الفصل 3

:استاذن جوزي واقول لك *سمح لي بحكم اني بسلي نفسي و بيطلع منه فلوس *البنت كانت مبسوطه قوي من الذوق الجديد في ملابسها لانها كانت متناسقه الالوان وتناسب شكل جسمها واختارت كام حاجه تخرج مع خطيبها بيها والباقي شالته *كانت بتتصل بيا تبلغني انه مبهور بشكلها ولبسها كنت سعيده قوي *سعادتي زادت لما عادل لقى غرفه بحمام على سطح بيت قريب من ماما فريده و اخذني يفرجني عليها :ايه رايك يا دارين دي وضع مؤقت *كنت طايرة من الفرح

:انا مبسوطه قوي ان لقينا حاجه لينا لوحدنا وزي ما قلت وضع مؤقت : احنا لسه معانا فلوس نجيب سرير ودولاب و كنبه :ما تنساش بوتاجاز وادوات للطبخ :وانت هتعرفي :اه ماما فريده علمتني كام حاجه غير الكام حاجه اللي كنت بطبخهم عندكم في البيت انت ناسي :حاضر هجيب كل اللي تحتاجيه بس اكتبي الضروري قوي عشان الفلوس ممكن ما تقضيش:خذ خلي معاك دول :ايه دول :فلوس العروسه اللي زوقتها واشتريت معاها الفساتين :بس دول بتوعك

:مش انت هتجيب طلبات للبيت ولا ناوي تديهم لمامتك :لا طبعا كانت غل -طه ومش هتتكرر :طيب بكره اجازتك ننزل نشتري سوا نفسي احس اني بجهز بيتي :مش هيبقى تعب عليك : لا انا كويسه بعد ما عديت شهور الحمل الاولى: طب تعالي نرجع عند عمتي :لا خلينا هنا انا مبسوطه بيها قوي : هنام على الارض يا دارين وكمان عمتي تقول لنا محتاجين ايه عشان ما ننساش حاجه وبكره نبات في بيتنا بعد ما نشتري كل طلباتنا : عندك حق يلا بينا

*روحنا وانا ماسكه في ايده مبسوطه قوي وهو مستغرب من سعادتي اول مره امسك ايده بحب بالشكل ده *اول ما دخلنا حضنت ماما فريده و حكيت لها وهي كتبت لنا ورقه باللي محتاجين نشتريه وكمان هتدينا شويه حاجات من عندها .... واقترحت على عادل يشوف حاجات عند مامته رديت قلت له : لا يا عادل مش عايزه من هناك غير هدومي الباقيه:ليه يا دارين لو خدنا من عندهم حاجات هتوفر لنا فلوس نجيب بيها اي شيء ثاني ناقص

:عادل مامتك مش هتدينا حاجه بلاش تحرج نفسك معاها واعتبر اني رفضت احسن : ما لكيش دعوه انا هنزل بسرعه اروح واشوف ممكن تديني ايه:مصر برده : احنا دلوقتي محتاجين حاجات كثير قوي خليني اجرب *وفعلا رجع زعلان زي ما كنت متوقعة لانها رفضت تدي له اي حاجه .... حتى هو عرض عليها ياخد غرفه النوم اللي كنا بننام عليها رفضت * عرفت لاني سمعته بيقول لعمته لكن عملت نفسي نايمه حبيت اعفيه من الاح -راج *عمته قالت له : هو انت ما بتسمعش الكلام

ليه ما مراتك قالت لك : لاخر لحظه كنت مك -دبها وعايز اصدق ان امي ممكن تساعدني :يا سيدي لو على غرفه النوم خذ اللي عندي :لا يا عمتي ما تنسيش ان دارين لما هتولد هتيجي تقعد معاكي لو انت ترضي اكيد مش هترضى تروح لماما :عيب يا عادل ده انا بتمنى اليوم اللي هشوف فيه حفيدي دارين طول عمري بعتبرها بنتي : ربنا يكرمك يا عمتي هدخل انام *اول ما دخل عملت نفسي صحيت ودخلت في حضنه عشان اخفف من عليه الزعل كان متأثر قوي وشكلها ضاي -قته

بكلامها كالعاده :دارين محتاج لك قوي ممكن : يا ريت انت وحشتني من يوم ما جينا هنا ما اخذتنيش في حضنك :خايف تزعلي اننا مش في بيتنا :بالعكس انا بحس هنا براحه كبيره كفايه ان عمتك محترمه خصوصيتنا ومش بتخبط ابدا واحنا جوه مع بعض *واخدني في عالم الاحلام بتاعنا وكنت متجاوبه معاه وسيلة شكر انه وفا بوعده لما جاب لنا بيتنا *الصبح نزلنا اشترينا حاجاتنا و اصريت اخذ ماما فريده معايا عشان تفرح لنا كأنها بتجهز بنتها

*كانت حاجات جميله وبسيطه وربنا كرمنا باسعار مخفضه *فرشنا الغرفه ورغم التعب اصريت اني انزل مع عادل اجيب باقي هدومي من عند مامته لاني عايزه ابات في بيتي و حاجتي كلها معايا *اول ما دخلت مامته رحبت كالعاده :خلاص اخذتيه و استريحتي *ما اهتمتش ودخلت الم باقي هدومي وانا بلمها ص -رخت باسم عادل ترى دارين اكتشفت ايه وهل الأمور هتعدي بسلام *دخل عادل بسرعه افتكر ان حصل لي حاجه خير مالك يا دارين :تعب -انه جدا تعبا -نه جدا يا عادل

:مالك حاسه بايه :حاسه بس -رقه حاجاتي ناقصه وخصوصا الجديده اللي اشتريتها واسعه عشان الحمل:طب لمي الباقي وما تخرجيش الا لما انده عليك انا هتصرف *خرج وطبعا هو كان غض -بان جدا و سمعت مامته بت -زعق معاه :انت راجل انت سايبها تتهم امك بالس -رقه وساكت بدل ما تاخدها قل -مين : من غير كلام كثير حاجه مراتي ترجع: ملكش حاجه عندنا احنا ما اخذناش حاجه: كده طيب انا عارف حاجه مراتي *دخل دور ما لقاش حاجه امه بره فرحانه

:شفت عرفت اننا مش حرام -يه وانها كذ -ابه *حست بانتصار عليا ما دامش كثير لان مديحه دخلت من بره وهي لابسه فستان منهم *مسكها عادل من فستانها وقال بسخريه : دي مراتي طلعت كدا -به قوي ... امال ده ايه : ايه اختك اشترت واحد زي بتاعها لما شافته و عجبها اللي بيبيع منه ما بعش غير لمراتك *كانت بتتكلم بثقة بج -احة مش معقوله بس عادل خلاص الكلام ده ما بقاش يدخل عليه فاق لنفسه

:اصلا مديحه ما شافتهوش لان دارين ما فرجتش حد على فساتينها وده بالذات فاكر اني قلت لها جايباه كبير قوي ليه قالت عشان شهور الحمل الاخيره *و زع -ق بطريقه رعبت -هم : ادخلي اقلعي يا بنت .... و حاجه مراتي كلها ترجع والا تنسي ان ليكي اخ اسمه عادل وانت كمان تنسى أن لك ابن :الحاجه مش هنا عند جميله :بكره تكون عندي في بيتي مش ناقصه فتله كله ... سامعه يا مديحه كله برفان او مكياج او جزمه ما فيش حاجه ناقصه *نادى عليا بزع -يق

برده بس ما زعلتش منه :يلا يا دارين خلينا نخ -فى من هنا *اخذت شنطتي كانت تقيله وما رضيتش ابص عليها عشان ما تحسش اني شم -تانه فيها رغم اني بصراحه كنت شمت -انه بس قلت كفايه انه صدقني و هيرجع حاجاتي *شال مني الشنطه وما قدرش يبص في وشي *مسكت ايده بحب وحاولت انسيه اللي حصل كلمته وانا ببتسم له :باقي معاك فلوس :ليه عايزه حاجه ناقصه : مش هتعشيني بمناسبه بيتنا الجديد :تحبي تاكلي ايه : ابنك نفسه في كشري *ضحك غص عنه :انت ادمن

-تي الكشري بس ما تكتريش منه عشان ما تتعبيش تحبي ناكل في المحل ولا ناخده في بيتنا : الله حلوه كلمه بيتنا ناكل فيه عايزه احس اني عروسه داخله بيتها وده عشا العروسه : هههههه معقوله للدرجه دي مبسوطه بحته الاوضه :اه انت مالك مش مبسوط ان هيتقفل علينا باب بتاعنا ما حدش يخبط عليه او يسمعنا :بس دي اوضه واحده : وماله نتخيل انها شقه و السطح له باب بيتقفل وان عندنا تراس كبير مفتوح على السما .. وانا كمان طلعت شويه

افكار من النت هخليها جنه :ربنا يسعدك يا حبيبتي انت تعبتي معايا قوي :لا الكلمتين الحلوين دول تقولهم في بيتنا واحنا بناكل الكشري يلا بقى اشتري ولا هترجع في كلامك :ايه رايك اجيب معاه فراخ مشويه عشان تتغذي باقي معايا فلوس كويسه :لا خليها للغداء بكره هاتها وانت راجع عشان هروح انام للعصر من تعب النهارده ومن بعد بكره هطبخ بايدي بس تستحمل وما اسمعش منك اعتراض احسن اعمل زي ما كنت بعمل عند مامتك

باس ايدي: اي حاجه هتعمليها هتطلع حلوه زيك *بقيت مبسوطه انه اتغير كثير عن اول الجواز واني لما غيرت طريقتي معاه زي ماما فريده ما نصحتني جاب نتيجه *روحنا وكل واحد اخذ دش من تعب اليوم و اللف طول النهار بس اصريت انه يعاملني كأننا اول يوم جواز *رغم تعبه كان فرحان جدا اني راضيه بالقليل اللي قدمه وما رضيش يزعلني وكان حنين كالعاده *نمت فعلا قبل العصر قمت وضبت شويه حاجات ورجع المغرب اتغدينا سوا وقال لي ان كمان ساعه جميله

اخته هتيجي تبارك لنا :هي عرفت اننا اتعاملنا مع بعض امبارح عريس وعروسه: هههههه لا طبعا هتبارك لنا على بيتنا الجديد :حرام عليك اتخض -يت :هي دي حاجات تتقال يا دارين ... على فكره هي سألتني ناقصنا ايه عشان عايزه تجيب هديه :هو ده عادي :اه طبعا بيكون احسن عشان الواحد يجيب هديه مفيده فقلت لها على كام حاجه وهي تختار حسب امكانياتها و هتجيب معاها هدومك اللي اخذوها : هما لو كانوا ما جابوش كنت عملت ايه : ابدا كنت هزعل

كام شهر يدبروا نفسهم فيهم:معقول تعمل كده :وهو معقول يدخلوا الغرفه من ورانا و ياخدوا حاجاتك :و مامتك كانت عارفه انك هتعمل كده : اه و كنت هعمل اكتر كنت هروح افسخ خطوبه مديحه اللي جايبه لنا الب -لا : طب شيل معايا الكنبه نطلعها بره عشان اختك وجوزها يقعدوا عليها :لا خليها هنبقى نشتري واحده لباره أو نجيب كراسي و طرابيزة صغيره .... بعدين جميله جايه لوحدها عشان قلت لها على الظروف :طب انزل هات حاجه نقدمها

:ما تقلقيش جبت بس انت شكلك من الجوع ما اخذتيش بالك :عندك حق دي اول اكل اكله من ساعه ما صحيت *اتع -صب عشان خا -يف عليا :ليه كده يا دارين :انت ناسي ان مفيش حاجه في البيت لسة وصحيت متاخره زي ما قلت لك بكره هنزل اجيب شويه حاجات:طب خدي من جيب البنطلون الفلوس اللي تحتاجيها : اعمل زي الستات اللي بتقلب جيب جوزها هههههه انا كلي على بعضي ملكك : طب اقول ايه بعد الكلمتين الحلوين دول

*اخذت الفلوس وانا مبسوطه ان بقى ليا بيت اهتم بيه وان كمان هيجي ناس تزورنا زي اخته جميله *هي عكس مديحه و مامته تماما طيبه وحنينه و بتحب عادل قوي اصلها الصغيره اخر العنقود و بتعتبره ابوها و بتحبني لحب عادل ليا *اول لما وصلت كانت جايبه هديه حلوه قوي وكانت مبسوطه اننا استقلينا بعيد عن مامته لان حياتنا كانت س -واد هناك :كلفتي نفسك ليه يا جميله :عادل ده حته من قلبي عمره ما حرمني من حاجه لو بأيدي كنت جبت اكتر

وايه الكيس الكبير ده كمان:معلش يا دارين دي حاجاتك اللي كانت عند ماما جابتهم عندي وقالت انهم بتوع مديحه والبيت زحمه من جهازها لو عرفت طبعا كنت جبتهم لك بس يمكن من عشمهم: بلاش تقولي كلام غل -ط عشم ايه على اساس كانت بتعاملني كاني بنتها عموما حصل خير *بصيت في الحاجه لقيت كل شيء اخذوه وكمان كنت ناسيه حاجات مش فاكراها ... واضح ان تهديد عادل خوف -هم جميله : وانت يا عادل ما يصحش تقطع عنهم الفلوس هما خلاص رجعوا

كل حاجه و اتعلموا الدرس :دارين في حاجه ناقصه من حاجتك :لا خلاص كلها رجعت : بلغيهم ان المبلغ اللي كنت ببدفعه و انا قاعد معاهم هيوصل نفسه مش هخصم حاجه انا كنت مزودهم عشان باكل انا ومراتي على اساس كانوا بياكلوها قوي بس مش هزود حاجه لو احتاجت حاجه زيادة لجهاز مديحه توفر منهم :كثر خيرك ربنا يرزقك لا كده عداك العيب .... عامله ايه يا دارين في الحمل دلوقتي : الحمد لله بخير بعد ما عديت الشهور الاولى: هو انت بقيتي في الكام

:بدات الخامس :هانت اهو ربنا يقومك بالسلامه ... معلش يا عادل ممكن تروح لماما بكره عشان عريس مديحه عايز يحدد ميعاد الفرح :هي خلصت الجهاز :تصدق عملت زي ما قلت لها اتصلت عليه النهارده و بلغته انهم على اول اتفاق ولو مش عاجبه يشوف له عروسه جديده ومفيش شبكه هترجع له لان هو اللي خالف الاتفاق فخاف ووافق :عارف انهم هيطلعوا كله عليها انا من الاول كنت رافض بس هي طلعت لي في انها بتحبه حبيته امتى المت -خلفة

:معلش يمكن عشان انا اتجوزت قبلها فخ -افت تقعد من غير جواز :ما هي كل ما حد يجي لها تطف -شه باسلوبها ولسانها الطويل وياما طلبت تتغير : بكره تعقل همشي انا سلام بقى عشان تتهنوا بالسكن الجديد وما ابقاش ع -زول *مشيت وكانت القعده معاها مريحه والكلام كله ضحك تحس انها من الناس المبهجه *عدت الايام كنت بجيب طلبات البيت واطبخ كل يوم بيومه لان مفيش تلاجه ... وكانت ماما فريده طبعا بتوجهني اعمل ايه وادبر مصروف البيت ازاي

*عادل مركز الصيانه اللي بيشتغل فيه جديد مرتبه حلو قوي و بيزيد مع شكر العملاء فيه *وانا العروسه اللي زوقتها عرفتني على اصحابها و قرايبها وفيهم ناس مستواهم اعلى منها فكانت فلوسهم ازيد *قدرت احوش واجيب ثلاجه مستعمله *لما كان بيبقى عندي شغل لعروسه عادل كان بيعدي عليا عشان يرجعني البيت بيخاف عليا ارجع بالليل لوحدي *علاقتي بيه بقت كويسه قوي واتحسنت عن الاول بكثير مر شهر وبعد كام يوم فرح اخته مديحه

*لقيت جميله بتطلب مني اعمل لها المكياج بصراحه كنت عايزه ارفض لاني ما شفتش منهم اي حاجه حلوه واحده تشفع لهم عندي وجميله لاحظت ده :انا عارفه انه حقك وما حدش هيلوم عليك بس وافقي عشان خاطر جوزك اثبتي له انك احسن منهم عشان لو عملوا حاجه يصدقك انت لان افعالك الحلوه اثبات :انا هوافق عشان خاطرك انت مش عايزه اكسفك في اول طلب تطلبيه مني :انت بجد يا دارين اكتر من اخت بالنسبه لي :عارفه يا حبيبتي من غير ما تقولي

*فعلا رحت وعملت لها المكياج كانت حلوه قوي حتى العريس انبهر من شكلها وما كانش مصدق انها مديحه *حماتي طبعها ما تشكرش او تحسسك انك عملت حاجه كويسه عشان ما تبقاش جميل عليها فقالت له:انت مش مصدق ليه ده مديحه زي القمر ومرات اخوها عملت ايه يعني ده لو مسحت المكياج هتبقى احلى *مسكت منديل ولسه هروح امسح المكياج بجد ... لقيت جميله مسكت ايدي وبعينيها بتقول لي عشان خاطري *حماتي لاحظت فلمت الدور عشان ما تبقاش فض -يحه يوم الفرح

*العريس اخذ مديحه عشان يتصوروا وعملت لجميله مكياج هي كمان وانا وجهزنا ولسه هنتحرك *دخلت حماتي عايزاني امكيج بنت اختها رديت بمنتهى البرود :انا ما بعرفش احط مكياج وهي مش محتاجه هي لو غسلت وشها هتبقى زي القمر *وسبتها واتحركت ومعايا شنطه المكياج بتاعتي خفت تاخذ منها حاجه لاني بصراحه ما بقتش أمن لها بعد اللي حصل *بعد ما نزلت حسيت انها ورايا مول -عه اني كسفتها قدام بنت اختها وسمعت جميله بتقول :حقها انت بدل ما تشكريها بتح

-رجيها قدام الناس :عملت ايه يا حبيبتي شويه مكياج حطيته للبنت في يوم فرحها بدل ما تنقطها بالفلوس :انت عارفه ان المكياج بتاعها غالي و وفرت على عريس الغ -فله فلوس الكوافير وده مبلغ محترم بلاش كده عشان عادل يصفا لك *قابلني عادل على باب العماره باس ايدي وشكرني على اللي عملته :بجد تسلم ايدك فنانه مديحه طالعه زي القمر انا ما عرفتهاش *حماتي ورايا سمعته :على ايه يعني مالكم طايرين باللي عملته هي اخترعت الذره *عن ك

-سر الخواطر اتحدث *اتعص -بت قوي وبصيت لها :ولما انا ما اخترعتش الذره كنت بتطلبي مني ليه اعمل لها مكياج :انا ما طلبتش يا حبيبتي انت اللي جيتي من نفسك :صح عندك حق وصدقيني مش هعمل حاجه من نفسي تاني ودي اخر مره جميله :حقك عليا انا يا دارين تعالوا نركب ونحصلها احسن نتاخر عليها وبعدين نحل المشكله دي *عادل اتعص -ب من امه واللي عملته اخذ من ايدي الشنطه وحطها في شنطه العربيه *ركبت قدام جنبه رغم اني كنت بسيب لها المكان تقعد هي

*جميله حبت تلحق الموضوع قبل امها ما تتكلم: انا هقعد وراكي يا دارين لو حابه تفردي الكرسي لورا شويه عشان تريحي ظهرك من المجهود براحتك هعرف اقعد حماتي: مجهود ايه هو شويه الرسم في الوش ده مجهود الا ما طبخت معانا عشا العروسه او راحت معانا نفرش شقتها *عادل ما قدرش يستحمل وقال بح -ده :ماما هتركبي معايا ولا اشوف لك مكان مع خالتي لان احتمال اروح دارين البيت شكلها تعبان ومش هتقدر تحضر الفرح واحتمال اكبر اقعد جنبها كمان

جميله : لا يا عادل ما يصحش الناس تقول ايه انت مكان ابونا :يبقى تقولي الكلام ده لماما اديك شايفه مراتي عملت حلو او وح كله عندها واحد :هي ما تقصدش هي متوتره بس عشان مديحه هتتجوز وتسيبها:تفتكري هتسيبها بكره هتلاقيها ناقله اقامتها هي وجوزها عندها و ابقي قولي عادل قال *اتحرك بعص -بيه وهي خافت من تهد -يده للمره الثانيه وكانت عايزه الفرح يكمل وما تتكسفش قدام عريس مديحه

*عادل فعلا واقف وقفه رجاله في فرح اخته وده زاد اعجابي به غير وسامته الزائدة النهارده *كل شويه كان بيطمن عليا وانا قاعده مع ماما فريده وده كان بيغي -ظ حماتي جدا ويض -ايقها رغم اني شايفه انه شيء عادي راجل بيتطمن على مراته الحامل التعبانه ايه اللي يزعل في الموضوع *الفرح خلص ورجعنا البيت عادل مسك ايدي واحنا طالعين :عارفه اني كنت هقول لك انك احلى من العروسه بس ما لحقتش *ابتسمت وكنت هضحك وانا بتخيل لو حماتي سمعته بيقول كده

: مالك مبتسمه قوي كده ليه *قلت له وضحكنا سوا :عندك حق كانت هتقول هو انا بنتي وحشه ده ما فيش حد في جمالها بس انت زي القرع: هههههه انت فظ -يع بتقلدها بالظبط : ما تزعليش من اللي عملته النهارده حقك عليا جميله حكت لي :ما تقلقش اخذت حقي لما رفضت اعمل مكياج لبنت خالتك :طب تعالي ننام بقى بكره اجازتي بعد ما نروح نبارك لمديحه هفسحك *فرحت زي العيال الصغيرة وقلت بحماسة :هتمشيني على النيل وتجيب لي دره مشوي

واذوق المره دي حمص الشام :هو ده كل اللي نفسك فيه : اه عشان خاطري *حضني وطبطب عليا بحنيه :حاضر بس كنت عايز نتعشى في مطعم شيك انا اخذت مبلغ كويس النهارده :لا هنحوشهم عشان لبس البيبي ومصاريف الولاده انت عارف احتمال ما اقدرش اولد طبيعي :بس كان نفسي تاكلي الاصناف اللي بتحبيها وبقى لك فتره مش بتاكليها :اي حاجه باكلها معاك ليها طعم ثاني وخصوصا وانت مهتم وكويس معايا مش محتاجه حاجه ثانيه

*اتبسط قوي من كلامي وخدني في عالم الاحلام بتاعنا * ثاني يوم فعلا خرجنا نبارك لمديحة وفسحني ... كانت فسحة بسيطة بس تجنن خصوصا أن محدش يعرف من اهله وروحنا بعدها على بيتنا *صحيت ثاني يوم مخض -وضه عندي احساس اني مخ -نوقه وان ممكن يحصل لي حاجه وانا بولد ... فقررت اكتب قصه حياتي واسيبها للبيبي اللي جاي عشان يتعلم وما يغل -طش غلط -تي ترى ايه هي حكاية دارين *ارتحت فعلا لفكرة اني اكتب قصتي وكانت كالتالي

*ابني حبيبي عارفه و حاسه انك ولد ما احنا مش معانا فلوس نعرف فيها نوعك بس احساس اي ام دايما صح *هحكي لك من اول مكان عندي 10 سنين اشمعنا عشان ده الوقت اللي اكتشفوا فيه مرضي *انا الصغيره على ولدين اكبر مني وكنت بلعب معاهم وكنت شقيه اوى زيهم ويمكن اكتر *بابا كان بيحبني وبقول لك ليه كان هتعرف بعدين وانا بحكيلك *بابا طبعه قاس -ي مش بياخدنا في حضنه بس كان بياخدني كثير جدا من وقت للتاني قبل ما يكتشف مرضي

*ماما اللي كانت بتحبني و حبتني اكثر وهو كرهن *لما كنت بلعب مع اخواتي وفجاه وقعت وبدا جسمي يرتجف وكأن كهربا ماسكه فيا شالوني و جريوا على المستشفى وهناك اكتشفوا ان عندي صرع وراثه من عيله بابا *ما تخافش يا حبيبي مش بيتنقل من الست لاولادها اصله انواع خليني اكمل لك *بابا بقى يا سيدي كره

-ني لان عمي كان حامل لنفس المرض وكان بيشوف النوبه بتاعته و يتكسف منه قدام الناس وانا بدوري هكسفه وهو دلوقتي رجل اعمال كبير فمنعني من الخروج واني اصاحب حد عشان ما تجيليش النوبه و يتف -ضح *بالرغم من ان ماما قالت لي ان هو بيحبني واللي بيعمله ده غص -ب عنه بس انا ما كنتش بصدقها لاني حسيت في فرق التعامل بعد ما مرضت اصله كان بيحبني اكثر من اخواتي ودلعني شويه وبعد المرض بعد قوي

*فضلت وحيدة في البيت ومش بروح المدرسه غير على الامتحانات ما هو بفلوسه كان بيتحكم في المدرسه *نوبة الصرع كانت بتجيلي من التوتر والخ -وف و الزعل الشديد بمعنى تاني الانفعالات الزياده عن اللزوم هي كانت السبب *فكنت قبل الامتحانات ببقى خاي -فه فكانت بتجيلي قبل ما اروح .... هههههه يقوم هو رافض اني اروح الامتحان و يسميني فاشله و ينجحني بفلوسه

*ماما بذلت مجهود معايا عشان تعرف المرض كويس و ازاي تتحكم فيه عشان اقدر اعيش حياتي زي باقي البنات .... لغايه لما وصلت لدواء مستورد وغالي لو حسيت ان النوبه جايه اخده بس لو جت قبل ما اخده ما بياثرش عليها *وصلت الجامعه وهناك اتعرفت على بنات وشباب وعملت صداقات كثير لاني كنت محرومه من الاصدقاء سنين طويله *كنت بروح الجامعه طبعا من غير بابا ما يعرف و بتحايل على ماما تخرجني وكنت بصعب عليها وخصوصا من معامله بابا اللي بيتمنى ام

-وت عشان يخلص مني قبل مرضي ما الناس تعرفه كانه وصمه ع -ار *في الجامعه اتصاحبت قوي على معاذ اصبح بالنسبه ليا اكثر من اخ هو الوحيد اللي ارتحت له *ده دلوقتي مطرب مشهور قوي وانا اللي شجعته عشان يحترف الغناء *من بدايه معرفتنا وضحت له انه بالنسبه لي اخ مش اكتر وان الجواز بالنسبه لي صعب وهو احترم ده *كانت صاحبتنا جومانا الثالثه بتاعتنا بس معزتها عند معاذ مش زي *هي حبيته وانا ساعدتها تقرب منه

: اسمع بس يا معاذ جومانا دي طيبه قوي فكر وشوف الجزء الحلو فيها:يا دارين انا لسه المشوار قدامي طويل غير ان بابا قال انه مسؤول بس عن تعليمي : ازاي مش معاه يجوزك ومعاه يدخلك جامعه خاصه : اه دخلني عشان مستقبلي لاني كنت بسقط كثير في ثانوي وانا بقى اكون نفسي بنفسي :طب لو انت معجب بيها صارحها بظروفك وهي لها حريه الاختيار :يعني انت لو جالك واحد امكانياته محدوده زيي هتوافقي :لو بيحبني وبحبه اه ليه لا

:انت عايشه في الاحلام معقول بنت رجل الاعمال الكبير تتجوز واحد فقير : هههههه واعمل زي افلام الابيض والاسود بس انت عارف ان موضوع الجواز متأجل شويتين بالنسبه لي :طب ينفع تكلميها و تجسي نبضها:هو انا دكتوره ايه اجس نبضها :قومي يا بت هتعملي نفسك بنت ناس ما انا بقى لي سنتين في الجامعه بفهمك اللغه :خلاص ما تزقش هكلمها

*العلاقه بيني وبين معاذ كانت مختلفه وكان دايما بيكلمني بلغه كنا بنسميها بيئه ودايما يعلمها لي وكنت ببقى مبسوطه وانا بتكلم معاه بالطريقه دي لانها حاجه مختلفه عليا هو كله على بعضه مختلف *رحت لجومانا وفاتحتها في الموضوع كانت مبسوطه انه معجب بيها و ارتبطوا فعلا *بدات تبعدني عنه لانه كان بيتكلم كثير معاها عني *احترمت غيرتها عليه وبقيت اخفف التعامل معاه *في اخر سنه ثالثه طلبت منه جومانا انه لازم يتقدم لها لان

ابن عمها طلب يتجوزها معاذ: ازاي يا جومانا هو انا مش فهمتك ظروفي من الاول هروح اقول ايه لباباك مش معايا جنيه اجيب بيه حتى دبله فضه :مش عارفه اتصرف :اتصرف ازاي :تعالى وانا همهد الموضوع مع بابا و اشرح له ظروفك بس المهم يعرف انك مش بتلعب بيا :خلاص هاجي لوحدي لو وافق اجيب اهلي مش معقوله اكسفهم لو والدك رفض *فعلا معاذ حدد ميعاد مع والدها قبلها بساعه اتصلت عليه :قابلني تحت البيت عندك يا معاذ انا مستنياك :ايه يا مجنونه ليه

:انزل بس هفهمك *نزل لقاني بدي له علبه شيكولاته غاليه وشيك ايه ده يا دارين :مش معقول هتدخل بأيدك فاضيه لازم حاجه محترمه عشان يحس انك جد :انت اجدع اخت عرفتها ما تسيبك من جومانا و نديها صابونه وتعالي نتجوز انا وانت : هههههه في حد بيتجوز اخته يا اهب يلا عشان اوصلك : يلا يا بت انا مش هنسى جميلك ده ابدا:جميل ايه المهم اما تبقى نجم كبير اوعى تنساني:شكله مش نافع الموضوع ده :لا هو انا ما قلت لكش لا خير

:واحد صاحب اخويا عنده استوديو كلمته من ورا اخويا طبعا و اخدت لك ميعاد بكره الساعه 10:00 هبعت لك العنوان اوعى تتاخر وجهز احلى اغنيه لو عجبته هيسجل على طول وتنزل على النت :ابوسك ولة اعمل ايه اوعي تكوني بتهزري :اكيد لا بس وعد اول ما تتشهر تعمل اهداء تقول الاغنيه دي ليكي يا (دي) : ايه (دي) ديت :دلعي عشان الناس ما تعرفش يبقى سيم بينا *صقف بايده : الله دارين بنت الناس بتقول سيم:انا بقيت اعجبك قوي يا معلم ....

وصلنا ابقى طمني *نزل و ندهت عليه :معاذ مهما يحصل هيبقى خير صدقني:عارف ومجهز نفسي لاي رد منهم *طلع معاذ استقبله والد جومانا وكان راجل حكيم سمعوا للاخر و اتكلم معاه بالعقل في حضور جومانا *فهمه انه مشواره طويل وحرام يظ -لمها و يسيبها مخطوبه لو وافق اقل شيء حوالي ست سنين على ما يقدر يكمل جوازهم *ولما فتره الخطوبه بتطول بتحصل مشاكل ممكن يفترقوا خلالها و هيبقى غ -لط على سمعتها لو سابها بعد فتره خطوبه طويله

*لو عنده استعداد يتجوز بعد التخرج هو موافق غير كده يبقى هيج -ني على مستقبل بنته *معاذ اعتذر ووعده انها بقت بالنسبه له زميله مش اكثر *اتصل عليا وحكى لي بس حسيت من نبره صوته ان مش زعلان : طب وفيها ايه هي اي عريس ترفضه و تستناك من غير خطوبه وخصوصا ان والدها قال انه مش هيضغط عليها انها توافق على ابن عمها :بس انا شفت في عينيها انها اقتنعت بكلام باباها وخلال كام شهر هتلاقيها اتخطبت لابن عمها: ارجوك ما تزعلش انا

السبب اقنعتك ترتبط بيها :لا انا كنت معجب بيها من الاول قبل ما تقولي انت بس حاولتي تقربي ما بينا : طب انسى اللي حصل وركز بقى في مشوار بكره وطلع كل احزانك ومشاعرك في الغنى :تعرفي ان موضوع بكره ده هيخفف عليا كثير : معاذ برده بكره مهما حصل هيكون خير :متاكد ان بكره ان شاء الله هيغير حاجات كثير خصوصا انه جاي من ناحيتك فانا متفائل جدا: هههههه طب ما موضوع جومانا كان جاي من ناحيتي : امشي يا بت انت قفيلة

*ثاني يوم ربنا عوض معاذ انه نجح و اغنيته اتسجلت وخلال كام شهر البلد كلها كانت بتحب اغنيته *وبرده خلال كام شهر كانت جومانا مخطوبه لابن عمها زي معاذ ما مكان متوقع