارح عشان تأجر لنا شقه *اتوتر وما عرفش يرد سمعت مامته من بره بتقول عشان تغظني بزياده و تقوموا عليا :اداها لاخته عشان تكمل جهازها مالك زعلانه قوي كده و هتفرجي الناس علينا *رز -عت الباب بق -وه مش عارفه انا جبتها منين و بزع له لسه :صحيح الكلام اللي مامتك قالته ده اديتهم فلوسي عشان تجهز بيها اختك: هو انت مش قلتي اننا واحد وماما قالت هتدخلني جمعيه خلال كام يوم و اقبضها الاول و ترجعهم على

ما اكون لقيت حاجه مناسبه : وانا هصدق الكلام ده .... صح بما انك صدقته ... طول عمرها بتضحك عليك واكثر من مره قالت موضوع الجمعيه ده وما حصلش وطبعا اديتها كل الفلوس ما سبتش حاجه للدواء بتاعي: هو انت ما اشتريتيهوش :لا من هب -لي و فرحتي بالفلوس اديتها لك كلها وانت طبعا اديتها لهم كلهم: طب هطلع اشوف باقي معاهم حاجه نجيب منها الدواء *قبل ما يخرج زي ما تكون كانت حاطه ودانها على الباب ندهت عليه

: يا عادل معاك 50 جنيه نحاسب التاكسي احسن الفلوس خلصت وكنا شاريين حاجات كثير *شاورت له على الباب وانا بزع -ق و بعيط :سمعت حتى الدواء مش هقدر اخده انت بتعمل فيا كده ليه .... انا اللي غلط -انه اني اتجوزتك *بدات اض -ربه بقبضه ايدي الاثنين في صدره :حرام عليك ... حرام بتعمل كده ليه انا عملت فيك ايه طلقني مش عايزه اعيش معاك .... خلال كام شهر شفت ال -ذل على ايدك و الاه -انه هو حد مسلطك عليا

*انا كنت حاسه بالنوبه بس من شده الغض -ب و الزع -ل اتمنيت اقع وام -وت انا واللي في بطني لان كان عندي امل اغير حياتي بشويه الفلوس القليله اللي قدرت اتصرف فيها *عادل عارف بمرضي وان النوبه لو جت الدواء ما لوش لازمه مسكني وحاول يهديني و حطني على السرير عشان رجت جسمي ما تأذنيش *النوبه المره دي طولت وعادل زعلان قوي من اللي حصل غطاني وقفل الباب والنور وخرج *مامته حاولت تش -حنه ضدي اكثر وكنت سامعاها بس ما بقاش

فيا حيل للمواجهه تاني : في ايه لكل ده عشان بتجهز اختك ما اعرفش انها سم -اويه كدة :يا ماما اجهز اختي من فلوسي مش من فلوسها :وانت ايه وهي ايه ما هي لو جايه من بيت اصل كانت وقفت في ضهر جوزها مش كفايه مستحملينها ومستحملين مرضها اللي زي ما يكون عليها عفريت و ملبوسه ده انا بخاف تجيلها النوبه قدام الناس و تفض -حنا :يا امي دارين مريضه مش ملبوسة و صارحتني بحقيقة مرضها قبل الجواز وانا رضيت

:وكان عليك من ده بايه تاخذ واحده مريضه قلنا اهلها مستريحين هيقفوا جنبك لكن رفضوا الجوازه ورموها ... علينا كان المفروض انت كمان ترفض مش توافق تجيب لنا بل -وه سوداء :يا ماما انا بحب دارين وهي اختارتني : الحب بهدلة صحيح على رأي المثل اللي ما لوش خير في اهله واديك شفت مستخسره تقف جنبك بقرشين لا راحوا ولا جم خلصوا في يوم حتى ما لحقناش نخلص كل حاجه

:نعم انت مش قلتي ان دي اخر حاجه و تكونوا خلصتم انا مش هقدر ادفع اكثر من فلوس الجمعيه عشان ارجع فلوسها و اصرف على البيت اعمل ايه الاسعار ولعت : ما ليش دعوه اصبروا بقى لما اسدد الجمعيه و اخلصها اتفقتي عليها هقبض امتى :ما ربنا سهلها عشان كنا في اول الشهر وام صبري قبضتها لي ودفعت منها عربون الحاجات الناقصه :نعم انت بتقولي ايه انت وعدتيني خلال كام يوم هترجعي الفلوس عشان مش معاكي حتى مش معاكي

حاجه اجيب لها الدواء بيها: اعمل ايه استنى لما عريس اختك يفسخ الخطوبه عشان مش قادرين نجهزها هتبقى مبسوط انت و مراتك ... لو ده هيبسطكم هروح اسحب الفلوس من الناس ما كانش العشم يا ابن بطني *و كملت دور الدراما بانها نزلت دمعتين بس عادل كان خلاص فهمها : طيب يا ماما لينا كلام ثاني بعدين *قال الكلام ده ودخل لما سمع النور اتفتح و حس اني قمت *دخل لقاني بلم هدومي في شنطه بتعملي ايه يا دارين

:هششش ولا كلمه مش عايزه اسمع منك حاجه غير كلمه انت طالق انا لا يمكن اعيش معاك بعد كده النوبه جات لي المره دي بسببك و طولت وكان ممكن تق -تلني انا واللي في بطني ويا ريتها عملت كده عشان اخلص منك للدرجه دي واكثر كفايه بقى لحد كده هتروحي فين بس :ما لكش دعوه بيا :الوقت متاخر استني للصبح تكوني هديتي ... انا اسف كنت مصدق انها هترجعهم بعد كام يوم

:كان المفروض تبلغني الاول مش معنى اني قلت لك انا وانت واحد تاخدهم من ورايا و تديها لها ... وهي عرفت منين ان معانا فلوس ما سألتش نفسك :سمعتنا واحنا بنتكلم و شافت الاكياس معاكي : انا كنت بهمس عشان الشقه صغيره لكن هي ما سمعتش هي اتص -نتت علينا ... صوتنا ما كانش ممكن يتسمع الا لو حد حاطط ودنه على الباب وعشان ده كنت بهمس وبعد كده عايزني اقعد معاها في نفس الشقه انا ماشيه واول لما استقر هقول لك تبعث لي ورقتي فين *مسك

ايدي والدموع في عينه :دارين انا بحبك ارجوك سامحيني اقفي جنبي ما اقدرش استغنى عنك هعمل المستحيل عشان نمشي من هنا بس اديني شويه وقت :اسفه انا صدقتك كثير صدقني انا قعده الشارع عندي ارحم من القعده معاك هنا :طب تعالي اقعدي عند عمتي كام يوم على ما اتصرف هستلف واكتب على نفسي وصولات امانه مش مهم المهم انت ما تبعديش : تستلف ليه وكانت الفلوس معانا لكن انت خن -ت الامانه وبمنتهى البساطه اديتهم لمامتك استغلت اني نمت زي الق

-تيله من التعب والحمل و اخذتهم كلهم وهي ما كفهاش راحت عملت الجمعيه و صرفتها كلها اجيب دوايا منين ومتابعه الحمل والولاده منين كل ده وهي ما فكرتش فيا انا واللي في بطني ولا انت حتى فكرت :فكرت صدقيني بس كنت متخيل ان الفلوس هترجع:لا ما فكرتش لما قلت لك بت -ذلني بالاوضه اللي قاعدين فيها كان المفروض اول حاجه تعملها تحافظ على كرامتنا وتشوف لنا مكان وقلت لك راضيه بغرفه على السطوح ....

واذا هي تقدر تتصرف في جمعيه وترجع الفلوس ما كانت تستنى الجمعيه و تاخدهم لكن انت حبيت تشيل من على نفسك حمل جهاز اختك ومش شايف انها عماله تجيب حاجات كثير ما لهاش لازمه عشان حمات اختك لسانها طويل و بتت -ريق على ما جايبها مش شايفه انه نفس الشيء اللي بتعمله معايا .... ابعد عني بقى :طب عشان خاطري تعالي اقعدي عند عمتي كام يوم هحاول احل الموضوع *والدته من بره : انت بتتحايل عليها كده ليه مع السلامه في 60 داه

-يه خليك راجل سيبها تمشي بس تتنازل عن المؤخر الاول بما انها طالبه الطلاق *زقي -ته وقع على السرير وخرجت لها :هو ده اللي همك هتنازل ولا عايزه اعرفه ولا اعرفك تاني مفكره اني عايشه في الجنه و هتحرم منها لا انا كنت في بيت اهلي هو الجنه ودخلت برجلي النار ... و هقول لك الدين اللي ما اعرفش عنه حاجه زي ما بتقولي مكتوب فيه ان كما تدين تدان وبنتك هتشوف من حماتها اضعاف اضعاف ما انت وريتيني

*مشيت بسرعه عشان اخرج من باب الشقه عادل لحقني ومسك الشنطه مني وعينه كلها حزن وماسك الدموع بالعافيه: هوصلك عند عمتي ارجوكي ما ترفضيش:ما لوش لزوم تعالى نروح للماذون و هتنازل عن المؤخر قدامه *مسك ايدي :تفتكري هو ده اللي ربطني بيك انا بجد بحبك غير اني اللي رابطنا اكتر في بطنك بلاش يكبر و ابوه وامه منفصلين *سكت ومشيت معاه لان فعلا هروح فين صعب قوي احساس أن مفيش مكان ممكن اروحه *مسك ايدي بق -وه كاني هه -رب

منه و باسها واحنا ماشيين : اسف حقك عليا من اللحظه دي مش هخذلك ثاني *كنت ماشيه ومش قادره اسيطر على دموعي وقفنا قدام بيت اخته:ممكن تستنيني هنا :رايح فين :طالع عند جميله اختي هستلف فلوس من جوزها عشان اجيب لك الدواء وتخلي فلوس معاكي وانت عند عمتي :بلاش تحرج نفسك معاه انت عارف ان طبعه مش بيسلف:لما يعرف انه عشان دواء مش هيتاخر :مش هيصدق انا دوايا غالي بكره هتصرف هنزل ابيع اي حاجه ثانيه

:مش هتبيعي حاجه ثانيه انا كان جالي شغل في مركز صيانه ثاني و فلوسه اكتر هروح بس بعيد شويه مش مهم :تعالى نلحق عمتك قبل ما تنام :مش هتاخر : لا انا فاكره اخر مره طلبت منه فلوس كانت طريقته بتقول ما تطلبش ثاني خلينا نمشي و نحفظ كرامتنا كفايه بعزق -ناها بما فيه الكفاية :بس يا دارين :ما بسش يلا *وصلنا عند عمته واول ما شفتها اترميت في حضنها وقعدت اعيط ترى هيقدر عادل يحقق وعده لدرارين ويلاقي سكن يجمعهم *قعد عادل مع عمته

:عمتي ممكن تخلي دارين عندك كام يوم :ايه اللي حصل يا عادل ما كانت كويسه معايا امبارح :معلش يا عمتي ينفع تقعد عندك :في عينيا انت عارف انا بحبها قد ايه بس طمني عليها شكلها مش مريحني :هي تدخل تنام لانها تعبانه وانا هحكي لك: تعالي يا دارين ادخلي يا حبيبتي *دخلتني غرفه ونيمتني على السرير قد ايه دافي ومريح وفضلت تطبطب عليا لما اطمنت اني نمت خرجت بشويش لعادل :احكي لي بقى يا سي عادل امك عملت معاها ايه :عرفت

منين ان امي اللي زعلتها :امبارح حكيت لي على اللي حصل منها قبل ما تقابلني كان نفسي اجيبها من شعرها : انت عارفه طبع ماما صع شويه :عارفه اخويا مستحملش ط -ق م -ات منها المهم احكي لي *بعد ما حكى لها ض -ربت على صدرها بش -هقة :حرام عليك تكس -رها بالشكل ده دي كانت فرحانه جدا وهي مجمعه الفلوس :اللي حصل بقى انا صدقت امي :من امتى امك صادقه و اراهنك ان لسه معاها فلوس وما عملتش الجمعيه بس عشان تورطك في قسطها و هثبت لك حالا : انت

بتقولي ايه وهتثبتي ازاي :هي قالت لك الجمعيه مع ام صبري و النهارده جمعت الناس : اه وانها قبضتها *اتصلت عمته على ام صبري وفتحت الميكروفون وبعد السلامات :بقول لك ايه يا ام صبري سمعت انك عملت جمعيه جديده النهارده معقول من غير ما تدخليني فيها ما انت عارفه اني عايزه ادخل جمعيه :ابدا يا فريده يا اختي مش لما نخلص القديمه الاول وانا هجيب منين ناس للجمعيه الجديده اذا كانوا هم هما اللي بيدخلوا معايا نفسهم : الله

امال ام عادل دخلت مع مين :كلام في سرك ما دخلتش هي لسه معانا في القديمه اللي بتخلص بس قالت اقول انها دخلت واحده جديده و قبضتها:تقولي لمين :لابنها عادل اصل مراته مقش -طاه اول باول ومش عارفه تجهز البنت مديحه يا عيني عليها حملها ثقيل :هي قالت لك كده :اه وكمان ادتني فلوسك وقالت اخليها لما تيجي تاخديها خ -افت تصرفها وهي بتشتري حاجات مديحه النهارده ربنا يسهلها عليها وتقدر تجوزها:كثر خيرك ما انا بتصل عشان ابعث لك عادل ياخدهم

اصل تعبانه ومش قادره انزل:عيني يا حبيبتي بس خليه ما يتاخرش احسن هنام *بعد ان اغلقت معها الخط رات اثار الص -دمه على وجه عادل :شفت امك بتعمل ايه : ليه بتعمل كده انا كل فلوسي رايحه عليهم حتى مراتي بيأ -ذوها و بيجوعوها انا ساعات بلاقيها مش عارفه تنام من الجوع و عاج -ز مش قادر اعمل حاجه و شاكك انهم مخبيين الاكل منها.... وياما اشتكيت لي وما صدقتهاش ...

و النهارده اول امي ما سمعتني بقول هشوف فلوس باقيه معاها للدواء ندهت عليا بتسبق وتطلب فلوس للتاكسي .... انا ظل -مت مراتي معايا قوي وياما ضرب -تها بسببها :انت غلطان يا عادل وياما قلت لك خذ مراتك وشوف اي حاجه بره بعيد عن امك و اختك :منين يا عمتي ما انت شايفه ه -دين حيلي بسبب الجهاز اشمعنى جميله اختي جهازها ما كانش كده

:جميله طيبه وكانت بترضى باي حاجه غير ان جوزها كانت طلباته قليله انما حمات مديحه قويه وهما عايزين يبانوا قدامها انهم يقدروا يجهزوا احسن جهاز .... روح لام صبري خد الفلوس اللي عندها قبل ما تنام وامك تسبقك الصبح ... وتعالى بات مع مراتك وبعدين نفكر ممكن تعمل ايه *خرج فعلا وجاب الفلوس اتص -دم لما كانت نص الفلوس اللي اداها لمامته *رجع نام جنبي و حضني قوي حسيت بيه بس عملت نفسي نايمه لان لو كنت صاحيه كنت طر -دته *صحيت الصبح

لقيته قاعد جنبي و بيبتسم :عامله ايه النهارده *حطيت وش الناحيه الثانيه :اكيد مش كويسه لما شفتك بتعمل ايه هنا وجاي بدري ليه *ما رضيش يقول لي انه كان نايم جمبي وانا كمان عملت نفسي ما حسيتش بيه : جيت اصبح عليك واقول لك خلال كام يوم هيبقى عندنا مكان خاص بس مش كبير والفرش هيبقى قليل في الاول :بعد اللي شفته على ايد مامتك انا راضيه باي حاجه *عمته كانت داخله و معاها الفطار:و تشوفوا بره ليه ما تخليكم معايا

:معلش يا عمتي انت عارفه المشاكل اللي هتعملها امي في انك اللي مق -وياني و معص -ياني عليها خلينا براحتنا ومن حق دارين يبقى لها بيتها لوحدها *همس لها :بلاش دارين تعرف حاجه عن موضوع فلوس امبارح:بتقول لها ايه :بوصيها عليك عشان نازل الشغل و هدور على مكان لينا : انا عندي لسه حاجات كتير عند مامتك ممكن تجيبها قبل ما تروح :ما تخافيش انا قفلت الغرفه امبارح قبل ما ننزل واول لما الاقي مكان هنقلهم لك خلي بالك من نفسك وكلي كويس

:يهمك قوي صحتي :مش هلومك بس هثبت لك انه يهمني تعالي يا عمتي عايزك بره *خرجوا وعرض عليها فلوس :عيب يا عادل انت بتشت -مني هتديني حق اكل مراتك دي بنتي ما انت عارف:يا عمتي فلوسك بتقضيكي بالعافيه :يا واد لقمه هنيه تكفي 100 عمري ما دخل حد عندي الا ولقى الخير كله ربنا بيكرمني و بشتغل كويس جنب المعاش .... ما تقلقش روح وربنا يوفقك تلاقي حاجه كويسه ومن ناحيتي هسال انا كمان على شقه ليكم

*راح عادل على شغله وعمته قعدت تتكلم معايا و تهديني واهتمت بيا كويس كانت حنينه قوي *بالليل وصل عادل عند مامته عشان ياخد شويه هدوم ويجي يقعد معايا على ما يلاقي شقه *طبعا مامته عرفت انه اخذ الفلوس لما راحت تاخدها من ام صبري بحجه ان فريده مش قادره تروح تاخدها بس ما اتكلمتش معاه في الموضوع بكل بجاحه طلبت منه الفلوس:فلوس ايه ثاني يا ماما مش اخذت فلوس مراتي و الجمعيه:اه بس ما كفوش

:مفيش فلوس ثاني كفايه جهزها على كده انتم جايبين حاجات كثير واذا مش عاجب العريس مع السلامه يروح ويجي غيره:بس اختك بتحبه :مش انت قلتي على دارين الحب عيب وكلام فارغ: بس هو دخل من الباب واحنا وافقنا:وانا دلوقتي مش موافق على طلباته اللي كل يوم بتزيد عايزها على الاتفاق الاول يتفضل انا ما قصرتش معاكم من هنا و رايح هيوصل لك مصروف البيت انا راجل متجوز وعندي مسؤوليات وجاي لي طفل في السكه ...

اظن مش من العدل تاخذوا كل فلوسي عشان نجيب طلبات خطيب اختي المب -الغ فيها و اسيب مراتي وابني جعانين:هي خلاص قل -بتك علينا و قس قلبك :هي كانت قاعده معاكم كام شهر مستحمله معاملتك انت و مديحه سأتيها الم -ر جوع -تيها و ذليت -يها انها سابت اهلها و اختارتني : ما اللي تبيع اهلها تبيع جوزها :هي ما بعتهمش هم رفضوني عشان ظروفي وهي قبلت بيها بدل ما اشيلها على راسي سبتك تبهدلي

-ها و كملت عليها بان كل يوم اسمع كلامك واجي عليها وتوصل اني اض -ربها :ما فيهاش حاجه ان الراجل يأدب مراته:مراتي مؤدبه و متربيه :واضح التربيه قوي اتجوزتك من ورا اهلها :انت ما فيش فايده فيك وانا ماشي : اظن عمتك فتحت بيتها لك و لمراتك :مؤقتا على ما اشوف مكان تقعد فيه:ولازمتها ايه المصاريف ما انت قاعد هنا انت وهي : اه الغرفه اللي بتتفضلي علينا بيها :انت صدقتها :اه ومن هنا ورايح هصدقها

:طب هات الفلوس اللي اخذتها من ام صبري عشان دي بتاعه اختك جميله سابتها عندي وما كانتش عايزه جوزها يعرف :ابقي خليها تيجي تاخدها مني :هتزعل انك اخذتها وعرفت انها بتاعتها:جميله ما بتزعلش مني .. سكتي ليه الك -ذب ما لوش رجلين صح :بتقول على امك كذ -ابه *وبكت بدموع التماسيح : انا ما قلتش عليك ك -دابه انا بس قصدي انك بتحوري :انا اخص عليك يا عادل انت بت -ذلني عشان شايل البيت من يوم ابوك ما م -ات :اديك بتقولي بنفسك من يوم ما م

-ات بقالي سنين مش من حقي يبقى لي بيت واعيش مستريح فيه : اه بس اللي انت اتجوزتها على امل اهلها يساعدوك و ينقلونا لفوق رفضوا انا كنت بزهق -ها عشان ترجع لهم ونخلص من شبكتها ونشوف واحده معاها قرشين يعوضوك عن تعب السنين هو انا كنت طلبت منك كده :من غير ما تطلب عايزه اريحك :انا راحتي مع دارين غير ان في طفل هيربطنا اكثر مع بعض :يا ابني ده دواها يصرف على عيله وقال لازم المستورد :انا راضي سيبيني بقى اعيش مستريح معاها ما استحقش

*فضلت تجر ناعم معاه :حاضر يا عادل هسيبك تجرب تعيش من غيرنا والبيت مفتوح لك في اي وقت:تسلمي يا امي :هات مفتاح الاوضه بقى :لما اشيل باقي حاجاتنا :يعني هناخد منها حاجه *بص لها باستغراب نظره بتقول عليا انا الكلام ده ... ما طولش و سابته يمشي بس بتفكر ازاي تقل -به وهو بعيد *عدى كام يوم ماما فريده مدلعاني وكمان عادل مهتم بيا *عرضت عليا ماما فريده ازوق عروسه معروفه و هاخد مبلغ كويس لانهم سألوا طلع الموضوع غالي قوي عليهم

*فرحت بالموضوع خصوصا اني بعرف انسق الالوان فعلا ما انا كنت بقعد كثير لوحدي في بيت بابا مش ورايا غير متابعة الموضة وأحط ميكب لنفسي باكثر من طريقة وامسحه بسلي نفسي من قلة الصحاب والخروج *استاذنت عادل ورحت كانت خطوبه العروسه طلعت حلوه قوي وكانت مبسوطه وخصوصا لما ظبطت لها الفستان لميته بحزام وبقى لايق على جسمها *ثاني يوم العروسه جات لي :ممكن اطلب منك تنزلي معايا اشتري ملابس خروج عشان الجواز اشمعنا انا

:اصل انت امبارح ظبطت لي الفستان بطريقه بينته اشيك فحسيت انك هتعرفي تختاري معايا الملابس اللي تليق على جسمي و تنسقي الوانها لاني حسيت لبسك شيك و هدفع لك نسبه من سعر الملابس قلتي ايه